အပိုင်း ၂၆၅-၂၆၆

Part 265

 ကျန်းယန်ရှန့်က ယွဲ့ စုန့် သူမကို လက်ထပ်ခွင့်​တောင်းတဲ့အ​ကြောင်း ရှုလီချန်ကိုသာ ​ပြောပြခဲ့သည်။

 "​သေစမ်း! မင်းငြင်းလိုက်တာ​တောင် ​ကျေးဇူးတင်ရမယ်" ရှုလီချန်မှာ လက်ထပ်ခြင်းဆို​သော စကားလုံးကို ကြားတိုင်း PTSD ​ပေါ်လာတာ ဖြစ်သည်။ 

"လက်ထပ်တာ ဘာ​ကောင်းလို့လဲ? လူ​တွေက ဘာလို့ လက်ထပ်ချင်​နေရတာလဲ? သူတို့ စိတ်​ရောမှန်​သေးရဲ့လားပဲ? ချစ်ရုံ​လေးပဲ ချစ်ပြီး ​ခွေးစာ​တွေကြဲရတာ မ​ကောင်းဘူးလား? ဘာလို့များ သူတို့က အတူတူ ချည်​နှောင်ပြီး ​ချောက်နက်ထဲ ခုန်ဆင်းချင်​နေရတာလဲ?"

 T/N Post traumatic stress disorder

 ကျန်းယန်ရှန့်က​တော့ သူမအ​ကြောင်း ​ကောင်း​ကောင်းသိတဲ့ တစ်​ယောက်​ယောက် ကို ညွှန်ပြပါက ထိုလူက ရှုလီချန်ပဲ ဖြစ်မည့်အ​ကြောင်း ​သိ​လေသည်။

 သူနှင့် သူမတို့က ဖြတ်သန်းခဲ့ရသည့် ဘဝအ​တွေ့အကြုံများက အလွန် တူညီကြပြီး နှစ်​ယောက်စလုံးက တစ်နည်းနည်းနဲ့ အပြန်အလှန် နားလည်​နေကြခြင်း ဖြစ်​လေသည်။

 သို့​သော်လည်း ရှုလီချန်က​တော့ အမြဲတမ်း တည်ငြိမ်​နေပြီး စိတ်​ပေါ့ပါး​နေသည့် ယွဲ့ စုန့်လို လူမျိုးကို ကျန်းယန်ရှန့်က သူလက်ထပ်ခွင့်​တောင်းတာကို ငြင်းလိုက်သည့်အ​ကြောင်း​တွေးမိ​တော့ တဟားဟား ​အော်ရယ်မိသွားသည်: 

"ဒီလူအိုကြီးက စိတ်မမှန်​တော့ဘူးလား? သူက နှစ်ဆယ်​ကျော်ပဲ ရှိ​သေးတယ်... သူလက်ထပ်ချင်တဲ့ အိမ်​ထောင်​ရေးမျိုးက ဘယ်လို ဖြစ်မလဲ?!"

 ရယ်​မောပြီး​နောက် သူထပ်​မေးလိုက်ပြန်သည်: "ငါ​ပြောကြည့်တာပါ... ​လောင်ယွဲ့က ဘယ်လိုဖြစ်တာလဲ? သူ့ကို အို​နေပြီ​ပြောရ​အောင်ကလည်း အသက်22ပဲ ရှိ​သေးတာကို... တကယ်​ပြောတာ... သူက ဘယ်လိုများ လက်ထပ်ဖို့ ​တွေးမိပါလိမ့်? သူတို့လို အသက်ကြီးတဲ့လူ​တွေရဲ့ ဦး​နှောက်က ငါတို့လို ဆယ်​ကျော်သက်​တွေနဲ့ တကယ် ကွာတာပဲ.. ဟုတ်တယ်မလား?"

 အမှန်အတိုင်း​ပြောရလျှင်​တော့ ကျန်းယန်ရှန့်က ယွဲ့ စုန့်ကို နားလည်​လေသည်။

 ကျွမ်းကျင်သူ​တွေက ​ပြောကြသည်။ အချစ်ရဲ့ အကာအကွယ်ဘဝက 11လအတွင်းမှာပဲတဲ့။ သို့​သော်လည်း သူတို့​တွေ အတူရှိလာတာ တစ်နှစ်​ကျော်​နေပြီ ဖြစ်​သော်ငြား ကျန်းယန်ရှန့်၏ ​ကောလိပ်ဝင်ခွင့်စာ​မေးပွဲ​ကြောင့် ထိုစာသင်နှစ်အတွင်းမှာ သူတို့ချိန်း​တွေ့ရတာ ရှားသည်ပင်။ထို့​ကြောင့် သူတို့၏ အမှန်တကယ် ချစ်ရသည့်အချိန်​လေးက 11လထက်နည်း​နေနိုင်သည်။

 ပြီး​တော့လည်း ယွဲ့ စုန့်နဲ့ သူမက သူတို့အတူရှိသည့်အချိန်မှာသာ ပူ​လောင်ပြီး ချိန်မြိန်သည့်ကာလကို ပိုင်ဆိုင်ခဲ့ကြတာ ဖြစ်​လေသည်။

 ​များ​သောအားဖြင့် အမျိုးသားများက စပြီး လက်ထပ်ခွင့်​တောင်းသည့် အချိန်က အ​ခြေ​အ​နေနှစ်မျိုး ရှိနိုင်သည်: ပထမ အ​ချက်က​တော့ သူတို့က အချစ်မှာ အလွန်အမင်း ​ပျော်ဝင်​နေပြီး သူတို့၏ ခံစားချက်များကို ကန့်သတ်မထားနိုင်​တော့တာ​ကြောင့် ဖြစ်သည်။ ဒုတိယ အ​ကြောင်းမှာကာ လူအများက လက်ထပ်မှတ်ပုံတင်ရခြင်း၏ အားသာချက်အကျိုးရလဒ် များကို ချိန်တွယ်​နေပြီး လူနှစ်​ယောက်က တည်ငြိမ်သည့် မိသားစုဘဝကို တည်​ဆောက်နိုင်မည်ဟု ယုံကြည်​သော​ကြောင့် ဖြစ်​လေသည်။

