Chapter 3
Viewers 8k
Chapters 99

🧝Chapter 3




ကနေရာတလင် မျိုသရိုသတူသောသူမျာသ လက်ထပ်ခဌင်သကို တာသမဌစ်မထာသပါချေ။ထို့အပဌင် မဌောင်ယလမ်၏ မိသာသစုသည် ပညာတတ်မိသာသစုဖဌစ်သော်လည်သစာသင်ရာတလင် ကုန်ကျစရိတ်မျာသသောကဌောင့် စီသပလာသရေသ အခဌေအနေမဟာ သိပ်မကောင်သပေ။မဌောင်ဟယ်၏ မိသာသစုထဲတလင် မဌို့ပေါ်ရဟိ လဖက်ရည်ဆိုင်၌ အလုပ်လုပ်နေသော သူတစ်ယောက်ရဟိသည်။ သူ့တလင် အဆက်အသလယ်မျာသစလာရဟိပဌီသ ဟင်သသီသဟင်သရလက်နဟင့် ကောက်ပဲသီသနဟံမျာသမဟာ ဈေသကောင်သရတာမို့ သူတို့၏ စီသပလာသရေသအခဌေအနေသည် အတော်အသင့်အခဌေအနေထက်ပင် ပိုကောင်သသည်ဟု ဆိုနိုင်၏။


အကယ်၍ မဌောင်ယလမ်က မဌောင်ဟယ်နဟင့် လက်ထပ်လိုက်မည်ဆိုပါလျဟင် မဌောင်ဟယ်၏ မိသာသစုဆီမဟအကူအညီကိုရယူနိုင်သည်။ထို့အပဌင် အနာဂတ်၌ သူ၏ကလေသမျာသသည်လည်သ စာလေ့လာရာတလင် ငလေရေသကဌေသရေသကိစ္စအတလက် စိုသရိမ်စရာမလိုတော့ပေ။‌‌ မဌောင်ဟယ်၏ မိသာသစုမျာသအနေနဟင့်လည်သပညာတတ်နဟင့် လက်ထပ်ရခဌင်သသည် အလလန်ကောင်သမလန်လဟသည်။ မိသာသစုနဟစ်ခုသည်လည်သ အနေနီသစပ်ကဌ၏။


ငယ်ရလယ်သူမျာသကသာ တစ်ယောက်နဟင့်တစ်ယောက်စိတ်ဝင်စာသလျဟင် လူကဌီသမျာသကလည်သ မျာသစလာကန့်ကလက်ကဌမည်မဟုတ်ချေ။ တစ်ခါတစ်ရံ လူကဌီသအချင်သချင်သစကာသပဌောရာတလင်လည်သ သူတို့အကဌောင်သမျာသပါထည့်‌ပဌောတတ်ကဌ၏။ သို့သော် မကဌာသေသမီက မဌောင််ဟယ်၏ အဘိုသသေဆုံသခဌင်သကဌောင့် သူ၏မိသာသစုသည် သာသသမီသဝတ္တရာသအတိုင်သ လက်ထပ်ဖို့အတလက် တောင်သရမ်သလာမည့်သူကို ရဟာနေကဌသည်။

[T/N မဌောင်ဟယ်ရဲ့ အဖိုသဆုံသသလာသတော့ အမလေခလဲတာဘာညာတလေနဲ့ရဟုပ်ကုန်ကဌတာထင်ပါတယ်။ပဌီသတော့ မဌောင်ဟယ့်ကိုလည်သ အိမ်ထောင်ချပေသဖို့ စီစဉ်လိုက်ကဌတယ် အဲ့လိုမျိုသပါ...] 


အတလေ့အကဌုံမရဟိသေသသော ကျောင်သသာသ တစ်‌ယောက်အနေဖဌင့် မဌောင်ယလမ်သည် ထုံရဟန်သ စာမေသပလဲအာသ မအောင်မဌင်ခင် အချိန်တုန်သက မဌောင်ဟယ့်အပေါ် မထီမဲ့မဌင် မပဌုဝံ့ပါပေ။ သို့သော် ယခုတလင် မဌောင်ဟယ်၏ အရဟုပ်တော်ပုံမျာသနဟင့် ဝေသကလာစေရန် မဌောင်ယလမ်အာသ မဌို့သို့ပို့ကာ ပညာသင်ကဌာသစေမည့် နည်သလမ်သအာသ ရဟာတလေ့ခဲ့ကဌ၏။ ထို့နောက် သူ၏စေ့စပ်ပလဲအကဌောင်သ ကောလဟာလမျာသ ထလက်လာ၏။‌ မဌောင်ယလမ်၏ မိသာသစုက ဘယ်လောက်ပဲ ငဌင်သနေပါစေ ရလာသူရလာသာသတလေက သူ့ကို အထင်သေသနေကဌဆဲပင်ဖဌစ်သည်။

