Chapter 151

Volume 7 : ဥပဒေဌာန

Chapter 151 (ပြစ်မှုမရှိကြောင်းချေပချက် ၀၄)

ယွဲ့ရှင်းဝမ်သည် အချိန်ကို ကြည့်လိုက်တော့ မနက် 5:30 ရှိနေပြီဖြစ်သည်။

စနေနေ့ မနက် 5:30 အချိန်တွင် လူအများစုက အိပ်ပျော်နေကြသည်။ ချီရှင်းယွီ၏ အော်သံကြောင့် လူအများက နိုးထလာခဲ့သည်။ လူတချို့သည် နိုးလာပြီးနောက် ဆက်အိပ်နေကြသည်။ အနီးနားတွင် ယောင်္ကျားလေးနှစ်ယောက်က အခြေအနေကိုကြည့်ပြီး အပြင်ထွက်လာကာ လမ်းလျှောက်ရင်း မေးလိုက်သည်။

"ရှင်းယွီ... ဘာလို့အော်နေတာလဲ... ဘာဖြစ်တာလဲ..."

နှစ်ယောက်သား ကမ်းခြေသို့ လျှောက်သွားကာ ပင်လယ်ပြင်ပေါ်တွင် မျောနေသည့် အလောင်းကို တွေ့သောအခါ အံ့သြစွာ မျက်လုံးများ ပြူးကျယ်သွားသည်။

"လူ... လူသေအလောင်းလား..."

"အဲဒါလျှိုကျားကျား မဟုတ်ဘူးလား... သူမရဲ့ဂါဝန်ကို ငါမှတ်မိတယ်..."

အဆိုပါဂါဝန်သည် ကမ်းခြေရှိ ဓာတ်ပုံများတွင် ကြည့်ကောင်းစေမည့် အနီရောင် တောက်တောက်နောက်ခံနှင့် ငွေရောင် sequins တချို့ကို အလှဆင်ထားသည်မှာ အမှန်ပင် အလွန်ထူးခြားပါသည်။

ယွဲ့ရှင်းဝမ်သည် သူ၏စိတ်ထဲတွင် မှတ်ဥာဏ်ကို ရှာဖွေခဲ့သည်။ မနေ့ညနေက မိန်းကလေးသည် ဒီဂါဝန်ကိုဝတ်ပြီး ကမ်းခြေမှာ ဓာတ်ပုံရိုက်ခဲ့သည်။ အဲဒီတုန်းက ကမ်းခြေမှာ ဓာတ်ပုံရိုက်သည့်သူတွေ အများကြီးရှိသည်။ ယွဲ့ရှင်းဝမ်သည် အနီရောင်ဝတ်စုံဝတ်ထားသော မိန်းကလေးက တောက်ပသော အပြုံးတစ်ခုရှိနေတာကို မှတ်မိနေပြီး မိန်းကလေးအများအပြားက တခစ်ခစ်ရယ်ကာ ကိုယ်ဟန်အနေအထားအမျိုးမျိုးဖြင့် ဓာတ်ပုံရိုက်ခဲ့ကြတာကို ယွဲ့ရှင်းဝမ် ယောင်ဝါးဝါး မှတ်မိနေသည်။

သူမ ရေနစ်သွားမယ်လို့ မထင်ထားဘူး။

ယွဲ့ရှင်းဝမ်က မျက်မှောင်ကြုတ်ကာ ချီရှင်းယွီကို ကြည့်လိုက်သည်။

"စီနီယာအစ်မ... အလောင်းကို ဘယ်လိုလုပ်ရှာတွေ့တာလဲ..."

ချီရှင်းယွီက တုန်တုန်ယင်ယင်နဲ့ ပြောသည်။

"ငါက ကျောက်လင်နဲ့အတူ နေထွက်တာကိုကြည့်ဖို့ နှိုးစက်နာရီပေးထားပြီး မနက်စောစော အိပ်ရာက ထချင်ခဲ့တာ... ဒါပေမယ့် ငါတို့ ကမ်းခြေမှာ လမ်းလျှောက်နေတဲ့အခါ ပင်လယ်ထဲမှာ မျောနေတဲ့ အလောင်းကို တွေ့လိုက်ရတယ်..." သူမဘေးနာရှိ ကျောက်လင်သည် ဖြူဖျော့သောမျက်နှာဖြင့် ဆိုသည်။ "မနေ့ညက ‌လျှိုကျားကျားက ငါတို့နဲ့အတူ ဘာဘီကျူးစားခဲ့တာပါ... သူမက ဘာလို့ ရုတ်တရက် ရေနစ်သွားတာလဲ..."

