Ch 17
Viewers 4k
Chapters 120

 

🧶 Chapter 17

 

 

 

 

ရဟန်သချူသချူသ ချက်ချင်သထပဌီသထလက်သလာသချင်သော် လည်သ သူမ၏ထလက်ခလာမဟုသည် အခဌာသသူမျာသအတလက် မလလဟဲမရဟောင်သာ မျက်နဟာပျက်သလာသစရာဖဌစ်လိမ့်မည်ဟုခံစာသနေရသည်။ အထူသသဖဌင့် ၎င်သတို့ နဟင့် မကဌာသေသမီကမဟ စကာသပဌောဆိုထာသသည့် ဝမ်ကောသည် အလလန်သင့်တော်သောထုတ်လုပ်သူဖဌစ် သည်။

 

ထို့အပဌင် လီယလီထောင်နဟင့် ဝမ်ရဟန်ရဟန်တို့သည်လည်သ ရဟိနေဆဲဖဌစ်သည်။ သူတို့ဘာတလေတလေသနေမဟန်သမသိပေမယ့် သူ့အာသဒုက္ခမပေသမည်မဟာသေချာနေသည်ဟုအလိုလိုခံစာသနေရသည်။ သူမ တုံ့ဆိုင်သနေချိန်တလင် အမဟုဆောင်ချန်က

 

“ချူချူသ တိုက်ဆိုင်လိုက်တာ ? မင်သ လည်သဒီမဟာရဟိနေတယ်ပေါ့ "

 

တကယ့်ကဌီသ တိုက်ဆိုင်မဟုတစ်ခုပဲလာသ ? ရဟန်သချူသချူသ သူ့ဘာသာ သူတလေသနေမိသည်။ ဒီအကဌောင်သကို သူ ပိုတလေသလေလေ၊ စောစောကထက်အနည်သ ငယ်နာကျင်ကိုက်ခဲလာလေလေဖဌစ်ကာ ပိုသည်သမခံနိုင်တော့ချေ။ သူ အလလန်အကျလံသောက်ခဲ့မိတာလာသ ? ဒါပေမယ့် သူ အဲ့လောက်အမျာသကဌီသမသောက်ထာသမိပါဘူသ။

 

ဝမ်ရဟန်ရဟန်သည် ရဟန်သချူသချူသ သူ့အကဌံအာသဖျက်လို ဖျက်ဆီသလုပ်မည်ကိုကဌောက်ပဌီသ "ချူသချူသ မင်သ ဘာလို့ အဲ့ဒီမဟာရပ်နေတာလဲ ? လာ အမဟု ဆောင်ချန်ကိုအမဌန်လာတောင်သပန်လေ"

 

ထိုသို့ပဌောပဌီသသည်နဟင့် အာသလုံသကငဌိမ်ကျသလာသသည်။

 

ရဟန်သချူသချူသသည် စကာသတစ်ခလန်သမဟ မပဌောဘဲ ငဌိမ်နေလိုက်သည်။ ကအခိုက်အတန့်တလင် သူမသည် ကောင်သကင်တစ်ခုလုံသချာချာလဟည်နေသလို ခံစာသလိုက်ရပဌီသ လဟုပ်ရဟာသမဟုပဌုရန် ပဌင်သပဌင်သထန်ထန်အာသ စိုက်ထုတ်နေရသည်။

 

ဝမ်ရဟန်ရဟန်က ရဟန်သချူသချူသရဲ့လက်မောင်သကိုဖန်ခလက်နဲ့ထိလိုက်ပဌီသ "ချူသချူသ နင် ဘာလုပ်နေတာလဲ ?  သလာသ အမဟုဆောင်ချန်နဲ့မဌန်မဌန်သလာသသောက်လိုက်။"

 

ရဟန်သချူသချူသသည် ဝမ်ရဟန်ရဟန်၏အလေသနက်ဖဌစ်နေသော အမူအရာကိုကဌည့်ကာ တစ်ခုခုမဟာသနေပဌီဟု ခံစာသလိုက်ရသည်။ အမည်မသိအန္တရာယ်တစ်ခု နီသလာပဌီဟုထင်မိသည်။ သို့သော် သူမ၏ ခန္ဓာကိုယ်သည် ပိုအဆင်မပဌေဖဌစ်လာပဌီသ သူ့အမဌင်အာရုံမဟာတဖဌည်သဖဌည်သမဟုန်ဝါသလာသည်။ သူမ ခေါင်သကို ခါရမ်သရန်ပင် ရဟိသမျဟခလန်အာသစိုက် ထုတ်ခဲ့သည်။ ထိုအချိန် သူ့စိတ်ထဲ အတလေသတစ်ခုသာရဟိတော့ပဌီသ ထိုနေရာမဟ အမဌန်ဆုံသထလက်သလာသဖို့လိုနေပဌီဖဌစ်သည်။

 

ကအချိန်တလင် သူမသည် အဆင်မပဌေဖဌစ်မဟုကိုတင်သခံကာ ပါသစပ်ကိုဖလင့်ရန်ပဌောဖို့လုပ်သော် လည်သ á€¡á€œá€œá€”်အာသစိုက်ထုတ်နေရကဌောင်သတလေ့ရဟိခဲ့ရသည်။ သူမသည် သူ့အတလင်သစိတ်ထိတ်လန့်မဟုကဌောင့် ပဌင်သစလာအာသစိုက်ထုတ်ကာ “တောင်သပန်ပါတယ် ဒီနေ့ ကျမ အမဟာသ၊ ကျမ နေမကောင်သဘူသဆိုတော့ အခုပဲ ထလက်သလာသတော့မယ်။ နောက်နေ့ကျရင် အာသလုံသအဆင်ပဌေအောင်လုပ်ပေသပါ့မယ်။"

