Chapter 21

🦊Chapter 21

Arc 2 - လူမှားလက်ထပ်မိခြင်း

2.12

ရွှယ်လင်သည် လွန်ခဲ့သောနှစ်ပေါင်းများစွာကတည်းက သူ့ကိုယ်ပိုင်ဝေ့ပေါ်အကောင့်ကို ဖွင့်ထားခဲ့သော်လည်းဘအကြောင်းအရာ သိပ်မတင်ခဲ့ပေ။ ရွှယ်လင် Hနိုင်ငံ မှထွက်ခွာပြီးနောက် သူပါဝင်ခဲ့သော ပြိုင်ပွဲ၏ဗီဒီယိုကိုတင်လွှင့်ခဲ့ပြီးပရိသတ်များစွာရရှိထားသည်။

သို့သော်လည်း သူ့အစီအစဉ်များနှင့်လည်းဆက်စပ်နေသောကြောင့် ရွှယ်လင်က စန္ဒယားတီးနေသောဗီဒီယိုအချို့ကို ရံဖန်ရံခါတင်တတ်သည်။

သူ အရင်က အလွန်တော်သော စန္ဒယားပညာရှင် ဖြစ်သော်လည်း သူ့အလုပ်အကိုင်ကိုပြောင်းလဲသောကြောင့် ဖျော်ဖြေပွဲများအနည်းငယ်သာတက်ရောက်ဖြစ်သည်။ ဗီဒီယိုအများစုမှာ သူကိုယ်တိုင်အိမ်တွင်စန္ဒရားတီးနေသည့်ဗီဒီယိုများဖြစ်သည်။ သို့သော် သူက စစ်မှန်သောဂီတနှင့်စိတ်ခံစားမှုများကို နှစ်သက်သောပရိသတ်များစွာအား တဖြည်းဖြည်းချင်းဆွဲဆောင်နိုင်သည်။ သူက H နိုင်ငံရှိ စန္ဒယားပညာရှင်များစွာနှင့် ဖန်များစွာ ထပ်တူရှိနေသည်။ သို့သော် သူတို့ဆက်ဆံရေးကောင်းမွန်ပုံရသော်လည်း အပြန်အလှန် ထိတွေ့ဆက်သွယ်မှုမှာ ရှားသည်။

ရွှယ်လင်က တေးဂီတကို တကယ်အရှုံးမပေးပေ။အစပိုင်းတွင် သူက ဝမ်မော့ ကိုသင်ကြားပေးရန်အတွက်ထိုဗီဒီယိုများကို မှတ်တမ်းတင်ရိုက်ကူးထားပြီး ထိုအသံသွင်းမှတ်တမ်းများကို သူ့အတွက် သင်ယူ ကိုးကားစရာများအဖြစ်အသုံးပြုသည်။ နောက်ပိုင်းတွင် သူက အွန်လိုင်းတုန့်ပြန်မှု သိပ်မဆိုးကြောင်း သိလိုက်ရသောအခါ သူစိတ်အဆင်ပြေသည့်အခါတိုင်း သူ့အကောင့်မှ ပရိတ်သတ်များ အတွက် တီးလုံးအချို့တီး၍ တင်ပေးတတ်သည်။ ထိုဗီဒီယိုများမှလွဲ၍ သူ့ ဝေ့ပေါ် အကောင့်တွင်အခြားဘာမျှမရှိပေ။ တစ်ခါတစ်ရံသူ့ ပရိသတ်များကငိုယိုကာ သူ့ ဓာတ်ပုံတစ်ပုံတင်ပေးရန်အတွက် တောင်းဆိုတတ်ကြသည်။ သို့သော် သူက သူတို့အား တစ်ခါမျှမမြင်လိုက်သကဲ့သို့ ပြုမူနေလိုက်သည်။

