အပိုင်း ၂၅

နူးညံသော အမျိုးသမီးအရံဇာတ်ကောင် A နှင့် အာဏာရှင် အမျိုးသားဇာတ်လိုက် O

အပိုင်း ၂၅

သူသည် အိုမီဂါ ဖြစ်ဖြစ် အယ်လ်ဖာဖြစ်ဖြစ် မည်သူမျှ သူ့ကို မထိန်းချုပ်နိုင်ပေ။

အိုမီဂါဖြစ်လျှင်တောင်မှ အယ်လ်ဖာထိန်းချုပ်မှုခံရမယ့်အစား အယ်လ်ဖာကို လက်ဖဝါးတွင် ကိုင်ချုပ်ထားမည့် အိုမီဂါပဲဖြစ်ရမည်။

ချောင်းမို၏ တစ်ကိုယ်လုံး တောင့်တင်းလာခဲ့သည်၊ အကြောင်းမှာ ကျန်းလော့ကျစ်သည် သူမကို နမ်းရုံသာမက သူ့လက် မှာလည်း ...

ချောင်းမို၏ ဦးရေပြားမှာ ထုံကျင်နေပြီး သူမတစ်ကိုယ်လုံး ရွှင်မြူးမှုကြောင့် ပေါက်ကွဲသွားသယောင်ပင်။ တစ်ချိန်တည်းမှာပင် ကျဉ်းမြောင်းသော ဓာတ်လှေကားအတွင်း ပြင်းထန်သော ရနံ့နှစ်ခု  လှည့်ပတ်ရင်း ရောထွေးရင်းနဲ့ ပေါက်ကွဲသွားသည်ကို ခံစားလိုက်ရသည်။

ထိုအချိန်တွင်၊ ချောင်းမို၏ မသိနားမလည်သော နှလုံးသားသည် ရုတ်တရက် ရှင်းလင်းလာပြီး သူမ ယခင်က နားမလည်ခဲ့သော လျှို့ဝှက်ဆန်းကြယ်မှုမှာ လုံးဝ ပြေလည်သွားခဲ့သည်။

ပိုင်ယွဲ့ကွမ်းက ဒီစကားတွေကို ဘာကြောင့် ပြောရတာလဲ၊ ကျန်းလော့ကျစ်က ဘာလို့ ဒီလို တုံ့ပြန်ရတာလဲ၊ သူမရဲ့ ခန္ဓာကိုယ်ကို ပုံမှန်မဟုတ်စေတဲ့ အပူကို ဘာလို့ခံစားနေရတာလဲ၊ အရေးကြီးဆုံးကတော့ ဒီကမ္ဘာကြီးမှာ တစ်ခုခုမှားနေတယ်လို့ ဘာလို့သူမ အမြဲခံစားရတာလဲဆိုတာတွေပဲ။

ဘာလို့လဲဆိုတော့ သူမသည် ခွေးသွေးနှိပ်ဆက်မှု ဝတ္ထုလောကထဲ လုံးဝမဝင်ရောက်ခဲ့တဲ့အပြင် ကျန်းလော့ကျစ်နဲ့ ပိုင်ယွဲ့ကွမ်းတို့သည်လည်း အမျိုးသားနှင့် အမျိုးသမီး ဇာတ်ဆောင်များ မဟုတ်ခဲ့ပေ။ သူမသည် မကြုံစဖူး ထူးဆန်းသော လိင်လောကသို့ ရောက်ရှိလာခဲ့ပြီး သူမက အယ်လ်ဖာတစ်ဦးဖြစ်ကာ ကျန်းလော့ကျစ်က အိုမီဂါဖြစ်သည်။

တစ်နည်းဆိုရသော် သူမသည် အဲ့လိုကြီးမားပြီးချစ်ဖို့ကောင်းသည့် မိန်းကလေးတစ်ယောက် ဖြစ်လာခဲ့သည်။ 

