MM Story Teller

Chapter 198

Viewers 29k

🌱Extra 2

Ch 198

အယောင်ဆောင်ခြင်း (၂)

ကမ်မဲလ်ရေပိုင်နက်အတွင်း၌ ရေသူမများ၏ အဖွဲ့အစည်းတစ်ခု ရှိပေသည်။ သူတို့က သာမန် levyရေသူမများဖြစ်ပြီး လှပနူးညံ့ပြီး၊ မယုံကြည်ရကာ၊ ယှဉ်ပြိုင်ရာတွင် သန်မာပြီး၊ ကျွမ်းကျင်လှသော အတုဝိဇ္ဇာများ ဖြစ်ကြသည်။ (levy ရေသူမ = ရေသူမ မျိုးစိတ်တစ်မျိုး)

ကမ်မဲလ်ရေပိုင်နက်များမှာ ကန်းရိုးတမ်းနှင့် နီးကပ်သည်ဖြစ်ရာ ထိုနေရာရှိ ရေသူမများက လူသားများနှင့် ဆက်ဆံမှုများစွာ ရှိပြီး လူသားများ၏ အလေ့အကျင့်များကို သင်ယူထားလေသည်။ သူတို့က ပင်လယ်ထဲသို့ စီးဝင်နေသည့် မြစ်ကြီးများတစ်လျှောက် ဆန်တက်ကာ အလည်အပတ် သွားတတ်ပေသည်။

သို့ဖြစ်၍ ကမ်မဲလ်ရေသူမများက ရေသူမနိုင်ငံတော်အတွက် ဧကရာဇ်အသစ်ကို ရှာဖွေရန် စတင်ဆွေးနွေးလာကြသည့်အခါ အံ့ဩစရာ မကောင်းနေပေချေ။

မည်သို့ပင်ဆိုစေ ရေသူမများ၏ သမိုင်းတွင် ဖြစ်ပွားနေသည့် ထူးဆန်းမှုများ အများအပြား ရှိပေသည်။ ဤပိုင်နက်အတွင်းရှိ ရေသူမများက ပါတီတစ်ခုကို အလိုအလျောက် ထူထောင်ခြင်း မဟုတ်လျှင် ထိုပိုင်နက်များအတွင်းရှိ ရေသူမများက ငါးမျိုးစိတ်များ၏ မှန်ကန်ကြောင်းပြသသည့် ဆန္ဒပြပွဲများတွင် ပါဝင်လိုနေခြင်း ဖြစ်၏။

သို့သော် ကမ်မဲလ်ရေသူမများ၏ အရေအတွက် စုစုပေါင်းမှာ တစ်ထောင်ထက် အနည်းငယ်သာ ပိုပြီး သူတို့၏ ယှဉ်ပြိုင်တတ်သော အကျင့်စရိုက်များက သူတို့ ဧကရာဇ်ကို ချက်ချင်း မရွေးချယ်နိုင်ရန် ခက်ခဲအောင် ပြုလုပ်နေပေသည်။

ဤအချိန်တွင် အတင်းအဖျင်း သတင်းတစ်ခုမှာ ကမ်မဲလ်ရေပိုင်နက်များဆီသို့ ဥဥရန်သွားသည့် ပင်လယ်လိပ်တစ်ကောင်ထံမှ ပြန့်နှံ့လာပေသည်။ ကမ်မဲလ်ရေပိုင်နက်များတွင် တိုက်ခိုက်ရေး၌ အကျွမ်းကျင်ဆုံး ရေသူထီးတစ်ဦးဖြစ်ကာ နောက်ပိုင်းတွင် တခြားသော ပင်လယ်ကွေ့မှ တစ်စုံတစ်ဦးနှင့် လက်ထပ်သွားသည့် မိုလီမှာ သားတစ်ဦးရှိသည်ဟု ကောလဟာလ ထွက်နေပေသည်။ သူ့၏ သားဖြစ်သူ ထရစ်စတန်မှာ ကမ်မဲလ်သို့ ပြောင်းရွှေ့တော့မည် ဖြစ်သည်။

ကမ်မဲလ်၏ရေသူထီးများက မိုလီမှာ ဤနေရာတွင်ရှိနေဆဲ ဖြစ်ပါက ဧကရာဇ်ဟူသော နေရာမှာ အသေအချာပင် သူ့အပိုင်ဖြစ်မည်ကို ဝန်ခံရပေမည်။

အခု သူရဲ့သားက ကမ်မဲလ်ကို ပြန်လာတော့မယ်ဆိုတော့ သူကလည်း မိုလီလိုပဲ ခြိမ်းခြောက်နိုင်မှာလား...

