လျို့ဝှက်သောသူကြွယ်၏ ချစ်ဇနီးလေး  

အပိုင်း ၅၄ - စည်းရုံးသိမ်းသွင်းနိုင်ခြင်း  

ချန်ရှု့ရဲ့ ကားကိုလေဆိပ်အပြင်ဘက်တွင် ရပ်ထားသော်လည်း ယဲ့ဆွေနဲ့ တွေ့ဆုံရန် အခွင့်အရေးမရခဲ့ပေ။ 

ယဲ့ဆွေရဲ့ပရိသတ်တွေက အရမ်းကိုစိတ်အားထက်သန်ပြီး သူမကားပေါ်တက်ပြီး ထွက်ခွာသွားတဲ့အထိ လေဆိပ်မှ အပြင်ဘက်အထိတောက်လျှောက် သူမနောက်သို့လိုက်ခဲ့ကြသည်။ 

ကားထဲမှာထိုင်နေပြီး ယဲ့ဆွေနဲ့ မသွားနိုင်တဲ့ ချန်ရှု့က မက်ဆေ့ချ်တစ်စောင်ကို လက်ခံရရှိခဲ့သည်။ သူမက သူ့ကိုအိမ်ကို အရင်ပြန်ဖို့တောင်းဆိုထားကာ သူမ သူ့ကိုတွေ့လို့မရဘူးဆိုတာကို သူ့အားအကြောင်းကြားခဲ့သည်။ 

အခြားရွေးချယ်စရာမရှိသောကြောင့် ချန်ရှု့က လေဆိပ်မှတစ်ယောက်တည်း ကားမောင်းပြန်ခဲ့ရသည်။ 

သူတို့ရဲ့ဥက္ကဌ ချန်နဲ့ ယဲ့ဆွေတို့ ယူနန်ပြည်နယ်ကိုသွားကတည်းက ဝမ်ချွမ်းက စိုးရိမ်ခဲ့သည်။ 

ယူနန်လား? အဲ့နေရာကို သူဘယ်လိုမေ့နိုင်မှာလဲ! အဲ့တာဟာ ဝမ်ချွမ်ရဲ့ဝမ်းနည်းခြင်းပဲ။  သူတစ်ချိန်က ယူနန်ပြည်နယ်သို့ ရှုပ်ခင်းတွေကြည့်ရှုရန် သွားခဲ့သော်လည်း သူနှင့်သူ့ရည်းစားဟောင်းက စကားများပြီး ပြတ်သွားခဲ့ကြသည်။ အဲ့အချက်ကြောင့် သူတို့တသီးတခြားစီဖြစ်ခဲ့ပြီး အချင်းချင်း ဆက်သွယ်မှုတွေ မပြုလုပ်ခဲ့ကြပေ။ 

 ခရီးသွားခြင်းက လူတစ်ဦး၏ အကျင့်စာရိတ္တကို အကောင်းဆုံးဖော်ပြလိမ့်မည်။ သဘောထားကွဲလွဲမှုသေးသေးလေးကတောင် မြင်ကွင်းကြီးတစ်ခုကိုဖြစ်ပေါ်စေနိုင်သည်။ ချစ်မြတ်နိုးဖွယ် ခံစားမှုများကို မေ့မေ့ပျောက်ပျောက် ဖြစ်နေတဲ့သူက သူတို့ရဲ့ဥက္ကဌ ဖြစ်ပြီး ယဲ့ဆွေ ဒေါသထွက်ခဲ့ရင် သူမကိုသူပြန်ချော့နိုင်ပါ့မလား? 

ချန်ရှု့နဲ့ ယဲ့ဆွေတို့ရဲ့ ယူနန်ပြည်နယ်သို့ ရက်အနည်းငယ်သွားရောက်လည်ပတ်နေတဲ့ အတောအတွင်မှာ ဝမ်ချွမ်းတွင် စိတ်သောကရောက်နေတဲ့ ဘဝရှိခဲ့သည်။  အဲ့တာက သူပြန်လာသည်အထိစောင့်ရန် မလွယ်ကူခဲ့ပေ။ 

ဝမ်ချွမ်းက ချန်ရှု့အား ပြီးခဲ့သည့်ရက်အနည်းငယ်က စုဆောင်းထားသည့် စာရွက်စာတမ်းများကို ပေးအပ်ပြီးနောက် သူရုံးခန်းထဲမှ ချက်ချင်း ထွက်ခွာခြင်းမရှိခဲ့ပေ။  အဲဒီအစား သူစကားပြောသည့်အခါ သူ့ရဲ့မျက်နှာကို စဉ်ဆက်မပြတ်ကြည့်ရှု့နေသည်။ 

