MM Story Teller

Chapter 48

Viewers 3k

🦊Chapter 48

Arc 4 - စွန့်ပစ်ခံ မင်းသမီးလေး

4.5 - ကျေးဇူးပြုပြီး အင်ပါယာကို ဂုဏ်ကျက်သရေဆောင်နိုင်ဖို့ ကျွန်တော့်ကို ခွင့်ပြုပေးပါ

မင်းသား၏ မတော်တဆဖြစ်ရပ်မှာ မင်္ဂလာပွဲညတွင် မြို့တော်ဂြိုလ်မှ ထွက်သွားပြီး လဝက်တွင် ဖြစ်ပွားခဲ့သည်။ အမှန်တွင် ရှေ့တန်းရောက်ပြီးမှသာ ဖြစ်သင့်လေသည်။

ခြေလှမ်းမှားသွားတယ်လို့ ပြောရမလား…

ရွှယ်လင်က ထိုအကြောင်းကို ထဲထဲဝင်ဝင် တွေးမနေပေ။ သူ ယနေ့ကို တစ်လကျော်တောင် ကြာအောင် စောင့်ခဲ့ရ၍ အိပ်ယာထဲတွင် ရယ်နေမိသည်။ ထို့နောက် ဝါရန်ကို ဆက်သွယ်လိုက်သည်။

ဝါရန်၏မျက်နှာ ဆက်သွယ်ရေးကရိယာတွင် ပေါ်လာချိန်တွင် ရွှယ်လင်၏မျက်နှာပေါ်၌ အပြုံးများ တည်ရှိနေဆဲပင်။ ဝါရန်က သူ့ညီငယ်လေး အဘယ့်ကြောင့် အလွန်ပျော်ရွှင်နေကြောင်း မသိပေ။ သူက ရာထူးမြင့်သော်လည်း မင်းသား၏မတော်တဆဖြစ်ရပ်ကဲ့သို့သော သတင်းမျိုးကို သိပိုင်ခွင့် မရှိပေ။

" အစ်ကိုကြီး မြို့တော်ကိုပြောင်းမယ့် လျှောက်လွှာတင်လိုက်တော့... မင်းသားက ရှေ့တန်းမှာ မတော်တဆမှု တစ်ခု ဖြစ်ထားတော့ သူ့ရဲ့ အခွင့်အာဏာတွေက ကျွန်တော့်လက်ထဲရောက်လာမှာ ကျွန်တော် အစ်ကိုကြီးရဲ့ လျှောက်လွှာကို မြန်မြန် ခွင့်ပြုပေးနိုင်တယ်..."

ဝါရန် အံ့အားသင့်သွားပြီး ကြောင်တောင်တောင်ဖြင့် မေးလိုက်သည်။

" မင်းသား ဘာဖြစ်တာလဲ..."

သူ့ညီငယ်လေး၏ အပြုံးကို မြင်လိုက်ရကာ သိချင်သွားလေသည်။

" အဲဒါ မင်း လုပ်လိုက်တာလား..."

ရွှယ်လင် ရယ်လိုက်သည်။ ယခုဤဘဝမှ သူ့အစ်ကိုကအနည်းငယ်ရူးကြောင်ကြောင်နိုင်ကာ ချစ်စရာကောင်းသည်ဟု သူခံစားလိုက်ရသည်။

" ဘယ်ဟုတ်ပါ့မလဲ ဒါပေမဲ့ သူပြန်လာနိုင်မလား ပြန်မလာနိုင်ဘူးလားဆိုတာကတော့ ကျွန်တော့် စိတ်အခြေအနေပေါ် မူတည်တယ်..."

ဝါရန်က နားလည်ပြီဖြစ်ကြောင်း ခေါင်းညိတ်ပြလိုက်သည်။ သူတို့က နာနိုကွန်ပျူတာလေးမှတစ်ဆင့် ထိုစကားများပြောရန် မသင့်လျော်သောကြောင့် ရွှယ်လင်နှင့် ချိန်းဆိုလိုက်ကာ နန်းတော်ကိုသွားပြီး ရွှယ်လင်ကို တွေ့ရန် ပြင်ဆင်လေသည်။

ရွှယ်လင်က ဟိုနိုရီယာကို ထပ်မံဆက်သွယ်ကာ သူမ၏ အဖွဲ့နှင့်အတူလာရန် တောင်းဆိုလိုက်သည်။ ထို့နောက် အဖြူရောင်ဝတ်စုံကို ဝတ်ဆင်လိုက်သည်။ သူ၏ မျက်နှာပေါ်တွင် စိတ်ပူဝမ်းနည်းနေသော အမူအရာလေးဟန်ဆောင်ကာ ဘုရင်အိုကြီး၏ နန်းဆောင်သို့ သွားလေသည်။

လမ်းက အနည်းငယ်ရှည်လျား၍ သူ ပြေးမသွားမိစေရန် ထိန်းချုပ်လိုက်သည်။

ထိုအချိန်တွင် ဘုရင်အိုကြီးက သူ့သားသတင်းကို ရလိုက်သောအခါ သူ့သားအပေါ် စိတ်တိုဒေါသထွက်မှုနှင့် သူသား၏ ကံဆိုးမှုအတွက် ဝမ်းနည်းနေသည်။ သူ့နန်းဆောင်ထဲမှ လူများက မင်းသမီး အပြေးအလွှားရောက်လာကြောင်းကို အသိပေးလိုက်သောအခါ သူ အနည်းငယ် စိတ်သက်သာရာ ရသွားလေသည်။

