MM Story Teller

Ch-15

Viewers 15k

"ငါက လက်ထပ်ခွင့်လျှောက်လွှာ တင်ပြီးပြီ"

ဝမ်ယွမ်ကျန်းသည် သူ့စကားကြောင့် အလွန်ထိတ်လန့်သွားရကာ အချိန်အကြာကြီး အသံမထွက်နိုင်ဘဲ "ရဲဘော်လု မင်းနောက်နေတာလား? ဒါမရယ်ရဘူးနော်။"

လူတိုင်းက အကဲဖြတ်ခြင်းနှင့် ပြန်လည်သုံးသပ်ခြင်းကိစ္စရပ်တို့နှင့် အလုပ်များနေကြကာ ၅ရက်လောက်အချိန်ယူခဲ့ရသော်လည်း ဒီလူက ရုတ်တရက်ကြီး သူလက်ထပ်ခွင့်လျှောက်လွှာတင်ပြီးပြီလို့ ပြောလာ၏။

သူက နောက်ကျမှ စတင်ဒိတ်လုပ်ခဲ့ရင်တောင် ဒီလောက်အစောကြီး လက်ထပ်မှာမဟုတ်ဘူးလေ။

လုယန်က အေးဆေးတည်ငြိမ်စွာဖြင့် ပြောလာခဲ့သည်။ "မနောက်ပါဘူး၊ သူမက အနုပညာအဖွဲ့မှာ သီချင်းဆိုတာလေ"

သူမက အရမ်းလှပတယ်၊ အသံလည်းကောင်းတယ်၊ သူမရဲ့မျက်လုံးတွေက သူ့စိတ်ဝိညာဉ်ကို ဆုံးရှုံးသွားစေတဲ့အထိ စွဲမက်ဖွယ်ကောင်းတယ်၊ သူမလေးငိုတဲ့ပုံစံကလည်း ပိုလို့တောင် စိတ်ဝင်စားဖို့ကောင်းနေ......

ဟုတ်တာပေါ့... ဒီအကြောင်းတွေကိုတော့ အပြင်လူတွေကို ပြောစရာမလိုပါဘူးလေ။

"ဘယ်နှစ်ခါတွေ့ပြီးပြီလဲ?"

"တစ်ခါ"

"မင်း... မင်း တစ်ခါပဲတွေ့ဖူးတာကို လက်ထပ်တော့မယ်? မင်းဘာပြောလိုက်တာလဲ? သူမက ဘယ်လိုမိန်းမမျိုးလဲ မင်းသိပြီလား? အနာဂတ်မှာ သူမက မိသားစုကို ကောင်းကောင်းစောင့်ရှောက်နိုင်မလားဆိုတာရော မင်းသေချာရဲ့လား?"

"အိမ်ထောင်ရေးဆိုတာ တစ်သက်လုံးအတွက် ကိစ္စတစ်ခုနော်။ မင်းဘယ်လိုလုပ် ဒီလိုပေါ့ပေါ့လေးလုပ်နေရတာလဲကွာ?! ငါတို့က မကြာခင် ချုံကျိူးကျွန်းကိုသွားရတော့မှာ၊ သူမကရော မင်းနဲ့အတူ လိုက်နိုင်လိမ့်မယ်လို့ မင်းထင်နေတာလား? သူမက အိမ်ကနေ မိုင်ပေါင်း၃၀၀၀လောက်ဝေးတဲ့ ချုံကျိုးကျွန်းလိုနေရာကို ဘာလို့ သွားချင်နေမှာတုန်း?"

ဝမ်ယွမ်ကျန်းသည် ရှောင်းမာကို သူနှင့်အတူ ချုံကျိုးကျွန်းသို့သွားရန် ဆန္ဒရှိမရှိ အကြိမ်ကြိမ် မေးမြန်းခဲ့ပြီးပြီ။ အစတုန်းကတော့ သူမက ဆန္ဒရှိပေမယ့်လည်း နောက်ပိုင်းတွင် တိကျတဲ့အခြေအနေကို နားလည်လာသည့်အခါ သဘောမတူတော့ချေ။

သူ ဝမ်းနည်းနေခဲ့ပေမယ့်လည်း သူမရဲ့ ဆုံးဖြတ်ချက်ကို နားလည်ပေးနိုင်ပါတယ်။

"ဒီခေတ်သစ်စစ်ပွဲက *blitzkriegစစ်ပွဲလိုပါပဲကွာ" လုယန်က သူ့ကို စောင်းငဲ့ကြည့်ကာ "ပေါက်ကရတွေပြောပြီး အချိန်ဆွဲနေတဲ့ မင်းနဲ့ ဘယ်သူတူမှာလဲ?"