 “ ဆရာ ယဲ့ဆွေနဲ့ ချန်ရှို့တို့ တစ်ချိန်တည်းမှာ ယူနန်ကိုသွားတဲ့အချက်ကို ထိန်းချုပ်ထားပါတယ်။ အင်တာနက်အသုံးပြုသူတွေရဲ့ မှတ်ချက်တွေကလည်း ပြောင်းပြန်ဖြစ်ခဲ့ပြီး အများစုကတော့ ယဲ့ဆွေဘက်မှာပါ ၀င်ခဲ့တယ်” 

ဝမ်ချွမ်းရဲ့ စကားကိုကြားပြီးနောက် ချန်ရှု့ ခေါင်းညိတ်လိုက်သည်။ ဒါပေမယ့် ချန်ရှို့ကို စဉ်းစားလိုက်သောအခါ သူရုတ်တရက် အနည်းငယ် စိတ်မကောင်းဖြစ်လာသည်။ 

ချန်ရှို့ ယူနန်ပြည်နယ်ကို မသွားခဲ့ဘူးဆိုရင် ယဲ့ဆွေနဲ့အတူ သူ အဲ့ဒီမှာနောက်ထပ် ရက်အနည်းငယ် နေနိုင်သေးသည်။  ချန်ရှို့ကြောင့် ကျန်ရှိနေသေးသော ရှုပ်ထွေးမှုများကို ဖြေရှင်းရန် ကိစ္စကို ရှင်းလင်းဖို့ တစ်ရက်အချိန်ဖြုန်းခဲ့ရသည်။ 

 ဒီအကြောင်းကိုစဉ်းစားရင်း ချန်ရှု့ရဲ့ အမူအရာက အတွေးထဲနစ်သွားသလိုပင်။  သူ့မျက်နှာက အနည်းငယ်မည်းမှောင်လာပြီး စကားပြောတာကို ရပ်ခဲ့သည်။ 

ချန်ရှု့ရဲ့လှုပ်ရှားမှုတိုင်းကို ကြည့်ရှုနေသူ ဝမ်ချွမ်း ကတော့ သူ့ရဲ့ဥက္ကဌနဲ့ ယဲ့ဆွေ ကြားမှာ တစ်ခုခုဖြစ်ပျက်ခဲ့တာပဲဖြစ်ရမယ်လို့ တွေးခဲ့သည်။ ' သူ့ရဲ့ခန့်မှန်းချက်က မှန်နေတယ်။' 

သူတို့နှစ်ယောက် စကားများခဲ့ကြတဲ့အထဲမှာ ချန်ရှို့ နှင့် ယဲ့ဆွေတို့အကြား အတင်းအဖျင်းတွေလည်း ပါခဲ့တာဖြစ်ရမည်။  သူတို့အကြီးအကျယ် ရန်ဖြစ်ခဲ့ကြတာဖြစ်မယ်!  

လုပ်ဖော်ကိုင်ဖက် တစ်ယောက်နှင့်အတူ ခရီးသွားခြင်းက အမှန်ပင်မကောင်းပါ။ အနည်းငယ် ဂရုမစိုက်မိခဲ့ရင် စုံတွဲက ပြတ်သွားနိုင်သည်။ 

ဝမ်ချွမ်းက သူ့ရဲ့ဝမ်းနည်းဖွယ်အမူအရာကို မေ့ပျောက်ရန်မေ့နေခဲ့ပြီး ချန်ရှု့ရဲ့ စားပွဲခုံအစွန်းတွင် ရပ်နေခဲ့သည်။ 

ယခုအချိန်တွင် ချန်ရှု့က သူ့ရဲ့အတွေးများကို စွန့်ခွာပြီး သူ့ရဲ့စားပွဲခုံတွင် အရိပ်ကြီးတစ်ခုဖုံးနေသည်ကို သတိပြုမိခဲ့သည်။ သူကမျက်မှောင်ကြုတ်လျက် မော့ကြည့်လိုက်သည် - ဝမ်ချွမ်း ကတော့ အဲဒီမှာရပ်နေတုန်းပဲ။ 

 “ မင်းမှာတစ်ခုခုရှိလို့လား?”  ချန်ရှု့မေးလိုက်သည်။ 

ဝမ်ချွမ်းက သူ့ရဲ့စိုးရိမ်ပူပန်တဲ့ အမူအရာကို ချက်ချင်းဖယ်ရှားလိုက်ပြီး ခေါင်းခါလိုက်ကာ ရုံးခန်းထဲမှချက်ချင်း ထွက်သွားခဲ့သည်။ 

ချန်ရှု့က ဝမ်ချွမ်းရဲ့ အတွေးများကို အကြွင်းမဲ့ အမှတ်တမဲ့ဖြစ်ခဲ့သည်။  သူက ခေါင်းကိုငုံ့လိုက်ကာ ရက်အနည်းငယ်ကြာအောင် လုပ်ဆောင်ရန်လိုအပ်သည့် စာရွက်စာတမ်းများကို ဆက်ပြီး ကြည့်ရှုခဲ့သည်။ 