သူ၏သားကို အားကိုး၍ မရနိုင်သော်လည်း သူ့သားမက်သည် အလွန်ကောင်းပုံပေါ်သည်။ ဘုရင်အိုကြီး၏ အမူအရာက အနည်းငယ် လျော့ကျသွားပြီး ရွှယ်လင်ကို တွေ့ရန်သွားလေသည်။

သူ တစ်လမ်းလုံး အမြန်နှုန်းဖြင့် အပြေးအလွှားလျှောက်လာရသောကြောင့် ရောက်လာချိန်တွင် အနည်းငယ် မောဟိုက်ကာ သူ့မျက်လုံးများက အနည်းငယ် နီရဲနေသည်။ ထိုကဲ့သ်ို့သောအိုမီဂါမျိုးက လူတိုင်း၏ နှလုံးသားကို ထိရှစေသည်။ ဘုရင်အိုကြီးက သူ၏ အသုံးမဝင်သော သားကို စိတ်ထဲတွင် ထပ်မံကြိမ်းမောင်းလိုက်သည်။

သူ ရွှယ်လင်ကို လာထိုင်ရန်ပြောကာ စကားပြောရင်း နှစ်သိမ့်လိုက်သည်။

" လူသာ အဆင်ပြေသွားမှာပါ အရမ်း မစိုးရိမ်နဲ့ အရင်ဆုံး ထိုင်ပြီး နားလိုက်ဦး..."

ရွှယ်လင်က မတ်တတ်ရပ်နေဆဲပင်။ သူက ရှည်လျားသော လမ်းပေါ်တွင် ပြေးလွှားခဲ့ရသောကြောင့် အမောပြေသေးပုံ မပေါ်ဘဲ မျက်လုံးများက ပို၍ နီရဲလာကာ စိုစွတ်နေသည်။

" ခမည်းတော်ဘုရင်ကြီး ကျွန်တော် သူ့ကိုရှာဖို့ ရှေ့တန်းကိုသွားမယ်..."

ဘုရင်အိုကြီး၏ လက်များ တစ်ခဏမျှ တန့်သွားလေသည်။ ထိုကလေးက လူသာပေါ်တွင် ခံစားချက်နက်ရှိုင်းလွန်းသည်ဟု တွေးကာ ကူကယ်ရာမဲ့စွာဖြင့် ပြောလိုက်သည်။

" ကလေး အရမ်း စိုးရိမ်မနေနဲ့ လူသာက ငါ့သားပါ... ငါသူ့ရဲ့ စွမ်းဆောင်ရည်ကိုသိတယ် ချောင်းတိုက်ခံရပေမယ့် သူ အဆင်ပြေမှာပါ..."

ရွှယ်လင်က လက်သီးများကို ကျစ်ကျစ်ဆုပ်ထားပြီး လက်မခံနိုင်သည့်ပုံပင်။

" ဒါပေမဲ့ ခမည်းတော်ဘုရင်ကြီး ကျွန်တော် ရှေ့တန်းကို သွားမရှာရရင် စိတ်အေးနိုင်မှာ မဟုတ်ဘူး သူ ရောက်ရောက်ချင်း တစ်ခုခု ဖြစ်သွားခဲ့တာ... တကယ်လို့ ရှေ့တန်းမှာ ဇာ့ခ်တွေ ရောက်နေရင် ဘယ်လိုလုပ်မလဲ..."

ဘုရင်အိုကြီး၏အမူအရာက အနည်းငယ် ပြောင်းလဲသွားသည်။ ယခုနှစ်များတွင် ဇာ့ခ်များက ပို၍ သောင်းကျန်းလာပြီး စစ်တပ်ထဲကို ရောက်လာနိုင်သည်မှာ ဖြစ်နိုင်လေသည်။

"ကလေး အလျင်မလိုပါနဲ့... မင်းသားက နိုင်ငံရဲ့ ထိန်းသိမ်းမှုတွေကို ကြီးကြပ်နေရတာ... အခု သူ တစ်ခုခု ဖြစ်သွားတယ်ဆိုတော့ အဲ့တာဝန်တွေက မင်း အပေါ်ဘဲ ကျလာမှာ... မင်းအရမ်း စိုးရိမ်ပူပန်နေလို့ မရဘူး... ရှေ့တန်းမှာ ပြ‌ဿနာတစ်ခုခု ဖြစ်နေတယ်ဆိုရင်တောင် မင်း စိတ်လိုက်မာန်ပါ လုပ်လို့မရဘူး..."

ရွှယ်လင်၏ လက်သီးဆုပ်များ အနည်းငယ် ပြေလျော့သွားသည်။ ဘုရင်အိုကြီးက သူ့ကို သတိမထားပေ။ သူ၏ သားမက်က သူ့သားကို သစ္စာဖောက်မည့် အစီအစဉ်များ ချထားကြောင်းကို လုံးဝ မတွေးမိပုံပင်။

