MM Story Teller

Chapter 114

Viewers 3k

🦊Arc 8 - အမှားယွင်းဆုံး အမျိုးသားဇာတ်ဆောင်

Chapter 114

8.6 - ကိုယ့်နာမည်ကိုမှတ်ထား

ဤကွင်းလယ်ပြိုင်ပွဲမှာ မျှော်လင့်မထားခဲ့သည့်ပွဲတစ်ပွဲဖြစ်ပြီး လူတိုင်းက စိတ်လှုပ်ရှားစွာဖြင့် စောင့်ကြည့်နေကြသည်။

ရွှယ်လင်သည် ယန်ရှန်းအခြေစိုက်စခန်း၏ ခေါင်းဆောင်အသစ်ဟု ဆိုရမည်ဖြစ်သော်ငြား အဆိုပါ ခေါင်းဆောင်ဆိုသော အခေါ်အဝေါ်က ကောလဟလမျှသာဖြစ်ပြီး လူအများစုက အတည်မသတ်မှတ်ကြရသေးပေ။ အဆိုပါ ကောလဟလကြောင့် သူ၏ကြံ့ခိုင်မှုနှင့်ပတ်သက်၍ လူအများတွင် ခန့်မှန်းချက်အဖုံဖုံရှိကြသည်။ ယနေ့ ဤနေရာသို့ရောက်လာကြသည့် လျှောက်လွှာတင်ထားသူအများစုသည် အခွင့်အရေးကိုအရယူရန် ဆုံးဖြတ်ထားကြ၏။

ယန်ရှန်းအခြေစိုက်စခန်းတွင် မည်သည့်အင်အားစုအသစ်မှ ပေါ်ထွက်လာခြင်းမျိုးမရှိသေးပေ။ အင်အားစုဟောင်းများအနက်မှ အနာဂတ်တိုးတက်ရေးအတွက် ယှဥ်ပြိုင်သူ

ပေါ်မလာခဲ့သည်မှာလည်း ကြာမြင့်ခဲ့ပြီပင်။ ၎င်းတို့ရှေ့ဆက်တိုးချင်ပါက လောင်းကြေးထပ်မှပင် ရလိမ့်မည်။ အချိန်ကိုက်ပင် ရွှယ်လင်သည်လည်း ပေါ်လာခဲ့သည်။

ကနဦးတွင် ရွှယ်လင်၏စွမ်းရည်ကို တချက်မြင်ကြပြီးနောက်ပိုင်း လူတိုင်းနီးပါးအေးခဲသွားကြကာ ထိတ်လန့်

သွားခဲ့ကြရသည်။ မည်သူကမှ သူ၏အစွမ်းအစအပေါ် သံသယမဝင်ကြတော့ချေ။ မည်သူကမှ သွားမစမ်းသပ်ချင်ကြဘဲ စိတ်ထိန်းနေကြသော်လည်း သူတို့စိန်မခေါ်ခင် တစုံတယောက်က စင်မြင့်ပေါ်တက်သွားရန် မျှော်လင့်နေခဲ့ကြသည်။

ယခုကဲ့သို့သောအခြေအနေတွင် စင်ပေါ်တွင်မတ်တပ်ရပ်နေသော ယောကျ်ားပျိုကြောင့်သာမဟုတ်ပါက အဆိုပါ ရှေ့တိုးရနောက်ဆုံးရခက်နေသော အခြေအနေမှာ အဖွဲ့ဝင်အသစ်စုဆောင်းသည့် ပြိုင်ပွဲပြီးသည်အထိ ဆက်ဖြစ်နေနိုင်လောက်သည်။

ရွှယ်လင်၏အော်ရာက ပြင်းထန်လွန်း၍ လူတိုင်း တခါမျှမြင်ရုံဖြင့် တုန်လှုပ်သွားစေပြီး မည်သူကမှ သူ့ကိုရန်စရဲမည်မဟုတ်ချေ။

ရွှယ်လင် ခြေတချက်ဆောင့်နင်းလိုက်ပြီးနောက် မတိုင်ခင်ကပျင်းရိနေခဲ့သမျှ လွင့်စင်သွားရ၏။ မတ်တပ်ရပ်လိုက်သည်နှင့် ဓားအိမ်ထဲမှထွက်လာသည့် ထက်ရှသောဓားတစ်ချောင်းနှယ်။ အဆိုပါပြင်းထန်သည့်သတ်ဖြတ်လိုစိတ်က လူတိုင်းအား ငြိမ်သက်သွားစေပြီး စိတ်လှုပ်ရှားမှုအတိုင်းအတာကို ကျော်လွန်သွားစေသည်။