သိလိုစိတ် အလွန်ပြင်းပြနေသည့် ရေသူမများက ပင်လယ် ဆိပ်ကမ်းသို့ ကူးခတ်သွားကာ သူရောက်ရှိလာမှုကို စောင့်မျှော်နေကြသည်။ ဆယ်ရက်ကြာပြီးနောက်ဆုံးတွင် သူတို့က အဖြူရောင်အမြီးနှင့် ရေသူထီးတစ်ကောင်ကို တွေ့လိုက်ပေသည်။ သူက လူသားများ ဝတ်ဆင်သည့် အနက်ရောင် ဂျာကင်လက်တိုတစ်ထည်ကို ဝတ်ဆင်ထား၏။ သူ့၏ အမြီးမှာ ၁.၈ မီ ၁.၉မီတာအထိ အလျားရှိကာ တောက်ပပြီး အဖြူစွတ်စွတ် ကြေးခွံများဖြင့် ဖုံးအုပ်ထားလေသည်။ အမြီးမှာ ရေထဲတွင် သူ့အလိုလို ပြေလျော့နေသည့် ပျော့ပြောင်းလှသော ချည်ထုံးတစ်ခုဟန် ပေါက်လေသည်။

နောက်ဆုံးပေါ် ဖက်ရှင်များကို အမှီလိုက်နိုင်သည့် ရေသူမများက လူသားအဝတ်အစားများ ဝတ်ဆင်ကြသော်လည်း သူတို့၏ ဆံပင်ရှည်ကြီးကိုမူ မဖြတ်ကြချေ။ သို့သော် ဤရေသူထီးက ကွဲပြားလှပြီး သေသပ်သော ငွေရောင်ဆံပင်တို ရှိနေပေသည်။

သူ့အမြီး၏အရောင်မှာ မိုလီ၏ အမြီးအရောင်နှင့် တစ်ထပ်တည်း တူ၏။ သူ့တွင် အံ့ဩစရာကောင်းလောက်သည်အထိ ရှည်လျားသည့် အရပ်အမြင့်ရှိရာ ဤသည်က မိုလီ၏ ကလေးဖြစ်ရပေမည်။

လက်ရှိတွင် သူက ရေကူးကာ ပတ်ဝန်းကျင်ကို လှည့်ပတ်ကြည့်နေပေသည်။ သူက အမြီးအဝါရောင်နှင့် ရေသူမတစ်ဦးကို တွေ့သောအခါ သူမနှင့်စကားပြောရန် ရှေ့သို့တက်လာလိုက်သည်။

"တစ်ဆိတ်လောက်ပါ... လင်းပိုင်တွေက ဘယ်မှာများလဲ..."

ရေသူမမှာ သူ့အားမြင်နိုင်ရန်အတွက် ဆိပ်ကမ်းသို့ လာခဲ့ခြင်း ဖြစ်သော်လည်း ရုတ်ရုတ်သဲသဲ ဖြစ်သွားစေမည့်အစား တိတ်တဆိတ် ဆိုလိုက်လေသည်။

"သူတို့က အရှေ့ဘက်မှာ ကစားနေတာတော့ ကျွန်မတွေ့ခဲ့တယ်..."