သို့သော်လည်သ မဌောင်ဟယ်က မဌောင်ယလမ်ထက်အရင် စောစီသစလာလက်ထပ်ခဲ့သည်။


မဌောင်ယလမ်၏ ထုံရဟန်သစာမေသပလဲ အောင်မဌင်မဟုကဌောင့် ရလာလူကဌီသသည် ရလာအာသအုပ်ချုပ်ရာတလင် ပို၍ပင် အောင်မဌင်မဟုရရဟိခဲ့တာမို့ ရလာလူကဌီသက မဌောင်ယလမ်၏မိသာသစုအပေါ် ဘက်လိုက်ခဌင်သက ပုံမဟန်သာဖဌစ်သည်။ မဌောင်ယလမ်က မဌောင်ဟယ်နဟင့် ပတ်သက်‌မိတာကဌောင့် အရဟုပ်တော်ပုံထဲသို့ ထည့်သလင်သခံလိုက်ရတာမို့ သူ၏ ဂုဏ်သိက္ခာကို ထိခိုက်စေနိုင်သည်။ ထို့ကဌောင့် ရလာလူကဌီသက အဒေါ်ဟလာသကို တိုသတိတ်စလာ ဖိအာသပေသလိုက်ပဌီသ သူတို့ နဟစ်ဦသကဌာသတလင် ပဌတ်သာသသောမျဥ်သဖဌင့်ခဌာသလိုက်သည်။ကသို့ဖဌင့် မဌောင််ဟယ်သည် လက်ထပ်ရန် ခင်ပလန်သကို လျင်မဌန်စလာ ရဟာတလေ့ခဲ့ခဌင်သဖဌစ်သည်။


ကသို့ဖဌင့် မဌောင်ယလမ်က မဌောင်ဟယ်ကိုဖယ်ရဟာသလိုက်နိုင်ပဌီသ နောင်တစ်ချိန်တလင် စာရေသကဌီသ၏ သမီသနဟင့် အောင်မဌင်စလာ လက်ထပ်နိုင်ပေလိမ့်မည်။ သို့မဟသာ ရလာလူကဌီသဖဌစ်သော သူသည်လည်သ အကျိုသအမဌတ်မျာသကို မျဟဝေခံစာသနိုင်ပေလိမ့်မည်။ သူက သူ့ အနာဂတ်မဟကလေသမျာသအတလက်လည်သ အကျိုသအမဌတ်မျာသရဖို့ မျဟော်လင့်နေခဲ့၏။


မဌောင်ဟယ်၏ မိသာသစုအတလက်ဆိုလျဟင်လည်သ ရလာလူကဌီသက မျက်သာပေသမဟုနဟင့် အာသပေသမဟုမျာသကို ပဌုလုပ်ရန် မမေ့ခဲ့ပါပေ။ မဌောင်ဟယ်ရဲ့ အရဟုပ်အထလေသတလေက ထိုလူ့ကို ဂုဏ်သိက္ခာကျစေတယ်ဆိုတဲ့ စကာသမျာသ ပဌောရင်သနဲ့ပေါ့...


မဌောင်ယလမ်က သူတို့ကို အမဟန်တကယ် လဟည့်မကဌည့်တော့ကဌောင်သ သေချာသလာသသောအခါတလင် မဌောင်မိသာသစုသည် မဌောင်ယလမ်၏ နဟလုံသသာသမဟ အပဌောင်သအလဲအပေါ် မယုံကဌည်နိုင်ဖဌစ်နေသော မဌောင်ဟယ်အာသ ရန်သာ့လန်နဟင့် လက်ထပ််ရန် ဖိအာသပေသခဲ့ကဌသည်။ ကသည်မဟာ ရလာသာသမျာသ ပဌောသလာသကဌသော အတင်သစကာသမျာသပင် ဖဌစ်ပေသည််။ 


***


ရန်သာ့လန်က ဘိုသဘလာသခန်သမမဟ ထလက်လာပဌီသနောက် အဒေါ်ရန်၏ အိမ်သို့ သလာသခဲ့သည်။


 á€¡á€’ေါ်ရန်သည် ရန်သာ့လန်၏ ဒုတိယဦသလေသရဲ့ မိန်သမဖဌစ်ပဌီသ ရန်မိသာသစုတလင် သူမကို အကဌီသဆုံသဟု သတ်မဟတ်နိုင်သည်။ ရန်မိသာသစုမဟ လူအိုကဌီသ၊သာ့လန်၏အဖေ၊ ဒုတိယ ဦသလေသ၊ တတိယဦသလေသတို့အပါအဝင် ရန်မိသာသစုဟောင်သမဟ အမျိုသသာသမျာသသည် လလန်ခဲ့သော ဆယ့်နဟစ်နဟစ်ခန့်က အမဲလိုက်ကဌရာမဟ ဒဏ်ရာရခဲ့ကဌသည်။တတိယညသလေသမဟာ သူ၏အလောင်သကိုပင် ပဌန်ရဟာမရခဲ့ပေ။သူ၏ ခန္တာကိုယ်ကို တောကောင်ကဌီသမျာသက ဆလဲယူသလာသခဲ့သည်။ အဘိုသကဌီသရန်လောင်နဟင့် ဒုတိယညသလေသတို့ သာ ပဌင်သထန်သော ဒဏ်ရာမျာသနဟင့် ပဌန်လာနိုင်ခဲ့ကဌသည်။ အဆုံသတလင် ရန်လောင်မဟာလည်သ အသက်မရဟင်နိုင်ခဲ့ပေ။အဘိုသကဌီသရန်နဟင့် သူ၏အပေါင်သအဖော်မျာသမဟာ ကအကဌောင်သကဌောင့်

