Chapter 63

👥️Chapter 63

"အဲဒီနောက်မှာ ငါတို့ယန်မိသားစုက ယီချန်းယန်ကို လွန်လွန်ကဲကဲကိုမကြိုဆိုတော့တာပဲ...ခွင့်ပြုချက်မရဘဲ မင်းသူနဲ့လက်ထပ်မှတ်ပုံတင်တာက အမေနဲ့ငါပဲသိတဲ့ကိစ္စ"

တခြားမိန်းမတစ်ယောက်သာဆိုလျှင် ယောကျာ်းဖြစ်သူက တစ်နေ့မှာ တရားမဝင်သားတစ်ယောက်ကို​ ပြန်ခေါ်လာပါက သေချာပေါက်ဆန့်ကျင်မှာဖြစ်ပြီး ယန်အန်းယုကို ယန်မိသားစုထဲခြေချခွင့်ပြုမှာမဟုတ်ပေ။

သို့ပေမဲ့ မဒမ်ယန်က အလွန်ကိုကောင်းမွန်စွာ သွန်သင်ဆုံးခံခဲ့ရပြီးကြီးပြင်းလာသူဖြစ်သည်။သူမက ပြဿနာမရှာဘဲ ဆန့်ကျင်ဘက်အနေဖြင့် အနှီဆိုဆုံးမရခက်သောကလေးကိုလက်ခံခဲ့သည်။

မဒမ်ယန်၏ နှလုံးသားထဲမှာ ဖုံးကွယ်ထားသည့်အရာများစွာရှိလေသည်။ယန်ဖန်းနှင့်မတူပါဘဲ သူမက သူမ၏ခင်ပွန်းကို စိတ်ရင်းဖြင့်နှစ်သက်ပြီး သူ၏စဥ်းစားပုံနားလည်နိုင်၏။ယန်အန်းယုတို့သားအမိအပေါ်ခံစားရသည့် သူ၏အပြစ်ရှိစိတ်ကိုလည်း သူမနားလည်နိုင်လေသည်။

"ကော...ကျေးဇူးပါ"

ယန်အန်းယုက ကျယ်ကျယ်အော်ပြောလိုက်သည်။

"ပြီးတော့ မဒမ်ကလည်းတကယ်အံဩစရာကောင်းတယ်...သူက အဖေ့ကိုအများကြီးချစ်တာဖြစ်ရမယ်"

"..."

ယန်ကျွယ့်က စကားပြန်မဆိုလိုက်ပေ။သူ့အနေဖြင့် သူ့အမေကို တခြားဘယ်သူ့ထက်မဆိုပိုနားလည်ပေသည်။

"ကော နောင်နှစ် ဒီနေ့ကျရင် ကျွန်တော်... "

ယန်အန်းယု၏အမူအရာအရ သူက အလွန်အရေးကြီးသောဆုံးဖြတ်ချက်တစ်ခုကိုချထားပုံရသည်။ယန်ကျွယ့် အတော်လေး သိချင်သွားပြီးမေးလိုက်၏။

"ဘာလဲ...ဘာလုပ်ချင်လို့လဲ"

လက်ဖဝါးကိုဆိတ်လိုက်ရင်း ယန်အန်းယု၏အကြည့်တို့က ခိုင်မာနေသည်။

"ကျွန်တော် ချန်းယန်ကိုခေါ်ပြီးလာခဲ့မယ်"

အံ့ဩလွန်း၍စကားမပြောနိုင်တော့သောယန်ကျွယ့်:"..."

"အတိတ်မှာတုန်းက ကျွန်တော့်မှာ မွေးချင်းရယ်လို့မရှိခဲ့ဘူး...တစ်ခါတလေ တခြားမိသားစုက ကလေးတွေကိုအရမ်းအားကျတယ်...သူတို့မှာ အဖေနဲ့အမေတင်မကဘူး သူတို့ကိုချစ်ပေးမဲ့အစ်ကိုတွေအစ်မတွေလည်းရှိတယ်... အတူတူနေနိုင်ကြတယ်၊အတူတူဆော့ကြတယ်၊အချင်းချင်းလုံးထွေးသတ်ပုတ်ကြတယ်၊ဘာမဟုတ်တာလေးကို ငြင်းခုံကြတယ်...ခဏခဏ အစားအ​သောက်အတွက်ရန်ဖြစ်ကြတယ်...ဒါပေမဲ့ အရေးဟဲ့အကြောင်းဟဲ့ဆို တစ်ယောက်အတွက်တစ်ယောက်ရှိနေပေးကြတုန်းပဲ...တစ်ယောက်တည်းပဲရှိနေတဲ့ကျွန်တော့်လိုမဟုတ်ဘူး..."

