Chapter 79

🦊Chapter 79

Arc 6 Data in Love

6.4 – ငါ့နာမည်က ဟန်ဝူကျန်းပါ၊ ဒီနေ့ကစပြီး ငါက မင်းရဲ့ဆရာသခင် ဖြစ်လာမှာပါ...

အဓိကမြို့တော်သို့ ၀င်ရောက်ပြီးနောက် ရွှယ်လင်က မြေပုံအတိုင်း ကစားသမားများ အလုပ်အကိုင်ရွေးချယ်နိုင်သည့် မှတ်ပုံတင်ရုံးခန်းဆီသို့ လိုက်သွားသည်။ အနာဂတ်တွင် ထိုနေရာက လူရှုပ်ထွေးနေမည်ဖြစ်သော်လည်း ယခုအချိန်တွင်မူ လူအနည်းငယ်သာရှိသည်။

NPCs နှင့်ကစားသမားများအား သူတို့ အသွင်အပြင်ပုံစံဖြင့် ခွဲခြားရန်မဖြစ်နိုင်ပေ။ ကစားသမားများက သူငယ်ချင်းဖြစ်နေကြလျှင် အခြားကစားသမားအမည်များကို သူတို့ဦးခေါင်းများပေါ်တွင် မြင်နိုင်ကာ အခြားကဏ္ဍများနှင့်ပတ်သက်၍ ကစားသမားများနှင့် NPC များအကြားခြားနားမှု အနည်းငယ်သာရှိသည်။ ကစားသမားများ ဂိမ်းထဲသို့ဝင်သောအခါ NPCs ဘက်က သူတို့အပြုအမူများတွင် ကွဲလွဲချက်များရှာဖွေတွေ့ရှိမည်ကို ခွင့်မပြုရန် ဂိမ်းစနစ်မှ အကြိမ်ပေါင်းများစွာသတိပေးသည်။ သို့မဟုတ်လျှင် သူတို့က NPC ကြောင့် သတ်ဖြတ်ခံရခြင်း သို့မဟုတ် အခြားထိုသို့ အလားတူကိစ္စများကဲ့သို့သော ဆိုးကျိုးများကို ခံစားကြရလိမ့်မည်။ NPC က မည်သို့ပင်ဖြစ်နေစေကာမူ သူတို့က ကစားသမားများထက် အခွင့်အရေးများ ပိုမိုရရှိပြီး ကစားသမားတစ်ဦးအား သတ်ဖြတ်ခြင်းမှာလည်း လျင်မြန်ပြီး ရိုးရှင်းသည့်ကိစ္စဖြစ်သည်။

[ NPC - အပြင်လောကမှ ထိန်းချုပ်ထားသောကစားသမား မရှိသည့် non-player character ]

ထို NPC များကို ဤကမ္ဘာမှ မူလနေထိုင်သူများအဖြစ် သတ်မှတ်နိုင်သည်။ သူတို့အတွက်မူ ကစားသမားများအားလုံးက နိုင်ငံခြားသားများသာဖြစ်သည်။ လူသားမျိုးနွယ် ကစားသမားများက NPCs ၏ ဧည့်ဝတ်ကျေပွန်မှုကို အတွေ့အကြုံမရှိသေးသော ရွာထဲသို့စဝင်လာသည်နှင့် တွေ့ကြုံခံစားကြရလိမ့်မည်။ သို့သော် အကယ်၍ သူတို့က ကမ္ဘာ့ပြင်ပမှလာကြောင်း သိရှိသွားလျှင် NPCs များက ရန်လိုမှုကို စတင်ပြောင်းလဲလိမ့်မည်။ အကယ်၍ ကစားသမားတစ်ဦးက ဤကမ္ဘာကြီးနှင့် သက်ဆိုင်သကဲ့သို့ ပြုမူနိုင်ခြင်းမရှိပါက NPCs များက သူ့အပေါ်ထားရှိသော ချစ်ကြည်ရေးဆုံးရှုံးသွားမည်ဖြစ်ကာ နောက်ဆုံးတွင် ထိုကစားသမားက တာဝန်များကို ဖြည့်ဆည်းလုပ်ဆောင်နိုင်မည်မဟုတ်တော့ပေ။

ရွှယ်လင်က အရိုးရှင်းဆုံးလမ်းကြောင်းကို ရွေးလိုက်သည်။သူက NPC လူငယ်တစ်ဦးနောက်မှ မှတ်ပုံတင်ရုံးသို့လိုက်သွားပြီး သူ့လုပ်ပုံကိုင်ပုံများအတိုင်း လိုက်လုပ်ကာ မှတ်ပုံတင်ခြင်းလုပ်ငန်းစဉ်ကို ချောချောမွေ့မွေ့ပြီးစီးသွားသည်။