 ပြီး​တော့လည်း ကျန်လူများက လက်ထပ်ခွင့်​တောင်းဖို့ အ​ကြောင်းအရင်းမရှိတာနှင့် လက်ထပ်ခွင့်မ​တောင်းချင်တာပဲ ဖြစ်နိုင်သည်။ ဖြစ်နိုင်တာက အချိန်​ရောက်လာ​သည့်အခါ သူတို့ ပိုအသက်ကြီးလာ​​တာကြောင့် ဒါမှမဟုတ် သူတို့မိဘ​တွေက လက်ထပ်ဖို့ တိုက်တွန်းတာ​ကြောင့် ထိုသူနှစ်​ယောက်က တစ်​ယောက်​ယောက်ကို မရှာ​တော့ဖို့ ဆုံးဖြတ်ချက်ချလိုက်ခြင်းပင်။ သူတို့က အချင်းချင်း​ ​မေးကြလိမ့်မည် "ဘယ်အချိန် လက်ထပ် မှတ်ပုံတင်ကြမလဲ" ပြီး​တော့ ထိုပုံစံနဲ့ပဲ ဆက်သွားကြလိမ့်မည်ပင်။

 အခုချိန်မှာ​တော့ ယွဲ့ စုန့်က သိသိသာသာပင် ခိုင်မာ​သော ချစ်ခြင်း​​မေတ္တာတို့ ဖြင့်ပထမဆုံး အမျိုးအစား ဖြစ်နိုင်​ပေသည်။

 ရှုလီချန်က ရယ်​မောလိုက်ပြီး ယွဲ့ စုန့်ကို 'လူအိုကြီး'လို့ ​ခေါ်လိုက်​သော်ငြား ယွဲ့ စုန့်က တကယ်​တော့ မကြား​သေးခင်ကမှ တက္ကသိုလ်မှာ စီနီယာ​ကျောင်းသားဘဝက​နေ ဘွဲ့ရထားသည့် ​ကောင်​လေးတစ်​ယောက်သာ ဖြစ်​လေသည်။သူဘယ်​လောက်ပဲ ပိုပြီး ရင့်ကျက်ပြီး တည်ငြိမ်စွာ ပြုမူ​နေပါ​​စေ အဆုံးမှာ​တော့ တူညီသည့် လူငယ်​ကောင်​လေးတစ်​ယောက်သာပင်။

 သူ လက်ထပ်ခွင့်​တောင်းသည့် အချိန်က သူ့သ​ဘောထားကို ပွင့်ပွင့်လင်းလင်း ​ဖော်ပြခဲ့သည်: ထိုသူက တက္ကသိုလ် ပရဝဏ်မှ ထွင်ခွာသွားပြီး ကျန်းယန်ရှန့်က​ ထိုပရဝဏ်အတွင်း ဝင်ရ​တော့မည် ဖြစ်သည်။ ယွဲ့ စုန့်က တက္ကသိုလ် ​လေးနှစ်တာကာလက လူတစ်​​ယောက်ကို ဆယ်​ကျော်သက် အရွယ်မှ လူငယ်၊မိန်းမငယ်​လေး အရွယ်ကို ​ပြောင်းလဲသွားဖို့ အ​ရေးကြီး​သော ကာလဖြစ်​ကြောင်း သိ​​လေသည်။ သူ့အ​တွေးထဲမှာ ဖြစ်နိုင်သည့် အ​ပြောင်းအလဲများကို ​တွေးမိသည့်အတွက် အာမခံတစ်ခု ရယူထားလိုခြင်းပင်။

 သူက ထိုခရီးစဥ် မတိုင်ခင်ကပင် လက်ထပ်ခွင့်​တောင်းဖို့ အစီအစဥ်များ လုပ်ထားပြီးသား ဖြစ်ရမည်။

 ပြီး​တော့လည်း ​ကောလိပ်ဝင်ခွင့်စာ​မေးပွဲ အပြီးမှာ ထိုခရီးထွက်ဖို့ အရင်ကတည်းက အစီအစဥ်ဆွဲပြီးသား ဖြစ်သည်။ သူတို့နှစ်​ယောက်က ​သေချာ မ​ပြောထားကြ​​သော်လည်း ကျန်းယန်ရှန့်၏ အရွယ်နှင့်မလိုက်​​သော ရင့်ကျင်မှုနှင့်ဆိုလျှင် ယွဲ့ စုန့်က​တော့ သူဆိုလိုချင်တာကို သူမနားလည်လိမ့်မည်ဟု သိပြီးသားဖြစ်သည် - ​ယောကျ်ားတစ်​ယောက်နှင့် မိန်းမတစ်​ယောက်က အတူတကွ ခရီးထွက်ကြခြင်းက သူတို့၏ဆက်ဆံ​ရေးကို အဆင့်တက်လိုခြင်း​ကြောင့်ပင်။

 သို့​သော်လည်း ထိုညမှာ ယွဲ့ စုန့်က တကယ် တုန့်ဆိုင်း​နေခဲ့သည်။ ထိုလူက အမြဲတမ်း အ​တွေးလွန်ပြီး အစိုးရိမ်လည်း လွန်တတ်​သေးသည်။ ထိုအစား ကျန်းယန်ရှန့်ကသာ တိုက်ခိုက်ဖို့ အစပြုခဲ့လို့ သူတို့နှစ်​ယောက် အဆင့်တက်ကာ ပိုပြီး နီးကပ်လာကြတာ ဖြစ်သည်။

 ကျန်းယန်ရှန့် သေချာမသိတဲ့ တစ်ခုက​တော့ အကယ်၍ သူတို့သာ ထို​နေ့က နီးကပ်တဲ့ ဆက်ဆံ​ရေးမရှိခဲ့ရင် ယွဲ့ စုန့်က ​နောက်​တေ့မှာ လက်ထပ်ခွင့်​တောင်းပါ့မလား ဆိုတာပင်။

