Chapter 2

Master

“ဇနီး”ဆိုသောစကားထွက်လာပြီးပြီးချင်းထိုအမျိုးသားရဲ့ခန္ဓာကိုယ်တစ်ခုလုံးအေးခဲသွားကာရပ်တန့်သွားခဲ့ပြီးရှန့်ယန်ပေကိုစိုက်ကြည့်လိုက်သည်။သူကခေါင်းထဲတွင်သံသယများဖြင့်ငုံ့ကြည့်လိုက်သော်လည်းတစ်ဖက်လူကသူ့အားစူးရဲသောအကြည့်နဲ့စိုက်ကြည့်နေတာကိုသာတွေ့လိုက်ရသည်။

ထိုအကြည့်တွေကစက်ဆုပ်ရွံ့ရှာမုန်းတီးခြင်းတစ်ခုမှမဟုတ်ပါဘဲပျော်ရွှင်ခြင်းအပြည့်ဖြစ်နေသည်။စက္ကန့်အနည်းငယ်ကြာသော်သူ့ကိုယ်သူအမြင်မှားနေတယ်လို့ထင်လိုက်မိသည်။

လွန်ခဲ့တဲ့ရက်အနည်းငယ်ကထိုအမျိုးသားကိုလူကုန်ကူးသမားတွေကတောင်ခြေမှာရောင်းခဲ့သည်။ထို့နောက်သူ့ကိုရှန့်မိသားစုကဝယ်ယူခဲ့သည်။

မူလကရှန့်မိသားစုဟာချမ်းသာပြီးဂုဏ်သတင်းကြီးမားသောမိသားစုတစ်ခုလို့ဆိုနိုင်သည်။သို့သော်လည်းရှန့်ယန်‌အဖေရဲ့လက်ထပ်မှာတော့မိသားစုထဲကယောက်ျားတွေနည်းပါးလာခြင်းနှင့်စီမံခန့်ခွဲမှုညံ့ဖျင်းခြင်းတို့ကြောင့်အလွန်ဆုတ်ယုတ်လာခဲ့သည်။

ရှန့်ယန်ရဲ့မိဘတွေဟာ‌မတော်တဆသေဆုံးသွားခဲ့ပြီးတော့ရှန့်မိသားစုထဲတွင်သူသာလျှင်တစ်ဦးတည်းသောကလေးအဖြစ်ကျန်ရှိခဲ့သည်။

ရှန့်ယန်ဟာပညာသင်ကျောင်းသားတစ်ယောက်ဖြစ်သည်ဒါကြောင့်မို့ဘဝလိုအပ်ချက်ရဲ့အခြေခံတွေကိုသူနားမလည်ခဲ့ချေ။ရှန့်ယန်ဟာနေ့ရက်တွေကိုဖြတ်သန်းဖို့ခက်ခဲလာပြီးစိတ်ဓာတ်ကျလာခဲ့သည်။နောက်များမှာတော့သူဟာအအေးမိပြီးအပြင်းဖျားလာခဲ့သည်။

XiuCaiတစ်ယောက်ဖြစ်လာသောရွာကလူနည်းစုထဲကတစ်ယောက်အနေနှင့်ရှန့်ယန်အ‌ကြောင်းနှင့်ပတ်သက်ပြီးရွာကလူများကအ‌တော်လေးဂရုစိုက်ကြပါသည်။ရှန့်ယန်ရဲ့မိသားစုမှဦးလေးတစ်ယောက်ဟာရှန့်ယန်ကိုဇနီးတစ်ယောက်လက်ထပ်ယူဖို့အကြံပေးခဲ့သည်။

ဒါပေမယ့်ရှန့်ယန်ရဲ့မိသားစုမှာနံရံလေးခုနဲ့အိမ်တစ်လုံးသာရှိပြီးရှန့်ယန်ဟာအပြင်းဖျားနေခဲ့သည်။ထို့ကြောင့်ဘယ်မိသားစုမှသူ့တို့ရဲ့သမီးနှင့်ကောတွေကိုသူနှင့်လက်ထပ်ဖို့ခွင့်ပြုမှာမဟုတ်ချေ။ဒါကြောင့်လူကုန်ကူးသမားတွေကလူတွေကိုရောင်းဖို့ခေါ်ဆောင်လာသောအခါရှန့်ယန်ကတစ်ယောက်ကိုဝယ်ယူလိုက်ခြင်းဖြစ်သည်။

