MM Story Teller

Chapter 64

Viewers 5k

👥️Chapter 64

ဤအတွက်ကြောင့် သူတို့က ယီချန်းယန်အကြောင်းထည့်မပြောသည့်တိုင် ယန်ယုဖန်များက ယန်အန်းယုနှင့် ဟဲလောယင်းက တခြားစီဟု တညီတညွှတ်တည်းယုံကြည်ကြလေသည်။

သူတို့နှစ်ယောက်က CPခံစားချက် နည်းနည်းလေးမှမရဘူး...

ယန်ယုဖန်များနှင့် ရက်ရက်စက်စက်တိုက်ခိုက်လေ့ရှိကြသည် ရှီယုဖန်များပင်လျှင် ဝင်ရောက်ထောက်ခံလာပြီး CPဖန်အုပ်စုကြီးတချို့က အမှန်တရားကိုဖုံးကွယ်ပြီး လုပ်ဇာခင်းသတင်းရေးရန်ပဲသိကြသည့် မသမာသောမီဒီယာကို ပူးပေါင်းဝေဖန်ကြလေသည်။

Dမြို့တော် ယီချန်းယန်၏ဘက်၌

ဤသတင်းကိုမြင်လျှင် ယီချန်းယန်၏အမူအရာက အေးစက်သွားပြီးစိတ်ထဲမှာ အစီအစဥ်တချို့ရှိလာသလိုလိုရှိလေသည်။သူလုပ်ဆောင်တော့မည့်အချိန်မှာပဲ ယန်အန်းယုဆီက စာတစ်စောင်ရောက်လာသည်။

[ဒေါသမထွက်နဲ့နော် ချန်းယန်...ကျွန်တော့်မှာ ကိုယ်ပိုင်နည်းလမ်းတွေရှိပါတယ်]

ထိုနောက် ယန်အန်းယုက ချွဲနေသည့်အီမိုတီကွန်များစွာဆက်တိုက်ပို့လာသည်။ချက်ချင်းဆိုသလိုပဲ ယီချန်းယန်၏အမူအရာက ကျွမ်းသန္တာလန်သွားသည်။နှုတ်ခမ်းများတွန့်ကွေးသွားရုံသာမက ဟုတ်တိုင်းမှန်ရာ ရှင်းရှင်းပဲ စာပြန်လိုက်သည်။

[ကောင်းပြီ]

ဤနှစ်ရက်အတွင်း အင်တာနက်သုံးစွဲသူများက ယန်အန်းယုနှင့်ဟဲလောယင်း၏အချစ်ရေးသတင်းကြောင့် မရပ်မနား ပွက်လောရိုက်နေခဲ့သည်။တချို့က သူတို့ကိုအားပေးကြပြီး ဆုမွန်ကောင်းတောင်းပေးကြသည်။တချို့က သံသယဝင်ကာ မယုံချင်ချင်ဖြစ်နေသည်။

ဟဲလောယင်း၏ယောကျာ်းလေးဖန်များက ပူဆွေးဝမ်းနည်းနေကြပြီး ယန်အန်းယု၏ ကောင်မလေးဖန်၊ကျဲကျဲဖန်နှင့် ဒေါ်ဒေါ်ဖန်များက အတော်လေးဆန့်ကျင်နေကြလေ၏။သို့ပေမဲ့ အချိန်တစ်ခုလောက်အထိ နှစ်ဘက်စလုံးက အသံတိတ်နေကြပြီး သူတို့၏သဘောထားများကို ရှင်းရှင်းလင်းလင်းမဖော်ပြကြလေရာ ဖန်များအနေဖြင့် အကူအညီမဲ့စွာ စိတ်ပူနေရုံပဲတတ်နိုင်လေသည်။

