MM Story Teller

Chapter 115

Viewers 3k

🦊Arc 8 - အမှားယွင်းဆုံး အမျိုးသားဇာတ်ဆောင် Chapter 115

8.7 - သူ့ကိုယ်သူ ဥာဏ်ကြီးရှင်လို့ ခံစားလိုက်ရတယ်

လူသစ်စုဆောင်းမှုက နှင်းမြေခွေးကြေးစားတပ်၏ အရွယ်ပမာဏကို တိုးပွားစေသည်။ အခြေခံ လုပ်သားများ ခန့်အပ်ခြင်းက အခြေခံအားဖြင့်တော့ ပြီးဆုံးသွားပြီ ဖြစ်သည်။

ရွှယ်လင်က တိုးတက်စေချင်သော်လည်း တစ်ညတည်းနှင့် ပြီးဆုံးအောင်လုပ်ရန်တော့ အစီအစဥ် မရှိပေ။ လူသစ်များက အလားအလာရှိသော်လည်း သူတို့၏ ကိုယ်ပိုင်စွမ်းရည်များနှင့် အခြေခံတိုက်ခိုက်ရေး ပွဲစဥ်များအတွက် သူတို့၏ ကိုယ်ပိုင် အလေ့အကျင့်များကိုမူ ပုံစံမချရသေးပေ။ သူတို့ကို သင်ကြားပြီး ကြီးပြင်းလာရန်အတွက် နေရာ ရှိပြီး ထိုနေရာက ကြေးစားတပ်၏ လက်ရှိအခြေအနေနှင့် အတော်လေး သင့်တော်ပေသည်။

သာမန်အားဖြင့် မည်သူကမျှ သူတို့ ဘာမှမလုပ်ဘဲ ကြီးပြင်းလာသည်ကို လိုလားမည် မဟုတ်ပေ။ အဆုံးတွင် အခြေစိုက်စခန်းမှ စွမ်းအားအသုံးပြုသူတို့ကို မည်သည့် စွမ်းအားရှင်တို့ကမျှ မနှိမ်နင်းနိုင်ပေ။ သူတို့ကို ပျော့ပျောင်းစွာ ဖွဲ့စည်းထားလေသည်။ နွားခန္ဓာကိုယ်ပေါ်မှ အမွေးများကဲ့သို့ အကြံကြီးသူများလည်း ရှိသည်။ တစ်ကိုယ်ကောင်းဆန်ပြီး ကိုယ်ပိုင်လောဘအတွက် မဆင်မခြင် အလိုကြီးသူများအတွက်တော့ လွယ်ကူပေသည်။ သူတို့က သူတို့၏ အကျိုးစီးပွားအတွက် ဘာမဆိုလုပ်ရန် ဆန္ဒရှိကြသည်ပင်။

သို့သော် ရွှယ်လင်နှင့် ရွှင်ယွိကြားရှိ ယခင်က တိုက်ပွဲကို မှတ်တမ်းတင်ထားခဲ့ပြီး အခြေစိုက်စခန်းရှိ စွမ်းအား သုံးစွဲသူ ခေါင်းဆောင်များကို ပြသပြီးပြီ ဖြစ်သည်။ ထို့ကြောင့် သူတို့အားလုံးက သူတို့၏ မိုက်ရူးရဲဆန်သော လိုအင်ဆန္ဒများကို ဘေးဖယ်ထားရသည်။

သူတို့က ထိုကဲ့သို့ သန်မာသော စွမ်းအားရှင်နှစ်ယောက်ကိုတော့ အနှောင့်အယှက် မပေးရဲကြပေ။ မည်သို့ပင် ဖြစ်စေကာမူ ထိုလူနှစ်ယောက်၏ စွမ်းအားက ယန်ရှန်းအခြေစိုက်စခန်း တစ်ခုလုံးကို ရှင်းလင်း ချေမှုန်းပစ်ရန် လုံလောက်သည်လေ။

