MM Story Teller

Chapter 198

Viewers 32k

🦊Arc 13 [စွမ်းအင်ကျောက် လက်မှုပညာရှင်]

Chapter 198

13.5

ဇာတ်လိုက် gong သည် ကလေးဘဝတည်းမှ အတော်လေးကောင်းမွန်သည့်ပုံရိပ်ရှိပေ၏။

"ဟယ်လို...သခင်ငယ်လေးဟယ်လန်..ဗိုလ်မှူးမော့ရှီး...ပထမအလွှာရဲ့ သက်တော်စောင့်က မြို့စားအမိန့်အရ သခင်ငယ်လေးကို လာကြိုရခြင်းပါ..."

အနှီသူသည်ရွှယ်လင်ကို စစ်အရာရှိတစ်ယောက်၏ စံအတိုင်းနှုတ်ဆက်လာသည်။ မတ်မတ်ရပ်နေပြီး သန်မာတောင့်တင်းသည့်ခြေအစုံက စစ်တပ်အဝတ်အစားနှင့် ကွက်တိကျနေကာ တစ်ခါကြည့်လိုက်ရုံဖြင့် ပုံမှန်ထက်ပိုမိုလှပသော သားရဲလူသားတစ်ယောက်အသွင်မြင်ရနိုင်သည်။

ရွှယ်လင်က ခေါင်းညိတ်ပြလိုက်၏။ "ကျွန်တော်က ဟယ်လန်ကျို့ယွင်ပါ..ခင်ဗျားကျွန်တော့်ကို ဟယ်လန် ဒါမှမဟုတ် ကျို့ယွင်လို့ ခေါ်လို့ရပါတယ်...သခင်ငယ်တို့...ဘာတို့က...နားထောင်ရတာတစ်မျိုးကြီးပဲ.." သူ့ပုံစံက ရှက်နေပုံရသော်လည်း တစ်ဖက်လူကို အင်မတန်စိတ်ပေါ့ပါးစေသော ခံစားချက်မျိုးပေးနေ၏။

မော့ရှီးမှာ စိတ်သက်သာရသွား၍ သက်ပြင်းချလိုက်မိသည်။ ရွှယ်လင်က ဆက်ဆံရခက်သူမဟုတ်မှန်း သူပြောနိုင်သွားသည်။ မတိုင်ခင်ကခံစားချက်များက ဖြည်းဖြည်းချင်းလျော့ပါးသွားပြီး သူ့ခံစားချက်များက ပိုမိုပျော့ပျောင်းလာခဲ့၏။

အမှန်ပင်။ မော့ရှီးက ဤဇာတ်လမ်း၏ gong ဖြစ်နေသည်။ သူ၏တိရစ္ဆာန်အသွင်က ကျားဖြစ်ကာ တိုက်ခိုက်မှုပါဝါက အလွန်မြင့်မား၏။ မိသားစုနောက်ခံနှင့် ထပ်ပေါင်းလိုက်ပါက မည်သည့်နေရာကပင်ကြည့်ပါစေ ထိပ်ဆုံးတွင်ရှိနေပြီး သူ့အသက်အရွယ်အရ ပထမအလွှာမှသူ၏ရာထူးနေရာက ဂုဏ်တက်စေမည်မှာ ပြောစရာပင်မလိုတော့။ သူသည် ပထမအလွှာမှ ထွက်ခွာလာခဲ့ပြီး စစ်ဌာနချုပ်ကို ပြန်လာခြင်းက သူ၏လက်ရှိအနေအထားကို ပိုတိုးတက်လာစေခဲ့သည်။

သို့သော် ဇာတ်လမ်းတစ်ဝက်အရောက်တွင် မော့ရှီးမည်မျှပင် မြင့်မြင့်တက်ပါစေ၊ ပထမအလွှာကို ခေါင်းငုံ့နေရဆဲ။ သူ့အတွက် ဤမျှငယ်ရွယ်သည့်အသက်ဖြင့် အရည်အချင်းရှိသောလူများဝိုင်းနေသော ပထမအလွှာတွင် ဗိုလ်မှူးနေရာရလာခြင်းက သူ၏ထိပ်တန်းကြံ့ခိုင်မှုကိုဖော်ပြနေခြင်းပင်။

