MM Story Teller

Chapter 181

Viewers 32k

🌍Chapter 181

"မင်းဘာတတ်နိုင်သေးလဲ"

ထန်မော့ ချောင်ပိတ်မိနေပြီး ရွေးချယ်စရာမရှိတော့ပုံပင်။

လျိုကြီး၏ဓါးက ထန်မော့၏ခေါင်းတည့်တည့်သို့ တရှိန်ထိုး၀င်လာပြီး ၁၀စင်တီမီတာသာလျှင် ကွာဝေးတော့သည်။ ထိုစဥ်မှာပင် အေးစက်သော ရေရွတ်သံကိုကြားလိုက်ရလေသည်။ လျိုကြီး တောင့်တင်းသွားလျက် သူ၏ခေါင်းမွှေးများထောင်သွားမတက် အေးစိမ့်မှုနှင့်အတူ သူ၏ဓါးမှာလည်း ရပ်တန့်သွားခဲ့သည်။

ထန်မော့မှာ မြေကြီးပေါ်တွင် လဲလျောင်းလျက် အော်ဟစ်လိုက်သည်။

"ကြယ်တာရာများကိုယ်စားပြု တရားမျှတမှုကို ရှာဖွေခြင်း Checkmate..."

လျိုကြီးတစ်ကိုယ်လုံး ထုံကျဥ်သွားခဲ့သည်။ သူငုံ့ကြည့်လိုက်လျှင် ထန်မော့က မထင်မှတ်ထားစွာ သေနတ်တစ်လက်ဖြင့် သူ့ကိုချိန်ရွယ်ထားခဲ့သည်ကို တွေ့လိုက်ရလေသည်။ ထို့နောက်ပစ်ခတ်သံနှင့်အတူ ကျည်ဆံတစ်ခုက ပြေးထွက်လာခဲ့သည်။

လျိုကြီးက အလွန်သန်မာလှသည်။ အလွန်နီးကပ်နေလျက်နှင့်တောင် သူထိုကျည်ဆန်ကို လျင်မြန်စွာရှောင်ရှားနိုင်သေးလေသည်။ သို့တိုင်အောင် ထိုကျည်ဆန်မှာ သူရှောင်ရာဘက်အတိုင်းလိုက်လာပြီး သူ၏နဖူးကိုဖောက်၀င်သွားမည်ဟုတော့ မမျှော်လင့်ထားခဲ့ချေ။

ဘန်း...

ဖူ၀မ်သော် လူ၃ဦးကိုရင်ဆိုင်နေရင်းမှ ထိုသေနတ်သံကိုကြားလျှင် လှည့်ကြည့်လိုက်မိပြီး လူတစ်ဦးမှာ ပျော့ခွေကျသွားသည်ကို တွေ့လိုက်ရသည်။ ထိုလူ၏နဖူးပေါ်တွင် အနက်ရောင်အပေါက်ကြီးတစ်ခုကနေရာယူလျက်။ သူ၏မျက်လုံးများမှာ ကောင်းကင်ကို ပြူးကျယ်စွာကြည့်လျက် ထန်မော့မည်သို့ လုပ်လိုက်မှန်း နားမလည်ခဲ့ပုံပေါ်သည်။ သွေးများကထိုနေရာတွင် တမဟုတ်ချင်း အိုင်ထွန်းသွားပြီး ထန်မော့လည်း လဲကျနေရာမှ ထရပ်လိုက်သည်။ သူက တစ်စက်လေးမှ မနားပဲ ဖူ၀မ်သော်ထံ ကူညီရန် ပြေး၀င်လာခဲ့သည်။

သန်မာသော လူလတ်ပိုင်းလူကြီးမှာ အော်ဟစ်လိုက်သည်။

"အဲဒီသောက်စွမ်းရည်က ဘာကြီးလဲ"

"အခွင့်အရေး၃ခါပဲ ကျန်တော့တယ်"