 သို့​သော်လည်း ထိုအ​တွေး​တွေကို ​နောက်ထပ်​တွေးဖို့ မလို​တော့​ပေ။ အ​ကြောင်းမှာ သူတို့နှစ်​ယောက်က နီးကပ်တဲ့ ဆက်ဆံ​ရေးတစ်ခု ရှိလာခဲ့ပြီး ​နောက်တစ်​နေ့မှာ ယွဲ့ စုန့်က တုန့်ဆိုင်းမ​နေဘဲ လက်ထပ်ခွင့်​တောင်းလာခဲ့သည်။

 ထပ်ပြီး​တော့ ကျန်းယန်ရှန့်က ငြင်းလိုက်​သောအခါတွင်လည်း စိတ်မပျက်သွားဘဲ တည်တည်ငြိမ်ငြိမ် လက်ခံလိုက်​သေးသည်။ ကြည့်ရတာ သူက သူမငြင်းလိုက်မည်ကို အစကတည်းက ​မျှော်မှန်းထားပြီးသား ဖြစ်ရမည်။

 သူ့လက်ထပ်ခွင့်​တောင်းခြင်းက အ​ဖြေ တစ်ခုအတွက် မဟုတ်ဘဲ ​ဖော်ပြချက် တစ်ခုသာ ဖြစ်​လေသည်။

 သူက အ​ဖြေကို အတင်းမတိုက်တွန်းဘဲ ကျန်းယန်ရှန့်ကို ​အနာဂတ်မှာ သူတို့၏ဆက်ဆံ​ရေး ရေးအတွက် သူ့ရဲ့ အဆုံးစွန် ​သော ​​​မျှော်လင့်ချက်များကို ရှင်းရှင်းလင်းလင်း ​ဖော်ပြခဲ့သည်။

 အချစ်က တစ်ခါတစ်ရံမှာ ကစားပွဲတစ်ခု ဖြစ်သည်။

 ကျန်းဟယ်လင်း၏ အတန်းတင်စာ​မေးပွဲ ပြီးသွား​တော့ ကျန်းယန်ရှန့်၏ ​​ကောလိပ်ဝင်ခွင့်စာ​မေးပွဲရလဒ်သည်လည်း ထွက်လာခဲ့သည်။ သူမက ​​​အ​ခြေအ​နေ​ကောင်းရုံသာ မဟုတ် အလွန်အမင်း အ​ကောင်းဆုံးဟု ဆိုနိုင်​ပေသည်။

 "K တက္ကသိုလ်.. ​သေချာပြီ!" ကျန်းဟွမ်က သူမရဲ့ အမှတ်​တွေကို ကြည့်ပြီးသည့်​နောက်

 ​ကျေနပ်အားရစွာ ​ပြောလိုက်သည်။

 "​​ဖေ​ဖေ အစ်မက Kတက္ကသိုလ်ကို ​သေချာ​ပေါက် သွားရ​တော့မှာလို့ ​ပြောချင်တာမလား?" ကျန်းဟယ်လင်းက ကျန်းယန်ရှန့်ကိုယ်တိုင်ထက်​တောင် စိတ်လှုပ်ရှား​နေ​သေးသည်။

 သူမက ​ခြောက်တန်းနှစ်မှာ ရုတ်တယက် အရပ်ပို ရှည်လာခဲ့ပြီး သူမအ​​မေထက်​တောင် ပိုရှည်မည့်ပုံပင်။ သူမအရပ်ကဘအခုအချိန်မှာ အရွယ်​ရောက်သူတစ်​ဦးနီးပါး ရှိလာခဲ့သည်။ ထို့အပြင် ကျန်းယန်ရှန့်က ကျန်းဟယ်လင်းရဲ့အရပ်က သူမအလယ်တန်းတုန်းကထက် ပိုရှည်​နေသလို ခံစား​နေရသည်။ သူမက ထိုအချိန်တုန်းကလုံးဝမိန်းက​လေးဆန်သည့်ပုံ ​ပေါ်​နေခဲ့တာ ဖြစ်သည်။

 "အိုး အိုး အိုး!" ကျန်းဟွမ်က ​ပျော်ရွှင်စိတ်လှုပ်ရှားမှု​ကြောင့် သူ့ဒူးကို ပွတ်တိုက်လိုက်ပြီး ကျန်းယန်ရှန့်ကို ​ပြောလိုက်သည် "​ဖေ​ဖေ ဒီလို​​နေ့မျိုး ​ရောက်လာခဲ့မယ်လို့ တစ်ခါမှ မ​မျှော်လင့်ထားခဲ့ဘူး"

 လွန်ခဲ့တဲ့ သုံးနှစ် ကျန်းယန်ရှန့် အလယ်တန်းတုန်းက သူမရဲ့ အတန်းလုပ်​ဆောင်ချက်​တွေက သာမန်မျှသာ ဖြစ်ပြီး သူမရဲ့ အကျင့်စရိုက်ကလည်း မ​ကောင်း​ပေ။ ထိုအချိန်တုန်းက ကျန်းဟွမ်က အနာဂါတ်မှာ ကျန်းယန်ရှန့်ရဲ့ ပညာ​ရေးကို ​ငွေနဲ့ လမ်း​ဖောက်​ပေးဖို့ အစီအစဥ် ရှိထားပြီးသား ဖြစ်သည်။ ကျန်းယန်ရှန့်သာ ရီ အထက်တန်း​ကျောင်းလို ​ကျောင်း​ကောင်းမျိုးကို ​ရောက်ခဲ့ပါက သူမမလိုက်နိုင်ခဲ့ရင်​တောင် ဘွဲ့ ကြို ဒီပလိုမာ အတွက် နိုင်ငံခြားကို ပို့ဖို့ ပိုက်ဆံသုံးလိုက်မည် ဖြစ်သည်။ ထို့မှသာ သူမျက်နှာမပျက်​စေရမည် ဖြစ်သည်ပင်။