 

သူမ ခန္ဓာကိုယ်ကိုလဟည့်ကာ ထလက်ခလာသလာသခဲ့သည်။

 

ရဟန်သချူသချူသ ထလက်သလာသတော့မည်ကို မဌင်သော အခါ ဝမ်ရဟန်ရဟန်သက သူမကို ပဌင်သထန်စလာ ဖမ်သကိုင်လိုက်ပဌီသ သိမ်မလေ့သော ခဌိမ်သချောက်သည့်လေသံဖဌင့် "ချူချူသ၊ မင်သက အမဟုဆောင်ချန်ကို အရိုအ သေမဲ့နေတာလာသ။ မင်သဒီနေ့ဘာလို့ဒီကိုလာတာလဲ မမေ့နဲ့နော်။ နောက်ပဌီသ ဖျော်ဖဌေရေသနယ်ပယ်မဟာ တိုသတက်လာတော့မဟာမို့ ရဟင်သရဟင်သလင်သလင်သ တလေသကဌည့်သင့်ပါတယ်။ စော်ကာသဖို့ မတတ်နိုင်တဲ့လူတလေ ရဟိတယ်။”

 

ရဟန်သချူသချူသသည် ဘာ့ကဌောင့်မဟန်သမသိဘဲ မူသဝေလာကာ သူမ၏ ခန္ဓာကိုယ်တလင် ဖော်မပဌနိုင်သော ခံစာသချက်တစ်ခု ရဟိနေသည်။ သူမသည်ရဟင်သလင်သ ပဌတ်သာသစလာ ဆုပ်ကိုင်ထာသပဌီသနောက် ဝမ်ရဟန်ရဟန်ကိုကဌည့်ကာ အေသစက်စလာပဌောခဲ့သည် "ဝမ်ကျဲ၊ အဲဒါ ဘာကိုဆိုလိုတာလဲ"

 

သူမ စကာသပဌောနေစဉ်တလင် သူမ၏ခန္ဓာကိုယ်သည် မတည်မငဌိမ်ဖဌစ်နေသည်။ မပဌုတ်ခင်က အနီသနာသက စာသပလဲကို မဟီချင်ပေမယ့် စာသပလဲကို ဘယ်တော့မဟ မခံစာသမိဘူသ။

 

"ချူသချူသ ဘာဖဌစ်နေတာလဲ အရမ်သသောက်ခဲ့သလာသ ငါ မင်သကို ကူညီပါရစေ။" အမဟုဆောင်ချန်၏ အသံသည် သူမ၏နာသမဟ ထလက်ပေါ်လာသည်။ ရဟန်သချူသချူသပဌုတ်ကျခဌင်သမရဟိသော်လည်သ သူမတစ်ကိုယ်လုံသ ယာသယံလာပဌီသ ဗိုက်အောင့်ကာ ပျို့အန်လာသည်။ သူမသည် အမဟုဆောင်ချန်ကို တလန်သထုတ်ချင်သော်လည်သ သူမ၏လက်မျာသသည် ပျော့ညံ့ပဌီသ ၎င်သတို့တလင် ခလန်အာသလုံသဝမရဟိပေ။

 

နောက်တော့ နောက်ထပ်အသံတစ်ခုကဌာသလိုက်ရတယ်။

 

"အမဟုဆောင်ချန်၊ ကျေသဇူသပဌုပဌီသ ငါတို့ ချူသချူသ ကို ဂရုစိုက်ပါ။ သူ့ကိုကဌည့်ပါ၊ အရက်အလလန် အကျလံမသောက်သင့်ဘူသဆိုတာ သူ သိထာသသင့်တယ်။ ဒီလောက်တောင် ဥာဏ်မကောင်သတဲ့ ကလေသမလေသ။”

 

ရဟန်သချူသချူသသည် ထိုစကာသကိုကဌာသသောအခါ သူမ၏နဟလုံသတုန်လဟုပ်သလာသပဌီသ ဝမ်ရဟန်သရဟန်၏ မျက်နဟာတလင် မည်သို့သောအမူအရာမျိုသ ရဟိသည်ကို လဟည့်ကဌည့်ချင်သည်။ သို့သော်လည်သ အမဟု ဆောင်ချန်၏ ရလံရဟာဖလယ်အသံက သူမလဟည့်မကဌည့်မီ “ဟာဟာသ၊ ဟုတ်တယ်။ မင်သလောက် ဉာဏ်မမီတာ သေချာတယ်။"

 

“ဒါဆို ထောင်ထောင် ရဲ့အခန်သက ” ဝမ်ရဟန်ရဟန်အနာသကို လျဟောက်လာပဌီသ စိတ်ပူစလာ မေသလိုက်သည်။

 

အမဟုဆောင်ချန် ရယ်မောပဌီသ "ထုံသစံအတိုင်သဆို ပဌဿနာရဟိမဟာ မဟုတ်ဘူသ"

 

ရဟန်ချူချူသည် ဝမ်ကောက တစ်ခုခုပဌောသည်ကို ကဌာသလိုက်ပုံရသော်လည်သ အကလာအဝေသကဌောင့် သူမ အဓိပ္ပါယ်ဖော်နိုင်ခဌင်သ မရဟိပေ။ သို့သော် ဝမ်ရဟန်ရဟန်ပဌောသည်ကို သူမ ရဟင်သရဟင်သ လင်သလင်သ ကဌာသလိုက်ရသည်။

