အပိုင်း ၆၄

လျို့ဝှက်သောသူကြွယ်၏ ချစ်ဇနီးလေး

အပိုင်း ၆၄ - မသင်္ကာမှု

ဟွာရွေ့ အဆောက်အဦး၌

 ချန်ရှု့က ယဲ့ဆွေရဲ့ စာချုပ်ပါ စည်းကမ်းချက်များကို စစ်ဆေးနေသည်။ သူက ဟွာရွေ့နှင့်စာချုပ်ချုပ်သည့်အခါ သူမအတွက်အကောင်းဆုံး ဦးစားပေးမှုကို ရရှိဖို့ သေချာစေရန် ၎င်းကိုသေသေချာချာ စီစစ်ခဲ့သည်။

"ဒီရှယ်ယာက နည်းလွန်းတယ်" လို့ ချန်ရှု့က မျက်မှောင်ကြုတ်လျက်ပြောခဲ့သည်။

ချန်ရှု့က ခေါင်းကိုခါလိုက်သည်။  “အဲ့တာကို ၉ : ၁ နဲ့စီစဉ်လိုက်၊ ယဲ့ဆွေကို ၉၊ ငါတို့က ၁”

ဝမ်ချွမ်း ကြက်သေသေသွားသည်။  'အရင်တုန်းက ဒီလိုမျိုးတစ်ခါမှ မရှိခဲ့ဖူးဘူး။  ဒီအချိန်မှာ သူတို့ကအနုပညာရှင်တစ်ယောက်ကို လက်မှတ်မထိုးဘူး၊ ဒါပေမယ့် အနာဂတ်မှာ လေဒီဘော့စ် ဖြစ်နိုင်တယ်မဟုတ်လား?'

“သူဌေး၊ စာချုပ်ကို အဲ့လိုမျိုး ပြောင်းလဲလိုက်ရင် ယဲ့ဆွေ ထူးဆန်းသလိုခံစားသွားရလိမ့်မယ်မလား? ဖိန်နင်ရဲ့ ၇: ၃ စံနမူနာကိုလိုက်နာတာက ပိုကောင်းတယ် ”

ချန်ရှု့က အနည်းငယ် တွန့်ဆုတ်နေသော်လည်း ယဲ့ဆွေရဲ့ စိုးရိမ်မှုများကို စဉ်းစားလိုက်ပြီး ဝမ်ချွမ်းပြောတာကိုသာ သူသဘောတူနိုင်သည်။

ချန်ရှု့က နောက်ထပ်အပိုဒ်တစ်ခုကို ထပ်ဖြည့်လိုက်သည်။ “နောက်တစ်ခေါက် အားလပ်ရက်အတွက်၊ လဝက် - မဟုတ်ဘူး၊ တစ်လထပ်ထည့်လိုက် ”

ဝမ်ချွမ်းက သူ့ရဲ့ယူနန်ခရီးစဉ်ကို စဉ်းစားလိုက်မိသောအခါ ငါတို့ရဲ့ဥက္ကဌက သူ့ရဲ့တစ်ကိုယ်ကောင်းဆန်တဲ့ အကြောင်းပြချက်တွေနဲ့ ယဲ့ဆွေကို အားလပ်ရက်တွေပေးဖို့ စဉ်းစားနေတာလား?

 ဝမ်ချွမ်းက ယဉ်ကျေးစွာဖြင့် ပြောလိုက်သည်။ “လူသစ်တစ်ယောက်အနေနဲ့  ထိတွေ့မှုက အရေးအကြီးဆုံးအရာဖြစ်တယ်။  တစ်လက အရမ်းမကြာဘူးလား?”

ချန်ရှု့ တွေးတောဆင်ခြင်လိုက်ပြီး နောက်တဖန် တွန့်ဆုတ်စွာနဲ့ ခေါင်းညိတ်လိုက်ကာ အချိန်ကိုထက်ဝက်လျှော့ချခဲ့သည်။

ချန်ရှု့က ဝမ်ချွမ်းအား အကြောင်းအရာများစွာကို ပြောကြားခဲ့သည်။ ဥပမာ ယဲ့ဆွေ ရိုက်ကူးရေးလုပ်နေတဲ့ အတောအတွင်းမှာ သူမအတွက်အမြဲတမ်း လွတ်လပ်စွာလှုပ်ရှားနိုင်ဖို့ ကြော်ငြာတွေနဲ့ ထောက်ခံချက်တွေ အရမ်းအများကြီးကို လက်မခံဖို့က ပိုကောင်းတယ်ဆိုတာပေါ့။

ဥပမာအားဖြင့်၊ အရောင်းမြှင့်တင်မှုတစ်ခု ပြုလုပ်တဲ့အခါ သူတို့က ယဲ့ဆွေရဲ့ ဆန္ဒများကို ထည့်သွင်းစဉ်းစားသင့်တယ် အစရှိသဖြင့်ပေါ့။

