MM Story Teller

Chapter 114

Viewers 6k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 114

တိုင်းတစ်ပါးဂြိုလ်များထံ ကုန်ပစ္စည်းတင်ပို့ခြင်း(၁)

ပျက်စီးနေသောဂြိုလ်မှ ထွက်ခွာလာခဲ့ပြီးနောက် စွေ့ဟူက လယ်ယာစိုက်ပျိုးရေးကဏ္ဍတွင် ဆင်တူသောအလုပ်တစ်ခုဆက်လုပ်သွားရန် ဆုံးဖြတ်လိုက်၏။ သူ မလုပ်ချင်သော်လည်း အဆိုပါကဏ္ဍတွင် အလုပ်လုပ်နေမိခြင်းကို ရပ်တန့်မရပေ။

စွေ့ဟူက သူပြန်သယ်လာခဲ့သော ကန်စွန်းဥအပင်ပေါက်လေးများကို လသာဆောင်ပေါ်တွင် အိုးအမျိုးမျိုးအတွင်းသို့ ထည့်စိုက်လိုက်၏။

စွေ့ဟူ၏မိဘများမှာ သူလုပ်နေသည်ကို နားမလည်နိုင်ကြဘဲ အနည်းငယ်စိတ်ဓာတ်ကျသွားခဲ့ကြသည်။ ဂြိုလ်အပျက်ပေါ်တွင် သူတို့သားဖြစ်သူက မည်သို့သောလူမဆန်သည့် ညှင်းပန်းမှုမျိုးတို့ကိုခံစားခဲ့ရသည်ကို သူတို့ တွေးနေမိကြသည်။

အဲဒီဂြိုလ်ပေါ်မသွားခင်ကတော့ သူက လက်ရွေးစင်တစ်ယောက်ဖြစ်ခဲ့တာ အခုတော့... ဟူး…

သို့သော် သူတို့က ကန်စွန်းဥနှင့်ဆလပ်ရွက်များ စားနေရ၍ အတော်လေးပျော်ရွှင်ကြရပေ၏။

စွေ့ဟူ၏မိခင်ပိုင်ဆိုင်သော XX စိုက်ပျိုးရေးဂြိုလ်မှရသည့် ထိပ်တန်းအဆင့်အစားအသောက်များနှင့် နှိုင်းယှဥ်မရသည်အထိ ဤမျှအရသာကောင်းသော အသီးအရွက်များအား ထုတ်လုပ်နိုင်ပုံကို အံ့ဩနေကြလေသည်။ လက်တွေ့၌ ပျက်စီးနေသောဂြိုလ်ပေါ်မှ အသီးအရွက်များ၏အရည်အသွေးမှာ XX စိုက်ပျိုးရေးဂြိုလ်မှ အသီးအရွက်ထက်ပင် ပိုသာသေး၏။

မည်သို့ပင်ဖြစ်စေ စွေ့ဟူအမေက ထုတ်ပြောလာ၍ အဆိုပါဆလပ်ရွက်များကို ရက်ပေါင်းများစွာသယ်လာခဲ့ရသည်ထက် ချက်ချင်းပင်သွားဆွဲနှုတ်ချင်လိုက်လျှင် အဆတစ်ရာခန့်အရသာရှိလိမ့်မည်ဟု ဂုဏ်ယူစွာဖြင့် တွေးလိုက်မိပေသည်။

ပျက်စီးနေသောဂြိုလ်ပေါ်တွင် သူတို့သားကို မည်သူမှဂရုမစိုက်ခဲ့ကြ၍ ဖြစ်လိမ့်မည်၊ သူပြန်ရောက်လာချိန်တွင် သားဖြစ်သူက အင်မတန်စည်းလွတ်ဝါးလွတ် ဖြစ်နေလေ၏။ ချက်ပြုတ်ပေးသည့်စက်ကိုပင် မျက်နှာလွှဲထားပြီး မိဘများစားရန် ကန်စွန်းဥများကိုပင် သူ့လက်နှင့်သူချက်ပြုတ်ခဲ့သည်။ သူက အနာဂတ်တွင် အလုပ်ပိုကြိုးစားပြီး မိဘများအတွက် အစားအသောက်ပိုရရန် စိုက်ပျိုးရေးဂြိုလ်တစ်လုံးပေါ်တွင် ရင်းနှီးမြုပ်နှံမည်ဟုပင် ပြောလိုက်သေးသည်။ သို့သော်လည်း စကားသုံးခွန်းအပြီးတွင် စိုက်ပျိုးရေးနှင့်သက်ဆိုင်သည့်အရာတစ်ခုရှိသည်ဟု ပြောလာခဲ့သည်။

