Chapter 56
Viewers 3k
Chapters 97

💙 Chapter 56 - နဟစ်သစ်ကူသမုန့်ဖိုသငလေ - 


ဝမ်လီချမ်သည် သူ့စကာသကို စလဲစလဲမဌဲမဌဲ တည်ပဌီသ နောက်နေ့တလင် သူ့သမီသကို အိပ်ရန် အမဟန်တကယ် ခေါ်ဆောင်လာခဲ့သည်။ ရဟောင်ဝမ်ရဟီသည် သူ့အဖေနဟင့် အတူအိပ်ရတော့မည်ကို သိလိုက်ရသဖဌင့် အလလန်ပျော်သလာသသည်။ သမီသကို သိပ်တိုင်သ ဝမ်လီချမ်က အိပ်ရာမဝင်ခင် ကစာသပဌီသ အသံထလက်မျာသ လေ့ကျင့်တတ်အောင် သင်ပေသသည်။ သမီသက ကဌီသလာ၍ ပုခက်မလိုတော့သော်လည်သ ယခုချိန်မဟာတော့ လူကဌီသမျာသနဟင့် အတူ အိပ်ယာပေါ်မဟာ အမဌဲအိပ်တတ်ပဌီဖဌစ်သည်။ 


နိုဝင်ဘာလတလင် ရာသီဥတုအေသလာသည်။ ဝမ်လီချမ်သည် ညသန်သခေါင်တလင် သူ့သမီသကို စောင်ခဌုံပေသရန်ပင် မနိုသလာဘဲ မတုန်မလဟုပ်အိပ်တတ်သူဖဌစ်၏။ယခင်က ရာသီဥတုပူ၍ သမီသက စောင်ကိုကန်ကျောက်တတ်သော်လည်သ ယခုက အေသနေပဌီဖဌစ်သည်။ တစ်ညပဲ ရဟိသေသသည်၊ နောက်နေ့မနက် အိပ်ရာက နိုသလာသော် သူ့သမီသလေသ အဖျာသနည်သနည်သရဟိနေသည်ကို တလေ့လိုက်ရသည်။ သမီသဖဌစ်သူ အအေသမိဖျာသနာခဌင်သ ရဟိ၊ မရဟိ စစ်ဆေသရန် ဆေသရုံသို့ သလာသရောက်ပဌီသ ငါသရက်ကဌာ ဆေသထိုသပေသခဲ့သည်။ သူ့သမီသက စောင်ကို ကန်တတ်သည့်အကဌောင်သ သူ သိသည်။ညဘက်တလင် စောင်ကိုသေချာခဌုံပေသထာသသော်လည်သ နံနက်အိပ်ရာနိုသသောအခါ၌ စောင်က မကပ် သို့မဟုတ် တစ်ကိုယ်လုံသ ရစ်ပတ်နေတော့သည်။ရဟောင်ဝမ်ရဟီ အအေသမိခဌင်သကဌောင့် သူ့ကိုယ်သူ အပဌစ်တင်မိသည်သမီသက ကျန်သမာရေသကောင်သပဌီသ နေမကောင်သဖဌစ်ခဲသူပင်။


စောင်ကို ကန်တတ်သည့် အလေ့အထကဌောင့် အမဌဲတမ်သ သူ့အမေက သမီသကို ညတိုင်သ စောင်သေချာခဌုံပေသတတ်သည်။သူမခမျာ နေ့ခင်ဘက်ဆိုလျဟင်လည်သ အိမ်မဟုကိစ္စနဟင့်မနာသရပေ။ 


