MM Story Teller

Chapter 104

Viewers 3k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 104

ငါတို့ရဲ့ အဖွဲ့အစည်း(၁)

ဤအိုမီဂါက အခြားသူတစ်ယောက်အဖြစ် ပကတိပြောင်းလဲသွားပြီထင်၏။ လက်တစ်ဖက်က စက်ရုပ်လက်ဖြစ်နေပြီး ကျန်တစ်ဖက်ကမူ လိုအပ်သည့်လောင်စာကိုဖြည့်သွင်းခံနေရလေသည်။ စွေ့ချီချောင်းက ဘရက်ဒီ၏ ပိုက်သာဂိုးရပ်ကို လုံးဝမလိုအပ်တော့ပေ။ သေနတ်ပြောင်းဝမှာ ပစ်မှတ်တည့်တည့်သို့ အလိုအလျောက်ချိန်ထားပြီးဖြစ်လေ၏။ ကြည့်ရသည်မှာ စွေ့ချီချောင်းက သူ့ပစ်မှတ်ကို တွေ့ထားပြီးသည်မှာ အချ်ိန်အတန်ကြာခဲ့ပြီထင်သည်။

ဘရက်ဒီက စွေ့ဟူနှင့် ကျန်သည့်လူများကိုနောက်တစ်ဖန် လှမ်းကြည့်လိုက်သည်။ သူ မြင်ရသလောက် အရည်အချင်းအပြည့်ရှိသူမှာ ဘရက်ဒီတစ်ယောက်တည်းသာရှိပုံပင်။ သူ ချက်ချင်းပင် ခေါင်းအားခါယမ်းလိုက်မိပေ၏။

လာနောက်နေတာလား… ရန်သူတွေက ထွက်ပြေးချင်နေရင်တောင် သူတို့ကိုအရင်ထိန်းသိမ်းထားဖိုလိုသေးတယ်… စွေ့ချီချောင်း အရူးထလိမ့်မယ်လို့ ဘယ်သူကထင်မှာလဲ…

မျက်စိတမှိတ်အတွင်း ပျက်စီးနေသောဂြိုလ်ပေါ်တွင်စိုက်ပျိုးထားသော မျက်စိအေးစရာ အသီးအနှံခင်းများက ဘရက်ဒီ၏အရှေ့တွင်ပင် ပျောက်ကွယ်သွားခဲ့ပြီး ယောကျ်ားဆန်သောအိုမီဂါကမူ မျက်တောင်တစ်ခတ်စာမှာပင် ပြန်ပေးဆွဲသူအဖြစ် ပြောင်းလဲသွားလေ၏။

"အရှင်..ဘေးမှာပဲရပ်ပြီးစောင့်ကြည့်ရအောင်..."

ပိုက်သာဂိုးရပ်က သူ့ခါးကိုဆွဲကာ အနောက်ဘက်သို့ပို့လိုက်ရင်း ပြောလိုက်သည်။

ဘရက်ဒီသည်ကား နေရာမှမရွေ့ပေ။ သူလုံးဝလက်မခံနိုင်သေးချေ။

စွေ့ချီချောင်းက စားပွဲကိုဖြန့်ခင်းလိုက်သည့်အခါ ဒိုင်မေးရှင်းသုံးခုပါသော လယ်ကွက်တစ်ခုပေါ်ထွက်လာသည်။ အလယ်တွင် ပစ္စည်းအမျိုးမျိုးက ပတ်လည်ဝန်းရံထား၏။ သူ တစ်ချက်ခန့်ကြည့်လိုက်ပြီး အလွန်တရာစိတ်ကျေနပ်သွားခဲ့သည်။ အဆိုပါ ဝန်းရံနေသောကိရိယာပစ္စည်းများက ၎င်းတို့၏အာကာသယာဥ်များအနားတွင် လှည့်လည်နေလေသည်။

စွေ့ချီချောင်းက စွေ့ထင်၏လေယာဥ်ကို ဖောက်ခွဲပစ်လိုက်ပြီဖြစ်သည်။ ကျူးကျော်လာသူများ ထိန်းချုပ်ထားသည့် လေယာဥ်များမှာ နောက်ပိုင်းတွင်သာ မူလအခြေအနေ၌ ပြန်လည်အသုံးနိုင်ပေမည်။