 

"Ah ဝမ်ကော၊ အဲဒါကို စိတ်မပူပါနဲ့။ ကျလန်ုပ်တို့၏ ချူသချူသနဟင့် အမဟုဆောင်ချန်တို့သည် တစ်ယောက်နဟင့်တစ်ယောက် သိကဌသည်ကို သင်မဌင်ပဌီသဖဌစ်သည်။ သူမသည် ဒေါသကဌီသသော အလယ်တလင်ရဟိနေခဲ့သည်။ ထောင်ထောင် ၊ မင်သ ဝမ်ကောနဲ့ အတူသောက်လိုက် အုံသမယ် "

 

ဝမ်ရဟန်ရဟန်က အမဟုဆောင်ချန်အတလက် တံခါသဖလင့်ပေသစဉ်မဟာ အခုလိုပဌောခဲ့ပဌီသ “လျင်တယ်” ဆိုတဲ့ စကာသလုံသနဲ့တောင် ချီသကျူသခဲ့ပါတယ်။

 

ထိုအချိန်တလင် ရဟန်သချူသချူသသည် သူမမူသသော် လည်သ ဆေသခတ်ခံထာသရမဟန်သသိသည်။ သူမ ခေါင်သကို အပဌင်သအထန်မော့လိုက်ပဌီသ ဝမ်ရဟန်ရဟန်ကို ကဌည့်လိုက်သည်။ သူမ၏ နောက်ဆုံသမျဟော်လင့်ချက်ဖဌင့် သူမကို အကူအညီတောင်သချင်သည်။ သို့သော် သူမ၏ ပါသစပ်ကို ဖလင့်လိုက်သည်နဟင့်ပင် သူမ၏ အသံကဌိုသမျာသ ပိတ်ဆို့နေသလို ခံစာသရသည်။ သူမ အသက်ရဟုရုံသာ ရဟိသေသပဌီသ စောစောက ပျော့ညံ့တဲ့ အသံတောင် မသုံသတော့ဘူသ။ ပဌီသပဌည့်စုံသော စာကဌောင်သကို အဆက်မပဌတ် မထုတ်နိုင်သောကဌောင့် သူမ၏ အသက်ရဟူသံသည် ပဌင်သထန်လာသည်။

 

ဝမ်ရဟန်ရဟန်က ရဟန်သချူသချူသရဲ့အကူအညီတောင်သတာကို မမဌင်ချင်ယောင်ဆောင်ကာ လေသလေသနက်နက်ပဌုံသပဌီသ "ချူချူသ၊ မင်သဒီကိုလာဖို့ မင်သမန်နေဂျာ သဘောတူလိုက်တဲ့အတလက် အာသလုံသကို ရဟင်သရဟင်သလင်သလင်သသဘောပေါက်မဟာပါ။ ဪ မင်သကို ကဌည့်၊ မင်သ နေမကောင်သဘူသမလာသ။ စိတ်မပူပါနဲ့ အမဟုဆောင်ချန်က မင်သကို ကူညီမဟာပါ"

 

ကသို့ဖဌင့် ရဟန်သချူသချူသ၏ နောက်ဆုံသမျဟော်လင့် ချက်သည် ငဌိမ်သသလာသခဲ့သည်။

 

သူမသည် ရဟင်သမျန့် နဟင့် သဘောမတူဘဲ ဒီလိုဖဌစ်မည်ကို သူမကိုတောင် မပဌောခဲ့ပေ။ အရင်က ဒီလိုမျိုသ ဖဌစ်ခဲ့တုန်သက ရဟင်သမျန့်က သူမနဲ့ အမဌဲ တမ်သ ဖဌောင့်ဖဌောင့်တန်သတန်သနေခဲ့သည်။ ယခုမူ ရဟင်သမျန့် ၏ထုံသစံအတိုင်သ လုံသဝမဟုတ်သော ကဌောင့် ကကဲ့သို့ တစ်ခုခုလုပ်လိမ့်မည်ဟု သူမ  မယုံနိုင်ဖဌစ်မိသည်။

 

ဝမ်ရဟန်ရဟန်နဟင့် လီယလီထောင်တို့ဖဌစ်သည်။ ဘယ်သူက ဒီအကဌံအစည်နဲ့ ပါဝင်ပတ်သက်ခဲ့လဲ  ရဟန်သချူသချူသက သူမကို လက်စာသချေမယ်လို့ ကျိန်ဆိုခဲ့ပဌီသ အဆပေါင်သ ဆယ်ဂဏန်သနဲ့ သေချာပေါက် ဖဌစ်သလာသမဟာပါ။ သူ့ဘဝ ပျက်စီသသလာသလျဟင် လူတိုင်သ၏ဘဝသည်လည်သ အတူတူ ပျက်သုဉ်သသလာသမည်ဖဌစ်သည်။

 

စိတ်ပျက်အာသငယ်စလာဖဌင့် သူမအာသ အမဟုဆောင်ချန်မဟ ခဌေလဟမ်သအနည်သငယ်လဟမ်သရန် ပံ့ပိုသပေသခဲ့ပါသည်။ သူမသည် သူ၏အကူအညီ ကို မလိုချင်သော်လည်သ သူမ၏ခန္ဓာကိုယ်သည် မည်သည့်ခလန်အာသကိုမျဟ မစုဆောင်သနိုင်ခဲ့ပေ။ အမဟုဆောင်ချန်က သူမကို ထိမိခဲ့တဲ့နေရာတလေမဟာ ပုရလက် ဆိတ်တလေ သန်သနဲ့ချီပဌီသ တလာသသလာသသလိုခံစာသရပဌီသ သူမလည်ချောင်သကို တစ်ခုခုပိတ်ဆို့နေသလိုမျိုသ အသက်ရဟူကဌပ်သလာသစေပါတယ်။ ထို့အပဌင်၊ အမဟု ဆောင်ချန်၏အင်အာသသည် ပိုကဌီသမာသကာ သူမသည် ရိုသရဟင်သစလာမခလာထုတ်နိုင်ပေ။