"ဒါပေမဲ့  ကျွန်တော့်မှာ ရုတ်တရက် ကောက်ခါငင်ခါ အစ်ကိုကြီးတစ်ယောက်ရှိလာခဲ့တယ်"

ယန်အန်းယုက ဖြည်းညှင်းစွာ ဆိုနေသည်။သူက သူ့အတိတ်ကိုပြန်လည်တွေးတောနေ၏။သူ ကလေးအရွယ်မှာတင် သူ့မိဘနှစ်ပါးလုံးသေဆုံးသွားခဲ့သဖြင့် မိသားစုမေတ္တာကို တစ်ခါမှ သူမခံစားခဲ့ရဖူးပါချေ။သို့ပေမဲ့ ဤကမ္ဘာသို့ရောက်လာ သောအခါ များစွာသော အရာတို့ကိုရရှိလာခဲ့သည်။

"ကော ကျွန်တော်က တကယ်...တကယ်ကံကောင်းတာပဲ...ကျွန်တော် အရမ်းပျော်တယ်"

"ဟေး ကောင်စုတ်လေး...ရုတ်တရက်ကြီး ဒီလို ရင်ထဲထိစရာစကားတွေထမပြောနဲ့လေ"

အရေးမစိုက်ဟန်ဖြင့် ပြောသော်ငြား ယန့်ကျွယ့်က ယန်အန်းယုဆီလျှောက်သွားပြီး သူ့ကိုဖက်ကာ ပခုံးကိုပုတ်ပေးလိုက်ဆဲဖြစ်လေ၏။သူက ဆိုသည်။

"အမှန်တော့ ငါလည်းအဲလိုပဲထင်တယ်...မင်းက အခုအများကြီးပိုလိမ္မာလာပြီ...မင်းလို ညီလေးမျိုးရတာငါလည်း တကယ်ကံကောင်းတာပဲ"

ယန်အန်းယုက ယခုဆိုလျှင် တစ်ခါတလေ နောက်တတ်​ပြီး သူ့ကိုပင် ဟာသလုပ်တတ်​သေးသော်လည်း ယုံကြည်မှုနှင့်မှီခိုအားကိုးမှုတို့ပိုရှိနေကာ ယန့်ကျွယ့်အား သူ့ပခုံးပေါ်မှာ တာဝန်နောက်တစ်ခုရှိလာသကဲ့သို့ခံစားရစေသည်။

ဤညတွင် ယန်အန်းယု အကြားကြီး ချီတုံချတုံဖြစ်၍နေကာ လူးလိုက်လိမ့်လိုက်ဖြင့် အိပ်မပျော်နိုင်ခဲ့ပေ။သူ ထပ်ခါ ထပ်ခါ တွေးပြီးနောက်မှာ ဖုန်းကိုကိုင်ရန်ပဲရွေးချယ်လိုက်​တော့သည်။

အချိန်က 11နာရီခန့်ရှိပြီဖြစ်၏။ယီချန်းယန်နိုးသွားမှာစိုး၍ ယန်အန်းယု ဖုန်းမခေါ်ဘဲ စာတစ်စောင်ပဲပို့ပြီး စမ်းကြည့်ခဲ့သည်။

[ခင်ဗျားရှိနေလား]

မိနစ်ဝက်အကြာမှာ မမျှော်လင့်ပါဘဲ ယီချင်းယန်က စာပြန်လာသည်။

[ဘာလို့အခုထိမအိပ်သေးတာလဲ...စောစောအိပ်တာက ခန္ဓာကိုယ်အတွက်ကောင်းတယ်]

