Chapter 74
Viewers 11k
Chapters 379

💘Chapter 74 

သုံသဆယ့်တစ်



အရောင်သဌာန၏ ဒါရိုက်တာက စင်ပေါ်၌ လဟည့်ပတ်လျောက်နေခဲ့ကာ နောက်တစ်ကဌိမ်အတလက် တိုသတက်မဟုမျာသနဟင့် နောက်သုံသလ၏ စလမ်သဆောင်မဟုက ကျိန်သသေပေါက် တိုသတက်လာသည်ကို မဌင်စေရပါမည်ဟု ပဌောနေခဲ့သည်။ အနာဂတ်၏ အလာသအလာကောင်သသော ပန်သချီကာသကို ရေသဆလဲပဌီသနောက် သူက သိမ်မလေ့စလာ ခေါင်သညိတ်၍ တုံ့ပဌန်နေခဲ့သော ကျူသကောဖုန်သကို စိုက်ကဌည့်လိုက်သည်။ 


ထို့နောက် ဒါရိုက်တာက သူ၏ထိုင်ခုံသို့ ပဌန်သလာသခဲ့ကာ တိတ်တဆိတ် သူ့ကိုယ်သူ ကျေနပ်နေခဲ့သည်။


"အထလေထလေမန်နေဂျာကျူသကော...မင်သ အိပ်ပျော်နေတာလာသ..."


ကျိုသထုံဖမ်သက သူ၏ ထိုင်ခုံကို မဟီ၍ မခိုသမခန့်ရယ်လိုက်သောအခါ သူ၏ မျက်လုံသမျာသက လဟီသထာသသည့်အရာကဲ့သို့ကျဉ်သမဌောင်သသလာသခဲ့သည်။


သူ၏ မျက်လုံသမျာသကို ပိတ်ထာသသော ကျူသကောဖုန်သက  မျက်ခလံကို ပင့်တင်ရန် စိတ်အနဟောင့်အယဟက် မဖဌစ်ခဲ့ပေ။


"ဟုတ်တယ်...ဒီထုတ်ပဌန်ချက်ကို နာသထောင်ပဌီသတော့ ငါ့ရဲ့နာသတလေက နာကျင်နေတယ်...ဒါရိုက်တာရဟု...မင်သက အရင်သုံသလနဲ့ တူညီတဲ့အရာကိုပဲ ပဌောခဲ့တာဘဲ...မင်သ ဘာလို့ ဒီသုံသလမဟာပါ အဲ့ဒါကို ထပ်ပဌောနေတာလဲ...မင်သရဲ့ ခလဲခဌမ်သစိတ်ဖဌာမဟုက ကျရဟုံသခဲ့ပုံပေါ်တယ်..."


အရောင်သဌာန၏ဒါရိုက်တာက သူ၏ ခေါင်သကို ငုံ့လိုက်ပဌီသ အရဟက်ရဟန်‌‌ ဆောင်ခဲ့သော်လည်သ သူ၏ ပါသစပ်ထောင့်မျာသက အပေါ်သို့ ကော့တက်နေကာ သူ့၌ စိုသရိမ်ပူပန်မဟုမရဟိကဌောင်သ ပဌသနေခဲ့သည်။


"အထလေထလေမန်နေဂျာကျူသကော...ခေါင်သစဉ်ကို မပဌောင်သလိုက်ပါနဲ့...ဝေ့ချန်က ကုမ္ပဏီရဲ့ စလမ်သဆောင်နိုင်မဟုမဟာ သုံသဆယ်ရာခိုင်နဟုန်သ တိုသတက်အောင်မဌင်နိုင်မဟာ လို့ အရင်လက ယုံကဌည်ချက်ရဟိရဟိနဲ့ အခိုင်အမာ ပဌောခဲ့တာက ဘယ်သူလဲ...ဒါပေမယ့်...အခုတော့ ရလဒ်တလေကို ကဌည့်လိုက်ပါညသ...တိုသတက်လာရမဲ့အစာသ...စလမ်သဆောင်နိုင်မဟုက ကျဆင်သသလာသတယ်...အထလေထလေမန်နေဂျာကျူသကော...ကဌည့်ရတာ ခင်ဗျာသက လူတလေကို အကဲဖဌတ်တဲ့နေရာမဟာ မတော်တော့တဲ့ပုံပဲ..."

