MM Story Teller

Chapter 102

Viewers 4k

🚩Chapter - 102

Arc_5 . အရံအမျိုးသမီး ဇာတ်ကောင်၏ တန်ပြန်စနစ် [ 14 ]

____

သုံးနှစ်အတွင်း ယန်ကျစ်ရှီမှာ ရာထူးမြင့်မြင့်သို့ တက်နိုင်ခဲ့ပြီး လုံရှန်းအခြေစိုက်စခန်း၏ ခေါင်းဆောင်ဖြစ်လာခဲ့သည် ။လွန်ခဲ့သော နှစ်လခန့်က ယန်ဝူနှင့် သူမယုံကြည်ရသောလက်အောက်ငယ်သားတို့ကို ခေါ်ဆောင်ပြီး Bမြို့အပြင်ဘက်ရှိ စစ်တပ်အခြေစိုက်စခန်းမှ လက်နက်ခဲယမ်းများကို ယူဆောင်လာနိုင်ခဲ့၏ ။

ဤလက်နက်များနှင့်သာဆိုလျှင် လုံရှန်းအခြေစိုက်စခန်းရှိ စွမ်းအင်မရှိသောသာမန်လူများလည်း တိုက်ခိုက်နိုင်လိမ့်မည်ပင်။

ဤအချိန်တွင် ချန်းယအခြေစိုက်စခန်း၏ နောက်ဆုံးထွက်သတင်းကို သူမကြားသိလိုက်ရ၏ ။ အစပိုင်းတွင် သူမအံ့သြသွားခဲ့သည် ။ ထင်ထားသည့်အတိုင်း သူမပြန်လည်မွေးဖွားလာပြီးနောက်တွင် ကမ္ဘာကြီးက များစွာပြောင်းလဲနေ၏ ။

စနစ်၏ဒေတာများထဲတွင် အရင်ဘဝတုန်းက ' မေပယ်ရွက်ဓါတ်ခွဲခန်း ' ဆိုသောအရာမျိုးမရှိပေ ။အရင်ဘဝတုန်းကသာဆိုလျှင် ဤအချိန်၌ လုချင်း၏ သေဆုံးမှုကြောင့် ချန်းယအခြေစိုက်စခန်းမှာ ပြိုကွဲသင့်နေပြီ ။ သို့သော် ယခုတွင် လုချင်းက အသက်ရှင်နေဆဲဖြစ်ပြီး ချန်းယအခြေစိုက်စခန်းမှာလည်း ကောင်းစွာတိုးတက်လာရုံသာမက ဖုတ်ကောင်ကူးစက်ရောဂါအတွက်ပါ ချန်းယအခြေစိုက်စခန်းက ထိုးဆေးကို တီထွင်လိုက်သည် ။

ဖြစ်နိုင်သည်မှာ ယင်းက လိပ်ပြာတောင်ပံခတ်ခြင်း၏သက်ရောက်မှုမျိုးပင် ။

ထိုမတိုင်ခင်က ယန်ကျစ်ရှီ နှင့် စစ်တပ်မှလူတို့ အချင်းချင်းသဘောတူညီမှု ရရှိခဲ့ကြသည် ။ ဤလူများက သုတေသနဆေးအသစ်ကို လက်ဝါးကြီးအုပ်ဖို့ ဆုံးဖြတ်ထားမှန်းသူမ သိသည် ။ယခုတွင် အဖွဲ့တိုင်းမှ တပ်ဖွဲ့တို့မှာ နိုးကြွလာကြသည်။ ချန်းယအခြေစိုက်စခန်းတစ်ခုတည်းနှင့် သူတို့အကုန်လုံးကို ယှဥ်နိုင်လိမ့်မဟုတ်ပေ ။

ယခုတွင် ဤအချိန်က ချန်းယအခြေစိုက်စခန်းကို အနိုင်ယူနိုင်ဖို့ သူမအတွက် အချိန်အကောင်းပင်ဖြစ်ပြီး ယန်ယွီ၏ မျက်နှာသာပေးမှုနှင့် ယုံကြည်မှုကိုပါ ရယူသင့်သောအချိန်ပင် ။

ပတ်ပတ်လည်တွင်ရှိနေသော တပ်ဖွဲ့အားတို့မှာ ပြဿနာစတင်ရန် အဆင်သင့်ဖြစ်နေပြီး ချန်းယအခြေစိုက်စခန်းရှိ လူတို့က သူတို့၏ နေ့ရက်များကို တိတ်ဆိတ်ငြိမ်းချမ်းစွာ ဖြတ်သန်းနေဆဲပင် ။