တချိန်တည်းမှာပင် အားလုံးအနည်းငယ်ကံကောင်းသွားသလိုလည်း ခံစားလိုက်ကြရ၏။

ဘုရား မ စွာဖြင့် စင်ပေါ်တွင်ရှိနေသည့်လူက သူတို့မဟုတ်ချေ။

ရွှယ်လင်သည် ဤကာလအပိုင်းအခြားလေးကို တွေးတောခဲ့ဖူးသည်မှာကြာခဲ့ပြီ။ သူ့အစီအစဥ်များက ဆန္ဒရှိသလို အဆင်ပြေစွာဆက်သွားနေလိမ့်မည်ဟု မထင်ထားခဲ့ချေ။ ထို့ကြောင့် အဖွဲ့ဝင်အသစ်များကို ဟန်ရေးပြရန် ဆုံးဖြတ်လိုက်ပြီးသည်နှင့် တိုက်ခိုက်သည့်စင်မြင့်ပေါ်သို့ တန်းသွားလိုက်၏။ သူ၏လက်ရှိပြိုင်ဘက်တစ်ဦးတည်းကသာ သူ့အား အံ့အားသင့်စေနိုင်လေသည်။

ဤဇာတ်လမ်းထဲတွင် အနှီကမ္ဘာ၏စွမ်းအားအဆင့်အတန်းက အောက်ပါနည်းလမ်းဖြင့် ကွဲပြားသွားသည် :

ကြံခိုင်မှုအရှိဆုံး စွမ်းရည်အသုံးပြုသူများက SSS အဆင့်စွမ်းအားစာရင်းတွင်ပါဝင်ပြီး လက်ရှိတွင် ထိုစာရင်းဝင်သူတစ်ယောက်မှမရှိသေးပေ။ တဦးတည်းသော SS အဆင့်စွမ်းရည်အသုံးပြုသူမှာ မြောက်ပိုင်းစမ်းသပ်လေ့လာရေးစခန်းတွင်ရှိနေပြီး ဇွန်ဘီအဖြစ်မှ လူသားအဖြစ်သို့ ပြန်ပြောင်းနိုင်မည့် နည်းလမ်းအတွက် အစိုးရ၏စူးစမ်းလေ့လာရေးအရာရှိဘဝမှ နှုတ်ထွက်လာသူဖြစ်သည်။ ၎င်း၏တိုက်ခိုက်ရေးစွမ်းရည်က မမြင့်မားသော်လည်း ၎င်းက ရှေ့ဖြစ်ဟောစွမ်းရည်ကို အသုံးချသူဖြစ်ပြီး သူသာဆန္ဒရှိပါက မည်မျှပင်စိတ်စွမ်းအားကောင်းသည့်သူပါစေ တဖက်လူကို ရူးသွပ်သွားစေရန် သို့မဟုတ် ၎င်း၏မသိစိတ်အရ လုံးဝပျက်စီးသွားစေသည်အထိ လုပ်နိုင်သည်။

S အဆင့်စွမ်းအားရှင်စာရင်းတွင် တိကျသေချာသည့်အချက်အလက်မျိုးမရှိပေ။ သို့သော်လည်း အလတ်စားစခန်းက တစ်ခုသာရှိသေးစဥ် အခြေစိုက်စခန်းကြီးက နှစ်ခုသုံးခုခန့်ရှိနေ၏။ အင်အားစုအမျိုးမျိုးပေါင်းဆုံနေသော တတိယအဆင့် ယန်ရှန်းအခြေစိုက်စခန်းတွင် စွမ်းအားစာရင်းဝင်အများအပြားမရှိ၊ အခြားတနေရာမှရောက်လာသည့် စွမ်းရည်အသုံးပြုသူများသာရှိသည်။ BCDE အဆင့် စွမ်းရည်အသုံးပြုသူများကိုမူ စကားထဲထည့်ပြောစရာမလိုချေ။ ၎င်းတို့က ရွှယ်လင်၏မျက်လုံးထဲတွင်တော့ ဘောင်မဝင်သည့်လူများသာဖြစ်၏။

အကြောင်းမှာ ၎င်းက ဇွန်ဘီများအတွက် အဆင့်ခွဲခြားသတ်မှတ်ခြင်းနှင့် အလွန်အမင်းဆင်တူသည်။ SSS အဆင့် စွမ်းအားရှင်များမှာ ၎င်းတို့၏ဇွန်ဘီဘုရင်နှင့် စွမ်းရည်အဆင့်တူသည် ထို့ကြောင့်ပင် ဇွန်ဘီများက စွမ်းရည်အသုံးပြုသူများကို ရန်မူနေတတ်ခြင်းဖြစ်သည်။ ၎င်းတို့သည် SSS အဆင့်ဇွန်ဘီဘုရင်ထံမှ ထောက်ပံပေးမှုကိုရရှိထားကြပြီး သူတို့မည်သည့်အရာကိုပင်လုပ်ပါစေ တနေ့တွင် ဖျက်ဆီးခံရမည့်သူက သူတို့မဟုတ်ချေ။ သို့ဖြစ်၍ ဟယ့်ယန်က ဇွန်ဘီဘုရင်နှင့်ယှဥ်ပြိုင်နိုင်ရန် SSS အဆင့်စွမ်းရည်အသုံးပြုသူတို့ကို လေ့ကျင့်ပေးရန်လိုအပ်သည်။ စွမ်းအားချင်းမမျှမတဖြစ်နေသည့်အခါ ဇွန်ဘီဘုရင်ကို သေချင်စိတ်ဖြစ်လာသည်အထိ နှိပ်စက်ပေးရန်မှလွဲပြီး အခြားနည်းလမ်းမရှိနိုင်ပါချေ။