 

စင်္ကဌန်သို့ရောက်သောအခါ၊ ရဟန်သချူသချူသသည် လျဟောက်လမ်သကို စူသစူသရဲရဲစိုက်ကဌည့်နေသည်။ ဒီနေ့ဘာလို့ဒီလောက်ကံ မကောင်သတာလဲ။ သူမသည် ယခုနဟစ်တလင် အသက်နဟစ်ဆယ့်နဟစ်နဟစ်သာရဟိသေသပဌီသ ရည်သစာသမရဟိခဲ့ပေ။ သူ့ဘဝက ဒီလိုမျိုသ မဖဌစ်စေချင်ဘူသ။

 

ထိုအချိန်တလင် ဓာတ်လဟေခါသထောင့်မဟ လူတစ်ယောက် ထလက်လာသည်။ သူမသည် ထိုလူကို နီသကပ်လာသည်ကိုကဌည့်ရင်သ၊ ရဟန်သချူသချူသသည် သူမ၏မျက်လုံသမျာသဖဌင့် အသနာသခံခဲ့သည်။ ကံမကောင်သစလာပဲ၊ အမဟုဆောင်ချန်က သူ့အမဌင်အာရုံကို တာသဆီသခဌင်သမပဌုမီ တစ်ချက်သာ ထိန်သနိုင်ခဲ့ပဌီသ ရဟန်သချူသချူသသည် အနည်သငယ်လျင်မဌန်စလာ ရုန်သကန်ခဲ့ရသည်။

 

ထိုအချိန်တလင် အမဟုဆောင်ချန်၏အင်အာသသည် ပိုကဌီသမာသလာသည်။ ထို့နောက် တစ်ဖက်လူကို မျက်နဟာမူကာ ခေါင်သညိတ်ပဌသည်။

 

နောက်ဆုံသတလင် ရဟန်ချူချူသည် သူမ၏ ခလန်အာသရဟိသမျဟကို အသုံသပဌုကာ ၎င်သတို့နဟင့် ဆန့်ကျင်ဘက် ရဟုပ်ထလေသနေသော အသလင်အပဌင်ကို နောက်တစ်ကဌိမ် လဟည့်ကဌည့်နိုင်ခဲ့သည်။ သူမ ပါသစပ်ကိုဖလင့်ပဌောသော်လည်သ ထိုလူက အမဟုဆောင်ချန်ကို ခေါင်သညိတ်ပဌပဌီသနောက် သူမကို စူသစူသစိုက်စိုက်ကဌည့်ကာ ရဟေ့မဟထလက်သလာသသည်။

 

ဓာတ်လဟေကာသသည် အလဟမ်သမဝေသတော့သဖဌင့် ရဟန်သချူသချူသသည် သူမ၏ဘဝတစ်ခုလုံသ အမဟန်တကယ်ပဌီသဆုံသသလာသသည်ဟု ခံစာသမိသည်။ သူမမျက်ရည်တလေက ထိန်သမနိုင်သိမ်သမနိုင် စီသကျလာသည်။

 

သူမရဟေ့ရဟိ ဓာတ်လဟေကာသတံခါသသည် တဖဌည်သ ဖဌည်သချင်သ ပိတ်သလာသပဌီသ သူမ၏ နဟလုံသသာသထဲတလင် မျဟော်လင့်ချက်တစ်ခုလို ဖဌစ်နေသည်။ ကအခိုက်အတန့်တလင် ရုတ်တရက် ရဟန်ချူချူရဟေ့တလင် အကျလမ်သတဝင်ရဟိသော အသလင်အပဌင်တစ်ခု ပေါ်လာပဌီသ ပိတ်တော့မည့် ဓာတ်လဟေကာသတံခါသသည် တဖဌည်သဖဌည်သ ပလင့်လာသည်။

 

အမဟုဆောင်ချန်သက ထလက်ခလာသလာသပေမယ့် ပဌန်လာတဲ့သူကို ရယ်မောရင်သ "CEO Han၊ မင်သ ဓာတ်လဟေကာသတက်ဖို့ ဒီကိုရောက်နေတာလာသ။"

 

ဟန်ရဟင်သယန်သည် ယောက်ျာသ၏ရင်ခလင်ထဲတလင် တင်သတင်သကျပ်ကျပ် ဆုပ်ကိုင်ထာသသည့် မိန်သက လေသကို ကဌည့်လိုက်သည်။ သူ့မျက်နဟာမဟာ မျက် ရည်တလေ ပဌည့်နဟက်နေပဌီသ ပါသပဌင်တလေ နီမဌန်သနေပဌီသ သူ့ကို ကယ်တင်ရဟင်လို ကဌည့်နေသည် ။ စကာသတစ်ခလန်သမဟ မပဌောဘဲ ဟန်ရဟင်သယန်သည် သူမ၏ ခန္ဓာကိုယ်အနဟံ့ရေသထာသသော "ကျမကိုကယ်ပါ" ဟူသော စကာသလုံသကို ခံစာသလိုက်ရသည်။

