MM Story Teller

Chapter 77

Viewers 11k

👨‍❤️‍👨Chapter 77

သူတို့ ရှီမိသားစုအိမ် ရောက်သည့်အချိန် ရှီသွမ်းက လက်ဖက်ရည်နှင့် သစ်သီးတို့ ပြင်ထားလေသည်။ သူက သွမ့်ရှန်ယဲ့ကို မြင်သောအခါ နူးနူးညံ့ညံ့ ပြုံးပြလာပြီး စကားဆိုလာသည် " ဥက္ကဌသွမ့်..."

သွမ့်ရှန်ယဲ့က သွမ့်ရှူးထုံ ဝီချတ်ကနေ လှမ်းပြောထားမှန်း သိလိုက်၍ ထိုင်ဖို့ တွန့်ဆုတ်မနေတော့ပဲ ဘုတ်ပြားကို ဖြန့်လာသည် " အဖြူလား အမည်းလား..."

ရှီသွမ်းက အရမ်းကို လေးလေးစားစား ဆက်ဆံနေသည်။ " ကျေးဇူးပြုပြီး အရင်စလိုက်ပါ..."

သွမ့်ရှန်ယဲ့ : ?? သူ ရှီသွမ်းနဲ့ တော်တော်များများ တွေ့ဖူးပါတယ်...အကြိမ်တိုင်း တန်းတူအတိုင်း ဆက်ဆံတာပါ။ တစ်ခါမှ ဒီလို တလေးတစား မဆက်ဆံဖူးပါဘူး။

သူက ထူးဆန်းနေသလို ခံစားရသော်လည်း ကျားကစားဖို့သာ စိတ်ရောက်နေ၍ ဘေးပို့ထားလိုက်သည်။

အတုံးရွေးပြီးနောက် နှစ်ယောက်သား အတည်ကစားကြတော့သည်။

သွမ့်ရှူးထုံက အစက ဘေးကနေပြီး ကြည့်ဖို့လုပ်ထားသော်လည်း ရှီယွိက ပြေးလာပြီး သူ့ကို ဆွဲခေါ်လာရင်း အထူးတဆန်းမေးလာသည်

" သွမ့်ကော...ကျွန်တော့်မှာ မေးစရာတစ်ခု ရှိတယ်...အမှန်အတိုင်း ဖြေပေးရမယ်နော်..."

" မေးလေ..."

လူငယ်လေးက ရှီသွမ်းကို တိတ်တိတ်လေး ကြည့်လိုက်ရင်း အသံကိုတိုးလိုက်သည် " ကျွန်တော့်ဦးလေး တစ်ခုခုဖြစ်နေတယ်လို့ မထင်ဘူးလား..."

"ဘာဖြစ်လို့လဲ..." သွမ့်ရှူးထုံက ဘာဖြေရမှန်းမသိသလို ဖြစ်သွားရသည်။

ရှီယွိက ကလေးတစ်ယောက်လို တိုင်လာသည် " ကျွန်တော်လေ ဦးလေးက သူ့ဖုန်းနဲ့ ဝီချတ်ကနေ မက်ဆေ့ချ် ပို့နေတာကို မြင်ခဲ့တာ...သူကလေ အရမ်း ပြုံးနေတာ...ဘယ်လိုပြောရမလဲ...ကျွန်တော် ကြက်သီးတောင် ထသွားတယ်....သူ ရည်းစားရနေတာလား..."

သွမ့်ရှူးထုံ "...ကောက ရှန်းချွမ်ကောင်တီမှာလေ...မင်းရဲ့ဦးလေးက ယန်မြို့တော်မှာလေ..."

" ဟုတ်သားပဲ..." ရှီယွိက သူ့ကိုယ်သူ ပြန်ပြင်လိုက်သည် " ကော တကယ် မသိလောက်ဘူး..."

သွမ့်ရှူးထုံက စိတ်မလုံသလို နှာခေါင်းပွတ်လိုက်ရင်း ပြန်ဖြေလာသည် " မင်းရဲ့ဦးလေးမှာ အခြေအနေတစ်ခု ရှိနေရင် မင်းကို ဖုံးကွယ်ထားမှာ မဟုတ်ပါဘူး...စိတ်မပူပါနဲ့..."