အဘယ်ကြောင့်ဆိုသော် ဤကမ္ဘာပေါ်တွင် အဓိက လိင်သည် ယောက်ျားနှင့်မိန်းမဖြစ်ပြီး ABO သည် မျိုးကွဲလိင်ဖြစ်သောကြောင့် သူမ၏ ဖုံးကွယ်ထားသောလိင်မျိုးကွဲကို မဆိုထားနှင့် ဒီကမ္ဘာ၏ အမှန်တရားကိုပင် သူမ ဘယ်သောအခါမှ ရှာဖွေတွေ့ရှိခဲ့ခြင်း မရှိပေ။

ယခုမှသာလျှင် ကျန်းလော့ကျစ်၏  heat ကာလသည် သူမ၏ heat ကာလအား လှုံ့ဆော်ပေးလိုက်မိပြီး လျှို့ဝှက်ထူးဆန်းသော ဆန္ဒတစ်ခု ပေါ်ပေါက်လာသောအခါတွင်မှ အရာအားလုံး မှားယွင်းနေကြောင်း သူမ သဘောပေါက်လာခဲ့သည်။

အနှစ် ၄၀ ကျော် တစ်ကိုယ်တည်းနေခဲ့သော ပရော်ဖက်ဆာ ချောင်းက ရုတ်တရက် မောဟိုက်လာတော့သည်။

အကြောင်းမှာ သူဌေး ကျန်းလော့ကျစ်သည် ဓာတ်လှေကား ထောင့်တွင် သူမအား ဆွဲကပ်လိုက်ပြီး ဓာတ်လှေကား၏ နံရံတစ်ဖက်၌ ပိတ်လှောင်လိုက်သောကြောင့် ဖြစ်သည်။

ချောင်းမို အရင်ဘဝကလိုသာဆိုပါက ၎င်းသည် အလွန်ဂန္ထဝင်ဆန်သောပုံစံဖြစ်ပြီး ချောင်းမို ကိုယ်တိုင်လည်း အလွန်စိတ်လှုပ်ရှားနေပေမည်။

သို့သော် ယခု သူမ ဤကမ္ဘာ၏ အမှန်တရားကို သိလိုက်ရတော့ အနည်းငယ် ထူးဆန်းသည်ဟု ခံစားမိသည်။

ဘာကြောင့်လဲဆိုတော့ သူတို့နှစ်ယောက်ကြားက ကျန်းလော့ကျစ်က ပိုသန်မာတယ်လို့ထင်ရပေမယ့် တကယ်တမ်းမှာတော့ ကျန်းလော့ကျစ် ခန္ဓာကိုယ်ရဲ့ တုန်ယင်နေမှုကို ခံစားနိုင်ပြီး အထူးသဖြင့် သူတို့ဖယ်ရိုမုန်းတွေ ရောယှက်ပြီးနောက် ကျန်းလော့ကျစ်က အချိန်မရွေး ပြိုလဲတော့မည့်အလားပင်။ ကျန်းလော့ကျစ်၏ ရေပွက်အိုင်လို ပျော့ပျောင်းသော အသွင်အပြင်သည် ချောင်းမို၏ စိတ်အခြေအနေကို သိမ်မွေ့စွာ ပြောင်းလဲစေခဲ့သည်။

ဖြူစင်ပြီး အပြစ်ကင်းစင်တဲ့ မိန်းကလေးကို လှည့်စားနေသည့် သူမ အရင်ဘဝတုန်းက လူယုတ်မာတစ်ယောက်လိုပင်။

မဟုတ်ဘူး၊  ABO ခန္ဓာကိုယ်တည်ဆောက်ပုံအရဆို  ကျန်းလော့ကျစ်သည် နူးညံ့သောမိန်းကလေးထက် ပို၍ပင် နုနယ်နေသေးသည်။ ထိုကဲ့သို့ လုံးဝဆန့်ကျင်နေသောကွဲလွဲချက်သည် ရိုးရိုးရှင်းရှင်းပင် တွေးကြည့်၍မရပေ။

"မင်း ဘာတွေ တွေးနေတာလဲ?"

