MM Story Teller

Chapter 211

Viewers 32k

🦊Arc 13 [စွမ်းအင်ကျောက် လက်မှုပညာရှင်]

Chapter 211

13.18 - ယခုတော့ အနှီသူကို သူ့အနားတွင်ချုပ်ထားနိုင်ပြီ

လူအများက ထိုကိစ္စအပေါ်ဆွေးနွေးလာကြ၏။

[ဟယ့်ယန်းယန်း: သူအကောင်းဆုံးအဆင့်ကျောက်ကိုရသွားတာနဲ့ ပြိုင်ပွဲမှာနိုင်လိမ့်မယ်လို့မထင်နဲ့။ ကျောက်ကောင်းတွေဆိုတာထိန်းချုပ်ဖို့နည်းလမ်းကောင်းတွေလိုတယ်။ ဟ...ဟ]

မုရှီးမှာ ထိုအမြင်များကို အတော်လေးကျေနပ်မှုမရှိ၊ ထိုလူများနှင့်ငြင်းခုန်ရန် အွန်လိုင်းပေါ်တက်ချင်သော်လည်း ရွှယ်လင်ကသူမအားတားမြစ်ခဲ့သည်။

နှစ်ပေါင်းများစွာ တစ်ဖက်သား၏မျက်နှာကိုရိုက်နှက်လာခဲ့သည့် ကျွမ်းကျင်သူ ရွှယ်လင်အနေဖြင့် လူအုပ်ကြီးကို တစ်ပြိုင်တည်းပါးချလိုက်လည်းကိစ္စမရှိ။ ၎င်းတို့ပြောချင်သလောက်ပြောကြပါစေ၊ ပြိုင်ပွဲရောက်လျှင် အဖြေပေါ်လာမည်သာ။ အင်တာနက်တွင်ငြင်းခုန်ရန်မလိုအပ်ပေ။

ထိုသို့ မနာလိုဝန်တိုမစ္ဆာရိယပွားနေသောလူများအပြင် မတူညီသောရှုထောင့်မှ စဥ်းစားကြသည့် အခြားသူများလည်းရှိသေးသည်။ ၎င်းတို့စဥ်းစားပုံကမူထူးဆန်းပြီး ရွှယ်လင်ပင်ထိုသူတို့၏အတွေးကို လေးစားသွားရကာ ၎င်းတို့၏ဆန်းကြယ်သော စဥ်းစားနည်းက အခြားသူများကိုရယ်ရမလား၊ ငိုရမလားပင်မသိနိုင်အောင် ဖြစ်စေခဲ့လေသည်။

ဥပမာပြောရပါက လူတစ်ယောက်ကရွှယ်လင်၏ ဝင်ခွင့်လက်မှတ်ကိုယူထားပြီး ပြိုင်ပွဲကျင်းပနေစဥ်အတွင်း နေ့တဝက်မတိုင်ခင်မှာပြန်ထွက်လာသည်ကို သက်သေပြပေးခဲ့သည်။ ၎င်းတို့ကပြိုင်ပွဲတစ်ခုလုံးကို လေ့လာသုံးသပ်ပြီး ရွှယ်လင်ကပြိုင်ပွဲကွင်းတစ်ခုလုံးအနှံပင်မသွားခဲ့ဘဲ ကျောက်တုံးကိုရွေးပြီးသည်နှင့် ပြန်ထွက်လာခဲ့သည့်အကြောင်းကိုပါ ထည့်သွင်းစဥ်းစားခဲ့ကြသည်။

အနှီခွဲခြမ်းစိတ်ဖြာမှုအရ ဖြစ်နိုင်ချေသုံးခုထွက်ပေါ်လာသည်။ ပထမအချက်၊ ရွှယ်လင်က စည်းကမ်းချိုးဖောက်ခဲ့ပြီး ပွဲစတည်းက ကျောက်တုံးရှိနေသည့်နေရာကို သိနေခဲ့သည်၊ ထို့ကြောင့်ပင် ပြိုင်ပွဲကွင်းထဲသို့ဝင်ရန်သာလိုခဲ့ပြီး ယူပြီးမှထွက်လာခဲ့ခြင်းဖြစ်သည်။

ဒုတိယအချက်မှာ ရွှယ်လင်ကကံကောင်းပြီး ကြက်ကန်းဆန်အိုးတိုးကာ SSS အဆင့်ကျောက်ကိုရလာနိုင်ခဲ့သည်။

