Ch 1&2

Ch 1

ကလေးငယ်ရဲ့ အော်သံကြောင့် အလှမယ်လေး ဝမ် သတိပြန်‌ရလာပြီး ခေါင်းကိုက်လာခဲ့သည်။ သူမရဲ့ ပါးပြင်က အေးစက်နေပြီး အနည်းငယ် စိုစွတ်နေကာ နှုတ်ခမ်းက အနည်းငယ် ငန်နေသလို ခံစားရသည်။ပါးပြင်က အေးစက်နေပြီး အနည်းငယ် စိုစွတ်နေကာ နှုတ်ခမ်းက အနည်းငယ် ငန်နေသလို ခံစားရသည်။

ရုတ်တရက် မျက်လုံးဖွင်လိုက်တော့ ထူးဆန်းတဲ့အခန်းကို တွေ့လိုက်ရသည်။

သူမဘေးနားက ကလေးမလေးက ဝမ်ရှောင်ရှောင် နိုးလာတာကို တွေ့တော့ "မေမေ...မေမေ....ဗိုက်ဆာတယ်...ဗိုက်ဆာတယ်။"

ဝမ်ရှောင်ရှောင်က သူမဘေးရှိ ကလေးငါးယောက်၊ ယောင်္ကျားလေး လေးယောက်၊ မိန်းကလေးတစ်ယောက်ကို ကြည့်ပြီး အံ့ဩသင့်သွားသည်။

ခဏ.....

ဒါက သူမဖတ်ဖူးတဲ့ ဝတ္တုမဟုတ်ဘူးလား?

ထိုဝတ္တုတွင် သူမနဲ့ နာမည်တူတဲ့ ဇာတ်ပို့ဇာတ်ကောင် တစ်ယောက်ရှိသည်။

စာအုပ်ထဲတွင် ဝမ်ရှောင်ရှောင်က သူမအသက် 12 နှစ်တွင် ကားမတော်တဆမှုဖြင့် မိဘကို ဆုံးရှုံးခဲ့ပြီး ပစ္စည်းအများအပြားကို ချန်ထားခဲ့သည်။ ပိုသိသာ ထင်ရှားအောင် ပြောရရင်တော့ အမျိုးသမီးဇာတ်ဆောင် ပိုင်ရှောင်လန်ရဲ့ ‌အဖေက အရက်မူးပြီး မတော်တဆမှု ဖြစ်ခဲ့တာ ဖြစ်သည်။

သူမရဲ့ မိဘများ ကွယ်လွန်ပြီးနောက် မူလဝမ်ရှောင်ရှောင်က သူတို့ ကျန်ရစ်ခဲ့တဲ့ စည်းစိမ်ဥစ္စာဖြင့် နေထိုင်ခဲ့သည်။ သူမက သိန်းဆယ်ဂဏန်း၊ အိမ်ကြီးနှစ်လုံးနဲ့ အပိုလျော်ကြေးငွေ စုစုပေါင်း သန်း 60 ကို ရရှိခဲ့သည်။

မူလဝမ်ရှောင်ရှောင်တွင် သူငယ်ချင်းများစွာ မရှိခဲ့သော်လည်း နောက်ပိုင်းတွင် ပိုင်ရှောင်လန်က သူမရဲ့ စည်းစိမ်ဥစ္စာကို မနာလိုစိတ်ဖြင့် သူမကို မိတ်ဖွဲ့ချင်ခဲ့သည်။

ဒါပေမဲ့ မူလဝမ်ရှောင်ရှောင်က သူမကို မုန်းတီးပြီး လျစ်လျူရှုကာ အခုထက်ထိတိုင် ဆက်လက် လုပ်နေခဲ့သည်။

မူလဝမ်ရှောင်ရှောင်က ကိုယ်ဝန်ရခြင်းမှာ သူမအသက် 18 နှစ်တွင် မတော်တဆ ဖြစ်ပွားခဲ့ခြင်း ဖြစ်သည်။ အတိအကျတော့ သူမ မမှတ်မိပေ။

