Chapter 83

👥️Chapter 83

တစ်ချိန်တည်းမှာပင်၊ သက်ဝင်လှုပ်ရှားနေသော ဝဘ်ဖိုရမ်တစ်ခုတွင်၊ ဖိုရမ်၏ ဖန်စာရေးဆရာကြီး 'မစ္စတာလီ' သည်လည်း စံဖျော်ဖြေရေးလောက fic တစ်ပုဒ်ကို စတင်ခဲ့သည်။ စိတ်ကူးစိတ်သန်းနှင့် လက်အရှိန်က အလွန်ကြောက်စရာကောင်းသည်။

ယီချန်းယန်၏ အကြောက်အလန့်ကင်းသောလုပ်ရပ်ကြောင့် လီယဲ့ အံ့အားသင့်သွားခဲ့သည်။

(မစ္စတာလီက ယီချန်းယန်လို့ပြောချင်တာလား သူက ပေါ်တင်အားပေးလို့ ပြောချင်တာလားတော့ သိပ်မရှင်းဘူး)

"ဟေး ဟေး ဒီလိုပွင့်ပွင့်လင်းလင်း PDA လုပ်တာက မင်းရဲ့tsundereစိတ်နေစိတ်ထားနဲ့ မကိုက်ညီဘူးလေ... ငါတို့ရဲ့ အိမ်နီးချင်း ရုပ်ရှင်ဧကရာဇ်ရှုဆီက​နေ တတ်လာတာလား"

လီယဲ့ထည့်ပြောနေသော 'ရုပ်ရှင်ဧကရာဇ်ရှု' က ဟွားချန်အင်တာတိန်းမန့်၏ ရှုစစ်ယွမ် ​ဖြစ်သည်။ သူက အမြဲတမ်း ယီချန်းယန်၏ အကြီးမားဆုံး ပြိုင်ဖက်တစ်ဦးဖြစ်ပြီး မီဒီယာများက သူနှင့် မကြာခဏ နှိုင်းယှဉ်လေ့ရှိသည်။

ရှုရှစ်ယွမ်အကြောင်းပြောရလျှင် သူနှင့်ကုမ္ပဏီတစ်ခုတည်းက သူ၏စီနီယာ မုန့်ယာ Weiboမှာတစ်ခုခုတင်တိုင်း သူက အမြဲတမ်း ပထမဆုံး မှတ်ချက်ရေးသူဖြစ်သည်။ထို့အပြင် ၎င်းသည် အများ​ပြည်သူသိ ပင်မအကောင့်နှင့်လည်းဖြစ်​သေး၏။လက်အရှိန်လည်း မြန်သလို သတ္တိလည်းကောင်းလေသည်။

"တစ်ယောက်ရဲ့ အတွေ့အကြုံကနေတစ်ယောက် သင်ယူခြင်းကတိုးတက်ဖို့ တစ်ခုတည်းသောနည်းလမ်း" 

ယီချန်းယန်က လူစိတ်ဝင်စားစရာကောင်းအောင် ပြုံးလိုက်သည်။

လီယဲ့: "..."

ဪ မိန်းမပိုးနည်း အတွေ့အကြုံသင်ယူတာလား...

***

အပြင်မှာ သုံးရက်ဆက်တိုက် အလုပ်လုပ်​နေပြီး အိမ်ပြန်ရန် အချိန်မရှိသော ယီချန်းယန်က နောက်ဆုံးတွင် ဤညမှာ ပြန်လာခဲ့သည်။ သူဧည့်ခန်း ထဲဝင်လိုက်သည်နှင့် ယန်အန်းယု နှင့် Coco လေးက ချက်ချင်းပင် အပြေးရောက်လာသည်။

"ဝုတ် ဝုတ် ဝုတ်"

Coco က သူ၏ ခြေထောက်ကို ပွတ်တိုက်ကာ အမြီးအား စိတ်လှုပ်ရှားစွာ လှုပ်ယမ်း​နေသည်။ယန်အန်းယုက ရေဘဝဲတစ်ကောင်ကဲ့သို့ သူ့လည်ပင်းကို လက်နှစ်ဖက်ဖြင့် ရစ်ပတ်ထားသည်။

"အိမ်က​နေကြိုဆိုပါတယ် ချန်းယန်... ခင်ဗျားကို အရမ်းလွမ်းနေတာ"

ရလဒ်အနေဖြင့် ယီချန်းယန် သတိပြန်ဝင်လာချိန်မှာတော့ ဇနီးဖြစ်သူနှင့် အိမ်မွေးတိရစ္ဆာန်၏ ဆိုဖာပေါ်ကို တွန်းလှဲ​ခြင်းနေရပြီး​ပြီဖြစ်လေသည်။

"ကိုယ် ရေအရင်ချိုးပါရစေဦး ဟုတ်ပြီလား"

ယီချန်းယန် ငိုရမလား ရယ်ရမလား မသိ​ပေ။အိမ်ပြန်ရောက်တိုင်း ဒီလူနဲ့ ခွေးရဲ့ လှဲချခံ​နေရရင် ဘယ်လိုလုပ်မလဲ... 