ထိုအချိန်တွင် ထန်မော့က ထိုလူ၃ဦးထံရောက်ရှိနှင့်ပြီးဖြစ်သည်။

ဖူ၀မ်သော် ထိုလူလတ်ပိုင်း၏ ရင်ဘတ်ကိုကန်လျက် ထန်မော့ရှေ့သို့ပို့လိုက်သည်။ ထန်မော့လည်း အလိုက်တသိပင် မီးခြစ်ဆံကြီးကို မြေကြီးထံပွတ်တိုက်လိုက်ပြီး မီးပွားများ လွင့်ထွက်လာခဲ့စေသည်။ ထိုမီးခြစ်ဆံကြီး၏ ထိပ်မှာ သန်မာသောလူကြီး၏ ခေါင်းကို ရိုက်မိလုဆဲဆဲမှာပင် အချိန်မှာ ရုတ်ချည်း ရပ်တန့်သွားခဲ့လေသည်။

ကောင်းကင်နှင့် လေထုထဲတွင် မိုးစက်မိုးပေါက်များက အေးခဲ ရပ်တန့်နေကြသည်။

လူသူကင်းမဲ့သော လမ်းပေါ်တွင် အရာအားလုံးကရပ်တန့်လျက်။ ၄င်းမှာ လူတစ်ဦးမှ ရပ်တန့်ခလုတ်ကိုနှိပ်လိုက်သည့်အတိုင်း ကမ္ဘာကြီးတစ်ခုလုံးမှာ မိုးပန်းချီကားတစ်ချပ်ဖြစ်လာသည့်နှယ်။

၃စက္ကန့်ကြာပြီးနောက် ထန်မော့ နားနေဆောင်ထဲမှ ဘီစကစ်ထုပ်များနှင့်အတူ ပြန်ထွက်လာခဲ့သည်။

သူ၏အိတ်ကပ်ထဲမှ ချောကလတ်ပြားကို ထိလျက် သူ့ကိုယ်သူ ၄င်းနှင့် ဆုချမည်ဟု တွေးတောနေခဲ့သည်။ သူ အချိုမစားရသည်မှာ အတော်ကြာခဲ့လေပြီ။ ထို့နောက် ကားပေါ်တွင်၁၂နှစ်အရွယ် ကလေးတစ်ဦး ရှိသေးကြောင်း သတိရသွားခဲ့သည်။ ထန်မော့ဆုံးဖြတ်ချက်မချခင် အတော်ကြာတွေးတောနေခဲ့သေးသည်။ အကယ်၍ ဖူ၀မ်ရှန်းသာ အမှန်တကယ်စားလိုပါက ထိုကလေးကို ၃ပုံ၁ပုံပေးလိုက်မည်ပင်။

သူလျှောက်လာရင်း သူငယ်ချင်းဖြစ်သူ၏ လိပ်စာကိုမှတ်မိရန် ပြန်လည်တွေးတောနေခဲ့သည်။

"သူ့အိမ်နားမှာ စတိုးဆိုင်တစ်ဆိုင်ရှိသလိုပဲ၊ ပြီးတော့ ရင်ပြင်တစ်ခု..."

ရုတ်ချည်း ထန်မော့၏ ခြေလှမ်းတို့ရပ်တန့်သွားခဲ့သည်။ သူသည်ထူးဆန်းသောအမူအယာဖြင့် ခေါင်းကို ငုံ့ထားမိသည်။ စက္ကန့်ပိုင်းမျှကြာပြီးနောက် ထန်မော့ ချောင်းဆိုးလျက် ဆက်လျှောက်သွားရန်ပြင်လိုက်သည်။ သူ၏ညာခြေထောက်မှာ ရေအိုင်ငယ်လေးတစ်ခုကို နင်းလိုက်မိသည်။ ထန်မော့မျက်မှောင်ကျုံ့လျက် သူ၏ညာခြေထောက်ကို မြှောက်ရန်ပြင်လိုက်စဥ်မှာ ပင် ရုတ်ချည်း ဘေးသို့ရှောင်လိုက်မိလေသည်။

ဘန်း...

ကျည်ဆန်တစ်ခုမှ ထန်မော့၏ပါးပြင်ကို ရှပ်ပြေးသွားလျက် သတင်းစာစင်ဘေးမှ ပြတင်းပေါက်ကို ထိမှန်သွားခဲ့သည်။

"လျိုကြီး ကျိုကြီး သူ့ကို တစ်ခါတည်း သတ်လိုက်တော့"