ယန်အန်းယု ချက်ချင်းလက်ငင်း စိတ်လှုပ်ရှားလာပြီး အိပ်ချင်စိတ်များ လုံးလုံးလျားလျား ပျောက်ကုန်ကာ အသံမက်ဆေ့ချ်ပို့လိုက်သည်။

"ဟဲဟဲ ချန်းယန်...ခင်ဗျားလည်းမအိပ်သေးဘူးမလား"

ယန်အန်းယုက ရယ်လိုက်သည်။

"ကိုယ်က မင်းအကြောင်းတွေးနေတာ"

တိတ်ဆိတ်သောညမှာ ယီချန်းယန်၏သံလိုက်လိုအသံက နူးညံ့ပြီး အချစ်တို့ထုံလွှမ်းနေသည်။ယန်အန်းယု

နှလုံးသားပေါ်မှာ သကြားဖြူးခံလိုက်ရသလိုခံစားလိုက်ရပြီး ယင်းက အတော်လေး အတော်လေးကို ချိုမြိန်လေသည်။

သို့ပေမဲ့ တစ်စုံတစ်ခုကို တွေးမိပြီးသူ့အပြုံးကိုထိန်းလိုက်၏။

"ချန်းယန်...ဒီနေ့ ကျွန်တော့်ကိုလွမ်းတာအပြင်...တခြားတစ်ယောက်ကိုလည်း လွမ်းနေတယ်မလား...ဥပမာ...ကျွန်တော့်အဖေ"

တခြားတစ်ဖက်တွင် ယီချန်းယန်က ခဏလောက်တိတ်ကျသွားပြီမှ ခပ်တိုးတိုးဆိုသည်။

"ယန်ကျွယ့်က မင်းကိုတစ်ခုခုပြောလိုက်ပုံပဲ...မင်းနားလည်မှုလွဲနေတယ်...ကိုယ်သူ့ကို နည်းနည်းမှမလွမ်းဘူး...ကိုယ်တကယ် ယန်ဖန်းကိုမုန်းတယ်"

မုန်းတယ်လား...ယန်အန်းယု ကြောင်အသွား၏။ယီချန်းယန်က ယန်ဖန်းသူ့ကိုလက်ဆောင်ပေးခဲ့သော စစ်တုရင်ခုံကို တန်ဖိုးထားမှန်းသိသာပြီး သူနှင့်စစ်တုရင်ဆော့ရသည်ကိုလည်းကြိုက်သည်။သူ့လေသံထဲမှာ ခံစားချက်အများကြီးဖုံးကွယ်ထားသည်ကို အထင်းသားမြင်နေရသည်။

"ချန်းယန်...ကျွန်တော်က သူများတွေပြောတာကိုကြားခဲ့တယ်ဆိုတောင် အဲဒါကသူတို့ရဲ့ ခင်ဗျားအပေါ်ထားတဲ့အမြင်လေ...ကျွန်တော့်မှာလည်း ကျွန်တော့်ကိုယ်ပိုင်အမြင်တွေရှိပါတယ်..."

အသက်ပြင်းပြင်း ရှူပြီးနောက် ယန်အန်းယုက ယုံကြည်မှုရှိရှိ ပြောလိုက်၏။

"ဒီကမ္ဘာ​ပေါ်မှာ ကျွန်တော် ခင်ဗျားကို သဘောအကျဆုံးပဲ...ဒါကြောင့်မို့ ဘယ်အချိန်ပဲဖြစ်ဖြစ် ခင်ဗျားကိုယုံကြည်ဖို့ရွေးချယ်မှာ"

ချက်ချင်းပဲ ယီချန်းယန်၏နှလုံးသား သိမ့်ခနဲဖြစ်သွားတော့သည်။

သူက ဘယ်တုန်းကမှ လူကောင်းတစ်ယောက်မဟုတ်ခဲ့ပေ။သူက သူ၏တဖက်ခြမ်းကို အထူးသီးသန့်ပုဂ္ဂိုလ်များကိုသာပြသတတ်ပြီး အချိန်အများစုမှာ တည်ငြိမ်ပြီး စိတ်မပါသည့်ဟန်ရှိနေတတ်သည်။

