Chapter 84

👥️Chapter 84

ယန်အန်းယုနှင့်ကုရှင်း၏ ဤရေမွှေးဘရန်းထောက်ခံချက်က မူလက ယွီစစ်ယွမ်ကို ပြောရေးဆိုခွင့်ရှိသူအဖြစ်ရွေးချယ်ထားခြင်းဖြစ်သည်။နောက်ဆုံး ဆုံးဖြတ်ချက်ချပြီးချိန်မှာ ယန်အန်းယုက ကားမတော်တဆမှုကြောင့် မေ့မြောနေရာမှ နိုးလာပြီး ကျန်းမာရေး ပြန်လည်ကောင်းမွန်လာခဲ့သည်။ ကြော်ငြာကုမ္ပဏီမှ တစ်စုံတစ်ယောက်က သူ့အိမ်သို့ရောက်လာပြီး ယွီစစ်ယွမ်ကို တိုက်ရိုက်အစားထိုးလိုက်သည်။

ထို့ကြောင့် ယွီစစ်ယွမ်က မပျော်မရွှင်ဖြစ်သွားပြီး ယန်ဖုန်းကချက်ချင်းပင် ရေတပ်များကို ဝယ်ယူကာ အဆိုပါအကြောင်းအရာကို ဖောင်းပွအောင်လုပ်ပြီး ဖန်များကို သွေးထိုးလှုံ့ဆော်ကာ အဆဲစစ်ပွဲများဆီသို့ ဦးတည်သွား​စေခဲ့သည်။

ယမန်နှစ်က ယွီစစ်ယွမ်၏ခြေထောက်ဒဏ်ရာကြောင့် ယန်အန်းယုက သူ့နေရာမှာ အစားထိုးကာ'Love Attack For 29 Days' ဇာတ်ကားတွင်  အမျိုးသားဇာတ်လိုက်အဖြစ် ပါဝင်ခဲ့ပြီး ယခုတစ်ကြိမ်တွင်လည်း မထင်မှတ်ပဲ သူက သူ၏​ထောက်ခံချက်ကိုခိုးယူသွားခဲ့သည်။

ယွီစစ်ယွမ်၏ ဖန်များ မယုံနိုင်လောက်အောင် ဒေါသထွက်သွားခဲ့​​ကြသည်။ နောက်ကွယ်မှာ ညစ်ပတ်တဲ့ အလဲအလှယ်တွေ ရှိကိုရှိနေရမယ်...ယန်အန်းယုမှာ အားကိုစရာ သူ့အစ်ကိုဖြစ်သူရှန်းဟွမ်ရဲ့CEOရှိ​နေတာနဲ့ပဲ အဲလောက်အံဩစရာကောင်းနေလား.. သူက လူတွေကို အနိုင်ကျင့်နေတာပဲ...မျှမျှတတဆက်ဆံမှုပေးဖို့ ကုမ္ပဏီကို တောင်းဆိုပါတယ်...

ယင်းက အချိန်အတော်ကြာအောင် လူထု၏ ထင်မြင်ယူဆချက်များကို အရှိန်အဟုန်နှင့် မြှင့်တက်စေခဲ့လေသည်။

သို့ပေမဲ့ ဤကိစ္စနှင့်ပတ်သက်ပြီး ယန်အန်းယုက မှားယွင်းစွာ အပြစ်တင်ခံခဲ့ရခြင်းဖြစ်လေသည်။သူ ဘာမှမလုပ်ပါဘဲ အပြစ်ပုံချခံရ၊ အပြစ်တင်ခံရ၊အဆဲခံရပြန်သည်။

ကြော်ငြာကုမ္ပဏီက ယန်အန်းယုကို ပထမဆုံး ပူးပေါင်းရန် စိတ်ဝင်စားခဲ့သော်လည်း ကားမတော်တဆမှုကြောင့် ၎င်းတို့သည် ဒုတိယအကောင်းဆုံးကိုပဲ ရွေးခဲ့ရသည်။ယွီစစ်ယွမ် နှင့်လည်း စာချုပ် သို့မဟုတ် သဘောတူညီချက် တစ်စုံတစ်ရာမရှိသောကြောင့် ၎င်းတို့သည် အခြားပိုသင့်လျော်သော နာမည်ကြီးအနုပညာရှင်များထံ အချိန်မရွေးပြောင်းခွင့်လုံးဝရှိပေသည်။

