MM Story Teller

Chapter 82

Viewers 5k

👥️Chapter 82

Sမြို့တော် မြူနီစီပယ်ဆေးရုံ၌

ယနေ့သည် မေလ၏ ပထမဆုံးနေ့ဖြစ်၏။မနက်ခင်း ရာသီဥတုက ထူးထူးခြားခြား နေသာ၏။နွေးထွေးသော နေရောင်ခြည်က လူနာဆောင်ထဲကို ဖြာဆင်းနေပြီး လူများအား ပျင်းရိလာစေသည်။

ရှားရှားပါးပါး အားလပ်ရက်တိုရထားဖြင့် လူများစွာက အေးအေးလူလူ ခရီးထွက်နေကြသော်လည်း ယီချန်းယန်က ဆေးရုံတွင် ယန်အန်းယုကိုအဖော်ပြုပေးနေဆဲဖြစ်၏။

သူအဖော်ပြုပေးနေသည်မှာ မတ်လကုန်မှ ယခုအချိန်အထိဖြစ်ပေသည်။

ရုတ်တရက် ယန်အန်းယု၏လက်ချောင်းများ လှုပ်သွားသည်။ ဤသည်မှာ အလွန်သေးငယ်လှုပ်ရှားမှုလေးသာဖြစ်သော်လည်း ယီချန်းယန်က သူ့လက်ကို အမြဲဆုပ်ကိုင်ထားသဖြင့် သဘာဝအတိုင်း ချက်ချင်းခံစားမိလိုက်သည်။

"ရှောင်ယု"

ယီချန်းယန်က ချက်ချင်းပင် အနားကပ်လာပြီး သူ့နှလုံးသားကလည်း မျှော်လင့်ချက်များစွာ ဖမ်းဆုပ်၍ထားသည်။

ယန်အန်းယုက မျက်လုံးများ ပွင့်လာသော်လည်း လူက လုံးဝ မိန်းမောနေပြီး စကားမပြောပေ။

"ရှောင်ယု"

ရင်းနှီးသောအသံကိုကြားလိုက်ရသောအခါ ယန်အန်းယု၏ မျက်လုံးများ ဖြည်းညှင်းစွာ လှည့်လာသည်။ သူ့၏ဗလာကျင်းနေသောအသိစိတ်က အိပ်မက်ထဲတွင် အကြာကြီး လွင့်မျောနေခဲ့သည်။အစစ်အမှန်ပတ်ဝန်းကျင်နှင့် ဖြည်းဖြည်းချင်း လိုက်လျောညီထွေဖြစ်အောင်လုပ်ရန် အချိန်လိုလေသည်။ တဖြည်းဖြည်းနှင့် ယန်အန်းယု၏ အသိစိတ်များ ပြန်လည်ကောင်းမွန်လာပြီး သူ၏ မှုန်ဝါးနေသော မြင်ကွင်းက တဖြည်းဖြည်း ရှင်းလင်းလာခဲ့၏။

ထို့နောက် သူ့အမြင်အာရုံထဲ ပထမဆုံးရောက်လာသူက ယီချန်းယန်ဖြစ်လေသည်။

"ရှောင်ယု မင်းက ကိုယ့်ရဲ့ ရှောင်ယုလား"

ယီချန်းယန်က ယန်အန်းယု၏လက်ကို မသိစိတ်ဖြင့် ပိုပြီးတင်းတင်းဆုပ်ကိုင်ရင်း တိုးတိုးလေးမေးသည်။

နောက်တစ်စက္ကန့်တွင် ယန်အန်းယုက ငိုတော့သည်။

မျက်ရည်များက အထိန်းအကွပ်မဲ့စွာ ကျလာပြီး ယန်အန်းယု၏ နှလုံးသားထဲတွင် ပျော်ရွှင်မှုနှင့် ဝမ်းနည်းမှုတို့ ရောနှောနေသည်။

"အင်း ချန်းယန် ကျွန်တော်ပြန်လာပြီ"