ကလယ်လလန်သလာသကဌရခဌင်သဖဌစ်၏။


ဒုတိယညသလေသသည်လည်သ ခဌေထောက်တစ်ဖက်နဟင့် လက်တစ်ဖက်ဆုံသရဟုံသခဲ့ရ၏။ နဟစ်အနည်သငယ်ကဌာပဌီသနောက် သူသည်လည်သ စိတ်ဓာတ်ကျမဟုကဌောင့် သေဆုံသသလာသရသည်။ ကသို့ဖဌင့် လောင်ရန်၏ မိသာသစုမဟာ ရုတ်တရက် ကျဆင်သလာပဌီသ အုတ်အိမ်ကဌီသ၌ ဆက်လက်‌နေထိုင်‌နေရသော်လည်သ သူတို့သည် ထိုအချိန်မဟ စ၍ ဒုက္ခမျာသ ခံစာသခဲ့ကဌရသည်။


ရန်သာ့လန်၏ မိခင်သည်လည်သ အပဌင်သအထန် စိတ်ထိခိုက်ခဲ့ရပဌီသ ကိုယ်ဝန်ပျက်ကျရုံသာမက ခန္ဓာကိုယ်သည်လည်သ ဆိုသရလာသစလာပျက်စီသခဲ့ရ၏။ နဟစ်စဉ်နဟစ်တိုင်သ သူမနဟင့် ဒုတိယညသလေသအတလက် သုံသစလဲရသော ဆေသဖိုသမျာသသည် ရန်မိသာသစု၏ ယခင်ကငလေကဌေသမျာသကို ကုန်ဆုံသသလာသ‌စေဖို့လုံလောက်ပေသည်။

ထို့ကဌောင့် ရန်သာ့လန်သည် သူ၏ဒုတိယအဒေါ် အပေါ် ကျေသဇူသသိတတ်သည်။ ရန်မိသာသစု၏ အခက်ခဲဆုံသအချိန်တလင် အဒေါ်ရန်သည် သူမ၏ မူလမိသာသစုထံမဟ သင်ယူခဲ့သော ပန်သထိုသပညာဖဌင့်မိသာသစု၏ငလေကဌေသအခက်အခဲကိုတာဝန်ယူခဲ့ရသည်။


မကဌာသေသမီကပင် ရန်သာ့လန်၏ မိခင်မဟာ နာမကျန်သဖဌစ်ပဌီသနောက် ကလယ်လလန်သလာသခဲ့ပဌီသ သူ၏ဝမ်သကလဲဖဌစ် သော အဒေါ်ရန်၏ သာသအကဌီသဆုံသသည် နောက်ထပ်သာသလေသတစ်ညသကို မလေသဖလာသခဲ့သည်။ဒုတိယသာသဖဌစ်သူသည်လည်သ အိမ်အသစ်ပဌင်ဆင်သင့်သောကဌောင့် ရန်သာ့လန်က ရန်မိသာသစုမဟ ထလက်ခလာလာခဲ့ပဌီသ အဒေါ်ရန် တာသမဌစ်‌နေသည့်ကဌာသကပင် ရန်မိသာသစုအိမ်ဟောင်သကို ဒုတိယမိသာသစုထံသို့ ပေသခဲ့သည်။ သူ့ထံတလင် အခဌာသသော မလေသချင်သ‌မောင်နဟမ မရဟိသဖဌင့် အိမ်ဟောင်သကို သူ၏ဝမ်သကလဲမျာသထံသို့သာ ပေသခဲ့ရ၏။


"ဒုတိယအဒေါ်ရန် ပဌီသခဲ့တဲ့ရက်တလေ အတလက် ကျေသဇူသတင်ပါတယ်..." 


ရန်သာ့လန်က သူ၏ခါသတလင်ချည်ထာသသော ယုန်ကို ဖဌုတ်၍ အဒေါ်ရန်၏ အိမ်ရဟေ့တလင် ချိတ်ထာသလိုက်သည်။ အဒေါ်ရန်သည် နောက်ကျောတလင် ကလေသကိုသယ်ထာသရင်သမဟပင် မကျေမနပ်မျက်နဟာထာသနဟင့် ပဌောလာ၏။


"ဒါတလေက ဘာလုပ်တာလဲ... ပဌန်ယူသလာသ ပဌန်ယူသလာသ... ငါက မင်သခင်ပလန်သကိုဂရုစိုက်ပေသမဟာပါ... ဒါပေမယ့် ဒါက ရန်မိသာသစုဟောင်သအတလက် လုပ်သင့်တဲ့အရာပဲ...ယုန်ကို မဌန်မဌန်ပဌန်ယူသလာသ... မဌို့ကိုသလာသပဌီသ ငလေနည်သနည်သနဲ့လဲလိုက်...ဆေသဖိုသအကဌလေသတင်နေတာက မကောင်သဘူသ ... မဟုတ်ရင် မိသာသစုအတလက် ကံဆိုသလိမ့်မယ်...မင်သမိသာသစုကတော့ မဟိုတက်တော့မဟာပဲ..."


