MM Story Teller

Chapter 199

Viewers 29k

🌱Extra 3

Ch 199

အယောင်ဆောင်ခြင်း (၃)

ကမ်မဲလ်ရေပိုင်နက်များမှာ လူသားကျေးရွာများနှင့် နီးကပ်သော်လည်း ထိုရေပိုင်နက်များမှာ ကောင်းမွန်စွာ ကာကွယ်ထားပေသည်။ ထို့အပြင် ကမ္ဘာကျော် နာမည်ကြီးသတ္တဝါများ၊ ရေသူမများ၏ ဂုဏ်သတင်းကြောင့် ဒေသခံ အာဏာပိုင်များက အားလပ်ရက် ခရီးသွား ကဏ္ဍကို တိုးတက်စေရန် ပို၍စိတ်အားသန်နေကြသည်။

လူသားအများအပြားက ရေသူမများနှင့် ပိုမိုထိစပ်မှုရှိကာ သဟဇာတဖြစ်ရန် အားပေးနေကြသော်လည်း ရေသူမများက လူသားများကို သူတို့၏ကမ္ဘာသို့ ဝင်ရောက်စေလိုခြင်း မရှိကြချေ။ သူတို့တွင် တိုက်ရိုက်ဆန်ကာ အထိမခံသော အကျင့်စရိုက်များ ရှိကြပေသည်။ သူတို့က လူသားဓလေ့ကို နားလည်လိုခြင်းထက်မပိုပေ။

ဥပမာဆိုရလျှင် နွေရာသီတွင် ကမ်မဲလ်သို့ လာလည်ကြသော ခရီးသွားများက ရေအောက်လှုပ်ရှားမှုများစွာတွင် ပါဝင်ကာ ရေသူမများကို ကြည့်ခွင့် ရှိသည်။ ထို့အပြင် ရေသူမများက ခရီးသွားများကိုတွေ့လျှင် စကားပြောလိုစိတ် ရှိနိုင်ပေသည်။ သို့သော် ရေသူမများက ခရီးသွား လုပ်ငန်းများဖြင့် ပူးပေါင်းရန်မှာ မဖြစ်နိုင်ပေ။

ထို့အပြင် ခရီးသွားတစ်ဦးက အမှိုက်ဖွခြင်းကဲ့သို့ ရိုင်းစိုင်းသည့် အပြုအမူတစ်ခု ပြုလုပ်ပါက ဒေါသထွက်နေသည့် ရေသူမများ၏ ဝန်းရံခြင်းကို ခံရပေမည်။ ဤသည်က ဟာသတစ်ခု မဟုတ်ပေ။ တစ်ခါက ခရီးသွားအချို့က ရေသူမများကို ရန်စမိ၍ အကျိုးဆက်အနေဖြင့် တစ်နာရီလျှင် ရေမိုင် ၅၀သို့ ၆၀နှုန်းဖြင့် ရေအောက်သို့ ငါးနာရီကြာ ဆွဲခေါ်သွားခြင်း ခံရပေသည်။

အချို့သော တိုင်းပြည်များသည်လည်း ရေသူမများအပေါ် အလွန်မဖော်ရွေကြပေ။ သမိုင်းတစ်လျှောက်တွင် လူသားတိုင်းပြည်များနှင့် ရေသူမများကြားတွင် စစ်ပွဲများပင် ဖြစ်ပွားခဲ့သည်များလည်း ရှိ၏။ လူသားများတွင် သိပ္ပံနှင့် နည်းပညာဆိုင်ရာလက်နက်များရှိပြီး ရေသူမများတွင် သဘာဝလက်နက်များ ရှိနေပေသည်။ သူတို့က အခြားသူများကို တိုက်ခိုက်ရန်အသံလှိုင်းများ ပေးပို့နိုင်ပြီး အထင်ကြီးလောက်သည့် ခွန်အား၊ ကောင်းမွန်သည့် အမြင်အာရုံနှင့် လျင်မြန်သော ရေကူးနှုန်းများလည်း ပိုင်ဆိုင်ထားလေသည်။ ၄င်းတို့အားလုံးထက် သူတို့က အချို့သော ဝေလငါးများနှင့် ငါးမန်းများအပါအဝင် ရေနေတိရစ္ဆာန်များကို အမိန့်ပေးနိုင်လေသည်။ ထို့အပြင် သူတို့တွင် သန်မာသော တိုက်ခိုက်နိုင်စွမ်းများလည်း ရှိကြ၏။ ထိုစစ်ပွဲများ၏ အဆုံးတွင် နှစ်ဘက်စလုံးက ထင်ရှားလှသည့် ဆုံးရှုံးမှုများ ခံစားရလေသည်။