ယင်းအခြေအနေကြောင့် စွေ့ချီချောင်းသည်လည်း ထိုလူများကို လူသားအရင်းအမြစ်အနေဖြင့် အသုံးချချင်ရခြင်းပင်။ ထို့အပြင် အချို့သူများက လေယာဥ်၏တိုက်ခိုက်ရေးစနစ်နှင့် ၎င်းတို့ကိုယ်တိုင်ကို ချိတ်ဆက်အသုံးပြုနိုင်ကြသည်။ ထိုအတိုင်းသာဆိုပါက သူအာကာသယာဥ်များကို ဖွင့်ရာတွင် အနှီသူတို့ကို အသုံးပြုနိုင်ပေမည်။

ဆက်သွယ်မှုကို စစ်ဆေးပြီးသည့်နောက် စွေ့ချီချောင်းက စွမ်းအင်ကူးပြောင်းရေးစက်နှင့် ချိတ်ဆက်လိုက်၏။ ဒြပ်ထုဆန့်ကျင်သည့် စွမ်းအင်နှင့် ချိန်ညှိလိုက်ကာ ပါရာမီတာနှင့် အမြန်တွက်ချက်လိုက်သည်။ ထိုသူများ သူ၏စိုက်ပျိုးသည့်မြေသို့မရောက်မီ မက်ဆေ့ချ်တစ်စောင်ပြီးတစ်စောင်ကိုပေးပို့လိုက်သည်။

K921 က ကြည်လင်နေသော ဒြပ်မဲ့ရှာဖွေရေးအလင်းလှိုင်းများကို လေထုထဲသို့ထုတ်လွှတ်လိုက်ပြီး အနောက်မှလိုက်နေသည့်ရန်သူများမှာ ပစ်ချခံလိုက်ရသည်။ ၎င်းတို့၏လက်နက်၊ အဝတ်အစားနှင့်ဆံပင်များမှာ မမြင်နိုင်သောကိရိယာများအဖြစ်ပြောင်းလဲသွားပြီး ဓာတုနည်းအရဓာတ်ပြုကာ အစိတ်စိတ်အမြွှာမြွှာကွဲထွက်ကုန်ကြသည်။

ခဏအကြာတွင် ကိုယ်လုံးတီးနှင့် လူဆယ်ယောက်ကျော်ခန့်က ၎င်းတို့၏အာကာသယာဥ်တံခါးဝတွင် ပေါ်လာလေ၏။ ထိုယောကျ်ားသားများမှာ အေးခဲနေကြပြီး အချင်းချင်းထိတ်လန့်တုန်လှုပ်စွာကြည့်နေကြသည်။ ၎င်းတို့က မည်သည့်အခြင်းအရာများ ဖြစ်ပျက်သွားမှန်းမသိကြပေ။ အရာအားလုံးက မကြာမီအချိန်အတွင်း ဖြစ်လာတော့ပေမည်။

ကံကောင်း၍ လူတစ်ယောက်က ဆက်သွယ်ရေးကိရိယာတစ်ခုကို တပ်ဆင်လိုက်လေရာ အားလုံးပျက်စီးသွားပြီဖြစ်ကြောင်း သိလိုက်ရတော့သည်။ သူ ချက်ချင်းပင် လေယာဥ်ပေါ်မှ အခြားအဖော်များကို ဆက်သွယ်ရေးကိရိယာမှတစ်ဆင့် သတင်းပို့လိုက်ချေသည်။

"တစ်ခုခုဖြစ်နေပြီ... ရန်သူက ခန့်မှန်းထားတာထက်ပိုနေတယ်... ရန်သူဖျက်ဆီးပစ်လိုက်လို့ လက်နက်တွေအကုန် ပျက်စီသွားပြီ...ငါတို့အားလုံး ချက်ချင်းပြန်ဆုတ်မှရတော့မယ်..."

ထိုအခိုက် သတင်းပို့သူမှာ သူ၏အဝတ်အစားများ၊ လက်နက်များနှင့် ဆံပင်မွှေးများပါမကျန် မည်သည့်နေရာတွင် မည်သို့ပျောက်သွားသည်ကို မသိရှာပေ။ သူတို့ဖျက်ဆီးခံလိုက်ရသည်ကိုသာ ယောင်နနဖြင့်မှတ်မိတော့သည်။

အဝေးတွင်နားနေသော လေယာဥ်တစ်စင်းက ချက်ချင်းတုံ့ပြန်လာသည်။ ၎င်းက ကောင်းကင်ပေါ်သို့ပျံတက်သွားကာ အကာအကွယ်ကိုဖွင့်လိုက်ပြီး လူများကိုခေါ်ရန်ပြင်ဆင်၏။ တစ်ချိန်တည်းမှာပင် သတင်းထုတ်ပြန်လိုက်သည်။

"ပစ်မှတ်က ခန့်မှန်းထားတာနဲ့လွဲနေတယ်...ငါတို့ သူ့ကို သတိထားဖို့လိုတယ်..."