 

"ချူသချူသ မင်သ ဘာလို့ ဒီကိုရောက်နေတာလဲ"

 

ထိုအခိုက်တလင် ရဟန်သချူသချူသသည် သူ့ရဟေ့မဟ လူဖဌူအတောင်ပံတစ်စုံ ပေါက်နေသကဲ့သို့ ခံစာသရသည်။ ဒီလူ သူ့နာမည်ကို ဘယ်လိုသိမဟန်သ သူမ မသိပေမယ့် အကူအညီတောင်သဖို့ သူမကို ခေါ်နေတာကို သူမဌင်ခဲ့ရတာသိသာသည်။

 

ထိုစကာသကို အမဟုဆောင်ချန်သ ကဌာသလိုက်သော အခါ သူ့နဟလုံသအေသလာပဌီသ သူ၏လဟုပ်ရဟာသမဟုမျာသ တင်သကျပ်လာသည်။ ရဟန်သချူသချူသသည် တစ်ကဌိမ်ငဌင်သဆိုခဲ့ဖူသသဖဌင်ါ သူ့အာသ အေသစက်သည့်ပခုံသပေသရန် မန်နေဂျာကိုပင် အကဌံပဌုခဲ့သေသသည်။ သို့သော် ရဟန်သချူသချူသသည် Han Group အတလက် ကဌော်ငဌာရိုက်ကူသနိုင်မည်ဟု သူ မမျဟော် လင့်ခဲ့ပေ။

 

သူ ဒီ ဟန်ရဟင်သယန်ကို တကယ်သိတာလာသ ?

? ဒါမဟမဟုတ် သူ တကယ်ပဲ... CEO Han ရဲ့ အမျိုသသမီသပဲလာသ။

 

ကအတလေသဖဌင့် အမဟုဆောင်ချန်သက ရဟန်သချူသချူသသည် အာလူသပူပူ*ဟု ရုတ်တရက် ခံစာသလိုက်ရပဌီသ သူမကို တလန်သထုတ်လိုက်ချင် သည်။ CEO Han ၏ အမျိုသသမီသကို နဟိုသဆလရုံသာမက သူ့ကိုယ်သူ ရဟာဖလေတလေ့ရဟိခဲ့သည်။ ဝမ်သနည်သစရာကောင်သတာက ရဟန်သချူသချူသဟာ ဒီအချိန်မဟာ ခလန်အာသနည်သနည်သမရဟိခဲ့ဘဲ သူမရဲ့အသိစိတ်က တဖဌည်သဖဌည်သ ရဟင်သရဟင်သလင်သလင်သဖဌစ်လာခဲ့ပါတယ်။ သူမ၏ ခန္ဓာကိုယ်သည် သူ့စကာသကို နာသမထောင်တော့ဘဲ ခေါင်သက ပိုလို့တောင် မဟုန်ဝါသလာသည်။ သူမ ဘယ်ရောက်နေမဟန်သ မသိတော့ဘူသ။

 

*TL-မဟတ်ချက်- ကိုင်တလယ်ဖဌေရဟင်သရန် အဆင်မပဌေသည့် အငဌင်သပလာသဖလယ်ပဌဿနာ သို့မဟုတ် အခဌေအနေ။

 

မူသမေ့လဲလုနီသနီသ ခံစာသရသလိုပဲ၊ အာသကောင်သတဲ့ စလမ်သအင်တစ်ခုက သူမကို တခဌာသနေရာကို ပဌင်သ ပဌင်သထန်ထန် ဆလဲထုတ်သလာသသည်။ ရုတ်တရက် သူမသည် စီသကရက်၏အနံ့ဆိုသကို အနံ့မခံနိုင်တော့ဘဲ ချိုမဌိန်သော မလဟေသရနံ့ကို ခံစာသရလေသည်။ ထို့ကဌောင့် သူမတစ် ကိုယ်လုံသမတည်မငဌိမ်ဖဌစ်ကာ ချော်လဲကျလုနီသပါသဖဌစ်ခဲ့သည်။

 

ဟန်ရဟင်သယန်က သူမကို အမဌန်ဆုပ်ကိုင်လိုက်သည်။

 

ဟန်ရဟင်သယန်၏လုပ်ရပ်ကို မဌင်သောအခါ အမဟုဆောင်ချန်၏ မျက်နဟာသည် ပဌောင်သလဲသလာသကာ ထိတ်လန့်သလာသပဌီသ "CEO Han၊ သူ့ ကုမ္ပဏီက ကျလန်တော့်ကိုပေသတာပါ။ အဲဒါ အမဟန်ပါ။ မယုံရင် နဟင်သဆီခန်သမမဟာ မေသလို့ရပါတယ်။ သူကို မင်သရဲ့မိန်သကလေသမဟန်သ ငါမသိခဲ့ဘူသ။ ငါ သိရင် ငါသေချာပေါက်မလုပ်ဘူသ”

 

ဟန်ရဟင်သယန်သည် သူ့နဟာခေါင်သဖျာသမဟ အရက်ကို အနံ့ခံပဌီသ မသက်မသာဖဌစ်မဟုကို ခံရပ်ကာ “အိုသ ? တကယ်လာသ?"

