အပိုင်း ၁၃၀

လျို့ဝှက်သောသူကြွယ်၏ ချစ်ဇနီးလေး  

အပိုင်း ၁၃၀ - ဘာလင်ရုပ်ရှင်ဘုရင်မ  

ယဲ့ဆွေက သူ့ရှေ့သို့ လျှောက်သွားသောအခါ ပညာရှင်သရဲက ထိုနေရာတွင် ဒူးထောက်လျက် ရှိသေးသည်။  ပညာရှင်သရဲက ယဲ့ဆွေရောက်လာသည်ကို သတိမထားမိဘဲ ခေါင်းငုံ့ကာ မတ်တပ်ရပ်လိုက်သည်။ 

ယဲ့ဆွေက သူ့ရှေ့တွင် ရပ်လိုက်ပြီး စကားမပြောမီ ပညာရှင် သရဲကို ကြည့်လိုက်သည်။  "မင်္ဂလာပါ။" 

ပညာရှင် သရဲက အံ့သြသွားသည်။  သူ မော့ကြည့်လိုက်တော့ ယဲ့ဆွေ ရဲ့ မျက်နှာကို မြင်လိုက်ရပြီး အံ့သြစွာ မေးလိုက်သည်။ “မဒမ်၊ ကျွန်တော့်ကိုမြင်ရတာလား?” 

ယဲ့ဆွေ ခေါင်းညိတ်လိုက်သည်။ "ကျွန်မမှာ သရဲတစ္ဆေတွေနဲ့ စကားပြောနိုင်တဲ့ အထူးစွမ်းရည်ရှိတယ်" 

"ကျွန်မရှင့်ကို မေးစရာရှိတယ်။ ရှင် ကျွန်မအတွက် ဖြေပေးနိုင်မလားလို့ ကျွန်မသိချင်တယ်" ယဲ့ဆွေက မေးလိုက်သည်။ 

 "ကျွန်တော်သိရင် ပြောပြပါ့မယ်"  ပညာရှင် သရဲက ခေါင်းညိတ်ကာ ပြန်ဖြေလိုက်သည်။ 

ယဲ့ဆွေက လေးလေးနက်နက် မေးလိုက်သည်။ " ရှင်ချန်ရှု့ ကို ဘာလို့ အရမ်းလေးစားတာလဲဆိုတာ ပြောပြလို့ရမလား? သူ့အထောက်အထားက ဘာလဲ?" 

ယဲ့ဆွေ၏ အသံက ရှင်းရှင်းလင်းလင်း ထွက်ပေါ်လာသည်။  သူမက ပညာရှင်သရဲကို အနီးကပ်ကြည့်ကာ သရဲက သူမအားပေးလာမည့်အဖြေအတွက် အလွန်စိတ်လှုပ်ရှားနေခဲ့သည်။ 

 သူမ ထင်ခဲ့သလို တကယ်လား?  ချန်ရှု့က....... 

ပညာရှင်သရဲက ခဏလောက်တွေးပြီး ခေါင်းခါပြလိုက်သည်။ “ကျွန်တော် သရဲဖြစ်လာပြီး မှတ်ဉာဏ်တွေ အများကြီး ပျောက်ကွယ်သွားခဲ့တယ်”  ယဲ့ဆွေ အနည်းငယ် စိတ်ပျက်သွားခဲ့သည်။ 

ပညာရှင်သရဲက ယဲ့ဆွေ  ကို လေးနက်သောအကြည့်ဖြင့်ကြည့်လိုက်သည်။ - "မစ္စတာချန်ရဲ့ အထောက်အထားက မြင့်မြတ်တဲ့သွေးဖြစ်ကြောင်းကိုတော့ ကျွန်တော်သိတယ်။ ကျွန်တော်တို့အားလုံး သူ့ကိုတွေ့ရင် ဒူးထောက်ရမယ်၊ ဒါမှမဟုတ်ရင် သေဒဏ်ကျခံရလိမ့်မယ်။” 

ယဲ့ဆွေက အချက်အလက်များစွာ မရရှိခဲ့သော်လည်း သူမ သံသယနှင့် ခြေတစ်လှမ်းပိုနီးနေပြီဟု သူမခံစားမိသည်။ 

ယဲ့ဆွေက ပညာရှင် သရဲကို ကျေးဇူးတင်ပြီး ထွက်သွားဖို့ အသင့်ဖြစ်နေခဲ့သည်။  ပညာရှင်သရဲရဲ့ အသံက ယဲ့ဆွေနောက်ကျောဘက်မှ ထွက်ပေါ်လာသည်။ 

"ကျွန်တော်ကို ကူညီပေးလို့ရမလား?"  သူက လေးလေးနက်နက် ပြောလိုက်သည်။ 

ယဲ့ဆွေက ရပ်လိုက်ပြီး သူ့ဘက်ပြန်လှည့်လိုက်သည်။  "ရတာပေါ့ "  ပညာရှင်သရဲက ချန် မိသားစုတွင် လှည့်လည်နေသောကြောင့် သူ့မှာအကြောင်းပြချက်တစ်ခုခုရှိရမည်။ 

ပညာရှင်သရဲက ချန်ရှီရဲ့ အခန်း၏အဆုံးတွင်ရှိသော ရှည်လျားတိတ်ဆိတ်သော စင်္ကြံအောက်ဘက်သို့ ငေးကြည့်နေခဲ့သည်။ 

ပညာရှင်သရဲက ဂုဏ်သိက္ခာရှိသောအမူအရာဖြင့် ၎င်းကိုကြည့်နေပုံရသည်။ 

"ချန်ရှီမှာ ကျွန်တော့်ရဲ့ စာရေးတဲ့စုတ်တံရှိတယ်။  အဲ့စာရေးစုတ်တံက ကျွန်တော် အသက်ရှင်နေစဥ် နှစ်ပေါင်းများစွာကြာအောင် လိုက်ပါလာခဲ့တာ။ ကျွန်တော်ပြန်မမွေးဖွားခင် ဒီစုတ်တံကို ပြန်လိုချင်တယ်" 

ပညာရှင်သရဲက ချန် စံအိမ်ကြီးကနေ ဘယ်တုန်းကမှ မထွက်သွားခဲ့ရတဲ့ အကြောင်းရင်းကို ယဲ့ဆွေ နားလည်သွားသည်။ 

ပညာရှင် သရဲက ထပ်ပြောပြန်သည်။  "အဲ့တာကိုကျွန်တော်ကိုယ်တိုင် ယူလိုက်မယ်ဆိုရင် ချန်ရှီရဲ့သဘောဆန္ဒမပါဘဲ ခိုးယူသွားတာဖြစ်သွားလိမ့်မယ်။  အဲဒါကြောင့် အခုအချိန်အထိ စာရေးတံကို မယူခဲ့တာ" 

ယဲ့ဆွေ သက်ပြင်းချလိုက်သည်။ ဒီသရဲက အရမ်းစည်းကမ်းကြီးတယ်လို့ ထွက်လာသည်။  ယဲ့ဆွေက "ဒါဆို ရှင့်အတွက် ကျွန်မပြန်ပေးပါ့မယ်" လို့ပြောလိုက်သည်။ ဤစုတ်တံကို ပြန်ယူခြင်းသည် သူ၏ စွဲလမ်းမှုကို အဆုံးသတ်နိုင်ပြီး လူပြန်ဝင်စားခြင်းကို ခံရနိုင်သည်။ 

ပညာရှင်က အရမ်းစိတ်လှုပ်ရှားနေပုံရသည်။ "ကျွန်တော့်ရဲ့ တောင်းဆိုချက်က အရမ်းများနေမှန်း သိပါတယ်၊ ကျေးဇူးအများကြီးတင်ပါတယ်"  ပညာရှင် သရဲက ယဲ့ဆွေကို လေးလေးနက်နက် ဦးညွှတ်လိုက်သည်။ 

ယဲ့ဆွေက ချန်ရှု့ နံဘေးသို့ လျှောက်သွားပြီး စာရေးစုတ်တံအကြောင်း ချန်ရှု့ကို ပြောပြလိုက်သည်။  ချန်ရှု့ က စက္ကန့်ပိုင်းလောက်စဉ်းစားပြီး "ဒါက မခက်ပါဘူး၊ အခုကိုယ့်အဖေကို ကိုယ်သွားမေးလိုက်လို့ရတယ် " 