ကမ်မဲလ်ရေပိုင်နက်များသို့ ရောက်သည့်အခါ စွေ့ချီချောင်း ပြုလုပ်ခဲ့သည့် ပထမဆုံးအရာမှာ ရေအရည်အသွေးနှင့် ငါးမျိုးစိတ်များ၊ ကျောရိုးမဲ့တိရိစ္ဆာန်များ၊ စားနိုင်သည့်ရေညှိများနှင့် ဤဒေသအတွင်းရှိ လူသားများနှင့် ကုန်သွယ်နိုင်သည်များကို လေ့လာလိုက်သည်။ သူက အနီးအနားတွင် မျိုးစိတ်မည်မျှ ရှိနေသည်ကိုလည်း တွက်ချက်လိုက်သည်။

ငါးသေတ္တာငါး၊ တရုတ် အမြီးသေး ငါးပါးနီ၊ ငါးရှဥ့်နှင့် အရိုးနုငါးညိုအစရှိသည်တို့ကဲ့သို့ ကမ်မဲလ်ရေပိုင်နက်အတွင်းရှိ ငါးအမျိုးအစား ၃၀၀ကျော်ကို ကုန်သွယ်ခြင်း ရည်ရွယ်ချက်ဖြင့် အသုံးပြုနိုင်လေသည်။ ကျောရိုးမဲ့ သတ္တဝါများအတွက်မူ ပင်လယ်ဂဏန်းများ၊ ရေခူများ၊ ပြည်ကြီးငါးများ၊ ပုစွန်များစသည်တို့ ရှိ၏။

ဤနေရာတွင် နေထိုင်ကြသည့် ရေသူမအများစုမှာ အဝတ်အစားနှင့် အစားအသောက် ချို့တဲ့မှုအတွက် စိတ်ပူရန်မလိုပေ။ သူတို့က ပင်လယ်ထဲတွင် နေထိုင်ကြသည်ဖြစ်ရာ သူတို့၏အာဟာရကို ပင်လယ်မှ ရရှိ၏။ သူတို့က ပင်လယ်၏ "လူသားများ"ဖြစ်ပြီး ချက်ပြုတ်နည်း မျိုးစုံနှင့် ကောင်းမွန်သည့် အစာချေနိုင်စွမ်းကို ပိုင်ဆိုင်ထားကြသည်။ သူတို့က ရေထဲတွင် အစွမ်းအထက်ဆုံး သတ္တဝါများဖြစ်နိုင်၏။

ရေသူမများက ပြင်ပအကြောင်းအရာများကြောင့် ပိုင်နက်အတွင်း၌ မည်သည့် အစားအသောက်မှ မရှာနိုင်လျှင် အစာရှာရန် သို့မဟုတ် လူသားလှေတစ်စင်းကို ယဉ်ကျေးစွာ တားဆီးပြီး အစားအသောက်တောင်းရန်အတွက် အဝေးရှိ ရေပိုင်နက်ဆီသို့ အလျင်အမြန် ကူးသွားနိုင်သည်။