မိုးစက်များကကျဆင်းလာပြီး မြေကြီးမှာ စိုရွှဲနေခဲ့သည်။

ထန်မော့နားနေဆောင်ထဲမှ ထွက်လာစဥ်ကတည်းက သူ၏ဆံပင်များမှာ စိုထိုင်းလျက် နဖူးပေါ်သို့လှန်တင်ထားခဲ့ခြင်းဖြစ်သည်။ သူသည်လမ်းတစ်ဖက်ရှိ ဓါတ်ဆီဆိုင်ထဲသို့ကြည့်လိုက်ကာ ဖူ၀မ်သော်ကိုရော ဖူ၀မ်ရှန်းကိုပါ မတွေ့လိုက်ရချေ။ ထိုသူ၂ဦးမှာ ဓါတ်ဆီကိုအတူတကွရှာဖွေနေကြမှန်း သေချာသလောက်ပင်။

ထန်မော့သိပ်မတွေးပဲ မုန့်ထုပ်များနှင့်အတူ လမ်းတစ်ဖက်ကိုကူးရန် ပြင်လိုက်သည်။

ထိုနေရာတွင် သတင်းစာစင်တစ်ခုရှိသည်။

၄င်းမှာ လမ်းတစ်ဖက်တွင်ဖြစ်ကာ ဓါတ်ဆီဆိုင်မှာ အရှေ့မြောက်ထောင့်တွင်တည်ရှိသည်။ ၄င်းမှာ နားနေဆောင်နှင့် မျက်နှာချင်းဆိုင်တွင်ဖြစ်ကာ သတင်းစာစင်နှင့်ဆိုလျှင် ဓါးလွယ်ခုတ်နေရာတွင်ဖြစ်လေသည်။ ထို့နောက်အနောက်မြောက်ထောင့်တွင် စားသောက်ဆိုင်လေးတစ်ခုရှိလေသည်။ ၄င်းတွင်လည်း ဘာစားစရာမှမရှိတော့သည်မှာ သေချာသလောက်ပင်။

ထန်မော့ သတင်းစာစင်ထံသို့ လျှောက်သွားနေခြင်းဖြစ်ပြီး ရုတ်ချည်း ရေအိုင်လေးတစ်ခုကို နင်းလိုက်မိလေသည်။ ထန်မော့ငုံ့ကြည့်လိုက်သော်လညိး သူ၏မျက်လုံးများမှာ ဖိနပ်အား တခြားနေရာတစ်ခုကို ငုံ့ကြည့်နေခဲ့ခြင်းဖြစ်သည်။

ထန်မော့ ချောင်းအသာဆိုးလျက် ဆက်လျှောက်သွားရန် ပြင်လိုက်သည်။

ထို့နောက် သူလမ်းကို ဖြတ်လာပြီး ထိုသတင်းစာစင်ကိုရှင်းရှင်းလင်းလင်းတွေ့လိုက်ရတော့သည်။ ထိုနေရာတွင် စားစရာများဟူ၍မရှိတော့ပဲ စင်ပေါ်တွင် သတင်းစာများ မဂ္ဂဇင်းများသာလျှင်ကျန်ရစ်တော့သည်။

အရှေ့ဘက်စာမျက်နှာတွင် နို၀င်ဘာ ၁၅ရက်နေ့ဟု ရိုက်နှိပ်ထားသော သတင်းစာများ အထပ်လိုက်ရှိနေ၏။ သူသည်ထိုနေရာတွင် မြေပုံတချို့ကိုရှာဖွေရန် စဥ်းစားထားသည်။

သူသည် ထိုသတင်းစာစင်အနီးမှ ဖြတ်ကျော်သွားစဥ်သူ၏မျက်လုံးများမှာ လောင်ကျွမ်းနေသော စင်တစ်ခုထံတွင်ရပ်တန့်သွားခဲ့သည်။

၄င်းမှာ သတင်းစာစင်၏အပြင်ဘက်မှ သေးငယ်သော စာအုပ်စင်လေးတစ်ခုဖြစ်သည်။ နေ့စဥ် ရောင်းအားကောင်းသော စာစင်များမဂ္ဂဇင်းများကို အပြင်ဘက်တွင် ၀ယ်သူကိုဆွဲဆောင်ရန်အတွက် စင်ဖြင့် တင်ထားပေးတတ်သည့်ပုံမျိုးပင်ဖြစ်သည်။ ဤစင်ကလေးမှာ တခြားတစ်ဖက်တွင်ရှိနေသည်ဖြစ်၍ နားနေဆောင်မှဖြစ်ဖြစ် ဓါတ်ဆီဆိုင်မှဖြစ်ဖြစ် တန်း၍မမြင်နိုင်ချေ။ ၄င်းမှာ စင်တစ်ခုလုံးလောင်ကျွမ်းထားပြီး ၄င်းပေါ်မှာ စာအုပ်များမှာလည်း ပြာမှုန်များအတိုင်း အပုံလိုက်လေးပင်။