ချန်ရှု့နဲ့ ယဲ့ဆွေက ချန်ရှီ ၏အခန်းသို့ ရောက်လာသည်။  ချန်ရှု့က ထိုစာရေးတံကို နှစ်သက်နေတယ်လို့ ချန်ရှီ တွေးလိုက်ပြီး ချန်ရှု့အား ရက်ရောစွာ ပေးလိုက်သည်။ 

ချန်ရှု့နဲ့ ယဲ့ဆွေတို့ ထွက်လာပြီးနောက် ယဲ့ဆွေက ထိုစာရေးစုတ်တံကို ပညာရှင်သရဲထံ ပေးခဲ့သည်။  ပညာရှင်သရဲက စုတ်တံကို ထိကပ်လိုက်သည်။  “နောက်ဆုံးတော့ ပြန်ရလာပြီပဲ။ နောက်ဆုံးတော့ ပြန်ရလာပြီ။” 

 ပညာရှင်သရဲက ချန်ရှု့နဲ့ ယဲ့ဆွေကိုကြည့်ပြီး ဒူးထောက်လိုက်ပြန်သည်။  သူကကြမ်းပြင်ပေါ်တွင် ခေါင်းကို အကြိမ်ကြိမ်တိုက်သော်လည်း ယဲ့ဆွေက သူ့ကို မတားနိုင်ခဲ့ပေ။ ပညာရှင် သရဲက အလွန်အကျွံအရိုအသေပေးပြီး ကျေးဇူးတင်စကား ဆိုခဲ့သည်။ “ကျွန်တော့်ဆန္ဒကို ဖြည့်ဆည်းပေးလို့ ကျေးဇူးတင်ပါတယ်”  

ယဲ့ဆွေက ပညာရှင် သရဲအား စာရေးစုတ်တံကို ရအောင် ကူညီပေးပြီးကတည်းက သူသေတဲ့ နေရာမှာ စာရေးစုတ်တံကို သင်္ဂြိုဟ်ခြင်းအားဖြင့် နောက်တစ်ကြိမ် ကူညီနိုင်မယ်လို့တွေးခဲ့သည်။ 

ယဲ့ဆွေက ပညာရှင်သရဲကို “စုတ်တံကို ဘယ်မှာမြှုပ်ထားချင်လဲ?” လို့ မေးလိုက်သည်။ 

ပညာရှင် သရဲက “ဟူရှန်း” ​ပြောခဲ့သည်။ 

ယဲ့ဆွေက နေ့လည်ခင်းမှာ ဘာမှလုပ်စရာမရှိတာမို့ အပြင်ခဏထွက်ရတာက အဆင်ပြေသည်။  ယဲ့ဆွေနဲ့ ချန်ရှု့ တို့က ကားထဲဝင်ကာ ဟူရှန်းသို့ မောင်းသွားကြသည်။ 

ဟူရှန်းမှာ ကားရပ်ပြီး သူတို့နှစ်ယောက် အတူတူ ဆင်းခဲ့ကြသည်။  ကားပေါ်မှ ဆင်းလိုက်သည်နှင့် တိုက်ခတ်လာသောလေရဲ့အအေးဓာတ်က အနည်းငယ် အေးစက်သွားသည်။ 

တောင်ရဲ့အလယ်မှာ ဘယ်သူမှမရှိဘူး။  ပတ်ပတ်လည်ကို ကြည့်လိုက်တော့ အေးစက်နေတဲ့ သင်္ချိုင်းဂူတချို့သာ ရှိပြီး တိတ်ဆိတ်ငြိမ်သက်နေသည်။ 

ယဲ့ဆွေ ဟိုကြည့်ဒီကြည့်လုပ်လိုက်သည်။ ဒီမှာ သရဲတစ္ဆေ မရှိဘူး။  ဒီအချိန်မှာ သရဲတစ္ဆေတွေ အိပ်ပျော်နေကြတာလား? 

နေ့ခင်းဘက်ဖြစ်နေသေးသော်လည်း အလွန်အုံ့မှိုင်းနေပုံရသည်။  သင်သွားတာပိုမိုနက်ရှိုင်းလာသည်နှင့်အမျှ နေရောင်က မှိန်ဖျော့လာပြီး လေထုက ပိုမိုအေးလာလေဖြစ်သည်။ 

ယဲ့ဆွေ အနည်းငယ် ကြောက်သွားသော်လည်း ချန်ရှု့က သူမအနားတွင် ရှိနေသည်။ သူမရဲ့ဘေးနားက သူရှိနေရင် သူမ မကြောက်တော့ဘူး။ ယဲ့ဆွေက ပညာရှင် သရဲကို “ရှင့်အိမ်က ဘယ်မှာလဲ?” လို့ မေးလိုက်သည်။ 

ပညာရှင်သရဲက လက်နဲ့ညွှန်ပြလိုက်သည်။  “အရှေ့ကညာဘက် ” 

ယဲ့ဆွေ လှမ်းကြည့်လိုက်တော့ မနီးမဝေးမှာ အုတ်ဂူတစ်ခုရှိသည်။  ကံကောင်းထောက်မစွာနဲ့ လမ်းက မဝေးဘူး၊ သူမအထဲကို မဝင်နိုင်ရင် ရှက်မိလိမ့်မယ်။  ယဲ့ဆွေနဲ့ ချန်ရှု့တို့ လျှောက်သွားခဲ့ကြသည်။   

ပညာရှင်သရဲက သူ့အုတ်ဂူကို မြင်ပြီး “စုတ်တံယူပေးတဲ့အတွက် ကျေးဇူးရှင်နှစ်ယောက်ကို ကျေးဇူးတင်ပါတယ်၊ စုတ်တံကို ကျွန်တော် မြှုပ်လိုက်မယ်” လို့ တလေးတစား ပြောလိုက်သည်။ 

ပညာရှင်သရဲက ငုတ်တုတ်ထိုင်၍ မြေကြီးကို အကိုင်းအခက်တစ်ခုဖြင့် စတင်တူးလိုက်သည်။  ချန်ရှု့က သရဲတစ္ဆေကို မမြင်နိုင်သော်လည်း မြေပြင်ပေါ်က အကိုင်းအခက်များကို မြင်လိုက်ရပြီး မြေကြီးပေါ်ရှိ မြေဆီလွှာများကို ဖြည်းညှင်းစွာ ဆွဲထုတ်လိုက်တာကိုမြင်နေရသည်။ 

ယဲ့ဆွေက ဘာမှမလုပ်ဘဲ ပတ်ပတ်လည်ကိုလှည့်ကြည့်လိုက်သည်။  ပညာရှင်သရဲရဲ့ အုတ်ဂူဘေးမှာ သစ်ပင်ကြီးတစ်ပင်ရှိသည်။ 

သစ်ပင်က အကိုင်းအခက်များနှင့် အရွက်များပါရှိပြီး ပင်စည်က ဖြောင့်ဖြောင့်ကြီးနဲ့မြင့်မားသည်။ အခုက နွေဦးရာသီဖြစ်တာကြောင့် ပန်းတွေ ပွင့်နေပြီး သစ်ပင်က အနီရောင် ပန်းပွင့်လေးတွေ ပွင့်နေတာကို ပြသနေသည်။ 

ပန်းများက လှပပြီး အရောင်အသွေးစုံလင်လှသော်လည်း ယင်အခိုးအငွေ့ရဲ့  အရိပ်အယောင်များဖြင့် ပြည့်နေသည်။  ယဲ့ဆွေက "ဒီမှာ သင်္ချိုင်းတစ်ခုရှိလို့ ဖြစ်နိုင်တယ်၊ ဒါပေမယ့် အရာအားလုံးမှာ ထူးဆန်းတာတစ်ခုတော့ ရှိနိုင်တယ်" တွေးမိသွားသည်။ 

ဤအခိုက်အတန့်တွင်၊ ယဲ့ဆွေ၏ အကြည့်က တစ်နေရာရာကို စူးစူးစိုက်စိုက်ကြည့်နေပြီး သူမ၏မျက်လုံးများတွင် ထိတ်လန့်သွားသည်။  နက်မှောင်သော သစ်ကိုင်းတစ်ခုပေါ်တွင် အနီရောင်တောက်တောက် လက်ကိုင်ပုဝါတစ်ခုကို ချိတ်ဆွဲထားသည်။ 