ဒီဘဝလေး ငါးခု ရောက်ရှိလာခြင်းက မူလဝမ်ရှောင်ရှောင်ကို ပျော်ရွှင်စေခဲ့သည်။

"မေမေ ဗိုက်ဆာတယ်" သကြားလုံးကဲ့သို့ ချိုမြနေတဲ့ ကလေးမလေးရဲ့ အသံက နားထဲသို့ ဝင်လာခဲ့သည်။

မူလဝမ်ရှောင်ရှောင်ရဲ့ မှတ်ဉာဏ်အရ အကြီးဆုံးသားမှာ ဝမ်မိုဖြစ်ပြီး နောက်က ဝမ်ဟိန်၊ ဝမ်ရန်၊ ဝမ်ရှောင်နဲ့ ဝမ်ဖိန် တို့ ဖြစ်သည်။ သူတို့အားလုံးက လေးနှစ် ဖြစ်သည်။ ဝမ်မိုက အေးချမ်းသည်။ ဝမ်ဟိန်က နူးညံ့သည်။ ဝမ်ရန်က နွေးထွေးသည်။ ဝမ်ရှောင်က ရိုင်းစိုင်းသည်။ ဝမ်ဖိန်က တက်ကြွသည်။

"မေမေ ညီမလေး ဗိုက်ဆာနေပြီ။" ဝမ်မိုက ကြင်နာစွာ သတိပေးရင်း သူ့ကလေးမျက်နှာက ဖောင်းကားနေပေမဲ့ မျက်နှာက အမူအရာ မဲ့နေသည်။

"မေမေ ပေါင်ပေါင် ဗိုက်ဆာနေပြီ။" ဝမ်ဖိန်က ကြောင်လေးတစ်ကောင်လို ချစ်ဖို့ကောင်းနေတဲ့ သူမရဲ့ မျက်လုံးကြီးများဖြင့် ကြည့်နေသည်။

(T/N ပေါင်ပေါင်က ကလေးပါ)

ဝမ်ရှောင်ရှောင်ရဲ့ နှလုံးသားက နူးညံ့သွားသည်။ သူမက တိုက်ကွန်ဒို နည်းပြတစ်ယောက် ဖြစ်ပြီး မိဘမဲ့တစ်ယောက်လည်း ဖြစ်သည်။ ဒီထူးဆန်းတဲ့အရပ်တွင် ဒီကလေးငါးယောက်ကို မြင်လိုက်ရတဲ့အခါ သူမရဲ့ နှလုံးသားထဲတွင် နွေးထွေးမှုကို ခံစားလိုက်ရသည်။

'ငါက ဒီကို ရောက်ကတည်းက က့က ဝမ်ရှောင်ရှောင် ဖြစ်နေပြီ။ အမျိုးသမီးဇာတ်‌ဆောင်ကတော့ သူမလုပ်ရပ်အတွက် အဖြေပြန်ပေးရမှာပေါ့။'

ဝမ်ရှောင်ရှောင်က ချစ်လှစွာသော ကလေးငါးယောက်ရဲ့ ခေါင်းကို ညင်သာစွာ ပွတ်သပ်ပြီး "တောင်းပန်ပါတယ် ချစ်လေးတို့။ မေမေ ချစ်လေးအတွက် ထမင်းချက်ပေးမယ်။ ဘာစားချင်လဲ။"

သူမ နူးညံ့သိမ့်မွေ့တဲ့ လေသံဖြင့် စကားပြောပြီး သူမရဲ့မျက်နှာက နွေးထွေးမှုနဲ့ ချစ်ခြင်းမေတ္တာတို့ ပြည့်နှက်နေသည်။