လူငယ်လေး၏ မသိနားမလည်သည့် မျက်လုံးလေးများကို ကြည့်ရင်း ရုတ်တရက် အပြစ်ရှိသလို ခံစားရသည်။

ရှီယွိက ခေါင်းညိမ့်ပြလိုက်သည် " ကော သိရင်လည်း ကျွန်တော့်ကို ပြောပြရမယ်နော်...ကျွန်တော် ဦးလေးကို ကိုယ်တိုင်သွားမမေးရဲဘူး..."

သွမ့်ရှူးထုံက ပြုံးလိုက်ပြီး ဘာမှမဆိုမိပေ။

သွမ့်ရှန်ယဲ့က ကျားကစားနည်းအား တော်တော်လေး စွဲလမ်းလေသည်။ ရှီသွမ်းနှင့် ဂိမ်းအချို့ ကစားပြီးနောက် ရလဒ်က လMin Kyal Sin Thaw:

ုံးဝကွဲထွက်နေသည်။ သူက နောက်တစ်ပွဲ ကစားရန်ပြင်လိုက်သော်လည်း ဖုန်းဝင်လာ၍ ဝမ်းနည်းစွာ ပြောလိုက်မိသည် " အရင်ဆုံး လုပ်စရာ ကိစ္စလေးတွေ ရှိနေလို့ ဒီနေ့တော့ အဲ့ဒီကို သွားရဦးမယ်..."

ပြောပြီးသည်နှင့် သူက ထွက်သွားကာ ဘုတ်ပြားကိုပင် သွမ့်ရှူးထုံဆီ ပစ်ပေးခဲ့သည်။

သူဌေးကြီးများတွင်လည်း သူဌေးကြီးများ၏ အခက်အခဲများ ရှိလေသည်။

သွမ့်ရှူးထုံက ဘုတ်ပြားကို တိတ်တိတ်လေး သိမ်းလိုက်ရင်း ရှီသွမ်းဆီ ကြည့်လိုက်သည်။

ရှီသွမ်းက ပုံမှန်အတိုင်း ရှီယွိဆီ ပြောလိုက်သည် " ငါ ခဏလောက် အပြင်သွားလိုက်ဦးမယ်..."

ရှီယွိက သူ့ကို သံသယမဝင်နိုင်ပဲ သူ့ဦးလေးနှင့် သွမ့်ကောတို့ အိမ်က ထွက်သွားကြသည်ကို ကူကယ်ရာမဲ့စွာ ကြည့်နေမိသည်။

သွမ့်ရှူးထုံက ဘုတ်ပြားကိုင်ထားသည့် ရှီသွမ်းနှင့် ဘေးချင်းကပ် လျှောက်နေသည်။

လေအေးတစ်ရှိုက်က ရုတ်တရက် တိုက်ခတ်လာပြီး သူ့ပါးပြင်ထက် အအေးဖြတ်သွားကာ လည်ပင်းရိုးထဲ ဝင်လာ၍ တုန်ခနဲဖြစ်သွားရသည်။

ရှီသွမ်းက ရပ်လိုက်ပြီး သွမ့်ရှူးထုံ၏ ဂျာကင်အင်္ကျီကို အပေါ်ထိ ဇစ်ဆွဲပေးလိုက်ကာ လည်ပင်းလုံအောင် ဖုံးပေးလိုက်ပြီး ဦးထုပ်ဆောင်းပေးလိုက်သည်။

နှစ်ယောက်သား အချင်းချင်း ပြုံးလိုက်မိသည်။

သွမ့်ရှန်ယဲ့က ကိစ္စအမြန် ဖြေရှင်းပြီး၍ ဆက်ကစားဖို့ ပြန်လာသည့်အချိန် ထိုမြင်ကွင်းကို တွေ့လိုက်၍ ချက်ချင်း ရပ်လိုက်မိသည်။

သူက တစ်ခုခု မှားနေသလို ခံစားမိ၍ မျက်မှောင်ကြုတ်မိသည်။

မျက်လုံးထောင့်နားကနေ အဖေသွမ့်ကို မြင်လိုက်ရသော်လည်း သွမ့်ရှူးထုံနှင့် ရှီသွမ်းတို့ တစ်ယောက်မှ တုန်လှုပ်မသွားကြပေ။

ရှီသွမ့်က လှည့်လာပြီး တည်တည်ငြိမ်ငြိမ် ပြောလာသည် " ဥက္ကဌသွမ့်..."