တတိယအချက်သည်ကား ရွှယ်လင်၏ဝိညာဥ်စွမ်းအင်က လိုအပ်သည်ထက်ပိုအားကောင်းပြီး ထိလိုက်ရုံနှင့် စွမ်းအင်ခရစ်စတယ်ပါသောသတ္တုရိုင်းကို ပြောနိုင်ခြင်းဖြစ်မည်။

အဖြေသုံးခုထွက်ပေါ်လာပြီးသည့်နောက် မူလပို့စ်တင်သူက ထိုဖြစ်နိုင်ချေသုံးခုကို လူထုထံချပြလာသည်။

[ပထမအချက် ...ဒီပြိုင်ပွဲရဲ့ အစီအစဥ်ကြေညာသူက လက်မှုပညာရှင်ဆရာသခင် အစည်းအရုံးကပဲ၊ အဆင့်အတန်းမြင့်ပြီး ကျေနပ်အောင်လုပ်ပေးဖို့ခက်တယ်၊ တော်ဝင်မိသားစုတောင် သူ့ကိုမထိန်းချုပ်နိုင်ဘူး၊ ဒီတော့ ခိုးချတယ်ဆိုတဲ့ဖြစ်နိုင်ချေကသုညပဲ၊ ဒီလိုပြိုင်ပွဲမျိုးဝင်ပြိုင်ရင် တော်ဝင်မိသားစုကဆရာငယ်လေးတွေတောင် အခွင့်အရေးမရဘူး...ဒီတော့ လက်မှာပညာရှင်ဆရာသခင်အစည်းအရုံးက မြို့စားမင်းရဲ့မွေးစားသားဖြစ်လို့ဆိုပြီး ခိုးချခွင့်ပေးဖို့လည်းမဖြစ်နိုင်ဘူး..ဆိုတော့ ဒါကစာမေးပွဲအောင်ရတဲ့ ပထမဆုံးအကြောင်းအရင်း

ဒုတိယအချက် ...SSS အဆင့်ကျောက်တုံးကို ကျောက်ရိုင်းပင်လယ်ကြီးထဲကနေ ရှာတွေ့လောက်အောင် ကံကောင်းတဲ့လူမျိုးရှိလို့လား?

မင်းရရင်တော့ သွားလုပ်ကြည့်ပေါ့၊ ကံကောင်းလို့ တစ်တုံးလေးပဲရခဲ့မယ်ဆိုရင်တောင် မူလပို့စ်ပိုင်ရှင်က ဒူးထောက်ပြီးမင်းကိုအဖေခေါ်ပြမယ်။

ဒုတိယအချက်ကို ထည့်ပြောတာကတော့ အလကားသက်သက်ပဲ ဉာဏ်နည်းတဲ့လူတောင် ဒီလိုပြိုင်ပွဲက အပျော်လုပ်တာမဟုတ်ဘူးဆိုတာသိကြတယ်၊ သခင်ငယ်လေးက မြို့စားမင်းနဲ့အတူရှိနေတာ၊ ဒါမျိုးက သာမန်လူတွေကိုတောင်လိမ်နိုင်တာမဟုတ်ဘူးလေ၊]

မူလပို့စ်ပိုင်ရှင်လက်ခံတဲ့ နောက်ဆုံးတစ်ချက်ရှိသေးတယ်။ ကောင်လေးဖက်ထားတဲ့ ရွှေပေါင်လုံးကြီးကြောင့်မဟုတ်ဘူး၊ အဲဒါထက် ဒေတာအချက်အလက်တွေနဲ့ သံသယဝင်နေတဲ့လူတွေရဲ့ မျက်ခွက်ကိုရိုက်လိုက်တာ၊ သခင်လေး ကျောက်ရွေးတဲ့နေရာမှာ အခြေအနေသုံးခုကို လေ့လာခဲ့ကြတယ်၊ ဘုံတူတာလည်းတစ်ခုပဲတွေ့ခဲ့ရတယ်၊ သခင်လေးက ကျောက်တွေရွေးတဲ့နေရာမှာ အရမ်းမြန်နေတာပဲ၊ သူကကျောက်တွေကို ထိတောင်မထိခဲ့ဘူး၊ ဒါပေမဲ့ မျက်လုံးနဲ့ကြည့်ပြီး အမြင့်ဆုံးစွမ်းအင်ပါတဲ့ ကျောက်တစ်တုံးကိုရွေးချယ်ခဲ့တယ်၊ သူကျောက်ရွေးနေတာကို ငါ ဗီဒီယိုသုံးခုရိုက်လာခဲ့တယ်၊ မင်းတို့သေချာကြည့် ကြည့်ကြ [ပထမဗီဒီယို] [ဒုတိယဗီဒီယို] [တတိယဗီဒီယို]

