MM Story Teller

Chapter 122

Viewers 6k

🌱 Arc 3 - [ကြယ်တာရာခေတ် ABOကမ္ဘာတွင် လယ်စိုက်ခြင်း ]

Ch 122

နောက်ဆုံးတော့ မင်းရောက်လာပြီ(၁)

စွေ့မိသားစုက စွေ့ဟူကိုရှာတွေ့သွားပြီးနောက် စွေ့ဟူမှာ စွေ့ချီချောင်းကို ချက်ချင်းအကြောင်းကြားလိုက်ရသည်။ စွေ့ချီချောင်းထံမှ ခွင့်ပြုချက်ရသည်နှင့် စွေ့ဟူမှာ စွေ့ချီချောင်း၏နောက်ခံအစစ်အမှန်ကို စွေ့မိသားစုထံ ဖွင့်ဟလိုက်ရတော့သည်။

အားလုံးသိသွားကြပြီးဖြစ်၍ စွေ့ချီချောင်း၏နောက်ကြောင်းကို လျှို့ဝှက်ထားလိုက်လျှင်ပင် အသုံးမဝင်တော့ပေ။

စွေ့မိသားစုမှာ အစည်းအဝေးကြီးတစ်ခုကျင်းပလိုက်ကြပြီး စွေ့ချီချောင်းက "မြစိမ်းရောင်" အဖွဲ့အစည်းတွင် ရှိနေမည့်နေရာနှင့် အပြင်ဘက်လောကမှ သူ၏ဂုဏ်သတင်းအကြောင်းဆွေးနွေးခဲ့ကြသည်။

တတိယအစုကမူ "မြစိမ်းရောင်" အဖွဲ့ကို မြေအောက်အဖွဲ့အစည်းတစ်ခုဟု ယုံကြည်ထားခဲ့သည်။ ထို့အပြင် "မြစိမ်းရောင်" အဖွဲ့၏ဘော့စ်နှင့် အိုမီဂါအဖွဲ့အစည်းကြားတွင် ကောလဟလဖြစ်ဖွယ်ကိစ္စများ ရှိလိမ့်မည်ဟုလည်း ယုံကြည်ထားကြသေး၏။ စွေ့မိသားစုကမူ သူတို့ကြားထားသော စွေ့ချီချောင်းနှင့်ပတ်သတ်နေသည့် သတင်းမှန်သမျှကို အယုံအကြည်မရှိပေ။ စွေ့ဟူ၏ စွေ့မိသားစုအားပြောဆိုသည့်လေသံအရ စွေ့ချီချောင်းကသာ ကောလဟာလဖြန့်နေသူဖြစ်နိုင်၏။ သို့သော်လည်း စွေ့ချီချောင်းက အိုမီဂါအဖွဲ့အစည်းနှင့် ပတ်သတ်နေရသည့်အကြောင်းအရင်းကိုမူ နားမလည်နိုင်ပေ။ စွေ့ချီချောင်းနှင့် အိုမီဂါအဖွဲ့အစည်းက ရည်မှန်းချက်ပန်းတိုင်တူလိမ့်မည်ဟု သူတို့က ယုံကြည်ထားခဲ့ကြသည်။

သို့သော်လည်း လက်တွေ့တွင် စွေ့ချီချောင်းက မည်သည့် မြေအောက်လုပ်ငန်းနှင့် မပတ်သတ်ခဲ့သလို သူ၏လူများလည်း မပါဝင်ခဲ့ပေ။ သူ့ဘက်တွင် စွေ့မိသားစု၏ဆွေမျိုးများ(ဝမ်းကွဲများ) အနက်မှတစ်ယောက်သာရှိပြီး သူ့အတွက် အလုပ်လုပ်ပေးနေကြသူများမှာလည်း စွေ့မိသားစုက သူ့အားလိုက်ရှာခိုင်းစဥ်က ပိုက်ဆံပေးထားခဲ့သည့် ကြေးစားများသာဖြစ်သည်။