စွေ့ချီချောင်းက ကျေးဇူးတင်စကားပြောရန် ခေါင်းညိတ်ပြလိုက်သည်။

စွေ့ချီချောင်းနှင့် ရှောင်ပိုင်၏ကြားမှ ဆက်ဆံရေးမှာ လူသိရှင်ကြား ဖြစ်သွားသည့် အချိန်မှစ၍ စွေ့ချီချောင်းက ရှောင်ပိုင်အား သူနှင့်အတူ မှတ်ဉာဏ်တုလေယာဉ်ထဲသို့ ဝင်ခွင့်ပြုရန် LJJနှင့် ညှိနှိုင်းလိုက်ကာ ရှောင်ပိုင်အား လက်ထောက်မင်းသားတစ်ဦး ဖြစ်လာစေရန် ငြင်းခုန်ခဲ့ကြပေသည်။ LJJမှာ ဤကိစ္စကို လူထုအား ကြေညာရန် ငြင်ဆန်ခဲ့၍ ရှောင်ပိုင်အား မည်သည့်အခါမှ တရားဝင် သရုပ်မှန်တစ်ခု မပေးသလို သူတို့၏ ဆက်ဆံရေးတွင် များစွာသော အာရုံစိုက်မှုကို ဆွဲဆောင်ရန်လည်း ခွင့်မပြုပေ။ အဘယ်ကြောင့်ဆိုသော် သူက ဤသို့ ပြုလုပ်ခဲ့လျှင် ၄င်းက အခြားသော အရာများကြားတွင် သူ့အတွက် LJJ၏ ကြိုတင်စီမံထားသည့် အစီအစဉ်များကို ဖျက်ဆီးလိုက်မည် ဖြစ်ပေသည်။

ဤရေသူမှတ်ဉာဏ်တုလေယာဉ်ပေါ်တွင် ရှောင်ပိုင်က သူ့နောက်သို့ ကြောင်တစ်ကောင်အနေဖြင့် လိုက်လာသည်မှာ သေချာပေါက် ကောင်းမည် မဟုတ်ပေ။ သို့မဟုတ်ပါက သူက တစ်နေ့လုံး ကမ်းခြေတွင်သာ နေနိုင်မည် ဖြစ်သည်။

ပြီးတော့ ဒီမှာ ပင်လယ်စုန်းမကြီးတစ်ကောင် ရှိနေမလားဆိုတာ ဘယ်သူသိမှာလဲ... မရှိဘူးဆိုရင် စွေ့ချီချောင်းက ကုန်းပေါ်ကို သွားဖို့ အခွင့်အရေး လုံးဝမရှိဘူးလေ....

သို့ဖြစ်ရာ ဤတစ်ကြိမ်တွင် ရှောင်ပိုင်က သူနှင့်ဆွေးနွေးကာ လင်းပိုင်တစ်ကောင် ဖြစ်မည်ဟု ဆိုလိုက်သည်။ လင်းပိုင်များနှင့် ရေသူမများက တစ်ခါတစ်ရံ အတူတကွ အမဲလိုက်ကြသည့် တွဲဖက်များ ဖြစ်ကြပေသည်။ ထို့အပြင် ရှောင်ပိုင်သည်လည်း လင်းပိုင်များမှာ ဖြူစင်သော်လည်း ညစ်ညမ်းတတ်သည့် သတ္တဝါများဖြစ်ခြင်းကြောင့် နာမည်ဆိုးဖြင့် ကျော်ကြားသည်ကို ထည့်စဉ်းစားပေသည်။ ထို့အပြင် သူက လင်းပိုင်များမှာ အခြားသော မျိုးစိတ်များကြောင့် နိုးထလာနိုင်သည်မှာလည်း ကောင်းမွန်သည်ဟု တွေးမိပေသည်။

ဘာပဲဖြစ်ဖြစ် အရေးကြီးတာ အဲ့ဒါပဲလေ...

မှတ်ဉာဏ်တုလေယာဉ်ပေါ်သို့ ရောက်ပြီးနောက် စွေ့ချီချောင်းက ရှောင်ပိုင်ကို ရှာမတွေ့ပေ။ သူက ရှောင်ပိုင်မှာ ကမ်မဲလ်ရေပိုင်နက်များအတွင်း ရှိနေနိုင်သည်ဟု မှန်းဆပြီး ထိုနေရာသို့ ထွက်လာခဲ့ပေသည်။ ယခုတွင် စွေ့ချီချောင်းက ရှောင်ပိုင်အား ရေပိုင်နက်များအားလုံးတွင် လိုက်ရှာနေပေသည်။

အမြီးအဝါနှင့် ရေသူမက မနေနိုင်ဘဲ မေးလိုက်လေသည်။

"ငါပြောချင်တာ... နင်ကမိုလီရဲ့ ကလေးလား..."

