MM Story Teller

အပိုင်း ၂

Viewers 17k

သို့သော် ၀တ္ထု၏နောက်ထပ်ဇာတ်လိုက်တစ်ဦးဖြစ်သည့် သူနှင့်မေဂျာတူ စုကျီကျန်ကိုမူ အမြင်ကောင်းလေးများရှိလေသည်။ စုကျီနန်မှာမက်ခါများက်ုလည်းမောင်းနှင်နိုင်သလို၊ ကိုယ်ထည်အပျက်အစီးများကိုလည်းပြင်နိုင်သည်။ သီအိုရီအတန်းများတွင်လည်း အမှတ်ပြည့်ရသူပင်။

သူသည် စစ်တက္ကသိုလ်၏ထူးခြားသောတည်ရှိမှုလေးဖြစ်ကာ ချီယု၏နှလုံးသားထဲတွင်လည်းအထူးဖြစ်တည်မှုလေးအဖြစ်နေရာယူထားခဲ့လေသည်။

ဤသည်ကိုရိပ်မိသော ယွမ်ရှင်းကျဲမှာ သ၀န်တိုမှု မနာလိုမှုတို့ကြောင့် စုကျီနန်အာားနေ့တိုင်းလိုလိုပြသနာရှာတော့သည်။

ဤသည်ကပင် ချီယုသည် ယွမ်ရှင်းကျဲအားပို၍မုန်းလာစေတော့သည်။ သူသည်စုကျီနန်အားအမှန်တကယ်မကြိုက်သေးလျှင်တောင် ယွမ်ရှင်းကျဲ၏လုပ်ရပ်များကြောင့် စုကျီနန်အပေါ်အပြစ်ရှိစိတ်အားနာစိတ်လေးများယိုဖိတ်လာရသည်။

နောက်ဆုံးတွင် ချီယုမှာ အများအမြင်ကိုဂရုမစိုက်တော့ပဲ စုကျီနန်၏လက်ကို ရဲရဲ၀ံ့၀ံ့ ဆုပ်ကိုင်လျက်

" အချစ်ကိုဟော့မုန်းတွေနှင့်ထိန်းချုပ်မရ"ဟု အခိုင်အမာဆိုခဲ့သည်။ ထို့နောက် ယွမ်ရှင်းကျဲ

၏ဘ၀ကမူ လူရယ်စရာအဖြစ်အဆုံးသတ်သွားခဲ့ရသည်။ မခံစားနိုင်သော ယွမ်ရှင်းကျဲမှာ သူ၏ဂလင်းကိုဖြတ်ထုတ်ပစ်ခဲ့ပြီး ပိုး၀င်မှုကြောင့်ပင် သေဆုံးသွားခဲ့ရသည်။

၀တ္ထုအကြောင်းမှတ်ဥာဏ်ကားဤနေရာတွင်အဆုံးသတ်ထားပြီး ယွမ်ရှင်းကျဲသည်လည်း၄င်းမှာ မူလကိုယ်ပိုင်ရှင်၏သေဆုံးသွားသောနေရာတွင် မှတ်ဥာဏ်ရပ်တန့်နေသည်ဟုသာတွေးလိုက်သည်။

အနက်ရောင်ယာဥ်တစ်စီးက ကော်ဖီဆိုင်ရှေ့တွင် ရပ်တန့်သွားလျက် ၄င်းပေါ်မှာ အရပ်ရှည်ရှည်နှင့် နက်ပြာရောင် ယူနီဖောင်းကို၀တ်ဆင်ထားသော အယ်လ်ဖာတစ်ဦးဆင်းလာခဲ့သည်။ ၀ိတ်တာတစ်ဦးက သူ့အားကြိုဆိုလျက် ထိုအယ်လ်ဖာက ကော်ဖီဆိုင်ထဲ၀င်လာခဲ့လျှင် အတွေးတွင်လွင့်မျောနေသော ယွမ်ရှင်းကျဲကိုတွေ့လိုက်ရတေ့ာသည်။