ယင်းကြောင့်ပင် ရွှယ်လင်သည် မော့ရှီးကသူ့လူဖြစ်နေမည်လားဟု သံသယဝင်နေရခြင်းဖြစ်၏။ ထိုလူက ယခုလို အခွံလွတ်ဇာတ်ကောင်ပုံစံကို သဘောကျပုံရသည်။

အဝတ်အစားလဲလှယ်ပြီးနောက် ရွှယ်လင်သည် သူကိုယ်တိုင်ထုပ်ပိုးထားသည့်အဝတ်အစားအိတ်အသေးလေးကို ကမ်းပေးလိုက်ပြီး ထွက်ခွာရန်အသင့်ပြင်၏။

သည်ရက်ပိုင်း ဆေးရုံတွင်နေထိုင်ခဲ့ရသည့်အချိန်အတွင်း ဆေးရုံမှဆရာဝန်နှင့် သူနာပြုများပင်ဖြစ်စေ၊ သူ့ထံလာလည်သော ဆရာသခင်ကာကွယ်ရေးအဖွဲ့အစည်းမှ လူများပင်ဖြစ်စေ၊ သူ့အတွက် ပစ္စည်းမနည်းမနောကို ယူလာပေးခဲ့ကြ၏။ ရွှယ်လင်မှာ အကုန်လုံးကိုတစ်ခါတည်း မသယ်နိုင်သောကြောင့် သည်မနက်ပိုင်းမှာပင် အနားမှအဘိုးအဘွားများကို ဝေပေးလိုက်ရသည်။ ကျန်သည့်ပစ္စည်းများကိုယူသွားပြီး အားလုံး၏တွေးပေးမှုနှင့် ဂရုစိုက်ပေးမှုတို့ကို ကျေးဇူးတင်ကြောင်းပြသလိုက်၏။ အဝတ်အစားများကြားတွင် ဆရာသခင်များအတွက်အသုံးဝင်မည့် ပစ္စည်းအများအပြားရှိနေလေသည်။

ဆေးရုံဝန်းမှအထွက်၌ ရွှယ်လင်သည် အပြင်မှ လူအုပ်ကြီးကိုမြင်လိုက်ရ၏။ ၎င်းတို့ကသူ့အား လိုက်ပို့ပေးကြမှန်းသိလိုက်ပြီးနောက် မော့ရှီးနှင့်စကားအနည်းငယ် ပြောလိုက်ရာ မော့ရှီးကသူ့အား နှုတ်ဆက်ခွင့်ပေးလိုက်သည်။

ထို့ကြောင့် နောက်ထပ် မခွဲနိုင်မခွာရက်နှုတ်ဆက်မှုကဖြစ်လာပြန်သည်။

ရွှယ်လင်သည် ချစ်စရာကောင်းသော ကြာပန်းဖြူလေးအဖြစ် သရုပ်ဆောင်နေချိန်တွင် စင်းလုံးချောဖြစ်နေသည်။ လူတိုင်း တစ်ခါလေးကြည့်ရုံနှင့် သူကစိတ်ရင်းကောင်းပြီး သဘောကျချင်စရာကောင်းလောက်အောင် သန့်စင်ကာ လူတိုင်းသဘောကျရလောက်သည့် အသွင်ဖြစ်နေခဲ့၏။ ဤသို့သော အကူအညီသေးသေးလေးပေးသူများကိုပင် မှတ်မိရန်လွယ်ကူသည့်သူက ဤနေရာမှခွဲခွာရသည့်အခါ သူ့ဘဝကဇောက်ထိုးမိုးမျှော်ဖြစ်သွားလျှင်ပင် သည်နေရာမှ သာမန်လူများ၏ကျေးဇူးကို သူမေ့သွားမည်မဟုတ်ပေ။

မော့ရှီးအနေဖြင့်လည်း ယခုကဲ့သို့သောဆရာသခင်မျိုးက အနားမှလူများကို ချဥ်းကပ်ရလွယ်သလိုခံစားရစေ၏။