၎င်းအပြင် စွေ့မိသားစုက စွေ့ချီချောင်း၏စွမ်းရည်ကိုသိလိုက်ရချိန်တွင် ပိုပြီးပင် အံ့အားသင့်သွားခဲ့ကြသည်။ စွေ့ချီချောင်းက ဆွေမကင်းမျိုးမကင်းဆက်ဆံရေးများကြောင့် စွေ့မိသားစုကို သက်ညှာပေးလိမ့်မည်ဟု သူတို့က ထင်မှတ်ထားခဲ့ကြ၏။

ထိုထင်မြင်ယူဆချက်များအရ စွေ့ချီချောင်းက အဖေဖြစ်သူနှင့် ဒုတိယအကြိမ်မြောက် ဗီဒီယိုကောလ်နှင့်စကားပြောလိုက်ရသည်။ စွေ့ချီချောင်း၏လက်ရှိအနေအထားကို အတည်ပြုပြီသည့်နောက် စွေ့ချီချောင်း၏အဖေဖြစ်သူက စွေ့မိသားစုကိုယ်စား စကားပြောခဲ့သည်။ သူ့ဘက်မှ စွေ့ချီချောင်းကို တောင်းပန်ခဲ့ပြီး စွေ့ချီချောင်းကို မိသားစုနှင့်ပြန်လည်သင့်မြတ်နိုင်ရန်မျှော်လင့်ကြောင်း တောင်းဆိုခဲ့သည်။

စွေ့ချီချောင်းကမူ အဖေဖြစ်သူ၏ အရှက်ကင်းမဲ့သည့်မျက်နှာနှင့် ဗီဒီယိုကောလ်ခေါ်ဆိုမှုကို တိုက်ရိုက်လွှင့်ပြနေခဲ့သည်။ ဗီဒီယိုထဲတွင် အဖေဖြစ်သူက အရာအားလုံးက သူ၏ သားသမီးအပေါ်နားလည်မှုမရှိဘဲ ဂရုမစိုက်မိ၍ ဖြစ်ပြီး အိုမီဂါတစ်ယောက်အပေါ် မျှော်လင့်ချက်ခိုင်မာခဲ့ကြောင်း ပြောဆိုထားလေသည်။ သူ့ဘက်မှ စွေ့ချီချောင်းနှင့်ဆက်ဆံရေးကို ပိုဝေးမသွားစေဘဲ စွေ့ချီချောင်းဘက်မှလည်း သူ့အားအဖေကောင်းတစ်ယောက်အဖြစ် ပြန်လည်ပြသခွင့်ပေးရန် တောင်းပန်လာခဲ့သည်။ သူက စွေ့ချီချောင်း၏အမေကိုပင် ဆွဲထည့်လိုက်ပြီး သူမက သားဖြစ်သူကိုသတိရနေပါကြောင်း မာယာပိုကာ ပြောဆိုသွားသေးသည်။

ဗီဒီယိုတစ်ခုလုံး စွေ့ချီချောင်းအား ချီးမွမ်းထားခြင်းအပြင် အခြားအရာမပါပေ။ အမှန်တွင် အနှီသူက ရိုးသားမှုကိုပိုပြချင်လေ၊ သူ့အနေဖြင့် ပိုပြီးဝေးကွာသွားလေပင်။

ပါပါးစွေ့က နာကျင်နေပုံဖြင့်ပြောလိုက်သည်။

"သား...မင်းလည်း အသက်နှစ်ဆယ်ပြည့်ပြီလေ... တစ်ယောက်ယောက်က မင်းကို အမှတ်အသားပေးဖို့ စဥ်းစားလို့ရပါတယ်... ဒါပေမဲ့ တားဆေးတွေ ရေရှည်မသုံးရအောင် မင်းရဲ့သဘောထားကို အယ်လ်ဖာတွေဆီ ပြဖို့လိုတယ်... အခုမင်းအနားမှာရှိနေတာ အယ်လ်ဖာအစ်ကိုနဲ့အစ်မရယ် ကြေးစားတွေရယ်ပဲ...သူတို့က သိပ်မကောင်းဘူးလေ..."

