MM Story Teller

Chapter 45

Viewers 3k

🦊Chapter 45

Arc 4 - စွန့်ပစ်ခံ မင်းသမီးလေး

4.2 ပုန်ကန်တယ် ဆိုတာက ရိုးရှင်းတဲ့ အရာ မဟုတ်ဘူး

" အရှေ့ဘက်က ဇာ့ခ်တွေက ပိုပြီးထကြွသောင်းကျန်းနေတယ် နောက်ပြီး လူသာကလည်း မင်းရဲ့ estrus မတိုင်ခင် စစ်ပွဲကို အဆုံးသတ်ပြီး မင်းဆီပြန်လာချင်နေတာ..."

ဘုရင်အိုကြီးက သူ့သား၏ ရိုင်းပြမှုအတွက် ရွှယ်လင်ကို ရှင်းပြရင်း ပြုံးနေသည်။ သို့သော် ၎င်းမှာ မင်းသားက အက်ရှလေကို ခက်ခဲအောင်လုပ်သည်မှာ ပထမအကြိမ်လည်းမဟုတ် ဒုတိယအကြိမ်လည်း မဟုတ်တော့ကြောင်း သူတို့နှစ်ယောက်လုံး သိကြလေသည်။

ရွှယ်လင် တည်ငြိမ်စွာပြုံးလိုက်ပြီး သင့်တင့်လျောက်ပတ်စွာ ပြုမူလိုက်ကာ သူ့ခွက်အသေးလေးထဲသို့ ရေထည့်လိုက်လေသည်။ သူ၏ လှုပ်ရှားမှုများက အလွန်သိမ်မွေ့ကျက်သရေရှိနေပြီး တစ်ယောက်မျှ သူ့ကို မင်္ဂလာဦးညတွင် ပစ်ပယ်ထားခံရသော omega တစ်ယောက်၏ ပုံစံဟု မသိနိုင်ပေ။

" အဲ့ဒါက အရေးမကြီးပါဘူး အင်ပါယာရဲ့ အနာဂတ်အတွက် ကျွန်တော်တို့နှစ်ယောက်ကြားက ကိစ္စတွေ နှောင့်နှေးတာ သဘာဝကျပါတယ်... နောက်ပြီး ကျွန်တော်က အသက်မပြည့်သေးတော့ ကျွန်တော်နဲ့ အရှင်မင်းသား ဘာမှလုပ်လို့မရဘူးလေ... အပြင်ထွက်ပြီး လေကောင်းလေသန့် ရှူပြီး စွမ်းအားဖြည့်ရတာလဲ ကောင်းတာပါပဲ..."

သူ၏ စကားလုံးများက ကတ်သီးကပ်ဖဲ့နိုင်သော်လည်း ၎င်းတို့က မင်းသား၏ မရင့်ကျက်ဘဲ စိတ်မြန်လက်မြန် လုပ်တတ်သည်တို့ကို လုံးဝ ဂရုမစိုက်ကြောင်း ပြသနေပြီး သူ၏ စိတ်ပိုင်းဆိုင်ရာကို သူ၏ နေရာ ရာထူးအလိုက် အလိုက်သင့်နေရန် ဆုံးဖြတ်ထားသလိုပင်။ သူက မင်းသမီးရာထူးဖြစ်သောကြောင့် အင်ပါယာ၏ အနာဂတ် ဘုရင်မရာထူးပင်ဖြစ်ပြီး အချို့အရာများကို သူတို့အချစ်ကိစ္စ အမြင်များထက် အင်ပါယာအတွက် အမြင်များဖြင့် ကြည့်ရှုပေးမည်ပင်။

အထူးသဖြင့် သူတို့က အချစ်အပေါ်တွင် အခြေခံထားသော ဆက်ဆံရေးမျိုး မရှိပေ။

ဘုရင်အိုကြီးက ရွှယ်လင်ကို အလွန်စိတ်ကျေနပ်သွားလေသည်။

" ကြည့်ရတာတော့ ဒီနှစ်တွေမှာ ရိုင်းန်မိသားစုက မင်းရဲ့ ပညာရေးကို အတော်လေး အလေးထားခဲ့တယ် ထင်တယ်..."

ရွှယ်လင်၏ နှုတ်ခမ်းများက တွန့်ကွေးသွားပြီး ပါးစပ်အပြည့် ရေတစ်ငုံသောက်လိုက်ကာ စကားလမ်းကြောင်း လွှဲလိုက်ပြီး ဘုရင်အိုကြီးနှင့် အသေးအဖွဲကိစ္စများကို ပြောနေကြလေသည်။

