Chapter 137

Volume 7 : ဥပ‌ဒေဌာန

Chapter 137 (ရှေ့နေသေဆုံးခြင်း ၀၈)

ချန်ယွဲ့ချင်နှင့် ချန်ရွှယ်ချင်တို့ ညီအစ်မများနှင့် သေဆုံးသူကျိုးကျီယန်အကြား ဆက်ဆံရေးက ကွာရှင်းမှုတစ်ခုဖြင့် စတင်ခဲ့သည်။ ချန်ယွဲ့ချင်၏ဝန်ခံချက်အရ သူမသည် သူမအစ်မ ကွာရှင်းပြတ်စဲမည့်အကြောင်းကို ကူညီပေးရန် ကျိုးကျီယန်ကိုရှာဖို့ အထပ် 40 ရှိ ဥပဒေလုပ်ငန်းသို့ သွားခဲ့သည်။ သူမအစ်မသည် အိမ်နှင့် ကလေးအုပ်ထိန်းခွင့်ကိုရချင်ပေမယ့် နောက်ဆုံးရုံးချိန်းမှာတော့ သူမအစ်မက အိမ်ကိုသာရခဲ့ပြီး သူမခဲအိုက ကလေးအုပ်ထိန်းခွင့်ရခဲ့သည်။

ယွဲ့ရှင်းဝမ်က ကျန်းဖျင်စစ်ကို ဖုန်းခေါ်ပြီး မေးလိုက်သည်။

"ချန်ယွဲ့ချင်ကို အခု ရဲစခန်းမှာ အကျဉ်းချထားဆဲလား?"

ကျန်းဖျင်စစ်သည် မည်သူမျှမရှိသော ထောင့်တစ်နေရာကို ရှာဖွေတွေ့ရှိပြီး အသံတိုးတိုးဖြင့် ယွဲ့ရှင်းဝမ်နဲ့ ဆွေးနွေးခဲ့သည်။

"ချန်ယွဲ့ချင်က လက်ရှိအချိန်မှာ သံသယအရှိဆုံးဖြစ်ပြီး သူမက ခိုင်မာတဲ့အလီဘိုင်ကို ရှာမတွေ့မချင်း မလွတ်နိုင်ဘူး… ဒါပေမယ့် သူမရဲ့ခံစားချက်တွေက အခု ပြိုကျလာပြီး မျက်ရည်တွေနဲ့ သူမမိတ်ကပ်က ပေပွနေတာပဲ… ဒီလိုစိတ်ပိုင်ဆိုင်ရာ အရည်အသွေးမျိုးနဲ့ သူမက အေးအေးဆေးဆေး သတ်ပစ်နိုင်တဲ့ လူသတ်သမားလို့ မထင်ဘူး…"

ယွဲ့ရှင်းဝမ်က မေးသည်။

"ဆွဲကြိုးအဟောင်းကို ကျိုးကျီယန်က ပြန်ယူသွားတာဆိုတော့ ကျိုးကျီယန်ပေးခဲ့တဲ့ ဆွဲကြိုးအသစ်ကို သူမဝတ်ထားလား?"

ကျန်းဖျင်စစ်: "သူမက မနေ့ညက ကျိုးကျီယန်ပေးခဲ့တဲ့ ပတ္တမြားဆွဲကြိုးကို လည်ပင်းမှာ ဝတ်ထားတယ်… သူမက လက်ဝတ်ရတနာတွေ အရမ်းကြိုက်ပြီး ကျိုးကျီယန်က သူမအတွက် fancy တွေ ဆင်ပေးပြီးတော့ ချစ်သူများနေ့၊ အမျိုးသမီးများနေ့နဲ့ မွေးနေ့တွေမှာ သူမကို လက်ဝတ်ရတနာတွေ ဝယ်ပေးတယ်လို့ ပြောတယ်… အခု သူမဝတ်ထားတဲ့ လက်ကောက်တွေ၊ လက်စွပ်တွေ၊ နားကပ်တွေအားလုံးကို ကျိုးကျီယန်က ပေးခဲ့ပြီး ရှေ့နေကျိုးက ဒီချစ်သူအတွက် အရမ်းရက်ရောတာပဲ…"

ယွဲ့ရှင်းဝမ်: "ချန်ယွဲ့ချင်က အေးအေးဆေးဆေး ကြိုတင်စီစဉ်ပြီး လူသတ်နိုင်တဲ့ပုံစံမျိုးလို့ မထင်ဘူး… သူမက ကျိုးကျီယန်ကို အရမ်းကြိုက်နေတာဖြစ်နိုင်ပြီး သူမက ဒီဆက်ဆံရေးကို အလေးအနက်ထားမှာဖြစ်တာကြောင့် သတ်ပစ်ဖို့ ဖြစ်နိုင်ပါ့မလား? ဥပမာ: မနေ့ညက သူတို့ကိစ္စအပြီးမှာ ကျိုးကျီယန်က သူ့မိန်းမကို ဖုန်းခေါ်ပြီး သူမနဲ့ကစားနေတာပါ၊ သူမကို ဘယ်တုန်းကမှ လက်ထပ်ဖို့ မတွေးထားဘူးလို့ ပြောတာကို သူမကြားလိုက်ပြီး ကျိုးကျီယန်ကို ဒေါသတကြီးနဲ့ အောက်ကို တွန်းချလိုက်တာလား?"