သူ၏မိဘများက တွေးတောလိုက်ကြ၏။

ထားလိုက်ပါ...စိုက်ပျိုးရေးက..အရမ်းအလားအလာရှိပေမဲ့ သူတို့သားလေးက နှိပ်စက်ခံခဲ့ရတော့ အနားယူဖို့လိုသေးတယ်...ပြီးမှ အလုပ်အကိုင်လမ်းကြောင်းကိုပြောင်းသင့်တယ်...

စွေ့ချီချောင်း၏မိဘများကလည်း စွေ့ဟူအား စွေ့ချီချောင်းအကြောင်းများကို မေးမြန်းလာသည်။

စွေ့ဟူက ပျက်စီးနေသောဂြိုလ်ပေါ်တွင် ဖြစ်ပျက်ခဲ့သမျှ ဇာတ်လမ်းများနှင့်ပတ်သတ်ပြီး ဆက်လက်နှုတ်ဆိတ်နေခဲ့သည်။ သူတို့သည်လည်း သူတို့သားက ထိုနေရာတွင်ရှိနေဆဲဖြစ်ကြောင်းသိနေပြီး သူ့အားတိုက်ရိုက်ပင်မေးလာလေသည်။

"စွေ့ချီချောင်းဘယ်မှာလဲ...သူအမှတ်အသားလုပ်ခံလိုက်ရပြီးပြီလား..."

စွေ့ဟူ: "ဦးလေး...ဦးလေးက ဒါပဲဂရုစိုက်နေတာလား..."

"မင်းကတော့ သူ အားလုံးအဆင်ပြေနေပါတယ်လို့ပဲ ပြောမှာ ငါသိတယ်..."

ပါပါးစွေ့က တိုးလျစွာဖြင့်ပြောလာခဲ့၏။

"ငါအဲဒါကိုပဲ ဂရုစိုက်နေရတာက သူက အိုမီဂါမို့လို့လေ...သူအဲဒီနေရာမှာနေနေရင် မင်းထက်တော့ခံစားရသက်သာမှာပဲ..."

စွေ့ဟူက ထိုစကားကြောင့် အော်ရယ်လုနီးပါးဖြစ်သွားသည်။

တကယ်ခံစားရမယ့်လူက ဘယ်သူလဲ…

ပျက်စီးနေသောဂြိုလ်ပေါ်တွင် နေခဲ့ရသည့်အတွေ့အကြုံများက စွေ့ဟူကို အများအပြားပြောင်းလဲပေးခဲ့သည်။ သူ့ထံတွင် Stockholm Syndrome စိတ်ရောဂါရှိနေ၍လည်း ဖြစ်နိုင်၏။ မည်သို့ပင်ဖြစ်စေ ယခုကဲ့သို့ဒုံးဝေးပြီး ကိုယ့်ဖက်ကိုယ်ယက်သည့်မိဘများရှိနေ၍ သူ၏တစ်ဝမ်းကွဲညီလေးအတွက် စိတ်မကောင်းဖြစ်မိသည်။ သူတို့က သူ့ညီလေးကို အိုမီဂါအဖြစ်မွေးဖွားလာသည့်အတွက် အသေအချာအပြစ်မတင်နိုင်ပေ။ သူ့ညီလေးကလည်း သူဘဝကို လိင်နှင့်ဆုံးဖြတ်၍ မရနိုင်ကြောင်းသက်သေပြသွားခဲ့သည်။ အနှီသူက သူ့ဦးလေးအိမ်တွင်မွေးဖွားလာခဲ့ရ၍ နှမြောစရာပင်။

အားလုံးက ပြန်လာရန်အခွင့်အရေးရှိသည့်အကြောင်း သိလိုက်ရသည့်အခါ သူတို့က ညီငယ်လေး၏အမှတ်အသားပေးခံရသည့်အကြောင်းအရာအပေါ်တွင်သာ အာရုံစိုက်သွားကြသည်။ အမှတ်အသားပေးခြင်း မခံရသေးပါက သူက မိသားစုကို ဆက်လက်ထောက်ပံ့ပေးနေဦးမည်သာ။

"ဦးလေး...ညီလေးက ပြန်မလာနိုင်လောက်ဘူး..."