အဝေးက အကိုင်းအခက်တွေပေါ်မှာ ပွင့်နေတဲ့ အနီရောင်ပန်းတစ်ပွင့်လို့ သူမ ထင်ခဲ့တာ။  အဲဒီအစား အဲ့တာကအနီရောင် လက်ကိုင်ပုဝါတစ်ထည်ဖြစ်နေသည်။ 

အုံ့မှိုင်းနေသောကောင်းကင်၊ သရဲတစ္ဆေပန်းများနှင့်သစ်ပင်များ၊ မည်သည့်နေရာမှ ထွက်ပေါ်လာမှန်းမသိသော အနီရောင်လက်ကိုင်ပုဝါ… နေရာတိုင်းက အလွန်ထူးဆန်းပုံရသည်။ 

ယဲ့ဆွေက နောက်တစ်ခေါက် ထပ်မကြည့်ဝံ့တော့ဘဲ ထွက်သွားတော့မည်။  ထို့နောက် မလှမ်းမကမ်းတွင် ထူးထူးခြားခြား မြင်ကွင်းတစ်ခု ပေါ်လာသည်။ 

ဆိတ်ငြိမ်သောလမ်းတွင် စက္ကူထီးကိုကိုင်ဆောင်ထားသော အမျိုးသမီးတစ်ဦးက ဖြည်းညှင်းစွာရောက်လာသည်။ သူမက ရှေးကျသော အဝတ်အစားများကို ၀တ်ဆင်ထားပြီး သူမဆံပင်ပုံစံမှာလည်း ရှေးကျသောပုံစံဖြစ်သည်။ 

တစ္ဆေမိန်းကလေးက ခေါင်းငုံ့ကာ ဖြည်းညှင်းစွာ လျှောက်လာခဲ့သည်။ သူမ၏ ခြေလှမ်းများသည် အလွန်သေးငယ်ပြီး သူမ၏ စကတ်အောက်၌ ဝှက်ထားသည်။  သူမ၏ လှုပ်ရှားမှုတိုင်းက ပြေပြစ်သည်။  ယဲ့ဆွေက သူမ မျက်နှာကို ရှင်းရှင်းလင်းလင်း မမြင်နိုင်သော်လည်း သူမ၏ ပင်ကိုယ်အသိစိတ်က သူမကလှပကြောင်းကိုပြောပြနေသည်။ 

ထီးကိုကိုင်ဆောင်ထားသည့် တစ္ဆေအမျိုးသမီးက ခေါင်းငုံ့ကာ မြေပြင်ပေါ်ကို စိုက်ကြည့်ရင်း “ငါ့နားကပ်တွေ ဘယ်မှာလဲ?  ငါ့နားကပ်တွေ ဘယ်မှာလဲ?"လို့ရေရွတ်နေခဲ့သည်။ 

အသံက လေထဲတွင် ရှင်းရှင်းလင်းလင်း ထွက်ပေါ်လာသည်။ ယဲ့ဆွေ က ဒီတစ်ခါတော့ အရမ်းကြောက်သွားသည်။  သူမက ချန်ရှု့အင်္ကျီလက်ကိုဆွဲလိုက်ပြီး တုန်တုန်ယင်ယင်နဲ့ ပြောလိုက်သည်။ "ချန်ရှု့၊ မြန်မြန်ထွက်သွားရအောင်" 

ချန်ရှု့က ယဲ့ဆွေ ကိုကြည့်ကာ စိုးရိမ်စိတ်နဲ့ ပြောလိုက်သည်။"ကိုယ်တို့ အခုပဲ ထွက်သွားမယ်"   

သူတို့နှစ်ယောက် ခြေလှမ်းမလှမ်းမီတွင် သရဲမက သူတို့နောက်ဘက်မှ မြေကိုတူးနေသော ပညာရှင်သရဲရဲ့ ဦးတည်ရာသို့ လှမ်းကြည့်လိုက်သည်။ 

သရဲမက ယဲ့ဆွေ နဲ့ ချန်ရှု့ကိုတောင်မကြည့်ဘူး။  သူမမျက်လုံးများက ရွှင်မြူးမှု၊ ဝမ်းနည်းမှုတို့နှင့်အတူ ပညာရှင်သရဲကိုသာ အာရုံစိုက်နေခဲ့သည်။ 

လုံလောက်သော တွင်းနက်ကိုရသွားသောအခါ ပညာရှင်သရဲက ရပ်တန့်လိုက်ပြီး သူ၏စုတ်တံကို အထဲသို့ မြှုပ်ပစ်လိုက်သည်။  တစ္ဆေအမျိုးသမီးက သူမကိုင်ထားတဲ့ စက္ကူထီးကို လွှင့်ပစ်လိုက်ပြီး မြှားတစ်စင်းလို ပျံဝဲသွားခဲ့သည်။ 

 လှုပ်ရှားမှုက အရမ်းရဲရင့်တယ်၊ သူမရဲ့လှပပြီး တိတ်ဆိတ်တဲ့ မျက်နှာနဲ့ လုံးဝ မလိုက်ဖက်ဘူး။ 

ယဲ့ဆွေက တစ္ဆေအမျိုးသမီး ပညာရှင်သရဲဘက်သို့ ရောက်လာသည်ကို ကြည့်နေသည်။  သူမကဖြူဖပ်ဖြူရော်လက်ကို မြှောက်လိုက်ပြီးသူမရဲ့ ရင်ဘတ်ကို ထုနှက်လိုက်သည်။ သူမရဲ့အသံက မျက်ရည်တွေနဲ့ ပြည့်နေသည်။ - "ရှင်ဘယ်ရောက်နေခဲ့တာလဲ? ရှင်ချန် စံအိမ်​ကို ပြန်​သွားလိုက်တာ ​မဟုတ်​လား?  ” 

ပညာရှင် သရဲက ရပ်တန့်သွားသည်။  သူက သရဲကိုကြည့်ကာ သူ့လက်ထဲက စုတ်တံကို ကောက်ကိုင်လိုက်ပြီး ယမ်းလိုက်သည်။ "နောက်ဆုံးတော့ ငါ အကြိုက်ဆုံး စုတ်တံကို ရလာပြီ" 

ပညာရှင် သရဲက ယဲ့ဆွေနဲ့ ချန်ရှု့ကို လက်ညှိုးထိုးပြပြီး "ဒီနှစ်ယောက်က ငါ့ရဲ့ ကျေးဇူးရှင်တွေပဲ၊ သူတို့က ဒီဟာကို ရလာအောင်ငါ့ကိုကူညီပေးခဲ့တာ" 

ထိုအချိန်တွင် ပညာရှင်သရဲအတွက်သာ မျက်လုံးရှိသော အမျိုသမီးသရဲက ယဲ့ဆွေနဲ့ ချန်ရှု့တို့ကို သတိထားမိသွားသည်။  ချန်ရှု့နဲ့ ယဲ့ဆွေမျက်နှာကို သူမမြင်သွားသောအခါ သူမ ထိတ်လန့်သွားသည်။ 

 “ဒါမဟုတ်လား… ဒါမဟုတ်လား…” လို့ ခက်ခက်ခဲခဲ ပြောလိုက်ရပေမယ့် ဒီလူနှစ်ယောက်ရဲ့ မျက်နှာတွေဟာ အမျိုးသမီးသရဲ့ရဲ့ မှတ်ဉာဏ်ထဲမှာ ပေါ်လာသည်။ 

 "ဒါမဟုတ်လားက ဘာလဲ?"  ပညာရှင်က နားမလည်နိုင်ဖြစ်ကာ မေးလိုက်သည်။ 

အမျိုးသမီးသရဲက "အရူး ၊ မြန်မြန် ဒူးထောက်လိုက်!"  အမျိုးသမီးသရဲက ပညာရှင်သရဲကို ချက်ချင်းဆွဲပြီး မြေပြင်ပေါ်မှာ ဒူးထောက်လိုက်ကြသည်။ 

အမျိုးသမီးသရဲက ယဲ့ဆွေနဲ့ ချန်ရှု့တို့ကို အလွန်အကျွံအရိုအသေပေးကာ အော်လိုက်သည်။ “အရှင့်သား ၊ အရှင့်သား” ဆိုပြီး  

ယဲ့ဆွေ  အရမ်းအံ့သြသွားသည်။  သူမက အမျိုးသမီးသရဲကို  အရင်ထခိုင်းပြီး မေးလိုက်သည်။“ရှင် ကျွန်မတို့ကို သိတာလား?”  

