MM Story Teller

Chapter 9

Viewers 1k

🐯Chapter 9

ယနေ့က သောကြာနေ့ ညနေ ၅:၃၀ ဖြစ်ကြောင်း ကုယွီမြန်မသိခဲ့ပေ။ လူအများစုက ယခုအချိန်တွင် အလုပ်ပြီးလေ့ရှိသည်။ အများစုမှာ တစ်ပတ်တာလုပ်ငန်းခွင်မှ ပင်ပန်းနွမ်းနယ်လာကြပြီး ယာဉ်ပျံပေါ်တွင်ထိုင်ကာ အချိန်ကုန်စေရန် တိုက်ရိုက်ထုတ်လွှင့်မှုများအား ကြည့်ရှုကြသည်။

ကုယွီမြန်၏ စတူဒီယိုမှ ကာဗာရုပ်ပုံမှာ ယမန်နေ့ ကွန်ပျူတာမှ ကျပန်းရိုက်ယူထားသည့်ပုံ ဖြစ်သည်။ ပုံထဲမှ လူငယ်လေးက သန့်စင်ချောမောသော မျက်ခုံးများနှင့် အရပ်ရှည်၍ ကျစ်လစ်သွယ်လျသော ခန္ဓာကိုယ်လေးဖြင့် အေပရွန်(ရှေ့ဖုံးခါးစည်း)အား ဝတ်ဆင်ထားသည်။ နွေးထွေးသော နေဝင်ဆည်းဆာက အခန်းထောင့်မှ ဖြန့်ကျက်၍ ဝင်လာပြီး ရေနွေးပူ လေထဲတွင် ရေနွေးငွေ့များထွက်နေသည်။ ပုံတစ်ခုလုံးက သက်သောင့်သက်သာရှိပြီး နွေးထွေးသော အလှအပပုံစံတစ်မျိုး ဖြစ်သည်။

ထိုပုံက 'အိမ်'ဟူသည့် အဓိပ္ပါယ်အပြည့်ဖြင့် ရှိနေကာ မရေတွက်နိုင်သော လူတိုင်း၏ နှလုံးသားများကို ထိုးစိုက်သွားခဲ့သည်။

သူတို့က မြို့ကြီးပြကြီးတွင် တစ်ယောက်ထဲ ရပ်တည်နေခဲ့ရခြင်း (သို့) ပါတီAမှ စျေးဝယ်သူတစ်ယောက်၏ တစ်နေကုန် စိတ်အနှောင့်ယှက်ပေးခြင်းကို ခံခဲ့ရခြင်းတို့ကြောင့် ယခုအချိန်တွင် အလွန်ပင်ပန်းနေခဲ့သည်။ ယခုနာမည်ကျော်ကြားနေသော အက၊ သီချင်းနှင့် ဂိမ်း တိုက်ရိုက်ထုတ်လွှင့်မှုများမှာ အလွန်ဆူညံ့သဖြင့် လူတိုင်းကြည့်ရန် တွန့်ဆုတ်ကြသည်။

တိုက်ရိုက်ထုတ်လွှင့်မှုအခန်းဖွင့်ပြီး တစ်နာရီအကြာတွင် [နောက်ဆုံးပေါ် တိုက်ရိုက်ထုတ်လွှင့်မှု] ထောက်ခံမှုစာရင်း၌ ပါလာခဲ့သည်။ ထိုထောက်ခံမှုစာရင်တွင် ပါဝင်သူများက ကြည့်ရှုသူတစ်ရာကျော်သာ ရနိုင်သော်လည်း ကုယွီမြန်က သုံးထောင်အထိ မြင့်တက်သွားခဲ့သည်။