စွေ့ချီချောင်းက အမြီးအဝါနှင့် ရေသူမကို ကြည့်ကာ ခေါင်းညိတ်ပြလိုက်သည်။ သူက ရေပူဖောင်းတစ်ခုကို မှုတ်ထုတ်ပြီးနောက် ပါးစပ်ကို ပိတ်လိုက်သည်။ သူက ဤမှတ်ဉာဏ်တုလေယာဉ်ပေါ်သို့ ရောက်ခါစ ဖြစ်သည်မှာ သိသာလှကာ ဤကဲ့သို့ ပတ်ဝန်းကျင်တစ်ခုတွင် ရှိနေခြင်းနှင့် အသားမကျနိုင်ချေ။

တစ်ဖက်လူမှာ ရေပူဖောင်းကိုမြင်ပြီးနောက် ကြောင်အသွားပြီး အနည်းငယ် စိတ်ဆိုးသွားလေသည်။

"နင့်ရဲ့ စိတ်ဓာတ်က ဘယ်လိုဖြစ်နေတာလဲ... ငါက နင့်ကို မိုလီရဲ့ ကလေးလားပဲ မေးမိတာပါ... ဘာလို့ ငါ့ကို ပူဖောင်းတွေ မှုတ်ထုတ်ခိုင်းတာလဲ... မောက်မာလိုက်တဲ့ ရေသူထီးကောင်... အခုတော့ နင်က ကမ်မဲလ်ရဲ့ သရဖူကို သိမ်းပိုက်မယ်ဆိုတာ ငါသေချာနေပြီ..."

အဲ့တော့ ရေသူမတစ်ယောက်ကို ရေပူဖောင်းတွေ မှုတ်ထုတ်တာက မယဉ်ကျေးဘူးပေါ့...

သို့သော် စွေ့ချီချောင်းမှာ တစ်ဖက်လူမှ ပြောလာသည့် "သရဖူ"ဟူသည်ကို ပို၍ စိတ်ဝင်စားပေသည်။ သူဖတ်ခဲ့သည့် သတင်းအချက်အလက်ကို ပြန်တွေးတောကြည့်ကာ သူက သံသယအပြည့်နှင့် မေးလိုက်သည်။

"ဘာ သရဖူလဲ... ကမ်မဲလ်ပေါ်မှာ ဘယ်လိုလုပ်ပြီး သရဖူတစ်ခု ရှိနေတာလဲ..."

ဒီနားက ရေသူမတွေက အစိုးရအဖွဲ့အစည်းမရှိဘဲ ခေါင်းဆောင်တစ်ယောက်တောင် ရှိမနေတာလား...

အမြီးအဝါနှင့် ရေသူမက ချက်ချင်းဆိုလိုက်သည်။

"ငါတို့က ကမ်မဲလ်ရဲ့ ဧကရာဇ်တစ်ယောက်ကို မဲနှိုက်မရွေးရသေးပေမဲ့ ကမ်မဲလ် ရေသူမအင်ပါယာက ထူထောင်ပြီးပြီ... နင့်လို ကောင်လေးတစ်ယောက်က ဧကရာဇ်ဖြစ်မလာခင် ဟိုးအရင်ကတည်းက..."

စွေ့ချီချောင်း - "နင်တို့အကုန်လုံးအတွက် ဒီမှာ အင်ပါယာတစ်ခု ထူထောင်ဖို့က နည်းနည်းတော့ အလောတကြီး နိုင်မှာပဲနော်... ကမ်မဲလ်ရဲ့ ပမာဏပေါ် မူတည်ရင် နင်တို့က အရင်ဆုံး ရွာတစ်ရွာ ထောင်ပြီး ရွာလူကြီးတစ်ယောက်ကို အရင်ဆုံးစမ်းပြီး မဲပေးကြည့်လို့ရတယ်..."

အမြီအဝါနှင့် ရေသူမ - "..."

သူက စွေ့ချီချောင်း၏ ရိုးသားသော စကားများကို စိတ်ဆိုးသွားပြီး ပါးစပ်ကို အကြိမ်အနည်းငယ် အဖွင့်အပိတ်လုပ်လိုက်လေသည်။

"သေစမ်း... မင်းက ကြီးမြတ် ကမ်မဲလ်ဧကရာဇ်ကို စော်ကားရဲတယ်ပေါ့..."