သို့ထိတိုင် နောက်အခိုက်အတန့်တွင် အာကာသစခန်းအနီးမှ အာကာသဥက္ကာခဲများက ကန်ထွက်လာပြီး လမ်းကြောင်းတစ်ခုပေါ်လာခဲ့သည်။

ပစ်မှတ်အဖြစ်ပုံသေဝင်နေသော လေယာဥ်မှာ တစ်မဟုတ်ချင်း အသိပေးချက်တစ်ခုကို ထုတ်လွှင့်လာသည်။ ၎င်းတို့၏ လေယာဥ်လက်နက်အဆင့်မှာ အမြင့်ဆုံးသတ်မှတ်ချက်ရှိနေကြောင်း လေ့လာချက်များက ဖော်ပြထား၏။ K921 ၏သဲလွန်စမှာ ဖော်ထုတ်ခံလိုက်ရပြီဖြစ်သည်။

လေယာဥ်ပေါ်မှ လူတိုင်း၏အမူအရာများမှာ ပြောင်းလဲသွားကြသည်။ ၎င်းတို့၏မျက်နှာများသည်ကား ဖြူလွလွစက္ကူတစ်ရွက်သဖွယ်ပင်။

သေစမ်း… ဒါကဆုကြေးပေးမယ်ဆိုတဲ့ သူတို့ဖမ်းပေးရမယ့်အရူးကောင်လား…

ထိုသူတွင် K921 လက်နက်များ အများအပြားရှိလင့်ကစား သူတို့ကိုသတိမပေးခဲ့ချေ။ စွေ့မိသားစုသာ ၎င်းတို့ကို ဦးစွာမြင်ခဲ့ပါက စွေ့မိသားစုထံမှ မည်သူကမှ ရယူနိုင်မည်မဟုတ်ပေ။

ထိုအကြောင်းအရာကိုတွေးရန်မှာ အလွန်အမင်းနောက်ကျသွားခဲ့ပြီဖြစ်သည်။ ကွန်မန်ဒါက ချက်ချင်းပင် ရှေ့တန်းမှရဲဘော်များကိုစွန့်ပစ်ပြီး ထွက်ပြေးသွားသည်မှာ သံသယမရှိတော့ချေ။

သူတို့က ပစ်မှတ်မဖြစ်ရအောင်ကြိုးစားစေကာမူ တစ်ဖက်မှ လက်နက်များက သူတို့အပေါ်ကို တစ်နေရာပင်မလွဲစေရဘဲချိန်ရွယ်ထားခဲ့သည်။ လေယာဥ်မောင်းသူများ၏ နဖူးများပေါ်တွင် ချွေးစက်များသီးလာချေပြီ။ ရန်သူ၏လက်နက်များမှာ သူတို့ထက်သာရုံမက ပိုပြီးပင်အဆင့်မြင့်နေသည်မှာ အသေအချာပင်။

"မဟုတ်သေးဘူး...ဒါ နိုင်ငံတစ်နိုင်ငံက စစ်တပ်တော့မဟုတ်လောက်ပါဘူးနော်..."

တစ်ယောက်က အထစ်ထစ်အငေါ့ငေါ့ဖြင့်မေးလာလေသည်။

အခု သူတို့ဘာလုပ်ကြရမလဲ…

လေထုတစ်ခွင် အေးစက်တင်းမာနေပြီး ပြန်ကြားချက်ကိုစောင့်ဆိုင်းနေကြသော သူတို့၏ရှေ့တန်းမှ ရဲဘော်များကလည်း အခြေအနေကိုမေးမြန်းလာကြသည်။

"ဘာတွေဖြစ်နေတာလဲ...မင်းတို့ရှိကြသေးရဲ့လား...အမြန်လုပ်ကြလေ… အာကာသစခန်းနားမှာ စက်ရုပ်တွေရှိနေမယ်ထင်တယ်..."