ကျန်းဖျင်စစ်က သဘောတူကြောင်း ခေါင်းငြိမ့်လိုက်သည်။

"ဒါက ဖြစ်နိုင်ခြေရှိတယ်… မနေ့ညက အခင်းဖြစ်ခဲ့တဲ့ အပေါ်ဆုံးထပ်မှာ တတိယလူသာ သူမကို ခေါင်းမိုးပေါ်မှာ မတွေ့ခဲ့သ၍ သူမရဲ့သံသယကိုရှင်ဖို့ ခက်နေသေးတယ်…"

သူ ခေတ္တရပ်လိုက်ပြီး ရုတ်တရက် သူ့အသံကိုတိုးလိုက်သည်။

"ရှင်းဝမ်၊ ငါအရင် ဖုန်းချလိုက်မယ်… ချန်ရွှယ်ချင်က ရဲစခန်းကို ရောက်လာပြီ…"

ယွဲ့ရှင်းဝမ်: "ကောင်းပြီ၊ ဒါက မင်းအတွက် ခက်ခဲမှာပဲ…"

ကျန်းဖျင်စစ်သည် မနေ့ညက တစ်ညလုံး မအိပ်ခဲ့ရဘဲ အမှုကို စုံစမ်းစစ်ဆေးရန် ခေါင်းဆောင်လင်အနောက်ကို ယနေ့အထိ လိုက်ပါနေရသည်။ သူ၏အထောက်အထားမှာ အလုပ်သင်ရဲအရာရှိဖြစ်ပြီး အဓိကသဲလွန်စများကိုရရှိရန် အလွယ်ကူဆုံးဖြစ်သည်။ သည်နှစ်ရက်အတွင်း လုံခြုံရေးစစ်ဆေးမှုကို ဦးစွာလုပ်ဆောင်ရန် သူ အလုပ်ကြိုးစားဖို့သာရှိသည်။

ယွဲ့ရှင်းဝမ်သည် သူ့ရင်ထဲမှာစိုးရိမ်နေသော်လည်း အပြင်ကနေသာ ကူညီနိုင်ခဲ့သည်။

ချန်ယွဲ့ချင်နှင့် ချန်ရွှယ်ချင်တို့သည် လုံးဝကွဲပြားခြားနားသော ပင်ကိုယ်စရိုက်များရှိကြသည်။ ဤအစ်မဖြစ်သူသည် ဆံပင်ကောက်ကော်ကို ညှပ်ထားပြီး ကိုယ်ကျပ်အင်္ကျီကို ဝတ်ဆင်ထားကာ စွဲဆောင်မှုရှိပြီး sexy ကျပြီးတော့ စကားပြောသောအခါ အလွန်ပွင့်လင်းသည်။ ခေါင်းဆောင်လင်က သူမကို စစ်ကြောရေးအခန်းထဲ ခေါ်သွားပြီး ကျန်းဖျင်စစ်က သူ့ဘေးမှာထိုင်ပြီး မှတ်စုစာအုပ်ကိုထုတ်ကာ မေးလိုက်သည်။

"အမည်၊ အသက်၊ အလုပ်အကိုင်၊ ကျေးဇူးပြုပြီး စနစ်တကျဖြေပေးပါ…"

စစ်ကြောရေးအခန်းထဲရှိ လေထုသည် ထူးထူးခြားခြား ပြင်းထန်နေပြီး စားပွဲခုံပေါ်တွင် အေးစက်သော လက်ထိတ်တစ်စုံ ချိတ်ဆွဲထားသည်။

ဤပြင်းထန်သောတိုက်ပွဲကြောင့် ချန်ရွှယ်ချင်က ထိတ်လန့်သွားပြီး သူမလည်ချောင်းရှင်းကာ ပြောလိုက်သည်။

"မင်္ဂလာပါ ရဲအရာရှိ နှစ်ယောက်၊ ကျွန်မနာမည် ချန်ရွှယ်ချင်ပါ၊ အသက် 35 နှစ်၊ အထည်ဆိုင်ပိုင်ဆိုင်၊ လခစားမဟုတ်ဘူး… ရဲအရာရှိ၊ ရှင် ဘာလို့ ကျွန်မကို ရုတ်တရက်ကြီး ရှာရတာလဲ?"

ခေါင်းဆောင်လင်: "ကျိုးကျီယန်နဲ့ မင်းရဲ့ဆက်ဆံရေးက ဘယ်လိုလဲ?"

ချန်ရွှယ်ချင်က ခဏကြာ အံ့အားသင့်သွားပြီး ပြောလာသည်။

"ရှေ့နေကျိုးလား? သူက ကျွန်မရဲ့ကွာရှင်းမှုကိစ္စမှာ ကျွန်မကို ကူညီပေးခဲ့တယ်… ကျွန်မတို့တစ်ယောက်နဲ့တစ်ယောက် သိလာတာ တစ်နှစ်လောက်ရှိပြီ၊ ကျွန်မညီမက မိတ်ဆက်ပေးခဲ့တာ…"

ခေါင်းဆောင်လင်: "မနေ့က ညနေ 6 ခွဲမှာ ရှေ့နေကျိုးနဲ့ မင်းဖုန်းပြောခဲ့တယ်… ကွာရှင်းမှုကိစ္စရဲ့ရလဒ်နဲ့ ပတ်သက်ပြီး မင်းမကျေမနပ်ဖြစ်ပြီးတော့ ကလေးအုပ်ထိန်းခွင့်ကိုရအောင် သူက မကူညီပေးခဲ့တာကြောင့် အပြစ်တင်ပြောဆိုခဲ့တာမလား?"

ချန်ရွှယ်ချင်၏မျက်နှာက ထိတ်လန့်မှုဖြင့်ပြည့်နှက်သွားပြီး မေးလိုက်သည်။

"ဒါကို ရှင်ဘယ်လိုသိတာလဲ?"

