MM Story Teller

Chapter 41

Viewers 7k

🌍Chapter 41

အဓိကမစ်ရှင်: ဘေကိုမိနစ်၂၀အတွင်းသတ်ရန်

(ဘာကွာတယ်မသိ 🌚)

ထန်မော့ တွန့်ဆုတ်မနေခဲ့ချေ။ သူကမီးအိမ်အိုကို ကိုင်လျက် မှောင်မည်းသော လှိူဏ်ခေါင်းထဲသို့လျှောက်သွားလိုက်သည်။

လှိုဏ်ခေါင်းအတွင်းသို့ ပို၀င်သွားလေ စိုထိုင်းဆကပိုများလာလေပင်။ ရှူသွင်းလိုက်သော လေတိုင်းက ရေစက်လေးများပင် ပါလာသလိုခံစားရသည်။ လှိုဏ်ခေါင်းထဲမှ ထူးဆန်းသော သတ္တ၀ါ၏အသံနှင့် တဒုန်းဒုန်းတိုက်သံများကိုလည်း ကြားနေရဆဲ၊ ထန်မော့မှာ ခြေလှမ်းတိုင်းအား ၇၀စင်တီမီတာခန့်အထိသာ လှမ်းရန်ထိန်းချုပ်ထားလျက် စိတ်ထဲမှလည်း ရေတွက်နေခဲ့သည်။

ချောင်းမြောင်းတိုက်ခိုက်ခံရမည်စိုး၍ အလျင်စလိုလည်းမသွားရဲချေ။ မစ်ရှင်မှာ မိနစ်၂၀သာအချိန်ရသည်ဖြစ်၍ အရမ်းလည်းနှေး၍မရပြန်။

စက္ကန့်၅၆၀ ခန့်ထန်မော့ရေတွက်လိုက်မိချိန်တွင် တိုးညင်းသောအသံတစ်ခုကို ထန်မော့ သတိထားမိလိုက်သည်။ သူကထိုအသံလာရာကို ဂရုတစိုက်ရှာဖွေလိုက်သည်နှင့် လူတစ်ဦးကိုတွေ့လိုက်ရလေသည်။

ထန်မော့သူ၏အရှိန်ကို စက္ကန့်၃၀စာမြှင့်လိုက်ပြီးနောက် သွေးများပေကျံနေသော ယောကျာ်းအား လှိုဏ်ခေါင်း၏ အဆုံးတွင်တွေ့လိုက်ရလေသည်။

ထိုယောကျာ်းမှာ ဆံပင်အနီနှင့် တစ်ယောက်ကဲ့သို့ပင် မက်ဒေါ်နယ် ယူနီဖောင်းပုံစံကို ၀တ်ဆင်ထားပြီး နံရံတွင် အသက်မဲ့စွာမှီနေခဲ့သည်။ သူ၏ဦးခေါင်းဘယ်ဘက်တွင် အပေါက်ကြီးတစ်ပေါက်ရှိနေပြီး ထိုနေရာမှ သွေးများစီးကျလျက် တစ်ကိုယ်လုံးကို ဖုံးလွှမ်းနေခဲ့လေသည်။ ညာဘက်ခြေထောက်မှာ ထူးဆန်းသောအနေအထားနှင့် အပြင်ဘက်ကို ၉၀ဒီဂရီကွေးညွတ်နေပြီး အတွင်းမှ အရိုးဖြူဖြူများကိုပင် မြင်နေရလေသည်။

မီအိမ်အို၏ အလင်းရောင်ဖျော့ဖျော့ကို မြင်သည်နှင့် ထိုဆံပင်ရွှေရောင်နှင့်လူမှာ သူ့အားခက်ခက်ခဲခဲနှင့် မော့ကြည့်လာခဲ့လေသည်။ ထန်မော့အားမြင်သည်နှင့် သူကဖျော့တော့စွာ အော်ဟစ်လာခဲ့သည်။

"သွားသွား ပြေးတော့ အဲဒီကောင်ကြီးက ရူးနေပြီ မင်းပြေးမှဖြစ်မယ်"

"တင်းတောင်~ ဖြစ်စဥ်မှ ယခုထွက်ခွာရန်ရွေးချယ်နိုင်ပါသည်၊ ထွက်ခွာပါမည်လား"