ကုရှင်း၏ နှလုံးသားထဲက အကောင်းဆုံး ပူးပေါင်းဆောင်ရွက်ရေးလက်တွဲဖော်က သဘာဝအတိုင်း ယန်အန်းယုဖြစ်လေသည်။

ယီချန်းယန်က ဤအရာအားလုံးကို မြင်သည်။သူ တစ်ခါနှစ်ခါသည်းခံနိုင်သည့်အရာများရှိပေမဲ့ ထိုထက်ပိုလာလျှင်၊အထူးသဖြင့် သူဂရုစိုက်သည့်လူများကို ဖျက်လိုဖျက်စီးလုပ်လာလျှင် သူ ခွင့်လွှတ်မှာမဟုတ်ပေ။

ယန်အန်းယု နှင့် ယွီစစ်ယွမ် နှစ်ဦးစလုံးသည် ရှန်းဟွမ်၏ အနုပညာရှင်များဖြစ်ပြီး ကုမ္ပဏီ၏ အထက်အရာရှိများထဲတွင်လည်း ယွီစစ်ယွမ်ကို ဂရုစိုက်ပေးနေသည့် တစ်စုံတစ်ယောက် ရှိသည်။ တစ်ခါတစ်ရံမှာ ယန်ကျွယ့်အတွက် ဝင်ပါရန် အဆင်မပြေပေမဲ့ သူ့အတွက်က ကိစ္စမရှိပေ။

ယန်အန်းယုက ယီချန်းယန်၏ နံပါတ်တစ်ဖြစ်သည်။သူ၏တစ်ယောက်သောသူကို လာထိခြင်းက သေခြင်းတရားကို တောင်းဆိုနေခြင်းဖြစ်၏။

"ကျေးဇူးတင်ပါတယ်ချန်းယန်...ခင်ဗျားက အရမ်းအစွမ်းထက်တာပဲ"

ထိုအချိန်တွင် ယန်အန်းယုက ဖန်သားပြင်မှတဆင့် ယီချန်းယန်ကို ပြုံးပြလိုက်သည်။

"အဲဒီမစ္စတာအရူးယွီမှာ ရယ်စရာကောင်းတဲ့ IQ ရှိပြီး အမြဲတမ်း မဆင်မခြင် ခုန်ပေါက်နေတာ... ရက်စက်တဲ့ သင်ခန်းစာမပေးဘူးဆိုရင် နောင်မှာ သေခြင်းတရားကို ဆက်ရှာ​နေပြီး အနှေးနဲ့အမြန်ဆိုသလို ပိတ်ဆို့ခံရမှာ သေချာတယ်"

"ကိုယ် တကယ် အဲဒီလုပ်ချင်ခဲ့တာ"

ယီချန်းယန်က မျက်ခုံးပင့်လိုက်ကာ အတော်လေး နိုင်လိုမင်းထက်ရှိပုံပေါက်​လေသည်။

"ချန်းယန် ဒီလိုလူတွေအတွက်နဲ့ ကိုယ့်လက်ကို အညစ်ပတ်မခံပါနဲ့" 

ယန်အန်းယုက ပြောပြီး လက်သီးဆုပ်လိုက်သည်။

"သူ ကျွန်တော့်ကို ဆက်ပြီး နှောင့်ယှက်ချင်ရင် ကျွန်တော်ဘာသာ လှုပ်ရှားလိုက်မယ်"

ယီချန်းယန်: "အင်း"

"​​ရှောင်ယု မင်းမသွားခင် မင်းရဲ့ ခရီးဆောင်အိတ်ထဲမှာ ကိုယ်ထည့်ထားတဲ့လက်ဆောင်ကိုဖွင့်​ကြည့်ပြီးပြီလား"