စွေ့ချီချောင်းမှာ သူ၏ကိုယ်ပိုင်သီးနှံကို စိုက်ပျိုးရန်အတွက် ဦးဆုံးတွေးမိသည့် ပထမဆုံး ရေသူထီး ဖြစ်နိုင်ပေသည်။ မည်သို့ပင်ဆိုစေ သူက ဤနေရာသို့ လာရောက်ကာ အပင်စိုက်လိုစိတ်ကို ဖွင့်ထုတ်သည့် လူသားတစ်ဦးပင်။ ကမ်မဲလ်သို့ရောက်ရှိသော သူ့၏ ပထမဆုံးနေ့တွင် ပင်လယ်ရေမှော် မျိုးစေ့များစွာနှင့် သူ့အိမ်အနီးတွင် ရေစီးအလွန်မြန်သည့် နေရာတစ်ခုကို တွေ့ရှိပေသည်။ ထို့နောက် သူက ထိုနေရာတွင် ပင်လယ်ရေမှော်များ စိုက်လိုက်သည်။

ထိုအခိုက်အတန့်တွင် အခြားသော ရေသူမများက ကောလဟာလများ ဖြန့်ကာ စွေ့ချီချောင်းမှာ သရဖူအတွက် တိုက်ခိုက်လာပြီဟု ဆိုနေကြသည်။ သူတို့က စွေ့ချီချောင်း ပင်လယ်ရေမှော်များ စိုက်နေသည်ကို တွေ့ရာ အခြားရေသူမများက သူ့ကို တိုက်ခိုက်လာလျှင် မာကြောအောင် ပြုလုပ်နေသည်ဟု တွက်ဆထားကြပေသည်။

သို့သော် နောက်ပိုင်းတွင် စွေ့ချီချောင်းက မည်သည့် လှုပ်ရှားမှုမှ မလုပ်သည်ကို သူတို့က တွေ့ရှိသွားသည်။ သူက အခြားရေသူမများကို သူ့၏ ငါးပူတင်းအား စကားပြောသည်ထက်ကြာအောင် ပြောဆို၏။

ဆိုးသွမ်းသောစိတ်ထားနှင့် ငါးပူတင်းက တစ်ခါတစ်ရံတွင် စွေ့ချီချောင်းဘေးမှ ထွက်လာကာ အပြင်သို့ ကူးသွားသည်။ အချို့သော ရေသူမများက သူ့အား ချဉ်းကပ်ကာ စွေ့ချီချောင်းအကြောင်း မေးသော်လည်း သူက ပူဖောင်းများ မှုတ်ထုတ်ကာ ဆိုးသွမ်းသည့် စကားများ ရေရွတ်လိုက်ပေသည်။

စွေ့ချီချောင်းက မကြာမီတွင် ပေါ်လာမည်ဖြစ်ရာ ငါးပူတင်းကို သေအောင်ထိုးနှက်ရန်က မဖြစ်နိုင်ပေ။ စွေ့ချီချောင်းက ယှဉ်ပြိုင်ခြင်းတွင် မိုလီ၏ အရည်အချင်းကို အမွေရထား၏။ သူက သူ့၏ယဖခင်ထံမှ ထူးဆန်းသော တိုက်ခိုက်စွမ်းရည်ကိုလည်း သင်ယူထားသည်။

တဖြည်းဖြည်းနှင့် ရေသူမများက စွေ့ချီချောင်းမှာ ပင်လယ်ရေမှော်သာမက အခြားသော ရေညှိအမျိုးအစားများကိုလည်း စိုက်ပျိုးနေသည်ကို သဘောပေါက်သွားသည်။ သူက အခွံမာငါးများနှင့် ငါးများကိုလည်း မွေးမြူနေသည်။ အချို့သော ရေသူမများက စွေ့ချီချောင်း စိုက်ပျိုးကာ ပျိုးထောင်နေသည့် မျိုးစိတ်များအားလုံးမှာ လူသားများကြားတွင် အလွန်နာမည်ကျော်သည်ကို တွေ့ရှိသွားသော်လည်း သူတို့က ၄င်းကို များစွာ အရေးမစိုက်ပေ။