ရှန့်ယန်သည်ကြည့်ကောင်းသောလူတွေကိုဝယ်ဖို့မတတ်နိုင်ဖြစ်ပြီးစက်ဆုပ်ဖွယ်ပုံရှိ‌သောကြောင့်ဈေးပေါသောလူတွေကိုလဲမက်ြိုက်ချေ။သေသေချာချာစဉ်းစားပြီးနောက်ရှန့်ယန်ဟာအရပ်ရှည်ရှည်ပြီးသန်မာသောအမျိုးသားကိုရွေးချယ်လိုက်သည်။

ကောတစ်ယောက်အနေနှင့်ထိုအမျိုးသားဟာရွံ့ရှာဖွယ်‌ကောင်းသောယောက်ျားတစ်ယောက်နဲ့တူနေသည်။ဒါ့အပြင်ကျူရှားရစ်ကသိသိသာသာမှိန်ဖျော့နေပြီး၎င်းကကလေးရရှိရန်မလွယ်ကူဘူးဆိုတာကိုပြနေသည်။ဘယ်လိုဘဲဖြစ်ဖြစ်သူ့ရဲ့ခန္ဓာကိုယ်ကသန်မာပြီး၎င်းဟာခက်ခဲသောအလုပ်တွေကိုခံနိုင်ရည်ရှိတယ်ဆိုတာကိုမြင်နိုင်သည်။

ဒီအရာဟာရှန့်ယန်လိုချင်တာအတိအကျပင်‌ဖြစ်သည်။လူတစ်ယောက်ဟာသန်မာပြီးသူ့ကိုဂရုစိုက်ဖို့အလုပ်တွေလုပ်နိုင်သည်။လှပတာရုပ်ဆိုးတာအတွက်ကတော့မီးပိတ်လိုက်ရင်အကုန်အတူတူဘဲမလား?

ပြည်နယ်အဆင့်စာမေးပွဲကိုအောင်မြင်ပြီးJurenဖြစ်လာတဲ့အခါချိုမြိန်ပြီးချစ်စရာကောင်းတဲ့သူ၊နူးညံသိမ့်မွေ့သောအလှလေးတွေဒါမှမဟုတ်ကောတွေကသူတို့ဘာသူတို့အလိုလိုရောက်လာလိမ့်မည်။ဒီရုပ်ဆိုးပြီးရှက်စရာကောင်းတဲ့ကောအတွက်ကတော့အလုပ်သမားအနေနဲ့အလုပ်တစ်ခုပေးလိုက်ပြီးစားသောက်ဖို့ပေးလိုက်မည်။

ရှန့်ယန်ဟာအသေအချာတွက်ချက်ကာဝမ်းမြောက်စွာပိုက်ဆံဆွဲထုတ်လိုက်ပြီးနောက်ထိုအမျိုးသားကိုအိမ်သို့ပြန်ခေါ်လာခဲ့သည်။

မင်္ဂလာဆောင်သောဓလေ့ထုံးတမ်းတွေကအမှန်အကန်ကြီးမလိုအပ်ချေ။အနီရောင်လိုက်ကာအနည်းငယ်နှင့်ဖယောင်းတိုင်နှစ်ချောင်း၊တစ်ယောက်ကိုတစ်ယောက်လေးစားမှုဖြင့်ဦးညွှတ်ခြင်း၊မိဘတွေကိုအရိုအသေပြုခြင်းတို့သာလိုအပ်သည်။ဒီလောက်ဆိုရင်မင်္ဂလာဆောင်ထုံးတမ်းစဉ်လာပြီးမြောက်သည်ဟုယူဆနိုင်သည်။

