Chapter 152
ထုံးစံအတိုင်း ရွှီဇီယန်သည် ဤမျှလွယ်ကူစွာ ရှင်သန်ခွင့်ကို လက်လွှတ်မခံဘဲ သူသည် ဤစိတ်အာရုံဖြန့်ကျက်ခြင်းစွမ်းအားကို ချက်ချင်း စတင်တိုက်ခိုက်တော့သည်။ ကံအားလျော်စွာ ဤစိတ်အာရုံဖြန့်ကျက်ခြင်းစွမ်းအားသည် အင်အားကြီးသော်လည်း သူ၏စိတ်အာရုံဖြန့်ကျက်ခြင်းပင်လယ်၌ ဖြစ်ပျက်နေတာကြောင့် သူ့ကို ချေမှုန်းရန် ဝေးနေသေးသည်။
ရွှီဇီယန်သည် သူ့ဦးနှောက်ထဲတွင် ဖြစ်ပျက်နေသည့်အချက်ကို အခွင့်ကောင်းယူပြီး ခက်ခက်ခဲခဲ ရုန်းကန်ခဲ့ကာ သူ၏စိတ်အာရုံဖြန့်ကျက်ခြင်းပင်လယ်ထဲကို ရှက်ရွံ့စွာ ပြေးလာခဲ့သည်။ သူသည် ယခင်ကလည်း ပြန်လည်တိုက်ခိုက်ခဲ့ဖူးပေမယ့် ပြိုင်ဘက်၏ စိတ်အာရုံဖြန့်ကျက်ခြင်းစွမ်းအားသည် အလွန်ပြင်းထန်ပြီး သူတို့ ထိပ်တိုက်တွေ့ဆုံပါက သူ၏စိတ်အာရုံဖြန့်ကျက်ခြင်းစွမ်းအားသည် ဖျက်ဆီးခံရပြီး ဝါးမျိုသွားမည်ဖြစ်သည်။ သူ၏စိတ်အာရုံဖြန့်ကျက်ခြင်းစွမ်းအား အပိုင်းအစလေးတစ်ခု ဆုံးရှုံးပြီးနောက် သူသည် ဤမျှ မိုက်မဲသည့်အရာကို နောက်တစ်ကြိမ် ထပ်မလုပ်တော့ပေ။
စိတ်အာရုံဖြန့်ကျက်ခြင်းစွမ်းအား၏ တိုက်ပွဲသည် တိတ်ဆိတ်နေသော်လည်း စိတ်အာရုံဖြန့်ကျက်ခြင်းစွမ်းအား၏ ကြိုးမျှင်တိုင်းသည် ကျင့်ကြံသူတစ်ယောက်၏ အလွန်အဖိုးတန်သော စည်းစိမ်ဉစ္စာဖြစ်သည်။ စိတ်အာရုံဖြန့်ကျက်ခြင်းစွမ်းအားသည် ဝါးမျိုခံရပါက သေလမ်းကို လျှောက်သွားရလိမ့်မည်။ ရွှီဇီယန်သည် သူ့ခန္ဓာကိုယ်ကို အခြားသူအား အဘယ်ကြောင့်ပေးရမည်နည်း။
ရွှီဇီယန်၏ စိတ်အာရုံဖြန့်ကျက်ခြင်းပင်လယ်ထဲတွင် တိုက်ပွဲသည် အလွန်ပြင်းထန်နေ၏။ သူ၏ရန်သူ၏ စိတ်အာရုံဖြန့်ကျက်ခြင်းစွမ်းအားသည် ဆာလောင်နေသော ဝံပုလွေတစ်ကောင်နှင့်တူသည်။ ရွှီဇီယန်၏ စိတ်အာရုံဖြန့်ကျက်ခြင်းစွမ်းအားကို ပြင်းပြင်းထန်ထန် လိုက်ဖမ်းနေသည်။ ရွှီဇီယန် ဘယ်လိုပဲ ရှောင်နေပါစေ၊ အခြေအနေက အလွန်အန္တရာယ်များပြီး မကြာသေးခင်ကတောင် သူအကိုက်ခံရသည်။
စိတ်ပျက်အားငယ်စွာဖြင့် ရွှီဇီယန်သည် သူ၏စိတ်အာရုံဖြန့်ကျက်ခြင်းစွမ်းအားကို သူ၏စိတ်အာရုံဖြန့်ကျက်ခြင်းပင်လယ်ထဲ၌ နက်နက်ရှိုင်းရှိုင်း ဖုံးကွယ်ထားရပြီး ဤရန်လိုသောစွမ်းအားကြောင့် ခန္ဓာကိုယ်ကို ထိန်းချုပ်ရန် တိုက်ခိုက်ခြင်းကို ယာယီလက်လျော့ခဲ့ရသည်။ သူ၏စိတ်အာရုံဖြန့်ကျက်ခြင်းစွမ်းအား မပျက်စီးသ၍ ဤစွမ်းအားအသစ်သည် သူ့ခန္ဓာကိုယ်ကို ထိန်းချုပ်နိုင်မည် မဟုတ်ပေ။
သူ့ညီလေးဖြစ်သူ ရွှီဇီရုန်နဲ့ပတ်သက်ပြီး သည်လူက ရွှီဇီယန်လား၊ အခြားလူလားဆိုတာ ကောင်းကောင်းပြောပြနိုင်မည်ကို သူယုံကြည်ခဲ့သည်။ အကယ်၍ ဤလူဆိုးက ရွှီဇီယန်၏ ဦးနှောက်ထဲကို အောင်မြင်စွာ လျှောက်လှမ်းနိုင်ခဲ့လျှင် ရွှီဇီရုန်က သူ့ကို သတ်ပစ်မှာ သေချာပါသည်။
ရွှီဇီယန်၏ ဆန္ဒအလျောက် ဆုတ်ခွာသွားခြင်းသည် ရန်သူ၏ စိတ်အာရုံဖြန့်ကျက်ခြင်းစွမ်းအားကို ရွှင်လန်းစေသည်။
ယွမ်မော့၏ အသက်ရှည်ခြင်းသည် ကြာရှည်သွားပြီဖြစ်ပြီး သူပြန်လည်မွေးဖွားလာမည့်မျှော်လင့်ချက်အသစ်အနေဖြင့် ရွှီမိသားစုအား လက်စားချေသွားမည်ဖြစ်သည်။
ရွှီဇီယန်၏ ခန္ဓာကိုယ်သည် အလွန်အသုံးဝင်သော ပစ္စည်းတစ်ခုဖြစ်သည်။ သူ့ကိုယ်သူ မှန်မှန်ကန်ကန် ဖုံးကွယ်ထားသ၍ ရွှီမိသားစုမှ မသေမျိုးအဆင့်သို့တက်လှမ်းနိုင်ခြင်းကို ခိုးယူနိုင်မည်ဖြစ်သည်။ သူ့မှာ ထိုအရာ ရှိနေသ၍ စိတ်ဝိညာဉ်သွေးကြော ပျက်စီးသွားသည့် သူ၏မြေးကြီးက ထိုအခါမှာ ပြန်ကောင်းလာလိမ့်မည်။ သူသည် လျှို့ဝှက်မန္တန်ကို အားကိုးကာ အမတဝိညာဉ်အခြေတည်စအဆင့်ကို ကျော်ဖြတ်ပြီး နှစ်ထောင်ပေါင်းများစွာအသက်ကို ရရှိနိုင်သည်။