ယန်အန်းယု နောက်ဆုံးမှာ နိုးလာသောအခါ သူ သတိလစ်နေသည်က နှစ်လနီးပါး ရှိနေပြီဖြစ်သည်။

သက်ရောက်မှုအကျွင်းအကျန်များရှိနေမည်စိုး၍ ဆရာဝန်က ဒဏ်ရာရနေသော ဦးခေါင်းကိုသာမက ခန္ဓာကိုယ်တစ်ခုလုံးကိုပါ စစ်ဆေးပေးသည်။ အရာအားလုံး အဆင်ပြေကြောင်းကို သူတွေ့ရှိခဲ့ပြီး ဘာမှပြဿနာမရှိတော့ပေ။

ထို့နောက်မှာတော့ ယန်အန်းယု သူ့ကျန်းမာရေးကို ဂရုစိုက်ပြီး ကြွက်သားများကို လေ့ကျင့်ခန်းလုပ်ပေးရန်ပဲ လိုတော့သည်။ပြီးလျှင် သူလုံးဝ ပြန်ကောင်းလာမှာဖြစ်၏။

သူ့နှလုံးသားထဲမှ ကျောက်တုံးကြီးအောက်ကျသွားပြီး ယန်ကျွယ့်က ပြုံးလိုက်သည်။

ချင်နွော်ရှီ၏ မျက်လုံးများ နီရဲနေသည်။

ထန်းကော်က ဝမ်းသာလွန်း၍ ငိုတော့မလိုဖြစ်နေချိန်မှာ မျက်နှာအကြောသေနေသော ချီစန်းကနှုတ်ခမ်းထောင့်များကော့တက်နေပြီး မျက်လုံးထဲတွင် ပျော်ရွှင်မှုများ တဖျပ်ဖျပ်လက်နေသည်။

မကြာမီ သတင်းကောင်းကြားသိရသောအခါတွင် သူ၏မိတ်ဆွေသူငယ်ချင်းကောင်းများက လာရောက်လည်ပတ်ကြသည်။ကောလီရှုက ယန်အန်းယု၏ စနောက်ရယ်စရာလုပ်ခြင်းကို ခံခဲ့ရသော်လည်း ဒေါသမထွက်ဘဲ အချိန်တန်လျှင် သူနှင့်အတူ အကလာလေ့ကျင့်ရန်ပဲ ပြောခဲ့သည်။

ကုရှင်း နှင့် စုချင်ကျားတို့က ချက်ချင်းလက်ငင်း မိခင်မေတ္တာများ ယိုဖိတ်လာပြီး တစ်ယောက်သော ရုပ်ရှင်ဧကရာဇ်ကြီး သဝန်တိုဖြစ်မည်ကိုပင် မကြောက်ဘဲ၊ ယန်အန်းယုကိုဖက်မိကြလေသည်။အစားသမားမိသားစုအတွက်မူ ယဲ့လင်းနှင့် ရှဲ့ယန် နှစ်ယောက်စလုံးက အစားအသောက်များ တစ်ပုံတစ်ပင် ယူလာကြသည်။

ယန်အန်းယုက သူ့မိသားစုနှင့် သူငယ်ချင်းများကို နှစ်သိမ့်ပေးပြီးနောက်မှာ သူ၏ အရေးကြီးသော ဖန်များကို စကားပြောခဲ့သည်။

[ယန်အန်းယုV: မင်းတို့ကို အကြာကြီးစောင့်ခိုင်းမိခဲ့တယ်...ကျွန်တော်ပြန်လာပြီ!]

ယန်အန်းယုက Weibo မှာ ဓာတ်ပုံနှင့်တွဲပြီးပို့စ်တင်ထား၏။

ပုံထဲမှာ ယန်အန်းယုက လူနာအဝတ်အစားဝတ်ပြီး ပေါတောတောလက်လေးနှစ်ချောင်းထောင်ထားပေမဲ့ သူ၏ကြည်လင်တောက်ပသောမျက်လုံးများထဲမှာ အပြုံးများ ပြည့်နေပြီး သူ၏ချစ်စရာကောင်းသောပါးချိုင့်လေးများကို ရှင်းရှင်းလင်းလင်းမြင်နေရ၏။ သူ၏အပြုံးက သူတို့ သူ့ကိုပထမဆုံး မြင်ဖူးစဥ်က အပြုံးနှင့် အတူတူပင်ဖြစ်ပြီး နေရောင်ခြည်ကဲ့သို့ လန်းဆန်းတောက်ပနေခဲ့သည်။မြင်ရသူ၏ ရင်ထဲမှာ နွေးထွေးပြီး သက်တောင့်သက်သာရှိစေ၏။