ချောင်းမို၏ အာရုံပျံ့လွင့်မှုသည် နောက်ဆုံးတွင် ကျန်းလော့ကျစ်၏ အာရုံကို ဖမ်းစားသွားခဲ့သည်။ သူသည် ပင်လယ်ဒီရေကြောင့် အသက်အန္တရာယ်ရှိသည့် အရေးပေါ်အခြေအနေထဲ ရောက်နေသော ပင်လယ်သားရဲတကောင်လိုပင်။ သူ့မျက်လုံးထောင့်များမှ အေးစက်သော အရိပ်အယောင်တိုင်းသည် ဆွဲဆောင်မှုနှင့် ဆွဲဆောင်မှုတို့ကို ပေါ်လွင်စေသည်။ နောက်ဆုံးတွင် သူက ချောင်းမို၏ နှုတ်ခမ်းများကို လွှတ်လိုက်ပြီး စိတ်ပြောင်းကာ ချောင်းမိုမေးကို ပင့်တင်လိုက်သည်။

ကျန်းလော့ကျစ် တစ်ဖက်သားကို ဖြားယောင်းနေရင်တောင် သူ့လေသံသည် ဘာမှမထူးခြားသလို သူ့အမူအရာကလည်း လွှမ်းမိုးမှုအပြည့်နှင့်သာ။

သူက မျက်လုံးကို ငုံ့ပြီး သူ့လက်ဖဝါးထဲက အယ်လ်ဖာကို စိုက်ကြည့်နေသည်။ အခြားသူသည် သူ့ထက် သေးငယ်ပိန်ပါးပြီး နူးညံ့သိမ်မွေ့သော မျက်နှာသည် သူ့ထက် သမာရိုးကျ အိုမီဂါနှင့် ပိုတူသည်။ အထူးသဖြင့် ယခုဆိုလျှင် မိန်းကလေးသည် နှင်းဖြူရောင် ဝတ်စုံနှင့် စကတ်ရှည်ကို ၀တ်ထားပြီး ဖြူဝင်းသော ပုခုံးများ ပေါ်နေကာ သူ့ကို မသိလိုက်ဘဲ မော့ကြည့်ရင်း သူမ၏ နုပျိုသော ကြွေရောင် မျက်နှာလေး နီမြန်းသွားပုံမှာ နက်နက်ရှိုင်းရှိုင်း ဖုံးကွယ်ထားပြီး သူ့ကို အချိန်အကြာကြီး လိမ်ညာထားခဲ့သည့် ဆိုးယုတ်သော အယ်လ်ဖာဖြစ်ကြောင်း မပြောနိုင်လောက်အောင်ပင်။

ကျန်းလော့ကျစ်သည် ချောင်းမို၏ အဖြေကို စောင့်မနေဘဲ၊ ကိုယ့်ကိုယ်ကိုယ် ထေ့ငေါ့သော အပြုံးဖြင့် "အယ်လ်ဖာက ဒီအချိန်မှာ တခြားဘာတွေများ စဉ်းစားနိုင်ဦးမှာလဲ"

ကျန်းလော့ကျစ်က ချောင်းမိုကို စိုက်ကြည့်ရင်း ပြောခဲ့သည်။ "ချောင်းမို၊ ငါ မင်းကို ငါ့အပေါ်အမှတ်အသားပြုဖို့ အမိန့်ပေးတယ်"

အမှတ်အသားပြုခံရပြီး ချည်နှောင်ခံရတောင်မှ သူသည် လူများကို သူတို့အပေါ် အလိုရှိတိုင်း အနိုင်ယူစေခိုင်းနိုင်ပြီး အသိအမှတ်ပြုမခံရသော လုပ်ပိုင်ခွင့်(*) မရှိသည့် အိုမီဂါမျိုးတော့ သူ့ကိုယ်သူ မဖြစ်လိုပေ။ အနည်းဆုံးတော့၊ သူသည် သူ၏နောက်ဆုံးဂုဏ်သိက္ခာကို ထိန်းသိမ်းထားပြီး ၎င်း၏နောက်ဆုံးထိန်းချုပ်မှုနှင့် လုပ်ပိုင်ခွင့်ကို ပြသလိုခဲ့သည်။

**( လုပ်ပိုင်ခွင့် - လွတ်လပ်မှု၊ မမှီခိုမှု )

ချောင်းမို - “…”