သူကမျက်မှောင်ကြုတ် လိုက်ပြီး ယွမ်ရှင်းကျဲ၏ရှေ့ခုံတွင်၀င်ထိုင်လိုက်သည်။ ယွမ်ရှင်းကျဲမှာ သူ၏လက်ဖ၀ါးကိုတင်းတင်းဆုပ်ရင်း အသက်ရှင်ရခြင်း၏ခွန်အားကိုခံစားနေခဲ့သည်။ ယခင်ဘ၀တွင်သူ့မှာလက်သီးကိုပင်တင်းတင်းမဆုပ်နိုင်ခဲ့။ ခွန်အားပါလားဟုခံစားမှုလေးက ယွမ်ရှင်းးကျဲ၏နှုတ်ခမ်းထောင့်လေးများကိုကွေးညွတ်သွားစေခဲ့သည်။

ထိုတော့မှ မိမိမျက်နှာချင်းဆိုင်တွင်၀င်ထိုင်နေသောာတစ်စုံတစ်ဦးအားသတိထားမိကာ ယွမ်ရှင်းကျဲဆတ်ခနဲလန့်သွားမိလေသည်။

ထို့နောက်သူခေါင်းကိုမော့ကာကြည့်လိုက်မိသည်၊

ချီယုသည်သူ၏ ဂျက်ကတ်ကိုချွတ်လိုက်ပြီး ဘေးတွင် ချထားလိုက်သည်။ သူသည်အလွန်အရပ်ရှည်သဖြင့် သူ၏ရှည်လျားသော ခြေထောက်တို့ကဘစားပွဲခုံအောက်တွင်ကျဥ်းကြပ်နေဟန်ဖြင့်၊

"ဘာပြောစရာရှိလို့လဲ ပြော"

ချီယုက ထိုင်လျှင်ထိုင်ချင်းတည့်ပင်မေးလိုင်သည်။

လွန်ခဲ့သောတရက်ခန့်က မူလကိုယ်ပိုင်ရှင်မှာ စုကျီနန်ကိစ္စဖြင့် ချီယုနှင့်စကားများခဲ့ကြသည်။ ချီယုမှာ မူလကိုယ်ပိုင်ရှင်အားနာကျင်စေမည့် မည်သည့်စကားလုံးမျိုးကိုမဆို ပြောဖို့တွန့်ဆုတ်မနေခဲ့ပဲ၊ သူ့ထံမှာတွန်းထုတ်ခံရပြီးနောက် မူလကိုယ်ပိုင်ရှင်လည်းတန်းကာ မူးလဲသွားလေသည်။

သို့သော်ယခုတွင်မူ ချီယုအတွက်သူ့တွင်ဘာခံစားချက်မှမရှိတော့ချေ။

ယွမ်ရှင်းကျဲချီယုအားသေချာကြည့်လိုက်ပြီး သိပ်လည်းချောမနေပါဘူးဟုတွေးလိုက်မိလေသည်။ အရပ်နည်းနည်းရှည်နေရုံသာ။ သို့သော်ဤကမ္ဘာရှိအယ်လ်ဖာအကုန်လုံးက အရပ်ရှည်ကြသည်ချည်းဖြစ်သည်။ မူလကိုယ်ပိုင်ရှင်မှာ အဘယ်ကြောင့်ချီယုအားတန်းတန်းစွဲဖြစ်နေရပါသမည်း နားမလည်နိုင်ချေ။

၀တ္ထုဇာတ်ကြောင်း၏ထိန်းချုုပ်မှုကြောင့်ပေလော၊

အဆုံးမှာတော့မူလကိုယ်ပိုင်ရှင်မှာ သူ့အားပြန်လည်မွေးဖွားခွင့်ကိုပေးသနားခဲ့သည်၊ ထို့ကြောင့်မူလကိုယ်ပိုင်အရှင်အတွက် ရှင်းလင်းချက်တစ်ခုတောင်းရန်တော့ဆုံးဖြတ်လိုက်သည်။

"မင်းငါ့ကိုတောင်းပန်လိမ့်မယ်လို့ထင်ထားတာ"

