Chapter 39

Volume 2 : နှစ်ယောက်တွဲဖြတ်ကျော်ခြင်း

Chapter 39 (3 of Diamonds – စာလုံးဝင်္ကပါ)

လူနှစ်ယောက် မျက်လုံးဖွင့်လိုက်သည်နှင့် လက်ထဲတွင် ဓာတ်မီးအလိုလိုပေါ်လာသည်အထိ မှောင်နေသေးတာကို တွေ့လိုက်ရသည်။

သို့သော် လူနှစ်ယောက်သည် အတူမရှိခဲ့ကြဘဲ လျှို့ဝှက်ခန်းက သူတို့ကို လူခွဲလိုက်သည်။

ရှောက်လုံသည် ဓာတ်မီးကိုဖွင့်ပြီး ပတ်ပတ်လည်ကို ကြည့်လိုက်သည်။ အရှည် 50 မီတာခန့်ရှိသော ကျဉ်းမြောင်းဖြောင့်တန်းသော လမ်းကြောင်းတွင် သူရှိနေသည်။ ကြမ်းပြင်ကို အပြာရောင်ကျောက်ဖြင့်ဖုံးအုပ်ထားပြီး ဘေးနှစ်ဖက်စလုံးတွင် နံရံများသည် မူလအနီရောင်အုတ်များဖြစ်သည်။

ဤနေရာတွင် အပူချိန် အလွန်နိမ့်ပြီး လေသည် စိုစွတ်ပြီး အေးနေပါသည်။ မှောင်မဲနေသော မြေအောက်ခန်းကို ရောက်နေသလိုပဲ။

သူသည် ယန္တရားများကို ဦးစွာရှာသင့်သလား သို့မဟုတ် အဖွဲ့ခေါင်းဆောင်ယွီကို ရှာသင့်သလား။

ရှောက်လုံးက နောက်ဆုံးတစ်ခုကို ရွေးဖို့ ဆုံးဖြတ်လိုက်သည်။

ထို့အပြင် လျှို့ဝှက်ခန်းထဲမှာ ထောင်ချောက်တွေ ရှိ၊ မရှိ မသေချာသလို လူနှစ်ယောက်က အတူတူ လုပ်ဆောင်တာ ပိုကောင်းပါသည်။

ရှောက်လုံသည် ဓာတ်မီးဖြင့် လမ်း၏အဆုံးဆီသို့ လျှောက်သွားသည်။ လမ်းဆုံလမ်းခွကို တွေ့သောအခါ အကွာအဝေး တစ်ဝက်ခန့်သို့ ရောက်ခဲ့သည်။ ရှောက်လုံသည် လမ်းဆုံလမ်းခွ၌ ရပ်နေသည်။ အရှေ့ဘက်မှာ နံရံတစ်ခုရှိပြီး လမ်းမရှိတာ ထင်ရှားပါသည်။ သူက လမ်းဆုံလမ်းခွ အတိုင်း ဆင်းရမည်။

လမ်းတစ်ဝက်တွင် အခြားလမ်းဆုံးလမ်းခွကိုတွေ့သောအခါ လမ်းတစ်ဝက်သို့ သူရောက်သွားခဲ့သည်။

ထိုအချိန်တွင် ဓာတ်မီးမှ အလင်းတန်းတစ်ခုကို သူတွေ့လိုက်ရသည်။

ရှောက်လုံ၏ရင်ထဲ ပျော်ရွှင်သွားပြီး ခေါ်လိုက်သည်။

"အဖွဲ့ခေါင်းဆောင်ယွီ"

ယွီဟန်ကျန်း၏ အသံကို မကြာမီ ကြားလိုက်ရသည်။ 

"အင်း… ကိုယ်ဒီမှာ"

လမ်းဆုံလမ်းခွမှာ လူနှစ်ယောက်တွေ့ပြီး ယွီဟန်ကျန်းက မျက်မှောင်ကြုတ်လိုက်သည်။

"ကိုယ့်အနောက်က လမ်းကြောင်းကို ကြည့်လိုက်တော့ ယန္တရားတွေ မတွေ့ဘူး… သေးငယ်တဲ့ဝင်္ကပါဖြစ်မယ်ထင်တယ်"

ရှောက်လုံသည် ရှေ့နှင့်နောက်တွင် ဖြောင့်တန်းသောလမ်းကို တွေးတွေးဆဆကြည့်လိုက်သည်။

ဤနေရာသည် ဝင်္ကပါဖြစ်သော်လည်း အကျယ်အဝန်းမကြီးဘူးဆိုတာ သံသယမရှိပေ။ အရှည်ဆုံးလမ်းသည် မီတာ 50 ဝန်းကျင်ဖြစ်သည်။ သူတို့သည် မကြာမီ အဆုံးသို့ ရောက်ရှိတော့မည် ဖြစ်ပြီး လမ်းဆုံလမ်းခွများစွာ မရှိပေ။