ပါပါးစွေ့နှင့်မာမားစွေ့က သူပြောချင်သည့်အဓိပ္ပါယ်ကို အတိအကျသိထားကြသည်။ သူတို့က စိတ်ပျက်သွားကြသော်လည်း မအံ့ဩမိတော့ပေ။ အိုမီဂါက ထိုနေရာနှင့်မသင့်တော်သလိုယူဆလိုက်လျှင် ပိုပြီးထူးဆန်းသွားနိုင်သည်။

ဤအချိန်မှ သူတို့က စွေ့ဟူအား ဂရုစိုက်ဟန်ပြလာ၏။

"မင်းရဲ့လသာဆောင်က ဘယ်လိုလဲ..."

စွေ့ဟူ: "ကျွန်တော်စိတ်ငြိမ်အောင် အပင်စိုက်နေပါတယ်..."

ပါပါးစွေ့က စဥ်းစားလိုက်သည်။ သူ၏စိတ်ထဲတွင် စွေ့ဟူက ပန်းနှင့်မြက်ခင်းများစိုက်နေသည်ဟု ယူဆမိပြီး ပွဲတော်အတွက် လက်ဆောင်အနေဖြင့် ပန်းပင်အချို့နှင့်မျိုးစေ့တို့ကို စွေ့ဟူထံပို့ပေးသင့်သည်ဟုတွေးနေလေသည်။

......

စွေ့ဟူက ပျက်စီးနေသောဂြိုလ်မှ ထွက်လာသည့်တိုင် ဤပရိုဂရမ်တွင် စွေ့ချီချောင်း၏ကြောက်မက်ဖွယ်လွှမ်းမိုးမှုကို သက်သေပြနိုင်ရန် နောက်ဆက်တွဲအပိုင်းများကို အဓိကအပိုင်းများအဖြစ် ဖြတ်တောက်ပစ်လိုက်သည်။

လယ်စိုက်ရုံသက်သက်ဖြစ်လျှင်ပင် တော်ဝင်မျိုးနွယ်တစ်ယောက်၏ ဦးဆောင်မှုသဘောထားမှာ လက်ဖျားခါဖွယ်ပင်....

ဤပရိုဂရမ်၏ ချိန်ကိုက်ထားမှုအရ မျိုးစေ့ထုတ်ပေးသောကုမ္ပဏီက အပင်စိုက်ရန် ပစ္စည်းတစ်အိတ်စာကို ထုတ်ပေးမည်ဖြစ်သည်။ ၎င်းက ဟိုက်ဒရိုပိုနစ်နည်းလမ်းဖြင့် အပင်စိုက်ပျိုးနိုင်သည့်စက်ဖြစ်ပြီး စွေ့ချီချောင်းစိုက်ထားသော ဆလပ်ရွက်နှင့်ငရုတ်ပင်တို့ကို အဓိကရောင်းချပေးသည်။ ထိုသီးနှံပင်များက လသာဆောင်ပေါ်တွင်စိုက်ရန် သင့်တော်၏။