SS အဆင့် စွမ်းအားရှင်များက ထိပ်တန်းဇွန်ဘီများထဲတွင် တစ်ယောက်ခန့် ပါတတ်သည်။ ၎င်းတို့နေထိုင်ရာနေရာတွင် အုပ်ချုပ်သူတစ်ယောက်ရှိတတ်သည့်တိုင် ကိုယ့်အိမ်နှင့်ကိုယ်နေထိုင်ကြသည့် စွမ်းရည်အသုံးပြုသူများလောက် မများပြားချေ။ ၎င်းတို့က ဇွန်ဘီဘုရင်၏ အမိန့်အာဏာအောက်တွင် အတူတကွစုရုံးနေထိုင်ကြပြီး ၎င်း၏အမိန့်ကိုနာခံကြသည်။ ထိုအခြေအနေတွင် နှစ်ဖက်လုံးက အပြန်အလှန်ဆန့်ကျင်တတ်ကြကာ စွမ်းရည်အသုံးပြုသူများက သေဆုံးနိုင်ချေပိုမိုများပြားသည်။

အဆင့်နိမ့်ဇွန်ဘီများက ရိုးရှင်းကာ စိတ်ထင်ရာလုပ်တတ်ကြသည်။ အဆင့်မြင့်ဇွန်ဘီများ၏အောက်တွင် အလယ်အလတ်နှင့် အဆင့်နိမ့်ဇွန်ဘီများရှိသည်။ အဆင့်နိမ့်ဇွန်ဘီများက နေထိုင်မှုအများဆုံးဖြစ်ပြီး အသိစိတ်မရှိကြလင့်ကစား ၎င်းတို့က အုပ်စုကြီးအဖြစ် စုပေါင်းလိုက်ကြသည့်အခါ အားနည်းသည့်စွမ်းရည်အသုံးပြုသူများကို ပြဿနာအကြီးကြီးများ ဖန်တီးပေးနိုင်လေသည်။

အဆိုးဆုံးမှာ ၎င်းတို့က အသိစိတ်မရှိကြခြင်းပင်။၎င်းတို့၏ အသွေးနှင့်အသားတို့ကိုတောင့်တစိတ်က ပို၍ပင်အစွမ်းထက်ကြသည်။ သွေးနှင့်လတ်လတ်ဆတ်ဆတ်အရိုးတို့ကို အမြန်ဆုံးနည်းဖြင့် အာရုံခံနိုင်သည့် ခွေးများဖြင့်ပင်တူသေးသည်။ လူများကို အပြီးတိုင် တိုက်စားမသွားခင်အထိ လှိုင်းတစ်လုံးက နောက်ထပ်လှိုင်းများကို သယ်လာပေးနိုင်သည်။

လောလောဆယ် ပြိုင်ပွဲစင်မြင့်ထက်မှလူက ရွှယ်လင်ကို ထူးဆန်းသည့်ခံစားချက်များ ပေးနေသည်။ ရွှယ်လင် သူ၏အမြှီးသုံးချောင်းကို ပြန်သိမ်းပြီး ဤကမ္ဘာကိုရောက်လာစဥ်က အားနည်းသည်ဟုထင်ရသည့်တိုင် SSS အဆင့်စွမ်းအားရှင်စာရင်း၀င်သည့်သူ ရောက်လာလျှင်ပင် ပြဿနာမဟုတ်သေးချေ။ သူသည် အနှီသူ၏စွမ်းအားကိုမသိနိုင်လင့်ကစား အနည်းငယ်ခန့် ကြိုးစားကြည့်ချင်သေးသည်။

စနစ်က သူ့ဘေးမှနေ၍ မီးလောင်ရာလေပင့်နေပြန်၏။ "အရှင်သခင် host...! သူ့ကို ကျွန်တော့်အတွက်သတ်ပေးပါ.."

ရွှယ်လင် မျက်ခုံးပင့်ပြီး စနစ်ကို မသိကျိုးကျွန်ပြုထားလိုက်သည်။ ၎င်းက သူ့အတွက် ထိုသူ၏စွမ်းအားကို မခန့်မှန်းပေးနိုင်စေကာမူ ဇာတ်ကြောင်းဆန့်ကျင်သူ သို့မဟုတ် ထိုလူက စနစ်ကို ယခုကဲ့သို့ ကြိတ်မနိုင်ခဲမရဖြစ်အောင် လုပ်နိုင်နေသည်။ သူ ထိုလူကို အပေါ်အောက်ခြုံငုံကြည့်လိုက်ပြီး နှုတ်ခမ်းလေးများကွေးညွတ်သွားကာ ထိုသူ၏ပုံစံအစစ်အမှန်ကို အတည်ပြုလိုက်နိုင်လေသည်။