သူ့ အကောင့်မှ ပရိသတ်များကို အုပ်စုများစွာခွဲခြားနိုင်သည်။ သူ့ ပရိသတ်အချို့က ဂုဏ်သတင်းကြောင့် ထိုနေရာတွင်ရှိနေပြီး သူတို့ထဲမှအများစုမှာ ဂီတပရိသတ်များဖြစ်ပြီး အနည်းငယ်သောအုပ်စုမှာသာ လေလုံးထွားသောပရိိတ်သတ်များဖြစ်သည်။ ကျန်ရှိနေသောကွက်ကျားဦးရေ အနည်းငယ်မှာ အသုံးပြုမည့်လူမရှိတော့သော အကောင့်တချို့ဖြစ်၏။

ယနေ့တွင်မူ သူတို့က အမုန်းသမားကိုကြိုဆိုနေကြသည်။

ရွှယ်လင် က ရှုယုံယီ အနေနှင့် ထိုစစ်ပွဲကို သတင်းစာများမှတစ်ဆင့်သာ စတင်လိမ့်မည်ဟုထင်ခဲ့သည်။ မမျှော်လင့်ဘဲ ထိုလူလည်း အချိန်နှင့်လိုက်၍ လှုပ်ရှားနိုင်ခဲ့သည်။ သူက သူ့အကောင့်မှ ဗီဒီယိုကိုကြည့်ပြီး သူ့အား တိုက်ခိုက်ဆွဲချရန် အရူးတသိုက် လွှတ်လိုက်သေးသည်။

ရှုယုံယီ က ဝေ့ပေါ် တွင်အသိအမှတ်ပြုခံရသော နာမည်ကြီး အသုံးပြုသူ အကောင့်ဖြစ်ပြီး သူက ရှုအဖွဲ့အစည်းသူဌေးအဖြစ်အသိအမှတ်ပြုခံထားရသည်။ သူက ရံဖန်ရံခါ သတင်းဆောင်းပါးတစ်ခု သို့မဟုတ်နှစ်ခုလောက် မျှဝေတတ်ပြီး အချို့ဖန်များက သူအာရုံစိုက်ခံမှုရရန် နှင့် သတိထားခံရစေရန် တောင်းဆိုကပ်တွယ်တတ်ကြသည်။ သူ့တွင် ရွှယ်လင်ထက် ပရိသတ်နည်းသော်လည်း ပိုက်ဆံပေးခန့်ထားသော အွန်လိုင်းအမဲရောင်အုပ်စု မရှိခြင်းဟု မဆိုလိုပေ။

သူက ပုံမှန်အားဖြင့်အတင်းအဖျင်းသတင်းများ နှင့် လူပြိန်းကြိုက်သတင်းများ တင်တတ်သော ပုံစံနှင့်ဝေ့ပေါ် အကောင့်တစ်ခုကိုစီစဉ်ကာ"ကျွန်တော့်ဇနီးဟောင်းနဲ့ ငတုံးယောက်ဖ" ဟူသော သတင်းကို တင်လိုက်သည်။ထိုသတင်း ပြန့်သွားသောအခါ ရှုယုံယီကသူ့ အွန်လိုင်းဖန်များ ၀င်ရောက်ချိတ်ဆက်တွေးတောကြရန်ကိုပင် စောင့်ဆိုင်းခြင်းမရှိဘဲ အချက်အလက်များကို သူ့ကိုယ်ပိုင်အကောင့်ဖြင့်ချက်ချင်းထုတ်ပြန်လိုက်သည်။

သူသည် ဝမ်ရှို့ထင်က ရန်ပုံငွေများကို ၎င်းတို့အကောင့်မှ လွှဲပြောင်းလိုက်စဉ်က ဘဏ်စလစ် နှင့် ဝမ်ရှို့ထင်၊ ဝမ်ရှို့ယွမ် နှင့် ဝမ်မော့တို့၏ပြည်ပလေယာဉ်ခရီးစဉ်အချက်အလက်များကိုလည်း ထုတ်ပြန်လိုက်သည်။