ထိုကဲ့သို့သော စိတ်အခြေအနေကို ထိခိုက်စေသော သူမျိုးအကြောင်းကို ဆက်မပြောချင်တော့ဘဲ၊ တစ်​ယောက်သော ရုပ်ရှင်ဧကရာဇ်ကြီးက ယန်အန်းယုနှင့် စက္ကန့်မလပ် အပြန်အလှန် ဆက်ဆံပြီး သာယာကြည်နှူးခြင်းဆီသို့ ပြောင်းလဲခဲ့သည်။

"ဒါ​ပေါ့...ဖွင့်​ကြည့်ဖို့ မစောင့်နိုင်ဖြစ်နေတာ... ဒီမှာ ကြည့်"

ထိုသို​ဖြင့် ယန်အန်းယုက  ခွေးနားရွက်ဘီးကုတ်လေးကို ထုတ်လိုက်ပြီး လက်တော့ပ်ကင်မရာရှေ့မှာပင် ယီချန်းယန်ကို ဝှေ့ယမ်းပြလိုက်သေးသည်။

"ဟီးဟီး ပြန်တွေးကြည့်တော့ ချန်းယန်က ကျွန်​တော့်အတွက် ခွေးပစ္စည်းတွေ အများကြီးဝယ်ခဲ့တာပဲ"

ယန်အန်းယုက မျက်နှာသုတ်ပုဝါ၊ စောင်၊ ညအိပ်ဝတ်အင်္ကျီ၊သူ့ တီရှပ်များကိုတွေးကာပြောလိုက်သည်။အိမ်က သူ့ညှပ်ဖိနပ်အားလုံးကပင် ပါပီပုံ ကာတွန်းများနှင့် အလှဆင်ဒီဇိုင်းများနှင့်ဖြစ်လေသည်။အိမ်ရှိ Coco လေးကိုပင် သူတို့အတူတူ ​​မွေးရန်အတွက် ယီချန်းယန်က အထူးတလည် ​ပြန်ယူလာခဲ့ခြင်းဖြစ်သည်။

ယန်အန်းယုက မူလက သူ့ကိုယ်သူ ခွေးများကို တကယ်နှစ်သက်သည်ဟု ထင်ခဲ့သော်လည်း ယခုအခါတွင် ခွေးဝါသနာအိုးစစ်စစ် နှင့် တွေ့​နေရသည်။

"ခေါင်းပေါ်မှာဝတ်ကြည့်"

 ယီချန်းယန်က ပြုံးပြီး ချော့လိုက်၏။

ယန်အန်းယုက ခေါင်းညိတ်ပြပြီး ခွေးနားရွက်ကို ခေါင်းပေါ်မှာဝတ်လိုက်ပြီး ယီချန်းယန်ကိုပင် မျက်စိတစ်ဖက်မှိတ်ပြကာ ချစ်စရာကောင်းအောင်လုပ်ပြနေလေသည်။

"ကြည့်ကောင်းလား ချစ်စရာကောင်းလား"

"အင်း"

ယီချန်းယန် ၏ မျက်လုံးများထဲမှာ အပြုံးများ တိုးလာသည်။မျှော်လင့်ထားသည့်အတိုင်း သူတို့မိသားစုက ရှောင်ယုက ဤကဲ့သို့သောအရာများနှင့် အလွန်လိုက်​လေသည်။ တစ်နေ့နေ့တွင် သူ playset သို့မဟုတ် တစ်ခုခုကို ဝယ်​ပြီးစမ်းကြည့်ရမည်။

(T/N–ဆက်စီခွေးဝတ်စုံတို့ဘာတို့)

"အဲဒါဝတ်ပြီး ဖင်လှုပ်ပြီး ကပြ"

"အမ်" 

ယန်အန်းယု အံသြသွားပြီး ချက်ချင်းဆိုသလို ရှက်ရွံ့သွားသလို ခံစားလိုက်ရသည်။

"မကချင်ဘူးလား...ဒါမှမဟုတ် ရှက်​နေတာလား"