မင်းတို့ ဗီဒီယိုကို သုံးဖက်မြင်ပြောင်းလိုက်ပြီး သခင်လေးအနားမှာရပ်နေရင်တောင် သူကျောက်တုံးကို အတိအကျဘယ်လိုရွေးလိုက်လဲဆိုတာ သိလိုက်မှာမဟုတ်ဘူး၊ သူကခဏလေးကြည့်ပြီးပဲရွေးလိုက်တာ၊ ပြီးတော့ ရွေးလိုက်တဲ့ကျောက်တုံးကို စဥ်းတောင်စဥ်းစားမနေဘဲယူလိုက်တာ၊ ဖြစ်သွားတာမျက်တောင်တစ်ခတ်စာလေးပဲကြာတယ်၊ သူလုံးဝလက်နှေးမနေဘူးနော်၊ ဘယ်လိုကြီးလဲ?

အဲဒါကိုကြည့်ရင် သခင်လေးက သူ့စွမ်းရည်အပေါ် အရမ်းယုံကြည်ချက်ရှိနေတာ၊ ပြီးတော့ သူ့စွမ်းအားအပေါ်မှာပိုတောင်ရှိနေသေးတယ်၊ ထပ်ပြောရရင် သခင်လေး SSS အဆင့်ကျောက်ကို ဒီတခေါက်ရွေးလိုက်နိုင်တာ ကံကောင်းလို့မဟုတ်ဘူး၊ ဘာကြောင့်မှလည်းမဟုတ်ဘူး၊သူ့စွမ်းရည်နဲ့ ဒီအတိုင်း ရွေးလိုက်တာပဲ

သခင်လေးကိုမုန်းနေကြတဲ့သူတွေက သုံးစားမရတဲ့ငပိန်းတွေပဲ!!! နောက်ဆုံးပွဲမှာ သခင်လေးပါးရိုက်တာကိုခံဖို့ ပြင်ထားကြ!]

အနှီပို့စ်ကို ကြယ်တာရာကွန်ရက်တွင် မရေတွက်နိုင်အောင်မျှဝေထားကြသည်။ မူလပို့စ်ပိုင်ရှင်ဖြေရှင်းထားသည့် အချက်အလတ်စိတ်ဖြာမှုက သေသပ်နေ၏။ သည့်အပြင် ပို့စ်တွင် မူလပို့စ်ပိုင်ရှင်က မုန်းတီးသူများကို ချက်ကျလက်ကျဖြေရှင်းမှုဖြင့် ရှော့ခ်ရစေခဲ့ပြီး မုန်းတီးသူများ၏မျက်နှာကို ဥပမာပြကာ ဖြတ်ရိုက်ထားခဲ့သည်။

ရွှယ်လင်က ပို့စ်ကိုကြည့်ပြီးစိတ်ဝင်စားစရာကောင်းသည်ဟု ထင်လိုက်သည်။ သူ့ထံတွင် ဤမျှများပြားသည့် ပရိသတ်များရှိနေလိမ့်မည်ဟု မသိထားခဲ့ချေ။ ဖတ်ကြည့်ပြီးသည့်နောက် စိတ်လှုပ်ရှားစရာကောင်းပြီး ပျော်ရွှင်သွားရကာ ထိုညမှာပင် သူ၏ကိုယ်ပိုင်ဟုမ်းပေ့ချ်တွင်မျှဝေခဲ့သည်။ သူ၏မက်ဆေ့ချ်မှာ: နောက်ဆုံးပြိုင်ပွဲမှာ ငါရိုက်တာခံဖို့မင်းတို့အသင့်ဖြစ်ပြီလား?