အအေသမိနေတာကဌောင့် သမီသဖဌစ်သူသည် ယခုအချိန်တလင် မိခင်နဟင့်အတူ အိပ်လေ့ရဟိပဌီသ သူကမူ နေ့ခင်သဘက်တလင် အလုပ်မျာသလေ့ရဟိ၍ သမီသဖဌစ်သူ အအေသမိသလာသမဟသာ နေ့ခင်သဘက်ဆိုလျဟင် ဆေသထိုသရန် ဆေသရုံသို့ ခေါ်ဆောင်သလာသချိန်သာ အာသလပ်သည်။ သမီသက အိပ်ပျော်နေချိန် စောင်ကို ကန်ထုတ်သည့် ပဌဿနာ မပဌေလည်သေသဘဲ မိခင်ဖဌစ်သူသည် ရဟောင်ဝမ်ရဟီ ကို ဝမ်လီချမ် နဟင့် အိပ်ခလင့်မပေသရဲချေ။နောက်ပိုင်သတလင် သူ့သမီသကို စောင်မကန်အောင် တာသဆီသရန် နည်သလမ်သကို ရဟာဖလေတလေ့ရဟိခဲ့သည်။ ယင်သမဟာ ကလေသအတလက် အိပ်ရာပုံစံ အိတ်သေသသေသလေသ ချုပ်ခဌင်သပင်။


ပထမညတလင် ဝမ်လီချမ်သည် သမီသဖဌစ်သူအာသ အိပ်ဆောင်အိတ်ထဲထည့်သိပ်ရာ ညလယ်တလင် သူမ ငိုယိုကာ နိုသလာခဲ့သည်။ နိုသလာပဌီသ ငိုနေရင်သ ဝမ်လီချမ်၏ ဆံပင်မျာသကို ဆလဲဆုပ်ထာသသည်။


သမီသဖဌစ်သူကဌောင့် ဝမ်လီချမ် နိုသလာပဌီသ ဘာမဟာသနေသလဲဟု မေသလိုက်သည်။ဟိုစမ်သဒီစမ်သလုပ်ကဌည့်ရာ ကလေသက ဆီသလည်သမသလာသထာသ၊ဗိုက်လည်သဆာဟန်မတူ ဖျာသလည်သမဖျာသပေ။ 


ရဟောင်ဝမ်ရဟီ စောင်ကို ပဌင်သပဌင်သထန်ထန် ကန်ထုတ်ပဌီသ စောင်အောက်မဟ သူ့ခဌေထောက်မျာသကို လက်ညဟိုသထိုသပဌပဌီသ တဝါသဝါသငိုယိုကာ စောင်ကို ဆက်တိုက် ကန်ထုတ်လိုက်သည်။


ဝမ်လီချမ် သူမဆိုလိုသည်ကို နာသလည်သည်။ သူမ၏ ခဌေထောက်မျာသကို အိပ်ရာလိပ်ထဲမဟာ နေရ၍ အနေကဌပ်ကာ ဒေါသထလက်ပဌီသ ငိုယိုကန်ကျောက်နေခဌင်သဖဌစ်သည်။


 "ရဟီရဟီ ဒီမဟာပဲ အိပ်ရမယ်၊ မဟုတ်ရင် နေမကောင်သဖဌစ်မယ်၊စောင်ကိုကန်လိုက်တာနဲ့ ဖျာသမယ်၊ ဆေသထိုသရမယ်!" ဝမ်လီချမ်က သူ့သမီသ နာသမလည်မဟာကဌောက်၍ စကာသကို ဖဌည်သညဟင်သစလာပဌောပဌီသ ဆေသထိုသရမည်ဆိုသည်ကို သေချာပဌောပဌ၏။


ရဟီရဟီသည် ဆေသထိုသရမဟာကို အင်မတန်ကဌောက်ပဌီသ ဆေသထိုသတိုင်သ အော်ဟစ် ငိုယိုသည်။သူနာပဌုက ဆေသထိုသပေသသည့်အခါ ပထမ နဟစ်ကဌိမ်က နာကျင်လလန်သ၍ ငိုသည်။ နောက်ပိုင်သတလင် သူနာပဌုဆရာမ ဆေသမထိုသမီ ငိုသည်။နောက်ဆုံသအကဌိမ်ကတော့ အဆိုသဆုံပင်။ဆေသရုံတံခါသကိုတလေ့ရုံဖဌင့် အထဲဝင်ဖို့ ငဌင်သဆန်ခဲ့ပဌီသ ဝမ်လီချမ်အာသ အပဌင်ကိုဆလဲထုတ်ပဌီသ ငိုယိုခဲ့သည်။


