အခန်း (၁၂) ဒုတိယအစ်ကို၊ မင်း ဘာလို့ အဲဒီမိန်းကလေးကိုပဲ စိုက်ကြည့်နေတာလဲ

ထန်မော့အာက ဘားမှ အရက်ဖျော်စပ်သူကို လက်ညှိုးထိုးပြရင်း "ရှင်ကိုင်ထားတဲ့ အဲဒီအရက်ခွက်ကို ကျွန်မလိုချင်တယ်" ဟု အချက်ပြလိုက်သည်။

အရက်ဖျော်စပ်သူက ထန်မော့အာကို အဓိပ္ပာယ်ပါသော အကြည့်ဖြင့် ကြည့်ကာ "ဒီ 'တစ်ညတာအချစ်' ကို လိုချင်တာလား" ဟု မေးလိုက်သည်။

ထန်မော့အာ၏ ဖူးအိနေသော နှုတ်ခမ်းအစုံမှာ ကွေးညွတ်သွားသည်။ 

ဤအရက်က ဤမျှ ရိုမန့်တစ်ဆန်သော အမည်ရှိလိမ့်မည်ဟု သူမ မထင်ထားမိပေ။ 

အများကြီး ထပ်မစဉ်းစားတော့ဘဲ သူမ ခေါင်းငြိမ့်ပြကာ "ဟုတ်တယ်" ဟု ပြန်ဖြေလိုက်သည်။

ဝိတ်တာက လှပသော ဖန်ခွက်ကို ယူဆောင်လာရာ အရောင်အသွေးများက ဆွဲဆောင်မှုရှိစွာ တောက်ပနေသည်။ 

သူမ ထိုခွက်ကို လှည့်ပတ်ကြည့်ပြီးနောက် အသာအယာ မြည်းစမ်းကြည့်လိုက်​၏။

အရသာမှာ အလွန်ကောင်းမွန်လှသည်။

သူမ သဘောကျသွားသဖြင့် ထိုအရက်တစ်ခွက်လုံးကို တစ်ကျိုက်တည်းနှင့် ကုန်အောင် သောက်ချလိုက်သည်။

ချီရှီက အနည်းငယ် စိုးရိမ်သွားကာ....

"မော့အာ၊ နည်းနည်းပဲသောက်ပါ၊ မင်းရဲ့ အရက်ခံနိုင်ရည်က ဘယ်လောက်တောင် အားနည်းလဲဆိုတာ မေ့သွားပြီလား"

"ကျွန်မရဲ့ အရက်ခံနိုင်ရည်က အားနည်းလွန်းလို့ လေ့ကျင့်ပေးဖို့ လိုနေတာပေါ့" 

ဟု ထန်မော့အာက ချီရှီ​၏ အလိုကို လိုက်စေရန် နှုတ်ခမ်းလေးဆူကာ ပြန်ပြောလိုက်သည်။ 

သူမ၏ ထူထဲသော မျက်တောင်ရှည်လေးများက ဆွဲဆောင်မှုရှိစွာ လှုပ်ခတ်သွားပြီး ချီရှီကို ကြည့်ကာ ချွဲနွဲ့စွာ ပြုံးပြလိုက်သည်။

ချီရှီမှာ သူမ၏ မန်နေဂျာဖြစ်သည်။ 

ထို့ကြောင့် နေ့စဉ်ဘဝတွင် အရက်မသောက်ရခြင်း အပါအဝင် ကန့်သတ်ချက်များစွာကို သူမအပေါ် ချမှတ်ထားရခြင်း။

ချီရှီက သူမကို တွန်းထုတ်လိုက်ပြီး မကျေမနပ်

အသံဖြင့်...

"ထန်မော့အာ၊ တော်တော့"

"ငါက ရာနှုန်းပြည့် မိန်းမစစ်စစ်နော်၊ လိင်တူချစ်သူ မဟုတ်ဘူး"

ထန်မော့အာက သူမ၏ တောက်ပသော ဆံနွယ်

အချို့ကို နားနောက်သို့ သပ်တင်လိုက်သည်။ 

ချီရှီ​၏ လက်မောင်းကို ဆွဲကိုင်ကာ သူမ၏ မန်နေဂျာကို နောက်ဆုံးအကြိမ် ညို့ယူဖမ်းစားသော အကြည့်ဖြင့် ကြည့်ရင်း...

"ကျွန်မ သွားတော့မယ်၊ ဒါပေမဲ့ ခုနက အရက်က တကယ်အရသာရှိတာ၊ နောက်တစ်ခွက်လောက် သောက်လို့ရမလား"

...

ဘား၏ VIP အခန်းတစ်ခုအတွင်းတွင် ကုမိုဟန်သည် ဇိမ်ခံသားရေဆိုဖာပေါ်၌ သက်သောင့်သက်သာ ထိုင်နေသည်။ 

သူ၏ ခန့်ညားသော မျက်နှာနှင့် အရပ်ရှည်ရှည် ခန္ဓာကိုယ်မှာ အမှောင်ထုထဲတွင် ဖုံးကွယ်

နေသည်။ 

သူ၏ တည်ရှိမှုမှာ ဝေဝါးနေသကဲ့သို့ ဖြစ်နေပြီး ပို၍ပင် လျှို့ဝှက်နက်နဲစေသည်။

သူသည် မျက်မှောင်ကြုတ်ကာ အရှေ့ဘက် ခပ်လှမ်းလှမ်းရှိ ဘားကောင်တာတွင် ထိုင်နေသော ပုံရိပ်ကို အန္တရာယ်ရှိသော အကြည့်ဖြင့် စိုက်ကြည့်နေသည်။ 

