MM Story Teller

အပိုင်း ၁

Viewers 21k

ရှင်းဟိုင်စစ်ရေးတက္ကသိုလ်မှာ မြို့တော်၏အချက်အချာကျသောနေရာတွင်တည်ရှိလေသည်။ ၄င်းတက္ကသိုလ်၏လှပလွန်းသောရှုမျှော်ခင်းများကြောင့် သရဖူထဲမှ ပတ္တမြားဟုပင်တင်စားရသည်။

တက္ကသိုလ်၀င်းထဲမှ ကော်ဖီဆိုင်လေးထဲတွင် နွေဦးရာသီ၏နေရောင်ခြည်လေးကခပ်ဖျော့ဖျော့တောက်ပလျက် ပြတင်းပေါက်အနီးတွင်ထိုင်နေသော ဆယ်ကျော်သက်လေးထံဖြာကျနေခဲ့သည်။

ကောင်လေးမှာ ရိုးရှင်းသော ဆွယ်တာအဖြူကိုသာ၀တ်ဆင်ထားပြီး သူ၏ပုံစံကိုကြည့်လိုက်သည်နှင် အိုမီဂါတစ်ဦးမှန်းသိသာလှသည်။ သူ၏လက်ကလေးများနှင့်ခြေချောင်းလေးများမှာသွယ်လျသည်။

အသားအရည်လေးမှာနူးညံ့ကာဖြူဖွေးလျက် သူ၏မျက်နှာအစိတ်အပိုင်းလေးများမှာလည်းပန်းချီကားထဲမှခုန်ထွက်လာသည့်နှယ်၊ နူးညံ့ပြီးနက်မှောင်သောဆံစများအောက်တွင် မျက်လုံးလေးများက ကြည်လင်လျက်။ ကော်ဖီဆိုင်ထဲမှ အယ်လ်ဖာများမှာ စစ်တက္ကသိုလ်၀န်းထဲတွင် အိုမီဂါမပြောနှင့် ဤမျှလှပလွန်းသော အိုမီဂါဆိုလျှင်မြင်ကိုမမြင်ဖူးချေ။

ပါတ်၀န်းကျင်မှာအကြည့်တို့က ယွမ်ရှင်းကျဲထံကျရောက်နေစဥ်တွင် သူကိုယ်တိုင်ကတော့ တစ်ခုခုကိုတွေးတောနေသည့်ဟန်ဖြင့် ပြတင်းပေါက်အပြင်ဘက်သို့သာ ငေးကြည့်နေခဲ့သည်။

"သူဘာကိုကြည့်နေတယ်လို့ထင်လဲ"

"ငါ့အထင်တော့ အယ်လ်ဖာတစ်ယောက်ယောက်ကိုများလား"

"ငါတို့တက္ကသိုလ်က အယ်လ်ဖာတွေတော်တော်များများက သောက်ရမ်းချောကြတာလေ"

"အမှန်ပဲ ဟားဟား"

အယ်လ်ဖာတချို့ တီးတိုးဆိုနေကြသည်။

ယွမ်ရှင်းကျဲ၏အမြင်အာရုံအား အေ၀းရှိ မက်ခါလေ့ကျင့်ရေးခန်းမက ဖမ်းစားထားသည်ဟု မည်သူမျှမတွေးနိုင်ချေ။ အဆိုပါလေ့ကျင့်ရေးခန်းမမှာ အဖြူရောင်ပန်းကန်လုံးပုံသဏ္ဍာန်ရှိပြီး ၄င်း၏မျက်နှာပြင်တွင် ခမ်းနားသောအနက်ရောင် မက်ခါတစ်စီး၏ ပုံက ၃၆၀ဒီဂရီလည်ပါတ်နေဟန်ဖြင့် ပြသထားခဲ့သည်။

တက္ကသိုလ်၀န်းတစ်ခုလုံးအတွင်းတွင် ၄င်းကလွန်စွာ မျက်စိကိုဖမ်းစားနိုင်လွန်းသည်။ ယွမ်ရှင်းကျဲမှာ ထိုမက်ခါကိုကြည့်နေရင်း ကောင်းကွက်များနှင့် အပြစ်အနာအဆာများကို တွက်ချက်နေခဲ့သည်။

'လက်ထောင့်ချိုးနေရာက နည်းနည်းထပ်ကောင်းဖို့လိုသေးတယ်၊ ခေါင်းနဲ့ကိုယ်အချိုးကတော့မဆိုးပါဘူး၊ ဂျက်ကိုနေရာချထားတဲ့နေရာကတော့ သိပ်မဟုတ်သေးဘူး၊ '

