MM Story Teller

Chapter 46

Viewers 3k

🦊Chapter 46

Arc 4 - စွန့်ပစ်ခံ မင်းသမီးလေး

4.3 ယခုအချိန်က တော်ဝင်မိသားစု ကျရှုံးလုဆဲဆဲ အချိန်ပင်။

ရွှယ်လင် ညက ကောင်းမွန်စွာ အိပ်စက်ခဲ့ပြီးနောက် မနက်စောစော နိုးလာလေသည်။ အိပ်ယာထဲတွင် ဟိုဟိုသည်သည် လှိမ့်လိုက်ပြီးနောက် နာနိုကွန်ပျူတာလေးကို ဖွင့်လိုက်ပြီး အင်ပါယာ၏ နေ့စဥ်သတင်းများကို ကြည့်လိုက်လေသည်။

ပြည်သူများက လွန်ခဲ့သော နှစ်ရက်ကကျင်းပခဲ့သည့် ကြီးကျယ်ခမ်းနားသော မင်္ဂလာပွဲကြီးတွင် ဆက်လက်နစ်မြှုပ်နေဆဲပင်။ ယနေ့မနက်ခင်းတွင် တော်ဝင်မိသားစုက တိုက်ပွဲအတွက် မင်းသားဂြိုလ်မှ ထွက်ခွာသွားကြောင်းကို ကြေငြာခဲ့သည်။ ပြည်သူတို့က လက်ထပ်ပြီးပြီးချင်း ခွဲခွာလိုက်ရသည့် တော်ဝင်စုံတွဲအတွက် သူတို့၏ စိတ်နှလုံးထိခိုက်မှုများကို ထုတ်ဖော်ပြသခဲ့သည်။

ရွှယ်လင် ထေ့ငေါ့စွာ ရယ်လိုက်ကာ ပြတင်းပေါက်ကို ပိတ်လိုက်ပြီး နောက်ထပ် အကြောင်းအရာ နှစ်ခုကို ပြောင်းကြည့်လိုက်သည်။

အကူစနစ်လေး၏ သတိပေးသည့် ကျေးဇူးကြောင့် ရွှယ်လင် ဟိုနိုရီယာကို ဖုန်းခေါ်လိုက်ပြီး အိမ်ရှေ့စံ၏ ထွက်ခွာသွားသည့်သတင်းကို ထုတ်လွှင့်ပေးရန် တောင်းဆိုခဲ့သည်။ သူ လက်ဦးမှုယူကာ ထိုသတင်းကို ကြိုတင် ဖြန့်ဝေခြင်းက အခြားသူများသိသွားမည်ကို စောင့်နေရခြင်းထက် ပိုကောင်းလေသည်။ ထိုမှသာ မင်းသားကို အရှက်ရစေရုံသာမက သူ၏ ဂုဏ်သိက္ခာကိုလည်း ထိခိုက်လာလိမ့်မည်ပင်။

မင်းသားက သူ၏ ထူးချွန်ပြောင်မြောက်သော စွမ်းအားနှင့် ချောမောသောရုပ်ရည်ကြောင့် အင်ပါယာတွင် idol ဖြစ်လာသော်လည်း မင်းသမီးဟူသော ဂုဏ်ပုဒ်သည်လည်း ရှိုးပြရန်အတွက်သာ မဟုတ်ပေ။ လူသိများသော အိုမီဂါ တစ်ယောက်ဖြစ်သော အက်ရှလေက အယ်လ်ဖာထုကြီး၏ စောင့်ရှောက်ကြည့်ရှုခံခဲ့ရပြီး သူ မွေးကတည်းက မင်းသားနှင့် စေ့စပ်ထားသည်ကို သိသော်လည်း သူတို့က လိုက်လံ စောင့်ရှောက်ခဲ့ပြီး သူ့တွင် နောက်လိုက်များလည်း အများအပြား ရှိသည်။

ရွှယ်လင့်ထံတွင် မရေတွက်နိုင်သော အရန်အင်အားများ ရှိသည်။ ထိုသူတို့ ရှိနေသေးသောကြောင့် သူက ၎င်းတို့ကို သုံးပြီး ပြီးပြည့်စုံသော မင်းသမီးအဖြစ် လူထု သူ့ကို မြင်စေရန် တွေးထားလိုက်သည်။

မင်းသားပြန်လာချိန်လောက်တွင် သူ၏ နောက်လိုက်များက မင်းသမီး၏ နောက်လိုက်များဖြစ်သွားမည်ဟု သူမြင်တွေ့ရလိမ့်မည်။ အကယ်၍ မင်းသားသာ ရွှယ်လင်၏ heat အတောအတွင်းတွင် ရွှယ်လင်ကို တစ်ခုခုလုပ်ဝံ့ပါက သူ မမျှော်မှန်းထားသော အခြေအနေများကို ရင်ဆိုင်ရမည်ပင်။