ကျန်းဖျင်စစ်က အသံတိုးတိုးဖြင့် ပြောသည်။

"ဥပဒေလုပ်ငန်းက အလုပ်သင်တစ်ယောက်က လှေကားထစ်နားကို ဖြတ်သွားတော့ ရှေ့နေကျိုး ဖုန်းပြောနေတာကို အမှတ်တမဲ့ကြားလိုက်တယ်… ရှေ့နေကျိုးရဲ့ဖုန်းထဲမှာ မင်းဖုန်းဆက်ထားတဲ့ မှတ်တမ်းကိုလည်း တွေ့ခဲ့တယ်…"

ကျန်းဖျင်စစ်က ဖုန်းကိုဖွင့်ပြီး ခေါ်ဆိုမှုမှတ်တမ်းကို ဖွင့်လိုက်သည်။ မနေ့က ညနေ 6:30 ဝန်းကျင်မှာ ဖုန်းဝင်လာပြီး ခေါ်ဆိုသူ ID မှာ ချန်ရွှယ်ချင်ဖြစ်ကာ ဖုန်းခေါ်ဆိုမှု 5 မိနစ်ကြာခဲ့သည်။

ချန်ရွှယ်ချင်သည် သူမရှေ့မှ သက်သေများကိုမြင်သောအခါ သူမ၏မျက်နှာသည် ဖြူဖျော့လာပြီး အံကြိတ်ကာ ပြောလိုက်သည်။

"အိမ်နဲ့ကလေးရဲ့အုပ်ထိန်းခွင်ကို သေချာပေါက် သူမရနိုင်တယ်လို့ တရားခွင်မစခင် ရှေ့နေကျိုးက ကျွန်မကို ပြောခဲ့တယ်… ရလဒ်အနေနဲ့ တရားရုံးက ကလေးအုပ်ထိန်းခွင့်ကို ကျွန်မခင်ပွန်းဟောင်းဆီ ပေးလိုက်တယ်… အကြောင်းကတော့ ကျွန်မက လောင်းကစားသမားဖြစ်ပြီး ကလေးအပေါ် ဆိုးရွားတဲ့ လွှမ်းမိုးမှုရှိလာနိုင်တာကြောင့်တဲ့… ကျွန်မက မာကျောက်ဆော့ရတာကြိုက်ပေမယ့် လောင်းကစားမလုပ်ဘဲ တစ်နှစ်ကို ယွမ် 10,000 လောက်ပဲ ရှုံးတာကို!"

လင်ဝေးက မျက်ခုံးပင်လိုက်သည်။

"ယွမ် 5,000 ထက်ပိုတဲ့ လောင်းကြေးကို လောင်းကစားလို့ သတ်မှတ်တယ်… မင်းက ချုပ်တည်းပြီး ထိန်းချုပ်ရမယ်… ဒါပေမယ့် မင်းမှာက ဒီအကျင့်ရှိနေတော့ ကလေးအုပ်ထိန်းခွင့်ကို မင်းမရတာ ပုံမှန်ပါပဲ…"

ချန်ရွှယ်ချင်က ဘာမှမပြောတော့နိုင်ပေ။

ကျန်းဖျင်စစ်က မေးသည်။

"ဒါဆို ရှေ့နေကျိုးရဲ့ တရားစွဲဆိုမှု ကျရှုံးခဲ့တာနဲ့ ပတ်သက်ပြီး မင်းရဲ့မကျေနပ်ချက်တွေကို ဖွင့်ထုတ်ခဲ့တာပေါ့?"

ချန်ရွှယ်ချင်က မည်းမှောင်သောမျက်နှာဖြင့် ပြန်ပြောသည်။

"တရားခွင်မစခင်မှာ အရမ်းယုံကြည်မှုရှိရမယ်လို့ သူ့ကို ဘယ်သူပြောခဲ့လို့လဲ? အဲဒါကြောင့် ကျွန်မလည်း သူ့ကို 100% ယုံကြည်ခဲ့တာ… ကျွန်မရဲ့ အထည်ဆိုင်ကို သတ်မှတ်ရင်ထက်စောပြီး ရောင်းချခဲ့ပြီးတော့ တရားစွဲတာပြီးရင်း ကျွန်မသားကို နိုင်ငံခြားဆီခေါ်သွားမယ်လို့ ရည်ရွယ်ထားတာ… ရလဒ်အနေနဲ့ တရားစွဲတာလည်းရှုံး၊ ကျွန်မအစီအစဉ်ကလည်း လုံးဝပျက်စီး၊ ကျွန်မသားကလည်း သူ့အဖေနဲ့လိုက်သွားပြီး အထည်ဆိုင်ကလည်း ပိုက်ဆံအများကြီးရှုံးသွားတယ်… ကျွန်မ ခေါင်းအရမ်းကိုက်ပြီး ဒေါသထွက်လွန်းလို့ သူ့ကို ဆဲဆိုဖို့ ဖုန်းခေါ်လိုက်တာ… ဒါက အရမ်းတော့မလွန်ဘူးမလား?"

လင်ဝေးက ပေါ့ပေါ့ပါးပါး မေးလိုက်သည်။ 

"မင်းက သူ့အပေါ် အငြိုးထားခဲ့တာဆိုတော့ သူ့ကို သတ်ဖို့ စိတ်ကူးဖူးလား?"

ချန်ရွှယ်ချင်၏ မျက်လုံးများက ပြူးကျယ်သွားသည်။

"သူ့ကို သတ်ရမယ်? ကျွန်မ မရူးသေးပါဘူး၊ ကျွန်မက ဘာလို့ သူ့ကိုသတ်ရမှာလဲ?!"