အကြီးဆုံးကလွဲပြီး ကလေး လေးယောက်စလုံးက ဝမ်ရှောင်ရှောင်ကို ဖက်လိုက်ကြသည်။ သူမက သူတို့ကို သူမလက်ထဲတွင် ဖက်ထားပြီး အနမ်းမိုး ရွာလိုက်သည်။ ဝမ်မိုရဲ့ စိတ်အားထက်သန်နေတဲ့ မျက်လုံးကို ကြည့်ပြီး ဝမ်ရှောင်ရှောင်က သူ့ကို မာနထောင်လွှားနေတဲ့ ချစ်စဖွယ်လေးလို့ မြင်သည်။

ဝမ်ရှောင်ရှောင်က ဝမ်မိုကို သူမရင်ခွင်ထဲ ဆွဲသွင်းလိုက်ပြီး ဖောင်းနေတဲ့ မျက်နှာလေးကို နမ်းလိုက်သည်။

ဝမ်မိုက ရှက်ရွံ့သွားပြီး ဝမ်ရှောင်ရှောင်က ရယ်မောလိုက်သည်။

"ချစ်လေး မေမေ နမ်းတာကို ဘာလို့ရှက်နေတာလဲ။" ဟု ဝမ်ရှောင်ရှောင်က ဝမ်မိုကို လှောင်ပြောင်လိုက်သည်။

ဝမ်မို ရှက်နေချိန်တွင် သူမရင်ခွင်ထဲက ဝမ်ဖိန်က တစ်ခစ်ခစ် ရယ်မောလိုက်သည်။

"ကောင်းပြီ အခု ကာတွန်းကား သွားကြည့်ကြ။ မေမေက ချစ်လေးတို့အတွက် ညစာ ချက်ပေးမယ်။"

ညနေစောင်းနေပြီ ဖြစ်ပြီး ဝမ်ရှောင်ရှောင်ကို မီးဖိုချောင်ထဲ ဝင်ကာ ခေါက်ဆွဲပြုတ်ဖို့ ဆုံးဖြတ်လိုက်သည်။

ရေခဲသေတ္တာကို ပြည့်နေအောင် မသိုလှောင်ထားပေမဲ့ အလွတ်မထားပေ။ မူလဝမ်ရှောင်ရှောက် မှတ်ဉာဏ်အရ ကလေးငါးယောက်က ဇီဇာကြောင်သူများ မဟုတ်ကြဘဲ တခြားကလေးများထက်ပင် လိမ္မာရေးခြား ရှိလှသည်။

သူမမှာ ပြုစုစောင့်ရှောက်ဖို့ ကလေးငါးယောက် မွေးထားတာကြောင့် မူလဝမ်ရှောင်ရှောင်က အပြင်ထွက်ပြီး အလုပ် မလုပ်နိုင်တော့ပေ။ ထိုအစား သူမက ဝင်ငွေရစေဖို့ အွန်လိုင်းဝတ္တုများကို ရေးသားခဲ့သည်။

Ch 2

တိတ်ဆိတ်သောညတွင် ဝမ်ရှောင်ရှောင်က လည်ပင်းမှ ဆွဲသီးကို မချွတ်ခင် ကလေးငယ်တွေကို အိပ်တာသေချာစေဖို့ အကြိမ်ကြိမ် စစ်ဆေးခဲ့သည်။

မူရင်းစာအုပ်ထဲက ဇာတ်ကွက်ကို ပြန်လည်သုံးသပ်သည်။ ဇာတ်သိမ်းမခံရမီတွင် ဝမ်ရှောင်ရှောင်က အလွန်ပြည့်စုံတဲ့ ဘဝဖြင့် နေထိုင်ခဲ့ပြီး အများစုမှာ အိမ်တွင် နေထိုင်ကာ ကလေးငါးယောက်ကို ပြုစုစောင့်ရှောက်ကာ ဆောင်းပါးများစွာကို ရေးခဲ့သည်။