"စတားများနှင့် သရေစာဆိုင်ဖွင့်ခြင်း"ရဲ့ နောက်ဆုံးထုတ်ဝေချက်ကို ကြေငြာခဲ့သည်။ အထူးဧည့်သည်တော်မှာ ချန်းယင်  ဖြစ်သည်။ 

ဒါက ယဲ့ဆွေနဲ့ ချန်းယင်တို့ ရသစုံရှိုးမှာ အတူတူပေါ်လာတာက ပထမဆုံးအကြိမ်ဖြစ်သည်။  သူတို့ရဲ့တီဗွီစီးရီးဖြစ်တဲ့ "အိမ်ရှေ့စံမင်းသား"ကလည်း အပြီးသတ်တော့မည်ဖြစ်သည်။  ထို့အပြင် ရသစုံရှိုးတွင် သူတို့ရဲ့ပါဝင်မှုက ဖိုင်နယ်အတွက် နောက်ဆုံး တွန်းအားပေးရန်သာဖြစ်သည်။ 

အကယ်၍ အမှားမရှိဘူးဆိုရင် 'အိမ်ရှေ့စံမင်းသား' က ဒီနှစ်အတွက် အများဆုံးကြည့်ရှု့တဲ့ တီဗွီဇာတ်လမ်းတွဲဖြစ်လိမ့်မည်။ 

နံနက်ခင်း၌ အစီအစဉ်ကို တိုက်ရိုက်ထုတ်လွှင့်ရန် စတင်သောအခါ၊ လူတွေအများကြီးက ယဲ့ဆွေရဲ့ ရသစုံရှိုးမှာ ချန်းယင်ပါဝင်တို့ကို ကြည့်ဖို့ အွန်လိုင်းပေါ်တွင် ရှိနေကြပြီဖြစ်သည်။  

ယဲ့ဆွေကို ချန်းယင်ရဲ့ သွင်ပြင်သဏ္ဌာန်အဖြစ် ရည်ညွှန်းလေ့ရှိသဖြင့် တီဗွီဇာတ်လမ်းတွဲတွေရဲ့ မြှင့်တင်ရေးကာလအတွင်း သူတို့နှစ်ယောက်ကကျော်ကြားမှုအတွက် ယှဉ်ပြိုင်ခဲ့သည်။ ထို့နောက် လွန်ခဲ့တဲ့ရက်အနည်းငယ်က ယဲ့ဆွေနဲ့ ချန်းယင်ရဲ့ ရည်းစား ချန်ရှို့တို့က ယူနန်ပြည်နယ်သို့အတူတူ ခရီးထွက်ခဲ့တယ်ဆိုတဲ့ ဆိုးရွားတဲ့ကောလဟာလတွေလည်း  ရှိခဲ့သည်........ 

သူတို့နှစ်ယောက်မှာ တစ်ယောက်နဲ့တစ်ယောက် မရေမတွက်နိုင်တဲ့ မကျေနပ်ချက်တွေရှိသည်။ လက်ရှိဖွံ့ဖြိုးတိုးတက်မှုအရ ၎င်းသည် ကြီးမားသော ရှိုးတစ်ခုဆီသို့ ဦးတည်သွားနိုင်သည်။ 

ချန်းယင်က မှတ်တမ်းတင်သည့်နေရာသို့ ရောက်သောအခါ ထုံးစံအတိုင်း ဧည့်သည်တွေရောက်ရှိနေခဲ့ကြပြီး လေထုကအနည်းငယ်သိမ်မွေ့လာသည်။ 

သူတို့က ဂရုတစိုက်နဲ့ သူတို့နှစ်ယောက်ရဲ့အမူအရာတွေကို လေ့လာနေကြသလို အားလုံးရဲ့မျက်လုံးတွေက ယဲ့ဆွေဆီလှည့်သွားကြပြီးနောက် ချန်းယင်ဘက် ပြန်လှည့်လာကြသည်။ 

 ချန်းယင်က သင့်တော်စွာပြုံးပြလိုက်သည်။  "အားလုံးပဲ မင်္ဂလာပါ၊ ကျွန်မကတော့ ချန်းယင်ပါ" 

"ကျွန်မတို့ ရသစုံရှိုးက ချန်းယင်ကို ကြိုဆိုလိုက်ကြရအောင် " ယဲ့ဆွေ ရဲ့ အသံက အရမ်းအေးအေးဆေးဆေး ဖြစ်နေသည်။ သူမပြောပြီးတာနဲ့ချက်ချင်းပဲ ဧည့်သည်တွေအားလုံးကလည်း သူမနဲ့အတူလက်ခုပ်သြဘာပေးခဲ့ကြသည်။ 