ထို့ပြင် "တိမ်လေးတစ်ခုရှိတယ်" ၏ 'မီးရှူးမီးပန်း’ လက်ဆောင်က ပလက်ဖောင်းတစ်ခုလုံးမှ လူများအား ဆုယူ၍ ကံစမ်းရန် ဆွဲဆောင်ခဲ့သည်။ ကံစမ်းရန်ရောက်လာခဲ့သော လူထောင်ကျော်က တိုက်ရိုက်ထုတ်လွှင့်မှုဖြင့် ဆွဲဆောင်ခံလိုက်ရပြီး ဆက်နေခဲ့ကြသည်။ ယခုအချိန်တွင် တင်ဆက်သူကုယွီမြန်၏ တိုက်ရိုက်ထုတ်လွှင့်မှုတွင် ကြည့်ရှုသူလူပေါင်း ရှစ်ထောင်ကျော်နေခဲ့သည်။

ကိန်းဂဏန်းက ဆက်လက်တိုးတက်လျက်ရှိသည်။

【မာချာအနှစ်ကလေး: ဒါကရေချိုးတာလား အိုက်ယား…】

【လှည့်မယ် ခုန်မယ် မင်းမျက်လုံးကို မှိတ်လိုက်: ဘုရားရေ... ဘယ်လိုနတ်ဘုရားတင်ဆက်သူလဲ... ငါသူ့ပေါင်ကို ဖက်ချင်တယ်(丿￣ο￣)丿】

【လုလုမလုပ်နိုင်ဘူး: ငါ ဒီတင်ဆက်သူကို အရမ်းကြိုက်တယ်... သူက စကားအများကြီး မပြောဘူး... လက်ဆောင်တွေလည်းမတောင်းဘူး... ဒါက အရမ်းဖိအားတွေ လျော့စေပြီး စိတ်အပန်းပြေစေတယ်...】

【မာလင်း: စီးကရက်ရဲ့ ၆နာရီတိုက်ရိုက်ထုတ်လွှင့်မှုကို ငါစောင့်နေခဲ့တာ... အစက တစ်ချက်လောက်ကြည့်ရုံဘဲ... အခုတော့ ပြန်မထွက်ချင်တော့ဘူး…】

အစပိုင်းတွင် ကုယွီမြန်က ပရိသတ်ကြောင့် အံ့အားသင့်ခဲ့ရသည်။ သူက စနစ်ထဲတွင် ပြဿနာရှိနေသည်ဟု ထင်ခဲ့သော်လည်း မကြာမီတွင် တည်ငြိမ်သွားခဲ့သည်။ လူများတိုးလာခြင်းကြောင့် သူ၏စည်းချက်အား မပြောင်းခဲ့ပေ။ ခဏမျှမိတ်ဆက်ပြီးနောက် အစီအစဥ်အတိုင်း ဆက်လုပ်ခဲ့သည်။

"နေပူဆာလှုံရအောင်...အခုအချိန်အလင်းရောင်က သက်သောင့်သက်သာရှိတယ်..."

ကုယွီမြန်က နှင်းကျားသစ်လေးအား ဧည့်ခန်းထဲသို့ ခေါ်လာသည်။

၎င်းက အပြင်ဘက်လသာဆောင်မဟုတ်ဘဲ ဧည့်ခန်းပြတင်းပေါက်ဖြစ်သည်။ ခန်းစီးလိုက်ကာများအား တင်လိုက်ပြီးနောက် ကုယွီမြန်က ကြိုတင်စီစဥ်ထားသည့် ကူရှင်များအား ပြတင်းပေါက်နားမှ ကြမ်းပြင်တွင် စီလိုက်သည်။ လက်ဖက်ရည်အိုးပူပူကို မီးဖိုပေါ်တွင် အပူပေးထားပြီး ကုယွီမြန်က ဝါဂွမ်းကဲ့သို့ နူးညံ့သော ကော်ဇောအား ခင်းထားသည်။ ၎င်းတို့ကို ခြေဗလာနှင့်နင်းရန်အတွက် အလွန်သက်သောင့်သက်သာရှိပြီး လေထုထဲတွင် စံပယ်ရေနွေးကြမ်းရနံ့ သင်းနေသည်။

မီးမဖွင့်ထားသောကြောင့် ပြတင်းပေါက်မှ သဘာဝအလင်းရောင်က အခန်းတစ်ခုလုံးအား လင်းစေသည်။ မြို့တော်၏ အလင်းရောင်မှာမူ အရာအားလုံးကို ထွန်းလင်းစေသည်။

(ကြယ်တာရာမြို့တော်က အရမ်းလင်းလွန်းလို့ ပြောတာဖြစ်မယ်...)