အစပိုင်းတွင် ရေသူမများက "လယ်စိုက်ခြင်း"နှင့် "သားဖောက်ခြင်း"ဆိုသည်က မည်သည်ကို မသိကြရာ စွေ့ချီချောင်း မွေးထားသည်များကို ခွင့်ပြုချက်မရဘဲ ယူဆောင်ကြ၏။ စွေ့ချီချောင်းမှာ သူ့၏ စိုက်ပျိုးရေးနှင့် သားဖောက်ခြင်းကို လုံလုံလောက်လောက် စီစဉ်ထားသည်ဖြစ်ရာ သူတို့၏ အရည်အသွေးက ကောင်းမွန်လှသည်။ ရေသူမများ အခြားနေရာတွင် တွေ့ရသည့် အစားအသောက်များနှင့် စွေ့ချီချောင်း၏ အစားအသောက်များကို နှိုင်းယှဉ်ပါက စွေ့ချီချောင်း၏ အစားအသောက်များက မည်မျှကောင်းမွန်သည်ကို အလွယ်တကူ ပြောနိုင်ပေသည်။ သူ၏အစားအသောက်များက ပို၍ အရသာရှိပေသည်။

သို့ဖြစ်၍ စွေ့ချီချောင်းမှာ သူ့၏ "ပြုလုပ်ရန်စာရင်း" ထဲသို့ ထပ်ထည့်လိုက်သည့် နောက်ထပ်အရေးကြီးလှသော လုပ်ငန်းတစ်ခု ရှိလာလေသည်။ ၄င်းမှာ ထိုရေသူမများကို မောင်းထုတ်ရန်နှင့် သူတို့ကို အကျိုးသင့်အကြောင်းသင့် ပြောပြရန် ဖြစ်သည်။

ထိုအစားအသောက်များက အလွန်အရသာရှိကာ ဖွံ့ထွားနေရခြင်းမှာ သူက ၄င်းတို့ကို စိုက်ပျိုးနေခြင်းကြောင့်ဖြစ်သည်။ ထို့အပြင် စိုက်ပျိုးနေသည်မှာ သူဖြစ်၍ ၄င်းတို့က သူ့အစားအသောက်များ ဖြစ်ကြသည်။ အခြားရေသူမများက အလိုရှိသလို ယူသွား၍ မရနိုင်ပေ။ မည်သို့ပင်ဆိုစေ သူတို့က ပုလဲများကိုပေးကာ သူ့၏ အစားအသောက်အချို့နှင့် လဲလှယ်နိုင်ပေသည်။

မကြာမီတွင် စွေ့ချီချောင်းတွင် ပုလဲ တစ်သေတ္တာရှိလာပေသည်။

နောက်ပိုင်းတွင် စွေ့ချီချောင်းမှာ သူ့၏ အစားအသောက်များအားလုံးကို အကုန်မစားနိုင်သည်မှာ အံ့ဩစရာမရှိသည်ကို သဘောပေါက်သွား၏။ သူက ရေနေတိရိစ္ဆာန်များစွာကို မွေးမြူကာ ရေနေအပင်များစွာကို စိုက်ပျိုးထားသည်။ ထို့နောက် သူတို့က ဤသည်မှာ အင်ပါယာကို သိမ်းပိုက်ရန်အတွက် သွေးနှော ရေသူထီးတစ်ဦး၏ လျှို့ဝှက်အကြံအစည်ဖြစ်ရမည်ဟု တွေးလိုက်ကြသည်။ ၎င်းမှာ လျှို့ဝှက်ကြံစည်မှုတစ်ခု ဖြစ်ရမည်မှာ အမှန်ပင်။ မည်သို့ပင်ဆိုစေ သူ့၏ ဖခင်က ရေသူထီး မျိုးရိုးထက် လူသားမျိုးရိုး ပိုရှိပေသည်။

သူက သူ့အင်္ကျီလက်ထဲမှာ ထူးဆန်းတဲ့ လှည့်ကွက်တွေ အများကြီး ရှိနေတယ်ဆိုတာ သူတို့က သေချာတယ်...