 ယဲ့ဆွေက ဒီအစီအစဉ်ရဲ့အဓိကအကြောင်းအရင်းဖြစ်သည်။ 

 ရှိုးတွင် ဘယ်တော့မှ မျက်နှာမပြခဲ့သည့် ဒါရိုက်တာသည် ဤအခိုက်အတန့်၌ ရုတ်တရက် ထွက်လာခဲ့သည်။ သူသည်ဤအစီအစဉ်၏ အကြောင်းအရာများကို ကင်မရာရှေ့တွင် ကြေငြာခဲ့သည်။ “ ဒီအစီအစဉ်ရဲ့ အဓိကအကြောင်းအရာက ပြောင်းသွားပြီ။ အခုက  သရေစာဆိုင်နှစ်ခုရဲ့ ယှဥ်ပြိုင်မှုဘဲ ” 

 "ဧည့်သည်တွေကို အုပ်စုနှစ်စုခွဲပြီး ခေါင်းဆောင်တွေက ယဲ့ဆွေနဲ့ ချန်းယင်တို့ ဖြစ်လိမ့်မယ် " 

 'ဘာလဲ?  ဒါကပုံမှန်အချက်အပြုတ် ရှိုး တစ်ခုပဲ မဟုတ်ဘူးလား။ ဒါရိုက်တာက ချက်ပြုတ်တာကို ပြိုင်ဆိုင်ဖို့  ရုတ်တရက်ကြီး ဘာလို့ ပြောင်းလိုက်တာလဲ!' 

 ပရိုဂရမ်အဖွဲ့က ယဲ့ဆွေနဲ့ချန်းယင်ကို  တူညီတဲ့အဆင်မှာ ရှိနေဖို့ ဘယ်တော့မှ ခွင့်ပြုမှမဟုတ်ပေ။ 'တစ်ချိန်က ချန်းယင်လေးလို့ အများကပြောနေခဲ့တဲ့ ယဲ့ဆွေက ယခုအခါအင်တာနက်ပေါ်တွင် နာမည်ကြီးမင်းသမီး ဖြစ်လာသည်။  ချန်းယင်က သူမနဲ့တစ်ကယ် နောက်တစ်ခါ ထပ်တွေ့မှာလား?' 

 အစီအစဉ်အုပ်စုက [ချန်းယင် vs. ယဲ့ဆွေ] အတွက်  တိုက်ရိုက်ထုတ်လွှင့်မှုကို ပြောင်းလဲပြီးသွားတဲ့အခါမှာ   ရှာဖွေမှု ထိပ်ဆုံးကို ရောက်သွားပြီး လျင်မြန်စွာမြင့်တက်လားခဲ့သည်။ 

 "မား ရား ဒါရိုက်တာရဲ့ အကွက်ရွှေ့မှုက အံ့သြစရာပဲ။ ဒါက မကောင်းတဲ့ အစီအစဉ်ပဲ! ငါတောင် အဲ့လိုအစီအစဉ်ကို မစဉ်းစားရဲဘူး!" 

 "ငါကတိုက်ရိုက်ထုတ်လွှင့်မှုတွေကို ဘယ်တော့မှမကြည့်တဲ့ လူတစ်ယောက်ပါ။ ဒါပေမယ့် ယဲ့ဆွေနဲ့ ချန်းယင်ကို ကြည့်ဖို့အတွက် အပ်ပလီကေးရှင်း တစ်ခုကို ငါ ဒေါင်းလုပ်လုပ်ပြီး သူတို့ကြားက တိုက်ပွဲကို ကြည့်ခဲ့တယ်။ အရင်အပိုင်းမှာတုန်းက ယဲ့ဆွေက အရမ်းအံသြစရာကောင်းတယ်။ သူမက ဒီတစ်ခါမှာလည်း အနိုင်ရသင့်တယ် " 

 "ဒါက သေချာပေါက်မမှန်ဘူး။ ချန်းယင်က မကြာခင်က သူမနှလုံးသားတစ်ခုလုံးနဲ့ ချက်ပြုတ်တာကို သင်ယူနေတယ်လို့ ငါကြားတယ်။   သူမကို လူကြိုက်များမှုကအရမ်းမြင့်ပြီး အနိုင်ရဖို့အခွင့်အလမ်းကလည်း တော်တော်လေး ကောင်းတယ်။ " 

 ရိုက်ကူးသည့် နေရာတွင် ဒါရိုက်တာက ၎င်းတို့အားတာဝန်တစ်ခုပေးခဲ့သည်။ ယဲ့ဆွေနဲ့ ချန်းယင်တို့ ဦး ဆောင်တဲ့ သရေစာဆိုင်နှစ်ခုက တစ်နေ့အတွင်း ငွေများတဲ့သူက အနိုင်ဖြစ်သည်။  

 ထို့အပြင် အမြတ်အစွန်း၏ နောက်ဆုံးတွက်ချက်မှုအရစားနပ်ရိက္ခာ ကုန်ကျစရိတ်ကို နှုတ်လိမ့်မည်။ 

 အပေါ်ယံမှာ  စိတ်မ၀င်စားတဲ့ ပုံစံကိုပြထားတဲ့ ချန်းယင်က သူမစိတ်ထဲတွင် ဆူညံနေသည်။ ဤအစီအစဉ်အတွက် အချိန်ကြာမြင့်စွာ လေ့လာပြီးနောက်မှာ သူမက သစ်သီးပန်ကိတ်ကို လုပ်ရမှာလား?  