ရဲဘော်များ၏ အထိတ်တလန့်ဖြစ်နေသောအသံများမှာ တဂျစ်ဂျစ်ဖြင့်ထွက်ပေါ်လာပြီးနောက် တိတ်ဆိတ်သွားလေသည်။ သူတို့၏ ဆက်သွယ်ရေးချပ်စ်ပြားလေးက ဆွဲထုတ်ခံလိုက်ရသည်မှာ သေချာနေ၏။

ကွန်မန်ဒါ၏မျက်နှာက စိမ်းပုပ်သွားလေသည်။ ခဏတွင်းချင်းပင် စွေ့မိသားစုပေးလာသောအမိန့်အတိုင်း တစ်ထပ်တည်းထုတ်ပြန်လိုက်၏။

"လေယာဥ်တွေကနေ ခွာမယ်…"

သူ၏ အခြေအနေအချိန်အခါ မသင့်သောအမိန့်က စွေ့မိသားစုထက် ပိုကောင်းသည်ကိုမူ နားလည်ပါသေးသည်။ သူတို့မထိခိုက်လျှင်ပင် ရန်သူက သူတို့အား အချိန်တစ်ခုအထိချောင်ပိတ်ထားမည်ဖြစ်ကာ ထွက်ပြေး၍လွတ်မည်မဟုတ်ချေ။ လွတ်နိုင်လျှင်ပင် အပြန်အလှန် အကြိမ်ပေါင်းမနည်းပစ်ခတ်ကြပြီး မျက်စိဖြင့် မမြင်နိုင်လောက်သည်အထိ မြန်ဆန်မှသာ ရနိုင်ပေမည်။ အခြေအနေကိုလေ့လာအကဲခတ်လိုက်ပြီး ၎င်းနှင့်ပတ်သတ်၍ အကြမ်းဖျင်းမျှတွက်ချက်ကြည့်လိုက်သည်။

တစ်ဖက်ရန်သူက ထိပ်တန်းအဆင့်လက်နက်များဖြင့် လျို့ဝှက်အဖွဲ့အစည်းတစ်ခုမှ အရာရှိတစ်ယောက်ဖြစ်နိုင်ပြီး သူ့ကို သာမန်စစ်တပ်တစ်တပ်နှင့် နှိုင်းယှဥ်နိုင်သလို တညီတည်းလည်းဖြစ်နိုင်သည်။ သူတို့မှာ ထိုအကြောင်းကိုတွေးနေရန်အချိန်မရှိချေ။ ယင်းကသာ သူတို့လွတ်မြောက်နိုင်မည့်တစ်ခုတည်းသော နည်းလမ်းဖြစ်နိုင်၏။

ဒိုင်မေးရှင်းသုံးခုအတွင်း စွေ့ချီချောင်းက မရေတွက်နိုင်သောဓာတ်ပုံများကို လက်ခံရရှိခဲ့သည်။ ပါရာမီတာတိုင်းတာမှုအရ ၎င်းတို့က အသက်ကယ်အာကာသယာဥ်ခန်းနှင့် လေယာဥ်များဖြစ်နိုင်သည်။ သူ နှစ်ကြိမ်ခန့်နှိပ်လိုက်သည့်အခါ ဓာတ်ပုံများက ပျောက်ကွယ်သွားလေ၏။

ယခု ထိုလူများက ဉာဏ်ရှိစွာဖြင့်၎င်းတို့၏အာကာသယာဥ်ကို စွန့်ပစ်ပြီးထွက်ပြေးသွားကြပြီဖြစ်သည်။ သူသည်လည်း ထိုသူတို့အနောက်သို့ မလိုက်နေတော့ပေ။ သူတို့ မက်ဆေ့ချ်များထားရစ်ခဲ့ခြင်းက သူ၏သာလွန်နေသောစွမ်းရည်အတွက် အကောင်းဆုံးအခွင့်အရေးဖြစ်လေ၏။

စွေ့ချီချောင်းက ကိုယ်လုံးတီးလူများကိုစောင့်ကြည့်ရန် ပိုက်သာဂိုရပ် နှင့် စက်ဝိုင်းအား လွှတ်လိုက်သည်။ အဆိုပါ ညွှန်ကြားသူများက အာကာသစခန်း၏စိုက်ပျိုးမြေမှထွက်သွားကြရန် အချင်းများနေလေ၏။ ပိုက်သာဂိုးရပ်က သူတို့၏ခေါင်းများကို ပိတ်ရိုက်ကာပြောလိုက်သည်။

"ဆောင့်ကြောင့်ထိုင်ပြီး မင်းတို့လက်တွေကို ခေါင်းပေါ်တင်ထား…"

ဤအချိန်မှာ ဆောင်းရာသီသို့ပင် ရောက်လုပြီဖြစ်၏။ သူတို့အားလုံးမှာ ကုပ်ကုပ်လေးထိုင်နေကြပေသည်။ အေးစက်နေသည့်လေများက သူတို့၏အေးခဲနေသော ဘောများအပေါ်မှ ဖြတ်တိုက်သွားသည်။ သူတို့၏မျက်လုံးများမှာ ပိတ်ထားသော အာကာသစခန်း၏တံခါးကို မနေနိုင်စွာလှမ်းကြတတ်ကြ၏။ မည်သို့သော ကြီးမြတ်သည့်နတ်ဘုရားက သူတို့ကိုဖမ်းလိုက်သည်ကို မသိနိုင်ကြပေ။

"အပြင်မှာ လူဆယ်ယောက်ကျော်လောက် ကျန်သေးတယ်...အကုန်လုံးက ကိုယ်လုံးကိုယ်ဖန်ကြီးကြီးနဲ့ လူသန်တွေချည်းပဲ...အများစုက ယောကျ်ားလေးဘီတာတွေဖြစ်လောက်တယ်...ပြီးတော့ အယ်လ်ဖာတွေလည်းပါတယ်..."