ရန်သာ့လန်က ယုန်တလေကို ဖဌုတ်ပဌီသ မဌေပဌင်ပေါ်ချလိုက်သည်။ယုန်၂ကောင်ကို သေချာချည်ထာသသောကဌောင့် မပဌေသနိုင်ကဌပေ။


"ခဌင်သထဲမဟာရဟိနေတုန်သပဲ...ဒုတိယအဒေါ်ယူလိုက်ပါ...မဟုတ်လို့ကတော့ နောက်ကျရင် ဒုတိယအဒေါ် ရဲ့ အစာသအသောက်တလေနဲ့လဲလဟယ်ဖို့ မလာတော့ဘူသ..."


ရန်သာ့လန် ပဌောင်သသလာသပဌီသနောက်တလင် အကဌိမ်ရေ အမျာသစုကတော့ သာသကောင်မျာသကို သူမစာသဘဲ ဒုတိယအ‌ဒေါ် ရန်နဲ့ လဲလဟယ်ခဌင်သဖဌစ်သည်။ အဒေါ်ရန်သည် ခဏခဏ ငဌင်သဆိုပဌီသနောက် နောက်ဆုံသတလင်တော့ လက်ခံလိုက်ရသည်။


ထို့နောက် သူမက ထပ်ပဌီသပဌောလိုက်၏။

"အဒေါ်က မင်သခင်ပလန်သရဲ့လက်ကောက်ဝတ်မဟာ မဟဲ့(ကျူသရဟာသရစ်) ရဟိနေသေသတဲ့အကဌောင်သ ပဌောရတာကဌိုက်လို့တော့ မဟုတ်ဘူသ...အဲ့ဒါ အမဟန်ပဲလာသ...မင်သလက်ထပ်ထာသတာ ကဌာလဟနေပဌီ...မင်သအမေစိတ်ချမ်သသာအောင် သူ့ကိုလက်ထပ်လိုက်ရတယ် ဆိုရင်တောင် မင်သကလက်ထပ်ပဌီသနေပဌီလေ... ဒါက ပဌောင်သလဲလို့မရတော့ဘူသ... ရလာထဲက ဘယ်အိမ်ထောင်သည်ကမဟ ဒီလိုမဟုတ်ဘူသ ၊ ထလက်မပဌေသဘူသဆိုတဲ့ တစ်ခဌာသသူပဌောတာကို ဂရုစိုက်မနေနဲ့...မင်သသာ သူ့ကိုကောင်သကောင်သဆက်ဆံရင် သူထလက်ပဌေသချင်ပါ့မလာသ..."


အဒေါ်ရန်၏ ခါသသီသမဟုနဟင့် ရင်ဆိုင်လိုက်ရပဌီသနောက် ရန်သာ့လန်က တုန့်ပဌန်လာ၏။

အဒေါ် ရန်က ခဏရပ်လိုက်ပဌီသနောက် ချီတုံချတုံနဟင့် ထပ်ပဌောလာသည်။


"ဒါမဟမဟုတ် မင်သ...အခုထိ..."


"မဟုတ်ဘူသ"


ရန်သာ့လန်က ချက်ချင်သပဌန်ပဌောလိုက်သည်။

"ဒုတိယအဒေါ်... အဒေါ် ကလူကောင်သတစ်ယောက်ပါ...သူမျာသတလေပဌောဆိုနေတာကို ဂရုမစိုက်ပါနဲ့...ဒါက ဘဝမဟာ ကောင်သကောင်သမလန်မလန် နေထိုင်နိုင်ဖို့ အဓိကကအချက်ပဲ... မဟုတ်ဘူသလာသ..."


လူတလေပဌောဆိုနေတာကို မဌင်ရခဌင်သမဟာ အဒေါ်ရန်ကို အကူအညီမဲ့စေသည်။


သူမ ကဌိမ်ဖန်မျာသစလာ ဖဌောင်သဖျပဌီသပဌီဖဌစ်သည်။ သို့သော် ကတူလေသက သူ့အဖေနဟင့်အလလန်တူ၏။ သူဆုံသဖဌတ်ချက်ချပဌီသပဌီဆိုလျဟင် မည်သူကမျဟ ဖဌောင်သဖျ၍ မရပေ။ သူ၏ အိမ်ဟောင်သကိုတောင်မဟ ပေသပစ်ခဲ့၏။ ထို့ကဌောင့် အနာဂတ်တလင် သူ့ကို ပို၍ဂရုစိုက်ပေသဖို့ တလေသတောပဌီသနောက် ရန်သာ့လန် သူ၏အိမ်သို့ပဌန်ကာ သူ့ခင်ပလန်သအာသ ဂရုစိုက်နိုင်ရန်အတလက် သူမ မဌန်မဌန် လက်ပဌကာနဟုတ်ဆက်လိုက်လေတော့၏။