တစ်ခုခုမှားနေပြီဆိုတာ သိလိုက်ရပြီး စားပွဲပေါ်က ကျန်းဖျင်စစ်၏ဖုန်းကို တစ္ဆေသရဲလို စိုက်ကြည့်ရင်း အသံက အထိန်းအကွပ်မဲ့စွာ တုန်တုန်ယင်ယင်ဖြစ်သွားသည်။

"ဒါက ရှေ့နေကျိုးရဲ့ဖုန်းမလား? ဘယ်လိုလုပ်ပြီး ရဲလက်ထဲရောက်နေရတာလဲ? သူ…သူများ…"

လင်ဝေး: "သူသေသွားပြီ…"

ချန်ရွှယ်ချင်သည် တုန်တုန်ယင်ယင်နှင့် ကြက်သီးမွေးညင်းထသွားသည်။

သည်ကိစ္စ၏ ပြင်းထန်ပုံကို သဘောပေါက်သွားပြီး သူမက ချက်ချင်း ပလုတ်တုတ်ပုံစံကဲ့သို့ ခေါင်းယမ်းလိုက်သည်။

"ကျွန်မ မသိဘူး၊ ဒါက ကျွန်မနဲ့ဘာမှမဆိုင်ဘူး! သူ…သူဘယ်တုန်းက သေသွားတာလား? မနေ့ နေ့လယ်ကမှ ကျွန်မ သူ့ကို ဖုန်းခေါ်ခဲ့တာ အကောင်းကြီးပါ၊ သူက အိမ်ခြံမြေရအောင် ကျွန်မကိုကူညီပေးခဲ့တာဟာ မလွယ်ဘူးလို့ စိတ်မရှည်စွာပြောခဲ့ပြီး ကျွန်မ အယူခံဝင်ချင်ပေမယ့် သူက ကျွန်မရဲ့အမှုကို မဖြေရှင်းချင်တော့ဘူး…"

ကျန်းဖျင်စစ်က မေးသည်။

"မနေ့ညက ည 10 နဲ့ 12 ကြား ခင်ဗျား ဘယ်မှာရှိနေလဲ?"

ချင်ရွှယ်ချင်က အံကြိတ်ကာ တုံ့ဆိုင်းသွားသည်။ လင်ဝေးက ပြောလာသည်။ 

"မင်း အလီဘီကို မပေးနိုင်ရင် ရှေ့နေကျိုးကို သတ်ခဲ့တဲ့ သံသယရှိသူတစ်ယောက် ဖြစ်သွားလိမ့်မယ်…"

ချန်ရွှယ်ချင်က အလျင်အမြန် ပြောလိုက်သည်။

"ညီအစ်မတချို့နဲ့ ကျွန်မ မာကျောက်ကစားနေတာ၊ တစ်ညလုံး ကစားနေခဲ့တာ! သူတို့ အဲဒါကို သက်သေပြနိုင်တယ်!"

လင်ဝေး: "ကျန်တဲ့သုံးယောက်က မင်းအတွက် သက်သေခံနိုင်လား?"

ချန်ရွှယ်ချင်က ခေါင်းငြိမ့်လိုက်သည်။

"သေချာတာပေါ့! ကျွန်မတို့က မကြာခဏ ကစားလေ့ရှိတယ်…"

ကျန်းဖျင်စစ်က မေးသည်။

"ခင်ဗျား‌ ရှေ့နေကျိုးဆီသွားတုန်း အပြင်မထွက်လာခင် ခင်ဗျားက သူ့ရုံးခန်းထဲမှာ နာရီပိုင်းလောက်နေခဲ့တယ်လို့ တစ်စုံတစ်ယောက်က သက်သေခံခဲ့တယ်… ခင်ဗျားတို့ ရုံးခန်းထဲမှာ ဘာလုပ်နေကြတာလဲ? ခင်ဗျားနဲ့ ရှေ့နေကျိုးမှာ မလျော်ကန်တဲ့ဆက်ဆံရေးမျိုး ရှိဖူးသလား?"

ချန်ရွှယ်ချင်က ချက်ချင်း ‌ခေါင်းခါလိုက်သည်။

"ဟင့်အင်း၊ ကျွန်မရဲ့အခြေအနေကို အသေးစိတ်ရှင်းပြပြီး ကျွန်မသားကို အုပ်ထိန်းလိုတဲ့ ဆန္ဒကို ထုတ်ဖော်ခဲ့တယ်… သူက လက်ထပ်ထိမ်းမြားခြင်းဥပဒေပါ ပြဋ္ဌာန်းချက်တချို့ကို ရှင်းပြပြီး ဘာဆက်လုပ်ရမလဲဆိုတာ ကျွန်မကို သင်ပေးခဲ့တယ်… ဘာဖြစ်လို့လဲဆိုတော့ အဲဒါက ကျွန်မတို့နှစ်ယောက် ပထမဆုံးအကြိမ်တွေ့ဖူးတာဖြစ်ပြီး အချိန်အတော်ကြာအောင် စကားပြောခဲ့တယ်…"

ခေါင်းဆောင်လင်က ဆက်၍မေးသည်။

"ရှေ့နေကျိုးနဲ့ မင်းညီမတို့ရဲ့ ဆက်ဆံရေးကို မင်းသိလား?"

ချင်ရွှယ်ချင်က ဆန်းကြယ်စွာ ပြောသည်။

"ကျွန်မညီမက ရှေ့နေကျိုးက သူမသူငယ်ချင်းလို့ ပြောပေမယ့် သူတို့က သာမန်သူငယ်ချင်းတွေလို့ မထင်ပါဘူး… တစ်ခါက ရှေ့နေကျိုးရဲ့စားပွဲပေါ်မှာ လက်ဝတ်ရတနာဘူးတစ်ခုကို ကျွန်မ တွေ့လိုက်ပြီး အဲဒီနေ့ညမှာပဲ ကျွန်မညီမကလည်း အဲဒီလက်ဝတ်ရတနာဘူးနဲ့တစ်ပုံစံတည်းကို အိမ်ယူလာခဲ့တယ်… အဲဒီနေ့က ချစ်သူများနေ့ဖြစ်နေပြီး အဲဒါက ရှေ့နေကျိုး ပို့ခဲ့တာဖြစ်နိုင်ပြီးတော့ သူတို့တွေ ချိန်းတွေ့နေတာဖြစ်မယ်…"

ခေါင်းဆောင်လင်: "ရှေ့နေကျိုးမှာ အိမ်ထောင်ရှိတာ မင်းသိလား?"