 ကျန်းဟွမ်မှာ ဘာ​မျှော်မှန်းချက်မှ မရှိခဲ့​ပေ။ သို့​​သော်လည်း သူမထင်ထားခဲ့တာက ကျန်းယန်ရှန့်က ရီ အထက်တန်း​ကျောင်းသို့ ဝင်ခွင့်ရခဲ့သည်။ သုံးနှစ်အကြာမှာ​တော့ သူမက နှစ်ထပ်ကွမ်း ပထမတန်းစား တက္ကသိုလ်1ကို တက်ခွင့်ရခဲ့ပြီ ဖြစ်သည်။

 T/N နှစ်ထပ်ကွမ်း ပထမတန်းစား တက္ကသိုလ် အစီအစဥ်- ကမ္ဘာ့ အဆင့်ပထမတန်းစားတက္ကသိုလ်များနှင့် ပထမတန်းစား ပညာ​ရေးဆိုင်ရာ ဥပ​ဒေ တည်​ဆောက်မှု ညွှန့်​ပေါင်းသည်ကား 2050ပြည့်နှစ်တွင် အဆင့်မြင့် တရုတ်တက္ကသိုလ်များနှင့် သူတို့၏ သက်ဆိုင်ရာ သင်ကြား​ရေးဌာနများကို ကမ္ဘာ့အဆင့်မီ ပညာ​ရေး ဖြစ်လာ​စေရန် ရည်ရွယ်ကာ 2015တွင် တရုတ်ပြည်သူ့သမ္မတနိုင်ငံအစိုးရက ပုံစံချခဲ့​သော အဆင့်မြင့်တန်းပညာ​ရေး ဖွံဖြိုး​ရေးပုံစံ ဖြစ်သည်။

 နိုး..နိုး... မဟုတ်​သေးဘူး!

 ကျန်ကျန်းဟွမ်တစ်​ယောက် ကျန်းယန်ရှန့်ရဲ့ ​ပြောင်းလဲမှု​တွေက ရီ အထက်တန်း​​ကျောင်းကို မဝင်ခင် အချိန်အကြာကြီးကတည်းက ရှိ​နေခဲ့တာ ဖြစ်​ကြောင်း ရုတ်တရက် သ​ဘော​ပေါက်သွားသည်။

 သူမက အလယ်တန်း​အောင်ပြီးသည့် ​နွေရာသီအားလပ်ရက်မှာကတည်းက စပြီး​ပြောင်းလဲသွားတာ ဖြစ်သည်။ အကယ်၍ ​နွေရာသီအားလပ်ရက်မှာ အားသွန်ခွန်စိုက် ကြိုးစားခဲ့တာ​ကြောင့်သာ မဟုတ်ခဲ့ပါက ထိပ်တန်း​ကျောင်းကို ဘယ်လိုများ ဝင်ခွင့်ရနိုင်ပါလိမ့်မလဲ?

 ထိုအချိန်မှာ​တုန်းက သူ့မှာ ခံစားချက်မျိုးစုံ ​ သက်​ရောက်​နေပြီး ရုံးခန်းထဲမှာပဲ အမြဲရှိ​နေခဲ့တာ​ကြောင့် သတိမထားမိခဲ့​ပေ။

 သို့​​သော်လည်း အခုအချိန်မှာ သုံးနှစ်တာ ကုန်လွန်သွားပြီ ဖြစ်ပြီး ထိုအချိန်က ​နွေရာသီအားလပ်ရက်ကို ပြန်​​တွေးကြည့်မိသည့်အခါတွင်​တော့ အံ့သြတုန်လှုပ်မှုနဲ့ မထိန်းချုပ်နိုင်​သော ခံစားချက်များ ​ပေါ်လာရသည်။

 သို့​သော်လည်း ထိုအရာက ခဏတဖြုတ်သာပင်။ ကျန်းဟွမ်က သူ့ဒူး​ခေါင်းကို ပွတ်​နေတာကို ရပ်လိုက်ပြီး သူ့​ပေါင်ကို ပုတ်လိုက်​လေသည် "ယန်ယန် ​ဖေ​ဖေ ဒီတစ်ခါ​တော့ သမီးအတွက် ဂုဏ်ပြုပါတီ လုပ်​​ပေးမှ ဖြစ်မယ်!"

 "​ဖေ​ဖေ အရင်တုန်းက အစ်မချီချီ လုပ်သလိုမျိုးလား?" ကျန်းဟယ်လင်းက ထိုအ​ကြောင်းကို သတိရလာပြီး ​ပြောလိုက်သည် "ဦး​လေးက အစ်မချီချီကို ကားဝယ်​​ပေးတဲ့ တစ်​ခေါက်တုန်းက​လား?"

 ကျန်းယန်ရှန့်က​တော့ ထိုပါတီနှင့် ပတ်သက်ပြီး သိပ်မ​တွေးထား​ပေ။ ပထမအချက်က ထိုပါတီက သူမပြန်လည် မ​မွေးဖွားခင် ရက်အနည်းငယ်မှာ လုပ်ခဲ့တာ ဖြစ်ပြီး ဒီဘဝမှာ မ​တက်​ရောက်ခဲ့ရ​ပေ။ အရင်ဘဝတုန်းက သူမရဲ့ ထူးချွန်​ပြောင်​မြောက်လှ​သော ဝမ်းကွဲအစ်မ၏​ရှေ့တွင်တော့ သူမက သာမန်​ညောင်ညသာ ဖြစ်ပြီး ထိန်းချုပ်အုပ်စု2 မှာသာ ပါခဲ့ရသည်။

 ထိန်းချုပ်အုပ်စု- အခွင့်ထူးခံ မဟုတ်​​သော ​ကျောင်းသားမျာအတွက် ကြုံရာကျပန်း ​ရွေးချယ်ထား​သော ​လက်​တွေ့ ဘာသာရပ်များကို ​ရွေးချယ်​ပေးခြင်း ဖြစ်သည်။ ထိန်းချုပ်အုပ်စုကို လိုအပ်ရခြင်း အ​ကြောင်းကား -ထိုထိန်းချုပ်အုပ်စုမရှိပါက ထို လုပ်ငန်းစဥ်နှင့် အ​ပြောင်းအလဲများက သက်​ရောက်မှု ရှိမရှိ မဆုံးဖြတ်နိုင်​ပေ။ 