သွမ့်ရှူးထုံက ပြုံးပြလိုက်ရင်း မေးလိုက်သည် " အဖေ...ပြီးသွားပြီလား ကိစ္စက..."

နှစ်ယောက်သား ပုံမှန်လိုဖြစ်နေကြ၍ သွမ့်ရှန်ယဲ့က ထူးဆန်းနေသော ခံစားချက်ကို မြိုသိပ်ထားလိုက်ရင်း ကျားကစားဖို့ စဥ်းတောင်မစဥ်းစားနိုင်တော့၍ ပုံမှန်အတိုင်း ပြောလိုက်သည် " မင်းအမေက တစ်ခုခုလုပ်စရာရှိလို့ ပြန်လာဖို့ ပြောလိုက်တယ်..."

သွမ့်ရှူးထုံ " ဟုတ်ကဲ့ပါ..."

ကြည့်ရတာ ချိန်းတွေ့ဖို့ကိစ္စက မေးခွန်းထုတ်ရတော့မည်ပင်။

အိမ်ပြန်ရောက်ပြီးချိန် သွမ့်ရှူးထုံက တုံးဟန်ယွဲ့နား ကပ်သွားလိုက်သည် " အမေ...ကျွန်တော် ဘာလုပ်ပေးရမှာလဲ..."

တုံးဟန်ယွဲ့က အံ့သြသွားရသည် " အမေ မင်းကို မရှာပါဘူး..."

သွမ့်ရှူးထုံက သွမ့်ရှန်ယဲ့ကို ကြည့်လိုက်ရာ သွမ့်ရှန်ယဲ့က အပေါ်ကို ကြည့်လိုက်ရင်း ပြန်ဖြေလာသည်

" မင်းအမေ အရင်တုန်းက ခေါ်ခဲ့တယ်လေ...ဒါပေမယ့် မေ့သွားတာ..."

တုံးဟန်ယွဲ့ "...." သူမ သွမ့်ရှန်ယဲ့၏ လက်မောင်းကို အားနှင့် ဆွဲလိမ်လိုက်သည်။

သွမ့်ရှန်ယဲ့က လွတ်ဖို့ အခွင့်အရေးရှာပြီး စာကြည့်ခန်းထဲ ပြေးတော့သည်။

သွမ့်မိသားစု တစ်ခုလုံးကို လက်ရှိအတိုင်းအတာထိ တိုးတက်ဖို့ မထိန်းသိမ်းနိုင်ခဲ့ဘူးဆိုသည်က သူ့အတွက် မဖြစ်နိုင်ပေ။ ခဏတစ်ဖြုတ် သိလိုက်ရသည့် အသိစိတ်လေးဆိုလျှင်ပင် သူ့စိတ်သူ ယုံကြည်မိသည်။

ကိစ္စတစ်ခုက သူ့ခေါင်းထဲ ရုတ်တရက် ပေါ်လာသည်။ မနှစ်က နှစ်ယောက်သား အမြန်ရထားအတူတူစီး၍ အင်တာနက်ပေါ် ဟုန်းဟုန်းကြွကြွ ဖြစ်သွားခဲ့သည်။ ထိုအချိန်က လူအချို့မှာ ရှီသွမ်းနှင့် စစ်ဖူကြား ဆက်ဆံရေးရှိသလားဆိုပြီး မေးခွန်းထုတ်ခဲ့ကြသည်။

နာမည်ကြီး စုံထောက်တစ်ယောက်နှယ် သွမ့်ရှန်ယဲ့က အွန်လိုင်းကနေ အမြန်ရှာကြည့်သည်။

သူက ရွှီယာ့ဇယ်၏ စကားများကို အကြိမ်ကြိမ် ဖတ်ကြည့်ရင်း ထိုကလေးက ဂုဏ်မောက်သော်လည်း သူ့စကားက တော်တော်လေး အဓိပ္ပါယ်ရှိသလို ခံစားမိသည်။

ထိုပြင် ရွှီယာ့ဇယ်က ရှီသွမ်းနှင့် စစ်ဖူတို့ လက်ထပ်တော့မည်ဆိုသည့် ခန်မှန်းချက်များကို ငြင်းပယ်ရင်း ကောမန့်များကို စာပြန်ထားလေသည်။