ချီရှင်းယွီက နှုတ်ခမ်းကို ကိုက်ပြီး တိုးတိုးလေးပြောသည်။

"သူမ ရေကူးနိုင်တယ်ဆိုတာ ငါမှတ်မိတယ်... သူမက ပင်လယ်ထဲမှာ ရေကူးချင်ပေမဲ့ မတော်တဆ ကြွက်တက်ပြီး ရေနစ်သွားတာများလား..."

ရေကူးတတ်သူများဟာ ပင်လယ်ရေကို မကြောက်ကြဘူး။ စိတ်လှုပ်ရှားရင် ပင်လယ်ထဲ ရေကူးသွားကြသည်။ ထို့ကြောင့် ရေကူးနေစဉ် သူတို့၏ ခန္ဓာကိုယ်သည် ရုတ်တရက် ကြွက်တက်ကာ ရေနစ်သေဆုံးသွားခဲ့သည်။ လက်တွေ့မှာ ဒီလိုကိစ္စတွေ အများကြီးရှိသည်။ သူတို့၏ ပထမဆုံးတုံ့ပြန်မှုက မတော်တဆမှုဖြစ်ပြီး လူသတ်မှုမဟုတ်ပေ။ ဤလျှိုကျားကျားသည် အများအားဖြင့် သိသာထင်ရှားသောရန်သူမရှိဟု ထင်ရသည်။

ယွဲ့ရှင်းဝမ်က မေးသည်။

"စီနီယာအစ်မ... လျှိုကျားကျားက တစ်ယောက်ယောက်ကို အမှားလုပ်ဖူးလား..."

ချီရှင်းယွီက တခဏလောက် ထိတ်လန့်သွားပြီး သူမ၏မျက်နှာက အနည်းငယ် ပြောင်းလဲသွားသည်။

"သူမက ရည်ရွယ်ချက်ရှိရှိ ရေနစ်ခံရတယ်လို့ သံသယဖြစ်နေတာ မဟုတ်ဘူးမလား... သူမက ငါတို့ဘာသာရပ်မှာ အရမ်းနာမည်ကြီးပြီး ဘယ်သူ့အပေါ်ကိုမှ ရန်ငြိုးထားတာမျိုး မကြားဖူးဘူး... သူမက ငါတို့ကျောင်းသားကောင်စီရဲ့ ယဉ်ကျေးမှုနှင့်ဖျော်ဖြေရေးဌာနမှာလည်း ကြင်နာပြီးလှပတာကြောင့် ဘယ်သူကမှ သူမကို မသတ်နိုင်ပါဘူး..."

သူမဘေးရှိ ကျောက်လင်က ရုတ်တရက် ပတ်ပတ်လည်ကိုကြည့်ပြီး မေးလိုက်သည်။

"ကျူးရှောင်ထင် ဘယ်မှာလဲ... သူမက လျှိုကျားကျားနဲ့အတူ တဲထဲမှာနေနေတာ... မနေ့ညက လျှိုကျားကျား ဘာဖြစ်သွားသလဲဆိုတာ သိလောက်တယ်မဟုတ်ဘူးလား..."

ကောင်လေးက လမ်းလျှောက်လာပြီး အော်လိုက်သည်။

"ကျူးရှောင်ထင်ရှိလား..."

တုံ့ပြန်မှုမရှိဘဲ အချိန်အတော်ကြာပြီးနောက် ချီရှင်းယွီသည် သူမ၏ဖုန်းကို အမြန်ထုတ်ပြီး ပြောလိုက်သည်။

"သူတို့က ဧရိယာ A မှာရှိတဲ့ နံပါတ် 037 တဲမှာ နေထိုင်နေတာ..."