"စိတ်မပူပါနဲ့ ချန်းယန်...Cocoနဲ့ ကျွန်​တော် ခင်ဗျားကို မစွန့်လွှတ်ပါဘူး"

 ယန်အန်းယုက ပြုံးလိုက်သည်။

Cocoက သူ့ခေါင်းလေးကိုသုံးကာ ယီချန်းယန်၏ လက်​မောင်းနှင့် လက်ကို ဆက်တိုက်ပွတ်တိုက်​နေခဲ့သည်။ထိုအသေးလေးမှာ အလွန်ရိုးရှင်းသော အတွေးတစ်ခုရှိ​လေသည်။ဒီလိုလုပ်တဲ့အခါတိုင်း၊ ဒီသခင်က အရသာရှိတဲ့ စားစရာတွေ အများကြီး အများကြီးပေးလိမ့်မယ်ဝုတ်...

Cocoလေးက စိတ်အားထက်သန်နေပြီး  ယန်အန်းယုကဆိုလျှင်  ပို၍ပင် စိတ်အားထက်သန်နေကာ အနည်းငယ်ပါ'ဆာ'နေ၏။

ယန်အန်းယုက ယီချန်းယန်၏ခန္ဓာကိုယ်ပေါ် ကားယားခွထိုင်ကာ သူ့ဘက်ကနေ၍ နှုတ်ခမ်းပေါ်နမ်းလိုက်သည်။ပြီးနောက် ယီချန်းယန်၏မေးရိုးအောက်သို့ ခရီးဆက်သွားပြီး လည်ပင်းကို လျက်လိုက်စုပ်လိုက်လုပ်ရင်း သူတို့မိသားစုကရုပ်ရှင်ဧကရာဇ်ကြီး၏ပေါ်တွင်'စတော်ဘယ်ရီ'များ ပျိူးနေ​လေသည်။

"ရှောင်ယု မင်း ဘာလို့ Coco နဲ့တူ​နေတာလဲ"

"ဘာဖြစ်လို့လဲဆိုတော့ ကျွန်​တော့်မှာ အတွေ့အကြုံရှိလို့" 

ယန်အန်းယု သူတို့မိသားစုက ရုပ်ရှင်ဧကရာဇ်ရုပ်ကြီးကို ဆက်လက် အခွင့်အရေးယူ​နေခဲ့သည်။ယန်အန်းယုကို အကြာကြီး ပစ်ထားဖို့ သူ့ကို ဘယ်သူက ပြောလို့လဲ...သုံးရက်ပဲရှိသေးပေမဲ့လည်းပေါ့...

သေသွားသည့်Akita ခွေး​လေးအကြောင်းနှင့် ထို​အချိန်က ယီချန်းယန်၏ အထီးကျန်​ဆန်သောအမူအရာများကို တွေးမိသည့်အခါ ယန်အန်းယု စိတ်မကောင်းဖြစ်ရသည်။ထို့ကြောင့် သူ ယီချန်းယန်ကို ပို၍ပင် တင်းကျပ်စွာ ဖက်ထားလိုက်သည်။

ယခု သူတို့က အိမ်မှာ ကျန်းမာပြီး တက်ကြွသော Coco လေးကို မွေးထားပြီး ယီချန်းယန်ကို အဖော်ပြုပေးမည့် 'သူ'လည်း သည်မှာရှိနေသဖြင့် သူ ယီချန်းယန်ကို ဆက်ပြီးအထီးကျန်နေခွင့်ပြုတော့မှာ မဟုတ်ပေ။

"ဟမ် အတွေ့အကြုံရှိတာလား"

ယီချန်းယန် နားမလည်ပေ။သို့သော်လည်း သူ့ရင်ခွင်ထဲရှိ 'ဆာနေသော'ပေါင်ပေါင်းက သစ္စာရှိသော ခွေးတစ်ကောင်အဖြစ် ကိုယ်တိုင်ကိုယ်ကျ တွေ့ကြုံခံစားခဲ့ဖူးကြောင်း သူမည်သို့သိနိုင်မည်နည်း။

ယန်အန်းယုက နှာခေါင်းကို တရှုံ့ရှုံ့လှုပ်ကာ တောက်ပစွာ ပြုံးလိုက်သည်။

"ချန်းယန်က တကယ်မွှေးတာပဲ"

"ဘယ်​နေရာကမွှေးတာလဲ"