 သူက လွန်ခဲ့သော ၂ နှစ်က အင်တာဗျူးအချို့လုပ်ကာကြေငြာခဲ့ဖူးသော သတင်းစာများနှင့်သူတို့သဲလွန်စများကို ရှာမတွေ့နိုင်ခဲ့သည့် စုံစမ်းစစ်ဆေးမှု အထောက်အထားများကိုပါတင်ထားသည်။ နောက်ဆုံးအနေနှင့် မနေ့က ကွာရှင်းပြတ်စဲမှု စာတမ်းများကိုပင် ထုတ်ပြထားသည်။

ယခင်က ရှုယုံယီ ဖြဲပစ်ခဲ့သောကွာရှင်းမှု ကျေအေးခြင်း စာတမ်းများအား ပြန်လည် တိပ်ကပ်ထားပြီး သူ့ဒေါသနှင့်အမျက်ဒေါသ သက်သေအဖြစ် ဟန်ပြ ထုတ်ပြထားသည်။

သူက မောင်နှမနှစ်ယောက်နှင့် ပတ်သက်၍ စိတ်မကောင်းစရာဘာမျှမရှိကြောင်း ထုတ်ဖော်ပြောဆိုထားသေးသည်။ ထိုအချိန်တုန်းက သူတို့သာ မထားခဲ့ပါလျှင် အလွန်အဆင်ပြေ၍ သဟဇာတဖြစ်သော မိသားစုဖြစ်လာနိုင်သည်။ သို့သော် သူတို့က သူ့အကြီးဆုံးသားကိုပင် ခေါ်ယူသွားပြီး အငယ်ဆုံးသားကိုမူ ထားရစ်ခဲ့သည်။ သူက သူ့အသက်အငယ်ဆုံးသားကို မိခင်မရှိသောပတ်ဝန်းကျင်တွင်ကြီးပြင်းလာစေပြီးသူ့စိတ်ကိုသိမ်ငယ်စေသည်။ အကယ်၍ ပိုင်လုဇီ၏ကူညီစောင့်ရှောက်မှုသာမရှိခဲ့လျှင် ရှုကျင်းအနေနှင့် ယခုလက်ရှိ သူ့တွင်ရှိနေသည့် ထိုသို့ သက်တောင့်သက်သာနှင့် ချစ်စရာကောင်းသောအသွင်အပြင်မျိုးလည်း ရှိလာနိုင်မည်မဟုတ်ပေ။

အင်တာနက်သုံးစွဲသူများက စိတ်လှုပ်ရှားဖွယ်ကောင်းသောသတင်းများ လိုက်စူးစမ်းရသည်ကို အမြဲသဘောကျသည်။ တစ်ဖက်လူက စန္ဒယားပညာရှင်တစ်ဦး သို့မဟုတ်သူဌေးကြီး သို့မဟုတ် ၁၈ ယောက်မြောက်ကြယ်ပွင့်တစ်ဦး မည်သို့ပင်ဖြစ်စေ သူတို့တက်ကြွစွာပါ၀င်နိုင်သရွေ့ထိုနေရာတွင်ရှိနေလိမ့်မည်။

များသောအားဖြင့် ထိုလူများက မအောင့်အည်းနိုင်သောလူအများစုဖြစ်သည်။ ရှုယုံယီ အကောင့်မှ သတင်းကိုဖတ်ပြီးနောက် သူတို့က ရွှယ်လင်အကောင့်သို့ အလျင်အမြန် ပြေးကြည့်ကြပြန်သည်။

သူတို့ထံမှ တုံ့ပြန်မှု အမျိုးမျိုးလည်း ရှိသည်။ သူတို့တည်ရှိမှုကို ရိုးရိုးရှင်းရှင်း ထုတ်ပြောနေသူများမှစ၍ ဆဲဆိုရန် လာကြသူများအထိအမျိုးမျိုး ရှိကြသည်။ ဆဲဆိုရန် ရောက်လာကြသူများက သူတို့စဉ်းစားနိုင်သမျှ အဆိုးဆုံးစကားလုံးများကိုအသုံးပြုကြသည်။