ချီယုကတန့်သွားခဲ့သည်၊ ယခင်ကမူ ယွမ်ရှင်းကျဲမှာ အလွန်ဘ၀င်မြင့်သူဖြစ်ပါသော်လည်း သူ့စကားကိုမူနာခံပြီး သူဘာအမှားပဲလုပ်လုပ် တောင်းပန်ရန်မလိုအပ်ခဲ့ချေ။ သူနားကြားမှားသွားသည်ဟုပင် ထင်လိုက်မိလေသည်၊

ချီယုကမျက်မှောင်ကြုတ် လျက်

"ငါကမင်းကိုဘာလို့တောင်းပန်ရမှာလဲ"

"စုကျီနန်နဲ့ ငါကသာမာန်သူငယ်ချင်းတွေပဲ၊ မင်းဟာမင်းပြသနာရှာနေတာ"

ချီယုသည် စုကျီနန်ပေါ် ထူးခြားသောခံစားချက်ရှိနေပြီး သူတို့နှစ်ဦးမှာ လိုသည်ထက်ပို တရင်းတနှီးပြုမူနေသည့်တိုင် သူ့အမှားလို့မခံစားရချေ။ ထိုစဥ်တွင် ၀ိတ်တာမှာ တွန်းလှည်းလေးကိုတွန်းလျက် လှပသောအသီးနှင့် အချိုပွဲများလာချပေးလေသည်။ မွှေးပျံ့သောရနံ့လေးက ယွမ်ရှင်းကျဲအား လျှာသပ်မိစေလျက် နို့လက်ဖက်ရည်အားလည်း တငုံခန့်သောက်လိုက်လေသည်။ ယခင်ဘ၀တွင် သူ့မှား ဆေးခါးများကိုသာ မြိုချနေခဲ့ရပြီး အချိုအရသာကိုပင်မေ့လျော့နေခဲ့ပြီဖြစ်သည်၊

2.2

ဤအခိုက်အတန့်တွင် သူသည် ကမ္ဘာပေါ်တွင် အရသာအရှိဆုံးတစ်ခုခုကိုစားလိုက်ရသလိုပင် ခံစားလိုက်ရလေသည်။ ဆယ်ကျော်သက်လေးသည် နို့လက်ဖက်ရည်အားကျေနပ် ပျော်ရွှင်နေသောအမူအယာဖြင့် သောက်နေပြီး ၀ိတ်တာအားပြုံးပြလိုက်ကာ

"ကျေးဇူးတင်ပါတယ်"

စားပွဲထိုးမလေး၏မျက်နှာမှာနီရဲသွားပြီး ရပါ တယ်ဟုဆိုကာ တွန်းလှည်းကိုခပ်သွက်သွက်တွန်းလျက် ထွက်သွားတော့သည်။ ထို့နောက်တွင် ကောင်တာမှာ တီးတိုးပြောသံများထွက်လာခဲ့သည်။

"ဘုရားရေ သူကချစ်ဖို့ကောင်းလိုက်တာ"

ယွမ်ရှင်းကျဲမှာခန္ဓာကိုယ်အခြေအနေကို အမြဲဂရုပြုနေရသူဖြစ်သောကြောင့် အချိုအများကြီးလည်းစားလေ့မရှိပေ။။ သူမစားခင်တွင် ကယ်လိုရီရေတွက်လေ့ရှိသည်။ ၄င်းသည်လည်း ချီယုနားမလည်နိုင်သည့်အချက်ပင်။ လောလောဆယ်တွင် ဆယ်ကျော်သက်လေးမှာ ချီယုထိုင်နေသည်ကိုပင်မေ့နေဟန်ဖြင့် အချိုပွဲများကို မြိနန်ရည်ယှက်ရည်စားသောက်နေလေသည်၊ ချီယု၏အမူအယာလွန်စွာမဲမှောင်လာတော့မှသာ ယွမ်ရှင်းကျဲခေါင်းမော့ကာဆိုလာခဲ့သည်။

"ဒါပေါ့ မင်းအမှားကိုဘာလို့၀န်မခံတာလဲ"

"ကျေးဇူးတင်ပါတယ်"

"ဘုရားရေ သူကချစ်ဖို့ကောင်းလိုက်တာ"

"ဒါပေါ့ မင်းအမှားကိုဘာလို့၀န်မခံတာလဲ"