ယီချန်းယန်၏ မျက်လုံးများ မည်းနက်​သွားသည်။ ဝမ်းတွင်းမည်း ရုပ်ရှင်ဧကရာဇ်ကြီးက တစ်စုံတစ်ယောက်က သူ့အား အမြဲတစေ စ​နောက်ပြီး သဘောရှိကရောဟိဆက်ဆံနေသည်ကို မည်သို့ခွင့်​ပြုနိုင်ပါ့မည်နည်း။

"နေရာတိုင်းက မွှေးတယ်"

"အမွှေးဆုံးက ဘယ်​နေရာလဲ" 

ထို့နောက် ယီချန်းယန်၏ ဆိုးသွမ်းသော လက်ဖဝါးများက ယန်အန်းယု၏ တင်ပါးကို ဆုပ်ကိုင်ရန်အခွင့်ကောင်းယူပြီး သူ့ခန္ဓာကိုယ်ကိုပင် 

တမင်တကာ အပေါ်သို့ ကော့ကာ သူ့ခွကြားက အဖုအဖောင်းနှင့် ယန်အန်းယုကို ဖိကပ်လိုက်​လေသည်။

သူ့အောက်က တောင့်တင်းမှုကို ခံစားလိုက်ရ​ပြီးနောက် ယန်အန်းယုတစ်ယောက် သူ၏ကျီစယ်မှု ကျရှုံးသွားခဲ့ပြီး ထိုအစား တို့ဟူးအစားခံလိုက်ရလေသည်။သူ့ပါးပြင်များ ချက်ချင်း ပူတက်လာသည်။

"မ... မသိဘူး"

"တကယ်မသိဘူးလား...လိမ္မာပါကွာ...ရှောင်ယုက အရိုးသားဆုံးဆိုတာ ကိုယ်သိပါတယ်" 

ယီချန်းယန်က အသံနိမ့်နိမ့်ဖြင့် ရယ်မောလိုက်သည်။

"အဲလို...အဲလို ညစ်ပတ်တဲ့မေးခွန်းတွေ မမေးပါနဲ့ဆို"

"ဝုတ် ဝုတ်"

Cocoလေးက နှစ်ခါဟောင်လိုက်လေ၏။သခင်တွေ ဘာပြော​နေမှန်း နားမလည်ဘူးဆို...

*****

ရက်ပေါင်းများစွာခြားပြီး ယီချန်းယန်၏နေရာတွင် နှစ်ပတ်ကျော် အနားယူပြီးနောက် ယန်အန်းယု နောက်ဆုံးတွင် 'ဝါး' ရိုက်ကူး​​ရေးအဖွဲ့ထံသို့ ပြန်သွားခဲ့သည်။

ဤဇာတ်ကားက နားထားသည်မှာ အတော်ကြာပြီဖြစ်၏။ဒါရိုက်တာဖူချန်းယွမ်က သရုပ်ဆောင် မပြောင်းလဲဘဲ စောင့်မျှော်နေခဲ့ကြောင်းကို သိရှိပြီးနောက် ယန်အန်းယု ရင်ထဲသွားသလို အလွန်လည်းနောင်တရသွားခဲ့သည်။

ထို့ကြောင့် ဖူချန်းယန်ကို လုပ်ငန်းစဉ်အတွင်း ကြုံတွေ့ခဲ့ရသော ဆုံးရှုံးမှုများနှင့် ကုန်ကျစရိတ်အားလုံးကို တာဝန်ယူခွင့်မပြုဘဲ သူကိုယ်တိုင် တစ်စိတ်တစ်ပိုင်းတာဝန်ယူခဲ့သည်။

တခြားသရုပ်ဆောင်များ၏ အပိုင်းများကို ရိုက်ကူးထားပြီးသားဖြစ်ပြီး အခုကျန်ခဲ့သော အပိုင်းများက အမျိုးသားဇာတ်လိုက် ယန်အန်းယု နှင့်ပဲ သက်ဆိုင်သဖြင့် ဤရက်အနည်းငယ်အတွင်းမှာ သူအထူးအလုပ်များခဲ့လေသည်။

ဤနေ့မှာ အရေးကြီးသော နောက်ဆုံး အငိုခန်းကို ရောက်လာခဲ့၏။

ယန်အန်းယုက အငိုခန်းများကို မကျွမ်းကျင်ကြောင်း ဖူချန်းယွမ်က ကောင်းကောင်းသိသည်။ 'နှလုံးသား၌ထုဆစ်လေသော' ဇာတ်ကားကို အစပိုင်းမှာ ရိုက်ကူးတုန်းကလည်း အားခန်းကာရိုက်တာနှင့် ဆက်သွယ်ချိန်မှာ အချိန်အတော်ကြာခဲ့သည်ဟု သူကြားဖူး၏။ ကံကောင်းထောက်မစွာဖြင့် ရိုက်ကူးရေးအဖွဲ့တစ်ဖွဲ့တည်းမှာရှိနေသည့် ယီချန်းယန်က  သူ့အား လမ်းညွှန်ချက်များစွာပေးခဲ့သည်။