အင်တာနက်ပေါ်ကအခြေအနေနှင့် နှိုင်းယှဥ်လျှင် 'Love Attack For 29 Days'က ဆန့်ကျင်ဖက်ဖြစ်ပြီး တည်ငြိမ်အေးချမ်းနေသည်။သို့ပေမဲ့ လူတိုင်းက အကုန်လုံးအဆင်ပြေနေသယောင်ဆောင်နေကြခြင်းသာဖြစ်လေသည်။ခေါင်းဆောင်မင်းသားမင်းသမီးအကုန်လုံးမှာ မတူညီသောအမြင်များရှိကြပြီး ရိုက်ကူးရေးဝန်ထမ်းများက ထိုအကြောင်းကို ကွယ်ရာမှာ တိတ်တိတ်လေး အတင်းတုပ်ပြီးဆွေးနွေးကြသည်။ထိုအချိန်မှာ ဒါရိုက်တာ ကိုယ်၌ကမူ ကိုယ်ပိုင်အတွေးအမြင်များရှိနေသည်။

သို့ပေမဲ့ ဂယက်များသယ်လာသည့်လူများကို မြင်နေကျဖြစ်သည့် ဒါရိုက်တာစုန့်က ထိုအကြောင်းကို များများစားစား ဂရုမစိုက်ပါဘဲ ရိုက်ကူးရေးကိုပဲဆက်လက်၍ အလေးအနက်ရိုက်ကူးနေသည်။သို့တိုင် ဤကိစ္စက ယန်အန်းယုနှင့်ပတ်သတ်နေသည်။ရှန်းဟွမ်မီဒီယာဖြစ်စေ၊ထိုရုပ်ရှင်ဧကရာဇ်ပဲဖြစ်စေ နှစ်ဖက်လုံးက သင့်တော်သောဆောင်ရွက်ချက်များပြုလုပ်လိမ့်မည်ဖြစ်ကြောင်း ခန့်မှန်း၍ရလေသည်။

နေ့လယ်ပိုင်း၊ဟဲလောယင်း၏နားနေခန်း၌

ဟဲလောယင်းတစ်ယောက် ဖုန်းထဲက အွန်လိုင်းပေါ်မှမှတ်ချက်များကို ဖတ်ရင်း သူမ မျက်နှာပေါ်ကအပြုံးကဖုံးမရအောင်ပေါ်နေသည်။

အမှန်တွင် မည်သူက ယန်အန်းယုကိုပစ်မှတ်ထားပြီး အပုတ်ချနေလဲမသိပေမဲ့ အနှီအချစ်ရေးသတင်းကိုသုံးပြီး ဆူဆူညံညံဖြစ်အောင်လုပ်ခြင်းအတွက် ဟဲလောယင်း ကြိတ်ပြီး ဝမ်းသာပီတိဖြစ်နေသည်။သူမ စမ်းပြီးတိုက်ခိုက်ကြည့်၍ရလောက်သည်။

ရုတ်တရက် တစ်စုံတစ်ယောက်က တံခါးခေါက်လာသည်။ကျန်းကျဲက တံခါးကိုဖွင့်လိုက်ပြီးနောက် ယန်အန်းယုနှင့် သူ၏မန်နေဂျာ ချီစန်းဖြစ်ကြောင်းတွေ့လိုက်ရသည်။

"အန်းယုကော...ညီမ အစ်ကို့ကိုလာရှာတော့မလို့ပဲ...အစ်ကိုက ညီမဆီအရင်ရောက်လာမယ်လို့မမျှော်လင့်ထားဘူး"

ဟဲလောယင်းက ဆံပင်ကိုနားနောက်မှာသပ်တင်လိုက်ပြီး သူမ၏ကြီးမားလှပသောမျက်လုံးများကို တမင်တကာ မျက်တောင်တဖျပ်ဖျပ်ခတ်လိုက်လေသည်။

သို့ပေမဲ့ ဤကမ္ဘာပေါ်ဝယ် ယီချန်းယန်မှတစ်ပါး တခြားမည်သူကမှ ယန်အန်းယုကိုသွေးဆောင်ဖြားယောင်းနိုင်ခြင်းမရှိပါချေ။သူက ၎င်းကို လုံးဝဥဿုံခံနိုင်ရည်ရှိလေသည်။

