Chapter 149

🦊Arc 10 - သောကနှင့်ပြည့်နေသော audio dramaစက်ဝန်း

Chapter 149

10.2 - နည်းနည်းတော့မနာလိုဖြစ်မိတယ်

မုစစ်ချောင်အကြောင်း ဆက်ပြောရမည်ဆိုရပါက ဝမ်းရော့ယီးသည် သူနှင့်အတူ အသံဇာတ်လမ်းတွဲအသိုင်းအဝိုင်းကို ဝင်ခဲ့ပြီး နောက်ထပ် နတ်ဘုရားအဆင့် 

ထိတ်ထိတ်ကြဲတစ်ယောက် ဖြစ်လာခဲ့သည်။ 

အွန်လိုင်းဒရမ်မာကို အသံလွှင့်နေစဥ်အတွင်း ထုတ်လုပ်ရေးအတွက် သီချင်းဆိုပေးနေသော နျန်စစ်မုနှင့် အဆက်အဆံရှိခဲ့သည်။ နျန်စစ်မုအသံက ထိပ်တန်းအဆင့်ဖြစ်လေရာ နှစ်အနည်းငယ်အတွင်း သီချင်းဆိုရုံဖြင့် အသိုင်းအဝိုင်းထဲဝင်ဆံ့လာခဲ့၏။

ဝမ်းရော့ယီးက သူ့သီချင်းအများအပြားကို ရှာဖွေကာ နားထောင်ကြည့်ပြီးနောက် မုစစ်ချောင်အသံနှင့် အတော်လေးတူကြောင်း သိရှိသွားခဲ့သည်။

သိချင်စိတ်ပြင်းပြနေ၍ဖြစ်စေ၊ စာရေးဆရာက တမင်ထိုအတိုင်းဖြစ်အောင် စီစဥ်ခဲ့၍ဖြစ်စေ ဝမ်းရော့ယီးသည် နျန်စစ်မုနှင့် စတင်ရင်းနှီးလာခဲ့သည်။ 

အနှီသူ၏စရိုက်က အလွန်အမင်းသိမ်မွေ့ပြီး တစ်စုံတစ်ယောက်နှင့် မတော်တဆသိကျွမ်းခဲ့လျှင် ထောင်ချောက်ထဲရောက်လာအောင် ဆွဲခေါ်တတ်သည်။ နျန်စစ်မုသည် လူ့အသိုင်းအဝိုင်းနှင့်

မထိတွေ့ရသေးသော ကျောင်းသားမျိုးဖြစ်ပြီး မကြာမီပင် အဆိုပါ သိမ်မွေ့ပျော့ပျောင်းသော ထောင်ချောက်ထဲသို့ သက်ဆင်းသွားခဲ့တော့သည်။ သူ၏ပုံစံအမှန်ကို ထုတ်ပြခဲ့ပြီး ဝမ်းရော့ယီးနှင့် လူချင်းတွေ့ရန်လည်း လက်ခံခဲ့သည်။

ဝမ်းရော့ယီးက သူ့အသံအကြောင်းကို သိချင်၍သာ ခေါ်လိုက်ခြင်းဖြစ်ကြောင်း သိခဲ့လျှင် လူချင်းတွေ့သည့်အခါ သူထိတ်လန့်သွားလိမ့်မည်။ သူက မုစစ်ချောင်၏ညီလေးဖြစ်ကာ အသေအချာကြည့်လျှင် နျန်စစ်မု၏မျက်လုံးနှင့် 

ဘေးတိုက်ပုံများက မုစစ်ချောင်နှင့် အတော်လေးတူသည်ကို မြင်နိုင်လိမ့်မည်။

တခဏ အားနည်းသွား၍ဖြစ်နိုင်ပြီး အခြေအနေက ထူးဆန်းစွာပေါင်းစပ်သွား၍ ဖြစ်နိုင်လင့်ကစား ဝမ်းရော့ယီးက နျန်စစ်မုနှင့် ပတ်သတ်နေခဲ့သည့် အချိန်အတွင်း နှလုံးသားထဲတွင် အပြစ်ရှိစိတ်၊ စိတ်လှုပ်ရှားခြင်းနှင့် ပျော်ရွှင်မှုတို့ ရှိနေခဲ့သည်။

ပေါင်းသင်းနေသည့် အစပိုင်းတွင် နှစ်ယောက်သားက အတော်လေးပျော်ခဲ့ကြသည်။ အွန်လိုင်းပေါ်တွင်ဖြစ်စေ အပြင်တွင်ဖြစ်စေ နျန်စစ်မုသည် ကိုယ်ပိုင်ပျော်ရွှင်မှုကိုခံစားရသော်လည်း မတော်တဆတစ်ခုက မုစစ်ချောင်နှင့်တွေ့ရန်ဖြစ်လာခဲ့သည်.....