သူသည်အမြဲဂုဏ်ယူနေတတ်ပြီး ချုပ်တည်းထားတတ်သူမဟုတ်၊ သည့်အပြင် အင်တာနက်ပေါ်တွင် မထင်မရှားနေရန်လည်း စိတ်ကူးမထားပေ။ ယင်းက ရွှယ်လင်အစတည်းက လုပ်ချင်နေသည့်အရာဖြစ်သော်လည်း အင်တာနက်ပေါ်မှ သူ၏ပြောင်မြောက်သောသတိပေးချက်က ကြယ်တာရာကွန်ရက်တွင် သွေးမုန်တိုင်းရိုက်ခတ်သွားစေခဲ့သည်။

ရွှယ်လင်သည် ကြယ်တာရာကွန်ရက်တွင် သူ့စကားကြောင့် ဖြစ်သွားမည့်အကျိုးဆက်ကိုဂရုမစိုက်နေပေ၊ အကြောင်းမှာ စွမ်းအင်ခရစ်စတယ်ရလာသည်နှင့် သူ၏ဆရာအသစ်နှင့်အတူစတင်လေ့ကျင့်ရပြီး ပြင်းထန်သည့်သင်ကြားမှုအတွက် ဆရာ၏အိမ်တွင်တံခါးပိတ်လေ့ကျင့်ရတော့သည်။ ယင်ကျားက သူ့အားတွေ့ချင်လာလျှင်ပင် မုန့်ချောင်က သူ့အား အပြင်ထွက်ခွင့်ပေးမည်မဟုတ်။

အပြင်ဘက်တွင် ရက်အနည်းငယ်ကြာအောင် ချန်ထားခံခဲ့ရသည့်မြို့စားမင်းမှာ ဖိအားအနည်းငယ်မျှခံစားနေရလေသည်။

မော့ရှီးမှာ အလုပ်ထွက်စာလည်းယူမလာရဲဘဲ မြို့စားမင်းက သူ့စကားပင်မဆုံးသေးခင် မောင်းထုတ်ခံလိုက်ရမည်ကို ကြောက်နေမိသည်။ သူသည်ကား ကြယ်မြို့တော်အတွင်းမှထွက်၍ စစ်ဌာနချုပ်သို့သာသွားချင်နေတော့၏။

မုရှီးသည် အနှီအတောအတွင်း အချို့သောပုံမှန်မဟုတ်မှုကို သတိပြုမိနေသလိုပင်။ ပုံမှန်တွင် သူမက ထိုကိစ္စမျိုးနှင့် ပတ်သတ်လာလျှင် စိတ်ဆတ်တတ်သော်လည်း အတူတကွရှိလာကြသည့်နောက်ပိုင်း ယင်ကျား၏စိတ်ခံစားချက်များကို အတော်လေးသိရှိလာခဲ့သည်။ ယင်ကျားမှာ ရွှယ်လင်၏အခန်းတွင်အချိန်ပိုကုန်လာလေ၊ နေ့စဥ်ဘဝတွင် အတက်အကျများလေဖြစ်လာကာ မုရှီးလည်းတဖြည်းဖြည်းခေါင်းကျိန်းလာတော့၏။

တကယ်ပင် မြို့စားမင်းက ထိုကလေးအပေါ် မည့်သည့်သဘောထားမျိုး ရှိနေသနည်း?

သူမပိုတွေးမိလေ၊ ပိုထူးဆန်းသလိုဖြစ်လာလေပင်။

မုရှီး ထိုကိစ္စနှင့်ပတ်သတ်၍ မှားနေသည့်အကြောင်းအရာကို မသိရသေးခင် လတဝက်ကအလျင်အမြန် ကုန်ဆုံးသွားခဲ့သည်။ ရွှယ်လင် မုန့်ချောင်အိမ်မှပြန်လွတ်လာပြီး ပထမဆုံးမြင်လိုက်ရသည်က ယင်ကျားပင်။

လဝက်ခန့်မတွေ့ခဲ့ရလေရာ သူတကယ်ပင် အနှီယောကျ်ားပျိုကို လွမ်းဆွတ်နေခဲ့မိသည်။ ရွှယ်လင်က ယင်ကျားကို ပျော်ရွှင်စွာပွေ့ဖက်လိုက်ပြီး အများအပြားတွေးမနေတော့ဘဲ လည်ပင်းပေါ်တွင်လက်ကိုတွယ်ချိတ်လိုက်ကာ ခြေဖျားထောက်၍အနမ်းဖွဖွပေးလိုက်၏။

ယင်ကျားက သူ့ခါးကိုဖက်ထားပြီး အနှီသူကိုရင်ခွင်ထဲတွင်ဖိချုပ်ထားကာ ခေါင်းငုံ့ပြီး ရွှယ်လင်ကို နှုတ်ခမ်းချင်းနမ်းလိုက်လေသည်။