ယန်အန်းယု အနည်းငယ် စိတ်ညစ်​နေသည်။

"ဟင်း... ဒါဆို ကျွန်တော်ကရင် မရယ်ရဘူးနော်ချန်းယန်"

"အင်း...ကိုယ်မင်းကို မရယ်စားရက်ပါဘူး"

ယန်အန်းယု၏နှလုံးသားလေး အရည်ပျော်သွားသည်။ဒီလိုချစ်စ​ရာကောင်းပြီး ဖင်လှုပ်ဖို့ လိုတဲ့အကမျိုးက ရှက်စရာကောင်းတယ်လို့ သူခံစားရ​ပေမဲ့လည်းမတတ်နိုင်ဘူးလေ...တစ်ဖက်လူကို ကမ္ဘာပေါ်မှာ သူသ​ဘောအကျရဆုံး​ယောကျာ်း၊ယီချန်းယန်ဖြစ်ဖို့ ဘယ်သူကပြောလို့လဲ...

ထိုသို့ဖြင့် ယန်အန်းယု သတိထားနေမှုကို လေပေါ်ဝဲပစ်လိုက်ပြီး ဖန်သားပြင်ပေါ်က ယီချန်းယန်ကို မျက်နှာမူလိုက်သည်။ သူက အရင်ဆုံး ခေါင်းကိုလှုပ်ကာ ခွေးနားရွက်တစ်စုံကို အပေါ်အောက်လှုပ်လိုက်ပြီး ၎င်းနောက် ခါးနှင့်ဖင်ကို လှုပ်လိုက်၏။သူက တကယ့်ကို အမြဲ တက်ကြွ​​နေသောခွေးအ​ကြီး​ကြီးတစ်ကောင်နှင့် အများကြီးတူလေသည်။

ထို့အပြင် ခွေးအဖြစ်လည်း အတွေ့အကြုံရှိခဲ့သည်။

ဤသည်က တစ်ယောက်သော ရုပ်ရှင်ဧကရာဇ်ကြီး၏ဆိုးရွားသောအကြိုက်ကို အပြည့်အဝ ကျေနပ်သွားစေသည်။ယီချန်းယန်က ကျေနပ်စွာ ပြုံးလိုက်သည်။

နောက်တစ်စက္ကန့်တွင် တံခါးပွင့်လာသည်-

"သခင်လေး ဟိုဟာ..."

ထန်းကော်က နေရာတွင် အေးခဲသွားပြီး ယန်အန်းယု၏ ရှက်စရာကောင်းသော လှုပ်ရှားမှုများလည်း ရပ်တန့်သွားသည်။

"ကျွန်... ကျွန်တော် ဘာမှ မတွေ့လိုက်ပါဘူးသခင်လေး... ဆက်လုပ်ပါ"

ထန်းကော်က အထစ်ထစ်အ,အအနှင့်ပြောပြီး ကိုးရိုးကားယား တံခါးကို အမြန်ပိတ်လိုက်သည်။ မမျှော်လင့်ဘဲ သူ လှည့်လိုက်သည်နှင့် ချီစန်းနှင့်ဝင်တိုက်မိသွားသည်။

အရပ်ရှည်သော ချီစန်းက ခေါင်းငုံ့ကြည့်လိုက်ရာ ထန်း​ကော်၏နဖူးက သူ့ရင်ဘတ်ကို ကပ်​နေသည်ကို တွေ့လိုက်ရသည်။

"အမေ့ ဆော...ဆောရီး" 

ထန်းကော် နောက်တစ်ကြိမ်ထပ်ပြီး ထိတ်လန့်သွားပြန်ကာ ခြေလှမ်းများစွာ နောက်ပြန်ဆုတ်လိုက်သည်။

"ဘာ​ဖြစ်တာလဲ"

ချီစန်း အံ့သြသွားသည်။ထန်းကော်က အလွယ်တကူ ထိတ်လန့်တတ်ပြီး သက်တော်စောင့်တစ်ယောက်နှင့် လုံးဝမတူဟု တစ်ခါတစ်ရံ သူခံစားရသည်။