ရိုင်းန်မိသားစု၏ ပညာရေးက အမှန်ပင် အလွန်ထက်မြက်သည်။ အက်ရှလေက ယခုမျိုးဆက်ထဲတွင် တစ်ဦးတည်းသောအိုမီဂါဖြစ်ပြီး အင်ပါယာ၏ အနာဂတ် ဧကရီ ဖြစ်သော်လည်း သူတို့က ကလေးကို အလိုမလိုက်ခဲ့ပေ။ အက်ရှလေမှာ ငယ်စဥ်တည်းက အကောင်းဆုံး တော်ဝင်စာပေများကို လေ့လာခဲ့ရပြီး ဘုရင်မ ဖြစ်လာရန်အတွက် အဓိက ကြိုးစားခဲ့ရသည်။ သူက သမိုင်းထဲမှ နာမည်ကြီးသော ဘုရင်မ များကို ရှာဖွေလေ့လာခဲ့ပြီး နိုင်ငံရေးတွင် သူ၏ ပြိုင်ဘက်ကင်းသော အမြင်များကို တိုးတက်စေခဲ့သည်။

အကယ်၍ အရှင်မင်းသား၏ မသဲကွဲမှုကြောင့်၊ အာဏာနှင့် ရည်မှန်းချက်များကြောင့်သာ မမြင်နိုင် မဖြစ်ခဲ့ပါက၊ အရပ်သား သာမန်အိုမီဂါ တစ်ယောက်ထံမှ လမ်းမှားပို့ခြင်းအား မခံခဲ့ရပါက သူက အက်ရှလေကို အရည်အချင်းအပြည့်ဆုံးသော ဘုရင်မအဖြစ် သိမြင်နိုင်လိမ့်မည်ပင်။

အဆုံးတွင် အက်ရှလေက အချိန်မတန်သေးဘဲ သေဆုံးခဲ့ရသည်မှာ သနားစရာပေ။ သူက ရည်မှန်းချက် အပြည့်ရှိသော်လည်း ဇာတ်လိုက် နှစ်ယောက်ထံတွင် ကျရှုံးခဲ့ရသည်။

ရွှယ်လင် သူ့အတွက် စိတ်မကောင်းဖြစ်နေပြီး နောက်ဆုံးတွင် သူ့အတွက် အသေအချာကို လက်စားချေပေးပြီး သူ၏ ဆုတောင်းများကို ဖြည့်ဆည်းပေးရန် ဆုံးဖြတ်လိုက်သည်။

ယခုတွင် သူလုပ်ရန် လိုအပ်သည်မှာ သူ၏ မြင့်မားသောနေရာတွင် ရပ်တည်ရန် ပေးထားသည့် အခွင့်အရေးများကို သုံး၍ လူများက သူ့အား ထင်မြင်ချက်ကောင်းစေရန် ပြုလုပ်ရမည်ပင်။ ထိုသို့ဖြင့် မင်းသားက သူ့ချစ်သူနှင့် ဖောက်ပြန်ချိန်တွင် အင်ပါယာတစ်ခုလုံးမှလူတို့က ဆူပူသောင်းကျန်းကာ မင်းသားနှင့် သူ၏ ချစ်သူတို့ကို သူမျက်ရည်တစ်စက်ကျပြစရာပင် မလိုဘဲ ဆူပူပြောဆိုကြမည်ပင်။ အကယ်၍ ထိုအချိန်တွင် သူ သနားစရာကောင်းအောင် ဟန်ဆောင်ပြခြင်း သို့မဟုတ် သဘောထားကြီးသည့် ပုံဖြင့် နားလည်ပေးဟန်ဆောင်ပြလျှင်ပင် ဘုရင်အိုကြီးက ထိုကဲ့သို့ကောင်းသောသူကို ဆိုးဝါးစွာ ဆက်ဆံခြင်းအား သည်းမခံနိုင်စွာဖြင့် ကွာရှင်းခွင့် ပြုလိုက်မည်ဖြစ်သည်။

မင်းသားရဲ့ရည်မှန်းချက်တွေက ကြီးလွန်းနေတော့ သူ့ကို တစ်သက်လုံး မင်းသားဆိုတဲ့ ဂုဏ်ပုဒ်ကို ပေးထားရင် ပိုကောင်းမယ်...

သူတို့နှစ်ယောက်က ကြယ်များ၏ သမိုင်းများနှင့် နိုင်ငံရေးအကြောင်းများကို ဆွေးနွေးနေချိန်တွင် ရွှယ်လင်၏ စိတ်ထဲတွင် ထိုကဲ့သို့ ရဲတင်းသော အတွေးများ ရှိနေကြောင်းကို ဘုရင်အိုကြီး မသိခဲ့ပေ။

"အိုး ဟုတ်သားပဲ..."

ဘုရင်အိုကြီးက ကိစ္စတစ်ခုကို သတိရလိုက်သည်။

" လူသာ မင်းကို ခေါ်သွားသင့်တဲ့နေရာ ရှိတယ် ဒါပေမဲ့ သူက အခု ရှေ့တန်းထွက်နေတယ်ဆိုတော့ ငါမင်းကို ခေါ်သွားပေးမယ်..."