အင်ပါယာကို သူတစ်ဦးတည်း ဖြုတ်ချရန် မသင့်တော်သောကြောင့် ရွှယ်လင်က ပစ္စည်းများကို ထုတ်ပိုးကာ ရိုင်းန်မိသားစုထံသို့ သူ၏ အစောင့်အကြပ်များနှင့် ပြန်သွားလေသည်။

မြို့တော်ကြယ်က အလွန်ကျယ်ဝန်းသည်။ နန်းတော်က နေရာကျယ်ဝန်းစွာ ယူထားသော်လည်း ရိုင်းန်မိသားစုသို့ရောက်ရန် တောင်ဘက် မိုင်တစ်ရာခန့်သာ သွားရသည်။

ထိုမိသားစုက အင်ပါယာ စတင်တည်ထောင်တည်းက တည်ရှိနေခဲ့ခြင်း ဖြစ်သည်။ သူတို့၏ ဘိုးဘေးများက အင်ပါယာတွင် ပထမဆုံး အယ်လ်ဖာနှင့်အိုမီဂါစုံတွဲ ဖြစ်သည်။ သူတို့၏အချစ်က ကြီးကျယ်ခမ်းနားပြီး အင်ပါယာရှိ လူတိုင်းကို ထိရှစေခဲ့သည်။ ယခုချိန်တွင် ရိုင်းန်မိသားစုက မိသားစုဝင် အနည်းငယ်သာ ကျန်ရှိတော့ပြီး မိသားစုထဲတွင် သခင်လေးနှစ်ယောက်သာ ရှိတော့သည်။ တစ်ယောက်က ရှေ့တန်းတွင် တစ်နှစ်ပတ်လုံး တပ်ဆွဲထားပြီး အခြားတစ်ယောက်သည်လည်း လက်ထပ်ပြီးပြီပင်။

ယနေ့ အက်ရှလေ အိမ်ပြန်လာသောအခါ တစ်မိသားစုလုံး ပျော်ရွှင်နေကြသည်။ ထိုကလေးက သူတို့အတွက် မျက်ရှုသဖွယ်ဖြစ်နေပြီး သူက မင်းသားနှင့် လက်ထပ်ခဲ့ရသည့်အတွက် မထိုက်တန်ဟု သူတို့အမြဲတမ်း ခံစားခဲ့ရသည်။ မင်းသားက ကြောင်သူတော်ဖြစ်ပြီး စံနှုန်းမြင့်မြင့်နှင့် အမြင်ကောင်း ရှိသော်လည်း စွမ်းဆောင်ရည် အနည်းငယ်သာရှိသည်။ ထို့အချက်ကြောင့် မင်းသားက သူတို့၏ ကလေးနှင့် မတန်ဟု သူတို့ခံစားခဲ့ရသည်။

ရွှယ်လင် ရောက်ရောက်ချင်းပင် နွေးထွေးစွာ အကြိုဆိုခံလိုက်ရသည်။ အဆုံးတွင် သူတို့သည်လည်း အထက်တန်းလွှာမျိုးရိုး ဖြစ်သောကြောင့် မိသားစုဝင်အများစုသည် နန်းတော်ထဲတွင် တစ်နည်းနည်းဖြင့် ပါဝင်ရလေသည်။ မိသားစုဝင်တိုင်းမှာ မင်းသားက ရွှယ်လင်ကို မင်္ဂလာဦးညတွင် ရှောင်ရှားချင်သောကြောင့် ထွက်သွားမှန်း သိသဖြင့် သူတို့ထဲမှ အနည်းငယ်က ရွှယ်လင်ကို မင်းသား ပြန်လာချိန်တွင် စိတ်ညစ်ရပါက မင်းသားကို အပိုင်းပိုင်း လှီးဖြတ်ပစ်ဟုပြောကာ နှစ်သိမ့်ကြသည်။

ရွှယ်လင် ပြုံးပြကာ သူအဆင်ပြေသည်ဟု ပြောခဲ့သည်။ အဆုံးတွင် ၎င်းက လူကြီးများ စီစဥ်သော အိမ်ထောင်ရေးဖြစ်၍ မင်းသားကို သူ့အား ချစ်ခင်လာမည်ဟု မမျှော်လင့်ထားပေ။

မတရားဆက်ဆံခံနေရသော်လည်း သူ၏ ခွင့်လွှတ် နားလည်ပေးနိုင်သော အပြုအမူကြောင့် သူ၏ မိသားစုဝင်များက ပို၍ စိတ်ဆင်းရဲသွားလေသည်။ သူတို့မိသားစု၏ တန်းဖိုးအရှိဆုံးသော ရတနာလေးအား မင်းသားဖျက်ဆီးရန် ပေးလိုက်ရသည်ဟူသော ခံစားချက်ကို အမြဲတမ်း ခံစားရနေရသည်။

သူက တကယ့်ကို ရိုက်နှက်ခံသင့်တဲ့ လူပဲ...

