Chapter 61

Volume 2 : နှစ်ယောက်တွဲဖြတ်ကျော်ခြင်း

Chapter 61 (3 of Spades – ငွေကြေးအကျပ်အတည်း ၂၁၊ အဆုံးအဖြတ်ပေးသောအခိုက်အတန့်)

ငါးရက်မြောက်နေ့၊ ညဉ့်နက်၌။

လွတ်မြောက်လာသော အကျဉ်းသားများအဖွဲ့သည် လမ်းများပေါ်တွင် အချိန်တိုအတွင်း အကြမ်းဖက် ဖြိုခွင်းခဲ့သည်။ ပစ္စည်းများ များများစားစား မရှိသဖြင့် မြို့ခံအများစုသည် ပြင်ပအန္တရာယ်အတွက် စိုးရိမ်သဖြင့် တံခါးနှင့် ပြတင်းပေါက်များကို သော့ခတ်ထားကြသည်။ အကျဉ်းသားများသည် ခိုးယူရန် နေထိုင်သူများ၏ နေအိမ်များသို့ မဝင်ရောက်နိုင်ပေ။

သူ့မျက်နှာမှာ အမာရွတ်ရှိသော ခေါင်းဆောင်က ပြောလိုက်သည်။ 

"ဆင်ခြေဖုံးက ဆောက်လုပ်ရေးဆိုက်မှာ နိုင်ငံခြားသားအုပ်စုရှိတယ်… စားစရာတွေ အများကြီးရှိနိုင်တယ်"

တစ်စုံတစ်ယောက်က မေးသည်။

"ဒါကို မင်းဘယ်လိုသိတာလဲ" 

သူ့မျက်နှာမှာ ထူးဆန်းသော အပြုံးတစ်ခု ပေါ်လာပြီး ပြန်ဖြေသည်။

"ငါ့သူငယ်ချင်းတစ်ယောက်က ငါ့ကိုပြောတာ"

သူက ရိုးရိုးရှင်းရှင်း သူ့လက်ကို ဝှေ့ယမ်းလိုက်သည်။

"ဒီနိုင်ငံခြားသားတွေကို ရှင်းဖို့အတွက် အမှောင်ထုကို အခွင့်ကောင်းယူပြီး ဆောက်လုပ်ရေးဆိုက်ကိုသွားမယ်"

လူငယ်နှစ်ဦးသည် အုပ်စုနောက်တွင် ခေါင်းငုံ့နေကြသည်။ ထိုစကားကိုကြားပြီးနောက် ဖြူဖျော့နေသောလူငယ်တစ်ဦးက သူ့အဖော်နားသို့ တိုးတိုးလေးပြောလိုက်သည်။

"သူတို့က နိုင်ငံခြားသားတွေလို့ပြောနေတာ စိန်ခေါ်သူတွေကို ရည်ညွှန်းနေတာလား… ငါတို့ ဘာလုပ်ကြမလဲ… တကယ်လို့ ငါတို့က စိန်ခေါ်သူတွေဖြစ်တာကို သူတို့သိသွားရင် ငါတို့က တစ်စစီသတ်ဖြတ်ခြင်းခံရမှာလား"

အခြားလူကလည်း ဖြူဖျော့သောမျက်နှာဖြင့် ဆိုသည်။

"မပြောနဲ့… ဘာပဲဖြစ်ဖြစ် ငါတို့ကို သူခိုးအဖြစ် ရဲတွေက ဖမ်းထားတာဆိုတော့ သူခိုးယောင်ဆောင်ပြီး ဆက်သွားမယ်"

သူတို့နှစ်ဦးသည် ဖြစ်စဉ်ကိုရှင်းလင်းရန် ကြိုးပမ်းမှုဖြင့် ထောင်ခုနစ်ရက်ကျဖို့ LCD TV ခိုးယူသွားသူများဖြစ်သည်။

ရလဒ်ကတော့ အကျဉ်းသားများကို အစာမကျွေးတော့တာ တစ်ရက်ရှိပြီ။ အကျဉ်းထောင်စောင့်များက စုပေါင်းခွင့်ယူသွားသည်ဟု ဆိုသည်။ လူနှစ်ယောက်သည် နောင်တဖြင့် သံတုံးများကို စိုက်ကြည့်ကာ အချုပ်ခန်းထဲတွင် ငတ်သေမည်ဟု ထင်ခဲ့ကြသည်။ ငါးရက်မြောက်နေ့မှာ အကျဉ်းသားတွေ ထောင်က တကယ်လွတ်လာမယ်လို့ မမျှော်လင့်ထားဘူး။