ထန်မော့ ပထမ စက္ကန့်၆၁၀ကိုတိတ်တဆိတ်ရေတွက်ခဲ့ပြီးပြီမို့ ယခုသူ့တွင် မိနစ်၂၀၏ တ၉က်သာလျှင် ကျန်ရှိတော့သည်။ သူကဆုံးဖြတ်လျက် ဆိုလိုက်သည်။

"မထွက်ဘူး"

ထန်မော့ရွှေရောင်ဆံပင်နှင့်လူအားကြည့်လိုက်သည်။ အနီရောင် ကြိုးယှက်ဘောင်းဘီနှင့် အဖြူရောင်တီရှပ် အနီရောင်ဆံပင်နှင့်လူနှင့် အတူတူပင်။ ထန်မော့ထိုရွှေ၀ါရောင်ဆံပင်နှင့်လူ၏ ပုခုံးနှင့် ခြေထောက်တို့ကို ထပ်မံအကဲခတ်လိုက်သည်။ တီရှပ်နှင့် ဘောင်းဘီမှာ မတော်မရော်ဖြစ်နေခြင်းမျိုးမရှိပဲ ကွက်တိပင်။ သူ့၏အ၀တ်အစားများ အမှန်ပင်။

ယခုလေးတင်ပြေးသွားသော နီညိုရောင်ဆံပင်နှင့်လူနှင့် ဤလူမှာ ဤနေရာတွင် အလုပ်လုပ်သော လူများဖြစ်ကြလိမ့်မည်။

ထန်မော့ထိုရွှေ၀ါရောင်ဆံပင်နှင့် ယောကျာ်း၏ရင်ဘတ်မှ နံမည်တံဆိပ်ပြားကို ကြည့်လျက်မေးလိုက်သည်။

"ကယ်လ်ဗစ် ဘာသတ္တ၀ါကြီးကိုပြောနေတာလဲ"

ကယ်လ်ဗစ်မှာသူ၏နာမည်ကိုခေါ်လိုက်သံအား ကြားလိုက်ရသည်နှင့် ထန်မော့အား တွေဝေစွာ မော့ကြည့်လာခဲ့သည်။

"မင်းငါ့ကို သိတယ်လား"

ထန်မော့၏အမူအယာမှာ ပြောင်းလဲသွားခြင်းမရှိခဲ့ချေ။

"ငါဒီမှာ ဂျူတီချိန်းဖို့လာတဲ့ လူသစ်လေ"

"သြော် မင်းက လူသစ်ကိုး"

ကယ်လ်ဗစ်မှာ လက်ကိုအားပြုလျက် ကိုယ်အပေါ်ပိုင်းအား နံရံတွင် ကောင်းကောင်းမှီနိုင်စေရန် ကြိုးစားလိုက်သည်။ ထန်မော့က ထိုလူအား သက်တောင့်သက်သာအနေအထားရအောင် ကူညီပေးလိုက်သည်။ ကယ်လ်ဗစ်မှာ ခြောက်ကပ်စွာပြုံးလိုက်ပြီး

"ငါနေရတော့မှာမဟုတ်ဘူး၊ အလွန်ဆုံးမှ နာရီ၀က်ပေါ့ နောက်တစ်ယောက်လာတဲ့အထိ တောင့်မခံနိုင်လောက်တော့ဘူးထင်တယ်"

ထန်မော့မှာ ထိုလူ၏ခေါင်းမှ အပေါက်ကြီးကို ကြည့်လျက် 'သာမာန်လူဆို သေနေတာကြာပြီဟ'ဟုတွေးလိုက်မိသည်။

"အထဲမှ နတ်ဆိုးတစ်ကောင်ရှိတယ်၊ မင်းအထဲကို၀င်မသွားနဲ့၊ အဲကောင်ကရူးနေပြီ၊ ကြောက်စရာကောင်းလွန်းတယ်"

ကယ်လ်ဗစ်မှာ ဆိုးရွားသော အရာများကို ပြန်အမှတ်ရလာပုံဖြင့် မျက်နှာတဖြည်းဖြည်းပျက်လာခဲ့သည်။ သူကဆက်တိုက်ရေရွတ်နေခဲ့သည်။