စွေ့ဟူက မျက်မှောင်ကြုတ်လိုက်သည်။

"မင်းပြောဖူးတယ်မလား...ယောကျ်ားလေးအယ်လ်ဖာတွေက အစားကြီးတယ်ဆို...ပြီးတော့ အခုလုပ်စရာလည်းမရှိသေးတော့ သူတို့ကိုဒီမှာဖမ်းထားလိုက်ရင် စားစရာဖြုန်းတီးသလို ဖြစ်မှာပေါ့ ဘာလုပ်မှာလဲ… လေယာဥ်တွေအတွက် အဓိကလုပ်ပေးပြီးရင် သူတို့ကိုလွှတ်ပေးလိုက်မှာလား..."

ဘရက်ဒီက စက်ရုပ်များ၏ပိုင်ရှင်ဖြစ်ကြောင်း စွေ့ဟူသိလိုက်ရပြီးနောက်ပိုင်း ဘရက်ဒီကိုကြည့်လိုက်သည်နှင့် မျက်စိစပါးမွေးစူးလာသည်။ အကြောင်းမှာ အဆိုပါစက်ရုပ်များက ထိုသူကိုသာ ပစ်မှတ်ထားနေသောကြောင့်ပင်။

စွေ့ဟူ၏စကားကိုနားထောင်နေသော ဘရက်ဒီမှာ မိုးကြိုးပစ်ချခံလိုက်ရသလိုပင်။ ရုတ်တရက်ပင် သူဤနေရာသို့ရောက်လာခဲ့သည့်အချိန်က 'ဘေးမဲ့ပေးသည်' ဟူသော စကားကို ခပ်ရေးရေးမျှကြားဖူးခဲ့ကြောင်း ပြန်တွေးမိလိုက်သည်။ ထိုစဥ်က စွေ့ထင်၏ အဓိပ္ပါယ်တစ်မျိုးဖြစ်နေခဲ့သောမျက်နှာထားကို ပြန်အမှတ်ရသွားပြီး ချက်ချင်းပင် အတွေးပေါက်သွားလေ၏။

စွေ့ချီချောင်းက ငါ့ကို အစားကြီးပြီး အချောင်ခိုတဲ့အယ်လ်ဖာလို့ ထင်ခဲ့တာများလား…

ထို့ကြောင့် နောက်ပိုင်းတွင် စက်ရုပ်များက သူ့အပိုင်ဖြစ်လာသည့်အခါ စွေ့ချီချောင်းက ချက်ချင်းလက်ငင်းသဘောကောင်းသွားခြင်းဖြစ်ရမည်။

သို့သော်လည်း စွေ့ချီချောင်းပြောလိုက်သည်မှာ...

"ဒီလူတွေက လေယာဥ်အကြီးကြီးတွေဝယ်ထားတာ...ပြီးတော့ ခုနစ်စီးလောက်က ထောက်ပို့ယာဥ်တွေလေ...ရိက္ခာတွေက သူတို့စားတာထက်တောင်ပိုသေးတယ်...ပြီးတော့ သူတို့လည်းဒီမှာ အလုပ်လုပ်ပြီးအလကားနေလို့ရတာပဲ စားသောက်ပြီး လေယာဥ်ပေါ်မှာပဲအိပ်ပေါ့..."

ဘရက်ဒီ: "......"