၎င်းကို အင်မတန်ကောင်းမွန်သည့်ပုံစံဖြင့် ထုတ်လုပ်ထား၏။ စင်တီမီတာဆယ်ချီကြီးမားသော ဟိုက်ဒရိုပိုနစ်စက်များက မြောင်းသွယ်ရန်၊ မြေဩဇာကျွေးရန်၊ အလင်းရောင်ချိန်ညှိရန်၊ ပျိုးကြဲရန်အချိန်နှင့် အခြားသောတာဝန်တို့ကို အလိုအလျောက်အသိပေးနိုင်သည်။ အချက်ပေးသံကို စွေ့ချီချောင်း၏အသံထည့်ထားပြီး လက်တွေ့ရှိုးတစ်ခုမှ ယူထားခြင်းဖြစ်သည်။ ၎င်းမှာ ဝမ်းတွင်းမည်းလယ်သမားတစ်ယောက်က အဆင့်တ်ိုင်းကိုသတိပေးနေသလိုပင်။ အသုံးပြုသူများက ခက်ခဲသည့်အဆင့်ကိုပြောင်းချင်လျှင် အသိပေးချက်အားလုံးကို ဖွင့်ထားရလိမ့်မည်။

အိတ်အပြင်ဘက်တွင် စွေ့ချီချောင်း၏ ချီဘီပုံလေးကိုရိုက်နှိပ်ထားပြီး ဆောင်ပုဒ်က ၎င်းအားဗန်းပြအနေဖြင့်အသုံးပြုထားလေ၏ : ကီးဘုတ်လယ်သမားတွေအဖြစ်ကရုန်းထွက်လိုက်ပါ… XX အပင်တစ်စုံစာကိုဝယ်ယူပြီး စွေ့ချီချောင်းနဲ့အတူ အပင်စိုက်လိုက်ရအောင်…

LJJ ကုမ္ပဏီနှင့် စွေ့ချီချောင်းတို့အကြားမှစာချုပ်တွင် သူ၏ပရိုဂရမ်နှင့်သက်ဆိုင်သော ထုတ်ကုန်များနှင့်ပတ်သတ်သည့်အချက်များ ပါဝင်နေသည်။ ပရိသတ်များကလည်း season သုံးခုအထိ ကြည့်ပြီးပြီဖြစ်၍ သိုလှောင်နိုင်မည့်ပစ္စည်းများ ရောင်းချရန်အတွက် အကောင်းဆုံးအချိန်သို့ ကျရောက်လာလေသည်။

ယခင်က စိုက်ပျိုးရေးကြော်ငြာများတွင် အစားအသောက်၊ ဓာတ်မြေဩဇာနှင့် အစေ့အဆန်များသာပါဝင်ခဲ့သည်။ ဤတစ်ကြိမ်တွင်မူ ကြော်ငြာထုတ်ဝေသည့်အခါ လူတိုင်းကြော်ငြာကိုကြည့်နေစဥ်အတွင်း လယ်စိုက်ချင်သည့်စိတ်ဆန္ဒများ တိုးပွားလာစေခဲ့သည်။ သူတို့ သီးနှံပင်များစိုက်ပျိုးရန် စိတ်အားထက်သန်နေချိန်ဖြစ်၍ ထုတ်ကုန်များက ရောင်းအားထိုးတက်သွားခဲ့သည်။

သီးနှံပင်များ ကြီးထွားလာရန်အတွက်နှင့် သူတို့အိမ်အရှေ့တွင် နေရာကျယ်ကျယ်ယူရမည် မဟုတ်သော်ငြား အိမ်တိုင်းတွင် လသာဆောင်များရှိသည်။ အိမ်နေရာကျဥ်းလျှင်ပင် အပင်ငယ်တစ်စုံစာကိုဝယ်ယူပြီး စားပွဲခုံပေါ်တွင်တင်ထား၍ရသည်။

စိုက်ပျိုးရေးအပင်တစ်စုံစာ၏ ဈေးသည်လည်း အသင့်အတင့်ဖြစ်၍ အားပေးကြသူများမှာ ဝမ်းမြောက်ဝမ်းသာဖြင့်ဝယ်ယူသွားပြီး အိမ်တွင်စိုက်ပျိုးထားကြသည်။ သူတို့မှာ အလုံအလောက်လွှမ်းမိုးခံလိုက်ရသော်လည်း သူတို့၏စရိုက်သဘာဝအရ အပြစ်ရှာဝေဖန်ရန် အကြောင်းရှာကြလိမ့်မည်။ သို့သော်လည်း သီအိုရီနှင့်လက်တွေ့တွင် ကွာခြားချက်ရှိစမြဲပင်။ အသုံးပြုသူအများစုက ဝယ်ယူပြီးသည်နှင့် ခက်ခဲသည့်အဆင့်ကိုသုံးကြပြီး အချက်ပေးသံကို မဖွင့်ထားကြပေ။