မိုးဖွဲဖွဲကကျဆင်းနေပြီး ထိုမည်းတူးနေသော စင်မှာ တခြားစာအုပ်စင်များထက် ထင်းထွက်နေခဲ့သည်။ ထန်မော့၄င်းကို ကြည့်နေရာမှ အကြည့်ပြန်လွှဲလိုက်သည်။ သူ၏မျက်လုံးများမှာ ပကတိတည်ငြိမ်လျက် အိတ်ကပ်ထဲ လက်နှိုက်လျက် ရှေ့သို့ ဆက်လက်လျှောက်သွားခဲ့လေသည်။ ထန်မော့ ၏ကိုယ်ဟန်သည်လည်း ထိုသတင်းစာစင်ထဲ လျှောက်သွားလျက် ပျောက်ကွယ်သွားခါနီးတွင်

ဘန်း...

ဓါတ်ဆီဆိုင်မှ ဖူ၀မ်သော်မှာ အနောက်မြောက်ဘက်မှ စားသောက်ဆိုင်ကလေးဆီ တရှိန်ထိုး ပြေး၀င်လာခဲ့သည်။ တချိန်ထဲမှာပင် ထန်မော့၏ ကိုယ်ဟန်မှာလည်း ထိုသတင်းစာစင်ထံမှ အရှေ့တောင်ဘက်ရှိ နားနေဆောင်ထံ ဖြတ်ခနဲပြေးသွားခဲ့လေသည်။ သူတို့၏လှုပ်ရှားမှုမှာ လျှပ်စီးလက်သွားသည့်နှယ် အလွန်လျှင်မြန် စွာဖြစ်ပျက်သွားခြင်းပင်။ ကြီးမားသော မီးခြစ်ဆံကြီးမှာ နံရံကို ရိုက်ခတ်သွားခဲ့ပြီး ပုန်းကွယ်နေသော လူ၄ဦးမှာ မတုန့်ပြန်နိုင်ဘဲ ထန်မော့အား ထိတ်လန့်စွာ ကြည့်လိုက်မိကြသည်။

စက္ကန့်ပိုင်းအတွင်း သတ်လတ်ပိုင်းအရွယ်လူကြီးမှာ နီရဲနေသော မျက်လုံးများဖြင့် အော်ဟစ်လိုက်သည်။

"သောက်ပဲ၊ ငါမင်းကိုသတ်မယ်"

ထန်မော့သည် လူ၄ယောက်တောင်ရှိနေလိမ့်မည်ဟု မမျှော်လင့်ထားခဲ့ချေ။ သူ မြေကြီးတွင်လှိမ့်လိိုက်ပြီး ကျည်ဆံနှင့် ပြင်းထန်သော လက်သီးချက်ကို ရှောင်လိုက်သည်။ တဖက်တွင်တော့ ဖူ၀မ်သော်မှာ စားသောက်ဆိုင်ထဲတွင် မည်သူမျှမရှိကြောင်း သိသွားခဲ့သည်။ ထို့နောက် သူသည်ထန်မော့ရှိရာသို့ပြေး၀င်လာလျှင် ထန်မော့မှာ လူ၄ဦးနှင့် ရင်ဆိုင်နေရသည်ကို တွေ့လိုက်ရတော့သည်။

ထန်မော့မှ ယခုလေးတင် ကျည်ဆန်ကိုရှောင်လိုက်ရခြင်းဖြစ်ပြီး ထိုင်လျက်သူ့ခေါင်းပေါ်မှ ဓါးကိုထပ်ရှောင်လိုက်ရပြန်သည်။