စာချုပ်လုပ်ထုံးလုပ်နည်းတွင် ပါ၀င်ခဲ့သောဝမ်ချွမ်းက အကြောင်းအရာများအား မရေတွက်နိုင်အောင် ပြန်လည်ပြင်ဆင်ခဲ့ပြီး ချန်ရှု့က သူ့ရဲ့အလုပ်ကို စိတ်ကျေနပ်မှုဖြင့် ပြန်လည်စတင်ခဲ့သည်။

 ယဲ့ဆွေက ကုမ္ပဏီနှင့် စာချုပ်ချုပ်ဆိုဖို့ အချိန်အနည်းငယ်ယူလိမ့်မည်ဟု မူလကတည်းက ချန်ရှု့ထင်ခဲ့သည်။  မမျှော်လင့်ဘဲ ၀မ်ချွမ်းက မြန်မြန်ဆန်ဆန်လှုပ်ရှားလာပြီး သဘောတူညီချက် ထွက်ပေါ်လာသည်နှင့် သူက သူမအားကုမ္ပဏီလာဖို့ ဖုန်းဆက်ခေါ်ခဲ့သည်။

ချန်ရှု့ရဲ့ အသိပညာမပါဘဲ ယဲ့ဆွေက ဟွာရွေ့ ကုမ္ပဏီရဲ့ ဧည့်ကြိုစားပွဲကို ရောက်ရှိလာခဲ့သည်။  သူမလက်ခံရရှိခဲ့သော ဖုန်းခေါ်ဆိုမှုအရ သူမကဓာတ်လှေကားစီးပြီး သတ်မှတ်ထားသောနေရာသို့ သွားရမည်ဖြစ်သည်။

အခန်းထဲမှာ စီနီယာမန်နေဂျာ တိုင့်ကျီ က ယဲ့ဆွေကိုစောင့်နေပြီးဖြစ်သည်။  ဟွာရွေ့ကို သူမနှင့်စာချုပ်အသစ်ချုပ်ဆိုရာတွင် သူကကိုယ်စားပြုဖြစ်သည်။

"ဒါကစာချုပ်ပါ "  တိုင့်ကျီက စာရွက်စာတမ်းကို ယဲ့ဆွေထံသို့ တွန်းပို့လိုက်သည်။

ယဲ့ဆွေက သေသေချာချာဖတ်ကြည့်လိုက်သည်။ ဒါပေမယ့် သူမ များများဖတ်ကြည့်လေလေ တစ်ခုခုမှားနေပြီဆိုတာကို ပိုခံစားရလေဖြစ်လာသည်။ ' ပထမဆုံးက ရှယ်ယာပဲ။  သူမဟာဒီလောက်ကြီးမားတဲ့အချပ်ကို ရလိမ့်မယ်လို့ သူမ တစ်ခါမှမထင်ခဲ့မိဘူး။'

စာချုပ်ပါ စည်းကမ်းချက်များတွင် အနားယူချိန်၊ အနုပညာရှင်ရဲ့ ကိုယ်ပိုင်ဆန္ဒစသည်တို့ကိုလည်း သတ်မှတ်ထားသည်။ သူမလိုမျိုး လူသစ်ကိုအဲ့လိုမျိုး သဘောတူညီမှုကို ဘယ်လိုကမ်းလှမ်းနိုင်ရတာလဲ?

ယဲ့ဆွေ အနည်းငယ်မျက်မှောင်ကြုတ်ပြီး ချက်ချင်း လက်မှတ်မထိုးသေးပေ။

အခြေအနေတွေက သိပ်ပြီးမမှန်နေဘူး။  အကယ်၍ သူမကယခု ဟွာရွေ့၌ရှိနေပြီး ဖျော်ဖြေရေးနယ်ပယ်၌ အကောင်းဆုံး မန်နေဂျာနှင့် တွေ့ဆုံခဲ့ခြင်းကြောင့် မဟုတ်လျှင် သူမရှေ့တွင်ရှိသမျှက ထောင်ချောက်တစ်ခုဟု သူမ သံသယ ၀င်လိမ့်မည်။

 "ဒီအခြေအနေတွေက.........အမှန်လား? "

ယဲ့ဆွေ  မေးမြန်းသောအခါ တိုင့်ကျီက အလွန်အေးဆေးစွာနေခဲ့ပြီး သူ့ရဲ့မျက်နှာမှာ မပြောင်းလဲသွားခဲ့ပေ။  "ဟုတ်ပါတယ်"

သူနှင့် ချန်ရှု့တို့က နှစ်ပေါင်းများစွာ မိတ်ဆွေကောင်းများဖြစ်ခဲ့ကြသည်။ အမျိုးသမီးတစ်ဦးကို ချန်ရှု့အလွန်ဂရုစိုက်တယ်ဆိုတာက သူပထမဆုံးမြင်တွေ့ခဲ့ရတာဖြစ်သည်။ ချန်ရှု့က သူ့ပါးစပ်ကိုဖွင့်ဟလိုက်ပြီး သူ့ရဲ့စိုးရိမ်မှုတွေကို တိုင့်ကျီအားဝေမျှခဲ့သည်။ သူက ယဲ့ဆွေကို ဖျော်ဖြေရေးလောကမှာ အကျော်ကြားဆုံးမင်းသမီး သေချာပေါက်ဖြစ်လာအောင် လုပ်ပေးလိမ့်မည်။