အချိန်တစ်ခုကြာသည့်အခါ LJJ အဖွဲ့ဖိုရမ်မှာ စိုက်ပျိုးရေးပြဿနာများကြောင့် အပြင်းအထန်ဝေဖန်ခံရတော့သည်။

ဘာလို့ငါ့ရဲ့ဆလပ်ခင်းက ပိုးကျရတာလဲ… ငါ့ရဲ့ကန်စွန်းဥတွေရှင်ပါ့မလား…

ပရိုဂရမ်၏ ဖြေကြားရေးအဖွဲ့က ၎င်းတို့၏အခြေစိုက်စခန်းကို တူညီသောသတင်းဖလှယ်မှုများအတွက်လည်း အသုံးပြုတတ်ကြသည်။ ဘာဖြစ်နေမှန်းမသိကြသည့်လူများမှာမူ စိတ်ရှုပ်ထွေးကုန်ကြလေ၏။

LJJ ဝက်ဘ်ဆိုက်က hack ခံလိုက်ရပြီများလား…

စိုက်ပျိုးရေးအပင်တစ်စုံစာကို ဝယ်ယူနေကြစဥ်အတွင်း အားပေးသူများမှာ မတွေးမိဘဲ မနေနိုင်ကြတော့ချေ။

ဒီပစ္စည်းက ငါတို့ LJJ ကဝယ်သမျှထဲမှာ မျက်လှည့်အဆန်ဆုံးပဲ…

......

နောက်ဆုံးတစ်ကြိမ်က ဝဲလ်၏ပစ္စည်းများကိုပြန်ရရန် စွေ့ချီချောင်းက သူ့ဘက်မှလူများကိုလွှတ်ပေးခဲ့ခြင်းနှင့် မကြာသေးမီကပင် ကတုံးတို့၏ လေကျယ်မှုများကြောင့် လယ်ယာစိုက်ပျိုးရေးတိုးချဲ့နေသည့်အဖွဲ့အစည်းက အိုမီဂါအဖွဲ့နှင့် ဆက်ဆံရေးကောင်းများရှိမည်ဟု လူတိုင်းသိထားကြသည်။

၎င်းကြောင့်ပင် ပျက်စီးနေသောဂြိုလ်ပေါ်ရှိ ဝဲလ်နှင့်ရိုဆာတို့၏အဖွဲ့အစည်းကို နောက်တကြိမ်တိုက်ခိုက်ရဲသူ မရှိတော့ပေ။

ထို့နောက် အကြီးအကဲဖြစ်လိုသောလူတစ်ယောက်က ဝဲလ်ထံရောက်လာပြီး စွေ့ချီချောင်းနှင့်မိတ်ဆက်ပေးပါရန် တောင်းဆိုလာလေ၏။

ဝဲလ်မှာ တစ်ဖက်လူနှင့် အချိန်အတန်ကြာ အတိုက်အခံပြုပြောဆိုပြီးသည့်နောက် ထိုအေးဂျင့်က နိုင်ငံငယ်လေးမှလာခြင်းဖြစ်ကြောင်းသိလိုက်ရလေသည်။ သူ၏တိုင်းပြည်အခြေအနေက လုံးဝမငြိမ်သက်ပေ။ ပြည်တွင်းပြည်ပအရှုပ်အထွေးများနှင့်သက်ဆိုင်နေပြီး သူတို့၏ရန်သူများကိုချေမှုန်းရန် အင်အားပြင်းလက်နက်များဝယ်ယူရန်လည်းစီစဥ်ထားကြသည်။