2.2

သူ၏မျက်၀န်းလေးများမှာ လွန်စွာကြည်လင်လျက် အတည်အတံ့ဖြစ်နေခဲ့သည်။ထိုခိုင်မာမှုမှာ ငြင်းဆိုရန်မဖြစ်နိုင်သည့်နှယ်၊ ချီယုမှာ သူအတွေးလွန်နေသည်ဟုပင်ထင်လိုက်မိလေသည်။ သူသည်ရင်ထဲမှအပြစ်ရှိသည့်ခံစားချက်လေးလှိုက်တက်လာမိသေည်လည်း အမြန်ဖုံးကွယ်လိုက်သည်။

"ယွမ်ရှင်းကျဲ ငါအရင်ကတည်းကရှင်းရှင်းလင်းလင်းပြောပြီးသွားပြီ ငါမင်းလိုအိုမီဂါမျိုးကို မကြိုက်ဘူးလို့"

ချီယုသည်လျင်မြန်စွာ စကားလမ်းကြောင်းကိုပြောင်းလိုက်သည်။

"ချီမိသားစုနဲ့ ယွမ်မိသားစုရဲ့မျက်နှာကြောင့်သာမဟုတ်ရင် ငါစေ့စပ်ထားတာကိုဖျက်သိမ်းပြီးနေပြီ"

စေ့စပ်ကြောင်းလမ်းခြင်းကိုဖျက်သိမ်းမည်ဟုခြိမ်းခြောက်ခြင်းမှာ ချီယု၏နိုင်ကွက်ပင်ဖြစ်လေသည်၊

သူဒီလိုပြောလိုက်တိုင်း ယွမ်ရှင်းကျဲ သူ့အားအလျင်အမြန်တောင်းပန်ကာ မျက်ရည်များနှင့် "စိတ်မဆိုးရန်"ပြောလိမ့်မည်၊

ဤတစ်ကြိမ်လည်းထိုသို့သာအဆုံးသတ်သွားလိမ့်မည်ဟုချီယုယုံကြည်နေခဲ့သည်။ ချီယုကဆယ်ကျော်သက်လေးကိုကြည့်လျက် တဖက်မှတောင်းပန်လာမည်ကို တည်ငြိမ်စွာစောင့်နေလိုက်သည်။

ခဏအကြာတွင်ကောင်ငယ်လေးကနှုတ်ခမ်းကိုဟလာခဲ့သည်။ ထိုအသံမှာ ယခင်အတိုင်း ညင်သာ၍ ကြည်လင်နေဆဲဖြစ်ကာ ချီယုမှာမူနေရာ၌ပင်အေးခဲသွားတော့သည်။

"ဖျက်သိမ်းလိုက်တော့"

ပြန်လည်မွေးဖွားရန်အခွင့်အရေးတစ်ခုအား ရပြီး သည့်နောက်တွင် သူ့၏ကံကြမ္မာအား ဤကဲ့သို့ ငကြောင်ဘ၀င်ရူးတစ်ယောက်နှင့်ချည်နှောင်မထားချင်ပေ။သူ့တွင်လုပ်စရာေတွတပုံကြီးရှိသည်။မက်ခါမောင်းနည်းကိုသင်ယူရမည်။ သူ့ကိုယ်ပိုင် အမိုက်စားမက်ခါဒီဇိုင်းဆွဲမည်။ အတော်ဆုံး မက်ခါတိုက်ခိုက်သူတစ်ယောက်ဖြစ်လာရမည်။

ဤအခွင့်အရေးကိုအသုံးချလျက် သူ၏ယခင်ဘ၀မှမပြည့်၀လိုက်သည့် ဆန္ဒများလုံးကို ဖြစ်မြောက်အောင်ကြိုးစားမည်။ ချီယုမှာ သူ၏လမ်းတွင် ပိတ်နေသော ကျောက်တုံးတစ်တုံးသာဖြစ်သည်၊