အလှည့်အပြောင်း လှိုင်းလုံးကြီးပြီးနောက် သူတို့နှစ်ဦးသည် အကျဉ်းသားများဖြင့် ရောနှောကာ ထောင်မှ ထွက်လာခဲ့သည်။

လမ်းတလျှောက်မှာ ဒီအဖွဲ့ဟာ မစဉ်းစားဘဲ လူတွေကို သတ်ပစ်ခဲ့သည်။ စိန်ခေါ်သူ နှစ်ဦးစလုံးသည် ကြောက်လန့်ပြီး ရုန်းထွက်ရန် အခွင့်အရေးကို ရှာဖွေချင်သော်လည်း ရှာမတွေ့ခဲ့ကြပေ။

အမာရွတ်ရှိသူက သူခိုးနှစ်ယောက်ကို ဂရုမစိုက်ဘူး။ ဒီလူနှစ်ယောက်က သတ္တိမရှိလို့ ဘယ်သူ့ကိုမှ မသတ်ခဲ့ဘူးလို့ သူထင်ခဲ့သည်။

သူသည် အားလုံးကို ဆောက်လုပ်ရေးဆိုက်သို့ ခေါ်ဆောင်သွားပြီး အဝေးမှ သုံးထပ်တိုက်ကို ငေးကြည့်နေသည်။

အဆောက်အဦးအတွင်း မီးမွှေးနေပြီး ခေါက်ဆွဲခြောက်ပြုတ်အနံ့များ ပျံ့လွင့်နေသည်။ အကျဉ်းသားတွေက သွားရည်ကျပြီး ပြောလိုက်သည်။

"သူဌေး၊ ဒီမှာ လူတွေ တကယ်ရှိနေတယ်"

"သူတို့က ချက်ပြုတ်နေကြတယ်… သူတို့မှာ အသင့်စားခေါက်ဆွဲတွေ အများကြီးရှိရမယ်"

အမာရွတ်ရှိသူက သူ့နောက်ကို လှမ်းကြည့်သည်။ 

"လမ်းကိုဘယ်သူသွားရှာမှာလဲ"

မျက်နှာဖြူဖျာ့နေသော 'သူခိုး' နှစ်ယောက်သည် ဖုံးကွယ်ရန် ခေါင်းငုံ့ထားကြသည်။ အမာရွတ်ရှိသူက မျက်ခုံးပင့်လိုက်ပြီး ပြောသည်။ 

"မင်းတို့သွားလိုက်"

လူနှစ်ယောက်က ထိတ်လန့်သွားသည်။ "ကျွန်တော်တို့လား"

အမာရွတ်ရှိသူက သူတို့နှစ်ယောက်ကို တွန်းလိုက်သည်။ "ထောင်ချောက်တွေရှိမရှိကြည့်ဖို့ ဝင်သွားလိုက်"

သူတို့ကို ပစ္စည်းများအဖြစ် သိသာစွာစွာ အသုံးပြုခဲ့သည်။ စိန်ခေါ်သူနှစ်ဦးသည် တစ်ယောက်ကိုတစ်ယောက်ကြည့်ကာ ဆောက်လုပ်ရေးဆိုက်ထဲသို့ သတိကြီးစွာ ခိုးဝင်သွားကြသည်။

***

ယခုအချိန်တွင် ဆောက်လုပ်ရေးဆိုက်၏ တတိယထပ်၌

တယ်လီစကုပ်ဖြင့် စောင့်ကြည့်နေသော မိန်းကလေးက ချက်ချင်းပြောသည်။ "ရှောင်ယဲ့၊ လူတစ်စုကို အဝေးမှာ တွေ့လိုက်တယ်… သူတို့ထဲက နှစ်ယောက်က ဆောက်လုပ်ရေးဆိုက်ဘက်ကို လာနေတယ်" သူမသည် ပုံကိုချဲ့ကြည့်ပြီး သေသေချာချာကြည့်ကာ ပြောလိုက်သည်။ "သူတို့ကို နည်းနည်းရင်းနှီးနေပုံပဲ"