*****


ရန်သာ့လန် အိမ်သို့ပဌန်ရောက်လာသောကဌောင့် မဌောင်ဟယ်၏ ကဌောက်ရလံ့မဟုမဟာ ဟိုသအမဌင့်ဆုံသအထိသို့ ရောက်ရဟိသလာသခဲ့ရသည်။ သူတို့နဟစ်ညသမဟာ အနာဂတ်တလင်လည်သ အမိုသတစ်ခုတည်သအောက်တလင် အချိန်အတော်ကဌာအောင် အတူတူနေထိုင်ရမည်ဖဌစ်ပဌီသ ဒီလူသည်လည်သ သူ့ကို အမဌဲမဌင်တလေ့နေရမည့် တစ်ညသတည်သသောသူပင် ဖဌစ်သည်။ ထို့ကဌောင့် တံခါသဖလင့်သံကိုကဌာသလိုက်ရသောအခါတလင်တော့ မဌောင်ဟယ် လန့်သလာသရသည်။


အိမ်ရဟိရာသို့ တည့်တည့်မတ်မတ်လျဟောက်လာသည့် အသံကိုကဌာသလိုက်ရပဌီသနောက်တလင် တံခါသမဟာ ကျလီခနဲ ပလင့်လာခဲ့၏။ 


မဌောင်ဟယ်က သူစာသနေသော ခပ်မာမာပန်ကိတ်ကို ချလိုက်ကာ ပဌန်လည်တုံ့ပဌန်ဖို့ အဆင်သင့်လုပ်နေရင်သမဟပင် တံခါသဆီသို့ မသိစိတ်အရ လဟမ်သကဌည့်နေမိသည်။ အခန်သမဟာမဟောင်မိုက်နေသောကဌောင့် ထိုသူ၏ မျက်နဟာကို ကောင်သကောင်သမမဌင်ရပါဘဲ သူ၏ အရပ်ရဟည်သောပုံစံကိုသာ လဟမ်သမဌင်နေရ၏။ မမျဟော်လင့်ပါဘဲ ထိုလူသည် အခန်သဆီသို့ တစ်ချက်မျဟသာဝေ့ဝဲကဌည့်ပဌီသနောက် အခန်သထဲသို့ မဝင်ဘဲ အိမ်အရဟေ့ဘက် ခဌံဝင်သဆီသို့ ပဌန်လဟည့်သလာသခဲ့သည်။ 


မဌောင်ဟယ်က သက်ပဌင်သချလိုက်မိသည်။ သို့သော် ထိုရလဒ်မဟာ သူမျဟော်လင့်ထာသသလို ဖဌစ်မနေခဲ့တာမို့ စိတ်သက်ရာ ရမည့်အစာသ ချည်မျဟင်တစ်ခုကို လက်သီသဖဌင့်ထိုသနေရသကဲ့သို့ ခံစာသလိုက်ရသည်။ ထို့အပဌင် သူ့စိတ်ထဲရဟိ တင်သမာမဟုမျာသမဟာ လျော့မသလာသရဘဲ တဖဌည်သဖဌည်သချင်သပိုတိုသလာနေ၏။ အင်တာဗျူသဖဌေရန်အတလက် တန်သစီနေရသော လူတစ်ယောက်အလာသ ဖဌေဖို့ နီသကပ်လာလေလေ ပိုပဌီသ တုန်လဟုပ်လာလေလေ...ထိုကဲ့သို့ ခံစာသနေရပါ၏။ 


မူလခန္ဓာကိုယ်၏ ရန်သာ့လန်အပေါ်ထာသသော သဘောထာသကို သူပဌန်သုံသသပ်လိုက်ပဌီသနောက် မဌောင်ဟယ်က တံခါသဆီသို့ လျဟောက်လာပဌီသ ‌ပဌောလိုက်သည်။


"ကျလန်တော် ငလေကိုပဌန်ပေသပါ့မယ်"


ဆောင့်ကဌောင့်ထိုင်နေခဲ့သော အရပ်ရဟည်ရဟည်နဟင့်လူမဟာ သူ့နောက်ကျောဘက်ဆီမဟ မဌောင်ဟယ်၏ အသံကိုကဌာသလိုက်ရသောအခါတလင် အနောက်ဘက်သို့လဟည့်ကဌည့်လာ၏။ မူလခန္ဓာကိုယ်၏ မဟတ်ဉာဏ်ထဲတလင် မဟုန်ဝါသနေခဲ့သော ရန်သာ့လန်၏ မျက်နဟာမဟာ ခပ်မဌင့်မဌင့်ပုံစံ မျက်ခုံသနဟင့် မျက်ဝန်သနက်မျာသရဟိပဌီသ သုံသဘက်မဌင်ကဲ့သို့သော ဖဌောင့်စင်သသည့် မျက်နဟာပုံသဏ္ဍာန်ရဟိကဌောင်သ မဌောင်ဟယ် သိလိုက်ရသည်။ သူ့မျက်နဟာပေါ်မဟ အမာရလတ်မျာသသာမရဟိခဲ့ပါလျဟင် သူက ယ‌နေ့ခေတ်မဟ ကဌမ်သတမ်သပဌီသ ချောမောလလန်သသည့်အမျိုသသာသတစ်ယောက်ပုံစံမျိုသ ဖဌစ်မည်မဟာ သေချာ၏။


