MM Story Teller

Chapter 6

Viewers 6k

🧝Chapter 6

နောက်တစ်နေ့မနက်နိုးလာချိန်တွင် အတော့်ကိုစောနေသေးသည်ပင်၊ မြောင်ဟယ် သူ့ကိုယ်သူ လန်းဆန်းအောင်လုပ်နေစဥ်မှာပင် အပြင်ဘက်မှ အသံတစ်ခုကို

ကြားလိုက်ရလေသည်။သူမည်မျှပင်စောစာနိုးစေကာမူ ရန်သာ့လန်ကိုတော့မမီနိုင်သေးပင်၊

မျက်နှာပေါ်မှ အိပ်ချင်စိတ်လက်ကျန်လေးကို မောင်းထုတ်လိုက်ပြီးနောက် စားပွဲပေါ်၌ ဆေးကြောသန့်စင်ရန် ရေနွေးကို အသင့်တွေ့လိုက်ရလေသည်။

မြောင်ဟယ် ယင်းကို လက်လွတ်စပါယ်မသုံးလိုက်၀ံ့ပဲ ခေါင်းထဲတွင်လည်း တိတ်တိတ်လေးတွေးနေမိသည်၊ 'သူသာ ရန်သာ့လန်နှင့် ပြေလည်သော ဆက်ဆံရေးတစ်ခုတည်ဆောက်လိုလျှင်

သူစိုက်ပျိုးသော သီးနှံများဖြင့် ကျွေးမွေးရလိမ့်မည်ဟု၊ သို့မှသာခန္ဓာကိုယ်တွင် ဖြစ်ပေါ်နေသော ရောဂါ ဘယများကို ခုခံနိုင်ပြီး ယူပစ်သလိုပျောက်သွားပေလိမ့်မည်၊ ထို စွမ်းအင်မြေဆီလွှာတွင် စိုက်ပျိုးသော အသီးအရွက်များတွင် ထူးခြားသော အာနိသင်ရှိပေသည်။

အနာဂါတ်ကတောက်ပနေပြီဖြစ်သော်လည်း သူကားစောင့်ဆိုင်းရန်လိုအပ်သေးသည်၊ ထိုမြေဆီလွှာတွင်စိုက်ပျိုးရန် ပြင်ဆင်မှုတချို့လုပ်ရပေဦးမည်။စားသောက်ပြီးသည်တွင် ရန်သာ့လန်မြေဆီလွှာကိုတူးဆွနေသည်အား တိတ်တိတ်လေးကြည့်နေရန် အမိန့်ပေးခံလိုကိရသည်၊ ရန်သာ့လန်မှာ ကောကလေးအား

ခြေထောက်ဒဏ်ရာကြောင့် ဟိုဟိုသည်သည် လှုပ်ရှားနေဖို့ ခွင့်မပြုခဲ့ချေ၊ ထို့ကြောင့် ခုံပုလေးတစ်လုံးကိုယူ၍ ထိုင်ခိုင်းထားခဲ့သည်။

ရန်သာ့လန်မှာ အမဲလိုက်ထွက်မနေချိန်တွင် အချိန်တွေပေါလှသည်၊ အဘယ်ကြောင့်မူ ရန်မိသားစုမှာလယ်ကွက်တို့ပိုင်ဆိုင်မှုမရှိခြင်းကြောင့်ပင်၊

အကြောင်းမှာ ရွေ့ပြောင်းနေထိုင်သူများ များလာခဲ့ပြီးနောက် မြောင်ကျေးရွာမှာ ဟိုးယခင်ကပင် ချမှတ်ထားသော စည်းမျဥ်းတချို့ရှိနေသည်၊ ၄င်းမှာ ရွာသို့ရောက်ရှိလာသော ရွေ့ပြောင်းသူအသစ်များအနေနှင့်

မည်သည့်မြေကွက်ကိုမဆို ကျတ်တီးမြေပင်ဖြစ်ကလိမ့်စား ရွာခံများထက် စျေး၂ဆပေးကာ၀ယ်ရမည်ဟုပင်၊