ရှောက်ချင်းကော်က ပြောလာသည်။

"ငါ သူတို့ကို မြင်ဖူးတယ်… သူတို့က ငါ့ရဲ့ဟိုတယ်မှာ တည်းခိုပြီး ပထမညမှာ ပစ္စည်းတွေ ခိုးယူခံရတဲ့ စိန်ခေါ်သူနှစ်ယောက်ပဲ"

သူသည် အချက်အလက်ကို ယွီဟန်ကျန်းနှင့် ရှောက်လုံတို့ထံ ပေးပို့ခဲ့သည်။

ယွီဟန်ကျန်းက လျင်မြန်စွာ ပြန်ပြောခဲ့သည်။

 "သူတို့က LCD TV ကို ခိုးယူပြီး ရဲတွေ ခေါ်ဆောင်သွားတဲ့ လူနှစ်ယောက် ဖြစ်နိုင်တယ်"

ရှောက်လုံ: "…"

တိုက်ဆိုင်လိုက်တာ…

အဖွဲ့ခေါင်းဆောင်ယွီသည် အလှဆင်ဈေးသို့သွားကာ LCD TV ကို လုယက်ရန်ကြိုးစားသော ထူးဆန်းသော စိန်ခေါ်သူနှစ်ဦးနှင့် ကြုံတွေ့ရပြီး ရဲများ၏ ဖမ်းဆီးခြင်းကို ခံခဲ့ရသည်။ ယွီဟန်ကျန်းက သူတို့သည် သူတို့၏ ဖြစ်စဉ်များကို ရှင်းလင်းရန် ထောင်ထဲတွင် နေရခြင်းကို အားကိုးလိုကြောင်း မှတ်ချက်ပေးခဲ့သည်။ သူတို့၏ အတွေးက တကယ့်ကို ထူးဆန်းပါသည်။

လွတ်မြောက်လာသော အကျဉ်းသားတွေနဲ့အတူ ဒီလူနှစ်ယောက် ပြေးထွက်လာမယ်လို့ မမျှော်လင့်ထားဘူး။

ယွီဟန်ကျန်းက တိုးတိုးလေးပြောလိုက်သည်။

"မင်း သူတို့ကို ကယ်ချင်လား"

ရှောက်လုံက ခေါင်းငြိမ့်ပြပြီး ယွီဟန်ကျန်းသည် လူနှစ်ယောက်နောက်သို့ လျင်မြန်စွာ ရွေ့လျားသွားပြီး လက်နှစ်ဖက်ကို နောက်သို့ သွက်သွက်ခါအောင် လိမ်လိုက်သည်။ ရှောက်လုံက သူတို့ပါးစပ်ကိုအုပ်ပြီး တိုးတိုးပြောလိုက်သည်။

"ဘာအသံမှ မထွက်နဲ့… ဒါက စိန်ခေါ်သူ အခြေစိုက်စခန်းပါ"

သူတို့နှစ်ယောက်လုံး ချက်ချင်းဖမ်းမိပြီးနောက် ထိတ်လန့်တုန်လှုပ်သွားကြသည်။

ယွီဟန်ကျန်းက သူတို့ကို အမှောင်ထောင့်တစ်ခုဆီ အမြန်ခေါ်သွားပြီး လူနှစ်ယောက်၏နားများထဲပြောလိုက်သည်။

"ဒီဆောက်လုပ်ရေးဆိုက်မှာ ထောင်ချောက်တွေ ပြည့်နှက်နေပြီး အိမ်ခေါင်မိုးမှာ သေစေလောက်တဲ့ လက်နက်ကတ်တစ်ခုပါရှိတယ်… အသက်ရှင်ကျန်ရစ်တဲ့ စိန်ခေါ်သူများကို ဒီနေရာမှာ စုရုံးပြီး ဒီလူဆိုးလူမိုက်အုပ်စုကို ရှင်းလင်းဖို့ ရည်ရွယ်ထားတာ… မင်းတို့နှစ်ယောက်က ထောင့်တစ်နေရာမှာနေပြီး လျှောက်မသွားကြနဲ့၊ မဟုတ်ရင် မင်းတို့ ထောင်ချောက်တွေထဲ ဖမ်းမိပြီး စိတ်ဆင်းရဲစွာ သေဆုံးသွားလိမ့်မယ်"