ယွမ်မော့က ကောင်းကောင်းစီစဉ်ထားသည်။ သူသည် ရွှီဇီယန်ကို ဖယ်ထုတ်နိုင်သ၍တော့ ရက်အနည်းငယ်ကြာအောင် ထိန်းထားနိုင်သည်။ ရှုံးနိမ့်မှုအတွက်လား… သည်ကိစ္စကို သူ လုံးဝ မစဉ်းစားဖူးချေ။
သူ၏ထင်မြင်ချက်တွင် ဝိညာဉ်ကြောချဲ့ထွင်ခြင်းအဆင့် ကျင့်ကြံသူသည် ရွှေအမြုတေအဆင့် ကျင့်ကြံသူ၏ စိတ်အာရုံဖြန့်ကျက်ခြင်းစွမ်းအားကို မည်သို့ တွန်းလှန်နိုင်မည်နည်း။ သူသည် ရွှီဇီယန်ခန္ဓာကိုယ်သို့ ဝင်ရောက်ခြင်းတွင် သေချာပေါက် အောင်မြင်နိုင်သည်။
ဟုတ်ပါသည်။ အကယ်၍ ရွှီဇီယန်သာ မိုးကြိုးစိတ်ဝိညာဉ်သွေးကြောဖြင့် မဟုတ်ဘဲ သာမန်ကျင့်ကြံသူသာဆိုလျှင် ယွမ်မော့ သေချာပေါက် အောင်နိုင်မှာဖြစ်ပြီး သူ့အကြံအစည်အားလုံး အောင်မြင်မှာဖြစ်သည်။
ကံမကောင်းစွာဖြင့်…
သည်ကမ္ဘာမှာ အံ့ဩစရာတွေ အမြဲရှိသည်။ ဝိညာဉ်ကြောချဲ့ထွင်ခြင်းအဆင့် သာမန်ကျင့်ကြံသူတွင် ခရမ်းရောင်မိုးကြိုးသွားရှိမည်ကို ဘယ်သူကမျှော်လင့်ထားမည်နည်း။
ယွမ်မော့သည် ရွှီဇီယန်၏ ခန္ဓာကိုယ်ကို ထိန်းချုပ်နိုင်ပြီးနောက်တွင် သူ့ခန္ဓာကိုယ်ကို ပွေ့ထားသည့် လှပသောကောင်လေးကို သတ်ပစ်ရန် ချက်ချင်းစီစဉ်ခဲ့သည်။ သူခန့်မှန်းတာ မှန်မည်ဆိုလျှင် ဤကလေးသည် ရွှီဇီယန်နှင့်အတူ လျှိုကွမ်းဂိုဏ်းတွင် ဝင်ထားသည့်သူဖြစ်ရမည်။ သူနှင့် ရွှီဇီယန်သည် အချိန်အတော်ကြာ အတူနေထိုင်ခဲ့ပြီး အားနည်းချက်များစွာကို အလွယ်တကူ သိနိုင်သည်။
ရွှီဇီရုန်ကို သတ်ချင်လျှင် ချီပင်လယ်ထဲမှာရှိသည့် စိတ်ဝိညာဉ်စွမ်းအားကို စုဆောင်းရပါလိမ့်မည်။ သို့သော် သူစတင်လှုပ်ရှားချိန်တွင် ရွှီဇီယန်၏ ချီပင်လယ်အတွင်းရှိ ခရမ်းရောင်မိုးကြိုးသွားသည် တစ်ခုခုမှားနေပြီဟု ခံစားလိုက်ရသည်…
ခရမ်းရောင်မိုးကြိုးသွား: "အိုး… ဒါက သခင်ရဲ့အနံ့ပဲ… ငါတို့သခင်ရဲ့ ခန္ဓာကိုယ်ထဲ ဘယ်သူဝင်လာတာလဲ…"
ခရမ်းရောင်မိုးကြိုးသွားသည် ချီပင်လယ်မှ တစ်ခဏချင်း ပေါက်ကွဲထွက်လာပြီး ရွှီဇီယန်၏ စိတ်အာရုံဖြန့်ကျက်ခြင်းပင်လယ်ထဲသို့ တောက်လျှောက် ဝင်ရောက်လာသည်။
စိတ်အာရုံဖြန့်ကျက်ခြင်းပင်လယ်၏ အောက်ခြေတွင် ပုန်းအောင်းနေခြင်းဖြင့် ရွှီဇီယန်သည် သူ၏စိတ်အာရုံဖြန့်ကျက်ခြင်းပင်လယ်ထဲသို့ နောက်ထပ်မိုးကြိုးစွမ်းအားတစ်ခု ဝင်ရောက်လာသည်ကို သတိပြုမိပြီး မျက်ရည်ကျလုနီးပါးဖြစ်နေသည်။ ခရမ်းရောင်မိုးကြိုးသွားသည် ရန်လိုသောအငှားနေသူ ဖြစ်သော်လည်း ရန်သူ၏တိုက်ခိုက်ခြင်းခံရသောအခါ သူ၏သခင်ကို အနည်းဆုံးကာကွယ်နိုင်သည်။
ရွှီဇီယန်၏ စိတ်အာရုံဖြန့်ကျက်ခြင်းပင်လယ်၏ ထပ်လောင်းပံ့ပိုးမှုဖြင့် ခရမ်းရောင်းမိုးကြိုးသွား၏ စွမ်းအားသည် ယွမ်မော့၏ စိတ်အာရုံဖြန့်ကျက်ခြင်းစွမ်းအားကို ပြင်းထန်စွာ တိုက်ခိုက်လာတော့သည်။
မိုးကြိုးစွမ်းအားသည် သူ၏တိုက်ခိုက်မှုနှင့် ဖျက်ဆီးခြင်းအတွက် လူသိများပြီး ခရမ်းရောင်းမိုးကြိုးသွားသည် အမြင့်ဆုံးအထိ မည်သို့အသုံးချရမည်ကို သိသည်။ ရွှေအမြုတေအဆင့်၏ စိတ်အာရုံဖြန့်ကျက်ခြင်းစွမ်းအားကို အနိုင်ယူရန်မှာ အမှန်တကယ် မခက်ခဲလှပေ…
ခရမ်းရောင်းမိုးကြိုးသွားသည် ယွမ်မော့ကို လိုက်ဖမ်းနေချိန်တွင် အစောပိုင်းက ရွှီဇီယန်၏ စိတ်အာရုံဖြန့်ကျက်ခြင်းစွမ်းအားသည် စိတ်အာရုံဖြန့်ကျက်ခြင်းပင်လယ်၏ အောက်ခြေမှ လွင့်ပျံသွားခဲ့သည်။ ခရမ်းရောင်းမိုးကြိုးသွားသည် ယွမ်မော့၏ စိတ်အာရုံဖြန့်ကျက်ခြင်းစွမ်းအားကို ဖျက်ဆီးလိုက်သောအခါ အင်အားကြီးသောစွမ်းအင်တစ်ခု ကျန်ရစ်ခဲ့သည်။ ရွှီဇီယန် အံ့ဩသွားသည်။ ထိုစွမ်းအင်သည် သူ၏စိတ်အာရုံဖြန့်ကျက်ခြင်းစွမ်းအားကို အဆက်မပြတ်အားဖြည့်ပေးနေပြီး ရွှီဇီယန်၏ စွမ်းအားကို ပိုမိုအားကောင်းလာစေနိုင်ကြောင်း တွေ့ရှိခဲ့သည်။