သူကြည့်နေသော ထောင့်မှနေ၍ ထန်မော့အာ၏ လှပသော မျက်နှာလေးကို တစ်ဝက်ခန့် မြင်နေရသည်။ 

အရောင်စုံ အရည်များက သူမ၏ ချယ်ရီရောင် နှုတ်ခမ်းဖျားကို ထိတွေ့ကာ ပါးစပ်ထဲသို့ တဖြည်းဖြည်း စီးဝင်သွားပြီးနောက် သူမက အချိုဓာတ်ကို မြည်းစမ်းရင်း နှုတ်ခမ်းကို လျက်လိုက်သည်

၎င်းသည် ကြည့်ရသူကို ညို့ယူဖမ်းစားနိုင်လောက်သော မြင်ကွင်းတစ်ခုပင်။

ကုမိုဟန်၏ ဘေးတွင် ထိုင်နေသော ဖုချင်းလျန်သည်လည်း ကုမိုဟန် စိုက်ကြည့်နေသည့်

ဘက်သို့ လိုက်ကြည့်လိုက်သည်။ 

သူ၏ နှုတ်ခမ်းများက ယဉ်ကျေးသိမ်မွေ့စွာ တွန့်ကွေးသွားကာ....

"မိုဟန်၊ မင်း ဘာလို့ အဲဒီမိန်းကလေးကိုပဲ စိုက်

ကြည့်နေတာလဲ"

"'တစ်ညတာအချစ်' နှစ်ခွက်တောင် သောက်နေတာကြည့်ရရင် အဲဒီမိန်းကလေးက ဒီည အတူတူရှိပေးမယ့်သူ ရှာနေပုံပဲ"

ဟောပေချန်က ကုမိုဟန်၏ တင်းမာနေသော ခန္ဓာကိုယ်ကို ကြည့်ကာ...

"ဒုတိယအစ်ကို၊ အဲဒီမိန်းကလေးကို စိတ်ဝင်စားနေတာလား"

"ကျွန်တော် သွားခေါ်ခိုင်းလိုက်ရမလား"

"အစ်ကို့မှာ မိန်းမနဲ့ပတ်သက်တဲ့ အတွေ့အကြုံလည်း မရှိသေးတော့ ဒီညအတွက် သူမကို အဖော်အဖြစ် ထားလိုက်ပါလား"

ကုမိုဟန်သည် မျက်ခုံးပင့်ကာ ပြိုင်တူပြောနေကြသော ထိုနှစ်ယောက်ကို ကြည့်လိုက်ပြီးနောက် အသံတိုးတိုးဖြင့်...

"မင်းတို့ စကားများလွန်းနေပြီ" ဟု ချက်ချင်း ပယ်ချလေ​၏။

ဖုချင်းလျန် နှင့် ဟောပေချန်တို့ ချက်ချင်းပင် ပါးစပ်ပိတ်သွားကြသည်။ 

သူတို့ တကယ် သိချင်နေကြခြင်း ဖြစ်သည်။ 

နှစ်ပေါင်းများစွာအတွင်း မြို့တော်၏ အချမ်းသာဆုံးနှင့် အောင်မြင်ဆုံး စီးပွားရေးသမားဖြစ်သော သူ့ထံသို့ မရေမတွက်နိုင်သော မိန်းမပျိုများ ကပ်ခဲ့ကြသော်လည်း သူက တစ်ယောက်ကိုမျှ လှည့်ပင်မကြည့်ခဲ့ချေ။ 

မလိုလားအပ်သော ကောလာဟလများကို တားဆီးရန်အတွက် သူသည် သူ၏လိင်စိတ်ခံယူမှုနှင့် ပတ်သက်၍ ပြဿနာရှိနေသကဲ့သို့ပင် ဟန်ဆောင်ခဲ့သူဖြစ်​၏။

ယခု သူပြုမူနေပုံအရ ထိုကောလာဟလများသည် မကြာမီ ရိုက်ချိုးခံရတော့မည့်ပုံပင်။

"မိုဟန်၊ တိုက်ခိုက်တဲ့လူတွေကို မိပြီ"

"ထျန်းရယ်ဆိပ်ကမ်းရဲ့ စတုတ္ထမြောက်သခင်က နောက်ကွယ်က ကြိုးကိုင်နေတာပဲ"

"ဒီကိစ္စကို ဘယ်လို ရှင်းကြမလဲ"

ဟု ဖုချင်းလျန်က ပို၍ အရေးကြီးသော ကိစ္စဘက်သို့ ခေါင်းစဉ်ပြောင်းကာ မေးလိုက်သည်။

ထျန်းရယ်ဆိပ်ကမ်းသည် ကာဂါလစ်ရှိ အကြီးဆုံး ဆိပ်ကမ်းဖြစ်သည်။ 

မကြာသေးမီကမှ ကုမိသားစုက ထျန်းရယ်ကို ဝယ်ယူခဲ့ခြင်း။

သို့သော် စတုတ္ထမြောက်သခင်မှာ ထိုဝယ်ယူမှုအပေါ် အလွန်မကျေမနပ် ဖြစ်နေသည်။ 

သူသည် မှောင်ခိုဈေးကွက်နှင့် ပတ်သက်မှုရှိသဖြင့် ကုမိုဟန် ကာဂါလစ်သို့ လာနေသည်ကို သိသည်နှင့် တိုက်ခိုက်ရန် ဆုံးဖြတ်ခဲ့ခြင်း ဖြစ်သည်။