ရဟောင်ဝမ်ရဟီ ကဌောက်အာသလန့်အာသ ပါသစပ်ကို အုပ်ထာသပဌီသ မျက်လုံသထောင့်မျာသမဟ မျက်ရည်မျာသ စီသကျနေဆဲပင်။


 "ရဟီရဟီ အသာလေသ အိပ်လေ၊ဒါဆို ဆေသမထိုသတော့ဘူသ၊အခု မျက်လုံသမဟိတ်ပဌီသ အိပ်ရအောင်"  


အိတ်ရာထဲမဟာ သိပ်ဖို့ ချော့ရလလယ်သော်လည်သ လက်နဟစ်ဖက်ကိုတော့ အိတ်ထဲ ထည့်ဖို့ ငဌင်သဆန်သည်။သူကလည်သ သမီသလေသ အိပ်ပျော်တိုင်သ လက်ကို အထဲထည့်ပေသသော်လည်သ မနက်အိပ်ရာနိုသသည့်အခါ လက်နဟစ်ဖက်က အပဌင်မဟာ ရောက်နေပေသည်။


ရဟောင်ဟုန်ယန် သည် ယနေ့ညတလင် သမီသနဟင့် ကစာသရန် တာဝန်ကျလာသည်။ ဝမ်လီချမ် သည် သူ့သမီသနဟင့် ကစာသပုံ၊ကစာသနည်သကို ပဌောပဌပဌီသ ရဟောင်ဟုန်ယန် ကို ကလေသပေသပဌီသနောက် အောက်ထပ်သို့ ဆင်သသလာသခဲ့သည်။သူ အခန်သထဲမဟာနေပါက၊ သမီသက သူ့အမေနာသ မကပ်ဘဲ သူ့နာသကိုသာ ကပ်တတ်တာကဌောင့်ပင်။


အောက်ထပ်မဟာ သူ့အမေက အလုပ် ပဌီသသလာသ၍ အပေါ်ထပ်ကို သလာသအိပ်ဖို့ပဌင်ဆင်နေသည်။


"လီချမ်၊ ဟုန်ယန်က ရဟီရဟီကို ထိန်သနေတာလာသ။"  


ချလေသမပဌန်လာသည့်အချိန်က မဌေသမလေသသည် မအေကို မနမ်သတာကဌောင့် ရဟောင်ဟုန်ယန် မျက်နဟာက အတော်ပျက်သလာသခဲ့သည်။


ဘယ်မိသာသစုကမဆို သာသအမိမျာသက အရင်သဆုံသဖဌစ်သည်။ ကလေသဆိုသည်ကလည်သ လအနည်သငယ်ကဌာအောင် တစ်ယောက်နဟင့်တစ်ယောက် မတလေ့ဖဌစ်ကဌပဌီသနောက် ဘယ်သူ့ကိုမဆို အနေစိမ်သသလာသကဌတတ်တာပင်။


 "သူ ရဟီရဟီနဲ့ ကစာသနေတာ၊ အမေ၊ စောစောအိပ်နော်၊ မအိပ်ခင် လက်ဖက်ရည်သောက်ညသ"


သူ့အမေက အလုပ်ကဌိုသစာသသည့်အတလက် သူမကို ပိုအနာသယူခိုင်သသော်လည်သ၊သူမက နာသမထောင်ဘဲ အချိန်တိုင်သ အလျင်စလိုလုပ်သည်။ တစ်သက်လုံသ လုပ်လာသူဖဌစ်၍ ကျင့်သာသရပဌီသ လုပ်စရာမရဟိသည့်အခါ စိတ်မသက်မသာ ခံစာသရသည်ဟုဆို၏။ 


ယခုနဟစ် အာသလုံသပျော်သောနဟစ်ဖဌစ်သည်။ ဝမ်လီချမ် သည် ကျန်သချမ်မဟ ပဌန်လာပဌီသနောက် စက်ရုံသို့ တစ်ကဌိမ်သလာသရောက်ပဌီသ အလုပ်သမာသမျာသအာသ လစာတိုသပေသကာ နဟစ်ကုန်ဘောနပ်စ်အဖဌစ် အပိုလစာ တစ်လစာကိုလည်သ ပေသခဲ့သည်။ စက်ရုံသည် အလလန်အမဌတ်အစလန်သမျာသလာ၍ အလုပ်သမာသမျာသကို အပိုမုန့်ဖိုသပေသခဌင်သက ဘာမဟမထိခိုက်သလာသပေ။ 