 ပရိုဂရမ်အဖွဲ့အနေဖြင့် ၎င်းတို့အတွက် ယနေ့ထည့်သွင်းထားသည့် အရာများကို ပြင်ဆင်ထားပြီးဖြစ်သည်။ ဧည့်သည်များက ဘတ်စ်ကားပေါ်တက်ပြီး ပန်းခြံသို့သွားခဲ့ကြသည်။ 

 ယဲ့ဆွေနဲ့ ချန်းယင်တို့၏ ဆိုင်များကို လမ်း၏အစနှင့်အဆုံးတွင် အသီးသီးစီစဉ်ထားသည်။ ဤပန်းခြံသည်လူနေများပြီး လူနှင့်လူသွားလူလာများတဲ့ ရပ်ကွက်နားတွင်တည်ရှိသည်။ 

 ဝမ့်ရှောင် - "ငါတို့ဘယ်လိုမျိုး ထပ်ပြီးရောင်းလို့ရမလဲ"  

 ချန်းယင်က သူမအစောက စဉ်းစားမိတာကို အလွန်အေးဆေးတည်ငြိမ်စွာပြောခဲ့သည်။ “သူတို့ကိုပိုပြီး မြှင့်တင်ရမယ်။ အဲ့ဒီနည်းနဲ့ ဖောက်သည်တွေက ကျွန်မတို့ရဲ့  ပန်ကိတ်က ပိုကောင်းတာကိုသိလိမ့်မယ် ” 

 ချန်းယင်ရဲ့ စိတ်ထဲမှာရှိခဲ့တာက သူမဒီနေရာမှာ ပန်ကိတ် ရောင်းနေတယ်ဆိုတာကို ပရိသတ်တွေသိနေသမျှကာလပတ်လုံး သူတို့ပေါ်လာလိမ့်မည်။ 

 ယဲ့ဆွေရဲ့ အရင်အပိုင်းတွေကို ပိုပြီး ကြည့်လာလျှင်တောင်မှ သူမ(ယဲ့ဆွေ) လူကြိုက်များမှုက သူမထက်ပိုပြီးမြင့်နိုင်လို့လား? ချန်းယင်က ဒီပြိုင်ဆိုင်မှုအပေါ်ယုံကြည်မှုရှိသည်။ 

 ချန်းယင်က ခေါင်းကိုငုံ့လိုက်ပြီး အလုပ်စလုပ်ခဲ့သည်။ သူမလှုပ်ရှားမှုများက တိတိကျကျရှိခဲ့သည်။ သူမသည် ပန်ကိတ် ပြုလုပ်နေစဉ်တွင်ပင် မီးခိုးနှင့်မီးသည် သူမအသွင်အပြင်ကို မထိခိုက်စေခဲ့ပေ။ 

 နောက်ဆုံးတွင် ချန်းယင် အသင်းက လူသိရှင်ကြား ပြုလုပ်နိုင်ခဲ့သည်။ သူမသည် နိုင်ငံ၏ကောင်းမြတ်သော အချစ်ဦးမှ နားလည်မှုရှိသောဇနီးအဖြစ်သို့ ချောမွေ့စွာပြောင်းလဲသွားခဲ့သည်။ 

 ချန်းယင်ရဲ့ ပရိသတ်များက သူတို့နတ်ဘုရားမရဲ့ ချက်ပြုတ်တာကို မြင်ချိန်မှာ ပထမဆုံးအကြိမ်ငိုကြပြီး သွမ့်မုစခရင်ပေါ် ကျသွားသည်။ 

 "ချန်းယင်ရဲ့ သစ်သီးပန်ကိတ်တွေ ကြည့်ရတာ အရမ်းအရသာရှိမှာဘဲ!  ပြဇာတ်ရုံကနေ မီးဖိုချောင်အထိ သူမက လှပနေတုန်းပဲ။ ငါ သူမကို တကယ် လက်ထပ်ချင်ပြီး အိမ်ခေါ်ပြန်ချင်တယ် " 

 "အိုး ဒီနေ့အလုပ်သွားစရာမလိုဘူးဆိုရင် ငါဆိုင်ကိုသွားမှာပါ။ ငါ့ချန်းယင်က ငါ့ကိုနောက်တစ်ကြိမ်ထိ စောင့်လိမ့်မယ် " 