၎င်းက အံ့ဩစရာ မဟုတ်ပေ။ အင်ပါယာ တည်ရှိနေခဲ့သည်မှာ အတော်ကြာပြီ ဖြစ်ပြီး မည်သည့် အယ်လ်ဖာနှင့် အိုမီဂါစုံတွဲကမှ အဆင်မပြေသောကြောင့် ကွာရှင်းပြတ်စဲခြင်းမျိုး မရှိပေ။ အယ်လ်ဖာများက သူတို့၏အိုမီဂါများအပေါ် ကောင်းပြီး အိုမီဂါများသည်လည်း သူတို့၏ အယ်လ်ဖာများကို အလွန်ချစ်မြတ်နိုးလေသည်။ ကံမကောင်းစွာဖြင့် သူတို့က တစ်ယောက်ကိုတစ်ယောက် အမှတ်အသား ပေးခဲ့ရသောကြောင့် နှစ်ဦးနှစ်ဘက် ခံစားချက်များ ပေါ်ပေါက်လာရသည့် ကန်သတ်ချက်များအောက်တွင် ရှိနေသောကြောင့်ပင်။ သို့သော် သူတို့က ရွှယ်လင်ကဲ့သို့မင်းသားအား လက်ထပ်ပြီးသည်အထိ မတွေ့ရသောကြောင့် မင်းသားကို သတ်ချင်သည်ဟုပြောပြီး ကိုယ့်ကိုယ်ကို မုဆိုးဖိုလုပ်ပစ်မည်မှာ မဖြစ်နိုင်သည်တော့ မဟုတ်ပေ။

ဘုရင်အိုကြီးက မျက်လုံးကို မှေးလိုက်လေသည်။ အုပ်ချုပ်နေသောဘုရင်က မတော်တဆမှု ဖြစ်ပွားသောကြောင့် ဘုရင်မက တိုင်းပြည်ရေးရာများကို လက်လွှဲယူလိုက်ရသည်မျိုးကို ယခင်က မကြုံဖူးပေ။ ထို့အပြင် အက်ရှလေက ရိုင်းန်မိသားစု ထောက်ပံ့ပေးခဲ့သော အကောင်းဆုံး ပညာရေးကို သင်ကြားနိုင်ခဲ့သောကြောင့် သူ အက်ရှလေကို ယုံကြည်လေသည်။ စစ်တပ်က ရှေ့တန်းတွင်တည်ရှိပြီး အနည်းငယ် ဝေးနေလေသည်။ မင်းသား၏ မတော်တဆမှုကြောင့် စစ်သည်များ၏ စိတ်ပိုင်းဆိုင်ရာတို့သည်လည်း အနည်းငယ် မတည်မငြိမ်ဖြစ်နေကာ ရင်ဆိုင်ရန် ခက်ခဲပေမည်။

ထိုအချိန်တွင် နန်းတော်အစေခံများ ရောက်လာကြပြီး ဟိုနိုရီယာနှင့် ဗိုလ်ချုပ်ကြီးဝါရန်တို့ နှစ်ယောက်လုံးက တွေ့ဆုံရန် ခွင့်တောင်းနေကြောင်း သတင်းပို့လေသည်။ ဟိုနိုရီယာရောက်ရှိလာခြင်းကိုမူ မျှော်မှန်းထားပြီးသားပင်။ သူမက တော်ဝင်မိသားစုနှင့် နေ့စဉ်ထိတွေ့နေရသောကြောင့် သူမတွေ့ဆုံရန် ရောက်လာကြောင်းကို ကြားလိုက်ရချိန်တွင် ဘုရင်အိုကြီးက အံ့အားသင့်ပုံ မပေါ်ပေ။ ထို့အစား ဝါရန်၏ ရောက်ရှိလာမှုက ဆိုင်းမဆင့်ဗုံမဆင့် ဖြစ်နေပုံပင်။

ရွှယ်လင်၏ မျက်နှာပေါ်မှ ဆိုးဝါးနေသော အမူအရာကနောက်ဆုံးတွင် ပြေလျော့လာလေသည်။ သူ ဘုရင်အိုကြီးကို မော့ကြည့်ရင်း ရှင်းပြလိုက်သည်။

" အခုတလော အစ်ကိုကြိီးက ကျွန်တော့်ကို အထူးလေ့ကျင့်ရေးအတွက် ကူညီပေးနေတာလေ... ခုနက ကျွန်တော်က သတင်းရရချင်း ပြေးလာတာဆိုတော့ သူ့ကို ဒီနေ့ မလေ့ကျင့်တော့ဘူးဆိုတာ ပြောဖို့ မေ့သွားတယ်... သူ ကျွန်တော့်ကို စိတ်ပူလို့ ရောက်လာတာဖြစ်မယ်..."

ဘုရင်အိုကြီးက ပြန်လည်တုံ့ပြန်ရန် နှောင့်နှေးလေသည်။ ထို့နောက် သူ ပြုံးကာမေးလိုက်သည်။

" အက်ရှလေလေးက ဘယ်လို အထူးလေ့ကျင့်ရေးတွေ လုပ်နေတာလဲ..."

ရွှယ်လင်က ရှက်ရွံ့နေသည့် ပုံဖြင့် အောက်သို့ငုံ့လိုက်ကာ သူ့နှုတ်ခမ်းများကို တင်းတင်းစေ့ထားပြီးနောက် ပြောလိုက်သည်။

" လွန်ခဲ့တဲ့ ရက်ပိုင်းက နေမကောင်းဖြစ်ပြီးတဲ့နောက်ပိုင်း ကျွန်တော့်ကျန်းမာရေး ပိုတိုးတက်လာတော့ ပျံသန်းတဲ့ စက်ရုပ်တွေအကြောင်းကို သင်ယူပြီး အာကာသမှာ တိုက်ခိုက်နိုင်မယ် ထင်လို့လေ... ကျွန်တော် မင်းသားကို နည်းနည်းလေးဖြစ်ဖြစ် ကူညီချင်တယ်... အဲဒါမှ သူ ကျွန်တော့်ကို နန်းတော်ထဲမှာထပ်ပြီး တစ်ယောက်ထဲ မထားခဲ့တော့မှာ..."