သူက ကဏ္ဍပေါင်းစုံနှင့် လူရုတ်ရုတ်သဲသဲ တိုက်ခိုက်မှုများ လုပ်နိုင်သည့် စစ်ပွဲသော့ချက် အလုပ်အကိုင်ကိုရွေးချယ်ထားသည်။ သူက အနောက်တိုင်းအွန်လိုင်းဂိမ်းများမှ မှော်ဆရာတစ်ဦးကာရိုက်တာ နှင့်အတော်လေးဆင်တူသည်။ သို့သော် ဂိမ်း၌ ကွဲပြားမှုများစွာရှိသောကြောင့် လူတိုင်း၏ တိုက်ခိုက်သည့်ပုံစံကို မပြင်ဆင်ရသေးပေ။ ထိုအစား အမျိုးမျိုးသော ရှုထောင့်များမှ မည်မျှဩဇာလွှမ်းမိုးမှုရှိသည့်အပေါ် အခြေခံ၍ ပြောင်းလဲထားသည်။ ရွှယ်လင်အတွက် သူ့စွမ်းရည်များစွာကို သူ့လက်နက် အသုံးပြုသောအခါ ပြုလုပ်နိုင်သည်။ သူက သူ့အရိုးယပ်တောင်ကို အသုံးပြုသောအခါ သူ့ယပ်တောင်၏အပြောင်းအလဲများကို ပြသပြီးနောက် သူ့ကျွမ်းကျင်မှုစွမ်းရည်က မန္တာန်ဖြစ်လာလိမ့်မည်။

အရာအားလုံး ကြည့်ရကောင်း၍ ဟန်ဆောင်လေလုံးထွားနေသမျှ ကာလပတ်လုံး အဆင်ပြေကြသည်။

အလုပ်တစ်ခုကိုရွေးချယ်ပြီးနောက် ကစားသမားများက ဂိုဏ်းတစ်ခုကို ရွေးချယ်နိုင်သည်။

"နတ်ဆိုးအားချိတ်ပိတ်ခြင်း" တွင် ဂိုဏ်းများနှင့် အသက်မွေး၀မ်းကျောင်းများမှာ လုံးဝလွတ်လပ်သည်။ ရိုးရှင်းစွာ ပြောရမည်ဆိုလျှင် တစ်ယောက်ယောက်က စစ်ပွဲသော့ချက် တစ်ခုဖြစ်လာရန် ရွေးချယ်ကာ ဓားပြတိုက်ရေးကို အထူးပြုသော ဂိုဏ်းတစ်ခုထဲသို့ ၀င်မည်ဆိုလျှင် သူက စစ်ပွဲသော့ချက်အား ကိုင်ထားသော ဓားတစ်လက်ဖြစ်လာလိမ့်မည်။ သူတို့က လုံးဝကွဲပြားခြားနားသော စနစ်နှစ်ခုဖြစ်ကြသည်။ သို့သော် တစ်ဦးတည်း ကျင့်စဉ်ကျင့်ကြံနေချိန်အတွင်း စဉ်ဆက်မပြတ် ပိုပြီးအစွမ်းထက် ဖြစ်လာရန် နှစ်ဦးသားပေါင်းစပ်ရန်နည်းလမ်းကို တစ်ဦးက ရှာဖွေရန်လိုအပ်သည်။ ဆိုလိုသည်မှာ ကစားသမားများက သူတို့အလုပ်အကိုင်နှင့် ဂိုဏ်းကိုရွေးချယ်သောအခါ သတိထားရမည်ဟုဆိုလိုသည်။ အကယ်၍ သူတို့နှစ်ဦးက တစ်ဦးနှင့်တစ်ဦး မဖြည့်ဆည်းနိုင်ပါက သူတို့ သက်ဆိုင်ရာအဆင့်အနေအထားများကို နှုတ်ဆက်ရလိမ့်မည်။

မှန်သည်။ ကစားသမားများက နောက်ပိုင်းအဆင့်များတွင် သူတို့အလုပ်အကိုင်အား ပြန်လည်သတ်မှတ်ရန် ဆေးလုံးဝယ်ခြင်းနှင့် ပြန်လည်ပြင်ဆင်ခြင်းများလုပ်ကာ မှတ်ပုံတင်ရုံးဆီမှ အလုပ်အကိုင်အသစ်တစ်ခုကို ရွေးချယ်ကြသည်။ သို့သော် သူတို့အလုပ်အကိုင်နှင့် ဂိုဏ်းဂဏအဆင့်များ တူညီခြင်းမရှိပါက အတွေ့အကြုံမည်မျှပင်ရှိစေကာမူ သူတို့အဆင့်များ မြင့်တက်လာလိမ့်မည်မဟုတ်ပေ။

ဂိမ်းထဲတွင် အဆင့်မြင့်တင်ခြင်းက မကောင်းဆိုးဝါးများကိုသတ်ဖြတ်ခြင်းနှင့် အတွေ့အကြုံရရှိခြင်း ကဲ့သို့ ရိုးရှင်းသော လမ်းကြောင်းမဟုတ်ပေ။ သူတို့က ရိုးရာကျင့်စဉ်ကျင့်ကြံခြင်းမျိုးနှင့် ဆင်တူသော်လည်း ပိုမိုရိုးရှင်းပြီး အခက်အခဲများလျော့နည်းသည်။ သို့သော် ကစားသမားများအနေဖြင့် အသေးစိတ်အချက်အလက်များစွာကို ကောင်းစွာနားလည်ရန်လိုအပ်သည်။