ပန်းခြံနားကတဲမှာ ချန်းယင်က ယောက်ျားလေး ဖန် တွေကို ဆွဲဆောင်နိုင်တဲ့ အစွမ်းထက်လှတဲ့ လှုပ်ရှားမှုတွေနဲ့ သစ်သီးပန်ကိတ်ကို လေးလေးနက်နက် လုပ်နေသည်။ 

 သစ်သီးပန်ကိတ်၀ယ်ဖို့ တန်းစီထားတဲ့ မျက်မှန်တပ်ထားတဲ့ ချောမောတဲ့ ကောင်လေးတစ်ယောက်က ချန်းယင်းကို ပြောခဲ့သည်။ “ ငါမင်းကို သုံးနှစ်ကြာအောင် အားပေးခဲ့တယ်” 

 ချန်းယင်က မော့ကြည့်ပြီး ချစ်စရာကောင်းတဲ့အပြုံးလေး ပေးခဲ့သည်။ "ကျေးဇူးပါ " 

ချန်းယင်အဖွဲ့က သစ်သီးပန်ကိတ်တွေကို ရောင်းရတာ ပိုပိုများလာတာနဲ့  သူတို့အနိုင်ရတော့မည်ဟုခံစားခဲ့ရသည်။ ရလဒ်အနေနှင့် သူတို့နိုးနိုးကြားကြားရှိမှုက အနည်းငယ်လျော့နည်းသွားသည်။ 

 အချိန်နည်းနည်းကြာပြီးနောက်မှာ တန်းစီနေတာက ပိုတိုလာသည်။ ဆိုင်ထဲမှာရှိတဲ့လူတွေက တစ်ခုခုမှားယွင်းနေတာကို ခံစားခဲ့ရသည်။ ဘာလို့ ၀ယ်သူက နည်းနည်းလာတာလဲ?  

 အခြားတစ်ဖက် ယဲ့ဆွေရဲ့ဆိုင်တွင်။ 

 ယဲ့ဆွေ၊ စုန့်ပိုင်နဲ့ ကောယွဲ့တို့ လူသုံးယောက်ရဲ့ လူကြိုက်များမှုက ချန်းယင် တစ်ယောက်တည်းလောက် မများလှပေ။ အစပိုင်း၌သူတို့တွင် ဖောက်သည်များစွာ မရှိဘဲ အများစုမှာအစီအစဉ်ပရိသတ်များသာ ဖြစ်သည်။ 

 ကောယွဲ့က သူ့ကြယ်ပွင့်အဆင့်ကို ဖြုတ်ချပြီး သူ့တာဝန်အတွက် အလွန်ကြိုးစားအားထုတ်ခဲ့သည်။ "အားလုံးပဲဒီကိုလာကြပါ ငါတို့ယဲ့ဆွေ ရဲ့သစ်သီးပန်ကိတ်တွေက အရမ်းအရသာရှိတယ်။ ထပ်ပြောရရင်  သူတို့ကအကောင်းဆုံးတွေဖြစ်ပါတယ်" 

 ယဲ့ဆွေက ကောယွဲ့ကို လှည့်ကြည့်မိလိုက်သည်။ သူမကမျက်ခုံးကို အနည်းငယ်ပင့်လိုက်ပြီး သူမနှုတ်ခမ်းထောင့်က အပေါ်တက်သွားခဲ့သည်။ “ အစီအစဉ်ရဲ့ ရလဒ်ကို နင်ဂရုမစိုက်ဘူးလား? ” 

 သူမခေါင်းကိုငုံကာ အလုပ်များနေသူဖြစ်သည်။ သွမ့်မု စခရင်မှာ ရယ်မောတာတွေနဲ့ ပြည့်နေပြီ။ 

 "ယဲ့ဆွေရဲ့ သစ်သီးပန်ကိတ်ကဘာလဲ ဟားဟား၊ ငါ့ကိုပြောပြပါလား?  ယဲ့ဆွေနဲ့ ကောယွဲ့ တို့အကြားက ဆက်ဆံရေးတိုးတက်လာလားဆိုတာ?  " 

 "သူတို့က အရင်အပိုင်းတွေ တစ်လျှောက်လုံးမှာ တစ်ဦးနဲ့တစ်ဦး ဆက်သွယ်မှုမလုပ်ခဲ့ကြဘူး။ အရင်ထင်မြင်ယူဆချက်တွေထဲမှာ အမှန်တရားတချို့ရှိနေတယ်။" 

 "ပရိုဂရမ်ကို ကောင်းကောင်းကြည့်ရုံနဲ့ အဓိပ္ပါယ်မရှိတဲ့ခေါင်းစဉ်မစဘူး။ အကယ်လို့ သူတို့ရဲ့ပရိသတ်တွေက သွမ့်မုစခရင်ပေါ်မှာ တစ်ဖက်နဲ့တစ်ဖက် ထပ်သတ်နေရင်ကော? " 