(“ ဒီနေ့ခေတ်မှာ စန္ဒယားတီးနိုင်တဲ့သူတွေက သူတို့ကိုယ်သူတို့ စန္ဒယားပညာရှင်တွေဆိုပြီး ခေါ် နေကြတယ် …” )

("တချို့လူတွေကလည်း သူများတွေကို မနှစ်မြို့ဖို့သက်သက်နဲ့ အသက်ရှင်နေကြသေးတာ…" )

("အဲ့လိုမျိုး လူက ဂီတကို ဖျက်ဆီးနေတာလား …” )

အထက်ပါစကားများမှာ အတော်လေးပင် သက်သာသေးသည့် အတွေးစကားများပင်ဖြစ်သည်။ ရွှယ်လင်က မှတ်ချက်များကိုဖတ်ပြီး သူ့၁၈မျိုးဆက်သော ဘိုးဘေးများပင်ပါ၀င်နေသည်ဟုပင် ခံစားနေရသည်။ ထိုသနားစရာမြေခွေးဟောင်းများမှာ ပြာများအဖြစ်သို့ဘဝပြောင်းလဲသွားသော်လည်း ငြိမ်သက်စွာနေထိုင်နိုင်ခြင်းမရှိသေးဘဲ ထိုလူများ၏စိတ်တိုင်းကျ ဆွဲထုတ်ကာ ပြောဆိုခြင်းကို ခံနေရသည်။

ကိုးလ်က သူနှင့်အတူမှတ်ချက်များကိုဖတ်နေကာ အလွန်အမင်း မျက်မှောင်ကြုတ်မိသွားသည်။

“ သူတို့က အရမ်းလွန်နေပြီ…"

"အားလုံးပြောင်းပြန်ဖြစ်သွားကြတဲ့အခါ သူတို့ပဲ ပိုနာကျင်,ရမှာလေ…” 

သူက အပြုံးများနှင့်ပြည့်နှက်နေသည်။ အငြိုးကြီးသော ဆဲရေးသူများပင် သူ့အား မည်သည့်နည်းနှင့်မျှထိခိုက်နိုင်စွမ်းမရှိဟုထင်ရသည်။

 “ ကျွန်တော်က ပွင့်လင်းတဲ့စိတ်နဲ့ သဘောထားကြီးနိုင်တယ်ဆိုတာကိုပြပြီးတော့ သူတို့ကိုလည်း ရှက်တတ်စေချင်တယ်… ငါ လူထုအမြင်နဲ့ ပတ်သက်ပြီးကိုင်တွယ်တဲ့အခါ အဲ့ဒါမျိုးက ပိုပြီး လွယ်ကူစေလိမ့်မယ်…"

ကိုးလ်မျက်မှောင်ကြုတ်နေဆဲဖြစ်သည်ကို တွေ့လိုက်ရသည်။ထိုသူက အထက်တန်းစားမျိုးရိုးမှ လူသာမဟုတ်ပါက ချက်ချင်းပင် အကြီးအကျယ်ငြင်းခုန်လာလိမ့်မည်ဟုထင်ရသည်။ ရွှယ်လင် သူ့နဖူးကိုထိရန် ပြုံးဖြီးဖြီးနှင့် လက်လှမ်းလိုက်သည်။

“ အဆင်ပြေပါတယ်… ဒါကအစီအစဉ်ရဲ့အစိတ်အပိုင်းတစ်ခုပဲဟာ…ရက်နည်းနည်းတော့ ခဏထိန်းထားကြတာပေါ့…ကျွန်တော်ခြေလှမ်းစရွှေ့လိုက်တာနဲ့ အပြောင်းအလဲ ကြီးကြီးမားမား ဖြစ်သွားလိမ့်မယ်…"

ကိုးလ်သည် မျက်မှောင်ကြုတ်နေဆဲပင်။

“ နောက်ထပ် ဘယ်နှစ်ရက်လဲ…”

“ ပြဿနာကို နည်းနည်းဆွပေးဖို့ မီးစာနည်းနည်တော့ထည့်ဖို့လိုတယ်လေ…” 