"ဘာ... ဘာမှမဖြစ်ပါဘူး ကော ...အထဲကိုမဝင်ခင် ခဏလောက်စောင့်ဦး... သခင်​လေးနဲ့ မစ္စတာယီကို မနှောက်ယှက်မိအောင်လို့" 

 မျက်နှာကိုသွေးအပြည့် ပက်ဖြန်းခြင်းခံခဲ့ရသော ထန်းကော်တစ်ယောက် နှလုံးသားထဲမှာ တကယ်ကို နာကျည်းသွားခဲ့သည်။

ချီစန်းက ချက်ချင်း သဘောပေါက်သွားပြီး ခေါင်းအသာညိတ်လိုက်သည်။ 

"မင်းက တကယ်ကို ဒီလိုမျိုးအရာတွေ အများကြီး မမြင်သင့်ဘူး သွားကြစို့... ငါ မင်းကိုအရင် ထမင်းစားဖို့ အပြင် လိုက်ပို့ပေးမယ်"

"ကျေးဇူးတင်ပါတယ် ချီကော... ကောက အရမ်းကောင်းတာပဲ"

ထန်းကော်က ချက်ချင်းပြုံးပြလိုက်သည်။

သို့သော် ရုတ်တရက် တစ်စုံတစ်ခုကို တွေးတောရင်း ထန်းကော် သူ့လက်ကိုင်ဖုန်းကို အလျင်အမြန် ထုတ်ယူလိုက်သည်။

"ဒါပေမဲ့ ခဏစောင့်လို့ရမလား...ကျွန်တော့်အမေကို ဖုန်းအရင်ခေါ်ချင်လို့"

"ရတာ​ပေါ့...မင်းအန္တရာယ်ကင်းကင်းရောက်လာတဲ့အကြောင်း သူ့ကိုပြော​ပြန်မလို့လား"

"အင်း" 

ထန်းကော် ခေါင်းညိတ်လိုက်သည်။ 

"ကျွန်​တော်တို့ ဒီတခေါက် နိုင်ငံခြားခရီးက ပိုဝေးတယ်...သူက ပြင်သစ်ကိုတစ်ခါမှ မရောက်ဖူးဘူး...ကျွန်​တော့်ရဲ့နေ့စဉ်ဘဝနဲ့ ကျွန်​တော်ကြုံခဲ့ရတဲ့ ပျော်စရာတွေကို ပြောပြချင်တယ်...ဒါမှ သူ့ကို ပိုပျော်ရွှင်စေမှာလေ"

"မင်းက တကယ်ကိုသိတတ်တာပဲ"

ချီစန်းက တိုးတိုးလေးပြောလိုက်သည်။

"မဟုတ်ပါဘူး...ကျွန်​တော်လုပ်နေတာတွေက လုံလောက်ဖို့အဝေးကြီးလိုပါ​​သေးတယ်"

ထန်းကော်က သူ့ခေါင်းကို ခါလိုက်မည်ဟု မည်သူက ထင်ပါမည်နည်း။သူ့အမူအရာလည်း အနည်းငယ် စိတ်ဓာတ်ကျဟန်ဖြစ်သွား၏။

"ချီကော... တကယ်တော့ ကျွန်​တော့်အမေက ကျန်းမာရေးမကောင်းပေမဲ့ ဂရုစိုက်ဖို့ သူ့အနားမှာ ဘယ်တုန်းကမှ မနေခဲ့ရဘူး... ကျွန်​တော့်အလုပ်က ထူးခြားပြီး မကြာခဏ ခရီးထွက်ရတယ်၊နေ့တိုင်းလည်း တခြားလူနောက်ကိုလိုက်ပြီး ​စောင့်​ရှောက်ပေးပြီး အချိန်ကုန်ဆုံးရတယ်...သူ့ကိုတွေးလိုက်တိုင်း ကျွန်တော်..."