ပြီးတော့ စွေ့ချီချောင်းမပြောနဲ့ သူတို့တောင် အဲ့အစားအသောက်တွေအကုန် မစားနိုင်ဘူး... အများကြီး ကျန်နေဦးမှာ... အဲဒါက ဘာအတွက်လဲ...

.....

လအနည်းငယ်ကုန်ဆုံးသွားပြီး ဤအချိန်အတွင်း စွေ့ချီချောင်းက ရေညှိနှင့် အခွံမာငါး ၁သောင်း ကီလိုဂရမ်ခန့် ပျိုးထောင်ပြီး ဖြစ်သည်။ ရေသူထီးတစ်ကောင်ဖြစ်လာပြီး ရေသူထီးတစ်ကောင်အနေနှင့် ရေအောက်တွင် အလုပ်လုပ်ကာ ကောင်းမွန်သည့် ရုပ်ခွန်အားရှိသည်မှာ သူ့အတွက် အဆင်ပြေလှသည်။ သူက လင်းပိုင်များ၊ ဝေလငါးများကဲ့သို့ အချို့သော ပျင်းရိနေသည့် ရေနေသတ္တဝါများအား သူ့ကို ကူညီပေးရန် ရှာဖွေနိုင်၏။

စွေ့ချီချောင်းက လက်ရှိတွင် အချို့သော ငါးမန်းများကို အထမ်းသမားအဖြစ် လုပ်ကိုင်ပြီး ပင်လယ်နက်ထဲသို့ ကုန်ပစ္စည်းများ ရွေ့ရန်တွေ့ရှိထားပေသည်။ သို့သော် လမ်းတစ်ဝက်တွင် ထိုငါးမန်းများက ခေါင်းခါကာ စွေ့ချီချောင်းကို ချန်ထားခဲ့ပေသည်။

အောက်သို့ အနည်းငယ်ဆက်သွားပါက သူတို့က ပင်လယ်ရေနက်ပိုင်းနှင့် နီးကပ်နေပြီး ဖြစ်လေသည်။ ငါးမန်းများက ထိုနေရာရှိ ရေဖိအားကို မခံနိုင်ပေ။

ရှောင်ပိုင်ပင် ၄င်းကို မခံနိုင်ပေသည်။ သူက လက်ရှိတွင် ကမ်းရိုးတမ်းရေများအနီးတွင်သာ နေနိုင်သည့် ငါးပူတင်းတစ်ကောင်သာ ဖြစ်ပေသည်။ ရှောင်ပိုင်သာ အောက်သို့ ထပ်မံ ကူးခတ်ပါက ပေါက်ကွဲထွက်သွားမည် ဖြစ်သည်။ သို့ဖြစ်၍ ရှောင်ပိုင်က စွေ့ချီချောင်းကို ဤအနက်တွင်သာ စောင့်နေနိုင်ပေသည်။

စွေ့ချီချောင်းအတွက်မူ သူက ကောင်းမွန်စွာ ဆက်လက်ကူးသွားနိုင်ပေသည်။ ရေသူထီးများက ရေပတ်ဝန်းကျင်အမျိုးမျိုးကို အလိုက်သင့်ဖြစ်အောင် နေနိုင်ပေသည်။ သူက သူ့ ပစ္စည်းများကို အောက်သို့သယ်ပို့ရန်အတွက် ကူညီပေးရန် ရေနက်ပိုင်း ငါးအချို့ကို တွေ့ကာ အောက်သို့ ကူးသွားပြီး သူရှာနေသည့် ပင်လယ်ရေနက်ပိုင်း ရေသူမတစ်အုပ်ကို တွေ့လိုက်သည်။