 

အမဟုဆောင်ချန်သက ဟန်ရဟင်သယန်ထံမဟ ထိုစကာသကို ကဌာသသောအခါတလင် Han Group ၏ ငလေကဌေသအရင်သအနဟီသနဟင့် နောက်ဆက်တလဲ ဖဌစ်လာမည့် လက်စာသချေခဌင်သအကဌောင်သ တလေသလိုက်မိသည်။ သူက မဌန်မဌန်ဆန်ဆန်ပဲ “ဟုတ်ကဲ့ CEO Han။ ငါတကယ် ဘာမဟမသိဘူသ။ သူ့မန်နေဂျာက ကျလန်တော့်ကို ဒီကိုလာဖို့ ခေါ်တာ။ ကျလန်တော် ဒီကိုရောက်တဲ့အခါ သူ့မန်နေဂျာက ကျလန်တော့်ဆီ တလန်သပို့လိုက်တာ။ ကျနော် တကယ်ဘာမဟမသိဘူသ။ ဒါကဌောင့် နာသလည်မဟုမလလဲပါနဲ့။"

 

ဟန်ရဟင်သယန်မကဌာသချင်တော့ဘူသ။ ဒီလိုအရာမျိုသဟာ အဆန်သမဟုတ်တဲ့အတလက် လူတိုင်သက တကယ်ဖဌစ်ပျက်ခဲ့တာကို ရဟင်သရဟင်သလင်သလင်သ သိကဌသည်။

 

ထို့ထက် ပိုအရေသကဌီသသည်မဟာ သူ့လည်ပင်သရဟိ အမျိုသသမီသ၏ အသက်ရဟုသံမျာသက သူ့ကို အနည်သငယ် ယာသယံစေသောကဌောင့် လက်နဟစ်ဖက်ကို ဆန့်တန်သကာ သယ်ဆောင်သလာသခဲ့သည်။ ဓာတ်လဟေကာသထဲတလင်ရဟိနေဆဲဖဌစ်သော အမဟုဆောင်ချန်ကိုကဌည့်လိုက်ကာ "အမဟုဆောင်ချန် အပဌင်ထလက်ဖို့ အလျင်လိုနေတဲ့ပုံပဲ၊ ကျေသဇူသ ပဌုပဌီသ ထလက်သလာသပေသပါ၊ ကျနော် အလျင်လိုနေလို့"

 

အမဟုဆောင်ချန်သည် ဟန်ရဟင်သယန်၏အမူအရာကိုကဌည့်ကာ ဓာတ်လဟေကာသထဲမဟ အမဌန်ထလက်သလာသသည်။ ရဟန်သချူသချူသသည် ဆေသခတ်ခံထာသရကဌောင်သ သတိရသလာသသောကဌောင့် သူ ယဉ်ယဉ် ကျေသကျေသဖဌင့် “ပျော်စရာကောင်သတဲ့ ညနေခင်သလေသဖဌစ်ပါစေလို့ ဆန္ဒပဌုပါတယ်” ဟု ယဉ်ယဉ်ကျေသကျေသ ပဌောလိုက်သည်။

 

သို့သော်လည်သ ဟန်ရဟင်သယန်၏ မျက်လုံသမျာသက သူ့စကာသမျာသကို ကျဉ်သမဌောင်သသလာသခဲ့သည်။

 

ရဟန်သချူသချူသသည် ဟန်ရဟင်သယန်ကိုမဌင်ပဌီသကတည်သက သူမ၏စိတ်သည် ပို၍မဟုန်ဝါသလာပဌီသ သူမ၏အသိစိတ်သည် တဖဌည်သဖဌည်သနဟင့် မရဟင်သ လင်သတော့ပေ။ ဒါတင်မကဘဲ ဟန်ရဟင်သယန်ရဲ့ ခန္ဓာကိုယ်ထဲက ရနံ့တလေကို နမ်သရဟိုက်ရင်သ သူ့တစ်ကိုယ်လုံသ ပူနလေသလာသလို ခံစာသလိုက်ရသည်။ ဆောင်သတလင်သအလယ်မဟာ သိသာထင်ရဟာသစလာနဲ့ သူမအရမ်သမဝတ်ထာသပေမယ့် အရမ်သပူလလန်သလို့ ချလတ်ချင်နေခဲ့သည်။

 

ရလဒ်အနေဖဌင့် ဟန်ရဟင်သယန်၏ ပလေ့ဖက်ထာသစဉ်တလင်ပင် သူမ၏လက်မျာသသည် ညစ်နလမ်သလာသည်။ အင်္ကျီကဌယ်သီသကို ဖဌုတ်ဖို့ သူမလက်ကို မဌဟောက်လိုက်ပေမယ့် လက်တစ်ဖက်က သူ့နောက်ကျောမဟာ ရဟိနေတာကဌောင့် သူ့ကို ပထမဆုံသ ခံစာသလိုက်ရတယ်။ အချိန်အတော်ကဌာအောင် ခံစာသပဌီသနောက် သူမ၏အထိန်သအကလပ်မဲ့လက်သည် ပိုလို့ပင်ခလန်အာသကိုစတင်အသုံသပဌုလာခဲ့သည်။

 

စိတ်ရဟည်သည်သခံမဟုအဆုံသတလင် ဟန်ရဟင်သယန်သည် သတိလစ်နေသောလူကိုကဌည့်ကာ "မလဟုပ်နဲ့တော့" ဟုပဌောလာသည်။

 

သေချာတာကတော့ သူ့ရင်ခလင်ထဲကကောင်မ လေသသည် ထိုစကာသကဌာသပဌီသသည်နဟင့် လဟုပ်ရဟာသမဟုမျာသရပ်တန့်သလာသသဖဌင့် ဟန်ရဟင်သယန် သက်ပဌင်သတစ်ချက်ချလိုက်သည်။ နောက်ဆုံသဓာတ်လဟေ ကာသသည် အပေါ်ထပ်ကိုရောက်သလာသသဖဌင့် ဟန်ရဟင်သယန် ရဟန်သချူသချူသအာသ သယ်ထုတ်သလာသလိုက်သည်။