ကုယွီမြန်က ယနေ့ညစာအတွက် အချိန်သတ်မှတ်ထားသည်။ ယခုထုတ်လွှင့်နေပြီး အစားအစာမှာ အရသာရှိလိမ့်မည်။

"ဒါက စံပယ်ရေနွေးကြမ်း..."

ကုယွီမြန်က သူ့အတွက်နှင့် နှင်းကျားသစ်လေးအတွက် ကိုယ်စီဖန်ခွက်ထဲသို့ လောင်းထည့်လိုက်သည်။ သူ့မျက်လုံးများအား မှေးကာ အနံ့ခံကြည့်လိုက်သည့်အခါ သူသည်လည်းလုံးဝ အပန်းပြေသွားခဲ့သည်။

"အနံ့က ကောင်းလိုက်တာ... ထွမ်ထွမ် စမ်းကြည့်လိုက်..."

၎င်းက သန့်ရှင်းရေးလုပ်စဥ်တွင် တွေ့ခဲ့ရသော အထုပ်လေးထဲမှ ရေနွေးကြမ်းဖြစ်သည်။ ကုယွီမြန်မှာ ထိုရေနွေးကြမ်းက သတ်မှတ်ရက် ကျော်လွန်သွားခြင်း မရှိသေးသည့်အတွက် အံ့သြခဲ့ရသေးသည်။ သူက ရေနွေးကြမ်းအား ကြိုက်နှစ်သက်ပြီး ကြယ်တာရာခေတ်တွင် ရေနွေးကြမ်း မရှိဟု ထင်ခဲ့သည်။ ဤလက်ဖက်ရွက်အထုပ်ကလေးက သူ့အားအတိတ်နှင့် နူးညံ့သိမ်မွေ့စွာ ဆက်စပ်မိစေသည်။

နှင်းကျားသစ်လေးက ကူရှင်ပေါ်တွင်ထိုင်နေပြီး ဖန်ခွက်ထဲသို့ မြင်ချင်စိတ်ဖြင့် ငုံ့ကြည့်သည်။ စက္ကန့်အနည်းငယ်ကြာပြီးနောက် သူ့လက်ဖဝါးလေးအား ဆန့်ထုတ်ကာ ရေနွေးခွက်အား ဆွဲလိုက်သည်။

ကုယွီမြန် အနည်းငယ် ရယ်ချင်သွားသည်။ ခွက်အား သူ့ရှေ့သို့ထားကာ အကောင်ပေါက်လေးအား အနံ့ခံစေခဲ့သည်။

နှင်းကျားသစ်လေး၏ နှာခေါင်းလေးက ပွစိပွစိဖြစ်လာသည်။ တစ်ခဏမျှ ကြာပြီးနောက် သူ၏မျက်လုံးအား ကျဥ်းမြောင်းကာ ကုယွီမြန်အား ကြည့်လေသည်။

"အနံ့ကောင်းလား..."

ကုယွီမြန်က နှင်းကျားသစ်လေး၏ လက်ဖဝါးလေးအားကိုင်၍ ရေနွေးခွက်၏အစွန်းကိုဖိလိုက်ပြီး သူ့လက်ဖဝါးလေးအား နွေးထွေးသွားစေသည်။ ထို့နောက် သူ့အားလျက်၍ အရသာခံစေသည်။

များပြားသော ကြည့်ရှုသူအရေအတွက်က အခုလေးတင် ဝင်လာခဲ့သည်။ လူများစွာက အစပိုင်းတွင် တိုက်ရိုက်ထုတ်လွှင့်မှုအား နားမလည်ခဲ့၍ မှတ်ချက်တွင် စကားအမျိုးမျိုး ရှိနေခဲ့သည်။ သို့သော် လူထောင်ကျော်က တဖြည်းဖြည်းချင်း ငြိမ်သက်လာကာ ကုယွီမြန်၏စည်းချက်ဖြင့် ခေါ်ဆောင်ခံလိုက်ရသည်။