ထို့နောက် သူသည် ကာကွယ်ဆေးကိုထုတ်ကာ လူနှစ်ဦးကို လက်မောင်းတွင် ထိုးခဲ့သည်။

အေးစက်သောအရည်ကို သွေးကြောထဲသို့ ထိုးသွင်းလိုက်ပြီး တစ်ဖက်လူက သူတို့ကို အဆိပ်ပေးသည်ဟု ထင်ကာ တင်းမာနေသော ခန္ဓာကိုယ်များဖြင့် စိုက်ကြည့်နေသည်။

ရှောက်လုံက ရယ်လိုက်သည်။ 

"မကြောက်နဲ့… မင်းတို့ကို ဇွန်ဘီဗိုင်းရပ်စ်ကို ခုခံနိုင်စေမဲ့ အထူးကာကွယ်ဆေးကို ပေးခဲ့တာ… မင်းတို့က အားလုံးရဲ့အပြင်အဆင်ကို မသိဘူး ဒါကြောင့် မင်းတို့နှစ်ယောက်လုံး ထောင်ချောက်ထဲ ပြေးမဝင်သွားအောင် ငါမင်းတို့ကို လုံခြုံတဲ့နေရာမှာ ချည်ထားမယ်"

ရှောက်လုံနှင့် ယွီဟန်ကျန်းတို့သည် လျင်မြန်စွာ ပူးပေါင်းပြီး လူနှစ်ယောက်ကို ချည်နှောင်လိုက်သည်။ ယင်းနောက် ယွီဟန်ကျန်းသည် အကျဉ်းသားယောင်ဆောင်ရန် သူတို့၏အဝတ်အစားများကို ယူဆောင်သွားခဲ့သည်။ သူက ရှောက်လုံကို တိုးတိုးပြောသည်။

"ကိုယ် ဗိုင်းရပ်စ်ကို လွှတ်လိုက်မယ်… တစ်မိနစ်အကြာမှာ ပစ်ဖို့ ပြင်ဆင်ထားလိုက်ပါ"

ရှောက်လုံက သူ့ကိုကြည့်ကာ ခေါင်းငြိမ့်သည်။ 

"သတိထားနော်"

စိန်ခေါ်သူနှစ်ဦးသည် ပါးစပ်ထဲတွင် ဆို့ထားသော အဝတ်များဖြင့် ချည်နှောင်ခံထားရကာ အံ့အားသင့်သွားကြသည်။

ဒါက တကယ်ပဲ စိန်ခေါ်သူများ အခြေစိုက်စခန်းလား။ 2 of Spades အခန်းမှ မှ ဗိုင်းရပ်စ်နှင့် ကာကွယ်ဆေး ဆုများ မဟုတ်ပါလား။ လူတိုင်းက ကောင်းမွန်သော အစီအစဥ်တစ်ခု လုပ်ထားပုံရသည်။ ဖြစ်စဉ်ကိုရှင်းလင်းရန် သူတို့သည် လဲလျောင်းနေရုံပဲလား။

လူနှစ်ယောက်က တုန်လှုပ်ချောက်ချားပြီး သူတို့မှာ ကံကောင်းခြင်းတွေ ရှိတယ်လို့ မယုံနိုင်ဖြစ်ခဲ့ကြသည်။

ယွီဟန်ကျန်းသည် အကျဉ်းသားတစ်ဦးအဖြစ် ဟန်ဆောင်ကာ အဆောက်အဦးမှ ထွက်လာခဲ့သည်။

အမာရွတ်ရှိသူက မျက်မှောင်ကြုတ်သွားသည်။ 

"အခြေအနေက ဘယ်လိုလဲ… ဒီယုန်နှစ်ကောင်က တော်တော်ကြာမှ ပြန်မလာသေးဘူးလား"

ထိုအချိန်တွင် အကျဉ်းသားအဝတ်အစားဝတ်ထားသည့် အမျိုးသားတစ်ဦး ရောက်လာတာကို တွေ့လိုက်ရသည်။ သူ စုံစမ်းရန် စေလွတ်လိုက်သော သူသည် ပြန်ရောက်လာပြီဟု ထင်ရပြီး အမာရွတ်ရှိသူက တစ်စုံတစ်ခု မှားယွင်းနေကြောင်း သိလိုက်သောအခါတွင် သူ့ပါးစပ်ကို ဖွင့်တော့မည် ဖြစ်သည်။