(*blitzkrieg: surprise attack)

"လုယန်! မင်းရဲ့သဘောထားက မမှန်ဘူးနော်! စစ်ပွဲနဲ့ယှဉ်ကြည့်ပြီးတော့ ကဏ္ဍတိုင်းကို စဉ်းစားပြီးပြီလား? အနာဂတ်ရဲ့ မိသားစုဘဝကို သေချာစဉ်းစားပြီးပြီလားကွ?" ဝမ်ယွမ်ကျန်းသည် မရေမတွက်နိုင်သော လူများရဲ့ စကားတွေကို ကြားပြီး အကြိမ်ပေါင်းများစွာ ထပ်ခါထပ်ခါ တွေးနေခဲ့ပြီး ကဏ္ဍတိုင်းကို စေ့စေ့စပ်စပ် စဉ်းစားခဲ့လေသည်။

"လုယန် မင်းရဲ့ခေါင်းကို မြည်းအကန်ခံလိုက်ရတာလားကွ?"

"ဖာ့ခ်!" လုယန်က မျက်လုံးလှိမ့်လိုက်ပြီး သူ့ကို ဆူဆဲလိုက်တော့၏။

လုယန်ဟာ သူ့စိတ်တွေက အရင်ကထက်တောင် ပိုကြည်လင်နေသေးတယ်လို့ ခံစားနေရလေသည်။ သူက သူမကို လိုချင်ရုံလေးပါပဲ၊ သူမကို အရူးအမူးလိုချင်နေတာ။ အကယ်၍ အမျိုးသားတစ်ယောက်က အမျိုးသမီးတစ်ယောက်ကို လိုချင်တယ်ဆိုရင် သူဘာလို့ အများကြီးတွေးနေဦးမှာလဲ?

"ငါ မကြာခင် ချုံကျိုးကျွန်းကို သွားရတော့မှာ။ တကယ်လို့ မြန်မြန်မလုပ်ရင် သူမနဲ့ လွဲချော်သွားနိုင်ပြီးတော့ တခြားသူရဲ့ဇနီးဖြစ်သွားနိုင်တယ်လေ။ ဒီလိုကိစ္စတွေကို မြန်မြန်လုပ်စရာရှိတာ လုပ်သင့်ပြီးတော့ လက်မှတ်နဲ့ တံဆိပ်တုံးထုဖို့က အရေးကြီးဆုံးပဲဆိုတာကို အရူးတောင်သိတယ်ကွာ"

ဝမ်ယွမ်ကျန်း: "…"

ဒီရဲဘော်လုက တကယ့်ကို ခေါင်းမာတာပဲဟ! မဟုတ်သေးပါဘူး၊ သူဘယ်လိုမိန်းမမျိုးနဲ့ လက်ထပ်ချင်လဲဆိုတာကို သူစုံစမ်းကြည့်ရမယ်။

"ဟာ့ ဒီအရိုင်းအစိုင်းကောင် ဒီကောင်စုတ်ကတော့ —"

လုကျုံးရီ အသက်ပြင်းပြင်းရှူကာ အဆက်မပြတ် ကျိန်ဆဲနေလျက်။ ကျန်းဖျင်က အခန်းထဲကို ဝင်လိုက်သည်နှင့် အဖိုးကြီးက သားငယ်ကို ဆူပူနေတာကို သူမ ကြားလိုက်ရသဖြင့် နားမခံသာနိုင်အောင် ဖြစ်သွားရ၏။

"လောင်ဝမ်က ရှင်နဲ့ စကားပြောဖို့ ထပ်ရောက်လာပြန်တာလား?"