ထို့နောက်မီးခြစ်ဆံကြီးကိုမြှောက်လျက် သူ၏နောက်သို့ကာကွယ်လိုက်သည်။ ဓါးရှည်မှာ ကြီးမားသောမီးခြစ်ဆံကြီးနှင့်ထိခတ်မိလျက် ၂ဦးစလုံး ၃လှမ်းစီဆုတ်လိုက်ရသည်။ မီးခြစ်ဆံကြီးပေါ်တွင် အဖြူရောင်အရာတစ်ခု ကျန်ရစ်လေသည်။ ထန်မော့ တစ်ဖက်ရှိ ဓါးကိုင်ထားသောလူမှာ သူ့အား ကြီးစွာသော အမုန်းတရားများဖြင့် စိုက်ကြည့်နေကြောင်းတွေ့လိုက်ရလေသည်။ ထို့နောက် ထိုလူမှာ ထန်မော့ထံသို့ ဓါးကို တဖန်ဝေ့ယမ်းလာပြီးထန်မော့မီးခြစ်ဆံကြီးကိုမြှောက်ကာ ခုခံလိုက်သည်။

သူတို့တစ်ဦးနှင့်တစ်ဦး ဆုံသည်မှာ ၃စက္ကန့်မျှသာ ရှိသေးသည်။ ထန်မော့ထိုလူ၄ဦး၏ အလစ်တိုက်ခိုက်မှုကို ရှောင်ရှားခဲ့ပြီး ဓါးကိုင်ထားသော လူနှင့် ရင်ဆိုင်နေခဲ့သည်။ ဖူ၀မ်သော် ရောက်ရှိလာလျှင် သတ်လတ်ပိုင်းလူနှင့် ခပ်ပုပုလူတို့က ဖူ၀မ်သော်အားတားဆီးရန်ပြေး၀င်သွားခဲ့သည်။

သန်မာသော လူက အော်ဟစ်လိုက်သည်။

"ကျိုကြီး ပြေးတော့"

၄င်းကိုကြားသည်နှင့် ထန်မော့ကို တိုက်ခိုက်ရန်ပြင်နေသော ပိန်ပါးပါးလူမှာ လှည့်ကာ ပြေးတော့သည်။ ထန်မော့ထိုလူနောက်သို့ လိုက်ရန်ပြင်လိုက်သော်လည်း ဓါးနှင့်လူက သူ့ကို အလျင်အမြန်ပိတ်ထားခဲ့သည်။ ထန်မော့၏ လက်ဖ၀ါးမှ မီးတောက်များ ထွက်ရှိလာပြီး ထိုလူအား ရိုက်ချလိုက်လေသည်။ ဓါးနှင့်လူမှာ ထိုတိုက်ခိုက်မှုကိုအသာရှောင်ရှားလိုက်သည်။

"လွယ်လွယ်နဲ့ သွားလို့မယ်ထင်နေလား"

ထန်မော့၏ မျက်လုံးတို့မှေးကျဥ်းသွားလျက် ဓါးနှင့် မီးခြစ်ဆံကြီးတို့မှာ ထိခတ်မိကြရင်း မီးပွားများ လွင့်စင်ကျလာခဲ့သည်။ စက္ကန့်၂၀အတွင်းမှာပင် သူတို့ အကြိမ်များစွာ ထိပ်တိုက်တွေ့ခဲ့ကြပြီးဖြစ်သည်။

ထန်မော့မှာ ဤလူအားတိုက်ခိုက်ရန်အခွင့်အရေးကို မပြတ်ရှာဖွေနေခဲ့လေသည်။ သို့သော် ထိုလူမှာ မီးတောက် checkmateနှင့် ကျန်ပြင်းထန်သော တိုက်ခိုက်မှုတိုင်းကို လွတ်မြောက်သွားခဲ့သည်။

သူကရုတ်ချည်း ထန်မော့၏ခြေထောက်ကို ကန်ရန် အခွင့်အရေးရသွားလျက် ထန်မော့မှာ ဘေးသို့ရှောင်လိုက်လျှင် ဓါးမှာ ထိုဘက်အခြမ်းမှ ၀င်လာခြင်းဖြစ်နေခဲ့သည်။

"သေလိုက်တော့"