ဘုရင်အိုကြီး ကြက်သေသေသွားလေသည်။ အက်ရှလေ ထိုကဲ့သို့ ပြောလာမည်ကို မမျှော်လင့်ထားပေ။ ယခင်ရက်က ရွှယ်လင်အား သူ့သား ထွက်သွားသည့်ကိစ္စကို ပြောချိန်တွင် သူ၏ အဖြေက အလွန်သိမ်မွေ့သောကြောင့် အက်ရှလေသည် သူ့သား၏ ထားခဲ့ခံရခြင်းကို ဂရုမစိုက်ဟု သူ ထင်ခဲ့သည်။

သူ မသန်မာလို့ မင်းသားက သူ့ကို ထားခဲ့တယ်လို့ ထင်နေတာလား...

ချစ်ဖို့ ကောင်းလိုက်တဲ့ ကလေးပဲ...

ဘုရင်အိုကြီး၏ နှလုံးသားက နူးညံ့သွားတော့သည်။ သူတို့ကြားက အကွာအဝေးကြောင့်သာ မဟုတ်ပါက သူ ရွှယ်လင်၏ ခေါင်းကို ပွတ်ပေးမိမည်ပင်။

" ကောင်းတယ် ဗိုလ်ချုပ်ကြီးဝါရန်ကို ဝင်ခွင့်ပေးလိုက် မင်းရဲ့ အထူးသင်ကြားရေးရလဒ်တွေကို မေးမြန်းကြည့်ရတာပေါ့..."

သူ၏မျက်လုံးထဲတွင် အပြုံးများဖြင့် ရွှယ်လင်ကို ကြင်နာစွာ ကြည့်လိုက်သည်။

ရွှယ်လင် အတော်လေး ကျေနပ်သွားသည်။ သူက သူ့ပန်းတိုင်ကိုရောက်ရှိရန် ဘုရင်အိုကြီးအား အကျဥ်းမချချင်ပေ။ ဘုရင်အိုကြီးက သူ့ကိုမဆန့်ကျင်ဘဲ သူ၏ အစီအစဥ်များကို လွယ်ကူချောမွေ့စေပါက ပိုကောင်းမည်ပင်။

ဝါရန်နှင့် ဟိုနိုရီယာက အတူတူ ဝင်လာကြလေသည်။ သူတို့က အချင်းချင်း မသိကျွမ်းသောကြောင့် တစ်ယောက်ကို တစ်ယောက် မနှုတ်ဆက်ဘဲ ဘုရင်အိုကြီးကိုသာ အရိုအသေပြုလိုက်ကြသည်။ ဘုရင်အိုကြီးက ဝါရန်ကို ဆင့်ခေါ်လိုက်သည်။ ဟိုနိုရီယာက ဘုရင်အိုကြီးကို အရိုအသေပြုလိုက်ပြီးနောက် ရွှယ်လင်ကို ဦးညွတ်လိုက်သည်။ ထို့နောက် သူမ၏ နာနိုကွန်ပျူတာလေးကို ထုတ်ယူလိုက်ပြီး မှတ်တမ်းတင်ရန် စတင်ပြင်ဆင်လိုက်သည်။

" မင်းသမီး ကျွန်မ အခုလေးတင်မှ သတင်းဆိုးကို ကြားခဲ့ရတာပါ... မင်းသမီး ဒီကိစ္စကို ရင်ဆိုင်ဖို့ ဘယ်လိုအစီအစဥ်ရှိလဲဆိုတာ ကျွန်မသိချင်ပါတယ်..."

ရွှယ်လင်၏ မျက်လုံးများက နီရဲနေသည်။ သူ ဘုရင်အိုကြီးကို မော့ကြည့်ကာ မေးလိုက်သည်။

" ခမည်းတော်ဘုရင်ကြီး မင်းသား ပျောက်ဆုံးသွားတာက တော်ဝင်မိသားစုအတွက် သတင်းကောင်း မဟုတ်ဘူးဆိုတော့ ကျွန်တော်တို့ ဖုံးကွယ်ထားသင့်တယ်... ဒါပေမဲ့ ရှေ့တန်းမှာလည်း သတင်းထောက်တွေ အများကြီးရှိတော့ ကျွန်တော်တို့ရဲ့ ကိုယ်ပိုင် သတင်းမီဒီယာတစ်ခုတည်းက လူတွေရဲ့ ပါးစပ်တွေကို တားဆီးနိုင်မှာ မဟုတ်ဘူး ..."

သူက အနည်းငယ် စိုးရိမ်နေပုံပေါ်သည်။

" ဒီကိစ္စကို သေချာ မဖြေရှင်းရင် တော်ဝင်မိသားစုရဲ့ ပုံရိပ်ကို ခြိမ်းခြောက်လာမှာ စိုးတယ်..."

ဘုရင်အိုကြီးက လက်ကို ဝှေ့ယမ်းပြလိုက်သည်။

" တော်ဝင်မိသားစုအပေါ် လူထုအမြင်က ဘုရင်မရဲ့ တာဝန်ပဲ... မင်းက အခု မင်းသမီးဆိုတော့ အဲ့ဒီဆုံးဖြတ်ချက်တွေအတွက် မင်းမှာ တာဝန်ရှိတယ် ခမည်းတော် မင်းကို ယုံတယ်..."

ရွှယ်လင် သူ့နှုတ်ခမ်းများကို တွန့်ကွေးလိုက်သည်။ ထို့နောက် ဟိုနိုရီယာကို ခေါင်းညိတ်ပြလိုက်ပြီး ပြောလိုက်သည်။

" သတင်းတွေ ပျံ့နေတာကို မတားနိုင်မှတော့ ဒီတိုင်းသာ ဖြစ်ပါစေတော့..."