 ထို့​ကြောင့်ပင် သူမက ထိုကဲ့သို့ ပွဲများအ​ပေါ် အမြင်​ကောင်း မရှိခဲ့ခြင်း ဖြစ်သည်။

 သို့​သော်ငြား ​ရှေ့ဆက်ပညာသင်ကြားဖို့ ပြုလုပ်ကြသည့် ထိုပွဲများတွင်​တော့ လူအများက သူတို့က​လေး​တွေ စာ​မေးပွဲမှာ ​ကောင်း​ကောင်း မလုပ်နိုင်ခဲ့ရင်​တောင်မှ ကျင်းပ​ပေး​နေအုံးမည် ဖြစ်သည်။

 ကျန်းယန်ရှန့်က​တော့ ဂရုစိုက်မ​နေ​ပေ: "လုပ်ကြတာ​ပေါ့"

 သူမက နာရီကြည့်လိုက်သည်: "သမီး ကား​မောင်သင်ဖို့ သွားရ​တော့မယ်"

 သူမနှင့်ယွဲ့ စုန့်တို့ နိုင်ငံခြားမှ ပြန်​ရောက်လာပြီး​နောက် ကျန်းယန်ရှန့်က ချက်ချင်းပင် ကား​မောင်းစသင်ခဲ့​တော့သည်။

 မြို့​တော့K၏ ကား​မောင်းစွမ်းရည် စစ်​ဆေးခြင်း စနစ်ကို ပြန်လည်ပြင်ဆင်ပြီး​နောက် ကား​မောင်းသင်တန်း​ကျောင်းကို သွားစရာမလိုဘဲ စစ်​ဆေးသည့်စနစ်ကို ​လျှောက်ထားနိုင်​သော်လည်း ထို​ပြောင်းလဲမှုက အခုအချိန်မှာ မရှိခဲ့​​သေး​ပေ။ ကျန်းယန်ရှန့်က လိုင်စင်ရချင်​တာ​ကြောင့် အမည်စာရင်းသွင်းဖို့ ကား​မောင်းသင်တန်း​ကျောင်းကို အရင်သွားဖို့ လို​ပေသည်။

 ရှုလီချန်သည်လည်း ကား​မောင်းသင်ဖို့အတွက် ​ဒီနှစ်နွေရာသီကို Kမြို့မှာပဲ ​နေ​နေသည်။

 ချက်ကျလက်ကျ​ပြောရလျှင်​တော့ သူတို့နှစ်​ယောက်က ကား​မောင်းကျွမ်းကျင်သည့် သင်တန်းသားများသာ ဖြစ်သည်။

Xxxxxxx

Part 266

 ကျန်းယန်ရှန့် ထွက်သွားပြီး​နောက် ကျန်းဟယ်လင်းက ​ကျန်းဟွမ်ကို တိတ်တိတ်​လေး ​မေးလိုက်သည်: "​ဖေ​ဖေ အစ်မကို ဘာဆုချမှာလဲ?"

 ကျန်းဟွမ်က ကျန်းဟယ်လင်းကို ပြုံးပြလိုက်သည်: "​ဖေ​ဖေ သမီးကိုပြမယ်... ဒါ​ပေမယ့် သမီးအစ်မကို​တော့ မ​ပြောရဘူး​နော်!"

 ကျန်းဟွမ်က သူ့ဖုန်းကိုယူကာ ကျန်း​ဟယ်လင်းကို ပြလိုက်သည်။

 ကျန်းဟယ်လင်းက သူမမျက်နှာကို လက်နှစ်ဖက်ဖြင့် အုပ်လိုက်​လေသည်: "ဝိုး~"

 သူမအစ်မ​ဆီက​နေ အမြဲ သင်ယူ​နေသည့် ထိုမိန်းက​လေးက ကိစ္စတော်​တော်များများကို သင်ယူထားပြီး ဖြစ်သည်။ သူမရဲ့ ​အေးစက်စက် အ​ရောင်အဝါ​တွေက သုံးစက္ကန့်အတွင်းမှာသာ မကြာခဏ ​ပေါ်လာတတ်ပြီး သူမရဲ့ မူလပုံစံဖြစ်​သော အရိုးထဲထိ အူ​ကြောင်​ကြောင်နိုင်ပြီး ချိုမြိန်​သော ပုံ​စံ​လေး ပြန်​​ပြောင်းသွားလေ့ရှိသည်။

 ကျန်းဟွမ်က သူမကို သတိ​ပေးလိုက်သည်:

 "သမီးအစ်မကို မ​ပြောပြနဲ့​နော်... သူသိထားရင် ​ပျော်စရာမ​ကောင်း​တော့ဘူး!"

 အနုပညာ တက္ကသိုလ်များက ကြိုတင်ပြီး ​ကျောင်းသားလက်ခံ​လေ့ရှိသည်။ ရှုလီချန်က SXကိုသာ တသမတ်တည်း ​လျှောက်ထားပြီး ​နောင်မှာ Hမြို့​တော်ဆီ ​ကျောင်းသွားတက်ရမှာ ဖြစ်သည်။

 "ငါ့အ​မေက ရုပ်ရှင်ကုမ္ပဏီတစ်ခုကို စ​ထောင်​နေပြီ" ရှုလီချန်က ဆိုသည် "သူ့ငါ့အတွက် ​ရွှေမန်​နေဂျာတစ်​ယောက်ကိုလည်း စရှာ​ပေး​နေပြီ"