သို့သော် စွေ့ချီချောင်းသည်လည်း အမှန်တကယ်တွင် မမှန်ကန်ပေ။ အမှန်တရားမှာ ကမ်မဲလ် အင်ပါယာ တည်ထောင်ထားသည်က သုံးလခန့်သာ ကြာပြီဖြစ်ပြီး အဆင်ပြေနေသည့်ဟန် မရပေ။

အမြီးအဝါနှင့် ရေသူမက သူ၏ နောက်ကျောတွင် ချည်ထားသော အရိုးခက်ရင်းခွတစ်ချောင်းကို ထုတ်လိုက်ပြီး မီးတောက်နေသော မျက်လုံးများဖြင့် စွေ့ချီချောင်းကို ကြည့်လိုက်သည်။

"ဧကရာဇ်ရဲ့ ဂုဏ်သရေကို မျက်မြင်တွေ့ရဖို့ မင်းရဲ့ သောက်ကျိုးနည်းကြေးခွံတွေကို သုံးစမ်း..."

ဤစကားကို ကြမ်းတမ်းလှသော အမူအရာတစ်ခုဖြင့် အော်ဟစ်ပြီးနောက် အမြီးအဝါနှင့် ရေသူမ၏ ခန္ဓာကိုယ်တစ်ခုလုံးက ရုတ်တရက် တုန်ယင်လာပြီး အရိုးခက်ရင်းခွကြီးကို ကိုင်ထားသော သူ့လက်က ရုတ်တရက် ခွန်အားများအားလုံး ပျောက်ဆုံးသွားလေသည်။ ခေါက်ဆွဲဖက်တစ်ခုကဲ့သို့ ၄င်းက သူ့ပေါ်တွင် ပျော့ ပျောင်းစွာ ရှိနေပြီး ပင်လယ်လှိုင်းများနှင့်အတူ သဘာဝအလျှောက် မျောလွင့်နေပေသည်။ သူ၏ အမူအရာမှာ အလွန်ထူးခြား၏။ ၄င်းက စွေ့ချီချောင်းအပေါ် အာရုံစိုက်မှု ပျောက်ဆုံးသွာဟန် ရ၏။

စွေ့ချီချောင်းက လုံးဝန်းသော မီးခိုးရောင် ငါးပူတင်းတစ်ကောင်ကို တွေ့လိုက်သည်။ ၄င်း၏ ခန္ဓာကိုယ်တစ်ခုလုံးက ဘောလုံးကြီးတစ်ခုအဖြစ် ကျယ်ပြန့်လာပြီး ၄င်း၏ မျက်လုံးများက ပြူးကျယ်နေကာ ရေသူမကို စိုက်ကြည့်နေလေသည်။ ရေသူမကို အဆိပ်ခတ်ရန် ၄င်း၏ အဆိပ်များကို ကိုယ်တိုင် ထုတ်လွှတ်လိုက်သည်မှာ ထိုငါးပူတင်းပင် ဖြစ်သည်။

လောလောဆယ်တွင် အမြီးအဝါနှင့် ရေသူမ၏ အမူအရာက ပိုပို၍ ထူးခြားလာ၏။ ရေသူမများအပေါ်တွင် ငါးပူတင်းအဆိပ်၏ အကျိုးသက်ရောက်မှုမှာ ပထမဆုံး သူတို့၏ အာရုံခံစားမှုများကို ထိုင်းမှိုင်းသွားစေခြင်း ဖြစ်သည်။ ထို့နောက် သူတို့၏ ဦးနှောက်က တိတိကျကျ တွေးတောရန် ခက်ခဲနေမည်ကို တွေ့ရ၏။ မကြာမီတွင် သူတို့က ရှင်းမပြနိုင်သည့် စိတ်လှုပ်ရှားမှုအတွင်း ကျေရာက်သွားမည် ဖြစ်သည်။

