အပိုင်း ၁

လျို့ဝှက်သောသူကြွယ်၏ ချစ်ဇနီးလေး

အပိုင်း ၁ - ခန္ဓာအသစ်သို့ ဝိညာဥ်ကူးပြောင်းခြင်း

ယဲ့ဆွေက ယောက်ျားတစ်ယောက်ရဲ့ စိတ်မရှည်နိုင်တဲ့ အသံကိုကြားနေရသည်။ သူ၏အမျက်ဒေါသကြောင့် မူလကနူးညံ့သိမ်မွေ့နေတာကနေ ဒေါသသံပါလာခဲ့သည်။ သူကစိတ်လှုပ်ရှားမှုကြောင့် သူမကိုအော်ဟစ်နေပြီး သူမအပေါ် ကိုစာနာမှု မရှိခဲ့ပေ။

"မင်းငါ ပြောတာကို နားထောင်နေလား။"

ယဲ့ဆွေသည် သူမ၏ မျက်လုံးများကို ဖွင့်တာနဲ့အတူ အမူအရာမဲ့နေခဲ့သည်။ သူမအသက်ရှူဖို့ အချိန်ယူပြီး စက္ကန့်အနည်းငယ်အတွင်း တွန့်ဆုတ်နေသည့် မျက်လုံးများကို ဖွင့်လိုက်သည်။ ထို့နောက် အဲ့ဒိယောက်ျားရဲ့ မျက်နှာက ပိုပြီးရုပ်ဆိုးလာခဲ့သည်။

"ငါပြောတာကြာနေပြီ မင်းဘာလို့ ...." အဲ့ဒိယောက်ျားက ယဲ့ဆွေကို နောက်ထပ် စကားလုံး အနည်းငယ်ပြောချင်ပေမယ့် နောက်လာမည့် ဝါကျပြတ်တောက်သွားလိမ့်မည်ဟု ​ မမျှော်လင့်ခဲ့ပေ။

"ရှင်ပြီးပြီလား။" သူမရဲ့တည်ငြိမ်မှုကို ရယူခဲ့ပြီး အဲ့ဒိယောက်ျားရဲ့ ကသိကအောင့်ဖြစ်နေတဲ့ သဘောထားကို   ဆန့်ကျင်ပြီး ယဲ့ဆွေက မေးခဲ့သည်။

အဲ့ဒိယောက်ျားက ဒီလိုမျိုးအဖြေကို ရလိမ့်မည်ဟု မမျှော်လင့်မထားခဲ့ပေ။ သူကသူ့ရဲ့ ကျောက်စိမ်းလိုသွားတွေနဲ့ ပြန်ချေပခဲ့သည်။  “ ဘာ ? ယဲ့ဆွေ မင်း....."

ယဲ့ဆွေက သူ့ရဲ့စကားကို အဆက်ပြတ်စေခဲ့ပြီး ပြောလိုက်သည်။  “ ရှင်ကအရမ်းဆူညံတာပဲ။ အဲ့ဒါက ကျွန်မရဲ့ နားတွေကို ထိခိုက်စေတယ် "

“ မင်း......”

ယဲ့ဆွေက သူမအိတ်ကို ကောက်ကိုင်လိုက်ပြီး "ကောင်းပြီ, ကျွန်မပထမဆုံး သွားလိုက်ဦးမယ် " သူမသည် လျင်မြန်စွာ ပြုမူခဲ့ပြီး သူမ၏ရှေ့မှောက်၌ ရှိတဲ့ယောက်ျားရဲ့ ထုံးတမ်းစဉ်လာ စကားရပ်ကို လုံးဝလျစ်လျူရှုခဲ့သည်။ သူ ပြောချင်တာတွေကို မပြီးဆုံးသေးပေမယ့် ဒီခွေးမက သူ့ကို ဘာမျက်နှာမှ မပေးဘဲထွက်ခွာသွားခဲ့သည်။

ဒါပေမယ့် ယဲ့ဆွေက ဂရုမစိုက်ခဲ့ပေ။ သူမသည် လမ်းဘေးတွင် တက္ကစီကို ချက်ချင်းတားခဲ့သည်။

"မိန်းကလေး, မင်းဘယ်ကို သွားမှာလဲ" ယာဉ်မောင်းကမေးသည်။  သူဟာ ယဲ့ဆွေကို အကြိမ်ကြိမ်ကြည့်ပြီး သူမရဲ့မျက်နှာက တကယ် အကျွမ်းတဝင်ရှိတယ် လို့ထင်ခဲ့သည်။

ယဲ့ဆွေက ခဏစဉ်းစားလိုက်ပြီး သူမအတွက် မှတ်မိရန်ကြိုးစားကာ ရမ်းသမ်ပြီးတော့ လိပ်စာကို ပေးလိုက်သည်။ ပြီးတော့ တက္ကစီကို မြန်မြန်မောင်းရန်ပြောသည်။ သူမကို လိုက်ဖမ်းနေသူသည် စားသောက်ဆိုင်မှထွက်လာပြီး အင်ဂျင်မှ ထွက်သောဓာတ်ငွေ့များဖြင့်သာ ကျန်နေခဲ့သည်။