သက်သောင့်သက်သာရှိသော လေထုနှင့် ပတ်ဝန်းကျင်၊ နူးညံ့သောကူရှင်၊ ရေနွေးကြမ်းပူပူ၊ ခပ်မှိန်မှိန်ဆည်းဆာရောင်ခြည်၊ ခန္ဓာကိုယ်တစ်လျှောက် စီးဆင်းသွားသော လက်ဖဝါးမှအပူချိန် ၎င်းတို့က တစ်ပတ်တာလုံး ပင်ပန်းခဲ့သည့် ခန္ဓာကိုယ်ရှိ ဆဲလ်အားလုံးကို အပန်းပြေစေခဲ့သည်။

ထိုကဲ့သို့လေထုဖြင့် တစ်စုံတစ်ယောက်၏ စိုးရိမ်ပူပန်မှုများကို ထုပ်ပိုးခံရကာ ညအမှောင်ထဲသို့ လွှတ်ပစ်ခံလိုက်ရသည်။ မည်သည်ကိုမှ စိုးရိမ်ပူပင်ကြောင့်ကြရန် မလိုအပ်တော့ပေ။

သူတို့က ယနေ့ညတွင် ကောင်းစွာအိပ်ပျော်လိမ့်မည်။ လူများစွာ၏ စိတ်ထဲ၌ ထိုအတွေးရှိနေခဲ့သည်။

ဖန်သားပြင်တွင်ပေါ်နေသည့်မှတ်ချက်များ:

【အဝါရောင်အာလူးကြော်: ပထမဆုံးဒီလိုပုံစံ ရေချိုးတာကိုမြင်တုန်းက အရမ်းသဘောကျခဲ့တာ... ဒါပေမယ့် စံပယ်ရေနွေးကြမ်းက ဘာလဲ…】

【ကြောင်လေးရဲ့အော်သံ: ဟုတ်တယ်... ဟုတ်တယ်... ငါလည်းအဲဒါကိုပဲ မေးချင်နေတာ (￣￢￣) စံပယ်ရေနွေးကြမ်းဆိုတာက ဘယ်လိုမျိုးလဲ…】

【အဖြူရောင်ပိုးထည်ခြုံထားတဲ့လ: ငါပဲ ဗဟုသုတ နည်းတာလား…】

【တိမ်လေးတစ်ခုရှိတယ်: ငါလည်း တစ်ခါမှ မကြားဖူးဘူး... ဒါပေမယ့် ကြိုးစားကြည့်မယ်... အဲဒါက အရမ်းထူးခြားလိမ့်မယ်】

ကုယွီမြန် : "..."

ခဏ... ငါ အမှားတစ်ခု လုပ်မိပြီထင်တယ်... ဒီခေတ်မှာ ရေနွေးကြမ်းယဥ်ကျေးမှုရှိတယ်လို့ ထင်ခဲ့တာ... နားလည်မှု လွဲသွားတာလား...

"အာ ဒါက ကျွန်တော်တို့ဇာတိက သောက်စရာတစ်ခုပါ... အဲဒီက လူတွေက ဒါသောက်ကြတယ်... အင်း ငါ ထွမ်ထွမ်ရဲ့ အမွေးတွေကို ဖြီးပေးတော့မယ်... ညစာစားဖို့အချိန် နီးနေပြီလေ..."