သူ့မိသားစု၏ ပို၍ဆိုးဝါးလာသော မျက်နှာ အမူအရာများကိုကြည့်လျက် ရွှယ်လင်က သူ့ပန်းတိုင်တစ်ခုကို အောင်မြင်သွားကြောင်း နားလည်လိုက်သည်။ သူက လူတိုင်းကို ထိုင်ခိုင်းလိုက်ပြီး သူ၏ အဖိုးအဖွားများနှင့် မိဘများကို အဖော်ပြုပေးနေလိုက်သည်။ သူ့က ရင့်ကျက်လာပြီး သူတို့၏ ခံစားချက်များကိုပါ ထည့်တွေးတတ်နေပြီဟု ထင်သည်အထိ သူတို့ကို ချော့မော့ နှစ်သိမ့်နေလိုက်သည်။

နေ့လည်စာကို အိမ်တွင်ပြင်ဆင်ထားပြီး တစ်မိသားစုလုံးအတူတူ ထိုင်နေကြသည်။ မိသားစုဝင်တိုင်းက ရွှယ်လင်ကို ဟင်းများ စုပုံနေအောင် ထည့်ပေးနေကြသောကြောင့် မကြာမီတွင် သူ့ပန်းကန်တစ်ခုလုံး ပြည့်နှက်သွားလေသည်။ ရွှယ်လင် ခပ်ဖွဖွရယ်လိုက်ပြီး ထိုဟင်းများကို တစ်ခုချင်းစီ ခွဲနေလေသည်။ သူ၏ စဥ်းစားချင့်ချိန်တတ်သော အမူအရာက မိသားစုဝင်တိုင်း၏ နှလုံးသားကို တစ်ဖန် နာကျင်စေပြန်သည်။

ငယ်ရွယ်စဥ်က သူ၏ပညာရေးကို အလွန်တင်းကျပ်ခဲ့သော်လည်း သူတို့မိသားစု၏အိုမီဂါလေးက အလိုလိုက်ကာ အချစ်များဖြင့် ကြီးပြင်းလာခဲ့ရသော ကလေးပင်။ ယခင်က သူ အိမ်မှအပြင်ထွက်တိုင်း ခေါင်းကိုမော့ ရင်ကိုကော့ကာ မာနကြီးသော ပုံစံဖြင့်ပင်။ သို့သော် ယခုတွင် သူသည် လက်ထပ်ပြီးဖြစ်ကာ ပို၍ စဥ်းစားချင့်ချိန်နိုင်လာပြီး အချော့ခံရန် မလိုတော့ဘဲ အခြားသူများကိုပင် ချော့မော့နားချကာ အချိန်ကုန်တတ်လာသည်။

သူ၏အပြုအမူကိုကြည့်ပြီး သူတို့၏ နှလုံးသားများက ချဥ်တူးလာကာ လူကြီးများ၏ မင်းသားပေါ် အမြင်က ပို၍ ဆိုးဝါးလာလေသည်။

ဟောကိန်းကြောင့်သာ မဟုတ်ပါက သူတို့၏ အက်ရှလေလေးမှာ အိမ်မှာတွင် ဆက်ရှိနေဦးမည် ဖြစ်ပြီး သူကြိုက်နှစ်သက်သောအယ်လ်ဖာ သို့မဟုတ် တစ်ယောက်ယောက်ကို တဖြည်းဖြည်းချင်း ရှာဖွေနိုင်မည်ပင်။ သူလိုချင်နေသ၍ သူ၏ မိသားစုသည်လည်း ထောက်ခံနေမည် ဖြစ်သည်။ သို့သော် ယခုတော့ သူက သူတို့နှင့် ကွဲပြားခြားနားသွားပြီပင်။

လေထုက စတင်၍ ပြောင်းလဲလာပြန်ပြီဖြစ်ကြောင်းကို ရွှယ်လင် ဖျော့တော့စွာ ခံစားနိုင်လေသည်။ သူထိန်းသိမ်းရန်လိုသော ဟန်ချက်က နူးညံ့လွန်းသည်။ သူ၏ နှလုံးသားထဲတွင် ရိုင်းန်မိသားစုကို ယိမ်းယိုင်စေရန် မလွယ်ကူဟု ခံစားခဲ့ရသည်။ သူကြိုးစားသမျှ အရာမထင်ပေ။ ၎င်းတို့တွင် မိသားစုဝင်ပိုများသောကြောင့် ပို၍ ခက်ခဲလေသည်။