နောက်ဆုံးတော့ ကမ္ဘာကြီးက တိတ်ဆိတ်သွားပြီ ပြီတော့ ယဲ့ဆွေက သူမဘာဖြစ်သွားတယ် ဆိုတာစပြီးစဉ်းစားလာခဲ့သည်။ ကံကြမ္မာ ရွေးချယ်သော မရေမတွက်နိုင်သော လူများကဲ့သို့ပင် သူမသည် စာအုပ်တစ်အုပ်သို့ ပြောင်းရွှေ့ခံရခြင်းခံခဲ့ရသည်။

ယဲ့ဆွေက သူမ၏အကြောင်းကို စဉ်းစားသောအခါ သူမသည်သူမ၏ နှလုံးသားထဲရှိလူများကို ကျိန်ဆိုခဲ့သည်။ စာအုပ်များသို့ ကူးပြောင်းခြင်းသည် ကံကြမ္မာကို ပြောင်းလဲစေနိုင်သည် ဟုဆိုသည်။ ဇာတ်ကောင်များသည် နေရာတစ်နေရာလုံးကို ထွန်းလင်းနိုင်တယ် ဒါမှမဟုတ် သူတို့၏ လက်ချောင်းတစ်ချောင်းတည်းဖြင့် လူထောင်ပေါင်းများစွာသော လူအုပ်ကို ရိုသေလေးစား စေခဲ့သည်။

ထို့အပြင် အထက်တွင်ဖော်ပြခဲ့သည့် သူများမှာ သူမမဟုတ်သောကြောင့် သူမသည်  ဆိုးဆိုးရွားရွား ထောက်မပေးသော ဇာတ်ကောင်အဖြစ် စိတ်ဆင်းရဲစွာနဲ့ ပြောင်းရွှေ့နေထိုင်ခဲ့ရသည်။

ယခု စားသောက်ဆိုင်၌ ရှိခဲ့သောလူမှာ “ဘီလီယံနာဥက္ကဌ၏ အိမ်မွေးတိရိစ္ဆာန်” အချစ်ဇာတ်လမ်း၏ အဓိကဇာတ်ကောင် ချန်ရှို့ ဖြစ်သည်။ သူသည် အမျိုးသမီးဇာတ်လိုက် မင်းသမီးချန်းယင်နှင့် ပြိုကွဲပြီးနောက် သူမအားမှတ်မိနေဆဲဖြစ်သည်။ ထို့နောက် သူသည် အမျိုးသမီးခေါင်းဆောင် ချန်းယင်နဲ့ အနည်းငယ်ဆင်တူသည့် အရံဇာတ်ကောင် အမျိုးသမီး ယဲ့ဆွေနှင့်တွေ့ဆုံခဲ့သည်။

ချန်ရှို့သည် အဓိကဇာတ်လိုက် အနေနှင့်သူ၏ သမာဓိကို ထိန်းသိမ်းရန်လိုအပ်သည်မှာ သဘာဝဖြစ်သည်။ ထို့ကြောင့် သူသည် ယဲ့ဆွေနဲ့ နွေးထွေးသော ဆက်ဆံရေးသို့ ဦးဆောင်ခဲ့သည်။ ချန်ရှို့ရဲ့နှစ်သက်မှုအရ သူဟာအသိဉာဏ်ရှိပြီး စင်ကြယ်တဲ့ အမျိုးသမီးတွေကို ကြိုက်သည်။ ထို့ကြောင့် ယဲ့ဆွေ  သူမ၏စတိုင်ကိုစင်ကြယ်သော အမျိုးသမီး၏ ပုံစံသို့ပြောင်းလဲခဲ့သည်။

အမျိုးသမီးဇာတ်လိုက်က ချန်ရှို့ ရှေ့တွင်ပြန်ပေါ်လာသောအခါ သူသည်သူရဲ့အချစ်စစ်နဲ့ အဆက်ပြတ် မနေသင့်ကြောင်း နောက်ဆုံးတွင် သူသဘောပေါက်လာခဲ့သည်။ ဒီတော့ သူကအစားထိုးအဖြစ် သူဆက်ဆံခဲ့တဲ့ ယဲ့ဆွေကိုစွန့်ပစ်လိုက်သည်။

ယဲ့ဆွေက ဝတ္ထုထဲမှာ ဆိုးတဲ့ဇာတ်ကောင် ဖြစ်နေတော့ သူမကဇာတ်ကောင်တွေရဲ့ အချစ်ဇာတ်လမ်းကို အတတ်နိုင်ဆုံးကူညီဖို့ ကြိုးစားမည်။ သူမ၏ မရေမတွက်နိုင်အောင် ခြိမ်းခြောက်မှုများနှင့် ၀င်ရောက်စွက်ဖက်မှုများအပြီးတွင် အမျိုးသားဇာတ်လိုက်နှင့် အမျိုးသမီးဇာတ်လိုက်အကြား ဆက်ဆံရေးသည် ပိုမိုခိုင်မာလာသည်။ ယဲ့ဆွေအကြောင်းကို ပြောဖို့မသင့်တော်ဘဲ သူမကို ယင်ကောင်တစ်ကောင်နဲ့တောင် ခွဲခြားလို့မရပေ။