ထိုသူက သူနှင့်လိုက်ဖက်ညီမည့်ခန္ဓာကိုယ်ကို ကောင်းကောင်းရွေးချယ်တတ်သည့် သူ့မိသားစုရွှေပေါင်လုံးကြီးဖြစ်လိမ့်မည်ပင်။ ထိုသူသည်ကား ကမ္ဘာတိုင်းတွင် သူ့ထက်ပို၍သန်မာချင်ဟန်ရသည်။

သူက ထိုအတိုင်းတွေးနေသည့်တိုင် ရွှယ်လင်သည် သည်အတိုင်း တဖက်လူ၏လှည့်စားမှုကို လက်ခံလိုက်ရန်ဆန္ဒမရှိပေ။ သူသည် ယခုလောလောဆယ်၌ သည်လူနှင့်ပတ်သတ်ပြီး မည်သည့်အရာကိုမှမသိရသေးဘဲ ဤအခွင့်အရေးကိုအသုံးချ၍

တဖက်လူက သူ၏ရွေးချယ်မှုမှန်ကန်သွားသလို ထင်ရစေရန် တိုက်ခိုက်ချင်နေသည်။

ရွှယ်လင်မတ်တပ်ရပ်လိုက်သည်နှင့် နှစ်ယောက်ကြားမှတိုက်ပွဲကား စတင်လေပြီ။ နှစ်ဖက်လုံးက ၎င်းတို့၏အော်ရာများကို အသီးသီးထုတ်လိုက်ကြသည်။ကြည့်ရှုနေကြသည့်လူအုပ်ကြီးပင် အလိုအလျောက် အသီးသီးနောက်ဆုတ်မိလိုက်ကြပြီး စင်မြင့်အနီးပတ်လည်တွင် လူရှင်းသွား၍ ဧရာမနေရာလွတ်ကြီးသာ ကျန်ရစ်ခဲ့သည်။ ၎င်းတို့သည် စကေးကြမ်းသည့် စွမ်းအားရှင်နှစ်ယောက်ကြားမှတိုက်ပွဲကြောင့် မြေစာပင်မဖြစ်လိုကြချေ။

ထိုလူ၏စွမ်းအားကို မည်သူကမှမပြောနိုင်ကြသော်လည်း ရွှယ်လင် စင်မြင့်ပေါ်လှမ်းနင်းလိုက်သည်နှင့် တကိုယ်လုံးက ဖော်ပြမရနိုင်သည့် စွမ်းအားထဲသို့နစ်ဝင်သွားပြီး ယင်းက သူ့အားအောက်ဆွဲချတော့သည်။

ပြိုင်ပွဲစင်မြင့်တစ်ခုလုံးမှာ တဖက်လူ၏မြေဆွဲအားဖြင့် ဖုံးအုပ်ခံထားရသည်။ ရွှယ်လင်သာ တလျှောက်လုံးသတိထားမနေခဲ့ပါက မြေကြီးပေါ်တွင် ပြားကပ်နေလောက်၏။

ရွှယ်လင် အနည်းငယ်မျှစိတ်လှုပ်ရှားလာလေပြီ။

သူတို့ ကမ္ဘာများစွာကို ဖြတ်သန်းလာခဲ့သည့်တလျှောက်လုံး အနှီသူက သူ့ကို တခါမျှ ယခုကဲ့သို့မဆက်ဆံခဲ့ဖူးပါချေ။ ပြန်ပြောင်းအောက်မေ့ကြည့်ပါလျှင် ထိုသူကို ကြမ်းကြမ်းတမ်းတမ်းပြောခဲ့မိသည့်အချိန်က မဂ်လာဦးညတွင်သာဖြစ်သည်။ သူတို့ စတွေ့သည့်အချိန်တိုင်း သူ ထိုသူကို ရန်စမိသည့်အချိန်က ရှားပါးသည်။

ရွှယ်လင်၏ လက်တချက်အဝှေ့နှင့်ပင် ကြမ်းပြင်ပေါ် ကြီးမားသည့်ရေခဲတလွှာက ပြန့်ကားထွက်လာပြီး မြေဆွဲအားတခုလုံးကို အေးခဲသွားစေချင်ပုံပေါ်သည်။

မြေဆွဲအားသည်ကား ရေခဲနှင့်ဖုံးအုပ်ခံလိုက်ရသောကြောင့် အားပျော့သွားခဲ့သည်။ ရွှယ်လင် စိတ်သက်သာရာရသွားရုံရှိသေးစဥ် တဖက်လူဆီမှ ခပ်တိုးတိုးရေရွတ်လာသံကို ကြားလိုက်ရ၏။

"အသုံးမဝင်ဘူး..."