"ငါကမလွတ်လည်းထားလိုက်ပါတော့ မင်းကလွတ်နိုင်သေးတယ်၊ ငါ့ကိုဂရုစိုက်မနေနဲ့တော့၊ မင်းသွားတော့ မင်းလွတ်နိုင်သေးတယ်"

တစ်မိနစ်ခန့်ကုန်လွန်သွားချေပြီ။ ထန်မော့မှာ ကယ်လ်ဗစ်အား လျှောက်အော်မနေရန် ပါးစပ်ပိတ်လိုက်ချင်ခဲ့သော်လည်း သည်းခံလိုက်သည်။

"ကယ်လ်ဗစ်မင်းသေတော့မှာလေ၊ ဘယ်လိုဖြစ်တာလဲ ပြောခဲ့ဦး"

သတ္တ၀ါကြီး၏အသံမှာ တဖြည်းဖြည်းနီးကပ်လာပြီး ရုတ်ချည်း ကျယ်လောင်သော အော်မြည်သံတစ်ခုကို ကြားလိုက်ရသည်။ ထို့နောက် လှိုဏ်ခေါင်းမှာ ပြင်းထန်စွာ လှုပ်ခါလာတော့သည်။ ကယ်လ်ဗစ်၏ခေါင်းမှာ နံရံကိုတိုက်မိပြီး သွေးများဒလဟောထွက်ကျလာပြန်သည်။ ထန်မော့မှာလည်း လဲကျမတတ်ပင်။ ဒူးတစ်ဖက်ထောက်လျက် ကိုယ့်ကိုယ်ကို ထိန်းထားလိုက်လျက်

"ဘာဖြစ်တာလဲ"

အဆုံးတွင်တော့ ကယ်လ်ဗစ်မှာ သွေးရူးသွေးတန်းလျှောက်အော်မနေတော့ချေ။

"အဲဒါ ဧရာမတီကောင်ကြီးပဲ၊ ဘုရားရေ၊ မင်းအဲလောက်ကြီးတဲ့ တီကောင်ကြီးကို မြင်ဖူးမှာမဟုတ်ဘူး၊ မိစ္ဆာကြီးပဲ၊ သူဌေးကပြောတာက ပရိတ်သတ်တွေက အဲဒီလိုသတ္တ၀ါဆန်းမျိုးတွေကိုမှ ကြည့်ချင်တာတဲ့၊ မင်းသိတဲ့အတိုင်းပဲ ဆပ်ကပ်ကိုလာတဲ့လူတိုင်းကတော့ သာမာန်မဟုတ်တဲ့ ဟာတွေကိုပဲမြင်ချင်ကြတာလေ"

ဧရာမတီကောင်ကြီး...ဆပ်ကပ်...

ထန်မော့ထိုအဓိကအချက်ကို မှတ်သားထားလိုက်သည်။

"ငါပြောခဲ့သလိုပဲ အဲဒါကြီးကဧရာမတီကောင်ကြီးလေ၊ အကြီးပိုင်းကလူတွေက အဲဒါကြီးကိုသုံးပြီး ငွေရှာချင်နေတာ၊ အခုတော့အဲကောင်ကြီးက ရူးသွားပြီးတော့ ငါ့ကိုသတ်ဖို့ကြိုးစားတယ်လေ၊ အဲကောင်ကြီး လွတ်သွားတော့မှာ"

သတ္တ၀ါကြီး၏အသံမှာ တဖြည်းဖြည်း ပိုနီးလာပြီး ကယ်လ်ဗစ်က အလျင်အမြန်ဆိုလာခဲ့သည်။

"မင်း...မင်းအမြန်ထွက်သွားသင့်တယ်၊ သူလှောင်အိမ်ထဲကလွတ်သွားလောက်ပြီ၊ ငါ့ကိုထားခဲ့ပြီး ပြေးပါတော့"

"တီကောင်တစ်ကောင်ပဲဟာ ငါသတ်လိုက်မယ်"

တကယ်တော့ထန်မော့တွင် ထိုဧရာမတီကောင်ကြီးကို သတ်ရန် စွမ်းရည်များများစားစား မရှိပါချေ။