"ချီကောနဲ့ကျန်းကျဲ...ကျွန်တော် လောယင်းနဲ့သီသန့်ဆွေးနွေးချင်တာလေးရှိလို့ အရင်သွားနှင့်ပေးကြပါဦး"

ထို့နောက် ယန်အန်းယုက ချီစန်းနှင့် ကျန်းကျဲကို အကြည့်တစ်ချက်ပေးလိုက်၏။

ချီစန်းက ခေါင်းအသာညိတ်ပေမဲ့ ကျန်းကျဲက မျက်မှောင်ကြုတ်သွားသည်။သူမ အနည်းငယ် စိတ်မအေးဖြစ်ပေမဲ့ နောက်ဆုံးမှာ ဟဲလောယင်းကို နှစ်သိမ့်သည့်သဘောနှင့်ပုတ်ကာထွက်သွားခဲ့သည်။

"အန်းယုကော ကိစ္စတွေက ဒီအခြေအနေအထိရောက်လာမှတော့ ရှင်းပြတာထက် ညီမတို့တွဲလိုက်ကြရင်ရောဟင်"

ဟဲလောယင်းက လိုရင်းကိုတန်းပြောလာသည်။

"တွဲကြမယ်တဲ့လား..."

ယန်အန်းယုက ပြုံးလိုက်ပေမဲ့ သူ့မျက်လုံးများထဲမှာ အမှောင်ရိပ်တစ်ခုကတဖြည်းဖြည်း ဖုံးလာနေသည်။

"မင်းမှာ ပြောစရာရှိရင် တစ်ခါတည်းအကုန်ပြောလိုက်တာကောင်းမယ်နော်"

"တောင်းပန်ပါတယ် အန်းယုကော"

ဟဲလောယင်းက ခေါင်းအသာငုံ့သွားပြီး သနားစရာကောင်းကာ အကူအညီမဲ့နေဟန်ရှိလေသည်။

"အစ်ကို့နားကို ညီမစပြီးချဥ်းကပ်လာတုန်းက ညီမမှာတခြားရည်ရွယ်ချက်တွေရှိတယ်ဆိုတာ ညီမဝန်ခံပါတယ်...ဒါပေမဲ့ တဖြည်းဖြည်း အစ်ကိုနဲ့သိလာပြီးနောက်မှာ ညီမအစ်ကို့ကို အများကြီးသဘောကျတယ်ဆိုတာ သတိထားမိလာတယ်"

သူမက ရဲရဲဝံ့ဝံ့ထပ်ပြီးဖွင့်ပြောလာပေမဲ့

အတုအယောင်ဆန်လွန်း၍ ယန်အန်းယုကိုနည်းနည်းမှ ရင်ထဲထိအောင်မလုပ်နိုင်ရေးချမလုပ်နိုင်ပါချေ။

"အိုင်း...အရင်တစ်ခေါက်က သတိပေးချက်ကမလုံလောက်ဘူးထင်တယ်"

ယန်အန်းယုက သက်ပြင်းချလိုက်၏။သို့ပေမဲ့ သူ့အမူအရာက နောက်တစ်စက္ကန့်မှာပဲ တစ်မုဟုတ်ချင်း အေးစက်သွားသည်။

"လောယင်း...မင်းက တကယ့်ကိုဇာတ်ကားထဲက ချန်ယင်းရှန်အတိုင်းချွတ်စွပ်ပဲ"

သူ၏ပုံမှန် ခင်ခင်မင်မင်အမူအရာနှင့်မတူစွာ ယန်အန်းယု၏မျက်နှာက ထပ်ပြီးပြောင်းလဲသွားပြန်လေရာ ဟဲလောယင်းချက်ချင်း ပျာယာခတ်သွားတော့၏။

"ဟဲလောယင်း...ငါကလည်း တုယီယင်လိုပဲဆိုတာ မင်းကို အတိအကျပြောနိုင်တယ်...မင်းကို နည်းနည်းလေးမှ စိတ်မဝင်စားဘူး"