ချန်ရွှယ်ချင်က ခဏလောက် ထိတ်လန့်သွားသည်။

"ဘာ? သူက အိပ်ထောင်ရှိတယ်? ကျွန်မညီမက အပျော်မယားပေါ့?" သူမသည် ဒေါသတကြီးဖြင့် လက်သီးများကို ဆုပ်ထားရင်း "အဲဒီ‌သေချင်းဆိုးကောင်မလေး၊ ကျွန်မပြန်သွားပြီး သူမခြေထောက်တွေကို ရိုက်ချိုးပြီးတော့ သူမကို သင်ခန်းစာကောင်းကောင်းပေးရမယ်!"

ကျန်းဖျင်စစ်: "..."

ချန်ရွှယ်ချင်သည် မကြာမီတွင် သူမ၏အလီဘိုင်က အရှင်းဆုံးဖြစ်နေသောကြောင့် လွတ်မြောက်လာခဲ့သည်။ သူမသည် မနေ့ညက တစ်ညလုံး မာကျောက်ကစားနေခဲ့ပြီး သူမ၏ လုပ်ဖော်ကိုင်ဖက် ညီအစ်မသုံးယောက်က သူမအား သက်သေခံခဲ့သည်။ သူမသည် မနေ့ညက အလွန်ကံကောင်းခဲ့ပြီး ထောင်ပေါင်းများစွာ အနိုင်ရခဲ့သည်ဟုဆိုသည်။

လောင်းကစားကိစ္စသည် မှုခင်းရဲတပ်ဖွဲ့၏ ထိန်းချုပ်မှုအောက်တွင် မရှိပါ။ ချန်ရွှယ်ချင်နှင့် ညီအစ်မသုံးယောက်ကို ဝေဖန်သုံးသပ်ချက်ရေးဖို့ ရဲက ခေါ်သွားခဲ့သည်။ မာကျောက်ကစားသည့် "အခန်း" ကိုပင် ဖျက်သိမ်းသွားခဲ့သည်။

ယွဲ့ရှင်းဝမ်သည် ၎င်းကိုကြားပြီးနောက် ရယ်ရမလား၊ ငိုရမလား မသိတော့ပေ။

အစ်မဖြစ်သူ ချန်ရွှယ်ချင်သည် ရှေ့နေကျိုးကို ဖုန်းဆက်ပြီး ဆဲဆိုခဲ့ပေမယ့် ပြစ်မှုကျူးလွန်ဖို့ အချိန်မရှိဘူး။ ဇနီးဖြစ်သူ လျှိုလန်သည် မနေ့ညက အောက်ထပ်သို့ မဆင်းခဲ့ပေ။ မနေ့ညက သူ့အပျော်မယား ချန်ယွဲ့ချင်သာ ကျန်တော့မည်မလား။

ချီကျောက်ကကော? သူက အိမ်မပြန်ခဲ့ဘဲ အိပ်ပြန်ပြီးအိပ်တယ်လို့ ရဲကိုလိမ်ခဲ့သည်။ ဘာကြောင့်လဲ?

ကျန်းဖျင်စစ်က ခေါင်းဆောင်လင်က သတိပေးခဲ့သည်။

"ကျွန်တော်တို့ ချီကျောက်နဲ့ မင်ဟွေးဥပဒေလုပ်ငန်းပိုင်ရှင် လျှိုမင်ဟွေးကို စစ်ဆေးသင့်သလား?"

‌ခေါင်းဆောင်လင်က ခေါင်းငြိမ့်လိုက်သည်။

"အင်း၊ တစ်ယောက်ပြီးတစ်ယောက် မေးလိုက်မယ်၊ သူတို့အလှည့်ပဲ…"

လျှိုမင်ဟွေးက အမြန်ရောက်လာသည်။ မင်ဟွေးဥပဒေလုပ်ငန်းကို တည်ထောင်သူဖြစ်ပြီး ဥပဒေလုပ်ငန်း၏ဒဏ္ဍာရီသည် သူ၏အပြောအဆိုနှင့် အမူအရာတို့က တည်ကြည်ပြီး ယဉ်ကျေးသိမ်မွေ့သည်။ ကျိုးကျီယန် သေဆုံးမှုနှင့်ပတ်သက်၍ ကောလာဟလတချို့ကို သူကြားသိခဲ့ရပြီး တည်ငြိမ်စွာ ပြောသည်။

"ကျွန်တော်က ကျိုးကျီယန်ရဲ့စီနီယာဖြစ်ပြီး သူ့ကို ပိုဂရုစိုက်တယ်… ဘွဲ့ရပြီးနောက်မှာ ကျွန်တော်က ကိုယ်ပိုင်လုပ်ငန်းကို စတင်ခဲ့ပြီး တဖြည်းဖြည်းနဲ့ နာမည်ရလာပြီး ကိုယ်ပိုင်ဥပဒေလုပ်ငန်းတစ်ခုကို တည်ထောင်ခဲ့တယ်… ကျိုးကျီယန်က ကျွန်တော့်လုပ်ငန်းမှာပါဝင်တဲ့ ပထမဆုံးရှေ့နေတစ်ဦးလည်းဖြစ်တယ်…"

ခေါင်းဆောင်လင်: "သူက ဘယ်သူနဲ့ သီးသန့်အငြင်းပွားတာမျိုးတွေရှိသလဲဆိုတာ မင်းသိလား?"