ထိုနေရာတွင် ယန်ယွီရှိနေသောကြောင့် အခြေစိုက်စခန်းရှိ ဖုတ်ကောင်တို့မှာ လူသားတို့ကို တိုက်ခိုက်ခဲလှ၏ ။ လွန်ခဲ့သောသုံးနှစ်ကနှင့်ယှဥ်လျှင် ချန်းယအခြေစိုက်စခန်းမှာ အဆပေါင်းများစွာ တိုးတက်လာသည် ။လူတိုင်းတွင် ကိုယ်ပိုင်စိုက်ပျိုးမြေနေရာ ၊ သစ်သီးခြံ နှင့် ရေစွမ်းအင်အသုံးချသူတို့အပါအဝင် အပင်တို့ကို ဂရုတစိုက်ထားမှုအောက်တွင် သစ်သီးနှင့် ဟင်းသီးဟင်းရွက်တို့က ကောင်းမွန်စွာ အထွက်တိုးလာခဲ့၏ ။ အခြေစိုက်စခန်းတစ်ခုလုံးမှာ လွန်ခဲ့သောနှစ်ကစ၍ ကိုယ်ပိုင်စားသောက်ဖို့ရာအစာရေစာလုံလောက်စွာ ရရှိနိုင်လာခဲ့သည် ။

လွန်ခဲ့သော ၂နှစ်ကစ၍ လုချင်းကတဖြည်းဖြည်း နောက်ဆုတ်သွားခဲ့သည် ။အခြေစိုက်စခန်းတစ်ခုလုံးတွင် သူက ခေါင်းဆောင်ဖြစ်နေသေးသော်လည်း တကယ်တမ်းတွင် အခြေစိုက်စခန်းတစ်ခုလုံးရှိ ကိစ္စရပ်များကို ထိန်းထားဖို့အတွက် ယန်ယွီကို လက်လွှဲပေးခဲ့၏ ။

ယခုတွင် ယန်ယွီ၏ အသက်က ဆယ့်သုံးနှစ်ရှိလေပြီ ။ ဤနှစ်အနည်းငယ်အတွင်း လျင်မြန်စွာတိုးတက်လာသော စိတ်ဝိညာဥ်စွမ်းအားနှင့် မြင့်မားသော စိတ်နေသဘောထားတို့ကြောင့် သာမန်ဆယ်ကျော်သက်များထက်ပင် သူက ပို၍ ရင့်ကျက်နေပုံပင် ။

ချန်းယအခြေစိုက်စခန်းတစ်ခုလုံးမှာ ယန်ယွီ၏ ကောင်းမွန်စွာစီမံမှုအောက်တွင် ရှိနေ၏ ။ ဤသုံးနှစ်အတွင်းမှာ အဆင့်ခြောက် ဖုတ်ကောင်အဖြစ်သို့ တိုးမြှင့်လိုက်နိုင်သော စုဝမ်လည်း ဖုတ်ကောင်အပြင်ပိုင်းအသွင်သဏ္ဍာန်ကို ထိန်းထားနေဆဲပင် ။ သူမက ထိုအရာဖြင့် အသားကျနေချေပြီ ။

ဆန့်ကျင်ဘက်တွင် စုရွေ့က သူမနောက်လိုက်ဆဲဖြစ်ပြီး ဖုတ်ကောင်သဏ္ဍာန်မိတ်ကပ်ကို တစ်ချိန်လုံးလိမ်းထားရပြီး ထိုအရာက သူ့အတွက် အလွန်မသက်မသာဖြစ်နေသလို စုဝမ်ခံစားမိလေသည် ။ သို့သော် သူတို့မိသားစု၏ ဒေါက်တာက ဤအရာကို အလွန်သဘောကျနေပုံရပြီး ဖုတ်ကောင်တစ်ယောက်အနေနှင့် သူ့တွင်အလားအလာရှိကြောင်းပြသဖို့အတွက် နှစ်တိုင်းစတိုင်အသစ်တစ်မျိုးပြောင်းနေခဲ့သည်။

အခြေစိုက်စခန်းမှ လူအားလုံး : ဒီနှစ်လည်း မစ္စတာစုရဲ့ စတိုင်က အမိုက်စားပဲ ။

မေးခွန်း : ဒီဖုတ်ကောင်အသိုင်းအဝိုင်းမှာ ဘယ်မိသားစုက ဖက်ရှင်ရေစီးကြောင်းကို ဦးဆောင်နေပါသလဲ ။ ချန်းယအခြေစိုက်စခန်းက မစ္စတာစုက အကောင်းဆုံးပဲပေါ့ ။