တစ်ခါက လူသား သင်္ဘောတစ်စီးအား ပေါက်ကွဲရန် ကြိုးစားပြီး လူသားများကို လွတ်မြောက်ရန် ခွင့်မပြုသည့် ငါးပူတင်းတစ်ကောင်ထံမှ မတော်တဆ အဆိပ်ခပ်ခံလိုက်ရသည့် ရေသူမတစ်ကောင်ရှိပေသည်။ တစ်ဖက်လူအား အခြားသော ရေပိုင်နက်များထဲသို့ ဆွဲခေါ်သွားသည့် အဆိပ်သင့် ရေသူမများလည်း ရှိပေသည်။ ထိုအချိန်မှစပြီး လူသားများက အမျိုးမျိုးသော ဆိုးဝါးသည့် လုပ်ဆောင်ချက်များကို ပြုလုပ်နေသည့် ပင်လယ်မကောင်းဆိုးဝါးများ၏ ဒဏ္ဍာရီပုံပြင်များကို စတင်ဖြန့်ဝေလာကြသည်။

အမြီးအဝါနှင့်ရေသူမက စိတ်လှုပ်ရှားမှု ခံစားရမည့် အဆင့်သို့ စတင်ဝင်ရောက်လာပြီး ဖြစ်သည်။ စိတ်ထဲတွင် အမြီးအဝါရောင်နှင့် ရေသူမက ရုန်းကန်နေဆဲ ဖြစ်ပြီး စွေ့ချီချောင်းကို အကြိမ်များစွာ စိုက်ကြည့်ရန် ကြိုးစားသော်လည်း သန္တာကျောက်တန်းတစ်ခုကို မ,မဘဲ မနေနိုင်ချေ။ ရေသူမ၏ အမြီးက ရူးသွပ်စွာ လှုပ်ယမ်းနေပြီး ကျည်ဆန်တစ်ခုသဖွယ် ရှေ့သို့ တက်လာလေသည်။ သူက ဤသို့ ပြုလုပ်ရာ ပူဖောင်းအတန်းလိုက်က ရေထဲတွင် ပျံ့နှံ့သွားသည်။ မျက်တောင်တစ်ခတ်အတွင်းမှာပင် အမြီးအဝါနှင့် ရေသူမက ပျောက်ကွယ်သွားလေသည်။

စွေ့ချီချောင်း - "..."

စွေ့ချီချောင်းက ငါးပူတင်းကို လှမ်းကြည့်လိုက်သည်။ ၄င်းက အရွယ်ရောက်ပြီးသား အကောင်နှင့် မတူဘဲ ငါးပူတင်းများကြားတွင် အကောင်ကြီးနေခြင်းသာ ဖြစ်၏။

ရေသူထီးနှင့် ငါပူတင်းက အချိန်အကြာကြီး တစ်ဦးနှင့်တစ်ဦး စိုက်ကြည့်နေလေသည်။

အတန်ကြာပြီးနောက် စွေ့ချီချောင်းက မေးလိုက်သည်။

"မင်းက... ရှောင်ပိုင်လား...."

ငါးပူတင်း - "ငါ မဟုတ်ပါဘူး..."

စွေ့ချီချောင်း - "....."

ငါးပူတင်း - "....."

သူတို့က တိုက်ရိုက်မဆက်သွယ်နိုင်သော်လည်း သီးသန့်ဆက်သွယ်ရေးလမ်းကြောင်းတစ်ခုကို အမှန်တကယ် တပ်ဆင်ထားပေသည်။ သူတို့နှစ်ဦးသာလျှင် တစ်ဦးနှင့် တစ်ဦးထံမှ အချက်ပြခြင်းများကို လက်ခံနိုင်ပြီး အပြင်လူများက သူတို့ကို မကြားနိုင်ပေ။

စွေ့ချီချောင်းက ရှောင်ပိုင်ကို မမှတ်မိလုနီးပါးပင် ဖြစ်သွားသည်။ ငါးပူတင်း၏ မျက်လုံးများက ပြူးကျယ်နေပြီး လူများကို တစ်ချိန်လုံး စိုက်ကြည့်နေသကဲ့သို့ သွင်ပြင် ရှိပေသည်။ နောက်ဆုံးတွင် စွေ့ချီချောင်းက ငါးပူတင်းထံတွင် ရင်းနှီးမှုအချို့ အာရုံခံနိုင်ခဲ့ပေသည်။

သို့သော် စွေ့ချီချောင်းက မလှုပ်ခဲ့ပေ။

ရှောင်ပိုင်က ဘာလို့ ငါးပူတင်း ဖြစ်လာတာလဲ... သူတို့က ရှောင်ပိုင်ကို လင်းပိုင်တစ်ကောင်ဖြစ်လာဖို့ သဘောတူထားပြီးသား မဟုတ်ဘူးလား...

