Welcome To MM Storyteller
LOGIN
Part 847
သူ့မှာ နောက်မှာ ချိုးရေများကိုသောက်နေရစဥ်မှာ စန်းဝမ်က ဘေးချင်းကပ်ရပ်လမ်းကြောင်း၏ ရှေ့တွင် အားကြိုးမာန်တက် ကူးခတ်နေသည်ကိုမြင်လိုက်ရသည်။ လျှိုဝှက်ပူးပေါင်း ကြံစည်မှုတွင် ရုတ်တရက်မထင်မှတ်ထားသော ကြိုတင်သတိပေးချက်တစ်ခု ထွက်ပေါ်လာသည်။
အားကစားသမား ၁၀၊ ၁၇ နှင့် ၁၈ တို့တွင် စန်းဝမ်က ရလဒ်ကောင်းများဖြင့် အုပ်စုအဆင့်တွင် ပထမရခဲ့သည်။
ရေကူးပြိုင်ပွဲသည် ဖယ်ထုတ်ခြင်းစနစ်အစား အမှတ်စနစ်ဖြင့် ယှဉ်ပြိုင်သွားမည်ဖြစ်သည်။ အုပ်စုပြိုင်ပွဲအပြီးတွင် အမှတ်အများဆုံးရသူ ရှစ်ဦးကို ဖိုင်နယ်အတွက် ရွေးချယ်မည်ဖြစ်သည်။နောက်ဆုံးအဆင့်ကို မနက်ဖြန် နံနက် ၁၀ နာရီတွင် စတင်မည်ဖြစ်၏။
"လိုချင် လိုချင် တရုတ်...လိုချင် လိုချင် တရုတ်"ဟု ပရိသတ်ထဲက တစ်ယောက်က မတောက်တခေါက်တရုတ်စကားဖြင့် အော်လိုက်သည်။
(T/N–Wang Wang Chinaကမပီတော့ Want Want Chinaဖြစ်သွား)
တခြားသူတွေကလည်း အတူတူအော်ကြ၏။ ဒီတရုတ်ကောင်လေးက အံ့သြစရာကောင်းတယ်...
မယုံနိုင်လောက်အောင်ပါပဲ...
သူရေကူးတာကို ကြည့်ရတာက လုံးဝကို ကြည့်လို့ကောင်းတယ်..
သူ့တာတိုပြိုင်ပွဲကို သူတို့တကယ်ကြည့်ချင်မိကြသည်။တာတိုပြိုင်ပွဲက 25 မီတာပဲရှိ၏။ သူက ခေါင်းနှင့်အမြီးကို ဖြတ်လိုက်လျှင် ခေါင်းတောင်ဖော်းရာလိုပါဥိးမလား...
ဟားဟားဟား....
နည်းပြပြန့်နှင့် ဝန်ထမ်းတော်တော်များများက ကွင်းပြင်မှာစောင့်နေကြပြီး စန်းဝမ် ရောက်လာသည်ကိုတွေ့သောအခါ ချက်ချင်းရှေ့တက်သွားပြီး သူ့ကို ရေချိုးပုဝါကြီးနှင့် ပတ်ပေးလိုက်၏။
"ခြောက်အောင်သုတ်... အအေးမမိစေနဲ့"
စန်းဝမ်က စိတ်လှုပ်ရှားစွာနှင့်ပြောလိုက်သည်။ "နည်းပြ...ကျွန်တော် လုံးဝမအေးဘူး...နွေးတယ်"
သူက လိမ်လိမ်မာမာဖြင့် သူ့ကိုသုတ်ပေးရန် လူတစ်ယောက်ကိုအကူအညီတောင်းလိုက်ပြီး နည်းပြပြန့်၏ မီတာ 100 ဖားကူးဖိုင်နယ်ကို မနက်ဖြန်မနက်မှာ ကျင်းပမှာဖြစ်ကာ မီတာ 50 ဖားကူးပဏာမအဆင့်များက နေ့လည်ခင်းမှာကျင်းပမှာဖြစ်ကြောင်း ရှင်းပြနေမှုကို နားထောင်ခဲ့သည်။
နည်းပြပြန့်က ဝမ်းသာအားရဆို၏။
"မီတာ 50 ပဏာမအဆင့်တွေကို တာတိုကန်မှာ ကျင်းပမှာ... မီတာ 200 ပြိုင်ပွဲအတွက် တာဝေးကန်ကို အသုံးပြုသွားမှာ"