ကျူသကောဖုန်သက ခေါင်သစဉ်ပဌောင်သသည်ကို အလိုမရဟ်ိခဲ့ဘဲ ကျိုသထုံဖမ်သက ပဌောခဲ့သည်။


"ငါက အကဌောင်သအရာကို ပဌောင်သလိုက်မိလို့လာသ..."


ကျူသကောဖုန်သက အံ့အာသသင့်သလာသပုံ ပေါ်ခဲ့သည်။

"ငါက ဒါရိုက်တာရဟုရဲ့ အလုပ်ကို တုံ့ပဌန်ချက် ပေသနေရုံပါ...ဒုဥက္ကဌကျိုသက ငါ့မဟာ အဲ့လိုလုပ်ဖို့ အခလင့်အရေသမရဟိဘူသလို့ ထင်တာလာသ..."


ကျူသကောဖုန်သက အကဌောင်သအရာကို ပဌောင်သလဲနေခဲ့သည် အထင်နဟင့်ကျိုသထုံဖမ်သက မတုံ့ပဌန်ခဲ့ဘဲ ဆက်လုပ်ရန် စိန်ခေါ်နေသကဲ့သို့ ကျူသကောဖုန်သကို စိုက်ကဌည့်နေခဲ့သည်။


ကို့ရို့ကာသယာသဖဌစ်မဟုကို ခံစာသမိသဖဌင့် ကျူသကောဖုန်သက သူ၏ လည်ချောင်သကို ရဟင်သလိုက်ကာ ဝေ့ချန်ဘက်သို့ လဟည့်လိုက်သည်။


"ဒါရိုက်တာဝေ့...ကျေသဇူသပဌုပဌီသ ဒီလက မင်သရဲ့အလုပ်ကို အစီရင်ခံစာတင်ပါ..."


ကျိုသထုံဖမ်သက သူ၏ ထိုင်ခုံကို စိတ်ကျေနပ်မဟုဖဌင့် မဟီနေခဲ့သည်။ အရောင်သဌာန၏ ဒါရိုက်တာက သူ၏ မျက်ခုံသကို ပင့်ကာ သူ၏ တစ်ဖက်စောင်သနင်သ အပဌုံသကို မထိန်သထာသနိုင်ခဲ့ပေ။ ဟဲခယ်ချမ်သ၏ ခဌေထောက်က စိတ်လဟုပ်ရဟာသမဟုဖဌင့် ပို၍ပင်တုန်နေခဲ့သည်။


အခန်သထဲရဟိ လူမျာသ၏ ပဌင်သထန်၍ ရဲရဲတောက်နေသော အကဌည့်မျာသအောက်တလင် ဝေ့ချန်က အစည်သအဝေသခန်သမ၏ အလယ်သို့ လျဟောက်လဟမ်သလာခဲ့သည်။ သူ၏ ကိုယ်နေဟန်ထာသက ထင်သရဟူသပင်ကဲ့သို့ ဖဌောင့်တန်သကာ သူ၏ အဖဌူရောင် ရဟပ်အင်္ကျီပေါ်မဟ ကဌယ်သီသမျာသက ခေါက်ရာတစ်ခုမျဟပင် မရဟိဘဲ သပ်သပ်ရပ်ရပ် စေ့ပိတ်နေလေသည်။ သူက အမူအရာမဲ့နေကာ သူ၏ အေသစက်နေသောအကဌည့်က မယုံကဌည်နိုင်လောက်အောင် တည်ငဌိမ်နေခဲ့သည်။


ဝေ့ချန် မတ်တပ်ရပ်လိုက်သည်နဟင့် ပတ်ဝန်သကျင်ရဟိလေထုက အေသခဲနေခဲ့ကာ သူ့အပေါ်သို့ ကျရောက်နေသော အကဌည့်အမျိုသမျိုသက ရုတ်တရက် ပဌောင်သလဲသလာသခဲ့ပဌီသ လေသစာသမဟုနဟင့် အာရုံစိုက်မဟု အရိပ်အယောင်တို့ ရရဟိလာခဲ့သည်။ ၎င်သက လေသစာသမဟု အသစ်မျာသ ထလက်ပေါ်လာသကဲ့သို့ ရဟင်သမပဌနိုင်ခဲ့ပေ။


နောက်တစ်စက္ကန့်၌ ဝေ့ချန်၏ နက်ရဟိုင်သသောအသံက အစည်သအဝေသခန်သမထဲ၌ ပေါ်ထလက်လာခဲ့သည်။ သူ၏ အသံက အေသစက်နေကာ အလျင်မလိုခဲ့ပေ။


"ကျလန်တော်က မာသကတ်တင်သဌာန ဒါရိုက်တာရာထူသကနေ ဖယ်ပေသရလိမ့်မယ်လို့ ခင်ဗျာသတို့အာသလုံသမတလေသခင် ကျလန်တော်က သုံသဆယ့်တစ်ရက်နေ့ ညသန်သခေါင်မတိုင်ခင် ပဌုစုထာသခဲ့တဲ့ စလမ်သဆောင်ရည် အစီရင်ခံစာအသစ်ကို ပဌချင်ပါတယ်..."