ဂိမ်း၏ နောက်ပိုင်းအဆင့်များ၌ ဖိုရမ်များပေါ်တွင် သေဆုံးခြင်းနှင့် ပတ်သက်၍ ဆွေးနွေးငြင်းခုံမှုကြီးကြီးမားမား များရှိခဲ့သည်။ အဘယ့်ကြောင့်ဆိုသော် လူအချို့က တံခါးပိတ်ကျင့်ကြံနေကြစဉ် သူတို့၏အတွင်းစိတ်နတ်ဆိုးများကြောင့် ပေါက်ကွဲကာ သေဆုံးခဲ့ကြခြင်းကြောင့်ဖြစ်သည်။ ထိုသေခြင်းတရားမျိုးကို တွေ့ကြုံခံစားပြီးသော နောက် ကစားသမားများကို ပြန်လည်နေရာချထားကာ သူတို့၏ ကျင့်ကြံမှုကို အစမှ ပြန်လည်စတင်ရန် လိုအပ်သည်။ ထိုအချိန်က ထိုပြဿနာမှာ ဖိုရမ်ပေါ်တွင် ဆွေးနွေးမှုအမျိုးမျိုး ပေါ်ပေါက်စေခဲ့သည်။ အချို့လူများက သူ့အား လက်ခံကြသည်။ သို့သော်အချို့ကမူ ဂိမ်းတွင်း အမှားအယွင်းတစ်ခုသာဖြစ်သည်ဟု ခံစားကြရသည်။ နောက်ဆုံးတွင် တိုးတက်ရေးအဖွဲ့က အသေးစိတ်ရှင်းပြရန် ထွက်လာကြသည်။

"နတ်ဆိုးအား ချိတ်ပိတ်ခြင်း" တွင် သေခြင်းတရား အမျိုးအစားများစွာရှိသည်။

အကယ်၍ ကစားသမားတစ်ဦးက ဘော့စ် သို့မဟုတ် နဂါးကို တိုက်ခိုက်နေစဉ် သေဆုံးသွားလျှင် အဆင့် နှင့်အတွေ့အကြုံသာ ကျဆင်းကြသည်။ သူတို့သေဆုံးပြီးနောက် ပြန်လည်မွေးဖွားခြင်းမပြုမီ အောက်ကမ္ဘာတွင် တစ်ရက်နေထိုင်ရန်လိုအပ်သည်။ အကယ်၍ ကစားသမားတစ်ဦးက NPC ကို စိတ်အနှောင့်အယှက်ဖြစ်စေခြင်း သို့မဟုတ် NPC အား ဂိမ်းလောကမှမဟုတ်ကြောင်းသဘောပေါက်စေသည့်နည်းဖြင့် ပြုမူခဲ့ခြင်းကြောင့် သေဆုံးခဲ့ပါက ပြန်လည်ရှင်သန်ရန်အတွက် အောက်ကမ္ဘာသို့ အပို့မခံရမီ အနက်ရောင်အခန်းငယ်တစ်ခုတွင်နေရန် သူတို့အား အပြစ်ပေးကြသည်။ ဤနည်းမှာ ကစားသမားများအား NPCs ထံ သူတို့ ကိုယ်ရေးအချက်အလက်များဖော်ထုတ်ခြင်းနှင့် သူတို့ သရုပ်ဆောင်မှုများအား သဘောကျနှစ်သက်လာစေရန် ကစားသမားအပေါ် ပေးအားမြှောက်မပြုရန်မှာ ဂိမ်း၏ သတိပေးချက်မျိုး ဖြစ်သည်။

အထက်တွင် ဖော်ပြထားသော ရွေးချယ်စရာနှစ်ခုအပြင် ထူးဆန်းသော သေဆုံးနည်းများလည်းရှိသည်။ ဥပမာအားဖြင့် ဖိုရမ်များတွင် မူလတိုင်ကြားချက်ကို ရေးသားခဲ့သောကစားသမားက ကျင့်စဉ်ကျင့်ကြံနေချိန်အတွင်း အတွင်းစိတ်မှ နတ်ဆိုးကို နိုးထစေခဲ့သောကြောင့် သေဆုံးသွားရသည်။ ဖြောင့်မတ်သောလမ်းကြောင်းပေါ်မှ ကျင့်စဉ်ကျင့်ကြံသူများက နတ်ဆိုးလမ်းကြောင်းသို့ ပြောင်းရန် ရွေးချယ်နိုင်သည်။ နတ်ဆိုးလမ်းကြောင်း ပေါ်မှ ကျင့်ကြံသူများကလည်း တစ္ဆေလမ်းကြောင်းဘက်သို့ ပြောင်းလဲနိုင်သည်။ တစ္ဆေလမ်းကြောင်းပေါ်ရှိ သူများက ယေဘုယျအားဖြင့် ထိုပြဿနာမျိုး လုံးဝမဖြစ်နိုင်ပေ။ အကြောင်းမှာ သူတို့တွင်လက်ဆုပ်လက်ကိုင်ပြစရာ ခန္ဓာကိုယ် မရှိတော့သောကြောင့် သူတို့ ကျန်းမာရေး သုညအခြေအနေသို့ရောက်သည်နှင့်တစ်ပြိုင်နက် ပြန်လည်ရှင်သန်ရန်အတွက် အောက်ကမ္ဘာသို့ သွားရန်သာ လိုအပ်သည်။ အခြားတစ်ဖက်တွင်မူ ကစားသမားတစ်ဦးက ဖြောင့်မတ်မှန်ကန်သောလမ်းကြောင်းပေါ်တွင် သူတို့ဂုဏ်သတင်းနှင့် ကိုယ်ရေးအချက်အလက်များကို ပြန်လည်ရယူလိုပါက စိတ်မကောင်းစရာပင်ဖြစ်သည်။ သူတို့အနေနှင့် သူတို့ကျင့်ကြံမှုများကို အစမှ ပြန်လည်စတင်ကာ ပြန်လည်တည်ဆောက်နိုင်သည်။