ဆိုလိုသည်မှာ စန်းဝမ်က 25 မီတာ ရေကူးပြိုင်ပွဲမှာ သူ၏ ရေအောက်အားသာချက်ကို ဆက်လက်အသုံးပြု နိုင်သေးသည်ဟူ၍ဖြစ်၏။ထို့ကြောင့် ရွှေတံဆိပ်ရအောင် ယှဉ်ပြိုင်နိုင်မည်ဟု သူမျှော်လင့်နေဆဲပင်။ နည်းပြပြန့် မူလက ကြေးတံဆိပ်ရလျှင် အဆင်ပြေမည်ဟုတွေးခဲ့ပေမဲ့ စန်းဝမ်၏ စွမ်းဆောင်ရည်ကို ခုဏကလေးတင် မြင်လိုက်ရပြီးနောက် ဤကလေးက အံ့သြစရာကောင်းပြီး သူ့၏စွမ်းဆောင်ရည်က အရင်လေ့ကျင့်မှုထက် သိသိသာသာ တိုးတက်လာကြောင်းသိလိုက်ရသည်။
၎င်းသည် သူ၏အသက်အရွယ်နှင့် ကာယခွန်အားက လက်လှမ်းမမှီနိုင်သော တကယ့်အမြန်နှုန်းအရ အရည်အချင်းရှိသော ခုန်ပျံကျော်လွှားမှုတစ်ခုဖြစ်သည်။
သို့ရာတွင် သူ တကယ်လုပ်ခဲ့၏။
ဤကလေးက တကယ်ကို အံ့သြစရာကောင်းလေသည်။ သူ့ကို လှုံ့ဆော်ပေး နေသရွေ့ ဒေါသကို အမြဲတမ်း အရှိန်အဖြစ် ပြောင်းလဲနိုင်ပြီး သူက တကယ်ကို ရတနာတစ်ခုကို ရှာတွေ့ထားခြင်းပင်။
ဤသည်ကိုတွေးပြီး နည်းပြပြန့် ရွှေတံဆိပ်တစ်ခုရဖို့ မျှော်လင့်၍ရသည်ဟု ခံစားခဲ့ရသည်။ပြည်တွင်းရေကူးလုပ်ငန်းသည် အလွန်နောက်ကျကျန်နေသေးသည်ကို သင်သိထားရပေမည်။ စန်းဝမ် မှလွဲ၍ အခြားရေကူးသမားများသည် ဂျပန်အသင်းနှင့် မယှဉ်နိုင်ပါချေ။
ယင်းအစား ရေငုပ်ခြင်း နှင့် ရေပိုလိုတို့က ရွှေတံဆိပ်ရရှိရန် မျှော်လင့်ချက်ရှိသည်။
ထို့ကြောင့် အမြန်ရေကူးပြိုင်ပွဲတွင် ဆုတံဆိပ်ရနိုင်သည်မရနိုင်သည်က စန်းဝမ်ကိုယ်တိုင်ပေါ် မူတည်နေသည်။
ကမ်းပေါ် ပြီးနောက် စူးရိုက လက်မခံနိုင်ဘဲ လက်များကို ဝှေ့ယမ်းပြီးအော်ဟစ်လေသည်။
"မတရားဘူး...မတရားဘူး... သူက ရေငုပ်နေတာ...ဖားကူးနေတာမဟုတ်ဘူး... မတရားဘူးးး"
ဒိုင်လူကြီးက စိတ်မရှည်စွာ လက်ဝှေ့ယမ်းပြပြီး
"ဆင်းတော့... နောက်အုပ်စုအတွက် ပြင်ဆင်"
စန်းဝမ်နှင့် စူးရိုက အတူတူထွက်လာကြပြီး သူက စူးရိုကိုလက်ညိုးထိုးရင်း "မနက်ဖြန် မီတာ 50 ဖားကူး-" ဟုဆိုကာ ခေတ္တရပ်လိုက်သည်။
စူးရို ချက်ချင်းပင် တုန်လှုပ်သွားပြီး
"...ကာ...ကာကွယ်ကြ... သူက ငါ့ကို ရန်စပြီး ခြိမ်းခြောက်နေတယ်...ဘာလို့ ဂရုမစိုက်ကြတာလဲ"
စန်းဝမ်၏ လက်ချောင်းများက လက်သီးဆုပ်အဖြစ် စုသွားကာ အမြန်ပြန်သိမ်းပြီး စူးရိုကိုရယ်လိုက်၏။
"ဂွတ်ဘိုင် "
......