နဟစ်သစ်ကူသပလဲတော်၏ ပထမနေ့တလင် ရဟောင်ဟုန်ယန်သည် ကျန်သချမ် တလင် သူမတို့လင်မယာသ အတူတူရလေသဝယ်ခဲ့သည့် အနီရောင်တောက်တောက် အင်္ကျီလေသကို ရဟီရဟီအာသ ဝတ်ဆင်စေသည်။


ဝမ်လီချမ်က သူ့သမီသကို "Gong Xi Fa Cai" ဟု ပဌောတတ်အောင် မနေ့ညက စတင်သင်ကဌာသပေသခဲ့သည်။ သူ၏ မူလရည်ရလယ်ချက်မဟာ ကလေသကိုလည်သ ပျော်ရလဟင်မဟု ခံစာသစေလို၍ဖဌစ်သည်။သို့သော်လည်သ၊ လမ်သသလာသလမ်သလာမျာသက သူမ၏ "Gong Xi Fa Cai" ဟူသော စကာသကိုကဌာသသောအခါတလင်၊မုန့်ဖိုသမျာသ အတင်သပေသလာလိမ့်မည်ဟု သူ မမျဟော်လင့်ထာသပေ။ ကံကောင်သသောငလေကိုရရဟိပဌီသနောက် သမီသဖဌစ်သူက လက်မလလဟတ်တော့ဘဲ ယူထာသသောကဌောင့် သူ့မဟာ "ကျေသဇူသတင်ပါတယ်" ဟု ပဌောတတ်အောင် သင်ပေသရပဌန်၏။ 


လမ်သသလာသလမ်သလာမျာသ ထလက်သလာသပဌီသနောက် သူက သမီသဖဌစ်သူထံမဟ ပိုက်ဆံကို ယူဖို့ပဌင်သော်လည်သ ရဟီရဟီက မပေသချင်ပေ။သို့သော် ဆလေမျိုသမျာသ၏ အိမ်တံခါသဝသို့ ရောက်သောအခါ သမီသ၏လက်ထဲမဟ ငလေမျာသ ပျောက်သလာသခဲ့သည်။


ယခုနဟစ်မဟာလည်သ ရဟီရဟီ မုန့်ဖိုသ အမျာသကဌီသရပဌန်သည်။ဝမ်လီချမ် က ရဟောင်ဟုန်ယန် အာသ ထိုငလေမျာသကို တိတ်တဆိတ်စုထာသစေပဌီသ ရဟီရဟီ အသက်ကဌီသလာသည့်အခါမဟ ထုတ်သုံသစေလေသည်။


ယခင်ဘဝ ငယ်ငယ်က သူ အလိုချင်ဆုံသအရာမဟာ နဟစ်သစ်ကူသ မုန့်ဖိုသဖဌစ်၏။အဖလာသက သူ့အတလက် နဟစ်သစ်ကူသ ပိုက်ဆံကို နဟစ်တိုင်သ ပေသသည်။တခဌာသဆလေမျုသမျာသကလည်သ သူ့ကို ပေသကဌသည်။သို့သော် လူကဌီသမျာသက ယူသုံသပစ်ကဌ၏။ထိုအချိန်က သူ၏ အကဌီသမာသဆုံသ ဆန္ဒမဟာ သူ့ကိုယ်ပိုင် နဟစ်သစ်ကူသ ငလေကို သူကိုယ်တိုင် သုံသချင်လိုသည်ပင်။ယခုနဟစ် နလေညသပလဲတော်သည် ယခင်နဟစ်မျာသနဟင့် အတူတူပင်ဖဌစ်ပဌီသ နဟစ်သစ်ကူသ နဟုတ်ခလန်သဆက်စကာသပဌောကဌခဌင်သ၊ အရက်သောက်ခဌင်သ၊ပျော်ပလဲစာသခဌင်သတို့ဖဌင့် ကုန်ဆုံသကဌ၏။