နောက်ပိုင်း 'သောင်ရှင်း' နှင့် 'Love Attack For 29 Days' တို့တွင်လည်း ယန်အန်းယုက သူ၏အငိုခန်းများကို ခက်ခက်ခဲခဲ ဖမ်းဆုပ်ခဲ့ရသည်ဟု သူထင်ပြီး ကောင်းကောင်းသရုပ်မဆောင်နိုင်ခဲ့ပေ။

သို့ပေမဲ့ ဒါရိုက်တာဖူက ယန်အန်းယုကို အပြုံးလေးနှင့် ပုတ်ကာအားပေးလိုက်၏။

"အကောင်းဆုံးလုပ်ပါ ရှောင်ယု...ငါ့နှလုံးသားထဲမှာ မင်းက အမြဲတမ်း အကောင်းဆုံး အမျိုးသားဇာတ်လိုက်ပဲ...ပြီးတော့ 'ဝါး' ရဲ့ နက်နဲတဲ့ အဓိပ္ပါယ်ကို မင်း သေချာ​ပေါက် ဖွင့်ဆိုနိုင်တယ်"

"အင်း အကောင်းဆုံး​ကြိုးစားပါ့မယ်" ယန်အန်းယုက ခေါင်းညိတ်လိုက်သည်။

ကားမတော်တဆမဖြစ်မီက ယန်အန်းယု ​မော့မီနှင့် ​မော့လီကို အပြင်ပန်းသဏ္ဍာန်တူသော်လည်း အတွင်းပိုင်းလုံးဝခြားနားသော လူနှစ်ဦးအဖြစ် မှတ်ယူခဲ့သည်။သို့သော်လည်း တကယ်တမ်းတွင်မူ သူ တစ်ဝက်သာ မှန်ခဲ့သည်။ သူတို့က လုံးဝမတူပေမဲ့ တူညီသော ခန္ဓာကိုယ်ကို မျှဝေထား​ကြသည်။

အမျိုးသားဇာတ်လိုက် ​မော့မီက အကြောက်တရားကြောင့် အဖြစ်မှန်ကို ရှောင်ရှားရန် သူ့​ညီငယ်အဖြစ် ပြုမူလေ့ရှိသည်။သူ့မှာ ညီ​​လေးဖြစ်သူ၏ သတ္တိရှိရန် မျှော်လင့်ပြီး သူ့​ညီ​လေး၏ အရှက်မရှိမျက်နှာပြောင်သော ပုန်ကန်မှုကို သဘောကျသည်။

​မော့မီ၏ စိတ်အခြေအနေသည် ဖောက်လွဲဖောက်ပြန်ဖြစ်​ပြီးမူမမှန်သော်လည်း တစ်ချိန်တည်းမှာပင် သူနှလုံးသား၏နက်ရှိုင်းသောနေရာမှာလည်း ညီအစ်ကိုချစ်ခြင်းမေတ္တာရှိနေပြီး သူနှင့် သူ့ညီလေး ကောင်းမွန်စွာနေထိုင်နိုင်မည်ဟု မျှော်လင့်​နေသည်။

ယခင်က ယန်အန်းယု ဤခံစားချက်ကို တစ်ဝက်​လောက်ပဲနားလည်ခဲ့ပေမဲ့ပျောက်ဆုံးသွားသောသူ၏မှတ်ဉာဏ်များကို ရှာတွေ့ပြီးနောက် တာ့ယုကို တွေးတိုင်း သူ ရုတ်တရက် နားလည်သွားခဲ့သည်။

ဒါရိုက်တာဖူက အက်ရှင်ဟု​အော်ပြီး ဇာတ်ညွှန်းစာရေးက ဘုတ်​ပြားကို ရိုက်ပြီးနောက်၊ ဤဇာတ်ဝင်ခန်းကို တရားဝင် စတင်ရိုက်ကူးခဲ့သည်။

ဆေးရုံ၏ ခေါင်မိုးထပ်မှာ သူ့​ကို ညွှန်ပြနေသော လူသတ်မှု အထောက်အထားများအားလုံးကြောင့် လျှို့ဝှက်စွာ ထွက်ပြေးချင်နေသော ​မော့မီတစ်ယောက် ရဲများ၏ဖိအားပေးမှုကိုခံရပြီး ဤထောင့်နားကိုရောက်လာခဲ့သည်။

​မော့မီက ပစ္စတိုကို ကိုင်ကာ ရဲများကို ချိန်ရွယ်ထားသည်။သူက ငိုလိုက် ရယ်လိုက်ဖြစ်နေပြီး သူ့ကိုယ်သူ စကားပြော​နေသည်။သူ့စရိုက်က ညီအစ်ကိုနှစ်​ယောက် ကြားမှာ အပြန်ပြန်အလှန်လှန် ပြောင်းလဲနေသည်။