နောက်နေ့မနက်...
စန်းဝမ် မီတာ100 ဖားကူး ဖိုင်နယ်တွင် ပါဝင်ရန် ပြင်ဆင်နေသည်။ ဂျပန်ရေကူးအဖွဲ့မှ အားကစားသမားအများအပြား လာရောက်ကြပြီး ခိုဂျီမားမက်ဆုဒါက စန်းဝမ်ကို လာကြည့်ခဲ့သည်။ သူက လက်ရှိတွင် မီတာ100ဖားကူးပြိုင်ပွဲတွင် နံပါတ်တစ်ဖြစ်ပြီး စန်းဝမ်က ပဉ္စမနေရာတွင် ရှိနေသည်။ စန်းဝမ်မှာ ပထမနေရာအတွက် သူနှင့်ယှဉ်ပြိုင်ရန် ခွန်အားရှိသည်ဟု မထင်သောကြောင့် စိတ်မပူပါချေ။
နည်းပြပြန််က စန်းဝမ်ကို သူ့ပြိုင်ဘက်ဆီကနေအ လွှမ်းမိုးခံရမှာကြောက်သည့်အတွက် နှစ်သိမ့်လိုက်သည်။
"စန်းဝမ် စိတ်မလှုပ်ရှားနဲ့"
စန်းဝမ်: "စိတ်မလှုပ်ရှားပါဘူး နည်းပြ... စိတ်မပူပါနဲ့"
နည်းပြပြန့်က စိတ်သက်သာရာရပြီး သက်ပြင်းချလိုက်၏။ ငါတကယ်ကို နည်းနည်းတော့ စိတ်လှုပ်ရှားနေတယ်...
စန်းဝမ်၏ အားသာချက်မှာ တာတိုပြိုင်ပွဲတွင်သာ ရှိကြောင်း သူခန့်မှန်းနိုင်သည်။ နေ့ခင်းပိုင်းတွင် မီတာ50တာတို ဖားကူးအကြိုပွဲစဉ်များနှင့် မနက်ဖြန်နံနက် မီတာ50ဖားကူး ဖိုင်နယ်တွင် စန်းဝမ် အနည်းဆုံး ငွေတံဆိပ်တစ်ခု ရရှိမည်မှာ သေချာပေသည်။
လက်ရှိတွင် မီတာ 100 အလွတ်တန်းပြိုင်ပွဲတွင် ဂျပန်အသင်းက သန်မာလွန်းပြီး စန်းဝမ်က ငယ်ရွယ်သေးသည့်အတွက် အားသာချက်မရှိပေ။
နောက်တစ်ခုမှာ မီတာ 100 ဖားကူးရေကူးကန်က အရှည်ကြီးဖြစ်ပြီး စန်းဝမ်၏ အားသာချက်က သိပ် အသုံးမဝင်တော့ပေ။ အကြောင်းမှာ ဂျပန်ဖားကူးမာစတာ ခိုဂျီမာမက်စုဒါကြောင့်ပင် ...