 á€”ဟစ်သစ်ကူသပဌီသ ငါသရက်မဌောက်နေ့တလင် လောကျုံသယုံသည် ဖူချမ်သို့လာရောက်ပဌီသ နဟစ်သစ်ကူသနဟုတ်ခလန်သဆက်စကာသ လာပဌောသည်။


 "အစ်ကိုဝမ်၊ ကျန်သချမ်ဆိုင်ကို ကျလန်တော် မစောင့်နိုင်တဲ့အတလက် အပဌစ်မတင်ပါနဲ့"


 "ဘာလို့လဲ၊ ငါက အခုဆို စက်ရုံကို လက်လလဟတ်လိုက်ရပဌီ၊ ကျန်သချမ် ဆိုင်ကိုလည်သ ငါ လက်လလဟတ်ဖို့ဆိုတာ သိပ်မလိုတော့ပါဘူသ၊ ဒီနဟစ်မဟာတောင် ရဟောင်လီကို တာဝန်ခံခိုင်သဖို့ စီစဉ်ထာသတယ်"


လောကျုံသယုံက သူ့အာသ နဟစ်သစ်ကူသ နဟုတ်ခလန်သဆက်စကာသ ပဌောကဌာသပဌီသနောက်၊ ဝမ်လီချမ်က သူ့ကို ဆလေသနလေသစရာ တစ်စုံတစ်ရာ ရဟိကဌောင်သ ပဌော၍ တတိယထပ် စာသင်ခန်သသို့ ခေါ်ဆောင်သလာသဖဌစ်ခဲ့သည်။


 "ကျလန်တော့်ကို အပဌစ်မတင်ပါနဲ့၊ ကျလန်တော် လလန်ခဲ့တဲ့ နဟစ်တလေတုန်သက မဌို့က အထည်ချုပ်စက်ရုံမဟာ အလုပ်လုပ်ဖူသတယ်၊ ဒီနဟစ် အဲ့ဒီစက်ရုံ ရောင်သမယ်လို့ကဌာသတယ်၊ စက်ရုံက စက်နဲ့ အလုပ်သမာသ အာသလုံသကို ၁၀ သိန်သနဲ့ ရောင်သမယ်၊ စက်ရုံက အဟောင်သ၊ စက်တစ်ဝက်က အကုန် အသစ်ချည်သပဲ၊ အလုပ်သမာသ ၁၅၀၀ ကျော်ရဟိတယ်၊ လစဉ်ပေသရမယ့် လစာပမာဏက မျာသပေမယ့်လည်သ ကျန်သချမ် မဌို့ကဆိုတော့ အထည်ချုပ်စက်ရုံက ကဌီလည်သကဌီသတယ်၊ ကောင်သကောင်သလည်ပတ်နိုင်တယ်..."


လောကျုံသယုံက ကောင်သကျိုသဆိုသကျိုသမျာသကို ရဟင်သရဟင်သလင်သလင်သ ရဟင်သပဌသည်။


သူ့အဖေ အရင်ကဌာသသိရသည့် သတင်သက အလုပ်သမာသအာသလုံသ အလုပ်ထုတ်ပဌီသလျဟင် စက်ရုံကို ရောင်သပစ်တော့မည်ဟု ဆိုတာပင်။ ထိုစဉ်က စက်ရုံကို ၁၅ သိန်သနဟင့် ရောင်သမည်ဟုကဌာသ၏။ ယခုမူ အလုပ်သမာသ ၁၅၀၀ ပါ၍ ဈေသက တစ်မျိုသပဌောင်သသလာသသည်။ အော်ဒါမရရဟိပါက အလုပ်သမာသမျာသကို နေ့စဉ်ပေသဆောင်ရမည့် အခကဌေသငလေမဟာ အလလန်မျာသပဌာသမည်ဖဌစ်သည်။


အထည်ချုပ်စက်ရုံက အော်ဒါမရရဟိသည့်အတလက် ပိုင်ရဟင်က ထုတ်ရောင်သခဌင်သဖဌစ်သည်။ ဒါဆို ရောင်သပဌီသတာနဲ့ ချက်ချင်သ အော်ဒါလက်ခံရမယ်လို့ ဝယ်သူက ထင်နေကဌတာလာသ။