ဝတ္ထုထဲရှိ ဇာတ်လမ်းရောက်နေတဲ့ ယခုနေရာကို ပြောရမယ်ဆို ချန်ရှို့သည် ချန်းယင်ကိုချစ်မြတ်နိုးကြောင်းနဲ့ စတင်ခဲ့သည်။ ပြီးတော့ ယဲ့ဆွေနဲ့ပတ်သက်မှုက သူ့ကိုငြီးငွေ့စေခဲ့ပြီ ဖြစ်သည်။ အခုချိန်မှာ သူတို့က ပုံမှန်လိုလို စကားများလေ့ရှိကြသည်။

ယဲ့ဆွေက သူမရဲ့နှဖူးကို နှိပ်လိုက်မိသည်။  သူမသည် ချန်ရှို့ရဲ့ အချစ်စစ်ကို ကန့်ကွက်ခြင်းမရှိသော်လည်း ဤကိစ္စတွင်သူမ မပါဝင်နိုင်ဘူးမလား?

မီးပွိုင့် မီးနီမိသောအခါ တက္ကစီသည်ရပ်တန့်သွားပြီး နှစ်ဖက်စလုံးရှိ စျေးဝယ်စင်တာများပေါ်တွင် တွယ်ကပ်နေသော လမ်းဘေး ကြော်ငြာဆိုင်းဘုတ်ကြီးများမှာ ချန်းယင်ရဲ့ကြော်ငြာများကိုပြသနေသည်။ ယာဉ်မောင်းက ကြော်ငြာကိုတွေ့တာနဲ့ သူမဆီလှည့်ပြီး ယဲ့ဆွေကိုအကြိမ်ကြိမ်ကြည့်ခဲ့သည်။

ယဲ့ဆွေက တော်တော်လေးလှတယ် ပြီးတော့ သူမရဲ့မျက်နှာကို အပြင်ဘက်မှာ တောင်မှ သူမရဲ့ထူးကဲပြီး သေးငယ်သောမေးစေ့ကို မိတ်ကပ်မပါဘဲ သန့်စင်ထားသည်ကို မြင်တွေ့နိုင်သည်။ ဒါပေမယ့် စင်ကြယ်သောပုံစံ အဝတ်အစားက  သူမပုံစံနဲ့ မကိုက်ညီခဲ့ပေ။

ခဏကြာတဲ့အချိန်မှာ ကားမောင်းသူ၏ မျက်လုံးများက တောက်ပသွားပြီး “ မင်းက ရှီး- ရှောင်- ရှောင်ချန်းယင် ဘဲ ”

ယဲ့ဆွေ ကငြင်းခဲ့သည်။ သူမကပြုံးပြီး“ ကျွန်မနာမည်က ယဲ့ဆွေပါ ” လို့ပြောလိုက်သည်။

ယာဉ်မောင်းက ယဲ့ဆွေ ရဲ့စကားကိုလျစ်လျူရှုခဲ့ပြီး " ငါမင်းကို TV မှာတွေ့တယ် ရှောင်ချန်းယင် "

ယာဉ်မောင်းသည် ချန်းယင်၏အသွင်အပြင်နှင့် တူသည်ကိုလူရဲ့နာမည်ကို မမှတ်မိပေ။  သူမ၏မျက်နှာအသွင်အပြင်များသည် လှပပြီးလက်ရှိ ကြယ်ပွင့်ဖြစ်သော ချန်းယင်ရဲ့ စိတ်ကြိုက်ပုံတူ တစ်ခုသာဖြစ်ပြီး သူမ၏ စင်ကြယ်သောလတ်ဆတ်သော နည်းလမ်းများကိုထင်ဟပ်ပြသခြင်း ဖြစ်သည်။

ချန်းယင် ထွက်လာသည်နှင့် တပြိုင်နက် သူမသည် စင်ကြယ်သောပုဂ္ဂိုလ်တစ်ဦး အဖြစ်ဆက်လက်ရပ်တည်ခဲ့ပြီး ချီးကျူးခြင်းကိုခံယူခဲ့သည်။ အခုတော့ ရစ်ငှက် မှ ဖီးနစ် သို့ ပြောင်းလဲရန် ကြိုးစားသူနေသူ ချန်းယင်က ဖန် တွေကိုသာ အရေးတကြီး ဦးတည်ထားခဲ့သည်။ ယဲ့ဆွေ ရဲ့မျက်နှာ အသွင်အပြင်တွေက တောက်ပပြီးလှပသည်။ သူမက အဖြူရောင်စကတ် သေးသေးလေးကို ၀တ်ဆင်ထားပြီး သူမရဲ့သဘာဝမဟုတ်တဲ့ စိတ်ထားကိုထုတ်ဖော်ပြသခဲ့သည်။ သို့သော် အဲ့ဒါက ကြီးမားသော ပြသာနာဖြစ်ခဲ့သည်။ ယဲ့ဆွေနဲ့ လိုက်ဖက်နေတာကို အမျိုးသမီးများက အပြစ်မတင်သင့်ပေ။ သူမသည် စင်ကြယ်သောမိတ်ကပ်နှင့် အဖြူရောင်ဝတ်ဆင်ပေးဖို့ လိုအပ်သောသူတစ်ဦး ရှိသည်။ သူမဒီစတိုင်ကို မပြောင်းနိုင်ဘူးလား။