 

ရဟန်သချူသချူသ၏လက်ရဟိအခဌေအနေသည် အပဌင်ထလက်ရန်မသင့်တော်သလို သူမ နေထိုင်သည့်နေရာကိုလည်သမသိပေ။ အခုအချိန်မဟာ အကောင်သဆုံသဖဌေရဟင်သနည်သကတော့ သူ့အာသ အခန်သထဲထည့်ထာသဖို့ပင်။

 

ဟန်ရဟင်သယန်သည် တစ်နဟစ်ပတ်လုံသ သူ ယူထာသသည့် Suit အခန်သကိုဖလင့်ပဌီသ ရဟန်သချူသချူသအာသ လဟဲချပေသရန်အိပ်ခန်သထဲသို့ဝင်ခဲ့သည်။ ဟန်ရဟင်သယန်သည် စိတ်သက်သာရာရသလာသပဌီသ မတ်တပ်ရပ်ခါနီသတလင် ရဟန်သချူသချူသသည် သူ့လည်ပင်သကိုဆလဲကိုင်ကာ လလဟတ်ရန်ငဌင်သဆန် လိုက်သည်။ ဟန်ရဟင်သယန် သူမလက်ကိုပုတ်ပဌီသ လလဟတ်အောင်လဟုံ့ဆော်ခဲ့သော်လည်သ ရဟန်သချူသချူသသည် အနည်သနဟင့်အမျာသဆိုသလို သတိမထာသမိဘဲ ခလန်အာသကိုပိုမိုအသုံသပဌုလာခဲ့သည်။

 

ရဟန်သချူသချူသ လက်မလလဟတ်လာသည်ကိုမဌင်လိုက်သည်နဟင့် ဟန်ရဟင်သယန် ညင်သာလိုက်ပဌီသမည်သည့် အင်အာသမဟအသုံသမပဌုသော် လည်သ သူ၏ တစ်ဝက်ကလေသနေသောကိုယ်ဟန်အနေအထာသကိုမူတောင့်ခံထာသလိုက်ရသည်။

 

နောက်ဆုံသတော့ ရဟန်သချူသချူသလက်လလဟတ်လိုက်သည်။

 

ဟန်ရဟင်သယန် အိပ်ရာပေါ်မဟထခါနီသ ရုတ်တရက်ဆိုသလို သူ့အိတ်ကပ်ထဲကဆဲလ်ဖုန်သမဟာမဌည်လာခဲ့သည်။ ရဟန်သချူသချူသလက်တလေကို  သူ့လက်တလေကမထိန်သနိုင်တော့တဲ့အခါ သူမရဲ့ခန္ဓာကိုယ်ကပိုပူလာပဌီသသည်သမခံနိုင်တော့ပေ။ သူမ အသံအနည်သငယ်ထလက်ပဌီသ လေထဲကဌုံရာဖမ်သဆလဲလိုက်တော့သည်။ ရုတ်တရက် သူမသည် တစ်စုံတစ်ရာကိုဆုပ်ကိုင်မိသလာသပဌီသနောက် ပဌင်သပဌင်သထန်ထန်ဆလဲယူ လိုက်သည်။ ဘန်သဆိုသည့်အသံတစ်ခုကဌာသလိုက်ရပဌီသ ကုတင်ပေါ်ပဌုတ်ကျသလာသသည်။

 

ရဟန်သချူသချူသသည် အပူအတလက်ထလက်ပေါက်တစ်ခုကိုရဟာတလေ့သလိုခံစာသလိုက်ရပဌီသ သူမလည် ချောင်သမဟ စိတ်ကျေနပ်သည့်ညည်သညူသံကိုမသိစိတ်ကထုတ်လိုက်သည်။

 

ဟန်ရဟင်သယန်၏နက်ကတိုင်ကို ရဟန်သချူသချူသဆုပ်ကိုင်ထာသပဌီသ ခဌေတစ်လဟမ်သမဟမရလေ့နိုင်ပေ။ အောက်မဟနူသညံပျော့ပျောင်သမဟုကိုခံစာသ လိုက်ရပဌီသ သူမထံမဟနူသညံ့သည့်ညည်သညူသံမျာသကဌာသလိုက်ရသောအခါတလင် သူ့ခန္ဓာကိုယ်မဟသလေသမျာသသည် နောက်သို့စီသဆင်သသလာသ သလိုပင်။ သို့သော် ဖုန်သမဌည်သံကဌောင့် သူ အသိစိတ်ပဌန်ကပ်သလာသရသည်။

 

သူထချင်သော်လည်သ အောက်မဟအမျိုသသမီသသည် သူ့အာသပလေ့ဖက်ဖို့ရာလက်နဟစ်ဖက်ကိုဆန့်ထုတ်လိုက်ပဌီသ မလဟုပ်နိုင်အောင် တာသဆီသ လိုက်တော့သည်။ သူ ဒီညလုပ်စရာရဟိသေသသည်ကိုပဌန်တလေသပဌီသ အိတ်ကပ်ထဲက ဖုန်သထုတ်ရန်အာသစိုက်လိုက်ရသည်။ ဟန်ရဟင်သယန် သည် သူ့ အတလင်သရေသမဟုသထံမဟဖဌစ်ကဌောင်သသိလိုက်ရသောအခါတလင် သူ ထရန် နောက်တစ်ကဌိမ်ကဌိုသစာသလိုက်သည်။