ဤနေရာရှိ ပင်လယ်ရေနက်ပိုင်းရေသူမများက ငြိမ်းငြိမ်းချမ်းချမ်းနေထိုင်တတ်သည့် ဆန်ဒိုရေသူမများ ဖြစ်ကြသည်။ ထိုရေသူမများက ပင်လယ်နက်ထဲရှိ ဖိအား မြင့်မားမှုကြောင့် အခြားသော ရေသူမများနှင့်ယှဉ်လျှင် ရုပ်ပိုင်းဆိုင်ရာ၌ သိိသိသာသာ ခြားနားလှသော ဆင့်ကဲ့ပြောင်းလဲမှု လမ်းကြောင်းတစ်ခု တိုးတက်လာလေသည်။ သူတို့၏ ရုပ်ပိုင်းဆိုင်ရာ သွင်ပြင်များက လှပသော်လည်း မျက်လုံးများက ကြီးမားကာ အနည်းငယ် ထူးဆန်းပြီး ကြောက်ရွံ့စရာဖြစ်စေသော်လည်း လူသားများ၏ မျက်လုံးထဲတွင် လှပနေဆဲ ဖြစ်သည်။ သူတို့၏ကြေးခွံများက အရောင်တောက်ကာ ရေသူမတစ်ဦးနှင့် တစ်ဦး ဒီဇိုင်းနှင့် အရောင်အမျိုးမျိုး ကွဲပြားပြီး သူတို့၏အမြီးကလည်း တောက်ပနိုင်သည်။

စွေ့ချီချောင်းက အဝေးကပင် အလင်းအစက်အပျောက်လေးများစွာကို မြင်နိုင်ပြီး သူတို့ဆီသို့ ကူးသွားလိုက်သည်။ ရေသူမများ၏ ဘာသာစကားမှာ သူတို့ကြားတွင် တစ်မျိုးတည်း ဖြစ်သည်။ ရေသူမ မျိုးစိတ်က အရေးမပါချေ။ သူတို့က ရေပိုင်နက်အမျိုးမျိုးတွင် နေထိုင်သည်ဖြစ်ရာ အချို့သော ရေသူမများတွင်ကိုယ်ပိုင် ဒေသယိယ ဗန်းစကားများ ရှိနိုင်သော်လည်း အခြေခံအားဖြင့် အခြားသော ရေသူမများမျိုးစိတ်များကြားတွင် ဆက်သွယ်ရန် သက်ရောက်မှု မရှိပေ။

ထိုရေနက်ပိုင်းရေသူမများက စွေ့ချီချောင်းကို ဝိုင်းလာကြသည်။ သူတို့က အဖြူစွတ်စွတ်ရေသူထီးကို မြင်ရခဲပေသည်။ သူတို့၏အမြီးများမှ ထုတ်လွှင့်ထားသည့် အလင်းကို အသုံးပြုကာ စွေ့ချီချောင်း၏အမြီးက သူတို့၏ အမြီးများနှင့် ခြားနားသည့် ဟန်ပန်ဖြင့် တောက်ပနေဟန်ရသည်ကို သတိပြုမိလေသည်။ သူတို့က စွေ့ချီချောင်းအား ဤပင်လယ်ရေနက်ပိုင်းသို့ အလည်လာသည်လားနှင့် သူသက်သောင့်သက်သာ မဖြစ်ခြင်းကို ခံစားရသည်လားကို မေးလိုက်သည်။ မည်သို့ပင်ဆိုစေ ရေတိမ်ပိုင်း ဖိအားအလယ်တွင် နေထိုင်ခဲ့သည့် ရေသူထီးတစ်ကောင်က ယခုတွင် ရေဖိအားမြင့် ရေနက်ထဲသို့ ရောက်ရှိနေခြင်းဖြစ်လေသည်။

သူက ရေနက်ထဲမှာ မေ့လဲသွားမှာလား...