ရွှယ်လင် ကသူ့ကိုယ်ပိုင် အကောင့်ကိုဖွင့်ပြီးသူ့ပထမဆုံး သတင်းစကားကို တင်လိုက်သည်။

[[ဝမ်ရှို့ယွမ် - ယုတ်မာတဲ့ လူတွေက ကောင်းကင်ဘုံကို ကြောက်ရွံ့ကြပေမယ့် ကောင်းတဲ့လူတွေကတော့ ကောင်းကင်ဘုံကိုတောင် ဝေဖန်နိုင်တယ်..ကောင်းခြင်းနဲ့ မကောင်းခြင်းဆိုတာ အမြဲတမ်း အကျိုးတရားရှိတယ်…ယှဉ်ပြိုင်ခြင်းက အနှေးနဲ့ အမြန်ပါပဲ …]]

သူ့သတင်းစကားက အလွန်ကျစ်လျစ်ပြီးအဓိပ္ပါယ်များနှင့်ပြည့်နှက်နေသည်။

 ကိုးလ်နားမလည်နိုင်သောကြောင့် ရွှယ်လင်က သူ့အဓိပ္ပာယ်ကို ကိုးလ်အားစိတ်ရှည်စွာရှင်းပြလိုက်သည်။

 “ အကယ်၍ မင်းက မင်းဘာလုပ်ခဲ့လဲဆိုတာကို လူမသိစေချင်ရင် ဒါဖြင့်အဲ့လိုမလုပ်နဲ့ …ကောင်းကင်က မင်းရဲ့ ခြေလှမ်းတိုင်းကိုအမြဲစောင့်ကြည့်နေတာ.. .မင်း အပြစ်ရှိတယ်လို့ ခံစားရမယ့် အရာတွေကိုမလုပ်နဲ့… ”

မစ္စတာကိုးလ်က ခဏတာမျှ အသံတိတ်နေသည်။ ရွှယ်လင်က စဉ်းစားပြီးထပ်ဖြည့်ပြောသည်။ 

“ ရိုးရှင်းတဲ့ ရှင်းပြချက်ဆိုရင် ကျွန်တော်ရဲ့လက်ထဲမှာသက်သေအထောက်အထားရှိတယ်.. မင်းအခုလုပ်နေတဲ့အရာတွေအတွက် မင်းပြန်ပေးဆပ်ရလိမ့်မယ် …”

ထိုဥပမာက ပိုပြီးရိုးရှင်းသည်။ကိုးလ်က ရွှယ်လင်းအား ခပ်ပေါ့ပေါ့ကြည့်လိုက်သည်။

“ ဒါဆိုသူတို့ကို မင်းက ဒီလိုလှောင်ပြောင်ခွင့်ပေးထားပြီးတော့ သူတို့ဒီထက်ပိုပြီးလှောင်ပြောင်ဖို့တောင်မျှော်လင့်နေတာလား…"

အသေအချာပင်။ မှတ်ချက်အမြောက်အများတွင် သူတို့က သူ့နာမည်ဆိုးကိုပြန် ရှင်းလင်းရန်နှင့် ပြန်လည်ဖြေရှင်းရန် မျှော်လင့်နေကြကြောင်း ပြောနေကြသည်။ အခြားသူများကမူ ရွှယ်လင်အား မည်သည့်မျက်နှာပေးမှုမှမလိုချင်ခြင်းနှင့် အရှက်ကင်းမဲ့ခြင်းတို့ကြောင့်ကျိန်ဆဲနေကြသည်။

ရွှယ်လင် က သူ့မျက်နှာကိုပွတ်သပ်ပြီးသက်ပြင်းချလိုက်သည်။ 

“ ကျွန်တော့်ရဲ့မျက်နှာက အရမ်းလှပတာလေ..ဘယ်လိုလို့ မျက်နှာမလိုချင်ပဲနေမှာလဲ ….”