ထိုသူ၏အသံက ဩရှနက်ရှိုင်းပြီး ရေခဲများကို ကွဲအက်သွားစေသည်။ ရွှယ်လင်၏အမူအရာက တင်းမာလာကာ ရေခဲပြင်ငြိမ်သက်နေသေးသည့်အချိန်ကိုယူပြီး ထိုသူအရှေ့သို့ သူ့ကိုယ်သူ ရုပ်လုံးထွက်ပြလိုက်သည်။

သူလက်ဆန့်ထုတ်လိုက်သည်နှင့် မရေတွက်နိုင်သောဆူးချွန်ပေါင်းများစွာက ရေခဲများကြားမှ တိုးထွက်လာလေသည်။ ထိုမြင်ကွင်းကြောင့် ကြည့်နေသူတိုင်း အသည်းယားစွာ အော်ဟစ်မိကြ၏။ ၎င်းတို့သည် ပွဲကျင်းပနေသည့်နေရာတွင် ရှိမနေကြလင့်ကစား ယခုလေးတင် ရွှယ်လင်လုပ်လိုက်သည့်အပြုအမူကိုလည်း နားမလည်နိုင်ကြ။ သို့သော် ရေခဲများကြားမှ

အချွန်အတက်များထွက်ပေါ်လာခြင်းကြောင့် လူတိုင်းထိတ်လန့်သွားကြသည်။

၎င်းတို့မကိုင်တွယ်နိုင်သည့်စွမ်းအားက မျက်စိရှေ့တွင်ဖြစ်ပျက်နေပြီး ထိုအချိန်မှာပင် အားနှစ်ခုက အပြန်အလှန်တိုက်မိသွားခဲ့သည်။

ရေခဲစိုင်များကိုပြန်လည်တိုက်ခိုက်ရန် ကောင်းကင်ပြင်တွင် မီးတောက်များပြည့်နှက်လာပြီး လောင်ကျွမ်းနေသည့်မီးတောက်များက ဖီးနစ်အသွင်ဖြင့် ရေခဲစိုင်များထံ အလုံးအရင်းဖြင့် ဝင်ရောက်သွားသည်။ ရေခဲစိုင်များက အလျှင်အမြန်တုံ့ပြန်ကာ ဖီးနစ်ထွက်ပေါ်လာသည်နှင့် ၎င်းသည် တိုက်ခိုက်ရေးစင်မြင့်ပေါ်တွင် အော်ဟစ်မြည်တမ်းရင်း ရေခဲဖီးနစ်အဖြစ် ပြောင်းလဲသွားစေခဲ့သည်။

ရွှယ်လင်က ထိုအချိန်မှာပင် အနှီယောကျ်ားပျိုထံ ပြေးသွားလိုက်ပြီး အေးစက်သည့်ရေခဲဓားသွားများက ထူးဆန်းသည့်အလင်းရောင်ကြောင့် ဖျတ်ကနဲလက်သွားခဲ့သည်။ ထို့နောက် အဝေးတနေရာမှ၎င်းသည် တောက်ပဝင်းလက်နေသယောင်ပင်။

သူ၏တိုက်ခိုက်မှုက အတော်လေးပြင်းထန်ပြီး သတ်ဖြတ်သည့်လှုပ်ရှားမှုများက ကြမ်းတမ်းကာ အနှီသူ၏မျက်လုံးများက နက်မှောင်သွားခဲ့၏။ သူလက်တချက်ဝှေ့ယမ်းလိုက်သည့်အခါ ရေခဲသားရိုင်ဖယ်တလက်က လက်ထဲတွင်ပေါ်လာခဲ့သည်။ ရွှယ်လင် ထိုသူထံမရောက်ခင်မှာပင် သေနတ်ပြောင်းဝကို သူ့ထံ ချိန်ရွယ်ခံလိုက်ရတော့၏။

ထိုသူ၏စွမ်းရည်က ထိန်းသိမ်းလွယ်၍ အံ့အားသင့်ရသော်လည်း ရွှယ်လင် တွေဝေမနေချေ။တိုက်ရိုက်ပင် အနှီသူ၏ရိုင်ဖယ်ကို နှစ်ပိုင်းချိုးပစ်လိုက်သည်။ သူ၏လှုပ်ရှားမှုက လျှပ်စီးလက်သွားသလိုလျှင်မြန်နေကာ

တဖက်သူ၏မျက်နှာကို တိုက်ရိုက်ပြန်လည်ချိန်ရွယ်လိုက်သည်။

၎င်းအပြီး နောက်ထပ် ဝိုးကနဲအသံက ထွက်လာပြန်သည်။

၎င်းတို့အတွက် မအံ့ဩဘဲမနေနိုင်ပေ။ သည့်အပြင် နှစ်ယောက်လုံးက စွမ်းရည်အချို့ကို ထုတ်ပြထားခဲ့ပြီးပြီဖြစ်သည်။ ၎င်းတို့စွမ်းရည်အသုံးပြုပုံက သူတို့သိထားသည်နှင့် အလွန်အမင်းကွာခြားနေ၏။ ကြည့်နေသူများမှာ စွမ်းရည်အတုအယောင်သာ ရရှိထားသည့်ပမာ။ ဤတကြိမ်က သူတို့စွမ်းရည်ကို မည်သို့အသုံးပြုရမည်ဖြစ်ကြောင်း သိရှိသွားရ