ရေသူမများနှင့် လင်းပိုင်များက အပေါင်းအဖော်များ ဖြစ်ရန်မှာ အတွေ့များသော်လည်း ရေသူမတစ်ယောက်က ငါးပူတင်းတစ်ကောင်နှင့် အဖော်ပြုနေလျှင် အလွန်ထူးဆန်းပေသည်။

အဲ့ဒါက ဘယ်လောက် ဖရိုဖရဲနိုင်မလဲ စဉ်းစားကြည့်ပါဦး...

ကျန်းထန်ဝေ့၏ပုံက တဖြည်းဖြည်း ပုံမှန်သို့ ပြန်ရောက်လာလေသည်။ သူကိုယ်တိုင်လည်း ရူးသွပ်လုနီးပါး ဖြစ်နေသည်ဟု ခံစားနေရပေသည်။ သူက LJJအား လင်းပိုင်တစ်ကောင်ဖြစ်လိုသည်ဟု ရှင်းရှင်းလင်းလင်း ပြောခဲ့၏။ သို့သော် LJJ၏ ပရိုဂရမ်မာများက ဘာလုပ်နေသည်ကို သူ မသိပေ။

သူတို့ ငါ့ကို တမင်အရူးလုပ်တာပဲ ဖြစ်ရမယ်... ပြီးတော့ မမျှော်လင့်ထားဘဲ ငါ့ကို ငါးပူတင်းတစ်ကောင်တောင် ပြောင်းပစ်သေးတယ်...

စွေ့ချီချောင်းက ရှေ့သို့လာကာ ကျန်းထန်ဝေ့ကို ညင်ညင်သာသာ ကိုင်ထားလိုက်သည်။

"ဒါ တကယ်ကြီး မင်းပဲ..."

ကျန်းထန်ဝေ့က ဝမ်းနည်းစွာ ဆိုလိုက်သည်။

" ကျွန်တော် အရူးလုပ်ခံလိုက်ရပြီ..."

ဤစကားကို ကြားပြီးနောက် စွေ့ချီချောင်းက ဆိုလိုက်သည်။

"ဘာပဲဖြစ်ဖြစ် မင်းက ပရိုဂရမ်မာတွေကို အကြိမ်အများကြီး အရူးလုပ်ခဲ့ပြီးပြီးပဲ... ထားလိုက်ပါတော့..."

ကျန်းထန်ဝေ့က ဤစကားကြောင့် စိတ်ဆွခံလိုက်ရပြီး ချက်ချင်းပင် ဒေါသဖြစ်လာလေသည်။ သူက ယခုအချိန်အထိပင် စွေ့ချီချောင်း၏ တွဲဖက်အဖြစ် သူ့ရာထူးကို အမှန်ပင် မရရှိသေးပေ။

"မင်းက သူတို့ကို ကျွန်တော်နဲ့အတူ ကျိန်ဆဲသင့်တာလေ... ဟုတ်တယ်မလား..."

စွေ့ချီချောင်းမှာ အခြေအနေက အနည်းငယ် ရယ်ရသည်ဟု ခံစားရပေသည်။

"မင်း ဒီမှာ စိတ်ကိုထိန်းတာပိုကောင်းမယ်... မဟုတ်ရင် အရမ်းသိသာနေလိမ့်မယ်..."

ကျန်းထန်ဝေ့ - " ကျွန်တော့်မှာ ဘာစိတ်ရှိလို့လဲ... ကျွန်တော်က စိတ်ကောင်းရှိပါတယ်..."

စွေ့ချီချောင်း - " ထပ်ပြီးတော့ ဖောင်းကားလာတာ မင်းကိုယ်မင်း မသိဘူးလား..."