ဟဲလောယင်းက ပြန်မတုံ့ပြန်ဘဲ အောက်နှုတ်ခမ်းကိုသာပိဖိကိုက်လေသည်။

"ငါ အများကြီး မပြောတော့ဘူး... ဘာဆက်လုပ်ရမလဲဆိုတာ မင်းကိုယ်မင်းသိမယ်ထင်ပါတယ်"

ယန်အန်းယုက ဟဲလောယင်းနားကို ရုတ်ချည်းကပ်လာပြီး သူ့အသံကလည်းပိုအေးစက်၍လာသည်။

"မဟုတ်ရင်တော့ ဇာတ်ဝင်ခန်းတွေကို ဖြတ်ထုတ်တာကလည်း အတော်လေးများလာလိမ့်မယ်နော်...အဲဒါက အဆင်မပြေဘူးဆိုရင် သရုပ်ဆောင်တွေကိုတောင်လွယ်လွယ်လေးပြောင်းပစ်လိုက်လို့ရတယ်...ဟဲလောယင်း အဲဒီလိုဆို မင်းအခုထိလုပ်ခဲ့သမျှက အကုန်အလကားဖြစ်သွားမယ်လို့မဆိုလိုဘူးလား"

ထိုသို့ပြောပြီးနောက် ယန်အန်းယုက စိတ်မကောင်းဖြစ်ဟန်ဖြင့် ပခုံးတွန့်လိုက်လေသည်။

"ညီမကို ခြိမ်းခြောက်နေတာလား"

ဟဲလောယင်း၏မျက်နှာက ဖြူဖျော့သွားသည်။ယန်အန်းယုက သူမ သရုပ်ဆောင်မှုအောက်မှာ နည်းနည်းမှ

မကျရှုံးသည်ကိုသိသည်နှင့် သူမကဆက်လက်ပြီး ဖြူစင်ယောင်သနားစရာကောင်းယောင်မဆောင်တော့ပါချေ။

"အန်းယုကော ပြောင်းလဲသွားပြီ"

"ငါကမပြောင်းလဲပါဘူး...မင်းက ငါ့ကိုတစ်ခါနားမလည်ခဲ့ရုံတင်"

ယန်အန်းယုက ဟဲလောယင်း၏နားနေခန်းထဲမှ သွက်လက်သောခြေလှမ်းများဖြင့် သီချင်းညည်း၍မြှောက်ကြွမြှောက်ကြွထွက်လာသည်ကိုမြင်လျှင် ချီစန်း မနေနိုင်ဘဲ ခေါင်းယမ်းလိုက်မိသည်။

"မင်းက တက်သစ်စကောင်မလေးကို ခြိမ်းခြောက်နေတာပဲ"

ယန်အန်းယုက ခေတ္တတန့်သွားပြီး ချီစန်းကို တအံ့တဩကြည့်လိုက်သည်။

"ချီကောက ကျွန်တော် ဟဲလောယင်းကိုဘာပြောမလဲဆိုတာ ခန့်မှန်းနိုင်တာလား"

"အင်း"

ချီစန်းက ခေါင်းညိတ်သည်။

"အလေးအနက်ပြောရရင် မင်းမှာ လောလောဆယ် လုပ်နိုင်စွမ်း များများစားစား မရှိသေးဘူး...ဥက္ကဋ္ဌယန်နဲ့မစ္စတာယီရဲ့အကူအညီကိုအားကိုးနေရတုန်းပဲ"

"အိုက်ရား ချီကောရာ ကျွန်တော့်ကိုဖော်ကောင်မလုပ်ပါနဲ့"

ယန်အန်းယုက အနည်းငယ် မပျော်မရွှင်ဖြစ်သွားပေမဲ့ များမကြာမီ စိတ်သက်သာရာရသွားပြီး ပြုံးကာပြောလိုက်၏။

"ကျွန်တော် နောင်ကျရင် သေချာပေါက် အလုပ်ကြိုးစားပြီး ချန်းယန်လို အရမ်းမိုက်အောင်ကြိုးစားမှာပါဗျ"

"မင်းက ငယ်လွန်းသေးတယ်"

ယန်အန်းယု:"...."