ဟိုနိုရီယာ မျက်မှောင်ကြုတ်လိုက်သည်။

" ဒါပေမဲ့ မင်းသမီး... မင်းသား မတော်တဆမှု ဖြစ်သွားတယ်လို့ ရိုးရိုးလေးပဲ ကြေညာလိုက်မယ်ဆို လူထုက ထိတ်လန့်တုန်လှုပ်သွားလိမ့်မယ်..."

အဘယ့်ကြောင့်ဆိုသော် မင်းသားကို အင်ပါယာ၏ ထပ်ဆုံးအဆင့်အယ်လ်ဖာဟု လူသိများကြလေသည်။

ရွှယ်လင်က သူ့လက်ကို စားပွဲပေါ်တွင် ခေါက်နေရင်း ပြောလိုက်သည်။

" ဒါဆို ငါတို့ တခြားနည်းလမ်းနဲ့ ကြေညာသင့်တယ်... ငါပြန်သွားပြီး လူထုကိုချပြဖို့အတွက် မှတ်တမ်း ဗီဒီယို တစ်ပုဒ် သွားရိုက်ယူလိုက်ဦးမယ်..."

အကယ်၍ သူ၏ မင်းသမီးဟူသော နာမည်ကိုသုံးပြီး ကြေညာကာ စကားအချို့ ထပ်ထည့်ပြောပါက လူထု၏ တုံ့ပြန်မှုက ပြင်းထန်မှု အနည်းငယ်လျော့ပါးသွားလိမ့်မည်ပင်။

၎င်းက အကောင်းဆုံးနည်းလမ်း ဖြစ်လိမ့်မည်။ ဟိုနိုရီယာအတော်ကြာတွေးနေပြီးနောက် ထိုအကြံပြုချက်က မမှားသောကြောင့် ရွှယ်လင်ပြောရန်အတွက် ဇာတ်ညွှန်းများကို သူ စတင်ပြင်ဆင်တော့သည်။

သူမက မင်းသမီး၏စရိုက်ကို ကောင်းစွာ နားလည်လေသည်။ သူက ယခုအချိန်တွင် သနားစရာကောင်းသော မင်းသမီးပုံပေါက်နေသော်လည်း သူ တော်ဝင်မိသားစု၏ ပုံရိပ်ကို ဗြောင်းဆန်အောင် မည်သို့မွှေမည်ကို ကောင်းကင်ဘုံကသာ သိနိုင်လိမ့်မည်။ သူမ စာမူကြမ်းကို ပေးသည်က ပိုကောင်းပေမည်။ ထို့မှသာ မင်းသမီးက လူထုမသိသင့်သော အကြောင်းအရာများကို ဖော်ထုတ်နိုင်မည် မဟုတ်ပေ။

ဘုရင်အိုကြီးက ဝါရန်နှင့် ရွှယ်လင်အကြောင်းကို အတော်ကြာသည်အထိ ပြောပြီးပြီပင်။ တစ်ခါတစ်ရံတွင် ရွှယ်လင်ကို အံ့အားသင့်နေသော အကြည့်များဖြင့် လှမ်းကြည့်တတ်ပြီး တဖြည်းဖြည်း စိတ်သက်သာရာ ရသွားပုံပေါ်သည်။ ရွှယ်လင် ထူးဆန်းနေသည်ကို သူ ခံစားမိလေသည်။ သူ၏ ပခုံးပေါ်တွင် လေးလံသော ဝန်ထုတ်ဝန်ပိုးများကို ခံစားမိနေသည်။ ဘုရင်အိုကြီးသည် သူ၏ လေ့ကျင့်ရေး ရလဒ်များကို သတိပြုမိသွားပုံရသည်။ ထိုအချက်က ရွှယ်လင် အသုံးချချင်သော အချက်ပင်။ သူ စစ်မြေပြင်သို့ သွားရန် ဘုရင်အိုကြီး၏ ခွင့်ပြုချက်ကို လိုအပ်နေဆဲပင်။

ဘုရင်အိုကြီးတွင် လက်ကျန်အချိန် များများစားစားမရှိတော့ပေ။ သူ၏ခန္ဓာကိုယ်က လျင်မြန်စွာ အိုမင်းလာလေပြီဖြစ်သည်။ သူတို့နှင့် အတော်ကြာ စကားပြောပြီးနောက် ပင်ပန်းနွမ်းနယ်နေလေပြီ။ သူ ရွှယ်လင်ကို ထိုကိစ္စ ဖြေရှင်းရန် အာဏာကို တိုက်ရိုက်ပေးလိုက်သည်။ ရွှယ်လင်က ကြိုးစားလွန်းသောကြောင့် အရာအားလုံးကို အဆင်ပြေပြေ ဖြေရှင်းနိုင်မည်ကို ဖော်ထုတ်ပြသလိုက်သလိုပင်။

ရွှယ်လင်က ပြုံး၍လက်ခံလိုက်ပြီး တစ်ဖက်သို့ လှည့်လိုက်ကာ အရှက်မရှိသည့် ဘုရင်အိုကြီးကို တိတ်တဆိတ် ကြိမ်းမောင်းလိုက်သည်။

ဘုရင်အိုကြီးက တာဝန်ကို ခေါင်းရှောင်ချင်သည် ဆိုလျှင်ပင် ထိုကဲ့သို့ မလုပ်သင့်ပေ။ သို့သော်ငြား ရွှယ်လငါကလည်း အရာအားလုံးကို ကိုင်တွယ်ဖြေရှင်းရန် အာဏာကို အမှန်တကယ် လိုချင်ခဲ့သည်။