ထို့အဓိပ္ပါယိမရှိသောစည်းမျဥ်းကြောင့်

ရန်မိသားစုမှာ မြေကွက်များ၀ယ်ယူရန်စိတ်မ၀င်စားခဲ့ချေ၊

ယခင်လောင်ရန်ကလည်း ထိုမြေကွက်များမှာ

မဖြစ်မနေလိုအပ်သည်မဟုတ်ဟုဆိုခဲ့သည်။

အဘယ်ကြောင့်မူ အမဲလိုက်ခြင်းမှရသောငွေက

အိမ်တွင်အသီးအရွက်များ စိုက်ပျိုးနေရသည်ထက်

ပို၍မျိုးမျိုးမြတ်မြတ်ရသည်ဟု ယုံကြည်ကာ

ထိုမြေဆီသြဇာပင်မရှိသောမြေကို ငွေနှစ်ဆအကုန်ခံ၍ ၀ယ်နေမည့်အစား ထိုငွေကို အကျိုးရှိကြောင့်အသုံးချသင့်သည်ဟုထင်၍ပင်၊

ထိုအချက်များကိုလက်ကိုင်ထားလျက် ရန်မိသားစုမှာ အဆင်ပြေနေခဲ့သည်၊ အကြောင်းမှာ အမဲလိုက်၍ရသော ပိုက်ဆံမှာ အသီးအရွက်များစိုက်ပျိုးရသည်ထက် ပိုရပြီး၊ အသီးအရွက်များကို တဆင့်ပြန်၀ယ်စားသောက်ရလျှင်တောင် အရှုံးမရှိချေ၊

သို့နှင့်အားလုံးမျက်လုံးထဲတွင် သူတို့မှာ သုံးနိုင်ဖြုန်းနိုင်သူများဖြစ်လျက် မနာလိုအားကျခြင်းများကိုလည်းခံခဲ့ရသည်ပင်၊

၄င်းမှာ ရန်သာ့လန်၏ဖခင်ဖြစ်သူ ပြင်းထန်သော မတော်တဆတစ်ခုမဖြစ်ခင်အထိပင်၊ ၄င်းကလူတိုင်းကိုကြောက်လန့်စေခဲ့သည်၊ အဆုံးတွင်သော ကြီးမားသော ကျားကဲ့သို့အန္တရာယ်များလွန်းသော သားရဲကောင်နှင့်ရင်ဆိုင်ရသည်မှာ ဖြစ်လေ့ဖြစ်ထရှိသောကိစ္စမဟုတ်ခဲ့ချေ။ အမဲလိုက်ထွက်သွားသော လူသုံးယောက်တည်းတွင် နှစ်ယောက်ကသာ အသက်ဘေးမှ သီသီလေးလွတ်လာခဲ့လေသည်။

ထိုအခါမှသာ ရန်မိသားစုကိုအားကျနေကြသော ရွာသားများမှာ အမဲလိုက်ထွက်ခြင်းက စိုက်ပျိုးရခြင်းထက်မည်မျှအန္တရာယ်များလှကြောင်း သဘောပေါက်သွားခဲ့ကြသည်။

ကောင်းမွန်သောဘ၀တွင်ရှိနေပါသော်လည်း အလျော်အစားအတွက် အသက်နှင့်ခန္ဓာကိုရင်းရမည်ဖြစ်ကာ သေချာသောအာမခံချက်မရှိချေ၊

သို့နှင့် ရန်သာ့လန်အပါအ၀င် ရန်မိသားစု၏နောက်မျိုးဆက်များမှာ

လက်ထပ်ရန်ပင် မလွယ်ကူသည့်အခြေအနေသို့ကျရောက်သွားတော့သည်။

သို့နှင့် ရန်မိသားစုတွင် တစ်စုံတစ်ဦးနှင့်လက်ထပ်

နိုင်ခြင်းမှာ ကောင်းကင်ဘုံမှကောင်းချီးပေးခြင်းဖြစ်ကြောင်း ပြောနေစရာပင်မလိုချေ။ရန်သာ့လန်၏ ေ၀းကွာသော၀မ်းကွဲဖြစ်သည့် ရန်အာရှန်း၏ သားဖြစ်သူ ရန်သာ့တုံမှာ ငယ်ရွယ်သောမိန်းကလေးဖြင့် လက်ထပ်ရသည်အထိကံကောင်းကာ ကလေး၂ဦးပင်ဖွားမြင်ခဲ့ချေပြီ၊ရန်အာရှန်းမှာ ကပ်ဆိုးကြီးအား ကြုံတွေ့ရမည်ကိုစိုး၍ ရန်သာ့လောင်ငယ်စဥ်ကပင်ရွာတွင်းရှိ ပန်းပုဆရာ ဦးလေးလီထံမှ လက်မှုပညာတချို့သင်ယူစေခဲ့သည်။သို့နှင့် သူက ရန်သာ့လန်ထက်ပို၍စောစီးစွာ လက်ထပ်နိုင်ခဲ့ခြင်းပင်။

