MM Story Teller

Chapter 7

Viewers 8k

Chapters 99

🧝Chapter 7

သက်ပြင်းချ၍မဆုံးလိုက်ခင်မှာပင် ရန်သာ့လန်မှာ မည်းမှောင်နေသောမျက်နှာဖြင့်ပြန်ရောက်လာသဖြင့် သူနားမလည်ဖြစ်သွားမိသည်။

မြောင်မင်၏ခပ်တိုးတိုးစကားသံများကို ကြားသွား၍ပေလား၊

မြောင်ဟယ် သတိနှင့်တွေးလိုက်မိသည်။

သူကဂရုတစိုက်ဖြင့်အကြည့်ကိုရှောင်လွှဲလျက်

ရိုးအဟန်ဖြင့်ဆိုလိုက်သည်၊

"အစ်ကိုမင်ကို မမုန်းပါနဲ့၊ သူက ကျွန်တော့်ကိုကူညီချင်နေရုံပါ၊"

ပြီးတော့ဤသည်မှာ မြောင်ယွမ်ကိုတွေ့ရသည်မှာ ပထမဆုံးနှင့်နောက်ဆုံးအကြိမ်လည်းဖြစ်သွားနိုင်သည်၊ သူကယုံကြည့်မှုရှိစွာပင် တဖြည်းတဖြည်းချင်းရှင်းပြနေလိုက်သည်။

"ဟွန်း လူတိုင်း ကျွန်တော့်ကိုအပြစ်လုပ်ထားတဲ့သူလို တီးတိုးအတင်းတွေပြောကြတယ်၊ဒါပေမယ့် ကျွန်တော်လုပ်ခဲ့သမျှက ကျွန်တော့်ကိုကျွန်တော် တရားမျှတမှုရှာဖွေပေးချင်ခဲ့ရုံပဲ မြောင်ယွမ်က ကောင်းကင်ကိုမော့ကြည့်ပြီး ကျွန်တော့်ကို သစ္စာမဖောက်ခဲ့ဘူးလို့ ကျိန်ရဲသလား၊ သူ ကျွန်တော့်ကို ဘယ်လိုရယ်စရာ အကြောင်းပြချက်တွေများပေးနိုင်မလဲလို့ ကျွန်တော်သွားရှာခဲ့တာ"

သူမှားယွင်းခံရသည်တို့ကိုထုတ်ပြောပြီးသည့်နောက်

မြောင်ဟယ်မှ တခြားဘာကိုမှမဆိုတော့ပဲ တိတ်ဆိတ်နေခဲ့သည်၊ ထို့နောက်တွင် ခေါင်းကိုငုံ့လျက် အိမ်ထဲတိတ်တဆိတ်ပင်၀င်သွားခဲ့လေသည်။

သို့သော် သူခြေလှမ်းအများကြီးပင် မလှမ်းရသေးခင်

သူ၏နောက်ကျောမှာ ချွေးနံ့တချို့ဖြင့်ကျယ်ပြန့်ကာပူနွေးသော ရင်အုပ်ဖြင့်ဖက်တွယ်လိုက်ခြင်းကိုခံလိုက်ရလေသည်၊ သူကရုန်းဖယ်သော်လည်း

မရသောအခါ ကလေးငယ်ကဲ့သို့ပင် ရှေ့သို့မျက်နှာချင်းဆိုင်လျက်ရန်တွေ့ရန်ပြင်လိုက်သည်။

သို့သော်သူဘာမှမဆိုနိုင်ခင် ရန်သာ့လန်၏ သြရှရှဖြင့် နွေးထွေးသောအသံကိုကြားလိုက်ရလေသည်၊

"မင်းပြီးရင်သွားပြီးဆေးကြောလိုက်နော်"

မြောင်ဟယ်တိတ်ဆိတ်နေမိလေသည်၊

ရန်သာ့လန်ကမူ ကောကလေးကို ခုံပုလေးထံတွင် ပြန်ချထားပေးလျက် နောက်ဖက်သို့လျှောက်သွားခဲ့သည်၊