သို့သော် ယခုလိုချစ်စရာကောင်းသည့်ကလေးက ယနေ့မှစပြီး မြို့စားကြီး၏ မွေးစားသားလေးဖြစ်လာမည်ဟု တွေးလိုက်မိသည့်အခါ မော့ရှီးမှာ စိတ်မထိန်းနိုင်အောင်တုန်ယင်သွားရပေ၏။ မြို့စားမင်းကြီးက အဖေအဖြစ်နှင့်ဆိုလျှင်....ယာယီသမက်အနေနှင့်ပင် ယခုလိုအဖေမျိုးက ကြောက်စရာအကောင်းဆုံးဖြစ်လိမ့်မည်။ အနှီ ဆရာသေးသေးလေးအပေါ် ဖြစ်ပေါ်လာမည့် သံယောဇဥ်အပေါ်မူတည်ပြီး သူ့နောက်လိုက်သည့် မည်သူမဆို သေလောက်သည်အထိ အရိုက်ခံရသည့်အနေအထားအထိ ဖြစ်သွားနိုင်သည်မဟုတ်လား....။

သူတို့တွေ့ပင်မတွေ့ရသေး၊ သို့သော် မြို့စားက ဆရာသခင်၏အဖေအဖြစ် တာဝန်ယူထားနှင့်ပြီ...မြို့စားမင်းကတကယ်ကို...လူကိုပြောစရာစကားပင်မရှိအောင်ပင် လုပ်တတ်သည်လေ....

ရွှယ်လင်ကဆေးရုံမှလူများနှင့် သူ့အားလိုက်ပို့သည့် ဆရာသခင်ကာကွယ်ရေးအဖွဲ့မှလူများကို တစ်ယောက်ချင်းနှုတ်ဆက်ကာ မော့ရှီးအနောက်မှနေ စစ်လေတပ်စခန်းသို့ လိုက်လာလေသည်။

ယခုလို သယ်ယူပို့ဆောင်ရေးယာဥ်ဖြင့် သူ့အားပို့ပေးခြင်းက ပထအအလွှာက မြို့စားကြီး စိတ်မတိုလောက်ဘူးလား..။

မြို့စားက ရွှယ်လင်အားမွေးစားလိုက်သည့်ကိစ္စကို မြို့စားအိမ်တော်အပြင်ဘက်မှလူများနှင့် ဆရာသခင်ကာကွယ်ရေးအဖွဲ့မှလူများမှာ မသိကြသေး။ ဆေးရုံမှ ဆရာဝန်နှင့်သူနာပြုများပင် မွေးစားသည့်လူကို သေချာမသိကြသေး၊ ထို့ကြောင့် ယခုလိုခမ်းနားသည့်ပုံစံကို မြင်ကြရသည့်အခါ စစ်ဖက်ဆိုင်ရာဌာနမှအကျော်အမော်များက ပုံမှန်အတိုင်း ကြီးကျယ်သည့်ပုံစံကိုပြချင်၍ဟုပင် ထင်မြင်လိုက်ကြသည်။

ထို့အပြင် ထိုသို့ ကြီးကြီးကျယ်ကျယ်ပြသရခြင်းကို ကြိုက်နှစ်သက်သော စစ်ဌာနချုပ်မှလူများကလည်း ထိုသို့သော ဗိုလ်မှူးယာဥ်များကိုထုတ်လာပြီး စီးပြကြတော့သည်။ ထိုသို့ပျံသန်းသည့် ယာဥ်များကို အရွယ်အစားကြောင့် နေရာကန့်သတ်ထားကြောင်း နားလည်ထားရပေမည်။ ၎င်းတို့ကို အရေးကြီးတာဝန်ပေါ်မှသာ ထိန်းသိမ်းနိုင်ရန် ထိုယာဥ်များကို ထုတ်သုံးကြရသည်။

ရွှယ်လင်: "....." မဟုတ်ဘူးလေ၊ ဒါက မြို့စားမင်းရဲ့ အသစ်စက်စက် မွေးစားသားလေးကို အိမ်ပြန်ပို့ဖို့သုံးတာ...