ဒီလူက အရပ်အလွန်မြင့်သည်။

သူသည် 1.9 မီတာနီးပါးရှိပြီး အမာရွတ်ရှိသူ ပို့လိုက်သော ယောင်္ကျားလေးနှစ်ယောက်ထက် ဦးခေါင်းတစ်ဝက်ခန့် မြင့်သည်။

အမာရွတ်ရှိသူ၏ အမူအရာ ပြောင်းသွားသည်။ 

"သူ့ကို တားလိုက်"

သို့သော် ဤအမိန့်က ခြေလှမ်းအလွန်နောက်ကျခဲ့သည်။

ယွီဟန်ကျန်းသည် ယဲ့ချီ၏ တယ်လီပို့ကတ်ကို အသုံးပြုပြီး လျှပ်စီးကဲ့သို့ မြန်ဆန်စွာ လုပ်ဆောင်ခဲ့သည်။ နောက်အခိုက်အတန့်တွင် အရပ်ရှည်သောရုပ်သွင်သည် ဒါဇင်အနည်းငယ်အကွာ လူအုပ်ကြားထဲပေါ်လာပြီး အစိမ်းရောင်အရည်အပြည့်ပုလင်းကိုဖွင့်လိုက်သည်။

တစ်ခဏအတွင်း ထူးဆန်းသော အနံ့တစ်ခု ပျံ့နှံ့သွားသည်။

အမာရွတ်ရှိသူက ပါးစပ်နှင့် နှာခေါင်းကို အမြန်ဖုံးကာ ဒေါသတကြီးအော်လိုက်သည်။

"ဒါက ဘာလဲ… သူ့ကိုဖမ်းကြ"

ယွီဟန်ကျန်းသည် သူ၏လုပ်ဆောင်ချက်များတွင် လိုက်လျောညီထွေရှိပြီး ဝိုင်းရံခြင်းမှ ချက်ချင်း ဆုတ်ခွာသွားခဲ့သည်။

တတိယထပ်မှာ စောင့်ကြည့်နေသော မိန်းကလေးက အလျင်အမြန် ပြောခဲ့သည်။

"လောင်ဟန် ဘေးကင်းပြီး အကျဉ်းသားတွေလည်း ဆုတ်သွားပြီ…"

ရှောက်လုံက အမိန့်ပေးလိုက်သည်။

"အဆင်သင့်ပြင်—— ပစ်တော့"

သံလုံးတစ်လုံးကို ရုတ်တရက် လေထဲသို့ လွှင့်ပစ်လိုက်သည်။ ပုံမှန်အခြေအနေအရ ဒီသံလုံး၏စံချိန်ဟာ မီတာ 20 သာရှိပေမဲ့ ဒါဟာ ကတ်ကမ္ဘာ၏ မြင့်တင်ထားသော သံလုံးဖြစ်သည်။ ၎င်းကို လူအုပ်ထဲသို့ မီတာရာဂဏန်းအထိ တိုက်ရိုက် ပစ်ချခဲ့သည်။

——ဗုန်း

သံလုံးဘောလုံး ကျရောက်ပေါက်ကွဲပြီးသည်နှင့် ကျယ်လောင်သော ပေါက်ကွဲသံတစ်ခု ထွက်ပေါ်လာပြီး 5x5 မီတာ မြေတွင်းထဲသို့ ကျွံကျသွားသည်။

ဒါဇင်နဲ့ချီသော အကျဉ်းသားများက သတိလွတ်ပြီး တွင်းထဲကို ပြုတ်ကျသွားသည်။ မကြာခင်မှာ သူတို့ခန္ဓာကိုယ်တွေ ပူလာပြီး လှုပ်ရှားမှုတွေ နှေးကွေးလာသည်။ သူတို့လက်တွေ ခြေတွေက သူတို့၏ ဦးနှောက်တွေကို နားမထောင်ဘဲ လူအုပ်စုက အထိတ်တလန့် ဖြစ်ကုန်ကြသည်။ 