မကြာခင်မှာပဲ တက္ကစီကရပ်တန့်သွားပြီး ကားပေါ်က ဆင်းလိုက်သည်။ ယဲ့ဆွေ ၏မျက်လုံးများသည် အနီးအနားရှိအထပ်မြင့် အဆောက်အအုံများပေါ်တွင် ရှိနေပြီးသူမ၏ မျက်လုံးများက စာနာမှုပြခဲ့သည်။

ယဲ့ဆွေ ထက်ပိုဆိုးသည်မှာ သူမ၏ယောက်ျားဖြစ်သည်။ သူမက အဓိကဇာတ်လိုက်ရဲ့ အခက်အခဲများမှ ထပ်မံဖြည့်စွက်နိုင်ရန် သူမက အဓိကဇာတ်လိုက်နဲ့ ပိုမိုနီးကပ်နိုင်အောင် အဓိကဇာတ်လိုက်ရဲ့  ဦးလေးနဲ့ လက်ထပ်ခဲ့သည်။

ချန်ရှု - ချန်မိသားစုရဲ့ တတိယမြောက်သခင်လေးသည် သူ၏အမွေကို လက်လွှတ်ဆုံးရှုံးခဲ့ရပြီး သူ့မိသားစု ရန်ပုံငွေကို လစဉ်သုံးစွဲခဲ့သည်။

ပြင်ပကမ္ဘာတွင် ချန် မိသားစုမှာ ချန်ရှီတွင် သားနှစ်ယောက်သာရှိသည်ဟု ထင်ခဲ့ကြပြီး ချန်ရှို့တွင် ချန်ရှု အမည်ရှိတဲ့ ဦးလေး ရှိကြောင်း မည်သူမျှမသိကြပေ။

ချန်ရှု မွေးဖွားသည့်အခါ တောက် ဘုန်းတော်ကြီးက သူ့ကိုကံကြမ္မာဟောခဲ့တာက သူ့ဇနီးကို ထိန်းချုပ်ဖို့ အခက်အခဲရှိမယ်လို့ဆိုခဲ့သည်။

ချန်ရှု့သည် နေ့မှ ညနဲ့ ညမှနေ့ ဖြစ်လာသည့် အချိန်၌မွေးဖွားခဲ့သည်။ ဆိုလိုသည်မှာ အရာရာသည် အစွန်းရောက်သွားပြီး ဆန့်ကျင်ဘက်လမ်းကြောင်းသို့ ပြောင်းလဲလိမ့်မည်။ ရလဒ်အနေဖြင့် ချန်ရှု သည် အင်အားကြီးမားသော ယန် စိတ်ဓာတ်ရှိပြီး လုံးဝနှိမ်နင်းနိုင်ခြင်းမရှိပေ။ ထို့ကြောင့်သူသည်အင်အားကောင်းသော ယင် ဓာတ်များသည့် မိန်းကလေး နှင့်လက်ထပ်ရမည်။ ဒါမှမဟုတ်ရင် သူသည် အသက်သုံးဆယ် ​အပြည့်မနေရပေ။

[T / N: ယင် မဟုတ် ယန် မဟုတ်က လုံးဝမဖြစ်နိုင်ပေ။ ယင် နှင့် ယန် တို့သည် တစ်ခုနှင့်တစ်ခု အပြန်အလှန် မှီခိုနေရခြင်းကြောင့် တစ်ခု၏ အဓိပ္ပာယ်ဖွင့်ဆိုချက်သည် ပြည့်စုံမှုရှိရန် နောက်တစ်ခုကို လိုအပ်သည်။]

ချန်မိသားစု အစီအစဉ်အရ သူနှင့်လိုက်ဖက်သည့် အရည်အချင်းပြည့်မီသော အမျိုးသမီးမှာ ယဲ့ဆွေ ဖြစ်သည်။ ထို့ကြောင့် သူမသည် ချန်ရှု နှင့်လက်ထပ်ခဲ့ပြီး အဓိကဇာတ်လိုက်ရဲ့ ဦးလေးဘက်မှတော်တဲ့ အန်တီလေး  ဖြစ်လာခဲ့သည်။

ချန်ရှု့သည် အလွန်ကောင်းသော လူတစ်ယောက်ဖြစ်ပြီး သူ့မိသားစုနှင့် အတူပင်နေလိုခဲ့သည်။ သူ့မှာ ကိုယ်ပိုင်စည်းမျဉ်းစည်းကမ်းတွေလည်းရှိသည်။ အရာအားလုံး ကဲ့သို့တူညီသော နေရာတွင်ထားရမည်၊ ရှုပ်ထွေးမှုပင်လျှင် မကောင်းပေ။ ဥပမာအားဖြင့်၊ သူသည်သတ်သတ်မှတ်မှတ်အနေနဲ့ ဟင်းပွဲအနည်းငယ်ကိုသာ အမြဲစားလေ့ရှိပြီး နှစ်ပေါင်းများစွာကြာအောင် မပြောင်းလဲပေ။