စွေ့ချီချောင်းက ထိုဖော်ရွေသော ရေနက်ပိုင်း ရေသူမများကို နှုတ်ဆက်လိုက်သည်။ ထိုရေနက်ပိုင်းရေသူမများ၏ သွားများက ရေတိမ်ပိုင်း ရေသူမများ၏ သွားများထက် ချွန်ထက်ပေသည်။ သူတို့က ဒေါသကြီးဟန် ပေါက်သော်လည်း အကျင့်စရိုက်က အလွန်ဖော်ရွေပေသည်။

စွေ့ချီချောင်းက သူတို့မှာ အနည်းငယ် ရင်းနှီးသည်ဟုပင် ထင်နေ၏။ သူတို့နှင့် ခဏကြာအောင် စကားစမြည်းပြောပြီးနောက် တစ်စုံတစ်ယောက်ကို စိုက်ကြည့်နေဟန်ရနေသည့် ထိုရေသူမများ၏ မျက်လုံးကြီးများက သူ့အား ငါးပူတင်း ရှောင်ပိုင်ကို သတိရသွားစေသည်။

စွေ့ချီချောင်းက သူတို့ကို သူယူလာသည့် ရေညှိနှင့် အခွံမာငါးများကို ပြလိုက်သည်။ သူက ရေနက်ပိုင်း ရေသူမများဖြင့် ရေနက်ပိုင်း၏ အထူးထုတ်ကုန်များကို လဲလှယ်လိုခြင်း ဖြစ်သည်။

ရေနက်ပိုင်းရေသူမများက သူတို့အစားစားလိုသည့် အချိန်တွင် အစားအသောက်များ လိုက်ရှာရသည်ဖြစ်ပြီး ရေတိမ်ပိုင်းမှ အစားအသောက်များကို အလွန် စိတ်ဝင်စားနေပေသည်။ သို့သော် ပင်လယ်အောက်ခြေတွင် ပါဆယ်ထုတ်၍ ရသည့် ဝန်ဆောင်မှုမျိုး မရှိပေ။ သို့ဖြစ်ရာ ထိုရေနက်ပိုင်း ရေသူမများက သူငယ်ချင်းများအားလုံးကို ခေါ်ကာ စွေ့ချီချောင်းက အစားအသောက်များ ယူလာသည့်အကြောင်းကို ပြောလိုက်သည်။ သူတို့ထဲမှ အချို့က အစားအသောက်အနည်းငယ် သိုလှောင်ထားသည်လည်း ဖြစ်နိုင်၏။ သို့မဟုတ်ပါက သူတို့က အမဲလိုက်ထွက်ကာ စွေ့ချီချောင်းထံသို့ ပင်လယ်ရေနက်ပိုင်း အစားအသောက် လတ်လတ်ဆတ်ဆတ်များ ယူလာပေမည်။

အမှန်တကယ်တွင် သူတို့က စွေ့ချီချောင်းမှာ အဘယ့်ကြောင့် ပင်လယ်ရေနက်ပိုင်း ထုတ်ကုန်များ လိုချင်သည်ကို နားမလည်ချေ။ သူတို့က မလိုအပ်၍ မည်သည့်အစားအသောက်မှ သိုလှောင်မထားပေ။ ထို့အပြင် သိုလှောင်ထားသော အစားအသောက်များက သူတို့၏ စားချင်သောက်ချင်စိတ်ကို ကျေနပ်စေနိုင်မည် မဟုတ်ပေ။

ရေသူမများအတွက်မူ လောလောလတ်လတ် အမဲလိုက်ထားသည့် အစားအသောက်က အလတ်ဆတ်ဆုံးနှင့် စားရအတန်ဆုံးဖြစ်လေသည်။

သူတို့ စွေ့ချီချောင်းနှင့် လဲလှယ်ထားသည့် အစားအသောက်များတွင် ရေနက်ပိုင်းတွင်သာ တွေ့ရသည့် ရေညှိနှင့် ကျောရိုးမဲ့သတ္တဝါများ ပါဝင်ပေသည်။ သို့သော် ၄င်းတို့နှင့် နှိုင်းယှဉ်ပါက ဆန်ဒိုရေသူမများက သူတို့၏ ခရင်းခွကို အသုံးပြုကာ သတ်ထားသည့်ငါးများက ပိုများပေသည်။ စွေ့ချီချောင်းမှာ ထိုငါးများကို အထူးတောင်းဆိုထားသော်လည်း အစားအသောက်များအားလုံးကို တစ်ယောက်တည်း မစားနိုင်ပေ။ ထို့အပြင် ရေသူမများ၏ စိတ်ထဲတွင် သူက ၄င်းတို့ကို ရေတိမ်ပိုင်းမှ ဆွဲယူလာသည့်အချိန်မှာ ၃နာရီပင် ကျော်လွန်သွားပြီ ဖြစ်ရာ အစားအသောက်မှာ မလတ်ဆတ်ပေ။