၎င်းသည် အခြားသူတစ် ဦးဖြစ်လျှင်ပင် ယဲ့ဆွေရဲ့အရည်အချင်းများက အခြားနာမည်ကြီးတွေထက် များစွာသာလွန်ခဲ့ပြီး သူမရဲ့ကျော်ကြားမှုမှာ ယခုအချိန်တွင် အတော်လေးမြင့်မားလာခဲ့သည်။ အဲ့တာက သူ့အတွက် မခက်ခဲဘူး။

"မင်းရဲ့ပရိုဖိုင်က အရမ်းကောင်းတယ်။ ပြီးတော့ ကျွန်တော်တို့ကုမ္ပဏီက မင်းအတွက် ဒီလိုစီစဉ်မှုတွေလုပ်ဖို့ ထိုက်တန်ပါတယ်။ " တိုင့်ကျီက သူ့ဘောပင်ကို စာချုပ်ပေါ်မှာ တင်လိုက်သည်။  "မင်းလက်မှတ်ထိုးမယ်ဆိုရင် ကျွန်တော်တို့ရဲ့ ဘဏ္ဍာရေးအဖွဲ့က မင်းအတွက်အရာအားလုံးကို စီစဉ်ပေးလိမ့်မယ်"

ယဲ့ဆွေက ဦးနှောက်ဆေးကြောလုနီးပါးဖြစ်ခဲ့သည်။ယခုတော့ သူမဟာ ဒီလိုမျိုးဟော့နေတဲ့ အမျိုးသမီးအနုပညာရှင်တစ်ယောက်ဖြစ်နေလို့ ဟွာရွေ့ တောင် သူမကိုစောင့်ရှောက်ဖို့ အရမ်းကောင်းတဲ့အခြေအနေတွေ ကမ်းလှမ်းဖို့လိုခဲ့သည်။

ယဲ့ဆွေက ထိုအပြစ်ဆိုဖွယ်မရှိသော စာချုပ်တွင် သူမရဲ့အမည်ကို လက်မှတ်ရေးထိုးခဲ့သည်။

“ ပျော်ရွှင်စရာကောင်းတဲ့ ပူးပေါင်းဆောင်ရွက်မှုပဲ!  နောက်ပိုင်းကျရင် ရှင့်ကိုဒုက္ခပေးမိတော့မယ် ” ယဲ့ဆွေက တိုင့်ကျီကို ပြုံးပြလိုက်သည်။

တိုင့်ကျီက ယဲ့ဆွေနဲ့ ချန်ရှု့ အကြားအစစ်အမှန် ဆက်နွယ်မှုကို မသိခဲ့ပါ။  အခြားတစ်ဖက်တွင်မူ ယဲ့ဆွေက ကုမ္ပဏီတွင် ချန်ရှု့ကိုမတွေ့ရသဖြင့် ဥက္ကဌက အရမ်းကြင်နာတတ်တာပဲလို့ သူမ တွေးခဲ့သည်။

“ကုမ္ပဏီတစ်ဝိုက်ကို မင်းကိုပြသပေးဖို့ အတွက် ကျွန်တော် တစ်ယောက်ယောက်ကို ရှာလိုက်မယ် ”

စာချုပ်ကို တိုင့်ကျီ သို့မပေးမီ ဝမ်ချွမ်းက အထူးသဖြင့် သူနှင့်စကားပြောခဲ့သည်။ တကယ်လို့ ကုမ္ပဏီထဲမှာ ချန်ရှု့က ယဲ့ဆွေကို မြင်သွားခဲ့ရင် သူထိတ်လန့်သွားလိမ့်မည်ဟု ဝမ်ချွမ်းက သူ့အားပြောပြခဲ့သည်။

ယဲ့ဆွေက စိတ်ရှုပ်ထွေးနေတဲ့ဟန်ပန်ဖြင့် တိုင့်ကျီနောက်ကို လိုက်ခဲ့သည်။ ဒီထူးဆန်းတဲ့စာချုပ်ကနေ အခုထိ သူမ နားလည်သဘောပေါက်နိုင်တဲ့အရာ မရှိခဲ့ဘူး။

“ ဒါက ရုပ်ရှင်ရင်းနှီးမြှုပ်နှံမှုဆိုင်ရာမှာ ကျွမ်းကျင်တဲ့သူ ဝမ်ချွမ်း။ သူက မင်းကိုလိုက်ပြပေးလိမ့်မယ် ”