*****

မြို့စားမင်းအိမ်တော်က ကြယ်မြို့တော်၏မြောက်ပိုင်းနှင့်နီးပြီး နန်းတော်နှင့်လည်း အလွန်နီးသည်။ တကယ်တမ်းတွင် ယင်းက တော်ဝင်မင်းသမီး၏နန်းဆောင်ဖြစ်သည်၊ တော်ဝင်မိသားစုက ယင်ကျားကိုရိုက်ချပြီး သူ့ရာထူးကို ရရန်စီစဥ်ထား၍မဟုတ်၊ယင်ကျားက မြို့စားမင်းအိမ်တော်နှင့် တော်ဝင်မင်းသားစံအိမ်ကို သွားလိုက်ပြန်လိုက်လုပ်ရန် ပျင်းလွန်းသောကြောင့် မြို့စားမင်းအိမ်တော်ကို ပြောင်းရွှေ့လာခြင်းဖြစ်သည်။

မြို့စားမင်းအိမ်တော်သည် အင်မတန်ကျယ်ဝန်း၏။ အိမ်မကြီးတစ်လုံးနှင့် ထပ်ပေါင်းလိုက်ပါက အခြားအိမ်သုံးလုံးက အိမ်မကြီးကို ရံထားသလိုထင်ရသည်။ အိမ်တော်တစ်ခုလုံးက ခမ်းနားသော်ငြား ဤအိမ်တွင်မြို့စားမင်းတစ်ယောက်တည်းသာနေထိုင်သည်။ စစ်ပွဲဖြစ်လာတိုင်း စစ်ကြောင်းများက ဤနေရာတွင် စခန်းချကြပြီး ပထမအလွှာ၏စုဝေးပွဲကိုလည်း ကျင်းပတတ်သည်။ အဆောက်အအုံများကို အမျိုးမျိုး အသုံးချတတ်သော်လည်း နေထိုင်ဖို့ရာကြီးမားလွန်းသည်။

ရွှယ်လင်သည် ယာဥ်ပေါ်တွင်ထိုင်ကာကြည့်လာခဲ့ပြီး ယာဥ်ကဂိတ်အဝအထိ ဖြတ်မောင်းလာခဲ့သည်။ ယာဥ်ကို ခြံဝန်းအရှေ့မှ အထူးယာဥ်ရပ်သည့်နေရာတွင် ရပ်နားလိုက်၏။ ယာဥ်ရပ်နားသည့်နေရာတွင် ချန်ထားသည့်နေရာအလွတ်ကို အခြေခံရလျှင် ယာဥ်ဘေး၌ အခြားသောယာဥ်များ ရပ်ထားနိုင်ရန် အခက်အခဲမရှိချေ။ ရွှယ်လင်သည် သူ၏ယာဥ်ကိုပင် ဤနေရာတွင်ရပ်နိုင်လိမ့်မည်ဟု စိတ်ကူးမိနေသေးသည်။

မော့ရှီးကအရှေ့မှလမ်းပြနေကာ ရွှယ်လင်က ယာဥ်ပေါ်မှ ဆင်းလိုက်သည်။ ယခုလို ယာဥ်စီးရခြင်းက သူ့အတွက်ပထမဆုံးအကြိမ်ပင်၊ သို့သော်လည်း ပျာယာနေခြင်းမျိုးမရှိလေရာ မော့ရှီး၏သူ့အပေါ်သဘောထားကို ပိုကောင်းလာစေခဲ့သည်။

ယာဥ်အောက်တွင် အိမ်တော်ထိန်းကြီးက သူတို့ကို စောင့်ဆိုင်းနေခဲ့၏။ သူမသည် ရွှယ်လင်နှင့် ဆက်ဆံရန်တာဝန်ရှိပြီး အနာဂတ်သခင်ငယ်လေးနှင့်လည်း ဗီဒီယိုထဲတွင်မကြာခဏစကားပြောခဲ့ကြဖူးသည်။ ရွှယ်လင်မှာ ယာဥ်ပေါ်မှဆင်းလိုက်သည်နှင့် အိမ်တော်ထိန်းက အမြန်ပြေးလာသောကြောင့် ဆံပင်များပွသယောင်းသွားရသည်။