အမျိုးသမီးသရဲက ချန်ရှု့ကို အံ့သြတကြီး စိုက်ကြည့်နေသည်။  သူမက ခေါင်းညိတ်ပြသော်လည်း သူမရဲ့ ခေါင်းကိုပြန်ခါလိုက်ပြန်သည်။ - "အရှင့်ရဲ့အဆင့်အတန်းက ဂုဏ်ယူစရာကောင်းလွန်းပါတယ်။ ကျွန်မ မပြောနိုင်ပါဘူး" 

နှစ်ရာနှင့်ချီပြီးသည့်တိုင် အမျိုးသမီးသရဲက ထိုလူနှစ်ယောက်ကို မှတ်မိနေသေးသည်။ 

 သူတို့ လူဝင်စားခြင်းခံရသော်လည်း၊ သူတို့သည် မြင့်မြတ်ဆဲဖြစ်ပြီး သူတို့၏ အရည်အသွေးများက တုနှိုင်းမမှီကြောင်းကို တွေ့ရှိရသည်။  ဒီလိုပုဂ္ဂိုလ်မျိုးကို တစ်ချက်ကြည့်လိုက်ရင်တောင် ဘယ်တော့မှ မေ့မှာမဟုတ်ဘူး။ 

အမျိုးသမီးသရဲက အဲ့တာကိုပြောမှာ မဟုတ်ဘူးလို့ ယဲ့ဆွေ မမျှော်လင့်ထားခဲ့ပေ။  သူမ အနည်းငယ် စိတ်ပျက်သွားသော်လည်း “ရှင့်တို့နှစ်ယောက်ကြားက ဆက်ဆံရေးက ဘယ်လိုလဲ?” လို့ မေးနေတုန်းပဲ။ 

အမျိုးသမီးသရဲက ပညာရှင်သရဲကို ရှက်ကိုးရှက်ကန်းနဲ့ကြည့်လိုက်သည်။  “ကျွန်မတို့က တစ်ယောက်ကိုတစ်ယောက် သဘောကျနေကြတာပါ ”  ယဲ့ဆွေက သူမရဲ့နှုတ်ခမ်းပေါ် အပြုံးလေးနဲ့ သူတို့ကို ကြည့်လိုက်သည်။ 

ယဲ့ဆွေက ချန်ရှု့ ဘက်လှည့်ပြီး သရဲပြောပြတဲ့ဟာကို ပြောပြလိုက်သည်။ 

အမျိုးသမီးသရဲက ပညာရှင်သရဲဘာလုပ်မလဲဆိုတာကို သတိရသွားပြီး သူမ၏နှလုံးသားသည် ဝမ်းနည်းမှုဖြင့် ပြည့်နှက်နေသည်။ - “စုတ်တံကို ရှင်ရှာတွေ့ပြီ။ ရှင်  လူဝင်စားတော့မှာလား?" 

 "ဒါဆို ကျွန်မဘာလုပ်ရမလဲ? ကျွန်မရဲ့နားကပ်တွေကို ရှာမတွေ့ဘူး၊ ကျွန်မနှလုံးသားက အဲ့တာကိုလွှတ်ထားလို့မရဘူး။" 

ပညာရှင်သရဲက သူ့အင်္ကျီလက်အနားထဲက တစ်ခုခုကို ထုတ်ယူပြီး အမျိုးသမီးသရဲထံ ပေးလိုက်သည်။  "ဒါကဘာလဲဆိုတာ မင်းသိလား?"  သရဲက အဲ့တာကို ယူလိုက်တော့ ပျောက်ဆုံးသွားသော နားကပ်ဖြစ်ကြောင်းကို တွေ့ရှိခဲ့သည်။ 

အမျိုးသမီးသရဲက ပျော်သွားသည်။  "ရှင်ဘယ်လိုရှာတွေ့ခဲ့တာလဲ?" 

ပညာရှင်သရဲက လေးနက်သောမျက်နှာဖြင့် အမျိုးသမီးသရဲကို ကြည့်လိုက်သော်လည်း သူ့လေသံက ပို၍ပျော့ပျောင်းသွားကာ "ချန်အိမ်မှာ ငါဘာကြောင့် တစ်နေ့လုံးရှိနေတယ်လို့ မင်းထင်လဲ?  အဲ့တာကဘာကြောင့်လဲဆိုတော့ သစ်ပင်အောက်မှာ မင်းနားကပ်ကို ငါ သတိထားမိလို့ပဲ" 

အမျိုးသမီးသရဲက နားကပ်ကို ကိုင်ထားပြီး “အခု၊ ကျွန်မတို့အတူတူ လူပြန်ဝင်စားလို့ရနိုင်ပြီပေါ့နော် ” လို့ ဝမ်းသာအားရ ပြောလိုက်သည်။ 

ယဲ့ဆွေနဲ့ ချန်ရှု့တို့က ဖြည်းညှင်းစွာ ထွက်ခွာသွားခဲ့သည်။  နဂိုက အုံ့မှိုင်းနေတဲ့ သင်္ချိုင်းက အခုချစ်သူတွေရဲ့ ကျေးဇူးကြောင့် ကြောက်စရာ မရှိတော့ဘူး။ 

ယဲ့ဆွေက ချန်ရှု့လက်ကို ကိုင်ထားပြီး သူတို့နှစ်ဦးက သင်္ချိုင်းတွင် ဒုတိယအနေနဲ့ ချိန်းတွေ့ခဲ့ကြသည်။ သူတို့ နိုင်ငံခြားမှာ ရောက်နေတဲ့နောက်ဆုံးအချိန်မှာတုန်းက နိုင်ငံခြား သရဲကို သူမတို့ကူညီခဲ့ဖူးသည်။  အဲဒီတုန်းကလည်း သူမတို့သုသာန်ကို သွားခဲ့ကြသည်။ 

ထိုအချိန်နှင့် ယခုအချိန်ကြား ခံစားချက်က လုံးဝကွဲပြားသော်လည်း သူမနှင့် လိုက်ပါလာသူမှာ အမြဲတမ်း ချန်ရှု့ဖြစ်သည်။ 

ချန်ရှု့က ယဲ့ဆွေ  ရဲ့အကြည့်ကို သတိထားမိပြီး မေးလိုက်သည်။"ဘာဖြစ်နေတာလဲ?" 

ယဲ့ဆွေက ပြုံးပြီး ချန်ရှု့ရဲ့လက်ကို တင်းတင်းကျပ်ကျပ် ဆုပ်ကိုင်လိုက်သည်။ "ရှင်ကအရမ်းချောတယ်လို့ ကျွန်မထင်တယ်။ ကျွန်မသစ်ပင်ပေါ်က လက်ကိုင်ပုဝါအနီကို ခုနက မြင်လိုက်တာနဲ့ ရှင့်ကိုချစ်မိသွားတဲ့ သရဲမတစ်ကောင်ရှိနေပြီလို့ ကျွန်မထင်သွားတာ” 

ချန်ရှု့ကပြုံးပြီး လေးနက်စွာ ပြောလိုက်သည်။  "ကိုယ်သူတို့ကို မမြင်နိုင်ဘူးလေ " 

သူတို့လုပ်ခဲ့တာတွေပြောလာလည်းပဲ သူနဲ့ဘာမှမဆိုင်ဘူး။ 

ယဲ့ဆွေ ပြုံးလိုက်သည်။ နှစ်ယောက်သား ကားပေါ်တက်သွားပြီး မောင်းထွက်သွားသည်။  ဟောလိဝုဒ်ရုပ်ရှင် “ဘက်ပေါင်းစုံမှ ဝန်းရံထားသည် ” ရိုက်ကူးမှုက စတင်နေပြီဖြစ်သည်။ 

ယဲ့ဆွေရဲ့ လျှို့ဝှက်အိမ်ထောင်ရေး ကမောက်ကမဖြစ်ပြီးနောက် အဲ့တာက အချိန်အတော်ကြာခဲ့သည်။ 

ဖိန်နင်မှာ ယနေ့တွင် ကြေငြာချက်တစ်ခု ထုတ်ပြန်ခဲ့ပြီး အဖွဲ့တွင် မပါဝင်ရသေးပေ။  ပထမနေ့ကတော့ ယဲ့ဆွေ  ရဲ့ တစ်ကိုယ်တော် ဇာတ်ဝင်ခန်းပင်။ 