ဇာတ်သိမ်းပြီးနောက် ပိုင်ရှောင်လန်က ဝမ်ရှောင်ရှောင်ကို လှည့်စားပြီး သူမရဲ့ အကာအကွယ် ကျောက်စိမ်းဆွဲသီးကို ယူကာ ဆွဲသီးအတွင်းက နေရာလွတ်ကို မတော်တဆ ရှာဖွေတွေ့ရှိခဲ့သည်။

ဝမ်မျိုးဆက် မဟုတ်သူ တစ်ယောက်အနေဖြင့် ပိုင်ရှောင်လန်က ၎င်းကို သိုလှောင်ရန်အတွက်သာ အသုံးပြုနိုင်သည်။ တခြားလုပ်ဆောင်ချက်များ အားလုံးကို သူမ ရနိုင်မည် မဟုတ်ပေ။ ဘယ်လိုပင်ဖြစ်ဖြစ် ပိုင်ရှောင်လန်ကို ၎င်းကို အသုံးပြုခြင်းမှ မတား‌‌ဆီးနိုင်ပေ။

ပိုင်ရှောင်လန်က ထူးထူးခြားခြား လှပခြင်း မရှိသော်လည်း သူမက အမျိုးသားများရြဲ အကာအကွယ်ဗီဇကို သဘာတအတိုင်း ဆွဲဆောင်နိုင်တဲ့ ဖြူစင်နူးညံ့တဲ့ အသွင်အပြင်ရှိသည်။ သူမရဲ့ ဇာတ်‌ဆောင်ဩဘာနဲ့ တွဲလျက် သူမက လူအများကြားတွင် နာမည်ကောင်း ရခဲ့သည်။

ဝမ်ရှောင်ရှောင်က စကားများများ ပြောလေ့မရှိသလို ကလေးငါးယောက်ရဲ့ တာဝန်ကို ထမ်းဆောင်နေရတာကြောင့် သဘာဝအတိုင်း သူမကို ကူညီရန် ဘယ်သူမှ မကမ်းလှမ်းကြပေ။ ဆန့်ကျင်ဘက်အနေဖြင့် သူမကို ဝန်ထုပ်ဝန်ပိုဟု မြင်ကြသည်။

အဲဒီနောက်တွင် ဇွန်ဘီဒီရေလှိုင်းကြောင့် ပိုင်ရှောင်လန်က ဝမ်ရှောင်ရှောင်ကို ဇွန်ဘီတွေကြားထဲ တွန်းပို့ခဲ့ပြီး ကလေးငါးယောက်က ကြေကွဲဖွယ် ကံကြမ္မာကို သဘာဝအတိုင်း ကြုံတွေ့ခဲ့ရသည်။

သူမက ဒီဝတ္တုကို ရောက်လာခဲ့ပြီး ၎င်းတွင် ဇာတ်ပို့ဇာတ်ဆောင်ရဲ့ နာမည်က သူမနဲ့တူကြောင်း သူမရဲ့သူငယ်ချင်းထံမှ သိခဲ့ရသည်။

စာအုပ်ရဲ့ နာမည်က ' Apocalyptic Female Protagonist Dominates ' ဖြစ်သည်။

ထို့ကြောင့် သူမက ထိုဝတ္တုကို ထိုညတွင် စတင်ဖတ်ခဲ့ပြီး သူမ ဖတ်လေ ဒေါသပိုထွက်လေ ဖြစ်သည်။

ဇာတ်လမ်းထဲတွင် အမျိုးသမီးဇာတ်ဆောင်က ဝမ်ရှောင်ရှောင်ကို ရက်စက်တဲ့ ဇာတ်ပို့မင်းသမီးအဖြစ် ပြောင်းလဲခဲ့ပြီး ကြေကွဲဖွယ် အဆုံးသတ်ကို ဖြစ်ပေါ်‌စေခဲ့သည်။