ကိုးလ်လည်း မတတ်နိုင်တော့ပဲ သူ့အား ဆိုဖာပေါ်မှဆွဲခေါ်လိုက်သည်။

 “ ဒီနေ့ည အပြင်ထွက်စားကြမယ်…"

ရွှယ်လင်က ရွေးချယ်ရခက်ခဲသော ပြဿနာမျိုးရှိတတ်သည့်သူများ အုပ်စုမှဖြစ်သည်။ သူက အခြားသူများက မည်သည့်နေရာတွင်စားရမည်ကို အရင်ရွေးချယ်ပေးကြခြင်းကို ပိုသဘောကျသည်။ သူက သူ့အား ကိုးလ်ကတံခါးဝထိ ဆွဲထုတ်သွားသည်ကို ငြိမ်ခံနေပြီး သူကိုယ်တိုင်လုံးဝရွေ့လျားရန် ရည်ရွယ်ချက်မရှိပေ။

“ အိုး…ဘယ်လောက်တောင်စိတ်အနှောင့်အယှက်ဖြစ်ရလဲ… ရှေ့နေရဲ့စာတွေကိုပို့ဖို့ လူတွေလိုသေးတယ်…ငါတို့တွေ အချိန်တွေ မြန်မြန်ဆန်ဆန်ရှေ့ကိုရစ်လိုက်ပြီး ရှုယုံယိ ထောင်ထဲဝင်သွားတဲ့ အချိန်နေရာထိတန်းရောက်သွားရင်ကောင်းမယ်…"

ကိုးလ် ပြောစရာ စကားမဲ့သွားသည်။ 

ပုဂ္ဂိုလ်ရေးအရ လက်စားချေမှုအတွက် တဖြည်းဖြည်းချင်း ခံစားစေချင်ပြီး သက်သေအထောက်အထားတွေချပြရုံနဲ့ ရှုယုံယီကို တိုက်ရိုက်ပြိုလဲခွင့်မပြုနိုင်သေးဘူးလို့ပြောခဲ့တာ ဘယ်သူလဲ…

“ မင်းကသာ ပြန်လာချင်တဲ့သူပါ…”

ဒီလိုမှမဟုတ်လျှင် သူတို့က တစ်ဖက်လူ၏ပျက်ဆီးခန်းအတွက် Mနိုင်ငံတွင်သာထိုင်စောင့်နေမိမည်ဖြစ်သည်။

“ ဟုတ်ပါတယ် ... ” 

ရွှယ်လင်ကလှည့်ကြည့်သည်။ သူက ရှုယုံယီ၏ အနာဂတ်ကိုမြင်ပြီးသောအခါ နောက်တဖန်တက်ကြွမှုများမရှိတော့သလိုပင်ခံစားရသည်။ 

သူအခုလုပ်ချင်သည်မှာ သက်သေအထောက်အထားများကို နည်းနည်းစီ ယူကာ ရှုယုံယီနှင့် ပိုင်လုဇီတို့ မျက်နှာများသို့ ကြိမ်ဖန်များစွာ ပိတ်ရိုက်ပစ်ဖို့ပင်။

သူတို့နှစ်ယောက် ညစာစားရန်ထွက်လာကြသည်။ ရွှယ်လင်ကသူ့ဖြည့်စွက်စာကို စားပြီးနောက် အစာအိမ်ကိုပွတ်သပ်ပြီး ရှေ့နေအား ရှုယုံယီ ထံ စာတစ်စောင်ပို့ပေးရန် မက်ဆေ့ချ်ပို့လိုက်သည်။ တမြို့တည်းတွင်း စာပို့သူအမြန်နှုန်းကို အခြေခံ၍ ရှုယုံယီ မနက်ဖြန်တွင်ထိုစာကိုလက်ခံရရှိမည်ဖြစ်ပြီး သူ့ အကောင့်ကလည်း နောက်တဖန်အသက်ပြန်ဝင်လာလိမ့်မည်။