ဝမ်ချွမ်းက အပြင်ဘက်မှာ ထိုင်နေခဲ့သည်။  ချန်ရှု့ နဲ့ ယဲ့ဆွေတို့ တစ်ယောက်နဲ့တစ်ယောက် တွေ့ဆုံဖို့ကို သူ မစောင့်နိုင်ခဲ့ဘူး။ 'အဲ့အချိန်ကျရင် ငါ့သူဌေးက ငါ့ကိုကျေးဇူးတင်လိမ့်မယ်' ဝမ်ချွမ်းက သူ့စိတ်ထဲတွင် တွေးလိုက်သည်။

မဟုတ်ဘူး၊ ချန်ရှု့က ဒီကိုယ့်ဘာသာကိုယ် ကြေညာထားတဲ့ ဝမ်ချွမ်းကို လည်ပင်းညှစ်ပစ်ချင်လိမ့်မည်။

ယဲ့ဆွေက ဝမ်ချွမ်းကို သူမတစ်နေရာရာမှာ မြင်ဖူးနေသလိုလို အနည်းငယ်ရင်းနှီးနေသလိုလို ခံစားနေမိသည်။ သူမ ဝေရှီအုပ်စုသို့ သွားခဲ့တဲ့အချိန်မှာတုန်းက  ချန်ရှု့၊ ဝမ်ချွမ်းတို့နှင့် တွေ့ဆုံခဲ့ဖူးသည်။

သို့သော်ထိုအချိန်တွင် ယဲ့ဆွေရဲ့ ယင်စွမ်းအားက လေးလံလာပြီး သူမကိုယ်ခန္ဓာက အားနည်းသွားခဲ့ကာ သူမရဲ့မျက်လုံးတွေက ချန်ရှု့ကိုသာစူးစိုက်ကြည့်နေခဲ့သည်။ ဝမ်ချွမ်းက အဝေးမှာရှိနေပြီး သူမက အဲဒီဝေးကွာလှတဲ့ နေရာကို ကြည့်နေခဲ့သည်။

ယဲ့ဆွေက ဝမ်ချွမ်းရဲ့ ပုံရိပ်ကို မမှတ်မိနိုင်ဘဲ ဝမ်ချွမ်းမှာ သာမန်မျက်နှာရှိသည်ဟုသာ တွေးလိုက်သည်။

ဝမ်ချွမ်းက ယဲ့ဆွေကို ဓာတ်လှေကားဆီသို့ ဦးဆောင်ခေါ်သွားလိုက်ပြီး အပေါ်ဆုံးအထပ်ရှိ ခလုတ်ကိုတိုက်ရိုက် နှိပ်လိုက်သည်။ “ ဒါကဥက္ကဌချန်ရဲ့ ရုံးခန်းပါ။  ဥက္ကဌချန်က အလုပ်များနေနိုင်တယ်၊ ဒါကြောင့်မင်းသူ့ကိုတွေ့ရမှာတော့မဟုတ်ဘူး ”

ချန်ရှု့က သူ့ရဲ့တင်းကျပ်လွန်းသည့် အလုပ်များကြောင့် ကျော်ကြားပြီး အလုပ်မှာ အခြားအရာများကို လုပ်လိမ့်မည်မဟုတ်ကြောင်းကို ဝမ်ချွမ်းသိသည်။သို့သော်လည်း သူကယဲ့ဆွေကိုခေါ်ပြီး ရုံးခန်းအပြင်ဘက်သို့ လမ်းလျှောက်ထွက်လို့ရနိုင်သည်။

မည်သို့ပင်ဖြစ်စေ ချန်ရှု့ရဲ့ ရုံးခန်းတွင် တစ်ဖက်မြင် မှန်ပြတင်းပေါက်တစ်ခုရှိပြီး သူက အတွင်းဘက်ကနေ အပြင်ဘက်ကို မြင်နိုင်သည်။  သူယဲ့ဆွေကိုမြင်သောအခါ သူကယဲ့ဆွေနှင့်အတူ လမ်းလျှောက်ရန် အစပြုနိုင်သည်။  ထိုအချိန်တွင် ချန်ရှု့အလုပ်လုပ်နိုင်သေးတယ်ဆိုတာကို သူ မယုံဘူး။

တိုင့်ကျီနဲ့ ဝမ်ချွမ်း တို့ရဲ့ သစ္စာဖောက်မှုကိုခံရသော ချန်ရှု့က ခေါင်းငုံ့ကာ စားပွဲပေါ်မှစာရွက်စာတမ်းများကို ကြည့်နေခဲ့သည်။  ယဲ့ဆွေက အပေါ်ဆုံးထပ်ရှိ သူ့ရဲ့ရုံးခန်းသို့ ဓာတ်လှေကားစီးပြီးလာနေတယ်ဆိုတာကို သူ မသိခဲ့ပေ။

“ ဒါကကျွန်တော်တို့ရဲ့ ဥက္ကဌရုံးခန်းပါ ”  ဝမ်ချွမ်းက ချန်ရှု့ရဲ့ လမ်းကြောင်းကို ညွှန်ပြလိုက်သည်။