"ငါ ဒါတွေ လူသားတွေကို ပေးလိုက်မယ်..."

စွေ့ချီချောင်းက ရှင်းပြလိုက်သည်။

ရေသူမများက အသိဝင်လာပြီးနောက် သူက အဘယ့်ကြောင့် ဤသည်ကို ပြုလုပ်နေသည် ဆိုခြင်းကို သိချင်လာပေသည်။

သူက လူသားထုတ်ကုန်တွေ အများကြီး လိုတာလား...

ရေသူမများက ရံဖန်ရံခါ လူသားများနှင့် ကုန်သွယ် တတ်ကြသည်။ (အများအားဖြင့် ရေသူမများက လူသားများထံသို့ ပစ္စည်းများ တိုက်ရိုက်တောင်းဆိုကြသည့်တိုင်) သို့သော် မည်သည့်ရေသူမသည်မှ စွေ့ချီချောင်းကဲ့သို့ လူသားအဝတ်အစားများကို နေ့တိုင်းမဝတ်ဆင်သည်ဖြစ်ရာ ဤနေရာတွင် အရေးကြီး စကားလုံးမှာ "ရံဖန်ရံခါ"ဟူသည် ဖြစ်သည်။ အများဆုံးတွင် သူတို့က မသိမ်းထားမီ အဝတ်အစားများကို အိမ်နီးချင်းများထံ လိုက်ပြမည် ဖြစ်သည်။ လူသားမျိုးနွယ်က ရေသူမများနှင့် ကုန်သွယ်ရန် မျှော်လင့်နေသော်လည်း သူတို့က ကုန်သွယ်မှုများစွာ ပြုလုပ်ခြင်း မရှိပေ။

စွေ့ချီချောင်းက သူ ပြုလုပ်ရန် ကြိုးစားနေသည့်အရာကို မည်သို့ရှင်းပြရမည်ကို မသိချေ။ သူက ပင်လယ်မွေးမြူရေးတစ်ခု တည်ဆောက်လို၍ လူသားထုတ်ကုန်များစွာ လိုအပ်ပေ၏။ သူလိုအပ်သည့် ကိရိယာအချို့မှာ ပင်လယ်ထဲတွင် မတွေ့နိုင်ပေ။

စွေ့ချီချောင်းက သူတို့ကို မရေရာသော တုံ့ပြန်မှုတစ်ခု ပေးလိုက်လေသည်။ ထို့နောက်တွင် ပင်လယ်ရေနက်ပိုင်း ရေသူမများက ဝေလငါးတစ်ကောင်ကိုတွေ့ကာ သူ့ကုန်ပစ္စည်းများအားလုံးကို မျက်နှာပြင်ပေါ်သို့ ဆွဲယူသွားရန် ကူညီပေးလိုက်သည်။

စွေ့ချီချောင်းက ပင်လယ်ရေနက်ပိုင်း ဆော်လမွန်ငါးများ၊ အခွံမာငါးများနှင့် ရေညှိများစွာကို လဲလှယ်လာခဲ့သည်။ သူပြန်လာသည့်အခါ ပင်လယ်နက်ထဲမှ အစားအသောက် ပိဿာသောင်းချီနှင့် သူပျိုးထောင်ထားသည့် ပင်လယ်စာ ကီလိုသောင်းချီရှိနေပေသည်။

🧜‍♀️🧜‍♀️🧜‍♀️

Prev Next