ခရမ်းရောင်မိုးကြိုးသွားသည် ရွှီဇီယန်၏ စိတ်အာရုံဖြန့်ကျက်ခြင်းပင်လယ်ထဲတွင် တစ်ဖန်ပြန်လှည့်လာပြီး ရန်သူပျောက်ကွယ်သွားကြောင်း အတည်ပြုပြီးနောက် ရွှီဇီယန်၏ ချီပင်လယ်ထဲသို့ အေးအေးဆေးဆေး ပြန်သွားခဲ့သည်။ သူ့သခင်က တကယ့်ကို အသုံးမဝင်ပေ။ သူသာ မကာကွယ်ခဲ့လျှင် သူ့သခင်က ခန္ဓာကိုယ်ကို ဆုံးရှုံးသွားလိမ့်မည်။ ပြဿနာရှာတတ်သောသခင်ကြောင့် သူအတော်လေး ခေါင်းကိုက်ရသည်။
ရွှီဇီယန်၏ စိတ်အာရုံဖြန့်ကျက်ခြင်းစွမ်းအားသည် စိတ်အာရုံဖြန့်ကျက်ခြင်းပင်လယ်ထဲတွင် ကျန်ရှိနေသောစွမ်းအင်ကို ဆက်လက်စုပ်ယူသွားပြီး နောက်ဆုံးအပိုင်းကို စုပ်ယူလိုက်သောအခါ သူ့မျက်လုံးများ ဖြည်းညှင်းစွာပွင့်လာသည်။
"ကိုကို… နိုးပြီလား…"
ရွှီဇီရုန်၏အသံက အနည်းငယ် အသံဝင်နေသည်။
သူ့အား တင်းတင်းကြပ်ကြပ် ဖတ်ထားသည်ဟုသာ ရွှီဇီယန် ခံစားလိုက်ရပြီး ရင်းနှီးသော အငွေ့အသက်က သူ့ကို အလွန်စိတ်သက်သာရာရစေသည်။
"ကဲပါ… ငါအဆင်ပြေပါတယ်… မင်းကို စိတ်ပူအောင်လုပ်မိလို့ တောင်းပန်ပါတယ်…"
သူက လက်ဆန့်ကာ ရွှီဇီရုန်၏ပါးကို ပွတ်သပ်လိုက်ပြီး ရွှီဇီရုန်၏ သွေးရောင်မျက်လုံးတွေက သူ့ကို အလွန်လှုပ်ရှားသွားစေသည်။
သူနှင့် ယွမ်မော့ကြားက ရုန်းကန်မှုသည် အချိန်တိုလေးမျှသာ ကြာမြင့်သော်လည်း ကျန်နေသောစွမ်းအင်ကို စုပ်ယူရန် အချိန်များစွာ ယူခဲ့ရသည်။ ရွှီဇီရုန်၏အကြည့်ကိုကြည့်ပြီး သူမေ့လဲသွားသည့်ပုံစံအနေအထားအတိုင်း ထိန်းထားရသည်။
လူနှစ်ဦး၏ စိတ်အာရုံဖြန့်ကျက်ခြင်းစွမ်းအားကြားက တိုက်ပွဲကို အခြားသူများ လုံးဝမမြင်နိုင်ပေ။ ရွှီဇီယန်သည် ရွှီဇီရုန် ကူကယ်ရာမဲ့နေသည့် အခြေအနေတွင် မည်မျှစိုးရွံ့နေခဲ့သည်ကို လုံးလုံးမြင်ယောင်ကြည့်နိုင်သည်။
ရွှီဇီရုန်သည် သူ့ကိုကို၏ ပါးပြင်ကို လက်ဖဝါးဖြင့် ညင်သာစွာ ပွတ်သပ်ရင်း
"ကိုကို… ကံကောင်းလို့ပေါ့… မဟုတ်ရင် ကျွန်တော်…"
"အဟမ်း… ငါ မင်းကို စိတ်ပူအောင်လုပ်မိလို့ တောင်းပန်ပါတယ်… ဒါပေမယ့် ငါတို့ ဒီကိစ္စကို တရားခံနဲ့ ဆွေးနွေးဖို့ လိုအပ်တယ်…"
ရွှီဇီယန်သည် ရွှီဇီရုန်၏ ရှည်လျားသော ဆံပင်ကိုထိလိုက်ပြီး ခေါင်းကိုလှည့်ကာ ရွှယ်ထွမ်ကို အေးစက်စွာ စိုက်ကြည့်နေသည်။
ဤတစ်ကြိမ်တွင် သူသေလုနီးပါးဖြစ်ခဲ့ပြီး ရွှယ်ထွမ်အပေါ် နာကြည်းမှုအချို့ရှိခဲ့သည်။ သူက ရွှယ်ထွမ်ကို ယုံကြည်၍ မီးခိုးရောင် ပုတီးစေ့ကို ကောက်ယူခဲ့ပေမယ့် ခရမ်းရောင်မိုးကြိုးသွားသာ သူ့ကို ကူညီဖို့ မရှိခဲ့လျှင် သူ၏ဝိညာဉ်က ဖျက်ဆီးခံရလိမ့်မည်။
"Meh…"
ရွှယ်ထွမ်သည် ထောင့်စွန်းသို့ ဝမ်းနည်းစွာ ဆုတ်ခွာသွားပြီး ဘောလုံးပုံစံဖြင့် သူ့ကိုယ်သူ ကျုံ့သွားသည်။
ရွှီဇီယန်သည် ယွမ်မိသားစု၏ ဘိုးဘေးကြောင့် သေဆုံးသွားမည်မဟုတ်ကြောင်း သူ ယုံကြည်သော်လည်း သူက ရွှီဇီရုန်နှင့် ဆက်သွယ်၍မရတာကြောင့် ဖန်မောင်မှတစ်ဆင့် အခြေအနေကို ရှင်းပြနိုင်ခဲ့သည်။ ဖန်မောင်က ရွှီဇီရုန်ကို ဘာပြောခဲ့မှန်း သူမသိပေမယ့် ရွှီဇီရုန်က သူ့အား သတ်ပစ်ချင်သလို စိုက်ကြည့်လာတာကြောင့် ကြက်သီးမွေးညင်းတွေထလာသည်…
သိသာစွာ သူက စိတ်ဝိညာဉ်အိမ်မွေးတိရစ္ဆာန်မဟုတ်ဘူးလား?! သူက ဘာလို့ ဒီလိုကလေးကို ကြောက်နေရတာလဲ?