ယင်းသည်ကား စိုးမိုးခြယ်လှယ်လိုစိတ်နှင့် ထက်သန်ပြင်းပြမှုတို့ ရောစပ်နေသည့်အနမ်းမျိုး၊ လွန်ခဲ့သောလဝက်အတွင်း ပြောပြမရသည့်တောင့်တမှုနှင့် လွမ်းဆွေးမှုတို့ဖြင့် ပြည့်နှက်နေခဲ့သည်။

ပူလောင်ပြင်းပြလွန်းလှ၍ ရွှယ်လင်ပင်တုန်လှုပ်နေပြီး မည်ကဲ့သို့အသက်ရှူရမှန်းပင်မသိတော့၊ သူသည် အသက်ရှူရခက်ခဲလာသည်အထိ ယင်ကျားထံမှအနမ်းခံလိုက်ရကာ တစ်ကိုယ်လုံးအနှီသူ၏လက်မောင်းထဲတွင် ပျော့ပျောင်းသွားခဲ့သည်။

နောက်ဆုံးတွင် ယင်ကျားကသူ့အားလွှတ်ပေးလိုက်ပြီး ဂရုတစိုက်ဖြင့် ပွေ့ဖက်ထားလိုက်သည်။ သူသည်နံဘေးတွင် ပါးစပ်အဟောင်းသားဖြင့်ရပ်နေသော မုန့်ချောင်ကို လှည့်ကြည့်လိုက်ပြီး ရွှယ်လင်ကို ယာဥ်ပေါ်သို့တင်ပေးလိုက်၏။

ယင်ကျား၏သက်တော်စောင့်များမှာ အပြင်ဘက်လောကအား မမြင်မကြားရအောင် ၎င်းတို့ကိုယ်တိုင်လေ့ကျင့်ထားသည်၊ ၎င်းတို့၏ အစောင့်အကြပ်တာဝန်ကို မလွတ်တမ်းထမ်းဆောင်နေပြီး သူတို့၏သခင်နှင့် သခင်လေးတို့အကြားမှ ပတ်သတ်မှုအပေါ် ပကတိဥပေက္ခာပြုထားကြသည်။ ယင်ကျားက ရွှယ်လင်အားပွေ့ဖက်ကာ ထွက်ခွာသည်နှင့် ၎င်းတို့သည်လည်း မုန့်ချောင်ကိုနှုတ်ဆက်ကာ ယာဥ်ပေါ်သို့တက်သွားကြတော့သည်။

ရွှယ်လင် အသိပြန်ဝင်လာသည့်အခါ နားရွက်နှစ်ဖက်လုံးနီမြန်းနေပြီး ယင်ကျား၏ပွေ့ဖက်ထားမှုမှရုန်းထွက်လေ၏။

"ကျွန်တော်ပြိုင်ပွဲအတွက်လုပ်စရာရှိသေးတယ်...!"

သူယခုလေးတင် ပြိုင်ပွဲအတွက် တံခါးပိတ်လေ့ကျင့်ရေးမှ လွတ်လာရုံရှိသေးပြီး ယင်ကျားစိတ်လွတ်သွားသည်နှင့် သူတို့စကားများကြတော့သည်။ ယင်ကျားက အဘယ်ကြောင့်သူ့အား တိုက်ရိုက်ပြန်ခေါ်သွားရန်စီစဥ်နေသလိုခံစားနေရပါသနည်း။

ယင်ကျားကသူ့အား ခါးမှပြန်ချုပ်ထားသည်။ သူ၏ကိုယ်အပေါ်ပိုင်းက လိမ်တွန့်နေသော်လည်း ငေးမောနေကာ ယင်ကျားလက်ထဲမှမလွတ်နိုင်ချေ။ အကြောင်းအရင်းသည်ကား သူ၏ကိုယ်တစ်နေရာက ထကြွလာသောကြောင့်ပင်။

ယင်ကျားက အသံနိမ့်နိမ့်ဖြင့်ပြောလိုက်လေ၏။ "ကောင်းကောင်းနေစမ်းပါ...ကိုယ်မင်းကိုပြိုင်ပွဲခေါ်သွားပေးမယ်..မလှုပ်နဲ့...မဟုတ်ရင် မင်းကိုဝင်မပြိုင်ခိုင်းတော့ပဲနေမှာနော်..."