" မစ္စတာစု "

လီထောင် အလောတကြီးဖြစ်နေသော အမူအရာနှင့် ဝင်လာချိန်တွင် စုရွေ့မှာ ဒီနေ့ ဘယ်လိုဆံပင်ပုံစံကို လုပ်ရမလဲဆိုတာ စဥ်းစားနေလေ၏ ။

လက်ရှိတွင် လီထောင်က အဆင့်ငါး စွမ်းရည်အသုံးချနိုင်သူ ဖြစ်လာ၏ ။ ချန်းယအခြေစိုက်စခန်းတွင် သူက အတော်ဆုံးမဟုတ်သော်လည်း စခန်းတစ်ခုလုံးတွင် လွှမ်းမိုးမှုအားအကောင်းဆုံး စွမ်းရည်အသုံးချသူဖြစ်နေဆဲပင် ။

အားလုံးက ယန်ယွီ၏ အုပ်ထိန်းသူကို သိကြသော်လည်း လီထောင်က ဘာကြောင့် စုရွေ့ကို လေးစားမှန်း လူနည်းစုလောက်ကသာ သိကြသည် ။

" ဘာဖြစ်ခဲ့လို့လဲ "

စုရွေ့၏ စိတ်ထဲတွင် လီထောင်မှာ အတော်လေး ယုံကြည်ရလောက်သောသူပင် ။ ဤကဲ့သို့ သူ၏စိုးရိမ်နေသော အမူအရာက အလွန်တွေ့ရခဲ့သည် ။

" လုံယန်အခြေစိုက်စခန်းက လူတွေ လာနေပြီ "

လက်ရှိ ကမ္ဘာပျက်တွင် အဓိက အခြေစိုက်စခန်းကြီး လေးခုရှိ၏ ။ ပထမအဆင့်ရှိ အခြေစိုက်စခန်းမှာ ယန်ကျီ အမည်ရပြီး ဒုတိယမှာ လုံရှန်း နှင့် တတိယမှာ လုံယန်ဖြစ်သည် ။ စတုတ္ထတစ်ခုမှာတော့ လင်းထျန်း ။

လုံယန် မှာ ချန်းယအခြေစိုက်စခန်းနှင့် အနီးဆုံးဖြစ်ပြီး အတိတ်ဘဝက ယန်ယွီဖျက်ဆီးခဲ့သော ပထမဆုံးအဓိကအခြေစိုက်စခန်းလည်း ဖြစ်၏ ။

ဤအဖွဲ့များက ရောက်လာတာတကယ်မြန်သည် ။

" ဒီလိုကိစ္စမျိုးအတွက် ခင်ဗျား ယန်ယွီကို ရှာသင့်တယ် "

လီထောင်ကိုကြည့်လိုက်ပြီး စုရွေ့၏အသံမှာ ပျင်းရိခြင်းတို့ပြည့်နှက်နေသည်။

ဒီဒေါက်တာက လူသိရှင်ကြား သူရဲ့ချစ်ခြင်းမေတ္တာတွေကို ထုတ်ဖော်ပြသဖို့ပဲ တာဝန်ရှိတာလေ ၊ ခင်ဗျား နားမလည်ဘူးလား ။ တိုက်ခိုက်တာတွေ ၊ သတ်ဖြတ်တာတွေ မဟုတ်ဘူး ။ အဲ့ဒါတွေက ပြဿနာအရမ်းများတဲ့အရာတွေပဲလို့ ခင်ဗျားမထင်ဘူးလား ။

" သခင်လေးက ဒီမှာမရှိဘူး "

၎င်းကို သူပြောနေရင်း လီထောင် တွန့်ဆုတ်နေမိ၏။

" အဲ့ဒါကို တွေးကြည့်လိုက်တော့ သခင်လေးကို လီရှန်း ခေါ်သွားတာ တော်တော်ကြာနေပြီ ။ ခုထိပြန်မရောက်သေးဘူး ။ "

" အမ် "