တိုင်းပြည်၏ဟိုနေရာ သည်နေရာစုံစမ်းခဲ့ကြပြီးနောက်တွင် သူတစ်ပါးထံမှ တိုက်ခိုက်လုယက်သောဓားပြများကို K921 နှင့်တိုက်ခိုက်ခဲ့သည့် အဖွဲ့အစည်းတစ်ခုသည်ကား ဤနေရာတွင်အခြေစိုက်နေကြောင်းသတင်းကြားလိုက်ရ၏။ သူတို့က ထိုအဖွဲ့အစည်းကို အလွန်သူရဲကောင်းဆန်သလို မှတ်ထင်သွားကြသည်။ သို့ဖြစ်၍ ထိုအဖွဲ့နှင့်တွေ့ဆုံပြီး စီးပွားရေးလုပ်ရန် ဆုံးဖြတ်ခဲ့ကြသည်။ သူတို့ထံမှလက်နက်ဝယ်ရန်တောင်းဆိုသည့် ဓားပြအဖွဲ့များက ငြင်းဆန်ခံရမှန်း သိထားခဲ့ကြလင့်ကစား ထိုတိုင်းပြည်နှင့်ဓားပြများက အခြေအနေမတူပေ။ ထို့ကြောင့် အဆိုပါတိုင်းပြည်ဘက်မှ လူများ၏နှလုံးသားတွင် မျှော်လင့်ချက်ရေးရေးမျှရှိနေခဲ့ကြသည်။

ဝဲလ်က အေးဂျင့်ထံမှ အကြောင်းစုံကိုကြားသိရပြီး အေးဂျင့်သည်လည်း ဝဲလ်ထံမှသတင်းများကို ပြန်ရခဲ့သည်။ အေးဂျင့်နှင့်တိုင်းပြည်က အဆိုပါအမည်မသိအဖွဲ့အစည်း၏ နောက်ကြောင်းကို သိချင်နေကြလေသည်။

ဝဲလ်ကမူ စွေ့ချီချောင်းက လယ်စိုက်ခြင်းကို နှစ်သက်သည့်အကြောင်းသာသိထားပြီး ၎င်းနောက်မှအင်အားစုကို မသိပေ။ သူတို့နှစ်ယောက်၏ဆက်ဆံရေးက အဆင်ပြေနေသော်လည်း အပြင်လောကမှလူများ ထင်ထားသလောက် မရင်းနှီးကြသေးပေ။

ဝဲလ်က စွေ့ချီချောင်းထံပြန်ပြောလိုက်ပါ့မည်ဟုသာ ကတိပေးလိုက်သည်။ ထို့အပြင် ဤအေးဂျင့်က အလွန်တရာနာမည်ကြီး၍ သူ့ကိုငြင်းလိုက်ခြင်းက မသင့်လျော်နိုင်ပေ။

အေးဂျင့်အရှေ့မှာပင် ဝဲလ်က စွေ့ချီချောင်းထံဖုန်းခေါ်ပြီ စပီကာဖွင့်ထားလိုက်သည်။

စွေ့ချီချောင်းကချက်ချင်းဖုန်းဖြေလာ၏။

"ဝဲလ်ပါလား…"

"ဟယ်လို..."

ဝဲလ်က မဝံ့မရဲနှင့်ပြန်ဖြေလိုက်သည်။

"ကျွန်တော် အခု အကြီးအကဲတစ်ယောက်နဲ့ရှိနေတာ... သူက လူနည်းနည်းနဲ့မိတ်ဆက်ပေးပြီး ခင်ဗျားနဲ့စီးပွားဖက်ဖြစ်လို့ရမလားလို့ လာမေးနေတယ်..."

စွေ့ချီချောင်းက ငတုံးမဟုတ်၍ မည်သို့သောစီးပွားရေးဖြစ်ကြောင်း မကြာမီမှာပင် သဘောပေါက်သွားလေ၏။ "စစ်လက်နက်တွေအတွက်လား..."

ဝဲလ်: "ဟုတ်တယ်...အတော်လေးမြင့်တဲ့လက်နက်ပေါ့..."