သေချာပြီ၊ချီစန်းက တစ်ချက်လေးမှမတွန့်ဘဲ သူ့အပေါ်ရေအေးတွေလောင်းနိုင်တာပဲ...

သို့ပေမဲ့ သရုပ်ဆောင်တစ်ယောက်အနေဖြင့် ယီချန်းယန်က သူကြိုးပမ်းနေသည့် သူ၏ပန်းတိုင်ဖြစ်လေသည်။

နောက်တစ်ရက်ကုန်သွားသည်။သတင်းထောက်များရိုက်ကွင်းကိုလာပြီး ရိုက်ကူးရေးအဖွဲ့ကိုအင်တာဗျူးသောအခါ ယန်အန်းယုနှင့်ဟဲလောယင်းတို့က အချစ်ရေးသတင်းကို အဟန့်အတားမရှိလွှတ်မထားသလို လူတိုင်းကိုလည်း ဆွေးနွေးခွင့်မပြုခဲ့ကြပေ။နှစ်ယောက်လုံးက ဤကိစ္စက လုံးလုံးလျားလျား နားလည်မှုလွဲနေခြင်းဖြစ်ပြီး သူတို့နှစ်ယောက်က သူငယ်ချင်းများသာဖြစ်၍ လူတိုင်းကိုအတွေးမလွန်စေချင်ကြောင်း အတိအလင်းရှင်းပြခဲ့ကြသည်။

ထိုအချစ်ရေးသတင်း နှင့်ပတ်သက်ပြီး နောက်ကွယ်မှာလက်မည်းကြီးတစ်ခုရှိနေသေးသလို ယန်အန်းယု ခံစားရသည်။ဘယ်သူလဲဆိုရန်အတွက်မူ သူ့စိတ်ထဲမှာ ခန့်မှန်းချက်များရှိပြီးသားဖြစ်၏။မည်သို့ပင်ဖြစ်စေ အစကတည်းက သူ့ကိုမကြိုက်သည့်လူတချို့ရှိနေသည်မဟုတ်ပါလော။

"ကိစ္စက ဖြေရှင်းပြီးသွားပုံပဲ..."

ယီချန်းယန်က သူ့ကိုဖုန်းခေါ်လာသည်။သူတို့နှစ်ယောက်စလုံးက သူဘာအကြောင်းပြောနေမှန်း ကောင်းကောင်းကြီးသိကြသည်။

"အမ်း...ချန်းယန်ကို စိတ်ပူအောင်လုပ်မိသွားတယ်"

ယန်အန်းယုက ခပ်ဖွဖွရယ်လိုက်သည်။အနှီကိစ္စကို ဖြေရှင်းသူက ယီချန်းယန်သာဖြစ်ပါလျှင် ဟဲလောယင်း၏အဆုံးသတ်က အလွန်ကိုသနားစရာကောင်းလိမ့်မည်ဟု ယန်အန်းယုခံစားရသည်။

"ချန်းယန်...ခင်ဗျားက ကျွန်တော့်ကိုဂရုစိုက်အလိုလိုက်ပြီး ဘာတွေပဲဖြစ်လာပါစေ ကျွန်တော့်ကိုအမြဲကာကွယ်ပေးမှာမှန်းသိပါတယ်"

ယန်အန်းယုက ဆက်ပြောလာပြီး သူ့အသံက ပို၍တည်ငြိမ်လာသည်။

"ဒါပေမဲ့ နောက်နောင် ကျွန်တော့်ကိုယ်ကျွန်တော်ကာကွယ်ပါ့မယ်...ပြီးတော့ ပိုသန်မာလာအောင်ကြိုးစားပြီး ချန်းယန်ကိုလည်း ကာကွယ်ပေးမယ်"