ကျန်နေခွင့်ရသည့် တပ်သားများကို တရားဝင် အတည်ပြုပြီးနောက် ရွှယ်လင်က နောက်ထပ် ပြိုင်ပွဲတစ်ခုကို အတွင်းထဲတွင် ကျင်းပခဲ့သည်။ ယခု တစ်ကြိမ်တွင်တော့ လူတိုင်းကို သူတို့၏ စွမ်းအားများအရ အုပ်စုများခွဲပြီး တိုက်ခိုက်စေသည်။ အဆုံးထိ ခံနိုင်ရည်ရှိသူများက သူတို့အဖွဲ့၏ အဖွဲ့ခေါင်းဆောင် ဖြစ်လာမည်ပင်။

ထိုကဲ့သို့ ပြိုင်ပွဲမျိုးကို တစ်လတစ်ကြိမ် ကျင်းပမည် ဖြစ်သည်။ တစ်စုံတစ်ယောက်ကသာ စွမ်းအားရှိပါက သူက အမြင့်သို့ တက်သွားနိုင်မည်ဖြစ်သည်။ ထိုကဲ့သို့ အဖွဲ့အတွင်း စီစဥ်မှုပုံစံက လူအများကို စိတ်လှုပ်ရှားစေသည်။ ရွှယ်လင်၏ အစားအသောက်နှင့် တည်းခိုသည့်နေရာကို ရက်ရက်ရောရော ပေးထားသည့် အကျိုးကျေးဇူးဖြင့် လူများက အစမ်းခန့်ကာလတစ်လကို ဖြတ်ကျော်နိုင်ရန် ဆုံးဖြတ်ချက် ခိုင်ခိုင်မာမာချခဲ့ကြသည်။

တပ်၏အသင်းများကို အကြမ်းဖျင်းတည်ထောင်ပြီးနောက် ရွှယ်လင်က ထိုလုပ်ငန်းစဥ်အတွက် ခရီးစဥ်ကို ရှင်းယွဲ့ တောင်ပေါ်တွင် နေရာချထားလိုက်သည်။

ရှင်းယွဲ့တောင်သည် ယန်ရှန်းအခြေစိုက်စခန်းနှင့် အနီးဆုံးနေရာတွင် ရှိသည်။ ထိုနေရာတွင် မြင့်မားသောတောင်တန်းများနှင့် သစ်တောများ ထူထပ်သိပ်သည်းသောကြောင့် ဇွန်ဘီသားရဲများက ထိုနေရာများတွင် ပုန်းအောင်းနေလေသည်။ ဇွန်ဘီသားရဲများ၏ တချို့အစိတ်အပိုင်းများကို စားသုံး၍ရပြီး လူတချို့က သူတို့၏ နျူကလိယအမြူတေကို ပမာဏအမြောက်အမြားဖြင့် ဝယ်ယူချင်နေကြသောကြောင့် ၎င်းတို့က အလွန် တန်ဖိုးကြီးမားသည်။

ယန်ရှန်း အခြေစိုက်စခန်းအတွက် ကြေးစားတပ်၏ အလုပ်တာဝန်များတွင် ရှင်းယွဲ့တောင်၏ ဇွန်ဘီသားရဲများနှင့် သက်ဆိုင်သည့်တာဝန်များ ရှိနေတတ်သည်။ ရွှယ်လင်က ၎င်းတာဝန်အများစုကို လက်ခံခဲ့ပြီး သူတို့၏ စွမ်းရည်အဆင့်အလိုက် အဖွဲ့တစ်ခုစီကို တာဝန်ပေးအပ်ရန် ပြင်ဆင်နေခဲ့လေသည်။

ရွှယ်လင်က ဤခရီးစဥ်တွင် အကောင်းဆုံး အကျိုးသက်ရောက်မှုရှိသည့် အောင်မြင်မှုကို ရရှိစေရန်အတွက် သူတို့ စွမ်းရည်များ ထုတ်လွှတ်နိုင်ရန် ညွှန်ကြားပြသပေးမည် ဖြစ်သည်။