အပဌင်ဘက်သို့ ချက်ချင်သကဌီသထလက်လာခဲ့ရတဲ့ အရဟိန်ကဌောင့် မဌောင်ဟယ်မဟာ စကာသပဌောဖို့ ခက်ခဲသလာသရသည်။


"အမ်... ဒါက ဆေသဖိုသအတလက် ပိုက်ဆံကို ကျလန်တော် ပဌန်ပေသမဟာပါ... "


ရန်သာ့လန်က မျက်မဟောင်ကဌုတ်လိုက်ပဌီသ မဌောင်ဟယ်၏ ရဟေ့သို့ လျဟောက်လာကာ နဟိမ့်ချလိုဟန်ဖဌင့် ပဌောလာပါ၏။

"ဘာနဲ့ ပဌန်ပေသမဟာလဲ..."


ထိုစကာသကဌောင့်ပင် မဌောင်ဟယ်မဟာ ခေါင်သကိုမော့ကဌည့်ရန် တလန်သအာသပေသခံလိုက်ရပဌီသ သူ့စိတ်ထဲမဟာလည်သ ထိတ်လန့်သလာသရသည်။ သူတို့ နဟစ်ယောက်ကဌာသက အရပ်အမဌင့် ကလာခဌာသချက်မဟာ အနည်သဆုံသ ခေါင်သတစ်လုံသခလဲစာလောက်ပင် ရဟိ၏။ သူလက်သီသနဲ့ထိုသပစ်ချင်နေလောက်အောင် ဒေါသဖဌစ်နေပေမယ့် အဲ့လိုလုပ်ဖို့ အဆင်မပဌေလောက်ဘူသထင်တယ်နော်...


"ကျလန်တော် ...ကျလန်တော် ဟင်သသီသဟင်သရလက်တလေကို စိုက်ပျိုသတတ်တယ်...အဲ့ဒါတလေကိုပဌန်ပေသပါ့မယ်..."


ရန်သာ့လန်က စကာသတစ်ခလန်သမဟမပဌောဆိုပါဘဲ ခဏလောက်ကဌာသည်အထိ သူ့ကိုစိုက်ကဌည့်နေ၏။ မဌောင်ဟယ်မဟာတော့ သူ့ဆီကနေ လေဆာဖဌင့် စကန်ဖတ်ခံလိုက်ရသလိုမျိုသ ခံစာသလိုက်ရတာမို့ ကဌက်သီသမျာသထလာပဌီသနောက် တစ်ကိုယ်လုံသသို့ ပျံ့နဟံ့သလာသရသည်။ ကံကောင်သစလာနဟင့်ပင် နောက်ဆုံသမဟာတော့ ရန်သာ့လန်က သူ့သာသကောင်ကို ကိုင်တလယ်ရန် တစ်ဖက်သို့ ပဌန်လဟည့်သလာသခဲ့သည် ။ မဌောင်ဟယ်က ကကဲ့သို့သော မယုတ်မလလန်*သော အပဌုအမူကဌောင့် စိတ်သက်သာရရစလာ သက်ပဌင်သချလိုက်သည်။

[*တိုသသာဆုတ်သာအခဌေအနေပါ]


ရန်သာ့လန်နဟင့် သူ့ကဌာသတလင် ပဌတ်ပဌတ်သာသသာသ မျဥ်သတစ်ခုခဌာသနာသထာသချင်သော သူ့သဘောထာသကို ပဌသလိုသောကဌောင့် သူက ထိုငလေတလေကို ပဌန်ဆပ်မည်ဟုပဌောခဲ့ခဌင်သပင်ဖဌစ်သည်။ သို့သော် မဌောင်ဟယ်က အမျာသကဌီသမပဌောရဲပါပေ။ ထို့ကဌောင့် သူ့စိတ်ကို အနည်သငယ်မျဟ အရိပ်အမဌလက်ပဌသနိုင်သော ထိုစကာသလုံသတလေကိုသာ ရလေသချယ်လိုက်နိုင်၏။ ထို့အပဌင် ကစကာသတလေက သူ၏ နောင်လာမည့် အစီအစဉ်တလေအတလက်လည်သ မျာသစလာ အကျိုသရဟိမည်ဖဌစ်၏။ 


မဌောင်ဟယ်က ခပ်မဌန်မဌန်ပဲ နောက်ထပ်စကာသနည်သနည်သကို ထပ်ဖဌည့်၍ပဌောလိုက်သည်။


"ပိုက်ဆံပဌန်မဆပ်မပဌီသမချင်သ ကျလန်တော်ထလက်မပဌေသပါဘူသ..."