ကုယွီမြန် မပြတ်မသားနှင့် ပြောလိုက်သည်။

'ဖြီးသင်ခြင်း’က လူတိုင်း၏အာရုံအား ဆွဲဆောင်သွားခဲ့ပြီး မကြာမီတွင် သူတို့က စံပယ်ရေနွေးကြမ်းအကြောင်း မေ့သွားခဲ့ကြသည်။

ယခု ကုယွီမြန်သည်လည်း ထွမ်ထွမ်၏လှုပ်ရှားမှုနှင့် ပတ်သက်၍ အာရုံစိုက်ထားခဲ့ပြီး သူသည်လည်း ယခုလေးတင်မှရေချိုးပြီးခဲ့ခြင်းဖြစ်သည်။ အခြောက်ခံပြီးနောက် နှင်းကျားသစ်လေး၏ အမွေးများက ဖရိုဖရဲဖြစ်နေခဲ့သည်။ ကုယွီမြန်က သူ့အားခြောက်လှန့်မိမည်စိုး၍ စွမ်းအားမြင့် အခြောက်ခံစက်အား မထုတ်ရဲပေ။ သူက အခြောက်ခံစက်အသေးစားလေးကိုသုံး၍ ရေများအား ဖြည်းဖြည်းချင်းခြောက်စေခဲ့သည်။

နှင်းကျားသစ်များက နှင်းတောင်များ၏ ကုန်းပြင်မြင့်ပေါ်တွင် နေလေ့ရှိသည်။ သူတို့က အလွန် အအေးဒဏ်ခံနိုင်ကာ ရှည်လျား၍ ထူထဲသော အမွေးများရှိသည်။ ကြောင်အများစုတွင်လည်း ယခုကဲ့သို့ပြဿနာရှိပြီး ဖြီးရန်အလွန်ခက်ခဲသည်။

ကံကောင်းစွာဖြင့် ကုယွီမြန်ထံ၌ အတွေ့အကြုံရှိလေသည်။

"အမွေးတွေထဲမှာ အထုံးရှိနေတယ်... အတွင်းထဲကနေ အပြင်ကို ဖြေးဖြေးချင်း ဖြီးပေးရမယ်..."

နှင်းကျားသစ်လေးထံ၌ အမွေးထုံးများ မရှိသော်လည်း ကုယွီမြန်က ထိုသို့ပြောလေသည်။

"တိုက်ရိုက်တန်းဖြီးလို့မရဘူး... အထုံးတွေကို ညှပ်ပစ်ရမှာ မဟုတ်ရင် ဖြီးလို့ရမှာမဟုတ်ဘူး..."

ကုယွီမြန်က ကူရှင်ပေါ်တွင် တင်ပျဥ်ခွေထိုင်နေခဲ့ပြီး နှင်းကျားသစ်လေးမှာ သူ၏ခြေထောက်ကြားတွင် ထိုင်နေသည်။

ယမန်နေ့က ကုယွီမြန် နေ့စဥ်လိုအပ်သည်များအား သွားဝယ်ရာတွင် အထူးဘီးအမျိုးမျိုးအားတွေ့ခဲ့ရသဖြင့် အံ့အားသင့်ခဲ့ရသည်။ ၎င်းတို့က အလွန်ချွန်ထက်ပြီး သိပ်သည်းထူထပ်သည်။ လူများက ဖြီးသင်ခြင်းမှ နာကျင်မှုအား စောဒကတက်ခဲ့ကြပြီး ယခုအခါတွင် ထိုအကြောင်းပြချက်၏ အဓိကအပိုင်းအား တွေ့သွားခဲ့သည်။

သူက ကျယ်ပြန့်သော အသွားများဖြင့် ဘီးအား ဂရုတစိုက် ရွေးချယ်ခဲ့ပြီး တစ်ညနေလုံး ချွန်ထက်သော အသွားများ ချောမွေ့ပြီး တုံးစေရန် ကြိတ်ချေခဲ့သည်။