 ရှုမိသားစု အရှုပ်​တော်ပုံ​တွေနဲ့ သူ့အ​မေရဲ့ ပြင်းထန်တဲ့ နည်းလမ်း​တွေ​ကြောင့် သူတို့နှစ်​ယောက်က တူညီ​သော အခက်အခဲများကို ရင်ဆိုင်​နေရသော်လည်း သူတို့အကြားမှာ မြင်သာ​သော အတားအဆီးတစ်ခုရှိ​နေပြီး အနည်းငယ် ပို​ဝေးကွာလာခဲ့သည်။

 ကျန်းယန်ရှန့်က အ​မေရှုတစ်​ယောက် သူမ ရှုလီချန်ကို ​ပေးထား​သော ကတိကို ဖြည့်ဆည်း​ပေးနိုင်ဖို့ အလုပ်ကြိုးစား​နေတာကို ကြား​နေရသည်။ သူမက သူမတို့၏ အ​မေနှင့်သားဆက်ဆံ​ရေးကို ပြန်လည်ပြင်ဆင်ပြီး အမီလိုက်နိုင်ဖို့ ကြိုးစား​နေတာ ​ဖြစ်သည်။

 ကျန်းယန်ရှန့်က ရှုလီချန်ကို သူ့အ​ဖေအ​ကြောင်း မ​မေးခဲ့သလို သူကလည်း ဘာမှ​ပြောမလာခဲ့​ပေ။

 ထိုကိစ္စ ဖြစ်ပြီးကတည်းက သူက သူ့အ​ဖေအ​ကြောင်း ကျန်းယန်ရှန့်ကို တစ်ခွန်းမှ မဟ​တော့တာ ဖြစ်သည်။

 ရှုလီချန်က စကားလမ်း​ကြောင်း​ပြောင်းကာ ​မေးလိုက်သည်: "မင်း ဘယ်လို ကားမျိုးဝယ်မှာလဲ?"

 ကျန်းယန်ရှန့်က​တော့ ထူးမခြားစွာပင်: "အချိန်ကျ​တော့မှ အဲ့ဒီအ​ကြောင်း ​ပြောကြတာ​ပေါ့"

 ရှုလီချန်က ​ဆိုသည်: "ငါက ကားဝယ်ထားပြီးပြီ... လမ်း​ပေါ် တရားဝင်​မောင်းနိုင်​အောင် ကား​မောင်လိုင်စင်ရဖို့ ​စောင့်​နေတာ... ကား​မောင်းသင်တန်းကို သွားရတာက အရမ်း စိတ်ပျက်ဖို့​ကောင်းတာပဲ"

 ​ကျောင်းဝင်ခွင့်ထွက်လာပြီး​နောက် ကျန်းယန်ရှန့်က Kတက္ကသိုလ် ဝင်ခွင့်ရတာကို အထူးတလှယ် အံ့သြမ​နေ​ပေ။ ကျန်းဟွမ်က​တော့ ကျန်းယန်ရှန့်အတွက် ဂုဏ်ပြုပွဲ လုပ်​ပေးဖို့ မိသားစုထဲက ​ဆွေမျိုးများနှင့် မိတ်​ဆွေများကို ဖိတ်ထားခဲ့သည်။

 ကျန်းယန်ရှန့်၏ ဦး​​လေး ဖြစ်​သော ​ကျန်းယုက ကျန်းယန်ရှန့်အတွက် အလွန် ဝမ်းသာ​နေပြီး သူ့ဇနီး ​ကျောက်လန်ဖန်ကို ​ပြောလိုက်သည် "ဘာလို့ မသွားချင်တာလဲ? ငါတို့ မသွားလို့ မသင့်​တော်ဘူး​လေ"

 ​သူမရဲ့သားက အိမ်ပြန်လာဖို့ အခုချိန်ထိငြင်းဆန်​နေပြီး နိုင်ငံရပ်ခြားမှာ ပုန်း​အောင်း​နေသည်။ ​ကျောက်လန်ဖန်က​တော့ ဒီနှစ်မှာ ဘာ​ပျော်စရာကိစ္စမှ မရှိဘူးလို့ ခံစား​နေရတာ ဖြစ်သည်။

 "​ကောင်းပြီ​လေ... သွားကြတာ​ပေါ့" သူမက စိတ်ဝင်တစား ​ပြောလိုက်သည်။

 သူမက သူ့မယောကျ်ားက သူမသမီးကို ​ပြော​နေတာကို ကြားလိုက်ရ​လေသည်:

 "​ကောင်းလိုက်တာ... ​နောက်ဆို သမီးနဲ့ ယန်ယန်က ​ကျောင်းတူတူတက်ရ​တော့မှာ... သမီးက အစ်မကြီးဆို​တော့ ​ကျောင်းမှာ ယန်ယန်ကို ​စောင့်​ရှောက်​ပေးရမယ်​နော်"

 ​ကျောက်လန်ဖန်က ​ဒေါသတကြီး ​ပြောလိုက်သည် " တစ်​ယောက်​ယောက်က သူ့ကို ​စောင့်​ရှောက်​ပေးဖို့ လိုရ​အောင် ယန်ယန်က အသက်ဘယ်​လောက်မို့လဲ?"

 ကျန်းယုက​တော့ ခပ်ပြုံးပြုံးပင် :"သ​ဘော​ပြောတာပါ"

 ​ကျောက်လန်ဖန်က ကျန်းချီကို ရုတ်တရက် ​ပြောလိုက်သည်: "ယန်ယန်ရဲ့ ဂုဏ်ပြုပွဲကို သမီး​ကောင်​လေးပါ ​ခေါ်ခဲ့​လေ"

 ကျန်းချီက​တော့ ​ဒေါတတကြီး ဖြစ်​နေ​လေ၏ : "သမီးမှာ ​ကောင်​လေးမရှိဘူး"

 "​လောမင် အီလစ်ထ​ရောနစ်က ​ရှောင်ဝူ ဆိုရင်​ရော" ​ကျောက်လန်ဖန်က ဆက်​ပြောလိုက်သည် " ဒါမှမဟုတ်ရင် ဟိုလူရဲ့ ​မြေး​လေးဆိုရင်​ရော... ထားလိုက်​တော့.. သူ့မိသားစုက ​ကျောက်မီး​သွေးတူးတာ... ဒါ​ကြောင့်မို့ ထားလိုက်​တော့... ငါ သူ့အ​ကြောင်းမ​ပြောသင့်ဘူး... ​ရှောင်ဝူကိုပဲ ​ခေါ်သွားရ​အောင်"

 ​ကျန်းယုက​တော့ ဆွံ့အသွားရ​လေပြီ :"သမီးမှာ ​ကောင်​လေး ဘယ်နှစ်​ယောက်​တောင် ရှိတာလဲ?"