ထိုအခါမှ သူကသက်ပြင်းအသာချမိလေတော့သည်၊

သူကစကားလုံးများဖြင့်ရန်သာ့လန်ကိုမနာကျင်မိစေရန်အထူးသတိထားခဲ့သည်၊

ယခုလေးတင်သူပြောလိုက်သည်တို့မှာ အမှန်တစ်၀က် အမှားတစ်၀က်ပင်၊ သူက မူလကိုယ်အတွက် ဖြူစင်မှုကိုပြန်ယူပေးချင်ရုံသာ၊

မူလကိုယ်သည်လည်း မြောင်ယွမ်၏သစ္စာဖောက်မှုကိုမရေရာခဲ့သော်လည်း အကြောင်းပြချက်ကိုလိုချင်၍အကြိမ်ရေတော်တော်များများသွားရှာခဲ့ဖူးသည်၊ သို့သော် သူတို့နှစ်ဦးကြားမှစကားများကိုမူ မည်သူမှမသိခဲ့ချေ။

မူလကိုယ်သည်လည်း မြောင်ယွမ်နှင့် ထိပ်တိုက်တွေ့ခဲ့ပုံရသည်၊သို့သော်သူ့တွင်တော့ ဘာမှတ်ဥာဏ်မှမရှိတော့ချေ၊ထို့ကြောင့်ဤတစ်ခါ သူ့ကိုယ်ပိုင်ဇာတ်ညွှန်းကိုရေးလိုက်တော့မည်၊ဤနည်းဖြင့် အနာဂါတ်တွင်လည်း မြောင်ယွမ်နှင့် စည်းတစ်ခုခြားပြီးသားဖြစ်သွားချေမည်။

ဤသည်ကိုမှ ရန်သာ့လန်ကနားမလည်နိုင်သေးလျှင်

သူသည်ကား ရန်သာ့လန်နှင့်ပို၍ေ၀းကွာသွားပေလိမ့်မည်၊ ဦးထုပ်စိမ်းဆောင်းခံထားရရှာသော ရန်သာ့လန်သည်လည်း မူလကိုယ်အား မြောင်ယွမ်ကိုတွေ့ရန် အသည်းအသန်ဖြစ်နေခဲ့သည်အား ဒေါသထွက်မိပေလိမ့်မည်။

သို့သော်မူလကိုယ်၏မှတ်ဥာဏ်အရ ရန်သာ့လန်မှာ

ထိုလုပ်ရပ်များအား မသိချင်ယောင်ဆောင်လျက်

မျက်ကွယ်ပြုထားခဲ့သည်ပင်၊

ရန်သာ့လန်မှာ မြောင်ဟယ်အား သူ၏မိခင်နောက်ဆုံးဆန္ဒကိုဖြည့်ဆည်းရန်သာလက်ထပ်ခဲ့ခြင်းဖြစ်သည်။

ထိုလက်ထပ်ပွဲဖြစ်မြောက်သွားသည်မှာ မြောင်မိသားစုသည်လည်း အခက်အခဲတို့ကိုရင်ဆ်ုင်နေရချိန်ဖြစ်ကာ ခန်း၀င်ပစ္စည်းများလည်းလက်ဖွဲ့ရန်မလိုအပ်ခဲ့၍ပင်၊

ထို့ကြောင့်ပင် ရန်သာ့လန်၏မိခင်၏ရောဂါကိုကုသရန်အကြွေးများစွာတင်ထားသော ရန်မိသားစုမှာ စိတ်သက်သာရာရခဲ့ခြင်းဖြစ်သည်၊