ရှောက်လုံသည် သူ့ကတ်ထုပ်ထဲမှ ကတ်တစ်ကတ်ဖြစ်သော [လေးလမ်းသွားမြား] အမြန်ထုတ်လိုက်သည်။

၎င်းသည် 2 of Diamonds လျှို့ဝှက်ခန်းတွင် ယခင်က ရရှိခဲ့သော ဆုဖြစ်ပြီး ဝင်္ကပါကဲ့သို့ မြေပုံများကို ကိုင်တွယ်ရာတွင် အသုံးဝင်ပါသည်။

သူက ယွီဟန်ကျန်းကို ပြောလိုက်သည်။

"အဖွဲ့ခေါင်းဆောင်ယွီ… ခင်ဗျားမှာ လေးလမ်းသွားမြားရှိတယ်မလား… ကျွန်တော်တို့ လမ်းကြောင်းခွဲပြီး ကျွန်တော့်ရှေ့က ဦးတည်ချက်ကို မြောက်ဘက်အဖြစ်ယူလိုက်မယ်… မြောက်၊ တောင်၊ ဘယ်က အနောက်၊ ညာက အရှေ့… လမ်းဆုံလမ်းခွတွေကို တတ်နိုင်သမျှ အမြန်ဆုံး အမှတ်အသားပြုဖို့ [လေးလမ်းသွားမြား]ကို အသုံးပြုပါ… ဝင်္ကပါအစီအစဉ်ကို ကျွန်တော် သိချင်တယ်"

ယွီဟန်ကျန်းက ခေါင်းငြိမ့်လိုက်သည်။

"ကောင်းပြီ"

ဤနည်းလမ်းသည် အလွန်စမတ်ကျသည်။ ဝင်္ကပါထဲမှာ သွားလာရလွယ်ကူပြီး လမ်းပျောက်သူများကို ဟန်ချက်ပြန်ထိန်းနိုင်သည်။ ‘အပေါ်’မြားဖြင့် အပြုသဘောဆောင်သောမြောက်ကိုရွေးပြီး၊ အနောက်ကိုကိုယ်စားပြုသည့် ဘယ်ဘယ်မြား၊ ညာဘက်က အရှေ့မြားနှင့် အောက်ဘက်က တောင်ဘက်မြားကို အမှတ်အသားပြုခြင်းဖြင့် လမ်းဆုံလမ်းခွအားလုံးကို ဦးတည်ချက်ဖြင့် အမှတ်အသားပြုထားပြီး လမ်းမှားတတ်သူပင်လျှင် မမှားနိုင်ပါ။

လူနှစ်ယောက်က လမ်းခွဲသွားပြီး လမ်းဆုံလမ်းခွနံရံများပေါ်မှာ မြားများကို အလျင်အမြန်တင်လိုက်ကြသည်။

သူတို့က ပြန်စုရုံးလာကြသည်။ ရှောက်လုံသည် မြားများ၏တည်နေရာကို ခွဲခြမ်းစိတ်ဖြာပြီး လျင်မြန်စွာ ကောက်ချက်ချနိုင်ခဲ့သည်။ 

"ဒီဝင်္ကပါက မခက်ဘူး… ကြမ်းပြင်အစီအစဉ်က ‘正’စာလုံးဖြစ်တယ်" 

ယွီဟန်ကျန်းက ဒီကိစ္စကို သေချာစဉ်းစားခဲ့သည်။ အဲဒါက အမှန်ပင်။

ရှောက်လုံသည် သူ၏ဝင်္ကပါရှိ သုံးဖက်မြင် ဝင်္ကပါကြမ်းပြင်ကို လျင်မြန်စွာ ရေးဆွဲနိုင်ခဲ့သဖြင့် ယွီဟန်ကျန်းအား လေးစားမှုကို ခံစားရစေသည်။ သူက ရှောက်လုံကို ကြည့်လိုက်ပြီး "ဘာဆက်လုပ်မလဲ… ကိုယ် ဘယ်လို ကူညီရမလဲ"

"အဖွဲ့ခေါင်းဆောင်ယွီက အနောက်နဲ့ တောင်ဘက်မှာရှိတဲ့ ယန္တရားတွေကို ရှာဖွေဖို့ တာဝန်ယူလိုက်ပါ… ကျွန်တော်က အရှေ့နဲ့ မြောက်ဘက်ကို တာဝန်ယူမယ်… ခင်ဗျား ယန္တရားကိုရှာတွေ့ရင် ခေါ်လိုက်ပါ… နံရံ၊ မြေပြင်နဲ့ မျက်နှာကျက်ကို အာရုံစိုက်ပါ"