 "ဘာ​တွေဂရုစိုက်​နေတာလဲ?" ​ကျောက်လန်ဖန်က သူ့ကို တစ်ချက်ပုတ်လိုက်သည် "ကုမ္ပဏီကိစ္စကိုပဲ ဂရုစိုက်စမ်းပါ... ကျွန်မတို့သမီးက အရမ်းလှတယ်​​လေ... သူ့မှာ ပိုးပန်းတဲ့သူ​တွေ အများကြီး ရှိတာ ဘာဆန်းလဲ... ရှင် ဘာ​တွေများ မ​ကျေမနပ် ဖြစ်​နေတာလဲ?"

 ကျန်းယုက ဘယ်လိုများ မ​ကျေမနပ် ဖြစ်ရဲမှာလဲ? သူ အရင်က ​ကျောက်လန်ဖန်ကို လိုက်ခဲ့တုန်းကလည်း ထို ပိုးပန်းသူများကို ​ကျော်ဖြတ်ခဲ့ရသည်ပင်။ သူက နှစ်ကြိမ်မျှ နှာမှုတ်လိုက်သည်။

 ​ကျောက်လန်ဖန်က​တော့ နှစ်ရက်အကြာမှာ သူမတက်ရမည့် ရှိုးပွဲအတွက် ​​ကျန်းချီနဲ့ တိုင်ပင်​နေ​လေသည်။

 ကျန်းချီ အရွယ်​ရောက်လာပြီး​နောက် ​ကျောက်လန်ဖန်က သူမကို လူကုံထံအမျိုးသမီးများနှင့် နာမည်​ကျော်များ၏ တွေ့ဆုံပွဲများကို ​စပြီး ​ခေါ်သွား​လေ့ရှိသည်။ ဧည့်ခံပွဲများ ညစာစားပွဲများနှင့် ဖက်ရှင်ရှိုးပွဲများက သူမတို့မကြာခဏ ​ပေါ်လာ​လေ့ရှိ​သော ​နေရာများ ဖြစ်ကြသည်။

 ကျန်းယုက ဆက်ပြီး နား​ထောင်ချင်စိတ် မရှိ​​တော့တာ​ကြောင့် ထွက်သွား​တော့သည်။

 ကျန်းယန်ရှန့်၏ Kတက္ကသိုလ် ဝင်ခွင့်အတွက် ဂုဏ်ပြုပွဲက စီစဥ်ထားသည့်အတိုင်း ကျင်းပခဲ့သည်။

 ကျန်းဟွမ် ဖိတ်ကြားထား​သော မိတ်​ဆွေများ ​ဆွေမျိုးများအပြင် ကျန်းယန်ရှန့်သည်လည်း သူမ၏ သူငယ်ချင်းများကို ဖိတ်ထားခဲ့သည်။ သုံးနှစ်တာ အတန်း​ဖော်များ ဖြစ်လာပြီး​နောက် သဘာဝကျကျပင် ကျန်းယန်ရှန့်မှာ သူမနှင့် ရင်းနှီးပြီး သူငယ်ချင်းဟု ဆိုနိုင်​သော အတန်း​ဖော်များလည်း ရှိလာခဲ့​လေသည်။

 သို့​သော်လည်း အံ့အားသင့်ဖွယ်အ​နေနဲ့ အတန်း တစ် မှ ကျန်းကျစ်ယွမ်သည်လည်း ​အမှန်တကယ် ရောက်လာခဲ့သည်။

 အတန်း​ဖော်များက​တော့ ကျန်းယန်ရှန့်၏အိမ်မှာ ​ရှော့ရ​နေကြသည်။

 လွန်ခဲ့သည့် သုံးနှစ်တာအတွင်း ကျန်းယန်ရှန့်က သိုသိုသိပ်သိပ်​နေကာ မကြွားဝါတတ်​သော်လည်း အ​သေးစိတ်ကျကျကြည့်လျှင် သိသာ​နေဆဲပင်။ အတန်းထဲက ​ကျောင်းသားများက ကျန်းယန်ရှန့်ရဲ့ မိသားစုက အ​ခြေအ​နေ​ကောင်းတာကို သိကြ​ပေမယ့်လည်း ထိုမျှအထိ ချမ်းသာလိမ့်မည်ဟု မ​တွေးမိကြ​ပေ။

 လူတိုင်းက ပုံမှန်ထက်​ ​ကောင်း​ကောင်း ပြုမူ​နေကြပြီး စကား​ပြောသည့်အခါတွင်လည်း သတိထားပြီး ယဥ်ယဥ်​ကျေး​ကျေး ​ပြောဆို​နေကြသည်။ ထိုလူအများထဲမှ ကျန်းယန်ရှန့်တစ်​ယောက် ကျန်းကျစ်ယွမ်ကို ​တွေ့မိလိုက်သည်။

 သို့​သော်လည်း ကျန်းယန်ရှန့်က ကျန်းကျစ်ယွမ်ကို မဖိတ်ထားခဲ့​ပေ။ 

 အတိတ်မှာတုန်းက လူတိုင်းက အခန်းတူတူမှာ ကျခဲ့ကြပြီး တစ်​ယောက်နှင့် တစ်​ယောက် ဆက်ဆံ​ရေးလည်း မဆိုးဝါး​​ပေ။ သို့​သော်လည်း ကျန်းကျစ်ယွမ်က အထူးတန်းကို ​ပြောင်းသွားခဲ့သည်။ လူ​တွေအကြားမှာ ရုပ်ပိုင်းဆိုင်ရာ ကွာ​ဝေးမှုများ ရှိလာသည်နှင့် ထိုလူများအကြား ဆက်ဆံ​ရေးသည်လည်း ကျဲ​တောက်သွားတတ်သည်။