ကတုံးများထံမှ သတင်းရလိုက်၍တော်သေးသည်။ အန္တရာယ်ရှိသော အမည်မသိအဖွဲ့အစည်းသည်လည်း လက်နက်အသစ်များကို လေ့လာနေကြောင်း တိုင်းပြည်ဘက်မှ ကြားထားခဲ့သည်။ တိုင်းပြည်ဘက်မှ K921 လက်နက်များဝယ်မည့်အကြောင်းကို မပြောလိုက်ဘဲ အခြားသေစေနိုင်သော လက်နက်တစ်ခုခုဖြစ်လျှင်လည်း ရပေသည်။

အမည်းရောင်ဝတ်စုံပြည့်ဖြင့်လူက အခြားလက်တစ်ဖက်ပေါ်ရှိလက်ညိုးမှ ရတနာကို ပွတ်သပ်နေသည်။ သူ၏မျက်လုံးများက ခန့်မှန်းရခက်စေကာမူ နားရွက်နှစ်ဖက်က စွင့်ကားနေပြီး ကြားနိုင်သလောက် သတင်းအစအနမှန်သမျှဖမ်းယူနေပုံပင်။

စွေ့ချီချောင်းက ချက်ချင်းငြင်းလိုက်သည်။

"သူ့ကိုအားနာပါတယ်လို့ ပြောလိုက်ပါ...ငါစစ်လက်နက်တွေမရောင်းဘူး..."

ဝဲလ်က အံ့ဩသွားဟန်မပြဘဲ အေးဂျင့်ကို နောင်တရစွာဖြင့်ကြည့်ပြီးပြန်ဖြေလိုက်သည်။

"အင်း သိပါပြီ..."

အေးဂျင့်၏မျက်လုံးထဲမှ မျှော်လင့်ချက်အလင်းရောင်လေးမှာ ပျက်သုဥ်းသွားရလေပြီ။ တစ်ဖက်လူက သူ့နာမည်ကိုပင် မမေးလာခဲ့၍ သူတွေးထားသည်ထက်ပင် ပိုခက်ခဲမည့်ပုံပင် ယခုလိုဖြစ်နေပါက သူတို့မည်သည့်နေရာမှ လက်နက်သွားရှာရမည် မသိတော့ပေ။

သူက အခြားအကြံအစည်များကို ကြိုတင်ပြင်ထားခဲ့သော်ငြား ဝဲလ်က ရုတ်ချည်းပင် "အင်း" ဟုပြောလာပြီး သူ့အား စိုက်ကြည့်လာသည်။

ဘာတွေဖြစ်နေတာလဲ…

ဝဲလ်က အနည်းငယ် တုံ့ဆိုင်းနေပုံရသော်လည်း အေးဂျင့်ကိုကြည့်လိုက်သေး၏: "သူက မေးနေပါတယ်...အခြားစီးပွားရေးဆိုရင်ရော ခင်ဗျားစိတ်ဝင်စားမှာလားတဲ့..."

အေးဂျင့်၏မျက်လုံးများက အရောင်လဲ့သွားပြန်သည်။ "ဘယ်လိုစီးပွားရေးဖြစ်ဖြစ် ရပါတယ်လို့..."

သူက လက်နက်အရောင်းအဝယ်မလုပ်ချင်ရင် ဘာလုပ်ချင်တာလဲ… စွမ်းအင်လား…ရှားပါးသတ္တုလား…

အကျိုးအမြတ်များသရွေ့ စွန့်စားနိုင်သည်။ အနှီအမည်မသိအဖွဲ့အစည်းက သူနှင့်အတူတွဲလုပ်ချင်သည့်လုပ်ငန်းမျိုးကိုမျှော်လင့်နေသည်။ ယင်းက အပြန်အလှန်နားလည်နိုင်ရန်အတွက် ပထမဆုံးအဆင့်ပင်ဖြစ်သည်။

ဝဲလ်: "အာ...ဆလပ်ရွက်မျိုးပေါ့..."

အေးဂျင့်: "ဟမ်…"

ထိုသူက စက္ကန့်ပိုင်းမျှမတုံ့ပြန်နိုင်တော့ဘဲ မျက်နှာပေါ်မှအပြုံးဖျော့ဖျော့ပင် အေးခဲသွားရသည်။

ဝဲလ်: "ဟုတ်သားပဲ...ဆလပ်ရွက်ပေါ့...လတ်ဆတ်ပြီးစားကောင်းတဲ့ဆလပ်ရွက်..."