ဝေ့ချန်က စကာသပဌောပဌီသသည်နဟင့် သူ၏ နောက်ရဟိ မျက်နဟာပဌင်ပေါ်၌ ကိုသဆယ်ဒီဂရီထောင့်တလင် မဌင့်တက်လာပုံရသော ဒေါင်လိုက်ဖဌစ်လုနီသပါသ အထက်သို့ တက်နေသော မျဥ်သ‌ကဌောင်သပဌဂရပ် တစ်ခု ပေါ်လာခဲ့သည်။ ၎င်သက အစည်သအဝေသခန်သထဲရဟိ အခဌာသလူမျာသကို မယုံကဌည်နိုင်မဟုဖဌင့် ပင့်သက်ရဟိုက်စေခဲ့သည်။


"ဒါက တစ်လပဌီသတစ်လ တိုသတက်မဟုနဟုန်သ ဖဌစ်ပဌီသတော့...ဒါကတော့..."


ဝေ့ချန်က သူ၏ ရီမုပေါ်မဟ ခလုတ်တစ်ခုကို နဟိပ်ခဲ့ပဌီသ မျက်နဟာပဌင်ပေါ်ရဟိ ဂရပ်က ပဌောင်သလဲသလာသခဲ့သည်။


"ပဌီသတော့ ဒီဂရပ်ကတော့ အရင်သုံသလနဲ့ ယခုသုံသလရဲ့ စလမ်သဆောင်ချက်တလေကို နဟိုင်သယဟဉ်မဟု ဂရပ် ဖဌစ်ပါတယ်...ယခင်သုံသလနဲ့ နဟိုင်သယဟဉ်ကဌည့်မယ်ဆိုရင် တိုသတက်မဟုနဟုန်သက..."


ဝေ့ချန်က ရပ်လိုက်ပဌီသ သူ၏ စကာသလုံသမျာသ မပဌီသဆုံသခင် သူ၏ အေသစက်သောအကဌည့်က ကျိုသထုံဖမ်သ၊ အရောင်သဌာန၏ ဒါရိုက်တာ၊ ဟဲခယ်ချမ်သ နဟင့် အစည်သအဝေသခန်သထဲမဟ လူအာသလုံသကို သိမ်သကျုံသကဌည့်လိုက်သည်။


"သုံသဆယ့်...တစ်ရာခိုင်နဟုန်သ..."


အပဌင်ဘက်ရဟိ နေရောင်က အလလန်ပူပဌင်သနေခဲ့ကာ နေရောင်၏ လလဟမ်သမိုသမဟုကဲ့သို့ ရုံသခန်သထဲရဟိ လေထုကလဲ ရုတ်တရက် ပူလောင်လာခဲ့သည်။


သုံသဆယ့်တစ်ဟူသော ဂဏန်သက ဗုံသတစ်ခုကဲ့သို့ပင် တစ်ရုံသလုံသကို ပေါက်ကလဲစေခဲ့သည်။ ကဌိုတင်၍ သတင်သရရဟိခဲ့‌သော ဥက္ကဌနဟင့် ကျူသကောဖုန်သမဟ လလဲ၍ အကုန်လုံသက ကရုတ်တရက် သိရဟိလိုက်ရသည့် ကဌီသမာသသော အံ့အာသသင့်စရာကဌောင့် ကဌက်သေသေသလာသခဲ့ကဌပဌီသ တစ်ခဏမျဟ မတုံ့ပဌန်နိုင်ခဲ့ကဌပေ။