လျှိုမင်ဟွေးက ခေါင်းခါပြသည်။

"ကျွန်တော် မကြာသေးမီနှစ်တွေအတွင်းက ဥပဒေလုပ်ငန်းမှာ အချိန်အနည်းငယ်သာ နေခဲ့ရပြီး စီးပွားရေးအတွက် နေရာအမျိုးမျိုးကို ကျွန်တော်ခရီးထွက်ရတယ်… ကျိုးကျီယန်က အရွယ်ရောက်ပြီးရှေ့နေတစ်ယောက်ဖြစ်ပြီး သူ့ဘာသာသူ ကိစ္စတွေကို ကိုင်တွယ်ဖြေရှင်းနိုင်တယ်… ကျွန်တော်လည်း သူ့အလုပ်နဲ့ ကိုယ်ရေးကိုယ်တာကိစ္စတွေကို မေးခဲတယ်… ကျွန်တော်တို့ဥပဒေလုပ်ငန်းမှာ ရှေ့နေတစ်ဒါဇင်ကျော်ရှိပြီး ကျွန်တော်က သူတို့နဲ့ ‘လုပ်ဖော်ကိုင်ဖက်’သာဖြစ်ပြီး သူတို့ရဲ့အိမ်တော်ထိန်းမဟုတ်ဘူးလေ…"

"မနေ့ညက 10 နဲ့ 12 ကြား ဘယ်မှာရှိနေလဲ?"

"မနေ့နေ့လယ်က လေယာဉ်နဲ့ ပေရှန်းမြို့ကနေ ကျွန်တော် ပြန်လာခဲ့ပြီး ညနေဘက်မှာ ကျောင်းကနေ ကလေးကို ကြိုခဲ့တယ်… ညနေမှာ ကျွန်တော် အိပ်ပြန်ရောက်တော့ အပြင်ထပ်မထွက်တော့ဘူး… ည 11 နာရီအထိ ကျွန်တော့်ကလေးကို စန္ဒရားတီးလေ့ကျင့်ပေးပြီး အိပ်ရာဝင်ခဲ့တယ်…"

လျှိုမင်ဟွေးသည် မနေ့ညက ရပ်ကွက်သို့ ပြန်ရောက်ပြီးနောက် အပြင်မထွက်ခဲ့ပေ။ ရပ်ကွက်စောင့်ကြည့်ရေးကင်မရာတွင် အတည်ပြုရန် လုံလောက်သည်။ သူ့မှာလည်း ပြစ်မှုကျူးလွန်ရန် အချိန်မရှိဘူး။

နောက်ဆုံး သံသယရှိသူ ချီကျောက်သည် စစ်ကြောရေးအခန်းတွင် ထိုင်ကာ မျက်လုံးများကိုရှောင်တိမ်းပြီး မနေ့ညက သူအိမ်ပြန်အိပ်ခဲ့ကြောင်း ပြောဆိုနေဆဲဖြစ်ပြီး ခေါင်းဆောင်လင်သည် ရပ်ကွက်စောင့်ကြည့်ရေးကင်မရာကို ထုတ်ယူကာ ပြောလိုက်သည်။

"မင်းက အိမ်ပြန်အိပ်တယ်လို့ပြောခဲ့ပေမယ့် ‌ကျင်းကျော့ကျားယွမ်ရပ်ကွက်ရဲ့ စောင့်ကြည့်ရေးကင်မရာမှာ မင်းအိမ်ပြန်လာတာကိုမတွေ့ဘူး… မင်းက ကောင်းကင်ကနေ မင်းရဲ့အိမ်ပြတင်းပေါက်ဆီ ပျံသွားတာလား?"

ချီကျောက်က ရှက်ရွံ့စွာ ပြုံးလိုက်ပြီး အတင်းအကြပ် ခုခံပြောဆိုခဲ့သည်။

"ကျွန်တော့်မှာ အခြားနေစရာနေရာရှိသေးတယ်၊ မနေ့ညက ကျင်းကျော့ကျားယွမ်ကို မပြန်ခဲ့ဘူး!"

ခေါင်းဆောင်လင်: "‌ဒါပေမယ့် ရှင်းဟိုင်အဆောက်အဦးရဲ့ ရုံးအဝင်ဝက စောင့်ကြည့်ရေးကင်မရာမှာ မင်းထွက်သွားတာကို မဖမ်းမိဘူး…"

ချီကျောက်: "..."

ကျန်းဖျင်စစ်က အေးစက်စွာပြောသည်။

"မနေ့ညက ရှင်းဟိုင်အဆောက်အဦးမှာ ခင်ဗျားနေခဲ့တာမလား?"

ချီကျောက်၏ မျက်နှာက အလွန်ဖြူဖျော့လာသည်။

ခေါင်းဆောင်လင်: "ပြောဖို့ကို ဘာတွေများခက်ခဲနေတာလဲ? မြန်မြန်ပြောစရာပြောလိုက်ပါ၊ မဟုတ်ရင် မင်းက အကြီးမားဆုံးသံသယရှိသူဖြစ်လိမ့်မယ်…"

ချီကျောက်သည် သွားကျိုးလုမတတ်အံကြိတ်ပြီး မနေနိုင်တော့ဘဲ ရိုင်းစိုင်းသောစကားဖြင့် ပြောဆိုလာခဲ့သည်။

"Fuck! ကျွန်တော့်မှာ နှစ်ရက်အတွင်း တရားရုံးကို သွားရမယ့် ကိစ္စရှိတယ်… မနေ့ညက အချက်အလက်တွေရှင်းထုတ်ဖို့ ဥပဒေလုပ်ငန်းမှာ ကျွန်တော် အချိန်ပိုဆင်းချင်ခဲ့ပြီး၊ ဒါပေမယ့် ရလဒ်အနေနဲ့ အဲဒါက စောက်ရမ်းကံမကောင်းတာပဲ… ချန်ယွဲ့ချင်နဲ့ ကျိုးကျီယန်တို့က တိတ်တဆိတ် သန့်စင်ခန်းထဲသွားပြီး လုပ်နေတာကို ကျွန်တော် မြင်လိုက်ရလို့ ကျွန်တော်— ကျွန်တော် တကယ်… ကိုယ့်မျက်လုံးကိုတောင် ဖောက်ထုတ်ပစ်ချင်မိတယ်!"