"ဘာလဲ… ငါ လမ်းမလျှောက်နိုင်တော့ဘူး…"

"ငါ ခေါင်းကိုက်ပြီး ဖျားနေပြီ…"

ဇွန်ဘီဗိုင်းရပ်စ်က ထိရောက်ပြီး မြေတွင်းအထက်မှာ ကျန်နေသောလူတွေလည်း နေမကောင်းဖြစ်ကြသည်။

အမာရွတ်ရှိသူ၏မျက်လုံးများသည် ရက်စက်မှုအရိပ်အမြွက်ပြသွားသည်။

"ချုံခိုတိုက်ခိုက်တာရှိတယ်… ရှေ့ကို လက်နက်တွေနဲ့ ကာထားကြ"

အကျဉ်းထောင်မှ လွတ်မြောက်လာသောအခါ အကျဉ်းသားများသည် လက်နက်အများအပြား ရရှိခဲ့သည်။ ယနေ့တွင် ယွီဟန်ကျန်းသည် စုံစမ်းရန် မြို့ထဲသို့သွား၍ လူအများအပြားကို သေနတ်ဖြင့် ပစ်ခတ်တာကို တွေ့လိုက်ရသည်။ စက်သေနတ်များနှင့် လက်ပစ်ဗုံးများကဲ့သို့သော လက်နက်များလည်း ရှိသည်။

အမာရွတ်ရှိသူ၏ ကွပ်ကဲမှုအောက်တွင် ဤဇွန်ဘီအုပ်စုသည် ဆောက်လုပ်ရေးဆိုက်ကို အရူးကဲ့သို့ ပစ်ကြသည်။

ကျယ်လောင်သော သေနတ်သံများနှင့် လက်ပစ်ဗုံးများ ပေါက်ကွဲသံကြောင့် ဆောက်လုပ်ရေးဆိုက်တွင် မီးတောက်များ ပေါက်ကွဲသွားသည်။

မှန်ကတ်ကိုင်ထားသော မိန်းကလေးက ဆောက်လုပ်ရေးဆိုက်တံခါးဝမှာ မှန်ကို ချက်ချင်းပစ်ချပြီး တိုက်ခိုက်မှုတွေကို ပြန်တွန်းလှန်ပြီး ပထမထပ်က အမျိုးသားတွေကို အကာအကွယ်ပေးခဲ့သည်။ တတိယထပ်က ကောင်လေးသည် ထီးကိုဖွင့်လိုက်ပြီး ကျည်ဆံတွေအားလုံးကို ပိတ်ဆို့လိုက်သည်။

စောင့်ကြည့်နေသော မိန်းကလေးက အော်လိုက်သည်။ 

"အနောက်ဘက်မှာ သုံးယောက်၊ တောင်ဘက်မှာ နှစ်ယောက်ရှိတယ်"

မုတ်ဆိတ်မွေးက သူ့ခွေးကို ပြတ်ပြတ်သားသား လွှတ်ပေးလိုက်သည်။

ရှောက်လုံသည် အကွင်းများကို ထိန်းချုပ်ထားပြီး မရေမတွက်နိုင်သော လက်ကောက်အရွယ် အကွင်းများသည် လူအုပ်ဆီသို့ ပြင်းထန်သော မုန်တိုင်းတစ်ခုလို အမှောင်ထုအတွင်း ဖြတ်ပြေးသွားသည်။

ဤလူများသည် ဇွန်ဘီဗိုင်းရပ်စ်၏ ဒဏ်ကိုခံခဲ့ရပြီး ရွေ့လျားရန် နှေးကွေးကြသည်။ ရှောက်လုံ၏အကွင်းများသည် မျက်စိတစ်မှိတ်အတွင်းမှာပင် အများအပြား ပြုတ်ကျသွားသည်။ အမာရွတ်ရှိသူသည် ဒေါသတကြီးဟိန်းဟောက်ကာ စက်သေနတ်ကို အကွင်းများဆီသို့ လှမ်းပစ်လိုက်သည်။

သူက ပစ်ခတ်ပြီး ပြန်ဆုတ်သွားသည်။ ခြေထောက်မှာ နာကျင်ကိုက်ခဲလာသောအခါတွင် သူသည် မီတာအနည်းငယ် ဆုတ်သွားခဲ့သည်။