သည့် ပထမဆုံးအကြိမ်ပင်။

လျှပ်စီးကြောင်းများက သားရဲကောင်အဖြစ်စုစည်းသွားပြီး ထိုလူထံဟိန်းဟောက်လိုက်သည်။ သို့ထိတိုင် လမ်းတဝက်မှာပင် ဝရုန်းသုန်းကားပေါက်လာသည့် အပင်အုံလိုက်နှင့်ရင်ဆိုင်လိုက်ရကာ စင်မြင့်တစ်ခုလုံး အစိမ်းရောင်လွှမ်းသွား၏။ ထိုစွမ်းရည်ကိုသုံးလိုက်သူအား အတိအကျမသိရသည့်တိုင် လူနှစ်ယောက်မှာမူ လူအုပ်ကြီး၏မျက်စိရှေ့တွင်ပင် ပျောက်ခြင်းမလှပျောက်သွားခဲ့လေပြီ။

စင်မြင့်ပေါ်တွင်ရှိနေသော လူနှစ်ယောက်သာ တစ်ယောက်ကိုတစ်ယောက်မြင်နိုင်ကြသည်။

ထိုအခိုက်အတန့်တွင် ရွှယ်လင်က ထိုသူ၏အရှေ့တွင် ရပ်နေခဲ့၏။ သူ၏ဘေးပတ်လည်မှမီးတောက်များက ဟုန်းဟုန်းတောက် လောင်ကျွမ်းနေပြီး မီးစွဲနေသောအကိုင်းအခက်များက သူ့အားတုပ်ချည်ရန် ကြိုးစားနေကြသည်။ ၎င်း၏မြေခွေးမျက်လုံးများက သတ်ဖြတ်လိုစိတ်ကြောင့် ပို၍ပို၍လောင်ကျွမ်းလာခဲ့၏။ ပြိုင်ဘက်ထက်တစ်ကွက်ကျော်ကျားကွက်ရွှေ့ပြီး အနှီသူ၏ ရှေ့ဆက်တိုးမည့်ခြေလှမ်းတို့ကို စောင့်ကြည့်ရသည့်ခံစားချက်မှာ ပျော်စရာကောင်းလွန်းလှသည်။ သူ့စိတ်တိုင်းကျ အကွက်ရွှေ့လိုက်နိုင်သည့်အကြောင်း ရွှယ်လင်တွေးမိတော့ သူ့မျက်နှာထက်၌ အပြုံးလေးတပွင့် ပွင့်လန်းလာတော့သည်။

မျက်ဝန်းတစုံသည် တောက်ပမှုအပြည့်ဖြင့် ပြုံးနေသည့်အပြုံးကြောင့် ကျယ်ပြန့်လာပြီး ထိုယောကျ်ားပျိုသည် လှုပ်ရှားမှုကင်းမဲ့သွားကာ ငေးငိုင်သွားမိတော့သည်။

တိုတောင်းလွန်းပေ၏...

သူ့အရှေ့မှလူ၏အသွင်အပြင်၊ ပုံရိပ်လေး၊ အော်ရာ သို့မဟုတ် လှုပ်ရှားလေးပင်ဖြစ်ပါစေ သို့မဟုတ် ဆံချည်မျှင်လေးတစ်စ လှုပ်ခါသွားပုံကအစ အရာအားလုံးသည် သူ့အတွက် မှိန်ဖျော့လာရင်း တိုတောင်းလွန်းနေ၏။

သူ ယခုကဲ့သို့ မခံစားခဲ့ရသည်မှာ ကြာညောင်းခဲ့ပြီ။ မတိုင်ခင်က သူ လူပင်လယ်ကြီးထဲတွင် ပုန်းကွယ်နေစဥ် ထိုခံစားချက်က အနှီသူကို အပိုင်းပိုင်းစုတ်ဖြဲပစ်ရင်း ဝါးမြိုချင်လာစေမည်ဟု သူတွေးထင်ထားခဲ့သည်။ ယခုမူ သူသည် အနှီသူနှင့်ရင်ဆိုင်နေရပြီး အဆိုပါခြားနားသည့်ခံစားချက်များက သူ၏နှလုံးသားနှင့်စိတ်ဝိဉာဥ်ကို တုန်လှုပ်လာစေသည်။

၎င်းသည် အနှီသူကို 'အပိုင်းပိုင်းဆုပ်ဖြဲ၍ဝါးမြိုပစ်လိုသည့်ဆန္ဒ' ပင်။သို့သော်လည်း သူ ထိုသူကို သူတစ်ယောက်တည်းသာ မြင်တွေ့နိုင်မည့်နေရာတွင် ပိတ်လှောင်ထားချင်သည်။ သို့မှသာ ထိုကောင်လေးကို သူတစ်ယောက်တည်းကြည့်ခွင့်ရမည်ပင်။ အဆိုပါမျက်ဝန်းတစ်စုံက သူ့အတွက်မှန်း သေချာနေသည်။

သူတယောက်တည်းသာ မြင်တွေ့နေရမည့် 'ပုဂ္ဂိုလ်'!