ပထမဆုံး ရိုက်ကွင်းမစခင်မှာ အဖွဲ့သားတွေက စီစဉ်ပေးနေတုန်းပဲ။  ရင်းနှီးသောအသံကိုကြားသောအခါ ယဲ့ဆွေက ဇာတ်ညွှန်းကိုဖတ်နေခဲ့သည်။ 

“မင်း ဟောလိဝုဒ်ထဲဝင်ချင်ရင်တော့ ကောလဟာလအနည်းငယ်က ဘာမှမဖြစ်ဘူး။  ရှေ့ဆက်ရမယ့်လမ်းက ရှည်နေသေးတယ်။  မင်းရဲ့စွမ်းဆောင်ရည်ကို တခြားသူတွေကို လွှမ်းမိုးခွင့်မပေးနဲ့။" 

ယဲ့ဆွေက သူမ လှုပ်ရှားမှုများကို ရပ်လိုက်ပြီး ဒါရိုက်တာ ကျို့ ကို ကြည့်ရန် လှည့်လိုက်သည်။  သူကတကယ်ပဲ သူမကိုကြည့်နေပြီး အစောက စကားက သူမကို ဦးတည်နေသည်။ 

ဒါရိုက်တာ ကျို့  မျက်လုံးများတွင် အားပေးမှုကို သူမ မြင်နိုင်သလောက်ပင်။ 

 "ဘာကြည့်နေတာလဲ?"  ဒါရိုက်တာ ကျို့က ပြောခဲ့သည်။  “ငါချက်ချင်းရိုက်တော့မယ်။  အသင့်ပြင်ထားတော့ ” 

ဒါရိုက်တာ ကျို့ ဒေါသထွက်လွယ်ပြီး သရုပ်ဆောင်တွေကို အနည်းဆုံး တစ်ကြိမ် ကြိမ်းမောင်းတတ်တယ်လို့ ဖျော်ဖြေရေးနယ်ပယ်က လူတွေက ပြောကြသည်။  သို့သော် ယဲ့ဆွေက ထိုလူက သူတို့ပြောသလို ကြောက်စရာမကောင်းဘူးလို့ ခံစားမိသည်။ 

လူတွေကို သူ ဂရုစိုက်တဲ့ပုံက တကယ်ကို ထူးခြားနေတာပဲလေ။ 

အခု ယဲ့ဆွေရဲ့ သရုပ်ဆောင်စွမ်းရည်ကို သူအသိအမှတ်ပြုထားသည်။ ဒါရိုက်တာကျို့က သူမကို အင်တာနက်သုံးစွဲသူတွေက ဘယ်လိုဆွေးနွေးမလဲဆိုတာကို စိတ်မပူဘူး။  သူရွေးထားတဲ့ အမျိုးသမီးဇာတ်လိုက်က အကောင်းဆုံးဆိုတာကို သူ သေချာပေါက် သိသည်။ 

အခြားသူများ၏ မှတ်ချက်များသည် သရုပ်ဆောင်တစ်ဦး၏ သရုပ်ဆောင်စွမ်းရည်နှင့် ဇာတ်ကားအရည်အသွေးကို လွှမ်းမိုးနိုင်လျှင် ဇာတ်ကားသည် အသက်အန္တရာယ်ရှိမည်ဖြစ်သည်။ 

ပထမဆုံးရိုက်ကွင်းက ဝိုင်ဆိုင်ရဲ့အပြင်ဘက်မှာ စတင်ရိုက်ကူးခဲ့တာပင်။  ဂိတ်တံခါးက ညှို့မှိုင်းပြီး အထီးကျန်နေပုံရသည်။ 

စားပွဲပေါ်တွင် ဝိုင်ပုလင်းတစ်လုံးနှင့် ကုလားထိုင်ပေါ်တွင် လူတစ်ယောက် ထိုင်နေသည်။  သူမက သွယ်လျသော်လည်း ပိန်လှီခြင်းမရှိပေ။ သူမမျက်နှာက အနည်းငယ် အေးစက်နေပြီး သူမ အပြုံးက အနည်းငယ်ဆိုးသည်။ 

​ကောက်ကျစ်စဥ်းလဲသော မိန်းကလေးတစ်ယောက်ရဲ့ ဘဝလိုပင်။ 

စားပွဲက မလှုပ်ပေမယ့် ဝိုင်ဖန်ခွက်က လှုပ်နေသည်။  ဖန်ခွက်ထဲရှိ ဝိုင်က အနည်းငယ် တုန်ခါသွားသည်။  သူမရဲ့ပတ်ဝန်းကျင်က တိတ်ဆိတ်နေပေမယ့် ပတ်ပတ်လည်မှာ အန္တရာယ်တွေ ရှိနေခဲ့သည်။ 

တိုက်ပွဲတစ်ခုစတင်လာခဲ့ပြီ။ 

"ဟုတ်တယ်၊ ငါလိုချင်တဲ့ လူသတ်သမားက ဒီလိုခံစားချက်မျိုး ပေးတာပဲ!"  ပထမဇာတ်ဝင်ခန်းအပြီးတွင် ဒါရိုက်တာ ကျို့ က ဇာတ်ညွှန်းကို ကိုင်ထားကာ စိတ်လှုပ်ရှားမှုကြောင့် သူ့မျက်နှာကနီရဲသွားခဲ့သည်။ 

ယဲ့ဆွေ ထွက်လာပြီး ကင်မရာကို ကြည့်သောအခါ ဒါရိုက်တာ ကျို့က  သူ့ယခင်က အေးစက်စက်နိုင်မှုကို ပြန်သွားခဲ့သည်။ 

ဒါရိုက်တာ ကျို့က ရှေ့တည့်တည့်ကို ကြည့်နေသည်။  “မင်းဒီလိုသဘောထားနဲ့ ဆက်ပြီးသရုပ်ဆောင်လုပ်ရင် တစ်နေ့မှာ လူထုက မင်းကိုအသိအမှတ်ပြုတာကိုခံရလိမ့်မယ်” လို့ ပေါ့ပေါ့ပါးပါး ပြောခဲ့သည်။ 

မာနကြီးပြီး၊ စိတ်မြန်လက်မြန်မလုပ်နေပါနဲ့။  ဒါက လူငယ်သရုပ်ဆောင်တစ်ယောက်ရဲ့ အတွေ့အကြုံတစ်ခုပဲ။ 

ယဲ့ဆွေက  ပြုံးလိုက်သည်။  “ ကောင်းပါပြီ ” 

တစ်ချိန်တည်းမှာပင် အတ္ထုပ္ပတ္တိရုပ်ရှင် 'နင်းလင်' ကို ရုံတင်ပြသတော့မည်ဖြစ်သည်။ 

ယဲ့ဆွေရဲ့ မကြာသေးမီက အရှုပ်တော်ပုံကြောင့် 'နင်းလင်' လူသိရှင်ကြားအဖွဲ့က ခပ်လျှိုလျှိုဖြစ်သွားခဲ့သည်။ ဘာလင်ရုပ်ရှင်ပွဲတော်တွင် ရရှိခဲ့သော ရုပ်ရှင်ဆုများကို ပိုစတာတွင် ဖော်ပြထားသည်။  ယဲ့ဆွေကိုဖော်ပြသောအခါ၊ သူမ၏ ဘာလင်ရုပ်ရှင်ဘုရင်မဘွဲ့ကို အသုံးပြုခဲ့သည်။ 

ကံမကောင်းစွာဖြင့်၊ ယခုလထုတ်လုပ်ရေးတွင် ဖိန်နင်နှင့် ချန်းယွီတို့ပါဝင်သည့် အက်ရှင်ဇာတ်ကား 'တုန်​ခါခြင်း' ဖြစ်တဲ့ နောက်ထပ်ကြော်ငြာတစ်ခုရှိခဲ့သည်။ 

 ထိပ်တန်းကြယ်ပွင့်နှစ်ဦးက Box Office တွင် ပြင်းထန်သောတိုက်ပွဲကိုစတင်နိုင်ခဲ့သည်။  ယဲ့ဆွေ ပေါ်မလာခင်မှာ ဖိန်နင်က ​​ကြော်ငြာတန်ဖိုးအမြင့်ဆုံး အမျိုးသမီးသရုပ်ဆောင်ဖြစ်ခဲ့သည်။ 

ကောင်းစွာဖန်တီးပြီး ကောင်းမွန်သော စိတ်ကူးယဉ်နမူနာများဖြင့် စီးပွားဖြစ်တန်ဖိုးအရှိဆုံး သရုပ်ဆောင်နှစ်ဦးသည် ဇာတ်ကားတွင် တစ်ဘီလီယံအထိ ဝင်ငွေရရှိခဲ့သည်။ 