ယွီဟန်ကျန်းက ခေါင်းငြိမ့်ပြီး အမြန်လှည့်ထွက်သွားသည်။

သူသည် ‘正’ စာလုံးဝင်္ကပါ၏ ဘယ်ဘက်အောက်ထောင့်နားသို့ လမ်းလျှောက်လာသောအခါ ရှောက်လုံ၏အသံကို သူ့နားထဲတွင် ကြားလိုက်ရသည်။ "ကျွန်တော် တွေ့ပြီ" သူ စကားပြော၍ ပြီးသွားသောအခါ လေးထောင့်ဘောင်ပေါ်တွင် မက်ဆေ့ခ်ျတစ်ခု ပေါ်လာသည်။ [ယန္တရားနံပါတ်တစ်ကို ပွင့်သွားပါပြီ။]

ယွီဟန်ကျန်း: "…"

စက္ကန့်အနည်းငယ်ပဲ ရှိသေးတယ်… အဲဒါက အရမ်းမမြန်ဘူးလား…

ရှောက်လုံ ကြုံတွေ့ရတဲ့ ယန္တရားက ဒီလောက်ရိုးရှင်းတာလား…

ထို့နောက် ရှောက်လုံသည် 58 စက္ကန့်အတွင်း ဂဏန်းယန္တရားလေးခုကိုဖွင့်ပြီး Diamonds လျှို့ဝှက်ခန်း၏ ကမ္ဘာ့စံချိန်ကို ချိုးဖျက်ခဲ့တာ သူသတိရသွားသည်။ ဤလူ၏ ယန္တရားအား ဖွင့်နိုင်သော အရှိန်အဟုန်ကို သာမန်သဘောဖြင့် နားမလည်နိုင်ပေ။

ယွီဟန်ကျန်းသည် ချက်ချင်း အရှိန်မြင့်ကာ ဓာတ်မီးဖြင့် ပတ်ဝန်းကျင်ကို ကြည့်လိုက်သည်။ အဝေးဆုံးလမ်းဆုံလမ်းခွ၏အဆုံးက နံရံပေါ်တွင် 4x4 စတုရန်းတစ်ခုကို သူတွေ့ရှိခဲ့သည်။

ဤစတုရန်းသည် စစ်တုရင်ခုံနှင့်တူသည်။ ပထမတန်း၏ပထမဇယား၊ ဒုတိယတန်း၏ဒုတိယဇယား၊ တတိယတန်း၏တတိယဇယားနှင့် စတုတ္ထတန်း၏စတုတ္ထဇယားကို အနီရောင်ဖြင့် အမှတ်အသားပြုထားပြီး သစ်သားစတုရန်းဖြင့်ဖြည့်ထားသည်။ အခြားအကွက်များက အပြာရောင်နှင့်ကွက်လပ်များဖြစ်သည်။

စတုရန်းအောက်တွင် ကျပန်းသစ်သားစာလုံးများစွာပါသော သေတ္တာတစ်ခုရှိသည်။

ဒီယန္တရားက ကွက်လပ်တွေကို ဖြည့်ရမှာလား…

သူ ငယ်ငယ်တုန်းက ဒီလို စကားလုံးပဟေဠိ အမျိုးအစားတွေကို လုပ်ဖူးပေမဲ့ Sudoku လိုမျိုး အရိပ်အမြွက်တွေက အများကြီး ရှိတတ်သည်။ သို့သော် သူ့ရှေ့ရှိ ဤ 4x4 စတုရန်းတွင် အရိပ်အမြွက်မျှမရှိဘဲ စကားလုံးမပါသော အနီတုံးလေးခုသာ ဖြည့်ထားသည်။

ယွီဟန်ကျန်းသည် လျှို့ဝှက်ခန်းလွတ်မြောက်ခြင်းဂိမ်းများကို ကစားခဲပြီး ဤစာလုံးပဟေဠိအမျိုးအစားကို ယခင်က မမြင်ဖူးပါ။ အနီရောင်တုံးလေးခုက ဘာကိုဆိုလိုမှန်း သူမသိဘဲ ရှောက်လုံကိုသာ တိုက်ရိုက်ခေါ်ပြီး တွေးတောရန် စွန့်လွှတ်လိုက်သည်။

ရှောက်လုံက အသံကို အမြန်ကြားလိုက်ရသည်။

ယွီဟန်ကျန်းသည် လက်ရှိတွင် ‘正’ စာလုံး၏ ဘယ်ဘက်ခြမ်းရှိ လမ်းကြောင်းတစ်ခု၏အဆုံးတွင် တည်ရှိသည်။