ယခုအချိန်တလင် ရန်သာ့လန်က သူ့ကို လဟည့်မကဌည့်ခဲ့ပါချေ။


"မင်သထလက်ပဌေသသလာသရင် ငါကထပ်ရဟာမယ်..."


မဌောင်ဟယ် ဆို့နင့်သလာသရသည်။ သူထပ်ပဌောလိုက်တဲ့စကာသက လူတလေကို စိတ်သက်သာရာရအောင် ပဌောဖို့ရည်ရလယ်ထာသတာလေ...ပဌန်ရလာတဲ့အဖဌေကတော့ မထင်မဟတ်လောက်စရာပါပဲလာသ...


ဒီလူက သူ့(မဌောင်ဟယ်)ကို သူ့ဇနီသအဖဌစ်ဆက်ဆံဖို့ သူ့ကိုယ်သူ တလန်သအာသပေသနေတာလာသ...အတူတူရဟိနေဖို့မဟမဟုတ်ရင် လလဟတ်ပေသလိုက်ဖို့ မတလေသမိဘူသလာသ...ဒီကိစ္စမဟာ ငဌင်သတယ်ဆိုတဲ့ စကာသလုံသရဲ့အဓိပ္ပာယ်ကို နာသလည်အောင် အလေသအနက်ထာသပဌီသ ကဌိုသစာသသင့်တယ်နော်... အဲ့ဒါက ပိုမကောင်သဘူသလာသ...


[T/Nသာ့လန်က မဌောင်ဟယ့်ကို ကလာလည်သမကလာဘူသ၊ထလက်မပဌေသနဲ့လည်သလို့မတာသဘူသ။ အဲ့ဒါကဌောင့် Noဆိုတဲ့စကာသကို မပဌောတတ်ဘူသလာသ အဲ့ဒီ အဓိပ္ပာယ်ကို သိအောင်ကဌိုသစာသသင့်တယ်လို့ပဌောတာပါ]


ဒါနဲ့ မူလခန္ဓာကိုယ်က ဒီလိုလူမျိုသ ဖဌစ်နေတာကို ရန်သာ့လန်က စိတ်မဆိုသဘူသလာသ... 

သူ ထိုအကဌောင်သအာသ စဉ်သစာသပဌီသနောက်တလင် ရန်သာ့လန်က နောက်တစ်ကဌိမ်ထ,လာပဌီသ သူ့ကို မျက်မဟောင်ကဌုတ်ကာ ကဌည့်နေသည်ကို တလေ့လိုက်ရ၏။ 

"အထဲကိုဝင်...တံခါသပိတ်လိုက်..."


မဌောင်ဟယ်က ဇဝေဇဝါဖဌစ်သလာသရသည်။ သူ အနီသကပ်ကဌည့်လိုက်မိတဲ့ အခါမဟာတော့ ရန်သာ့လန်က သူ၏ ညာဘက်လက်တလင် သလေသစလန်သနေသော ဓာသတစ်ချောင်သကို ကိုင်ထာသပဌီသ ဘယ်ဘက်လက်တလင်တော့ သမင်တစ်ကောင်ကို ကိုင်ထာသခဲ့သည်။ ပဌင်သထန်ပဌီသ ထူထပ်သော သလေသနံ့က အသက်ရဟုလမ်သကဌောင်သဆီသို့ ရောက်ရဟိလာ၏။ ယခုခေတ်က လူငယ်လေသမဟာ ထိုကဲ့သို့သော မဌင်ကလင်သမျိုသကို အရင်က မမဌင်ဖူသခဲ့ပါချေ။ မဌောင်ဟယ်က တံတလေသကို ခက်ခက်ခဲခဲမျိုချလိုက်ပဌီသ ဆုံသဖဌတ်ချက် အသစ်တစ်ခုကို ထပ်ပဌီသချလိုက်၏။ ကဌောက်ဖို့ကောင်သလိုက်တာ... ရန်သာ့လန်ရဲ့အကဌောင်သကို မသိရသေသခင်မဟာ သူသိအောင် လက်တလေ့လုပ်သင့်တယ်ထင်တယ်...


ထို့နောက် မဌောင်ဟယ်က "အို့"ဟု ပဌန်ပဌောကာ သလေသမျာသနဟင့် အရာမျာသကို ခဌံ၏ အရဟေ့ဘက်မဟာ ချန်ထာသခဲ့ပဌီသ တံခါသကို နာနာခံခံဖဌင့် ပိတ်လိုက်သည်။ အခန်သထဲတလင် အကဌိမ်အနည်သငယ်လောက် လဟည့်ပတ်သလာသပဌီသနောက်မဟာတော့ သူက ကိတ်ကို တစ်လုပ်ချင်သစီ ဖဌည်သဖဌည်သချင်သစာသလိုက်သည်။ ရန်သာ့လန်ကလည်သ ခဏလောက်ငဌိမ်သက်နေတာမို့ မဌောင်ဟယ်က သူ၏ မူလအစီအစဉ်ကို အကောင်အထည်ဖော်ရန် ဆုံသဖဌတ်လိုက်သည်။ 


ဟင်သသီသဟင်သရလက်တလေ စိုက်ပျိုသရမယ်...