ရန်သာ့လန်မှာ အင်အားပြည့်၀စွာမြေကြီးကို ဆွနေခဲ့ပြီး မကြာမီအပြီးသတ်တော့မည့်ပုံပင်၊ မြောင်ဟယ်မှာ ရန်သာ့လန်တစ်ယောက် မနေ့ကသူဆွထားသော မြေကျင်းကြီးကိုတွေ့ရှိသွားမည်အား ကြောက်လန့်နေမိသည်၊ သူခြေထောက်ဒဏ်ရာဖြင့် ထိုမျှကြီးမားသောမြေကျင်းကြီးကိုတူးခဲ့သေးကြောင်းသိရှိခဲ့လျှင်

ရှင်းပြနိုင်တော့မည်မဟုတ်၊

ထိုစဥ်ရန်သာ့လန်ကတစ်ခုခုမှားနေသည်ကိုခံစားမိသော်လည်း ဘာတွေဖြစ်နေမှန်းတော့နားမလည်သေးချေ။ သူက မြောင်ဟယ်အား မယုံသင်္ကာဟန်ဖြင့် လှမ်း၍ကြည့်လိုက်မိသည်။

မြောင်ဟယ်က အပြုံးကလေးဖြင့်ပင် ထိုအကြည့်တို့ကိုရှောင်ရှားလိုက်ကာဆိုလိုက်သည်၊

"ဘာဖြစ်လို့လဲ မောနေပြီလား၊ ရေသောက်မလား

ယူလာပေးမယ်"

သူထရပ်လိုက်သည်နှင့် ရန်သာ့လန်၏မိုးကြိုးကဲ့သို့အမိန့်သံကပစ်ခွင်းလာခဲ့သည်၊

"မလိုဘူး ထိုင်နေ"

မြောင်ဟယ်မှာကျားနှုတ်ခမ်းမွှေးကို သွားဆွဲလိုစိတ်ရှိမနေပေ၊ သူကလိမ်လိမ်မာမာပင်ထိုင်ချလျက်

ပေါင်ပေါ်တွင်လက်ကလေးတင်လျက် တုံးတုံးအအလေးပြုမူနေခဲ့သည်။

သူကအလျင်အမြန်ပင်စကားလမ်းကြောင်းလွှဲလိုက်သေးသည်၊

"ဒါနဲ့ လက်မောင်းရင်းလောက်နက်တဲ့မြေကျင်းလေးလည်းတူးပေးပါဦး၊မင်းတူးပြီးတာနဲ့ အရွက်ကြွေတွေနဲ့ အမှိုက်နည်းနည်းနဲ့အဲဒီထဲကိုဖို့ပြီးအပေါ်က သစ်တိုစတွေနဲ့ဖုံးထားလိုက်ရင် အချိန်နည်းနည်းကြာတာနဲ့ မြေသြစာကောင်းကောင်းဖြစ်သွားလိမ့်မယ်။

အတိတ်ဘ၀တုန်းက အသက်ရှိနေသော မြေဆီလွှာလေးကိုပိုင်ဆိုင်ရပြီးနောက် မြောင်ဟယ်သည်

အပင်စိုက်ပျိုးခြင်းနှင့်ချက်ပြုတ်ရခြင်းကိုစိတ်ပါလာခဲ့သည်။ သူကမျိုးစေ့အသစ်များကိုပင် စမ်းသပ်ကြည့်ချင်ခဲ့သော်လည်း ကောင်းကင်ကသူ့အား အလွန်အမင်းမျက်နှာသာမပေးချင်သဖြင့် သူ၏အိမ်၀ရံတာ၌ အလှစိုက်ပန်းအိုးလေးတစ်ခုကသာလျှင် စိုက်ပျိုးနိုင်သော မြေဆီလွှာလေးဖြစ်ခဲ့သည်။