ကယ်လ်ဗစ်မှာမူ ထန်မော့က သူ့အားမထားရစ်ခဲ့ချင်ဟုထင်ကာ အလွန်ရင်ထဲထိသွားတော့သည်။

"မင်း အဲဒါကြီးကိုတကယ်သတ်ချင်ရင် ငါ့မှာလက်နက်ရှိတယ် အမြန်ယူလိုက်၊ ငါဒါနဲ့တီကောင်ကြီးရဲ့ ခေါင်းကိုရိုက်ပြီး ထွက်ပြေးလာခဲ့တာ၊ ငါ့ကိုမမှီလိုက်ဘူး၊ ဒီဟာကတော့ သူ့ကိုသတ်နိုင်မှာပါ"

ကယ်လ်ဗစ်ကသူ့အား သစ်သားတုတ်ကြီးတစ်ချောင်းကို ကမ်းပေးလာခဲ့သည်။

ထန်မော့ငြင်းဆန်ရန်ပြင်လိုက်သော်လည်း ဘာကိုမှမဆိုလိုက်ရခင် သူ၏အမူအယာက ပြောင်းလဲသွားပြီး ထိုသစ်သားချောင်းကိုကောက်ကိုင်လိုက်သည်။

ကယ်လ်ဗစ်က သူ့ကိုသတိပေးခဲ့သည်။

"မင်း...မင်း ပုန်းနေမှရမယ်"

သူ၏စကားပင်မဆုံးခင် လူသစ်မှာပြေးထွက်သွားတော့သည်။ ဘယ်လက်မှာ မီးအိမ်အိုကြီးကို ကိုင်ထားပြီး ကျန်တစ်ဖက်မှာတော့ သစ်သားတုတ်ကြီးကို ကိုင်ထားခဲ့သည်။ ထန်မော့ လှိုဏ်ခေါင်းအတွင်းသို့ အလျင်အမြန်ပြေးသွားခဲ့သည်။

ကယ်လ်ဗစ် ရှုပ်ထွေးစွာရေရွတ်လိုက်သည်။

"ဒီလူသစ်က ဘာလိုအရမ်း စိတ်လှုပ်ရှားနေတာလဲ"

ကယ်လ်ဗစ်မသိလိုက်သည်မှာ ထိုသစ်သားတုတ်ချောင်းကို လက်ခံလိုက်ကတည်းက ကလေးသံနှင့်ကြေညာမှုက ထန်မော့ခေါင်းထဲတွင် ထွက်ပေါ်လာခြင်းပင်။

"တင်းတောင်~တစ်ဦးချင်း ဖြစ်စဥ်ဂိမ်း 'ဘေကိုသတ်ပါ' ကိုတရား၀င် ဖွင့်လှစ်လိုက်ပါပြီ၊ ဂိမ်းအတွင်းမှာ..."

"ပထမအချက် စွမ်းရည်အသုံးပြုခြင်းကို တားမြစ်ထားပါသည်"

"ဒုတိယအချက် ကစားသမားများမှာ အလင်းရောင်အတွက် မီးအိမ်အိုကိုသာ အသုံးပြုနိုင်ပါသည်"

"တတိယအချက် သစ်သားတုတ်ချောင်းကြီးကသာ တီကောင်ကြီးကို ထိခိုက်နိုင်ပါမည်"

“ဆပ်ကပ်ခေါင်းဆောင်က မြေအောက်မြို့တော်က ပရိတ်သတ်တွေကို အံ့အားသင့်ရအောင်အတွက် အထူးရတနာသုံးမျိုးကို ပြင်ဆင်ထားခဲ့ပါတယ်၊ ဒါပေမယ့်လည်း သူ့မှာမွဲဖို့ကံပါလာပုံပဲ၊ လှိုဏ်ခေါင်းထဲက ကြွက်တွေတောင်မှ ဘေက အလင်းရောင်ကို မမြင်နိုင်ဘူးဆိုတာသိတယ်လေ"