 စုန့်ပိုင်က ငွေစုဆောင်းဖို့ တာဝန်ရှိတာကြောင့် သူမကဆိုင်ထဲကိုကြည့်ပြီး စိုးရိမ်တကြီးမေးခဲ့သည်။ “အစ်မယဲ့ဆွေ ညီမတို့ ဘာလုပ်သင့်လဲ?  ” 

 ယဲ့ဆွေရဲ့ လုပ်ဆောင်မှုက ခေတ္တရပ်သွားသော်လည်း သူမမေးခွန်းကို မဖြေခဲ့ပေ။ သူမက ဝင်လာတဲ့ ဖောက်သည်များကို လိုက်ကြည့်မိသည်။ နောက်တစ်ယောက်က ငယ်ရွယ်တဲ့ ကောလိပ်ကျောင်းသားလေးဖြစ်သည်။ 

 သူမကောလိပ်ကျောင်းသားကို စက္ကန့်အတော်ကြာငေးကြည့်ရင်းနဲ့ ယဲ့ဆွေက လက်ထဲရှိနေတဲ့ ပန်ကိတ်ကို စက္ကန့်အတော်ကြာထိ မပေးမိခဲ့ပေ။ 

 ကောယွဲ့က ယဲ့ဆွေ အာရုံလွဲသွားတာကြောင့် သူမကိုသတိပေးခဲ့သည်။ “ ယဲ့ဆွေ ဖောက်သည်တွေက စောင့်နေတုန်းပဲ ” 

 နောက်တစ်စက္ကန့်မှာဘဲ ယဲ့ဆွေက ကောလိပ်ကျောင်းသားရှေ့ ကြီးမားတဲ့ လှုပ်ရှားမှုကိုပြုလုပ်ခဲ့သည်။ “ ငါဘာလို့ အတွေးတစ်ချို့ဝင်ခဲ့ရတာလဲ သိလား? " 

 "ဘာဖြစ်လို့လဲဆိုတော့ မင်းကိုတွေ့ချိန် ငါ့နှလုံးက လေထဲမှာရှိနေခဲ့တယ်"  

 သွမ့်မု စခရင်က ပေါက်ကွဲသွားခဲ့သည်! ယဲ့ဆွေက သိပ်ချိုလွန်းတယ်လို့ သူတို့ကမှတ်ချက်ချကာ ဖောက်သည်တွေကို ပိုဆွဲဆောင်နိုင်ဖို့ သူမကအရမ်းပြင်းပြင်းထန်ထန် တိုက်ခိုက်နေသည်။ ဒါပေမယ့် လှပတဲ့ ယဲ့ဆွေရဲ့ ချီးကျူးခံရတာကို ဘယ်သူမလိုချင်မှာလဲ?  

 ကောလိပ်ကျောင်းသားလေးက ဆိုင်ထဲက ထွက်ခွာသွားပြီးနောက် ဝေ့ပေါ်မှာချက်ချင်းတင်ခဲ့သည်။ [သရေစာဆိုင်ကို Check-in ဝင်ပါ!  ယခု ယဲ့ဆွေက ငါ့ကို ကောင်းမွန်တဲ့ ယောက်ျားတစ်ယောက်လို့ ချီးမွမ်းခဲ့တယ် !] 

 ပရိုဂရမ်၏ ကျော်ကြားမှုကို အခွင့်ကောင်းယူပြီးကောလိပ်ကျောင်းသားရဲ့ ဤ ဝေ့ပေါ် အကောင့်က ကျော်ကြားလာသည်။ hash tag # ယဲ့ဆွေရဲ့ ချီးမွမ်းခြင်းကလည်းပေါ်လာသည်။ 

 ဝေ့ပေါ်ကိုမြင်တွေ့ခဲ့သူများက ယဲ့ဆွေရဲ့ ဆိုင်ရှေ့တွင်တန်းစီစောင့်ဆိုင်းနေကြသည်။ သူတို့က သစ်သီးပန်ကိတ်များကို ဝယ်ယူရန်လာရောက်တာလဲ ဖြစ်နိုင်သလို ယဲ့ဆွေက ၎င်းတို့အားမည်သို့ပုံဖော်မလဲဆိုတာကို ကြားချင်ကြတာလဲ ဖြစ်နိုင်သည်။ 

ချောမွတ်တဲ့မိတ်ကပ်နှင့်အတူ တရုတ်အဝတ်အစား ဝတ်ထားခဲ့တဲ့ညီမလေးက ယဲ့ဆွေကို  ကိုပြုံးပြခဲ့သည်။ 