သူ၏ ကိုယ်ပိုင်နန်းဆောင်ကို ပြန်လာပြီးနောက် ရွှယ်လင်က ဝါရန်နှင့် ပွင့်ပွင့်လင်းလင်း စတင်ဆွေးနွေတော့သည်။ ဝါရန်၏အကြံဥာဏ်က ရွှယ်လင်ကို မြို့တော်ဂြိုလ်တွင် နေစေချင်ပြီး သူက ရွှယ်လင်အစား ရှေ့တန်းသို့ သွားမည်ပင်။ ရွှယ်လင်၏ အကြံဥာဏ်အရ သူကိုယ်တိုင်က ရှေ့တန်းသွားပြီး ဝါရန်ကို ခံတပ်အား ထိန်းထားစေချင်နေသည်။

သူတို့နှစ်ယောက်လုံးက မည်သူသွားမည် မည်သူနေမည်ကို သဘောမတူနိုင်သေးပေ။ နောက်ဆုံးတွင် ရွှယ်လင် ပြောလိုက်သည်။

"ကျွန်တော် လုပ်နိုင်တယ်ဆိုတာ အစ်ကိုကြ သိပါတယ် သဘောမတူသေးရင် ကျွန်တော် အစ်ကိုကြီးရှေ့မှာ ထိုင်ငိုတော့မှာနော်..."

ဝါရန် : "..."

ထိုကဲ့သို့ ထူးဆန်းသည့် ခြိမ်းခြောက်မှုမျိုးကို ယခုမှ ပထမဆုံးအကြိမ်အဖြစ် ကြုံတွေ့လိုက်ရသော်လည်း ၎င်းက အလွန် အကျိုးရှိခဲ့သည်။

" အစ်ကိုကြီးက ဘာလို့ ရှေ့တန်းကို သွားမှာလဲ... အစ်က်ိုကြီးက အင်ပါယာရဲ့ ဗိုလ်ချုပ်ကြီး ဆိုတာ လူတိုင်းသိတယ်လေ... နောက်ပြီး ရှေ့တန်းက လူတွေက အစ်ကိုကြီးကို သစ္စာရှိတယ်... အစ်ကိုကြီးနောက်ကို လိုက်တာက မင်းသားနောက်ကို လိုက်တာနဲ့ တူတူပဲ... ကျွန်တော့်ကိုကျ အစ်ကိုကို မှီခိုနေရတဲ့ မင်းသမီးလို့ပဲ အမြင်ခံရမှာလေ..."

ရွှယ်လင်က သူ့ကိုယ်သူ အတော်လေး ရှင်းလင်းစွာ ဖော်ထုတ်ပြီးသွားပြီဟု ခံစားလိုက်ရသည်။

" ကျွန်တော်ရဲ့ အင်အားနဲ့ လုပ်နိုင်စွမ်းကို ဒီနှစ်ရက်အတွင်းမှာ အစ်ကိုကြီးကိုယ်တိုင် စစ်ဆေးပြီးသွားပြီလေ... ကျွန်တော်က တိုက်ခိုက်ရေးမှာ ဘွဲ့မရခဲ့ပေမယ့် ကျွန်တော့်ရဲ့ ရလဒ်တွေက အမြဲတမ်းကောင်းတာပဲလေ... ရှေ့တန်းတစ်ခုလုံးကို အနိုင်ယူနိုင်တယ်... မင်းသားရဲ့ ကိုယ်ပိုင်အစောင့်အကြပ်တွေကိုတောင် အနိုင်ယူနိုင်တယ်ဆိုတာ ကျွန်တော် သေချာတယ်..."

ဝါရန်က သူနှင့် မတိုးသာ မဆုတ်သာ အခြေအနေတွင် အတော်ကြာသည်အထိ ပိတ်မိနေပြီးနောက် နောက်ဆုတ်လိုက်ရသည်။

သူ့ညီလေးက ဘယ်တုန်းတည်းက အရမ်း ခေါင်းမာတတ်လာတာလဲ...

သူ ရွှယ်လင်နှင့် စကားအချေအတင် ဖြစ်ရာတွင် နိုင်အောင် မပြောနိုင်သောကြောင့် သူ့ကို ရိုက်နှက်ချင်နေသည်။ သို့သော် အဆုံးတွင် သူ လုပ်ချင်သည်ကို လုပ်ခွင့်ပေးရန်သာ တတ်နိုင်လေသည်။

" ကောင်းပြီလေ မင်း ရှေ့တန်းကို သွားနိုင်တယ်... ဒါပေမဲ့ မင်းအစောင့်တွေတော့ ခေါ်သွားရမယ်..."