ရွှယ်လင့် လမ်းညွှန်ချက်များအရ ရှေ့နေက ညအချိန်တွင်ရှေ့နေစာကို ပေးပို့ခဲ့ပြီး နောက်တစ်နေ့တွင် ရှုယုံယီ က အကောင့်တွင်တင်လိုက်သည်။ ကွာရှင်းမှုအခြေအနေမှာမပြောင်းလဲဘဲရှိနေသည်။ ရှုယုံယီကသူ့ ရှုအဖွဲ့အစည်းကို ဘယ်သောအခါမျှ စွန့်လွှတ်လိမ့်မည်မဟုတ်ကြောင်းထုတ်ဖော်ပြောကြားလိုက်သည်။ တစ်ဖက်လူက တရားစွဲဆိုမှုကိုပြုလုပ်တော့မည်ဖြစ်သောကြောင့် သူပြန်လည်တိုက်ခိုက်တော့မည်။

စီးပွားရေးလုပ်ငန်းစုကြီး၏ သေရေးရှင်ရေးကိစ္စဖြစ်ရာသတင်းသတင်းထောက်များနှင့် မီဒီယာများစွာက ထိုပြဿနာအတွင်းသို့ ဝင်ရောက်နားစွင့်လာကြသည်။သတင်းစာများက သတင်းများကိုအစီရင်ခံခဲ့ပြီး X မြို့တော်တွင် အဓိပ္ပာယ်မရှိဆွေးနွေးမှုများကို ဖြစ်ပေါ်စေသည်။

ရှုယုံယီ က အွန်လိုင်းပေါ်တွင်ဓာတ်ပုံများစွာမတင်ထားပေ။ ထို့ကြောင့်လူများက သူ အများပြည်သူရှေ့တွင်နောက်ဆုံးအကြိမ်ထွက်လာစဉ်က ဗီဒီယိုမှ ပုံများကိုသာအသုံးပြုနိုင်သည်။ 

“ သူတို့ရဲ့ လခပေးငှါးထားရတဲ့ရေတပ်အုပ်စုက အဲ့လောက် အရမ်းစိတ်လှုပ်ရှားစရာကောင်းလိမ့်မယ်လို့မမျှော်လင့်ခဲ့ဘူး…” 

သုံးရက်အကြာတွင် ရွှယ်လင့် အကောင့်မှာ ဆဲဆိုခံရမှုများနှင့်ပြည့်နှက်နေသည်။ ထိုကာလအတွင်း ပိုင်လုဇီက သူမအနေဖြင့် ဝမ်ရှို့ထင်ကကွာရှင်းခြင်းမရှိဘဲအဘယ်ကြောင့် ထွက်သွားသည်ကို သူမနားမလည်ကြောင်းပြောသည်။ သို့သော်ယခု သူမ နားလည်သွားပြီဖြစ်ကြောင်းသူက သူတို့ပိုင်ဆိုင်မှုများအားလုံးကို အကုန်ရှင်းထုတ်ချင်နေကြောင်း လူတစ်ယောက်အနေနှင့် အရှက်မရှိ မလုပ်သင့်ကြောင်းပြောလာသည်။

ရွှယ်လင်က သူမ လူကောင်းမဟုတ်ကြောင်းနှင့် အခြားသူများအားကြွားပြရန် ထိုသို့သောနည်းလမ်းဖြင့်လုပ်ဆောင်ရန်မလိုအပ်ကြောင်းပြန်လည်ခွန်းတုံ့ပြန်လိုက်သည်။

တက်ကြွသောဒီဇိုင်းပညာရှင်တစ်ဦးအနေဖြင့် ပိုင်လုဇီ တွင် ပရိသတ်များပိုမိုများသည်။သူမ လှပသည်ကိုပေါင်းထည့်လိုက်ခြင်းဖြင့် လူများစွာက သူမအတွက်စကားပြောပေးလိုကြသည်။ သူ့ ဝေ့ပေါ် အကောင့်တွင် သွေးချောင်းထပ်စီးခဲ့ပြန်သည်။ ရွှယ်လင် က ရလဒ်များကိုကြည့်ပြီးသူ့ခေါင်းညိတ်ကာ အနိုင်ပိုင်းရန်ပြင်ဆင်တော့သည်။