ပထမဆုံးအနေဖြင့် သူ အခြားလူတစ်ယောက်နှင့် ရင်ဆိုင်ရဦးမည်ပင်။

ရွှယ်လင် သူ့ရှေ့မှ လူကို အမူအရာမဲ့စွာ ကြည့်လိုက်သည်။ သူ့ပုံစံက အလွန်လေးနက်နေပြီး အေးစက်သည့် မျက်နှာထားပိုင်ရှင် ဘောစ့်တစ်ယောက်ကဲ့သို့ဖြစ်နေသည်။ " ကိစ္စ တစ်ခုခု ရှိလို့လား..."

"ဘာကိစ္စမှမရှိရင် ကိုယ် မင်းရဲ့ ရုံးခန်းထဲမှာ ထိုင်လို့ မရဘူးလား..." ရွှင်ယွိမျက်ခုံးပင့်လိုက်ကာ သူ့အကြည့်များကို ရွှယ်လင်၏ အခန်းအပြင်အဆင်ပေါ်မှ သူ့ကိုယ်ပေါ်သို့ အကြည့်ရွေ့လိုက်သည်။

"အင်း" ရွှယ်လင် လေးနက်စွာ တုံ့ပြန်လိုက်၏။

"ကောင်းပါပြီ" ထိုယောင်္ကျား၏ အမူအရာမှာ ကူကယ်ရာ မဲ့နေသယောင်။ သူက ဆိုဖာပေါ်တွင် တောင့်တောင့်ကြီး ထိုင်နေပြီး သူ့ကျောပြင်တစ်ခုလုံးက ဖြောင့်စင်းနေသည်

။ " ကိုယ် ကိစ္စရှိလို့ မင်းကို လာရှာတာ"

"ပြောပါ" သူနှင့်ခြားနားစွာပင် ရွှယ်လင်က တိုတိုပြတ်ပြတ် ပြောလာသည်။ ထိုပုံစံက ထိုယောင်္ကျားကို ပို၍စကားပြောချင်သွားစေသည်။

"မင်း ကိုယ့်ကို အဖွဲ့ထဲလည်း ထည့်မပေးဘူး ပြိုင်ပွဲမှာလည်း ဝင်မပြိုင်ခိုင်းဘူး" ထိုစကားမှာ အမှန်ပင် ဖြစ်၏။ အမှန်စင်စစ် သူ ထိုနေ့ပြန်သွားတည်းက နှင်းမြေခွေးကြေးစားတပ်မှ မည်သည့်သတင်းကိုမျှ မရတော့ချေ။ သူသည် အလွန်စိတ်ရှည်တတ်သောလူ ဖြစ်ပြီး ကပ်ဘေးဆိုက်နေချိန်တွင်ပင် တည်ငြိမ်နေသေးသည်။ သို့သော် လွန်ခဲ့သော သုံးရက်တွင် သူ၏စိတ်ရှည်မှုများ ကုန်ဆုံးသွားခဲ့ရသည်။

ထိုရက်က ထိုသူ၏ သူ့အပေါ်အပြုအမူကို အခြေခံကြည့်ပါက သူ့ကို ထိုသူက ရက်အနည်းငယ်ကြာသည့်တိုင်အောင် ခြောက်ကပ်သွားသည်အထိ တွဲလောင်းထားချင်သည့်ဟန်ရှိသည်ဟု ခန်မှန်း၍ရသည်။ သို့သော် နှင်းမြေခွေးတပ်ကြီးက စတင်ထွက်ခွာတော့မည့်အချိန်အထိ သူ့ကို မည်သည့်သတင်းမျှ မပို့လာသေးပေ။ ထိုအချင်းအရာက သူလိုချင်ခဲ့သောအရာ လုံးဝ မဟုတ်ပါပေ။ ဤလူက ရှင်းယွဲ့တောင်ဆီသို့ ကြေးစားတပ်ဖွဲ့များကို ခေါ်သွားသည့်အချိန် သူ့ကို နောက်မှာချန်ခဲ့လျှင် မည်သို့လုပ်မည်လဲ... ထိုသို့ဆိုလျှင် သူတို့ပြန်လာသည့်အခါ ယန်ရှန်းအခြေစိုက်စခန်းက မူလအတိုင်း ခြေရာလက်ရာမပျက် မထိခိုက်ပါဟု သူအာမ မခံနိုင်ပါချေ။