ကျန်းထန်ဝေ့ - "....."

ပြီးသွားပြီ... ငါ့ရဲ့ ငါးပူတင်းခန္ဓာကိုယ်နဲ့ဆိုရင် ငါဘယ်လိုခံစားရလဲဆိုတာကို ခန္ဓာကိုယ်က အဆင်သင့် ဖော်ပြနေတော့မှာ... ငါ ဒေါသတွေကို ဖောင်းမလာအောင် လုပ်လို့မရဘူး...

စွေ့ချီချောင်းက ကျန်းထန်ဝေ့ကို သူ့နောက်လိုက်ရန် ပြောလိုက်ပြီး ပင်လယ်ဆိပ်ကမ်းဘေးတွင် အခြေချလိုက်သည်။

ဤအဖြစ်အပျက်ပြီးနောက် ကမ်မဲလ်ရေပိုင်နက်များအတွင်းရှိ ရေသူမများက မိုလီ၏ ကလေးမှာ ကမ်မဲလ်ရေပိုင်နက်များအတွင်းမှ ရေသူမများ၏ မျက်နှာကို ဖြတ်ရိုက်ရန် ရောက်လာသည်ဟု သိကြသည်။ နာမည်ကျော်နေသည့် ကောလဟာလနှစ်ခုရှိပေသည်။ တစ်ခုမှာ စွေ့ချီချောင်းက ဤနေရာသို့ ဧကရာဇ်ဖြစ်ရန် ရောက်လာခြင်းဖြစ်ပြီး အခြားတစ်ခုမှာ စွေ့ချီချောင်းက လက်ရှိအင်ပါဟာကို အထင်သေးကာ ဧကရာဇ်က ရွာလူကြီးတစ်ဦးနှင့်ပင် နှိုင်းယှဉ်၍ မရနိုင်ဟု ခံစားရသည်ဟူ၍ပင်။

ဤကောလဟာလမှာ မည်သည့် အမျိုးအစားပင် ဖြစ်စေ ကမ်မဲလ် ရေပိုင်နက်များ၏ ရေသူမများက ၄င်းတို့ကိုကြားရာ အလွန်ဒေါသထွက်နေကြပေသည်။ သူတို့က အချင်းချင်း ဆုံကြသည့်အခါ မေးလာပေသည်။

"နင်တို့ ထရစ်စတန်ကို တွေ့ပြီးပြီလား... သူက ဘယ်လိုပုံစံမျိုးလဲ..."

ပင်လယ်ထဲတွင်လည်း ပျံ့နှံ့နေသည့် ကြမ်းတမ်းလှသော ကောလဟာလများ ရှိပေသည်။ ထရစ်စတန်အား ရှာရန်အတွက် အမြီးဖြူနှင့် ရေသူထီးတစ်ကောင်ကို ဦးဆုံးရှာရန် လိုပေသည်။ လင်းပိုင်များ၊ ကြယ်ငါးများနှင့် ဝေလငါးများ အဖော်အဖြစ်ထားရှိသည့် အခြားသော ရေသူမများနှင့် မတူဘဲ ဤရေသူထီးက အဖော်အဖြစ် ငါးပူတင်းတစ်ကောင် ရှိပေသည်။ ထို့အပြင် ဤငါးပူတင်းမှာ လောကကြီးတွင် ဆတ်ဆတ်ထိ မခံဆုံးသော စိတ်မြန်လက်မြန် အရှိဆုံးသော ငါးပူတင်းဖြစ်နိုင်ပေသည်။ ၄င်းက နေ့တစ်နေ့၏ ၂၄နာရီတွင် ၁၈နာရီခန့် ပူဖောင်းမှုတ်နေမည် ဖြစ်သည်။

ထို့အပြင် တစ်စုံတစ်ယောက်က ဤငါးပူတင်းကို မြင်လျှင် ထိုဘေးမှ ရေသူထီးမှာ ထရစ်စတန်ဖြစ်သည်မှာ သံသယဝင်ရန်ပင် မလိုချေ။

🐡🐡🐡

( လင်းပိုင်မဟုတ်ဘဲ ငါးပူတင်းဖြစ်သွားရတယ်လို့ အူတက်သော်ကေပြီ🤣)

Prev Next