သူ့ကိုကာကွယ်ပေးမယ်ပေါ့...ယီချန်းယန် အနည်းငယ် စိတ်ပျံ့လွင့်သွားခဲ့၏။ပြီးခဲ့သည့်နှစ်အနည်းငယ်ကနှင့် မတူစွာပဲ သူက လုံလုံလောက်လောက် သန်မာပြီး သူလိုချင်သမျှအရာရာတိုင်းကို ပိုင်ဆိုင်သည်ဟု လက်ရှိမှာ လူတိုင်းကထင်နေကြသည်။သို့ပေမဲ့ အမှန်မှာတော့ လုံးဝထိုသို့မဟုတ်ပါချေ။

သို့ပေမဲ့ အနှီ'ယန်အန်းယု'က အကြိမ်တိုင်းမှာ သူ့နှလုံးသား၏အနူးညံ့ဆုံးအစိတ်အပိုင်းကို ထိနိုင်ခဲ့လေသည်။

ယန်အန်းယုနှင့်ဟဲလောယင်းဘက်က လက်ဦးမှုယူ၍ အချစ်ရေးသတင်းကို ရှင်းလင်းခဲ့သည်။ထိုသတင်းက ယွီစစ်ယွမ်နှင့်ယန်ဖုန်းဆီရောက်သည့်အခါ နှစ်ယောက်သား ဒေါသထွက်လွန်း၍ အံ့ကြိတ်လိုက်မိကြသည်။မူလက သူတို့နှစ်ယောက် အချိန်အတိုင်းအတာတစ်ခုလောက် ပြဿနာရှာနိုင်မည်ဟုထင်ခဲ့ကြသည်။သို့ပေမဲ့ ယခု ကြည့်ရသည်မှာ လူသစ်လေးဟဲလောယင်းက အဆုံးကျ အထင်ကြီးလောက်စရာမရှိပုံပင်။

ထို့အပြင် အိုင်ဒေါဒရာမာက မင်းသားပြန်ရွေးပြီး ယန်အန်းယုက ခေါင်းဆောင်မင်းသားနေရာကိုရသွားခဲ့ကတည်းက ယန်အန်းယု၏နောက်မှာ ကျောထောက်နောက်ခံအဖြစ်နှင့် ယန်ကျွယ့်ရှိနေရုံသာမက နောက်ထပ်တစ်ယောက်ကပါ သူ့ကိုကာကွယ်ပေးနေသည်ဟု ယွီစစ်ယွမ်ခံစားရသည်။

"ယန်အန်းယု...မင်းက ယီချန်းယန်ရဲ့အားနည်းချက်လား"

ညအချိန်မှာ သူ့ဖုန်းထဲက သူယန်အန်းယုနှင့်တွဲရိုက်ထားသည့် တစ်ခုတည်းသောပုံကိုကြည့်ရင်း ထန်းရှောင်သူ့ဘာသာသူရေရွတ်လိုက်သည်။သူ အနည်းငယ်စိတ်ပျက်၍သွားသည်။ဘဝဆိုတာ တကယ့်ကို တိုက်ဆိုင်မှုတွေနဲ့ပြည့်နေသည်ကိုး...

နှစ်ပတ်အကြာမှာ ယန်အန်းယု၏အိုင်ဒေါဒရာမာက နောက်ဆုံးအပိုင်းပဲကျန်တော့သည်။ယီချန်းယန်ဘက်မှာ သူက သူ၏အပိုင်းများကို စော၍အပြီးသတ်ပြီး Dမြို့တော်ကနေ Sမြို့တော်ကိုအပြေးသွားခဲ့သည်။

ညကြီးမင်းကြီး ဝမ်ရှင်းကျင်းယွမ်ကို တိတ်တိတ်လေး သွားပြီး ယန်အန်းယုကို စပရိုက်ကောင်းကောင်းတိုက်ခဲ့သည်။

"ချန်း...ချန်းယန် ခင်ဗျာအစောကြီးပြန်လာတယ်"

တံခါးဝရှိ ယီချန်းကိုမြင်ရာတွင် ယန်အန်းယုက ချက်ချင်း သူ့အပေါ်ကိုခုန်အုပ်လေတော့သည်။သူက သူ့လက်မောင်းများကို ယီချန်းယန်၏လည်ပင်းမှာခိုတွဲပြီး ခြေထောက်နှစ်ဖက်လုံးကလည်း ယီချန်းယန်၏ခါးပေါ်မှာခွထား၏။