သွမ့်ရှန်ယဲ့က တစ်ခဏမျှ စဥ်းစားလိုက်ပြီးနောက် အကောင့်တစ်ခု အမြန်လုပ်ရင်း ထိုစာသားကို ပုံတူရိုက်ကာ ရွှီယာ့ဇယ်ဆီ သီးသန့်မက်ဆေ့ချ် ပို့လိုက်သည် [: မဟုတ်တာ လျှောက်ပြောမနေနဲ့။]

သူက ရွှီယာ့ဇယ် ချက်ချင်း စာပြန်လာမည်ဟု ထင်မထားပေ။ သူ့ဘက်က လုံးဝ စာပြန်မလာနိုင်လောက်ဟု ထင်ထားခဲ့သည်။

သို့သော်လည်း နှစ်သစ်ကူးနေ့တွင် အားယားနေသည့် ရွှီယာ့ဇယ်က သီးသန့်မက်ဆေ့ချ်ကို တွေ့သွား၍ စဥ်းစားမနေပဲ စာပြန်လာခဲ့သည်။

အရင်ဆုံး လှောင်ပြုံးပြုံးနေသည့် မျက်နှာတစ်ခု ပို့လာပြီးနောက် အမြန်ရထားပေါ်က ပုံများနှင့် ပြပွဲလုပ်ခဲ့စဥ်က ပုံများပါ ပို့လာသည် [: ငါက သူတို့အကြောင်း ပြောနေတာ [ခွေးခေါင်း] [ခွေးခေါင်း]]

သွမ့်ရှန်ယဲ့ : ဒါက ဘယ်လိုလုပ် ဖြစ်နိုင်မှာလဲ။ သွမ့်ရှူးထုံက ကောင်မလေးတွေ အများကြီး ထားခဲ့တာ။

ရွှီယာ့ဇယ်က ပျင်းနေ၍ထင် အဖေသွမ့် "ဥာဏ်ကောင်းသည့် ကောင်လေး" နှင့် စကားပြောနေလိုက်သည်။ သူက ဘွင်းဘွင်းရှင်းရှင်းပြောလိုက်သည်[ : ကျစ်...သူ ထားခဲ့တဲ့ ကောင်မလေးတွေဆိုတာ ရှိုးသက်သက်ပဲ...တစ်ယောက်နဲ့မှ မအိပ်ခဲ့ဘူး...မအိပ်နိုင်တာလည်း ဖြစ်ချင်ဖြစ်မှာပေါ့...ဟားဟား... "]

သွမ့်ရှန်ယဲ့၏ မျက်လုံးအစုံ ပြူးကျယ်သွားရသည်။ တစ်ခဏလောက် မစဥ်းစားနိုင်ပဲ ဖြစ်သွားရသည်။ သူက ဒေါသတကြီး ပြန်ဖြေလိုက်သည် : [မဟုတ်မမှန်သတင်းတွေ လျှောက်ဖြန့်မနေနဲ့။]

ရွှီယာ့ဇယ်က အထင်သေးသည့် အီမိုဂျီတစ်ခု ပို့လာသည် :[ မင်း သူ့ရည်းစားဟောင်းဆီ သွားမေးလို့ရတယ်။]

သွမ့်ရှန်ယဲ့က သူ့သား ရုတ်တရက် ပုန်ကန်ထကြွလာပြီး ကောင်မလေးထည်လဲတွဲကာ ညပြန်မအိပ်သည့်အကြောင်းများကို ပြန်စဥ်းစားလိုက်သည်။

သူက မသိနားမလည်ခဲ့၍ မဟုတ်ပဲ သူပိုပြီး သိလာရလေလေ ပိုပြီး အားစိုက်ရတော့၍ဖြစ်သည်။

အချိန်ကြာလာသည်နှင့်အမျှ သူက မျက်စိတ်ပိတ်နားပိတ်ပြီး နေလိုက်တော့သည်။ ကံကောင်း၍ သူ့သားက ခဏလောက် တွဲနေလိုက်ပြီးမှ မပြောမဆို ရပ်ချပစ်သည်။