ရွှယ်လင် အံ့အားသင့်သွားလေသည်။

" ဘယ်ကိုများလဲ..."

" တော်ဝင်မိသားစုက လူတစ်ယောက်ဆီကို..."

ဘုရင်အိုကြီးက ဝမ်းနည်းပုံပေါ်နေကာ ပြောလိုက်သည်။

" မင်း တော်ဝင်မိသားစုထဲ ဝင်လာပြီဆိုတော့ တော်ဝင်မိသားစု ဘိုးဘေးကို နှုတ်ဆတ်ဖို့လိုတယ်လေ... သူက အင်ပါယာကို စတင်တည်ထောင်ခဲ့တဲ့ ဧကရာဇ်ပဲ... အဲဒါက လူသာလုပ်သင့်တဲ့ အလုပ်ဆိုပေမဲ့ အခု သူက ဒီမှာ မရှိဘူးလေ အဲ့တော့ မင်္ဂလာပွဲအလေ့အထဖြစ်တဲ့ မင်းမိသားစုဆီကို အလည်သွားရာက ပြန်လာရင် ငါမင်းအတွက် အချိန်ရှာပြီး ခေါ်သွားပေးမယ်..."

"တည်ထောင်သူ ဧကရာဇ် ... "

"ဟုတ်တယ် အင်ပါယာရဲ့ တစ်ဦးတည်းသော ဧကရာဇ်..." ဘုရင်အိုကြီးက တစ်စုံတစ်ရာကြောင့် ဝမ်းနည်း ပူဆွေးနေပုံပေါ်သော်လည်း စကားအနည်းငယ်သာ ပြောခဲ့ပြီး အကြောင်းအရာကို ပြောင်းလိုက်သည်။ ရွှယ်လင်က နေ့လည်အထိ နေခဲ့ပြီး နောက်ဆုံးတွင် သူ့ကိုယ်ပိုင်နန်းဆောင်သို့ ပြန်ခွင့်ရလိုက်သည်။

မနက်ခင်းတွင် ရွှယ်လင် စောစောထွက်သွားပြီး သူ၏ ယုံကြည်ရသော လက်အောက်ငယ်သားများကို ယမန်နေ့ညက အခန်းထဲမှ မင်္ဂလာပွဲအပြင်အဆင်များကို ပုံစံ ပြောင်းခိုင်းလိုက်သည်။ သူ ပြန်ရောက်သောအခါ မူလကိုယ်၏ အကြိုက်ပုံစံကို ပြန်လည်ပြောင်းလဲပြီး ဖြစ်လေသည်။ သူ့တွင် ထပ်မံပြောင်းလဲရန် စိတ်ကူးမရှိတော့သောကြောင့် အစေခံများကို နေ့လည်စာ ပြင်ခိုင်းပြီးနောက် နာနိုကွန်ပျူတာလေးကို ဖွင့်လိုက်ပြီး တည်ထောင်သူ ဧကရာဇ် တည်ရှိမှုကို အကူစနစ်လေးအား ကြည့်ခိုင်းလိုက်သည်။

အင်ပါယာကို တည်ထောင်ခဲ့သည်မှာ နှစ် 700 ရှိနေပြီ ဖြစ်သည်။ ၎င်းက စကြာဝဌာတွင် ပိုင်နက်ကို ထိန်းသိမ်းရန် သူ၏ စွမ်းအားကြီးသော စစ်တပ်ကိုသာ မှီခိုခဲ့ရသည်။ ထို့အပြင် တော်ဝင်မိသားစုက အင်ပါယာတွင် အားအကောင်းဆုံး တိုက်ခိုက်ရေး တပ်ဖွဲ့ဖြစ်လေသည်။ နှစ်ပေါင်းများစွာ ကြာသည်အထိ ဇာ့ခ်များအား အောင်မြင်သော ဘုရင်မျိုးနွယ် အဆက်ဆက်များက နယ်စပ်တွင် ပိတ်ဆို့နိုင်ခဲ့လေသည်။

တော်ဝင်မျိုးရိုးဗီဇများက အလွန်ထူးခြားပြီး မျိုးဆက်တိုင်းတွင် ဆက်ခံသူတစ်ယောက်သာ မွေးထုတ်နိုင်သည်။ အမွေ ဆက်ခံမှုက တစ်ဖြောင့်တည်းသွားပြီး တော်ဝင်ဗီဇများက အပြင်းအထန် စွမ်းအားကြီးကာ လွှမ်းမိုးချယ်လှယ်နိုင်ကြသည်။ ၎င်းတို့သည် အခြေခံအားဖြင့် အယ်လ်ဖာများဖြစ်ကြပြီး တော်ဝင်သမိုင်းမှတ်တမ်းတွင် ဘီတာ သို့မဟုတ် အိုမီဂါ တစ်ယောက်မျှ မရှိခဲ့ဖူးပေ။