ထိုသူ၏အသားအရေ တစ်လက်မချင်းစီတိုင်းကို လျက်ပစ်ချင်ပြီး တစ်ကိုယ်လုံးကိုထိတွေ့ချင်သည်။မျက်၀န်းများကိုနီရဲသွားစေပြီး မျက်ဝန်းထဲ မျက်ရည်စလေးများဖြင့် ပြည့်နှက်သွားစေမည်ဖြစ်သည်။

ထိုမြင်ကွင်းက မလွဲမသွေပင် အလွန်အမင်းလှပနေပေလိမ့်မည်။

သူ၏စိတ်က တဏှာရမ္မက်တို့ဖြင့် ပြည့်လျှမ်းနေခဲ့လင့်ကစား သူသည် အဆိုပါအတွေးတို့ကို ၎င်း၏မယိမ်းယိုင်သော အလေးအနက်ထားနေသည့်မျက်နှာအောက်တွင် ပြီးပြည့်စုံစွာ ဖုံးကွယ်ထားသည်။

ရေခဲစိုင်အချွန်က သူ၏လည်ပင်းတလျှောက်ကို ပွတ်သပ်နေသည်။ သို့ထိတိုင် သူ မရှောင်လိုက်ပေ။ လက်ကိုသာဆန့်တန်းပြီး တဖက်လူကိုပွေ့ဖက်ချင်သည့်ဟန် ပြလိုက်သည်။ ရွှယ်လင် ခေတ္တမျှတုံ့ဆိုင်းသွားရကာ နောက်တစက္ကန့်၌ပင် တကိုယ်လုံးထုံထိုင်းသွားမှုကို ခံစားလိုက်ရသည်။ လျှပ်ပြက်သွားသလို ခံစားချက်ကသိပ်မကောင်းပေ။ ရွှယ်လင်၏ခြေထောက်တို့က ပျော့ခွေသွားလျက် တစ်ကိုယ်လုံးက မိန်းမောသည့်အခြေအနေထဲသို့ ကျရောက်သွားခဲ့သည်။

ထိုယောကျ်ားပျိုက သူ့အားပွေ့ဖက်လိုက်၍သာ မြေကြီးပေါ်ကျမသွားခဲ့ပေ။

"မင်းကအရမ်းတော်တာပဲ..." ရွှယ်လင် နောက်တကြိမ်တောင့်တင်းသွားပြန်ကာ ထိုယောကျ်ားပျို၏ အေးစက်လှသည့်အသံကို ကြားလိုက်ရပြန်သည်။

သူ စိတ်တိုစွာဖြင့် ခေါင်းမော့ကြည့်လိုက်သည်။ အကြောင်းပြချက်မရှိ အနှီနှာဘူးကောင်က သူ့တင်ပါးကို ဆုပ်ကိုင်လာ၏။

သူဒီလိုအရှက်မရှိတာကို ဘယ်အချိန်မှရပ်မှာလဲ? ဒေါသထွက်နေသည့်မျက်နှာဖြင့် ထိုစကားကိုပြောပြီးနောက် သူ့လက်များကလည်း လှုပ်ရှားလိုက်သည်။

အနှီယောကျ်ားပျိုက သူ၏ဒေါသများပေါက်ကွဲထွက်ပြီး

ကိုက်ဖြဲတော့မည့်အကြည့်ကို မြင်သွားကာ မျက်၀န်းများထဲ ပြုံးယောင်သမ်းသွားခဲ့သည်။ သူ ထိုသူလေးကိုမတ်တပ်ရပ်နိုင်ရန် ကူညီပေးလိုက်ပြီး ပြောလိုက်မိ၏။ "စိတ်လျှော့ပါ...ကိုယ် သစ်ပင်တွေဖယ်လိုက်ပါ့မယ်.."

ရွှယ်လင်သည် အဆိုပါ ကောင်းကျိုးမပေးသည့် နှာဘူးကောင်နှင့် စကားဆက်မပြောချင်တော့ပေ။ သူ စင်ပေါ်သို့ပြန်သွားရန် တဖက်လှည့်လိုက်ပြီး သူလှည့်လိုက်သည်နှင့် အပင်များက ပရမ်းပတာလှုပ်ခါသွားကြပြီး ထိုလူ၏လက်ဖဝါးထဲတွင် သစ်စေ့လေးများအဖြစ် ပြန်လည်ပြောင်းလဲသွားကြသည်။

လူအုပ်ကြီးက ၎င်းတို့နှစ်ယောက်ရပ်သွားသည်ကို မြင်လိုက်ကြပြီး ဖြစ်ပျက်ခဲ့သမျှကို သိချင်နေကြသည်။ နောက်ဆုံးတွင် ရွှယ်လင်ပြောလာသည်ကို ကြားလိုက်ရ၏။ "မင်းက တကယ်ကို ဘုရားဖြစ်မယ့်အုတ်နီခဲပဲ... ငါ့ရဲ့အဆောက်အဦးနဲ့ မဆံ့မှာတောင်စိုးရတယ်..."