သူတို့ကိုယ်ပိုင်စိတ်ကို မထိန်းချုပ်နိုင်သောကြောင့် သေဆုံးသွားသောကစားသမားများက မူလအဆင့်ကို ပြန်လည်ရရှိရန် တောင်းဆိုပိုင်ခွင့်မရှိပေ။ အဘယ့်ကြောင့်ဆိုသော် မူလအဆင့် ပြန်လည်ရရှိသော်လည်း သူတို့အတွင်းစိတ်မှ နတ်ဆိုးများကြောင့် ထပ်မံသတ်ဖြတ်ခံရဦးမည်ပင်ဖြစ်သည်။

တိုးတက်ရေးအဖွဲ့က ကစားသမားအားလုံးအား လေးနက်စွာသတိပေးထားသည်။ ဖြစ်နိုင်ပါက ထိုဂိမ်းတွင် တတ်နိုင်သမျှ မသေကြကာ သူတို့ဘ၀အား မြတ်နိုးကြသည်က ပိုကောင်းသည်။

မှန်သည်။ သူတို့ခေါင်းပေါ်တွင် စျေးနှုန်းတင်ထားသောကြောင့် အသတ်ခံရသူများက GM ကိုရှာဖွေနိုင်ပြီး သူတို့ မူလကျင့်ကြံမှုများကို ပြန်လည်ရရှိနိုင်မည်ဖြစ်သည်။ သို့သော် အပြုသဘောဆောင်ကာ သဟဇာတဖြစ်သောဂိမ်းပတ်၀န်းကျင်ကိုပေးနိုင်ရန် ထုတ်လုပ်ရေး အဖွဲ့က ကစားသမားများအား တစ်ဦးနှင့်တစ်ဦး တိုက်ခိုက်ခြင်းအလျဉ်းလည်းမရှိ ချစ်ခြင်းမေတ္တာလည်း ပိုမို မပေးကြရန်သာ မျှော်လင့်ကြသည်။  

ကျေးဇူးတင်ပါတယ်…

မြင်လား…တရားဝင်ရာထူးရှိတဲ့သူတွေလည်း တစ်ခါတစ်လေ အရှက်မရှိကြတာမျိုး ဖြစ်နိုင်တယ်…

ရွှယ်လင်၏ ဆီးနှင်းတမျှ အေးစက်လှသောပုံရိပ်ကြောင့် ဓားတစ်သောင်းဂိုဏ်းက သူနှင့် အသင့်တော်ဆုံးဖြစ်သည်ဟု ဆုံးဖြတ်ပေးလိုက်၍ ရွှယ်လင်က ထိုဂိုဏ်းသို့သွားရန် ခြေလှမ်းပြင်လိုက်သည်။

"နတ်ဆိုးအား ချိတ်ပိတ်ခြင်း"တွင် လူတစ်ယောက်၏ ဦးတည်ချက်က အနာဂတ်တွင် သက်ရောက်မှုရှိသော တတိယရွေးချယ်မှုမျိုးရှိသည်။ အသက်မွေးဝမ်းကြောင်းအလုပ်နှင့်ဂိုဏ်းက စွမ်းရည်အပေါ် အကျိုးသက်ရောက်စေသော်လည်း ဖြောင့်မတ်သောလမ်းကြောင်း သို့မဟုတ် နတ်ဆိုးလမ်းကြောင်းသို့ ၀င်ရန် ဆုံးဖြတ်ခြင်းက အနာဂတ်ဦးတည်ချက်ကို လွှမ်းမိုးမှုရှိနိုင်သည်။ အံ့ဩဖွယ်ကောင်း၍ ဖြောင့်မတ်သော ဓားသိုင်းကျင့်ကြံသူအဖြစ် ရွေးချယ်ခံရပြီးနောက် ရွှယ်လင်က ဖြောင့်မတ်သောလမ်းကြောင်းကိုသာ စတင်လိုက်သည်။

မည်သို့ပင်ဖြစ်စေကာမူ သူ ပုန်ကန်ထကြွရန်လွယ်ကူသည်။ ဖြောင့်မတ်သောလမ်းကြောင်းကိုသာ ရွေးချယ်ထားသောကြောင့် နတ်ဆိုးဘုရင်အား ခုခံကာကွယ်နေစဉ် သူက အနာဂတ်တွင် အဓိကဇာတ်လိုက်များကို သတ်နိုင်မည်ဖြစ်ကာ သူတို့အနေနှင့် အမှန်တကယ် စစ်မှန်သော နတ်ဆိုးများ မဖြစ်လာစေရန် တားဆီးနိုင်မည်။

လိုအပ်သော ရွေးချယ်မှုအားလုံးကို ပြုလုပ်ပြီးနောက် ရွှယ်လင်က တယ်လီဖုန်းဆက်သွယ်ရေးပေါ်တယ်သို့ ၀င်ရောက်ပြီး ဓားတစ်သောင်းဂိုဏ်းမှ ဆရာတစ်ဦးကို ရှာရန် ပြင်ဆင်လိုက်ပြီး ဓားသိုင်းကျင့်ကြံရန် သူ့ခရီးကို စတင်လိုက်သည်။