စားသောက်ပြီးသောအခါ မိသားစု၏ လေထုက လျော့ကျသွားလေသည်။ ရွှယ်လင်က သူ့အစ်ကိုဝါရန်ကို ဒုတိယထပ် သူ့အခန်းထဲသို့ ဆွဲခေါ်သွားပြီး အခန်းတံခါးကို ပိတ်လိုက်သည်။

ဝါရန် အနည်းငယ် အံ့အားသင့်သွား၏။ သူ့စိတ်ထဲတွင် ညီငယ်လေးအတွက် အလွန်စိတ်မကောင်းဖြစ်ကာ နာကျင်ခဲ့ရသော်လည်း သူ၏ညီငယ်လေးက အမြဲတမ်း အေးစက်စက်ဖြင့် တသီးတခြား နေခဲ့သည်။ သူ့ညီငယ်လေး ဂရုတစိုက်ဖြင့် ကျိုးကျောင်းစီလျော်စွာနေသည်မှာ ယခုသည် ပထမဆုံး အကြိမ်ဖြစ်၍ ၎င်းက သူ၏ စိတ်ဝင်စားမှုကို ဆွဲဆောင်နိုင်သွားသည်။ သူ့ညီလေးက မည်ကဲ့သို့သော လျှို့ဝှက်ချက်မျိုးကို ဆွေးနွေးရန်အတွက် သူ့ကို ဆွဲခေါ်လာသည်ကို သိချင်နေသည်။

"အစ်ကိုကြီး..."

ရွှယ်လင်က ဝါရန်ကို လေးနက်စွာ ကြည့်လိုက်ပြီး သူ့ကို ဂရုတစိုက်ဖြင့် အသေအချာ လေ့လာစူးစမ်းနေသည်။ ဝါရန်က သူ့အကြည့်များကြောင့် အသက်ပင် အောင့်ထားမိရလောက်အောင် အံ့အားသင့်သွားသည်။ ၎င်းကြောင့် ရွှယ်လင်က ထိုယောင်္ကျား ယခုအကြိမ်တွင်် အမျိုးတော်စပ်သူ အစ်ကိုကြီး၏ခန္ဓာကိုယ်ထဲသို့ ကူးပြောင်းလာခြင်း မဟုတ်ကြောင်း သေချာသိသွားလေသည်။ သူ နောက်ဆုံးတွင် စိတ်သက်သာရာရစွာ သက်ပြင်းချလိုက်ပြီး ပြောလိုက်သည်။

" အစ်ကိုကြီး ဘယ်တော့ ရှေ့တန်းကို ပြန်မှာလဲ..."

ဝါရန် ထပ်မံ အံ့အားသင့်သွားရပြန်သည်။ ထိုမျှလောက် အနီးကပ်ကြည့်နေပြီးမှ ရိုးရှင်းသော မေးခွန်းကို မေးလာမည်ကို မမျှော်လင့်ထားပေ။ သူက ညီငယ်လေး၏ ခေါင်းကို ပွတ်သပ်လိုက်ပြီး ထိုအကြောင်းကို တွေးကာ ပြောလိုက်သည်။

" နောက်နှစ်ရက်လောက်နေရင် ပြန်သွားရလောက်မယ် အခု အစ်ကိုကြီးက ခရီးတိုလေး ထွက်ခဲ့တာပေါ့..."

ရွှယ်လင် နှုတ်ခမ်းကို တင်းတင်းစေ့ထားပြီး ထိုင်ခုံကို ဆွဲယူလိုက်ကာ ဝါရန်ကို ထိုင်ရန် ပြောလိုက်သည်။ ထို့နောက် သူက အိပ်ယာပေါ်တွင် ထိုင်လိုက်ပြီး လေးနက်သော အကြောင်းအရာများကို ဆွေးနွေးချင်နေသည့်ပုံပင်။

" အစ်ကိုကြီး ပြန်ပြောင်းရွေ့ဖို့ လျှောက်လွှာတင်လိုက်..."

"ဟမ်..."

ဝါရန်က သေချာမကြားလိုက်ဘဲ သူ့မျက်နှာက နားမလည်သည့်ပုံ ပေါ်နေသည်။

ရွှယ်လင် အသက်ပြင်းပြင်းရှူလိုက်ပြီး သူ့လက်များကို ဆုတ်ထားကာ အရေးကြီးသည့် ဆုံးဖြတ်ချက်ကို ချထားရသလို သူ၏ မျက်နှာက လေးနက်နေသည်။

" အစ်ကိုကြီး ကျွန်တော် ပုန်ကန်ချင်တယ် နန်းတော်ပုလ္လင်မှာ ဘယ်သူထိုင်ထိုင် အဲ့မင်းသား မဖြစ်ရင်ပြီးရော... ကျွန်တော် သူနဲ့ကွာရှင်းပြီး သူ့ကို သေစေချင်တယ်..."