သို့တိုင်အောင်သူ၏လုပ်ရပ်များအတွက် ရန်သာ့လန်မှာလက်မခံနိုင်အောင်ဖြစ်ခဲ့လိမ့်မည်၊

သည်းခံဖို့ရွေးချယ်ထားခဲ့ရုံသာ၊

ကြည့်ရသည်မှာ ရန်သာ့လန်ကသာလျှင် သူ၏မိခင်နောက်ဆုံးဆန္ဒအရ အတင်းအကြပ်လက်ထပ်ပေးခံထားရသည်နှင့်ပို၍တူနေခဲ့သည်။လက်ထပ်ပြီးသည့်နောက်တွင်လည်း မြောင်ဟယ်ကို ကောင်းကောင်းမွန်မွန်ဆက်ဆံပေးခဲ့သည်၊ မင်္ဂလာဦးညမှာပင် သူ့အပေါ်အခွင့်အရေးယူခဲ့သည်မျိုးမရှိခဲ့ချေ။

မူလမြောင်ဟယ်ကမူ ၄င်းကိုသံသယမ၀င်ခဲ့သော်လည်း၊

လက်ရှိမြောင်ဟယ်ကတော့ အနည်းငယ်မတွေးမိပဲမနေနိုင်ခဲ့၊ဤအဖြစ်အပျက်မျိုးမှာ ရင်းနှီးနေသလိုပင်၊

ရန်သာ့လန်တွင်လည်း မူလကိုယ်ကဲ့သို့ ရင်ထဲတွင်သိမ်းထားသော လရောင်ဖြူလေးတစ်ဦးရှိနေ၍ပင်လော၊ ထိုလရောင်လေးကိုမပိုင်ဆိုင်ခဲ့ရ၍ မိသားစုကစီစဥ်ပေးသူကိုနာခံစွာ လက်ထပ်ခဲ့ခြင်းလည်းဖြစ်နိုင်သည်။

ဤအတွေးဖြင့်ပင် မူလကိုယ်၏ဖောက်ပြားသော အပြုအမူတို့ကို ဂရုမစိုက်ပဲလျစ်လျူရှူထားခြင်းဖြစ်နိုင်လေသည်။

သူ၏မျက်၀န်းတို့တောက်ပသွားလျက်မှတ်ဥာဏ်တို့ထဲရှာဖွေကြည့်သော်လည်းမည်သည့်သဲလွန်စကိုမှမတွေ့ခဲ့ရတာ နှမြောစရာပင်၊ မူလကိုယ်မှာ ရန်သာ့လန်ကို အာရုံသိပ်မစိုက်ခဲ့ပေ။

သူ၏အတွေးများမဆုံးခင်၌ပင် ရန်သာ့လန်ကနောက်ဖေးတံခါးတွင် လာရပ်လျက် သူမြေဆွခဲ့ပြီးပြီဖြစ်ကြောင်း ကျင်းကိုချက်ချင်းတူးတော့မည်ဖြစ်ကာ

မည်သည့်နေရာတွင်တူးလိုသည်ကို ဂရုတစိုက်မေးလာခဲ့သည်။မြောင်ဟယ်ကမူ ရွံ့တံတိုင်း၏အပြင်ဘက်ကိုညွှန်ပြလျက် ထိုနေရာတွင်တူးပါက အနံ့ဆိုးများ အိမ်တွင်းသို့မ၀င်တော့ဟုပြောပြလေသည်။

ရန်သာ့လန်အလုပ်များနေစဥ်တွင် မြောင်ဟယ် အချိန်ကိုတွက်ကြည့်ရာ နေ့လည်စာစားချိန်ရောက်ပြီဖြစ်ကြောင်းသတိထားမိလိုက်သည်။

ဤဒေသတွင် တစ်နေ့၂နပ်သာစားသည်ကထုံးစံဖြစ်ပြီး ရန်သာ့လန်သည်လည်းထိုနည်းကိုလိုက်နာသည်သာ၊

သို့သော် မြောင်ဟယ်ကမူ အကျင့်ဖြစ်နေ၍လားမဆိုနိုင် အချိန်ရောက်သည်နှင့် ဗိုက်ကဆာလာခဲ့ပြီး၊