ရှောက်လုံသည် ဝင်္ကပါမြေပုံကို စိတ်ဖြင့် သိသောကြောင့် ညာဘက်အပေါ်ထောင့်မှ အဖွဲ့ခေါင်းဆောင်ယွီ၏ဘက်သို့ အလျင်အမြန် ရောက်လာခဲ့သည်။ နံရံပေါ်ရှိ စတုရန်းများကို မြင်လိုက်သည်နှင့် ၎င်းသည် 3 of Diamonds လျှို့ဝှက်ခန်း၏ ‘စာလုံးဝင်္ကပါ’ ဆောင်ပုဒ်နှင့် ကိုက်ညီသည့် စာလုံးဖြည့်သွင်းသည့် ယန္တရားတစ်ခုဖြစ်ကြောင်း သူသိလိုက်သည်။

အနီရောင်သစ်သားတုံးများဖြင့် စတုရန်းလေးခုသည် ဘယ်ဘက်အပေါ်ပိုင်းမှ ညာဘက်အောက်ထောင့်အထိ ထောင့်ဖြတ်မျဉ်းဖြင့် ဖွဲ့စည်းထားသည်။ ကျန်သော လစ်လပ်စတုရန်းများကို အခြားစာလုံးများဖြင့် ဖြည့်ဖို့ လိုပါသည်။ ရှောက်လုံသည် သေတ္တာထဲက စာလုံးအားလုံးကို ထုတ်ကာ အမြန်ဖတ်လိုက်သည်။

သူ့မျက်လုံးများကိုမှိတ်ပြီး စဉ်းစားသည်။ ထို့နောက် သူသည် စာလုံးအတုံးများကို ကောက်ယူပြီး စတုရန်းပုံတွင် တစ်ခုပြီးတစ်ခု ဖြည့်လိုက်သည်။

တရားမျှတ၊ မလုပ်၊ လက်လျော့၊ အံ့ဩဖွယ်၊ အလုပ်လုပ်၊ မကောင်းမှု၊ ဂုဏ်သရေ၊ မှန်ကန်၊ ပြန်လာ၊ ပြောဆို၊ အလုပ်…

ကျပန်းစာလုံးများစွာသည် 4x4 စတုရန်းကို အလွန်မြန်ဆန်သောနှုန်းဖြင့် ဖြည့်ပေးသည်။ သူသည် တည်ငြိမ်နေပြီး စတုရန်းက ပြည့်သွားသောအခါ သူ့ဘေးတွင် ရပ်နေသော ယွီဟန်ကျန်းက နောက်ဆုံးတွင် နားလည်သွားသည်။ 

"ဒါက idiom လေးခုလား"

ရှောက်လုံက ပြုံးလိုက်သည်။ 

"ဟုတ်တယ်… ဒီသစ်သားအပိုင်းအစရဲ့ အနီရောင်က ဝင်္ကပါ 正(အမှန်)ရဲ့ စာလုံးကို ကိုယ်စားပြုတယ်"

ယွီဟန်ကျန်းက ရှောက်လုံဖြည့်ထားသော စတုရန်းကို ကြည့်လိုက်သည်။

တရားမျှတခြင်း (口气凌然)

မှန်ကန်သောစကား (义口言辞)

အလုပ်ကောင်းကောင်းမလုပ်ခြင်း (不务口业)

မကောင်းမှုရှောင် ကောင်းမှုဆောင် (弃邪归口)

ဘယ်ဘက်အပေါ်ပိုင်းမှ ညာဘက်အောက်ခြေထောင့်အထိ ဤအနီရောင် ‘စာလုံးမဲ့စတုရန်း’လေးခုသည် ထောင့်ဖြတ်မျဉ်းကို ဖွဲ့စည်းထားသည်။ အကယ်၍ အနီလေးခုကို ‘正’ ဖြင့် အစားထိုးပါက ၎င်းတို့သည် idioms လေးခု မဟုတ်ပါလား။

[TK: Idiom အပြည့်အစုံ “正义凛然、义正言辞、不务正业、弃邪归正” စာလုံးတစ်လုံးစီက အဓိပ္ပါယ်တစ်မျိုးထွက်ပြီး ပေါင်းလိုက်ရင် နောက်အဓိပ္ပါယ်တစ်မျိုးထွက်ပါတယ်။ ပြီးတော့ idiom လေးခုက ဆက်စပ်မှုမရှိပါဘူး။ ‘正’စာလုံးပါတာတွေကို ထောင့်ဖြတ်မျဉ်းဖြစ်အောင် စုစည်းထားခြင်းသာ ဖြစ်ပါတယ်။]