၎င်းတို့အားလုံးက အင်ပါယာ တည်ထောင်သူ ပထမဆုံး တော်ဝင်မိသားစုဝင် အော်ဂတ်စတင်းလူးဗက်စ်နှင့် သက်ဆိုင်လေသည်။

သူက အင်ပါယာ၏ စည်းမျဥ်းများကို တည်ထောင်ခဲ့ပြီး အထဲရှိ သစ်ပင်တိုင်းကိုသာမက မြက်ပင်တိုင်း၏ တည်ရှိမှုကိုပင် ဆုံးဖြတ်ကန့်သတ်ခဲ့သည်။ သူအုပ်ချုပ်ချိန်တွင် ဇာ့ခ်များက အပြင်းအထန် ခံစားခဲ့ရပြီး ခြေကုပ်ပင် မတည်ထောင်နိုင်တော့ပေ။ သူနန်းတက်စဥ်တွင် သူက ပြိုင်ဖက်ကင်း အုပ်ချုပ်သူ ဖြစ်ခဲ့သည်။

သို့သော် ထူးဆန်းသော အခြေအနေများအောက်တွင် သူပျောက်ကွယ်သွားခဲ့သည်။ တစ်နေ့တွင် တော်ဝင်မိသားစု အော်ဂတ်စတင်း၏ ဆက်ခံသူဟု လူတစ်ယောက်ကို ရိုးရှင်းစွာ မိတ်ဆက်ခဲ့ပြီး ထိုလူအား အင်ပါယာကို ဆက်လက်ဦးဆောင်မည်ဟု ညွှန်ပြလိုက်သည်။ ပြည်သူများက တော်ဝင်မိသားစုကို သံသယဝင်ကာ မေးခွန်းထုတ်ခဲ့သော်လည်း မည်သူမျှ မတုံ့ပြန်ပေ။ အော်ဂတ်စတင်း ပျောက်ကွယ်သွားပြီးနောက် အင်ပါယာကို အလွှမ်းမိုးနိုင်ဆုံးသော ခေါင်းဆောင်က ဘုရင်အဖြစ်သာ သရဖူဆောင်းခဲ့ရပြီး ဧကရာဇ် ဖြစ်မလာတော့ပေ။ အင်ပါယာတွင် ဧကရာဇ် တစ်ယောက်သာ ရှိလေသည်။ သူက အင်ပါယာ၏ အတောက်ပဆုံးသော ဖြစ်တည်မှုပင်။

ရွှယ်လင်သည် အင်ပါယာ၏ သမိုင်းကို ဖတ်ပြီးသောအခါ အံ့အားသင့်သွားလေသည်။

တည်ထောင်သူ ဧကရာဇ်က ဒီမှာပဲလား... အဲ့ဒီနှစ်က ဘာဖြစ်ခဲ့တာလဲ... အခု ဧကရာဇ်က သေပြီလား...

သူ မည်မျှပင် စပ်စုနေပါစေ ထိုလူက ရုတ်တရက် ပြန်ပေါ်လာမည် မဟုတ်ပေ။ ထို့ကြောင့် ရွှယ်လင် ထပ်ပြီး နက်နက်ရှိုင်းရှိုင်း မစုံစမ်းတော့ပေ။ ထိုအစား သူ၏ ကိုယ်ပိုင်အနာဂတ်အတွက် နည်းဗျူဟာများကို နေ့လည်စာ စားပြီး စတင်လေ့လာတော့သည်။

ဆယ်ရက်အတွင်းတွင် မင်းသားက မတော်တဆအဖြစ်တစ်ခု တွေ့ကြုံရမည် ဖြစ်ပြီး အတိတ်မေ့ကာ ထိုအိုမီဂါနှင့် တွေ့ဆုံမည်ဖြစ်သည်။

သူတို့၏ ဖူးပွင့်လာမည်ဖြစ်သောအချစ်ကို ရွှယ်လင်က တားဆီးနှောင့်ယှက်ရန် စိတ်ကူးမရှိပေ။ သူက ၎င်းကို အကြောင်းပြချက် အဖြစ်သုံးပြီး မင်းသားကို ကွာရှင်းမည် ဖြစ်သည်။ ထို့ကြောင့် မင်းသားကို ထိုအချိန် အတောအတွင်း လွှတ်ထားလိုက်မည်ပင်။

သို့သော် သူ့ကို တစ်ယောက်တည်းလွှတ်ပေးလိုက်ခြင်းက သူ၏ စစ်သည်များကို လျစ်လျူရှုလိုက်မည်ဟု မဆိုလိုပေ။ မင်းသား၏ တော်ဝင်တပ်မတော်က အင်ပါယာထဲတွင် အတော်ဆုံး တပ်မတော်ပင်။ ရွှယ်လင် မေးစေ့ကို ပွတ်ကာ ထိုစစ်တပ်ကို သူ၏ အာဏာအောက်တွင် ထားရန် စတင်တွေးတောလိုက်သည်။