အလုပ်ပင်ပန်းထားသော ရန်သာ့လန်အတွက်ရော သူ၏ဟာနေသော၀မ်းဗိုက်ကိုဖြည့်ရန်ပါ၊စားစရာတစ်ခုခုပြင်ဆင်ချင်ခဲ့သည်။

ထို့ကြောင့်သူအခန်းတွင်းသို့ပြန်၀င်လျက်ဂျုံမှုန့်တချို့၊ ခေါက်ဆွဲသားတချို့နှင့် ဆားအနည်းငယ်

ဆီအနည်းငယ်ကိုထုတ်ယူလာခဲ့သည်။

ထိုဆီက၀က်ဆီတော့ဟုတ်ဟန်မတူ၊ ရန်သာ့လန်သားကောင်များထံမှထုတ်ယူလာခဲ့သည့်ဆီသာဖြစ်နိုင်သည်။ ထို့အပြင်အသားခြောက်များ၊

အချဥ်ဖောက်ထားသော အသီးအနှံတချို့၊

ဂျင်းအနည်းငယ် ကြက်သွန်ဖြူအနည်းငယ်နှင့်

အသီးအရွက်အနည်းငယ်သာလျှင်ရှိရာ ရန်သာ့လန်မှာမကြာခဏချက်ပြုတ်စားလေ့မရှိကြောင်းသိသာလှသည်။ ယခုရက်ပိုင်းစားသောက်နေသည့်ဟင်းတို့မှာလည်း ၀ယ်လာသည်မဟုတ်လျှင် ဒေါ်လေးရန်ထံမှာ လဲလှယ်လာခြင်းပင်ဖြစ်လေသည်။

မြောင်ဟယ်မှာချေးများမနေပဲ သူ့လက်ထဲတွင်ရှိသည့် အမယ်များဖြင့်သာ ချက်ပြုတ်ရန်ပြင်ဆင်လိုက်သည်၊ဂျုံအနည်းငယ်ခန့်ကိုခေါက်ဆွဲသားနှင့်ရောလျ

က်ရေအနည်းငယ်ထည့်ကာနယ်၍လှိမ့်လိုက်သည်၊ ထို့နောက်တွင် ဆားအနည်းငယ်နှင့်ဆီကိုပါထည့်၍

အလုံးလေးဖြစ်သည်အထိနယ်လိုက်ကာ ထိုရလာသည့်မုန့်သားကို စားပွဲပေါ်တွင်အကြိမ်အနည်းငယ်ခန့် နာနာရိုက်လိုက်သည်။ထို့နောက် သူမနက်တိုင်း ရေနွေးတည်၍သန့်စင်နေကြမီးဖိုကို ကျင်လည်စွာဖိုလျက် ဒယ်ပြားကိုမီးဖိုပေါ်တင်လိုက်သည်။

ဒယ်ပြားကိုအပူပေးနေစဥ်တွင် ဂျုံလုံးအား အပိုင်းကလေးမျိုးအဖြစ်အညီအမျှခွဲလိုက်ကာ လက်ဖြင့်သာဖိလျက် အပြားလေးများအဖြစ်ပုံသွင်းလိုက်သည်။

ထို့နောက် ဒယ်ပြားပူပူပေါ်တွင် ဆီကိုနှံ့အောင်သုတ်လျက် ထိုဂျုံပြားလေးများကို တင်လိုက်သည်။

ပို၍အကျက်မြန်စေရန် အလို့ငှာ ထိုဂျုံပြားလေးများအား အပြန်ပြန်အလှန်လှန် လှန်ပေးလျက် ရနံ့လေးကတဖြည်းဖြည်းသင်းလာတော့သည်၊

ဤမုန့်ကို ဂျုံထပ်တရာမုန့်ဟုလည်းခေါ်သည်ပင်၊

သင်းပျံ့သော ဂျုံရနံ့ ကသူ၏ဗိုက်မှအသံလေးများ မြည်လာစေသည်။ မြောင်ဟယ်မှာ သင်းပျံ့သော

ရနံ့ကို ငြင်းဆန်နိုင်စွမ်းမရှိစွာ တကိုက်ခန့်ကိုက်လိုက်ပြီးနောက် ကောင်းမွန်သောအရသာကြောင့်