သူ၏ သွေးရင်းများနှင့် သူချစ်ရသူများက သူ့ကိုတစ်ယောက်ပြီးတစ်ယောက်ထားခဲ့ကြသည်။သူက သစ္စာဖောက်ခံရဖူးသည်၊စွန့်ပစ်ခံခဲ့ရဖူးသည်။တစ်ခါတလေ တချို့အရာများလုပ်ရန် သူ့နှလုံးသားကိုမာကျောအောင်လုပ်ခဲ့သည်။သူ့ကိုယ်ပိုင်အကြောင်းပြချက်ကို သူကိုယ်တိုင်ပင် မ​သေချာသော်လည်း ယန်အန်းယုက ယခုကဲ့သို့ သူ့ကို စိတ်နှလုံး ပုံအပ်ကာယုံကြည်ရန်ဆန္ဒရှိနေသည်။

ယီချန်းယန်က အချိန်အတော်ကြာသည့်တိုင် တုံ့ပြန်မလာသည်ကိုမြင်လျှင် ယန်အန်းယုက ထပ်ပေါင်းထည့်ကာပြောလိုက်သည်။

"ချန်းယန်...ခင်ဗျားနဲ့ ကျွန်တော့်ကော နှစ်ယောက်စလုံးက အဖေ့ကိုမုန်းတယ်လို့ပြောကြတယ်...ဒါပေမဲ့ တကယ်တမ်းကျတော့ ခင်ဗျားတို့နှစ်ယောက်လုံး သူ့ကိုအများကြီးဂရုစိုက်တယ်လို့ကျွန်တော်ထင်တယ်"

ယန်အန်းယုက အလွန်ကိုရှင်းလင်းပြတ်သားစွာမြင်ပြီး ယီချန်းယန်၏စိုးရိမ်ပူပန်မှုများကို ဝါကျတစ်ကြောင်းတည်းဖြင့် ဖော်ထုတ်သွားခဲ့သည်။ယင်းက ယီချန်းယန်ကို ထိုစဥ်ဆေးရုံခန်းထဲတုန်းက မြင်ကွင်းကို ပြန်မတွေးမိဘဲမနေနိုင်ဖြစ်စေသည်။

ယန်ဖန်း၏နှလုံးက ရပ်တန့်သွားပြီဖြစ်ပြီး ထာဝရ'အိပ်ပျော်'သွားတော့မည့်အချိန်မှာ သူက ယန်ဖန်း၏လူနာကုတင်ဘေးမှာ ငေးကြောင်ကြောင်ရပ်နေခဲ့သည်။

ယန်ဖန်းသာ အနည်းငယ် ပိုကြာကြာနေနိုင်ခဲ့လျှင် သူ၏အနောက်ကစကားဆုံးသည်အထိ နေနိုင်ခဲ့လျှင်...သို့​ပေမဲ့ နောက်ကျလွန်းသွားခဲ့လေပြီ။

"ချန်းယန် တောင်းပန်ပါတယ်...ကျွန်တော် ဒါကိုထည့်မ​ပြောသင့်တာမျိုးဖြစ်ချင်ဖြစ်မယ်...စိတ်မကောင်းဖြစ်သွားလား"

ယန်အန်းယုက စိုးရိမ်ပြီးမေးသည်။

သို့ပေမဲ့ ယီချန်းယန်က ပေါ့ပေါ့ပါးပါးသာဆိုလာ၏။

"အဆင်ပြေပါတယ်... နောက်ကျနေပြီ...သွားအိပ်တော့နော်"

"ချန်းယန်...ဝမ်းမနည်းပါနဲ့...စိတ်

မကောင်းလည်းမဖြစ်ပါနဲ့တော့...မဟုတ်ရင် ကျွန်တော် Dမြို့တော်ကိုခုချက်ချင်း လေယာဥ်စီးပြီး ခင်ဗျားဘေးကိုလာမယ်"

"ခုချက်ချင်းလား..."