မင်္ဂလာဆောင်ဓလေ့ထုံးတမ်းတွေပြီးမြောက်သွားတဲ့နောက်သူ့တို့ဟာမင်္ဂလာဦးအခန်းထဲသို့ဝင်ရသည်။ဒါပေမယ့်ရှန့်ယန်ဟာအရမ်းဖျားနေပြီးဆက်လက်မလုပ်ဆောင်နိုင်တော့ပေ။သူဟာထိုအမျိုးသားကိုဝယ်ယူပြီးတော့မိုးမြေနဲ့တစ်ယောက်ကိုတစ်ယောက်အရိုအသေပြုပြီးနောက်ပင်ပန်းသွားသောကြောင့်အိပ်ရာထဲလဲသွားခဲ့သည်။

ရှန့်ယန်ဟာလွန်ခဲ့တဲ့နေ့တွေကနေမကောင်းဖြစ်ခဲ့ပြီးတော့ထိုအမျိုးသားဟာပြုစုခဲ့သည်။အဝတ်လဲခြင်း၊အစာကျွေးခြင်း၊ဆေးတိုက်ခြင်းအားလုံးကိုလုပ်ကိုင်ပေးခဲ့ပေမယ့်ထိုလူရဲ့သစ်သားလိုစိတ်ပျက်စရာကောင်းတဲ့မျက်နှာကိုမက်ြိုက်ချေ။

ရှန့်ယန်ဟာသူ့ရဲ့အကြွင်းအကျန်တွေကိုသာစားခိုင်းခဲ့သည်။သူ့ရဲ့အိပ်ရာဘေးမှာတောင်မအိပ်ခိုင်းဘဲကောက်ရိုးနဲ့သာအိပ်ခိုင်းခဲ့သည်။

အခုတော့ထို"ဇနီး"ဆိုတာကထိုလူကိုအမှန်တကယ်ကြောက်လန့်သွားစေသည်။ပုံမှန်အားဖြင့်ရှန့်ယန်သည်ထိုလူ့အား"ရုပ်ဆိုးတဲ့ကောင်"ဟုသာခေါ်ဆိုသည်။

အဖျားကသူ့ကိုရှုပ်ထွေးသွားစေတာလား?

ထိုအမျိုးသားဟာထိတ်လန့်တကြားဖြစ်ပြီးရှန့်ယန်ပေကိုချီထားရင်းအလော််တကြီးပြောလိုက်သည်"သခင်ဘာမှမကြောက်နဲ့နော် ကျွန်တော်တို့အခုချက်ချင်းဘဲသမားတော်ဆီသွားကြမယ်"

သူ့သခင်ကသူ့ကိုဆိုးရွားစွာဆက်ဆံသော်လည်းသူတို့ကလက်ထပ်ပြီးနေပြီဖြစ်သည်။လက်ထပ်ပြီးသွားရင်သူတို့နှစ်ယောက်ဟာအိမ်‌ထောင်ဖက်‌တွေဖြစ်လာပြီးဘဝတစ်သက်တာအတူတူနေသွားရမှာဖြစ်သည်။

"မသွားဘူး မသွားဘူး ကိုယ်အဆင်ပြေပါတယ်"သူသည်သီချင်းတစ်ပုဒ်လုံးဆိုနိုင်တဲ့အထိအရမ်းကိုအဆင်ပြေနေပြီးသမားတော်ဆီဘာလုပ်ဖို့သွားနေရမှာလဲ?!

"ခင်များသမားတော်ဆီသွားပြီးပိုက်ဆံသုံးရမှာကိုစိုးရိမ်နေစရာမလိုပါဘူး။ကျွန်တော်သင်္ဘောကျင်းကိုသွားပြီးကုန်အိတ်တွေပိုထမ်းနိုင်ပါတယ်။ပိုက်ဆံရှာပြီးအိမ်ကိုပြန်ယူလာမယ်လေ"ဟုထိုလူဟာသူ့ကိုနှစ်သိမ့်လိုက်သည်။

ဘာ??သင်္ဘောကျင်းကိုသွားပြီးကုန်အိတ်တွေထမ်းမယ်!?