နှင်းကျားလေး၏အမွေးအား ကုယွီမြန်ဖြီးသင်သည့် နည်းလမ်းက အညောင်းအညာပြေစေခြင်းနှင့် တူသည်။ ပထမဦးစွာ သူ၏လည်ပင်းနှင့် လည်းတိုင်တစ်လျှောက် နူးညံ့စွာ ဖြီးခဲ့ပြီး သူ့နောက်ကျောထံ ဖြန့်ကျက်လာခဲ့သည်။ နှိပ်နှယ်ပေးခြင်းနှင့် တူညီသောစည်းချက် ကြိမ်နှုန်းအတိုင်း လုပ်ဆောင်ခဲ့သည်။ ဘီး၏ အသွားထိပ်လေးများ၏ အထိအတွေ့က အလွန်သက်သောင့်သက်သာရှိပြီး သစ်သားနံ့သင်းသင်းလေး မွှေးပျံ့နေခဲ့သည်။

မကြာမီတွင် နှင်းကျားသစ်လေးက သက်သောင့်သက်သာရှိစွာဖြင့် သူ့မျက်လုံးများအားမှေး၍ ကုယွီမြန်၏ လက်မောင်းထဲတွင် လဲလျောင်းငိုက်မြည်းနေခဲ့သည်။ သူ၏အမြီးအား ကုယွီမြန်၏ လက်ကောက်ဝတ်တွင် လှည့်ပတ်နေခဲ့ပြီး လူသားအပေါ် သူ၏ချစ်ခင်ကြင်နာမှုနှင့် တန်ဖိုးထားမှုအား ပြသနေသည်။

ကုယွီမြန်၏ တိုက်ရိုက်ထုတ်လွှင့်မှုအား ကြည့်ရှုခဲ့ကြသည့် လူဟောင်းများက လဲလျောင်း၍ပျော်ရွှင်မှုအား ခံစားနေခဲ့သော်လည်း မိနစ်အနည်းငယ်ကမှ ဝင်ခဲ့သည့် လူသစ်များမှာ လုံးဝအံ့အားသင့်သွားခဲ့သည်။

【အဝါရောင်အာလူးကြော်: အားးးးး】

【ချွတ်ခြုံကျနေတဲ့ အမကြီး: ဝှက်သယ်... ငါရဲ့စိတ်အခြေအနေကို ဖော်ပြလို့တောင် မရဘူး…】

【ဘရုစလီ:အား အား အား အား အား ဘယ်လိုနတ်ဘုရားမျိုးလဲ ဦးခေါင်းခွံတောင်ကျင်သွားတယ်…】

【တကျွိကျွိဝက်ဝံရုပ်လေး: ငါမနေ့က ကြယ်ဒဂါး၃ထောင်သုံးပြီး ငါရဲ့အမွေးတွေကိုဖြီးဖို့ ကျွမ်းကျင်ဆိုင်ကိုသွားခဲ့တာ... ဒီတင်ဆက်သူကို မယှဥ်နိုင်ဘူး... မနေ့ကဆိုင်ရှင်ဆို ငါ့ကိုသတ်နေတာပဲ... အမွေးတွေကို ဖြီးရတာ ကမ္ဘာတစ်ဝှမ်းလုံးမှာလည်း ဒီတိုင်းပဲနာတယ်ဆိုပြီး ဆိုင်ပိုင်ရှင်ကလည်း ငါ့ကိုလိမ်တယ်…】

လူများစွာက တင်ဆက်သူမှာ လူသားဖြစ်ကြောင်း ရှာဖွေတွေ့ရှိခဲ့ကြသည်။ ထိုအချက်ကြောင့် အနည်းငယ် သံသယရှိခဲ့သော်လည်း ယခုအချိန်တွင် သူ၏မျိုးနွယ်က မည်သို့ပင်ဖြစ်စေကာမူ အားလုံးလက်ခံယုံကြည်ခဲ့ကြသည်။

ဒီတင်ဆက်သူက အရမ်းအရမ်းတော်တယ်...