 ယဲ့ဆွေ ခေါင်းညိတ်လိုက်သည်။  ဝမ်ချွမ်းရဲ့ စိတ်အားထက်သန်သော သဘောထားကြောင့် သူမထိတ်လန့်သွားလုနီးပါးဖြစ်သွားခဲ့သည်။  ပါပါရာဇီး တွေတောင်  ဟွာရွေ့ဥက္ကဌရဲ့ ဓာတ်ပုံကိုမရိုက်နိုင်ခဲ့ပေမယ့် ဒီနေ့သူမက သူ့ကိုတကယ်မြင်နိုင်တော့မည်။

ဟွာရွေ့သို့၀င်ရင် ဤမျှလောက် များစွာသော အကျိုးကျေးဇူးများရှိတာလား?

ဝမ်ချွမ်းက သူ ယဲ့ဆွေရဲ့ အံ့အားသင့်တဲ့ အမူအရာကို မြင်ရလိမ့်မယ်လို့ ထင်ထားခဲ့သည်။  မမျှော်လင့်ဘဲ သူမကသူ့ကို ခပ်ဖျော့ဖျော့အပြုံးတစ်ခုသာ ပေးခဲ့သည်။

အဲဒါဘဲလား? ငါထင်ထားတာနဲ့ ဘာကြောင့် ဒီလောက်ကွာခြားရတာလဲ?

ဝမ်ချွမ်းက ယဲ့ဆွေကို ပြတင်းပေါက်ရှေ့မှာ စောင့်ခိုင်းထားလိုက်သည်။  ထို့နောက် ချန်ရှု့ အား သူမနှင့်တွေ့ချင်လားဟု သူမေးဖို့သွားခဲ့သည်။ ယဲ့ဆွေက နာခံမှုအပြည့်ဖြင့်သာ ရပ်နေပြီး ပတ်ပတ်လည်ကို မကြည့်ခဲ့ပေ။

ဝမ်ချွမ်း တံခါးကိုခေါက်လိုက်သည်။

“ဝင်လာခဲ့ပါ” ချန်ရှု့ ပြောလိုက်သည်။

ယဲ့ဆွေ ခြေလှမ်းများ အနည်းငယ်ရပ်တန့်သွားပြီး သူမသံသယကင်းစွာ နားထောင်ခဲ့သည်။ 'ဘာကြောင့်အဲ့တာက နည်းနည်းရင်းနှီးနေရတာလဲ?'  သို့သော် ချန်ရှု့ရဲ့အသံကို တံခါးမှတဆင့် ရှင်းရှင်းလင်းလင်း မကြားခဲ့ပေ။

 ဝမ်ချွမ်းက အထဲဝင်လာပြီး ဂုဏ်ယူဝံ့ကြွားစွာ ပြောလိုက်သည်။  “သူဌေး ကျွန်တော် ယဲ့ဆွေကို ခေါ်လာခဲ့ပါတယ်”သူက ယဲ့ဆွေမတ်တပ်ရပ်နေတဲ့ နေရာကို မှန်ပြတင်းပေါက်ကနေ  ညွှန်ပြလိုက်သည်။

ချန်ရှု့ ချက်ချင်း လှည့်ကြည့်လိုက်သည်။ ယဲ့ဆွေက အပြင်မှာစောင့်နေရင်း သူမဘယ်သူနဲ့တွေ့ရမယ်ဆိုတာကို စိတ်ကူးမရှိတဲ့ပုံရသည်။

“မင်း သူမကိုဘာလို့ဒီကိုခေါ်လာတာလဲ? ”  ချန်ရှု့က သူ့အသံကို မြင်သာသောဖိအားနှင့် လျှော့ချလိုက်သည်။

 သူက သူ့ရဲ့ချမ်းသာမှုတွေကို ယဲ့ဆွေကို မဝန်ခံရသေးဘူး။ ဟွာရွေ့ ရဲ့ ဥက္ကဌက သူဖြစ်နေတယ်ဆိုတာကို သူမရုတ်တရက် ရှာတွေ့သွားခဲ့ရင် သူမဒေါသထွက်သွားမှာလား?