ရုတ်တရက် ဒေါသထွက်လာသော ကတုံးများ: "......."

ပါပါးစွေ့က ကြင်နာတတ်သည့်အပြုံးလေးဖြင့်ဆက်ပြောလာသည်။

"ဒီတော့ မင်းစိတ်ဝင်စားနေကျ အပြစ်ကင်းပြီးကြည့်ကောင်းတဲ့ အယ်လ်ဖာတွေကို ရှာပေးထားတယ်... ယောကျ်ားတွေလည်းပါတယ်... မိန်းမတွေလည်းပါတယ် အကုန်လုံးက မင်းနဲ့သက်တူရွယ်တူတွေပဲ... မင်းဘေးနားမှာရှိနေရင် လုံခြုံသလိုခံစားရပြီး မင်းဖြစ်ချင်တာတွေအကုန်လုံးလုပ်ပေးကြလိမ့်မယ်...အမှတ်အသားပေးတာ မခံချင်ရင်လည်း မင်းသဘောပဲ... မင်းသဘောကျတဲ့ ဘီတာပဲဖြစ်ဖြစ် အိုမီဂါပဲဖြစ်ဖြစ်ရှိရင် မိသားစုကိုလှမ်းပြီးစာရေးလိုက်...အဖေတို့စီစဥ်ပေးမယ်..."

ထိုနေရာတွင်ပင် မက်ဆေ့ချ်ကပြီးဆုံးသွားခဲ့သည်။

အားလုံးက ဘော့စ်စွေ့၏တုံ့ပြန်ချက်ကို ခိုးကြည့်လိုက်ကြပြီး သူက မနှစ်မြို့သလို မျက်မှောင်ကြုတ်နေသည်ကို ရှားရှားပါးပါးမြင်လိုက်ရသည်။ မိသားစုနှင့်အလှမ်းဝေးနေ၍ စိမ်းကားသွားခြင်းလား၊ အခြားအကြောင်းအရာကြောင့်လားကို သူတို့မသိပေ။

မက်ဆေ့ချ်ရပြီးပျော်နေသူမှာ စွေ့ဟူတစ်ယောက်တည်းသာဖြစ်သည်။ အမှန်အတိုင်းသိသွားချိန်တွင် သူတို့၏တုံ့ပြန်လာမည့်အခြေအနေကို သူမျှော်လင့်ထားခဲ့ပြီး ယခုမူ သူတို့ဘက်က လက်လျှော့ရမည့်အချိန်နှင့် ရှေ့ဆက်တိုးရမည့်အချိန်ကို သိသွားကြခြင်းဖြစ်လိမ့်မည်။

စွေ့ဟူက ဤကိစ္စနှင့်ပတ်သတ်ပြီး စွေ့ချီချောင်းကိုစည်းရုံးခဲ့ရသည့်အချိန်ကို ပြန်တွေးမိလိုက်သည်။ ထိုအချိန်က သူ ယတိပြတ်မပြောခဲ့ပေ။

"မင်းက ဒီမှာအရမ်းတော်နေရင်တောင် လက်ထပ်ဖို့အချိန်ရောက်ရင် အိမ်ပြန်ရမှာပဲ...အခုတော့ မင်းမျက်စိကျလာမယ့်အယ်လ်ဖာကို ရှာထာဦးပေါ့..."

သူတို့၏အန်ကယ်က အတိတ်မှ စွေ့ဟူနှင့်ယှဥ်လိုက်လျှင် "အံ့ဖွယ်"ဖြစ်လာခဲ့သည်။ သူက အရေထူထူဖြင့် သားဖြစ်သူ၏အိပ်ရာကို နွေးထွေးစေရန် လူပင်ရှာပေးလိုက်သေးသည်။ ထို့အပြင် စွေ့ချီချောင်းက သူတို့ကို အိပ်ရာပေါ်ခေါ်မတင်ချင်လျှင် သူ၏လက်အောက်ငယ်သားများက သူ့သားနှင့်ဆက်ဆံရေးကို ပြုပြင်ပေးရလိမ့်မည်။ သားဖြစ်သူ၏အဖွဲ့အစည်းကိုချုပ်ကိုင်နိုင်လျှင် ပိုအဆင်ပြေသည်ဟု မှတ်ယူထားပေသည်။