စကားလုံးအများကြီးမပါသော ရိုးရှင်းသည့် ပို့စ်လေးက နွေးထွေးသော ချစ်ခြင်းမေတ္တာများနှင့် ပြည့်နှက်နေပြီး မရေမတွက်နိုင်သောဖန်များကို ချက်ချင်း မျက်ရည်ကျစေခဲ့လေသည်။

စောင့်ဆိုင်းရသည့်အချိန်က အလွန်ကြာရှည်ပြီး ခက်ခဲကြမ်းတမ်းခဲ့၍ဖြစ်မည်၊ဤရင်ထဲအသဲထဲကလာသည့် ဟက်ဟက်ပက်ပက်အပြုံးကို မြင်လိုက်ရသည်နှင့် တပြိုင်နက် ၎င်းတို့၏ နာကြည်းမှုနှင့် ဆင်းရဲဒုက္ခများအားလုံး မီးခိုးငွေ့များကဲ့သို့ ပျောက်ကွယ်သွားခဲ့သည်။

ထိုနောက်မှာ အဓိကသတင်းမီဒီယာများအားလုံးက ယန်အန်းယုပြန်လာသည်ကို ကြိုဆိုသည့် ဆက်စပ်သတင်းများကို အသီးသီးတင်ခဲ့ကြပြီး ဝမ်းသာကြောင်းပြောကာ ဆုမွန်ကောင်းများတောင်းပေးခဲ့ကြသည်။

မကြာခင်မှာပဲ ယန်အန်းယု ချောမောစွာဆေးရုံကဆင်းနိုင်ခဲ့သည်။

ဆေးရုံဆင်းပြီးနောက် ယန်အန်းယု ချက်ချင်း အလုပ်မဆင်းခဲ့ပေ။ယီချန်းယန်နှင့် သူ့အစ်ကို ယန်ကျွယ့်တို့၏ တောင်းဆိုမှုအောက်မှာ ယန်အန်းယု နှစ်ပတ်လောက် နားခဲ့ရလေသည်။

ယနေ့မှာ ယီချန်းယန်က ယန်အန်းယုနှင့် W မြို့တော်ကို ခရီးထွက်လာခဲ့၏။ ဤသည်မှာ သခင်လေး'အန်းယု'၏ မွေးရပ်ဇာတိဖြစ်သည်။တာ့ယု၏မိခင် အန်းရှီကိုလည်း ဤနေရာတွင် မြုပ်နှံထားခဲ့သည်။

မသွားမီတွင် ယန်အန်းယု ဝမ်ရှင်းကျင်းယွမ်ကို သန့်ရှင်းသပ်ရပ်အောင်လုပ်ပြီး တာ့ယု၏ အရေးကြီးဆုံးအဝတ်အစားတချို့နှင့် ကိုယ်ရေးကိုယ်တာပစ္စည်းများအားလုံးကို တာ့ယုသူ့အမေနှင့်တွေ့နိုင်ရန်တွေးပြီး ယူဆောင်လာခဲ့သည်။

သင်္ချိုင်းထဲ၌ ယန်အန်းယု နှင့် ယီချန်းယန်တို့ ယဥ်ယဉ်ကျေးကျေး ဦးညွှတ်ခဲ့ကြသည်။တာ့ယု၏အမေအား ဂါရဝပြုပြီးနောက် ၎င်းတို့သည် မူလတာ့ယု၏ ဝမ်းနည်းပူဆွေးမှုနှင့်ဝေဒနာများကို မှတ်တမ်းတင်ထားသည့် ဒိုင်ယာရီကို မီးရှို့လိုက်ကြသည်။

ပြီးလျှင် သူတို့ အနီးနားမှာ အုတ်ဂူတစ်လုံးဝယ်ပြီး တာ့ယု၏အဝတ်အစားများနှင့် ထိုလက်ထပ်လက်စွပ်တစ်စုံကို မြှုပ်နှံလိုက်ကြသည်။