မြို့စားမင်းအိမ်တော်၏အထိန်းတော်အိုကြီးသည်ကား ယင်ကျား၏အမေဖြစ်သူနှင့် ရင်းနှီးသည့် မိတ်ဆွေတစ်ယောက်ဖြစ်၏။ ငယ်ရွယ်စဥ်အခါက အင်ပါယာအတွက် ရှာမှရှားသည့် သားရဲဗိုလ်ချုပ်တစ်ယောက်ဖြစ်ခဲ့ဖူးသော်လည်း မတော်တဆမှုက သူမကိုတိရစ္ဆာန်အသွင် မပြောင်းပေးနိုင်တော့ဘဲ အငြိမ်းစားယူလိုက်ရ၏။

ထိုအချိန်တွင် ယင်ကျားက ဗိုလ်မှူးနေရာရသွားပြီး သူမသည်လည်းအိမ်တော်၏ အိမ်တော်ထိန်းအဖြစ်တာဝန်ယူခဲ့သည်။ တစ်သက်လုံးလက်မထပ်ခဲ့သည့်တိုင် သူမဘဝက ပျော်စရာကောင်းခဲ့သည်။ ယင်ကျားအမေ ဆုံးပါးသွားသည်မှာ နှစ်ပေါင်းများစွာ ကြာခဲ့ပြီးဖြစ်သော်လည်း သူမသည်ကား ယခုအချိန်အထိ ကျန်းကျန်းမာမာ အသက်ရှင်နေသေးသည်။

သူမက အသက်ကြီးနေပြီဖြစ်သော်လည်း သူမ၏အသက်နှင့်ပင် မလိုက်ဖက်လောက်အောင် နုပျိုနေဆဲပင်၊

ရွှယ်လင်မှာ သူမရင်အုံကြောင့်အသက်ရှူပင်ကျပ်သွားရကာ မျက်နှာပင်နီမြန်းနေပြီး နောက်ဆုံးမှ ပုံမှန်ပြန်ဖြစ်သွားလေသည်။

"သခင်ငယ်လေး..ကျွန်မကမြို့စားအိမ်တော်က မုရှီးပါ..ကျွန်မတို့ ဗီဒီယိုနဲ့ခေါ်ပြီးစကားပြောကြတုန်းကလည်း တွေ့ဖူးကြပါတယ်...ဒီနေ့ကစပြီး ကျွန်မကသခင်လေးဂရုစိုက်ပေးမှာပါ...နောင်ကျရင် ကျွန်မကိုအစ်မမုလို့ခေါ်ပါ...နားလည်ပါပြီလား.."

ရွှယ်လင်က အသက်အဝရှူလိုက်ကာ စိတ်ရှုပ်ထွေးနေသည့်မျက်နှာဖြင့် ခေါင်းညိတ်ပြလိုက်ရ၏။

"အစ်မမု..."

ဘေးတွင်ရပ်နေသောမော့ရှီး: "....." သနားဖို့ကောင်းလိုက်တဲ့ကလေးရယ်၊ မင်းဘာမှမသိသေးပါဘူး၊ မင်းတော့ အစ်မမုက ဂျင်းထည့်တာခံလိုက်ရပြီ..သူမအသက်အရွယ်နှင့်သာဆိုလျှင် မော့ရှီးပင် အဘွားခေါ်ရတော့မည်။

ရွှယ်လင်၏ စိတ်ရှုပ်နေသောမျက်နှာကြောင့်ဖြစ်နိုင်သည်၊ မုရှီးမှာ ချက်ချင်းသဘောကျသွားရ၏။ သူမသည် ရုတ်တရက်ရွှယ်လင်ကိုဆွဲကာ သူမ၏ရှပ်ပြေးယာဥ်လေးပေါ် တွန်းပို့လိုက်သည်။ မြို့စားအိမ်တော်က ကျယ်လွန်းပြီး ရှပ်ပြေးယာဥ်လေးဖြင့် သွားရန်လို၏။

"သွားရအောင်..မြို့စားကညစာစားချိန်အထိပြန်ရောက်မှာမဟုတ်ဘူး..မင်းရဲ့အစ်မမုကမင်းကို အိမ်တော်တစ်ခုလုံးလိုက်ပြပေးမယ်..."