ရွှယ်လင်မှာ တစ်ခဏတာတိတ်ဆိတ်သွားပြီး ယင်ကျား၏ပွေ့ဖက်မှုထဲတွင် ကိုယ်လေးပြန်ကျုံ့သွားသည် ခေါင်းလေးငုံ့ထားပြီး စကားမများတော့ပေ။

ယင်ကျားက သူ့အားဖက်ထားရင်း ငုံ့ကြည့်လာပြီး အနှီသူ၏နားရွက်များက နီရဲနေသည်ကိုတွေ့လိုက်ရသည်၊ ဆရာငယ်လေးက မခုခံတော့ပေ။ သူ့မျက်လုံးထဲတွင် ရွှင်မြူးရိပ်လေးသန်းသွားခဲ့၏။ သူ၏ခန့်မှန်းချက်ကမမှားနိုင်သော်ငြား....."ပြိုင်ပွဲပြီးရင် တို့တွေစကားကောင်းကောင်းပြောရအောင်....ဟုတ်ပြီလား.." ။

ထိုစကားအားပြောလိုက်စဥ်တွင် သူ၏နှုတ်ခမ်းများက ရွှယ်လင်၏နားရွက်ကိုကိုက်တော့မည့်နှယ်၊ သူ၏ခပ်အောအောအသံက နားစည်အိမ်ကို လှုပ်ရှားသွားစေသည်၊ ရွှယ်လင်မှာ အသံမထွက်ဘဲ မျက်နှာကို လက်ထဲတွင်သာ ဝှက်ထားလိုက်ရတော့သည်။

အနှီသူက ရှက်နေသလိုထင်ရသော်လည်း တကယ်တမ်းတွင် စနစ်နှင့်စကားပြောနေခြင်းသာ။

"ဟုတ်ပါပြီ..host ပဲနိုင်ပါတယ်..အနည်းဆုံးတော့ သူ host အရွယ်ရောက်တဲ့အထိ ထိန်းထားနိုင်မယ်ထင်ခဲ့တာ...သူဒီလောက်အထိမထိန်းချုပ်ထားနိုင်မယ်လို့ မထင်ထားခဲ့ဘူး.."

စနစ်က အနှီမြို့စားမင်းကို မနှစ်မြို့ဖြစ်နေသည်။ အနှီသူသည် အတိတ်မေ့နေပြီး ခံစားချက်များကို မသိတော့သည့်တိုင် host ၏လက်ခုပ်ထဲက မလွတ်နိုင်သေး၊ host ၏လက်ထဲတွင် တင်းတင်းဆုပ်ထားသည်ကို ခံနေရဆဲ။ ထို့ကြောင့်ပင် အနာဂတ်တွင် ထိုသူက မည်မျှမယားကြောက်ရလိမ့်မည်ဖြစ်ကြောင်း လူတိုင်း ရှင်းရှင်းလင်းလင်းသိသွားကြတော့မည်။

ရွှယ်လင် ပျင်းတွဲတွဲဖြင့် စနစ်ကိုဂုဏ်ယူစွာပြန်ပြောလိုက်သည်။

"ဒါက သည်းသည်းလှုပ်တာမဟုတ်ပါဘူး...သူကထိန်းချုပ်ထားနိုင်ပေမဲ့ လက်မနှေးသေးဘူးလေ..သူငါ့ကိုလဝက်တောင်မတွေ့ခဲ့ရတာ..သူဘယ်လိုလုပ်အရင်မစပဲနေမလဲ..ငါတို့မခွဲခင်က သူပြောချင်ခဲ့တာကတော့ထားလိုက်ပါတော့..လဝက်တောင်သည်းခံထားရတာက တော်တော်များနေပြီ..."

စနစ်မှာ စူးရွှမ့်ယန်တစ်ယောက် ၎င်း၏ host လက်ထဲမှ မလွတ်မြောက်နိုင်၍ ဝမ်းနည်းမိသည်။ မမျှော်လင့်ဘဲ ရွှယ်လင်ကခေါင်းယမ်းပြီး နှုတ်ခမ်းများက ကွေးညွတ်သွားကာ အလွန်တရာမှနူးညံ့လှသော အပြုံးလေးတစ်ခုပေါ်လာလေ၏။

"သူငါနဲ့မခွဲနိုင်တာထက် ငါမရှိဘဲမနေနိုင်မှာကို ပိုစိုးရိမ်တယ်..."