ထိုအချိန်မှစ၍ လောင်ဝမ်လာပြီးသည့်အချိန်တိုင်း လုကျုံးရီက သူ့သားကို မကျေမနပ်ဖြင့် အပြစ်တင်လေ့ရှိလေသည်။

ဘေးအိမ်က လောင်ဝမ်သည်ကား လုကျုံးရီရဲ့ ရန်သူဟောင်းကြီးပင်။ သူတို့နှစ်ယောက်လုံးက ရန်သူတွေလည်းဖြစ်သလို သူငယ်ချင်းတွေလည်းဖြစ်ကြပြီး သူတို့စိတ်ထဲမှာ ဘာရှိလဲဆိုတာကို သူတို့အချင်းချင်း အမြဲသိနေကြလျက်။

ဘေးအိမ်က လောင်ဝမ်မှာ သားနှစ်ယောက်နဲ့ သမီးတစ်ယောက်ရှိသလို သူတို့လုမိသားစုတွင် ကျန်းဖျင်က လုကျုံးရီအတွက် သားလေးယောက်နှင့် သမီးတစ်ယောက်ကို မွေးဖွားပေးခဲ့၏။

အကြီးဆုံးသားက စောစောစီးစီးသေဆုံးသွားခဲ့ပေမယ့်လည်း ဒုတိယသား၊ တတိယသား၊ စတုတ္ထသားနှင့် တတိယသမီးတို့ရှိနေသေးသည်။ ဟုတ်တာပေါ့၊ အနည်းဆုံးတော့ အရေအတွက်က လောင်ဝမ်ထက် ပိုကောင်းနေတာပေါ့လေ။

လုကျုံးရီသည် ထိုကိစ္စကို အမြဲတမ်းအားရကျေနပ်နေခဲ့ကာ နောက်ပိုင်းတွင် ကလေးတွေ ကြီးပြင်းလာကြပြီး မိသားစုနှင့် စီးပွားရေးကို စတင်လိုကြသည့်အခါ ပြဿနာတွေ စတင်ပေါ်ပေါက်လာခဲ့၏။

လောင်ဝမ်ရဲ့ အကြီးဆုံးသားက အသက်၂၀အရွယ်ရောက်သည့်အခါ အိမ်ထောင်ပြုသွားခဲ့သလို သူ့သမီးလည်း အသက်၂၀မှာပဲ အိမ်ထောင်ကျသွားခဲ့လေသည်။ လောင်ဝမ်ရဲ့ အငယ်ဆုံးသားလေးတောင် အသက်၂၅နှစ်တွင် အိမ်ထောင်ပြုခဲ့သည်။

သူတို့ရဲ့ လုမိသားစုမှာတော့ ဒုတိယသားက အသက်၃၀အရွယ်မှာ အိမ်ထောင်ပြုခဲ့ပြီး သူတို့ရဲ့ တတိယသမီးကလည်း အသက်၃၀မှာပဲ အိမ်ထောင်ကျခဲ့ပေမယ့် စတုတ္ထသားနှင့် အငယ်ဆုံးသားကတော့ အခုထိ အိမ်ထောင်မပြုသေးချေ။

ထို့အတွက်ကြောင့် လောင်ဝမ်က လောင်လုကို မကြာမကြာ ဟားတိုက်ရယ်မောလေ့ရှိသည်။ "ငါ့ကလေးတွေက မင်းကလေးတွေထက် ပိုစောပြီး အိမ်ထောင်ပြုကြတယ်ကွ"

လောင်ဝမ်ရဲ့ ကဲ့ရဲ့မှုအောက်တွင် လုကျုံးရီက လုယန်အပေါ်တွင် သူ့မျှော်လင့်ချက်အားလုံးကို ပုံအောထားကာ အနည်းဆုံးတော့ အသက်၂၆နှစ်မရောက်ခင်မှာ လက်ထပ်မှတ်ပုံတင်ရရန် ချွေးမတစ်ယောက်ရှာလာပြီး အဲ့ဒီလူဆိုးကောင်နဲ့ တိုက်ခိုက်ဖို့ မျှော်လင့်နေလျက်။

သို့ပေတည့် ကောင်းကင်ဘုံကတော့ လူတွေရဲ့ဆန္ဒကို အမြဲဖြည့်ဆည်းပေးနေမှာတော့ မဟုတ်ဘူးလေ။

ကျန်းဖျင်လည်း သက်ပြင်းချလိုက်ပြီး သူမသားငယ်ရဲ့ ဘလိုင်းဒိတ်စံချိန်ကိုလည်း ကြားထားလေသည်။

ကျန်းဖျင်: "ရှင်တို့ဘိုးဘေးတွေလည်း နောက်ကျမှအိမ်ထောင်ပြုခဲ့ကြတာပဲလေ၊ မလောပါနဲ့"