ရွှယ်လင်က လက်ကိုအကြောဆန့်ကာ နာကျင်နေဟန်ဖြင့်ဆိုလေသည်။ "ဒါပေမဲ့..ကျွန်တော့်အိတ်တွေ...."

"မပူပါနဲ့...ငါသယ်သွားခိုင်းလိုက်မယ်...မင်းငါ့နောက်ကိုပဲလိုက်ခဲ့..."

သူမကတစ်ဖက်လှည့်ပြီး ရွှယ်လင်နှင့် သွားတော့မည့်အချိန်မှ မော့ရှီးကိုတွေ့သွားလေသည်။ "ရှောင်မော့ရှီး! ပြန်သွားပြီး မြို့စားကို အကြောင်းကြားလိုက်တော့...သူ့ကိုမလိုချင်ရင် ငါကောင်လေးနဲ့ကစားမယ်လို့...ဒီအသည်းတုံးလေးရဲ့ပစ္စည်းတွေကို အစေခံတွေဆီပေးလိုက်တော့...ပြီးရင် ဒီကထွက်သွားတော့~"

ရွှယ်လင်မှာရုန်းမရဘဲ သူမဆွဲသည့်နောက် တရွတ်တိုက်ပါသွားလေသည်။ သူကယောကျ်ားတစ်ယောက်ဖြစ်စေကာမူ တဖက်လူကသူ့ထက်ခေါင်းတစ်လုံးသာနေပေ၏။

ရှက်စရာပင်!! QAQ

******

ရွှယ်လင် ဗိုလ်ချုပ်ကြီး၏ နန်းတော်ထဲသို့ ခေါ်လာခံရချိန်မှာ နေ့လည်စာချိန် ရောက်ရန် တစ်နာရီသာ လိုတော့သည့်အချိန်ဖြစ်သည်။ မုရှီးက ရွှယ်လင်ကို အဝေးသို့ ခေါ်ထုတ်လာပြီး သူ့ကို လိုက်ပြမည်ဟု ပြောသော်လည်း အမှန်တွင်တော့ အဓိက အိမ်ထဲသို့ ခေါ်ဆောင်လာခံရပြီး ဗ်ိုလ်ချုပ်ကြီး နန်းတော်၏ အပြင်အဆင် အသုံးအဆောင်များအကြောင်းကို အကျဥ်းချုပ် ပြောပြခြင်းပင်။

"မာရှယ်က အလုပ်သရဲပဲ သူက နေ့တိုင်း အိမ်ပြန်မလာဘူး အဲ့တော့ မင်း သူနဲ့ သင့်သင့်မြတ်မြတ်နေဖို့ တွေးပူနေစရာ မလိုဘူး"

မုရှီးက ရွှယ်လင်ကို အထပ်သုံးထပ်ရှိသော အဓိကအိမ်တော်ထဲသို့ ဦးဆောင်ခေါ်လာခဲ့သည်။ အဆောက်အဦး အပြင်ပိုင်းတွင် အိုဟောင်းနေသော်လည်း အတွင်းပိုင်း ပြင်ဆင်မှုများမှာ သစ်လွင်နေ၏။ အိမ်၏ ခြေရာလက်ရာ အများစုက စက်ရုပ်အစေခံများထံမှ ဖြစ်ပြီး သူတို့က စနစ်တကျ ဖွဲ့စည်းထားလေသည်။

အိမ်ဝင်ပေါက်က အလွန်ကြီးကျယ်ခမ်းနားလှ၏။ မုရှီးက ရွှယ်လင်၏ ကုတ်အင်္ကျီကို ကူချွတ်ပေးလိုက်ပြီး သူ့အင်္ကျီကို သေသပ်အောင် လုပ်ပေးလိုက်သည်။ ထို့နောက် သူမက ပြုံးပြီး ပြောလိုက်သည်