ကောင်လေးနှစ်ယောက်နှင့်အတူ ကျောက်လင်သာ် တစ်ယောက်ယောက်ကို ခေါ်ဖို့ လိုက်သွားပေမဲ့ ခဏကြာတော့ ကျောက်လင်က ပြောလာသည်။

"ကျူးရှောင်ထင် ဒီမှာ မရှိဘူး..."

ယွဲ့ရှင်းဝမ်: "..."

သူမက တဲထဲမှာ သေချာပေါက် ဘယ်ရှိမလဲ... လောလောဆယ်မှာ သူမက ပေရှန်းတက္ကသိုလ်ရဲ့ မိန်းကလေးအိပ်ဆောင်မှာ လူသတ်လက်နက်ကို ကိုင်ထားတာလေ...

ခယ်ရှောင်ပင်းက ယွဲ့ရှင်းဝမ်၏နားထဲကို တိုးတိုးပြောလိုက်သည်။

"ကျူးရှောင်ထင်က ဘာဘီကျူးစားပြီးနောက် တက္ကစီနဲ့ ညသန်းခေါင် ကျောင်းပြန်သွားခဲ့ပုံရတယ်... ဒါပေမဲ့ သူမ ကျောင်းပြန်ရောက်တဲ့အခါ သူမက အိပ်ဆောင်မှာ လူသေအလောင်းကို မြင်လိုက်ရတယ်..."

ရဲကား၏ဟွန်းသံကို အဝေးမှ ကြားလိုက်ရပြီး ယွဲ့ရှင်းဝမ်က အဖွဲ့ထဲမှာ လျင်မြန်စွာ မေးလိုက်သည်။

"ကျောင်းအခြေအနေ ဘယ်လိုရှိလဲ..."

ချင်မြောင်: "ရဲတွေရောက်လာပြီး အခင်းဖြစ်ပွားရာနေရာကို ပိတ်ဆို့ထားတယ်... သူတို့က မျက်မြင်သက်သေတွေကို စစ်ဆေးနေတယ်... မှုခင်းဆရာဝန်က ရှဲ့ရှန်းချင်ရဲ့ အလောင်းကို အိပ်ဆောင်မှာ စစ်ဆေးခဲ့တယ်... ကျူးရှောင်ထင်ရဲ့စိတ်ခံစားချက်က ပြိုလဲနေပြီး သူမလက်နဲ့မျက်နှာမှာ သွေးတွေရှိတယ်... ရဲက သူမကို လက်ထိတ်ခတ်သွားပြီ..."

ကျန်းဖျင်စစ်နှင့် ရှင်းယန်တို့သည် မိန်းကလေးများ၏ အိပ်ဆောင်အတွင်းသို့ ဝင်လို့မရဘဲ အိပ်ဆောင်ဘက်မှ အချက်အလက်များကို ‌ချင်မြောင်ကသာ စုဆောင်းနိုင်ခဲ့သည်။

ကံကောင်းထောက်မစွာ ချင်မြောင်သည် မနေ့က ‘အခင်းဖြစ်ပွားရာနေရာက ကမ်းခြေမှာပဲဖြစ်ပွားမယ်လို့ မဆိုလိုဘူး’ဟူသော ထင်ကြေးကို အေးအေးဆေးဆေး တင်ပြခဲ့ကာ ကျောင်းတွင် ဆက်နေရန် အစပြုခဲ့သည်။ မဟုတ်ပါက သူတို့သည် အဓိက အချက်အလက်များစွာ ဆုံးရှုံးသွားမည်ဖြစ်သည်။

လန်ယာရုန်က မေးသည်။

"မျက်မြင်သက်သေတွေက သူမက လူသတ်လက်နက်ကို ကိုင်ဆောင်ထားတာ တွေ့ခဲ့တာလား..."

ချင်မြောင်: "ဟုတ်တယ်... မျက်မြင်သက်သေမပြောနဲ့ ကျွန်မ အော်သံကြားလို့ သွားပြေးကြည့်တဲ့အခါ သူမလက်ထဲမှာ ဓားတစ်ချောင်းကိုင်ထားတာ တွေ့လိုက်ရတယ်... ဘေးနားက အိပ်ဆောင်ကနေ ဒီမြင်ကွင်းကို မြင်တဲ့မိန်ကလေး 5 ယောက်ထက်မနည်း ရှိတယ်... 