ကြီးမားသော ကျောက်တုံးကြီးတစ်ခုရုတ်တရက်ပေါ်လာပြီယ ထိုဓါးမှာ ထိုကျောက်တုံးကြီးကို လှီးဖြတ်သွားခဲ့လေသည်။ ထိုလူ၏မျက်ခုံးများမှာ ပြူးကျယ်သွားလျက် ထန်မော့မှာ တမင်ထိုလစ်လပ်မှုကို ပြခဲ့ခြင်းဖြစ်ကြောင်း နားလည်သွားခဲ့သည်။ သူသည် ကျောက်တုံးကို လှီးဖြတ်နေစဥ်မှာပင် ထန်မော့မှာ ကျိုကြီးဆိုသူနောက် ပြေးလိုက်သွားခဲ့ပြီးဖြစ်သည်။

ထိုလူ ထိတ်လန့်သွားခဲ့သည်။

"မကောင်းတော့ဘူး သူ ကျိုကြီးကို သတ်တော့မယ်"

သတ်လတ်ပိုင်းလူကြီးမှာ ၄င်းကိုကြားလျှင် သတိလွတ်သွားလျက် ဖူ၀မ်သော်ထံမှ အကန်ခံလိုက်ရလေသည်။ သူသည် သူ၏ဒဏ်ရာကို ဂရုစိုက်ရမည့်အစား ထန်မော့နောက်သို့အတင်းလိုက်ရန် ပြင်လိုက်သည်။ ဓါးနှင့်လူမှာလည်း ပြေးလိုက်သွားခဲ့သည်။ သူတို့၂ဦးမှာ အတတ်နိုင်ဆုံးထန်မော့အား ပြေးလိုက်နေသော်လည်း အလွန်နောက်ကျသွားချေပြီ။ ကျိုကြီး၏အလျင်မှာ သိပ်မမြန်လှချေ။ ထန်မော့ မီးခြစ်ဆံကြီးကိုမြှောက်လျက် ထိုလူ၏ခေါင်းကို ချိန်ရွယ်လိုက်သည်။

ထိုအချိန်တွင် ထန်မော့ နားနေဆောင်မှ ထွက်လာပြီး ရေအိုင်ငယ်အားတက်နင်းမိချိန်မှစ၍ ၅၈စက္ကန့် ကုန်လွန်သွားပြီးဖြစ်သည်။

ထန်မော့၏ မီးခြစ်ဆံမှာ ထိုကျိုကြီး၏ ခေါင်းကို ရိုက်ချတော့မည်ကို မြင်လျှင် သတ်လတ်ပိုင်းအရွယ်လူကြီးနှင့် ဓါးနှင့်လူ၏မျက်လုံးများမှာ ပြူးကျယ်သွားခဲ့လေသည်။ ထို့နောက်အော်ဟစ်လာခဲ့သည်။

"ငါမင်းကိုသတ်မယ်"

သူတို့ထန်မော့ထံပြေး၀င်လာစဥ်တွင် ထန်မော့၏ မီးခြစ်ဆံကြီးမှာ ထို ကျိုကြီးဆိုသူ၏ခေါင်းနှင့် တဖြည်းဖြည်းနီးကပ်လာခဲ့လေသည်။

အချိန်မှာ ကုန်ဆုံးတော့လုနီးနီး...

ထန်မော့၏မီးခြစ်ဆံကြီးမှာလည်း ရိုက်ချလိုက်လေသည်။

ထိုမီးခြစ်ဆံကြီးမှာ ကျိုကြီး၏ခေါင်းကို ထိခတ်လုနီးဆဲဆဲတွင် ထန်မော့၏နောက်မှ လူ၂ဦးမှာ အကြံအစည်များ ပြည့်နေသော အပြုံးများကို မထိန်းနိုင်ပဲ ဖော်ပြလာတော့သည်။ သူတို့၏ မျက်လုံးကျဥ်းကျဥ်းများမှာ စိတ်လှုပ်ရှားမှုများနှင့်ပြည့်နှက်လျက် မျက်နှာပေါ်မှ ကျေနပ်မှုနှင့် ဒေါသများ မှိန်ဖျော့မသွားသေးခင်။