အဲဒါကဘာသဘောလဲ… သူနားလည်ထားတာက ဒီလိုပုံစံလား… အပြင်လူတွေက သူတို့ရဲ့အစားအသောက်တွေကိုယူလာတာက သူ့ထက်တောင်ပိုပြီးအသုံးတည့်သေးတယ်ပေါ့လေ…

ဘရက်ဒီက အသုံးဝင်ပုံကို ဥပမာပေးကာရှင်းပြရန်ကြိုးစားနေသည့်တိုင် စွေ့ချီချောင်းက ဒြပ်မဲ့သေနတ်နှင့် အပြင်မှ K921 လက်နက်ကိုကိုင်တွယ်နိုင်ကြောင်း သိလိုက်ရပြီးနောက် မပြောနိုင်တော့ချေ။ စကားများက လည်ချောင်းထဲမှာပင် တစ်နေသလိုခံစားလိုက်ရပြီး အမုန်းတရားများကြီးထွားလာသလိုပင်။

မူလတည်းက စွေ့ချီချောင်းမှာ သူမျှော်လင့်ထားသလိုမဟုတ်ခဲ့ပေ။ သူ ထူးဆန်းသည်ဟု ခံစားနေရသည်မှာ အံ့ဩစရာမရှိတော့ပေ။ စွေ့ချီချောင်းက ခေါင်းဆောင်မဟုတ်သော်လည်း အုပ်ချုပ်သူဖြစ်သလို၊ သေနာပတိလည်းဖြစ်သည်။

ဘရက်ဒီက စွေ့ချီချောင်းကို ခပ်တွေတွေကြည့်နေလေသည်။ အပြင်ပန်းသွင်ပြင်နှင့်စရိုက်က တလွဲစီဖြစ်နေသောအနှီအိုမီဂါကို သူ ကြည့်လိုက်၏။

"ဆိုတော့...မင်းနဲ့သူတို့အုပ်စုက ညီအစ်ကိုတွေမဟုတ်ဘူးပေါ့...မင်းကသူတို့ကို ပြန်ပေးဆွဲလာတာပေါ့လေ…"

သူ့လေသံက မြေကြီးလက်ခတ်မလွဲ အနည်းငယ်မျှခံပြင်းနေသလိုပင်။

စွေ့ချီချောင်းနှင့် ကျန်သူများက ကျိတ်ရယ်လိုက်ကြသည်။ ဘရက်ဒီကဲ့သို့သော လူမျိုးမဆိုနှင့်၊ အယ်လ်ဖာမက၍ မည်သည့်အမျိုးအစားပင်ဖြစ်စေ စွေ့ချီချောင်းနှင့်တွေ့လျှင် စိတ်ဓာတ်ကျသွားမည်ပင်။ ဤရက်ပိုင်းအတွင်း ဘရက်ဒီက စွေ့ချီချောင်းကိုလိုက်ပိုးပန်းရန် ကြိုးစားခဲ့သည်။ လူတိုင်းကမူ သူတို့၏စကားဝိုင်းသည်ကား ကြက်က ဘဲကိုစကားပြောနေခြင်းပင်ဖြစ်ကြောင်း ယူဆလိုက်ကြ၏။

ကံမကောင်းအကြောင်းမလှစွာဖြင့် အနှီအယ်လ်ဖာအတွက် သူတို့မှာ မျှော်လင့်ချက်ကြီးကြီးထားခဲ့ကြသည်။ အခြေအနေက အံ့ဩစရာမရှိ ဖြစ်လာပြီး ထိုအစား လိုက်လျောညီထွေဖြစ်နေသည့် ရဲဘော်ရဲဘက်သဖွယ်အငွေ့အသက်များကိုသာ ခံစားလိုက်ကြရသည်။

စွေ့ချီချောင်းမှာမူ ဘရက်ဒီဘာပြောချင်နေသည်အား မသိပေ။ သူ မျက်မှောင်ကြုတ်လျက်ပြောလိုက်ချေသည်။

"ဒါပေါ့...သူတို့အားလုံးက ငါ့ရဲ့တဝမ်းပွဲညီအစ်ကိုမောင်နှမတွေလေ..."

ဘရက်ဒီ: "ဟင်..."

စွေ့ရှောင်ကျန်းက ဘရက်ဒီကိုမျက်လုံးတစ်ဖက်မှိတ်ပြလိုက်သည်။

"ဟီးဟီး... ငါတို့တွေအကုန်လုံးက သူ့ကိုအတင်းအကြပ်လက်ထပ်ခိုင်းပြီး ပြန်ပေးဆွဲဖို့ အခိုင်းခံလိုက်ရတဲ့လူတွေပဲ..."

ဘရက်ဒီ: "......"

မသိစိတ်အရ ဘရက်ဒီ၏နှုတ်ခမ်းထောင့်များမှာ တွန့်ကွေးသွားလေသည်။

"မင်းက ပြန်ပေးဆွဲခံရတာကိုတောင် ပျော်နေသလိုပဲ..."

စွေ့ရှောင်ကျန်း: "........"

ဒီလို သောကပင်လယ်ကြားမှာ ပျော်စရာရှာနေမှပဲ ရမှာပေါ့ မဟုတ်ဘူးလား...