ချန်ရှု့ရဲ့ တုံ့ပြန်မှုက ဝမ်ချွမ်း မျှော်လင့်ထားသည့်အတိုင်းမဟုတ်ပေ။ သူက ချန်ရှု့ရဲ့ လေသံအတိုင်း သူအသံကိုလျှော့ချလိုက်သည်။  “ ယဲ့ဆွေက စာချုပ်ချုပ်ပြီးသွားပြီ။  မင်းသူမကိုတွေ့ချင်လိမ့်မယ်လို့ ငါထင်ခဲ့တာ ”

“မင်းယဲ့ဆွေကို အိမ်ပြန်လွှတ်လိုက်တော့ ”  ချန်ရှု့က ချက်ချင်းပဲ သူ့ကိုယ်သူ အမှန်ပြန်ပြင်လိုက်သည်။  “ မဟုတ်ဘူး၊ မင်းသူမကို ဧည့်ကြို နေရာကိုခေါ်သွားလိုက်။ သူမ ငါ့ကိုမမြင်သွားစေနဲ့ ”

ဝမ်ချွမ်းက တစ်စုံတစ်ခုကို ရုတ်တရက် သတိမပြုမီ အချိန်အတော်ကြာ စဉ်းစားလိုက်ရသည်။

ဒီလူငယ်စုံတွဲဟာ တစ်ယောက်နဲ့တစ်ယောက် မရင်းနှီးသလိုဟန်ဆောင်ပြီး သရုပ်ဆောင်ရတာကြိုက်ပုံရသည်။  ' ငယ်တာကောင်းပါတယ် ' အသက် ၃၀ အောက်ရှိတဲ့ ဝမ်ချွမ်းက ဝမ်းနည်းလာသည်။

ဝမ်ချွမ်း ထွက်လာသောအခါသူက ယဲ့ဆွေ အား အကြောင်းပြချက်ပေးခဲ့သည်။  ယဲ့ဆွေ မျှော်လင့်ထားသည့်အတိုင်း သူမစိတ်သက်သာရာရသွားသည်။ ဤအခြေအနေမျိုးက ပုံမှန်ဖြစ်ခဲ့သည်။  ဟွာရွေ့ရဲ့ ဥက္ကဌက  ဘယ်လိုလုပ် စကားစမြည်ပြောပြီး တွေ့ဆုံနိုင်မှာလဲ?

ယဲ့ဆွေနဲ့ ဝမ်ချွမ်းတို့ ဓာတ်လှေကားထဲသို့ ၀င်သွားခဲ့ကြသည်။  သူတို့ပထမထပ်ကို မရောက်ခင်မှာ တစ်ယောက်ယောက်က ဝင်လာခဲ့သည် - ဖိန်နင်

ဖိန်နင်က ယဲ့ဆွေ ကိုမြင်သောအခါ သူမရဲ့အကြည့်က နစ်မြုပ်သွားခဲ့သည်။  ယဲ့ဆွေက ဟွာရွေ့ နဲ့စာချုပ်ချုပ်ခဲ့သည်။ အတွင်းဇာတ်လမ်းကို သိတဲ့လူတွေက သူမကိုတစ်ချို့အရာတွေကို ထုတ်ဖော်ပြခဲ့သည်။

ယဲ့ဆွေက ဟွာရွေ့နှင့် သဘောတူညီမှုကို လက်မှတ်ထိုးရုံတင်မကဘဲ သူမဟာအကောင်းဆုံး PR အဖွဲ့ကိုပါ တာဝန်ပေးအပ်ခြင်းခံရသည်။

ဖိန်နင်က ဤအဖွဲ့ကိုတောင့်တနေသည်မှာ ကြာခဲ့ပြီ။  သူမရဲ့ကျော်ကြားမှုက အထွတ်အထိပ်ရောက်နေတဲ့အချိန်မှာတောင် သူမကိုစီမံခန့်ခွဲဖို့ တိုင့်ကျီကိုလိုချင်ခဲ့တာကြောင့် တောင်းဆိုခဲ့ပေမယ့်လည်း အဲ့တာကိုအတည်မပြုခဲ့ပေ။

မထင်မှတ်ပဲ ယဲ့ဆွေက ယခုအချိန်တွင် ဤကောင်းမွန်သောပြုမူဆက်ဆံခြင်းကို ခံစားနိုင်သည်။

ဖိန်နင်ရဲ့ ကျိုးကြောင်းဆင်ခြင်မှုကို မနာလိုမှုဖြင့် မဖော်ပြနိုင်ပါ။ ယဲ့ဆွေက ဟွာရွေ့ရဲ့ အကြီးတန်းအကြီးအကဲနှင့် တစ်ခုခုရှိရမည်ဟု သူမမှန်ကန်စွာခန့်မှန်းခဲ့သည်။

ဖိန်နင် ထိုကဲ့သို့တွေးလိုက်သောအခါ သူမရဲ့မျက်နှာ၌ မကျေမနပ်မှုများက အချက်အလက်အချို့ကို ထုတ်ပြခဲ့သည်။  အနုပညာရှင်ကောင်းတစ်ဦး ဖြစ်လာရန် နှစ်ပေါင်းများစွာ ပျိုးထောင်ခံရခြင်းသည် သူမ၏ဒေါသကို ထိန်းချုပ်နိုင်အောင်လုပ်ဖို့ မတတ်နိုင်ခဲ့ပေ။ သူမက ဝမ်ချွမ်းကိုနှုတ်ဆက်ပြီး ယဲ့ဆွေကိုခေါင်းညိတ်ပြလိုက်သည်။