မစ်ရှင်ချိန်မှာ ၅မိနစ်သာကျန်ရှိတော့ရာ ထန်မော့မှာ ကယ်လ်ဗစ်နှင့် ပေါက်ကရများပြောနေစရာ အချိန်မရှိချေ။ သူကလှိုဏ်ခေါင်းအတွင်းသို့ အလျင်အမြန်ပြေး၀င်သွားခဲ့သည်။ ၁မိနစ်ခန့်အကြာပြေးသွားပြီးနောက် ရုတ်ချည်းနံရံတစ်ခုကို၀င်တိုက်မိသွားခဲ့သည်။ သူနောက်သို့တစ်ပတ်ခန့်လှိမ့်လိုက်ပြီး မြေကြီးပေါ်သို့မတ်မတ်ရပ်လိုက်သည်။

သူ၏လက်ထဲမှ မီးအိမ်အိုကြီးမှာ လှုပ်ခတ်သွားကာ ဆီတချို့ယိုဖိတ်သွားခဲ့သည်။ မီးအိမ်အိုကြီး၏ ဖျော့တော့သော အလင်းရောင်အောက်တွင် ကြီးမားသော အရိပ်ကြီးတစ်ခုက ထန်မော့ရှေ့တွင် ရပ်နေခဲ့သည်။

ထန်မော့ သူ့ကိုယ်သူ တည်ငြိမ်ရန်ကြိုးစားလိုက်သည်။

တီကောင်ကြီးမှာ ထန်မော့စိတ်ကူးထားသည်ထက်ပင် ကြီးမားနေခဲ့သည်။ လှိုဏ်ခေါင်းကြီးမှာ ၂မီတာခန့်မြင့်သော်လည်း ထိုတီကောင်ကြီးမှာ လှိုဏ်ခေါင်း၏ တစ်၀က်နီးပါး ကြီးမားလေသည်။ မီးအိမ်၏အလင်းရောင်မရောက်နိုင်သော နေရာတွင် တီကောင်ကြီး၏ အမြှီးမှာ နံရံကို တဒုန်းဒုန်းတိုက်နေခဲ့သည်။ ၄င်းမှာ ထန်မော့ကို မြင်သည်နှင့် သံရှည်ဆွဲလျက်အော်ဟစ်လိုက်ပြီး ခေါင်းကြီးကိုမော့လာခဲ့သည်။ ထို့နောက်တွင် ထန်မော့၏လက်ထဲမှ မီးအိမ်အိုကြီးကို ၀င်တိုက်တော့သည်။

ထန်မော့ လျင်မြန်စွာ တုန့်ပြန်လိုက်ပြီး ဘေးသို့ရှောင်လိုက်သည်။ ထို့နောက် ၃မီတာခန့်ပြန်ပြေးကာ မီးအိမ်အား မြေကြီးပေါ်တွင်ချထားလိုက်သည်။ ဤအကွာအဝေးမှာ ထိုမီးအိမ်မှအလင်းရောင်အား တီကောင်ကြီးအပေါ် ထွန်းလင်းစေကာ ၀င်တိုက်ရန်လည်း မလွယ်ကူတော့ချေ။

တီကောင်ကြီးက အလင်းရောင်အား မဖျက်ဆီးနိုင်သည်ကို မြင်လျှင် ဒေါသတကြီးအော်ဟစ်လာတော့သည်။ ထို့နောက် သူသွားမရှိသော ပါးစပ်ကို ဖွင့်လျက် ထန်မော့ကို ကိုက်ခဲလိုက်သည်။

ထန်မော့ ညာခြေထောက်ကိုရွေ့ပြီး ထိုတိုက်ခိုက်မှုကိုရှောင်ရှားလိုက်သည်။ ထို့နောက် သစ်သားချောင်းကိုမြှောက်လျက် သူ့အား ကိုက်ဖို့ကြိုးစားနေသော တီကောင်ကြီး၏ကျောကို ရိုက်ထည့်လိုက်တော့သည်။

သူ၏ခွန်အား ၁၀ရာခိုင်နှုန်းကို အသုံးပြုခဲ့ခြင်းပင်။

ကံမကောင်းသည်မှာ ထန်မော့မှာ မြေကြီး၏လှုပ်ခတ်မှုဒဏ်ကြောင့် နံရံပေါ်လျက် လဲကျသွားခြင်းပင်။ ဧရာမတီကောင်ကြီးမှာ သူ၏ကိုယ်ကို တွန့်လိမ်နေသော်လည်း ၄င်း၏ကျောတွင် ဒဏ်ရာအနည်းငယ်သာရှိလေသည်။