စွေ့ထင်ကမူ အခြားအကြောင်းအရင်းတစ်ခုနှင့် ပြုံးလိုက်လေ၏။ သူတို့၏မိသားစုက ရိုးရှင်းပြီးရက်စက်သည့်နည်းလမ်းကိုသာ အသုံးပြုသည်။ စွေ့ချီချောင်းအပေါ်တွင် သူတို့အားလုံးက အိုမီဂါလိုပင်ဆက်ဆံကြရာမှ အယ်လ်ဖာတစ်ယောက်ပုံစံဖြင့် ပြောင်းပြီးဆက်ဆံခဲ့ကြသည်။ သို့သော်လည်း တစ်ဖက်က ထိုအတိုင်းရိုးရိုးလေးမတွေးပေ။

ယခု ဤနေရာမှလူများသာမက ယခင်က တစ်ဝမ်းကွဲမောင်လေးပြောခဲ့ဖူးသည့်အတိုင်း အယ်လ်ဖာများက အစားကြီးပြီး အစားအသောက်ကိုဖြုန်းတီးတတ်ကြသည်။ သူအလကားခေါ်လာသည့်အယ်လ်ဖာပင် အာကာသထဲသို့လွှင့်ပစ်ခံလိုက်ရ၏။

ဘယ်သူကများ စွေ့ချီချောင်းဆီကို အယ်လ်ဖာနောက်တစ်ယောက်ထပ်လွှတ်ပေးဖို့ စဥ်းစားရဲမှာလဲ...

ထင်သည့်အတိုင်း စွေ့ချီချောင်းက မက်ဆေ့ချ်ကိုပိတ်လိုက်ပြီး စားသောက်ရန်ထွက်သွားတော့သည်။

ညစာစားပြီးသည့်အခါ စွေ့ထင်က စွေ့ချီချောင်းထံသွားပြီး လုပ်ငန်းကိစ္စများကို အစီအရင်ခံသည်။ ပြီးသည့်နောက် မနေနိုင်တော့၍ ထုတ်မေးလိုက်ရ၏။

"မောင်လေး...အရင်က ဦးလေးလုပ်ပုံကို မကြိုက်ဘူးဆိုပြီး ပြောခဲ့တုန်းကအတိုင်း တုံ့ပြန်တာလား...ဒါမှမဟုတ် စိတ်ဆိုးနေတုန်းပဲလား..."

သူမက စွေ့ချီချောင်း၏ရည်ရွယ်ချက်ကို အတည်ပြုချင်နေခဲ့၏။

"မင်းထင်နေသလိုမဟုတ်ဘူး...ဒါပေမဲ့ ဒါကို အရေးမကြီးသလိုလည်း လုပ်လို့မရဘူး..."

စွေ့ချီချောင်းက ဒွိဟဖြစ်နေသည့်မျက်နှာဖြင့် ပြန်ဖြေလာသည်။ ရိုးရိုးသားသားပြောရလျှင် သူ ဂရုမစိုက်ပေ။ အစက စွေ့မိသားစုကို အနည်းငယ်စိတ်ပူခဲ့သော်ငြား သူတို့ကိုယ်တိုင်စီမံနေသည်ကိုကြည့်ပြီး သူတို့အပေါ်တွင် ခံစားချက်မရှိတော့ချေ။

စွေ့ထင်က သူ့စကား၏ ဖုံးကွယ်ထားသောအဓိပ္ပါယ်ကိုနားလည်သွားပြီး ခေါင်းညိတ်ပြကာ ထွက်သွားခဲ့သည်။

သူမ ထွက်သွားပြီးမှ စွေ့ချီချောင်းက အဖေဖြစ်သူ၏စကားများကို ပြန်ကြားယောင်မိသွားသည်။ သူ ရှောင်ပိုင်ကိုပုတ်ပေးနေရင်း ပြောလိုက်၏။

"ဒီကလူတိုင်း တွေးခေါ်တဲ့နေရာမှာ ပြဿနာရှိနေတယ်ထင်တယ်... သူတို့က အယ်လ်ဖာနဲ့အိုမီဂါလို့ ပြောလိုက်ရင် ပန်းချီတွေထဲကလို လိင်ဆက်ဆံနေတာကိုပဲပြေးမြင်နေကြတယ်..."