တစ်ချိန်တည်းမှာပင် အခြားသူတစ်ဦးက နောက်ဆုံးတွင် လူသားမျိုးနွယ်၏ အတွေ့အကြုံမရှိသေးသောရွာမှ ထွက်လာနိုင်သည်။ သူက သူ့ပတ်၀န်းကျင်ရှိ NPCs များကို လှည့်ပတ်ကြည့်ရှုခဲ့ပြီး မြို့တွင်းမှ မှတ်ပုံတင်ရုံးသို့မသွားမီအေးဆေးတည်ငြိမ်သော အမူအရာဟန်အနေအထားဖြင့် ဝင်ပေါက်ရှိအစောင့်အား သူ့က်ိုယ်ရေးအချက်အလက် ကိုပြသလိုက်သည်။

သူက ကျိုကျိုးနယ်မြေသို့ ပထမဆုံးဝင်လာနိုင်သော လူသားမျိုးနွယ်မှ ကစားသမားဖြစ်ပြီး "ရပ်နားခြင်းမရှိသော မိုင်တစ်သောင်းခရီး" ဇာတ်လမ်းမှ အဓိကဇာတ်ကောင်ဖြစ်သည်။

သူက စစ်သည်တော်အလုပ်ကိုရွေးချယ်လိုက်ကာ ကျိုကျိုးရှိအကြီးဆုံးဂိုဏ်း ထျန်းရွှမ်ဂိတ်သို့ဝင်ရန် ရွေးချယ်လိုက်သည်။ သူက အဓိကအင်အားစုမှ တိုက်ခိုက်ရေးသမားတစ်ဦးဖြစ်လာပြီး ကမ္ဘာပေါ်မှ ကွဲပြားခြားနားမှုများကို သတိမထားမိဘဲ တဖြည်းဖြည်းပြောင်းလဲလာသည်။

လူတိုင်းက သူကဲ့သို့ အမှောင်ထဲတွင် ရှိမနေပေ။ ထိုအချိန်တွင် အခြားသူနှစ်ဦးက သူတို့မျက်လုံးများထဲတွင် တူညီသော စိတ်ဝင်စားမှုနှင့် ဒေါသဖြစ်စိတ် အဆင့်များနှင့်အတူ ရွှယ်လင် သူရွေးချယ်ချင်သော အလုပ်အကိုင်နှင့် ဂိုဏ်းအား ရွေးချယ်နေခြင်းကို စောင့်ကြည့်နေသည်။ သို့သော်သူတို့၏ စိတ်ခံစားမှုများမှာ လုံးဝကွဲပြားနေပုံရသည်။

အဖြူရောင်ဝတ်စုံနှင့်လူက ရွှယ်လင် ဖြောင့်မတ်သောလမ်းကြောင်းကို ရွေးချယ်ကာ ဓားတစ်သောင်းဂိုဏ်းဆီ ဦး တည်နေသည်ကို မြင်သောအခါ ကျေနပ်အားရနေသည်။ သူက နောက်သို့လှည့်ကာ သူ့ကိုယ်သူမည်သူမည်ဝါဖြစ်ကြောင်း ပြသမည့် ကိုယ်ရေးအချက်အလက်အားပြင်ဆင်လိုက်ပြီး သူအားစောင့်ဆိုင်းနေသော ဂိုဏ်းဆီသို့သွားလိုက်သည်။

အနက်ရောင်ဝတ်စုံနှင့် လူ၏ ခရမ်းရောင်မျက်လုံးထဲတွင် အာကာသဟင်းလင်းပြင်တစ်ခုလုံးအား တုန်လှုပ်ကာ မိုးကောင်းကင်ထိကြီးသည့် ဒေါသရိပ်တစ်ခုရှိနေသည်။ အရာအားလုံးတုန်လှုပ်နေကာ ထိုလူနောက် အမြဲတမ်းလိုက်နေသော ကျားဖြူကြီးပင် ရုတ်တရက်ဒေါသကြီးနေသောပိုင်ရှင်ကို ကြောက်လန့်နေသော ကြောင်ပေါက်လေးကဲ့သို့ ထောင့်နေရာလေးတွင် ခွေနေရှာသည်။

အချိန်ခဏကြာပြီးနောက် ထွက်ပေါက်မရှိသောအမျက်ဒေါသများကို ရုတ်တရက်ပြန်လည်ထိန်းချုပ်လိုက်ပြီး ရယ်မောသံများအဖြစ်သို့ ပြောင်းလဲသွားသည်။

ကျားဖြူက ပို၍ပင် တုန်လှုပ်နေကာ ခန္ဓာကိုယ်တစ်ခုလုံးတွင် သားမွေးများက ကြက်သီးမွေးညင်းထနေသည်။ ကြောက်မက်ဖွယ်ကောင်းသော ကိစ္စတစ်ခုခု ဖြစ်ပျက်တော့မည့်သဘောပင်။

သို့သော် ဘာမှမဖြစ်ခဲ့ပေ။ ရယ်မောပြီးနောက် သူက သူ့က်ိုယ်ရောင်ကိုယ်ဝါကို ချုပ်တည်းကာ သူ့လက်တစ်ချက်ဖြင့် ဝင်ပေါက်ပေါ်တယ်တစ်ခု ဖန်တီးလိုက်သည်။ သူ့ပုံပန်းသဏ္ဌာန်က ပြောင်းလဲလာကာ တဖြည်းဖြည်းနှင့် အကန့်အသတ်မရှိသော ဆိုးသွမ်းနေခြင်းမှ အေးဆေးတည်ငြိမ်သော ပုံမှန်အခြေအနေသို့ ဖြစ်ရောက်လာသည်။