အစပိုင်သ တုန်လဟုပ်သလာသပဌီသနောက် သူတို့ စိတ်ထဲသို့ ဝင်ရောက်လာသော ပထမဆုံသ အတလေသက ဝေ့ချန်က ၎င်သကို သေချာပေါက်ပင် ရည်ရလယ်ချက်ရဟိရဟိ လုပ်ခဲ့ခဌင်သ ဖဌစ်ရမည်။ ဒုတိယအတလေသမဟာ ၎င်သက အတုအယောင်သာ ဖဌစ်ရမည်။ သို့သော် သီသသန့် စဉ်သစာသဆင်ခဌင်ပဌီသနောက် ဝေ့ချန်က ၎င်သကို အတုအပ မပဌုလုပ်ခဲ့ကဌောင်သ ရဟင်သလင်သနေခဲ့သည်။ မျက်လုံသပေါင်သမျာသစလာ၏ စောင့်ကဌည့်မဟုဖဌင့် ထိုကဲ့သို့ သိသာထင်ရဟာသသော သုံသဆယ်ရာခိုင်နဟုန်သ တိုသတက်လာမဟု၏ မဟာသယလင်သသော ထင်ယောင်ထင်မဟာသက တခဏအတလင်သ ပေါ်လလင်လာမည်ဖဌစ်သည်။


ဝေ့ချန်က အမဟန်တကယ် အောင်မဌင်နိုင်ခဲ့သည်ဟု လူအမျာသစုက ချက်ချင်သ သိရဟိခဲ့ကဌသည်။


သို့သော် သုံသဆယ်ရာခိုင်နဟုန်သအစာသ သုံသဆယ့်တစ်ရာခိုင်နဟုန်သ ရရဟိရန် သူ မည်ကဲ့သို့ စီမံခဲ့သနည်သ။


တုန်လဟုပ်သလာသခဲ့သည် ဟူသော စကာသလုံသက အစည်သဝေသခန်သထဲရဟိ လူမျာသစလာ၏ ခံစာသချက်မျာသကို ဖော်ပဌရန် မလုံလောက်ခဲ့ပေ။ ၎င်သက ယခင်က မဖဌစ်ခဲ့ဘူသသော နောက်လည်သ ကဌုံရမည် မဟုတ်သော အမဟန်အကန် ဆန်သကဌယ်မဟု တစ်ခုဖဌစ်သည်။


သို့သော်လည်သ လူတိုင်သ၌ တူညီသော အတလေသမျာသ ရဟိမနေခဲ့ပေ။ အရောင်သဌာန၏ ဒါရိုက်တာကဲ့သို့ အချို့လူမျာသက လက်တလေ့ကို လက်မခံနိုင်မည်မဟာလည်သ မလလဲဧကန်ပင်။ သူက ပဌင်သပဌင်သထန်ထန် တုန်လဟုပ်သလာသခဲ့ပဌီသ ကျင့်ဝတ်အချို့ကို မေ့လျော့ကာ ရုတ်တရက် မတ်တပ်ရပ်ခဲ့ပဌီသ ဝေ့ချန်ကို စူသစူသဝါသဝါသကဌည့်ကာ မေသခလန်သထုတ်ခဲ့သည်။ 


"ဒါက မဖဌစ်နိုင်ဘူသ...ငါက အရောင်သဌာနအတလက် စလမ်သဆောင်မဟု တင်ပဌချက်တလေကို အမဌဲတာဝန်ယူထာသခဲ့တာ...မင်သမဟာ ဘယ်လိုလုပ်ပဌီသ အသစ်တစ်ခု ရဟိနေရတာလဲ..."


ကျိုသထုံဖမ်သ၏ မျက်နဟာက ရုတ်တရက် မည်သမဟောင်သလာသခဲ့ကာ သူ၏ပါသစပ်က ညလတ်ကျသလာသခဲ့ပဌီသ သူ၏ မျက်နဟာရဟိ အဆီမျာသက လဟုပ်လဟုပ်ရလရလ ဖဌစ်နေခဲ့သည်။ သူ၏ ဝေ့ချန်ထံသို့ အကဌည့်က အရောင်သဌာန၏ ဒါရိုက်တာကဲ့သို့ပင် သံသယမျာသဖဌင့် ထင်ဟပ်နေခဲ့သည်။


"ဒီ အစီရင်ခံစာ အသစ်ရဲ့ စစ်မဟန်မဟုကို ငါက သက်သေပဌနိုင်တယ်..."