"ချန်းယန်...ချန်းယန်...ချန်းယန်"

ယန်အန်းယုက သူ့နာမည်ကို တတွတ်တွတ် ခေါ်နေပြီး သူ့တစ်ကိုယ်လုံးကလည်း ယီချန်းယန်ပေါ်မှာတွဲလွဲခိုထားသည်။သူ့ပုံစံက ယီချန်းယန်ကို ရေဘဝဲတစ်ကောင်လို မြဲနေအာင်ဖက်ထားနိုင်အောင် လက်များခြေထောက်များ ထပ်ပေါက်လာချင်လွန်း၍တရွရွဖြစ်နေပြီး ဘာကိစ္စပဲရှိရှိလွှတ်မပေးတော့မည့်အတိုင်းပါပင်။

ယီချန်းယန်က ယန်အန်းယု၏တင်ပါးကို သူ့လက်ဖဝါးကြီးဖြင့်ကိုင်ပင့်ကာထားပြီး ထူးသည့်အနေဖြင့် ပြန်တလဲလဲခေါင်းညိတ်နေသည်။

"အင်း...အင်း...ကိုယ်ရှိတယ်နော်...မင်းနဲ့ခွဲရတာကိုမုန်းတယ် ကိုယ့်ကိုညှဥ်းဆဲနေတဲ့နတ်ဆိုးလေး"

"မဟုတ်...မဟုတ်ပါဘူးနော်"

ယန်အန်းယုက ငြင်းဆန်လိုက်၏။

"ဘာလို့မဟုတ်ရမှာလဲ"

ယီချန်းယန်က ခေါင်းငုံ့ကာ သူ့မျက်နှာကို ယန်အန်းယု၏နှာဖျားနှင့်ပွတ်သပ်လေသည်။

"ဟားဟား ...ယားတယ် ချန်းယန်"

ယန်အန်းယုက တဟားဟားရယ်လိုက်ပြီး သွားစွယ်လေးများပေါ်လာ၏။

အနှီကိုမြင်သော် ယီချန်းယန် ရင်ခုန်သွားပြီး ယန်အန်းယု၏နူးညံ့သောနှုတ်ခမ်းများကို ညင်သာစွာ ကိုက်ခဲလိုက်လေ၏။

"ရှောင်ယု...မင်းလေး ဒီလိုမျိုးပြုံးရယ်နေတာက လူတွေကိုပြစ်မှုကျူးလွန်အောင်သွေးဆောင်ဖြားယောင်းနေတာပဲ...ဒါကို မင်းက နတ်ဆိုးလေးမဟုတ်ပါဘူးငြင်းချင်နေသေးတာလား"

"ဟုတ်ပါပြီနော်..."

ယန်အန်းယုက မျက်တောင်တဖျပ်ဖျပ်ခတ်လိုက်ပြီး ၎င်းနောက် ယီချန်းယန်ကိုပို၍ပင်တင်းတင်းကြပ်ကြပ်ဖက်လိုက်လေသည်။ယီချန်းယန်ကိုကြည့်နေသည့် သူ့အကြည့်တို့က ရွှန်းလဲ့နေသည်။

"ဒါပေမဲ့ ကျွန်တော်က ချန်းယန်တစ်ယောက်တည်းအတွက် နတ်ဆိုးလေး...တစ်ယောက်တည်းအတွက်ပဲ"

"ဒါဆို နောင်ကျရင် ဒါကိုပြန်ရုတ်သိမ်းခွင့်မပြုဘူးနော် ဟုတ်ပြီလား"

ယီချန်းယန်၏မျက်လုံးများက ရီဝေ၍နေသည်။

"အင်း...ညာရင် အပ်ကိုမျိုချရပြီး ခွေးဖြစ်ပါစေဗျာ...ပြီးတော့ ကျွန်တော်တို့ လက်သန်းချင်းချိတ်ပြီး ကတိပြုလို့ရတယ်လေ...နှစ်တစ်ရာတိုင်တဲ့ထိ ပြောင်းခွင့်မရှိဘူး"