စုရွေ့ မျက်လုံးကျယ်သွားသည် ။

လီရှန်းက စုရွေ့၏ တရားဝင် တပည့်ပင်။လွန်ခဲ့သော နှစ်အနည်းငယ်က သူ စုရွေ့အနောက်ကို လိုက်ခဲ့ပြီး အခြေစိုက်စခန်းအပြင်ဘက်ရှိ ဖုတ်ကောင်အဖွဲ့ကို ဦးဆောင်နေရင်း လေ့ကျင့်သင်ယူခဲ့သည် ။ ယခုတွင် ထိုကလေးငယ်လေးမှာ အသက်ရှစ်နှစ်ပင် မရှိသေးသော်လည်း အခြေစိုက်စခန်းအပြင်ဘက်ရှိ ထောင်ပေါင်းများစွာသော ဖုတ်ကောင်များစွာ၏ အရှင်သခင်ငယ်လေးပင် ဖြစ်လာခဲ့သည် ။

ဆိုရလျှင် လီရှန်းက ငယ်ရွယ်သေးသဖြင့် အနည်းငယ် ဆော့ကစားတတ်သည်မှာ ပုံမှန်ပင် ။ သို့သော် ထိုကလေး ယန်ယွီ၏ မူလ ပင်ကိုယ်စိတ်ထားမှာ အတူတူပဲဖြစ်ပြီး လီရှန်း၏ အရှုပ်များသို့ လိုက်ပါတာက ရှားလေ၏ ။

ဤအရာကို တွေးမိသောအခါ စုရွေ့တစ်ဖက်သို့လှည့်ကာ စုဝမ်ကို ကြည့်လိုက်သည်။

ပုံမှန်အားဖြင့် သူမ၏ လွတ်လပ်ချိန်များတွင် စုဝမ်က သူမ၏ အိပ်ခန်းတွင်သာ တိတ်တဆိတ်ထိုင်ပြီး စွမ်းအင်ကျောက်တုံးကို စုပ်ယူနေလေ့ရှိသည် ။ ထို စွမ်းအင်ကျောက်တုံးမျိုးကလည်း မေပယ်ဓါတ်ခွဲခန်း၏ ထုတ်ကုန်အသစ်ပင် ။

သေချာပေါက် ထိုအရာမှာ သုတေသနအဆင့်တွင်သာရှိနေသေးသော်လည်း ၎င်းက စုရွေ့၏ ကိုယ်ပိုင်ဓါတ်ခွဲမှုဖြစ်သောကြောင့် ချီယိ နှင့် မော့ရင်လည်း လုပ်ဆောင်ပေးခဲ့သည် ။ ထို့ကြောင့် ဤစွမ်းအင်ကျောက်တုံးကို စုဝမ် ယုံကြည်စွာသုံးနိုင်နေခြင်းပင် ။

အကယ်၍ ဒေါက်တာကသာ ၎င်းကို ထုတ်လုပ်ခဲ့လျှင် ထိုအရာကသေချာပေါက်ကို ကောင်းမွန်သော အရည်အသွေးရှိလိမ့်မည်ပင်။

တကယ်တမ်းတွင် လီထောင်ပြောလိုက်သော စကားကို စုဝမ်လည်း ကြားလိုက်၏ ။ယခု စုရွေ့က သူမကို ကြည့်နေသလို ခံစားနေရသောကြောင့် သူမ မျက်လုံးဖြည်းဖြည်းချင်း ဖွင့်ကြည့်လိုက်သည် ။ လက်ရှိ သူမက အဆင့်ခြောက်ဖုတ်ကောင်ဖြစ်ပြီး သူမ၏ စိတ်ပိုင်းဆိုင်ရာ ခွန်အားက သန်မာသောကြောင့် အဝေးရှိ အုပ်ချုပ်နေသော ဖုတ်ကောင်များနှင့်ပါ ဆက်သွယ်နိုင်သည် ။

" ကျွန်မ လီရှန်း နဲ့ သူ့အဖော်ရဲ့ တည်နေရာကိုရှာတွေ့ပြီ "

စုဝမ် သူမ၏ စိတ်စွမ်းအင်ကို အသုံးချကာ လီရှန်းနှင့် ဆက်သွယ်ခဲ့၏ ။ ဤအချိန်တွင် သူမရဲ့ မျက်နှာအမူအရာက တစ်ခုခုထူးဆန်းနေသည်။

" ကျွန်မအထင်တော့ ကျွန်မတို့သွားလိုက်တာက ပိုကောင်းလိမ့်မယ် "

" ကောင်းပြီ "

စုရွေ့ မတ်တပ်ရပ်ကာ စုဝမ်ဆီသို့ လျှောက်သွားပြီး သူမ၏ လက်ကို ညင်ညင်သာဆွဲလိုက်သည် ။

" ကိုယ့်ကို သူတို့တည်နေရာပြောပြ "