ဝမ်းရော့ယီးအပေါ် သူတုံ့ပြန်မှုများတိုးလာသည့်အခါ သူတို့အတွဲကို မထောက်ခံသည့်လူစုထံမှ အပြစ်တင်ရှုံ့ချမှုများ ပေါ်လာခဲ့သည်။ ဝေဖန်မှုများတက်လာသည့်တိုင် ဝမ်းရော့ယီးက သူတို့၏ပတ်သတ်မှုကို အတည်ပြုရန် ရည်ရွယ်ချက်မရှိသေး။ နျန်စစ်မုက စိတ်မကောင်းဖြစ်ရ၍

ဝမ်းရော့ယီးအား နှစ်သိမ့်ပေးရန် လိုက်ရှာခဲ့သည့်တိုင် မထင်မှတ်ဘဲ ဝမ်းရော့ယီးက မုစစ်ချောင်နှင့် အတူရှိနေခဲ့သည်။

ထိုအချိန်တွင် မုစစ်ချောင်က ဇာတ်လိုက် gong နှင့် တွဲနေပြီး ဝမ်းရော့ယီး ထိုသူအားကြည့်လာသည့်အချိန်တိုင်း ထိုသူသတိမထားနိုင်ခင် ဝမ်းနည်းခြင်းများနှင့်။ထိန်းချုပ်ထားမှုတို့က မျက်ဝန်းများထဲတွင် ရှိနေခဲ့သည်။ သူ့အားကြည့်လာတတ်သည့် မျက်ဝန်းများက နူးညံ့သည်ထက် ပိုခဲ့သည်။ နျန်စစ်မုက သူ့မျက်နှာထားအမျိုးမျိုးကို မြင်ခဲ့ဖူးသော်လည်း ထိုသို့သော နူးညံ့မှုမျိုးကို တခါမှမမြင်ခဲ့ဖူးချေ။

သူသည်ကား နှစ်ယောက်အကြားမှ ပတ်သက်မှုကို စတင်သံသယဝင်လာခဲ့သည် ထိုသူ၏နူးညံ့မှုအရ ဝမ်းရော့ယီးက မုစစ်ချန်ကို အမှန်တကယ်ပင် သဘောကျနေမှန်း နားလည်နိုင်၏။

ယင်းက သူသည်မုစစ်ချန်နှင့် တူညီနေကြောင်း ဝမ်းရော့ယီးမှ သတိပေးလိုက်ခြင်းပင်...

ထိုသို့သောကိစ္စမျိုးနှင့် ရင်ဆိုင်ရသည့်အခါ လမ်းခွဲရန် တုံ့ဆိုင်းမနေလျှင်ပင် စကားတော့များကြလိမ့်မည်၊ နျန်စစ်မုက ဒုတိယတစ်ခုကို ရွေးချယ်ခဲ့ပြီး စိတ်ကောက်ပြခဲ့သည်၊ မုစစ်ချောင်က သူ့နေရာသူသိသွားပြီး နှစ်ယောက်အကြားမှ ပျင်းစရာကောင်းသော ဆက်ဆံရေးက အလင်းစလေးရလာခဲ့သည်။

ကံဆိုးသည်မှာ ထိုအလင်းရောင်ရောက်လာသည့်အချိန်က မှားနေခဲ့သည်။

နျန်စစ်မုသည်ကား အချစ်ငတ်နေသူ။ ကလေးဘဝတည်းမှ ယခုအချိန်အထိ မေတ္တာငတ်နေခဲ့၍ သူ့ဘဝတွင် နေခြည်တန်းလေးနှင့်တူသော ဝမ်းရော့ယီးကို စိတ်ရင်းဖြင့် မျှော်လင့်ခဲ့မိသည်။ သူ့အတွက် အရေးကြီးဆုံးသူကသာ သူ့ကို အစားထိုးအနေဖြင့် သတ်မှတ်ခဲ့ပြီး ၎င်းကလည်း သူနှစ်များစွာကြာအောင် မတွေ့ခဲ့ရသော သူ့အစ်ကိုကြီးနေရာ ဖြစ်နေခဲ့သည်။