သူ့ရှေ့ရှိ စိတ်ရင်းအပြည့်ဖြင့်လူငယ်လေးကိုကြည့်ပြီး ယီချန်းယန် လက်သန်းချင်းချိတ်ကတိမပြုတော့ပါဘဲ ခပ်ဖွဖွသာရယ်လိုက်သည်။

"ကိုယ်မင်းကိုယုံပါတယ်"

ထို့နောက်မှာတော့ အိမ်ပေါက်ဝကြီးမှာနေသည့်ကအဆင်မပြေသဖြင့် ယီချင်းယန် ယန်အန်းယုကိုခန်းမထဲသယ်သွားလိုက်သည်။

"ဝုတ် ဝုတ် "

ထိုအချိန်မှာ Cocoကလည်းပြေးလာသည်။ခွေးက သခင်နောက်တစ်ယောက်ပြန်လာလို့ အရမ်းပျော်နေတာကို သူတို့က လာနမ်းရုံဖက်ရုံလေးလုပ်ပြီး ပြန်လျစ်လျူရှုတော့မှာလား...

ယန်အန်းယုနှင့် ယီချန်းယန်က အချစ်ငှက်ငယ်လေးများပဲထပ်ဖြစ်သွားကြပြန်သည်ကိုမြင်လျှင် Coco အနှီဖြစ်နိုင်ချေက အတော်လေးမြင့်သည်ဟုခံစားရသည်။ဝုတ်ဝုတ်...

ဆောင်းဝင်လာပြီးနောက်မှာ ဟဲလောယင်းဆက်ပြီး ပြဿနာမရှာရဲတော့ပါချေ။သူမက ယခု ကိုယ့်နေရာကိုယ်သိသွားပြီးဖြစ်ပြီး ယန်အန်းယုလည်း 'Love Attack For 29 Days'ရိုက်ကူး၍ပြီးသွားသည်။

ပြုံးလိုက်လျှင် ခပ်ဆိုးဆိုး လူဆိုးလူမိုက်ရုပ်ပေါက်သွားသည့် သခင်လေးတုတစ်ယောက် နောက်ဆုံးမှာ လုပ်ရည်ကိုင်ရည်ရှိပုံပေါ်ပေမဲ့ ရံဖန်ရံခါ ယောင်ချာချာဖြစ်တတ်သည့် ရဲမေ ချိုးယွင်ရှန့်နှင့်ညားသွားပြီး ပျော်ရွှင်ဖွယ်မိသားစုဘဝလေးတည်ဆောက်ကြလေသည်။

ရှန်းဟွမ်မီဒီယာက ဤနှစ်ကုန်မှာ ကုမ္ပဏီတွေ့ဆုံပွဲကျင်းပဦးမှာဖြစ်၏။

ကုမ္ပဏီ၏ယခင်ထုံးစံက ဤကဲ့သို့သောတွေ့ဆုံပွဲမျိုးက နှစ်တိုင်းကျင်းပရခြင်းဖြစ်လေသည်။

အထူးအခြေအနေများမရှိသရွေ့ ရှန်းဟွမ်မှအနုပညာရှင်တိုင်းနီးပါး တက်ရောက်ကြမှာဖြစ်၏။ထို့ကြောင့် ပွဲကျင်းပရာနေရာမှာ ရှင်းလီတို့ လျောင်ကျဲဖန်တို့ကဲ့သို့သော ဂီတနတ်ဘုရားများသာမက ယီချန်းယန်တို့ ဟူဟုန်းယွီတို့ကဲ့သို့သောရုပ်ရှင်ဧကရာဇ်များ၊ရုပ်ရှင်ဧကရီများလည်း ရှိနေလေသည်။ထုံးစံအတိုင်း တက်သစ်စအချို့၏မျက်နှာများကိုလည်း မြင်ရပေ၏။

👥️

Prev Next