သူသည်ကား တစ်ဖက်လူ၏မျက်နှာကိုကြည့်ပြီး အနည်းငယ်ရှက်သွားမိသည်။ သို့သော်ငြား ပြောရင်းမှ သူ့စိတ်ထဲတွင်အကြံတစ်ခုက ဖျတ်ကနဲပေါ်လာကာ ပိုပြီးသွက်လက်လာခဲ့သည်။

"ခင်ဗျားနဲ့ တွဲလုပ်မယ့်လူရဲ့စရိုက်က အရမ်းအဆင့်အတန်းမြင့်တယ်...သူတို့ရဲ့မြေဧရိယာကသေးတော့ စိုက်ပျိုးရေးထုတ်ကုန်တွေအပေါ်မှာ ပိုပြီးအားကိုးနေရတာလေ...ခင်ဗျားက နောက်ဆုံးပေါ်နည်းပညာနဲ့ ဆလပ်ရွက်စိုက်တာကို စိတ်ဝင်စားနေတာမလား..ခင်ဗျားကိုယ်တိုင် စမ်းမြည်းကြည့်ပြီးမှ မိတ်ဆွေတွေကိုပေးလိုက်လေ..."

အေးဂျင့်သည်ကား သဲလွန်စများကိုစပ်ဆက်ကြည့်ကာ အတည်ပြုပြောလိုက်သည်။

"ဒီလူကြီးမင်းက...ကျွန်တော်ဆိုလိုတာ...ဒီလူကြီးမင်းက XXX..XXX မှာနေတဲ့တစ်ယောက်လား.."

ဝဲလ်က မျက်တောင်လေးတဖျတ်ဖျတ်နှင့် ပြောလာသည်။

"အဲဒီနေရာရောက်ရင် ခင်ဗျားရဲ့စိတ်ကကြည်လင်သွားလိမ့်မယ်ထင်တယ်..."

သူ ယခုချက်ချင်းပင် သေသွားတော့မည်ထင်သည်။ အေးဂျင့်မှာ အချိန်အတန်ကြာသည်အထိ စိတ်ထိခိုက်ခဲ့ဖူးပြီး အခြေအနေပေါင်းစုံကိုလည်း ကြုံတွေ့ခဲ့ရဖူးသည်။ သို့တစေ ဤမျှလောက် မှင်သက်ခဲ့ရခြင်းမျိုး မရှိပေ။ အချိန်တိုအတွင်း ပြန်လည်သုံးသပ်ကြည့်ပြီးနောက် နှလုံးသားထဲတွင်ညိုးငယ်သွားရပြီး သူ့အပြုအမူအတွက် အရှက်ရသွားလေ၏။ အတွေ့အကြုံရင့် အသည်းကွဲသမားတစ်ယောက်အနေဖြင့် ပြန်ရလာသည့်သတင်းကိုသာ တည်တည်ငြိမ်ငြိမ်နှင့် မိမိုက်စွာလက်ခံသင့်သည်။ တုံ့ပြန်မှုလွန်ကဲခြင်းက ဖောက်သည်၏စိတ်ကို ရှုပ်ထွေးစေလိမ့်မည်။

သူက အမူအရာကိုပြင်ကာ တုံ့ပြန်လိုက်ပေ၏။

"ကျွန်တော်ကောလဟလတွေအရ ကြားဖူးတာတော့ ဒီအဖွဲ့ထဲဝင်တဲ့သူတွေက အရင်က အသီးအရွက်တွေစိုက်ကြတယ်ဆို...ဒါလည်း သူတို့ရဲ့ထုတ်ကုန်တစ်မျိုးလား..."

ဝဲလ်က ခေါင်းညိတ်ပြလိုက်သည်။

အေးဂျင့်က ခဏမျှတွေးနေပြီးနောက် တီးတိုးရေရွတ်လာ၏။

"တောင်းပန်ပါတယ်...ကျွန်တော်အချိန်ခဏလောက်လိုနေလို့ပါ..."

ဝဲလ်က အပြင်ထွက်သွားသည်ကိုကြည့်နေပြီး သူကလည်း အလုပ်ရှင်ကို သီးသန့်ဆက်သွယ်လိုက်ရလေသည်။

🍀🍀🍀

Prev Next