ယဲ့ဆွေသည် ချန်ရှို့နှင့်ရင်းနှီးရန်အတွက် ချန်ရှု နှင့်လက်ထပ်ခဲ့သည်။ မမျှော်လင့်ဘဲ သူသည် ချန်ရှို့ကိုမျှော်လင့်ချက် ကင်းမဲ့စွာလိုက်ခဲ့သည်။ သူမ၏ခင်ပွန်း ချန်ရှု သည်လည်း စိတ်ခံစားမှုကင်းမဲ့သည်။ သူမသည် ကွာရှင်းပြတ်စဲရန် အဆိုပြုခဲ့ပြီး ချန်ရှု့က ၎င်းကိုမစဉ်းစားဘဲ သဘောတူခဲ့သည်။

မနက်ဖြန်က ယဲ့ဆွေ သေဆုံးမှု၏ အမြင့်ဆုံးအမှတ်ဖြစ် လိမ့်မည်။ ချန်ရှု့နှင့် ယဲ့ဆွေတို့သည်ကွာရှင်းရန်အတွက် အများပြည်သူနဲ့ဆိုင်တဲ့ အစိုးရဌာနသို့ သွားခဲ့သည်။ ထို့နောက် သူမသည် ချန်မိသားစုမှ လုံးဝထွက်ခွာနိုင်ခဲ့သည်။ ဟုတ်ပါတယ် ဝတ္ထုထဲမှာ သူမကွာရှင်းတာက အတော်လေးကြေကွဲဖွယ်ဖြစ်ခဲ့သည်။

ချန်ရှု့၏ဇနီးဖြစ်ခြင်းကို အကာအကွယ်မပေးဘဲ ချန်ရှို့တစ်ဦးတည်းက ယဲ့ဆွေအား ဖျော်ဖြေရေးလုပ်ငန်းမှ စွန့်ခွာသွား​အောင်လုပ်နိုင်သည်။ ချန်းယင် ပရိသတ်များက သူမအား စုပေါင်း၍ ဗုံးကြဲခဲ့ပြီး ဖျော်ဖြေရေးလုပ်ငန်းမှ ထွက်ခွာခဲ့ရသည်။

သူမ ဓာတ်လှေကားပေါ်ရောက်တဲ့အခါ  ရုတ်တရက် သူမအတွေးရထားကိုက ကြာကြာမခံခဲ့ပေ။ အသံတစ်သံက သူမရဲ့အတွေးရထားကို ရပ်တန့်ခဲ့သည် ။

"အာ ဒါက အခန်း ၁၄၀၄ကမိန်းကလေး မဟုတ်လား အန်တီကျန့် ပြောပြမယ်။ လူငယ်တွေက ခင်ပွန်းနဲ့ အလွန်အေးစက်စက်မနေသင့်ဘူး။ အဲ့ဒါက မကောင်းတဲ့ ကွာရှင်းတာကို ဖြစ်စေတယ် "  သူမနားမှာရှိတဲ့အသံက အမြဲတမ်းသူမကို  မြည်တွန်းတောက်တီးနေခဲ့သည်။ ဘယ်လိုပဲပြောပြော သူမကအဖြေရဖို့ မမျှော်လင့်ခဲ့သလို မစောင့်ခဲ့ဘူး။

ယဲ့ဆွေက အခုဓာတ်လှေကားထဲမှာ ဘယ်သူမှမရှိဘူးဆိုတာ သေချာနေခဲ့သည်။ သူမသည် သူမခေါင်းကိုမလှည့်ရဲခဲ့ပေ  ဓာတ်လှေကားပေါ်တွင် သူမရှေ့က ရောင်ပြန်ဟပ်မှုကို ကြည့်ပြီး ဘာမှမရှိတာကို တွေ့ခဲ့သည်။

အာ အား အားးးးးးးး! သူမက သရဲမ မဖြစ်နိုင်ဘူးမလား ?  (အဲဒီအသံက သရဲမအသံ မဖြစ်နိုင်ဘူး မှန်တယ်မလား ?  )

ခိုက်ခိုက်တုန်နေတဲ့ ယဲ့ဆွေက သူမ၏လက်ကိုင်ဖုန်းကို အိတ်ထဲမှဆွဲထုတ်လိုက်ပြီး ကင်မရာမှနောက်ကွယ်မှ လှုပ်ရှားမှုကိုမြင်ချင်ခဲ့သည်။ သူမက ကင်မရာကိုဖွင့်လိုက်တာနဲ့ သူမနားမှာအေးလာခဲ့သည်။

"ဒီမိသားစု ကောင်မလေးက ဓာတ်ပုံရိုက်တာကို နှစ်သက်တယ်။ "

ပြီးတော့ ယဲ့ဆွေကသူမ၏ ကိုယ်ဟန်အနေအထားကို ပြင်ခဲ့သည်။" မိုဘိုင်းက မင်းရဲ့မျက်နှာကို ပိုသေးအောင် ပြုလုပ်ပေးတယ် "

"ဘာကြောင့် မင်းလက်တွေတုန်နေတာလဲ? အဲဒါက ချုပ်ကိုင်မှုကို ဖြေလျှော့ပေးရတယ် တအားကြီးဆုပ်ကိုင်ထားတာက ဖုန်းကိုမတည်ငြိမ်စေဘူး "