အကူစနစ်လေးက တစ်ဖက်သတ် မှိတ်တုတ်မှိတ်လိုက် လင်းပြနေသည်မှာ host အတွက် သတင်းအချက်အလက်အများအပြားကို ထောက်ပံ့နိုင်သည်ကို ညွှန်ပြနေသကဲ့သို့ပင်။ host ၏ လက်ရှိ ခန္ဓာကိုယ် အခြေအနေကို အခြေခံ၍ ဇာခ့်များကို အစုလိုက်အပြုံလိုက် သတ်ဖြတ်ရန်အတွက် စက်ရုပ်များဖြင့် အာကာသတွင် ကြိုတင်စမ်းသပ်ခြင်းက လုံးဝကို ပြဿနာ တစ်ရပ် မဟုတ်ပေ။

ရွှယ်လင် လက်ခုပ်တီးလိုက်ပြီး စက်ရုပ်များဖြင့် ကြိုတင်စမ်းသပ်ခြင်း လေ့ကျင့်ရေးကို စတင်ရန် ဆုံးဖြတ်လိုက်သည်။

ဟုတ်တာပေါ့ သူပြန်လာတဲ့အချိန်ကို စောင့်ဖို့လည်းလိုသေးတယ်လေ...

ရွှယ်လင်က မင်္ဂလာဆောင်ပြီး ဒုတ်ိယနေ့တွင် ရိုင်းန်မိသားစုထံသို့ အလည်ပြန်ရန် လိုအပ်လေသည်။ မူလကိုယ်၏ မိသားစုကို ကာကွယ်ရန်အတွက် သူတို့ကို စကားပြောရန် မဖြစ်မနေမလိုဟု ခံစားလိုက်ရသည်။ သူ့မိသားစုက အင်ပါယာအတွက် အသေခံပြီး သူနှင့်အတူ ပုန်ကန်မည်မှာလည်း မဖြစ်နိုင်သောကြောင့် ရွှယ်လင်က ရှေ့တန်းတွင် တပ်ဆွဲနေပြီး နောက်ပိုင်းတွင် မင်းသားထံမှ အသတ်ခံရမည့် သူ့အစ်ကိုဝါရန်ဂျိုအန်ရိုင်းန်အကြောင်းကို ကြည့်လိုက်သည်။

မူလကိုယ်၏ မှတ်ဥာဏ်များအရဆိုလျှင် ထိုအစ်ကိုက သူ့ကို အလွန်ချစ်ပြီး တော်ဝင်မိသားစုအား ပထမ အရေးပေးရန်လည်း အမြဲတမ်းငြင်းဆိုမနေပေ။ သူ့ညီလေးနှင့် မင်းသားက မတူမတန်သလို ခံစားခဲ့ရပြီး သူ့ညီငယ်လေးနှင့် မင်းသား၏ လက်ထပ်ပွဲအပေါ် အလွန်ဝမ်းနည်းခဲ့လေသည်။

သူ၏ စစ်တပ်တွင် လုပ်နိုင်စွမ်းအားသည်လည်း အလွန်မြင့်လေသည်။

ထိုကဲ့သို့ ခွဲခြမ်းစိတ်ဖြာ စိစစ်ပြီးနောက် ရွှယ်လင် သူ၏ ပန်းတိုင်ကို ဆုံးဖြတ်ချက်ချလိုက်သည်။

ထို့နောက်တွင် သူက ဤကမ္ဘာ၏ခေါင်းဆောင်များ စာရင်းကို အကူစနစ်လေးအား ရှာခိုင်းလိုက်သည်။ သူက ထိုလူ မည်သူ၏ကိုယ်ထဲသို့ ကူးပြောင်းသွားသည်ကို သိချင်ခဲ့သည်။ ယခင်သုံးကမ္ဘာမှ သူ၏ နားလည်သဘောပေါက်မှုများအရ ထိုယောင်္ကျားက များသောအားဖြင့် ချမ်းသာပြီး ချောမောလေသည်။ စွမ်းအားများကို လိုအပ်သော ကမ္ဘာတွင် သူ၏ကမ္ဘာကို လွှမ်းမိုးနိုင်စွမ်းသည် အလွန်မြင့်မားလိမ့်မည်ပင်။ အေးချမ်းတည်ငြိမ်သော ကမ္ဘာများတွင်ပင် သူ့ထံ၌ စွမ်းအားများရှိလေသည်။ အရေးအကြီးဆုံး အချက်မှာ ထိုသူက ထိုသို့သော သတ်မှတ်ချက်များနှင့် နီးစပ်သောသူကို များသောအားဖြင့် ရွေးချယ်တတ်သည်။