မျက်လုံးကလေးများပင်မှေးစင်းလိုက်မိသည်။

ဤထပ်တရာမုန့်ကလေးများမှာ ဂျုံနှင့် ဆီအနည်းငယ်နှင့်ပြုလုပ်ထားသည်မို့ ဒေါ်လေးရန်၏ ပန်ကိတ်မာမာများထက်ပို၍နူးညံ့သာ အရသာရှိလေသည်။ အထူးသဖြင့် အိုးပေါ်ကချချချင်းစားလျှင် ပို၍တောင်အရသာရှိပေသေးသည်။

မြောင်ဟယ်မှာ သူ၏ပထမဆုံးလက်ရာကို ကျေနပ်နေမိသည်၊ မူလကိုယ်မှာ ရန်မိသားစုနှင့် ကောင်းမွန်သော ဆက်ဆံရေးကိုတည်ဆောက်ချင်စိတ်မရှိခဲ့၊

အတင်းအကြပ်လက်ထပ်ပေးခံရပြီးနောက် စိတ်ညစ်ညစ်နှင့် ဒေါ်လေးရန်၏ မာကြောသောပန်ကိတ်များကို ကိုက်၀ါးနေရုံသာတတ်နိုင်ခဲ့သည်။

သူသည် ဆာဆာနှင့် ထပ်တရာ၃ချပ်ခန့်ကို တထိုင်ထဲစားသောက်လိုက်ပြီးနောက် ဗိုက်ပြည့်ပြီဟုခံစားရသောအခါ၊ ၀ါးခြင်းတောင်းလေးထဲ ပူပူနွေးနွေး ထပ်တရာမုန့်များကိုထည့်ထားသည့် ပန်းကန်ပြားကိုထည့်လျက် ရေဆွတ်ထားသောပု၀ါလေးကိုလည်းထည့်ကာ ခြင်တောင်းလေးသယ်၍ တစ်စုံတစ်ဦးကိုရှာဖွေလိုက်မိသည်။

အပြင်ဘက်တွင်တော့ ရန်သာ့လန်မှာ လူတစ်ရပ်စာနီးပါးတွင်းတစ်တွင်းကိုတူးပြီးချေပြီ၊မြောင်ဟယ်မှာ ခြင်းတောင်းကိုဆွဲလျက်ရောက်လာသည်ကိုမြင်လျှင် လုပ်လက်စကိုရပ်လျက် မျက်မှောင်ကျုံ့လိုက်မိသည်၊

"ဘာကိစ္စလဲ"

လေသံမှာအဆင်ပြေသေးသည်ဟူသောအဓိပ္ပါယ်ပင်၊ သူလမ်းများများလျှောက်မနေ၍ရသေးသည်။

မြောင်ဟယ်ကလက်ထဲမှ ခြင်းတောင်းကိုမြှောက်ပြလျက် " ထပ်တရာမုန့်တွေလုပ်လာတယ်၊ အခုလေးတင် ဗိုက်ဆာနေလို့လေ၊ဒီကိုလာပြီး နည်းနည်းစားလိုက်"

ရန်သာ့လန် နှုတ်ဆိတ်သွားလျက် ပေါက်ပြားကိုပစ်ချကာ တူးလက်စတွင်းထဲမှ အသာအယာခုန်တက်လာခဲ့သည်၊ ထို့နောက် မြောင်ဟယ်၏လက်ထဲမှခြင်းတောင်းကိုကူမဆွဲခင် လက်များကို ကိုယ်ပေါ်၌အရင်ဆုံးပွတ်သုတ်လိုက်လေသည်။

အပင်အောက်တွင် ကျောက်တုံးကြီးတစ်တုံးရှိနေတာ ရန်သာ့လန်ကသူ့အားထိုမှထိုင်ရန်ညွှန်ပြလာသည်မို့ သူလည်းထိုင်ချကာ ခြင်းတောင်းလေးပေါ်မှ အဖုံးကိုလှပ်လိုက်လေသည်။ ထို့နောက်တွင်ရေဆွတ်ထားသော ပု၀ါအားကမ်းပေးလိုက်သည်။