သို့နှင့် သူကချက်ပြုတ်ခြင်းကိုလည်းလေ့လာခဲ့ပြီး

သူ့တွင်ရှိသော အရသာရှိသည့်အသီးအရွက်များနှင့်လိုက်ဖက်သော ဟင်းပွဲများကိုဖန်တီးချင်ခဲ့သည်၊

သူ့တွင်ဖြုန်းတီးလိုစိတ်မရှိချေ။

ထိုစဥ်က သူသည်သေးငယ်သောစမ်းသပ်မှုတချို့ကိုလည်းပြုလုပ်ခဲ့ကြည့်သေးသည်၊ ၄င်းမှာ ပန်းအိုးထဲမှမြေများကို အနည်းငယ်ပို၍ကျယ်၀န်းသော သစ်သားသေတ္တာလေးထဲပြောင်းရွေ့စိုက်ပျိုးကြည့်ခဲ့ခြင်းပင်။

ထိုစဥ်က မြေသြဇာအဖြစ်တိရိစ္ဆာန်အညစ်အကြေးကိုသာအသုံးပြုခဲ့လျက် ယခုကဲ့သို့ သစ်ရွက်ခြောက်များကိုအသုံးပြုရန်မတွေးမိခဲ့ချေ၊ သို့သော်လည်း ထင်သလောက်တော့မအောင်မြင်ခဲ့ပေ၊

မြောင်ဟယ်စဥ်းစားသည်မှာ ဤနည်းဖြင့်

ရွာသားတချို့၏သံသယကိုဖြေရှင်းနိုင်သည်ဟုပင်။

အကယ်၍ အဘယ်ကြောင့် သူစိုက်ပျိုးသော အသီးအရွက်များက ပိုမိုကောင်းမွန်ဖြစ်ထွန်းနေကြောင်း မေးခွန်းထုတ်လာပါက၊ သူ၏လက်လုပ်မြေသြဇာကြောင့်ဟုသာ ဖြေလိုက်လို့ရသည်မဟုတ်ပါလား

"ဒီဟာက ငါ့ရဲ့အထူးစိုက်ပျိုးတဲ့နည်းလမ်းမို့လို့

ကျန်တဲ့သူတွေမသိအောင်ဖုံးကွယ်ထားပေးနော်"

ရန်သာ့လန်မှာ နဖူးပေါ်မှာချွေးစက်များကို ပွတ်သုတ်လိုက်လျက် သဘောတူညီသောအသံတစ်ခုကိုပြုကာ

မြေကြီးကိုဆက်လက်တူးဖော်နေခဲ့သည်။ မြောင်ဟယ်မှာ ရန်သာ့လန်၏နောက်ကျောတစ်ခုလုံးချွေးများဖြင့်စိုရွှဲလျက် အင်္ကျီ၏အသားမှာ ထိုသန်မာသော ကျောပြင်တွင်ကပ်ညိနေခဲ့သည်ကိုတွေ့လိုက်ရလေသည်။ အပြစ်ရှိစိတ်ကလေး၀င်လာပြီးသည့်နောက် မြောင်ဟယ်သတိလက်လွတ်ဆိုလိုက်မိသည်။

"တစ်ခုခုသောက်လိုက်တာပိုကောင်းမယ်၊ ချွေးတွေတအားထွက်နေပြီး၊ မင်းရဲ့ခွန်အားကိုပြန်ဖြည့်တင်းဖို့လိုတယ်"

ရန်သာ့လန်လှည့်ကြည့်လိုက်လျှင်စိုးရိမ်တကြီးဖြစ်နေသော နွေးထွေးသည့်မျက်၀န်းများနှင့် တဖန်တွေ့ဆုံသွားလျက် ခတ္တမျှတန့်သွားမိရသည်၊

မလိုအပ်ဘူးဟုတွေးထားမိသည့်တိုင် သူက

နာခံစွာပင် လက်ထဲမှပေါက်ပြားကိုလွှတ်ချလျက်

ရေတစ်ခွက်ကိုသွားသယ်လာခဲ့သည်။

ထို့နောက်တွင် ပေါက်ပြားကိုပြန်လည်ကောက်ယူလျက် မြေဆွခြင်းကိုဆက်၍လုပ်လိုက်သည်၊

မြေဆီသြဇာများကိုဆွပြီးနောင် မြောင်ဟယ်သည် ရန်သာ့လန်အား ဆွထားသည့် မြေဆီလွှာတစ်လျှောက်