ယင်းက သူ၏ထိခိုက်လွယ်သောစိတ်ကို အဖန်ဖန်သတ်သေမိအောင် တွန်းအားပေးခဲ့သည်။ မုစစ်ချောင်နှင့် ဝမ်းရော့ယီးအကြားမှ ကြိုးစားယူရသည့်ဆက်ဆံရေး၊ ယောကျ်ားလေးဇာတ်ကောင်ဖြစ်နေလျှင်ပင် အထင်လွဲမှုများ ဖန်တရာတေအောင် ဖြစ်လာသည့်နောက်ပိုင်း လေးယောက်အကြားမှ ဆက်သွယ်မှုများက အဆုံးသတ်သို့ရောက်လာခဲ့သည်။

ဇာတ်လမ်းအဆုံးတွင် သူသည် စိတ်ရောကိုယ်ပါပင်ပန်းခဲ့ပြီး လမ်းခွဲရန်ရွေးချယ်ခဲ့သည်။ သူနှင့်ဝမ်းရော့ယီးအကြားမှ အရာအားလုံးကိုအဆုံးသတ်ခဲ့ပြီး မြို့မှထွက်ခွာသွားခဲ့သည်။ နောက်ဆုံးတွင်မူ ခရီးသည်တင်ဘတ်စ်ကား မတော်တဆမှုထဲတွင် ပါသွားခဲ့သည်။

အဆုံးသတ်ကပြတ်သားလှ၏။ သူမသေခင်တွင် နှစ်ကြိမ်ဖုန်းခေါ်ခဲ့သည်၊ တကြိမ်က သူ့အစ်ကိုကြီးမုစစ်ချောင်ထံ တောင်းပန်စကားပြောရန် ဖုန်းခေါ်ခဲ့သည်။ ဝမ်းရော့ယီးထံဖုန်းခေါ်ခဲ့သေးသော်လည်း ပြောစရာစကားမရှိ။ ဝမ်းရော့ယီးက ဖုန်းမကိုင်ခဲ့သောကြောင့် သူအသံဖိုင်ဖွင့်လိုက်ချိန်တွင် လူငယ်လေးကကွဲအက်နေသည့်အသံဖြင့် သူ့အားအသနားခံတောင်းပန်နေသံကိုသာ ကြားခဲ့ရသည်။

နျန်စစ်မုသေသွားသည့်အခါ ဝမ်းရော့ယီးမှာ သူ့မှတ်ဉာဏ်များထဲမှ ထိုလူငယ်လေးကို အမိအရ မှတ်သားထားခဲ့ပုံရသည်။ မုစစ်ချောင်က ဇာတ်လိုက် gong နှင့်လမ်းခွဲသွားခဲ့သည်၊ ထို့နောက် မြို့ထဲမှထွက်သွားပြီး ကမ္ဘာအနှံ့ခြေဆန့်သွားခဲ့သည်။ ဇာတ်လိုက် gong ကမူ မြို့တွင်ကျန်ရစ်ခဲ့ပြီး မုစစ်ချောင် ပြန်အလာကို စောင့်မျှော်နေခဲ့သည်။

ရွှယ်လင်သည် အဆိုပါ ဝမ်းနည်းစိတ်ပျက်ဖွယ်ဇာတ်လမ်းကို အဆုံးအထိဖတ်ပြီး စနစ်ကို အမူအရာမဲ့စွာဖြင့် ကြည့်လိုက်လေ၏။ 

စနစ်က အမြတ်ကြီးစားရသလို ခေါင်းညိတ်ပြသည်။ "မင်းမှန်းတာမှန်တယ်...သူကဝမ်းရော့ယီးပဲ...."