"လက်ကိုအရင်သုတ်လိုက်ဦး"

ရန်သာ့လန်မှာခတ္တမျှသာတန့်သွားလျက် ပု၀ါကိုယူ၍သန့်စင်အောင်သုတ်လိုက်လေသည်။ မြောင်ဟယ်က ထပ်တရာမုန့်ကလေးများကိုထည့်ထားသည့် ပန်းကန်အား သူ့ထံကမ်းပေးလိုက်သည်၊

ရန်သာ့လန်တစ်ခုယူလျှင် သူသည်လည်း တစ်ခုထပ်မံယူစားလိုက်သည်။

"ဂျုံမှုန့်နဲ့ ဆီလေးနည်းနည်းနဲ့လုပ်ထားတာ"

နည်းနည်းပိုသုံးမိသွားတယ်ဆိုပေမယ့်

အနာဂါတ်မှာငါကအသီးအရွက်တွေရောင်းပြီး အလုပ်ဖြစ်လာတော့မှာပဲလေ၊

သို့အတွေးနှင့် သူက အိမ်အသုံးစားရိတ်စီမံခန့်ခွဲခြင်းတွင်ပို၍ ယုံကြည်မှုရှိလာတော့သည်၊

မီးဖိုချောင်သို့၀င်လျက် ချက်ပြုတ်ရုံဖြင့် ရန်သာ့လန်၏ သံသယကိုနှိုးဆွနိုင်မည်ဟုတော့မထင်ချေ၊

မူလကိုယ်မှာ ချက်ပြုတ်စားသောက်ခြင်းမရှိသော်လည်း ကောတစ်ယောက်အနေဖြင့် ထိုချက်ပြုတ်ခြင်းများကိုမတတ်ဟုမဆိုလိုပေ။

ရန်သာ့လန်မှာလက်ထဲမှ မုန့်ကို အလျင်အမြန်အပြီးသတ်လိုက်ပြီးနောက် ခြင်းထဲမှနောက်တစ်ခုကိုထပ်ယူလိုက်သည်။၄င်းမှာ "မင်းဆန္ဒရှိသလိုလုပ်"ဟူသော သဘောထားကိုအပြည့်အ၀ပေါ်လွှင်နေခဲ့သည်။

တဖက်လူကကောင်းကောင်းမွန်မွန်အရသာရှိရှိစားသောက်နေသည်ကိုမြင်သောအခါ သူ၏စိတ်အခြေအနေမှာပိုကောင်းလာခဲ့သည်။

"တွင်းကလူတစ်ရပ်စာမြင့်ရမှာဆိုတော့

ခင်များဘယ်လိုလုပ်မလဲ ပြန်ထွက်ရလွယ်ပါ့မလား"

"အောက်ခြေမှာ ခြေနင်းတစ်ခုလောက်ကြိုးနဲ့ချည်ပြီးချထားရင် အသာလေးပြန်ထွက်လို့ရပါတယ်"

"သိပြီ၊ ဒါနဲ့ကျွန်တော့်ခြေထောက်ကဆေးစည်းထားတာ မနက်ဖြန်ခွာလို့ရပြီမလား၊ ကျွန်တော်ခင်များနဲ့အတူတောင်ပေါ်ကိုလိုက်ပြီး တွင်းထဲဖြည့်ဖို့အရွက်ခြောက်တွေကောက်ချင်တယ် ရမလား"

၄င်းအပြင်ကိုအနာဂါတ်တွင် မြေဆီလွှာပေါ်စိုက်ရန် အသီးအနှံတချို့ရောရှိမည်လားရှာဖွေကြည့်ချင်သည်။

ရန်သာ့လန်ကမူခေါင်းကိုအသာခါလျက်

"သဘက်ခါမှပဲ"