အတိတ်တုန်းက သူ ကစားခံနေရမှန်း ရှင်းရှင်းလင်းလင်း မမြင်နိုင်ခဲ့သော်လည်း ယခုစဥ်းစားကြည့်မှ ထိုအချိန်က သူ့သားမှာ ရုတ်တရက် အချိုးပြောင်းပြီး ကောင်မလေးများ ထည်လဲတွဲခဲ့သည်။ အကြောင်းရင်းက အဲ့ဒါဖြစ်နေတာလား။

သွမ့်ရှန်ယဲ့က မယုံချင်သော်လည်း သက်သေသာဓကများရှိနေ၍ ဤဖြစ်နိုင်ခြေက မဖြစ်နိုင်သည်တော့ မဟုတ်ပေ။

သို့ဆိုလျှင်တောင် အချိန်မှီကုသလို့ ရနိုင်သေးသည်။

သူ ယခု ဂရုစိုက်သည့်အရာက သွမ့်ရှူးထုံနှင့် ရှီသွမ်း အတူတူရှိနေသည့်အချက် မဟုတ်ဘဲ သူ့သားက ကျန်းမာရေးကောင်းရဲ့လားဆိုသည့် အချက်ပင်။

စာအုပ်ဖတ်နေသည့် သွမ့်ရှူးထုံက ရုတ်တရက် ချမ်းလာသည်။ သူက ကုတ်အင်္ကျီဝတ်လိုက်ရင်း စာအုပ်ဘေးက ဖုန်းကို ယူကာ ရှီသွမ်းဆီ စာပို့လိုက်သည် : [အဖေနဲ့အမေက မနက်ဖြန် ယန်မြို့တော်ဆီ ပြန်လောက်တယ်။ ခင်ဗျားကရော။]

ရှီသွမ်း : မနက်ဖြန်လောက်ပေါ့။

သွမ့်ရှူးထုံက သက်ပြင်းချမိသည်။ သူတို့နှစ်ယောက် အချိန်အတော်ကြာ မမြင်ရဦးမည် ထင်ပါသည်။

နောက်တစ်နေ့တွင် သွမ့်ရှူးထုံက အထုပ်ကူသိမ်းပေးဖို့ စီစဥ်နေချိန် သွမ့်ရှန်ယဲ့က ရုတ်တရက် ပြောလာသည်

" မင်း ငါတို့နဲ့အတူ မနက်ဖြန် လိုက်ခဲ့..."

" ဘာဖြစ်လို့လဲ..."

သွမ့်ရှန်ယဲ့က အကောင်းဆုံးကြိုးစားပြီး ဘာမှမဖြစ်သလို ဟန်ဆောင်လိုက်ရသည် " နှစ်တိုင်း မိသားစုရဲ့ ရုပ်ပိုင်းဆိုင်ရာ စမ်းသပ်စစ်ဆေးတာ ရှိတယ်...မင်းလည်း ငါတို့နဲ့အတူတူ စစ်ဆေးဖို့ လိုက်ခဲ့ရမယ်..."

သွမ့်ရှူးထုံ "...နားလည်ပါပြီ..."

မှားနေသည့်အရာ တစ်ခုမှ မပါသော်လည်း ရုပ်ပိုင်းဆိုင်ရာ စမ်းသပ်စစ်ဆေးဖို့အတွက် ယန်မြို့တော်ကို ပြန်ရမည်ဆိုသည်က။ အဖေသွမ့်၏ အတွေးများကို နားလည်သော်လည်း ယန်မြို့တော်ကို လိုက်ဖို့ ဆင်ခြေတစ်ခု ရလာ၍ ပျော်နေမိသည်။

သူတို့မိသားစုက ယန်မြို့တော်ဆီ ပြန်ရောက်သည်နှင့် သွမ့်ရှန်ယဲ့၏ ဦးဆောင်မှုကြောင့် ရန်ကွမ်းဆေးရုံတွင် သွားပြီး ဆေးစစ်မှု ခံယူသည်။

သွမ့်ရှူးထုံက ယင်းက သာမန်ကိစ္စတစ်ခုဟု ထင်ခဲ့သော်လည်း သူ့ကို စစ်ဆေးမည့် ကိရိယာများတွင် မျိုးပွားခြင်းနှင့်ဆိုင်သည့် ကိရိယာတစ်ခု ပါနေလိမ့်မည်ဟု ထင်မထားခဲ့ပေ။