နှစ်ပေါင်းများစွာ အခက်အခဲများကို အတူတကွရင်ဆိုင်လာကြပြီးနောက် ၎င်းတို့၏ဆက်ဆံရေးက မျိုးဆက်သုံးဆက်၏ ကံကြမ္မာထက်ပင် ပိုနက်ရှိုင်းလာခဲ့သည်။ ရွှယ်လင်၏ အနှီယောကျ်ားပျိုအပေါ်သံယောဇဥ်က ထိုသူ၏သူ့အပေါ်ရှိချစ်ခြင်းများထက် မလျော့ပါချေ။

အချစ်များက ပိုမိုခိုင်မာလာခဲ့သည်။ တဖက်သတ်အချစ်က ယနေ့အခြေအနေအထိထောက်ပံ့မပေးထားနိုင်ပေ။ သူ့အနေဖြင့်ထိုသူအပေါ် စနောက်ကျီစယ်ပြီး လှည့်စားရသည်ကို နှစ်သက်သည့်တိုင် ရွှယ်လင်သည်ကား သူ့နှလုံးသားထဲမှ ထိုသူ၏နေရာကို အတိအကျသိထားနှင့်လေသည်။

ထိုသူက ဤဘဝတွင် တော်တော်နှင့်မချစ်လာခဲ့ပေ။ နှစ်များစွာ အတူတကွရှိလာခဲ့ကြသည့်နောက် ထိုယောကျ်ားပျိုကသူ့အား ပုန်းလျိုးကွယ်လျိုးချဥ်းကပ်လာလျှင်ပင် သူတစ်ဖက်လူကိုလက်မလျှော့နိုင်ပေ။

သူ၏နောက်ဆုံးအမြှီးကို ပြန်ရလာသည်နှင့် ထိုသူသည် မူလကမ္ဘာကိုပြန်သွားပြီး သူ၏မှတ်ဉာဏ်များကို ပြန်ရနိုင်ကောင်း၏...သူနှင့်ထိုယောကျ်ားတို့၏ ပထမဆုံးတွေ့ဆုံမှုက မည်သို့များဖြစ်လာလိမ့်မည်နည်း။

သူသည် လက်တွေ့ဘဝမှ စူးရွှမ့်ယန်ကိုမူ မြင်တွေ့ချင်ခဲ့၏။

*****

ပြိုင်ပွဲသို့လာရောက်အားပေးသည့် ပရိသတ်များမှာ ပင်လယ်ကြီးအလားပင်။ အမာခံပရိသတ်အများအပြားရှိပြီး ပြိုင်ပွဲကိုတိုက်ရိုက်ထုတ်လွှင့်မည်ဖြစ်သည်၊ ဆိုလိုသည်မှာ များပြားလှသောကြည့်ရှုသူများက နောက်ဆုံးပြိုင်ပွဲကို ကြယ်စုကြီးတစ်ခုလုံးကိုဖြတ်သန်းပြီး ကြယ်တာရာကွန်ရက်မှ ကြည့်ရှုနေကြလိမ့်မည်။

နောက်ဆုံးပွဲစဥ်အထိ တက်လှမ်းလာခဲ့သော ပြိုင်ပွဲဝင်များအားလုံးမှာ အလွန်တော်ကြသူများချည်းသာ။ ၎င်းတို့အထဲမှ မော့လန်နှင့်ဟောက်စုန့်လဲ့တို့က ပြိုင်ပွဲအစတွင် ရွှယ်လင်ကို နှုတ်ဆက်လာကြသည်။ ၎င်းတို့က ဒီပွဲအတွက် ဇာတ်လိုက်များဟုတ်မဟုတ်မသိသော်လည်းထိုအနေအထားအထိရောက်ရန် စီစဥ်ထားကြသည်။

ကျင်းပလာခဲ့သည်မှာ နှစ်ပတ်မျှကြာခဲ့ပြီးဖြစ်၍ လူတိုင်း ပြိုင်ပွဲဝင်များကို ရင်းနှီးနေကြပြီဖြစ်ကာ ၎င်းတို့တွင် တောင့်တင်းသောနောက်ခံများကိုယ်စီရှိကြ၏။ နှိုင်းယှဥ်ချက်များအရ ပြိုင်ပွဲအစတွင် နာမည်ကြီးသွားခဲ့သောရွှယ်လင်က အနှီပြိုင်ပွဲငယ်များအတွင်း(ဝင်မပြိုင်လို့) အမည်သိပ်မရခဲ့ချေ။