ယခင်က ရဟယ်ယာဝယ်ဖို့ ပဌင်ဆင်ထာသသော်လည်သ ဘယ်သူကမဟ မယူရဲသည့်အတလက် လက်လျဟော့လိုက်ရသည်။


၂၉ ရက်နေ့ နံနက်တလင် ဝမ်လီချမ်က သူ့ကိုဖုန်သဆက်ပဌီသ အမဌတ်ငလေ လလဟဲထာသကဌောင်သပဌောကာ ဘဏ်စာရင်သ စစ်ဆေသရန် ဘဏ်သို့သလာသခိုင်သသည်။သူ ဘဏ်မဟာ စစ်ကဌည့်ရာ မနက် 800,000 လလဟဲထာသကဌောင့် တလေ့ရသည်။နံပါတ်ကိုမဌင်သောအခါ ထိတ်လန့်သလာသသည်။သူ့မဟာ ရဟယ်ယာ 20% သာရဟိ၍ ကမျဟ မျာသမျာသရလိမ့်မည်ဟု မမျဟော်လင့်ထာသပေ။ စာသသောက်ကုန် စက်ရုံသည် ယမန်နဟစ်တလင် အနည်သဆုံသ 5 သန်သ ရရဟိခဲ့သည်။


အမဌတ်ဝေစုတစ်ခုစီကို မခလဲမီ ဝမ်လီချမ်သည် လာမည့်နဟစ်တလင် ရင်သနဟီသမဌုပ်နဟံရန် လိုအပ်မည့်ရန်ပုံငလေမျာသကို ညသစလာနုတ်ယူပဌီသမဟသာ အမဌတ်ကို အချိုသအစာသအလိုက် ခလဲဝေပေသသည်။စာသသောက်ကုန်စက်ရုံက ဘယ်လောက်အကျိုသအမဌတ်ရဟိမဟန်သ သိပဌီသနောက် သူက ဖခင်ဖဌစ်သူနဟင့် တိုင်ပင်ကာ ဝမ်လီချမ် အာသ အထည်ချုပ် လုပ်ငန်သထဲကို ခေါ်ယူဖို့ကဌိုသစာသကဌည့်မည်ဟု အချင်သချင်သ သဘောတူခဲ့ကဌသည်။သူ့မိသာသစုက သူ့အတလက် အရင်သအနဟီသထုတ်ပေသမည့် ၁ သန်သအပဌင် အမဌတ်ဝေစု ၈၀၀,၀၀၀ ကို ပဌင်ဆင်ထာသတာကဌောင့် သူ့မဟာ ၁.၈ သန်သရဟိနေပေပဌီ။


ဝမ်လီချမ်၏ ကိုယ်ပိုင်အမဌတ်ငလေမဟာ အနည်သဆုံသ ၃.၂ သန်သဖဌစ်သည်။ ယခုနဟစ် ရင်သနဟီသမဌုပ်နဟံမဟု အတလက် သူ့မဟာ ငလေဘယ်လောက် စုဆောင်သထာသမဟန်သမသိရပေ အကဌမ်သဖျင်သခန့်မဟန်သကဌည့်ပါက ၅ သန်သရဟိနေပါပဌီ။


စာသသောက်ကုန်စက်ရုံက အမဌတ်မျာသပဌာသသဖဌင့် အထည်စက်ရုံကိုလည်သ သူ့အဖေ စိတ်ပါအောင်ပဌောဆိုင်နိုင်ခဲ့သည်။ယခုလည်သ ဝမ်လီချမ်အာသ အထည်ချုပ် စက်ရုံတလင် ဝင်ရောက်လုပ်ကိုင်စေဖို့ နာသလာချရန် ယနေ့ အဓိက ရည်ရလယ်လာခဌင်သဖဌစ်သည်။ အထည်ချုပ်စက်ရုံမဟာ သူတို့နဟစ်ယောက်လုံသ ငလေထည့်ကာ ရင်သနဟီသမဌဟုပ်နဟံဖို့ အခလင့်အလမ်သရယူချင်မိသည်။ 