စွေ့ချီချောင်းက လှည့်ပတ်ကြည့်လိုက်သည်။

"မင်းတို့ ပြောလို့ပြီးပြီလား..."

"ငါကတော့ပြီးပြီ..."

ဘရက်ဒီက အသက်ပြင်းပြင်းရှူကာ သူ၏ရှုပ်ထွေးနေသောစိတ်အခြေအနေနှင့် ဂုဏ်သိက္ခာတို့ကို ပြန်လည်တည့်မတ်လိုက်သည်။ သူ အမှန်တကယ်ပင် အနှီအိုမီဂါကိုလေးစားသွားလေပြီ။ နှစ်ပေါင်းများစွာကြာခဲ့သော်လည်း မည်သူကမှ သူ့ကို ဤသို့အခက်တွေ့အောင် မလုပ်နိုင်ခဲ့ချေ။

ဘရက်ဒီက စွေ့ချီချောင်းကို အချိန်အတန်ကြာအောင်နင့်နင့်နဲနဲစိုက်ကြည့်နေခဲ့၏။

"တစ်ဝမ်းကွဲညီလေးရေ...အပြင်ထွက်ပြီး သူတို့ကိုသင်ခန်းစာပေးလိုက်ပါဦး..."

စွေ့ဟူက အပြုံးလေးနှင့်ရှေ့တိုးလာကာ "ဝမ်းမြောက်ဝမ်းသာလက်ခံပါတယ်" ဟူသောပုံစံဖြင့် တံခါးဖွင့်လိုက်သည်။

အနှီကြေးစား ကိုယ်လုံးတီးလူစုက မည်သည့်နိုင်ငံသားမှမဟုတ်ဘဲ ကြယ်တာရာဓားပြများအတွက်သာ ပုံမှန်အလုပ်လုပ်ပေးတတ်ကြသည်။ ဤကြယ်တာရာနှင့်သက်ဆိုင်သောဧရိယာအတွင်း၌ ဂြိုလ်ရိုင်းလေးခု ငါးခုမျှအထိ ရှိတတ်၏။ သူတို့က အကျွမ်းတဝင်မရှိသောအခြားဂြိုလ်များအပေါ်တွင် စခန်းချတတ်ကြသော်လည်း ဤဧရိယာနှင့်ပတ်သက်၍ ကောင်းစွာကျွမ်းကျင်ကြသည်။

သူတို့မလာမီတွင် အာကာသစခန်း၌ လူအရေအတွက်မည်မျှရှိသည့်အကြောင်း ကြိုးစားရှာဖွေခဲ့ကြ၏။ သို့သော် သူတို့၏အချက်ပြစနစ်များမှာ ဖြတ်တောက်ခံလိုက်ရသည်။ တော်လှန်ရေးစစ်ပွဲများအပြီး၌ အထဲတွင် လူမနေကြတော့ပေ။ အပြင်တွင်လည်း လက်နက်များမထားဘဲ အမှိုက်များသာပုံနေခဲ့သည်။

သို့ဖြစ်၍ နောက်ပိုင်းတွင် ဤအခြေအနေကို ပြောင်းပြန်လှန်နိုင်လိမ့်မည်ဟု မျှော်လင့်ထားသူမရှိတော့ပေ။

ယခုမူ အဆိုပါ ကတုံးပြောင်ပြောင်နှင့်ကြေးစား အစွန့်ပစ်ခံအုပ်စုမှာ အာကာသယာဥ်စခန်းကို စိုက်ကြည့်နေကြသည်။ အတွင်းမှ ယောကျ်ားလေးအိုမီဂါတစ်ယောက်ထွက်လာလေပြီ။ အယ်လ်ဖာများက ၎င်း၏ ရနံ့ငါးပါးကိုရလိုက်ပြီး အနှီသူက ဖယ်ရိုမုန်းများကို ဖုံးပင်မဖုံးထားခဲ့ပေ။

အယ်လ်ဖာနှင့်ဘီတာများက အိုမီဂါအနောက်တွင် အုံလိုက်ကျင်းလိုက်ရပ်နေကြသည်။ ၎င်းက သူတို့မျှော်လင့်ထားခဲ့ပုံနှင့်မတူပေ။ ကနဦးတွင် သူတို့က ဤနေရာ၌ လူအမြောက်အများစခန်းချနေလိမ့်မည်ဟု ထင်ထားခဲ့ကြ၏။ သူတို့က နည်းပညာကျွမ်းကျင်မှုကို အသုံးပြုပြီး ဤနေရာတွင်ရှိနေသော လူအမြောက်အများ မမှတ်မိနိုင်အောင် ဖုံးကွယ်ထားနိုင်ကြသည်။