သူ၏စိတ်သဘောထားသည် မြင်နေရသလောက် မကောင်းပေ။ သူ့စိတ် အတိုင်းအတာတစ်ခုအထိ ရောက်သွားပါက အခြေစိုက်စခန်းတစ်ခုလုံးတွင်ရှိသော တန်ဖိုးရှိစွမ်းရည်အသုံးပြုနိုင်သူများကို အစုလိုက် အပြုံလိုက် သတ်ဖြတ်ပစ်မိလိမ့်မည်ဖြစ်သည်။

ရွှယ်လင် ရယ်ချင်စိတ်ကို ထိန်းနေရသည်။ ထိုယောင်္ကျား အကြာကြီးသည်းခံနိုင်မည်မဟုတ်သည်ကို သူ ခန့်မှန်းမိပါ၏။ သူကလည်း မနက်တည်းက ထိုယောင်္ကျား ရောက်လာမည်ကို စောင့်နေခြင်းပင်။ ရွှယ်လင်က ထိုယောင်္ကျား လေးလေးနက်နက် စကားပြောပြီး စိတ်ထဲတွင် ပူပင်နေသည့် အခြေအနေရောက်နေသည်ကို အမှန်တကယ်သဘောကျလှသည်။

"ခင်ဗျားက သန်မာလွန်းတယ် အသစ်ရောက်လာတဲ့သူ တစ်ယောက်မှ ခင်ဗျားရဲ့ ပါတနာ မဖြစ်နိုင်ဘူး ခင်ဗျား ပြိုင်ပွဲဝင်ပြိုင်လည်း အဓိပ္ပာယ် မရှိဘူး အဲ့ဒီတော့ ခင်ဗျားအတွက် ဘာမှ မစီစဥ်လိုက်တာ"

ရွှယ်လင် သူ၏ နှုတ်ခမ်းများကို တွန့်ကွေးလိုက်ပြီး စာရွက်စာတမ်းများကို ငုံ့ကြည့်လိုက်သည်။ အသစ်ရောက်လာသည်များက များပြားသောကြောင့် သူ့တွင် ဖြေရှင်းစရာ များပေသည်။ အထူးသဖြင့် ငွေရေးကြေးရေးနှင့် သက်ဆိုင်သော ကိစ္စများပင်။ သန်းစစ်နီက သူ့ကို ဝမ်းနည်းသည့်အမူအရာသာ ပြသနေပြီး ငွေကြေး မလုံလောက်ဘူးဟု ဆက်တိုက်ပြောနေခဲ့သည်။

ကမ္ဘာကြီး အဆုံးသတ်သွားသည်မှာ တစ်နှစ်ပင် ရှိနေပြီဖြစ်ပြီး ငွေကြေးများကို ပြန်လည် သုံးစွဲနေကြပြီပင်။ သလင်းကျောက် နျူကလိယများနှင့် စွမ်းအင်နျူကလိယများက အဆင့်တက်စေရန် အထောက်အကူ ပြုပေးနိုင်သည်။ ထို့ကြောင့် များသောအားဖြင့် မည်သူမျှ ၎င်းတို့ကို ငွေကြေးအဖြစ် ထုတ်မသုံးကြပေ။ နယ်မြေအများစုတွင် စုပေါင်းသုံးကြသော ငွေကြေးများလည်း ရှိနေကြပြီဖြစ်သည်။ ယခင်က ချူးဟန်နှင့် သူတို့ထဲမှ အနည်းစုတွင် စုဆောင်းငွေများ အလွန် များပြားပေသည်။ သို့သော် ရွှယ်လင်ကြည့်ပြီးနောက် စတင်သုံးစွဲပြီးကတည်းက အများကြီး မကျန်တော့ပေ။