သူတို့မှာကြောက်စရာကောင်းပြီး စိတ်လှုပ်ရှားနေသော လူရွှင်တော်များနှယ်။

ထန်မော့၏မီးခြစ်ဆံကြီးမှာ ထိုကျိုကြီးဆိုသူ၏ခေါင်းပေါ်ရိုက်ချရန် မျက်တောင်တစ်ခတ်စာအလိုမှာပင် နောက်မှ လူ၂ဦး မျက်တောင်အားတစ်ဖန်ပြန်ဖွင့်လိုက်ချိန်တွင် ဦးခေါင်းခွံကွဲကြေသံတစ်ခု၄င်းတို့၏နောက်မှ ရုတ်ချည်းကြားလိုက်ရလေသည်။ သတ်လတ်ပိုင်းအရွယ်လူကြီး ဓါးကိုင်ထားသောလူနှင့် ကျိုကြီးဆိုသူတို့မှာ ချက်ချင်းရပ်တန့်သွားလျက် တောင့်တင်းစွာဖြင့်နောက်သို့ လှည့်ကြည့်လိုက်မိကြသည်။

မိုးဖွဲလေးများက ဖြည်းညှင်းစွာကျဆင်းနေပြီး ထန်မော့မှာ မီးခြစ်ဆံကြီးကိုကိုင်လျက် တည်ငြိမ်စွာပင် လေးယောက်မြောက်လူ၏ ဦးခေါင်းကို ရိုက်ခွဲပစ်လိုက်လေသည်။ သတ်လတ်ပိုင်းလူကြီးနှင့် ဓါးနှင့်လူမှာ ကျိုကြီးကိုကယ်ရန် ပြေးသွားချိန် ဖူ၀မ်သော်ကလည်း ၄င်းတို့နောက်မှ လိုက်လာခြင်းဖြစ်သည်။ ဤလူတစ်ယောက်သာလျှင် ထွက်ပြေးသွားခြင်းပင်။ မည်သူမျှထိုလူကို သတိမထားမိကြပဲ ထိုလူမှာ ၃စက္ကန့်တိတိထွက်ပြေးနေခဲ့နှင့်လေပြီ။

မိုးစက်များမှာ အပင်ကြီးပေါ်မှ အရွက်များကို ဖြတ်ကျော်လျက် မြေကြီးပေါ် ပေါက်ခနဲ ပြုတ်ကျလာကြသည်။

တစ်မိနစ် အတိအကျ ကုန်လွန်သွားခဲ့လေပြီ။

ထန်မော့မှာ လမ်းလယ်တွင် ရပ်တန့်လျက် ။ ဖူ၀မ်သော်ပင်လျှင် သူ၏လှုပ်ရှားမှုကိုမမြင်လိုက်ပေ။ ထန်မော့မှာ မီးခြစ်ဆံကြီးကိုကိုင်လျက် အသက်ကို ပြင်းထန်စွာရှူနေခဲ့လေသည်။ ထိုလူ၏ဦးခေါင်းခွံမှာ ကွဲကြေလျက် ဦးနှောက်ဖတ်များက ထွက်ကျကာ မြေကြီးပေါ် ရွံ့များ မိုးရေများနှင့် ရောနှောနေခဲ့သည်။

သူ၏ပါးစပ်မှ သွေးများအန်ထွက်လျက် ထန်မော့အား မယုံကြည်နိုင်မှုတို့ဖြင့်မော့ကြည့်လျက် သွေးများအန်ထွက်နေသည့်ကြားမှာ စကားလုံးတချို့ ဗလုံးဗထွေး ထွက်ကျလာခဲ့သည်။

"ဘာ...ဘာလို့ ငါလဲ"

ထန်မော့ အသက်အပြင်းအထန်ရှူနေရတုန်းပင်။ သူ၏မျက်လုံးအတွင်းမှ တောက်ပနေသော အဖြူရောင် အလင်းကို မည်သူမျှ သတိမထားမိကြချေ။ ထန်မော့အဝေးမှ ကျိုကြီးဆိုသူကို ကြည့်လိုက်သည်။ သူ၏အမြင်အာရုံတွင် မြေကြီးထဲမှ တိုးထွက်လာသော အနက်ရောင်သေခြင်းအရိပ်အယောင်များမှာ ထိုလူထံ ရစ်ပါတ်သွားကြသည်။ ကျိုကြီးမှာ ထန်မော့နှင့် သူ၏သေဆုံးတော့မည့် အဖွဲ့၀င်ကိုကြည့်လျက် ဖြူဖျော့နေခဲ့သည်။ မကြာခင်မှာပင် သေဆုံးခြင်းမြူထုများက သူ့အားအပြည့်အ၀ဖုံးလွှမ်းသွားပြီး ထန်မော့မှာ ထိုလူ၏အမူအယာကိုပင် မမြင်ရတော့ချေ။