သူ၏အမူအရာက အနည်းငယ် ရက်စက်ပုံပေါ်သော်လည်း သူ အလေးအနက် ပြောနေခြင်းပင်။ ဝါရန် အစပိုင်းတွင် ရယ်ချင်သော်လည်း မကြာမီတွင် မရယ်နိုင်တော့ပေ။

" အစ်ကိုကြီး ကျွန်တော် အတည်ပြောနေတာ တကယ်လို့ သူ မသေရင် ဒီကမ္ဘာမှာ ရိုင်းန်မိသားစု ပျောက်ကွယ်သွားလိမ့်မယ်... သူ ကျွန်တော့်ကို သဘောမကျတာကို သည်းခံနိုင်ပေမယ့် ကျွန်တော့် အစ်ကို မိဘတွေ ဆွေမျိုးတွေအပေါ် ထိပါးလာမှာကို လက်မခံနိုင်ဘူး... အစ်ကိုကြီး ရှေ့တန်းကို ပြန်မသွားပါနဲ့... အဲ့အစား ပြန်လာပြီးတော့ ကျွန်တော့်ကို ကူညီပါ... မဟုတ်ရင် ဘယ်အချိန် အစ်ကိုကြီးရယ် အမေနဲ့ အဖေရယ် အတူတူ ပျောက်ကွယ်သွားမယ်ဆိုတာကို ကျွန်တော်မသိဘူး..."

ဝါရန်၏အမူအရာက အနည်းငယ် ဆိုးဝါးနေသည်။

" မင်းဘာကို ပြောချင်နေတာလဲ..."

"မင်းသားရဲ့ ရည်မှန်းချက်က အရမ်းကြီးတယ်..."

ရွှယ်လင်၏ မျက်လုံးများက သာမာန်ထက် အနည်းငယ် ပြူးကျယ်နေသည်မှာ ဝါရန်ကို ဖောက်ထွင်းမြင်နေရပြီး တစ်ခုခုကို သိမြင်ခဲ့နေသကဲ့သို့ပင်။

"သူက ရိုင်းန်မိသားစုကို အလွတ်ပေးမှာ မဟုတ်ဘူး... သူအာဏာရဖို့ တားဆီးပိတ်ပင်တဲ့ လူမှန်သမျှကို အနားမှာ ထားမှာ မဟုတ်ဘူး... အစ်ကိုကြီး သူ ကျွန်တော်တို့အကုန်လုံးကို သတ်လိမ့်မယ် အစ်ကိုကြီးရော ကျွန်တော် ရော အသတ်ခံရမှာ..."

ဝါရန်က ရွယ်လင်၏ လက်များကို သူ့ဆီသို့ လှမ်းဆွဲကာ အေးစက်နေသော မျက်လုံးများဖြင့် မေးလိုက်သည် ။

" သူ မင်းကို ဘာပြောခဲ့လို့လဲ..."

ရွှယ်လင်က ဝါရန်၏ မျက်လုံးများကို စိုက်ကြည့်လိုက်ရင်း ပြတ်ပြတ်သားသားနှင့် ပီသစွာ ပြောလိုက်သည်။

" အစ်ကိုကြီး ကျွန်တော့ဘေးမှာရပ်တည်မယ်လို့ ကတိပေးပါ..."

ဝါရန်၏ အမူအရာက အနည်းငယ် ထူးဆန်းသည့် ပုံ ဖြစ်သွားကာ သူပြောခဲ့သည်ကို သေချာတွေးတောနေပုံပေါ်သည်။ အတော်ကြာမှ သူခေါင်းညိတ်ပြကာ ကတိပေးလိုက်သည်။

" ကောင်းပါပြီ အစ်ကိုကြီး ပြောင်းရွေ့လျှောက်လွှာ တင်လိုက်မယ်... ဒါပေမဲ့ မင်းဘာဖြစ်ခဲ့တယ် ဆိုတာ အစ်ကိုကြိီးကို ပြောပြရမယ်..."