QAQ၊ သခင် အမြန်နိုးလာပါတော့… ဒီအကြည့်တွေကို ငါ မခံနိုင်တော့ဘူး…
ရွှီဇီယန် နိုးလာသည်နှင့်တစ်ပြိုင်နက် ရွှယ်ထွမ်က နှစ်သိမ့်ရန် ချက်ချင်းပင် ခုန်ပေါက်သွားချင်သော်လည်း ရွှီဇီရုန်၏ ထိတ်လန့်စရာကောင်းသော အကြည့်ကိုမြင်ပြီးနောက် ပြန်နောက်ဆုတ်သွားသည်။
"Meh…" သူ့သခင်က သူ့အား ကြည့်လာတာကို မြင်လိုက်တော့ ရွှယ်ထွမ်သည် မျက်ရည်ကျလုမတတ်ဖြစ်သွားပေမယ့် မမျှော်လင့်ဘဲ ရွှီဇီယန်၏အကြည့်က သူ့ညီကဲ့သို့ အေးစက်နေသည်။ ရွှယ်ထွမ်သည် သူ၏ခေါင်းပေါ်သို့ ရေအေးများ စီးကျလာသလို ခံစားလိုက်ရကာ သူ၏ရင်ထဲ အေးစက်သွားသည်။
"Meh?" (QAQ၊ သခင်၊ မင်းငါ့ကို ဘာလို့ဒီလိုကြည့်နေတာလဲ…)
ရွှီဇီယန်က လှုပ်ရှားလိုက်ပြီး သူ့ခန္ဓာကိုယ် အစိတ်အပိုင်းအားလုံးက ဘာပြဿနာမှ မရှိပေ။ သူသည် ရွှီဇီရုန်၏လက်မောင်းတွေထဲမှ ထွက်လာ ရွှယ်ထွမ်ဆီသို့ တစ်လှမ်းချင်းလျှောက်သွားသည်။
"Meh…" ရွှယ်ထွမ်က မျက်လုံးများ ပြူးကျယ်သွားကာ မျက်တောင်များ တဖျပ်ဖျပ်ခတ်ရင်း အားကြိုးမာန်တက် ချစ်ဖို့ကောင်းအောင် ကြိုးစားသော်လည်း ရွှီဇီယန်အပေါ် အကျိုးသက်ရောက်မှုမရှိပေ။ သူက ချစ်ဖို့ကောင်းတာကို ကြိုက်တာတော့ မှန်ပေမယ့် ဒါက သူ့ညီတစ်ယောက်အတွက်ပဲ ကန့်သတ်ထားတာဖြစ်သည်။ ရွှယ်ထွမ်က သူ၏အိမ်မွေးတိရစ္ဆာန်မျှသာဖြစ်ပြီး တူညီသောဆက်ဆံမှုမျိုးကို မရရှိနိုင်ပေ။
"ပုတီးစေ့က အန္တရာယ်ကင်းတယ်လို့ မင်းဘာကြောင့်ပြောခဲ့တာလဲ?" ရွှီဇီယန်က အေးစက်စွာ မေးလိုက်သည်။
ရွှယ်ထွမ်၏ ယခင်လုပ်ရပ်များကို သုံးသပ်ကြည့်လျှင် ရွှီဇီယန်အား သူဒုက္ခပေးလိုသည်ဟု ရွှီဇီယန်မထင်သော်လည်း ယခင်ကဖြစ်ပျက်နေသွားသည့်အရာတွေကို သူနားလည်ထားရမည်ဖြစ်သည်။
"Meh…" (အန္တရာယ်ကင်းပါတယ်…) ရွှယ်ထွမ်က အပြစ်ရှိစွာဖြင့် ပြောသည်။
ရွှီဇီယန်က ရွှယ်ထွမ်ပြောတာကို အပြည့်အဝနားမလည်ပေမယ့် သူ့အဓိပ္ပါယ်ကိုတော့ အကြမ်းဖျင်းနားလည်နိုင်သည်။
"အန္တရာယ်ကင်းတယ်?"
ရွှီဇီယန်၏အကြည့်က စူးရှပြီး ရွှယ်ထွမ်က ကျုံ့သွားလေသည်။
သူက အားနည်းစွာ ရှင်းပြသည်။
"Meh…" (တကယ်… အဲဒါက အန္တရာယ်ကင်းပါတယ်… အဲဒီယွမ်မိသားစုရဲ့ ဘိုးဘေးက နေရာယူဖို့ မင်းခန္ဓာကိုယ်ထဲမှာ တိုက်ပွဲဖြစ်နေကတည်းက သေခါနီးနေပါပြီ… မင်းက သေတော့မယ့်ကျင့်ကြံသူကို အနိုင်မယူနိုင်ခဲ့ဘူးလား…?)
ရွှီဇီယန်က အနည်းငယ် စွေစောင်းကြည့်လိုက်သည်။
"ဒါဆို ငါက သေခါနီးလူဝင်လာတာတောင် ခုခံနိုင်လောက်တဲ့အထိ မသန်မာဘူးလို့ ဆိုလိုတာလား?"
ရွှယ်ထွမ်၏ဇက်က ပုသွားပြီး အံ့ဩသွားသည်။ အခု ဘာပြောရမှာလဲ? သူက ရွှီဇီယန်၏ စိတ်အာရုံဖြန့်ကျက်ခြင်းစွမ်းအားကို အားကောင်းစေလိုသော်လည်း ရွှီဇီယန်က ဤမျှ‘အားနည်း’သည်ဟု မမျှော်လင့်ထားတာကြောင့် သူသည် စိတ်အာရုံဖြန့်ကျက်ခြင်းပင်လယ်ထဲတွင် အသက်ဆုံးရှုံးလုနီးပါးဖြစ်ခဲ့သည်။
ဖန်မောင်က စားပွဲပေါ်ရှိ မုန်လာဥနီကို အေးအေးဆေးဆေးဝါးပြီး ဝါးစားသောအသံက ယခုအချိန်တွင် သူ၏ခံစားချက်ကို ဖော်ပြနေသည်။ ရွှယ်ထွမ်ကို ကြည့်ပြီးနောက် သူ့အကြည့်ကို ငြိမ်သက်စွာ ပြန်ရုတ်လိုက်ပြီး သူကတွေးနေသည်။
"ဒီရွှယ်ထွမ်က ငါဘာမှမသိဘူးလို့ထင်နေတာပဲ… ငါ အရင်က မလုပ်ခဲ့ဘူးဆိုရင်တောင် နှစ်ပေါင်းထောင်ချီနေပြီဖြစ်တာကြောင့် ငါ့သခင်အတွက် သင့်တော်တဲ့နည်းနဲ့ စွမ်းအားဘယ်လိုဖြည့်ရမလဲဆိုတာ ငါလေ့လာခဲ့ပြီးပြီ!"