၎င်းကိုကြားသောအခါ ချီစန်း မနေနိုင်ဘဲ ထန်းကော်၏ခေါင်းကိုလှမ်းပုတ်ပေးမိသည်။

"သူ မင်းအတွက် ဂုဏ်ယူနေမှာပါ... တခြားသူကို စောင့်ရှောက်တဲ့အတွက် သူ့ကိုလည်း ကောင်းကောင်း ကာကွယ်နိုင်မှာပါ"

နွေးထွေးမှုတစ်ခုက ထန်း​ကော်၏နှလုံးသားကို ချက်ချင်းဖုံးလွှမ်းသွားပြီး သူမရယ်ဘဲမနေနိုင်တော့ပေ။သူ့ခေါင်းပေါ်မှာရှိနေဆဲဖြစ်သည့် ချီစန်း၏လက်ကို လုံးလုံးလျားလျား မေ့နေပြီဖြစ်သည်။

"အ...အမ် ဒီတစ်ခါ ကျွန်တော်က ခင်ဗျားတို့ကို နှောက်ယှက်မိသွားတာလား"

ထိုအချိန်တွင် ယန်အန်းယုက တံခါးဖွင့်ပြီး ကိုယ်တစ်ပိုင်းထွက်ကာ အိုးတို့အမ်းတမ်း မေးလာလေသည်။

******

ပြင်သစ်နိုင်ငံ ပဲရစ်မှာ ယန်အန်းယုနှင့် ကုရှင်း ကြော်ငြာရိုက်ကူးမှု ပြီးဆုံးပြီးနောက် ကုရှင်းက ဖက်ရှင်ရှိုးတစ်ခုမှာ ပါဝင်ခဲ့လေသည်။

တစ်ဒါဇင်လောက်ရှိသော တရုတ်အမျိုးသမီး အနုပညာရှင်များက တလက်လက်တောက်ပနေသော ကြယ်ပွင့်ပေါင်းများစွာနှင့် စင်မြင့်တစ်ခုတည်းပေါ်မှာ စုဝေးခဲ့ကြ၏။ သူတို့တစ်ယောက်ချင်းစီသည် အလွန်ဆွဲဆောင်မှုရှိပြီး၊ ဤအချက်ကို နှိုင်းယှဉ်ရန် မလိုအပ်ပါချေ။နှိုင်းယှဥ်ရမည်က သူတို့၏ အဝတ်အစားနှင့် မိတ်ကပ်တစ်ခုချင်းစီိကိုပါပင်။

ဤဖက်ရှင်ရာသီအတွင်း၊ ကုရှင်းသည် ဘရန်းနှစ်ခုထံမှ ဖိတ်​ကြားမှုများကို လက်ခံရရှိခဲ့သည်။ သူမ၏ ပုံမှန် ဆက်စီကျပြီး ရင့်ကျက်သော စတိုင်လ်ကနေ ပြောင်းလဲပြီး ဤတစ်​ခေါက်မှာ အပြာရောင် ၀တ်စုံကို ရွေးချယ်ခဲ့​လေသည်။အလုံးစုံပေါင်းစပ်မှုက စတိုင်ကျပြီး ကြော့ရှင်းသော်လည်း ဖြူစင်မှုနှင့် ချစ်စရာကောင်းမှုတို့က ရှိနေဆဲဖြစ်၏။

အမျိုးသမီး အနုပညာရှင်များက runway လျှောက်​နေကြစဥ် ပရိသတ်ထဲတွင် ထိုင်နေကြသူများမှာ ဖက်ရှင်အနုပညာရှင်များ၊ ဖက်ရှင်မီဒီယာများ၊ အဝတ်အစားကုမ္ပဏီများမှ ခေါင်းဆောင်များ၊ ဖက်ရှင်ကျွမ်းကျင်သူများနှင့် ဒီဇိုင်နာအချို့ဖြစ်ပြီး ဖက်ရှင်တည်းဖြတ်သူများလည်း ပါဝင်ကြသည်။