"မီတာ 100 ဖားကူးဗိုလ်လုပွဲကို အမှတ်(၂) ရေကူးကန်ရဲ့ ရေကူးကန်တိုမှာ ကျင်းပမှာ ဖြစ်ပါတယ်... ကန်အရှည်မှာ မီတာ1500 အလွတ်တန်း ကျင်းပပါမယ်"
ပြိုင်ပွဲရေကူးကန်ကို ပြောင်းလဲလိုက်သည့် အသံသည် ရေဒီယိုမှ ရုတ်တရက် ထွက်ပေါ်လာသည်။
နည်းပြပြန့် ခဏလောက်ကြက်သေသွားပြီး ချက်ချင်း လက်ခုပ်တီးက ရယ်မောလိုက်သည်။
"အခွင့်အရေးက ရောက်လာပြီး...စန်းဝမ်... မီတာ 100 တာတိုပြိုင်ပွဲ...မက်ရဲ့ကောင်းချီးကြောင့် ငါတို့ တိုက်ပွဲဝင်နိုင်သေးတယ်"
စန်းဝမ်: ...မက်... သေချာရဲ့လား
(may be Karl Marx)
သူက အေးအေးဆေးဆေးပြောလိုက်၏။
"နည်းပြ... ကျွန်တော် အချိန်တိုင်း ခက်ခက်ခဲခဲ ရုန်းကန်နေရတာပါ"
25 မီတာ ရေကူးကန်က စန်းဝမ်နှင့် အရင်းနှီးဆုံးဖြစ်၏။ မီတာ 200 ရေကူးကန်မှာ အနည်းငယ် အဖမ်းမိခံရသည်လွဲ၍ သူ့ အားသာချက်များချည်းဖြစ်သည်။သူက တာတိုပြိုင်ပွဲ နှင့် ရင်းနှီးပြီး အလှည့်အပြောင်းတွင် အားသာချက်ရှိကာ အသက်အောင့်နိုင်သည့်အားသာချက်လည်းရှိ၏။ 25 မီတာတာတိုပြိုင်ပွဲတွင်...
နည်းပြပြန့်က နိုင်ငံလက်ရွေးစင်နည်းပြအဖြစ် ရာထူးတိုးခံရစဉ်ကထက် ပိုမိုပျော်ရွှင်နေသည်။
"နောက်ထပ်က မီတာ 100 ဖားကူးဆန်ကာတင်တွေကို ပြင်ဆင်ဖို့ဖိတ်ခေါ်ပါတယ်..."
စန်းဝမ် ရေငုပ်စင်မြင့်ပေါ်တွင် ရပ်ကာ ဖိအားကိရိယာကို နင်းပြီး ခေါင်းငုံ့၍ ရေကို စိုက်ကြည့်နေလိုက်သည်။
သူက ပဉ္စမဖြစ်ရာ ဒုတိယလမ်းကြောင်းဖြစ်၏။
ပဏာမအဆင့်တွင် အကောင်းဆုံးရလဒ်များရရှိထားသောကြောင့် အလယ်အလတ်လမ်းကြောင်းနှစ်ခုမှ အနိုင်ရရှိသူနှင့် ဒုတိယရသူများသည် ချန်ပီယံနှင့် ဒုတိယ၊တတိယများဖြစ်ရမည်ဟူသော သိပ္ပံနည်းမကျသော စကားတစ်ခွန်းရှိသည်။အလယ်လမ်းက နှစ်ဖက်စလုံးကို လှိုင်းများတွန်းပို့လိမ့်မည့ဖြစ်ရာ လမ်းကြောင်းနှစ်ခုပေါ်ရှိ ကစားသမားများကို ဖိနှိပ်ရန် လှိုင်းများဖြစ်ပေါ်လာစေသည်။
Xxxxxx
Part 848
စန်းဝမ်က ကိစ္စမရှိပါချေ။ သူက ရှေ့ကို အမြန်တက်နိုင်ရင် တခြားသူတွေကို နောက်မှာချန်ထားခဲ့နိုင်၏။