ဒါက ဘာအခြေအနေကြီးလဲ။ သာမန်စစ်ဆေးချက်မျိုးက ဒီလိုပစ္စည်းမျိုး ပါလို့လား။

သူက ရှက်သွားသည်မျိုး ဖြစ်မသွားပဲ တစ်ခုခုထူးဆန်းနေသလို ခံစားမိရုံလေးသာ။

သွမ့်မိသားစုက ရန်ကွမ်းဆေးရုံတွင် နှစ်တိုင်း ဆေးစစ်၍ ရလဒ်ကလည်း အမြန်ထွက်လာသည်။ သူက ဆေးစစ်ချက် ရသည့်အချိန် သွမ့်ရှန်ယဲ့က မည်သူမှ သတိမထားမိခင် သွမ့်ရှူးထုံ၏ စာကို တိတ်တိတ်လေး ဖတ်ကြည့်သည်။

စိတ်အေးအေးထား...အဆင်ပြေသွားလိမ့်မယ်။

သို့သော်လည်း မေးခွန်းတစ်ခု ထွက်လာသည်။ ရွှီယာ့ဇယ်ပြောတာ မှန်နေရင် သူ့သားက ဘာလို့ အစတုန်းက ကောင်မလေးတွေ အများကြီး ထားရတာလဲ။

အပျော်သက်သက်လား...ဒါမှမဟုတ်....

တစ်ခုခုမှားနေမှန်း အလိုလိုသိနေသော်လည်း သွမ့်ရှန်ယဲ့က မယုံချင်၍ ရွှီယာ့ဇယ် လျှောက်ပြောနေသည်ဟု သဘောထားလိုက်သည်။

ဆေးစစ်ပြီးသည့်အချိန်တွင် သွမ့်ရှူးထုံမှာ ရှီသွမ်း ခရီးထွက်နေရ၍ ရှီသွမ်းနှင့် တွေ့ဖို့ အခွင့်အရေး မရချေ။

သူက စိတ်ကို ဖြေသိမ့်လိုက်ရင်း ရှန်းချွမ်ကောင်တီကို ပြန်ကာ အလုပ်ပြန်စသည်။

သူ့တွင် ယခင်ဘဝ အတွေ့အကြုံ ရှိသော်လည်း ဤကမ္ဘာက ဆေးပညာများနှင့် ရင်းနှီးအောင် လုပ်ထားဖို့ လိုသည်။

ယခင်က ဆေးအသစ် သုတေသနပြုဖို့ စိတ်လောနေချိန် ဘာမှမစဥ်းစားပဲ အကြမ်းဖျင်းသာ စာဖတ်ခဲ့ရသည်။ ဟန်လင်နှင့် ကျန်သည့် လက်ထောက်များက အကန့်အသတ်ရှိ၍ သူ့အကြောင်း ဘာမှ ရှာမတွေ့နိုင်လောက်ကြသော်လည်း အနာဂတ်တွင် တစ်ခြားဆရာကြီးများနှင့် တွေ့ပါက သူထူးဆန်းနေမှန်း သိသွားကြလိမ့်မည်။

နွေဦးအစပိုင်းတွင် နိုင်ငံတစ်ဝှမ်းမှ ဝန်ထမ်းခန့်အပ်ခြင်းများ ပြုလုပ်ရာ နွေဦးဆောင်းဦးခန်းမကလည်း ခြွင်းချက်မဟုတ်ပေ။ အရည်အချင်းမြင့်သည့် သုတေသနပညာရှင် တော်တော်များများက အလုပ်ခန့်ခံရပြီး ဓါတ်ခွဲခန်းများသို့ နောက်ဆုံး ဝင်လာကြသည်။

အလုပ်များနေ၍ နေ့ရက်များက ဖြတ်ခနဲ ဖြတ်ခနဲ ကုန်သွားသည်။

သွမ့်ရှူးထုံက ပန်းကန်ထဲက ထမင်းကို ကြည့်နေရင်း လက်ချောင်းနှင့် ရေကြည့်သည်။ သူနှင့် ရှီသွမ်းမတွေ့ရသည်မှာ လတော်တော်ကြာသွားပြီဖြစ်သည်။