'ပိုက်ဆံကို ရေလိုသုံး' ဟူသည့် စာပိုဒ်က ရွှယ်လင်အတွက် အထူးဖွဲ့ဆိုထားခြင်း ဖြစ်နိုင်သည်။ သူတို့၏ ပျက်ဆီးမှုများနှင့် ဆုံးရှုံးမှုများကို ပြန်လည် ပြင်ဆင်ရန် မစီစဥ်ခင်အထိ သူတို့ ခဏတာမျှ ဆင်းရဲနေလိမ့်မည်ပင်။

"ကိုယ့်ရဲ့ ပါတနာဖြစ်နိုင်မယ့် လူသစ်တွေ တစ်ယောက်မှ မရှိဘူးပေါ့..."

ရွှင်ယွိက ရွှယ်လင်၏ စကားထဲမှ အဓိပ္ပါယ်ကို အမိအရဖမ်းဆွဲလိုက်သည်။ သူက အဓိပ္ပါယ်ကိုအရသာခံ၍ လေးလေးနက်နက်ဖြင့်ပင် ထပ်ပြောလာသေး၏။ " ဒါဆို ကိုယ်နဲ့အတူ အလုပ်လုပ်နိုင်တဲ့သူရှိလား..."

"ကျွန်တော်လေ" ရွှယ်လင်က စာဖိုင်ကိုပိတ်လိုက်ပြီး မျက်လွှာပင့်၍ သူ့ကို ကြည့်သည်။ " တကယ်လို့ မလုပ်ချင်ရင်လည်း ခင်ဗျား မလိုက်လို့ ရတယ်"

ထိုယောင်္ကျား၏မျက်၀န်းများက တောက်ပသွားပြီး သူ့မျက်၀န်းများက ရွှယ်လင်၏ ခန္ဓာကိုယ်ပေါ်သို့ ကျရောက်သွားချိန်တွင် ပူပြင်းသွားတော့သည်။

ရွှယ်လင် ထိုအကြည့်များကို တည်တည်ငြိမ်ငြိမ်ဖြင့် လျစ်လျူရှုလိုက်ပြီး ဘာမှ မဖြစ်သလို ဟန်ဆောင်လိုက်သည်။ အရင်တစ်ခေါက်က ထိုယောင်္ကျား သူ့တင်ပါးကို ဆိတ်ဆွဲခဲ့သည့်အချက်အား သူလုံး၀မေ့ထားလိုက်သည်။ ယခုတစ်ကြိမ်တွင် တစ်ဖက်လူက သူ့ကို အိပ်ယာပေါ်သို့ တွန်းတင်ပြီး မလုပ်ခင်အထိ သူက EQ နိမ့်သော လူတစ်ယောက်ကဲ့သို့ ကစားရန် ဆုံးဖြတ်လိုက်သည်။ အကယ်၍ တစ်ဖက်လူက သူ့ခံစားချက်များကို သိအောင်လုပ်ပါက သူ စိတ်တိုမိမည်ပင်။

"ကိုယ်သွားမယ်" ထိုယောင်္ကျား၏ နှုတ်ခမ်းများက အပေါ်သို့ အနည်းငယ် တွန့်တက်သွားသည်။ သူ့ပုံစံက စိတ်ကောင်းဝင်နေဟန်ပင်ရှိသည်။