ဤလက်ထပ်လက်စွပ်တစ်စုံအကြောင်းပြောရလျှင် ယီချန်းယန်က အစကတည်းက တစ်ခါမှမဝတ်ခဲ့ဘဲ ယန်အန်းယုကမူ ဖြုတ်ပြီးကတည်းက သေချာသိမ်းထားခဲ့သည်။

ဤအရာကလည်း တာ့ယု၏ အစွဲအလမ်းများထဲက တစ်ခုဖြစ်သည်ဟု သူ့ခံစားရပြီး အချည်းနှီးဖြစ်သော အိမ်ထောင်ရေးကို ကူညီမြှုပ်နှံပေးရန်လည်း အချိန်တန်ပြီဖြစ်သည်။

ယန်အန်းယုက တာ့ယုကို သူ့အမေရှိရာအရပ်ဆီ ပြန်ပို့ပေးခဲ့သည်။မှားသည်ဖြစ်စေ မှန်သည်ဖြစ်စေ မိခင်၏မေတ္တာကကြီးမားပြီး အရာအားလုံးကို ခွင့်လွှတ်နိုင်သည်။

"တောင်းပန်ပါတယ်...ငါလုပ်ပေးနိုင်တာက နည်းနည်းလေးပဲရှိနေတုန်းပဲ"

ယန်အန်းယုက တိုးတိုးလေး တာ့ယုကိူ ပြောလိုက်သည်။

သဘာဝအတိုင်း ယီချန်းယန်က သူ့အသံထဲမှာတောင်းပန်လိုရိပ်တို့ပါနေသည်ကို ကြားနိုင်သဖြင့် သူက ပြောလိုက်လေသည်။

"ရှောင်ယု အခုချိန်မှာ မင်း သူ့ကိုအရာအားလုံး ပြန်ပေးဖို့က မဖြစ်နိုင်ဘူး"

"အင်း ကျွန်တော်သိပါတယ်"

ယန်အန်းယုက ခေါင်းအသာညိတ်လိုက်သည်။

ယခုအချိန်မှာ သူက လူများစွာနှင့်ကိစ္စများစွာတို့ဖြင့် ဆက်နွယ်နေပြီဖြစ်၏။ အစောကြီးကတည်းကပင် နက်နက်ရှိုင်းရှိုင်း အမြစ်တွယ်နေပြီး လုံးဝဖြိုခွဲ၍မရနိုင်သည့် ဆက်ဆံရေးအချို့ ရှိနေပေသည်။

"ချန်းယန် ကျွန်တော်က သူမဟုတ်မှန်း သိနေတာကြာပြီမလား"

ရုတ်တရက် ယန်အန်းယု မျက်လွှာပင့်ကာ ယီချန်းယန်ကို စိုက်ကြည့်လာသည်။

"အင်း တောင်းပန်ပါတယ်"

ယီချန်းယန်၏ အကြည့်များသည် အနည်းငယ် မှိန်သွားသည်။

"အဲဒီတုန်းက အခြေအနေက... ထားလိုက်ပါတော့လေ ဘာပဲဖြစ်ဖြစ် ကိုယ်အပြစ်လည်းပါခဲ့တာပဲ"

"ဘယ်သူ့အပြစ်ရယ်လို့ ခွဲခြားလို့မရတော့ပါဘူး"

ယန်အန်းယုက လျှောက်လာပြီး သူ့လက်ကို ဆုပ်ကိုင်လိုက်သည်။

"ချန်းယန် ခင်ဗျားလည်းလက်ခံရခက်မယ်ဆိုတာ ကျွန်တော် သိပါတယ်"

"သူ ပိုသင့်တော်တဲ့သူကို သေချာပေါက် ရှာတွေ့နိုင်မှာပါ"

ယီချန်းယန်ကပြုံးလိုက်သည်။သူ့မှာ ယခု ယီချန်းယန် ရှိနေပြီဖြစ်ရာ တာ့ယုလည်း တခြားတစ်နေရာရာမှာ သေချာပေါက် ပျော်ရွှင်နေလိမ့်မည်။