လန်ယာရုန်၏နားထင်သွေးကြောများက ခုန်တက်သွားပြီး ရုတ်တရက် ဒေါသထွက်သွားသည်။

"သူမက ဥပဒေဌာနက မဟုတ်ဘူးလား... ပြစ်မှုဆိုင်ရာဥပဒေကို အလကား သင်ယူထားတာပဲ... လူသေအလောင်းကိုတွေ့ရင် အခင်းဖြစ်ပွားရာနေရာကနေ အမြန်ဆုံးထွက်ပြီး ရဲကို ချက်ချင်း ဖုန်းခေါ်ရမှာလေ... သူမက ဘာလို့လျှောက်သွားရတာလဲ... သွေးကလည်းပေနေပြီး လူသတ်လက်နက်ကိုလည်း ကိုင်လိုက်သေးတယ်..."

စီနီယာအစ်မလန်၏ အာမေဋိတ်တန်းများသည် အဖွဲ့ဝင်များ၏ ဦးရေပြား ထုံကျင်သွားစေသည်။ စီနီယာအစ်မ၏ ဒေါသက တောက်လောင်နေတာကို တွေ့နိုင်သည်။

လျှိုကျောက်ချင်းက ချွေးစေးများထွက်နေသောအီမိုဂျီကို ပို့လိုက်သည်။

"စီနီယာအစ်မလန် စိတ်အေးအေးထားပါ... ဒီမိန်းကလေးကို ခုခံချေပဖို့ စီနီယာအစ်မကို အားကိုးရဦးမှာ..."

လန်ယာရုန်သည် အသက်ပြင်းပြင်းရှူလိုက်သည်။

"ဘာဖြစ်တာလဲ... သူမက ဥပဒေဌာနက မဟုတ်ဘူးလား..."

ရှင်းယန်က မက်ဆေ့ခ်ျပို့လာသည်။

"ကျူးရှောင်ထင်က ဥပဒေဌာနက မဟုတ်ဘူး... သူမက ဥပဒေဌာနရဲ့စာရင်းထဲမှာမပါပေမဲ့ 703 အိပ်ဆောင်စာရင်းထဲမှာရှိပြီး မနေ့က အချက်အလက်ပို့တုန်းက အချက်အလက်စာရွက်ထဲမှာ သူမကိုထည့်ပေးလိုက်တာ... ရှဲ့ရှန်းချင်နဲ့ မောင်ယွဲ့တို့က ဥပဒေဌာနက ကျောင်းသူတွေ၊ ကျူးရှောင်ထင်က ဘာသာပြန်ဌာနက ကျောင်းသူဖြစ်ပြီး လီဟွေ့ကျွမ်းက ဇီဝသိပ္ပံဌာနက ကျောင်းသူဖြစ်ပြီး 703 အိပ်ဆောင်က ပိုရှုပ်ထွေးတယ်... ဥပဒေဌာနမှာ မိန်းကလေး 54 ယောက်ရှိပြီး 52 ယောက်က အခန်း 13 ခန်းမှာ နေထိုင်နေပြီးတော့ ကျန် 2 ယောက်က အခြားဌာနက မိန်းကလေးတွေနဲ့ တစ်ခန်းတည်းနေတာ..."

ကျောင်းသည် တူညီသောဘာသာရပ်မှ ကျောင်းသားများကို အတူတကွနေထိုင်ရန် စီစဉ်ပေးမည်ဖြစ်သော်လည်း လေးယောက်ခန်း နေထိုင်ရန် မဖြစ်နိုင်သည့် အခြေအနေမျိုးတွင် အခြားဘာသာရပ်များမှ ကျောင်းသားများနဲ့ အတူတကွ နေထိုင်ရန် စီစဉ်ပေးမည်ဖြစ်သည်။ အဲဒီလိုအိပ်ဆောင်စီစဉ်ပေးတာတွေက တက္ကသိုလ်များမှာ အဖြစ်များသည်။