နွေးထွေးသော အလင်းရောင်မှိန်မှိန်လေးထဲတွင် စံပယ်ရေနွေးကြမ်းရနံ့သည် လေထဲတွင် သင်းနေပြီး လူငယ်လေး၏ လက်ချောင်းများက သန့်စင်ပူနွေးသည်။ သူ့တွင် ပင်လယ်ရေနှင့် ဝါးရွက်အနံ့ဖျော့ဖျော့ရှိပြီး လူတိုင်းအား သူ၏လက်ဖဝါးထဲတွင် ပွတ်သပ်ချင်မိစေသည်။ ခန္ဓာကိုယ်ပေါ်ရှိ အမွေးများထဲသို့ ဘီးက ဖြေးငြင်းစွာ ဖြတ်သွားပြီး ၎င်းက ပင်လယ်ရေနွေးနွေးလေးဖြင့် ထပ်ကာထပ်ကာ ဆေးကြောခံရသကဲ့သို့ပင်။ အလွန်ပြေပြစ်ပြီး အလွန့်အလွန် သက်သောင့်သက်သာ ရှိစေသည်။

အမှန်တကယ်တွင် ထူးဆန်းသောတိရစ္ဆာန်နှင့် ကြုံတွေ့ရလျှင် ကုယွီမြန်က ကောင်းမွန်စွာ ဖြီးနိုင်လိမ့်မည်ဟု အာမ မခံနိုင်ပေ။

ဖြီးသင်ပေးခြင်းက တိရစ္ဆာန်၏ စိတ်အခြေအနေပေါ်တွင် မူတည်သည်။ အချို့ကြောင်များက လူစိမ်းများအား ကြောက်ရွံ့တတ်ပြီး မယုံကြည်နိုင်၍ စိတ်အေးစွာ မနေနိုင်ပေ။ အထူးကျွမ်းကျင်သည့် ဖြီးသင်ခြင်းသည်ပင် သူတို့အား နာကျင်စေနိုင်သည်။ သို့သော် ကြယ်တာရာခေတ်တွင် သတင်းအချက်အလက် ချို့ယွင်းခြင်းက ကြီးမားသောပြသာနာဖြစ်ပြီး ဘီးတိုင်းတွင် ချွန်ထက်သော အသွားများ ရှိပုံပေါ်သည်။

မျက်နှာပြင်ပေါ်တွင် နောက်ထပ် လက်ဆောင်လှိုင်းကြီး ဖြစ်ပေါ်လာပြန်သည်။ များစွာသော ပရိသတ်များက ရက်ရက်ရောရော ပေးကမ်းခဲ့ပြီး မီးရှူးမီးပန်းများသည်လည်း တစ်ချိန်တည်း ၂ခု၊ ၃ခု ပေါက်ကွဲလာခဲ့ပြီး ပလက်ဖောင်းတစ်ခုလုံးအား အသက်သွင်းခဲ့သည်။

ပရိသတ်အများအပြား ထပ်မံဝင်လာပြန်သည်။

ကုယွီမြန် ပြီးသွားသောအခါ ကြည့်ရှုသူ အရေအတွက်က သုံးသောင်းနားထိ မြင့်တက်လာခဲ့ပြီး ပရိသတ်အရေအတွက်မှာ ရှစ်ထောင်ကျော်သွားခဲ့သည်။ ၎င်းက နှစ်ရက်သာ တိုက်ရိုက်ထုတ်လွှင့်ရသေးသော လူသစ်လေးအတွက် အလွန်ကောင်းမွန်သော ရလဒ်ဖြစ်ပြီး ကုယွီမြန်သည်လည်း မမျှော်လင့်ခဲ့ပေ။

တိုက်ရိုက်ထုတ်လွှင့်နေစဥ်တွင် လူအများက သူ့အား ကျော်ကြားမှုပေါ် အခွင့်ကောင်းယူကာ ပို၍ထုတ်လွှင့်ရန် အကြံပေးကြသည်။

ဘာလို့ အကျိုးအမြတ် မယူဘဲ နေရမှာလဲ...

