MM Story Teller

Chapter 92

Viewers 4k

🚩Chapter -92

Arc_5 . အရံအမျိုးသမီး ဇာတ်ကောင်၏ တန်ပြန်စနစ် [ 4 ]

____

စုဝမ်နှင့် တွေ့ဆုံရခြင်းက ယန်ယွီ၏ မျက်လုံးထဲတွင် နှစ်ပေါင်းများစွာကြာပြီးမှ သူ့ဘဝတွင် တကယ်ကို ထူးခြားဆန်းကြယ်သောဖြစ်ရပ် ဖြစ်လာခဲ့သည်။

အစောပိုင်းနှစ်များတွင် သူ့မိသားစုထံမှ အလွန်ကာကွယ်ပေးခံရခဲ့ရသော ယန်ယွီက အမြဲနာခံပြီး ရှက်တတ်သော ကလေးဖြစ်ခဲ့သည်။ ကမ္ဘာကြီး၏ အဆုံးသတ်ရောက်လာသောအခါတွင် သူ၏မိသားစုဝင်များတစ်ယောက်ပြီး တစ်ယောက်သေဆုံးသွားပြီး သူမျှော်လင့်ချက်မဲ့လာခဲ့သည် ။ ထို့နောက် သူချစ်ခင်ရသော သူများထံမှ ကာကွယ်ပေးခံရပြီး သူကတော့ ရှင်ကျန်ရစ်ခဲ့သည် ။

ထိုအချိန်က သူစိတ်အားငယ်ခဲ့ရပြီး သေရမှာကို အလွန်ကြောက်ရွံ့နေခဲ့သည် ။

Sမြို့တော်တွင် ညဘက်၌သာ သူအပြင်ထွက်ရဲပြီး တစ်ညတွင် ထူးဆန်းသောဖုတ်ကောင်အမနဲ့ တိုးခဲ့သည် ။ ထိုဖုတ်ကောင်အမက သူနှင့် ဆက်သွယ်နိုင်ရုံသာမက ဖုတ်ကောင်များထံမှ သလင်းကျောက်အမြုတေကိုပင် သူ့ကိုလက်ဆောင်ပေးခဲ့သေးသည် ။ ထိုအရာတို့က ချိတ်ပိတ်ထားသော သူ့စိတ်ဝိညာဥ်စွမ်းရည်စနစ်ကို ဖွင့်ကာတိုးမြှင့်ပေးခဲ့သည် ။

ထို့နေ့မှစပြီး တူညီသောနေရာတွင် ဖုတ်ကောင်အမကို ညတိုင်း စိတ်လှုပ်ရှားလိုက် ၊ စိုးရိမ်လိုက်နှင့် ယန်ယွီ လာစောင့်နေလေ့ရှိသည် ။ဤကာလအတွင်း သူ့စွမ်းရည်ကို အသုံးချပြီး အဆင့်နိမ့်ဖုတ်ကောင်အတော်များများကို သတ်ခဲ့ကာ သူတို့၏ စိတ်ဝိညာဥ်အရင်းအမြစ်ကျောက်တုံး သို့မဟုတ် အခြားသူများ၏ မျက်လုံးထဲတွင် သလင်းကျောက်အမြုတေဟုခေါ်သောအရာကိုပါ ရှာတွေ့ခဲ့သည် ။

တစ်ပတ်တာက ဤကဲ့သို့ ကုန်ဆုံးသွားပြီး သန္ဓေပြောင်းဖုတ်ကောင်အမကို ယန်ယွီ ထပ်မံဆုံတွေ့ခဲ့သည် ။ လွန်ခဲ့သောရက်များနှင့် ယှဥ်လျှင် သူမက သူ့ မျက်လုံးထဲတွင် ပိုပြီး အမြင်ကောင်းလာသလိုပင် ။ သူမ၏ လှုပ်ရှားမှုနှင့် အလျင်တို့က အရင်အပတ်ကနှင့် ယှဥ်လျှင် ပို၍ မြန်ဆန်လာသည် ။