ရွှယ်လင် ပြုံးကာ ခေါင်းညိတ်လိုက်သည်။ ထို့နောက် သူသည် ဝါရန်ကို နှင်ထုတ်လိုက်ပြီး ဟိုနိုရီယာကို ခေါ်လိုက်သည်။

ဟိုနိုရီယာ၏ လက်ထဲတွင် သူမ ပြင်ဆင်ထားသော ဇာတ်ညွှန်းရှိလေသည်။ ထိုစာကြောင်းများထဲတွင် ပါဝင်သည့်အကြောင်းအရာများက သူ့ယောင်္ကျား သေသွားသည့်နှယ် အနည်းငယ် ဝမ်းနည်းဖွယ် ဖြစ်နေသည်ကို ရွှယ်လင် ခံစားလိုက်ရသည်။ သို့သော် ၎င်းက ပြဿနာ မဟုတ်ပေ။ စောသည်ဖြစ်စေ နောက်ကျသည်ဖြစ်စေ သူ့ယောကျာ်းသေရန် လိုအပ်လေသည်။ သနားစဖွယ်ကောင်းအောင် ဟန်ဆောင်ကာ သရုပ်ဆောင်ရန်ကလည်း ပိုအရေးကြီးသည်။

ရွှယ်လင်က ရိုးရှင်းသော စစ်တပ်ဝတ်စုံပြောင်ကိုသာ ဝတ်ထားပြီးနောက် သူ၏ ဆံပင်များကို လက်ဖြင့် ပင့်တင်လိုက်သည်။ သူ၏ မျက်လုံးက အနီရောင်သို့ ပြောင်းလဲသွားကာ သူ၏ နှုတ်ခမ်းများကို ဖိလိုက်ပြီး ခေါင်းမာသည့် ပုံ သိသိသာသာပေါ်စေရန်လုပ်ကာ ဟိုနိုရီယာကို မေးလိုက်သည်။

" ဒီလိုပုံစံဆို အဆင်ပြေနေပုံ ပေါ်သေးလား..."

ဟိုနိုရီယာက သူ၏ ပြီးပြည့်စုံသော သရုပ်ဆောင် ကျွမ်းကျင်မှုကို လုံးဝ ဂရုမစိုက်ပေ။ သူ့ကို အံ့အားသင့်စရာ အကောင်းဆုံးမင်းသမီးဟု ချီးကျူးလိုက်ကာ သူမ နာနိုကွန်ပျူတာလေး၏ ကင်မရာကို ဖွင့်လိုက်သည်။

ရွှယ်လင်က ပြောရေးဆိုခွင့်ရှိသူ၏ ဂရုမစိုက်တတ်သော အကျင့်တို့ကို အသားကျနေလေပြီဖြစ်သည်။ လဝက်ကြာ ဆက်ဆံပြောဆိုခဲ့ရပြီးနောက် သူ ဟိုနိုရီယာ၏ စရိုက်ကို အလွန်သဘောကျလာခဲ့သည်။ သူ့စိတ်ထဲတွင် ထိုသို့ အတွေးများနေသော်လည်း ကင်မရာ ရှေ့တွင် သူ၏ အမူအရာက လုံးဝ အမှားမရှိပေ။

သူ့ပုံစံက ဆို့နင့်နေပြီး မျက်လုံးများလည်း နီရဲနေသည်။သို့သော် သူက အလွန်လေးနက်ကာ တည်ငြိမ်နေသည်။

" အင်ပါယာရဲ့ အရှင်မင်းသား ကျွန်တော့်ရဲ့ ခင်ပွန်းသည်က ရှေ့တန်းမှာ ဇာ့ခ်တွေ ချောင်းမြောင်း တိုက်ခိုက်တာကို ခံခဲ့ရပြီး အပြင်းအထန် ဒဏ်ရာရနေတယ်... သူ့ရဲ့ တည်နေရာကိုလည်း လောလောဆယ် မသိရသေးပါဘူး..."

သူကလက်သီးများကို ခပ်ကျစ်ကျစ် ဆုတ်ထားပြီး ပူဆွေးသောကများကို ထိန်းချုပ်ထားနေသည့်ပုံ ဖြစ်နေသည်။

" ဒါက ကြိုတင်ကြံစည်ထားတဲ့ တိုက်ခိုက်မှုပါ... တော်ဝင်မိသားစုရဲ့ ဆက်ခံသူကို တိုက်ခိုက်ခဲ့တာဖြစ်လို့ ဒီနောက်ကွယ်မှာ ဘယ်လို လျှို့ဝှက်ကြံစည်မှုတွေရှိလဲ ကျွန်တော်တို့ မသိဘူး... ဒါပေမဲ့ တော်ဝင်မိသားစုက ဘယ်တော့မှ မကြောက်ပါဘူး..."

"ကျွန်တော့် ခင်ပွန်းသည်က အခုထိ အသက်ရှင်နေပြီး ကျွန်တော့်ဆီ ပြန်လာမယ်ဆိုတာ ကျွန်တော် အသေအချာကို ယုံကြည်ပါတယ်... ဒါပေမဲ့ စောင့်နေတုန်း ကျွန်တော်က စိတ်ရှုပ်နေပြီး ကူကယ်ရာမဲ့နေသလို ဖြစ်နေမှာ မဟုတ်ပါဘူး... တော်ဝင်မိသားစုဆိုတာ အင်ပါယာရဲ့ ကျောရိုးပါ... အခု မင်းသားက ဒီမှာမရှိပေမယ့် မင်းသမီးက ရှိနေတုန်းပါပဲ... အင်ပါယာရဲ့ မင်းသမီး အနေနဲ့ ကျွန်တော်က အင်ပါယာရဲ့ အကျိုးကျေးဇူးတွေကို ခံစားပြီးပြီ ဖြစ်တဲ့အတွက် အခု အင်ပါယာကို ကျိန်းသေကျေးဇူးဆပ်မှာပါ..."