ရှန့်ယန်ပေဟာမူလပိုင်ရှင်ရဲ့မှတ်ဉာဏ်တွေကိုအလျင်အမြန်စစ်ဆေးလိုက်ပြီးစိတ်ထဲတွင်မူလပိုင်ရှင်ကိုကြိမ်းမောင်းလိုက်မိသည်။မူလပိုင်ရှင်ကထိုလူကိုဝယ်ယူရန်ငွေပမာဏတော်တော်များများသုံးခဲ့ပြီးတော့စိတ်ဆင်းရဲလာခဲ့သည်။သူကထိုလူကိုသူ့ပိုက်ဆံတွေကိုမြန်မြန်ပြန်ပေးဖို့မဟုတ်လျှင်အဆင့်အတန်းနိမ့်ပန်းအိမ်မှာရောင်းစာရလိမ့်မယ်လို့ပြတ်ပြတ်သားသားပြောခဲ့သည်။

(T/N-အဆင့်အတန်းနိမ့်ပန်းအိမ်ဆိုတာetransကပြောတာတော့သူခိုးတွေမုဒိမ်းကောင်တွေလူသတ်သမားတွေသွားတဲ့နေရာတဲ့)

ဘယ်လိုတောင်အဓိပ္ပာယ်မရှိတာ!!!

ရှန့်ယန်ပေဟာတုန်လှုပ်သွားခဲ့ရင်း"ဘယ်သူကမင်းကိုသင်္ဘောကျင်းမှာအလုပ်လုပ်ဖို့ခွင့်ပြုလို့လဲ?"

မင်္ဂလာဆောင်ထားတဲ့ဇနီးအသစ်စက်စက်လေးကိုကူလီလုပ်ဖို့ခွင့်ပြုတယ်ဒါပေမယ့်သူကတော့အိမ်ကအိပ်ရာပေါ်မှာလှဲနေပြီးအစာကိုစောင့်နေတယ် ဒီလိုအယုတ်တမာကယောက်ျားတဲ့လား?

ထိုလူရဲ့ရှေ့ကိုရွေ့နေသောခြေလှမ်းတွေဟာရပ်တန့်သွားခဲ့ပြီးအချိန်ခဏအတွင်းသူ့ရဲ့အမူအရာဟာညိုးနွမ်းသွားခဲ့သည်။

သူ့သခင်ဟာသ‌င်္ဘောကျင်းမှာအလုပ်လုပ်ဖို့သူ့ကိုအမှန်တကယ်သဘောမတူခဲ့ချေ။ထိုနေရာမှာအလုပ်လုပ်သောလူတွေအားလုံးသည်ယောက်ျားများသာဖြစ်သည်။

သူဟာကောတစ်ယောက်ဖြစ်ပြီးယောက်ျား‌တွေနဲ့ရောနှောနေခြင်းဟာသူ့ဂုဏ်သတင်းကိုဆိုးရွားစေသည်။ဒါပေမယ့်သူ့ရဲ့ကိုယ်လုံးကိုယ်ပေါက်ကထွားကျိုင်းသည်။သူကပန်းထိုးတာရောရက်ကန်းရက်တာရောပါမလုပ်နိုင်ချေ။သူ့သခင်လိုချင်တာတွေကိုသူဘယ်လိုလုပ်ထောက်ပံ့နိုင်တော့မှာလဲ?

ထိုလူရဲ့သဘောထားကိုမြင်လိုက်တဲ့အခါရှန့်ယန်ပေဟာသူခုဏကပြောလိုက်သောအသံကနားလည်မှုလွဲသွားစေနိုင်တယ်ဆိုတာကိုသဘောပေါက်လိုက်သည်။သူဟာမှိုင်တွေသွားသည်။ထိုလူစကားမပြောခင်အထိသူဘယ်လိုရှင်းပြရမလဲဆိုတာကိုတွေးနေခဲ့သည်။