ယီချန်းအန်က သဘောတကျရယ်လေသည်။ 

"မင်းကိုယ်မင်း စူပါမန်းလို့များထင်နေတာလား...ဒါမှမဟုတ် မင်းမှာ ဒိုရေမွန်ရဲ့Anywhere Doorရှိတယ်ထင်နေတာလား"

(T/N—Anywhere Door or Dokodemo Door >>မည်သည့်နေရာမဆိုအလွယ်တကူသွားလာနိုင်သည့် ပန်းရောင်တံခါးလေး)

"အိုင်း...ကျွန်တော့်မှာ Anywhere Doorတကယ်ရှိရင်ကောင်းမှာပဲ...မတရားကိုကောင်းမှာ"

ယန်အန်းယု အတော်လေး ယူကြုံးမရဖြစ်နေသည်။သို့ပေမဲ့ နောက်တစ်စက္ကန့်မှာပဲ သူ့အကြည့်များက ပြောင်းလဲသွား၏။သူ့လေသံကလည်း များစွာပို၍သေချာခိုင်မာလာသည်။

"ဒါပေမဲ့ ချန်းယန် ကျွန်တော် ခင်ဗျားကိုမနေနိုင်မထိုင်နိုင်အောင်တွေ့ချင်လာရင် သေချာပေါက် ဘာကိစ္စပဲရှိရှိ မရရတဲ့နည်းနဲ့လာတွေ့မှာ"

ယီချန်းယန် ရင်ထဲထိသွားရပြန်ပြီး ပြုံးကာ​ပြောလိုက်၏။

"အင်း...မင်းက အကောင်းဆုံး"

ထို့နောက်မှာ ယီချန်းယန်က အသံမက်ဆေ့ချ်ကိုမသုံးတော့ဘဲ ထိုအစား စာရိုက်ကာပို့လိုက်သည်။

[ရှောင်ယု...ကိုယ်တတ်နိုင်သမျှအမြန်ဆုံး​ပြန်လာခဲ့မယ်...မင်းပိုလိမ္မာဖို့လိုတယ်နော်]

ယန်အန်းယုကလည်း စာပြန်ရိုက်ပို့လိုက်သည်။

[အွန်း...မွ(づ￣ ³￣)づ ╭~]

ရလဒ်အနေဖြင့် နှစ်ရက်အကြာတွင် ယန်အန်းယုနှင့် ဟဲလောယင်းကြားက အချစ်ရေးသတင်းတစ်ခုပေါက်ကြားလာလေသည်။

နာမည်ကြီးတစ်ယောက်က တခြားနာမည်ကြီးတစ်ယောက်နှင့် ရိုက်ကူးရေးအတွင်းမှာဖြစ်စေ၊ပရိုမိုးရှင်းကာလများမှာဖြစ်စေ ပုံမှန်ထက်ပိုတရင်းတနှီးဆက်ဆံပါက အတင်းအဖျင်းများထွက်လာတတ်ပေသည်။ယင်းတို့က များလွန်း၍ ဤနည်းလမ်းကို စန်းတင်ရန်နှင့်လူအများ၏ အာရုံစိုက်မှုကိုဆွဲဆောင်ရန်အသုံးပြုကြသည်။

လည်သည့်သူများက အတင်းအဖျင်းများကနေတစ်ဆင့် မိမိကိုယ်မိမိ မည်သို့ ဦးမော့အောင်လုပ်ရမည်ကိုသိကြသည်။တုံးအသည့်သူများက တစ်ခုတည်းနှင့်ဘယ်တော့မှမပြီးဘဲ စဥ်ဆက်မပြတ် အတင်းအဖျင်းများထဲက ရုန်းမထွက်နိုင်ဖြစ်ကာ အမှန်ရောအမှားပါရောထွေးနေတတ်သည်။၎င်းတို့ကိုဖုံးကွယ်ခြင်းက ပို၍ပင်သိသာစေပြီး အထူးသဖြင့် ပွဲဦးထွက်ခါစလူသစ်များအတွက်ဆိုလျှင် ဆိုးရွားသောသက်ရောက်မှုများဆီသို့ ဦးတည်စေ၏။

တစ်ရက်အတွင်းမှာပဲ ပါပါရာဇီများ ခိုးရိုက်ထားသော ဓာတ်ပုံများနှင့် စက္ကန့်ပိုင်းစာဗီဒီယိုကလစ်များက ဆိုရှယ်မီဒီယာပလက်ဖောင်းများနှင့် ဖျော်ဖြေ​ရေးသတင်းမျိုးစုံကနေတဆင့် အလျင်အမြန် ပြန့်သွားကြသည်။