၎င်းက မူရင်းနှင့် တူညီမှုမရှိသော မျက်နှာဖြစ်သော်လည်း သူ့အကြိုက်ဆုံးအသွင်အပြင်ဖြစ်သည်။ သူက နှုတ်ခမ်းကိုပင့်ကာ ပြုံးလိုက်သည့်အခါတိုင်း အလွန်နွေးထွေးကာ နူးညံ့သိမ်မွေ့သောကြောင့် ကမ္ဘာပေါ်ရှိလူတိုင်းပျော်ရွှင်မှုခံစားကြရလိမ့်မည်။ သူ့မျက်နှာတွင် မည်သည့်အမူအရာမှ မရှိတော့သောအခါ နှစ်ပေါင်းတစ်ထောင်အတွင်း အရည်ပျော်သွားမည့် ရေခဲနံရံတစ်ခုနှင့် ရင်ဆိုင်နေရသလိုပင်ဖြစ်နေသည်။

သူက ဝင်ပေါက်ပေါ်တယ်နှင့် မျက်နှာချင်းဆိုင်ရသောအခါ နွေဦးလေပြည်ကဲ့သို့ နူးညံ့သိမ်မွေ့သော အမူအရာမျိုးကို အကြိမ်ပေါင်းများစွာ လေ့ကျင့်နေသည်။ သူ့အပြုံးက လူတစ်ယောက်အား ခြေချောင်းလေးများအထိ နွေးထွေးသွားစေသည်။

သူ့အနောက်မှကျားဖြူက ဤမြင်ကွင်းမှာ သူ့မူလဒေါသနှင့်ရယ်မောခြင်းထက် ပို၍ပင် ကြောက်စရာကောင်းသည်ဟု ခံစားလိုက်ရပြီး သူ့ခန္ဓာကိုယ်တစ်ခုလုံးကို တတ်နိုင်သမျှ ဘောလုံးလေးကဲ့သို့ ဖြစ်သွားအောင် ခွေလှိမ့်ရန် ကြိုးစားနေသည်။ ကံမကောင်းစွာပင် ထိုလူက သူ့အား ခေါ်နေသည်။

" ကြောင်တစ်ကောင်ဖြစ်စမ်း…" 

ထိုသူက ပါးစပ်ဟ၍ အမိန့်ပေးနေသည်။

၎င်းက နတ်ဘုရားနွယ်ဝင်သားရဲမျိုးဖြစ်နေသည့် ကျားဖြူ၏ဂုဏ်သိက္ခာအရ နာကျင်စရာဖြစ်နေသော်လည်း ထိုလူ၏ နောက်ခံဖြစ်နေ၍ ငြင်းစရာအခွင့်လည်း မရှိပေ။အသတ်မခံရရန်အတွက် ကျားဖြူလေးက အနက်ရောင်နှင့်အဖြူရောင်ကြောင်ပေါက်လေး အဖြစ်သို့ မရောက်မချင်း သူ့ကိုယ်ကို တဖြည်းဖြည်း ကျုံ့သွားသည်။ အသွင်ပြောင်းမှုအပြီးတွင် သူက အလိုလိုက်ခံရရန်အတွက် အရှက်မဲ့စွာပင် သူ့သခင်ထံ အလျင်အမြန်ပြေးသွားကာ ကြောင်သံဖြင့် အသံပြုလိုက်သေးသည်။

ထိုသူက မျက်မှောင်ကြုတ်နေခဲ့သော်လည်း သူ့ပုံစံအသွင်အပြင် အသစ်အား အင်တင်တင်နှင့် ရောင့်ရဲလိုက်ပြီး သူ့ပခုံးပေါ်သို့တက်ရန်ပြောကာ ပေါ်တယ်ကိုဖြတ်၍ မြို့တစ်မြို့သို့၀င်ရောက်သွားသည်။

ကျို့ကျိုးတွင် နယ်မြေ ၉ ခု၊ အဓိကဂိုဏ်း ၉ ခုနှင့် မည်သည့်ရွေးချယ်စရာမျှမလိုလားဘဲ သူ့တို့ရက်များအား ဂိမ်းထဲတွင် တိတ်တဆိတ် ဖြတ်သန်းချင်သော ဟိုတစ်စု သည်တစ်စု ကွဲနေသည့် ဂိုဏ်းခွဲငယ်အချို့လည်းရှိသည်။ တိုက်ခိုက်ခြင်းနှင့် သတ်ဖြတ်ခြင်းကို လူတိုင်းနှစ်သက်ကြမည်မဟုတ်ပေ။