"ရှောင်...ရှောင်လီ ​ငါ... ငါမင်းကို အရမ်းလွမ်းတယ် "

မော့မီက ရှိုက်လိုက်ပြီး သူ့အမူအရာက နောက်စက္ကန့်မှာ ပြောင်းသွားသည်။ သူ့မျက်လုံးများက မှိုင်းညို့နေပြီး နှုတ်ခမ်းထောင့်တွင် အေးစက်သော အပြုံးတစ်ခု ရှိနေသည်။

"ကော ငါဒီမှာရှိတယ် မင်းမမြင်ဘူးလား" 

သူ့မျက်ရည်များကို သူ့ကိုယ်သူ သုတ်ရင်း မော့မီက ရူးသွပ်စွာအော်လိုက်၏။

"မင်းကို အနိုင်ကျင့်တဲ့ သူတွေ အားလုံး သေသင့်တယ် ...​ဒါကြောင့် ငါ မင်းအတွက် သူတို့ကို သတ်​ပစ်ခဲ့တာ"

"မဟုတ်ဘူး...ဒီလိုမလုပ်ပါနဲ့" 

မော့မီက ခေါင်းယမ်းကာ ငိုပြန်သည်။

 "ရှောင်လီ ငါက... မင်းကို ငါနားမှာ အရှိစေချင်ရုံပါ... အမြဲ...ရှိစေချင်ရုံ..."

"ဟုတ်​တယ်​လေ...တခြားသူတွေ အကုန်လုံး သေကြပါစေ... ငါတစ်​​ယောက်​တည်း မင်းကိုအဖော်ပြုပေးမယ်... ​ဘယ်​လောက်​ကောင်းလိုက်​လဲ... ဟားဟား..."

"​မော့မီ...​မော့မီ"

သူနှင့် မျက်နှာချင်းဆိုင်တွင် ရဲမှူးလော့က ရဲများကို ဦးဆောင်ရင်း အော်လိုက်ပြီး သူ့ကို အသိစိတ်ပြန်ဝင်အောင်လုပ်ပြီး သူနှင့် ဆက်သွယ်ရန် ကြိုးပမ်း​နေသည်။

အမှောင်ထဲမှာ ပုန်းအောင်းနေသော ထန်းရှောင်၏ ဒုတိယဇာတ်လိုက်လော့ယွီကလည်း သူ့သေနတ်ကို ​မော့မီကို ချိန်ရွယ်လိုက်ပေမဲ့ သူ့ကို မချိန်ရွယ်နိုင်ခဲ့ပေ။

​မော့မီ၏ အတန်းဖော်လည်းဖြစ်ပြီး ​မော့မီအတွက် ရှုပ်ထွေးလှသော မြတ်နိုးမှုတို့ပါရှိနေသည့် လော့ယွီ ၏နှလုံးသားက အကြိမ်ပေါင်းများစွာ လွန်ဆွဲနေခဲ့သည်။နောက်ဆုံးတွင် နှစ်ကြိမ်တိုင်တိုင် ပစ်ခတ်ခဲ့သော်လည်း အဆိုပါ ပစ်ခတ်မှုနှစ်ခုသည် ​မော်မီ၏ ဒူးကို ချိန်ရွယ်ထားခြင်းဖြစ်ကာ မော့မီကို ချက်ချင်း ​ကြမ်းပြင်ပေါ်သို့ လဲကျသွား​စေခဲ့သည်။

၎င်းကိုမြင်သောအခါ ရဲမှူးလော့က ​မော့မီကို ချက်ချင်း လက်ထိပ်ခတ်လိုက်ပြီး ​မော့မီ၏နှလုံသားထဲက စိတ်ကူးယဥ်ညီလေး ​မော့လီလည်း ချက်ခြင်း လဲကျသွားခဲ့၏...

"ရှောင်လီ မင်းငါ့ကိုထားခဲ့ပြန်ပြီလား" ​မော့မီ၏ မျက်လုံးများက မလိုလားခြင်းများဖြင့် ပြည့်နေသည်။

"တောင်းပန်ပါတယ်ကော... တကယ်တော့ ငါကဘယ်တုန်းကမှ မရှိခဲ့ဖူးဘူး... အခုက​နေစပြီး ကိုယ့်ကိုယ်တိုင်အဖြစ်နဲ့ပဲရှင်သန်ပါတော့"

နောက်ဆုံးတွင် ​မော့မီတစ်ယောက် ဆောက်တည်ရာမရ ငိုကြွေးရင်း အဆုံးသတ်ကိုရောက်သွားခဲ့၏။

"ဟားဟား ပြီးပြည့်စုံလွန်းတယ်.... သေချာတယ် ငါ မင်းကို မှားပြီးအကဲမဖြတ်မိခဲ့ဘူးပဲ"