အကန့်အသတ်မဲ့သော ညတွင် ရုတ်တရက်ပေါ်ထွက်လာသော အဝေးမှလာနေသည့် ခြေသံကို ကြားလိုက်ရသောအခါ စုယန် နှင့် ယန်ယွီတို့ တစ်ယောက်ကို တစ်ယောက်တိတ်တဆိတ်ကြည့်လိုက်ကြသည် ။ စုဝမ်ကချက်ချင်း တစ်ဖက်သို့လှည့်ကာ ထောင့်နားရှိ အရိပ်ထဲတွင် ပုန်းနေလိုက်သည် ။

ယန်ယွီက အနည်းငယ်တွန့်ဆုတ်နေပြီးမှ အလျင်အမြန် အနောက်ကနေခြေလှမ်းအနည်းငယ်ဖြင့် လိုက်ကာ စုဝမ်၏အနောက်တွင် ပုန်းလိုက်သည် ။ ထိုကလေး၏ မျက်လုံးထဲတွင် ဤ "ဖုတ်ကောင်အမ" က ဘယ်သူမှန်းမသိသော လူသားတွေထက် ပိုစိတ်ချရသလို မြင်နေတာ ရှင်းလင်း၏။

ခြေလှမ်းများက ဖြည်းဖြည်းချင်းနီးကပ်လာပြီး ယန်ယွီပုန်းနေသော အနီးနားတွင် လူအများ၏ အရိပ်များက ဖြည်းဖြည်းချင်း ရပ်သွားခဲ့သည်။

" ခေါင်းဆောင် ၊ အဲ့ဒီကလေးကို မတွေ့ဘူး သူဒီနေ့မလာဘူးလား ။ "

စကားပြောနေသောသူမှာ အရပ်မြင့်ပြီး အသက်နှစ်ဆယ်လောက်သာ ရှိသေးပုံပေါ်သည် ။ ခေါင်းဆောင်ဟု အခေါ်ခံရသောသူမှာ ထွားကျိုင်းသောသူဖြစ်ပြီး သတ်ဖြတ်လိုသော အငွေ့အသက်များ လွှမ်းခြုံနေသည် ။စုဝမ် ဤလူကို သတိပြုမိလိုက်သည် ။ထိုလူ၏ အမည်မှာ ယွမ်ဟွေ့ဖြစ်ပြီး အတိတ်ဘဝတုန်းက ချူးဖေးယန်၏ ဘယ်လက်ရုံးဖြစ်သည်။ ဤဘဝတွင်တော့ ယန်ကျစ်ရှီ၏ လက်အောက်ငယ်သားပင် ။

" အနီးနားတစ်ဝိုက်မှာ ဂရုစိုက်ပြီးရှာကြည့် မင်းသူ့ကို ရှာမတွေ့ဘူးဆိုရင် ငါတို့ဒီမှာနေပြီး နေ့တိုင်းစောင့်ကြည့်ရမယ် ။ အဲ့ကလေးကို ရှာတွေ့မှ ဖြစ်မယ် "

ယွမ်ဟွေ့ အတိအလင်းမပြောခဲ့သော်လည်း သူတို့ ယန်ယွီကို ရှာနေတယ်ဆိုတာ စုဝမ် နားလည်လိုက်သည်။

ထင်ထင်ရှားရှားပင် အနာဂတ်ကို ကြိုတင်ခန့်မှန်းနိုင်သော ယန်ကျစ်ရှီက လက်ရှိတွင် Sမြို့တော်ထဲ၌ ယန်ယွီ ပုန်းနေခြင်းကိုပါ သိနေလေသည် ။ ယန်ယွီကို ရှာဖို့ သူမ လူများကို စေလွှတ်လိုက်ပြီး သူမ၏ ရည်ရွယ်ချက်မှာ ယန်ယွီကို သူမ၏ လက်အောက်သို့ သွတ်သွင်းဖို့ပင် ။ ကမ္ဘာကြီး၏ အဆုံးတွင် စိတ်ဝိညာဥ်စွမ်းရည်ကို ရရှိထားသောသူမှာ ရှားပါးပြီး ယန်ယွီကဲ့သို့ စိတ်ဝိညာဥ်စွမ်းရည်ရှိသူများမှာ သဘာဝအလျောက် စိတ်စွမ်းရည်သန္ဓေပြောင်းနိုင်ပြီး ထောင်ပေါင်းများစွာသော ဖုတ်ကောင်များကို အမိန့်ပေးနိုင်ခြင်းမျိုးက ရှားပါးသော ရတနာလိုပင် ။