ယဲ့ဆွေအနေနဲ့ တစ်ယောက်ယောက်က သူမကို စကားပြောနေတာ ကြားလိုက်ရပြီး သူမဘေးကို သတိကြီးစွာ ကြည့်လိုက်သည်။ သူမ၏လက်မှာ သူမရဲ့ခေါင်းကို ကိုင်ထားတဲ့ သရဲမ ဖြစ်သည်။  သူမသည် သူမနှင့်အတူ ဓာတ်ပုံရိုက်ရန် အဆင်သင့်ဖြစ်နေခဲ့သည်။

သရဲမအန်တီကြီးက ဘာကြောင့် သူမခေါင်းကို ကိုင်ရသည်ကိုမမေးပါနဲ့။ သူမ၏ ခေါင်းကလွဲနေပြီး  တစ်ထပ်ထဲမကျပေ။ ဒါကြောင့် သူမကသူမရဲ့ခေါင်းကို လက်ထဲမှာကိုင်ထားရသည်။

သရဲဲက အန်တီကြီး အသက်အရွယ်၌ ရှိနေပေမယ့် သူမ၏ စိတ်အားထက်သန်မှုမှာ ဆက်လက်တည်မြဲနေဆဲ ဖြစ်သည်။

"အတူတူပြောကြရအောင်။  ခရမ်းသီး!"

အဲ့ဒိအချိန်မှာဘဲ ဓာတ်လှေကားထဲကို လူအများအပြား ဝင်ရောက်လာကြပြီး သရဲအန်တီကြီးကို အပြည့်အ၀ လျစ်လျူရှုနိုင်ခဲ့သည်။  ဒီသရဲကို ယဲ့ဆွေကသာ မြင်နိုင်တယ်ဆိုတဲ့ ဒီအချက်က သက်သေပြခဲ့သည်။

တင် တင်——

ယဲ့ဆွေ ဓာတ်လှေကားမှ ထွက်ခွာသွားချိန်မှာ မလှုပ်မရှားနိုင်ဖြစ်နေတာကို ခံစားခဲ့ရသည် ပြီးတော့  ဓာတ်လှေကားမှ ထွက်လာတဲ့ သရဲများကိုခံစားနိုင်ခဲ့သည်။ သူမစင်္ကြံတစ်လျှောက် ဘေးတိုက်မကြည့်ဘဲ လမ်းလျှောက်ထွက်သွားခဲ့သည်။ သူမမျောနေသော သတ္တဝါခုနစ်ကောင်မှ ရှစ်ကောင်သည် လူသားလား သရဲလား မသိချင်ခဲ့ပေ။

ယဲ့ဆွေက သူမ၏ဘ၀မှာ အမြန်ဆုံး အမြန်နှုန်းဖြင့် တံခါးကိုဖွင့်လိုက်ပြီး ဒိုင်းခနဲမြည်အောင် တံခါးကိုလျင်မြန်စွာပိတ်လိုက်သည်။

ဧည့်ခန်းထဲမှာ မီးတွေထွန်းထားခဲ့သည်။ ယောက်ျားတစ်ယောက်က ဆိုဖာပေါ်မှာထိုင်နေခဲ့ပြီး ယဲ့ဆွေထံမှ တံခါးဖွင့်သံကို ကြားရသော်လည်း ထိုသူသည် ခေါင်းကိုမော့မကြည့်ခဲ့ဘဲ လက်ကိုင်ဖုန်းမျက်နှာပြင်တွင်သာ သူ့မျက်လုံးများကရှိနေခဲ့သည်။

အခုသူသည် ယဲ့ဆွေရဲ့ခင်ပွန်း ချန်ရှု့ဖြစ်ပေမယ့် မနက်ဖြန်မှာတော့ မဟုတ်ပေ။

ဒီတိုက်ခန်းမှာ သူမအတွက် ရည်ရွယ်ထားတဲ့ အခန်းတစ်ခန်းရှိသည်။ ယဲ့ဆွေရဲ့ ရုတ်တရက် ပေါ်ထွက်လာမှု့သည် မမျှော်လင့်ထားတဲ့ ဧည့်သည်နှင့်တူသည်။

ကံကောင်းထောက်မစွာနဲ့, ချန်ရှု့က ယဲ့ဆွေရဲ့ အပြုအမူကို မတုံ့ပြန်ခဲ့ပေ။ ချန်ရှု့ရဲ့ အာရုံကြောက ပျက်ဆီးမှုဖြစ်နိုင်သည့်အန္တရာယ်ရှိသည်။ ယဲ့ဆွေက တံခါးကိုမှီပြီး အပြင်ဘက်ကို ချောင်းကြည့်ပေါက်ကနေ ချောင်းကြည့်လိုက်သည်။

ယဲ့ဆွေက သူမရဲ့ယင် ယန် မျက်စိကို ဖွင့်လိုက်သောအခါ သူမသည် ကမ္ဘာရှိ အရာအားလုံးကို ဖြတ်ကျော်နိုင်စွမ်းရှိကြောင်း သေချာစေချင်ခဲ့သည်။ အဲဒါမှန်လား ဒါမှမဟုတ် အမှားကြီးလား?  သူမပင်ပန်းလွန်းနေပြီး အိပ်မက်မက်နေပုံရသည်။