သူ၏ညီအစ်ကိုများကြားတွင် ရွှယ်ထွမ်သာလျှင် သူ၏သခင်ပါးစပ်ထဲသို့ ကောင်းမွန်သောအရာများစွာကို မရိုးမဖြောင့်ဖြင့် ထည့်လိမ့်မည်ဟု ဖန်မောင်ထင်ခဲ့သော်လည်း ရွှယ်ထွမ်သည် ယခင်က သူ၏သခင်တစ်ဦးကို မတော်တဆ သတ်မိခဲ့သလားတောင် မသိပေ။
ဖန်မောင်၏ ပါးစပ်က အနည်းငယ် ဝိုင်းလာပြီး မုန်လာဥနီကို ပို၍ပြင်းပြင်းထန်ထန် ဝါးစားလာသည်။ စိတ်ဝိညာဉ်အိမ်မွေးတိရစ္ဆာန်ကောင်းတစ်ကောင်အနေဖြင့် တိုက်ပွဲမစတင်မီ တစ်နေရာထဲ မုန်လာဥနီအားလုံးကို စားလိမ့်မည်။
—— သူက အော့အန်တော့မည့် အနေအထားရောက်နေပြီ ဆိုရင်တောင်မှပေါ့!
"ပြောစမ်း၊ သေချင်ယောင်ဆောင်မနေနဲ့!"
ရွှီဇီယန်သည် ဒေါသတကြီးဖြင့် ရွှယ်ထွမ်ကိူ ကန်လိုက်သည်။ နှင်းလိုဖြူဖွေးသော သူ၏မျက်နှာပေါ်မှာ အမည်းရောင်အမှတ်အသားတွေ ရှိနေသည်…
"Meh!"
ရွှယ်ထွမ်သည် စိတ်ဓာတ်ကျကာ သူ့ကိုယ်သူ နံရံနဲ့ ဆောင့်ချင်လာသည်။ သူသည် ယခင်က သူ၏သခင်များကို မှားယွင်းစွာ သတ်ပစ်ခဲ့ကြောင်း ထင်ရှားကာ ထို့ကြောင့် သူသည် သူ၏သင်ခန်းစာကို ဘယ်လိုလုပ် မသင်ယူနိုင်သေးတာလဲ? ဒီသခင်က အသက်ရှင်နေပေမယ့် ဖြစ်ပျက်ခဲ့တာတွေကို ရှင်းပြဖို့ ပျက်ကွက်နေသေးရင် သူတို့စာချုပ်က အဆုံးသတ်သွားနိုင်သည်…
စာချုပ်ကို အဆုံးသတ်လိုက်ပါက စိတ်ဝိညာဉ်အိမ်မွေးတိရစ္ဆာန်သည် ချိတ်ပိတ်ထားသောနယ်မြေသို့ ပြန်သွားရမည်ဖြစ်သည်။ ပြီးနောက် သူ၏နောက်ထပ်သခင်နဲ့ ဘယ်တော့မှတွေ့မယ်ဆိုတာ မသိနိုင်ပေ။ ရွှယ်ထွမ်အတွက် သင့်လျော်သော သခင်ကို တွေ့ရန်ပင် မလွယ်ကူပေ။ ဟင်းချက်တော်သော သခင်နဲ့တွေ့ဖို့ဆိုတာလည်း မဖြစ်နိုင်ဘူး။
"Meh!"
ရွှယ်ထွမ်က သူ၏ခွာကို ဒေါသတကြီး ကန်ပြီး ရုတ်တရက် ပြေးထွက်သွားသည်။
ရွှီဇီယန်က မျက်ခုံးပင့်လိုက်သည်။ သတိထားဖို့ကို သတိပေးရန် ရွှယ်ထွမ်၏ခေါင်းကို သူခေါက်ချင်နေခဲ့သည်။ ဒီတစ်ကြိမ်မှာတော့ သူ သေဖို့လောက်အထိ မဖြစ်သွားပေမယ့် နောက်တစ်ကြိမ်ဆို ဘာဖြစ်မလဲဆိုတာ ဘယ်သူသိနိုင်မှာလဲ? ရွှယ်ထွမ်က လွယ်လွယ်နဲ့ ဒေါသပေါက်ကွဲကာ ထွက်ပြေးသွားမည်ဟု မမျှော်လင့်ထားပေ။
ရွှီဇီယန် အနည်းငယ် အံ့သြသွားသော်လည်း လိုက်ရန်မရည်ရွယ်ခဲ့ပေ။ ရွှယ်ထွမ်က သူ့အတွက် အခွင့်အလမ်းလား၊ အန္တရာယ်လားဆိုတာ မသေချာပေမယ့် သူနဲ့ ရွှီဇီရုန်မှာ ရှိပြီးသား ခွန်အားကိုသာ ယုံကြည်ပြီး ရွှယ်ထွမ်ကို တကယ်အားကိုးဖို့ မလိုအပ်ဘူးလို့ သူယုံကြည်ခဲ့သည်။
"ထားလိုက်ပါတော့…"
ရွှီဇီယန်က တစ်ဝက်စိတ်ပျက်ပြီး တစ်ဝက်သက်သာရာရသွားကာ ရွှီဇီရုန်ဆီသို့ လျှောက်သွားလိုက်သည်။ ခြေနှစ်လှမ်းလှမ်းပြီးနောက် သူ့နောက်မှ ရွှယ်ထွမ်၏အော်သံကို ကြားလိုက်ရသည်။
"ဟမ်?"
သူ့ဘောင်းဘီရှည်ကို ဆွဲထားသော ရွှယ်ထွမ်ကို ရွှီဇီယန် ပြန်ကြည့်လိုက်သည်။
ရွှီဇီယန်လည်း ခုခံမနေနိုင်ဘဲ ရွှယ်ထွမ်နောက်ကို လိုက်သွားသည်။ မလှမ်းမကမ်းရှိ တံစက်မြိတ်အောက် ထောင့်စွန်းတွင် တစ်စုံတစ်ရာ စူထွက်နေတာကို တွေ့လိုက်ရသည်။
"Meh!"
ရွှယ်ထွမ်က စူထွက်နေသော ရွှံ့နားသို့ တိုးငွားသည်။
"ငါတူးရမှာလား?"
ရွှီဇီယန်က ရွှယ်ထွမ်ကို တည်ငြိမ်စွာ ကြည့်နေသည်။
ရွှယ်ထွမ်က အားတက်သရော ခေါင်းငြိမ့်ပြသည်။ ရွှီဇီယန်က ဘာမှမလုပ်ဘဲ ရွှယ်ထွမ်ကို တည်ငြိမ်စွာ ကြည့်နေသည်။
"Meh!" (ဒီတစ်ခါတော့ အန္တရာယ်မရှိဘူးလို့ ကတိပေးပါတယ်!) ရွှယ်ထွမ်က အကူအညီမဲ့စွာ မျက်ဆံလှန်လိုက်သည်။
ရွှီဇီယန်က လက်ပိုက်ကာ
"ကောင်းပြီ၊ ငါမင်းကို နောက်ဆုံးအကြိမ် ယုံလိုက်မယ်…"
ရွှယ်ထွမ်က သူ၏ဒေါသကို ဖော်ပြန်ရန် နှစ်ကြိမ်တိုင်တိုင် အော်ဟစ်ခဲ့သည်။ အရင်တုန်းက သူအမှားသေးသေးလေးတစ်ခုပဲ လုပ်ဖူးတာပါ။ သူ့သခင်က သူ့ကို ဘယ်လိုလုပ် မယုံတော့တာလဲ?