အမိန့်ပေးခံရတဲ့ ချောင်းမိုက လုံးဝ အံသြသွားသည်။

ကျန်းလော့ကျစ်ရဲ့ တောင်းဆိုချက်က ဘာလဲဆိုတာ သူမ ယောင်ဝါးဝါး ခန့်မှန်းမိပေမယ့် ဒါက အလွန်အတွင်းကျကျ အရာတစ်မျိုးဖြစ်နိုင်သည်။

သို့သော် သူမဝင်ရောက်လာခဲ့သည့် ကမ္ဘာနှင့်ပတ်သက်သည့် အချက်အလက်အပြည့်အစုံကို ယခုမှ ချေဖျက်နိုင်ခဲ့သော သူမသည် ဤကမ္ဘာပေါ်ရှိ  ABO စနစ်က မည်သို့အလုပ်လုပ်သည်ကိုပင် မသိသေးပေ။

အမှတ်အသား?

အမှတ်အသားဆိုတာ ဘာလဲ?

ဘယ်လိုလုပ်ရတာလဲ?

ယခုအချိန်တွင် ရှောင်မို၏ ခန္ဓာကိုယ်က တစ်ခုခုကို လိုချင်နေလျှင်ပင်... သူမကိုယ်တိုင်က ဘာလဲဆိုတာကိုတောင်မှ  နားမလည်ခဲ့ပါ။

ထို့အပြင်၊ ချောင်းမိုသည် လက်ရှိ ကျန်းလော့ကျစ်မှာ အလွန်ဆွဲဆောင်မှုရှိပြီး သူ့အဝတ်အစားများကို ဖြဲကာ တစ်ရှိန်ထိုး ကိုက်စားချင်နေသည့် ဆန္ဒမျိုး စိတ်ထဲတွင် ဖြစ်ပေါ်နေသော်လည်း ချောင်းမိုသည် သူမ၏ နှလုံးသားထဲတွင် မြင့်မားသော အကျင့်စာရိတ္တစံနှုန်းတစ်ခု ရှိနေသေးသည်။ ကျိုးကြောင်းဆီလျော်မှု၏ နောက်ဆုံးခြေရာကို သူမစိတ်ထဲတွင် ကျိုးပေါက်မသွားနိုင်အောင် ထိန်းသိမ်းထားဆဲပင်။ သူမနှင့် ကျန်းလော့ကျစ်တို့သည် ရက်အနည်းငယ်လေးမျှသာ အတူနေထိုင်ခဲ့ကြသော်လည်း၊ သူတို့နှစ်ဦးသား အတော်လေးရင်းနှီးသည်ဟု ယူဆနိုင်သည်။ အမှတ်အသားက ဘာလဲဆိုတာ သူမ မသိပေမယ့် ဒါက အရမ်းကို ကိုယ်ရေးကိုယ်တာဆန်တဲ့ အတွင်းကျကျ အရာတခု  ဖြစ်ရမယ်လို့ သူမ ယောင်ဝါးဝါး ခန့်မှန်းနိုင်ပေသည်။

အခု ဒီအခြေအနေမှာ တစ်ဖက်သားရဲ့ အားနည်းချက်ကို သူမ ဘယ်လိုလုပ်ပြီး အသုံးချနိုင်ပါ့မလဲ?

ကျန်းလော့ကျစ်က သူ့တည်ငြိမ်မှုကို ထိန်းသိမ်းရန် ဓာတ်လှေကားနံရံကို လက်ဖြင့်ထောက်ကာ ထူးမခြားနားဟန်ဖြင့် စောင့်ဆိုင်းနေခဲ့သည်။

ချောင်းမိုသည် ကျန်းလော့ကျစ်ကို တည်ငြိမ်စွာ ကြည့်ပြီး ကျန်းလော့ကျစ်၏ အေးစက်စက် ဆွဲဆောင်မှုရှိသော မျက်လုံးများအောက်တွင် သူမသည် မယုံနိုင်စရာ တစ်စုံတစ်ရာကို တီးတိုးပြောခဲ့သည်။ “မစ္စတာ ကျန်း၊ ဒါတော့ ...အဆင်မပြေလောက်ဘူး။ ကျွန်မတို့က သူငယ်ချင်းတွေပဲလေ။ ကျွန်မ.. ခန့်မှန်းတာသာမှန်မယ်ဆိုရင် ဒါက ချစ်သူတွေပဲ လုပ်သင့်တာမျိုးထင်တယ်။"