မျိုးစေ့များကိုစိုက်ပျိုးရန် ခိုင်းခဲ့သည်။သူ၏အတွေ့အကြုံအရ ရင့်သောအစေ့များကိုဘေးတွင်ထား၍ လတ်လတ်ဆတ်ဆတ်အစေ့နုများကိုအလယ်တွင်ထားခြင်းဖြင့် ပို၍ဖြစ်ထွန်းစေသည်ဟုဆိုခဲ့သည်၊၊ ဤနည်းလမ်းမှာ အခြားလူများလိုက်လုပ်လျှင် အလုပ်မဖြစ်နိုင်ပေ၊ အကြောင်းမှာ ထိုနည်းလမ်းက သူ၏ထူးခြားသောမြေဆီသြဇာကို ဖုံးကွယ်ရုံသက်သက်သာဖြစ်၍ပင်ဖြစ်လေသည်။

ရန်သာ့လန်မှာမေးခွန်းသိပ်မများတတ်သူမို့

မြောင်ဟယ်မှာ သိပ်အများကြီးအားထုတ်စရာမလိုလိုက်ချေ။ စိုက်ပျိူးနေစဥ်တွင် အပြင်ဘက်တံခါးမှ

ခေါက်သံတချို့ကိုကြားလိုက်ရလေသည်။

"တစ်ယောက်ယောက်ရှိလား၊ အစ်ကိုဟယ်"

မြောင်ဟယ်က နောက်ဖေးတွင်ကျန်ရစ်လျက်

ရန်သာ့လန်မှာဧည့်သည်ကိုတွေ့ရန်သွားခဲ့သည်။

သိပ်မကြာခင်မှာပင် ရန်သာ့လန်သည် နူးညံ့ကာလှပသောကောလေးတစ်ဦးနှင့်အတူ နောက်ဖေးသို့ပြန်၀င်လာခဲ့သည်၊ ထိုကောလေးမှာ သူ၏သေးသွယ်သော ခန္ဓာကိုယ်နှင့်ပနံသင့်လှသည့် ခပ်ညိုညိုအသားအရည်မျိုးရှိကာ မျက်ခွံထူထူလေးများက သူ့အား ရိုးသားဖြူစင်သည့်ပုံကလေးပေါက်နေစေသည်၊

မူလကိုယ်မှာထိုကဲ့သို့ပူပန်မှုမျိုးရှိခဲ့သလားမဆိုနိုင်သော်လည်း မြောင်ဟယ်သည် ထိုကောလေးက

ရန်သာ့လန်၏သန်မာသောကျောပြင်ကို ကြွက်တစ်ကောင်နှယ် ခဏခဏခိုးကြည့်နေသည်ကိုတွေ့လိုက်ရသည်။

ထိုကောလေးမှာ ခေါင်းကိုမော့လျက် မြောင်ဟယ်ကိုမြင်သည်နှင့်အလျင်အမြန်ပင် ပြေးလာကာ

"အဆင်ပြေရဲ့လား အစ်ကိုဟယ် ၊ ထိခိုက်မိတယ်ဆိုလို့စိတ်ပူနေတာ၊ ဒါပေမယ့် အားနင်ကမလာခိုင်းလို့လေ၊ သူဒီနေ့မြို့ကိုသွားနေတုန်း ခိုးထွက်လာခဲ့တာ"

မြောင်ဟယ်က ယဥ်ကျေးသမှုဖြင့်ပြုံးပြလိုက်ရသည်၊ ဤကောလေး၏အမည်မှာ မြောင်မင်ဖြစ်ပြီး

သူတို့နှင့်အိမ်နီးချင်းပင်ဖြစ်သည်။

မူလကိုယ်ပိုင်ရှင်နှင့်အသက်အရွယ်တူပင်ဖြစ်ကာ

ငယ်စဥ်ကမကြာခဏအတူဆော့ဖူးခဲ့သည်။ ကွာခြားချက်မှာ

ထိုကောလေး၏မိသားစုအခြေအနေကအနည်းငယ်မျှပိုဆိုးနေခဲ့ရုံသာ၊"