ဒါရိုက်တာဖူက ဝမ်းသာအားရဖြင့် ချက်ချင်း ယန်အန်းယုကိုပြေးလာဖက်လေသည်။

NG အများ​ကြီးမရှိဘဲ၊ နောက်ဆုံးရလဒ်သည် အလွန်ကောင်းမွန်ပြီး ဒါရိုက်တာဖူ မျှော်မှန်းထားသည်ထက် ကျော်လွန်သွားခဲ့သည်။ အခြားသရုပ်ဆောင်များကလည်း လက်ခုပ်တီးကြသည်။ဤအခန်းက ကြည့်ရသည်မှာ တကယ်ကို ရင်သပ်ရှုမောစရာပါပင်။

'ဝါး' ဇာတ်လမ်းတွင် အမျိုးသားဇာတ်လိုက်၏ မျက်လုံးများသည် အမြဲတမ်း ဝါးနေခဲ့သည်။ဒါပေမဲ့ အဆုံးမှာ ပျောက်ဆုံးသွားသော နှလုံးသားမျှင်ကို သူ ရှာတွေ့သွားနိုင်သလား...

ရုပ်ရှင်က နောက်ဆုံးတွင် တိကျသောအဖြေကို မပေးခဲ့ပါ​ချေ။ယင်းက ပရိတ်သတ်များ တွေးတောရန် ချန်ထားခဲ့သော မေးခွန်းတစ်ခု​ဖြစ်​လေသည်။ လူအမျိုးမျိုးမှာ နားလည်မှု အမျိုးမျိုးရှိကြသဖြင့် ​​ကောက်ချက်တစ်ခုတည်းပဲ ရှိမနေပါချေ။

ဇာတ်ကားကို အပြီးသတ်ပြီးနောက် ဒါရိုက်တာဖူက ညစာစားပွဲကို ကျင်းပခဲ့ပြီး ရိုက်ကူးရေးအဖွဲ့ထဲမှ အဓိကသရုပ်ဆောင်အချို့နှင့် ဝန်ထမ်းများသည် လူတိုင်းနှင့် နောက်ဆုံးတွေ့ဆုံပွဲတစ်ခု ပြုလုပ်ခဲ့သည်။

ညစာစားပြီးနောက် လူတိုင်း တစ်ယောက်ပြီး တစ်ယောက် ထွက်ခွာသွားကြသည်။ယန်အန်းယု သန့်စင်ခန်းသို့သွားသောအခါတွင် သူ့ပတ်ဝန်းကျင်တွင် တစ်ယောက်မျှမရှိသည်ကို အခွင့်ကောင်းယူပြီး ထန်းရှောင်က တစ်ယောက်တည်း သူ့ကိုသွားရှာခဲ့သည်။

"​ရှောင်ယု ရသေးရဲ့လား... ဒီအတောအတွင်းမှာ မင်းတော်တော်အလုပ်ရှုပ်နေတာ...ပြီးတော့ ကြီးကြီးမားမား ထိခိုက်ပြီး ပြန်ကောင်းလာခါစရှိသေးတယ်... ပြန်ပြီး ဘုန်းဘုန်းလဲမှာစိုးရတယ်"

ယန်အန်းယု အံ့အားသင့်သွားသည်။ထန်း​ရှောင်၏ အသံက ယခင်ကအတိုင်း တရင်းတနှီးရှိ​နေပြီး သူတို့က အလွန်ရင်းနှီးသော သူငယ်ချင်းကောင်းများ​ဖြစ်ကဲ့သို့ပင်။

"အဆင်ပြေပါတယ် ကျေးဇူးပါ"

ယန်အန်းယုက ခေါင်းခါလိုက်ပြီး သူ့လေသံက အနည်းငယ်ဝတ်ကျေတမ်းကျေနိုင်မှန်းသိသာ၏။

"ငါလည်း မင်းကို ဆေးရုံမှာ လာကြည့်ခဲ့တယ်"

ယန်အန်းယု ဆေးရုံတက်တုန်းက ထန်းရှောင်က သူ့ဆီ နှစ်ကြိမ်လာရောက်ဖူးလေသည်။

သို့သော် ဒုတိယ အကြိမ်တွင် ယီချန်းယန်က ကြီးစွာသောရန်လိုမှုကို ဖော်ပြခဲ့သည်။ထန်း​ရှောင်ကိုတင်မကပဲ သူ့နောက်က မန်နေဂျာဝူရှောက်ကိုပါဖြစ်ပြီး ဝူရှောက်ကို ပို၍ပင်များလေသည်။

ထန်း​ရှောင်၏စိုးရိမ်မှုနှင့် ပတ်သက်၍ ယန်အန်းယုက စိတ်မဝင်စားစွာ 'ဪ'ဟုပဲ ပြောလိုက်သည်။

ထန်း​ရှောင်၏ မျက်လုံးများ မှိန်သွားသည်။

"မတ်လတုန်းက ချင်​နွော်ရှီနဲ့ ကိစ္စကမင်းနဲ့ တစ်ခုခု ပတ်သက်နေလား ထန်းရှောင်" 

ထိုအချိန်မှာ ယန်အန်ယုက သူ့ကို မေးခွန်းထုတ်လိုက်သည်။

"..." 