သူ မနီးစပ်လျှင်ပင် နီးစပ်ရန် အခွင့်အလမ်းများကို ရှာမည်ပင်။

အမှန်တွင် အင်ပါယာက သူ၏ ဂုဏ်ကျက်သရေများကို ဆုံးရှုံးခဲ့သည်မှာ ကြာပြီဖြစ်သည်။ တော်ဝင်မိသားစု၏ စွမ်းအားက မျိုးဆက်တစ်ဆက်ပြီးတစ်ဆက် ပို၍ အားနည်းလာပုံပေါ်သည်။ ထို့အပြင် အင်ပါယာကိုဦးဆောင်သူ အယ်လ်ဖာ၏စွမ်းအင်သည်ပင် တဖြည်းဖြည်း အားနည်းလာလေသည်။ မျိုးရိုးဗီဇဆိုသည်မှာ လျှို့ဝှက်ဆန်းကြယ်သောအရာဖြစ်သည်။ သိပ္ပံပညာရပ်ကျောင်းများသည်ပင် အဓိပ္ပာယ် မဖော်နိုင်ပေ။ အင်ပါယာ၏ အဓိက တိုက်ခိုက်ရေးအင်အား တဖြည်းဖြည်း ယိုယွင်းလာသည်မှာ နှစ်တစ်ရာ ရှိပြီဖြစ်သည်။ ယခုတွင် မင်းသားက အင်ပါယာ၏ ဦးဆောင်သူအယ်လ်ဖာ ဖြစ်သော်လည်း အမှန်စင်စစ်တွင် သူသည် ဝါရန်ဂျိုအန်ရိုင်းန်နှင့် တိုက်ခိုက်ပါက ဝါရန်ဂျိုအန်ရိုင်းန်ကို လုံးဝ ချေမှုန်းနိုင်မည် မဟုတ်ပေ။

အထူးသဖြင့် လူတိုင်းက သူတို့၏ သီးသန့် မျိုးရိုးဆက်ခံခြင်းများကြောင့် အားနည်းလာချိန်တွင် ရိုင်းန်မိသားစုက သန်မာဆဲပင်။ ကံကောင်းစွာဖြင့် သူတို့က အင်ပါယာကို မပုန်ကန်ဘဲ အမြဲသစ္စာ ရှိခဲ့သည်။ သူတို့မိသားစု၏ တပ်ဖွဲ့များကိုပင် အင်ပါယာ၏ ဝှက်ဖဲကတ်အနေဖြင့် ရှေ့တန်းသို့ ပို့ပေးခဲ့သည်။

အင်ပါယာ၏ပြိုင်ဘက် မဟာမိတ်နိုင်ငံက နိုင်ငံရေး ဆူပူအုံကြွမှု ဖြစ်နေသည်မှာ နှစ်ရာပေါင်းများစွာ ကြာနေပြီ ဖြစ်ပြီး ထပ်ခါထပ်ခါ နိုင်ငံရေး ပြောင်းလဲမှုနှင့် ပြည်တွင်းစစ်ကြောင့် ဇာ့ခ်များအား တွန်းလှန်တိုက်ခိုက်နိုင်စွမ်းက အလွန်နည်းပါလာသည်။

ကြယ်မူပိုင်ခွင့်အား ခိုးယူမှုများက ဂြိုလ်များကြားတွင် ထကြွသောင်းကျန်းကာ ပေါများနေကြသည်။ ထိုအချိန်တွင် အမှားတစ်ချက်ကလေးကပင် နိုင်ငံရေးစနစ်အားလုံးကို ပြိုလဲစေနိုင်ပြီး အင်ပါယာတွင် ပြန်လည် ထူထောင်နိုင်စွမ်း မရှိလာနိုင်တော့ပေ။

ရွှယ်လင်က ထိုကိစ္စများကို ဂရုမစိုက်ပေ။ အကူစနစ်လေးက သတင်းအချက်အလက်အများအပြားကို ခွဲခြမ်းစိတ်ဖြာပေး၍ စာရင်းများကို အတူတူစုပြီးနောက် သူ၏ မျက်လုံးများကို ထိုစာရင်းများပေါ်ကို တစ်ချက်သာ ကြည့်လိုက်သည်။

တစ်ကမ္ဘာလုံးတွင် စွမ်းအားအကြီးဆုံးမှာ မူလကိုယ်၏ 'ယောင်္ကျား' ဖြစ်သည်။ ရွှယ်လင်က ထိုလူကို စာရင်းထဲမှ ဖြတ်ထုတ်လိုက်သည်။ ထိုလူသာ ဤဆန်ကုန်မြေလေးကောင်၏ ခန္ဓာကိုယ်ထဲသို့ ကူးပြောင်းလာပါက သူ ထိုသူကို အသေသတ်ပြီး ကိုယ့်ကိုယ်ကို သတ်သေကာ နောက်ထပ်ကမ္ဘာတစ်ခုတွင် စတင်မည် ဖြစ်သည်။