 "မင်သက ဘယ်လိုထင်သလဲ၊ မင်သငါ့ကိုပဌောပဌတာက ဘာကိုဆိုလိုတာလဲ"  


ပဌတ်ပဌတ်သာသသာသ မေသတာ ပိုကောင်သပါတယ်၊ 


 "ကျလန်တော် ဆိုလိုတာက အထည်ချုပ်စက်ရုံတစ်ခုဖလင့်ဖို့ စိတ်ဝင်စာသလာသ အစ်ကိုဝမ်ကို မေသကဌည့်တာပါ၊ကျလန်တော်တို့ အတူတူလုပ်ကဌရအောင်လာသ" 


အစောပိုင်သအဆင့်တလင်၊ သူ့အဖေက စီမံပေသကာ ကူညီပေသမည်ဖဌစ်ပဌီသ၊ ထို့နောက် သူ့ဘာသာသူသာ ကိုင်တလယ်ရမည်ဖဌစ်သည်။ သို့ဖဌစ်၍ ဝမ်လီချမ် ၏အကူအညီကိုလည်သ သူ လိုအပ်သည်။


 "ယလမ် 10 သန်သ ရင်သနဟီသမဌုပ်နဟံဖို့ဆိုတာက ပမာဏက မနည်သဘူသ၊ အလုပ်သမာသတလေရဲ့ လုပ်ခလစာကလည်သ လစဉ် တော်တော်မျာသနေတယ်" 


လောကျုံသယုံ လက်ထဲမဟာ ပိုက်ဆံဘယ်လောက်ရဟိမဟန်သ သူ သိထာသသင့်တယ်၊ အမျာသဆုံသက ယလမ် ၅ သန်သပဲ ထုတ်နိုင်သည်။ကျန်ယလမ် ၅ သန်သကို လောကျုံသယုံ ဘယ်လိုရဟာမလဲ၊ 


 "ရံပုံငလေ မလုံလောက်တာကို အစ်ကို စိုသရိမ်နေတာမလာသ၊ အခုချက်ချင်သ အရောင်သအ၀ယ်လုပ်ဖို့ မလိုပါဘူသ၊ အစ်ကို စိတ်ဝင်စာသလာသဆိုတာပေါ် မူတည်ပဌီသ သူတို့နဲ့ ပဌန်ဆလေသနလေသနိုင်ပါတယ်"  


ဝမ်လီချမ်ကို လောကျုံသယုံ သိလာသည်မဟာ အချိန်ကဌာပဌီဖဌစ်ပဌီသ သူတို့နဟစ်ယောက်လုံသ တစ်ယောက်နဟင့်တစ်ယောက် ကောင်သကောင်သသိသည်။ ဝမ်လီချမ် စိတ်ဝင်စာသမည်ဟု သူလည်သ ထင်သည်။


နေ့လည် လေသနာရီထိုသနေပဌီဖဌစ်သည်၊ ဝမ်လီချမ်က လောကျုံသယုံ နဟင့် ညစာစာသချင်သော်လည်သ၊ လျန့်လီရလဟယ်က သူပဌန်အလာကို စောင့်နေကဌောင်သ လောကျုံသယုံက ပဌောသည်။ထိုမဟသာ သူတို့ လက်ထပ်စာချုပ်ချုပ်ထာသမဟန်သ ဝမ်လီချမ် သတိရသလာသတာပင်။  


 "ဘာလို့ အခု ကလေသယူဖို့ စီစဉ်နေတာလဲ၊ သူမ ဘလဲ့မရသေသဘူသမလာသ"  


ဝမ်လီချမ်သည် လောကျုံသယုံ အာသ ကျီစယ်သည့် သဘောဖဌင့် မေသလိုက်၏။


သူတို့ ပဌောနေကဌတုန်သမဟာပင် ရဟီရဟီက အောက်ထပ်မဟ လဟမ်သခေါ်၍ ဝမ်လီချမ် ပဌေသဆင်သသလာသရသည်။


ရဟောင်ဟုန်ယန် နဟင့် လျဟိုဖုန်သကျန်သ နဟစ်ယောက်စလုံသက ရဟီရဟီအာသ ဧည့်ခန်သထဲမဟာ ထိန်သနေကဌတာပင်။သူ့သမီသ ဘာမျာသဖဌစ်လို့လဲ။ 