ရှောင်ပိုင်: "မြောင်..."

ဒါပေမဲ့လည်း အဲဒီလိုမဟုတ်သေးပြန်ဘူးလား...

စွေ့ချီချောင်း: "ငါကခွဲခြားပြီး ဆန့်ကျင်ပြောနေတာမဟုတ်ပါဘူး… ဘယ်လောက်ပဲ လိင်ကိစ္စအပေါ်အရူးအမူးဖြစ်ပြီး ဘယ်နှခါပဲလုပ်နိုင်ပါစေ… ဒီနေရာက ယဥ်ကျေးမှုတောင် ဒီလိုဖြစ်နေတာ...ဒါပေမဲ့ ငါကတော့..."

သူ ခဏရပ်လိုက်ပြီးမှ ဆက်ပြောလိုက်သည်။

"အင်း...ငါ့သဘောအရဆိုရင်...ပြီးတော့ ငါဒီမှာဆက်နေဖို့အချိန်ရသေးရင် ငါဒီစကြဝဠာကြီးကို အတွေးအခေါ်နဲ့ဂုဏ်သိက္ခာရှိဖို့သင်ခန်းစာပေးပြီး အတင်းအကြပ်ပြောင်းခိုင်းမှာ..."

ရှောင်ပိုင်: "......."

....ဝိုး...

.....

LJJ:

[???]

[ငါနားကြားမှားတာလား… အခုလေးတင် ဘော့စ်စွေ့က ဘာပြောလိုက်တာလဲ… သူက စကြဝဠာကြီးကိုမောင်ပိုင်စီးပြီး ခေတ်သစ်ရဲ့နတ်ဘုရားဖြစ်လာချင်တယ်လို့ ပြောလိုက်တာလား…]

[အကျော်အမော်ကြီးတွေက ပြီးစလွယ်မပြောသင့်ဘူး… သူပြောချင်တာက စကြဝဠာကြီးကိုစုစည်းပြီး ဧကရာဇ်လုပ်မယ်တဲ့…]

[ရယ်ရလွန်းလို့ သေတော့မှာပဲ… ငါကတော့ A/B/O ကမ္ဘာလို့တောင်မထင်တော့ဘူး… စွေ့ချီချောင်း ဧကရာဇ်ဖြစ်ချင်လာတဲ့နေရာကို ခဏလောက်သွားကြည့်လိုက်ဦးမယ်…]

[ဟား...ဟား...ငါ အရင်လိုမဟုတ်တော့ဘူး… ငါဘာလုပ်ရမလဲ မင်းက ဧကရာဇ်ဖြစ်လာဖို့စိတ်ဝင်စားနေပေမဲ့ ငါကတော့ မင်းလယ်စိုက်တာကိုပဲကြည့်ချင်တာ…]

[ဖာ့ခ်...ဟား...သူဒီဂြိုလ်ပေါ်မှာနေဖို့ အချိန်မရှိတော့တာကြောင့်မဟုတ်ဘူး…စွေ့ချီချောင်းက စကြဝဠာကြီးကိုစုစည်းမှာ...ဘာလို့လဲဆိုတော့ ဒီကလူတွေစအကုန်လုံးက တဏှာရူးတွေမလို့လေ…]

[ငါတော့ ရယ်ရလွန်းလို့ မောတောင်မောတယ်… ဒါက စွေ့ချီချောင်းတစ်ယောက် သွေးကြောထဲကနေဝိညာဥ်နိုးထလာပြီလို့ ယူဆလို့ရလား…]