နောက်တစ်ယောက်က အင်ပါယာ၏ လက်ဝဲဗိုလ်ချုပ်ကြီးဖြစ်သည်။ သူက အင်ပါယာတွင် အသက်အငယ်ဆုံးသော ဗိုလ်ချုပ်ကြီးဖြစ်ပြီး သူ၏ နာမည်သည် ချယ်လ်ဂျင်းအာချစ်ခီ ဖြစ်သည်။ သူသည် အင်ပါယာ၏ အထက်တန်းလွှာကို အသစ်ရောက်လာသူဟု မှတ်ယူနိုင်ပြီး ရှေ့တန်းတွင် ဇာ့ခ်များထံမှ အသတ်ခံခဲ့ရသည်။

ရွှယ်လင်က လက်ဝဲဗိုလ်ချုပ်ကြီး၏ ပြုံးနေသော သုံးဖက်မြင်ပုံကို ကြည့်လိုက်သည်။ ထို မှုန်တေတေဖြင့် ထိန်းချုပ်မျိုသိပ်ထားတတ်သော ယောင်္ကျားက ကူးပြောင်းလာပါက ထိုသို့ ဖြစ်နိုင်မည့်ပုံမဟုတ်ဟု ဆုံးဖြတ်လိုက်သည်။

အကူစနစ်လေးက ကြယ်ပင်လယ်ဓါးပြများ ခေါင်းဆောင်၏ အသေးစိတ်အချက်အလက်များကိုလည်း ဖော်ပြလေသည်။ ရွှယ်လင် သုံးဖက်မြင်ပုံကို ကြည့်လိုက်သည်။ အမျိုးသမီးတစ်ဦးက ခေါင်းမော့ရင်ကော့ကာ ရွှေပုံပေါ်တွင် ခြေထောက်တစ်ဖက်ဖြင့် နင်းထားပြီး သူမ၏ နှုတ်ခမ်းတစ်ဖက်က မြင့်တက်နေကာ အရိုင်းဆန်သည့်ပုံ ပေါ်သည်။ သူမ၏ ပုံစံက လှောင်ပြောင်စော်ကားနေသလိုပင်။ သူမ၏ မျက်ဝန်းထဲမှ အကြည့်များသည် အလွန်အသဲယားနေသဖွယ်။

"ဘာလို့ ငါ့ကို ဒီမိန်းမရဲ့ သတင်းအချက်အလက်တွေ ပေးနေတာလဲ..."

ရွှယ်လင်၏ နှုတ်ခမ်းများ အနည်းငယ် တွန့်ကွေးနေပုံမှာ သူ မိန်းမများကို လုံးဝ စိတ်မဝင်စားသည့်ဟန်ဖြစ်သည်။ အထူးသဖြင့် ထိုကဲ့သို့ မိမိအနားသို့ လျှောက်လာပြီး မေးစေ့ကို လက်တစ်ဖက်ဖြင့် ပင့်မမည့် ပုံစံမျိုးပင်ဖြစ်သည်။

"ဒါက အထက်တန်းလွှာကနေ နိမ့်ကျသွားတဲ့ အန်တာလျာ ဆိုတဲ့ မိန်းမပါ သူက ရဲစွမ်းသတ္တိနဲ့ အားအင်အပြည့်ရှိတဲ့ အမျိုးသမီးအယ်လ်ဖာ ပါ..."

အကူစနစ်လေး၏ အသံက ချောမွေ့နေသည်မှာ ရိုးရှင်းသော မိတ်ဆက်မှုလေး တစ်ခုကဲ့သို့ပင်။

" သူက hostရဲ့ မူလခန္ဓာကိုယ်ပိုင်ရှင်ကို ပိုးပမ်းခဲ့ဖူးတယ် ဒါပေမဲ့ အငြင်းခံလိုက်ရတယ်... နောက်ပိုင်းကျတော့ သူနဲ့ သူငယ်ချင်းကောင်းတွေ ဖြစ်သွားကြတယ်လေ သူ ကြယ်ပင်လယ်ဓါးပြ မဖြစ်ခင်ကပေါ့... သူက အာဏာလည်း ရှိနေတုန်းပဲလေ အဲ့တော့ သူ ရှိသေးတယ်ဆိုတာ hostကို သတိပေးဖို့ သူ့အကြောင်း ပြလိုက်တာ..."

ရွှယ်လင် သူ၏မှတ်ဥာဏ်ထဲတွင် ရှာကြည့်လိုက်သောအခါ မူလကိုယ်က ထိုပင်လယ်ဓားပြအမျိုးသမီးထံမှ နံရံသို့ ဖိကပ်ခံထားရကာ သူ၏ မေးစေ့ကို ထိုအမျိုးသမီးက ပင့်ထားသောပုံကို တွေ့လိုက်ရသည်။

( မမက အရမ်းမိုက်နေပြီ😆)

ရွှယ်လင်၏မျက်နှာက မှောင်မိုက်သွားပြီး နောက်ထပ်ပါဝင်သူ တစ်ယောက်ကို ပြောင်းကြည့်ရန် လုံးဝ တုံ့ဆိုင်းမနေပေ။

" ဒါတွေက အနာဂတ်မှာ ရွေးချယ်ဖို့အတွက်ဘုရင်တွေ အဲလူက ဘယ်သူလဲတော့ ကျွန်တော်လည်း သေချာမသိဘူး တကယ်လို့ host heatဝင်တဲ့ အချိန်အထိ သူ့ကို ရှာမတွေ့သေးရင်တော့ အစားထိုးတစ်ယောက် အရင်ဆုံးရှာရမယ်နော် ..."