ရွှယ်လင်၏ မျက်နှာပေါ်မှ အေးစက်တောင့်တင်းနေသော အမူအရာက အနည်းငယ် ပြေလျော့သွားလေသည်။ သူ၏ လက်ကို ဝါရန့်လက်ထဲမှ ဆွဲထုတ်လိုက်ပြီး ပြန်ထိုင်လိုက်သည်။

" ကျွန်တော် ပြောခဲ့သလိုပဲ သူ ကျွန်တော့်ကို မကြိုက်သလို ဘယ်တော့မှ ကြိုက်လာမှာလည်း မဟုတ်ဘူး ကျွန်တော်တို့မိသားစု တည်ရှိနေခဲ့တာ တော်တော်ကြာနေပြီ... ကျွန်တော်တို့ မိသားစုကို မသတ်ဘဲ အင်ပါယာတစ်ခုလုံးကို သူ ထိန်းချုပ်ဖို့ဆိုတာ မဖြစ်နိုင်ဘူး..."

ဝါရန်၏ မျက်လုံးများက အနည်းငယ် မှေးကျဥ်းနေပြီး ပြောလိုက်သည် ။

" ငါတို့ မိသားစုထဲက လူတိုင်းက အင်ပါယာကို သစ္စာရှိတယ်..."

"ဒါပေမဲ့ သူ့ကိုတော့ မဟုတ်ဘူးလေ..."

ရွှယ်လင်၏ မျက်လုံးများက အေးစက်လာသည်။

" သူ ကျွန်တော့်ကို ကြည့်တဲ့ အကြည့်တွေထဲမှာ ဖုံးကွယ်မထားနိုင်တဲ့ ရွံရှာစက်ဆုပ်မှုတွေနဲ့ တစ်ခါတစ်ရံ သတ်ချင်နေပုံတောင် ပေါ်တယ် အစ်ကိုကြီး အဲ့ဒီဟောကိန်းကို တခြားအဓိပ္ပါယ်ကောက်ဖို့ နည်းလမ်းရှိသေးလား..."

ဝါရန် သူ့ကို အံ့အားသင့်စွာ ကြည့်လိုက်သော်လည်း သူ၏ အမူအရာမှာ တစ်ခုခု လွဲမှားနေလေသည်။

" မင်း ခန့်မှန်းကြည့်လေ..."

"ဘာကို ခန့်မှန်းရမှာလဲ..."

ဝါရန်၏ မျက်နှာအမူအရာက အနည်းငယ် ထူးဆန်းနေသည်။

" တကယ်တော့ မင်းသား မင်းကို သတ်ချင်နေတယ်ဆိုတည်းက အစ်ကိုကြီး ဆုံးဖြတ်ချက်ချပြီးသွားပြီ ဘယ်လိုပဲဖြစ်ဖြစ် မင်းဘာမှ မဖြစ်စေရဘူး..."

"ဘာလို့လဲ..."

"အဲ့ဒါက မိသားစုရဲ့ လျှို့ဝှက်ချက်လို့ သတ်မှတ်လို့ရတယ် တော်ဝင်မိသားစုနဲ့ သက်ဆိုင်တဲ့ကိစ္စပါ..."

ဝါရန် ခဏရယ်လိုက်သည်။

" မင်းမွေးတုန်းက တစ်ကမ္ဘာလုံး တုန်လှုပ်ခဲ့ပြီး ဟောကိန်းတစ်ခုရှိခဲ့တယ်ဆိုတာ မင်းသိပြီးသားပါ ဒါပေမဲ့ တကယ်က ပြည်သူလူထုကို ကြေညာတော့ ငါတို့ ညှိနှိုင်းပြီး အဆင်ပြေအောင် ပြောခဲ့တာ..."

"ညှိနှိုင်းခဲ့တယ်လား..."

" တကယ့်ဟောကိန်းမှာ မင်းက အင်ပါယာရဲ့ဧကရီဘုရင်မပါ မိဖုရား မဟုတ်ဘူး..."

ဝါရန် သူ့လက်များကို ကျစ်ကျစ်ဆုပ်ထားလေသည်။

" မင်းလည်း သိတာပဲ ဟိုတုန်းတည်းကနေ အခုချိန်ထိ နှစ်ခုနှစ်ရာကြာနေပေမဲ့ ဧကရာဇ်လို့ အခေါ်ခံခဲ့တာ တစ်ယောက်ပဲ ရှိသေးတယ် ဒါပေမဲ့ အဲ့လူကလည်း လွန်ခဲ့တဲ့ နှစ်ခုနှစ်ရာလောက်က ရှိခဲ့တာလေ ပြန်လည်း ပေါ်လာမှာ မဟုတ်ဘူး..."

"တကယ်လို့ မင်းသားက ထီးနန်းကို ဆက်ခံရတယ်ဆိုရင်တောင် သူက ဘုရင်ပဲ ဖြစ်မှာ ဧကရာဇ်မဖြစ်ဘူး အစ်ကိုတို့က မင်း အန္တရာယ်များမှာစိုးလို့ ဘယ်တုန်းကမှ အမှန်တရားကို မပြောခဲ့တာ... အခု မင်းသား မင်းကို သတ်ချင်နေတယ်လို့ ပြောမှတော့ ငါတို့ သူ့ကို ဖြုတ်ချပြီး မင်းအတွက် ဧကရာဇ်အစစ်ကို ရှာပေးမယ်..."