ဒါပဲ…

ယွီဟန်ကျန်းသည် သေတ္တာထဲတွင် ကျပန်းစာလုံးများစွာကို တွေ့ခဲ့ရပြီး ၎င်းကို စာလုံးပဟေဠိတစ်ခုအဖြစ်သာ တွေးခဲ့သည်။ စာကြောင်းတစ်ခုစီမှ စာလုံးတစ်ခုကို ဖယ်ရှားထားသောကြောင့် အခြားနေရာနှင့်ပတ်သက်သည့် သူ့မှာ သဲလွန်စမရှိပေ။

ရှောက်လုံသည် စာလုံးများကို တစ်ကြိမ်တွေ့မြင်ခဲ့ရပြီး အနီရောင်သစ်သားတုံးကို ချက်ချင်းအဓိပ္ပါယ်ပြန်ဆိုနိုင်ရုံသာမက စက္ကန့် 20 အတွင်း စာလုံးစတုရန်းများကို ဖြည့်သွင်းခဲ့သည်။ စတုရန်းများတွင် သူဖြည့်လိုက်သောအခါ သစ်သားတုံးတွင် ‘正’ စာလုံးက တောက်ပစွာ လင်းလက်လာသည်။

[ယန္တရားနံပါတ်နှစ် ပွင့်သွားပါပြီ။]

ထိုအချိန်တွင် လူနှစ်ယောက်၏ နားထဲ၌ ကျယ်လောင်သော အသံတစ်ခု ကြားလိုက်ရသည်။ ရှောက်လုံက ထိတ်လန့်သွားပြီး ယွီဟန်ကျန်းနှင့်အတူ ချက်ချင်း ပြန်ဆုတ်သွားသည်။ နံရံနောက်ကွယ်မှာ ကျောက်တုံးကြီးတစ်ခု လှိမ့်နေမည်ဟု သူထင်ခဲ့သည်။

ရလဒ်အနေဖြင့် လူနှစ်ဦးသည် လမ်းဆုံလမ်းခွသို့ ပြန်ရောက်သွားကာ စာလုံးစတုရန်းချထားသော နံရံသည် 90 ဒီဂရီ လှည့်သွားပြီး နံရံနောက်ဘက်တွင် ပိတ်ထားသော အခန်းငယ်တစ်ခု ပေါ်လာတာကို တွေ့ရှိခဲ့သည်။ ၎င်းသည် ဗလာဖြစ်ပြီး ထောင်ချောက်များ မပါဝင်ပါ။

ယွီဟန်ကျန်းသည် အခန်းလွတ်ကို စိုက်ကြည့်ရင်း မေးလိုက်သည်။

"ဒါက တတိယယန္တရားလား… ကိုယ် အနောက်နဲ့ တောင်ကို ဖြတ်လျှောက်ပြီး ဒုတိယယန္တရားကိုပဲ မြင်လိုက်တယ်"

ရှောက်လုံသည် ပဟေဠိဂိမ်းများကို မကြာခဏ ကစားသည်။ နောက်ဆုံးယန္တရားကို ဖွင့်ပြီး နောက်တစ်ခုဖွင့်ရမည့်ယန္တရားကို အကြိမ်များစွာကို သူတွေ့ခဲ့ရဖူးသည်။ ယွီဟန်ကျန်း၏စကားများက ကျိုးကြောင်းဆီလျော်သည်။ သူတို့သည် ဝင်္ကပါတွင် ပထမနှင့် ဒုတိယယန္တရားများကိုသာ တွေ့ရှိသောကြောင့် ဒီလျှို့ဝှက်ခန်းသည် တတိယယန္တရား ဖြစ်သင့်သည်။

ရှောက်လုံသည် အခန်းကို စစ်ဆေးရန် သူ၏ဓာတ်မီးကို အသုံးပြုခဲ့သည်။ မြေပြင်ပေါ်တွင် ထင်ရှားသော ထောင်ချောက်များကို ရှာမတွေ့သဖြင့် အထဲသို့ ဝင်သွားခဲ့သည်။

အခန်းအလယ်တွင် ကျားကွက်တစ်ခုရှိသော်လည်း ယခုတစ်ကြိမ်တွင် အခက်အခဲများ တိုးလာခဲ့သည်။ 7x7 စတုရန်းပုံဖြစ်ခဲ့သည်။

ယခင်ကကဲ့သို့ စာကြောင်းတစ်ခုစီတွင် ‘စကားလုံးမဲ့အတုံး’ဖြင့် အစားထိုးထားသော ဇယားကွက်တစ်ခုရှိသည်။ ခြားနားချက်မှာ အနီရောင်တုံးများသည် အပေါ်ညာဘက်ထောင့်မှ ဘယ်ဘက်အောက်ထောင့်အထိ ထောင့်ဖြတ်မျဉ်းဖြင့် ဖွဲ့စည်းထားခြင်းဖြစ်သည်။ ဤသည်မှာ ယခင်တစ်ခုနှင့် ဆန့်ကျင်ဘက်ဖြစ်သည်။