ကြိုတင်နေရာယူထားသော သားကောင်မျှားခေါ်ခြင်းကတ်က သူ့ကို ဖမ်းမိသွားသည်။

အရှေ့နှင့်အနောက်တို့မှ အဆက်မပြတ်အသံမြည်နေချိန်တွင် လူအနည်းငယ်ကို ဖမ်းမိခဲ့သည်။

ဒါတင်မကဘူး။

ထောင်ချောက်ထဲ ဖမ်းမိပြီးနောက် လေပြင်းတိုက်ပြီး ပေါ့ပါးသောလူများစွာက တွင်းထဲသို့ တိုက်ရိုက် လွှင့်သွားခဲ့သည်။

တွင်းထဲရှိ လူအများအပြားသည် အပေါ်သို့တက်ရန် ရုန်းကန်နေရသည်။ သူတို့တွေ အပြင်ထွက်ခါနီးတွင် ကောင်းကင်မှ ပြုတ်ကျလာသော သူတို့၏အပေါင်းအဖော်များကြောင့် ရိုက်ချခံလိုက်ရသည်။

လူတစ်စုသည် စုပြုံပြီး အောက်ခြေရှိအကျဉ်းသားများက ကျိုးကြေလုမတတ်ဖြစ်နေကာ သူ့ပါးစပ်ကနေ အဆက်မပြတ် ဆဲဆိုနေသည်။ 

"Fuck… မင်းတို့က ငတုံးလား… ဘာလို့ တွင်းထဲကို ရောက်သွားတာလဲ"

ကဲ့ရဲ့ခံရသော လူတွေက အပြစ်ကင်းသည်။ 

"ငါ လွှင့်သွားတာ… ဒီနိုင်ငံခြားသားတွေက နတ်ဆိုးတွေပဲ”

အမာရွတ်ရှိသူ၏အမူအရာက အလွန်ရုပ်ဆိုးခဲ့သည်။

တိုက်ခိုက်မှုမှ လွတ်မြောက်လာသူ အများအပြားသည် ခိုးဝင်ကာ မုတ်ဆိတ်မွေးနဲ့ဦးလေး၏ ခွေးများဖမ်းဆီးခြင်းကို ခံခဲ့ရသည်။ သူတို့၏ခြေထောက်တွေ အကိုက်ခံရပြီး မထနိုင်ဘဲ မြေပြင်ပေါ် လဲကျသွားသည်။ ခွေးများကို ကာကွယ်ဆေးထိုးထားပြီး မုတ်ဆိတ်မွေးနဲ့ဦးလေးထံသို့ ပြန်သွားကာ လွတ်မြောက်လိုသူများကို ဆက်လက်ကိုက်သည်။

တွင်းထဲက ဒါဇင်နဲ့ချီသော အကျဉ်းသားတွေက တစ်ယောက်နဲ့တစ်ယောက် နင်းမိပြီး ထောင်ချောက်တွေနဲ့ ဖမ်းမိခဲ့သည်။ ၎င်းက ရှုပ်ယှက်ခတ်နေ၏။ 

ထိုအချိန်တွင် အကျဉ်းသားများ၏ ခေါင်းထဲတွင် မေးခွန်းများ ပြည့်နေပါသည်။ 'ငါဘယ်သူလဲ… ငါဘယ်မှာလဲ… ငါဘယ်လိုမျိုး နတ်ဆိုးနဲ့တွေ့နေရတာလဲ'

လွန်ခဲ့သည့်ရက်အနည်းငယ်က အမာရွတ်ရှိသူသည် ဆောက်လုပ်ရေးဆိုက်တွင် နိုင်ငံခြားသားများ စုရုံးရောက်ရှိလာကြောင်း လောင်လျှိုထံမှ သတင်းရရှိခဲ့သည်။ အကျဉ်းသားတို့ကို ခေါ်ဆောင်ပြီး အချင်းချင်း ဖျက်ဆီးစေခြင်းငှာ မြင့်မားသောဆုကြေးကို သူခံစားရမည်ဖြစ်သည်။

ရလဒ်က ဆုကြေးကို ထားလိုက်ပါ၊ သူတို့တွေ ဆိုးဆိုးရွားရွား အရိုက်ခံခဲ့ရတာပါလား။

#TK