" ဒါနဲ့ ကိုယ်က ဘယ်မှာ နေရမှာလဲ..." သူ ယခင်က နေခဲ့သော နေရာမှာ သူ့လက်အောက်ငယ်သားများ၏ နေရာပင်။ သူသိသလောက်ဆိုပါက နှင်းမြေခွေးကြေးစားတပ်သည် အစားအစာရော နေရာထိုင်ခင်းကိုပါ ထောက်ပံ့ပေးလေသည်။ ဤလူနှင့် အတူရှိနေနိုင်သ၍ သူက သူမသိသော လူတစ်စုနှင့် အဆောက်အဦးတစ်ခုတည်းတွင် နေထိုင်ရန်ပင် ဆန္ဒရှိပေသည်။

ရွှယ်လင် နောက်ထပ်စာအုပ်တစ်အုပ်ကို ဖွင့်လိုက်ပြီး တွေးဆ၍ ပြောလိုက်သည်။ "အခန်းတွေအကုန်လုံးက အခြေခံအားဖြင့်တော့ ခွဲပြီးပြီ တကယ်လို့ ခင်ဗျား စိတ်မရှိရင် ကျွန်တော်နဲ့ နေလို့ရတယ် ကျွန်တော့်မှာ အခန်းပို ရှိတယ်"

ထိုယောင်္ကျား၏နှလုံးသားထဲတွင် မီးရှူးမီးပန်းများ ပေါက်ကွဲသွားရတော့သည်။

ရွှယ်လင်က ဆက်ပြော၏။ " ဒါပေမဲ့ ခင်ဗျား အခန်းခတော့ ပေးရမယ် ကျွန်တော် အခုတလော ပိုက်ဆံပြတ်နေလို့ နောက်ပြီး ခင်ဗျားက အစားအသောက်နဲ့ နေရာထိုင်ခင်းကို ထောက်ပံ့ပေးထားတဲ့ အမျိုးအစားထဲမှာ မပါဘူး"

ထိုကဲ့သို့ အခွင့်အရေးမျိုးတွင် အစားအသောက်နှင့် နေရာထိုင်ခင်းပါမပါကို အပြစ်ရှာပါက သူ၏ ဦးနှောက်တွင် တစ်ခုခု ဖြစ်နေသောကြောင့်ပင် ဖြစ်လိမ့်မည်။ ရွှင်ယွိ တွေးပင်မတွေးပဲ သဘောတူလိုက်သည်။

"ဒါတွေက တာဝန်အသေးလေးတွေပါ တကယ်လို့ ခင်ဗျား လိုက်ရင်လည်း ခင်ဗျား လုပ်စရာ သိပ်မရှိဘူး တကယ်လို့ ခင်ဗျား လုပ်ချင်တယ် ဆိုရင်တော့ ဒီလူသစ်တွေကို လေ့ကျင့်ပေးပြီး ကျွန်တော့်ကို ကူညီလို့ရတယ်" ရွှယ်လင် သူ့ကို ခွဲခြမ်းစိတ်ဖြာထားသော စာရင်းကို ပေးလိုက်သည်။

"တိုက်ပွဲမှာ ဒီလူတွေရဲ့ အသိဥာဏ်နဲ့ တွေးခေါ်နိုင်စွမ်းက မဆိုးဘူး သူတို့ကို သေချာလေ့ကျင့်ပေးလိုက်ရင် သူတို့က အရမ်းတော်တဲ့ ကူညီသူတွေ ဖြစ်လာနိုင်တယ်"

ထိုယောင်္ကျားက နာမည်များကို ကြည့်လိုက်သည်။ သူ့မျက်ခုံးများက ကျေနပ်မှုတစ်စွန်းတစ်စဖြင့် ပြည့်နှက်နေလျက်။ သူ ရွှယ်လင်နှင့် အတူနေရမည်ဆိုသော အကြောင်းရင်းကြောင့် ပျော်ရွှင်မှုက လျင်လျင်မြန်မြန် မပျောက်ဆုံးသွားသေးသည်မှာ သိသာ ထင်ရှားလှသည်။

Prev Next