ထျန်းရွှမ်ဂိတ်က သတ္တုတွင်းအဓိကဂိုဏ်းများထဲမှ ပထမဆုံးဖြစ်ကာ ဖြောင့်မတ်သော လမ်းကြောင်းပေါ်မှဖြစ်သည်။ သူတို့၏ကျင့်စဉ်လမ်းကြောင်းက ရိုးရာနည်းလမ်းများအပေါ်တွင် မူတည်ကာ တိုက်ခိုက်ခြင်းနှင့် မှော်အတတ်နှစ်ခုလုံးတွင်အစွမ်းထက်ကြသည်။ အကယ်၍ တစ်ယောက်ယောက်က ဖြောင့်မတ်သောလမ်းကြောင်းအတိုင်း လိုက်လိုလျှင် ထျန်းရွှမ်ဂိုဏ်းက အကောင်းဆုံးရွေးချယ်မှုဖြစ်သည်။ ထို့ကြောင့် ထိုနေရာတွင် ဇာတ်ကောင် gongနှင့် shouတို့ ပထမဆုံး စတင်တွေ့ဆုံခဲ့ပြီး အစောပိုင်းအဆင့်များတွင် သူတို့ဆက်ဆံရေးအား အဆင့်တက်စေခဲ့သောနေရာဖြစ်သည်။ တစ်နည်းပြောရလျှင် သူတို့နှစ်ယောက်က ဆရာတူညီအစ်ကိုများ ဖြစ်ကြကာ နောက်ပိုင်းတွင် သူတို့က ထျန်းရွှမ်ဂိတ်ကို သစ္စာဖောက်၍ ဆန့်ကျင်ဘက်တွင်ရပ်တည်နေသော နတ်ဆိုးလမ်းကြောင်းပေါ်မှ ထျန်းမို့ဂိတ်သို့ ၀င်လာသောအခါ၌လည်း သူတို့စိတ်တူကိုယ်တူပင်ဖြစ်သည်။

ထိုဦးဆောင်ဂိုဏ်းနှစ်ခုအပြင် ဂိမ်းတွင် ပျော်မွေ့ရန် အဖွဲ့ခွဲတစ်ခုခုကို ရွေးချယ်ထားခြင်းမရှိသေးသော ကစားသမားများကိုလည်း ဝင်ခွင့်ပြုကြသည့် ဂိုဏ်းဂဏအမျိုးမျိုးလည်းရှိကြသည်။ ရွှယ်လင် ရွေးချယ်ခဲ့သော ဓားတစ်သောင်းဂိုဏ်းက ထိုကဲ့သို့သောဂိုဏ်းတစ်ခုဖြစ်သည်။ သူတို့၏ ဓားအပေါ် ရည်မှန်းချက်များ မြှုပ်နှံထားနေသမျှ ကာလပတ်လုံး မည်သည့်ဂိုဏ်းရွေးချယ်မှုကိုမျှ ဂရုမစိုက်ပေ။ ဂိုဏ်းတစ်ခုလုံးက သူတို့ဓားများကို သူတို့ဘဝများကဲ့သို့ အလေးထားဆက်ဆံကြသည့် ဓားဝါသနာရှင်များနှင့်ပြည့်နှက်နေသည်။ သူတို့မျက်လုံးများတွင် ဓားက သူတို့၏လမ်းပြဖြစ်ပြီး ကောင်းခြင်းဆိုးခြင်းနှင့် လုံးဝမပတ်သက်ပေ။ သူတို့ဓားသွားလမ်းကြောင်းတွင် ရပ်နေသော သူများကို သတ်ရန်သည်သာ လိုအပ်သောအရာဖြစ်သည်။

ဖြောင့်မတ်တဲ့ လမ်းကြောင်းမှာရှိခဲ့တယ်ဆိုလည်း ဘယ်သူ့ကိုဂရုစိုက်ရမှာလဲ…

နတ်ဆိုးတစ်သောင်း အရှင်ဂရော့တိုက တစ္ဆေလမ်း ကျင့်စဉ်ကျင့်ကြံသူများအတွက် သင့်တော်သည်။ ' ပျော်ရွှင်မှု အဆောင်ငယ်'က အမျိုးသမီးများကိုသာ လက်ခံသည်။ နတ်ဆိုးကျင့်ကြံသူများ၏ "မကောင်းဆိုးဝါး အင်ပါယာဂိုဏ်း" ၊ လက်မှုနှင့် စက်ပြင်ရေးကို စိတ်ဝင်စားသူများအတွက် "မှင်ရည် ဂိုဏ်း"၊ လယ်ယာစိုက်ပျိုးရေးနှင့်မွေးမြူရေးခြံများအတွက်လည်း အခြားဂိုဏ်းများရှိကာ လာရန်ရဲ့ရင့်သူမည်သူမဆိုလက်ခံသော " ကောင်းကင်ချင်နန်းဆောင်" ဂိုဏ်းလည်း ရှိသည်။

ဤဂိုဏ်းကြီးများက မကြာမီအနာဂတ်တွင်ကျင်းပမည့် စုဆောင်းမှုပြပွဲတွင် လူသစ်အမြောက်အများကို လက်ခံမည်ဖြစ်သည်။ ရွှယ်လင်က ထိုနယ်မြေသို့စောစောရောက်ရှိလာသောကြောင့် သူက အထူးထောက်ခံချက်ရရှိထားပြီး ဓားတစ်သောင်းဂိုဏ်းထံ ကြိုတင်စာရင်းထည့်သွင်းနိုင်လိုက်သည်။

ဤနည်းအားဖြင့် သူက အနာဂတ်တွင် ဓားတစ်သောင်းဂိုဏ်းမှ အကြီးဆုံး စီနီယာတပည့်ဖြစ်လာလိမ့်မည်။ ဂိုဏ်းထဲသို့ သူ့နောက်မှ လူမည်မျှပင် ဝင်ရောက်လာသည်ဖြစ်စေ သူတို့၏ အဆင့်အနေအထားက သူ့အောက်တွင်ပင် ရှိနေမည် ဖြစ်သည်။