ထန်းရှောင်က ဘာမှပြန်မဖြေဘဲ ဆိတ်ဆိတ်နေခြင်းဖြင့် ဝန်ခံနေပုံရသည်။

"ငါသိသားပဲ" 

ယန်အန်းယုက အေးစက်စွာ ရယ်မောလိုက်ပြီး သူ့မျက်လုံးများကလည်း အေးစက်လာသည်။

"စိတ်မကောင်းပါဘူး ထန်းရှောင်... ငါတို့က ဘယ်တော့မှ သူငယ်ချင်းမဖြစ်နိုင်ဘူးထင်တယ်"

ထန်းရှောင်က ပြုံးရုံသာပြုံးသည်။ သူက ရုတ်တရက် ခေါင်းစဥ်ပြောင်းလိုက်၏။

"ယန်အန်းယု မင်း ယီချန်းယန်ကို တကယ်ကြိုက်တာလား"

ယန်အန်းယု အနည်းငယ် စိတ်ရှုပ်သွားသော်လည်း အခိုင်အမာ ခေါင်းညိတ်လိုက်​ဆဲ​ဖြစ်ပြီး အထူးတလည် ပြတ်သားစွာပြောလိုက်သည်။

"ဒါပေါ့...ချန်းယန်က ထူးခြားပြီး တုနှိုင်းမဲ့တဲ့သူ...သူက ငါသဘောအကျရဆုံးသူပဲ"

"ကောင်းပြီ ငါနားလည်ပြီ"

ထို့သို့​ဖြင့် ထန်းရှောင်ကနှုတ်မဆက်ဘဲ ထွက်ခွာသွားခဲ့သည်။

ထန်းရှောင်က ကိုယ့်ကိုယ်ကို အမှားမရှိဟု ယုံကြည်လွန်းသူများနှင့် ဉာဏ်ကောင်းလွန်းသူများကို မုန်းသည်။တုံးအလွန်းသူများကိုလည်း သူ မကြိုက်​ပေ။ယန်အန်းယုက မပိုမလိုကွက်တိ​ဖြစ်၏။ သူ၏ နူးညံ့သိမ်မွေ့သော အသွင်အပြင်ကိုဖြစ်စေ သူ့ဆီက ရိုးသားနွေးထွေး​သောခံစားချက်ကိုဖြစ်စေ သူ သဘောကျပေမဲ့...

ယန်အန်းယုက ယီချန်းယန်ကို ကူညီပေးရန်တောင်းဆိုထားသည့် 'ယုနိရှန်းပန်း' ကို ထန်းရှောင် အကြိမ်များစွာ နား​ထောင်ခဲ့သည်။ နားထောင်လေလေ၊ ရွံရှာလေလေဖြစ်သည်။ ဟမ့်.. သူ ဘယ်အချိန်ကစ ကိုယ်ကို့ကိုယ်နှိပ်စက်ရတာကြိုက်လာမှန်း ဘယ်သူသိမှာလဲ... 

"အခုတော့ လက်​လျော့လိုက်ပြီလား" 

ထန်းရှောင် ပြန်လာသည်ကိုမြင်ရာတွင် ဝူရှောက်က ပြောလိုက်၏

"မျှော်လင့်ချက်မထားသင့်တာကြာပြီနေမယ်"

ထန်းရှောင်က ခါးသက်သက် ရယ်မောလိုက်သည်။

"မင်းဘယ်လိုထင်လဲ ငါဂရုမစိုက်ဘူး... ဒီလိုအရေးကြီးတဲ့ အချိန်မှာ မင်း တွန့်ဆုတ်​နေလို့မရဘူးနော်" 

ဝူရှောက်က အလေးပေးပြောလိုက်သည်။

"ခင်ဗျားက ကျွန်​တော့်ကိုသတိပေးရမှာဟုတ်ဘူး...ကျွန်တော့်မှာ ကိုယ့်သိက္ခာနဲ့ကိုယ် ရှိတယ်"

ဝူရှောက်ကို ဂရုမစိုက်ဘဲ ထန်းရှောင်က ရှေ့ကို ဆက်သွားပြီး သူ့နာနီကားထဲဝင်ထိုင်လိုက်သည်။သူ သူ့အိတ်ကပ်ထဲမှာဝှက်ထားသော အသံဖမ်းဘောပင်ကို ထုတ်လိုက်၏။ယန်အန်းယု ပြောခဲ့သော နောက်ဆုံးစကား/ဝါကျကို ဤအထဲမှာ ရှင်းရှင်းလင်းလင်း မှတ်တမ်းတင်ထား​သည်။ 