ဒီအရာအားလုံးကို တွေးတောရင်း ဝမ်ရှောင်ရှောင်က ပိုင်ရှောင်လန်ကို ရွံ့ရွာလာသည်။

သူမလက်ထဲက ကျောက်စိမ်းဆွဲသီးကို ငေးကြည့်ရင်း သူမရဲ့ မှတ်ဉာဏ်နောက်ကို လိုက်ကာ လက်ကို သွေးထွက်အောင် ဖြတ်လိုက်ပြီး သွေးကို ကျောက်စိမ်ဆွဲသီးပေါ်သို့ ကျစေသည်။

တခဏမှာဘဲ ဆွဲသီးက တောက်ပတဲ့ မြရောင်အလင်းတန်းကို ထုတ်လွှတ်ပြီး မျက်လုံးကနေ ပျောက်ကွယ်သွားသည်။

"ဟင်?"

ကျောက်စိမ်းဆွဲသီးက ဘယ်ရောက်သွားတာလဲ။

ဝမ်ရှောင်ရှောင်က အနည်းငယ် အံ့ဩသွားသော်လည်း မကြာခင်တွင် သူမလက်မောင်းက အနည်းငယ် ပူလောင်တဲ့ ခံစားချက်ကို ခံစားလိုက်ရသည်။ အလင်းရောင် ဖျော့ဖျော့အောက်တွင် သူမလက်ဖျံတွင် အနီရောင် 'ဝမ်' စာလုံး ပေါ်လာတာကို သူမ တွေ့လိုက်ရသည်။

ဝမ်ရှောင်ရှောင်က မျက်ခုံးပင့်လိုက်သည်။ မူရင်းစာအုပ်တွင် အမျိုးသမီးဇာတ်ဆောင်က နေကာလွတ်ကို ချည်နှောင်ထားသော်လည်း ဒီနေရာတွင် မပေါ်ခဲ့ကြောင်း သူမ မှတ်မိသည်။

သူမ စိတ်ထဲတွင် အဖြေပေါ်လာသည့်တိုင်အောင် ဒီပြဿနာကို သူမ ကောင်းကောင်း မတွေးနိုင်ပေ။

ပိုင်ရှောင်လန်က သူမရဲ့ ကျောက်စိမ်းဆွဲသီးမှာ 'ဝမ်' စာလုံး မပေါ်ရခြင်းမှာ ဝမ်မိသားစုရဲ့ မျိုးဆက် မဟုတ်လို့ပေ။ ဒီအကာအကွယ် ကျောက်စိမ်းဆွဲသီးကို သူမတို့ရဲ့ ဘိုးဘေးများထံမှ ရရှိခဲ့ပြီး သူမက ဝမ်မိသားစုရဲ့ တစ်ဦးတည်းသော သားစဉ်မြေးဆက် ဖြစ်တာကြော့င် အဖွားဖြစ်သူက ဝမ်ရှောင်ရှောင်ကို လွှဲပြောင်းပေးခဲ့သည်။

သူမ လိုချင်တဲ့ အဖြေနဲ့အတူ ဝမ်ရှောင်ရှောင်က နေရာလွတ်ထဲ ချက်ချင်း ဝင်သွားခဲ့သည်။ အတွင်းတွင် အတော်လေး ကျယ်ဝန်းပြီး ကန့်သတ်ချက်မရှိ သိုလှောင်နိုင်သည့် သိုလှောင်ခန်းတစ်ခု ပါရှိသည်။

လယ်ဧက ဆယ်ဧက,ကလည်း မြုံနေပြီး လယ်ယာသုံး ကိရိယာ မျိုးစုံဖြင့် ပြည့်နေသည့် အိမ်ငယ်လေး တစ်လုံးရှိသည်။ အနီးအနားတွင် ရေတွင်းတစ်ခု ရှိသည်။ ဝမ်ရှောင်ရှောင်အတွက် ဒါက ကျေနပ်လောက်စရာ ဖြစ်သည်။

အထူးသဖြင့် အကန့်အသတ်မရှိ သိုလှောင်မှုကြောင့် ဝမ်ရှောင်ရှောင်ရဲ့ မျက်လုံးများ တောက်ပလာသည်။ သူမ ကိုယ်တိုင်တွင် အစားအသောက် ကျွေးမွေးဖို့ ကလေးငါးယောက် ရှိသဖြင့် ရိက္ခာ အများကြီး လိုအပ်သည်။

မြေဆယ်ဧကအတွက် မျိုးစေ့ဝယ်ပြီး အသီးအနှံများကို စိုက်ပျိုးရန် စီစဉ်ခဲ့သည်။

ဆန်၊ အသီးအနှံ၊ အသီးအရွက် စသဖြင့်......