ရွှယ်လင်က ထိုကဲ့သို့သော ဇာတ်လမ်း အလှည့် အပြောင်းများကို မမျှော်လင့်ထားပေ။

မူလခန္ဓာကိုယ်ရဲ့ ဆန္ဒတွေကိုရော ဘယ်လိုထည့်စဥ်းစားရပါ့မလဲ...

"ရိုင်းန်မိသားစုရဲ့ သင်ကြားရေးထဲမှာ ပြောထားတာတော့ 'လူတိုင်းသေနိုင်တယ် ဒါပေမဲ့ ရိုင်းန်မိသားစုကတော့ ပျောက်ဆုံးမသွားနိုင်ဘူး မဟုတ်ရင် အင်ပါယာက လုံးဝဥဿုံ ပျက်ဆီးသွားလိမ့်မယ်'တဲ့..."

ဝါရန်က ရွှယ်လင်ကိုကြည့်ကာ မေးလိုက်သည်။

" လုံးဝဥဿုံ ပျက်ဆီးသွားမယ်ဆိုတဲ့ အဓိပ္ပါယ်ကို မင်းသိလား..."

ရွှယ်လင် စကားမပြောနိုင်လောက်အောင် ဆွံ့အသွားလေသည်။ ထို့ကြောင့် မူလကိုယ်သေဆုံးပြီးနောက် ဇာ့ခ်များက ကြယ်များကြားရှိ အာကာသမှ အရာတိုင်းကို ဖျက်ဆီးပစ်ခဲ့သည်မှာ ထူးဆန်းသည်ဟု သူ အမြဲထင်ခဲ့လေသည်။ ယခု ၎င်းတို့နှစ်ခုကြားတွင် နက်ရှိုင်းသော ဆက်နွယ်ချက်တစ်ခုရှိကြောင်း သိလိုက်ရသည်။ ရိုင်းန်မိသားစုက အင်ပါယာ၏ အသက်သွေးကြောဖြစ်ပြီး ရိုင်းန်မိသားစုဝင် တစ်ယောက်မျှ ဤ ကမ္ဘာတွင် မရှိတော့ပါက ဇာ့ခ်များက ကြောက်ရွံ့နေတော့မည်ဖြစ်ပြီး ဤကမ္ဘာကြီးသည်လည်း အကျိုးမဖြစ်ထွန်းသော နေရာ ဖြစ်လာမည်ပင်။

ကြည့်ရသည်မှာ အဓိက ဇာတ်ဆောင်စုံတွဲက သေခြင်းတရားကို ရည်ရွယ်ချက်ရှိရှိ လိုချင်နေသည့် သေးနုပ်သော ကျွမ်းကျင်ပညာရှင်များ ဖြစ်ပုံပင်။ သူတို့နှစ်ယောက်ကတစ်ယောက်ကို တစ်ယောက် ချစ်မြတ်နိုးကြပြီး နေရာတိုင်းတွင် လူသိများကာ လူချစ်လူခင်လည်း ပေါများလေသည်။ သို့သော် နောက်ဆုံးတွင် ဤကမ္ဘာကြီးကို အဆုံးသတ်သို့ ရောက်စေခဲ့သည်။

၎င်းက အဆင့်အမြင့်ဆုံး ပြဿနာရှာဖွေနည်းပင် ဖြစ်ပေသည်။ ခန့်မှန်းချက်အရဆိုလျှင် သူတို့ သေဆုံးသွားသည်အထိ အဘယ့်ကြောင့် ထိုအရာအားလုံး ဖြစ်သွားရသည်ကို မသိလောက်ပေ။

ဝါရန်က သူ့ညီငယ်လေး၏ ဗလာဖြစ်နေသော အကြည့်များကို ကြည့်လိုက်ပြီး ကူကယ်ရာမဲ့စွာ သူ့ခေါင်းကို လှမ်းထိလိုက်ပြီး ဆက်ပြောလေသည်။

" ရိုင်းန်မိသားစုရဲ့ သင်ရိုးထဲမှာ ပြောထားတာက ရိုင်းန်မိသားစုထဲကအိုမီဂါတိုင်းက အင်ပါယာရဲ့ ရတနာနဲ့ အနာဂတ်မျှော်လင့်ချက် ဖြစ်လာမှာတဲ့... မင်းက ရိုင်းန်မိသားစုရဲ့ တစ်ဦးတည်းသောအိုမီဂါလေ အတိတ်မှာတုန်းက တော်ဝင်မိသားစုမှာရော ရိုင်းန်မိသားစုမှာရော အိုမီဂါမမွေးဖွားခဲ့ဖူးဘူး..."