မကြာမီတွင် စုရွေ့ နှင့် စုဝမ်၏ အနောက်၌ အနက်ရောင်လှိုင်းလုံးသဏ္ဍာန်ကပေါ်လာပြီး ခန္ဓာကိုယ်များ စုပ်ယူခံလိုက်ရကာ ပျောက်ကွယ်သွားတာကို လီထောင်တွေ့လိုက်ရသည် ။

ဒဏ္ဍာရီလာ တစ်နေရာမှ နောက်တစ်နေရာကို ရွှေ့ပြောင်းနိုင်သော (teleportion) စွမ်းရည်ပင် ။

သူ့သားဆက်တိုက်ပြောနေလေ့ရှိသော စကားလုံးတို့ကို လီထောင်တွေးမိလာခဲ့သည်။

"သားရဲ ရှစ်ဖူက တကယ်အံ့ဩစရာကောင်းတာ သူက ဒီတစ်ကမ္ဘာလုံးမှာ အမိုက်ဆုံးပဲ "

တကယ်တမ်းတွင် လွန်ခဲ့သော နှစ်အနည်းငယ်တုန်းက စုရွေ့သတ်ဖြတ်တာမျိုးကို လီထောင်တစ်ခါမှ မတွေ့ခဲ့ဘူးပေ။ သို့သော် ဤအရာက အလွန်ဆန်းကြယ်သည်ဟု သူခံစားနေရဆဲပင်။

" မစ္စတာစုက တကယ်အင်အားကြီးတာပဲ "

ဒါပေမဲ့ ဘယ်လောက်တောင် အင်အားရှိနေတာလဲ။

မည်သူမှ အဖြေကိုမသိပေ ။ သို့သော်လည်း အနည်းဆုံးတော့ လီထောင်က မစ္စတာစုရဲ့ စွမ်းရည်အဆင့်က ဘယ်လောက်ထိရှိနေလဲဆိုတာ ပြောနိုင်သည် ။

ချန်းယအခြေစိုက်စခန်းအပြင်ဘက် ၈၀ကီလိုမီတာတွင် ပါးလွှာသောလေထု၌ ဝဲဂယက်တစ်ခုပေါ်လာခဲ့သည် ။ စုဝမ်ကို စုရွေ့ခေါ်ထုတ်လိုက်ပြီး ဘေးချင်းကပ်ယှဥ်လျှောက်လာကြ၏ ။

" ရှစ်ဖူ ၊ ရှစ်မူ "

[ etran's note : ရှစ်ဖူ က ဆရာပါ ။ ရှစ်မူဆိုတာကတော့ ဆရာရဲ့ဇနီးဖြစ်သူကို ခေါ်တာပါ ]

လီရှန်းလေးက အရင်ဆုံးပြေးလာခဲ့၏။ သူက အဆင့်လေးဖုတ်ကောင်ဖြစ်နေပြီး သူ၏ လူသားအသွင်သဏ္ဍာန်ကိုပင် ပြန်ရနေလေပြီ ။ ထို့ကြောင့် သူ့ သွင်ပြင်က သာမန် ရှစ်နှစ် ၊ ကိုးနှစ်အရွယ် ကလေးတစ်ယောက်နှင့် ကွာခြားမှုမရှိပေ။

" ဘာဖြစ်တာလဲ "

စုရွေ့က လီရှန်းနှင့် မျက်နှာချင်းဆိုင်ရတိုင်းသူ့အမူအရာကတည်ငြိမ်နေခဲ့သည် ။ ၎င်းမှာ စည်းကမ်းတင်းကြပ်သောဆရာက ထက်မြက်သောကျောင်းသားကို မွေးထုတ်ပေးခြင်းဟု ခေါ်ဆိုရမည် ။ကလေးတစ်ယောက်အနေဖြင့် သူတို့မိသားစု၏ စစ်သူကြီးစုက ရူးသွပ်သော လူအုပ်စုနှင့် အလွန်သန်မာသော ညွှန်ကြားပြသသူများထံမှ သင်ယူခဲ့ရသောကြောင့် သူ၏တပည့်အပေါ်တွင်လည်း သူကအလွန်တင်းကြပ်မှုရှိသည် ။

"ရှစ်မူ..."