"တောင်းပန်ပါတယ် သခင်။ကျွန်တော်အနာဂတ်မှာအဲ့ဒီကိုထပ်မသွားတော့ပါဘူး"

သူသင်္ဘောကျင်းမှာကုန်အိတ်မထမ်းနိုင်ရင်တောင် တောင်ပေါ်တက်ပြီးတစ်ခုခုကိုအမဲလိုက်ဖို့ဖြစ်နိုင်ပါသေးသည်။

သူ့ခန္ဓာကိုယ်ကအတွင်းဒဏ်ရာ‌တွေမပျောက်သေးပင်မယ့်လဲရက်စက်သောသားရဲတွေကလွဲလို့တခြားအရာတွေကသူ့ကိုမတားဆီးနိုင်ချေ။

ရှန့်ယန်ပေရဲ့နှလုံးသားထဲမှာတစ်နေရာကနာကျင်ပြီးအခြားတစ်နေရာကဝမ်းသာသွားသည်။

ဘာကြောင့်ငါ့ဇနီးကအရမ်းနာခံမှုရှိရတာလဲ?ငါတကယ်ကြီးမားတဲ့ရတနာကြီးတစ်ခုလိုထုတ်ပိုးထားလိုက်ချင်တော့တယ်

"ကိုယ့်ကိုအောက်ချပေး"ရှန့်ယန့်ပေဟာသူ့မျက်လုံးတွေထဲကိုကြည့်ရင်းစကားပြောလိုက်သည်။သူ့ကိုမင်းသမီးလိုချီထားသောလူအတွက်ကတော့အနည်းငယ်ရှက်သွားခဲ့သည်။

ထိုလူဟာသူ့ကိုအောက်ချဖို့ချီတုံချတုံဖြစ်နေသော်လည်းရှန့်ယန်ပေရဲ့စကားကိုလိုက်နာနေဆဲဖြစ်သည်။ဒါပေမယ့်ရှန့်ယန်ပေမတ်မတ်မရပ်နိုင်မှာကိုစိုးရိမ်သောကြောင့်ရှန့်ယန်ပေရဲ့နောက်တွင်နေရာယူထားသည်။

သူ့ရဲ့ခန္ဓာကိုယ်ကအားနည်းနေတာကိုခံစားရတာကြောင့်ရှန့်ယန်ပေဟာသူ့နောက်ကလူပေါ်ကိုမှီလိုက်သည်။ဒါပေမယ့်ဒီလိုပုံစံဖြင်းထိုလူရဲ့ဟော်မုန်းတွေကသူ့အနားမှာအပြည့်ဝန်းရံသွားပြီးစကားတောင်ကောင်းကောင်းမပြောနိုင်တော့ချေ။သူ့မှာနာကျင်မှုကိုတောင့်ခံဖို့ကလွဲရွေးချယ်စရာမရှိဖြစ်ခဲ့ပြီးခြေလှမ်းအနည်းငယ်ရွေ့လျားကာကြွက်သားတွေနဲ့ဝန်းရံထားခြင်းမှရုန်းထွက်လိုက်သည်။

ရှန့်ယန်ပေဟာထိုလူရဲ့မျက်လုံးတွေကိုကြည့်ကာစကားပြောဖို့ဦး‌ခေါင်းကို‌မော့လိုက်သည်။ထိုအချိန်မှာဘဲရှန့်ယန်ပေရဲ့နှလုံးသားဟာထပ်မံလှုပ်ခါသွားပြန်သည်။

ရှန့်ယန်ပေသည်ထိုလူကသူ့အားချီနေစဉ်အတွင်းမှာအတော်ကလေးအရပ်ရှည်ပုံပေါ်တာကိုသတိထားမိလိုက်သည်။ဒါပေမယ့်အခုနီးနီးကပ်ကပ်ကြည့်လိုက်တဲ့အခါထိုလူရဲ့အရပ်ဟာအနည်းဆုံး၁.၈မီတာလောက်ဖြစ်သည်။

ထိုလူရဲ့ကြွက်သားတွေသည်သန်မာပြီးပုခုံးကျယ်ကျယ်ခါးသိမ်သိမ်တွေကဆွဲဆောင်မှုရှိနေသည်။ဒီပုံသဏ္ဌာန်ကကောင်းသောအရာတစ်ခုလို့ဆိုနိုင်သည်။အရေးကြီးဆုံးအချက်ကတော့.........