ယွမ်ရှင်းကျဲ၏ခေါင်းထဲတွင် မက်ခါ၏ကိုယ်က အလျင်အမြန်တစစီဖြုတ်ပြီးသားဖြစ်သွားခဲ့သည်။ ထို့နောက် အတွင်းရှိတပ်ဆင်ရမည့်ပစ္စည်းအသေးစိတ်ကိုအလိုလိုမြင်ယောင်လာခဲ့သည်။ ထိုစဥ်တွင် အနက်ရောင်မက်ခါ၏ပုံရိပ်ကလှုပ်ရှားသွားပြီး အလင်းဓါးတစ်ချောင်းကိုထုတ်လာခဲ့သည်။

မက်ခါ၏စက်ရုပ်ကိုယ်ထည်က ကိုင်ဆောင်ထားသောရေခဲပြာရောင်အလင်းဓါးမှာ အလွန်လှပသော ခုတ်ချက်များကိုပြသလျက်။ အဆိုပါ ခန့်ညားသောလှုပ်ရှားမှုကိုမြင်လျှင် ယွမ်ရှင်းကျဲမျက်လုံးတွေပြူးကျယ်သွားခဲ့သည်။

သူလည်းမနေနိုင်တော့ပဲ မက်ခါ၏လုပ်ဆောင်ချက်အားလိုက်တုပြီး အလင်းဓါးအား ခုတ်ချသည့် ဟန်လေးကိုလိုက်တုနေမိသည်။ ဤကမ္ဘာသို့ရောက်လာပြီးသည့်နောက် သူ့တွင် ကျန်းမာသော ကိုယ်ရှိနေခဲ့ပြီ၊ သူသည်မက်ခါတစ်စီးအားမောင်းနှင်နိုင်ဖို့ အမြဲ စိတ်ကူးယဥ်နေခဲ့ရသည်။ သူ့မှာဆေးရုံကဆင်းစပေမို့ မက်ခါတစ်စီးကိုမှလက်၀ယ်ပိုင်မရှိခဲ့ချေ။ ထို့ကြောင့် သူ့ဆန္ဒမှာမပြည့်၀ခဲ့။

ရုတ်တရက်ပင် မိမိမှာအနည်းငယ်ကြောင်တောင်ပြုမူနေမိမှန်းသတထားမိပြီး ပတ်၀န်းကျင်အားရှက်ရွံ့စွာတစ်ချက်ကြည့်ပြီး သူ့လက်ကိုပြန်သိမ်းလိုက်ရသည်။

သူလက်ကိုပြန်ရုတ်လိုက်စဥ် တစ်ခုခုကိုခံစားလိုက်မိပြီး သူ၏လက်ဖ၀ါးကိုဖြန့်ကြည့်လိုက်မိသည်။

အမျိုးသမီးဘီတာတစ်ဦးကမူ ထိုအိုမီဂါလေး၏ မက်ခါအားလိုက်တုနေသောပုံစံလေးကလွန်စွာချစ်စရာကောင်းသည်ဟုခံစားလိုက်ရသည်။

သူမအဖော်၏လက်မောင်းအားစိတ်လှုပ်ရှားစွာတွတ်လိုက်ပြီး "အမေရေ အဲဒီအိုမီဂါလေးကချစ်စရာကောင်းလိုက်တာ ၊"

သူမ၏အဖော်မှာ အမျိုးသားဘီတာတစ်ဦးဖြစ်ကာ

ယွမ်ရှင်းကျဲရှိရာကိုကြည့်လိုက်သည်။ သူ၏မျက်လုံးတို့ကမနှစ်မြို့မှုတို့ဖြတ်သန်းသွားလျက်

"သူ့ကိုမသိဘူးလား၊ သူကချီယုနဲ့စေ့စပ်ထားတဲ့သူလေ၊ ပထမတန်းထဲမှာ နာမည်ကြီးပေါ့"

"သူလည်းရှင်းဟိုင်ကပဲလား၊ သူကချောလို့နာမည်ကြီးတာလား"

"ဘာလို့ဆိုသူက ကျောင်းကို အနောက်တံခါးကနေ၀င်လာလို့လေ၊ သူသိတာဘာမှမရှိဘူး၊ သူ့စိတ်စွမ်းအားနဲ့ ကိုယ်ခံအားက Cအဆင့်ပဲရှိတယ်၊ အဲဒါတောင် တခြားအိုမီဂါတွေကိုအနိုင်ကျင့်လိုက် နှိမ်လိုက်လုပ်နေသေးတယ်"

စားပွဲထိူးမိန်းကလေးက သူ့အားစောင်း၍ကြည့်လာခဲ့ကာ

"ဘယ်လိုလုပ်ဖြစ်နိုင်မှာလဲ ၊ သူကဒီလောက်ကြည်လင်ပြီး ချစ်စရာလေးကို"

ပါတ်၀န်းကျင်မှ တီးတိုးသံတို့က ယွမ်ရှင်းကျဲ၏နားထဲကိုမရောက်နိုင်သည်အထိ အတွေးလွန်နေခဲ့သည်။