ဥပဒေဌာနရှိ မိန်းကလေး 54 ဦးအနက် 52 ဦးသည် သူတို့အိပ်ဆောင်တွင် လူ 4 ဦး ပါဝင်သည့် အခန်းများတွင် နေထိုင်ကြပြီး 703 အိပ်ဆောင်တွင် အခြားဘာသာရပ်များမှ မိန်းကလေးများ ပါဝင်သည်။ ဤအိပ်ဆောင်၏ အတွင်းပိုင်းဆက်နွယ်မှုကို သေချာစွာ စုံစမ်းစစ်ဆေးရန် လိုအပ်ပါသည်။

လန်ယာရုန်၏ စိတ်က နောက်ဆုံးတွင် ငြိမ်သက်သွားသည်။ ဥပဒေကျောင်းသားများသည် “ပြစ်မှုဆိုင်ရာဥပဒေ”ကိုလေ့လာခဲ့ရပြီး “လူသတ်လက်နက်ကိုထိခြင်း”ကဲ့သို့သော အရာတစ်ခုပြုလုပ်ခြင်းက ပရော်ဖက်ရှင်နယ်မဆန်လွန်းလှသည်။ အကယ်၍ အခြားဘာသာရပ်မှ မိန်းကလေးတစ်ဦးဆိုလျှင် သူမသည် ထိတ်လန့်တကြားပြေးသွားပြီး လူသတ်လက်နက်ကို ကိုင်လိုက်တာ ဒါမှမဟုတ် သူမသည် လူများကို မသတ်ဘဲ လူများကို ကယ်တင်တာမျိုးဖြစ်နိုင်တယ်မလား။

လန်ယာရုန်က အသက်ပြင်းပြင်းရှူပြီး စာအမြန်ရိုက်လိုက်သည်။ 

"ရဲက ဘာပြောသလဲ..."

ချင်မြောင်: "ရဲတွေက ကျူးရှောင်ထင်ကို စစ်ဆေးမေးမြန်းဖို့ ခေါ်သွားကြပြီ..."

အခင်းဖြစ်ပွားရာ ဓာတ်ပုံများကို ကြည့်လျှင် ကြမ်းပြင်သည် သွေးများဖြင့် ပြည့်နှက်နေပြီး ကျူးရှောင်ထင်သည် အခန်းထဲသို့ ဝင်ရောက်ပြီးနောက် ထိတ်လန့်စွာ ပြေးသွားပြီး ကြမ်းပြင်ပေါ်တွင် သူမ၏ ခြေရာများစွာ ရှိနေသည်။

ယွဲ့ရှင်းဝမ်က သူ့နားထင်ကို ကူကယ်ရာမဲ့စွာ ကိုင်လိုက်သည်။

"အစက ကျူးရှောင်ထင်က ကမ်းခြေမှာ ဘာဘီကျူးစားခဲ့ပြီး သူမနဲ့အတူနေထိုင်တဲ့လူက လျှိုကျားကျားဖြစ်ခဲ့ပေမဲ့ အခု လျှိုကျားကျားက ရေနစ်သွားပြီး ကျူးရှောင်ထင်က ကျောင်းမှာ နားမလည်‌နိုင်အောင် ပေါ်လာခဲ့တယ်..."

လျှိုကျောက်ချင်းသည် မနေ့ညက ညဆိုင်းတွင်ရှိ၍ ဒါကိုမြင်သောအခါ အံ့အားသင့်သွားသည်။

"ရှင်းဝမ်... မင်းဆိုလိုတာက ကျူးရှောင်ထင်ရဲ့ အခန်းဖော်က တစ်ဖက်က ကမ်းခြေမှာ ရေနစ်ပြီး သူမ ညသန်းခေါင်ကြီး ကျောင်းပြန်ရောက်တဲ့ သူမရဲ့အခန်းဖော်က ဓားထိုးခံရပြီး သေနေတာပေါ့..."

ယွဲ့ရှင်းဝမ်: "ဟုတ်တယ်..."

လျှိုကျောက်ချင်း "ဒါက ကံဆိုးလွန်းပါတယ်..."