'နင်းလင်' တွင် ဒါရိုက်တာရှီကျောက်နဲ့ ဘာလင် ရုပ်ရှင်ဘုရင်မ ယဲ့ဆွေတို့က ခရက်ဒစ်များပေးခဲ့သည်။  အဖွဲ့၀င်များပင်လျှင် နာမည်ကြီး မင်းသမီး နင်းလင်နှင့် ပူးပေါင်းခဲ့ကြသူများပင်ဖြစ်သည်။ 

သို့တိုင်၊ 'တုန်ခါခြင်း' ဇာတ်ကားက 'နင်းလင်'ကို အကြီးအကျယ် စိန်ခေါ်နေပါသည်။  ယဲ့ဆွေရဲ့  မကြာသေးမီကအဖြစ်အပျက်သည် Box Office တွင်သူမ ရုပ်ရှင်၏ စွမ်းဆောင်ရည်အပေါ် အကျိုးသက်ရောက်လိမ့်မည်ဟု ယုံကြည်ကြသည်။ ဒါရိုက်တာ ရှီကျောက် ဆိုရင်တောင် ရုပ်ရှင်လုပ်ငန်းက ပြောင်းလဲနေပြီဆိုတာကို ပရိသတ်ကို သူတို့သက်သေပြချင်ကြသည်။ 

 "နင်းလင်" နှင့် 'တုန်ခါခြင်း' နာမည်ကြီး ဝက်ဘ်ဆိုက်တစ်ခုတွင် စစ်တမ်းတစ်ခု စတင်ခဲ့သည်။ မည်သည့်အရာကို သင်ပိုမိုကြည့်ရှုလိုလဲ? 

မဲခွဲပြီးနောက်တွင် 'တုန်ခါခြင်း' က အများစုဖြင့်အပြတ်အသတ် အနိုင်ရခဲ့သည်။ 

ထုတ်ဝေချိန် နီးကပ်လာသည်နှင့်အမျှ 'တုန်ခါခြင်း' ၏ ကြိုတင်ရောင်းအားသည် 'နင်းလင်' ထက် များစွာသာလွန်နေပြီဖြစ်သည်။ 

 "နင်းလင်" ကို ကြည့်ရှု့လိုသူ အရေအတွက်က နည်းပါးပြီး၊ ကြိုတင်ရောင်းချမှုလည်း နည်းပါးကာ ထိပ်တန်းသရုပ်ဆောင်များ၏ အများသူငှာ ချီးကျူးမှု ကွာဟချက်မှာ ကျယ်ပြန့်လှသည်။  မည်သို့ပင်ဆိုစေကာမူ 'နင်းလင်' သည် Box Office တွင် ကျိန်းသေပေါက် ရှုံးနိမ့်မည်ဖြစ်သည်။ 

ဒါရိုက်တာ ရှီကျောက် ရဲ့အလုပ်က ယဲ့ဆွေ ရဲ့လက်ထဲမှာ ပျက်သွားတော့မှာလား? 

မျှော်လင့်ချက်များစွာဖြင့် 'တုန်ခါခြင်း' နှင့် 'နင်းလင်' တို့ကို ထိုနေ့တွင်ပင် ထုတ်လွှင့်​ခဲ့သည်။ ရှေ့ပိုင်းတက်ရောက်မှုက မြင့်မားနေစဥ်မှာ နောက်ပိုင်းပြသမှုက  တစ်ဝက်မျှသာပြည့်နေသည်။ 

နင်းလင်၏ ပထမနေ့ နံနက်အစောပိုင်းတွင် တို့ဘန်းတွင် ကြယ်ပွင့်သုံးသပ်ချက်များစွာ ပေါ်လာသည်။  သူတို့၏ မှတ်ချက်များသည် အံ့သြစရာကောင်းလောက်အောင် ကိုက်ညီနေခဲ့သည်။ 

 “ယဲ့ဆွေက သူ့ပရိသတ်တွေကို လှည့်စားခဲ့ပြီး သူမသရုပ်ဆောင်တာကို ရပ်ပြီး ဟွာရွေ့ ရဲ့သူဌေးမအဖြစ် ပြန်သွားသင့်တယ်လို့ ငါအကြံပြုတယ်။ သူမရုပ်ရှင်တွေကို ငါဘယ်တော့မှ မကြည့်တော့ဘူး” 

ယဲ့ဆွေက သူမကိုယ်သူမ မကာကွယ်ခဲ့သလို ဝေ့ပေါ်မှာ ပရိသတ်တွေနဲ့လည်း ထိတွေ့ဆက်ဆံမှု မလုပ်ခဲ့ဘူး။  ရုပ်ရှင်အဖွဲ့သားများကလည်း တိတ်ဆိတ်နေခဲ့သည်။  ပွဲမစခင်အထိ အရာအားလုံး တိတ်ဆိတ်သွားသည်။ 

ပထမဆုံးတင်ဆက်မှုဆိုပေမယ့် ရုပ်ရှင်ရုံမှာ လူသိပ်မရှိဘူး။  ယဲ့ဆွေရဲ့ အရှုပ်တော်ပုံက Box Office ကို အမှန်တကယ် ထိခိုက်စေခဲ့သည်။  လက်မှတ်ဝယ်ယူသည့် ပရိသတ်အချို့မှာ ရှီကျောက်၏ ပရိသတ်များဖြစ်ပြီး အချို့မှာ ဘာလင်ရုပ်ရှင်ဘုရင်မဆုအတွက် ရှာဖွေနေခြင်းဖြစ်သည်။ 

ရုပ်ရှင်စတင်ခဲ့သည်။ 

နင်းလင် အဖြစ်သရုပ်ဆောင်ထားသော ယဲ့ဆွေက မျှော်လင့်ချက်ကောင်းများဖြင့် လုပ်ငန်း အသိုင်းအဝိုင်းထဲသို့ ဝင်ရောက်လာခဲ့သည်။  အသစ်ဝင်လာတဲ့သူတိုင်းကဲ့သို့ပင် နင်းလင်သည်လည်း ဖိနှိပ်မှုနှင့် မတရားမှုများကို ကြုံတွေ့ခဲ့ရသည်။ 

ဒါပေမယ့် နင်းလင်က သူမရဲ့ သရုပ်ဆောင်မှုစွမ်းရည်ကို အာရုံစိုက်ပြီး ဇာတ်ကောင်ကို စိတ်ဝိညာဉ်ဖြစ်ပေါ်စေခဲ့သည်။  သူမရဲ့ သရုပ်ဆောင်မှု အတိမ်အနက်နဲ့ ဩဘာက အရမ်းကို ဆွဲဆောင်မှုရှိသည်။ 

မကြာခင်မှာ သူမက သရုပ်ဆောင်တိုင်း မော့ကြည့်ရုံသာတတ်နိုင်တဲ့တည်ရှိမှုဖြစ်လာတော့သည်။ 

နင်းလင် စင်မြင့်ပေါ်တွင် ရပ်သောအခါ သူမ၏ ကိုယ်ဟန်အနေအထားမှာ မတ်မတ်ဖြစ်ပြီး သူမ၏ အပြုံးက ပြေပြစ်လှသည်။ လက်ခုပ်သံများနှင့် မီးရောင်များကြားတွင် သူမက ငြိမ်သက်နေပြီး အေးအေးဆေးဆေးပင်။  သူမရဲ့နှလုံးသားတွင် သရုပ်ဆောင်မှုက အမြဲတမ်း တည်မြဲနေခဲ့သည်။ 

သူမက လေဒဏ်နှင့်မိုးဒဏ်တွင် ဂုဏ်ယူစွာ မတ်တပ်ရပ်ကာ ကြမ်းတမ်းသော နှင်းဆီတစ်ပွင့်နှင့်တူသည်။ 

သူမက နင်းလင်ဖြစ်ပြီး ယဲ့ဆွေလည်းဖြစ်သည်။ 

နင်းလင်ရဲ့ ကြယ်ပွင့်ခရီးက ထက်မြက်သော်လည်း သူမဘဝက မကြာလိုက်ပေ။ သူမ နာမကျန်းဖြစ်သောအခါတွင် ဇာတ်ညွှန်းကို လက်ထဲတွင် ကိုင်ဆောင်ကာ ဆေးရုံ၌ လှဲနေခဲ့သည်။ 