ဖိန်နင်ဟာ အရင်က သူတို့ရဲ့ဥက္ကဌကို မဆွဲဆောင်နိုင်ခဲ့ပေ။ သူ့ရဲ့မဆုတ်မနစ်တုံ့ပြန်မှုက သူမကိုနောက်ဆုတ်ဖို့ ဆွဲဆောင်ခဲ့သည်။ သူမက နောက်ထပ်အကောင်းဆုံးအရာအတွက်သာ အခြေချနိုင်ခဲ့သည် - ချီရှန်းနဲ့ ပြန်လည်ညှိနှိုင်းခြင်း။

နာမည်ကြီးမင်းသမီးတစ်ဦးနဲ့ ထိပ်တန်းစူပါစတားတစ်ဦးရဲ့ ပေါင်းစပ်မှုသတင်းထက် ပိုပြီးစိတ်လှုပ်ရှားစရာကောင်းတာက ဘာများရှိနိုင်ဦးမှာလဲ?

ဖိန်နင်မှာ စိတ်ကူးစိတ်သန်းကောင်းရှိသော်လည်း ချီရှန်းက သူမနှင့်စကားပြောမှာမဟုတ်ဘူးဆိုတာကို သူမဘယ်တုန်းကမှ မမျှော်လင့်ထားခဲ့ပေ။

ယဲ့ဆွေက ဖိန်နင်ရဲ့ တုံ့ပြန်မှုကိုမြင်လိုက်သည် - သူမက နွေးထွေးတဲ့ ခံစားချက်တွေကို ပြခဲ့ပေမယ့် အေးစက်တဲ့ ပြင်းထန်စွာအပြစ်တင်ခြင်းနဲ့ တွေ့ဆုံခဲ့ရသည်။ ဓာတ်လှေကားက မြေညီထပ်ကိုရောက်တာနဲ့ သူမက ဝမ်ချွမ်း ကိုနှုတ်ဆက်ပြီး ထွက်လာခဲ့သည်။

အခြားတစ်ဖက်တွင်မူ ချန်ရှု့က ယဲ့ဆွေ ထွက်သွားဖို့ကို စောင့်နေခဲ့သည်။  သူကချက်ချင်းပဲ အခြားဓာတ်လှေကားထဲသို့ ၀င်သွားပြီး အောက်ထပ်သို့ဆင်းလာခဲ့သည်။ သူကပြောင်းလဲနေတဲ့ အထပ်တွေကိုကြည့်ပြီး ပိုစိုးရိမ်လာသည်။

ကားပါကင်ကိုရောက်တာနဲ့ ချန်ရှု့က ကားဆီကိုအလျင်အမြန် လမ်းလျှောက်သွားလိုက်ပြီး ကားပါကင်ကနေ မောင်းထွက်လာခဲ့သည်။

ယဲ့ဆွေက အိမ်ကိုတက္ကစီနဲ့ပြန်ချင်ခဲ့သည်။  မမျှော်လင့်ဘဲ သူမ ဟွာရွေ့ အဆောက်အဦးကနေ လမ်းလျှောက်ထွက်လာပြီးတော့ သူမ အနောက်ကနေ ကားတစ်စီးက ဟွန်းတီးလာခဲ့သည်။

ယဲ့ဆွေ အနောက်ကို လှည့်ကြည့်လိုက်တော့ ယာဉ်မောင်းသူထိုင်ခုံ၌ထိုင်နေသော လူက ချန်ရှု့ဆိုတာကို မြင်လိုက်ရသည်။

ယဲ့ဆွေချက်ချင်း ပြုံးလိုက်ပြီး ကားပေါ်တက်လိုက်သည်။  "တိုက်ဆိုင်လိုက်တာ။ ကျွန်မ ဟွာရွေ့ နဲ့ စာချုပ်ချုပ်လာခဲ့တာလေ "  ယဲ့ဆွေက ချန်ရှု့ရဲ့ ထွက်ပေါ်လာမှုကို တိုက်ဆိုင်မှုဟု အလိုအလျောက် မှတ်ယူခဲ့သည်။

ထို့နောက်သူမက ချန်ရှု့ကို သေသေချာချာကြည့်လိုက်ပြီး ရုတ်တရက် သူမက “ရှင် အားကစားရုံကို သွားထားတာလား? ရှင်ဘာလို့ဒီလောက်မောနေတဲ့ ပုံပေါက်နေတာလဲ? ”လို့စူးစမ်းခဲ့သည်။

ချန်ရှု့ရဲ့ အသက်ရှူသံက အနည်းငယ်စိတ်နေသည်။  ယခုချက်ချင်းပင် ယဲ့ဆွေနှင့်အမီလိုက်နိုင်ရန် သူကသူ့ရဲ့အရှိန်အဟုန်ကို အရှိန်မြှင့်တင်ခဲ့တာဖြစ်သည်။  အချိန်က တိုတောင်းလွန်းတာကြောင့် သူကအရှိန်မလျှော့ခဲ့ဘူး။