ကျန်းဖျင်စစ်: "မနေ့ညက ကျူးရှောင်ထင် တစ်ခုခုဖြစ်ခဲ့တယ်လို့ ငါ သံသယဖြစ်မိတယ်... သူမက ရုတ်တရက် ကျောင်းပြန်သွားပြီး ကမ်းခြေမှာရှိတဲ့ သူမရဲ့အခန်းဖော် လျှိုကျားကျားက သူမကို သက်သေပြနိုင်လောက်တယ်... ဒါပေမဲ့ အခု လျှိုကျားကျားက သေဆုံးသွားပြီဆိုတော့ သေလူဆီကနေ သက်သေယူလို့မရတော့ဘူး... လျှိုကျားကျားရဲ့သေဆုံးမှုကလည်း သူမနဲ့ ဆက်စပ်နေတာကြောင့် သူမက ကွင်းဆက်လူသတ်သမား ဖြစ်လာလိမ့်မယ်..."

လူတိုင်း: "..."

‌ချင်မြောင်က ဆိုးရွားသောကိစ္စများကို ထပ်လောင်းပြောကြားခဲ့သည်။

"သူမရဲ့စိတ်ခံစားချက်တွေက ပြိုလဲနေတယ်... ရဲတွေက သူမကို ခေါ်သွားပြီးတော့ သူမကို စစ်ဆေးမေးမြန်းတဲ့အခါ အဆင်မပြေတဲ့ ဝန်ခံမှုတချို့ ပြုလုပ်ခဲ့မယ်ဆိုရင် သူမနာမည်ကို ရှင်းဖို့က ပိုခက်ခဲလိမ့်မယ်..."

ခယ်ရှောင်ပင်း: "သူမက နှုတ်ဆိတ်နေခွင့်ရှိတယ်မလား... တီဗီထဲကလိုပဲ ရဲတွေက သူမကိုမေးတဲ့အခါ ငါ့ရှေ့နေမရောက်မချင်း မေးခွန်းတွေကို မဖြေဘူးလို့ ပြောလို့မရဘူးလား..."

လန်ယာရုန်က လက်ဖဝါးဖြင့် မျက်နှာအုပ်ထားသော အီမိုဂျီကို ပို့ခဲ့ပြီး အမြန်စာရိုက်လိုက်သည်။

"ရှောင်ခယ်... နင် ဟောင်ကောင်ဇာတ်လမ်းတွဲတွေ အများကြီးကြည့်ဖူးတာမလား... ဟောင်ကောင်က ရေကြောင်းပိုင်နက်စနစ်ရဲ့ ဗြိတိန်ဥပဒေကို ကျင့်သုံးပြီး ‘မီရန်ဒါအခွင့်အရေး’က ‘နင့်မှာ နှုတ်ဆိတ်နေပိုင်ခွင့်ရှိတယ်... ဒါပေမဲ့ ‌နင်ပြောတဲ့စကားလုံးတိုင်းကို တရားရုံးမှာ နင့်ကို ဆန့်ကျင်ဖို့အသုံးပြုလိမ့်မယ်’ဆိုတော့ တရားခံက ရဲတပ်ဖွဲ့ရဲ့ မေးခွန်းတွေကို မဖြေဘဲ နှုတ်ဆိတ်နေပိုင်ခွင့်ရှိပြီး ရှေ့နေကို ကိုင်တွယ်ဖြေရှင်းဖို့ အခွင့်အာဏာ အပြည့်အဝ ပေးထားတယ်..." လန်ယာရုန်က ဆက်ပြောသည်။ "ဒါပေမဲ့ ဒီဥပဒေစနစ်က ပြည်မကြီးနဲ့ မသက်ဆိုင်ဘူး... ပြည်မကြီးမှာ ရဲတွေက မေးခွန်းတွေမေးပြီး မဖြေရင် ရဲတွေက ဒီအမှုကို ကိုင်တွယ်ဖို့ အဟန့်အတား ဖြစ်စေတယ်..."

ခယ်ရှောင်ပင်း: "..."