ရှန့်ယန်ပေကအကြည့်တွေကိုအောက်ကိုရွေ့လိုက်သည်။ထိုလူရဲ့ထူးထူးခြာခြားပိန်ပါးကာ‌သေးသွယ်ပုံဖြစ်နေသောအနောက်ဘက်နှင့်သန်မာသောခြေထောက်ပြီးတော့သူဟာသူ့ရဲ့နှာခေါင်းမှအပူတစ်ခုလာနေတာကိုခံစားလိုက်ရသည်ည်။

"သခင်"ထိုလူဟာကြောက်လန့်မှုကြောင့်ဖြူဖျော့သွားသည်။

"မကြောက်ပါနဲ့ ကိုယ်အဆင်ပြေပါတယ်"ရှန့်ယန်ပေဟာသူ့နှာခေါင်းကိုရှက်ရွံ့စွာကာလိုက်ရင်းပြောကာသူ့ကိုယ်သူအထင်သေးသွားသည်။

ရှန့်ယန်ပေ အမှိုက်ကောင် မင်းအခုမှသူနဲ့တွေ့တာလေမင်းမတ်တပ်တောင်မရပ်နိုင်တော့ဘူးပြီးတော့ဒီအချိန်မှဘာလို့မင်းသေနတ်ကိုထုတ်လိုက်ရတာလဲ အားး!!

ရှန့်ယန်ပေရဲ့လက်တွေကသွေးတွေကိုကာထားသည်။ထိုလူကသူ့ကိုသုတ်ပေးဖို့မည်သည့်အရာမှရှာမတွေ့ချေ။ထို့ကြောင့်သူဟာသူ့လက်တွေနဲ့ရှန့်ယန်ပေရဲ့လက်ပေါ်နှင့်အင်္ကျီပေါ်ကသွေးတွေကိုသုတ်ပေးဖို့ကူညီခဲ့သည်။

ထိုလူရဲ့ကြမ်းတမ်းသောအဝတ်တွေပေါ်ကအနီရင့်ရောင်အရည်တွေကိုမြင်နေရပြီးရှန့်ယန်ပေဟာဗလာကျင်းစွာစိုက်သာကြည့်နိုင်သည်။

သူကူးပြောင်းပြီးခန္ဓာကိုယ်ပြောင်းသွားပြီးနောက်သူ့ရဲ့နားနှစ်ဖက်လုံးမပင်းတော့ရုံသာမကသူ့ရဲ့သွေးကြောက်တဲ့ရောဂါလဲပျောက်ကွယ်သွားမယ်လို့မထင်ထားခဲ့ဘူး။

ရှန့်ယန်ပေကသူ့ကိုနောက်တစ်ကြိမ်စိုက်ကြည့်နေသောအခါထိုလူကစိတ်လှုပ်ရှားလာပြီးသမားတော်ဆီသွားပြဖို့ရှန့်ယန်ပေကိုချီမချင်လာသည်။

"ကိုယ်ကအိမ်ထောင်ဦးစီးဘဲ ကိုယ့်စကားနားထောင်!"ထိုလူရဲ့လှုပ်ရှားမှုကနှေးကွေးသွားပြီးသူ့ဦးခေါင်းကိုအောက်သို့နှိမ့်ချကာအသံနိမ့်ဖြင့်တုံ့ပြန်လိုက်သည်"ဟုတ်ကဲ့"

ရှန့်ယန်ပေသည်ရှုပ်ထွေးမှုကြောင့်အနည်းငယ်မျက်တောင်ကြုတ်လိုက်ရင်း သူစကားကိုဘယ်နေရာမှားပြောမိပြန်ပြီလဲ?ဒီလူရဲ့အမူအရာကဘာဖြစ်နေတာလဲ?

------------------------------------