ဤတစ်ခါပြိုင်ပွဲတွင် သူတစ်ယောက်တည်းကသာ လူသိမများ၍ သူ၏အပြစ်ကင်းသောရုပ်ရည်သွင်ပြင်တစ်ခုတည်းကသာ သတိထားမိချင်စရာကောင်းနေခဲ့သည်။ ၎င်း၏အနောက်တွင် မြင်းနက်တစ်ကောင်ရှိနေသလိုပင်။ နောက်ဆုံးပြိုင်ပွဲအတွက် စင်ပေါ်သို့တက်လာသည်နှင့် မည်သူကမှသူ့အားမနှိမ်လာကြ။ သူ့လက်ထဲမှ SSS အဆင့်ကျောက်တုံးက လူတိုင်း၏စိတ်ထဲတွင် အရိပ်မည်းကြီးပမာ စွဲနေခဲ့သည်ပင်။

ပစ္စည်းအရည်အသွေးက ရွှယ်လင်အပေါ် ကောင်းသည့်အချက်နှင့် မကောင်းသည့်အချက်များဖြစ်စေခဲ့သည်။ သူသာ အကောင်းဆုံးမသုံးနိုင်ခဲ့လျှင် အပြင်းအထန်ရှုတ်ချခံရနိုင်၏။

ရွှယ်လင်သည် ထိုကိစ္စများအပေါ် အာရုံမရှိချေ။ သူစင်ပေါ်သို့တက်လာပြီးနောက် သူ့မျက်လုံးများက အခြားပြိုင်ပွဲဝင်များအပေါ်ရောက်သွားခဲ့သည်။ အချိန်အတိုင်းအတာတစ်ခုအထိ အနီးကပ်လေ့လာခဲ့သော်လည်း ပြိုင်ပွဲဝင်များ၏စွမ်းအားက သူ့အတွက်အခွင့်အရေးများဖြစ်နေပြီး စနစ်ကသူ့အတွက်ပွဲစဥ်များကို မော်နီတာအပေါ်၌ပြသလာသည်။ ရွှယ်လင်သည် လက်ထဲမှရွှေလက်ချောင်းကြောင့်နှင့် အောက်ခြေမလွတ်ပေ။ မောက်မာမှုနှင့်ကျေနပ်အားရမှုတို့က အမြှောက်စာများသာ လုပ်တတ်သည့် ရူးကြောင်ကြောင်လုပ်ရပ်ပင်။

ပြိုင်ပွဲ၏ပထမအဆင့်မှာ ၎င်းတို့၏စွမ်းအင်ခရစ်စတယ်ကိုသန့်စင်ရမည်။ လဝက်ခန့်အထိ ရွှယ်လင်သည် မုန့်ချောင်၏သင်ပြမှုအောက်တွင် SSS အဆင့် ခရစ်စတယ်အမြောက်အများကို သန့်စင်ခဲ့ရပြီး လုပ်ငန်းစဥ်နှင့်ပတ်သတ်၍ ပိုသိလာရန်မှာမဖြစ်နိုင်ပေ။ သူ၏ဝိညာဥ်စွမ်းအားကင်းမဲ့မှုက သေစေနိုင်လောက်အောင်ဖိအားပေးနိုင်၍ သူ့ကိုယ်သူလှည့်စားနေခြင်းကို မြင်ချင်သူများက ရယ်ကြလိမ့်မည်။

ရွှယ်လင်အာရုံစိုက်ထားသည့်အခါ ပရမ်းပတာအခြေအနေများကို ပိတ်ဆို့ထားလိုက်နိုင်သည်။ သူ၏အာရုံက အရှေ့မှစွမ်းအင်ခရစ်စတယ်အပေါ်တွင်ရှိနေပြီး ယင်းက သူမရောက်ခင်တည်းက နှစ်ပိုင်းဖြတ်တောက်ထားခဲ့ပြီးပြီ။ ရွှယ်လင်သည်ကား ဤတစ်ခေါက်တွင် လက်စွပ်တစ််စုံကိုလုပ်ချင်ခဲ့၏။

မူလက သုံးစုံစာပြင်ဆင်ထားခဲ့လင့်ကစား ယင်ကျား၏မနက်ပိုင်းကတုံ့ပြန်မှုက သူ့အား မကြာခင်မှာပင် လက်စွပ်များက အသုံးဝင်လာလိမ့်မည်ဟု ခံစားလာရစေသည်။

မတိုင်ခင်က လက်စွပ်များကိုလည်း ထိုယောက်ျားထံပေးလိုက်ပြီ။

ယခု သူသည်ကား ထိုလူကိုသူ့နံဘေးတွင် ချုပ်ထားနိုင်တော့မည်။

Prev Next