ယခုဆိုလျှင် ယန်အန်းယု လက်ရှိအခြေအနေကို အနည်းနှင့်အများ နားလည်သဘောပေါက်သွားခဲ့ပြီဖြစ်သည်။

ချင်နွော်ရှီ၏ အရှုပ်တော်ပုံက ရှန်းသုန်းဟောင့်ကြောင့် ကြီးမားသောအလှည့်အပြောင်းဖြစ်သွားခဲ့၏။လူအများ၏အာရုံစူးစိုက်မှုကို သူချက်ချင်းဖယ်ရှားလိုက်နိုင်သော်လည်း ယင်းကိစ္စသည် နောက်ပိုင်းတွင် ချင်နွော်ရှီနှင့် ရှန်းသုန်းဟောင့်၏ကျော်ကြားမှုကို အလွန်လျော့ကျသွားစေခဲ့သည်။အခုတလော ၎င်းတို့တွင် အရေးကြီးသော လှုပ်ရှားမှုများမရှိသလို အချိန်ဇယားများလည်းမရှိပေ။

ယန်မိသားစု၏ ဦးလေးက သူ့ကို နောက်ကွယ်မှ ပံ့ပိုးပေးသဖြင့်၊ထန်းရှောင်၏ ကင်မရာများရှေ့တွင် ပေါ်လာသည့် အကြိမ်ရေက တဖြည်းဖြည်း တိုးလာသည်။ Weibo မှာ ဖန်ဆယ်သန်းကျော်နှင့် လူတိုင်း၏ရှေ့မှောက်မှာ အမြဲလိုလို ပေါ်လာနေခဲ့သည်။ သူ့စုစုပေါင်းကျော်ကြားမှုက ယန်အန်းယုနှင့် ယှဉ်နိုင်နေပြီဖြစ်ပြီး ယင်းက ငြင်း၍မရသည့်အချက်ပါပင်။

တစ်ချိန်တည်းမှာပင် ဟွမ်ချွမ်းက လူသိများသော ရသစုံရှိုးတစ်ခုတွင် ပါဝင်ခဲ့ပြီး တဖြည်းဖြည်း ကျော်ကြားလာခဲ့သည်။

ရှယ်ယာများစွာပိုင်ဆိုင်ထားသော ယန်ကျွယ့်က ရှန်းဟွမ်တွင် ဥက္ကဋ္ဌရာထူးသို့ ပြန်လည်ရောက်ရှိလာခဲ့သည်။သို့သော်လည်း ချင်နွော်ရှီအတွက်နှင့် ယန်မိသားစု၏ပိုင်ဆိုင်မှုကို စွန့်လွှတ်မည်ဟု ခြိမ်းခြောက်ထားသောကြောင့် သူနှင့် မဒမ်ယန်နှင့် ယန်မိသားစုကြားက ပဋိပက္ခများကို မဖြေရှင်းရသေးပေ။ကုမ္ပဏီ၏ စီမံခန့်ခွဲမှုအဆင့်ရှိ အကြီးတန်းဝန်ထမ်းများကလည်း သူ့ကို ပိုလက်မခံကြတော့ပေ။

ပိတ်ရက်တွင် ယန်အန်းယုတစ်ယောက် Sမြို့တော် ပေရှင်းခရိုင် ဗီလာဧရိယာက ယီချန်းယန်၏အိမ်တွင် အနားယူနေခဲ့သည်။

ယခု ယန်အန်းယု အွန်လိုင်းပေါ်တက်သည်နှင့် ထန်းရှောင်၏သတင်းကို သူတွေ့လိုက်ရသည်။ လူကြိုက်များသော စာမျက်နှာနှင့် ခေါင်းစီးသတင်းများကို ဤတက်သစ်စကြယ်ပွင့်တစ်ယောက်ဖြစ်သည့် သူက(ထန်းရှောင်) မကြာခဏ လက်ဝါးကြီးအုပ်ထားသည်။ယန်အန်းယု မထိန်းနိုင်ဘဲ သက်ပြင်းချလိုက်သည်။ သေချာသည်၊ အချိန်အကြာကြီး မေ့မြောနေခဲ့သောကြောင့် ကိစ္စတော်တော်များများကို သူလွတ်သွားခဲ့သည်။