ထို့နောက်တွင် ရေစီးသည် အားကစား သမား၏ နှစ်ဖက်စလုံးသို့ စီးဆင်းသွားပြီး၊ ရေစီးကြောင်း အားလုံးက သူ့ကို နှောင့်ယှက်နိုင်မည် မဟုတ်သောကြောင့် ဤစကားမျိုးကို သူ လုံးဝ မယုံပေ။
နှေးနေလျှင် တခြားသူများအနေဖြင့် သင့်ကို ကျော်စရာမလိုပါချေ။
ဝီစီသံမြည်လာသည်နှင့်အမျှ စန်းဝမ်က ဓားငါးတစ်ကောင်ကဲ့သို့ ရေထဲသို့ ခုန်ဆင်းသွားပြီး မမြင်နိုင်သော လက်ကြီးကြီးတစ်ခု၏ အပိုအင်အားကို တွန်းထုတ်လိုက်သကဲ့သို့ ရေထဲသို့ အမြန်ထိုးဆင်းသွားသည်။
ဘေးပတ်ပတ်လည်တွင် ထိုင်နေသည့် ပရိသတ် တစ်ယောက်မျှမရှိဘဲ မတ်တပ်ရပ်ကာ လက်သီးများကို ဆုပ်၍ ရေကူးကန်ကို စိုက်ကြည့်နေကြသည်။
မီတာ50အရှည်ရှိသည့် ရေကူးကန်ထဲမှာ စန်းဝမ်၏ စတန့်တွေကို သူတို့ မြင်ဖူးကြပြီးသားဖြစ်၏။ သူက တခြားသူတွေထက် ရေထဲမှာ ခံနိုင်ရည်နည်းသည့်အတွက် အဝေးကို အမြန်ပြေးပြီး အချိန်ပိုကြာအောင် ထိန်းထားရသည်။
အခြားသော အားကစားသမားများသည် ရေထဲမှ ခုန်တက်နေပြီဖြစ်ကာ ဖားခုန်ခုန်ကာ အဆက်မပြတ် ကူးခက်နေကြပြီဖြစ်သည်။
စန်းဝမ်က ရေထဲမှ နောက်ဆုံးခုန်ထွက်သူဖြစ်ခဲ့သော်လည်း ရလဒ်မှာ အခြားသူများနှင့် ယှဉ်နိုင်ကာ ပထမလမ်းကြောင်းမှ ကစားသမားကိုပင် ကျော်တက်သွားခဲ့သည်။
သူက တည့်တည့်မတက်ဘဲ ရှေ့ကို မျက်နှာမူပြီး ရေထဲက ခုန်ထွက်လာသည်ကို မြင်လိုက်ရ၏။သူလဲကျသည့်အခါ ခြေထောက်တွေကို ကန်ပြီး ရေကိုလှော်ခတ်ရင်း အကွာအဝေးက တခြားသူတွေထက် ပိုကျယ်ပိုလွယ်လာသည်။
အထူးခြားဆုံးအချက်မှာ သူက ရေကူးခတ်တိုင်းတွင် အမြင့်ဆုံးစွမ်းအားကို စွမ်းဆောင်နိုင်သူဖြစ်သည်။သူ၏လက်မောင်းက ရေအောက်သို့ ကျရောက်သောအခါ သူ၏ခန္ဓာကိုယ်သည် အဝေးကြီးဆီသို့ အလျင်အမြန်ပြေးသွားခဲ့သည်။ယခုအချိန်တွင် ရေက သူ၏လက်ကိုဖိနှိပ်ရန် ပိုမိုအားစိုက်ထုတ်နေပုံရသည်။
"လှည့်... လှည့်"
"ရေထဲက လှည့်လိုက်... မြန်လိုက်တာ"
လှည့်လိုက်ပြီး သူက ဓားငါးတစ်ကောင်လို လှည့်ထွက်သွားပြန်၏။
"ဝမ်ကျင်းရွှေက ဓားမိုးလိုပဲ...အရမ်းမြန်လွန်းတယ်...သူက စတုတ္ထနေရာကို ရောက်ပြီးသားပဲ... အိုး....အရမ်းမြန်လွန်းတယ်...တစ်ခါတည်း သူ့ကိုကျော်တက်လိုက်တာ"
"တစ်ခါထပ်လှည့်လိုက်တော့...ဝမ်ဝမ် တတိယနေရာကို ကျော်သွားပြန်ပြီ..."