နင်းလင်ရဲ့ လက်က တဖြည်းဖြည်း ကျဆင်းသွားပြီး ဇာတ်ညွှန်းက လွတ်ကျသွားလေသည်။ 

ဒီသရုပ်ဆောင် မင်းသမီးချောလေးကတော့ သူမရဲ့ ချစ်ခြင်းမေတ္တာတွေ၊ ဝမ်းနည်းပူဆွေးမှုတွေနဲ့အတူ ကွယ်လွန်သွားခဲ့သည်။ 

ဖန်သားပြင်ကြီးက မည်းမှောင်သွားသည်။ ရုပ်ရှင်ရုံမှ မီးရောင်များက လင်းလက်လာပြီး လူတိုင်း၏ မျက်နှာပေါ်သို့ ကျဆင်းသွားသည်။ 

ရုပ်ရှင်က မနက် ၂ နာရီမှာ ပြီးဆုံးသွားခဲ့သည်။  ဆုံးခန်းတိုင်​ချိန်​ဖြစ်​​ကြောင်း ရှင်းရှင်းလင်းလင်းသိရ​သော်​လည်း မည်​သူမျှမထွက်သွား​ခဲ့​ပေ။ သူတို့က တစ်စုံတစ်ခုကို မျှော်လင့်နေသကဲ့သို့ ဖန်သားပြင်ကို စိုက်ကြည့်နေကြသည်။ 

နင်းလင် ရဲ့ ဘဝက တကယ်ပဲ ပြီးဆုံးသွားပြီလား?  ဘာကြောင့်များ သူတို့ရဲ့ နှလုံးသားတွေ ကဗလာကျင်းနေပြီး ဇာတ်လမ်းက ဆက်ဖြစ်နေတုန်းပဲလို့ ဘာလို့ခံစားမိကြတာလဲ? 

ယဲ့ဆွေရဲ့ မျက်နှာနဲ့ သူမအမူအရာများက လူတိုင်း၏ စိတ်ထဲမှာ စွဲမြဲနေခဲ့သည်။ အချိန်အကြာကြီးထိ လူစုမခွဲနိုင်ကြသေးပေ။ 

သူမရဲ့ စွမ်းဆောင်မှုက ထိတ်လန့်စရာဖြစ်ပြီး သူမရဲ့ လှုပ်ရှားမှုတိုင်းက တကယ့်ကို ထိထိမိမိပဲ။ 

'နင်းလင်' လာရန် ခက်ခဲတာက ပရိသတ်များ၏ ကြမ်းတမ်းခက်ထန်မှုကြောင့်ဆိုတာကို အတိအကျ သိခဲ့ရခြင်း ဖြစ်သည်။ ထိခိုက်မှုမရှိဘဲ အကဲဖြတ်ကြည့်မယ်ဆိုရင် ဒီဇာတ်ကားဟာ လွန်ခဲ့တဲ့ငါးနှစ်အတွင်း အကောင်းဆုံးရုပ်ရှင်တွေထဲက တစ်ကားဖြစ်မှာ သေချာသည်။ 

ထိုနေ့မွန်းလွဲပိုင်းတွင် ကြယ်ငါးပွင့်သုံးသပ်ချက်အများအပြားသည် တို့ဘန်းရှိ 'နင်းလင်' တွင် ချီးကျူးစကားများ ရုတ်တရက် ထွက်ပေါ်လာခဲ့သည်။ 

ဤအသုံးပြုသူများကို အဖွဲ့သားတွေဝယ်ထားတာမဟုတ်ဘူး။ သူတို့ရဲ့ ကိုယ်ရေးကိုယ်တာ ပင်မစာမျက်နှာတွေကို တစ်ချက်နှိပ်လိုက်ရင် ဒီလူတွေက အကြီးတန်း ရုပ်ရှင်ပရိသတ်တွေဖြစ်ကြောင်း ရှင်းရှင်းလင်းလင်း သိမြင်နိုင်မှာပင်။ သူတို့က ရုပ်ရှင်ပေါင်း တစ်ထောင်နီးပါး ကြည့်ဖူးသည်။ 

 “ဒီဇာတ်ကားက ရွှေရောင်ဝက်ဝံဆု မရရှိခဲ့တာ သနားစရာပဲ။ ယဲ့ဆွေရဲ့ ဖျော်ဖြေမှုက သူမရဲ့ 'ပန်းပွင့်လေး' tag ကို အခုပဲ သတ်ပစ်လိုက်ပြီ” 

"နင်းလင်ကို ကြည့်ဖို့ ရုပ်ရှင်ရုံကိုသွားပြီးတဲ့နောက်မှာ အမှတ်ပြောင်းဖို့ ငါပြန်လာခဲ့တယ်" 

"အားလုံးပဲ တောင်းပန်ပါတယ်။ ငါလည်း ရမှတ်ပြောင်းဖို့ လာခဲ့တယ်။  နင်းလင်က တကယ်ကောင်းတဲ့ဇာတ်ကားပါ။  ယဲ့ဆွေက လက်တွေ့မှာ မှန်ကန်စွာ မလုပ်ခဲ့ပေမယ့် အဲ့တာက သူမရဲ့ သရုပ်ဆောင်မှုစွမ်းရည်နဲ့ ဒီဇာတ်ကားက ဘယ်လောက်ကောင်းလဲဆိုတာကို သက်ရောက်မှုမရှိဘူး ” 

ဇာတ်ကားကြည့်ပြီးနောက် အမှတ်နည်းနည်းပေးသော ဝေဖန်သုံးသပ်သူများက ပိုများလာကာ ၎င်းတို့၏ မူလကြယ်တစ်ပွင့် သုံးသပ်ချက်များကို ကြယ်လေးပွင့် သို့မဟုတ် ကြယ်ငါးပွင့်အဖြစ် ပြောင်းလဲခဲ့သည်။ 

ယဲ့ဆွေမှာ တစ်ခုခုဖြစ်ခဲ့ရင်တောင် 'နင်းလင်'က သူမရဲ့ ဖျော်ဖြေမှုနဲ့ ဘယ်လို ပတ်သက်လို့လဲ? 

ယဲ့ဆွေ  အပေါ် အင်တာနက်သုံးစွဲသူတွေရဲ့ ခံယူချက်က အရင်ကလောက် မကောင်းပေမယ့် ရုပ်ရှင်ရုံထဲမှာတော့ သူမကြောင့် ငိုပြီး ရယ်ကြသည်။  နောက်ဆုံးတော့ သူတို့မျက်ရည်တွေကျလာခဲ့သည်။ 

ယဲ့ဆွေကို မုန်းတီးသူတိုင်းသည်လည်း နင်းလင်၏ သရုပ်ဖော်ပုံက ဆွဲဆောင်မှုရှိကြောင်း ဝန်ခံရမည်ဖြစ်သည်။  သူမက နင်းလင်၏ ကျက်သရေကို ပြသရုံသာမက သူမ၏ ကိုယ်ပိုင်စတိုင်ကိုလည်း ထည့်သွင်းထားသည်။ 

ဘာလင်ရုပ်ရှင်ဘုရင်မမှာ ထိုက်တန်သော ဂုဏ်သတင်းတစ်ခုရှိသည်။ 

ထိုအချိန်က ဖျော်ဖြေပွဲနှင့်ပတ်သက်၍ ဒါရိုက်တာ ရှီကျောက်၏မှတ်ချက်ကို နောက်ဆုံးတွင် သူတို့နားလည်သွားခဲ့သည်။ - "ယဲ့ဆွေသာ နင်းလင်ကို ကောင်းမွန်စွာသရုပ်ဆောင်နိုင်တယ်" 

မြင့်မားသောချီးကျူးမှုသည် ရုပ်ရှင်ရုံဆီသို့ ပရိသတ်ကို ပိုမိုဆွဲဆောင်ခဲ့ပြီး တက်ရောက်မှုနှုန်း သိသိသာသာ မြင့်တက်လာခဲ့သည်။  ရုပ်ရှင်ကို နှစ်ခါသုံးခါလောက် ကြည့်ဖူးတဲ့သူတွေတောင် ရှိသည်။  ရုပ်ရှင်၏ Box Office လည်း တဖြည်းဖြည်း မြင့်တက်လာခဲ့သည်။ 