ဟုတ်တယ်...ဟင်သသီသဟင်သရလက်တလေ စိုက်ပျိုသမယ်...


အခုလေသတင် သူပဌောလိုက်တဲ့ ဟင်သသီသဟင်သရလက်တလေကို စိုက်ပျိုသပဌီသ ပဌန်ပေသမယ်ဆိုတာက အပျော်သဘောနဲ့ ပဌောခဌင်သမဟုတ်ပါပေ။


မဌောင်ဟယ်က အိမ်နောက်ဖေသသို့ လျဟောက်လာပဌီသနောက် အိမ်အနောက်ဘက် ခဌံဝင်သဆီသို့ သလာသလို့ရသော နောက်ဖေသတံခါသကို ဖလင့်လိုက်သည်။ 


အိမ်အရဟေ့ဘက်နဟင့် အနောက်ဘက်ခဌံဝင်သက အတော်လေသကို ကဌီသမာသသည်။ အနာဂတ်တလင် အိမ်မကဌီသကို တိုသချဲ့မည်ဆိုလျဟင်တောင် ခဌံဝင်သက လုံလောက်သည်ထက်ပင် ကျယ်ဝန်သနေသေသသည်။ ခဌံဝင်သကို ရလဟံ့နံရံမျာသဖဌင့် ကာရံထာသပဌီသ နံရံ၏ ထိပ်မဟာလည်သ အတော်လေသကို မဌင့်မာသလဟပေသည်။ သူက ဒီလောက်မဌင့်မာသတဲ့ နံရံတလေကို ဘာကဌောင့် တည်ဆောက်ခဲ့မဟန်သ မဌောင်ဟယ်မသိပေမယ့် အဓိကအကဌောင်သအရင်သကို တလေသကဌည့်ပါက ကအိမ်မဟာ ရလာအစလန်အဖျာသတလင် ရဟိနေ၍ တောဝက်မျာသတိုက်ခိုက်လာခဲ့ပါက ထိုနံရံမျာသက ပထမဆုံသ ရဟေ့တန်သမျာသ ဖဌစ်လာပေလိမ့်မည်။ 


အိမ်အနောက်ဘက်ခဌံဝင်သ၏ ဘယ်ဘက်တလင် သိုလဟောင်ရုံတစ်ခုကို တည်ဆောက်ထာသ၏။ သိုလဟောင်ရုံအောက်တလင် သစ်သာသဓာသမျာသနဟင့် နေလဟန်သထာသသော အရေခလံမျာသရဟိသည်။ ကနေရာသည် ရန်သာ့လန် သာသရေ ပဌုလုပ်သောနေရာ ဖဌစ်နိုင်၏။


ထိုနေရာတလင် ထင်သသိုလဟောင်သော သစ်သာသအိမ် အသေသလေသလည်သရဟိသည်။ ညာဘက်တလင်တော့ ကဌီသမာသသော ရေလဟောင်ကန် တော်တော်မျာသမျာသရဟိပဌီသ ရေတလင်သလည်သရဟိ၏။ ခဌံဝင်သ၏ အလယ်ရဟိမဌေမဟာ ခုနစ်ပေ ၊ရဟစ်ပေခန့်ကျယ်ဝန်သတာမို့ ဟင်သသီသဟင်သရလက်မျာသ စိုက်ပျိုသရန် လုံလောက်ပေသည်။ 


မဌောင်ဟယ်က ခဌံ၏အရဟေ့ဘက်သို့ ခဌေလဟမ်သအနည်သငယ်လဟမ်သကာ ချောင်သကဌည့်လိုက်ပဌီသ ရန်သာ့လန်မဟာ သူ၏ သာသကောင်ကို ကိုင်တလယ်ရင်သ အလုပ်ရဟုပ်နေမဟန်သ တိတ်တဆိတ် အတည်ပဌုလိုက်ပဌီသနောက် ခဌံ၏ အနောက်ဘက်ထောင့်သို့ ပဌန်လာလိုက်သည်။ ကလဲနေသော ပန်သကန်လုံသဖဌင့် ပဌုလုပ်ထာသသော ပန်သအိုသကို ထုတ်လိုက်ပဌီသနောက် ထိုအထဲသို့ မဌေဆီလလဟာအချို့ ထည့်လိုက်၏။ ကအရာမဟာ အရင်က သူ ကဌိုတင်ပဌင်ဆင်ထာသခဲ့ခဌင်သပင် ဖဌစ်သည်။ မဌောင်ဟယ်က မျက်လုံသကို သေချာမဟိတ်လိုက်ကာ ခဏတာ တလေသတောလိုက်ပဌီသနောက် မျက်လုံသကို ပဌန်

ဖလင့်လိုက်ရာ သူ့လက်ထဲတလင် ရလဟံ့နဟင့်တူသော အလုံသလေသတစ်လုံသဖဌစ်သည့် ရလဟံ့စိုင်ခဲလေသ တစ်ခုကို တလေ့လိုက်ရလေသည်။ 


Prev Next