 ယဲ့ဆွေက နှုတ်ခမ်းများ ပြုံးနေခဲ့သည်။ "ကြယ်ပွင့်တွေကို လှပတယ်လို့ ပြောနေတဲ့လူတွေက မင်းရဲ့မျက်လုံးတွေကို မမြင်ခဲ့ရဘူး " 

 ဆယ်ကျော်သက် အထက်တန်းကျောင်းသားတွေက ကျောင်းဝတ်စုံများနှင့် ဆံပင်ကို စည်းထားဆဲဖြစ်သည်။ ကျောင်းပြီးချင်း ယဲ့ဆွေရဲ့ဆိုင်ရှေ့ကို လာတန်းစီရပ်နေခဲ့တာဖြစ်သည်။ 

 ယဲ့ဆွေက နွေးထွေးစွာပြုံးပြီး "ကြီးပြင်းလာဖို့ ဘာစားခဲ့တာလဲ? " 

 အထက်တန်းကျောင်းသူလေးက မည်သို့ဖြေဆိုရမည်ကို မသိတာကြောင့် ခေါင်းခါခဲ့သည်။ 

 ယဲ့ဆွေက သူမကို ပန်ကိတ် ပေးပြီး ရှေ့ကိုအနည်းငယ်တိုးလိုက်သည်။ သူမရဲ့အသံကပျော့ပျောင်းနေသည်။ "ငါတော့ ဒါကအရသာရှိမယ်ထင်တယ်" 

 ယဲ့ဆွေရဲ့လှုပ်ရှားမှုကြောင့် အင်တာနက်သုံးစွဲသူတွေက ရှောခ်ရသွားပြီး ရလဒ်အနေနဲ့ ရယ်သံများစွာနဲ့ သွမ့်မုစခင်ကိုဖြစ်ပေါ်လာစေခဲ့သည်။ 

 "ဟဟားဟား၊ ငါရယ်ရလို့ သေတော့မယ်!  ယဲ့ဆွေရဲ့ ဒီလှုပ်ရှားမှုက  ဘယ်လိုပေါ်လာတာလဲ? " 

 "ငါတကယ် စခရင်မှာ ရှိနေပြီး ငါ့ကိုချီးမွမ်းတဲ့ အလှတရားကို နားထောင်ချင်တယ်။ အဲ့ဒီလူတန်းတွေက ဘယ်လောက် မနာလိုဖြစ်စရာကောင်းတာလဲ!  ” 

ယဲ့ဆွေက ဘယ်သူ့ကိုမှ ကဲ့ရဲ့ရှုတ်ချတာမျိုး မလုပ်ပေ။ ယခင်က သူမလှုပ်ရှားခဲ့တာကြောင့် ကောယွဲက  အစီအစဉ်မှာ အရှက်တကွဲဖြစ်ခဲ့ရပြီး တစ်စုံတစ်ယောက်က သူမကိုနှိုးဆွလာသည့်အခါမှသာ သူမပါးစပ်ကိုဖွင့်ခဲ့သည်။ 

 ချန်းယင်က အချိန်ကာလနှင့်အညီ လိုက်လျောညီထွေဖြစ်ခြင်းရဲ့ အဓိပ္ပာယ်ကိုမသိခဲ့ပေ။ ထို့အပြင် သူမသည်ယဲ့ဆွေရဲ့ စစ်မှန်သောကိုယ်ရည်ကိုယ်သွေးကို မည်သို့တည်ဆောက်ရမည်ကို လေ့လာလိုခဲ့သည်။ ဒါပေမယ့် ယဲ့ဆွေက ၎င်းကိုအစောပိုင်းက ဖော်ပြခဲ့ခြင်းမရှိခဲ့ပေ။ 

 'သူမဘယ်လိုလုပ်နိုင်မှာလဲ?  ဒီ ရသစုံရှိုးမှာဒီလိုမျိုးကစားနိုင်သေးတာလား? ' 

 အစီအစဉ်ကိုကြည့်နေစဉ် ပရိသတ်ကသူတို့ရဲ့ စိတ်နှလုံးကို ရယ်ကြပြီး တစ်ချိန်တည်းမှာပင် သူတို့သည် ယဲ့ဆွေကို ယခင်က နားလည်မှုလွဲခဲ့ဖူးတာကိုလည်း နက်နက်ရှိုင်းရှိုင်း ခံစားခဲ့ရသည်။ 

 ယဲ့ဆွေက သူ့ကိုယ်သူသဘာဝကျကျ ပြသခဲ့ခြင်းသာဖြစ်သည်။ ဒါကဇာတ်ညွှန်းမဟုတ်ဘူး။ သူမဇာတ်ကောင်က တစ်နေ့ပြီးတစ်နေ့ ပြောင်းလဲသွားသည်။ ဆိုလိုတာက သူမလုံးဝ ဇာတ်ညွှန်း မသုံးခဲ့ဘူး!