"နောက်သုံးရက်ကျရင် ကျွန်တော် ရှေ့တန်းကို သွားမှာပါ... ကျွန်တော့်အစ်ကို ဗိုလ်ချုပ်ကြီးဝါရန်က မြို့တော်ကြယ်ကို တာဝန်ယူစောင့်ရှောက်ထားမှာ ဖြစ်တဲ့အတွက် မြို့တော်ကြယ်က လုံခြုံဘေးကင်းမှာ သေချာပါတယ်... ရှေ့တန်းအတွက်ကတော့ အခြေအနေတည်ငြိမ်အောင် ကျွန်တော် အစွမ်းကုန် ကြိုစားပြီး တတ်နိုင်သမျှ လုပ်ပါ့မယ်..."

"စကားတွေက အချည်းအနှီးပဲဆိုတာ ကျွန်တော် သိပါတယ် ဒါပေမဲ့ ကျွန်တော့ရဲ့ အက်ရှလေဂျိုအန်ရိုင်န်းဆိုတဲ့ နာမည်ကို သုံးပြီး အင်ပါယာရဲ့ ကြီးမြတ်တဲ့ ဧကရာဇ်ကို တိုင်တည် သစ္စာဆိုပါတယ်..."

" ကျွန်တော်တို့ အင်ပါယာကို အတောက်ပဆုံး အခြေအနေထိ ရောက်အောင် ယူဆောင်လာပေးပါ့မယ်... နောက်ပြီး စကြာဝဠာ တစ်ခုလုံးက အင်ပါယာရဲ့ နာမည်ကို မှတ်မိနေစေရပါမယ်..."

သူ ကျွန်တော်တို့ဟု ညွှန်းဆိုရာတွင် မည်သူကို ရည်ညွှန်းမှန်း အတိအကျ မပြောခဲ့၍ မင်းသားကို ညွှန်းဆိုသည်ဟုသာ လက်ခံလိုက်ကြသည်။ သို့သော် ၎င်းက ယူဆချက်သာ ဖြစ်လေသည်။

"အင်ပါယာရဲ့ အလင်းရောင်က စကြာဝဠာတွေကို ဖြတ်ကျော်ပြီး ထွန်းလင်းတောက်ပလာမှာပါ... ဇာ့ခ်ပဲဖြစ်ဖြစ် ဂြိုလ်သားတွေပဲဖြစ်ဖြစ် သူတို့ကို အနိုင်ယူမှာပါ..."

သူ လေးနက်စွာ ပြောဆိုနေချိန်တွင် မျက်နှာမှ နတ်ဘုရား တစ်ပါးကဲ့သို့ ရောင်ဝါများ ထွက်ပေါ်နေသလိုပင်။

" ကျေးဇူးပြုပြီး အင်ပါယာကို ဂုဏ်ကျက်သရေ ဆောင်နိုင်ဖို့ ကျွန်တော့်ကို ခွင့်ပြုပေးပါ..."

ထိုထုတ်လွှင့်ပြသမှုကို ကြည့်သူတိုင်းက သူတို့၏ သွေးများ ဆူပွက်လာသည်ကို ခံစားမိလေသည်။ လွန်ခဲ့သော လဝက်က မင်္ဂလာပွဲတွင် တချိုက ကောင်းချီးပေးပြီး တစ်ချို့သည် ကျိန်ဆဲခဲ့ကြသည်။ သို့သော် ထိုအချိန်က သူတို့၏ အက်ရှလေအပေါ် အမြင်က အလွန် မလေးနက်သေးပေ။ သူတို့သိသည်မှာ သူ လှပပြီး မွေးကတည်းက အင်ပါယာ၏ ဘုရင်မလောင်းဟုသာ ခန့်မှန်းခဲ့ကြသည်။

ထိုဗီဒီယိုကို လူထုဆီသို့ ထုတ်လွှင့်လိုက်ပြီးနောက် ကြယ် တာရာကွန်ရက်ထဲ ထိန်းမနိုင် သိမ်းမရ ဖြစ်သွားလေသည်။ တချို့က မျက်နှာပြင်ပေါ်မှ မင်းသမီး၏ မျက်နှာကို ယက်နေကြပြီး တစ်ချို့က သူ၏ စကားများကြောင့် သွေးများ ဆူပွက်နေကြသည်။ မင်းသမီး ထိုကဲ့သို့ လှုပ်ရှားမှုများ လုပ်ရသည်အထိ မင်းသားက မသုံးမဝင်ဟု ပြောနေကြသည့် လူများလည်း ရှိလေသည်။ သို့သော် ဟိုနိုရီယာ စိုးရိမ်နေခဲ့သော တော်ဝင်မိသားစုကို စော်ကားမော်ကား ပြောဆိုနေကြသော လူပမာဏက အလွန်ပင် နည်းပါးသွားလေသည်။

သာမန် ပြည်သူများက တော်ဝင်မိသားစု အကြောင်းကို အမြဲတမ်း သိချင်နေကြလေသည်။ တော်ဝင်မိသားစုက သူတို့ကို လုံခြုံအောင် ကာကွယ်စောင့်ရှောက်ပေးနေသ၍ တော်ဝင်မိသားစု ဘာဖြစ်နေသည်ကို ဂရုမစိုက်ပေ။

သူတို့၏ စားပွဲပေါ်တွင် အစားအစာများ ရှိနေပြီး အေးအေးဆေးဆေး သီချင်းဆိုနို

င်ကာ ကစားပျော်မွေ့နေနိုင်ပြီး ကြယ်ဝာာရာကွန်ရက်ကို သုံးစွဲနိုင်သ၍ အရာရာတိုင်းက အဆင်ပြေ ချောမွေ့နေသည်ပင်။

မင်းသား ဘာဖြစ်နေတယ်ဆိုတာ ဘယ်သူက ဂရုစိုက်လို့လဲ...

🦊🦊🦊

Prev Next