ရွှယ်လင်သည်ကမ္ဘာကို ကူးပြောင်းလာချိန်တွင် ဝမ်းရော့ယီးထံ၌ သူနှင့်အင်မတန်တူသော သူငယ်ချင်းတစ်ယောက်ရှိကြောင်း နျန်စစ်မုသိသွားချိန် ဖြစ်နေလေသည်၊ ထို့အပြင် သူ့သူငယ်ချင်းအပေါ်ထားသည့် သဘောထားမှာလည်း မသဲကွဲချေ။  

အွန်လိုင်းပေါ်မှ အမုန်းပွားသူများက သူ့အား ရွှေပေါင်ကြီးဖက်ထားသည်ဟူ၍ စွပ်စွဲကြခြင်းက အဓိကအချက်ဖြစ်သည်။ သူသည် နှစ်နှစ်တိုင် အွန်လိုင်းပေါ်တွင် သီချင်းဆိုခဲ့ပြီး သူ၏ရပ်ဝန်းလေးမှာလည်းသေးငယ်လွန်းလှသည်။ ဝမ်းရော့ယီးကဲ့သို့ နတ်ဘုရားအကြီးစားမဟုတ်၍ ပရိသတ်အင်အားလည်းသိပ်မရှိ၊ အားလုံးက သူ့အား Weibo ပေါ်တွင်ဆဲရေးကြတော့သည်။ နျန်စစ်မုသာ ဆက်တောင့်ထားနိုင်ခဲ့သည်ရှိသော် စိတ်သက်သာရအောင် ဝမ်းရော့ယီးကို သွားရှာခဲ့မည်မဟုတ်ချေ။

သို့သော်လည်း ယင်းနှင့်တူသော အဖြေသာရလာခဲ့သည်။ မူလဇာတ်လမ်းထဲတွင် နျန်စစ်မုသည် ရက်အနည်းငယ်ခန့် စိတ်ဓာတ်ကျနေခဲ့ကာ အမုန်းပွားသူများကလည်း သူ့မျက်နှာကိုပင်မပြရဲတော့ကြောင်း တခဏခန့်အပုပ်ချကြတော့၏။ သူသာ နာမည်ကြီးချင်လာခဲ့လျှင် ထိုလူများက ရေပန်းစားသည့်သတင်း ဖြစ်လာသည်အထိ မုန်းနေကြရော့မည်။

ဝမ်းရော့ယီးမှာ စစ်မုချောင်ကို ကူညီပေးစရာကိစ္စများကြောင့် ရက်ပိုင်းခန့် လိုင်းပေါ်မတက်ဖြစ်ခဲ့ချေ။ သူသည် အမြဲကိုယ်ရေးကိုယ်တာသတင်းများကို ကန့်သတ်ထားခဲ့သောကြောင့် အွန်လိုင်းမန်နေဂျာက သူ့ကိုစိတ်တိုအောင်လုပ်မနေတော့ဘဲ ထိုကိစ္စလောက်ကို ဂရုစိုက်နေမည်မဟုတ်လောက်ဟု ယုံကြည်ထားခဲ့သည်။ ထို့ကြောင့် ကိစ္စများကို ရှုပ်ထွေးအောင်လုပ်ရန် မကြိုးစားနေတော့ချေ။ ၎င်းက ဝမ်းရော့ယီး အွန်လိုင်းပေါ်ရောက်လာပြီး ဖြစ်နေသမျှအကြောင်းကို သိသွားချိန်အထိပင်ဖြစ်သည်။ သူကပ်နေသော ချစ်သူကောင်လေးရှိနေသေးကြောင်း သတိရသွားသည်နှင့် အပြေးအလွှား သွားရှာရတော့၏။

သို့ထိတိုင် နျန်စစ်မုမှာ သူကအစားထိုးတစ်ယောက်ပင်ဖြစ်ကြောင်း သိနေခဲ့ပြီ။ 

သူသည်ကား ပေါက်ကွဲနေခဲ့ပြီး ဝမ်းရော့ယီးနှင့် အကြီးအကျယ်စကားများကာ မုစစ်ချောင်၏ အတန်းအချိန်ဇယားကို ကြည့်ပြီးနောက် သွားရှာခဲ့သည်။ မုစစ်ချောင်၏အတန်းကိုမွှေနှောက်လုနီးပါးပင် ဖြစ်ခဲ့သည်။ ဝမ်းရော့ယီးသာ သူ့အား အချိန်မီဆွဲမထုတ်နိုင်ခဲ့ပါက ထိုကိစ္စကို တစ်ကျောင်းလုံး သိသွားပေတော့မည်။

ရွှယ်လင်သည် ဇာတ်လမ်းထဲသို့အချိန်ကိုက်ရောက်လာခဲ့ပြီး သူ့ခန္ဓာကိုယ်ကအားနည်းနေကာ မျက်လုံးများနီရဲနေရသည့် အကြောင်းအရင်းကို သိသွားခဲ့သည်။

၎င်းမှာငိုရလွန်း၍ ပေါက်ထွက်တော့မည့် အနေအထား ဖြစ်နေခဲ့သည်ကိုး....