ယန်အန်းယုက နောက်တန်းမှ ကြည့်နေ၏။ သူက အလွန်သိုသိုသိပ်သိပ်ပုံစံ ၀တ်ဆင်ထားပြီး ယခုတစ်ကြိမ်တွင် ကုရှင်း၏ အဖော်အဖြစ် အပျော်သဘောဖြင့် တက်​ရောက်လာ​ခြင်း​ဖြစ်သည်။

"မင်းက... ယန်အန်းယုလား"

သန့်စင်ခန်းမှ ပြန်လာချိန်တွင် ယန်အန်းယု အနောက်မှ တစ်စုံတစ်ယောက်က သူ့ကိုခေါ်သည်ကို ရုတ်တရက် ကြားလိုက်ရသည်။တစ်ဖက်လူက တရုတ်စကားဖြင့်တိုက်ရိုက်ပြောခြင်းဖြစ်၏။

ယန်အန်းယု ခေါင်းကို လှည့်ကြည့်လိုက်သောအခါ ချောမောပြီး ကြင်နာတတ်ပုံရသည့် မျက်နှာနှင့် မစ္စတာတစ်ယောက်ကို တွေ့လိုက်ရသည်။ သူ ချက်ချင်း ပို၍ပင် ​ဖော်​ရွေလာသည်။ဤမစ္စတာက အတော်လေးငယ်ပြီး အသက်သုံးဆယ်လောက်ပဲ ရှိဦးမည်။ အတော်​လေးလည်း ချော၏။သို့ပေမဲ့...

ယန်အန်းယု၏ အကြည့်က မသိစိတ်ဖြင့် အောက်သို့ ရွေ့လျားသွားသည်။ဤမစ္စတာက ​လမ်းလျှောက်တုတ်တစ်​ချောင်းကိုမှီထားသည်၊ သူ့ခြေထောက်များမကောင်းခြင်းဖြစ်နိုင်သည်။

"အင်း ဟုတ်ပါတယ်...ကျွန်တော့်ကို မှတ်မိမယ်လို့ မထင်ထားဘူး"

ယန်အန်းယုက အပြုံး​လေးဖြင့် ခေါင်းညိတ်လိုက်ပြီး သိလိုစိတ်ဖြင့်မေးလိုက်၏။

"ဟဲလို မစ္စတာ ခင်ဗျားက"

ဤမစ္စတာက ကြည့်ကောင်းသည်၊ ထူးခြားသော စိတ်ထားရှိပြီး ဤကဲ့သို့သော ပွဲများတွင် သေချာပေါက် ပါဝင်နိုင်သည်။ သေချာသည်က ဖက်ရှင်နယ်ပယ်ထဲက လူတစ်ယောက်ဖြစ်ရမည်။

"ငါ့ကို Keith လို့ပဲ ခေါ်ပါ...ငါက အရေးပါတဲ့ သူလည်းမဟုတ်ပါဘူး...ဒီနေ့ ဒီဇိုင်နာ သူငယ်ချင်းတချို့နဲ့ လိုက်လာခဲ့တာလေ"

မစ္စတာKeith က ခပ်ဖျော့ဖျော့ ပြုံးလိုက်သည်။

"ဒီလောက် တိုက်ဆိုင်တယ်လား...ကျွန်တော်လည်း အတူတူပဲ"

"တကယ်တော့..."

Keith ၏ အကြည့်က ပြောင်းလဲသွားသည်။

"ငါက ယီချန်းယန်ရဲ့ ဖန်တစ်ယောက်ဆို​လည်းဟုတ်တယ်...သူပွဲဦးထွက်ကတည်းက သူ့နောက်ကိုလိုက်နေတာ"

"တကယ်လား" 

ယန်အန်းယု အံ့သြမှုရော ဝမ်းသာမှုပါ​ဖြစ်သွားသည်။

"ဒါဆို ခင်ဗျားက သူ့ရဲ့ အမာခံဖန်ပဲဖြစ်ရမယ်"

သို့ပေမဲ့ Keith က ကူကယ်ရာမဲ့ ခေါင်းယမ်း​လေသည်။

"ငါ့မှာ အဲဒီအရည်အချင်းမရှိတော့ပါဘူး"

"ဟမ်" 