“ ကိုယ် ...... မင်းကို အိမ်ပြန်ခေါ်သွားချင်လို့လေ ”လို့ ချန်ရှု့က အမှန်အတိုင်းပြောလိုက်သည်။

ကံကောင်းထောက်မစွာနဲ့ ယဲ့ဆွေက အများကြီးမမေးခဲ့ဘူး။ အဲ့လိုမှမဟုတ်ရင် ချန်ရှု့က သူ့ကိုယ်သူတကယ်ပဲ ထုတ်ဖော်ပြမိသွားလိမ့်မည်။

အခုက နေ့လည်စာစားချိန်ဖြစ်သည်။  ချန်ရှု့က ယဲ့ဆွေ အား သူ့နာမည်အောက်၌ရှိသော အလွန်ကောင်းမွန်တဲ့ ကိုယ်ပိုင်လုံခြုံရေးရှိသော စားသောက်ဆိုင်တစ်ဆိုင်သို့ မောင်းပို့ခဲ့သည်။  ၎င်းသည် ယဲ့ဆွေရဲ့ ပုံရိပ်ကို ထုတ်ဖော်ပြောနိုင်မှာ မဟုတ်ပေ။

“ ဒီစားသောက်ဆိုင်က ကောင်းတယ်။ ”  ချန်ရှု့ က မီနူး ကို ယဲ့ဆွေဆီ ပေးလိုက်သည်။

ရန်ကျဲက ဒီစားသောက်ဆိုင်ကို ယဲ့ဆွေအား အကြံပေးခဲ့ပေမယ့် သူမလာဖို့အခွင့်အရေးမရှိခဲ့ဘူး။  ယခုတော့ သူမက ဒီနေရာမှာ ချန်ရှု့နဲ့ ထမင်းစားနေသည်။

ဟင်းပွဲများ မှာယူပြီးတဲ့နောက်တွင် ယဲ့ဆွေက ချန်ရှု့ အား သူမရဲ့အတွေ့အကြုံကို ယခုမှစတင်ပြောပြခဲ့သည်။ “ဟွာရွေ့က နည်းနည်း ထူးဆန်းတယ်လို့ ကျွန်မထင်မိတယ်”

 “ထူးဆန်းတယ် ” ဆိုတဲ့စကားလုံးကို ကြားရသောအခါ ချန်ရှု့က သူ့ရဲ့စိတ်ဝိညာဉ်ကိုမြှင့်၍ရုတစိုက်နားထောင်လိုက်သည်။“ ဘာလို့ထူးဆန်းတာလဲ? ”

ယဲ့ဆွေက သူမပုခုံးကို တွန့်ပြလိုက်သည်။  “ ကျွန်မ ပြောလို့မရဘူး။  ဟွာရွေ့မှာ လူ (သို့) ငွေအနည်းငယ်ပဲ ရှိလို့လား? ဒီလောက်ကောင်းတဲ့ အကျိုးကျေးဇူးတွေနဲ့ ကျွန်မကိုလက်မှတ်ထိုးခိုင်းဖို့ လိုအပ်လို့လား? ”

သူမပြောတဲ့ သူ့မှာလူအနည်းငယ်သာရှိတယ်ဆိုတာကို ကြားလိုက်ရတဲ့အခါ ချန်ရှု့က အပြစ်ရှိသလို ခံစားလိုက်ရသည်။

ယဲ့ဆွေ က ဆက်ပြီး ပြောခဲ့သည်။ “ပြီးတော့ ကျွန်မ ဒီနေ့ ဟွာရွေ့ ရဲ့ဥက္ကဌ ချန်နဲ့ တွေ့လုနီးပါးပဲ။ ဒါကအတော်လေး တိုက်ဆိုင်မှုတစ်ခုဖြစ်သွားတယ်ဆိုတာ ရှင်သိလား။  ရှင်နဲ့ဥက္ကဌချန်တို့က မျိုးရိုးနာမည်ချင်းတူတယ်”

သူမရဲ့မလိုလားအပ်သော စကားများကြောင့် ချန်ရှု့ရဲ့ တူများက စားပွဲပေါ်သို့ ကျလုမတတ်ဖြစ်သွားခဲ့သည်။  သူက “ မင်းအားလပ်ရက်ရတဲ့အချိန်မှာ ကိုယ်တို့အလည်အပတ်သွားလို့ရတယ်နော် ” ဆိုတဲ့ခေါင်းစဉ်ကို အလျင်အမြန် ပြောင်းလိုက်သည်။

ယဲ့ဆွေက ခေါင်းညိတ်ပြချင်ခဲ့သည်။  နောက်တစ်စက္ကန့်တွင် သူမကချန်ရှု့ကို စူးစမ်းသောအကြည့်ဖြင့် ကြည့်လိုက်သည်။

“ကျွန်မမှာ အားလပ်ရက်ရှိတယ်ဆိုတာ ရှင်ဘယ်လိုသိတာလဲ? ”