မြောင်ဟယ်၏မိသားစုမှာပို၍ပြေလည်ကာ

သူတို့မိသားစုထံမှ ကပ်စားရသည့် အစားအသောက်ကိုနှစ်သက်၍ သူ့ကိုပေါင်းသင်းခဲ့ခြင်းသာဖြစ်သည်။

သို့သော်၄င်းကို မြောင်ဟယ်ကမရိပ်မိခဲ့ချေ၊

မူလကိုယ်နှင့်မြောင်မင်မှာ ကောအချင်းချင်းပေမို့ တစ်ဦးကိုတစ်ဦး ညီအစ်ကိုဟုသတ်မှတ်ထားကြကာ

မူလကိုယ်မှာ မြောင်မင်၏စကားကိုနားထောင်လေ့ရှိသည်၊၄င်းမှာ အကြံအစည်များဖြင့်ပြည့်နှက်နေခဲ့မှန်း မသိခဲ့၍ပင်၊ မူလကိုယ်နှင့်မြောင်ယွမ်ကြားတွင်သွေးထိုး၍ရန်မိသားစုနှင့်လက်ထပ်ရအောင်လုပ်ခဲ့သူမှာလည်းမြောင်မင်ပင်ဖြစ်လေသည်။

မြောင်ဟယ်မှာလက်ထပ်ပြီးသည့်တိုင် မြောင်ယွမ်အပေါ် ခံစားချက်တချို့ရှိနေသေးသည်ဟုလည်းဆိုခဲ့သေးသည်၊

မြောင်မင်သည် မြောင်ဟယ်နှင့်အတူ စျေးကူ၀ယ်ပေးမည်ဟုဆိုကာ မြို့ထဲသို့ခေါ်သွားခဲ့သော်လည်း

အကြံအစည်ဖြင့် မြို့လယ်ခေါင်တွင် စာသင်ကြားနေသည့် မြောင်ယွမ်နှင့်ဆုံစေရန်ပြုလုပ်ခဲ့သည်။ထို့နေ့က မြောင်ဟယ်မှာ မြောင်ယွမ်ကိုတွေ့သည်နှင့် တစ်ရွာတည်းသားချင်းမို့ သတင်းမေးမြန်းချင်ခဲ့ရုံသာဖြစ်သော်လည်း ၄င်းကိုမြင်တွေ့သွားခဲ့သည့်ရွာသားတချို့မှတဆင့် သတင်းမှားများပျံ့နှံ့သွားတော့သည်။

သို့တိုင်အောင် သူကမြောင်မင်၏အရင်းနှီးဆုံးသူငယ်ချင်းလေးအဖြစ်သရုပ်ဆောင်ရန်ဆုံးဖြတ်ထားဆဲပင်၊

"ခြေထောက်လေးနည်းနည်းလည်သွားရုံပါ၊

ဘာမှကြီးကြီးကျယ်ကျယ်မဟုတ်ပါဘူး။ စိတ်ပူပေးလို့ကျေးဇူးတင်ပါတယ်၊ဒါနဲ့ဘာလို့ငါ့ကိုလာရှာတာလဲ ဆွေးနွေးစရာကိစ္စရှိလို့လား"

မြောင်မင်မှာ မြေဆွခြင်းဖြင့်အလုပ်များနေသော

ရန်သာ့လန်အားတစ်ချက်မှခိုးကြည့်လိုက်ပြီးနောက်

ရှေ့ကိုကိုင်းလျက်တီးတိုးဆိုလာခဲ့သည်။

"အစ်ကိုဟယ်စိတ်မရှိရင် ကျွန်တော်နှစ်ယောက်တည်းပြောစရာလေးရှိလို့၊ နေရာပြောင်းလိုက်ရင် ဘယ်လိုလဲ"

မြောင်ဟယ်မှာအမူအယာမပြောင်းသော်လည်း

စိတ်ထဲကမူ အတော်လေးရှုံ့ချနေမိခြင်းကိုမရပ်တန့်နိုင် သူကမြောင်ဟယ်ထံမှ မြောင်ယွမ်ကိုလည်းဆွဲထုတ်သွားပြီး ယခုရန်သာ့လန်ကိုပင်မျက်စိကျနေသေးသည်၊