ယန်အန်းယု နားမလည်နိုင်​ပေ။

"ယန်အန်းယု အခု ငါ မင်းကိုလည်း အရမ်းကြိုက်နေတာ"

Keithက ခေါင်းစဥ်ကို ချက်ချင်းပြောင်းလိုက်သည်။

"မင်းရဲ့ ဖန်တွေအတွက် ရည်စူးထားတဲ့ 'ယွီနိရှန်းပန်း' ကိုတောင် နားထောင်ပြီးပြီ... မင်းအရမ်းကို ​ကြိုးစားထားတယ်ဆိုတာ သေချာတယ်"

"ကျေးဇူးတင်ပါတယ်"

ယန်အန်းယုက ပြုံးပြီးပြောသည်။သူတို့မိသားစုက ရုပ်ရှင်ဧကရာဇ်ကြီး၏ဖန်များကို ကမ္ဘာတစ်ဝှမ်းလုံးတွင်အမှန်တကယ်တွေ့ရှိနိုင်​ပေသည်။ ယခုချိန်မှာ  တခြားနိုင်ငံတစ်ခုမှာ ယီချန်းယန်၏ဖန်နှင့် တွေ့ရုံသာမက ထိုလူက သူ့ကိုလည်း သဘောကျသည်။ကောင်းလိုက်သည့်ဖြစ်ခြင်းပင်။

"ဪ ဟုတ်တယ် Keith... ခင်ဗျားရဲ့ ခြေထောက်တွေက"

"ရှောင်ယု"

ယန်အန်းယု မေး၍ မပြီးခင်မှာ ကုရှင်း သူ့နောက်ကနေ လှမ်း​ခေါ်လာ၏။

"ယန်အန်းယု မင်းနဲ့တွေ့ရတာ သိပ်ဝမ်းသာတယ်...ကံကြမ္မာက ခွင့်ပြုရင် ငါတို့ ပြန်ဆုံကြမယ်"

Keith ကပြောပြီး လှည့်ထွက်သွားလေသည်။

တောင်​ဝှေးကို မှီပြီး တဖြည်းဖြည်း ပို​ဝေးသွားသည် Keith၏ပုံရိပ်ကိုကြည့်ပြိး ယန်အန်းယု သူ့ရင်ထဲမှာ ဖော်မပြနိုင်သော မသက်မသာ​ဖြစ်မှုတစ်ခု ပေါ်လာသည်။

"ရှောင်ယု ဒီမှာ ဘာလုပ်နေတာလဲ"

ထိုအချိန်တွင် ကုရှင်းက ​ရောက်လာပြီး ယန်အန်းယု​ကို လက်ဖြင့်ပုတ်သည်။

".ဪ.. စီနီယာယီရဲ့ ဖန်တစ်ယောက်နဲ့တိုးလို့လေ... သူက ကျွန်တော့်ကိုလည်း အရမ်းကြိုက်တယ်လို့ ပြောတယ်...ဒါနဲ့ စကားစမြည်ပြောဖြစ်​ကြတယ်"

"အဲလိုလား...တကယ် တိုက်ဆိုင်တာပဲ"

ယန်အန်းယု ပြောသည်ကြားသောအခါ ကုရှင်း မသိစိတ်ဖြင့် ရှေ့ကို ကြည့်လိုက်မိသည်။ Keith က အဝေး​ကြီးကို ​ရောက်နေပြီဖြစ်သည်။သူ အခြားဦးတည်ရာသို့ လှည့်လိုက်သောအခါ၊ကုရှင်း Keith ၏ ဘေးတိုက်ပုံကို ဖျတ်ခနဲ မြင်လိုက်သည်။ သူမ သူ့ကို တနေရာရာမှာ မြင်ဖူးသလိုမျိုး အနည်းငယ် ရင်းနှီးနေသလို ခံစားလိုက်ရသည်။

"သူ...သူက ..."

"ဘာဖြစ်လို့လဲ...ကုရှင်းကျဲ သူ့ကိုသိလို့လား"

ယန်အန်းယု မေးလိုက်သည်။

👥️