ရွှယ်လင် အနည်းငယ် ရှုပ်ထွေးနေလေသည်။

ဘယ်လို ဇာတ်ကွက်တွေ ချထားတာလဲ... ဘာလို့ အရင်က ပြောထားတာတွေနဲ့ ကွဲနေရတာလ... အဲ့ဒီ ဘိုးဘွားပိုင် သင်ရိုးတွေက မူလကိုယ်ကို ဦးတည်နေတာပဲ...

ဝါရန် ကူကယ်ရာမဲ့စွာ သက်ပြင်းချလိုက်သည်။

"အစ်ကိုကြီး မင်းကို ဒါတွေ မပြောချင်ပါဘူး ဒါပေမဲ့ မင်းက ပုန်ကန်ချင်တယ် ဆိုလို့ပါ..."

"အမ်... ကျွန်တော် တကယ် ပုန်ကန်ချင်တာပါ..."

ယခုသူရလိုက်သော သတင်းအချက်အလက်က ကြီးမားသော်လည်း ရွှယ်လင်က သူ့ဆုံးဖြတ်ချကါအတိုင်း ဆက်လုပ်မည်ပင်။

" ကျွန်တော် အဲ့လောက်တောင် အရေးပါတယ်ဆိုတာ ကိုယ်တိုင်တောင် မသိခဲ့ဘူး ဒါပေမဲ့ အစ်ကိုကြီးတို့က ကျွန်တော့်ရဲ့ အရေးအကြီးဆုံး မိသားစုဝင်တွေဆိုတော့ ဘာတွေပဲ ဖြစ်လာပါစေ ကျွန်တော် အစ်ကိုကြီးတို့အားလုံးကို လုံခြုံစေချင်တယ်..."

"မင်း သေချာနေပြီဆိုတော့ အစ်ကို ပြောင်းရွှေ့လွှာတင်လိုက်တော့မယ်..."

ဝါရန် သူ၏ နှဖူးကို နှိပ်လိုက်သည်။ ယခုကဲ့သို့ ဖြစ်လာမည်ဟု သူ ဘယ်တုန်းကမျှ မတွေးခဲ့ပေ။ သူ၏ ညီငယ်လေးနှင့် မင်းသားကြားတွင် ခံစားချက်များမရှိဘဲ မလေးနက်သော အိမ်ထောင်ရေးဖြစ်လျှင်ပင် သူ့ညီငယ်လေးက မင်းသားနှင့်အတူတူ ကောင်းမွန်သော ဘဝလေးတွင် နေရမည်ဟု ထင်ခဲ့သည်။ ထိုသို့ဆိုပါက သူတို့ ထိုစကားလုံးများကို နှလုံးသားထဲတွင် မြှုပ်နှံထားပြီး မည်သည့်အခါမှ ပြောမည်မဟုတ်ပေ။

မည်သို့ပင် ဆိုစေကာမူ ရိုင်းန်မိသားစုက တော်ဝင်မိသားစုထက် အမွေမျိုးရိုးပို၍ ဆက်ခံနိုင်ခဲ့သည်။ တော်ဝင်မိသားစုက သန်မာပုံပေါ်ပြီး အင်ပါယာတွင် သူတို့မရှိဘဲ မရပ်တည်နိုင်လောက်ဟု ထင်ရသော်လည်း အကြောင်းအရင်းအမှန်ကို ဝါရန် သိလေသည်။ တော်ဝင်မိသားစု၏ တည်ရှိမှု အမြဲတမ်း နိမ့်ကျနေရသည့်အကြောင်းအရင်းမှာ သူတို့ကို တော်ဝင်သွေးဟု သတ်မှတ် မရနိုင်သောကြောင့်ပင်။

ထိုလူများကို ဧကရာဇ်၏ မျိုးရိုးမှ ဖန်ဆင်းထားခြင်းမျှသာဖြစ်ပြီး ထိုမျိုးရိုးဗီဇက မျိုးဆက် တစ်ဆက်ပြီးတစ်ဆက် ဆင်းသက်လာကြသည်။ ထိုမျိုးရိုးထဲမှ စွမ်းအားမှာ ဧကရာဇ် မတည်ရှိသောကြောင့် တဖြည်းဖြည်း အားနည်းဆုတ်လျော့လာလေသည်။

ယခုအချိန်က တော်ဝင်မိသားစု ကျရှုံးလုဆဲဆဲအချိန်ပင်။

🦊🦊🦊

Prev Next