သူကံကောင်းကြောင်း သိသော်လည်း ရွှယ်လင်က သူ့ရွှေလက်ချောင်းက ထိုမျှထိရောက်မှုရှိလိမ့်မည်ဟု မမျှော်လင့်ထားခဲ့ပေ။ သူက တောင်တံခါးဝသို့ဝင်၍ တစ်စုံတစ်ဦး က သူ့အား ဓားတစ်သောင်းဂိုဏ်း၏ အဓိကအထွတ်အထိပ်ဆီသို့ဖိတ်ကြားရန် မလာမီထိ စကားလုံးတစ်လုံးမျှမပြောခဲ့ပေ။ များစွာသော ထိပ်ဆုံးမှပိုင်ရှင်များက သူက သူ့တို့အား ဆရာနှင့်သခင်များအဖြစ် ရွေးချယ်လိမ့်မည်ဟု မျှော်လင့်လျက် ပြုံးပြလာကြသည်။

ရွှယ်လင်က သူ့အနေနှင့် အဘယ်ကြောင့် အဓိကဇာတ်လိုက်များ အဆင့်အတိုင်း ဆက်ဆံခံနေရသည်ကို သိလိုသည်။ သူက စနစ်လေးကို မသိမသာ လှမ်းကြည့်လိုက်သည့်အခါ ခေါင်းခါပြနေသည်ကိုသာ မြင်လိုက်သည်။ အဓိပ္ပာယ်မှာ ရှင်းရှင်းလင်းလင်းပင်ဖြစ်သည်။ သူ့ထံရောက်လာသော ထိုလူများ၏ဂရုပြုမှုမှာ စနစ်၏ လှည့်စားမှုကြောင့်မဟုတ်ပေ။

ရွှယ်လင်က သေချာစဉ်းစားပြီး နောက်ဆုံးတွင် ထိုဖြစ်စဉ်ကို သူ့မျိုးနွယ်နှင့်ဆက်နွယ်ရာ အဖြစ်သတ်မှတ်လိုက်သည်။

ငါ့ရဲ့ အမြီးကိုးချောင်းရှိတဲ့ နတ်ဆိုးမြေခွေးမျိုးနွယ်က လူတိုင်းနှစ်သက်တဲ့ အဓိကအရာလား…

ရွှယ်လင်က ဘဝအဓိပ္ပာယ်အကြောင်းကို စဉ်းစားနေစဉ် ရုတ်တရက် သူ့ပတ်၀န်းကျင်၌ တိတ်ဆိတ်သွားသည်ကို သတိထားမိသွားသည်။ ကြည့်လိုက်သောအခါ သူက တစ်ခုခု သဘောပေါက်လိုက်သည်။ သူ့ဝတ်ဆင်ဖူးသည့် အတိုင်းပင် အဖြူရောင်ဝတ်ရုံဝတ်ဆင်ထားသော လူငယ်တစ်ယောက်က သူ့ရှေ့တွင် မတ်တပ်ရပ်နေသည်။ ထိုသူက ရွှယ်လင်အား ငုံ့ကြည့်နေသည်။ သူ့မျက်လုံးတစ်စုံမှာ ထာဝရအရည်မပျော်နိုင်သောရေခဲတမျှဖြစ်နေကာ ရွှယ်လင်အား ထိုနေရာမှာပင်အေးခဲစေလောက်သည်။

ရွှယ်လင်က ထိုကဲ့သို့အကြည့်မျိုးကို မကြောက်ပေ။ သူကထိုသူအား ပြန်မော်ကြည့်လိုက်ကာ ထိုလူထက် မလျော့နည်းသော အေးစက်တည်ကြည်သောမျက်လုံးများနှင့် ပြန်ကြည့်လိုက်သည်။

ရွှယ်လင်အံ့ဩမိသည်မှာ သူ့တုံ့ပြန်မှုများတွင် ထိုလူ၏အကြည့်နှင့်အတူ တောက်ပသော အပြုံးတစ်ခုပါ ဖျတ်ကနဲ တွေ့လိုက်ရသည်။ ထို့နောက် ထိုလူက အလယ်တွင်ရပ်နေသော မုတ်ဆိတ်ဖြူနှင့် လူအိုကြီးဘက်သို့လှည့်ကာပြောလိုက်သည်။

 "ဆရာတူ တူလေးဂိုဏ်းခေါင်းဆောင်... ငါ ဒီကလေးကိုခေါ်သွားမယ်…"

ရွှယ်လင်က မိမိကိုယ်ကို အာရုံမစုစည်းနိုင်သေးခင် ထိုလူ၏အံ့အားသင့်ဖွယ်ကောင်းသော စကားအသံကို ကြားလိုက်ရသည်။ 

" ဒါပေါ့ ရပါတယ်… ဆရာတူဦးလေးဟန်…"

ရွှယ်လင်က ထိုလူကို နောက်တစ်ဖန်ကြည့်လိုက်ကာ သူ့မျက်လုံးများတွင် သံသယများနှင့်ပြည့်နှက်နေသည်ကို တွေ့လိုက်သည်။

ထိုလူကဆက်ပြောသည်။

" ငါ့နာမည်က ဟန်ဝူကျန်းပါ…ဒီနေ့ကစပြီး ငါက မင်းရဲ့ ဆရာသခင်ဖြစ်လာမှာ… "

ရွှယ်လင်၏ မျက်ခုံးများ တွန့်သွားလေသည်။

🦊🦊🦊