"အားနာလိုက်တာ ခြေထောက်ကအခုထိမကောင်းသေးတော့ဘယ်မှသွားမရဘူး၊ ပြောစရာရှိတာဒီမှာပဲပြောလေ" မြောင်ဟယ်က တည့်ပင်တုန့်ပြန်လိုက်သည်။

မြောင်ဟယ်၏နူးညံ့သောမျက်နှာမှာ အံ့အားသင့်သွားလျက် အလျင်အမြန်ငြင်းဆန်လာခဲ့သည်၊

"အိုဟုတ်သားပဲမေ့တော့မလို့၊ တကယ်တော့ ငါလက်ထပ်ဖို့ဆုံးဖြတ်လိုက်ပြီလေ၊ တို့တွေကတအားရင်းနှီးတဲ့သူငယ်ချင်းတွေမို့ မင်းကိုအရင်ဆုံးပြောပြချင်ရုံပါ"

"တကယ်လား၊ ဂုဏ်ပြုပါတယ် ၊

ဘယ်သူနဲ့လဲ" မြောင်ဟယ်က စိတ်ရင်းဖြင့်ပင်မေးလိုက်သည်။

မြောင်မင်၏မျက်နှာရှက်သွေးဖြာသွားလျက်

"အင်း အဘိုးကျွယ့်အိမ်က အားလျန်လေ"

နေပါဦး

အဲဒါက မြောင်ကျွယ်တတိယအစ်ကိုရဲ့ ဒုတိယမြေး မြောင်ယွမ်ရဲ့သွေးဝေးတဲ့ညီဆိုတာမဟုတ်လား

မြောင်ယွမ်နှင့်အားလျန်မှာ အိမ်ခွဲခြင်းမရှိသည်မို့ ထိုအိမ်တွင်အတူနေထိုင်နေဆဲပင်၊ထိုမိသားစုမှာ

စိုက်ပျိုးရေးကိုသာမှီခိုနေရသည်ဖြစ်ကာ အမှန်တကယ်ကူညီနေသည့်မိသားစု၀င်မှာတချို့သာရှိလျက် ကျန်လူများမှာ စာလေ့လာ၍ တော်၀င်စာမေးပွဲကိုဖြေဆိုရန် မြောင်ကျွယ့်ကိုသာလျှင် အမှီပြုနေကုရသည်။

မြောင်မင်ကမူရှက်ရွံ့နေဟန်ဖြင့် ဆက်ပြောလာခဲ့သည်၊ ငါကအိမ်ဘေးက ၀မ်သာ့ကျွင်းနဲ့လက်ထပ်ရမယ်ပဲထင်ထားခဲ့တာ၊ငါကဆင်းရဲတဲ့မိသားစုကကောဖြစ်ပေမယ့် ငါ့အဖေက ငါ့ကို ခမ်းခမ်းနားနားမင်္ဂလာဆောင်စေချင်ခဲ့တာလေ၊ဒါပေမယ့် အစ်ကိုလျန်က သူ့အဖေကိုတောင်းဆိုလိုက်မယ်လို့ ဘယ်လိုထင်ထားမှာလဲ"

မြောင်ဟယ်ကမူဖျော့တော့စွာပြုံးလျက်

"အင်း ငါတစ်ခွက်လောက်တော့သောက်ရင်း လာဂုဏ်ပြုပါ့မယ်"

"အာ.မင်းတစ်ကယ်လာသင့်တာပေါ့ ၊ အစ်ကိုယွမ်လည်းအဲဒီမှာရှိနေမှာလေ"

မြောင်မင်မှာနောက်ဆုံးစကားအားတိုးတိုးလေးဆိုလာခဲ့သည်။

မြောင်ဟယ်ကမူ ဤမြောင်ဟယ်နှင့်မြောင်ယွမ်၏ CPဖန်ကြီးအား စိတ်မရှည်စွာကြည့်လျက်

"အဲဒီတော့ဘာဖြစ်လဲ အကိုသာ့လန်လည်းငါနဲ့ရှိနေမှာပဲ"

မြောင်မင်ကမူ မနီးမဝေးမှရန်သာ့လန်ကိုတစ်ချက်ကြည့်လျက် "ငါ့ကိုယုံလိုက်ငါအခွင့်အရေးရှာပေးမယ်"