ဗီဒီယိုကော ပြောရသော်လည်း အပြင်တွင် မတွေ့နိုင်၍ မပျော်မိပေ။

ရှီလုပ်ငန်းစုက နိုင်ငံတကာစျေးကွက်ကို ဖွင့်လှစ်နေ၍ ရှီသွမ်းက မကြာခဏ နိုင်ငံရပ်ခြား ထွက်ရပြီး သူတို့နှစ်ယောက်မှာ တွေ့ခွင့်မရပေ။

မေလနှောင်းပိုင်းတွင် လင်နန်စီရင်စုဆေးရုံက နွေဦးဆောင်းဦးခန်းမက ထုတ်သည့် ဆေးအသစ်က တတိယအဆင့် စစ်ဆေးမှုကို အောင်အောင်မြင်မြင်ပြီးသွားသည့်အကြောင်း သတင်းကောင်း ပေးလာသည်။

သတင်းထွက်လာသည့်အခါ နွေဦးဆောင်းဦးခန်းမက လူတိုင်းက တော်တော်လေး စိတ်လှုပ်ရှားသွားကြပြီး ဓါတ်ခွဲခန်း၂က သုတေသနအဖွဲ့က ပိုပြီးတော့ပင် မေ့လဲမတတ်ဖြစ်သွားရသည်။

သွမ့်ရှူးထုံက လွဲပြီး ဟန်လင်နှင့် အခြားသုတေသနဝန်ထမ်းများက စကားပြောဖို့ မေ့သွားသည်ထိ အံ့သြသွားခဲ့ကြသည်။

သတင်းကြေငြာဖို့ ဓါတ်ခွဲခန်းကို ရောက်လာသည့် ကျိုင်ကျွင့်က အံ့သြသွားရသည် " မင်းတို့ မပျော်ကြဘူးလား..."

သေချာပေါက် သွမ့်ရှူးထုံက ပျော်နေ၍ အပြုံးလေးနှင့် ပြောလိုက်သည် " စတုတ္ထအဆင့် ပြီးမှ တကယ့်အောင်မြင်မှုက ရောက်လာလိမ့်မယ်..."

အသိပြန်ဝင်လာသည့် ဟန်လင်က သူ့ပုခုံးကို ဖွဖွလေး ပုတ်လာပြီး စိတ်လှုပ်ရှားစွာ ကြည့်လာသည် " တတိယအဆင့် အောင်မြင်တာကိုက အနိုင်ရနေပြီလေ...."

စစ်ဆေးမှု၏ စတုတ္ထအဆင့်က စျေးကွက်ကိုသွားပြီး ဆေးအသစ်ကို လျှောက်လွှာတင်ရသည့် အဆင့်ဖြစ်ပြီး အများဆုံးအသုံးပြု၍ ဆေးအသစ်၏ အာနိသင်ကို စစ်ဆေးရမည်ဖြစ်သည်။

နွေဦးဆောင်းဦးခန်းမက အပေါ်အောက် ယိမ်းခါနေရုံမက စီရင်စုဆေးရုံမှ ပညာရှင်များကလည်း နှလုံးတုန်နေကြသည်။

ဝမ်ရုန်ချန်းက သူ့ဆရာဆီ ချက်ချင်း ဖုန်းခေါ်ပြီး အံ့သြစရာ သတင်းကောင်းကို တင်ပြလိုက်သည်။

ဖုန်းပြောပြီးမှ သူက နည်းနည်းစိတ်အေးသွားရင်း ဘေးက စုန့်ချွေကို ပြောလိုက်သည် " စစ်ဆေးရေး ဆွေးနွေးပွဲမှာ သေချာပေါက် နွေဦးဆောင်းဦးခန်းမက လူငယ်အဖွဲ့နဲ့ တွေ့ရမှာပဲ..."

စုန့်ချွေကလည်း စိတ်ရင်းနှင့် ဝမ်းသာပေး၍ ခေါင်းညိမ့်လိုက်သည်။

ယခုအရာက လူတိုင်း၏ ချီးကျူးဂုဏ်ပြုမှုနှင့် ထိုက်တန်သော တီထွင်မှုတစ်ခု ဖြစ်လေသည်။

****

စာရေးသူမှာ ပြောစရာအချို့ ရှိပါတယ်။

ရှီသွမ်း : မိဘတွေနဲ့ မတွေ့သေးခင်ထိ ငါ ထိန်းထိန်းသိမ်းသိမ်းနေမှ ဖြစ်တော့မယ်။

👨‍❤️‍👨

Prev Next