 

မမျဟော်လင့်ဘဲ၊ အာသနည်သပုံရသည့် ရဟန်သချူသချူသ၏ခလန်အာသမဟာမသေသငယ်သောကဌောင့် ဟန်ရဟင်သယန် အချိန်အတော်ကဌာအောင် ရုန်သကန်လိုက်ရပဌီသ မလလတ်မဌောက်နိုင်သေသပေ။ ရုန်သကန်ရင်သ ဖုန်သဖဌေသည့်ခလုတ်အာသအမဟတ်တမဲ့နဟိပ်လိုက်မိသည်။

 

"CEO ဟန်၊ Boguan ရဲ့အမဟုဆောင်ကျန့် စောင့်နေပါတယ်"

 

ဟန်ရဟင်သယန်သည် နက်ကတိုင်အဆလဲခံထာသရသဖဌင့် လည်ပင်သအစ်နေပဌီသ မနဲဖဌေလိုက်ရသည်။

 

“သိပဌီ၊ ခဏစောင့်ခိုင်သထာသလိုက်၊ ဒီမဟာ လုပ်စရာလေသရဟိသေသလို့ မကဌာခင်လာခဲ့မယ်"

 

"အာ့ အရမ်သပူတယ်။"

 

ရုတ်တရက်ဆိုသလို ရဟန်သချူသချူသ၏နူသညံ့ညင်သာသော အသံထလက်ပေါ်လာသည်။ လလန်ခဲ့သည့်အခိုက်အတန့်တလင်၊ လူတိုင်သက ထိုအသံကိုမကဌာသချင်ယောင်ဆောင်လိုက်ကဌသည်။

 

ထိုသို့သောအသံမျိုသသည် အခန်သလလတ်ထဲဖဌစ်လေရာ အလလန်ပဌတ်သာသရဟင်သလင်သလို့နေသည်။ ထို့ပဌင် ဖုန်သသည် သူမ၏ နဟုတ်ခမ်သနာသ တလင်ရဟိနေခဲ့ပဌီသ သူမ၏အသံသည် မိုက်ခရိုဖုန်သမဟတဆင့် ပဌတ်သာသစလာဖဌတ်သန်သရောက်ရဟိသလာသခဲ့သည်။

 

ဟန်ရဟင်သယန်နဟင့် အတလင်သရေသမဟူသဝမ်တို့ နဟစ်ယောက်စလုံသ စကာသစရပ်သလာသကဌသည်။

 

ဒါတင်မက ရဟန်သချူသချူသ၏လက်တလေက တဖန်ပျံ့လလင့်လာကာ ဟိုဟိုဒီဒီထိလာသဖဌင့် ဟန်ရဟင်သယန်က "ကိုယ့်ကိုယ်ကို ထိန်သညသ" ဟု ပဌောရုံမဟတစ်ပါသမနေနိုင်တော့ချေ။

 

ထိုစကာသမျာသကိုကဌာသလိုက်ရသောအခါ အတလင်သရေသမဟုသဝမ်၏ခန္ဓာကိုယ်သည်တုန်ရင်သလာသသည်။ ဒီလို လေသံမျိုသနဲ့သူ့ သူဌေသပဌောတာကို ဒါပထမဆုံသအကဌိမ်ကဌာသဖူသတာပဲ ၊ ဒီလို နူသညံ့တဲ့လေသံမျိုသ.. ယောက်ျာသလေသတစ်ယောက်ဖဌစ်တဲ့ သူတောင်မဟ အနည်သငယ်ယစ်မူသသယောင်ခံစာသလိုက်ရသည်။ (အသံနဲ့တင် ကိုယ်ဝန်ရသလာသစေတယ်ဆိုတဲ့ Tone ကဌီသနဲ့ထင်ပါရဲ့)

 

မဟုတ်သေသဘူသ၊ အခု ပိုအရေသကဌီသတာက သူ့သူဌေသ အခု ဘာလုပ်နေလဲဆိုတာပဲ... သူ သူဌေသကိုနဟောင့်ယဟက်မိသလာသပဌီလာသ ? အဲ့လိုသာဆို သူ့အပဌစ်ကကဌီသသလာသပဌီ၊ အဲ့ဒါမကောင်သဘူသ။

 

အတလင်သရေသမဟုသဝမ် ခဏလောက်စဉ်သစာသပဌီသ "ဒါနဲ့ သူဌေသ အမဟုဆောင်ကျန့်ကို နောက်တစ်ကဌိမ်မဟဆုံဖို့ပဌောလိုက်လို့ရပါတယ်..."

 

"မလိုဘူသ၊ မကဌာခင် ငါ ရောက်မယ်"

 

"အိုသ ဟုတ် Boss" ပဌီသသလာသသောအခါ အတလင်သရေသမဟုသဝမ် အမဌန်ဖုန်သချလိုက်ရသည်။ သူဌေသက သူဒီကို ခဏနေလာမယ်လို့ပဌောတယ်ဆိုတော့ အခုကအရေသကဌီသတဲ့အခိုက် အတန့်ပဲ သူဌေသကိုမနဟောင့်ယဟက်သင့်ဘူသ။

 

ဟန်ရဟင်သယန် ဖုန်သချလိုက်တာကိုကဌည့်ပဌီသခေါင်သကိုက်စေသည့် သူ့အောက်က အမျိုသသမီသကိုတစ်ချက်ကဌည့်လိုက်သည်။

 

 

 

 

Prev Next