ထိုလူများ အနီးနားတစ်ဝိုက်တွင် စတင်ရှာဖွေနေတာကို ကြည့်ပြီး ထိုပုံသဏ္ဍာန်များက သူတို့နှင့် တဖြည်းဖြည်းနီးကပ်လာသဖြင့် ယန်ယွီ၏ ခန္ဓာကိုယ်က တုန်ရီလာသည် ။

ဤအချိန်တွင် သူတို့ရှာနေသောသူမှာ သူကိုယ်တိုင်မှန်း ယန်ယွီ သတိထားမိသွားခဲ့သည် ။ဤရက်များတွင် ပျက်စီးနေသော အဆောက်အဦးထဲ၌ သူပုန်းနေခဲ့သည် ။လူများတစ်ယောက်ကိုတစ်ယောက်သတ်ဖြတ်နေကြသည့်မြင်ကွင်းကို သူများစွာမြင်ဖူးခဲ့ပြီး ယခုတွင် ထိုလူစိမ်းများက သူ့ကို ရှာဖို့လာခဲ့မှန်း သတိထားမိသွားသည် ။ သူတို့က မိတ်ဆွေနှင့် တူပုံမရသလို သူ့အပေါ်တွင် မကောင်းသောရည်ရွယ်ချက်များနှင့် ပြည့်နေတာကို သူခံစားမိနေသည် ။

ယန်ယွီ၏ စိတ်ဝိညာဥ်စွမ်းအားက အလွန်မြင့်သည် ။စုဝမ်ထံမှ စိတ်ချယုံကြည်ရမှု နှင့် စိတ်ထားကောင်းတို့ကို သူခံစားမိသည် ။

သူ့ ခေါင်းကို တစ်ဖက်သို့ ဖြည်းဖြည်းချင်းလှည့်လိုက်ပြီး ကျေးဇူးတင်လိုစိတ်အနည်းငယ်ဖြင့် စုဝမ်ကို ယန်ယွီကြည့်လိုက်သည် ။

သူမ၏ အပြုံးက ယခုတွင် အလွန်ကြောက်စရာကောင်းနေမည်ဖြစ်ကြောင်း သိနေပေမဲ့ စုဝမ်ပြုံးပြလိုက်မိသည် ။

သူမ၏ အကြံကို ယန်ယွီနားလည်သလားမသိသော်လည်း စုဝမ် ရုတ်တရက် ယန်ယွီ၏ လက်မောင်းကို ချုပ်ကိုင်လိုက်ပြီး သူမ၏ ကျောပေါ်တွင် သူ့ကို သယ်ဆောင်ရန် အားအနည်းငယ်သုံးလိုက်သည် ။ထို့နောက် စုဝမ် သူမ၏တစ်ကိုယ်လုံးမှ အားတို့ကို စုစည်းလိုက်ပြီး အလျင်မြန်ဆုံးအရှိန်ဖြင့် ပြေးထွက်သွားလိုက်သည် ။

ထိုနေရာတွင် သူတို့ ရှာတွေ့မည့်အချိန်ကို စောင့်နေခြင်းက အဆုံးသတ်တွင် ပျက်စီးကိန်းနှင့် ကြုံတွေ့သွားရလိမ့်မည် ။ဤလူလေးယောက်အဖွဲ့က ယန်ယွီကို ဘာမှလုပ်မည်မဟုတ်သော်လည်း သူမကိုတော့ သေချာပေါက်သတ်ပစ်လိမ့်မည် ။