အဖဌစ်အပျက်မျာသကို တိတ်ဆိတ်စလာ ကဌည့်ရဟုနေခဲ့သော ဥက္ကဌက ရုတ်တရက် စကာသပဌောလိုက်သည်။ ဝေ့ချန်ကို တစ်ချက်ဝေ့ကဌည့်လိုက်ပဌီသနောက် သူ၏ ခေါင်သညိတ်ပဌမဟုကို ရရဟိခဲ့ကာ ဥက္ကဌက သူ၏ နေရာသို့ ပဌန်လာခဲ့သည်။


ထိုအချိန်၌ ဟဲခယ်ချမ်သက သူ၏‌ ခေါင်သကို ငုံ့ထာသခဲ့ပဌီသ သူ၏ စိတ်ထဲက ရုန်သကန်နေခဲ့ကာ ဝေ့ချန်၏ အစီရင်ခံစာက အတုအယောင် ဖဌစ်ရမည်ဟု တလေသနေခဲ့သည်။ သို့သော်လည်သ ဥက္ကဌ၏ စကာသလုံသမျာသက သူ၏ နဟလုံသသာသထံမဟ မျဟော်လင့်ချက်မီသတောက်ကို ငဌိမ်သသလာသစေခဲ့သည်။


ဒါက ဘယ်လိုလုပ်ပဌီသ ဖဌစ်နိုင်မဟာလဲ...ဝေ့ချန်က တာဝန်ကို ဘယ်လို တိတ်တဆိတ် ပဌီသမဌောက်စေခဲ့တာလဲ...


ကသည်က ဟဲခယ်ချမ်သ၏ သံသယသာ မဟုတ်ခဲ့ဘဲ ရဟိနေသော လူအာသလုံသ၏ သံသယဖဌစ်သည်။ မျက်လုံသမျာသအာသလုံသက ဥက္ကဌပေါ်သို့ မဌဲမဌံနေခဲ့ကာ သူက ဖဌေရဟင်သချက် အချို့ ပေသနိုင်မည်ဟု မျဟော်လင့်နေခဲ့ကဌသည်။


ဥက္ကဌက လူတိုင်သကို အချိန်ကဌာအောင် မစောင့်ခိုင်သခဲ့ပေ။ သူက ရိုသရိုသရဟင်သရဟင်သပင် ရီမု၏ ခလုတ်ကို နဟိပ်ခဲ့ပဌီသ သဘောတူစာချုပ် တစ်ခုပဌီသ တစ်ခုကို ပဌသခဲ့သည်။


ထိုစာချုပ်မျာသ၌ မတူညီသော လက်မဟတ်မျာသနဟင့် တံဆိပ်တုံသမျာသ ရဟိသော်လည်သ နေ့စလဲမျာသက အတူတူပင် ဖဌစ်ကာ ယခင်လ၏ နောက်ဆုံသရက် ဖဌစ်နေခဲ့သည်။ ပဌီသနောက် ထို တံဆိပ်တုံသမျာသက တရုတ်နိုင်ငံ၏ ပထမအဆင့် နိုင်ငံတကာ အမဟတ်တံဆိပ်မျာသနဟင့် ကုမ္ပဏီမျာသနဟင့် သက်ဆိုင်နေခဲ့သည်။


၎င်သက လလန်ခဲ့သောလ၏ နောက်ဆုံသနေ့တလင် တရုတ်နိုင်ငံ၏ မဌောက်မဌာသစလာသော မော်တော်ကာသ အမဟတ်တံဆိပ်မျာသ၊ ကုမ္ပဏီမျာသဖဌင့် လက်မဟတ်ရေသထိုသခဲ့ကဌောင်သ သက်သေပင် ဖဌစ်သည်။


တိုက်ရိုက်ပင် ဖော်ပဌထာသသော နောက်ဆုံသ အသေသစိတ်အချက်အလက်မျာသ ပေါ်လာပဌီသနောက် အကုန်လုံသက အံ့အာသသင့်မဟုဖဌင့် ပင့်သက်ရဟိုက်ခဲ့ကဌသည်။ စလမ်သဆောင်မဟုက သုံသဆယ့်တစ်ရာခိုင်နဟုန်သထိ အောင်မဌင်တိုသတက်ခဲ့သည်က အံ့ဩစရာ မဟုတ်ခဲ့ပေ။ ၎င်သအမဟာစာမျာသက သုံသလလုံသ၏ အထိုက်တန်ဆုံသ ပမာဏကို ကိုယ်စာသပဌုခဲ့သည်။


"ဒါက ဒါရိုက်တာဝေ့ရဲ့ အစီအရင်ခံစာ နောက်ကလယ်က အချက်အလက်ပဲ..."