ယဲ့ဆွေ အဲ့တာကို လုပ်ဆောင်ပြီးသွားပြီ။  ပရိသတ်တွေက သူမကို မကြိုက်ဘူးဆိုရင်တောင် သူမဇာတ်ကားတွေကို ကြည့်ဖို့ ရုပ်ရှင်ရုံကို သွားနေကြတုန်းပဲ။ 

'တုန်ခါခြင်း' က ဖိန်နင်ရဲ့ သရုပ်ဆောင်စွမ်းရည်ကို ယဲ့ဆွေနှင့် နှိုင်းယှဉ်ပြန်သည်။ 

 " 'ဘက်ပေါင်းစုံမှဝန်းရံထားသည် ' ဇာတ်ကားမှာ ပါဝင်ယှဉ်ပြိုင်ခဲ့တဲ့ ဖိန်နင်က ယဲ့ဆွေကို ဘာကြောင့်ရှုံးခဲ့ရတာလဲဆိုတာ အခုမှပဲသိတော့တယ် " 

"ယဲ့ဆွေရဲ့ သရုပ်ဆောင်ချက်က အညစ်အကြေးတွေ လုံးဝကင်းစင်တယ်။ ဒါပေမယ့်လည်း ဖိန်နင်ရဲ့ စိတ်က ရုပ်ရှင်ထဲမှာ ကျော်လွန်သွားခဲ့တယ်။  သူမရဲ့ သရုပ်ဆောင်မှုအပေါ် စိတ်အားထက်သန်မှုက ရှုပ်ထွေးတဲ့ အခန်းကဏ္ဍကို ပံ့ပိုးမပေးနိုင်ဘူး ” 

 "ယဲ့ဆွေက ဟွာရွေ့ ရဲ့ သူဌေးမ ဖြစ်နိုင်ပေမယ့် သူမရဲ့ သရုပ်ဆောင်မှုစွမ်းရည်က ဟွာရွေ့ရဲ့ ထိပ်တန်းသေနတ်ဖြစ်ဖို့ လုံလောက်တယ်။ ပုံရိပ်ယောင် လုံးဝ မရှိဘူး ” 

"ယဲ့ဆွေရဲ့ မုန်းတီးသူတစ်ယောက်ဖြစ်ပေမဲ့၊ ငါတစ်ခါလောက်တော့ တရားမျှတမယ်။ ယဲ့ဆွေလို မင်းသမီးတစ်ယောက် ဆုံးရှုံးလိုက်ရတာက ဖျော်ဖြေရေးနယ်ပယ်အတွက် သနားစရာကောင်းတယ်။  ယဲ့ဆွေ နင်က  ကောင်းတယ်  အနာဂတ်မှာ မုန်းတီးသူကနေ ပရိတ်သတ်အဖြစ် ပြောင်းလဲသွားနိုင်တယ်” 

နင်းလင် ထုတ်ဝေသည့် ပထမသုံးရက်တွင်၊ ကြည့်ရှုမှုနည်းပါးပြီး လက်မှတ်ရောင်းချမှု နည်းပါးခဲ့သည်။  သို့သော် ၎င်း၏ရိုးသားသော သုံးသပ်ချက်များကြောင့် သန်း ၂၀၀ အမှတ်အသားကို ကျော်လွန်နေသေးသည်။ 

ထို့နောက် ရုပ်ရှင်ရုံများတွင် ပြသမှုများ ပိုမိုပြုလုပ်လာခဲ့သည်။  ရှစ်ရက်ကြာပြီးနောက် Box Office သည် တစ်ဘီလီယံကျော်သွားခဲ့သည်။ နင်းလင်သည် မားကတ်တင်းကို အားမကိုးပေ။ ယင်းအစား ၎င်းသည် ၎င်း၏ကိုယ်ပိုင်အရည်အသွေးကို ယုံကြည်ပြီး Box Office တွင် အခြားရုပ်ရှင်များနှင့် ယှဉ်ပြိုင်ခဲ့သည်။ 

Box Office တွင် တစ်ဘီလီယံထိ ရိုက်ခတ်ပြီးနောက် 'တုန်ခါခြင်း' သည် ၎င်း၏အရှိန်အဟုန်ကို ဆုံးရှုံးသွားခဲ့ပြီး 'နင်းလင်'သည် နေ့စဉ် သန်းရာနှင့်ချီ၍ ရရှိနေသေးသည်။ 

ယခုအချိန်တွင်၊ အဓိကရုပ်ရှင်ဝက်ဘ်ဆိုဒ်များတွင် 'နင်းလင်' ၏ အဆင့်သတ်မှတ်ချက်များ ပြောင်းလဲလာသည်။  ဒီဇာတ်ကားကို ကြည့်ဖူးသူတိုင်းကတော့ မကြာသေးမီနှစ်များအတွင်း စိတ်အချရဆုံးဇာတ်ကားဖြစ်တယ်ဆိုတာကို ဝန်ခံခဲ့ကြသည်။ 

ရမှတ်က 7 မှတ်ကနေ တဖြည်းဖြည်း တိုးလာသည်။  ပထမဆုံး 7.5 ၊ ထို့နောက် 8 သို့တက်ခဲ့ပြီး ယခု 9 ကိုကျော်လွန်ရန် ခြိမ်းခြောက်နေသည်။ 

 ပိုများသောလူများ အမှတ်ပေးခြင်းဖြင့် အဆင့်သတ်မှတ်ချက် မြင့်တက်နေဆဲဖြစ်သည်က မယုံနိုင်စရာပင်။ ဆက်လက်လုပ်ဆောင်ပါက 'နင်းလင်' သည် ကြယ် ၉ ပွင့် အမှတ်အသားကို ချိုးဖျက်သွားမည်ဖြစ်သည်။  တကယ်တော့ အဲဒါက အနီးဆုံးမှာ ရှိနေခဲ့တာပင်။ 

ယဲ့ဆွေ  အပေါ် အင်တာနက်သုံးစွဲသူတွေရဲ့ မှတ်ချက်များသည် သူမ၏ အိမ်ထောင်ရေးမှ ရုပ်ရှင်သို့ တဖြည်းဖြည်း ပြောင်းရွှေ့ သွားသည်။ 

ယဲ့ဆွေ နဲ့ပတ်သက်တဲ့ မီဒီယာတွေရဲ့ ဖော်ပြချက်တွေဟာ ရုပ်ရှင်နဲ့ သက်ဆိုင်သည်။ ယဲ့ဆွေက မင်းသမီးတစ်ယောက်ဖြစ်ပြီး တကယ်တော်တဲ့သူတစ်ယောက်ဆိုတာ လူတိုင်းက နောက်ဆုံးတော့ မှတ်မိနေကြလိမ့်မည်။ 

[ရှီကျောက်ရဲ့အလုပ်၊ နင်းလင်က ဆယ်ရက်အတွင်း Box Office တွင် နှစ်ဆတန်ပြန်တိုက်ခိုက်မှုကို ပြီးမြောက်ခဲ့ပါသည်။ ] 

 [သူမရဲ့လျှို့ဝှက်အိမ်ထောင်ရေးရှိသော်လည်း၊ သူမရဲ့ရုပ်ရှင်က အခြားစတားသရုပ်ဆောင်တွေနဲ့ ထိပ်တိုက်တွေ့နေတယ် ယဲ့ဆွေ အထွတ်အထိပ်ကို ပြန်ရောက်နိုင်မလား?] 

တစ်ချိန်က ရေပန်းအစားဆုံး မင်းသမီး ယဲ့ဆွေက မကြာသေးမီက နောက်ကျကျန်နေခဲ့သည်။  ဒါပေမယ့် 'နင်းလင်' မှာ ပါဝင်သရုပ်ဆောင်ထားတာကြောင့် ပရိသတ်ရဲ့အမြင်ကို ပြန်လည်ရရှိခဲ့သည်။ အနာဂတ်မှာ သူမ ဘယ်လို ပြန်တိုက်ခိုက်မလဲ? 

သရုပ်ဆောင်တစ်ယောက်ရဲ့ အရှားပါးဆုံးအရာက သူတို့ဟာ ထူးခြားပြီး အစားထိုးလို့မရနိုင်ဘူးဆိုတာကို လူတိုင်းသိကြသည်။ ယဲ့ဆွေမှာ ဒီအရည်အချင်းရှိတယ်။  သူမရဲ့ မျက်နှာအမူအရာနဲ့ သရုပ်ဆောင်မှုစွမ်းရည်တွေက ဖျော်ဖြေရေးနယ်ပယ်မှာ အကောင်းဆုံးတွေပဲ။