ဤကလေးကသာ ထိုလူများထံတွင် သူ့ကိုယ်သူအတွက် အသနားခံဖို့ရည်ရွယ်ချက်ရှိနေပြီး သူမက အသိစိတ်ရှိနေသောဖုတ်ကောင်ဖြစ်ကြောင်းသာ ပြောလိုက်လျှင် သူမအရင်အဖမ်းခံရမည်ကို သေချာသိသည်။ ထို့နောက်တွင် အဆုံးသတ်က သေခြင်းထက်တော့ ပိုကောင်းလိမ့်မည် မဟုတ်ပေ။

ထို့ကြောင့် ယခုမှစကာ တစ်ခုတည်းသော အစီအစဉ်က ယန်ယွီ နှင့် အတူထွက်ပြေးရန်သာဖြစ်သည် ။အကယ်၍ မင်းက ပြေးနိုင်လျှင် ၊ ပြေးလိုက်ဖို့သာရှိသည် ။အကယ်၍ သူမအဖမ်းခံရလျှင်တောင် ယန်ယွီရှိနေသေးသည် ။ သူ့ကို ထိခိုက်မှုမရှိအောင် ထိုလူများက နောက်ဆုတ်ရမည်ကိုတော့ သိလိမ့်မည် ။

" ခေါင်းဆောင် ၊ ဟိုမှာ အဲ့ကလေးပဲ သူကဖုတ်ကောင်အမဆီကနေ ခေါ်သွားခံရပြီ "

မျက်စိကောင်းသော အဖွဲ့ဝင်တစ်ယောက်က စုဝမ်နှင့် ယန်ယွီပြေးထွက်သွားတာကို မြင်လိုက်သည် ။

" လိုက်ကြ "

ယွမ်ဟွေ့ သူ၏လက်ကို ကာပြလိုက်ပြီး လူလေးယောက်က အလျင်အမြန်လိုက်လာကြသည် ။

တိတ်ဆိတ်ငြိမ်သက်နေသောညတွင် လမ်းထဲ၌ ဖုတ်ကောင်များ ပြည့်နေခဲ့သည် ။

ယန်ယွီကို စုဝမ် မြို့လယ်နေရာသို့ ခေါ်လာသောအခါတွင် ဤနေရာ၌ ဖုတ်ကောင်အုပ်စုများက စုဝေးနေကြပြီ ဖြစ်သည် ။

လတ်ဆတ်သော အသက်ရှင်နေသည့် လူသား၏ အနံ့က သူတို့ကို မရပ်မနားလှုပ်ရှားလာစေသော်လည်း စုဝမ်၏ သားကောင်မှန်း ခံစားမိသွားသောအခါ သူတို့အလျင်စလို မပြုမူရဲတော့ပေ။ဤအရာက အတားအဆီးများကို ဖြတ်သွားရန် စုဝမ်အတွက် ပိုလွယ်ကူစေသည် ။

သို့သော် အနောက်တွင်ရှိနေသော လူလေးယောက်အဖွဲ့မှာတော့ ထိုမျှလောက် ကံမကောင်းပေ ။ ထိုလူများက အဆင့်နိမ့်ဖုတ်ကောင်များထံတွင် ဝိုင်းခံထားရပြီး ဤဖုတ်ကောင်များက အလွန်မကြမ်းကြုတ်သော်လည်း ယခုလက်ရှိတွင် ယွမ်ဟွေ့အဖွဲ့ထဲရှိ လူများ၏ အမြင့်ဆုံးစွမ်းရည်က အဆင့်နှစ်မျှသာဖြစ်သည် ။

ဖုတ်ကောင်အုပ်စုကြီးကိုရှင်းလင်းရခြင်းက အချိန်အရ မိနစ်အနည်းငယ်သာကုန်သော်လည်း သူတို့ထိုဖုတ်ကောင်များကို ရှင်းလင်းပြီးသောအခါတွင် ဆက်၍ရှာဖွေကြည့်လိုက်သောအခါ ယန်ယွီ၏ ကျောင်းယူနီဖောင်းအနွမ်းကိုဝတ်ထားသော ပျက်စီးနေသည့် ခန္ဓာကိုယ်ကိုသာ တွေ့ခဲ့ရသည် ။

" အရမ်းနောက်ကျသွားပြီ "