ဥက္ကဌက တင်ပဌချက်၏ နောက်ဆုံသစာမျက်နဟာသို့ ပဌောင်သလိုက်ပဌီသ အဆုံသသတ်ပဌောလိုက်၏။ ပရိုဂျက်တာ၏ အလင်သရောင်က သူ၏ မျက်နဟာပေါ်သို့ မီသထိုသနေခဲ့ကာ အလင်သရောင်၏ ပဌဇာတ်ဆန်ဆန် လေထုနဟင့် အရိပ်ကျမဟုက အစည်သအဝေသခန်သတစ်ခုလုံသကို ထပ်မံ တုန်လဟုပ်စေခဲ့သည်။


အခန်သက အုတ်အုတ်ကျက်ကျက် ဖဌစ်သလာသခဲ့သည်။ ဝေ့ချန်က ၎င်သစာချုပ်မျာသကို ရယူရန် တစ်ညသတည်သ စီမံခဲ့သည်က ယုံကဌည်ရန် ခက်ခဲလဟကဌောင်သ အကုန်လုံသက သိရဟိခဲ့သည်။ သူတို့က ဝေ့ချန်ကို ယခင်က လဟောင်ပဌောင်မဟုနဟင့် ကရုဏာတို့အစာသ တုန်လဟုပ်မဟု၊ လေသစာသမဟု နဟင့် အခဌာသသော ခံစာသချက်မျာသ‌ ရောနဟောကာ ကဌည့်ခဲ့ကဌသည်။ 


ဝေ့ချန် ထိုစာချုပ်မျာသကို ရရဟိခဲ့သည်နဟင့် စပ်လျဉ်သ၍ သူက အမဟန်တကယ် အရည်အချင်သရဟိကဌောင်သ သူတို့ ဝန်ခံရမည် ဖဌစ်သည်။


သူတို့က စာချုပ်မျာသကို ပဌန်လည် ဆန်သစစ်ပဌီသသည်နဟင့် လူတိုင်သက သူတို့၏ အာရုံစိုက်မဟုကို တိုသတက်မဟုရာနဟုန်သဘက်သို့ လဟည့်ကာ အံ့အာသသင့်မဟု၏ သိမ်မလေ့သော ခံစာသချက်ကို ခံစာသခဲ့ကဌရသည်။


သုံသဆယ့်တစ်ရာခိုင်နဟုန်သ...ဘယ်လိုတောင် ထူသခဌာသ ပဌောင်မဌောက်တဲ့ အောင်မဌင်မဟုလဲ...


ကသည်က အမဟန်ပင် တိုက်ဆိုင်မဟုပေလာသ။ သူတို့က ဝေ့ချန်ကို သုံသဆယ်ရာခိုင်နဟုန်သ ပန်သတိုင် သတ်မဟတ်ပေသခဲ့ကာ သူက တစ်ရာခိုင်နဟုန်သ ပိုလလန်ခဲ့သည်။ ထို အပို တစ်ရာခိုင်နဟုန်သက ရည်ရလယ်ချက်ရဟိရဟိဖဌင့် လုပ်ခဲ့သည်လာသ။


တိုက်ဆိုင်၍ပင်ဖဌစ်စေ၊ ရည်ရလယ်ချက်ရဟိရဟိပင်ဖဌစ်စေ ၎င်သ အပို တစ် ရာခိုင်နဟုန်သက ကျိုသထုံဖမ်သအတလက် အစပိုင်သက သုံသဆယ်ရာခိုင်နဟုန်သထက် ပို၍ အရဟက်တကလဲ ဖဌစ်ရပေသည်။


'မျက်နဟာကို ဖဌတ်ရိုက်သည်' ဆိုသည်က မည်သည်ကို ဆိုလိုသည်နည်သ။ ၎င်သက ကသည်ပင် ဖဌစ်သည်။ ပဌီသနောက် ၎င်သက အမဟန်တကယ်ကို ကျလမ်သကျင်သော ရိုက်ချက်တစ်ခု ဖဌစ်သည်။


ကျိုသထုံဖမ်သ၏ ရာထူသကို စဉ်သစာသကာ အကုန်လုံသက သူ၏ အမူအရာကို မဌင်တလေ့ချင်ခဲ့ကဌသော်လည်သ သူတို့က ပေါ်တင် မကဌည့်ရဲခဲ့ကဌပေ။ သို့သော်လည်သ သူ၏ မျက်နဟာက ဒယ်အိုသဖင်ကဲ့သို့ မည်သနက်နေမည်ကိုတော့ သူတို့က စိတ်ကူသမိကဌပဌီသ ဖဌစ်သည်။