ထန်မော့မျက်လုံးများကိုမှေးကျဥ်းလျက် တိုက်ခိုက်ခြင်းကို အမြန်ပြန်စတင်လိုက်သည်။

တီကောင်ကြီး၏ အရေပြားမှာ သံချပ်ကာနှယ် မာကြောလှသည်။ ထန်မော့တစ်ချက်ရိုက်လိုက်တိုင်း ဒဏ်ရာအနည်းငယ်ကိုသာ ချန်ထားနိုင်လေသည်။

ယခုတော့ ဂျက်မှာ S3ဖြစ်စဥ်ဂိမ်းကို ရှင်းပစ်ရန် အဘယ်ကြောင့် စိတ်ရှုပ်နေရကြောင်း သိရှိသွားလေပြီ။

အနက်ရောင်မျှော်စင်ပထမထပ်အား ဆယ်ရက်အတွင်း တိုက်ခိုက်ရမည်ဟု ကြေညာခံရပြီးကတည်းက ထန်မော့ ထိုဆယ်ရက်အတွင်း သူ့ကိုယ်သူပြင်ဆင်နေခဲ့သည်။

ပထမ၇ရက်အတွက်တော့ သူကခိုး၀င်သူများကိုရှာပြီး ၄င်းတို့၏စွမ်းရည်ကို ပွားယူရန်ကြိုးစားခဲ့သည်။ ကျန်၃ရက်အတွက်မူ တိုက်အဖွဲ့အစည်းမှ သတင်းအချက်အလက်များကို မှီခို၍ Sအဆင့် ဖြစ်စဥ်ဂိမ်းများကို၀င်မည်ပင်။ ထိုဂိမ်းများကို ရှင်းပစ်ပြီး အတွေ့အကြုံနှင့် ဂိမ်းကူပစ္စည်းတချို့လည်းရရနိုင်သေးသည် မဟုတ်ပါလော။

အစကတည်းက လော့ဖုန်းချန်းသည် ထန်မော့အား အန္တရာယ်အလွန်များသော ဖြစ်စဥ်ဂိမ်း၃ခု၏တည်နေရာကိုသာ ပြောပြခဲ့ခြင်းဖြစ်သည်။ Sအမျိုးအစား ဂိမ်းများ၏ မြေပုံကိုမူမပြခဲ့ချေ။ ထို့ကြောင့် ထန်မော့ တိုက်အဖွဲ့အစည်းအနီးရှိ နေရာတစ်ခုတွင် ပုန်းနေပြီး ထိုတိုက်အဖွဲ့အသားများနောက်မှ နောက်ယောင်ခံလိုက်ရုံသာတတ်နိုင်လေသည်။

တိုက် အဖွဲ့၀င်များ ၀င်သွားသည်ဆိုပါက ၄င်းမှာ ကျိန်းသေ Sအမျိုးအစား ဖြစ်စဥ်ဂိမ်းသာလျှင် ဖြစ်လိမ့်မည်။ ဤကမ္ဘာကြီးတွင် အသက်ကိုလောင်းကြေးထပ်ပြီး စွန့်စားရဲသော ကစားသမားများမရှိနိုင်။

ထန်မော့သည်လည်း ထိုအတိုင်းပင်။

ထန်မော့ မောလ်၏အနီးတွင် တစ်နေကုန်နီးပါးပုန်းနေပြီးမှ ဂျက်နောက်သို့ နောက်ယောင်ခံလိုက်နိုင်ခဲ့သည်။ ထိုစဥ်က သူသည် မောလ်အတွင်းမှ အရံကစားသမားတစ်ဦး၏ စကားကိုကြားခဲ့သည်။ ဂျက်မှာ တိုက်အဖွဲ့အစည်းမှ အသန်မာဆုံး သူတစ်ယောက်ဖြစ်သည်။ သူ၏ခွန်အားမှာ သူ၏တွေးခေါ်နိုင်စွမ်းထက် ကိုယ်ခန္ဓာပေါ်တွင် မူတည်နေလေသည်။