ယွမ်ဟွေ့ သက်ပျင်းချလိုက်ပြီး သူ့အမူအရာမှာ အလွန်ရုပ်ဆိုးနေခဲ့သည် ။

"ခေါင်းဆောင် ကျွန်တော်တို့ အကောင်းဆုံးကြိုးစားပြီးသွားပြီ အဲ့ကလေးရဲ့ ကံကြမ္မာကမကောင်းဘဲ ဒီတစ်ကြိမ်မှာ မတော်တဆဖြစ်သွားခဲ့တာ ကျွန်တော်တို့က အရေးမကြီးပါဘူး ပြန်သွားရင် သေချာပေါက် ယန်မမလေးက ကျွန်တော်တို့ကို အပြစ်တင်မှာ မဟုတ်လောက်ဘူး ၊ ကျွန်တော်ပြောရဲတယ် ။ "

ယန်မမလေး...

ယန်ကျစ်ရှီကို တွေးမိလိုက်သောအခါ ယွမ်ဟွေ့၏ အကြည့်တို့က တစ်ခုခုရှုပ်ထွေးသွားခဲ့သည်။ ယန်မမလေးက သူတို့၏ အသက်ကို ကယ်တင်ခဲ့ပြီး ယွမ်ဟွေ့က ဆန္ဒအလျောက် သူမအနောက်သို့ လိုက်ခဲ့သည် ။ ထို့နောက် ယန်မမလေး အလွန်ရက်စက်သော အချိန်များရှိပြီး ယွမ်ဟွေ့ ကြောက်ရွံ့ကာ သူ့နှလုံးသားအောက်ခြေတွင် မလွယ်ကူသလို ခံစားလိုက်ရသည်။

ထိုလူမှာ စနစ်ဖြင့် ပြန်လည်မွေးဖွားလာခြင်းမှန်း ယွမ်ဟွေ့မသိသလို သူမက အတိတ်ဘဝတွင် အမှန်တကယ်အငြိုးကြီးသော အရံအမျိုးသမီဇာတ်ကောင်မှန်းလည်း မသိချေ။

" မြစ်ဖျား တောင်များကို ပြောင်းလဲရန် လွယ်ကူသော်လည်း ၊ လူတို့၏သဘာဝကို ပြောင်းလဲရန် ခက်သည် " ဟူသော စကားစုရှိလေ၏။

အချို့လူများက လက်စားချေခြင်းကို လောင်ကျွမ်းဖို့ ၊ သတ်ဖြတ်ဖို့ ၊ လုယက်ဖို့ နှင့် ရာဇဝတ်များကျူးလွန်ဖို့အတွက် ဆင်ခြေအဖြစ်အသုံးချကြသည်။

ဤနည်းလမ်းဖြင့် သူတို့ပျော်ရွှင်မှုကို ခံစားရသည်။

သိုသော် ရန်လိုစိတ်က အစွန်းနှစ်ဖက်ရှိသော ဓါးသွားကဲ့သို့ပင် ။အထူးသဖြင့် ဤအစွန်းနှစ်ဖက်ရှိသော ဓါးသွားကို အသုံးပြုသည့် သူတို့၏ နှလုံးသားမှာ ဆိုးယုတ်လွန်းနေလျှင် ကိစ္စများကို ဆိုးရွားသော လမ်းကြောင်းဆီသို့ ဦးတည်စေသည်...

ယွမ်ဟွေ့ နှင့် သူ့လူများထွက်သွားပြီး အချိန်ကြာမှသာ အင်္ကျီအစုတ်အပြဲများလဲလှယ်ထားသည့်ယန်ယွီကို စုဝမ်ခေါ်လာခဲ့ပြီး အနီးနားရှိ ပျက်စီးနေသော အဆောက်အဦးမှ ထွက်လာခဲ့လိုက်သည်။

ယွမ်ဟွေ့နှင့် သူ့လူများထွက်သွားပြီးသောအခါ ဘယ်လိုအရာမျိုးက သူတို့ကို စောင့်ကြိုနေဦးမလဲဆိုတာ စုဝမ်မသိပေ။ ယန်ကျစ်ရှီ၏ သဘာဝအရ အတိတ်ဘဝမှ ဤသူငယ်ချင်းဟောင်းများကို တစ်ခါသံသယဝင်မိသွားလျှင် ထိုသူတို့တွင်ကောင်းမွန်သော အဆုံးသတ်ရှိတော့မည် မဟုတ်ပေ။