[ငါတို့ကတော့ ဘယ်နှခါလောက် ပါးဖြတ်ရိုက်ခံရလဲမသိပေမဲ့ ပန်းတိုင်ကတော့ပြောင်းသွားပြီ ဟီး...ဟီး…]

[ကျွန်မရဲ့ဘော့စ်စွေ့ရယ် စကြဝဠာကြီးကိုစုစည်းဖို့ စိတ်ရှုပ်ခံမနေပါနဲ့…နောက်ဆက်တွဲကဒီလိုလာလိမ့်မယ်: တိုက်ရိုက်ပြသချိန်က သင့်ရဲ့အောင်ပွဲကိုဂုဏ်ပြုပေးရလောက်အောင်အချိန်မလောက်ပါဘူး… သင့်ရဲ့ကြီးမားတဲ့အကြောင်းအရင်းကိုပြသခဲ့ပြီး စကြဝဠာမှာ စိုက်ပျိုးရေးနည်းပညာအသစ်ကို ဖြန့်ဝေခွင့်မပေးတော့ပါ… သင့်စိတ်ကြိုက် လယ်စိုက်ခွင့်လည်းမရှိတော့ပါ… သင့်ရဲ့ပန်းတိုင်ကို တမျှော်တခေါ် မျှော်လင့်ထားခြင်းများက သင့်ရဲ့ထူးချွန်သောဝါသနာကိုကွယ်ထားစေပါသည်… ကျွန်ုပ်ဒါမျိုးကို လက်မခံနိုင်တော့ပါ…]

[ငါ့ရဲ့ ဒုတိယမြောက်အကြောင်းပြချက်က စွေ့ချီချောင်းသာ သူပုန်တွေကိုသွားတိုက်ခဲ့ရင် ဒီလောင်ဇီက ပရိုဂရမ်ကိုစွန့်ပစ်လိုက်မယ်…]

[ငါကတော့ အဓိကဇာတ်ကောင်ကို သတိလေးထားစေချင်တာ်… ပရိသတ်တွေက မင်းကိုကြည့်ဖို့လာခဲ့တယ်ဆိုတာလည်းစဥ်းစားပေးဦး…]

[ ငါကတော့ သူပြောလိုက်တဲ့ကြေညာချက်ကို သွားပြန်ကြည့်ဦးမယ်… တကယ်လည်းဖြစ်နိုင်တယ်၊ စွေ့ချီချောင်းက ဒီဂြိုလ်ကို ဝိညာဥ်ကူးပြောင်းလာတာလည်းဖြစ်နိုင်တယ်…]

......

စွေ့မိသားစု အငြင်းခံလိုက်ရသည်မှာ အံ့ဩစရာမကောင်းပေ။ မကြာမီပင် စွေ့ချီချောင်းအကြောင်းကို လိုက်စုံစမ်းနေသူများက လွန်ခဲ့သည့်နှစ်များအတွင်းဖြစ်ခဲ့သမျှကို သဘောပေါက်သွားခဲ့သည်။ ယင်းကြောင့် စွေ့မိသားစုနှင့် "မြစိမ်းရောင်" ၏ဘော့စ်တို့ အငြင်းအခုန်ဖြစ်ကြပြီး သူကိုယ်ပိုင်လုပ်ငန်းစတင်ခဲ့ချိန်တွင် စွေ့မိသားစုက အကျိုးအမြတ်မရတော့ခြင်းဖြစ်သည်။ ထို့နောက် မျိုးဆက်တူ မိသားစုဝင်များက ယုံကြည်မှုရရန်မျှော်လင့်ချက်ဖြင့် စွေ့ချီချောင်းထံ ကိုယ်တိုင်ရောက်လာခဲ့ကြသည်။

အဆိုပါ "မြစိမ်းရောင်"၏ သတင်းကိုအသုံးချပြီး အကျိုးအမြတ်ရှာချင်သူများမှာ စိတ်ဝင်စားမှုမရှိကြတော့ဘဲ ကိုယ်ပိုင်လုပ်ငန်းတွင်ပင် ပြန်ပြီးအာရုံစိုက်လိုက်ကြသည်။