" ချစ်ဖို့ကောင်းတော့ ဘယ်လိုဖြစ်ဖြစ် ကြည့်ကောင်းတယ် မင်း ဘာဝတ်ဝတ် ကြည့်ကောင်းတယ် မင်း နေရာကနေ ဘာပစ္စည်းမှ မပါဘဲ ထွက်လာတယ် ကြားတယ် အဆင်ပြေပါတယ် ငါမင်းကို မနက်ဖြန် စျေးဝယ်ထွက်ဖို့ ခေါ်သွားမယ်"

ရွှယ်လင်က ဘာမျှ မပြောပေ။ သူ့အကြိုက်နှင့် ကိုက်ညီသော အင်္ကျီများကို လိုအပ်သေးသည်။ ယခုသူ့ကို ထိန်းသိမ်းကာကွယ်စောင့်ရှောက်ခွင့်မှာ မာရှယ်ယင်ကျား၏ လက်အောက်သို့ ရောက်သွားပြီဖြစ်သည်။ သူ့ပိုက်ဆံကို ဖြုန်းပြီး သူ့နေရာတွင် ကောင်းကောင်းနေခြင်းက သင့်လျော်လိမ့်မည်။ အနာဂတ်တွင် မမျှော်လင့်ထားသည်များ မဖြစ်ပါက သူ့ကို မာရှယ်၏ နန်းတော်မှ ခွဲထုတ်နိုင်မည် မဟုတ်ပေ။ ထို့ကြောင့် ရွှယ်လင်က အပြင်လူကဲ့သို့ ပြုမူနေရန် စိတ်ကူးမရှိပေ။

အဲ့မာရှယ်လို့ ခေါ်တဲ့လူက သဘောရောကောင်းရဲ့လား မသိဘူး...။

အကယ်၍ ထိုလူက သူ့ကို သဘောမကျလျှင်တောင် ရွှယ်လင်က သူ့ဆွဲဆောင်နိုင်စွမ်းကို အသုံးချကာ သူ့ကို သဘောကျလာစေရန် ပြုလုပ်နိုင်သည်ပင်။ စိုးရိမ်စရာ မရှိပေ။

ဝင်ပေါက်ကို ဖြတ်ကျော်လာပြီးနောက် သူတို့က ကြီးမားသော ဟောခန်းဆီသို့ ရောက်လာခဲ့သည်။ ထိုဟောခန်းက အလွန်ကြီးမား ကျယ်ဝန်းလှပြီး ပစ္စည်းများကမူ အလွန်နည်း၏။ မုရှီးက ရှင်းပြသည်

" ဒီနေရာက ညစာစားပွဲတွေအတွက်ပဲ အသုံးပြုတယ် ကျန်တဲ့အချိန်ဆို ရှင်းလင်းနေတာ တစ်ခါတစ်ရံ မာရှယ်က သူ့ရဲ့ သားရဲ ပုံစံပြောင်းပြီး ဒီနေရာမှာ လမ်းလျှောက်တတ်တယ်"

ရွှယ်လင် ရုတ်တရက် နားလည်လိုက်သည် သားရဲတွေက သူတို့ရဲ့ သားရဲပုံစံ အရွယ်အစားကို ထိန်းချုပ်ပြောင်းလဲနိုင်တယ် ဒါပေမဲ့ ဘယ်လိုပဲ ပြောင်းပြောင်း ယင်းကျားက နဂါးပဲ ဖြစ်နေဦးမှာပဲ ။

ကောင်းကင်နဂါးတွေက လုံးဝ မသေးဘူးလေ...

အပြင်ဘက်ရှိ မြေပြင်သို့ ဆင်းသက်ရာ ကွင်းပြင်က ဘာကြောင့် အလွန်ကြီးမားနေသည်ကိုလည်း သူ နားလည်လိုက်သည်။ အဲ့ဒါကို သူ့ရဲ့ စစ်မှုရေးရာ ကိစ္စတွေမှာ သုံးရုံတင် မဟုတ်ဘဲ သူ့ရဲ့ သားရဲ ပုံစံနဲ့လည်း အသုံးပြုတတ်တယ်ပေါ့လေ...။