'ဦးလေးလင်းက ဒဏ်ရာသက်သာရန်မှာ သုံးလေးရက်ခန့်တော့လိုကြောင်းဆိုခဲ့ကာ အနီးစပ်ဆုံးယူရလျှင် လေးရက်တော့ အနားယူသင့်သည်ဟု ရန်သာ့လန်က တွေးနေခဲ့သည်'

"ဒါပေမယ့်ကျွန်တော့်ခြေထောက်ကနာမနေတော့ဘူးလေ " မြောင်ဟယ်က ရန်သာ့လန်ကိုစည်းရုံးရန်ကြိုးစားလိုက်သည်၊

"လေးရက်ပြည့်အောင်နားရမှာ၊ မင်းအပြင်ထပ်ထွက်လို့ ဒဏ်ရာထပ်ဖြစ်ရင် ဆေးကုတာနဲ့ပိုက်ဆံကုန်ဦးမှာ၊ လေးရက်မတိုင်ခင်အထိ နေမှရမယ်"

မြောင်ဟယ်မှာအကြောင်းပြချက်ကြီးအား ဆွံ့အသွားရသည်၊ရန်သာ့လန်၏မျက်နှာမှာ အမူအယာမဲ့နေသော်လည်း သူကလူ၏မျက်နှာကိုဖတ်ရသည်တွင် အတော်ပါရမီရှိသည်မို့ တခြားအကြောင်းပြချက်တစ်ခုကိုထုတ်သုံးရန်ကြိုးစားလိုက်ပြန်သည်။

"ကောင်းပြီလေ ရက်နည်းနည်းတော့ ထပ်နားလိုက်ဦးမယ် ဒါပေမယ့်အနာဂါတ်မှာ ကျွန်တော်ခင်များနဲ့အတူတောင်ပေါ်လိုက်မှာနော်၊မနက်ဖြန်တော့ ခင်များကို သစ်ရွက်ခြောက်လေးတွေကောက်လာပေးဖို့ဒုက္ခပေးရဦးမယ်၊"

ရန်သာ့လန်ကသဘောတူလာလျှင် မြောင်ဟယ်အလွန်ပျော်ရွှင်သွားခဲ့သည်၊မနက်ဖြန်ရန်သာ့လန်တောင်ပေါ်သွားနေချိန်တွင် သူကအိမ်မှာမရှိသလိုဟန်ဆောင်၍ အသီးအရွက်မျိုးစေ့တချို့ကိုစိုက်ပျိုး၍ရပေလိမ့်မည်၊

မနက်ဖြန်ရန်သာ့လန်အိမ်ကစထွက်ချိန်တွင် ထိုအစေ့များမှာမသိမသာအညှောင့်စပေါက်နေမည်ဖြစ်ပြီး

သူပြန်ရောက်လာသည်နှင့် ရိတ်သိမ်းရန်အသင့်ပင်ဖြစ်နေချေလိမ့်မည်။

"ကျွန်တော်ဗိုက်မဆာတော့ဘူး ခင်များပဲစားလိုက်တော့" သူက ထပ်တစ်ရာမုန့် ၈ခုလုပ်ခဲ့သည်ဖြစ်ကာ

လေးခုကိုသူ့ဘာသူစား၍ ကျန်သည်တို့ကိုတော့ ရန်သာ့လန်က အပြီးသတ်လိုက်သည်၊ မြောင်ဟယ်၏မျက်နှာလေးမှာတော့ စိတ်ကျေနပ်မှုကြောင့်တောက်ပနေလေသည်။

ထို့နောက်တွင်ရန်သာ့လန်မှာ တူးလက်စတွင်းကိုဆက်တူးကာအပြီးသတ်လိုက်ပြီး မြောင်ဟယ်ညွှန်ကြားခဲ့သည့်အတိုင်း၄င်းအပေါ်က သူ၏အားတိအိမ်မှရသည့်သစ်တိုစများဖြင့်ဖုံးအုပ်လိုက်သည်။