သူသည် မှန်အရှေ့တွင်ရပ်ရင်း မှန်ထဲမှသူ့ပုံရိပ်ကို အံ့ဩတကြီး ကြည့်နေလိုက်မိ၏။ သူသည်ကား စနစ်ကို စူးရွှမ့်ယန်အားခက်ခဲအောင်လုပ်ရန် အတော်လေး ခက်ခဲသွားမည့်အကြောင်း ပြောလိုက်ချင်သွားသည်။ သူ့အရှေ့မှလူငယ်လေးမှာ ငါးဆယ်၊ ခြောက်ဆယ်ရာခိုင်နှုန်းလောက်က သူ၏ အစစ်အမှန်ပုံစံနှင့်တူနေခဲ့သည်။ မျက်လုံးသာထပ်ပေါင်းလိုက်ပါက ခုနစ်ဆယ်မှ ရှစ်ဆယ်ရာခိုင်နှုန်းပင်။ 

ထိုလူသာ ဤကမ္ဘာမှဇာတ်လိုက်နှင့် အမှန်တကယ် ချစ်ကြိုက်သွားခဲ့သည်ရှိသော် စနစ်က သူ့ဝိညာဥ်ခြိမ်းခြောက်ခံရမှုကို အကြောင်းပြနိုင်ပြီး ဇာတ်လိုက်နှင့် တူလွန်းနေသည့်အချက်က စုရွှမ့်ယန်ကို လူမှားစေလိမ့်မည်။

ရွှယ်လင်မှာ လူမှားခံရမည့်အရေးကို လက်မခံလိုပါချေ။ ဤကမ္ဘာ၏ဇာတ်လမ်းတွင် အမြှောက်စာဖြစ်မည့် လူနှင့်လည်း ပတ်သတ်ရန်အချိန်မရှိ။ ဇာတ်လိုက်နှစ်ယောက်၏ ကံကြမ္မာကိုပြောင်းရန် အရေးပေးစဥ်းစားရတော့၏။

စနစ်ကသူ့ကို သဲလွန်စအနည်းငယ်ခန့် ပေးလာသည်။ "တကယ်တော့ ကမ္ဘာက host ကိုအားလပ်ရက်ပေးဖို့ရွေးထားတာ...host ရဲ့ပုံစံအစစ်က ဇာတ်လမ်းကိုပြောင်းဖို့ အဓိကသော့ချက် ဖြစ်နေတယ်လေ..."

ရွှယ်လင်က ရုတ်တရက်နားလည်သွားသည့်နှယ် မျက်ခုံးပင့်ပြသည်။ သူ့မျက်လုံးက ငိုရလွန်း၍ ရောင်ကိုင်းနေစေကာမူ အလှလေးကအလှလေးပင်၊ သူ၏လှုပ်ရှားမှု တစ်ချက်စီတိုင်းက စံထိပ်ခေါင်တင်အလှလေး အမျိုးအစားပင်။ 

"မင်းပြောချင်တာက ငါသာဝင်မရှုပ်ဘဲ ဇာတ်လိုက် gong နဲ့ shou ကိုဒီအတိုင်း happy ending ဖြစ်အောင် လုပ်ပေးလိုက်ရင်ရပြီပေါ့?"

"ဟုတ်တယ်...ပြီးတော့...ဇာတ်သိမ်းကကောင်းတာမဟုတ်ဘူးလေ...လူတိုင်းကသာပျော်နေရင်...သူတို့ကံကြမ္မာလည်း ပြောင်းသွားမှာပေါ့...ဒါမှမဟုတ် host မကြိုက်ရင်လည်း ဇာတ်လိုက် gong ကိုကန်ထုတ်ပြီး အစ်ကိုကြီးအတွက် နောက်တစ်ယောက်ရှာပေးလိုက်ပေါ့..."

ရွှယ်လင်၏နှုတ်ခမ်းက ဆတ်ကနဲတွန့်သွားပြီး ပြန်ပြောလိုက်၏။ 

"နေတော့...ငါ့မှာအဲဒီလောက်အထိ အချိန်တွေပိုမနေဘူး...သူတို့အချင်းချင်း စိတ်ဝင်စားနေရင်လည်း ထားလိုက်ပါတော့...လွှတ်ပေးလိုက်တော့မယ်...နောက်တစ်ယောက် သွားရှာရတော့မှာပေါ့..."