 ကျန်းယန်ရှန့်နှင့် ကျန်းကျစ်ယွမ်တို့၏ ဆက်ဆံ​ရေးမှာ ​​အချိန်အကြာကြီး ကတည်းက ကျောင်းမှာ​တွေ့လျှင် ​ခေါင်းငြိမ့်ပြရုံ​လောက်အထိသာ မှိန်​ဖျော့သွာခဲ့တာ ဖြစ်သည်။ နှစ်နှစ်အတွင်း စကား​ပြောဖို့ အခွင့်အ​ရေးလည်း မရှိခဲ့​ပေ။

 "နင်လာမယ်လို့ မထင်ထားဘူး" ကျန်းယန်ရှန့်က ​တော်​တော်​လေး ​ပျော်သွားခဲ့သည် 

"စကားမစပ် ချန်ပီယံကြီးကို ဂုဏ်ပြုပါတယ်!"

 ယခု ဘဝမှာလည်း သူမရဲ့ အရင်ဘဝကလိုပင် ကျန်းကျစ်ယွမ်က ​ဒေသတစ်ခုလုံးရဲ့ ချန်ပီယံ ဖြစ်လာခဲ့ပြီး Qတက္ကသိုလ်ကို ​​အောင်​အောင်မြင်မြင် ဝင်ခွင့်ရခဲ့သည်။

 ကျန်းကျစ်ယွမ်က ခပ်ယဲ့ယဲ့ပြုံးကာ ​ပြောလိုက်သည်

 "သူတို့​တွေ အုပ်စုဖွဲ့ စကား​ပြောခန်းထဲမှာ ဒီ​နေ့အ​ကြောင်း ​ပြော​နေကြတာ ​တွေ့​တော့ ငါမ​မေးမိမချင်း မသိခဲ့ဘူး​လေ... ဒါ​ကြောင့် ငါလည်း ဂုဏ်ပြု​ပေးဖို့လာခဲ့တာ... မဖိတ်ဘဲ လာခဲ့တာမို့ မင်းစိတ်မရှိဖို့ ​မျှော်လင့်ရတာပဲ"

 ကျန်းယန်ရှန့်က ပြုံးပြလိုက်သည် "ဘာကို စိတ်ရှိရမှာလဲ... ​သေချာ​ပေါက် ကြိုဆိုတာ​ပေါ့... နင်တို့ ခဏ​စောင့်ကြအုံး"

 ကျန်းယန်ရှန့်က ကျန်းဟွမ်ကို ဆွဲထုတ်လာပြီး သူ့ကို မိတ်ဆက်​ပေးလိုက်သည် "သူတို့​တွေက သမီးရဲ့ အတန်း​ဖော်​တွေ"

 သူမက သူတို့နာမည်​တွေကို မိတ်ဆက်​ပေး​တော့ ကျန်းဟွမ်က ပြုံးပြကာ အားလုံးကို ​ခေါင်းငြိမ့်ပြလိုက်သည် "​ကောင်းပြီ.. ​ကောင်းပြီ"

 ​နောက်ဆုံးမှာ​တော့ သူမက ကျန်းကျစ်ယွမ်ကို မိတ်ဆက်​ပေးလိုက်သည် "ဒီနှစ်မှာ သူက သမီးတို့​​​​တစ်ပြည်နယ်လုံးရဲ့ ပြည်နယ်ချန်ပီယံ​လေ... Qတက္ကသိုလ်မှာ ဝင်ခွင့်ရထားတာ"

 ကျန်းဟွမ်က "အိုး"ဟူ​​သော အသံထွက်လာကာ သူ့လက်ကို ကျန်းကျစ်ယွမ်ဆီ ဆန့်ထုတ်​ပေးလိုက်သည် "​တော်လိုက်တာ... ​တော်လိုက်တာ!"

 သူက ကျန်းယွမ်ရှန့်ယဲ့ အတန်း​ဖော်များကို 'က​လေးများ' ဟုသာ သတ်မှတ်ထားတာ ဖြစ်ပြီး သူတို့ကို နှုတ်ဆက်သည့်အချိန်တွင် ​ခေါင်းသာ ငြိမ့်ပြခဲ့တာ ဖြစ်သည်။ သို့​သော်လည်း ကျန်းကျစ်ယွမ်ကိုမူ လက်ဆွဲနှုတ်ဆက်ဖို့ လက်ဆန့်​ပေးခဲ့သည်။

 ကျန်းကျစ်ယွမ်က အကျင့်မဖြစ်​သေး​​သော်လည်း ကံ​ကောင်းစွာဖြင့် ခပ်မြန်မြန် တုံ့ပြန်လာကာ သူ့လက်ကို အ​လောတကြီး ပြန်ဆန့်​ပေးလိုက်သည် :"အရမ်းချီးကျူးလွန်း​နေပါပြီ"

 သူက ရှက်​​နေပုံမ​ပေါ်​သော်လည်း အ​တွေ့အကြုံအများကြီး မရှိသည့်ပုံ​ရသည်။

 ကျန်းယန့်ရှန့်က ကျန်းဟွမ်၏ အပြုအမူများမှ ထိုအချက်ကို သတိပြုမိလိုက်သည်။

 အကယ်၍ မင်းမှာသာ အခြားသူ​တွေ အသိအမှတ်ပြုရ​လောက်​သော တန်ဖိုးတစ်ခုခု ရှိပါက ထိုလူများက သင့်ကို အခြားလူများနှင့် ကွဲပြားစွာ ဆက်ဆံလိမ့်မည် ဖြစ်သည်။

 ကျန်းယန်ရှန့် ခပ်ယဲ့ယဲ့ ပြုံးလိုက်သည်။

Xxxxxxx