သူက သူ့အလုပ်အား ကိုးလ်ဆီသို့ လွှဲပေးပြီးဖြစ်သည်။ သူက မည်သို့ပင်ဆိုစေကာမူ သူဌေးကြီးဖြစ်ပြီး စီးပွါးမိတ်ဖက်မှာလည်း သူ့ကုမ္ပဏီနှင့်သာ လက်တွဲထားခြင်းကြောင့် သူ့အနေနှင့် အရာအားလုံးကိုချန်ထားခဲ့ခြင်းသည် လုံးဝပြဿနာမဟုတ်ပေ။ သူကိုယ်တိုင်လည်းလိမ်လည်လှည့်ဖျားနေသောအခန်းများထဲတွင် နေထိုင်နေပြီး သက်တောင့်သက်သာနေကာ မလှုပ်ရှားလိုပေ။

ထိုနေ့ည ၈ နာရီတွင် ဝေ့ပေါ် အသုံးပြုသူအများအတွက် စတင်ရမည့်အချိန်ဖြစ်သည်။ ရွှယ်လင် က သူ့ အကောင့် တွင် ဓာတ်ပုံနှစ်ပုံကိုတိတ်တဆိတ် တင်ချလိုက်သည်။ တင်ထားသောစကားလုံးများမှာလည်း အလွန်ရိုးရှင်းပြီး လူများစွာကိုထိတ်လန့်သွားစေသည်။

ရှု အဖွဲ့အစည်းက လူသိများသောစီးပွားရေးလုပ်ငန်းတစ်ခုဖြစ်ပြီး လူအများအပြား စောင့်ကြည့်နေကြသည်။ အထူးသဖြင့် ရွှယ်လင့် ဝေ့ပေါ် အကောင့်ဖြစ်သည်။ သူတို့က သူ့အားထိုကဲ့သို့သော ပုံတစ်ခုခုတင်ပေးမည်ဟု မမျော်လင့်ခဲ့ပေ။

ဝမ်ရှို့ယွမ် - မင်းရဲ့တရားမ၀င်သားကိုပြုစုပျိုးထောင်ပေးဖို့ငါတို့ရပ်တည်သင့်လား…ရှုယုံယီ…

(ရှုချင်း နှင့် ရှုယုံယီ DNAစစ်ဆေးချက် ဓာတ်ပုံ)

(ရှုချင်း နှင့် ဝမ်ရှို့ထင် DNA စစ်ဆေးချက် ဓာတ်ပုံ)

DNA စစ်ဆေးမှုရလဒ်နှစ်ခုထွက်ပေါ်လာသည်နှင့်တပြိုင်နက်အင်တာနက်တွင် ဆူပူအုံကြွနေသည်။ အသုံးပြုသူများနှင့်ကွန်ယက်များစွာကသူတို့ထိတ်လန့်တုန်လှုပ်မှုကို ထုတ်ဖော်ပြောဆိုနေကြသည်။

"ဘုရားရေ…တကယ်ကြီး အဲ့လိုမျိုးလား …"

သူတို့တွင် အတွင်းပိုင်းဇာတ်လမ်းတချို့ရှိမည်ဟု ခန့်မှန်းခဲ့ကြသော်လည်း လူအများစုက ရှုယုံယီနှင့် ပိုင်လုဇီ၏ ဆက်ဆံရေးကြောင့် ဝမ်ရှို့ထင်ထွက်ပြေးသွားလိမ့်မည်ဟုသာထင်ခဲ့ကြသည်။ ယခုတွင်မူ အခြေအနေက မမှန်တော့လောက်တော့ပေ။

ရှုယုံယီက သတင်းတွေထဲမှာ

"မင်းငါ့ကိုထားခဲ့လို့ရတယ်… ဒါပေမယ့် ရှောင်ချင်းကမိခင်ကိုမဆုံးရှုံးသင့်ဘူး" ဆိုပြီးမပြောခဲ့ဘူးလား…

အခုအခြေအနေကဘယ်လိုကြီးလဲ…

,