"ဘယ်လိုပဲဖြစ်ဖြစ် အားလပ်ရက်ပဲဟာ...host သာပျော်ရင်ပြီးတာပဲ...အရေးကြီးတာက အဲဒီလူကို ဒုက္ခပေးဖို့ အကြောင်းပြချက်ကောင်းကောင်း ရှာရမှာ..."

ရွှယ်လင်ကရယ်ပြီး စနစ်၏အချစ်နှင့် ဂရုစိုက်မှုများကို လက်ခံလိုက်သည်။ ထို့နောက် မျက်နှာသစ်ပြီး လန်းဆန်းသွားအောင် လုပ်လိုက်သည်။

နျန်စစ်မု၏ အွန်လိုင်းအမည်က 'အရုဏ်ဦးချစ်သူ' ပင်။ သူ၏ပရိသတ်များက သူ့အား ချစ်သူဟုခေါ်ကြသည်။ ပုံမှန်ဆိုလျှင်သူသည် သူလုပ်ထားသည့်စားစရာ သို့မဟုတ် Weibo တွင်ဆိုထားသည့် သီချင်းများကို ဓာတ်ပုံရိုက်ပို့ခြင်းအား နှစ်သက်တတ်ပြီး ပရိသတ်များကလည်းသူ့အား

အားပေးကြသည်။ အမုန်းပွားသူများ၏ ပြင်းထန်မှုကြောင့် သူ၏ပရိသတ်များမှာ ကြောက်လွန်း၍ တုန်နေခဲ့ကြသည်။ အများစုက အစမပျိုးကြသောကြောင့် ပရိသတ်ခေါင်းဆောင်များကလည်း ထွက်မလာကြဘဲ အမုန်းပွားသူများကို မျက်နှာတိုက်ရိုက်မပြကြချေ၊ ထို့ကြောင့် သူမှတ်ချက်များကိုဖွင့်ကြည့်သည့်အခါ မေးခွန်းများက တသီတတန်းကြီးထွက်လာတော့သည်။

ရွှယ်လင်သည် လူများကိုဆဲနည်းအသစ် သိသွားသည့်အခါ အလွန်အကျွံအားစေးမိသွားလေ၏။

သူသည်ကား တဖက်လူ၏ခေါင်းပေါ်သို့ သာအပြစ်များကို ပုံချပစ်လိုက်ပြီး အွန်လိုင်းမှစကားပြောနေရာကို ဖွင့်ကြည့်လိုက်သည်။ ပထမတွင် စကားပြောအဖွဲ့ထဲမှ မိန်းကလေးများကို နှစ်သိမ့်ပေးပြီး ကောင်းကောင်းလုပ်နိုင်ခဲ့၍ချီးကျုးပေးလိုက်ကာ အစုတ်အပြတ်မှတ်ချက်များကို ရီပို့တင်ခိုင်းလိုက်သည်။

မိန်းကလေးပရိသတ်များမှာ 'အရုဏ်ဦးချစ်သူ' ပေါ်လာမည့်အချိန်ကို စောင့်နေခဲ့ကြပြီး သူတို့ကိုနှစ်သိမ့်ပေးစေချင်ခဲ့သည်။ အဖွဲ့၏ host က သူတို့အရှေ့တွင်ချစ်စရာကောင်းသည့်ပုံစံ သရုပ်ဆောင်ပြနေလျှင်ပင် သူတို့ထက်ပို၍ တည်ငြိမ်နေလိမ့်မည်ဟုတော့ မမျှော်လင့်ခဲ့ကြပေ။ Host ၏လုပ်ရပ်ကြောင့် သူတို့နှလုံးသားလေးက တလှပ်လှပ်ဖြစ်သွားကြရင်း သူက အံ့ဩစရာကောင်းကြောင်း၊ အတော်ဆုံးပင်ဖြစ်ကြောင်း တယောက်ပြီးတယောက်ချီးကျုးကြကာ သူပြောသည့်အတိုင်းလုပ်ကြတော့သည်။

ရွှယ်လင်သည် တစ်ညနေလုံး သူဆိုထားသမျှသီချင်းများကို နားထောင်နေခဲ့ပြီး သူရပ်လိုက်ချိန်တွင် မိုးချုပ်နေပြီဖြစ်သည်။