ထန်မော့မြေကြီးပေါ်မှ လူကိုတဖန်ကြည့်လိုက်သည်။ သူ၏လေသံမှာ ပကတိတည်ငြိမ်လျက်

"ဘာလို့ဆို သူကသေဖို့အချိန်မကျသေးလို့လေ"

မြေပြင်ပေါ်မှသေခါနီးလးမှာ ထန်မော့၏ စကားကို နားမလည်နိုင်ခဲ့။

ဆက်ဖြစ်လာသောအရာအားလုံးမှာ လွယ်ကူရိုးရှင်းလွန်းလှသည်။ ပထမလူသေဆုံးသွားပြီးနောက် ကျန်၃ယောက်မှာ ကြောက်ရွံ့စွာ ထွက်ပြေးတော့သည်။ ၄င်းတို့မှာ အလွန် ဥာဏ်ကောင်းပြီး လူခွဲကာ ထွက်ပြေးကြခြင်းဖြစ်သည်။ ထန်မော့နှင့် ဖူ၀မ်သော်မှာ လူ၂ဦးနောက်မှပြေးလိုက်သွားကြပြီး ကျန်သော သတ်လတ်ပိုင်းလူကြီးမှာ ဓါတ်ဆီဆိုင်ဘက်သို့ ပြေးသွားစဥ် အတွင်းတွင် ပုန်းနေသော ဖူ၀မ်ရှန်းအားတွေ့လိုက်ရလေသည်။

သတ်လတ်ပိုင်းလူကြီးမှာ ချက်ချင်းအတွင်းသို့ပြေး၀င်သွားခဲ့သည်။ သူသည်ဖူ၀မ်ရှန်းဆီ တချိန်ထိုးပြေး၀င်သွားချိန်တွင် သူ၏နောက်မှ အေးစက်သော အသံတစ်ခုကို ကြားလိုက်ရသည်။

ထိုအသံမှာ ကျယ်လွန်း၍ လမ်းတစ်ဖက် ခြားနေလျက်တောင် သတ်လတ်ပိုင်းလူကြီး၏နားထဲသို့ ရှင်းလင်းစွာ ၀င်လာခဲ့သည်။ သူနောက်သို့လှည့်ကြည့်လိုက်လျှင် သတင်းစာစင်ကိုတွေ့လိုက်ရသည်။ ဖူ၀မ်သော်က ထန်မော့၏လက်ကို ကိုင်ထားပြီး ထန်မော့၏လက်ထဲတွင် ငွေရောင် သေနတ်တစ်လက်ကိုကိုင်လျက် သတ်လတ်ပိုင်းလူကြီး၏နဖူးကို ချိန်ထားခဲ့သည်။

ထန်မော့ရေရွတ်လာခဲ့သည်။

"ကြယ်တာရာများကိုယ်စားပြု တရားမျှတမှုကို ရှာဖွေခြင်း Checkmate"

ဘန်း...

ကျယ်လောင်သော သေနတ်သံနှင့်အတူ ကျည်ဆံတစ်ခုမှာ သတ်လတ်ပိုင်းအရွယ်လူကြီး၏ နဖူးကိုဖောက်၀င်သွားခဲ့လေသည်။

ကောင်းကင်ပေါ်မှတဖွဲဖွဲမိုးများ မိုးကြိုးသံတစ်ခုနှင့်အတူ ထိုလူ၏ကိုယ်မှာ မြေပြင်ပေါ် လဲကျသွားခဲ့လေသည်။ ထန်မော့မှာမတ်လပင်ရှိသေးသော်လည်း ပေကျင်း၏နွေဦးမိုးမှာ သည်းလွန်းလှကြောင်းတွေးနေမိသည်။ သူနှင့်ဖူ၀မ်သော်မှာ ထိုအလောင်း၄ခုကို ဓါတ်ဆီဆိုင်ထဲသို့ ဆွဲယူသွားလိုက်သည်။

ဖူ၀မ်ရှန်းသည် ထန်မော့နှင့် ဖူ၀မ်သော်အား ကြောက်လန့်စွာ ကြည့်နေခဲ့လေသည်။

🌍

(မရှင်းဘူး ဖြစ်သွားလား 😁 နောက်တစ်ပိုင်းမှာပါလာလိမ့်မယ်နော်)

Prev Next