"နောက်ဆုံးအကြိမ် အလှည့်မှာ တရုတ်ဝမ်က ခိုဂျီမား နဲ့ တန်းတူဖြစ်နေပြီ...ဘယ်သူက... အိုး...နောက်မှာ... နောက်ဆုံးတော့ သူက ကလေးပဲရှိသေးတယ်လေ ...အားတွေ အများကြ ကုန်သွားတာပေါ့ ... ခိုဂျီမားက အရပ်၊ခွန်အားနဲ့ လက်တံရှည်ရှည်တွေအားသားချက်ရှိတော့ ထိနိုင်....တရုတ်လိုချင် ...အမေးဇင်း "
"တရုတ်ဝမ်က နောက်ဆုံးအခေါက်မှာ ဘုရားသခင်ရဲ့ကူညီစောင်မမှုကြောင့် ခိုဂျီမားကိုအမှီလိုက်နိုင်ပြီး နံရံကိုအရင်ထိနိုင်ခဲ့ပါတယ်ခင်ဗျားးး"
နည်းပြပြန့် နှင့် အခြားသူများ စိတ်လှုပ်ရှားစွာ ခုန်ပေါက် ကြပြီး တစ်ယောက်ကိုတစ်ယောက် ပွေ့ဖက်ကာ လက်ခုပ်တီးကြသည်။အကယ်၍ တရုတ်လူမျိုးများကိုသာ သီးသန့်မထားပါက စန်းဝမ်ကိုဆွဲတင်ရန် ရေကူးကန်ထဲသို့ အမြန်ပြေးသွားကြမည်ဖြစ်သည်။
စန်းဝမ်က ဘောင်ပေါ်တက်လာပြီး ဘာမှကြီးကြီးမားမားမဖြစ်သလိုမျိုး အလွန် ငြိမ်သက်နေဆဲပင်။
သူပါဝင်နိုင်သရွေ့ သူ့အတွက် အခွင့်အရေးရှိလေသည်။ ကြောက်စရာအကောင်းဆုံးက သူ့မှာပါဝင်ခွင့်မရှိခြင်းဖြစ်၏။
မက်ဆုဒါခိုဂျီမား ရောက်လာပြီး သူ့ကိုလက်ဆန့်ပေးလာသည်။
"မင်္ဂလာပါ ဟန်ဝမ်မင်...ငါက မက်ဆုကာခိုဂျီမားပါ"
စကားပြန်တစ်ယောက်က ချက်ချင်း အကူအညီပေးလိုက်၏။
စန်းဝမ် ဂျပန်အားကစားသမားများသည် ဆရာပြောသော ဂျပန်နတ်ဆိုးများမဟုတ်ကြောင်း၊ ၎င်းတို့သည် ကွဲပြားကြကြောင်း သူ့ကိုယ်သူ ဖြောင့်ဖြလိုက်သည်။ နှစ်နိုင်ငံ သံတမန်ဆက်ဆံရေး ထူထောင်ထားသောကြောင့် မက်ဆုကာခိုဂျီမား နှင့် လက်ဆွဲနှုတ်ဆက်ပြီး “ဟဲလို”ဟုပြောလိုက်၏။
မက်ဆုဒါခိုဂျီမား ဤကလေးကို ရွှေတံဆိပ်ဆုရသွားခြင်းကို စိတ်မလှုပ်ရှားဘဲ ဤမျှတည်ငြိမ်နေလိမ်မည်ဟု မမျှော်လင့်ထားခဲ့ပေ။
“ရွှေတံဆိပ်ရလို့ စိတ်မလှုပ်ရှားဘူးလား” ဟု