ရွှယ်လင်က အကူစနစ်လေး ကို ပါးစပ်ပိတ်နေရန် ပြောလိုက်ပြီး ပေးထားသော အချက်အလက်များကို စတင် ဖတ်လိုက်လေသည်။

အင်ပါယာ၏ ကွန်ယက်နှင့် ချိတ်ဆက်ပြီးသောအခါ အကူစနစ်လေး ရှာပေးထားသော သတင်းအချက်အလက်များက အလွန်အသေးစိတ်ကျပြီး ပြီးပြည့်စုံသည်ကို တွေ့လိုက်ရသည်။ သူက စကြာဝဠာ တစ်ခုလုံးမှ မင်းသားနှင့် တိုက်ခိုက်နိုင်လောက်သည်အထိ အစွမ်းရှိသော လူများကို စာရင်းထုတ်လိုက်ပြီး ၎င်းတို့ အများစုသည် ဆွဲဆောင်မှုရှိသောအယ်လ်ဖာများပင်။ ရွှယ်လငက ထိုလူအားလုံးကို ကြည့်လိုက်သော်လည်း တစ်ယောက်ကိုမှ ထိုနှာဘူးဟု မခံစားမိပေ။

ဒီတစ်ခေါက် သူက လိင်အမျိုးအစား ပြောင်းသွားတာများလား...

" ဒါနဲ့ လူတစ်ယောက်ရှိသေးတယ် ဟိုနိုရီယာ လို့ခေါ်တဲ့ တော်ဝင်မိသားစုရဲ့ စကားပြောခွင့်ရှိသူ ဘီတာအမျိုးသမီးလေ host လူထုနဲ့ အဆက်အသွယ်ရဖို့နဲ့ လူတွေရဲ့ နှလုံးသားထဲမှာ အမြင်ကောင်း ရစေချင်တယ်ဆိုရင် သူနဲ့ ဆက်ဆံရေး ကောင်းအောင် လုပ်သင့်တယ်..."

"သိပြီ..."

ရွှယ်လင် အကြောဆန့်လိုက်ပြီးနောက် သူက ဤကမ္ဘာတွင် အလုပ်သရဲတစ်ယောက် ဖြစ်နေပြီဟု နက်နက်ရှိုင်းရှိုင်း ခံစားလိုက်ရသည်။

ယခင်ကမ္ဘာနှစ်ခုတွင် အဆက်ဆက် အခြားသူများ တာဝန်ထမ်းဆောင်ခြင်း ခံခဲ့ရသော လူတစ်ယောက်ဖြစ်ပြီး ဗီဇအားဖြင့်လည်း ငပျင်း တစ်ယောက် ဖြစ်သောကြောင့် သူ၏ ဦးနှောက်ကိုအသုံးပြုပြီး အလုပ်လုပ်ရမည်ကို မလိုလားပေ။

သို့သော် ယခု အခြားနည်းလမ်း မရှိတော့ပေ။ သူက ကြိုးတန်းပေါ်တွင် လျှောက်နေရသော မင်းသမီးတစ်ပါးနှယ် ဖြစ်နေသည်။ တစ်ချက်မှားလိုက်သည်နှင့် နောက်ဆက်တွဲအကျိုးဆက်များက အလွန် ပြင်းထန်မည်ပင်။

ထိုသို့မဟုတ်ပါက သူ ဘုရင်မ ဖြစ်မလာနိုင်ပေ။

ထို့အပြင် ဤကမ္ဘာက သူ၏ အမြှီးတစ်ချောင်းကို ကိုင်ဆောင်ထားသည်။ အကူစနစ်လေးက မသဲကွဲသော်လည်း ၎င်းက ဇာ့ခ်များနှင့် သက်ဆိုင်နေမည်ကို သူ စိတ်ထင့်နေသည်။ အခြားနည်းလမ်းဖြင့် ထားလိုက်ပါက သူ့အင်အားနှင့် မျှော်လင့်ချက်များ၏ ရုန်းကန်လှုပ်ရှားမှုများကြောင့် အင်ပါယာ၏ အခြေခံအုတ်မြစ်ကို မဖျက်ဆီးစေချင်ပေ။ သူက ၎င်းတို့ကို ဇာ့ခ်များအား တိုက်ခိုက်ရာတွက် လိုအပ်သောကြောင့်ပင်။

ငါ့အမြှီးအတွက် ငါဘာမဆို လုပ်ဖို့ အသင့်ပဲ ....

🦊🦊🦊

Prev Next