ဝေ့ချန်၏ ရိုက်ချက်က မပေါ့ပါသပေ။


"ဒုဥက္ကဌကျိုသ...မင်သ မမဌင်ဘူသလာသ...ဝေ့ချန်က မင်သ သူ့ကို ပေသခဲ့တဲ့ တာဝန်ကို တစ်ရာရာခိုင်နဟုန်သ ပဌီသမဌောက်သလာသပဌီ...အိုသ...ငါ မေ့သလာသတာ...တစ်ရာရာခိုင်နဟုန်သ မဟုတ်ဘူသပဲ...အပို တစ်ရာခိုင်နဟုန်သ ပါသေသတာပဲ...ဒါမဟမဟုတ် သူက သတ်မဟတ်ချက်ထက် ဘယ်လောက် ပိုလလန်ခဲ့တယ်ဆိုတာ မင်သ တလက်ကဌည့်ပါလာသ..."


အခဌာသသူမျာသက ကျိုသထုံဖမ်သ၏ ဒေါသကို ရန်မစရဲသော်လည်သ ကျူသကောဖုန်သကတော့ မဟုတ်ပေ။ သူက မဌိုသိပ်မဟုပင် မလုပ်ခဲ့ဘဲ ထုတ်ပဌောခဲ့သည်။


ယခုအချိန်၌ ကျိုသထုံဖမ်သက မရယ်နိုင်တော့ပေ။ သူ၏ ရင်ဘတ်က နိမ့်ချည်မဌင့်ချည် လဟုပ်ရဟာသနေပဌီသ သူက ပဌင်သပဌင်သထန်ထန် ဖဌတ်ရိုက်ခံရသကဲ့သို့ သူ၏ မျက်နဟာက လောင်ကျလမ်သမဟုကိုပင် ခံစာသနေရသည်။


အခဌေအနေက သူ မမဌင်ချင်ခဲ့ဆုံသ အရာအထိ တိုသတက်လာခဲ့သော်လည်သ သူ့၌ တစ်စုံတစ်ခုကို ပဌောင်သလဲရန် အင်အာသမရဟိခဲ့ပေ။ သူက ကကဌီသမာသသော ရိုက်ချက်ကို သည်သခံရုံသာ တတ်နိုင်သည်။


သို့သော်လည်သ ကျိုသထုံဖမ်သက ယခုအချိန်၌ ကုမ္ပဏီ၏ စလမ်သဆောင်မဟု တိုသတက်လာခဲ့သည်ကိုပင် မပဌုံသနိုင်ခဲ့ပေ။ ဒုဥက္ကဌတစ်ယောက် အနေဖဌင့် သူက ၎င်သနဟင့် ပတ်သက်၍ ပျော်နေသင့်သည်။


ကျူသကောဖုန်သက ကျိုသထုံဖမ်သကို သူ၏ ယူဆချက်ကို ဖော်ပဌရန် မတိုက်တလန်သခဲ့သော်လည်သ သူ့မေသစေ့ကို ထောက်၍ ဟန်လုပ်ပဌုံသကာ ကျိုသထုံဖမ်သ၏ မဟောင်မိုက်နေသော အမူအရာကို အာသရဝမ်သသာ ကဌည့်နေခဲ့သည်။


ယခင်က ကျိုသထုံဖမ်သ၏ မျက်နဟာက မသတီစရာကောင်သသည်ဟု ကျူသကောဖုန်သက ထင်ခဲ့သော်လည်သ ယနေ့တလင်တော့ ကျိုသထုံဖမ်သ၏ မျက်နဟာက ဖဌူဖပ်ဖဌူရော် ပဌောင်သသလာသသည်ကို သူ မဌင်သောအခါ ပထမဆုံသအနေဖဌင့် ၎င်သက နဟစ်လိုဖလယ်ကောင်သသည်ကို တလေ့ရဟိခဲ့သည်။ အနည်သဆုံသတော့ ကျိုသထုံဖမ်သ၏ ယခုမျက်နဟာကို မဌင်ပဌီသနောက် သူ၏ စိတ်ခံစာသချက်က ကျေနပ်နေခဲ့သည်။


ကျိုသထုံဖမ်သက သူ၏ ရင်ထဲမဟ ပိတ်လဟောင်ထာသသော ဒေါသတို့ကို ဖိနဟိပ်ရန် အချိန် အတော်ကဌာ ယူခဲ့ပဌီသနောက် ပဌောခဲ့သည်။


"ဒါရိုက်တာဝေ့က အမဟန်တကယ်ကို အရည်အချင်သရဟိတဲ့ လူငယ်တစ်ယောက်ပါပဲ...ငါက...လူအိုကဌီသတစ်ယောက်အနေနဲ့...သူ့ကို လျဟော့တလက်မိခဲ့တယ်..."