ယွီဟန်ကျန်းက စစ်တုရင်ခုံကို ကြည့်ပြီး မေးလိုက်သည်။

"စာလုံးခုနစ်လုံး… ဒီတစ်ခေါက်က ကဗျာလား"

ရှောက်လုံက ခေါင်းငြိမ့်လိုက်သည်။

"ဖယ်ရှားထားတဲ့ စာလုံးကို ကျွန်တော်တို့ အရင်ဆုံးသုံးသပ်ကြည့်ရမယ်"

လူနှစ်ယောက်သည် နံရံဘေးမှာ သေတ္တာထဲက စာလုံးတွေအားလုံးကို ထုတ်လိုက်သည်။ စုစုပေါင်း 42 ခုရှိခဲ့သည်။

ရှောက်လုံသည် ရင်းနှီးသောစာပိုဒ်ကို ပထမဆုံး ရွေးချယ်ခဲ့သည်။ 'မိုးမခ' နှင့် 'အမှောင်' ဟူသော စကားလုံးများကို သူမြင်လိုက်ရပြီး သူ့မျက်လုံးများက စာလုံးအားလုံးကို ချက်ချင်း ကြည့်လိုက်မိသည်။ သူသည် 'တောက်ပသော'၊ 'ထပ်မံ'၊ 'တစ်' နှင့် 'ရွာ' စာလုံးများကို အမှန်တကယ် တွေ့ရှိခဲ့သည်။

ရှောက်လုံ၏မျက်လုံးများက တောက်ပလာသည်။ 

"ဖယ်ရှားထားတဲ့စားလုံးက 花 (ပန်းပွင့်) ဖြစ်နိုင်တယ်"

ပဉ္စမစာကြောင်းတွင် အနီရောင်စကားလုံးမရှိသော သစ်သားတုံးဖြင့် တတိယဇယားကွက်ပါရှိသည်။ ဤသည်ကို ‘နက်မှောင်သောမိုးမခင်ပင်များနှင့် တောက်ပသော X များအလယ်တွင် ရွာတစ်ရွာ ထပ်မံပေါ်လာတယ်’အဖြစ် မြင်နိုင်သည်။ ဖယ်ရှားလိုက်သော စာလုံးသည် ‘ပန်းပွင့်’ဖြစ်ပြီး အခြားအကွက်အားလုံးတွင်လည်း ‘花’ စာလုံးပါရှိရပါမည်။

ရှောက်လုံက နံရံရှေ့မှာ ရပ်လိုက်ပြီး စကားမြန်မြန် ပြောလိုက်သည်။

"အဖွဲ့ခေါင်းဆောင်ယွီ… ကျွန်တော်စာပိုဒ်တွေကို ပြောပြီး ခင်ဗျားက အဲဒါတွေကို ရှာတွေ့အောင် ကူညီပေးပါ… ဒါက အချိန်ကုန်သက်သာတယ်"

ယွီဟန်ကျန်းက ခေါင်းငြိမ့်လိုက်သည်။

"ကောင်းပြီ"

သူသည် ဂဏန်းများ၊ ကဗျာများနှင့် idiom များကို အာရုံမခံစားနိုင်သော်လည်း စတုရန်းအပိုင်းအစများကို ရှာဖွေရန် သူပျော်နေပါသည်။

ရှောက်လုံက ပဉ္စမစာကြောင်းတွင် ‘နက်မှောင်သောမိုးမခင်ပင်များနှင့် တောက်ပသောပန်းပွင့်များအလယ်တွင် ရွာတစ်ရွာထပ်မံပေါ်လာတယ်’ကို ဖြည့်ထားသည်။ ထို့နောက် သူ နောက်ပြန်ဆုတ်ကာ 7x7 စတုရန်းအကွက် တစ်ခုလုံးနှင့် ပြန့်ကျဲနေသော သစ်သားတုံးများကို ကြည့်လိုက်သည်။ 

"ပထမစာကြောင်းက ‘မနေ့ညက ရေကန်ထဲမှာ ပန်းတွေကြွေကျတာကို အိပ်မက်မက်တယ်’…"

"စတုတ္ထစာကြောင်းက ‘တောင်ပေါ်ပန်းတွေ ပွင့်လာတဲ့အထိ စောင့်ပါ’…"

"တတိယစာကြောင်းက…"