ဟောခန်းမကြီးပြီးနောက်တွင် ထမင်းစားခန်းပင်။ ထမင်းစားခန်းက အလွန်ကြီးမားပြီး စားပွဲခုံကလည်း ရှည်လျားလွန်းကာ ဆယ်ယောက်မှ ဆယ့်နှစ်ယောက်အထိ အေးဆေး ထိုင်နိုင်သည်။ မုရှီး ထပ်ပြောလိုက်ပြန်သည်

" အမှန်တော့ ဒီအခန်းက သုံးတာ ရှားတယ် မာရှယ်က ပုံမှန်ဆိုရင် သူ့အခန်းထဲ ဒါမှမဟုတ် စာကြည့်ခန်းထဲမှာ စားတတ်တယ်"

ရွှယ်လင်က အနည်းငယ် အံ့အားသင့်သွားပြီး မေးလိုက်သည် " မာရှယ်က အရမ်း အလုပ်ရှုပ်တာပဲလား..."

"အခြေအနေအရပေါ့" မုရှီးက တည်ငြိမ်စွာ ပြောလိုက်သည်

"နှစ်တိုင်းမှာ အလုပ်ရှုပ်တဲ့ အချိန်တော့ ရှိတယ် ကျန်တဲ့ အချိန်တွေမှာတော့ အဆင်ပြေပါတယ် အရေးကြီးတဲ့ တိုက်ပွဲတွေ မရှိသ၍ သူ့ဆီမှာ အလုပ်မရှုပ်ပါဘူး" ထိုအခိုက် သူမက မျက်မှောင်ကြုတ်လိုက်လေသည်

" ဒါပေမဲ့ အဲ့တာတွေ အကုန်လုံးက သူ့အလုပ် မဟုတ်ဘူး အင်ပါယာထဲမှာ အထက်တန်းလွှာ လူတန်းစားတွေ အများကြီးရှိတယ် သူတို့ထဲက တစ်ချို့က ပါတီတွေ ကျင်းပပြီး စုရုံးနေတတ်တာကလွဲရင် ဘာမှ မလုပ်ကြဘူး သူ မငြင်းနိုင်တဲ့ လူတစ်ချို့လည်း ရှိတယ် သူတို့က သူ့ရဲ့ အချိန်တွေကို ဖဲ့ယူနေကြတာ ထပ်ပြောရရင် အင်ပါယာနန်းတော်က မာရှယ်ရဲ့ အကူအညီလိုတယ် အဲ့တာကြောင့် မာရှယ်က သူ့ရဲ့ အားလပ်ချိန်တွေကို ဖဲ့ပေးနေရတာလေ"

ရွှယ်လင် နားလည်သွားရတော့သည်။ ထို့ပြင် မာရှယ်က သူနှင့် မကြာခဏ ထိတွေ့ဆက်ဆံမည် မဟုတ်ကြောင်း နားလည်လိုက်သည်။ သူက အိမ်ကို ပြန်လာခဲသောကြောင့် ရွှယ်လင်ကို မွေးစားရန် သဘောတူလိုက်ခြင်းပင်။ မည်သို့ပင်ဆိုစေကာမူ သူ့မိသားစုထဲတွင် လူတစ်ယောက် တိုးလာခြင်းက ကိစ္စမရှိပေ။ အိမ်က အလွန်ကြီးလွန်းသောကြောင့် သူတို့သာ ရည်ရွယ်ချက်ရှိရှိ မတွေ့ဆုံပါက သူတို့က တစ်ယောက်ကို တစ်ယောက် လုံးဝပင် တွေ့ရမည် မဟုတ်ပေ။

အောက်ထပ်ကို လှည့်လည် ပြသပြီးနောက် မုရှီးက ရွှယ်လင်ကို အပေါ်ထပ်ခေါ်သွား၏

"ငါက ဒုတိယထပ်မှာ နေတယ် ဒီမှာ ဧည့်သည်အခန်းတွေလည်း ရှိတယ် မာရှယ်လည်း ဒီမှာပဲ နေတယ် မင်းတို့ ဆက်ဆံရေးကောင်းလာမယ်လို့ ငါမျှော်လင့်ပါတယ်"

ရွှယ်လင် "..." ဒါကတော့ မလိုအပ်တဲ့ပုံပဲ...

Prev Next