တနေ့ကမှ သူသည် နဂါးငွေ့တန်းဂလက်ဆီ စစ်တပ်ရှိ

ဆေးရုံကုတင်တွင်လဲလျောင်းကာ ဘ၀၏နောက်ဆုံးအချိန်ကိုစောင့်နေခဲ့သေးသည်။ သူသတိလွတ်သွားပြီးနောက် ဤထူးဆန်းသောကမ္ဘာကိုရောက်လာခဲ့သည်။ သူဤနေရာသို့ရောက်မလာခင်ကမူ ယ့မ်ရှင်းကျဲသည် ဂလက်ဆီစစ်တပ်၏ အသက်အငယ်ဆုံး မက်ခါပညာရှင်တစ်ဦးဖြစ်ခဲ့သည်ပင်။

သူသည်နည်းပညာမြင့် ဆန်းသစ်သော မက်ခါများစွာကိုတီထွင်ခဲ့သည်။

သူ၏ဒီဇိုင်းနှင့် လုပ်ဆောင်ချက်မြင့်မားသော မက်ခါများမှာ စစ်တပ်အတွက် အလွန်အထောက်အကူပြုခဲ့ပြီး သူကိုယ်တိုင်သည်လည်း မက်ခါလောက၏ပဲ့ကိုင်ရှင်အဖြစ်လူသိများခဲ့သည်ပင်။ သို့သော်သူသည် ပြင်းထန်သော မွေးရာပါရောဂါတစ်မျိုးကို ခံစားခဲ့ရသည်၊ သူ၏သက်တမ်းအကုန်လုံးနီးပါးကိုလည်း ၀ှီးချဲပေါ်သို့မဟုတ် ဆေးရုံ ကုတင်ပေါ်တွင်သာကုန်ဆုံးခဲ့ရတာပင်။ သူ၏စိတ်စွမ်းအားနှင့် ကိုယ်ခံအားမှာလည်းလ့န်စွာနိမ့်ကျလွန်းခဲ့သည်၊ သူသည် မက်ခါများကို လွန်စွာချစ်မြတ်နိုးပါသော်လည်း ကိုယ်တိုင်မက်ခါတစ်စီးကိုဘယ်သောအခါမျှမောင်းနှင်ခွင့်မရခဲ့ချေ။

သူ၏မက်ခါအပေါ်နှစ်သက်ခြင်းကပင် သူ၏စိတ်ကိုမက်ခါသုတေသနနှင့် ဆန်းသစ်တီထွင်ခြင်းတွင် မြှုပ်နှံထားစေပြီး မက်ခါပညာရှင်တစ်ဦးဖြစ်လာစေခဲ့တာပင်။

ယွမ်ရှင်းကျဲ အလွန်ဆိုးဆိုးရွားရွားဖျားနာလာသည့်အခါတွင် ဂလက်ဆီတစ်ခုလုံးကပင်သူ့အတွက် ဆုတောင်းပေးခဲ့ရသည်။ သို့သော် သူ၏သက်တမ်းမှာ ၂၅နှစ်ထက်ပိုမကျော်နိုင်ခဲ့။ သူ၏ဘ၀တွင် အကြီးမားဆုံးသောနောင်တမှာ သူကိုယ်တိုင်ဒီဇိုင်းဆွဲခဲ့သော မက်ခါကိုမောင်းနှင်ခွင့်မရခဲ့ခြင်းပင်။

သူပြန်နိုးထလာချိန်တွင် မိမိအား စစ်တပ်မှ အချိန်မီကယ်တင်နိုင်လိုက်သေးသည်ဟု ထင်နေခဲ့တာပင်၊

သူဆေးရုံကုတင်မှထထိုင်လိုက်သောအခါတွင်သာ သူ့တစ်ကိုယ်လုံးပြောင်းလဲနေသည်ကို သတိထားမိခဲ့ခြင်းဖြစ်သည်။

ထို့နောက်တွင် မရေတွက်နိုင်သော ပုံရိပ်တို့က သူ၏မှတ်ဥာဏ်ထဲစီး၀င်လာခဲ့တော့သည်။ သူသည်စာအုပ်တသ်အုပ်ထဲကူးပြောင်းလာမှန်းချက်ချင်းသဘောပေါက်လိုက်သည်။ နာရီ၀က်ခန့်ကြာသော် သူသည် ABO သိပ္ပံ၀တ္ထုတစ်ပုဒ်ထဲကူးပြောင်းလာသည်ကို လက်ခံလိုက်ရသည်။