ရှောက်လုံက အလွန်လျင်မြန်စွာပြောခဲ့ပြီး ယွီဟန်ကျန်းက စာလုံးများကို အမြန်တွေ့ခဲ့သည်။

သူတို့နှစ်ဦးသည် ကဗျာစာကြောင်းများကို ဖြည့်စွက်ရန် တိတ်တဆိတ် ပူးပေါင်းဆောင်ရွက်ခဲ့ကြသည်။ ဖြစ်စဉ် 7x7 စတုရန်းကွက်ကို ဖြည့်နိုင်ခဲ့သည်။

မနေ့ညက ရေကန်ထဲမှာ ပန်းတွေကြွေကျတာကို အိပ်မက်မက်တယ် (昨夜闲潭梦落“花”)

သစ်တော်သီးပင် ထောင်ပေါင်းများစွာ ပွင့်လန်းလာတယ် (千树万树梨“花”开)

နွေဦးလေညင်းတိုက်ခတ်လာသောအခါ မက်မွန်သီးနှင့် ဇီးသီးပွင့်များ ပွင့်လိမ့်မယ် (春风桃李“花”开日)

တောင်ပေါ်ပန်းတွေ ပွင့်လာတဲ့အထိ စောင့်ပါ (待到山“花”烂漫时)

နက်မှောင်သောမိုးမခင်ပင်များနှင့် တောက်ပသောပန်းပွင့်များအလယ်တွင် ရွာတစ်ရွာထပ်မံပေါ်လာတယ် (အဓိပ္ပါယ်—ဥမင်၏အဆုံးတွင် အလင်းရောင်အမြဲရှိမည်) (柳暗“花”明又一村)

နွေဦးပန်းများနှင့် ဆောင်းဦးလက ဘယ်တော့မှကုန်ဆုံးမှာလဲ (春“花”秋月何时了)

ပန်းတွေ ညှိုးငြိမ်း ရေတွေ စီးဆင်းနေတယ် (“花”自飘零水自流)

[TK: ကဗျာက တစ်ကြောင်းနဲ့တစ်ကြောင်း အဆက်အစပ်မရှိပါဘူး။ ‘花’စာလုံးပါတဲ့ ကဗျာစာကြောင်းတွေကို စုစည်းထားခြင်းဖြစ်ပါတယ်]

ညာဘက်အပေါ်ထောင့်မှ ဘယ်ဘက်အောက်ထောင့်အထိ ထောင့်ဖြတ်အတုံးအပိတ်အက္ခရာကို “ပန်းပွင့်”ဟူသော စကားလုံးဖြင့် အစားထိုးခဲ့ပြီး ကဗျာတစ်ပုဒ်မှ စာကြောင်းခုနစ်ကြောင်းတိတိကို ပုံဖော်ထားသည်။

ယွီဟန်ကျန်းက ရှောက်လုံကို လှည့်ကြည့်လိုက်သည်။ 

"မင်းက ကဗျာတွေ အများကြီး သိတာလား"

ယွီဟန်ကျန်းသည် ‘နွေဦးပန်းများနှင့် ဆောင်းဦးလက ဘယ်တော့မှကုန်ဆုံးမှာလဲ’ကဲ့သို့သော ပုံမှန်စာပိုဒ်များကို သိသော်လည်း စာလုံးပေါင်း 42 လုံးမှ စကားလုံးများကို အမြန်စဉ်းစားပြီး တစ်မိနစ်အတွင်း စာကြောင်းခုနစ်ကြောင်းဖြစ်အောင် စာလုံးပေါင်းရန် ရှောက်လုံသည် အမှန်တကယ်ပင် ကျောင်းဆရာပီသ၏။

[ယန္တရားသုံးခုကို သော့ဖွင့်ပြီးသွားပြီး ဖြစ်စဉ်ရှင်းလင်းရေးအခြေအနေများ ပြည့်မီခဲ့ပါသည်။ 3 of Diamonds လျှို့ဝှက်ခန်းထဲက ထွက်ချင်ပါသလား။]

ရှောက်လုံက သေချာပေါက် ထွက်သွားမှာ မဟုတ်ဘူး။

ပြီးပြည့်စုံသောရှင်းလင်းရေးရရှိရန် ယန္တရားအားလုံးကို ဖြေရှင်းရမည်ဖြစ်သည်။ ဤလျှို့ဝှက်ခန်းတွင်လည်း လျှို့ဝှက်ယန္တရားတစ်ခုရှိသေးသည်။

သို့သော်လည်း သူတို့နှစ်ဦးသည် ဝင်္ကပါတစ်ခုလုံးကို လှည့်ပတ်သွားလာခဲ့ရာ အခြားသဲလွန်စများ သို့မဟုတ် လျှို့ဝှက်အခန်းများကို မတွေ့ခဲ့ရပေ။