တစ်ပတ်အကြာတွင် ယန်အန်းယုနှင့် ကုရှင်း ပြင်သစ်နိုင်ငံ ပဲရစ်မြို့သို့ သွားခဲ့သည်။

၎င်းတို့သည် တစ်ခုသော ရေမွှေးဘရန်းတစ်ခု၏ပြောရေးဆိုခွင့်ရှိသူများဖြစ်သည်။ အခုတလော ရိုက်ကူးနေသော ကြော်ငြာက တိုက်တိုက်ဆိုင်ဆိုင် သည်မှာရိုက်မှာဖြစ်ပြီး ကုရှင်းကလည်း ဖက်ရှင်ရှိုးတက်စရာရှိ၏။

ဟိုတယ်ထဲမှာ ယန်အန်းယုက သူ့လက်တော့ပ်ကိုဖွင့်ပြီး ယီချန်းယန်နှင့် ဗီဒီယိုကောလ်ပြောနေသည်။

"​ရောင်ယု အဲဒီမှာ အဆင်ပြေလား"

ဗီဒီယိုထဲရှိ ယီချန်းယန် အလွန်ကိုမှ နွေးထွေးသောအပြုံးကိုမြင်ရသောအခါ၊ megadare ယန်အန်းယု သူ၏နှလုံးသား အရည်ပျော်သွားသလို ခံစားလိုက်ရပြီး စခရင်တစ်ခုလုံးကို ကုန်းလျက်ပစ်ချင်လာသည်။

သို့သော် သူ့စိတ်ကို ထိန်းချုပ်ကာ လိမ်လိမ်မာမာ ပြန်ပြုံး​ပြလိုက်သည်။

"အ​တော်​လေး ကောင်းပါတယ်...ကြော်ငြာရိုက်ကူးရေးကလည်း ချောချောမွေ့မွေ့သွားနေတယ်...ကုရှင်းကျဲနဲ့ ကျွန်တော်ဒီမှာပျော်ပျော်ကြီး ကစားနေတာ"

"အိုး" 

ယီချန်းယန် တည်ငြိမ်စွာပြောသည်။ တခြားသူ၏ နာမည်ပါလာသည်ကို သူကြားလိုက်သည်။

သူ့အပြုံးတိုင်း မျက်မှောင်ကြုတ်တိုင်း၊ မိနစ်တိုင်းက အမူအရာနှင့် အပြုအမူတိုင်းကို အထူးအာရုံစိုက်​နေ​သောသော ယန်အန်းယု ရှာလကာရည်နံ့ကို တန်း ရလိုက်သည်။

"ဒါပေမဲ့ ကျွန်တော်က ချန်းယန်နဲ့ ကစားရတာကို အကြိုက်ဆုံး​ဖြစ်​နေတုန်းပဲ"

၎င်းကိုကြားသောအခါ ယီချန်းယန်၏ နှုတ်ခမ်းများ ကွေးညွတ်သွားသည်။ သူ့ရှောင်ယုက သူ့ကို ယခုလိုကလေးချော့သည့် စကားများကို သုံးခဲ့ပေမဲ့ သူ ထိုစကားများထဲမှာ လုံးဝကျရှုံးသွားဆဲဖြစ်၏။

"ရှောင်ယု ကိုယ်လည်း မင်းနဲ့ ကစားရတာ အရမ်းကြိုက်တယ်...အထူးသဖြင့် အိပ်ယာထဲမှာပေါ့" 

တစ်ယောက်သော ရုပ်ရှင်ဧကရာဇ်​ကြီး၏ အပြုံးက အဓိပ္ပါယ်အပြည့်ပါသည်။

ယန်အန်းယု: "..."

တကယ်ပါပဲ၊ နည်းနည်းလေး ဂရုမစိုက်လိုက်တာနဲ့ တစ်ယောက်သော ဝမ်းတွင်းမည်းသူကြီးရဲ့ နောက်တစ်ကြိမ် လှည့်စားတာခံရပြန်ပြီ...

"ကောင်းပြီ ချန်းယန်...ယွီစစ်ယွမ် နှစ်ကိုယ်ကြား ခြိမ်းခြောက်ခံရတယ်လို့ ချီကောနဲ့ ထန်ကော ပြောတာကို ကြားတယ်... သူ့ရဲ့မန်နေဂျာ ယန်ဖုန်းတောင် ချောင်းအရိုက်ခံရတယ်တဲ့ ...ဟားဟား အဲဒါကို လုပ်တဲ့သူက ကျွန်တော့်ကော မဟုတ်ဘူးဆို​တော့ ခင်ဗျားလား ချန်းယန်"

"... " 

ယီချန်းယန်က ထုတ်ဖော်ပြောစရာမလိုစွာ ပြုံးလိုက်လေသည်။

👥️