စာအုပ်၏အမည်မှာ" အချစ်ကိုဟော်မုန်းတွေနဲ့ ထိန်းချုပ်မရ"ဟု။ ဤစာအုပ်ထဲရှိလူအများမှာ လိင်အမျိုးကွဲ၆ခုရှိလေသည်။ ယွမ်ရှင်းကျဲမှာ ထိုလိင်ကမျိုးထဲတွင်အရှားပါးဆုံးဖြစ်သည့် အမျိုးသားအိုမီဂါနေရာသို့ကူးပြောင်းလာခြင်းပင်။ အိုမီဂါများမှာ ပုံမှန်အားဖြင့်အလွန်နူးညံ့ကာ အားနည်းလှသည်။ သို့သော်ယွမ်ရှင်းကျဲကမူယခုဘ၀ကိုကျေနပ်နေမိဆဲပင်။

သူသည်သေခြင်းကိုစောင့်နေရသည့် လူတစ်ယောက်မဟုတ်တော့ ဆေးတွေတပုံတခေါင်းသောက်နေရန်မလိုပဲ သာမာန်လူတစ်ယောက်လိုလှုပ်ရှားနိုင်ပြီ။

ဤပြန်လည်မွေးဖွားခွင့်ရခြင်းအတွက် သူသည်ဘုရားသခင်ကိုရော မူလကိုယ်ပိုင်ရှင်ကိုပါလွန်စွာကျေးဇူးတင်မိသည်။

ယခုတွင်မူ ယွမ်ရှင်းကျဲသည် ကော်ဖီဆိုင်တွင်ထိုင်ရင်း မူလကိုယ်ပိုင်ရှင်နှင့် စေ့စပ်ထားသူရောက်အလာကိုစောင်ွနေခဲ့လေသည်။ ထိုလူမှာ ချီယုဖြစ်ပြီး ဤဝတ္ထု၏အဓိကဇာတ်လိုက်ဖြစ်လေသည်။ ယွမ်ရှင်းကျဲမှာမူ ဇာတ်လိုက်မဟုတ်သည့်အပြင် သာမာန်အရံဇာတ်ပို့ငယ်လေးသာဖြစ်သည်။ ၀တ္ထုထဲတွင်သူတို့နှစ်ဦးသား၏ ဟော်မုန်းလိုက်ဖက်ညီမှုမှာမြင့်မားလှ၍ ငယ်စဥ်ကပင်သဘောတူစေ့စပ်ထားကြတာဖြစ်သည်။

သို့သော်ယွမ်ရှင်းကျဲ ကြီးပြင်းလာသောအခါ သူ၏ဘ၀င်မြင့်ပြီး အနိုင်ကျင့်တတ်သောအကျင့်စရိုက်နှင့်ခပ်တုံးတုံးပုံစံက ချီယုအားလွန်စွာစိတ်ပျက်ရွံရှာစေခဲ့သည်။ ချီယုသည် ဗိုလ်မှုးချုပ်၏သားဖြစ်ကာ ချီမိသားစု၏စစ်တပ်ရှိအဆင့်အတန်းမှာ တဖြည်းဖြည်းမြင့်တက်လာချိန်တွင် ယွမ်မိသားစုကမူ နိမ့်ကျလာသည်မို့ ချီမိသားစုမှလည်း ၏စေ့စပ်ကြောင်းလမ်းခြင်းအား မလိုချင်တော့ပေ။ချီယုသည် ယွမ်ရှင်းကျဲထက်တစ်နှစ်ပိုကြီးသည်ပင်။

သူသည်ရှင်းဟိုင်တက္ကသိုလ် မက်ခါတိုက်ခိုက်ရေးမေဂျာ၏ဒုတိယနှစ်စီနီယာတစ်ဦးဖြစ်လေသည်။

ချီယုနောက်သို့လိုက်နိုင်ရန် ယွမ်ရှင်းကျဲသည်လည်း ချံမိသားစု၏အကူအညီဖြင့် ရှင်းဟိုင်တက္ကသိုလ်ကို ၀င်ခဲ့သည်။ ပါတ်၀န်းကျင်မှလူများကသူ့အား အထင်သေးစွာကြည့်သည့်တိုင် သူသည်ချီယုအတွက် အချိုပွဲလေးများသော်လည်းကောင်း၊ အ၀တ်လျှော်ပေးခြင်းသော်လည်းကောင်း၊ အခန်းရှင်းပေးခြင်းသော်လည်းကောင်းနေ့စဥ်လုပ်ပေးဆဲပင်။

သို့သော်ချီယုနှစ်သက်သည်က စစ်ပွဲတွင် တိုက်ခိုက်နိုက်သော သန်သန်မာမာအိုမီဂါမျိုးဖြစ်သည်။ မည်မျှညံ့ဖျင်းနေစေကာမူကြိုးစားနေသည့်သူမျိုး။

သူကားယွမ်ရှင်းကျဲကိုနည်းနည်းမျှသဘောမကျချေ။

xxxxxx