သို့သော် ကုယွီမြန်က ငြင်းပယ်လိုက်သည်။

ထုတ်လွှင့်ရန်အတွက် သူ့ကိုယ်သူ များစွာပြင်ဆင်ခဲ့ရပြီး ကျော်ကြားမှု မြင့်မားခြင်း၊ နိမ့်ကျခြင်းတို့ကြောင့် သူ၏ငြိမ်းချမ်းမှုအား အနှောင့်ယှက်မခံလိုပေ။

ယခုသူက သားပေါက်ကလေးတစ်ယောက်အား ပြုစုပျိုးထောင်ရန် စတင် ‌‌နေသည်။ ကုယွီမြန်က ကောင်းမွန်သော လုပ်ငန်းစဥ်အား ချမှတ်ထားပြီး ည၉နာရီခွဲတွင် မီးပိတ်၍ အိပ်ယာဝင်သည်။ သို့သော် သူမသိခဲ့သည်မှာ ကြည့်ရှုသူများ၏ ထောက်ခံပေးမှုကြောင့် သူ၏ပရိသတ်အရေအတွက်မှာ အလိုလျောက် မြင့်တက်လာခဲ့ပြီး မကြာမီသူက စာရင်းအသစ်ထိပ်ပိုင်းသို့ ရောက်နိုင်တော့မည်ဖြစ်သည်။

အရည်အချင်းရှိသော စာရင်းအသစ်တွင် ထိပ်ဆုံးအယောက်၃၀က တာ့ခ်တွင် သူတို့၏ကျော်ကြားမှု အလိုက်ဖြစ်ပြီး သူတို့က တာ့ခ်၏ 'တင်ဆက်သူအသစ် ထောက်ပံ့ခြင်းပရောဂျက်' အတွက် တစ်ခုတည်းသောနေရာအား အောင်မြင်နိုင်ရန် မျှော်လင့်နေခဲ့ကြသည်။

ညတွင်းချင်း မရေတွက်နိုင်သော စိတ်ဝင်စားမှုများက လူသားတင်ဆက်သူပေါ်တွင် အာရုံစိုက်နေခဲ့ကြသည်။

'စီးကရက်'၏ တင်ဆက်သူသည်လည်း သူတို့ထဲမှ တစ်ယောက်ဖြစ်သည်။

သူက လူသစ်စာရင်းတွင် ပထမဖြစ်ပြီး အနိုင်ရနိုင်ချေများသောသူ ဖြစ်သည်။ 'စီးကရက်'က ညတိုင်း ၆နာရီတွင် စတင်ထုတ်လွှင့်သည်။ ပုံမှန်အားဖြင့် သူစတင်ပြီး နာရီဝက်ခန့်အကြာတွင် သူ၏ကြည့်ရှုသူများက ၁သိန်းကျော်ထိ တက်လာပြီး ပိတ်ရက်များတွင် ပိုများတတ်သည်။

ယနေ့တွင်မူ ချွင်းချက်ဖြစ်ပြီး သူ၏ကြည့်ရှုသူအရေအတွက်က ဖြတ်တောက်ခံခဲ့ရသည်။

သူက မျှော်လင့်ထားသည်ထက် နည်းနေသော အရေအတွက်အား ကြည့်ပြီးနောက် 'ကုယွီမြန်' ဟူသောနာမည်အား အခြားသူများထံမှ ကြားခဲ့ရသည်။

မူလကြည့်ရှုသူခွဲတမ်းမှာ အခြေခံအရ တည်ငြိမ်သောလည်း ကောင်းမွန်သော အလားအလာရှိသည့် လူသစ်ကလေး ကုယွီမြန်က ယခုအပတ်တွင် တာ့ခ်၏ တိုက်ရိုက်ထုတ်လွှင့်မှုရပ်ဝန်းတွင် လူကြိုက်များသောခေါင်းစဥ်တစ်ခု ဖြစ်လာခဲ့သည်။

"ဒါက လူသားတင်ဆက်သူတစ်ယောက်ပဲကို.."

ထုတ်လွှင့်မှုအပြီးတွင် 'စီးကရက်'က သူ့ဒေါသအား ဆက်၍ထိန်းချုပ်မထားနိုင်တော့ပေ။

"များသွားပြီ..."

🐯🐯🐯

Prev Next