ချင်နွော်ရှီ၏ အရှုပ်တော်ပုံနှင့် ပတ်သက်၍ နောက်ကွယ်မှ ချုပ်ကိုင်သူမှာ ၎င်းမှ လက်ရှိတွင် အကျိုးအမြတ် ရရှိနေသူများသာ ဖြစ်သည်။ယန်မိသားစုမှ ဦးလေးများက သူ့အစ်ကိုကိုစင်ပေါ်မှ ဆွဲချချင်နေသည်။ဟွမ်ချွမ်းက ချင်နွော်ရှီကို ရည်ရွယ်ချက်ရှိရှိ ပစ်မှတ်ထားနေ၏။ထန်းရှောင်လည်း ထိုထဲတွင် ပါဝင်ကောင်းပါဝင်နေနိုင်သည်။

မျက်ဖြူလှန်လိုက်ရင်း ယန်အန်းယု သူ အားကြိုးမာန်တက် ပြန်ထမှရမည်ဟု ခံစားလိုက်ရသည်။ ယခု သူက နာလန်ပြန်ထူအောင်အားမွေးနေတုန်းဖြစ်ပေငြား တစ်ချို့အရာများကို လုပ်၍ရသေးပေသည်။ တချို့လူများအား သူတို့ကိုယ်သူတို့ အလွန်ဂုဏ်ယူနေသည်မျိုး မဖြစ်စေချင်ပေ။

"ချန်းယန် ကျွန်တော့်ကိုကူညီပါ"

ယန်အန်းယုက မီးဖိုချောင်ထဲသို့ တဖြောက်ဖြောက်ပြေးကာ သူတို့မိသားစု၏ 'ခင်ပွန်းကောင်း'မစ္စတာရုပ်ရှင်ဧကရာဇ်ကြီးကို အနောက်ကနေ ပွေ့ဖက်လိုက်သည်။

"ဘာဖြစ်ပြန်ပြီလဲ"

ပါပီပုံအေပရွန်ကိုဝတ်ဆင်ထားသော ယီချန်းယန် ဖြည်းညှင်းစွာလှည့်လာပြီး ယန်အန်းယု၏နှာခေါင်းကို တို့လိုက်သည်။

ယခုအချိန်တွင်၊ ယန်အန်းယုက သူ၏မျက်လုံးများထဲတွင် 'ထိခိုက်လွယ်သော' လူနာတစ်ဦးဖြစ်နေဆဲဖြစ်သဖြင့် ယီချန်းယန်က သူအား၍ အိမ်တွင်ရှိနေချိန်တွင် ယန်အန်းယု၏ထမင်းသုံးနပ်လုံးကို တာဝန်ယူတတ်လေသည်။

"ကျွန်တော် ဖန်တွေအတွက် သီချင်းဆိုချင်တာ...ဒါပေမဲ့ သီချင်းမရေးတတ်တဲ့အတွက် အကူအညီတောင်းချင်လို့"

ယန်အန်းယုက တောက်ပစွာ ပြုံးလိုက်သည်။

"အစီအစဥ်က တော်တော်လေးကောင်းသားပဲ...ဒါပေါ့ ကိုယ် မင်းကို ကူညီမှာပါ...ဒါပေမဲ့..."

ထိုသို့ပြောရင်း ယီချန်းယန်က ယန်အန်းယု၏ မေးစေ့ကို လှမ်းကိုင်လိုက်၏။

"ဘာဆုပေးမှာလဲ"

ယန်အန်းယုက ချက်ချင်းပင် ခြေဖျားထောက်လိုက်သည်။ ယခုအခါတွင်၊ တစ်ယောက်သောရုပ်ရှင်ဧကရာဇ်ကြီးက သူ့ကိုသင်ပေးနေရန် မလိုတော့ပါချေ။ယီချန်းယန်၏ နှုတ်ခမ်းများကို အသိစိတ်ရှိရှိ နာခံမှုရှိရှိနှင် သူ့ဘက်ကနေ စပြီးနမ်းတတ်နေပြီဖြစ်၏။

"မလုံလောက်သေးဘူး"