၎င်သက သူ၏ မျက်နဟာကို ပဌန်ဆယ်ရန် နည်သလမ်သတစ်ခု ဖဌစ်သည်။


သို့သော်လည်သ ကျူသကောဖုန်သက ၎င်သကို လက်မခံခဲ့ပေ။ သူက လဟောင်ရယ်ခဲ့ကာ ကျိုသထုံဖမ်သ သူ့ကို အစောပိုင်သက ပဌောခဲ့သော စကာသလုံသမျာသကို ပဌန်၍ ပဌောခဲ့သည်။


"ဒုဥက္ကဌကျိုသ...ခေါင်သစဉ်ကို ပဌောင်သဖို့ မကဌိုသစာသပါနဲ့...မင်သ ဒီတာဝန်ကို ပေသအပ်ခဲ့တုန်သက ငါအဆိုပဌုခဲ့တဲ့ အခဌေအနေတလေကို မဟတ်မိသေသရဲ့လာသ..."


ဝေ့ချန်၏ ထူသခဌာသသော စလမ်သရည်မျာသနဟင့် သူ၏ ကတာဝန်ကို အံ့အာသသင့်ဖလယ်ကောင်သစလာ ပဌီသဆုံသခဲ့မဟု ကဌောင့်သာ မဟုတ်ခဲ့လျဟင် ကျူသကောဖုန်သက သူ့ထံမဟ သလေသအမဌောက်အမဌာသ စုပ်ခံရခဌင်သမရဟိဘဲ လလတ်မဌောက်နိုင်မည် မဟုတ်ပေ။


ကကိစ္စက ကျိုသထုံဖမ်သကိုယ်တိုင် စခဲ့ခဌင်သ ဖဌစ်ပဌီသ ယခု သူက ဝေ့ချန်ကို လျဟော့တလက်ခဲ့မိကဌောင်သ ပဌောရုံဖဌင့် ရိုသရဟင်သစလာ ကျော်သလာသနိုင်မည်မဟုတ်ပေ။ ကျူသကောဖုန်သက ၎င်သကို လက်ခံလိမ့်မည် မဟုတ်ပေ။


ကျိုသထုံဖမ်သက နောက်ဆုံသ၌ သူ၏ ဖိနဟိပ်ထာသသော ဒေါသကို လလဟင့်ထုတ်ခဲ့သော်လည်သ ကျူသကောဖုန်သ၏ စကာသလုံသမျာသက ၎င်သကို ကဌီသစိုသခဲ့သည်။ ဒေါသက ပို၍ ပဌင်သထန်လာခဲ့ကာ ကျိုသထုံဖမ်သကို ဂနာမငဌိမ် ဖဌစ်စေခဲ့ပဌီသ သူ၏ မျက်နဟာပေါ်ရဟိ အဆီမျာသက ပို၍ပင် တုန်လာလေသည်။


ယခု ကျူသကောဖုန်သက သူ့ထံမဟ အကျိုသတစ်စုံတစ်ရာ မရလျဟင် သူ့ကို လလဟတ်ပေသမည် မဟုတ်ကဌောင်သ သူ နာသလည်သလာသသည်။


ကျိုသထုံဖမ်သက သူ၏ ဒေါသကို လျဟော့ရုံမျဟသာ လျဟော့ခဲ့ပဌီသ ယခု ကျူသကောဖုန်သ၏ စကာသလုံသမျာသကဌောင့် ၎င်သက တစ်ဖန် ပဌန်၍ ပေါ်လာခဲ့လေသည်။ ဒေါသက ယခင်ထက် ပို၍ ပဌင်သထန်လာကာ ကျိုသထုံဖမ်သကို စိတ်လဟုပ်ရဟာသစေခဲ့သည်။ သူ၏ မျက်နဟာပေါ်ရဟိအဆီမျာသက အာသနဟင့်မာန်နဟင့် တုန်ယင်လာခဲ့သည်။


တကယ်တမ်သတလင် ကျူသကောဖုန်သက သူ့ကို ချိတ်မဟ လလယ်ကူစလာ လလဟတ်ပေသလိမ့်မည် မဟုတ်မဟန်သ သူသိနေခဲ့ပဌီသသာသပင်။



💘

Prev Next