သူမမေးဘဲမနေနိုင်ခဲ့ပေါ
စန်းဝမ်၏ မျက်နှာက တည်ငြိမ်နေပြီး အနက်ရောင်မျက်လုံးများက တလက်လက်တောက်ပနေသည်။
"စိတ်လှုပ်ရှားတာပေါ့...ကျွန်တော်က အမြဲတမ်း စိတ်လှုပ်ရှားနေတာ... နောက်တစ်ခါ ရွှေတံဆိပ်တွေ ထပ်ရဦးမယ့်အကြောင်း တွေးရင် အရမ်းစိတ်လှုပ်ရှားတယ်"
ဘာသာပြန်သူက အံ့အားသင့်သွားပြီး တရုတ်လူမျိုးများက နှိမ့်ချမှုရှိသည်ဆိုသည့်အကြောင်းကို လက်ခံသွားသည်။ (🤣🤣)
မက်ဆုဒါခိုဂျီမားက ဘာသာပြန်သူ၏ စကားကို နားထောင်ပြီးနောက် စန်းဝမ်၏ အမူအရာကို ကြည့်ကာ နှုတ်ဆိတ်သွားသည်။
နည်းပြပြန့် နှင့် အခြားသူများ ပြေးလာပြီး စန်းဝမ်ကို သယ်ထုတ်သွားကြသည်။
စန်းဝမ်၏ မျက်နှာထက်ရှိ အေးဆေးတည်ငြိမ်မှုက အစားခံလိုက်ရသည်မှာ ကြာပြီ ဖြစ်ကာ တစ်ကိုယ်လုံး စိတ်လှုပ်ရှား သွားပြီးအော်တော့၏။
"မမြှောက်ပါနဲ့... ငါ အမြင့်ကို နည်းနည်း ကြောက်လို့ပါ"
လူတိုင်းက သူ့ကို ပစ်မြှောက်ပြီးနေပြီဖြစ်သည်။
ဟင်နရီက ပြေးပြီး ကလစ်နှိပ်ပြီး ဓါတ်ပုံရိုက်လိုက်၏။ သူ ထိုနေရာမှာ ဓာတ်ပုံရိုက်ရန် စောင့်နေခဲ့သည်။ ဤတစ်ကြိမ်တွင် သူက တရုတ်အသင်းနှင့် သီးသန့်အင်တာဗျူးလုပ်ခဲ့ပြီး စန်းဝမ်၏ ပြိုင်ပွဲကို ခြေရာခံကာ လုပ်ငန်းစဉ်တစ်ခုလုံး အလွန်အောင်မြင်ခဲ့သည်။
...
မီတာ 100 ဖားကူးဆုများချီးမြင့်သည့် အခိုက်အတန့် ။
အာရှအားကစားပြိုင်ပွဲတွင် ထိပ်တန်းအားကစားသမား (၃)ဦးအတွက် နိုင်ငံတော်သီချင်းကို တီးမှုတ်ပြီး နိုင်ငံတော်အလံကို လွှင့်တင်မည်ဖြစ်သည်။၎င်းသည် အားကစားသမားများနှင့် အမိနိုင်ငံအတွက် အမြင့်မားဆုံးသော လေးစားမှုတစ်ခုဖြစ်သည်။
"ရွှေတံဆိပ်ဆုရှင် ...တရုတ်နိုင်ငံမှ ဟန်ဝမ်မင်းးး"
"ငွေတံဆိပ်ဆုရှင်...ဂျပန်နိုင်ငံမှ မက်ဆုဒါခိုဂျီမားးးး"
"ကြေးတံဆိပ်..."