ဓာတ်ပုံနှင့်ဗီဒီယိုများထဲတွင်က ည11နာရီဝန်းကျင်ဖြစ်လေသည်။မူးနေပုံရသော ဟဲလောယင်းက ယိုင်တိုင်တိုင်ဖြင့် ယန်အန်းယုကိုပျော့ခွေလျက် မှီထားလေသည်။ယန်အန်းယုက သူမကိုဂရုတစိုက်တွဲထားကာခပ်သွက်သွက် လမ်းလျှောက်​နေသည်။

သူတို့၏ အဝတ်အစား၊ခန္ဓာကိုယ်တည်ဆောက်ပုံနှင့် ဘေးတိုက်ပုံစံတို့အရ ဤသည်မှာယန်အန်းယုနှင့် ဟဲလောယင်းဖြစ်မှန်း လူတိုင်းကောင်းစွာမြင်နိုင်သည်။ခပ်လှမ်းလှမ်းအကွာအဝေးနှင့်မဲမှောင်နေသောပတ်ဝန်းကျင်အနေအထားကြောင့် သူတို့၏အမူအရာများကို လုံးဝ မမြင်ရပေ။

'သောင်ရှင်း'ကလတ်တလောမှာ နာမည်ကြီးနေပီး TVနှင့်ပတ်သတ်သည့်သတင်းခေါင်းစဥ်များနှင့် နေ့တိုင်း တက်တက်ကြွကြွ အပြန်အလှန်တုံ့ပြန်မှုပြုနေသည့်လူများရှိ​လေသည်။နှစ်လ​ကျော်ရိုက်ကူးရေးအပြီးမှာ 'Love Attack For 29 Days'က အပြီးသတ်ကိုရောက်လာသည်။အဓိကသရုပ်ဆောင်နှစ်ယောက်က ရုတ်တရတ်ကြီး အချစ်ရေးသတင်း ထွက်လာမယ်လို့ဘယ်သူကထင့်ပါ့မလဲ...

အမှန်တရားကိုမသိသည့် ဖြတ်သွားဖြတ်လာများက အနည်းငယ်မှင်တက်မသွားကြဘဲမနေနိုင်ကြပါချေ။သို့ပေမဲ့ ယန်အန်းယု၏ဖန်များက သူတို့၏အိုင်ဒေါကိုအပြည့်အဝယုံကြည်ပြီး ကာကွယ်ပေးကြသည်။မရှင်လင်းမသဲကွဲတဲ့ ဓာတ်ပုံလေးတချို့က ဘာသက်သေပြနိုင်မှာမလို့လဲ...ဒီခေတ်မှာ အိပ်ရာပေါ်ကအခန်းတွေကိုတောင် ဖိုတိုရှော့နဲ့အတုလုပ်ကြတာလေ အာ...

ယန်အန်းယု၏antiဖန်များက ဤကိစ္စကိုအသုံးချပြီး အကွက်ရွှေ့ရန်စောင့်နေကြသည်။သူတို့က ဤကိစ္စကို အပြည့်အဝ အသုံးချပြီး ယန်အန်းယု၏ပွဲဦးမထွက်ခင်ကအတိတ်ကို ပြန်လည်းတူးထုတ်ပြီးပြဿနာရှာကြသည်။ဟိုးယခင်က နိုက်ကလပ်ကို ချောင်းပေါက်အောင်သွားပြီး ငယ်ငယ်ရွယ်ရွယ် ကျောင်းသူလေးများ၊ကျောင်သားလေးများနှင့်ကာမဂုဏ်လိုက်စားတတ်သည့်

အပျော်အပါးလိုက်စားရေးဝါဒီ သခင်ငယ်လေးဟူသည်နှင့် အနှီယန်မိသားစုသခင်လေး၏ တခြားတခြားသော အလွန့်အလွန်ဆိုးရွားလှသည့် မကောင်းသတင်းတချို့ဖြစ်လေသည်။