တစ်ဖက်တွင်မူ စွေ့မိသားစုများက နေ့တိုင်း ထိုကိစ္စအပေါ်တွင်သာ အာရုံစိုက်နေမိကြသည်။ သူတို့၏လူများကိုလွှတ်ရန်မစီစဥ်ကြတော့ဘဲ စုံစမ်းပြီးသည်နှင့် စွေ့ချီချောင်းထံ စားနပ်ရိက္ခာများကို ကတိုက်ကရိုက်ပို့ရတော့သည်။ စွေ့ချီချောင်း၏ ငယ်ဘဝမှတ်ဉာဏ်များပြန်ရစေရန် အရုပ်များပင်သုံးပြီး မြူဆွယ်ခဲ့ကြသေး၏။

နိုင်ငံကြီးများအကြားမှ တင်းမားမှုများမြင့်တက်လာသောကြောင့် သူတိုထံတွင် ပျုငှာမှုရှိလာခြင်းပင်။ အဆိုပါတိုင်းပြည်များက အပြန်အလှန်စစ်ပြုကြပြီး မတည်ငြိမ်လာခဲ့သည်ရှိသော် စွေ့မိသားစုကလည်း ပြန်ဆုတ်မည့်နေရာကိုစီစဥ်ထားခဲ့သည်။

ပျက်စီးနေသောဂြိုလ်က မငြိမ်မသက်ဖြစ်နေပုံရသော်လည်း စစ်ဖြစ်လာခဲ့လျှင် ထွက်ပြေးရန်ကောင်းသည့်နေရာပင်။ "မြစိမ်းရောင်"အဖွဲ့က စစ်ထဲတွင် ပါသည်ဖြစ်စေ၊ မပါသည်ဖြစ်စေ၊ အင်အားပြင်းလက်နက်ရှိနေ၍ တစ်ပမ်းသာနိုင်၏။

စွေ့ချီချောင်းက စစ်ထဲတွင်ဝင်မပါသည့်တိုင် အန္တရာယ်ကိုသိနေခဲ့ပြီး တိုင်းပြည်များနှင့် ပျက်စီးနေသောဂြိုလ်ကဝေးကွာသောကြောင့် အလွန်အမင်း ဂရုမစိုက်မိခဲ့ပေ။ တစ်ခုတည်းသော အစစ်အမှန်ပြောင်းလဲမှုမှာ အသီးအရွက်ဝယ်သူများက မျက်နှာစုံညီတွေ့ပြီး ဝယ်ရခြင်းပင်။ စစ်ကြီးဖြစ်ခဲ့လျှင် လူချမ်းသာများပင် အသီးအရွက်ကို သူတို့ထံမှဝယ်စားရလိမ့်မည်။

နောက်ပိုင်းတွင် အခြေအနေများက ပိုမိုပြင်းထန်လာပြီး စစ်ပွဲအမြောက်အမြားစဖြစ်လာခဲ့သည်။ ကြယ်တာရာကမ္ဘာ၏ သတ်မှတ်ချက်အရဆိုလျှင် "အလယ်ပိုင်းလွင်ပြင်တွင် သမင်ကိုအမဲလိုက်" သလိုပင်။

စွေ့ထင်က ထိုအကြောင်းကိုစွေ့ချီချောင်းထံ သတင်းပို့လိုက်သည်။

"လူတွေက ငါတို့ရဲ့လူမရှိတဲ့မြေတွေကိုဝင်လာပြီး စစ်ပွဲထဲဝင်ပါမလို့ ပြင်နေကြတယ်...အခြေအနေတွေကအတော်လေးဆိုးတယ်...မောင်လေးရဲ့အတွေးကရောဘယ်လိုလဲ..."