ပထမဦးစွာ တရုတ်အလံကို လွှင့်ထူပြီး စေတနာ့ဝန်ထမ်းများ၏ မတ်လကို တီးမှုတ်ခဲ့သည်။
ပရိတ်သတ်များက မတ်တပ်ထရပ်ကြ၏။
စန်းဝမ်က ဥက္ကဋ္ဌကျောက်ထုတ်ထားသော နှိမ့်ချခြင်းမပြုသလို မောက်မာခြင်းလည်းမပြုရဟူသော စည်းမျဥ်းကို တင်းတင်းကျပ်ကျပ် လိုက်နာပြီး သူ့မျက်နှာပေါ်တွင် အပြုံးတစ်ခုနှင့်အတူ တည်ငြိမ်သော အမူအရာဖြင့် စင်ပေါ်တက်သွားခဲ့သည် ။
မတ်တပ်ရပ်လျက် လက်နှစ်ဖက်ကို ဝှေ့ယမ်းကာ ပရိသတ်ကို နှုတ်ဆက်လိုက်သည်။ဤသည် သူ အလွန်အမင်း ထိန်းချုပ်ထားခြင်း သို့မဟုတ် ထိတ်လန့်လွန်းခြင်း သို့မဟုတ် အထိန်းအကွပ်မဲ့ခြင်းတို့မရှိစေရန် သူကြိုတင်စီစဉ်ထားခြင်းဖြစ်သည်။
ဆုပေးပွဲ ပြီးသောအခါ စန်းဝမ် လည်ပင်းတွင် ရွှေတံဆိပ်တစ်ခုနှင့် ပြေးဆင်းသွားခဲ့သည်။
ဟင်နရီက သူ့ကိုတားလိုက်၏။
“ဆဝမ်... ဇဝမ်...ရွှေတံဆိပ်ရတာ ဘယ်လိုခံစားရလဲ”
စန်းဝမ်က ရွှေတံဆိပ်ကို ကိုင်လိုက်ပြီး ကိုက်ကြည့်ကာ စိတ်လှုပ်ရှားစွာဆိုလေသည်။
“ရွှေအစစ်လား”
ငါ ဘာပြောရမှန်းမသိတော့ဘူး...မင်းက ရွှေတစ်စအတွက်မဟုတ်ဘဲ ဂုဏ်အသရေအတွက် တိုက်ပွဲဝင်ဖို့ ရောက်နေတာလေ... ဒါပေမဲ့ ရွှေရဖို့အတွက် သူရောက်လာသလိုမျိုး စန်းဝမ်ရဲ့အမူအရာက ဘာဖြစ်နေတာလဲ...
မီတာ 50 ဖားကူးပြိုင်ပွဲတွင် သံသယဖြစ်စရာမရှိပါဘဲ စန်းဝမ်က ငွေတံဆိပ်ရရှိခဲ့သည်။အကွာအဝေးတိုလွန်းသောကြောင့် သူ၏အားသာချက်များကိုအပြည့်အ၀မသုံးနိုင်ဘဲ မက်ဆုဒါခိုဂျီမားကို ရှုံးနိမ့်ခဲ့သည်။
သို့သော် စန်းဝမ်၏ အလားအလာကို မြင်သောကြောင့် မက်ဆုဒါခိုဂျီမားတစ်ယောက် လုံး၀ မပျော်ရွှင်ခဲ့ပေ။ လာမည့် အာရှအားကစားပြိုင်ပွဲတွင် မိမိက သူ၏ပြိုင်ဘက် ဖြစ်လာနိုင်ဖွယ်မရှိပေ။
အာရှအားကစားပြိုင်ပွဲမှာ မီတာ50နှင့်မီတာ 200 အလွတ်တန်းပြိုင်ပွဲများ၏ အနာဂတ်ကိုပင် မြင်နေရပြီး စန်းဝမ်၏ ကိုယ်ပိုင်ကွင်းဖြစ်သွားမှာကို သူကြောက်မိသည်။
ဤကလေးက အလွတ်တန်းမှာ ပိုထက်မြက်သသည့်အတွက် ဖားကူးခြင်းက သူ၏ငယ်ရွယ်မှုကြောင့် ရေစမ်းမှုတစ်ခုသက်သက်ပါပင်။
ဟေ့ သူတို့ အနားယူရတော့မှာလား...အာရှအားကစားပြိုင်ပွဲမှာ ဂျပန်အသင်းရဲ့ နှစ် 20 စိုးမိုးမှု ပျက်ပြားသွားတော့မှာလား...
....
Welcome To MM Storyteller
LOGIN
Welcome To MM Storyteller
REGISTER