ထုံးစံအတိုင်းပဲ ယွီစစ်ယွမ်၏ဖန်များကလည်း ရောယောင်ဝင်ပါလာပြီး သူ့ကိုလှောင်ပြောင်ပျက်ရယ်ပြုကြသည်။ယမန်နှစ်က ယန်အန်းယု ကားမတော်တဆမှုဖြစ်ခြင်းမှာလည်း သူအရက်မူးပြီးကားမောင်းခြင်းကြောင့်ဖြစ်ကာ ထိုကံခေမှုအတွက် သူ့ကိုယ်သူသာအပြစ်တင်ရမည်ဟုဆိုကြသည်။

အနှီမကောင်းသတင်းများကိုတွေ့သည့်အခါ ယန်အန်းယု၏ဖန်များက ဟီးဟီးသာပြုကြပြီး တချို့လူများက လက်ရှိမှာ သွားပုတ်လေလွင့်ပြောစရာအကြောင်းရှာမတွေ့သည့်အခါ အတိတ်ကဇာတ်လမ်းဟောင်းများကိုပြန်ပြောပြီး ချီးခြောက်ရေနူးချင်နေကြသည်ဟုပဲခံစားရလေသည်။

ဘယ်သူကများ မွေးကတည်းက ပုပ်ရဟန်မင်းကြီးတွေ အပျိုစင်မယ်ရီတွေဖြစ်ပြီး အမှားနည်းနည်းမှပြုခွင့်မရှိတာမျိုးရှိလို့လဲ...အရေးကြီးတာက ကိုယ့်အမှားကိုယ်သိပြီး ပြန်ပြင်ဆင်နိုင်ဖို့လေ...

ထို့အပြင် ယန်အန်းယုနှင့် ရှန်းဟွမ်လည်း ယန်အန်းယုပွဲဦးမထွက်ခင်ကကိစ္စများနှင့်ပတ်သတ်သည့်ကောလဟာဟများကို ရှေ့တက်ကာရှင်းပြပြီးသည်မှာကြာပြီဖြစ်လေသည်။ကျောင်းကလည်း အထင်လွဲနေသည့်ကိစ္စတချို့ကို ရှင်းလင်းပြီးပြီဖြစ်သည်။လက်ရှိယန်အန်းယုက အနှိမ့်ချဆုံးနှင့် စာအကြိုးစားဆုံးကလေးဖြစ်ကာ လူတိုင်းက သူ့အပေါ်ထားသည့်သူတို့၏အမြင်များကို ကြီးကြီးမားမားပြန်လည်ပြင်ဆင်ပြီးသည်မှာကြာလေပြီ။

နာမည်ကလည်းမကြီး သရုပ်ဆောင်ကလည်းဆိုးသေးတဲ့ ဟဲလောယင်းအတွက်ကတော့ သူ(မ)ဒီနေရာရောက်အောင် တစ်လှမ်းချင်းဘယ်လိုတွားတက်လာခဲ့လဲ...လူတိုင်းအနေဖြင့် ခေါင်းကိုအနည်းငယ်အလုပ်ပေးလိုက်ရုံဖြင့်သိနိုင်မည်ပင်။

ယန်ယုဖန်များ၊အထူးသဖြင့် ပုံမှန်မဟုတ်သည့် ယန်ယုဖန်များက ပို၍ပင်မပျော်မရွှင်ဖြစ်သေးသည်။

ယန်အန်းယုနှင့် ဆက်ဆံရေးကောင်းသည့်မင်းသမီးများစွာရှိ၏။ရှိုး၏ ဇာတ်လိုက်မင်းသမီးတဖြစ်လဲ စိတ်ရင်းလှသောကျန်းကျီလည်းရှိသည်၊'သောင်ရှင်း'ကို ရိုက်ကူးစဥ်ကလည်း ယန်အန်းယုက ချစ်စရာကောင်းပြီး တက်ကြွသော စုချင်ကျားနှင့် တရင်းတနှီးပုံများစွာရှိခဲ့သည်၊'Challenge First Time'ကို ရိုက်ကူးစဥ်ကလည်း ယန်အန်းယုက မကြာခဏ ရှဲ့ယန်နှင့်အပြင်ထွက်စားတတ်သည်။ဒါဆို ဘာလို့ sex scandal က ကတ်တီးကတ်ဖဲ့နဲ့ ဟဲလောယင်း ခေါင်းပေါ်မှတည့်တည့်ကျလာတာလဲ...

👥️