အစကမူ ထန်မော့သည် Sအမျိုးအစား ဖြစ်စဥ်ဂိမ်းများမှာ ခေါင်းသုံးရသော ရှုပ်ရှုပ်ထွေးထွေး ဂိမ်းများ ဟုထင်ခဲ့သည်။ သူ အဓိကသဲလွန်စကိုလွတ်သွားပြီး အနက်ရောင်မျှော်စင်ကြီး ကြီးမားသော မွန်းစတားကြီးကို မသတ်နိုင်ခဲ့ချေ။ ယခုတော့ထန်မော့နားလည်သွားချေပြီ။ စွမ်းရည်များကိုလည်းအသုံးပြုခွင့်မရှိပဲ တီကောင်ကြီးကို ရိုက်ရန် ဤသစ်သားချောင်းကိုသာ အသုံးပြုနိုင်သည်။ ထို့ကြောင့်ဂျက်က S3ဖြစ်စဥ်ဂိမ်းကို ခဏခဏ၀င်ပြီး ကြိုးစားနေခြင်းပင်။ သူသာတခြားကစားသမားများထက် သန်မာခြင်းမရှိလျှင် ထိုဖြစ်စဥ်ဂိမ်းကို လက်လွတ်လိုက်သည်မှာ ကြာလောက်ပေမည်။

ထန်မော့၏ ကိုယ်ခွန်အားက ဂျက်လောက်မကောင်းမွန်ချေ။ သူကလှိုဏ်ခေါင်းကျဥ်းကျဥ်းကို အခွင့်ကောင်းယူလျက် တီကောင်ကြီးမှ မိမိကိုမထိခိုက်နိုင်အောင် အနေအထားယူထားခဲ့သည်။ သို့သော်လည်း တီကောင်ကြီး၏ အရေပြားကလည်း သူ့အား ရိုက်နှက်ရန်အခွင့်အရေးမပေးခဲ့ပြန်ချေ။ ၄င်းမှာ သူနှင့်တီကောင်ကြီးမှာ ကျဥ်းမြောင်းသော လှိုဏ်ခေါင်းထဲတွင် တူတူပုန်းတမ်းကစားနေသည့်နှယ်၊

ထန်မော့၏ခြေထောက်မှာ ချော်သွားပြီ တီကောင်ကြီးက သူ၏၀မ်းဗိုက်ကိုတိုက်မိသွားခဲ့သည်။ သူ လွင့်ထွက်သွားပြီး မီးအိမ်အနီးတွင် ပြုတ်ကျသွားခဲ့သည်။ ထန်မော့မှာ နှုတ်ခမ်းထောင့်မှ သွေးများကို ပွတ်သုတ်လိုက်ပြီး ခပ်ဝေးဝေးမှ တီကောင်ကြီးအား ကြည့်လိုက်မိသည်။

ဧရာမတီကောင်ကြီးမှာ ခေါင်းကိုမော့လျက် ထန်မော့ထံ တရှဲရှဲအော်မြည်လျက် ထန်မော့ထံပြေး၀င်လာခဲ့သည်။ ထိုနောက်တွင်မီးအိမ်အိုကြီးအား သူ၏ခေါင်းနှင့် ၀င်တိုက်ပြန်သည်။ ထန်မော့မီးအိမ်ကိုယူလျက် နောက်ပြန်ဆုတ်၍ပြေးလိုက်သည်။

မီးအိမ်အိုကြီး၏အလင်းရောင်မှာ ကျဥ်းမြောင်းသော လှိုဏ်ခေါင်းထဲ တဖြတ်ဖြတ်နှင့်။ ထန်မော့၏ ခြေလှမ်းများမှာ ပိုမိုမြန်ဆန်လာချိန်တွင် ပြေးလိုက်နေသော တီကောင်ကြီးမှာလည်း ပိုမြန်လာခဲ့သည်။

ကယ်လ်ဗစ်လဲလျောင်းနေသောနေရာသို့ ရောက်ချိန်တွင် ထန်မော့၏ခေါင်းထဲတွင် အသံတစ်ခုကိုကြားလိုက်ရလေသည်။