ခဏ..

ကြက်၊ ဘဲ၊ ငန်း၊ ငါး မွေးမြူရန် နေရာမရှိပေ။ ဝမ်ရှောင်ရှောင်က ကြက်လှောင်အိမ်နဲ့ ငါးကန်ငယ် တစ်ခုကို တည်‌ဆောက်ရန် မဆုံးဖြတ်မီ ပတ်ပတ်လည်ကို ကြည့်ပြီး ခဏလောက် စဉ်းစားလိုက်သည်။

အသားမရှိရင် ဘယ်လိုလုပ် အာဟာရ ပြည့်မလဲ။

ဝမ်ရှောင်ရှောင်က အိပ်မပျော်တာကြောင့် ငါးကန်တစ်ခုကို တူးရန် ဆုံးဖြတ်လိုက်သည်။

ရေသိုလှောင်ရန် အဆင်ပြေစေရန်အတွက် ပေါ်ပြားကို ကိုင်ပြီး ရေတွင်းဘေးတွင် စတင်တူးသည်။

မြေဆီလွှာက ပျော့ပျောင်းလွန်းပြီး မမာပေ။

ခဏလောက် တူးပြီးနောက် ဝမ်ရှောင်ရှောင်က အနည်းငယ် ပင်ပန်းလာသည်။ သန့်ရှင်းသပ်ရပ်တဲ့ နေရာတစ်ခုကို ရှာပြီး ထိုင်ချကာ သူမ အာခြောက်နေသည်။

ဝမ်ရှောင်ရှောင်က ရေတွင်းသို့ သွားကာ လက်ခုပ်ဖြင့် ရေခတ်ကာ သောက်လိုက်သည်။

ရေက ချိမြိန်ပြီး လန်းဆန်းနေသည်။

သူမက နေရာလွတ်ထဲတွင် အချိန်တော်တော်ကြာ ကုန်ဆုံးသွားသလို ခံစားလာရသဖြင့် ဝမ်ရှောင်ရှောင်က အပြင်ထွက်ရန် ဆုံးဖြတ်လိုက်သည်။

သူမဘေးတွင် နှစ်နှစ်ခြိုက်ခြိုက် အိပ်ပျော်နေ‌တဲ့ ကလေးငါးယောက်ကို ကြည့်လိုက်‌တဲ့အခါ ဝမ်ရှောင်ရှောင်ရဲ့ မျက်လုံးက နူးညံ့မှုတွေဖြင့် ‌ပြည့်နှက်နေသည်။

သူမက သူတို့ရဲ့ မျက်နှာကို ညင်သာစွာ ကိုင်လိုက်ပြီး တစ်ယောက်ပြီး တစ်ယောက် နမ်းလိုက်သည်။

အနီးအနားက ဖုန်းကို ကောက်ကြည့်လိုက်တော့ 9 နာရီခွဲ ဝန်ကျင်းဘဲ ရှိ‌သေးသည်။

9 နာရီ 25 မိနစ်မှာ နေရာလွတ်တထဲ ဝင်သွားတာကို သတ်ိရမိပြီး အပြင်မှာ 5 မိနစ်ဘဲ ရှိသေးသည်။

ပြောရလျှင် အပြင်ဘက် တစ်မိနစ်က နေရာလွတ်ထဲက တစ်နာရီနဲ့ ညီမျှသည်။