သူ့နှုတ်ခမ်းများက အနည်းငယ်တုန်လာသည်။

"ကျွန်တော်က ချန်ယွဲ့ချင်ကို တစ်နှစ်ခွဲလောက်လိုက်နေခဲ့ပြီး သူမရဲ့သဘောထားက နီးတာလည်းမဟုတ်သလို ဝေးတာလည်းမဟုတ်ဘူး… သူမက တသီးတသန့်နေတတ်တဲ့ နတ်ဘုရားမလို့ ကျွန်တော်ထင်ခဲ့တာ… ရလဒ်အနေနဲ့… ကျွန်တော့်ရဲ့အမြင်သုံးခုစလုံး ပျက်စီးသွားတယ်… အဲဒီရွံစရာနှစ်ယောက်က အမျိုးသမီးသန့်စင်ခန်းထဲမှာ လုပ်နေကြတယ်!"

သူပြောသည့်စကားက မှန်သည်။ ကိုယ် crush ရသော နတ်ဘုရားမလေးက သန့်စင်ခန်းထဲမှာ အခြားတစ်ယောက်နဲ့ ရူးသွပ်နေတာကိုမြင်ရင် သူ့မျက်စိသူ ဖောက်ချင်စိတ်ဖြစ်လိမ့်မည်။

ကျန်းဖျင်စစ်: "ကျိုးကျီယန်က ခင်ဗျားရဲ့အမှုသည်ကို လုယက်ရုံသာမက ခင်ဗျားချစ်နေတဲ့မိန်းမကိုလည်း လုယက်ခဲ့တယ်… သူ့ကိုသတ်ဖို့ ခင်ဗျားမှာ ရည်ရွယ်ချက်မရှိဘူးလား?"

‌ချီကျောက်က အလျင်အမြန် ခေါင်းခါလိုက်သည်။

"ဟင့်အင်း၊ ဒီကောင်မျိုးအတွက် ကိုယ့်ကိုယ်ကို စတေးရအောင် ကျွန်တော်က ရူးနေတဲ့သူမလို့လား?" မသင်္ကာစရာများကို ရှင်းဖို့အတွက် ဖုန်းကို ချက်ချင်းထုတ်ပြီး ဗီဒီယိုဖိုင်တစ်ခုကို ဖွင့်လိုက်သည်။ "မနေ့ညက 10 ကနေ 12 အထိ ကျွန်တော့်ရုံးခန်းထဲမှာ ကျွန်တော်ပုန်းနေတာ၊ မီးမဖွင့်ရဲတော့သလို ကန့်လန့်ကာတွေပိတ်ပြီး ဆိုဖာပေါ်မှာ ကျွန်တော့်သူငယ်ချင်းတွေနဲ့ အွန်လိုင်းဂိမ်းတွေ ကစားနေတာ… ကျွန်တော်နဲ့ ဂိမ်းကစားခဲ့တဲ့ လူအနည်းငယ်က သက်သေခံနိုင်တယ်၊ ကျွန်တော်တို့ ဂိမ်းကစားရင်း စကားပြောနေကြတာ…"

စာသား chat မှတ်တမ်းများ၊ အသံမှတ်တမ်းများ၊ ဂိမ်းမှတ်တမ်းများနှင့် ဖုန်းထဲတွင် အဖွဲ့အတွင်းရှိ သူငယ်ချင်းအနည်းငယ်ရှိသည်။ ည 10:00 မှ 12:00 ထိ သူတို့သည် rank တင်ခဲ့ကြပြီး 4 ပွဲရှုံး၊ 4 ပွဲအနိုင်ရကာ တစ်ညလုံး အချည်းနှီးအလုပ်ရှုပ်ခဲ့ကြသည်။ ချီကျောက်၏ဂိမ်းစွမ်းရည်က ကောင်းမွန်ပြီး အားလုံးတွင် MVP များရထားသည်။

သူသည်လည်း နိုင်ငံရေးသိပ္ပံနှင့်ဥပဒေပေကျင်းတက္ကသိုလ်မှ ဘွဲ့ရခဲ့ပြီး ကျိုးကျီယန်ထက် လုပ်သက်နှစ်နှစ်ငယ်သည်။ ရှေ့နေကျိုးသည် သူ၏အမှုသည်နှင့် သူ လျှို့ဝှက်စွာ ချစ်ကြိုက်နေသည့် မိန်းကလေးကို လုယူခဲ့ကာ ဒေါသဖြင့် ကျိုးကျီယန်ကိုသတ်ပစ်ရန် ရည်ရွယ်ချက်ရှိသည်။ သို့သော် သူသည် ဂိမ်းကစားနေရင်း ကျိုးကျီယန်ကို အောက်ထပ်သို့ မတွန်းချနိုင်ဘူးမလား။ 

စစ်ဆေးမေးမြန်းပြီးနောက် ကျန်းဖျင်စစ်က ရလဒ်ကို ယွဲ့ရှင်းဝမ်အား ပြောကြားခဲ့သည်။

ယွဲ့ရှင်းဝမ်က ခွဲခြမ်းစိတ်ဖြာခဲ့သည်။

"သံသယရှိသူအားလုံးမှာ အလီဘိုင်ရှိတယ်… သူ့မိန်းမ လျှိုလန်နဲ့ သူဌေး လျှိုမင်ဟွေးတို့က စောင့်ကြည့်ရေးကင်မရာကတစ်ဆင့် အောက်ထပ်ကို ဆင်းမလာဘူး… ချန်ရွှယ်ချင်က မနေ့ညက တစ်ညလုံး မာကျောက်ကစားနေတယ်… ချီကျောက်နဲ့ ချန်ယွဲ့ချင်တို့နှစ်ယောက်စလုံးက တစ်ဖက်သတ်ကြိုက်နေသူဖြစ်ပြီး ချီကျောက်က ချန်ယွဲ့ချင်ကို တိတ်ဆိတ်ချစ်နေပြီး ဆက်ဆံရေးက ရှုပ်ထွေးတယ်… ဒီလူနှစ်ယောက်က သံသယရှိသူတွေဖြစ်နေတုန်းပဲ…"

သူက မေးစေ့ကိုထိပြီး ခဏလောက်စဉ်းစားကာ ရုတ်တရက် မေးလိုက်သည်။

"ဒါနဲ့ ငွေသားတွေကကော?"