"ကိုကို၊ ကျွန်တော် လုပ်လိုက်မယ်…"
ရွှီဇီရုန်က ထုံးစံအတိုင်း ပြောလာခဲ့သည်။ ရွှယ်ထွမ်ကို သူယုံကြည်မှုမရှိသည့်အတွက် သူ့ကိုကိုအစားလုပ်ပေးရန် စိတ်အားထက်သန်စွာ ဆန္ဒရှိနေခဲ့သည်။
ရွှီဇီယန်က ခဏလောက်စဉ်းစားပြီး သဘောတူကာ နောက်ပြန်ဆုတ်သွားသည်။ သူက ရွှီဇီရုန်ကို သူ၏သွေးနွယ်ပင်များဖြင့် စူထွက်နေသောရွှံ့အား တူးစေခဲ့သည်။
ရွှယ်ထွမ်က ကန့်ကွက်ခြင်းမရှိဘဲ ဝမ်းနည်းစွာသာ တူးနေသည်။ အမှားတစ်ခုလုပ်လိုက်သည်နှင့် ပြန်လှည့်ရန် အလွန်ခက်ခဲကြောင်း သူနောက်ဆုံးသိခဲ့ရသည်။ သူက ရွှီဇီယန်ကို ထိခိုက်စေလိုသောရည်ရွယ်ချက် မရှိခဲ့ပေမယ့်လည်း ထိုအရာတွေအားလုံးက သူ၏လွှမ်းမိုးမှုအောက်တွင် ဖြစ်ပျက်ခဲ့ပြီး သူ့တွင် မငြင်းဆန်နိုင်သော တာဝန်ယူမှုများရှိနေခဲ့သည်။
စူထွက်နေသောရွှံ့ကို အလွန်တိမ်ပြီး သွေးနွယ်ပင်များက ကျောက်စိမ်းတုံး အသေးလေးတစ်ခုကို ရှာတွေ့ဖို့ ပေါ့ပါးစွာတူးဖော်ရန်သာ လိုအပ်သည်။ ရွှီဇီရုန်က ၎င်းကိုယူကာ သူ၏စိတ်အာရုံဖြန့်ကျက်ခြင်းစွမ်းအားဖြင့် စူးစမ်းလေ့လာပြီး ထူးဆန်းသောအမူအရာတစ်ခုကို ပြသခဲ့သည်။
"Meh!" (အဲဒါကိုတွေ့တာ မင်းကံကောင်းလို့နော်၊ ငါနဲ့ ဘာမှမဆိုင်ဘူး!)
ရွှယ်ထွမ်က ရွှီဇီယန်ကိုကြည့်ပြီး လေးလေးနက်နက် ပြောလိုက်သည်။
ရှုပ်ထွေးနေသောအမူအရာနဲ့ ရွှီဇီရုန်ကို ကြည့်ရန် ရွှီဇီယန်ခေါင်းလှည့်လိုက်ပြီး ရွှီဇီရုန်က တိုးတိုးပြောလာသည်။
"ဒါက စိတ်အာရုံဖြန့်ကျက်ခြင်းစွမ်းအားကို ကျင့်ကြံတဲ့ နည်းစနစ်တစ်ခုဖြစ်ပြီးတော့ တိုက်ခိုက်ဖို့အတွက် စိတ်အာရုံဖြန့်ကျက်ခြင်းစွမ်းအားကို အသုံးချလို့ရတယ်…"
ရွှီဇီယန်က ရွှယ်ထွမ်ကို အံ့အားသင့်စွာ ကြည့်လိုက်သည်။ ရွှယ်ထွမ်က သူ့ကို ဒီအရာအား ပေးခဲ့တယ်ဆိုတာ သိသာထင်ရှားသော်လည်း အဲဒါကို ရှာတွေ့တာက သူကံကောင်းလို့ဟု ဘာကြောင့်ပြောရတာလဲ?
ရွှယ်ထွမ်နှင့် ဖန်မောင်ပုံစံကို ခွဲခြမ်းစိတ်ဖြာပြီးနောက် ရွှီဇီယန်သည် မရေရာသော ကောက်ချက်တစ်ခုရခဲ့သည်။ သူတို့သည် အစွမ်းထက်ပေမယ့် ပွင့်လင်းမှုကို ပြသခြင်း မရှိကြပေ။ ကန့်သတ်ချက်တချို့ရှိရမည်။
တစ်ဖက်တွက် သူတို့သည် သူ့အား ခွန်အားတိုးလာစေရန် ကူညီပေးခဲ့သည်။ ယွီမော်၏ အမတဝိညာဉ်အခြေတည်စအဆင့်ကို စားလိုက်တာ သို့မဟုတ် ယွမ်မော့၏ စိတ်အာရုံဖြန့်ကျက်ခြင်းစွမ်းအားကို သူ့အား တူးခိုင်းတာတွေက သူတို့သည် သွယ်ဝိုက်သောနည်းကို အသုံးပြုနေခြင်းသာဖြစ်သည်။
သူ့လက်ချောင်းထိပ်များဖြင့် သူ့ပါးကို ညင်သာစွာ ထိလိုက်ပြီး ရွှီဇီယန်သည် ရွှယ်ထွမ်ကို ပို၍နက်ရှိုင်းစွာ ကြည့်လိုက်သည်။ ရွှယ်ထွမ်နှင့် ဖန်မောင်တို့၏ နောက်ကွယ်မှာ လျှို့ဝှက်ချက်ကြီးတစ်ခုရှိနေတယ်ဆိုတာ ရှင်းပါသည်။ ဒီလျှို့ဝှက်ချက်ကို ရှာသင့်သလားဟု သူတွေးနေမိသည်…
လျှို့ဝှက်ချက် = အန္တရာယ်/အခွင့်အလမ်း
ရွှီဇီယန် မဆုံးဖြတ်နိုင်ခဲ့ပေ။
အကယ်၍ သူသာ ဤလောကစို့ သာမန်နည်းဖြင့် ရောက်ရှိလာတာဆိုလျှင် သတင်းအချက်အလက်ရပြီးနောက် သူရှေ့ဆက်သွားရန် ရွေးချယ်နိုင်သည်။ သို့သော် သူ၏ယခင်ဘဝက ပြီးပြည့်စုံသောမှတ်ဉာဏ်များဖြင့် သူသည် ရတနာမျိုးစုံကို ရနေပြီဖြစ်တာကြောင့် ဘာအကြောင်းရင်းဖြင့် ဤမျှ စွန့်စားရမည်နည်း။
"Meh…"
ရွှယ်ထွမ်က ရွှီဇီယန်၏အတွေးတွေကို ခံစားမိပေသည်။ သူက ရုတ်တရက် ခုန်လိုက်ပြီး ရွှီဇီယန်၏ ခြေထောက်နားကို ရောက်သွားသည်။ ရွှီဇီယန်၏ဘောင်းဘီကို ဆွဲယူရန် သူ၏ခွာများကို အသုံးပြုကာ ရွှီဇီယန်အား သူ၏အရည်လဲ့လဲ့မျက်လုံးများဖြင့် သနားစဖွယ် ကြည့်နေခဲ့သည်။
ရွှီဇီယန်: "..."