ယွီဟန်ကျန်းက မျက်မှောင်ကြုတ်ကာ မေးလိုက်သည်။ 

"လျှို့ဝှက်ယန္တရားက ဘယ်မှာလဲ"

ရှောက်လုံသည် ထိုအကြောင်းကို စဉ်းစားပြီး သူ့ဓာတ်မီးကို ငုံ့ကြည့်လိုက်သည်။

သာမာန် ON/OFF ခလုတ်အပြင် အပြာရောင်ခလုတ်ငယ်တစ်ခုလည်း ရှိသေးသည်။ သူ ခလုတ်ကို နှိပ်လိုက်သည်နှင့် ဓာတ်မီးမှ အလင်းက အပြာရောင် ဖြစ်သွားသည်။

လျှို့ဝှက်ခန်းထဲဝင်သွားချိန်မှာ သူ့လက်ထဲက ဓာတ်မီးကို ဖွင့်ထားတာကြောင့် ဒီအသေးစိတ်အချက်အလက်ကို ယွီဟန်ကျန်းက သတိမထားမိခဲ့ဘူး။ ဓာတ်မီးက အပြာရောင်ပြောင်းသွားသည်နှင့် လျှို့ဝှက်ခန်း၏နံရံတွင် အကြည်ရောင်စကားလုံးများနှင့် စကားဝှက်နေရာ ပေါ်လာသည်။

ရှောက်လုံက ရှင်းပြသည်။

"ဒါက အပြာရောင်ဓာတ်မီးပဲ… အဲဒါက လျှို့ဝှက်ခန်းဂိမ်းတွေမှာ အသုံးများသော ပစ္စည်း တစ်ခုဖြစ်တယ်… အဖြူရောင်အလင်းနဲ့ အပြာရောင်အလင်းမှာ တွေ့ရတဲ့ သဲလွန်စတွေက ကွဲပြားတယ်"

သူသည် နံရံသို့သွားကာ ယွီဟန်ကျန်းက ချက်ချင်းနောက်သို့ လိုက်သွားခဲ့သည်။

နံရံပေါ်မှာ သူမြင်ရတာက—

39 = 1

468 = 3

7898 = 5

17896 = ?

24568 = ?

88888 = ?

ယွီဟန်ကျန်း၏နားထင်ကို ကိုက်သွားစေသည်။ နောက်ဆုံးတစ်ခေါက် 2 of Diamonds လျှို့ဝှက်ခန်းတွင် သူသည် အတော်ကြာနေခဲ့ရပြီး ယခု ဒီနံပါတ်များကို မြင်သောအခါ သူ ခေါင်းကိုက်သွားခဲ့သည်။

ဒါက ဘာကို ဆိုလိုတာလဲ…

39 က 1 နဲ့ ညီတာလား… ပေါင်း၊ နုတ်၊ မြှောက်၊ အစားတွေ အသုံးပြုပြီး 1 ရအောင် ဘယ်လိုတွက်ချက်ခဲ့ကြတာလဲ… 468 က ဘယ်လိုလုပ် 3 ဖြစ်သွားတာလဲ…

ယွီဟန်ကျန်းသည် ပုဒ်စာကို တွေးတောနေစဉ်တွင် ရှောက်လုံသည် ပြုံးကာ ရှေ့သို့ ခြေတစ်လှမ်းတိုးလိုက်သည်။ သူသည် သေတ္တာထဲမှ ဂဏန်းတုံးလေးခုကို ထုတ်ကာ အောက်စကားဝှက်နေရာတွင် ဖြည့်သွင်းခဲ့သည်။

4310…

[3 of Diamonds လျှို့ဝှက်ခန်း၊ စာလုံးဝင်္ကပါကို 8 မိနစ် 05 စက္ကန့်အတွင်း ပြီးပြည့်စုံစွာ ရှင်းလင်းခဲ့ပြီး 3 of Diamonds ကမ္ဘာ့၏ စံချိန်သစ်ကို ချိုးဖျက်ခဲ့သော စိန်ခေါ်သူရှောက်လုံနှင့် ယွီဟန်ကျန်းတို့အား ဂုဏ်ယူပါသည်။]

ယွီဟန်ကျန်း: "…"

ကမ္ဘာပေါ်မှာ အဝေးဆုံးအကွာအဝေးက မင်းက တောင်ဘက်မှာဖြစ်ပြီး ကိုယ်က မြောက်ဘက်မှာလား…

ကိုယ်က မေးခွန်းကို တွေးနေတုန်းပဲရှိသေးတယ် မင်းက အဖြေကို ဖြည့်ပြီးသွားပြီ…

#TK