ထိုအရာကို ဘာလို့ခေါ်သလဲဆိုလျှင် ကမ္ဘာကြီးကသာ သူ့ကို သည်းခံရလိမ့်မည် ၊ ကမ္ဘာကြီးကိုတော့ သူကသည်းခံလိမ့်မည်မဟုတ်ပေ ။

ယန်ကျစ်ရှီက ထိုကဲ့သို့ သူမျိုးပင် ။ သူမက ပြန်လည်မွေးဖွားလာပြီး လုံလောက်သော အရင်းအမြစ်နှင့် စွမ်းအင်များရှိနေသည် ။ ပုံမှန်အားဖြင့် ယန်မိသားစုကို သူမ ကယ်တင်နိုင်သော်လည်း ယန်ဝူတစ်ယောက်ထဲကိုသာ သူမခေါ်ထုတ်ခဲ့သည် ။

အဘယ်ကြောင့်ဆိုလျှင် သူမ၏ အတိတ်ဘဝ၌ ယန်ဝူက မပြောင်းမလဲ သစ္စာရှိခဲ့ပြီး သူမအတွက်ပင် သေပေးနိုင်သူဖြစ်သည် ။

ထိုကဲ့သို့သူမျိုးကို သူမ၏ အတိတ်ဘဝ၌ ဘယ်လိုမြတ်နိုးရမလဲဆိုတာကို သူမ မသိခဲ့ပေ ။ထို့နောက် ယခုဘဝတွင် သူမဘက်၌ ယန်ဝူ၏ သစ္စာရှိမှုကြောင့်သာ ယုံကြည်ရအောင် ခေါ်လာခဲ့ခြင်း ဖြစ်သည်။

ယန်ကျစ်ရှီက ရည်မှန်းချက်ကြီးပြီး မာနကြီးသော အမျိုးသမီးဖြစ်၏ ။ သူမက ကမ္ဘာကြီးကို ထိန်းချုပ်နိုင်သည်ဟုတွေးနေပြီး သူမနှင့်လိုက်ဖက်သော ယောကျာ်းကို ရှာဖွေကာ ကမ္ဘာကြီးကို အတူထိန်းချုပ်လိမ့်မည်ပင်။

သူမထံတွင် စနစ်၏ ဘယ်လိုတာဝန်မျိုးရှိနေလဲဆိုတာ စုဝမ် မသိပေ ။ သို့သော် အမြှောက်စာဇာတ်ကောင်က ဇာတ်လိုက် နှင့် ဇာတ်လိုက်မ၏ ဇာတ်ကြောင်းပြောင်းလဲခြင်းတာဝန်ကို သူမပြီးဆုံးသွားလျှင် သူမ၏ နောက်ထပ်တာဝန်က အောင်မြင်စွာပြန်လည်တိုက်ခိုက်ခြင်းဖြစ်မည်ကို စုဝမ်ခန့်မှန်းမိသည် ။

ဇာတ်လိုက်မ၏ကမ္ဘာကို ယန်ကျစ်ရှီအောင်မြင်စွာတိုက်ခိုက်ပြီးသွားလျှင် သူမ၏ တွဲဖက်ဖြစ်သော ဇာတ်လိုက်နှင့် ညှိနှိုင်းရန် လိုနေသေးသည် ။

ထို့နောက် ဤကမ္ဘာတွင် ယန်ကျစ်ရှီဟူသော ပိုးမွှားနှင့် လိုက်ဖက်သည့်သူတစ်ရောက်သာ ရှိနေမည်ဆိုလျှင် ထိုသူသာ ဖြစ်လိမ့်မည် ...

ဒေါက်တာအယ်လ် ။

လင်ကျင့် ။

လူသားအရင်းအမြစ်၏ အန္တရာယ်ဖြစ်သော ဖုတ်ကောင်များရဲ့ ဖခင်ပင်။

🚩

Prev Next