"နောက်မှပြောကြစို့ ဟုတ်ပြီလား၊"မြောင်ဟယ်တိတ်တခိုး မျက်လုံးလှိမ့်လိုက်လျက် ထရပ်လိုက်ကာ ဧည့်သည့်ကိုပြန်ပို့ရန်ပြင်လိုက်သည်၊

စိုက်ခင်းကိုတူးဆွနေသော ရန်သာ့လန်ကမူ နောက်မှလူ၏လှုပ်ရှားမှုကိုမြင်လျှင် ချွေးတို့ကိုပွတ်သုတ်လျက်အနားသို့ရောက်လာခဲ့သည်၊

"ဘာလုပ်မလို့လဲ"

မြောင်ဟယ်ကခေါင်းကိုခါလျက်

"အစ်ကိုမင်ကိုပြန်ပို့ပေးပါလား၊ ငါဒီမှာပဲနေရစ်တော့မယ်"

"အင်း" ထို့နောက်ရန်သာ့ကျွင်းမှာ မြောင်မင်းအား လိုက်လာရန်စောင့်နေလိုက်သည်၊

မြောင်မင်ကမူဖြစ်ပျက်သွားသည်တို့ကိုမယုံနိုင်ချေ၊

သူသည်ကား အစ်ကိုဟယ်ကို တသက်မှာတစ်ခါရသောအခွင့်အရေးကို အသိပေးဖို့ရောက်လာခဲ့ခြင်းသာ၊သူထင်ထားသည်မှာ သတင်းကိုကြားသည်နှင့်

မြောင်ဟယ်က၀မ်းသာအားရဖြင့် သူ့ကိုအ၀တ်စတချို့လက်ဆောင်ပေးလိမ့်မည်ဟု၊ သို့လျှင် ထိုအ၀တ်စတို့ဖြင့် အစ်ကိုလျန်အတွက် အိတ်ကလေးချုပ်ပေး၍ရလိမ့်မည်။

သို့သော် အစ်ကိုဟယ်ကထိုမျှအေးစက်စွာတုန့်ပြန်လာလိမ့်မည်ဟုမထင်ထားခဲ့ချေ၊ သူကမယုံသင်္ကာစွာဖြင့် ကြည့်လာခဲ့လျှင် မြောင်ဟယ်မှာ

အမူအယာမဲ့စွာပင်တိတ်တဆိတ်ထိုင်နေခဲ့သည်၊

ထိုတော့မှမြောင်မင်ကအနည်းငယ်နားလည်လာခဲ့သည်၊သူထင်ခဲ့သည်မှာ သူ၏မင်္ဂလာသတင်းကိုကြားတော့ အစ်ကိုဟယ်လည်းသူ၏ဆုံးရှုံးလိုက်ရသော

မင်္ဂလာပွဲတစ်ခုကိုပြန်တွေးကာ ၀မ်းနည်းနေခြင်းဖြစ်လိမ့်မည်။

၄င်းကိုတွေးမိတော့ သူသံသယ၀င်နေခြင်းကိုရပ်တန့်လိုက်သည်၊ ဤမိသားစုကားတည်ငြိမ်ပုံမပေါ်၊ အစ်ကိုဟယ်မှာ ပြိုင်စံရှားအောင်လှပါသော်လည်းသူချစ်သောသူနှင့်တော့အတူမရှိခဲ့ရချေ။ သနားစရာကောင်းလှသည်၊ အဆုံးမှာတော့ သူက အစ်ကိုဟယ်ထက်ပိုသာနေဆဲပင်မဟုတ်ပါလား၊

ထိုသို့သူများထက်သာသည့်ခံစားချက်မျိုး မခံစားစဖူးခံစားလိုက်ရပြီးနောက် မြောင်မင်ဖုံးကွယ်ရန်ပင်မစွမ်းသာတော့ချေ၊

"ဒါဆိုအစ်ကိုဟယ် ကျွန်တော်ပြန်တော့မယ်၊

နောက်လည်းမကြာခဏလာလည်ဦးမယ်"

မြောင်ဟယ်လည်း သူ့အားနှုတ်ဆက်လိုက်ပြီးမှ စိတ်သက်သာရာရစွာ သက်ပြင်းများချလိုက်မိလေသည်။

(နာမည်တွေက အကုန်မြောင်နေတော့ ကိုယ့်ဘာသာတောင်ရောချင်နေပြီ 😁)

Prev Next