ယဲ့ဆွေက အပြင်ကိုကြည့်ပြီး ငိုချလုနီးပါး ဖြစ်နေခဲ့သည်။  စင်္ကြံမှာတော့  “ လူ” တစ် ဦး တစ်ယောက်မျှ လမ်းလျှောက်နေရုံဘဲမဟုတ်  သူတို့သည် စကားပြောနေဟန်ရှိသည်မှာ ထာဝရဖြစ်သည်ဟုထင်ရသည်။

ထို့အပြင် တိုက်ဆိုင်စွာပင် အပြင်ဖက်ရှိသူများ အားလုံးသည်လက်ဖက်ရည် ပါတီတွင် စုရုံးကြသည့် အဒေါ်များဖြစ်ကြသည်။ ဒါပေမယ့် ဘယ်သူမှ သူမရဲ့တံခါးကို မချဉ်းကပ်ဝံ့ကြဘူး။ သူတို့ဟာ အမြဲတမ်းတစ်ခုခုကို ကြောက်နေကြသည်။

အခုတော့ ဓာတ်လှေကားက သရဲအန်တီကြီးက လုံးဝထွက်မသွားခဲ့ဘူး။ သူမသည် ဓာတ်လှေကားနဲ့ စင်္ကြံတက်နှင့်ဆင်းကို လမ်းလျှောက်နေခဲ့သည်။

သရဲအန်တီက ယဲ့ဆွေရဲ့ တံခါးကိုကြည့်ပြီးပြောလာသည်။ "ကျွတ် ကျွတ်.ဒီကလေးမလေးရဲ့ ခင်ပွန်းကအရမ်းပြင်းထန်တယ်။ ဘာဖြစ်လို့လဲဆိုတော့ သူ့ရဲ့အားကြီးတဲ့ ယန်စွမ်းအင်ကြောင့် ငါတို့တစ်ယောက်မှ မချဉ်းကပ်ရဲကြဘူး။ "

အခြားသရဲတစ္ဆေများက ထိုဝတ်ရုံနောက်သို့ လိုက်ကာအမျိုးသမီးကြီး၏ ပြောဆိုချက်ကို သဘောတူခဲ့ကြသည်။

ဘာ ?!

ယဲ့ဆွေ ကသရဲတစ္ဆေတွေ ပြောတာကိုပဲတွေးခဲ့သည်။ သူမကြားခဲ့တာက အမှန်ဆိုတာ သူမသေချာသိသည် ။ ချန်ရှု့က နေကြတ်ချိန်မှာမွေးဖွားခဲ့ပြီး ယန်ဝိဉာဥ်က အားကောင်းပြီး ကောင်းစွာမရှင်သန်နိုင်ပေ။

မကြာခင်မှာပဲ ယဲ့ဆွေရဲ့မျက်လုံးတွေက တောက်ပလာပြီး သူမချက်ချင်း ဧည့်ခန်းကို အကြိမ်ကြိမ် လှည့်ကြည့်လိုက်သည်။ ဧည့်ခန်းထဲမှာ ဘယ်ဟာမှမျောလွင့်နေတာမျိုးမရှိခဲ့ပေ။ သူမနောက်မှတံခါးကို နယ်နိမိတ်ကဲ့သို့ပြုမူခဲ့သည်။

ချန်ရှု့ ထိုင်နေစဉ် တစ်လျှောက်လုံး သရဲတွေက တဝက်နီးပါး အမားကို နီးကပ်လာဝံ့ကြလိမ့်မည်မဟုတ်ပေ။

ယဲ့ဆွေက ချန်ရှု့ဆီ သူမမျက်လုံးကို ရွေ့ခဲ့ပြီး ယန်စွမ်းအင်နဲ့ပြည့်နေတဲ့ ထိုလူကို သရဲများကြောက်နေပုံကို ကြည့်ချင်သည်။

ယဲ့ဆွေက သူမသူ့ကိုကြည့်လိုက်တဲ့အခါ သူတို့မျက်လုံးတွေ ဆုံမယ်လို့ မျှော်လင့်မထားခဲ့ပေ။

ယဲ့ဆွေက လေကို ဖြည်းဖြည်းချင်းမှုတ်ထုတ် လိုက်မိသည်။ ချန်ရှု့ရဲ့ မျက်လုံးတွေက နက်မှောင်ပြီး ကျဉ်းမြောင်းသည်။ ပြီးတော့ မျက်စိကိုအနည်းငယ်ရွေ့ လိုက်သည်။ ပုံမှန်အားဖြင့်သန့်ရှင်းနေတဲ့ အနက်ရောင်နှင့်အဖြူရောင်ကျောက်သားများသည် နှလုံးထဲမှမြင်နိုင်သကဲ့သို့ အညစ်အကြေးများမရှိခဲ့ပေ။

ပြုံးမနေနဲ့။  ချန်ရှု့ရဲ့ပုံစံ ကအရမ်းအေးစက်သည်။ သူ၏နက်ရှိုင်းသော မျက်နှာအသွင်အပြင်များ အပေါ်ရောင်ပြန်ဟပ်သော အလင်းသည် သူအားနူးညံ့သော အရောင်ကိုပေးခဲ့သည်။ သူ ယဲ့ဆွေ ကိုငေးကြည့်ရင်တောင် ချန်ရှု့ ရဲ့မျက်လုံးတွေက အာရုံမစိုက်ခဲ့ပေ။