ယွမ်ရှင်းကျဲ ချီယုနှင့်တကူးတက သူ့ဘက်မှစ၍ချိန်းဆိုလိုက်သည်မှာလည်း သူတို့နှစ်ဦးကြားမှာ ဤရယ်စရာစေ့စပ်ပွဲကိုဖျက်လိုက်ဖို့ပင်။ ချီယုကတိုက်တိုက်ဆိုင်ဆိုင် စေ့စပ်ပွဲဖျက်ဖို့အကြောင်းနှင့် ခြိမ်းခြောက်လာသည်မို့ သူ့အတွက် အလွန်အဆင်သင့်သွားခဲ့သည်။

ချီယုမပြောလျှင်တောင် ယွမ်ရှင်းကျဲကစပြောတော့မှာဖြစ်သည်။

မျက်နှာချင်းဆိုင်တွင်ထိုင်နေသော ချီယုမှာ ယွမ်ရှင်းကျဲအားမယုံနိုင်သော အမူအယာဖြင့်ကြည့်လာခဲ့သည်။ သို့သော်ထိုထိတ်လန့်မှုမှာမကြာခဲ့ချေ။ ချီယုမှာ ယွမ်ရှင်းကျဲတစ်ယောက် သူ့အားနည်းအသစ်ဖြင့်ချည်းကပ်ရန်ကြိုးစားနေသည်ဟု ချက်ချင်းသဘောပေါက်သွားခဲ့သည်။

သူ၏လှည့်ကွက်အသစ်ကို ရွံ့ရှာစွာလှောင်ရယ်လိုက်မိသည်။ သူတို့စေ့စပ်ပွဲဖျက်ဖို့တောင် သဘောတူလိုက်သေးသည်။

ယွမ်ရှင်းကျဲမှာမူ ချီယု၏အမူအယာကိုနားမလည်နိုင်ချေ။ သူပျော်နေရမှာမဟုတ်ဘူးလား၊ ဘာကိစ္စမကျေနပ်တဲ့ပုံစံပေါက်နေရတာလဲ။

" မင်းမှာတခြားပြောစရာမရှိရင်၊ ဒီကိစ္စဒီမှာပဲ ပြီးပြီ"

ယွမ်ရှင်းကျဲ ချီယုအားအချိန်အတော်ကြာစိုက်ကြည့်နေမိသည်။ နောက်ဆုံးတဖက်လူ၏အမူအယာကို လုံး၀နားမလည်နိုင်တော့မှသာ

"မင်းသွားလို့ရပြီ"

ပြောပြီးနောက်ယွမ်ရှင်းကျဲမှာခေါင်းငြိမ့်လိုက်ပြီး အချိုပွဲကိုဆက်စားလိုက်တော့သည်။ တစ်ခြမ်းကိုက်ထားသောမက်ခါယွန်မုန့်လေးကတဖက် နို့လက်ဖက်ရည်ကတစ်ဖက်နှင့် ချီယုကိုမူရှိသည်ဟုပင်မထင်တော့ချေ။

ယွမ်ရှင်းကျဲ၏အမူအယာကိုကြည့်ပြီး သနားမှူလေးတစွန်းတစယိုဖိတ်လာခဲ့သည်။

တချို့အိုမီဂါများမှာ အချစ်ကြောင့် ၀မ်းနည်းခံစားရသည့်အခါအချိုဓါတ်ကိုစားသုံးခြင်းဖြင့် ဖြေသိမ့်ရသည်ဟုကြားဖူးသည်။ ယွမ်ရှင်းကျဲ၏လက်ရှိအမူအယာမှာ ဘာမှမခံစားရပုံပေါ်နေသော်လည်း၊ မုန့်အချိုများကို မြိန်ရည်ယှက်ရည်စားသောက်နေသည်မှာ အသည်းကွဲနေ၍ပင်မဟုတ်ပါလော။

"လျော့စားစမ်းပါ"

ချီယု၏အသံတွင် ဂရုစိုက်မှုလေး တစွန်းတစလေးပါ၀င်သည်မှာ အလွန်ရှားပါးလှသည်။ သူသည်ယွမ်ရှင်းကျဲတစ်ယောက် အမြဲကြီးစားသောက်ပြီး ခံစားချက်တွေပွင့်အံထွက်လာကာ လူမြင်ကွင်းတွင် ငိုချလာမည်ကို စိုးရိမ်နေခဲ့သည်။ သည်ကဲ့သို့ယွမ်ရှင်းကျဲ