သူကိုယ်တိုင်ပင် ချက်ပြုတ်စားသောက်ပြီးနောက် ဤကမ္ဘာပေါ်မှ ခြိမ်းခြောက်မှုကို တုံ့ပြန်ပြီး အန္တရာယ်ပေးနိုင်မည့် သံစဥ်အချို့အကြောင်းကို စဥ်းစားကြည့်လိုက်သည်။ 

ဤလူ၏အသံက ထိပ်တန်းအဆင့် ဖြစ်နေသည်။ မူလ ကိုယ်က စကားပြောရာတွင် အသံကိုထိန်းထားတတ််ပြီး သူ့အသံကသိမ်မွေ့ကာ နှစ်လိုဖွယ်ကောင်းလေသည်။ အမြန်ပြောသည့်အချိန်တွင်လည်း စိတ်လှုပ်ရှားကောင်းတတ်သည်။ သီချင်းဆိုလိုက်ချိန်တွင်လည်း ကွဲပြားသွားပြန်ပြီး ယောကျ်ားပီသကာ သီချင်းထဲမှ စိတ်အားထက်သန်မှုများ ထွက်ပေါ်လာတတ်သည်။ ယင်းမှာ 'စကားပြောလိုက်သည်နှင့် ဒူးထောက်ကျသွားစေလောက်မည့်' အံ့ဖွယ်အသံပင် - သူစကားပြောသည့်အတိုင်း သီချင်းဆိုခြင်းဖြစ်ကြောင်း ပြောရန် လမ်းစမရှိချေ။

ကံဆိုးစွာဖြင့်သူသည် အပျော်တမ်းအဆိုရှင်တစ်ယောက်အဖြစ်သာ ရှိနေသေး၏။ သူ၏စွမ်းရည်လယ်ဗယ်က မမြင့်သောကြောင့် တခါမှနာမည်မကြီးချေ။ သူ့ခမျာ အွန်လိုင်းတွင် channel ထောင်ပြီး ဆိုချင်သည့်အချိန်တွင်သာ ကောက်ဆိုခဲ့ရသည်။ နှစ်နှစ်လုံး အပျော်တမ်းအဆိုရှင်အဖြစ် ပျော်မွေ့နေခဲ့၏။ ထိုအချိန်က ဝမ်းရော့ယီးသာ ပေါ်မလာခဲ့လျှင် သူ၏ Weibo က ပုံမှန်အတိုင်းဖြစ်နေပြီး ရှုပ်ထွေးသွားခဲ့မည်မဟုတ်။

ဝမ်းရော့ယီ ဝင်လာသည်ကပင် ဆိုးလွန်းနေပြီ။ ကံဆိုးသည်မှာ ရွှယ်လင်သည်လည်း သူ့ကို ဆွဲဖြဲ၍မရပြန်ပေ။

ဝမ်းရော့ယီး၏ အင်တာနက်အမည်မှာ 'လူချောလေးများ၏အရုဏ်ဦး' ဖြစ်ပြီး မုစစ်ချောင်၏ 'စိတ်ကူးယဥ်အရုဏ်ဦး' နှင့်အတွဲအစပ်မိသည်။ နှစ်ယောက်လုံးက ထိုလောကထဲသို့ အတူဝင်လာခဲ့ကြသည့် သူငယ်ချင်းကောင်းများဖြစ်ကြပြီး အဖွဲ့ကလည်း သူတို့အတွဲကို အရိပ်အခြည် ပေးခဲ့ကြသောကြောင့် အွန်လိုင်း CP ဖန်များအကြားတွင် 

မုစစ်ချောင်တို့က တတွဲတွဲဖြစ်နေခဲ့ကာ ဝမ်းရော့ယီးကလည်း လက်ရှိအနေအထားကို ဆက်ထိန်းထားခဲ့သည်။

ပရိသတ်များ၏ ပြောစကားအရ မုစစ်ချောင်၏ အနောက်နန်းတော်မှ ဝင်လာသူများမှာ မရေတွက်နိုင်အောင်ရှိပြီး ဝမ်းရော့ယီးနေရာကိုမူ မည်သူကမှရမည်မဟုတ်ပေ။

 မုစစ်ချောင်က ထိုကိစ္စနှင့်

ပတ်သတ်ပြီး တခါမှထုတ်ဖော်ပြောခြင်း မရှိသည့်တိုင် ဝမ်းရော့ယီးကမူ သူတို့သဘောအတိုင်း ထင်ချင်သလိုထင်ခိုင်းထားခဲ့သည်။