"ရှင်နဲ့ မစ္စပိုင် က ဒီလိုမျိုး ဆက်ဆံရေးမျိုး မဟုတ်ဘူးလို့ ငါထင်ခဲ့ပေမယ့်လည်း  ရှင်နဲ့ကျွန်မနဲ့ကလည်း အဲဒီလို ဆက်ဆံရေးမျိုး မဟုတ်ဘူးလေ"

ကျန်းလော့ကျစ် - “…”

ကျန်းလော့ကျစ်၏ အမူအရာက ခဏမျှ အေးခဲသွားသည်။ သူသည် ချောင်းမို ရွဲ့ပြောနေတာလား ဘာလားဆိုတာကို ခွဲခြားကြည့်ရန် ချောင်းမိုကို သေချာပြန်ကြည့်လိုက်သည်။ ဒါပေမယ့် အခု ချောင်းမိုက...

ကျန်းလော့ကျစ်သည် အနည်းငယ် စေးကပ်နေသော လက်ဖဝါးကို ငုံ့ကြည့်လိုက်သည်။ ချောင်းမိုက သူနဲ့ လာကစားနေတာလို့တောင် သံသယဖြစ်မိသည်။

ကျန်းလော့ကျစ်က အေးစက်စွာ သရော်လိုက်သည်။ "တကယ် အဆင်မပြေဘူးသာဆို  ဘာလို့ မင်းငါ့အနားမှာနေဖို့ အိုမီဂါတစ်ယောက်လို ဟန်ဆောင်နေရတာလဲ?"

ချောင်းမိုက “ငါ… ငါ မရည်ရွယ်ပါဘူး” လို့ အသံတိုးတိုးနဲ့ ရှင်းပြခဲ့သည်။

ကျန်းလော့ကျစ်က သူမကို မယုံဘူးဆိုသည်မှာ ထင်ရှားသည်။ ဒါပေမယ့် ခနနေတော့  ချောင်းမိုက ဓာတ်လှေကားတံခါးကိုဖွင့်ပြီး “မစ္စတာ ကျန်း မဟုတ်လည်း အပြင်ထွက်ပြီးမှ အေးအေးဆေးဆေး စကားပြောကြရအောင်လေ။"

တကယ်တော့ ဓာတ်လှေကားက ဗီလာမှာ ရပ်နေပြီးသား။  ဒါပေမယ့် သူတို့ နှစ်ယောက် ဓာတ်လှေကားထဲမှာ သွားလိုက်ပြန်လိုက်လုပ်နေတာကြောင့် အပြင်မထွက်ရသေးတာဖြစ်သည်။

ဓာတ်လှေကား တံခါးပွင့်လာသည်နှင့် ဖယ်ရိုမုန်းရနံ့က ဗီလာတစ်ခုလုံး ချက်ချင်းပျံ့နှံ့သွားသည်။ ချောင်းမိုသည် ဓါတ်လှေကားထဲမှ တကယ်လျှောက်ထွက်သွားသောကြောင့် ကျန်းလော့ကျစ်သည် သူမကို ရှားရှားပါးပါး ဂြိုလ်သားမျိုးစိတ်အချို့ကို ကြည့်ရှုနေသကဲ့သို့ ကြည့်လိုက်မိသည်။

ထိုအချိန်တွင် ကျန်းလော့ကျစ်သည် သူ့နှလုံးသားအောက်ခြေမှ သံသယများဝင်လာသည်။

ဤနှစ်များတစ်လျှောက်လုံး သူအယ်လ်ဖာအဖြစ် ဟန်ဆောင်နေခဲ့လို့ သူ့ဖယ်ရိုမုန်းတွေက လုံးလုံးလျားလျား ချို့ယွင်းသွားပြီး ဆွဲဆောင်မှုမရှိတော့လို့များလား၊ heat ကာလ ရောက်နေတဲ့ အိုမီဂါကိုမြင်တာတောင်မှပဲ အယ်လ်ဖာက ဒီတိုင်းထားပြီး ထွက်သွားတဲ့အထိလေ?