ယီချန်းယန်က ခေါင်းကိုအသာယမ်းလိုက်သည်။မကြာမီ လက်ဖဝါးကြီးကြီးတစ်ဖက်က ယန်အန်းယန်၏နောက်ကျောကို ထိတွေ့လာပြီး ကော့တက်နေသော သူ့၏ တင်ပါးလုံးလုံးကို နှစ်ခါ ညှစ်လိုက်သည်။

"ရှောင်ယု အကြာကြီးအိပ်နေခဲ့တော့ တကယ်ကို ဝိတ်တက်လာတာပဲ"

"အမ် တကယ်လား"

ယန်အန်းယု အံ့အားသင့်သွားသည်။

"ကျွန်တော် ... ကျွန်တော် ဝိတ်ချချင်တယ်...နာမည်ကြီးတစ်ယောက်က ခန္ဓာကိုယ်ကို ထိန်းသိမ်းဖို့ အရမ်းအရေးကြီးတယ်"

"လိမ်လိမ်မာမာနဲ့စားစမ်းပါ... မင်းက ဝနေတာမျိုး မဟုတ်ဘူး...ပြီးတော့ ဒီနေရာက ပိုလို့တောင် ခံစားလို့ကောင်းလာသေးတယ်"

ယီချန်းယန်က ယန်အန်းယု၏ တင်ပါးကို ဆုပ်ကိုင်ရင်း နားရွက်ကို လျက်လိုက်သည်။

"ရှောင်ယု ကိုယ်စားချင်တယ်..."

ယန်အန်းယု၏ နားရွက်များ ချက်ချင်းပင် နီရဲလာသည်။ လွန်ခဲ့သည့် နှစ်ညက အိပ်ရာပေါ်က သူတို့၏ အမျိုးမျိုးသော ကိုယ်ဟန်အနေအထားများကို သူတွေးမိသောအခါ၊ ယီချန်းယန် နှင့် ဝေးရာသို့ ရုန်းချင်လာသည်။

"ချန်းယန် ဘာလို့ အခုတလော ဒီလောက်အစားကြီးလာတာလဲ"

သူ ထွက်ပြေးချင်နေသည်ကို မြင်လျှင် 'ဆာလောင်နေသောဝံပုလွေကြီး'က ယုန်လေးရှောင်ယု အမြန်ပြန်ဖမ်းလိုက်သည်။

"ကိုယ်ဗိုက်ဆာနေတာကြာပြီလေ... မင်းကိုယ့်ကိုကောင်းကောင်းအလျော်ပေးသင့်တယ်"

***

နောက်အပတ်ရောက်လာသည့်အခါ ယန်အန်းယု သူ၏ Weibo မှာ 'ယုနိရှန်းပန်း'(ယုကိုအဖော်ပြုပေးမယ်)ဆိုသည့် သီချင်းကို ရုတ်တရက် တင်ခဲ့သည်။ သူ့ဖန်များ၏ စဉ်ဆက်မပြတ်အဖော်ပြုပေးမှုနှင့် တည်ကြည်တဲ့ ခိုင်မြဲသော သစ္စာစောင့်သိမှုတို့အတွက် ကျေးဇူးတင်သည့်အနေဖြင့် ဤသီချင်းကို သူတို့အတွက် ရည်စူးပြီးဆိုထားခြင်းဖြစ်သည်။

(ET/N–羽你相伴က မင်းကိုအဖော်ပြုပေးမယ်လို့အဓိပ္ပါယ်ရပါတယ် ဒါပေမဲ့ ပထမဆုံးစကားလုံးက အန်းယုရဲ့နာမည် 与ယုကိုပြောင်းထားတာပါ ဒါကြောင့် နည်းနည်းလေးစကားလုံးကစားထားတာဖြစ်ပါတယ်)

ယန်အန်းယုက သူသည် ပရော်ဖက်ရှင်နယ် အဆိုတော်မဟုတ်သလို သီချင်းဆိုလည်း မကောင်းသောကြောင့် လူတိုင်း သူ့ကို ခွင့်လွှတ်ပေးကြပါရန် အလေးပေးပြောကြားခဲ့သည်။ တိုတိုပြောရလျှင် 'ယုနိရှန်းပန်း' က သူ့ခံစားချက်များကို ထုတ်ပြရန်သာရည်ရွယ်ပြီး စျေးကွက်ချဲ့ထွင်ရန် ရည်ရွယ်ချက်မရှိပေ။ဤသည်က သူ့ဖန်များကို လက်ဆောင်ပေးခြင်း သက်သက်ဖြစ်လေသည်။