လခွမ်း! စိတ်ဝိညာဉ်တိရစ္ဆာန်တွေအားလုံးက ဘာကြောင့် ချစ်စရာကောင်းတဲ့ အပြုအမူကို ကြိုက်ကြတာလဲ?
ဒါကိုမြင်လိုက်ရသောအခါ ရွှီဇီရုန်၏မျက်လုံးတွေက မှိန်ဖျော့သွားပြီး ချက်ချင်း သူ့အစ်ကိုနားတွင် ရပ်လိုက်သည်။ သူ၏ခြေထောက်ဖြင့် ပေါ့ပါးစွာကန်ထည့်လိုက်ပြီး ရွှယ်ထွမ်က အော်ဟစ်ညည်းညူသံနှင်အတူ နံရံကို ထိမှန်သွားခဲ့သည်။
ရွှီဇီယန်: "..."
ဒီအလိုလိုက်ခံထားရတဲ့ကောင်က ငါ့ညီမဟုတ်တာ သေချာတယ်!
"Meh!"
ရွှယ်ထွမ်က ဖုန်မှုန့်များဖြင့် ဖုံးလွှမ်းနေပြီး အလွန်ရှက်ရွံ့နေပုံရသည်။ နံရံထောင့်မှာ ကျုံ့သွားပြီး ရွှီဇီရုန်၏လက်ထဲက ကျောက်စိမ်းတုံးကို ကြည့်ပြီး ဖော်မပြနိုင်သည့် အထီးကျန်မှုမျိုးနဲ့ ရွှီဇီယန်ကို ကြည့်လိုက်သည်။
ရွှီဇီယန်သည် သူ့နဖူးကို ကူကယ်ရာမဲ့စွာ ပွတ်လိုက်ပြီး ဤကိစ္စ၏ ကောင်းကျိုးဆိုးကျိုးများကို စိုးရိမ်နေသည်။ မည်သို့ပင်ဆိုစေကာမူ ရွှယ်ထွမ်၏မူလရည်ရွယ်ချက်က ကောင်းမွန်ပြီး ရွှယ်ထွမ်ကို သူတို့နောက်သို့ လိုက်စေပါက သူတို့သည် ပိုမိုအကျိုးအမြတ်များ ရရှိနိုင်သည်။
ပိုင်ဟွက အမြဲတမ်း အာရုံစိုက်ထားရမည့် သူတစ်ယောက်ဖြစ်သည်။ ဇာတ်လိုက်တစ်ယောက်ကို သူစိတ်ပူမည့်အစား ရွှီဇီရုန်က နောက်ဆုံးဗီလိန်ဖြစ်မှာကို ပို၍စိုးရိမ်သည်။
ဤအမျိုးသားဇာတ်လိုက်နှင့် ဗီလိန်က ရန်သူများဖြစ်လာရင် အပေးအယူလုပ်ရန် သူ့ဘက်မှာ အကူအညီတွေရှိထားမှ ရမည်။
သူ့မေးစေ့ကိုထိပြီးနောက် ရွှီဇီယန်သည် ရွှယ်ထွမ်ကို သူ့ဘေးမှာထားဖို့ ဆုံးဖြတ်လိုက်သည်။ ဒါက သူ့အတွက် နည်းနည်းအန္တရာယ်များပေမယ့် ဒီကျင့်ကြံခြင်းလောကမှာ အကျပ်အတည်းဆိုတာ ဘယ်တော့မှ ပြတ်လတ်ခြင်းမရှိဘဲ သူ ဒါကို ကျင့်သားရနေပြီဖြစ်သည်။ ╮(╯▽╰)╭
"ကောင်းပြီ…" ရွှီဇီယန်က ရွှယ်ထွမ်ကို ခေါင်းငြိမ့်ပြပြီး "မင်းနေနိုင်တယ်၊ ဒါပေမယ့် ဒီနေ့လိုအဖြစ်မျိုး ထပ်မဖြစ်ရဘူး… မင်းနဲ့ ဖန်မောင်က ငါတို့ဆီကနေ ဘာတွေလျှို့ဝှက်ပြီး ဖုံးကွယ်ထားလဲဆိုတာ ငါမသိပေမယ့် မင်းတို့က အရမ်းဉာဏ်ကောင်းတယ်ဆိုတာတော့ ငါပြောနိုင်တယ်… မင်းတို့တွေက နှစ်ထောင်ချီပြီး အသက်ရှင်နေထိုင်ခဲ့တဲ့ တောကောင်တွေနဲ့ တူတယ်…"
နှစ်ထောင်ပေါင်းများစွာ အသက်ရှင်နေထိုင်ခဲ့သော တောကောင်အစစ်များ: "…"
"မင်းကဘယ်သူပဲဖြစ်ဖြစ်၊ မင်းက ငါ့ကို ဘာလုပ်ချင်တာပဲဖြစ်ဖြစ်၊ အရင်ဆုံး ငါတို့ကို အန္တရာယ်မပေးဘူးဆိုတာကို မင်းသေချာအောင် လုပ်ရမယ်… ဒီနေ့လိုမျိုး တစ်ခုခုဖြစ်ရင် ငါ မင်းနဲ့ စိတ်ဝိညာဉ်စာချုပ်ကို ချက်ချင်း ဖျက်သိမ်းလိုက်မယ်… ဒါ့အပြင် ငါ့ရဲ့စိတ်ဝိညာဉ်အိမ်မွေးတိရစ္ဆာန် လက်ထဲမှာ ငါသေရတာက တကယ်ရှက်စရာကောင်းပြီး ရွှမ်းယွိနယ်မြေမှာ ရယ်စရာကောင်းတဲ့သတင်း ထွက်ပေါ်လာမှာကို ငါမတွေ့ချင်ဘူး…"
ရွှယ်ထွမ်: "…"
"နောက်ဆုံးအချက်…" ရွှီဇီယန်က သူ့လက်ချောင်းတွေကို ခါယမ်းလိုက်ပြီး "နောင်အခါ မင်း ရတနာတစ်ခုခုတွေ့ရင်၊ အန္တရာယ်တစ်ခုခုရှိရင် ငါ့ကိုကြိုပြီးသတိပေးရမယ်… မင်းအတွက် အန္တရာယ်က သေးသေးလေးလို့ ထင်ရရင်တောင် မင်းငါ့ကို ဖုံးကွယ်ထားခွင့်မရှိဘူး… မင်းငါ့ကိုပြောပြပြီး ငါခန်းမှန်းလိုက်မယ်…"
"ငါထင်တာကတော့…" ရွှီဇီယန်က တစ်ချက်ကြည့်လိုက်ပြီး ဖန်မောင်က ပြတင်းပေါင်းထဲမှ ခိုးကြောင်းခိုးဝှက် ချောင်းကြည့်နေသည်။ "ကန့်သတ်ချက်တချို့ကြောင့် မင်းတို့ ငါတို့ကို မကူညီနိုင်ပေမယ့် မင်းတို့ရဲ့သတိပေးချက်ကိုတော့ အကူအညီအဖြစ် ထည့်တွက်လို့မရဘူးလေ ဟုတ်တယ်မလား? မင်းတို့ သတိပေးလိုက်ရင်တောင် အခက်အခဲတွေကို ငါတို့က အဆုံးထိ ပြေလည်အောင် လုပ်ရမှာပဲလေ…"
"Meh!" (ကိစ္စမရှိပါဘူး!)