" ချောင်းမို "

ချောင်းမိုသည် တစ်ယောက်နဲ့တစ်ယောက်အေးအေးဆေးဆေး စကားပြောရန် အပေါ်ထပ်သို့ တက်ဖို့ စိတ်ကူးနေသည်။ သူမသည် ABO ကမ္ဘာအကြောင်းကို အရင်ဆုံးထပ်လေ့လာပြီးနောက် ကျန်းလော့ကျစ်ကို အမှတ်အသားပြုဖို့ မပြုဖို့ စဥ်းစားနေသော်လည်း  ကျန်းလော့ကျစ်က သူမကို ရုတ်တရက် တားလိုက်သည်။

သူမ ပြန်လှည့်ကြည့်လိုက်သည်။

ကျန်းလော့ကျစ်သည် ဗီလာ၏ ဓာတ်လှေကားထဲတွင် ရပ်နေပြီး သူမကို နားမလည်နိုင်စွာ စိုက်ကြည့်နေသည်။

ဗီလာ၏ နွေးထွေးသော အဝါရောင်အလင်းရောင်သည် ကျန်းလော့ကျစ်၏ မူလနူးညံ့သိမ်မွေ့သော သုံးဖက်မြင်မျက်နှာအသွင်အပြင်ကို ပိုမို၍ ချောမောလာစေသည်။ သူသည် ပန်းချီကားထက်က လျှို့ဝှက်ဆန်းကြယ်သော ကြော့ရှင်းပြီး ဆွဲဆောင်မှုရှိသည့် သွေးစုပ်ဖုတ်ကောင်တစ်ယောက်ကဲ့သို့ပင် ချောင်းမိုကို တိတ်တဆိတ် စိုက်ကြည့်နေခဲ့သည်။

"မစ္စတာ ကျန်း?"

ချောင်းမို အံ့သြသွားသည်။

ဒါကိုမြင်တော့ ကျန်းလော့ကျစ်က ရုတ်တရက် ခေါင်းမော့ပြီး ကျယ်လောင်စွာ ရယ်လိုက်သည်။

ကျန်းလော့ကျစ်သည် အမြဲအေးစက်တင်းမာပြီး  နက်နဲတည်ငြိမ်သည်။ သူပြုံးနေရင်တောင်မှ  အမြဲတမ်း လျစ်လျူရှုဟန် သီးခြားဖြစ်နေသည့်ဟန်ကြောင့် နားလည်ရခက်စေပြီး  လူတွေ သူ့အပေါ်ချဉ်းကပ်ဖို့ ခက်ခဲစေသည်။

သို့သော် ယခုအချိန်တွင် ကျန်းလော့ကျစ်သည် သူ့အတွင်းမှ နတ်ဆိုးသဘာ၀က ပြန်လည်ရှင်သန်လာပြီး မသိနားမလည်သော လူသားများကို သူနှင့်အတူ နစ်မြုပ်ရန် ဆွဲဆောင်နေသကဲ့သို့ ကျော့ရှင်းပြီး ဆွဲဆောင်မှုရှိစွာ ပြုံးပြနေခဲ့သည်။

သူ၏ အပြုံးသည် ယခင်ကနှင့် လုံးဝ မတူဘဲ၊ ချောင်းမိုဖက်ကို ဦးတည်သွားခဲ့သည်။

ထို့နောက် ကျန်းလော့ကျစ်က သူမကို ညင်သာစွာ မေးခဲ့သည်။ "ချောင်းမို၊ မင်း အဆင်မပြေဘူးမလား?"

ချောင်းမို ထိုစကားကြားသောအခါ ရှက်သွားရသည်။

သူမ ဘယ်လိုလုပ် မသက်မသာ မခံစားရဘဲ နေနိုင်မလဲ။ သူမ အခုသေတော့မလိုပင်၊ ခေါင်းတွေ ဖောင်းပွလာပြီး ပေါက်ကွဲလုနီးပါး ခံစားနေရသည်။