ယန်အန်းယုက သူ၏ အိုင်ဒေါ ဖြစ်သော ယီချန်းယန်ကို သီချင်းရေးစပ်ရာမှာ အကူအညီတောင်းထားခဲ့ပြီး သူလုပ်ခဲ့သမျှက သီချင်းစာသားများ ရေးပြီး သီဆိုရုံဖြစ်ကြောင်းပြောထားသည်။

ဖန်များကို ကြိုပြီး အသိပေးထားခြင်းမျိုး မရှိခဲ့ပေ။ ဤတစ်ကြိမ်မှာ သူတို့ မျက်နှာပေးမှုကြောင့် ရင်ထဲထိသွားကြပြီး ထိလွန်း၍ လုံးလုံးလျားလျား ကမောက်ကမဖြစ်သွားသည်အထိဖြစ်၏။ သူတို့အားလုံး သတင်းဖြန့်ခြင်း၊ ထပ်ခါတလဲလဲ မျှဝေခြင်း၊ယန်အန်းယု၏ ပို့စ်တွင် မှတ်ချက်ပေးခြင်းများ၊ ခေါင်းစဉ်ကို ပိုင်းခြားစိတ်ဖြာခြင်းစသည်တို့ပြုလုပ်ကြသည်။

ဤရက်ပိုင်းတွင် ခေတ်စားနေသောထိပ်စီးခေါင်းစဥ်များက အကုန်လုံးနီးပါး ယန်အန်းယုနှင့်ဆက်စပ်နေကြောင်းကို အနုပညာလောကအတွင်းရှိ ပိုင်းခြားသိမြင်နိုင်သောမျက်လုံးများက သတိပြုမိပေသည်။

ယန်အန်းယုက ဤသီချင်းကို တင်ပြီး သိပ်မကြာခင်မှာပဲ ယီချန်းယန်ကလည်း သူ့၏ပင်မအကောင့်ကို အသုံးပြုပြီး ပြန်မျှဝေခဲ့သည်။စကားတစ်ခွန်းမှမဆိုဘဲ အသဲပုံပူဖောင်းလေးများ ထွေးထုတ်နေသည့် 'အချစ်'အီမိုတီကွန်သုံးခုသာတင်ထား၏။

ချက်ချင်းပင်၊ CP ဖန်များမှာ အငိုက်ဖမ်းကာ သကြားတစ်လုတ်ကြီးကိုအကျွေးခံလိုက်ရသည်။

ယန်ယုဖန်များဖြစ်စေ၊ ယုယန်ဖန်များဖြစ်စေ အားလုံးက မိုးပေါ်မြှောက်တက်ကုန်ပြီး "ငါ ဘယ်သူလဲ...ငါ ဘယ်မှာလဲ"ဆိုပြီး မြည်တမ်းနေကြသည်။

ယီချန်းယန်က ယန်အန်းယုကိုသီချင်းကူရေးပေးနေသည့် ချစ်စရာကောင်းသောပုံရိပ်လေးကို တွေးရင်း သူတို့၏ ဦးနှောက်ထဲမှာ ဇာတ်ကွက်မျိုးစုံပေါ်လာ၏။ပုံဆွဲartistများနှင့် စာရေးဆရာများမှာလည်း ရုတ်တရက် စိတ်ကူးစိတ်သန်းများ ပြည့်နှက်သွားခဲ့၏။သူတို့သည် ထိန်းချုပ်မှုလွတ်ကုန်ပြီး စတင်ပြီးသည်နှင့် မရပ်တန့်တော့ဘဲ fanarts နှင့် fanficsများ တစ်ပုံပြီးတစ်ပုံ တစ်ပုဒ်ပြီးတစ်ပုဒ် စတင်ပေါ်ပေါက်လာတော့သည်။

👥️

Prev Next