ရွှယ်ထွမ်က သဘောတူကြောင်းပြသရန် ခွာကိုမြှောက်လိုက်သည်။
"Puff!"
ဖန်မောင်ကလည်း မကန့်ကွက်ပေ။
စိတ်ဝိညာဉ်အိမ်မွေးတိရစ္ဆာန်နှင့် သူ၏ပိုင်ရှင်ကြားဆက်ဆံရေးသည် အပြန်အလှန်အကျိုးပြုပြီး ပူးပေါင်းဆောင်ရွက်သောဆက်ဆံရေးဖြစ်သည်။ ပိုင်ရှင်တွေကို ထောင်ချောင်လိုက်ပါက သူတို့အတွက်လည်း တကယ်အကျိုးရှိမှာ မဟုတ်ပေ။
"ကောင်းပြီ၊ ငါတို့သဘောတူညီချက်ရပြီ၊ နောင်ကျရင် ငါတို့တွေ ပျော်ရွှင်စွာ ပူးပေါင်းဆောင်ရွက်မှုတွေ ပြုလုပ်နိုင်ဖို့ ငါဆုတောင်းတယ်…"
ရွှီဇီယန် ပြုံးလိုက်သည်။ ဤထူးဆန်းသော စိတ်ဝိညာဉ်တောကောင်နှစ်ကောင်နှင့် သဘောတူညီရရှိတာက သူ့အတွက် အကျိုးရှိသည်။ ကျောက်စိမ်းတုံးက သူ့အတွက် စွန့်စားရကျိုးနပ်သည်။
ရွှယ်ထွမ်နှင့် စကားပြောနေစဉ် ကျောက်စိမ်းတုံးကို ကြည့်ရန် အချိန်ယူခဲ့သည်။ ကျောက်စိမ်းတုံးရှိ မန္တန်များက အလွန်အားကောင်းသည်၊ အထူးသဖြင့် သူ၏စိတ်အာရုံဖြန့်ကျက်ခြင်းစွမ်းအားဖြင့် တိုက်ခိုက်နိုင်စေမည့် မန္တန်ဖြစ်ပြီး မည်သူကိုမျှ သတိမထားမိဘဲ သတ်နိုင်မည်ဟု ဆိုလိုသည်။
သူ၏စိတ်အာရုံဖြန့်ကျက်ခြင်းစွမ်းအားသည် ရန်သူ၏စိတ်အာရုံဖြန့်ကျက်ခြင်းစွမ်းအားကို တိုက်ရိုက်သတ်ရန် လုံလောက်သော သန်မာမှုမရှိရင်တောင် သူသည် ရန်သူ၏စိတ်အာရုံဖြန့်ကျက်ခြင်းပင်လယ်ကို တိုက်ခိုက်နိုင်ဆဲဖြစ်သည်။
နှစ်ဖက်စလုံးက အပြင်းအထန်တိုက်ခိုက်ပြီး လှည့်ကွက်များ ဖလှယ်နေတယ်ဆိုရင် တစ်ယောက်ကတော့ သူ၏ခေါင်းထဲမှာ နာကျင်မှုကို စတင်ခံစားလာရရင် သူ ဘယ်လိုလုပ် အနိုင်ယူနိုင်မှာလဲ?
သူမသေရင်တောင် ကံကောင်းလို့ပဲဖြစ်လိမ့်မည်။
သူသည် ဤကျောက်စိမ်းတုံးကို ကုဗတုံးထဲသို့ ဝမ်းသာအားရ ထားလိုက်ပြီး ရွှီဇီယန်သည် မကျင့်ကြံခင် လျှိုကွမ်းဂိုဏ်းသို့ ပြန်သွားရန် စီစဉ်ခဲ့သည်။ စိတ်အာရုံဖြန့်ကျက်ခြင်းစွမ်းအားကို ကျင့်ကြံခြင်းက သာမန်ကျင့်ကြံခြင်းနည်းမဟုတ်ဘဲ စိတ်အနှောင့်အယှက်ဖြစ်စေသော အရပ်၌ ကျင့်ကြံမိလျှင် ဒဏ်ရာ ရပေလိမ့်မည်။
ကျောက်စိမ်းတုံးကို ထားလိုက်ပြီးနောက် ရွှီဇီယန် အကြံတစ်ခုရခဲ့သည်။ ကုဗတုံးသည် အကြီးအကဲယွီမော်ထံမှ ကောင်းကင်နှစ်ခြမ်းခွဲခြင်းကို မျိုချလိုက်ပြီးကတည်းက အချိန်အကြာကြီး တုံ့ပြန်ခြင်း မရှိခဲ့ပေ။
၎င်း၏ အနေအထားကိုလည်း ရွှီဇီယန်၏ အနောက်ဘက်တွင် အသေထား,ထားသည်။ ၎င်း၏အဖြူရောင်မြူမှုန်ဖြင့် ရွှီဇီယန်၏ စိတ်အာရုံဖြန့်ကျက်ခြင်းစွမ်းအားကို ဖုံးကွယ်ရန် ဆက်လက်အသုံးပြုနိုင်သော်လည်း ၎င်း၏ရွေ့လျားနိုင်မှုစွမ်းရည်မှာ ပျောက်ကွယ်သွားခဲ့သည်။
ရွှီဇီယန်သည် ကုဗတုံးက ကောင်းကင်နှစ်ခြမ်းခွဲခြင်းကို ယူပြီးနောက် အိပ်ပျော်နေသည်ဟု ခံစားခဲ့ရသည်။
ထို့အပြင် မစ္စတာကုဗတုံးက အာကာသကို ဖြတ်ကျော်ရန် နေရာကူးပြောင်းခြင်းအခင်းအကျင်း၏ စွမ်းအားကို စုပ်ယူလေ့ရှိသည်။ ၎င်းက အလွန်အစွမ်းထက်ပေမယ့် အတော်လေး သိမ်မွေ့ပါသည်။ သို့သော် ယွီမော်၏ ကောင်းကင်နှစ်ခြမ်းခွဲခြင်းက မယုံနိုင်လောက်အောင် စူးရှတာကြောင့် ကုဗတုံးက ၎င်းကို မတုံ့ပြန်နိုင်ခဲ့ပေ။
_(:з'∠)_သူပတ်ဝန်းကျင်မှာ အစားအသောက်ကြိုက်သောသူတွေပဲ ဘာလို့အမြဲဝိုင်းနေတာလဲလို့ ရွှီဇီယန် တွေးတောမိသည်… ဒါက အလွန်ပင်ပန်း၏!
#TK