ရဲဘော်လုကျုံးရီသည်လည်း အသက်၃၀အထိ အိမ်ထောင်မပြုခဲ့ပေ၊ သူတို့နှစ်ယောက်ဟာ တော်လှန်ရေးဇနီးမောင်နှံအဖြစ် သတ်မှတ်ခံခဲ့ရသည်။ ရဲဘော်တစ်ယောက်ရဲ့ လက်တွဲဖော်တစ်ဦးဖြစ်တဲ့ ကျန်းဖျင်ဟာ အငြိမ်းစားမယူခင်က စစ်ဆရာဝန်တစ်ဦးဖြစ်လေ၏။

"မင်း-မင်း သိရဲ့လား sh*t!" လုကျုံးရီက ဖုန်းထဲမှ သူကြားလိုက်ရသည်ကို ပြန်တွေးမိရင်း ပင့်သက်ရှိုက်လိုက်မိသည်။

သူ့မိန်းမက မသိသေးတော့ ပြဿနာကလည်း ကိစ္စကြီးမဟုတ်ဘူးပေါ့။

"အင်း ကျွန်မနားမလည်ဘူး" ကျန်းဖျင်က မျက်လုံးလှိမ့်လိုက်ကာ "ရှင်က ရှင်ရဲ့သားကို နောက်ဆုံးမိန်းကလေးတစ်ယောက်နဲ့ အတင်းတွေ့ခိုင်းသေးတဲ့အပြင် ရှင်က တစ်ခြားသူကို ဒေါသကြီးတဲ့ မိန်းကလေးကိုတောင် ရှာခိုင်းလိုက်သေးတယ်။ သူတို့အချင်းချင်းတွေ့ခဲ့ကြပေမဲ့ ရန်မဖြစ်ကြဘူးတဲ့၊ ရှင်ဘာတွေတွေးနေတာလဲ?"

လုကျုံးရီ: "…"

သူပြောရမှာကို နည်းနည်းကြောက်သွားရ၏။

လုကျုံးရီရဲ့ ဦးရေပြားမှာ ထုံကျင်နေလျက် သူ့လက်ကိုမြှောက်ကာ မေးစေ့ကို ကုတ်လိုက်ပြီးမှ ကျန်းဖျင်အနားမှာ တိုးတိုးလေးပြောလာ၏။ "မင်းက ငါ့ကိုဆန့်ကျင်ဘက်ပြီး သီချင်းဆိုချင်နေတာလို့ သံသယရှိလာပြီ"

ကျန်းဖျင်က သူ့ကို စိုက်ကြည့်ရင်း "အဲ့ဒါ ရှင်နဲ့ ထိုက်တန်တာပဲ"

"မိန်းမရယ် မင်းက ဒီကိစ္စရဲ့ အလေးအနက်ကို ခုထိမသိသေးလို့။ အခုပဲ လောင်ကျန်းက ငါ့ဆီ ဖုန်းခေါ်လာတာ၊ လုယန်က အဲ့ဒီဒေါသကြီးတဲ့မိန်းကလေးနဲ့ လက်ထပ်တော့မယ်ဆိုပဲ၊ သူ့ကို လက်ထပ်ခွင့်အစီရင်ခံစာလာတင်တယ်လို့ ပြောနေတာကွာ"

ကျန်းဖျင်က အံ့အားသင့်သွားကာ "ဘာ? ယန်က လက်ထပ်တော့မယ်?"

"အင်း… အဲ့ဒီဒေါသကြီးတဲ့ ကောင်မလေးနဲ့တဲ့။ လောင်ကျန်းက ငါ့ကို သူမအကြောင်း နည်းနည်းပြောပြဖူးတယ်။ မင်းရောနားထောင်ချင်လား?"

ကျန်းဖျင်: "... ရှင့်သားရဲ့ ဒေါသကလည်း သိပ်မကောင်းဘူးဆိုတာ ကျွန်မမှတ်မိတယ်နော်"

လုကျုံးရီ : "မင်းမှတ်မိတာ မှန်ပါ့ကွာ!"

ကျန်းဖျင်: "…"

လုကျုံးရီ: "…"

ကျန်းဖျင်ရဲ့ ဦးရေပြားလည်း ထုံကျင်သွားရလျက် "ဒါဆို ကျွန်မတို့ရဲ့ ချွေးမငယ်လေးအကြောင်း ပြောပြပါဦး"

xxx

Prev Next