စိတ်ရှုပ်စရာအကောင်းဆုံးအပိုင်းမှာ သူတို့ အနီးကပ်စစ်ဆေးလိုက်လျှင် သူတို့၏ အလုပ်ရှင်များထံမှ ရထားသောဓာတ်ပုံနှင့် ၎င်းတို့ကို တွဲစပ်ကြည့်နိုင်မည်။ အလုပ်ရှင်များက ထိုသူတို့အား အထူးအလေးစားဆက်ဆံတတ်ကြပြီး သူတို့က အလုပ်ရှင်များအတွက် အလုပ်လုပ်ပေးလျှင် ဆုလာဒ်များပြန်ရတတ်ကြသည်။ သို့သော်လည်း ထိုအလုပ်ရှင်မှာ သူတို့အကယ်ဆယ်ခံရရန် လိုအပ်နေသည်ဟုပြောခဲ့သည်။

ဒါဆိုရင် ငါတို့ကယ်ဖို့ လိုနေတယ်ဆိုတဲ့လူတွေက ဘာလို့ အာကာသစခန်းကနေ ထွက်လာကြတာလဲ… သူတို့ကို ဓားစာခံအဖြစ် ထားခဲ့သူကိုရော ဘာလို့ မမြင်မိတာလဲ…

အယ်လ်ဖာအားလုံး မတ်တပ်ရပ်နေကြပြီး အိုမီဂါတစ်ယောက်တည်းသာ ထိုင်နေ၏။ ယင်းက ဘာကိုဆိုလိုချင်သည်ကို သူတို့မသိတော့ပေ။ အိုမီဂါတစ်ယောက်တည်းထိုင်နေပြီး ကျန်လူအားလုံးက မတ်တပ်ရပ်နေခဲ့သည်။

"မင်းတို့အားလုံးက အမည်မသိလူတစ်ယောက်ဆီကပိုက်ဆံယူပြီး ဒီနေရာကိုဖောက်ခွဲတယ်...ပြီးတော့ငါတို့ကိုတွေ့သွားတယ်ပါ့လေ..."

စွေ့ချီချောင်းက မေးမြန်းလိုက်၏။

ကြေးစားကတုံးများမှာ တစ်ယောက်မျက်နှာတစ်ယောက်ကြည့်ကာ ခေါင်းညိတ်ပြီး အပြုံးလေးနှင့်မေးလိုက်၏။ "ဆရာ...အထင်လွဲနေတာများရှိလို့လား..."

"ဒီပုံစံအတိုင်းဆိုရင်တော့..အထင်လွဲစရာမရှိပါဘူး..."

စွေ့ချီချောင်းက ပြောလိုက်သည်။ လီဆာပြောသည့်အတိုင်း အတိအကျပင်။ ဤအခြေအနေကို စုံစမ်းစစ်ဆေးရန် စွေ့မိသားစုက လူတစ်ယောက်ကို လွှတ်ထားမည်ဖြစ်သည်။

သူတို့ ရုတ်တရက် စိုးရိမ်စိတ်ဝင်လာကြ၏။ ဤနေရာမှ အမှန်တရားက သူတို့ထင်ထားသည်နှင့် ကွဲလွဲနေခဲ့သည်။ ထိုလူအားလုံးက အကယ်ဆယ်ခံရရန်မလိုအပ်ပေ။ ထို့အပြင် စွမ်းအားပြင်းလက်နက်များကိုပါပိုင်ဆိုင်ထားသေးသည်။

အိုမီဂါက သူတို့ကိုကြည့်လာသည့်အကြည့်မှာ ကျောချမ်းဖွယ်ပင်။ လူတိုင်းက သူ့အကြည့်အောက်မှာပင် စိတ်ကျဥ်းကျပ်သွားသလိုခံစားလိုက်ရသည်။ သူတို့၏ အဝတ်အစားများမှာလည်း ပြာကျသွားပြီး ဆံပင်မွေးများလည်းမကျန်တော့ပေ။ ဘောများပင် လေထဲတွင်တွဲလောင်းဖြစ်နေသေးသည်။ အနှီအိုမီဂါက မျက်စိမမြင်ရသလို သူတို့၏အဝတ်မပါသည့်ကိုယ်ကို ကြည့်နေ၏။ ကြည့်ရသည်မှာ နောက်တစ်စက္ကန့်ဆိုလျှင် သူတို့၏ဘောများကိုပါ ဆွဲဖြုတ်တော့မည်ထင်၏။

🍀🍀🍀

Prev Next