ကျန်းဖျင်စစ်: "ဘဏ်ရဲ့လည်ပတ်မှုက စုံစမ်းစစ်ဆေးမှုရလဒ်တွေ ထွက်ပေါ်ခဲ့ပြီ… လွန်ခဲ့တဲ့ သုံးနှစ်အတွင်း ကျိုးကျီယန်က ဘဏ်ကနေ ငွေသားယွမ် 100,000 ထက် ပိုမထုတ်ယူခဲ့ဘဲ အံဆွဲတွေထဲကနဲ့ ခရီးဆောင်အိတ်ထဲက ငွေပမာဏက 2 သန်းလောက်ရှိတယ်…"

ယွဲ့ရှင်းဝမ်က ထိတ်လန့်သွားသည်။ 

"ဆိုလိုတာက ဒီငွေတွေက တကယ်တော့ သူ့ရဲ့ငွေမဲဝင်ငွေတွေပေါ့?" 

ကျန်းဖျင်စစ်က ခေါင်းငြိမ့်လိုက်သည်။

"အမှန်ပဲ… လုပ်ငန်းရဲ့ရှေ့နေတွေက တည်ထောင်သူလျှိုမင်ဟွေးနဲ့ မိတ်ဖက်တွေ ဖြစ်တယ်… လျှိုမင်ဟွေးက သူတို့ကို ရုံးတည်နေရာနဲ့ အမှုသည်တွေရဲ့ အရင်းအမြစ်တွေကို ထောက်ပံ့ပေးတယ်… သူတို့ရဲ့ တရားစွဲမှုကနေ ရတဲ့ ဝင်ငွေက ဥပဒေလုပ်ငန်းကို ကော်မရှင်ခရာခိုင်နှုန်းတချို့ ပေးရတယ်… ပုံမှန်အားဖြင့် အမှုသည်တွေက ဥပဒေလုပ်ငန်းရဲ့အကောင့်ကို ပေးဆောင်ကြရတယ်… သူတို့အားလုံးက ဥပဒေလုပ်ငန်းရဲ့ အကောင့်တွေကို အသုံးပြုကြပြီး ဥပဒေလုပ်ငန်းမှာ ရှေ့နေတွေကို ငွေပို့ပေးပြီး အခွန်ပေးဆောင်ဖို့ ကူညီပေးတဲ့ ကျွမ်းကျင်စာရင်းကိုင်တွေလည်း ရှိတယ်…"

ယွဲ့ရှင်းဝမ်က သည်စာသားများကို ခွဲခြမ်းစိတ်ဖြာခဲ့သည်။

"ဒီငွေတွေက ဥပဒေလုပ်ငန်းရဲ့ အကောင့်နဲ့ ကျိုးကျီယန်ရဲ့ ကိုယ်ရေးကိုယ်တာအကောင့်ကို မသွားနိုင်ဘူး… ဒါပေမယ့် ငွေသားချည်း 2 သန်းရှိနေတယ်ဆိုတော့… ရှင်းပြချက်တစ်ခုပဲရှိတယ်၊ အရင်းအမြစ်မသိရတဲ့ တရားမဝင် ဝင်‌ငွေပဲ!"

အိမ်ထောင်ရေး ပိုင်ဆိုင်မှုကို လွှဲပေးဖို့ အာမခံငွေကို သူ ထုတ်ယူခဲ့သလားလို့ သိချင်ပေမယ့် ဘဏ်ရှင်းတမ်းမှာ ငွေထုတ်ယူသည့် မှတ်တမ်းမရှိဘူး။ ထို့အပြင် သူသည် ရှေ့နေတစ်ဦးဖြစ်ပြီး ပိုင်ဆိုင်မှုလွှဲပြောင်းရန် နည်းလမ်းများစွာရှိသောကြောင့် ‘ငွေထုတ်ယူခြင်း’ ၏မိုက်မဲသောနည်းလမ်းကိုအသုံးပြုရန်မလိုအပ်ပါ။

ထိုအချိန်တွင် ထင်ကြေးပေးသည့် တတိယဖြစ်နိုင်ခြေက အမှန်ကန်ဆုံးဟု ထင်ရသည်။

ရှေ့နေကျိုးသည် လာဘ်စားကာ ငွေအမြောက်အမြားယူပြီး ဘဏ်တွင် အရူးအမူး မအပ်နှံဝံ့ပေ။

သည်အကြောင်းကို သိသည့်သူများက သူ့ကို ခြိမ်းခြောက်ပြီး ငွေလွှဲခိုင်းဖို့ သည်အကြောင်းပြချက်ကို သုံးနိုင်တာမို့ ချက်ချင်းပဲ ရှင်းဟိုင်အဆောက်အဦးကို ‌ငွေထုပ်နဲ့ သူပြန်လာခဲ့သည်။

သည်အတွင်းလူက တကယ့်လူသတ်သမား ဖြစ်နိုင်သည်။

အဲဒါက ဘယ်သူဖြစ်မလဲ?

#TK