တီဗီဇာတ်လမ်းတွဲများတွင် တရားခံရှေ့နေရောက်လာသည်အထိ သံသယရှိသူက နှုတ်ဆိတ်နေပုံမှာ အလွန်မိုက်သော်လည်း လက်တွေ့တွင် ‘‌ရှေ့နေမလာခင်အထိ ငါ ဘာမေးခွန်းမှမဖြေဘူး’ဆိုသည့်အချက်မျိုး မရှိဘဲ အထူးသဖြင့် မှုခင်းကိစ္စများတွင် ရဲများက ‌ထွက်ဆိုချက်မထုတ်မချင်းက ရှေ့နေက အမှုသည်ကို မမြင်ရတာမျိုးလည်းရှိသည်။

ကျူးရှောင်ထင်က ရဲကို ဘာပြောမလဲ။ သူမသည် ကြောက်ရွံ့ပြီး အဆင်မပြေသော ဝန်ခံမှုတချို့ ပြုလုပ်ပါက အခြေအနေများ ပိုဆိုးလာမည်ဖြစ်သည်။

ယွဲ့ရှင်းဝမ်က ချက်ချင်း ဆုံးဖြတ်ချက်ချလိုက်သည်။

"စီနီယာအစ်ကိုရွှီက အလုပ်ကြိုးစားရဉီးမယ်... သူတစ်ယောက်တည်းကပဲ ‌ကျူးရှောင်ထင်ဆီ ကြိုပြီးဆက်သွယ်နိုင်မှာ..."

ရွှီယိရှန်းက လေးလေးနက်နက် နားလည်သဘောပေါက်ပြီး အဖွဲ့ထဲ မေးလိုက်သည်။

"ငါ ဆဲလ်အဖြစ်ပြောင်းပြီး ရဲရဲ့အိတ်ကပ်ထဲ ပုန်းနေလိုက်မယ်... သူတို့နဲ့အတူ ရဲစခန်းကို လိုက်သွားပြီး ကျူးရှောင်ထင်ကို အမြန်ဆုံး ရှာတွေ့ဖို့ နည်းလမ်းရှာမယ်... စီနီယာအစ်မလန်က ကျွန်တော့် ဘာမှာစရာရှိသေးလဲ..."

လန်ယာရုန်: "သူမရဲ့အပြစ်ကို ဘယ်တော့မှ ဝန်မခံခိုင်းနဲ့... ပြီးတော့ ရဲကို လှည့်စားဖို့အတွက် မလိမ်နဲ့... အဓိပ္ပါယ်မရှိတာတွေ မပြောခိုင်းနဲ့... ပြစ်မှုဆိုင်ရာရဲတွေက လူတွေကို စစ်ဆေးမေးမြန်းရာမှာ အတွေ့အကြုံ ကြွယ်ဝပြီး လိမ်တဲ့အခါ ချက်ချင်း ဖော်ထုတ်ခံရလိမ့်မယ်... အဲဒီအခါ သူမရဲ့ တရားရုံးထွက်ဆိုချက်က အဆုံးတွင် ယုံကြည်စိတ်ချရဖို့ လျော့သွားလိမ့်မယ်... မသေချာတဲ့မေးခွန်းတွေရဲ့ ရင်ဆိုင်ရတဲ့အခါ ‘မသိဘူး’လို့ပဲပြောခိုင်းပြီး ‘ဖြစ်နိုင်တယ်၊ ဟုတ်လောက်တယ်’အဲဒီလိုမျိုး မရှင်းလင်းတဲ့အဖြေတွေကို မသုံးခိုင်းနဲ့..."

ရွှီယိရှန်း: "ကျွန်တော် နားလည်ပြီ... ကျွန်တော် သူမကို တတ်နိုင်သမျှအမြန်ဆုံးပြောပြလိုက်မယ်..."

ခယ်ရှောင်ပင်း: "...စီနီယာအစ်ကို အချုပ်ခန်းထဲသွားပြီး သူမနဲ့စကားပြောရင် သူမ မကြောက်သွားလောက်ဘူးလား..."

ရွှီယိရှန်းလည်း အကူအညီမဲ့ ဖြစ်နေသည်။

"မဟုတ်ရင် ငါတို့ သူမကို အမြန်ဆုံးတွေ့နိုင်တော့မှာ မဟုတ်ဘူး... ရဲတွေက ပြန်သွားတဲ့အခါ သူမကို ချက်ချင်း စစ်ဆေးမေးမြန်းလိမ့်မယ်... စစ်ကြောရေးမစခင် ငါတို့တွေ ဒီစကားတွေကို သူမဆီပြောပြရမယ်..."