ချန်ရှု့က ချန်ရှို့ရဲ့ ဦးလေးအနေနဲ့ ချန်ရှို့နဲ့မတူဘူးလို့ ထင်ခဲ့သည်။ သူ၏မျက်နှာသည် သူနှစ်ဆယ်ကျော် အရွယ်တွင်ဖြစ်ပျက်ခဲ့သည်။ ဒါကြောင့် ငယ်ရွယ်ပြီး အရမ်းချောသည်။

ချန်ရှု့ရဲ့ မျက်လုံးတွေက ယဲ့ဆွေကို ကြာကြာမကြည့်ခဲ့ပေ။ သူသည်သူမကို ရိုးရှင်းသောအမြင်ဖြင့်ကြည့်ပြီး သူမခြေထောက်ရှိဖိနပ်ကို သူ့မျက်စိရွှေ့ခဲ့သည်။ ချန်ရှု့ ရဲ့မျက်ခုံးကအနည်းငယ် တွန့်သွားပြီး အနည်းငယ်စိတ်မရှည်ဖြစ်လာခဲ့သည်။ သူကရောဂါဖြစ်နေသလိုမျိုး ဖိနပ်ကိုငေးကြည့်နေသည်။ သူသည်ပါးစပ်ကို ဖွင့်ပြီးတစ်ခုခုပြောရန် ကြိုးစားသော်လည်း သူသည်အခြားသူများနှင့် စကားမပြောချင်ခဲ့ပေ။

ယဲ့ဆွေ တံခါးဖွင့်၀င်လာသည့်အချိန်တွင် သူစိမ်းတစ်ယောက်လို ချန်ရှု့ရဲ့ကမ္ဘာကို ၀င်ရောက်လာခဲ့သည်။

ချန်ရှု့က  ပြောခဲ့တာက အရာရာတိုင်းတွင် သီးခြားနေရာရှိကြောင်း၊ ယခုတွင် ယဲ့ဆွေသည် သူ၏စည်းမျဉ်းများနှင့် သူ့ဘ၀ကိုပျက်ပြားသွားစေခဲ့သည်။

ယဲ့ဆွေက သူမ၏ခြေထောက်များကို ကြည့်လိုက်သည်။ သူမသည် ချန်ရှု့ရဲ့ လိုအပ်ချက်များနှင့်အညီ သပ်သပ်ရပ်ရပ်စီစဉ်ထားပြီးနောက် ဖိနပ်ဗီရိုထဲသို့ထည့်လိုက်သည်။

ယဲ့ဆွေက ဒီလိုလုပ်ပြီးနောက် သူမ ချန်ရှု့ ကိုထပ်ကြည့်လိုက်သည်။ သူ့ရဲ့မငြိမ်မသက်စကားတွေ ပျောက်ကွယ်သွားပြီး သူ့ရဲ့တိတ်ဆိတ်ပြီး လျစ်လျုရှုပုံကို ပြန်လည်ပြုလုပ်ခဲ့သည်။

ယဲ့ဆွေက အချက်တစ်ချက်ကို ရုတ်တရက်အမှတ်ရမိသည်။ သူမမှာ ချန်ရှု့နှင့်ချိန်းထားတဲ့ အချိန်ရှိသည်။ မနက်ဖြန် သူတို့ကွာရှင်းဖို့ အရပ်ဘက်အုပ်ချုပ်ရေး ဗျူရိုကိုသွားလိမ့်မယ့်နေ့ဖြစ်သည်။

ချန်ရှု့မရှိရင် သူမကသရဲများနှင့် ပြည့်နေသော တစ်အိမ်လုံးကို ရင်ဆိုင်ဖို့ လုံလောက်တဲ့ ယုံကြည်မှုရှိရမှာလား ?

အဖြေက မဖြစ်နိုင်ပေ၊  ထို့ကြောင့်ကွာရှင်းခြင်းကို ပြန်လည်ရွှေ့ဆိုင်းရလိမ့်မည်။

ချန်ရှု့ ထရပ်လိုက်သည်နှင့် ယဲ့ဆွေကသူမရဲ့ မျက်နှာကိုရဲရဲတင်းထားပြီး "ချန်ရှု့" ဟုခေါ်လိုက်သည်။

ချန်ရှု့က သူ့မျက်လုံးများကို သူမဆီရွေ့ခဲ့ပြီး စကားမပြောခဲ့ပေ။ သူ၏လှပသောသန့်ရှင်းသော မျက်လုံးများနှင့် ယဲ့ဆွေ ကိုကြည့်ပြီး စောင့်နေခဲ့သည်။

ယဲ့ဆွေရဲ့ကျောက တံခါးကိုမှီထားခဲ့ပြီး "ငါထင်တယ်" တံခါးအပြင်ဘက်တွင် ကမ္ဘာကြီးသည်ဆူညံနေသည်။ သို့သော် အတွင်း၌မူ တိတ်ဆိတ်နေခဲ့သည်။ သူမအသက်ပြင်းပြင်း ရှူလိုက်ပြီးသတ္တိမွေးကာ “ ​​ဒီနေ့စပြီး ကျွန်မအိမ်ကိုပြန်ရွေ့လာမယ် ” ဟုပြောလိုက်သည်။