စွေ့ချီချောင်းနှင့် ကုန်ဆုံးခဲ့ရသည့်အချိန်က များလာ၍ဖြစ်မည်။ စွေ့ထင်က စွေ့ချီချောင်း၏စိုက်ပျိုးရေးနှင့် ပတ်သက်ပြီး မတက်ကြွသော်လည်း လက်နက်များ၏ ပြုပြင်တည်ဆောက်ရေးဒီဇိုင်းများနှင့် စွမ်းအင်များထုတ်လုပ်ရေးတွင် တစ်ဖက်ကမ်းခတ်ကျွမ်းကျင်ကြောင်း သိရှိထားသည်။ အနှီသူက သတင်းများကိုဖတ်မိပြီး အခြေအနေကိုလည်း အတိအကျသိနေနိုင်သည်။ သူမသည် စွေ့ချီချောင်း ဤနေရာတွင် စပါးများကိုသိုလှောင်ခဲ့စဥ်က အစီအစဥ်ကြီးတစ်ခုရှိနေမည်ကို သံသယဝင်နေမိရုံပင်၊ ထို့ကြောင့် အနှီသူက တိုင်းပြည်တစ်ခုကို တည်ဆောက်လိုကြောင်းပြောသည့်အချိန်က သူမ မအံ့ဩသွားခဲ့ခြင်းဖြစ်သည်။

စွေ့ချီချောင်းက ဂရုတစိုက်တွေးနေပြီးမှ ပြောလိုက်သည်။ "အင်း...အဲဒီလူတွေက ဒီနေရာကို ခဏတစ်ဖြုတ်တော့ လှည့်မလာနိုင်လောက်ပါဘူး...ငါတို့က သူတို့နေရာကိုပြန်သိမ်းဖို့စဥ်းစားရမယ်.."

စွေ့ထင်: "....."

လက်တွေ့၌ ဤနယ်ပယ်တွင် စွေ့ချီချောင်းတစ်ယောက်တည်းကသာ အကျွမ်းကျင်ဆုံးဖြစ်နေလေသည်။ သူ အမွေဆက်ခံထားသော အရည်အချင်းများကြောင့် အလုပ်အကိုင်အပေါ်တွင် ဂရုမစိုက်ပေ။ သူ့အတွက် R and D နယ်ပယ်တွင် အနီးဆုံးနေရာမှဝင်ပါရန် မဖြစ်နိုင်ချေ။

လက်ရှိတွင် သူက နှစ်ဆယ့်သုံးရာစုနှစ်၏ ဂြိုလ်တစ်လုံးပေါ်၌ရှိနေပြီး နှစ်ဆယ့်သုံးရာစု၏ အသုံးပြုသောနည်းပညာက ခေတ်နောက်ကျနေဆဲပင်။ ထို့ကြောင့် စစ်ပွဲက ကျယ်ပြန့်လာသည်ဖြစ်စေ၊ ရပ်သွားသည်ဖြစ်စေ သူ မကြောက်ရွံ့ပေ။

သို့သော်လည်း စွေ့ချီချောင်းက အတုအယောင်ဂြိုလ်၏ A/B/O ကမ္ဘာမှ ပညာရေးကိုတွေးမိနေပြီး သူ၏ကန့်သတ်ထားသည့်အချိန်အရ ပြဿနာရှိနေသည်ကို နားလည်သွားခဲ့သည်။ သို့ဖြစ်၍ အနှီနုနယ်နေသောအကြံကို မတွေးမိရန် သူ့ကိုယ်သူထိန်းချုပ်ထားလိုက်သည်။

အကျဥ်းချုပ်ရလျှင် သူ့ထံ၌ ဤဂြိုလ်မှလွဲပြီး စကြဝဠာကြီးကိုအုပ်စိုးရန် အကြံအစည်မရှိပေ။

စွေ့ထင်က အဓိပ္ပါယ်မရှိသည့် အပျော်ရှာမှုအတွက် သူ့မကိုယ်သူမ ဆူငေါက်လိုက်၏။ ယခုတွင် ထိုသူ၏အကြံကိုသူမနားလည်သွားခဲ့ပြီဖြစ်သည်။ ထိုသူ၏အဖြေကို သူမ သိထားခဲ့သည်မှာလည်း ကြာခဲ့ပြီပင်။

🍀🍀🍀

Prev Next