လီရှန်းလေး၏ မျက်လုံးများက တစ်ဖက်သို့လှည့်သွားပြီး စုဝမ်၏ အင်္ကျီအနားစကို လက်မြှောက်ပြီး ဆွဲထားကာ သူမ၏ အနောက်တွင် ပုန်းနေလိုက်သည်။

ရှစ်ဖူက မယားကြောက်ဆိုတာ အခြေစိုက်စခန်းတစ်ခုလုံး ဘယ်သူက မသိလို့လဲ...။

လီရှန်းလေးက ခေါင်းမော့ကာ သနားစရာကောင်းသလိုပုံစံဖြင့် စုဝမ်ကို ကြည့်လိုက်၏။

"ရှစ်မူ အဲ့ဒါကတကယ်သားနဲ့ ဘာမှမဆိုင်ပါဘူးနော် အဲ့ဒီ ဖုတ်ကောင်အမက အရမ်းစွမ်းအားကြီးနေတာ ၊ ရှန်းအာက သူနဲ့ မပြိုင်နိုင်ဘူး သားက ယန်ယွီကောကောကို အကူအညီတောင်းခဲ့တာ ဒါပေမဲ့ ဘယ်သူကသိမှာလဲ..."

" ငါသိတယ်"

ယန်ယွီ၏ ခေါင်းလေးကို စုဝမ်ဆွဲဖွလိုက်သည်။

"မင်းဘာမှ အမှားမလုပ်ခဲ့ပါဘူး ဒါပေမဲ့ မင်းတကယ်ကြီးမားတဲ့အထောက်ပံ့ပေးနိုင်ခဲ့တယ် "

" တကယ်လား "

စုဝမ်ကို မော့ကြည့်လိုက်သောအခါ လီရှန်းမှာ တကယ်ကို အံ့အားသင့်နေခဲ့သည် ။ သို့သော် အဝေးတွင် ရှိနေသော ယန်ယွီ နှင့် ဖုတ်ကောင်အမတိုက်ခိုက်နေတာကို စုဝမ်က နူးညံ့စွာကြည့်နေတာ တွေ့လိုက်ရ၏။

သူမက သေချာပေါက် အဆင့်သုံး ဖုတ်ကောင်သာဖြစ်သော်လည်း သူမတွင် အလွန်သာမန်မဟုတ်သော ပြောင်းလဲနေသည့်အပင်စွမ်းရည်စနစ်ရှိနေသည်။ ဤသစ်တောတောင်တွင် သစ်ပင်တိုင်း မြက်ပင်တိုင်းက သူမ၏ လက်နက်ပင်။

စုဝမ်ကြည့်သည့်နေရာသို့ လိုက်ကြည့်လိုက်သောအခါ ယန်ယွီနှင့် တိုက်ခိုက်နေသော ဖုတ်ကောင်မကို စုရွေ့လည်းတွေ့လိုက်ရသည်။

လက်ရှိ ယန်ယွီ၏ စိတ်ဝိညာဥ်စွမ်းအင် အဆင့်အရ ဤကဲ့သို့ ရန်သူမျိုးကို ကိုင်တွယ်ဖို့ အလွန်လွယ်ကူလိမ့်မည်ပင် ။ သို့သော် ဆန့်ကျင်ဘက်ပင် အခြားသူ၏ ရစ်ပတ်မှု၌ သူက ခြေချုပ်မိနေခဲ့သည်။

တစ်ဖက်လူက သူ့ကို ထိခိုက်အောင်လုပ်ချင်ပုံမရသလို ယန်ယွီကလည်း သူမကို ကြမ်းတမ်းစွာအနိုင်ယူဖို့ သူ့ စိတ်ဝိညာဥ်စွမ်းအင်ကို မသုံးခဲ့ပေ ။

နှစ်ဖက်စလုံးက ထင်ထင်ရှားရှားပင် တစ်ဦးကိုတစ်ဦးလေ့လာပြီး တစ်ဖက်လူကို မထိခိုက်စေလိုသော ထူးခြားသည့်ခံစားချက်က သူတို့၏ နှလုံးသားအောက်ခြေတွင် ဖြစ်ပေါ်နေခဲ့သည်။

" အဲ့ဒါက စုယန်လား "

စုရွေ့ တစ်ဖက်သို့လှည့်ကာ စုဝမ်ကို ကြည့်လိုက်သည် ။

" ဟုတ်တယ်လေ "

စုဝမ်အပြုံးလေးဖြင့်ဆိုလိုက်သည် ။

အဲ့ဒါက စုယန်ပဲ...သူမရဲ့ ညီမ ၊ စုယန် ။

___🚩

Prev Next