မလုပ်ဖူးသည်မဟုတ်ချေ။

ယွမ်ရှင်းကျဲ ချီယုအားနားမလည်စွာကြည့်လိုက်သည်။ ချီယုသည်သူ့လက်ထဲမှအချိုပွဲကိုကြည့်နေသည်ကိုမြင်လျှင် သူ့မုန့်ကိုစားချင်နေခြင်းပေလောဟုတွေးမိလိုက်လေသည်။

"ငါဗိုက်ဆာတယ်" ယွမ်ရှင်းကျဲအေးဆေးပြန်ဖြေလိုက်သည်။ ထို့နောက်မျက်မှောင်ကြုတ် လိုက်ကာ

"မင်းမသွားသေးဘူးလား"

"ငါမင်းကိုစေ့စပ်ပွဲဖျက်ဖို့တွန်းအားပေးနေတာမဟုတ်ဘူး၊ ငါကမင်းအတွက်လည်းပိုကောင်းအောင်ပြောနေတာ" ချီယု က ယွမ်ရှင်းကျဲအားအသေအချာကြည့်လျက်ဆိုလိုက်သည်။

"မင်းစာသေချာလုပ်ပြီး နေ့တိုင်းပြသနာရှာတာကိုရပ်လိုက်၊ တက္ကသိုလ်ကိုကောင်းကောင်းတက်၊ ငါ့က်ုအနှောင့်အယှက်မဖြစ်စေသ၍၊ ငါမင်းနဲ့အတူရှိပေးရလို့ကိစ္စမရှိပါဘူး"

မူလပိုင်ရှင်ကသာ ချီယုကိုတချိန်လုံးဂရုစိုက်ပေးနေခဲ့ရတာအသိသာကြီးပင်။ မူလပိုင်ရှင်ယခုကဲ့သို့ပြသနာရှာမိရခြင်းမှာလည်း ချီယုနှင့် စုကျီနန်ကြားမှ မရိုးရှင်းသောဆက်ဆံရေးကြောင့်ပင်။ သို့သော်ချီယုဘက်ကမူ ဤကဲ့သို့မလျော်ကန်သောစကားမျိုးထွက်လာသည်။

ယွမ်ရှင်းကျဲမှာ ချီယုကသူ၏အစားစားချင်စိတ်ကိုဖျက်ဆီးနေသည်ဟုခံစားရကာ လက်ထဲမှစားလက်စမက်ကာရွန်အားချလိုက်ပြီး

"ငါမပြောင်းလဲပေးနိုင်ဘူး"

ယွမ်ရှင်းကျဲမှာမိမိအမှားကို၀န်မခံပဲ စေ့စပ်ပွဲကိုလိုလိုလားလားဖျက်သိမ်းရန်ဆန္ဒရှိနေသည်ကိုတွေ့ရလျှင် ချီယုမျက်မှောင်ကြုတ် မိတော့သည်။

လုံး၀မျှော်လင့်ချက်မရှိတော့သောလူတစ်ယောက်ဟုပင်စိတ်ထဲမှတွေးလိုက်မိလေသည်။ သူကအေးစက်စွာနှာခေါင်းရှုံ့လျက်

"ကောင်းပြီ၊ ကြိုက်သလိုသာလုပ်"

ယွမ်ရှင်းကျဲ ၏ခံစားချက်မှာရုတ်ချည်းကောင်းမွန်သွားခဲ့သည်။ သူကချီယုအားအလျင်အမြန်ပြုံးပြလိုက်ပြီး

"ဂရုစိုက်သွားနော်"

သူ၏အမူအယာလေသံနှင့် အချိုပွဲကိုပြန်လည်းကောက်ယူလိုက်သည့်ပုံစံမှာ ချီယုအား လုံး၀သောက်ဂရုမစိုက်ဟူသောအမူအယာကို အပြည့်အ၀ဖော်ပြနေသည်ပင်။

ထိုအပြုံးက ချီယု၏နှလုံသားအား မီးလေးတစ်စပွင့်သွားစေခဲ့သည်။

xxxxx

Prev Next