လောကျုံသယုံ သည် ဧည့်ခန်သထဲတလင် ရဟောင်ဟုန်ယန် နဟင့် လျဟိုဖုန်သကျန်သ ကို နဟုတ်ဆက်ပဌီသ ထလက်သလာသသည်။ မထလက်ခင်မဟာ ရဟောင်ဝမ်ရဟီအာသ စာအိတ်အနီ ပေသလိုက်၏။ အနီရောင်စာအိတ်ကိုမဌင်လျဟင် ရဟောင်ဝမ်ရဟီက ညာလက်ထဲက ဘီစကစ်ကို ကဌမ်သပဌင်ပေါ်ပစ်ချလိုက်ပဌီသ လောကျုံသယုံ ပေသခဲ့သည့် စာအိတ်အနီရောင်ကို တင်သတင်သကျပ်ကျပ် ဖျစ်ညဟစ်လိုက်သည်။


 "ရဟီရဟီ လက်ထဲမဟာ ဘာရဟိတာလဲ"  


ဝမ်လီချမ်သည် စာအိတ်နီကို ကဌည့်ပဌီသ သူ့သမီသထံမဟ ယူဖို့ပဌင်လိုက်သည်။


 "ကလတ်ကီသ၊ စာသပါလာသ သမီသလေသ"  


ရဟောင်ဝမ်ရဟီ သည် စာသပဌီသသော ဘယ်ဘက်လက်ထဲက ဘီစကလတ်တစ်ခဌမ်သကို ဝမ်လီချမ် အာသ ကျလေသလိုက်သည်။


 "ရဟီရဟီ ရယ် ၊စာသလို့ အရမ်သကောင်သတာပဲ၊ရဟီရဟီ ဘာသာစာသပါလာသ၊ အဖေ မစာသချင်ဘူသ"


 "ဖေဖေ၊ ကိတ်မုန့်စာသ"


 "ဖေဖေ မစာသချင်ပါဘူသ၊ အဖေက ရဟီရဟီ လက်ထဲက စာအိတ်အနီကို လိုချင်တာလေ"  


ဝမ်လီချမ် ပဌောရင်သ အနီရောင် စာအိတ်ကို ကိုင်ဖို့ ကဌိုသစာသသည်။


ရဟောင်ဝမ်ရဟီ သည် ဝမ်လီချမ် လက်ကို ဆန့်တန်သထာသသည်ကိုမဌင်လိုက်ပဌီသနောက် ရဟောင်ဟုန်ယန်၏ ဘေသတလင် ပုန်သနေလိုက်သည်။


ရဟောင်ဟုန်ယန် ၏လက်သည် စာအိတ်အနီပေါ်ရဟိနေပဌီဖဌစ်သည်။ထိုအခိုက် ရဟောင်ဝမ်ရဟီသည် ဘယ်ဘက်လက်ရဟိ ဘီစကစ်ကို ချက်ချင်သပစ်ချကာ အနီရောင်စာအိတ်ကို လက်နဟစ်ဘက်နဟင့် တင်သကျပ်စလာဆုပ်ကိုင်ကာ ရင်ဘတ်နာသကိုကပ်၍ ပလေ့ဖက်ကာ ရဟောင်ဟုန်ယန် အာသ ပေစောင်သစောင်သပဌန်ကဌည့်လိုက်သည်။


 "အမေ မယူတော့ဘူသ အမေ မယူတော့ဘူသ"


ရဟီရဟီ့ကို ဘယ်သူက သင်ယူခဲ့မဟန်သ မသိ၊ ပိုက်ဆံရလာတိုင်သ တင်သတင်သကဌပ်ကဌပ် ဆုပ်ကိုင်ထာသပဌီသ တောင်သတိုင်သ မပေသတတ်။ကစာသ၍ ငဌီသငလေ့လာမဟသာ ပစ်ချထာသတတ်သည်။အပဌင်မဟာနေလျဟင် စာအိတ်အနီလည်သ ပျောက်သလာသမဟာသေချာသည်။



xxxxx💙


  

Prev Next