ထိုအချိန်တွင် မြောင်ဟယ်ကတော့ နောက်ဖေးကိုလစ်ထွက်လျက် မျိုးစေ့များကိုယူကာ စိုက်ပျိုးရန်ပြင်ဆင်နေခဲ့သည်၊သို့သော် သူစိုက်ပျိုးခါနီးမှ ရန်သာ့လန်ကသူ့အား ဘယ်အစေ့ကဘာပင်ဆိုသည်ကို မပြောပြထားမှန်းသတိရမိသွားရသည်။

သို့သော်မြောင်ဟယ်ကမူသူ့ကိုယ်သူနှစ်သိမ့်လိုက်သည်၊

ဘာပဲဖြစ်ဖြစ်လေ တစ်မျိုးကိုတနေရာဆီပျိုးလိုက်လည်းရတာပဲ၊ မနက်ဖြန်ကျရင်ငါ ဘာအသီးအနှံတွေကို ရိတ်သိမ်းမလဲ ရင်ခုန်ရတာပေါ့

အခန်းထဲသို့ပြန်ရောက်သောအခါ သူ့တွင်လုပ်စရာထွေထွေထူးထူးမရှိကြောင်းတွေးမိသည်နှင့် နောက်ထပ် ထပ်တရာမုန့်တချို့ပြုလုပ်ခြင်းဖြင့်ပင်

အဆုံးသတ်သွားခဲ့သည်၊

ထိုမုန့်များကို သူ့ဘာသာသူတစ်ညလုံးထိုင်စားရင်လည်းရသလို ရန်သာ့လန်မှတဆင့် ဒေါ်လေးရန်ထံမှ ကြက်ဥတချို့နှင့်လဲလှယ်ကာ ညစာအဖြစ် လက်ကျန် ထပ်တရာတို့နှင့်ရောကျော်လိုက်လျှင်လည်းရသည်ပင်၊

အတွေးတွင်နစ်မြောနေမိစဥ် နောက်ဖေးဆီမှအသံကြား၍ ရန်သာ့လန်တွင်းတူးရာမှပြန်လာပြီဖြစ်ကြောင်းသိလိုက်လေသည်၊ သူကလက်ကိုအ၀တ်တစ်စဖြင့်ပွတ်သုတ်လိုက်ပြီးမှ ထိုသူကိုတွေ့ရန်သွားခဲ့သည်၊ သို့သော်ပြတင်းပေါက်ထံလှမ်းကြည့်မိစဥ်တွင် မူလကမြေဆွထားရုံအပြင် ဘာမှမရှိသော နောက်ဖေးကွက်လပ်မှာ လတ်ဆတ်သော သီးနှံပင်တို့ဖြင့် ပြည့်နှက်နေသည်ကိုလှမ်းမြင်လိုက်မိတော့လျှင်

အထိတ်တလန့်ဖြင့် ကျိန်ဆဲလိုက်မိသည်၊

'ဒီလောက်မြန်မြန်ကြီး ကြီးထွားနေလို့ဘယ်လိုဖြစ်မလဲ'

မြောင်ဟယ်မှာ အလန့်တကြားဖြင့်လက်နှင့်ခုံစောင်းကိုတိုက်မိလျှင် သက်ပြင်းကိုအသာရှိုက်မိရသည်၊ ရန်သာ့လန်၏ခြေသံမှာတဖြည်းဖြည်းနီးကပ်လာသည်နှင့်အမျှ သူ၏ခြေထောက်မှ ဂျယ်လီလို

ပျော့ခွေလာရတော့သည်၊

အခုတော့ ရန်သာ့လန်ကသူ့အား စိမ်းလန်းနေသော ကြက်သွန်မြိတ်များကိုကြည့်၍မေးလာလျှင် မည်သို့ဖြေရတော့ပါမည်နည်း၊ အခန်းထဲတွင်ပါတ်လည်လျှောက်လျက် သူ၏ခေါင်းများပူထူလာခဲ့သည်၊

Prev Next