"တင်းတောင်~အချိန်ပြည့်သွားပါပြီ၊ အဓိကမစ်ရှင်'ဘေကိုသတ်ပါ' ရှုံးနိမ့်သွားပါပြီ"

ထန်မော့၏ရင်ထဲတင်းကြပ်သွားချိန်တွင် အဖြူရောင်အလင်းက နေရာတစ်ခုလုံးကို လွှမ်းခြုံသွားခဲ့သည်။ တောက်ပလွန်း၍ သူ၏မျက်လုံးကိုပင် မဖွင့်နိုင်ခဲ့ချေ။ ထိုအလင်းရောင်ဖျော့တော့သွားသည်နှင့် ထန်မော့မျက်လုံးဖွင့်ကြည့်လိုက်လျှင် အမှောင်ထုကပြန်လည်ရောက်ရှိနေသည်အား တွေ့လိုက်ရသည်။ ပြင်းထန်သော ရွံ့နံ့နှင့် လှိုဏ်ခေါင်းကို၀င်တိုက်နေသော တီကောင်ကြီးလည်း မရှိတော့ချေ။ ထန်မော့အသက်ကိုပြင်းပြင်းရှူလျက် ရင်ထဲမှ အကြောက်တရားများကို ဖြေဖျောက်လိုက်သည်။ ထို့နောက် သူ၏ဓါတ်မီးကိုပြန်လည်ထုတ်ယူကာ ထွန်းလိုက်လေသည်။

ဤသည်မှာ ကျယ်၀န်းပြီး၂မီတာခန့်မြင့်သော လှိုဏ်ခေါင်းပင်။

သူကမူလအစသို့ ပြန်ရောက်သွားဟန်တူသည်။

ထန်မော့ခေါင်းကို ငုံ့လျက် သူ၏လက်ကို ကြည့်လိုက်သည်။ ထို့နောက် လက်ချောင်းများကို ကွေးချည်ဆန့်ချည် အကြိမ်ရေတချို့ပြုလုပ်ကြည့်လိုက်သည်။

"မသေသေးဘူးပဲ၊ အဓိကမစ်ရှင်ရှုံးသွားပေမယ့် သေစေနိုင်တဲ့ အပြစ်ဒဏ်မရှိဘူး၊ ဒါကတကယ် Sအမျိုးအစား ဖြစ်စဥ်ဂိမ်းလား"

ထန်မော့တီးတိုးရေရွတ်လိုက်မိသည်။

သူ၏ကျောနှင့် လက်များကိုလည်းစစ်ကြည့်လိုက်မိသည်။ သူက ဧယာမတီကောင်ကြီးနှင့် တိုက်ခိုက်ခဲ့ရခြင်းဖြစ်ကာ ဒဏ်နာအနာရွက်များ ကျန်ရစ်ခဲ့သင့်သည်။ ထိုတီကောင်ကြီးမှာ သွားမပါလျှင်တောင်မှ ခ့န်အားကတော့ မသေးလှချေ။

ထန်မော့၏ ကျောဘက်နှင့် ဘယ်လက်တို့မှာ တီကောင်ကြီးထံမှ ၀င်တိုက်ခံလိုက်ရသော်လည်း ယခုမူ မည်သည့်ဒဏ်ရာမှမကျန်ရစ်ချေ။

ထန်မော့သူ၏ညာလက်ကို ကြည့်လိုက်ပြန်သည်။

လွန်ခဲ့သော ၃မိနစ်ခန့်က မိမိမှာ သစ်သားတုတ်ချောင်းဖြင့် တီကောင်ကြီးကို အကြိမ်ကြိမ်ရိုက်နှက်နေခဲ့သည်။ တီကောင်ကြီး၏ အရေပြားမှာ သူ့ကြောင့် ကွဲအက်ရာများရှိနေခဲ့ပြီး သူကိုယ်တိုင်လည်း ဒဏ်ရာများစွာ ရခဲ့သည်ပင်။

ယခုတော့ ထိုဒဏ်ရာများ ပျောက်ကင်းသွားချေပြီ။

🪩

Prev Next