အားလုံး အံ့အားသင့်သွားကြသည်။ ချုးဟန် ထိုစကားပြောရန်ပါးစပ်ဟလိုက်သည့်တိုင် ၎င်းတို့က နှစ်ယောက်အနက် အနိုင်ရသွားသည့်လူကိုသာ သိချင်နေကြသည်။

"ငါဒီမှာနေမယ်..မင်း ငါ့ကို အပြင်က လက်ထောက်လေးအနေနဲ့ ဆက်ဆံပေါ့..."

ထိုလူ၏အသံက မည်သည့်အရာကိုမှဂရုမစိုက်ဟန်ပေါ်၏။ အဆိုပါအော်ရာနှင့်ပေါင်းစပ်လိုက်သည်တွင် မိုင်ထောင်ချီအဝေးမှလူများကိုပင် အနားကပ်မ

လာရဲတော့သည်အထိ ဖြစ်သွားစေတော့သည်။ အနှီသူ၏မျက်နှာထားက ရုပ်တည်နေသည့်အခါမျိုးတွင် အလေးအနက်ထားနေဟန်ပေါ်ပြီး ကောင်းကောင်းမသိသည့်လူများဆိုလျှင် အရည်အချင်းရှိပြီး အောင်မြင်သည့်သူဟု ကျိန်းသေထင်မြင်ကြလိမ့်မည်။

သူ၏တင်ပါးကို ထိုသူထံမှအကိုင်မခံရခင် ရွှယ်လင်သည် အနှီသူကို ရေခဲစိုင်ကြီးဟုပင် ထင်ခဲ့သည်။ ယခုမူ သူ့အမှားသူ နက်နက်နဲနဲခံစားမိသွားချေပြီ။ ထိုလူသည် စိတ်ခံစားချက်များကို မြိုသိပ်ထားတတ်သည့်တိုင် ကမ္ဘာတိုင်းတွင် ထိုသူထိန်းထားသည့်ပုံစံက အမြဲကွာခြားတတ်သည်....

ဤကမ္ဘာတွင် အနှီသူက ကောင်းကျိုးတစက်ပင်မပေးသည့် နှာဘူးကောင်ပင်!

ရွှယ်လင် အနှီသူ၏မျက်၀န်းများနှင့်ဆုံတွေ့သွားပြီး ထိုသူ့ထံ၌ မသက်မသာဖြစ်နေသည့် အရိပ်တယောင်တစပင် မရှိနေပေ။ သူက ရွှယ်လင်ကိုကြည့်ပြီး ပြောလာသည်။ "ရွှင်ယွိ..."

ရွှယ်လင် သူ့ကိုမျက်နှာသေဖြင့်သာ ပြန်ကြည့်လိုက်သည်။

ထိုလူက နောက်တကြောင်းထပ်ပြောပြန်သည်။ "ကိုယ့်နာမည်လေ..."

ရွှယ်လင်မျက်နှာက မထူးခြားလာပေ။ "အိုး..."

တုစစ်နီကရောက်လာပြီး မေးခွန်းထုတ်သည်။ "ဘော့စ်..ကျွန်မ သူ့ကို စာရင်းထဲထည့်လိုက်ရမလား...ဘော့စ်တို့ ဒီမှာရပ်နေတော့ လူတွေကလာလို့မရဘူးလေ.."

ရွှယ်လင်က ထိုသူကို ပေါက်ထွက်မတတ်စိုက်ကြည့်နေပြီးမှ လှည့်ထွက်သွားသည်။ "ချုးဟန်..."

သူ၏နောက်ထပ်စကားတခွန်းက အဝေးမှလွင့်မြောလာသည်။ "မှတ်ထားနော်...အဲဒါကိုယ့်နာမည်ပဲ..."

အနှီယောကျ်ားပျိုက ဤနာမည်ကို သွားနှင့်နှုတ်ခမ်းကြားမှ သတိထားရွတ်နေပြီး လက်ညိုးထိပ်ဖျားလေးများကို ပွတ်သပ်နေသည်။ သူ့မျက်၀န်းများထဲမှ နူးညံ့မှုနှင့်နွေးထွေးမှုတို့က အနည်းငယ်မျှပင် ကြောက်စရာကောင်းနေသေး၏။

တုစစ်နီ၏မျက်နှာထားမှာ စိတ်ရှုပ်သွားသည့်နှယ်။ ဘော့စ်က ဘာသဘောလဲ...ဆူနာမီပမာခံစားချက်က သူ့စိတ်ထဲ ရုတ်တရက် ထိုးတက်လာတော့၏။

Editor note/ အရှေ့က အပိုင်းတွေမှာ တုစစ်နီပေမယ့် နောက်ပိုင်းမှာ Etrans က သန်းစစ်နီလို့ ရေးထားတယ် ဒါပေမဲ့ တုစစ်နီနဲ့ပဲ ဆက်သွားပါမယ်နော်

Prev Next