ယွဲ့ရှင်းဝမ်: "ဟုတ်တယ်... စီနီယာအစ်ကို သွားကြရအောင်..."

ရဲကားက ကမ်းခြေကို ရောက်ပြီးနောက် အခင်းဖြစ်ပွားရာနေရာကို ချက်ချင်း ပိတ်ဆို့ခဲ့သည်။ မှုခင်းဆရာဝန်က အလောင်းကို ခွဲစိတ်ဖို့ သွားခဲ့သည်။ ယွဲ့ရှင်းဝမ်သည် စီနီယာအစ်ကိုရွှီယိရှန်းကို အချက်ပြလိုက်သည်။ ရွှီယိရှန်းသည် ဆဲလ်အဖြစ်ပြောင်းသွားပြီး ရဲအရာရှိ၏အိတ်ကပ်ထဲတွင် ကပ်နေကာ မှုဆင်းဆရာဝန်နှင့် ရဲအရာရှိကြားက စကားဝိုင်းကို လုံးဝကြားနိုင်သည်။

"သေဆုံးသူက လျှိုကျားကျား... အသက် 22 နှစ်အရွယ်... ပေရှန်းတက္ကသိုလ်က ဥပဒေဌာနမှ ကျောင်းသူ... ရေနစ်သေဆုံးခဲ့တယ်... သူမခန္ဓာကိုယ်မှာ ထင်ရှားတဲ့ဒဏ်ရာတွေနဲ့ တိုက်ခိုက်တာတဲ့လက္ခဏာမျိုး မတွေ့ရဘူး... သေဆုံးရတဲ့ အကြောင်းရင်းကို အတိအကျ ခွဲစိတ်စစ်ဆေးဖို့ ပြန်ယူသွားရမယ်..."

ရဲတပ်ဖွဲ့သည် ချီရှင်းယွီ၊ ယွဲ့ရှင်းဝမ်နှင့် အခြားသော မျက်မြင်သက်သေများအား အခြေအနေကို အကျဉ်းချုံးမေးမြန်းပြီး အလောင်းကို သယ်ဆောင်သွားခဲ့သည်။

ချီရှင်းယွီသည် ကြောက်ရွံ့မှုဖြင့် တုန်လှုပ်နေပြီး ကျောင်းသားများကို နှိုးပြီး ကျောင်းစောစောပြန်ခိုင်းခဲ့သည်။

မူလက သူတို့သည် ယနေ့ ကမ်းခြေတွင် နောက်ထပ်တစ်ရက် ဆော့ကစားပြီး တနင်္ဂနွေညတွင် ပြန်သွားရန် စီစဉ်ခဲ့သော်လည်း သူတို့၏ အတန်းဖော်က သေဆုံးခဲ့သည်။ သတင်းကြားတော့ လူတိုင်းက ကစားချင်စိတ်မရှိကြဘဲ စုရုံးပြီး ကျောင်းပြန်သွားကြသည်။

ယွဲ့ရှင်းဝမ်သည် အဖွဲ့ဝင်များနှင့်အတူ တက္ကစီတစ်စီးကို အမြန်ပြန်ခေါ်ပြီး ဥပဒေလုပ်ငန်းဆီ ပြန်ခဲ့သည်။

သူတို့သည် ကျူးရှောင်ထင်အတွက် တတ်နိုင်သမျှ ခုခံချေပရန် အသင့်ပြင်ထားရမည်။ လက်ရှိသက်သေသည် ကျူးရှောင်ထင်အတွက် အလွန်အဆင်မပြေပေ။ သူမ၏ မကျေနပ်ချက်ကို ရှင်းလင်းလိုပါက ပထမဦးစွာ လူသတ်ရသည့် ရည်ရွယ်ချက်များ၊ နည်းလမ်းများနှင့် သက်သေများဆိုင်ရာ ဟာကွက်များကို ရှာဖွေရန် လိုအပ်ပါသည်။ ဒုတိယအနေနဲ့ကတော့ လူသတ်သမားအစစ်အမှန်ကို အမြန်ဆုံးရှာတွေ့ဖို့ လိုပါသည်။

#TK